ਚੰਡੀਗੜ੍ਹ (ਸੱਚ ਕਹੂੰ ਨਿਊਜ਼)। Weather Update : ਬੁੱਧਵਾਰ ਨੂੰ ਮਾਨਸੂਨ ਦਾ ਪਹਿਲੀ ਮੀਂਹ ਹਰਿਆਣਾ ਦੇ ਛੇ ਜਿ਼ਲ੍ਹਿਆਂ ਨੂੰ ਤਰ ਕਰ ਗਿਆ। ਬੁੱਧਵਾਰ ਸਵੇਰੇ ਜੀਂਦ, ਸਫੀਦੋਂ, ਜੁਲਾਣਾ, ਬਰਵਾਲਾ, ਹਾਂਸੀ, ਨਾਰਨੌਂਦ, ਭਿਵਾਨੀ, ਮੁੰਢਾਲ ਬਵਾਨੀਖੇੜਾ, ਤੋਸ਼ਾਮ, ਰਾਜੌਂਦ, ਮਹਿਮ, ਲਾਖਨਮਾਜਰਾ, ਕਲਾਨੌਰ, ਕੋਸਲੀ, ਚਰਖੀ ਦਾਦਰੀ ਤੇ ਝੱਜਰ ਦੀਆਂ ਕੁਝ ਥਾਵਾਂ ‘ਤੇ ਮੀਂਹ ਪਿਆ। ਹਾਲਾਂਕਿ ਸਰਸਾ, ਫਤਿਹਾਬਾਦ, ਰੋਹਤਕ, ਪਾਣੀਪਤ ਤੇ ਐੱਨਸੀਆਰ ਏਰੀਆ ‘ਚ ਮੀਂਹ ਨਹੀਂ ਪਿਆ। ਮੀਂਹ ਨਾਲ ਜਿੱਥੇ ਲੋਕਾਂ ਨੇ ਗਰਮੀ ਤੋਂ ਰਾਹਤ ਪਾਈ ਉੱਥੇ ਹੀ ਸ਼ਹਿਰੀ ਇਲਾਕਿਆਂ ‘ਚ ਕਈ ਥਾਈਂ ਪਾਣੀ ਭਰਨ ਨਾਲ ਰਾਹਗੀਰਾਂ ਨੁੰ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪਿਆ। ਉੱਧਰ ਹਿਸਾਰ ਦੇ ਮਟਕਾ ਚੌਂਕ ‘ਤੇ ਤੇਜ਼ ਧਮਾਕੇ ਨਾਲ ਅਸਮਾਨੀ ਬਿਜਲੀ ਡਿੱਗ ਗਈ। ਮੀਂਹ ਤੇ ਤੇਜ਼ ਹਵਾਵਾਂ ਚੱਲਣ ਨਾਲ ਹਰਿਆਣਾ ਦਾ ਔਸਤਨ 14 ਡਿਗਰੀ ਤਾਪਮਾਨ ਡਿੱਗਿਆ ਹੈ।
ਇਸ ਦੇ ਨਾਲ ਹੀ ਪੰਜਾਬ ਵਿੱਚ ਵੀ ਜਲਦੀ ਹੀ ਮਾਨਸੂਨ ਦੇ ਆਉਣ ਦੀ ਪੇਸ਼ਨਗੋਈ ਕੀਤੀ ਗਈ ਹੈ। ਦੱਸਿਆ ਗਿਆ ਹੈ ਕਿ ਅਗਲੇ ਦੋ ਦਿਨਾਂ ਦੌਰਾਨ ਪੰਜਾਬ ਵਿੱਚ ਮਾਨਸੂਨ ਦੀ ਆਮਦ ਹੋ ਸਕਦੀ ਹੈ। 28 ਤੇ 29 ਜੂਨ ਨੂੰ ਪੰਜਾਬ ਦੇ ਕਈ ਇਲਾਕਿਆਂ ਵਿੱਚ ਮੀਂਹ ਪੈਣ ਦੀ ਭਵਿੱਖਬਾਣੀ ਕੀਤੀ ਗਈ ਹੈ। ਇਸ ਦੇ ਨਾਲ ਹੀ 2 ਤੇ 3 ਜੁਲਾਈ ਨੂੰ ਵੀ ਮੀਂਹ ਪੈਣ ਦੀ ਉਮੀਦ ਪ੍ਰਗਟਾਈ ਜਾ ਰਹੀ ਹੈ। (Weather Update)
