ਉੱਤਰੀ ਨਾਈਜੀਰੀਆ ’ਚ ਡਕੈਤਾਂ ਦੇ ਹਮਲੇ ’ਚ 32 ਦੀ ਮੌਤ
ਅਬੂਜਾ। ਨਾਈਜੀਰੀਆ ਦੇ ਉੱਤਰ-ਪੱਛਮੀ ਰਾਜ ਕਡੂਨਾ ਦੇ ਤਿੰਨ ਪਿੰਡਾਂ ਵਿੱਚ ਇਸ ਹਫ਼ਤੇ ਦੇ ਸ਼ੁਰੂ ਵਿੱਚ ਡਕੈਤਾਂ ਵੱਲੋਂ ਕੀਤੇ ਗਏ ਹਮਲੇ ਵਿੱਚ ਘੱਟੋ-ਘੱਟ 32 ਪਿੰਡ ਵਾਸੀ ਮਾਰੇ ਗਏ ਸਨ। ਇਕ ਸੀਨੀਅਰ ਅਧਿਕਾਰੀ ਨੇ ਵੀਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਵੀਰਵਾਰ ਨੂੰ ਜਾਰੀ ਇਕ ਬਿਆਨ ਵਿਚ, ਕਡੂਨਾ ਦੇ ਗਵਰਨਰ ਨਸੇਰ ਅਲ-ਰੁਫਾਈ ਨੇ ਕਿਹਾ ਕਿ ਸੁਰੱਖਿਆ ਏਜੰਸੀਆਂ ਦੀਆਂ ਰਿਪੋਰਟਾਂ ਤੋਂ ਪਤਾ ਚੱਲਿਆ ਹੈ ਕਿ ਐਤਵਾਰ ਨੂੰ ਰਾਜ ਦੇ ਕਾਜ਼ੂਰੂ ਸਥਾਨਕ ਸਰਕਾਰੀ ਖੇਤਰ ਦੇ ਡੋਗਨ ਨੋਮਾ, ਉਗਵਾਨ ਸਰਕੀ ਅਤੇ ਉਗਵਾਨ ਮਾਕੋਰੀ ਪਿੰਡਾਂ ’ਤੇ ਵੱਡੀ ਗਿਣਤੀ ਵਿਚ ਡਾਕੂਆਂ ਨੇ ਹਮਲਾ ਕੀਤਾ। ਗਵਰਨਰ ਦੇ ਬਿਆਨ ਵਿਚ ਕਿਹਾ ਗਿਆ ਹੈ, ‘‘ਹਮਲਿਆਂ ਤੋਂ ਬਾਅਦ 32 ਲੋਕਾਂ ਦੇ ਮਾਰੇ ਜਾਣ ਦੀ ਪੁਸ਼ਟੀ ਹੋਈ ਹੈ।’’
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
