51st Senior Women National Handball competition ’ਚ 27 ਮਹਿਲਾ ਖਿਡਾਰੀਆਂ ਦੀ ਚੋਣ
ਭਿਵਾਨੀ (ਸੱਚ ਕਹੂੰ ਨਿਊਜ਼)। ਆਂਧਰਾ ਪ੍ਰਦੇਸ਼ ਵਿੱਚ 26 ਤੋਂ 30 ਨਵੰਬਰ ਤੱਕ ਹੋਣ ਵਾਲੇ 51ਵੇਂ ਸੀਨੀਅਰ ਮਹਿਲਾ ਰਾਸ਼ਟਰੀ ਹੈਂਡਬਾਲ ਮੁਕਾਬਲੇ ਲਈ ਇੱਕ ਸਿਖਲਾਈ ਕੈਂਪ 11 ਨਵੰਬਰ ਤੱਕ ਜ਼ਿਲ੍ਹੇ ਦੇ ਪਿੰਡ ਕੌਂਟ ਵਿਖੇ ਲਗਾਇਆ ਜਾਵੇਗਾ। ਸਿਖਲਾਈ ਕੈਂਪ ਲਈ ਰਾਜ ਭਰ ਵਿੱਚੋਂ 27 ਮਹਿਲਾ ਖਿਡਾਰਨਾਂ ਦੀ ਚੋਣ ਕੀਤੀ ਗਈ ਹੈ, ਜਿਨ੍ਹਾਂ ਦੀ ਚੋਣ ਲਈ ਹਿਸਾਰ ਜ਼ਿਲ੍ਹੇ ਦੇ ਪਿੰਡ ਬਿਠਮਾਡਾ ਦੇ ਡੀਸੀਐਮ ਵਿਦਿਆਲਿਆ ਵਿੱਚ ਟਰਾਇਲ ਕਰਵਾਇਆ ਗਿਆ।
8 ਨਵੰਬਰ ਨੂੰ ਹਿਸਾਰ ਵਿੱਚ ਟਰਾਇਲ
ਇਹ ਜਾਣਕਾਰੀ ਦਿੰਦਿਆਂ ਹਰਿਆਣਾ ਰਾਜ ਹੈਂਡਬਾਲ ਸੰਘ ਦੇ ਜਨਰਲ ਸਕੱਤਰ ਸੰਦੀਪ ਕੌਂਟੀਆ ਨੇ ਦੱਸਿਆ ਕਿ 8 ਨਵੰਬਰ ਨੂੰ ਹਿਸਾਰ ’ਚ ਉਨ੍ਹਾਂ ਦੀ ਦੇਖ-ਰੇਖ ’ਚ ਟ੍ਰਾਇਲ ਕਰਵਾਇਆ ਗਿਆ। ਟਰਾਇਲ ਵਿੱਚ ਸੂਬੇ ਭਰ ਦੀਆਂ ਸੈਂਕੜੇ ਮਹਿਲਾ ਖਿਡਾਰਨਾਂ ਨੇ ਭਾਗ ਲਿਆ, ਜਿਨ੍ਹਾਂ ਵਿੱਚੋਂ 27 ਖਿਡਾਰਨਾਂ ਨੂੰ 51ਵੇਂ ਸੀਨੀਅਰ ਮਹਿਲਾ ਰਾਸ਼ਟਰੀ ਹੈਂਡਬਾਲ ਮੁਕਾਬਲੇ ਲਈ ਚੁਣਿਆ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਟਰੇਨਿੰਗ ਕੈਂਪ ਵਿੱਚ ਮਹਿਲਾਵਾਂ ਨੂੰ ਹੈਂਡਬਾਲ ਖੇਡ ਦੀਆਂ ਤਕਨੀਕਾਂ ਬਾਰੇ ਜਾਣਕਾਰੀ ਦਿੱਤੀ ਜਾਵੇਗੀ ਅਤੇ ਵਿਰੋਧੀ ਦੀਆਂ ਕਮੀਆਂ ਨੂੰ ਆਪਣੀ ਜਿੱਤ ਦਾ ਆਧਾਰ ਬਣਾ ਕੇ ਹੈਂਡਬਾਲ ਦੀਆਂ ਬਾਰੀਕੀਆਂ ਸਮਝਾਈਆਂ ਜਾਣਗੀਆਂ।
ਉਨ੍ਹਾਂ ਦੱਸਿਆ ਕਿ ਸਿਖਲਾਈ ਕੈਂਪ ਵਿੱਚ ਭਾਗ ਲੈਣ ਵਾਲੇ ਸਾਰੇ ਖਿਡਾਰੀਆਂ ਨੂੰ ਹੈਂਡਬਾਲ ਐਸੋਸੀਏਸ਼ਨ ਦੇ ਪ੍ਰਧਾਨ ਦਿਗਵਿਜੇ ਸਿੰਘ ਚੌਟਾਲਾ ਨੇ ਵਧਾਈ ਦਿੱਤੀ ਅਤੇ ਉਨ੍ਹਾਂ ਦੇ ਉਜਵਲ ਭਵਿੱਖ ਦੀ ਕਾਮਨਾ ਕੀਤੀ। ਇਸ ਮੌਕੇ ਐਸੋਸੀਏਸ਼ਨ ਦੇ ਖਜ਼ਾਨਚੀ ਸੁਰੇਸ਼ ਅਹਲਾਵਤ, ਡੀਐਸਓ ਪਲਵਲ ਧੁਰੇਂਦਰ ਹੁੱਡਾ, ਹੈਂਡਬਾਲ ਕੋਚ ਹਰੀਸਵਰੂਪ, ਪ੍ਰਮਿੰਦਰਾ, ਮਨਜੀਤ ਸਿੰਘ ਢਾਂਡਾ, ਸੁਰਿੰਦਰ, ਮਹਿਲਾ ਕੋਚ ਪੂਨਮ ਸੋਨੀਪਤ, ਦਫ਼ਤਰ ਸਕੱਤਰ ਪਰਮਵੀਰ ਸਿਵਾਚ ਆਦਿ ਹਾਜ਼ਰ ਸਨ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
