27 ਰੂਸੀ ਡਿਪਲੋਮੈਟ ਜਨਵਰੀ ‘ਚ ਅਮਰੀਕਾ ਛੱਡਣਗੇ : ਐਂਟੋਨੋਵ
ਵਾਸ਼ਿੰਗਟਨ (ਏਜੰਸੀ)। ਅਮਰੀਕਾ ਵਿਚ ਰੂਸ ਦੇ ਰਾਜਦੂਤ ਅਨਾਤੋਲੀ ਐਂਟੋਨੋਵ ਨੇ ਕਿਹਾ ਹੈ ਕਿ 30 ਜਨਵਰੀ ਨੂੰ ਰੂਸ ਦੇ 27 ਡਿਪਲੋਮੈਟ ਅਮਰੀਕਾ ਛੱਡਣਗੇ। ਐਂਟੋਨੋਵ ਨੇ ਸੋਲੋਵੀਵ ਲਾਈਵ ਯੂਟਿਊਬ ਸ਼ੋਅ ਵਿੱਚ ਕਿਹਾ ਕਿ ਸਾਡੇ ਡਿਪਲੋਮੈਟਾਂ ਨੂੰ ਕੱਢਿਆ ਜਾ ਰਿਹਾ ਹੈ। ਅੱਗੇ 30 ਜਨਵਰੀ ਨੂੰ 27 ਲੋਕ ਆਪਣੇ ਪਰਿਵਾਰਾਂ ਸਮੇਤ ਸਾਨੂੰ ਛੱਡ ਕੇ ਜਾਣਗੇ ਅਤੇ 30 ਜੂਨ ਨੂੰ ਇੰਨੇ ਹੀ ਲੋਕ (ਕੂਟਨੀਤਕ) ਇੱਥੋਂ ਰਵਾਨਾ ਹੋਣਗੇ। ਐਂਟੋਨੋਵ ਨੇ ਕਿਹਾ ਕਿ ਡਿਪਲੋਮੈਟਾਂ ਦੇ ਜੀਵਨ ਸਾਥੀ ਉਨ੍ਹਾਂ ਦੀ ਮਾਨਤਾ ਖੋਹੇ ਜਾਂਦੇ ਨਜ਼ਰ ਆ ਰਹੇ ਹਨ, ਜਦਕਿ ਉਨ੍ਹਾਂ ਦੇ ਬੱਚੇ ਵੀਜ਼ਾ ਹਾਸਲ ਕਰਨ ਤੋਂ ਅਸਮਰੱਥ ਹਨ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
