World Athletics Championship: ਸਪੋਰਟਸ ਡੈਸਕ। ਵਿਸ਼ਵ ਐਥਲੈਟਿਕਸ ਚੈਂਪੀਅਨਸ਼ਿਪ ’ਚ ਜੈਵਲਿਨ ਥ੍ਰੋ ਮੁਕਾਬਲਾ ਸ਼ੁਰੂ ਹੋ ਗਿਆ ਹੈ। ਫਾਈਨਲ ਲਈ ਕੁਆਲੀਫਿਕੇਸ਼ਨ ਰਾਊਂਡ ਇਸ ਸਮੇਂ ਚੱਲ ਰਿਹਾ ਹੈ। ਕੁਆਲੀਫਿਕੇਸ਼ਨ ਰਾਊਂਡ ਵਿੱਚੋਂ ਚੋਟੀ ਦੇ 12 ਐਥਲੀਟ ਫਾਈਨਲ ਲਈ ਕੁਆਲੀਫਾਈ ਕਰਨਗੇ। ਭਾਰਤ ਦੇ ਨੀਰਜ ਚੋਪੜਾ ਤੇ ਪਾਕਿਸਤਾਨ ਦੇ ਅਰਸ਼ਦ ਨਦੀਮ ਐਕਸ਼ਨ ’ਚ ਹਨ। ਹਾਲਾਂਕਿ, ਮੌਜ਼ੂਦਾ ਚੈਂਪੀਅਨ ਨੀਰਜ ਨੇ ਆਪਣੀ ਪਹਿਲੀ ਕੋਸ਼ਿਸ਼ ’ਚ 84.85 ਮੀਟਰ ਦੇ ਸ਼ਾਨਦਾਰ ਥ੍ਰੋ ਨਾਲ ਵੀਰਵਾਰ ਨੂੰ ਜੈਵਲਿਨ ਫਾਈਨਲ ਲਈ ਕੁਆਲੀਫਾਈ ਕੀਤਾ। ਆਟੋਮੈਟਿਕ ਕੁਆਲੀਫਿਕੇਸ਼ਨ ਮਾਰਕ 84.50 ਮੀਟਰ ਸੀ, ਜੋ ਨੀਰਜ ਨੇ ਆਪਣੀ ਪਹਿਲੀ ਕੋਸ਼ਿਸ਼ ਵਿੱਚ ਪ੍ਰਾਪਤ ਕੀਤਾ। World Athletics Championship
ਇਹ ਖਬਰ ਵੀ ਪੜ੍ਹੋ : Punjab News: ਪੰਚਾਇਤ ਦਾ ਫੈਸਲਾ, ਬਰਨਾਲਾ ਦੇ ਇਸ ਪਿੰਡ ’ਚ ਬਾਹਰੀ ਲੋਕਾਂ ’ਤੇ ਪਾਬੰਦੀ
ਉਹ ਫਾਈਨਲ ਲਈ ਕਿਵੇਂ ਕੁਆਲੀਫਾਈ ਕਰਨਗੇ?
ਦੋਵਾਂ ਗਰੁੱਪਾਂ ਦੇ ਐਥਲੀਟਾਂ ਕੋਲ ਤਿੰਨ-ਤਿੰਨ ਕੋਸ਼ਿਸ਼ਾਂ ਹੋਣਗੀਆਂ। ਉਨ੍ਹਾਂ ਨੂੰ ਜਾਂ ਤਾਂ 84.50 ਮੀਟਰ ਕੁਆਲੀਫਿਕੇਸ਼ਨ ਮਾਰਕ ਨੂੰ ਪਾਰ ਕਰਨਾ ਪਵੇਗਾ ਜਾਂ ਉਨ੍ਹਾਂ ਸਾਰੇ ਐਥਲੀਟਾਂ ’ਚੋਂ ਚੋਟੀ ਦੇ 12 ’ਚ ਹੋਣਾ ਪਵੇਗਾ ਜੋ ਕੁਆਲੀਫਿਕੇਸ਼ਨ ਮਾਰਕ ਨੂੰ ਪਾਰ ਕਰਦੇ ਹਨ। ਉਦਾਹਰਣ ਵਜੋਂ, ਜੇਕਰ ਦੋਵਾਂ ਗਰੁੱਪਾਂ ਦੇ ਪੰਜ ਐਥਲੀਟ ਮਿਲਾ ਕੇ ਕੁਆਲੀਫਿਕੇਸ਼ਨ ਮਾਰਕ ਨੂੰ ਪਾਰ ਕਰਦੇ ਹਨ, ਤਾਂ ਬਾਕੀ ਐਥਲੀਟਾਂ ਵਿੱਚੋਂ ਸਭ ਤੋਂ ਵਧੀਆ ਮੰਨਿਆ ਜਾਵੇਗਾ, ਤੇ ਚੋਟੀ ਦੇ ਸੱਤ ਥ੍ਰੋਅਰ ਫਾਈਨਲ ਲਈ ਕੁਆਲੀਫਾਈ ਕਰਨਗੇ।
ਵੀਰਵਾਰ ਨੂੰ ਖੇਡਿਆ ਜਾਵੇਗਾ ਫਾਈਨਲ ਮੁਕਾਬਲਾ
ਜਿਹੜੇ 84.50 ਮੀਟਰ ਦੇ ਆਟੋਮੈਟਿਕ ਕੁਆਲੀਫਿਕੇਸ਼ਨ ਮਾਰਕ ਨੂੰ ਪਾਰ ਕਰਦੇ ਹਨ ਜਾਂ ਸਿਖਰਲੇ 12 ਵਿੱਚ ਸਥਾਨ ਪ੍ਰਾਪਤ ਕਰਦੇ ਹਨ, ਉਹ ਵੀਰਵਾਰ ਨੂੰ ਹੋਣ ਵਾਲੇ ਫਾਈਨਲ ’ਚ ਪਹੁੰਚਣਗੇ। ਪਿਛਲੇ ਐਡੀਸ਼ਨ ’ਚ, ਨੀਰਜ ਨੇ 88.17 ਮੀਟਰ ਦੇ ਥਰੋਅ ਨਾਲ ਸੋਨ ਤਗਮਾ ਜਿੱਤਿਆ ਸੀ, ਜਦੋਂ ਕਿ ਅਰਸ਼ਦ ਨੇ 87.82 ਮੀਟਰ ਨਾਲ ਚਾਂਦੀ ਤੇ ਵਾਡਲੇਚ ਨੇ 86.67 ਮੀਟਰ ਨਾਲ ਕਾਂਸੀ ਦਾ ਤਗਮਾ ਜਿੱਤਿਆ ਸੀ। World Athletics Championship