Also Read : ਸਰਕਾਰ ਇਨ੍ਹਾਂ ਪਰਿਵਾਰਾਂ ਨੂੰ ਦੇ ਰਹੀ ਐ ਪਲਾਟਾਂ ਦਾ ਤੋਹਫ਼ਾ, ਇਸ ਤਰ੍ਹਾਂ ਕਰੋ ਅਪਲਾਈ
ਤੁਹਾਨੂੰ ਦੱਸ ਦੇਈਏ ਕਿ ਅਗਲੇ 3-4 ਦਿਨਾਂ ਦੌਰਾਨ ਮਾਨਸੂਨ ਗੁਜਰਾਤ, ਮਹਾਰਾਸ਼ਟਰ, ਮੱਧ-ਪ੍ਰਦੇਸ਼, ਉੜੀਸਾ, ਗੰਗਾ ਤੱਟੀ ਪੱਛਮੀ ਬੰਗਾਲ ਦੇ ਕੁਝ ਹਿੱਸਿਆਂ, ਉਪ-ਹਿਮਾਲੀਅਨ ਪੱਛਮੀ ਬੰਗਾਲ ਦੇ ਬਾਕੀ ਹਿੱਸੇ, ਝਾਰਖੰਡ ਦੇ ਕੁਝ ਹਿੱਸੇ, ਕੁਝ ਹੋਰ ਹਿੱਸਿਆਂ ’ਚ ਪਹੁੰਚ ਜਾਵੇਗਾ। ਬਿਹਾਰ ਤੇ ਪੂਰਬੀ ਉੱਤਰ ਪ੍ਰਦੇਸ਼ ਦੇ ਕੁਝ ਹਿੱਸਿਆਂ ’ਚ ਇਸ ਦੇ ਅੱਗੇ ਵਧਣ ਦੀ ਸੰਭਾਵਨਾ ਹੈ, ਮੌਸਮ ਏਜੰਸੀ ਨੇ ਇਹ ਵੀ ਭਵਿੱਖਬਾਣੀ ਕੀਤੀ ਹੈ ਕਿ ਇਹ 27 ਜੂਨ ਤੋਂ ਉੱਤਰ-ਪੱਛਮੀ ਤੇ ਮੱਧ ਭਾਰਤ ’ਚ ਮਜ਼ਬੂਤ ਹੋਵੇਗਾ। ਆਈਐਮਡੀ ਦੀ ਭਵਿੱਖਬਾਣੀ ’ਚ ਕਿਹਾ ਗਿਆ ਹੈ ਕਿ ਇਸ ਮਿਆਦ ਦੇ ਦੌਰਾਨ, ਪੱਛਮੀ ਹਿਮਾਲੀਅਨ ਖੇਤਰ ਤੇ ਪੱਛਮੀ ਰਾਜਸਥਾਨ ਨੂੰ ਛੱਡ ਕੇ ਦੇਸ਼ ਦੇ ਜ਼ਿਆਦਾਤਰ ਹਿੱਸਿਆਂ ’ਚ ਬਾਰਿਸ਼ ਦੀ ਗਤੀਵਿਧੀ ਆਮ ਨਾਲੋਂ ਜ਼ਿਆਦਾ ਰਹਿਣ ਦੀ ਸੰਭਾਵਨਾ ਹੈ। (Weather Update)
ਲਾ ਨੀਨਾ ਲਿਆਵੇਗੀ ਮੀਂਹ | Weather Update
ਆਈਐਮਡੀ ਨੇ ਕਿਹਾ ਕਿ ਐਲ ਨੀਨੋ-ਦੱਖਣੀ ਓਸੀਲੇਸ਼ਨ ਸਥਿਤੀਆਂ ਵਰਤਮਾਨ ’ਚ ਪ੍ਰਚਲਿਤ ਹਨ, ਜਿਸ ’ਚ ਅਗਸਤ ਦੇ ਆਸ-ਪਾਸ ਅਲ ਨੀਨੋ ਦਾ ਵਿਕਾਸ ਹੋਣ ਦੀ ਸੰਭਾਵਨਾ ਹੈ, ਜੋ ਕਿ ਭੂਮੱਧ ਪ੍ਰਸ਼ਾਂਤ ਦਾ ਇੱਕ ਚੱਕਰਵਾਤੀ ਤਪਸ ਹੈ, ਜੋ ਕਿ ਭਾਰਤ ’ਚ ਆਮ ਤੌਰ ’ਤੇ ਇਸ ਦਾ ਕਾਰਨ ਬਣਦੀ ਹੈ ਇੱਕ ਕਮਜੋਰ ਮਾਨਸੂਨ ਸੀਜਨ, ਲਾ ਨੀਨਾ ਉਲਟ ਵਰਤਾਰਾ ਹੈ, ਜਿਸ ਕਾਰਨ ਭਾਰਤੀ ਉਪ ਮਹਾਂਦੀਪ ’ਚ ਵਧੇਰੇ ਬਾਰਸ਼ ਹੁੰਦੀ ਹੈ। ਮੌਸਮ ਵਿਗਿਆਨੀ ਐਮ ਰਾਜੀਵਨ ਦਾ ਕਹਿਣਾ ਹੈ ਕਿ ਮਾਨਸੂਨ ਫਿਰ ਤੋਂ ਸਰਗਰਮ ਹੋ ਰਿਹਾ ਹੈ, ਮਾਨਸੂਨ ਜੁਲਾਈ ਦੇ ਪਹਿਲੇ ਹਫਤੇ ਆ ਜਾਵੇਗਾ, ਸਾਨੂੰ ਅਗਲੇ 2-3 ਹਫਤਿਆਂ ਤੱਕ ਚੰਗੀ ਬਾਰਿਸ਼ ਦੀ ਉਮੀਦ ਕਰਨੀ ਚਾਹੀਦੀ ਹੈ।
Weather Update
ਆਮ ਨਾਲੋਂ ਜ਼ਿਆਦਾ ਮੌਨਸੂਨ ਬਾਰਿਸ਼ ਹੋਵੇਗੀ। ਲਾ ਨਾਨਾ ਦੇ ਕਾਰਨ ਅਗਸਤ ਵਿੱਚ ਸਾਨੂੰ ਆਮ ਨਾਲੋਂ ਵੱਧ ਮੀਂਹ ਦੀ ਉਮੀਦ ਕਰਨੀ ਚਾਹੀਦੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਮਾਨਸੂਨ ਦੀ ਪ੍ਰਗਤੀ ਲਗਭਗ ਨੌਂ ਦਿਨਾਂ ਤੱਕ ਰੁਕੀ ਹੋਈ ਸੀ, ਸ਼ਨਿੱਚਰਵਾਰ ਤੱਕ ਮਾਨਸੂਨ ਦੀ ਉੱਤਰੀ ਸੀਮਾ ਨਵਸਾਰੀ, ਜਲਗਾਓਂ, ਮੰਡਲਾ, ਪੇਂਡਰਾ ਰੋਡ, ਝਾਰਸੁਗੁੜਾ, ਬਾਲਾਸੋਰ, ਹਲਦੀਆ, ਪਾਕੁਰਸ ਸਾਹਿਬਗੰਜ ਅਤੇ ਰਕਸੌਲ ਤੋਂ ਹੋ ਕੇ ਲੰਘੀ। ਆਈਐਮਡੀ ਨੂੰ ਉਮੀਦ ਹੈ ਕਿ ਅਗਲੇ 3-4 ਦਿਨਾਂ ਵਿੱਚ ਮੌਨਸੂਨ ਉੱਤਰੀ ਅਰਬ ਸਾਗਰ, ਗੁਜਰਾਤ, ਮਹਾਰਾਸ਼ਟਰ, ਮੱਧ-ਪ੍ਰਦੇਸ਼, ਛੱਤੀਸਗੜ੍ਹ, ਉੜੀਸਾ, ਪੱਛਮੀ ਬੰਗਾਲ, ਝਾਰਖੰਡ, ਬਿਹਾਰ ਤੇ ਪੂਰਬੀ ਉੱਤਰ ਪ੍ਰਦੇਸ਼ ’ਚ ਅੱਗੇ ਵਧੇਗਾ।
