International Tea Day 2025: ਅੰਤਰਰਾਸ਼ਟਰੀ ਚਾਹ ਦਿਵਸ 21 ਮਈ ਨੂੰ ਮਨਾਇਆ ਜਾਂਦਾ ਹੈ, ਜਿਸਦਾ ਮੁੱਖ ਉਦੇਸ਼ ਚਾਹ ਦੇ ਉਤਪਾਦਨ, ਖਪਤ, ਅਤੇ ਸਿਹਤ ਲਾਭਾਂ ਬਾਰੇ ਜਾਗਰੂਕਤਾ ਪੈਦਾ ਕਰਨਾ ਹੈ। ਇਹ ਦਿਨ ਚਾਹ ਉਤਪਾਦਕ ਕਿਸਾਨਾਂ ਦੀ ਸਮੱਸਿਆਵਾਂ, ਨਿਰਪੱਖ ਵਪਾਰ, ਅਤੇ ਸਥਿਰਤਾ ਨੂੰ ਉਤਸ਼ਾਹਤ ਕਰਨ ਲਈ ਵੀ ਮਨਾਇਆ ਜਾਂਦਾ ਹੈ। 2005 ਵਿੱਚ ਪਹਿਲੀ ਵਾਰ ਇਹ ਦਿਨ 15 ਦਸੰਬਰ ਨੂੰ ਮਨਾਇਆ ਗਿਆ ਸੀ, ਪਰ 2019 ਵਿੱਚ ਸੰਯੁਕਤ ਰਾਸ਼ਟਰ ਨੇ 21 ਮਈ ਨੂੰ ਅਧਿਕਾਰਤ ਤੌਰ ‘ਤੇ ਚਾਹ ਦਿਵਸ ਮਨਾਉਣ ਦੀ ਮਾਨਤਾ ਦਿੱਤੀ।
ਭਾਰਤ, ਚੀਨ, ਸ੍ਰੀਲੰਕਾ, ਕੀਨੀਆ, ਅਤੇ ਯੂ.ਕੇ. ਵਰਗੇ ਚਾਹ ਉਤਪਾਦਕ ਦੇਸ਼ ਇਸ ਦਿਨ ਨੂੰ ਵਿਸ਼ੇਸ਼ ਤਰੀਕਿਆਂ ਨਾਲ ਮਨਾਉਂਦੇ ਹਨ। ਚਾਹ ਦੀ ਖੇਤੀ ਲੱਖਾਂ ਲੋਕਾਂ ਦੀ ਰੋਜ਼ੀ-ਰੋਟੀ ਦਾ ਸਰੋਤ ਹੈ, ਅਤੇ ਇਸ ਦਿਨ ਉਨ੍ਹਾਂ ਦੀ ਸਮੱਸਿਆਵਾਂ ਅਤੇ ਭਵਿੱਖ ‘ਤੇ ਚਰਚਾ ਕੀਤੀ ਜਾਂਦੀ ਹੈ 2025 ਵਿਚ ਇਸ ਦਿਵਸ ਦੀ ਥੀਮ ‘ਚਾਹ-ਇੱਕ ਸੰਸਾਰਿਕ ਪ੍ਰੇਰਣਾ’ ਹੈ, ਜੋ ਨੌਜਵਾਨ ਪੀੜ੍ਹੀ ਨੂੰ ਚਾਹ ਦੀਆਂ ਅਣਗਿਣਤ ਵਿਸ਼ੇਸ਼ਤਾਵਾਂ ਬਾਰੇ ਜਾਣਕਾਰੀ ਪ੍ਰਦਾਨ ਕਰਦੀ ਹੈ।
ਚਾਹ ਦਾ ਇਤਿਹਾਸ ਅਤੇ ਸੰਸਕਾਰੀ ਮਹੱਤਵ | International Tea Day 2025
ਚਾਹ ਦੀ ਪੈਦਾਇਸ਼ ਚੀਨ ਵਿਚ ਹੋਈ ਪਰ ਭਾਰਤ, ਸ੍ਰੀਲੰਕਾ, ਜਾਪਾਨ, ਅਤੇ ਯੂਕੇ ਵਰਗੇ ਦੇਸ਼ਾਂ ਨੇ ਇਸ ਨੂੰ ਆਪਣੇ ਵੱਖ-ਵੱਖ ਰੂਪਾਂ ਵਿੱਚ ਪਸੰਦ ਕੀਤਾ। ਭਾਰਤ ਵਿਚ ਅਸਾਮ, ਦਾਰਜਿਲਿੰਗ, ਅਤੇ ਨੀਲਗਿਰੀ ਦੀ ਚਾਹ ਸੰਸਾਰ ਭਰ ਵਿਚ ਪ੍ਰਸਿੱਧ ਹੈ। ਪੰਜਾਬ ਵਿਚ ਮਸਾਲਾ ਚਾਹ, ਅਦਰਕ ਚਾਹ ਅਤੇ ਤੁਲਸੀ ਚਾਹ ਲੋਕਾਂ ਵਿੱਚ ਬਹੁਤ ਪ੍ਰਚਲਿਤ ਹਨ। International Tea Day 2025
ਆਰਥਿਕ ਪ੍ਰਭਾਵ | International Tea Day 2025
ਚਾਹ ਲੱਖਾਂ ਕਿਸਾਨਾਂ ਦੀ ਆਰਥਿਕ ਰੋਟੀ-ਰੋਜ਼ੀ ਦਾ ਸਰੋਤ ਹੈ। ਚਾਹ ਉਦਯੋਗ ਵਿਸ਼ਵ ਸਤਰ ਉੱਤੇ ਰੁਪਏ ਵਿੱਚ ਅਰਬਾਂ ਦੇ ਲੈਣ-ਦੇਣ ਨੂੰ ਪ੍ਰਭਾਵਤ ਕਰਦਾ ਹੈ। ਪਾਠਸ਼ਾਲਾ ਅਤੇ ਦਫ਼ਤਰ ਵਿਚ ਇੱਕ ਕੱਪ ਚਾਹ ਤਾਜ਼ਗੀ ਅਤੇ ਉਤਸ਼ਾਹ ਪ੍ਰਦਾਨ ਕਰਦੀ ਹੈ।
Read Also : World Aids Vaccine Day 2025: ਐੱਚਆਈਵੀ ਸੰਕ੍ਰਮਣ ਤੋਂ ਮੁਕਤੀ ਵੱਲ ਕੌਮਾਂਤਰੀ ਯਤਨ
ਸਥਿਰਤਾ ਅਤੇ ਭਵਿੱਖ
ਚਾਹ ਦੀ ਖੇਤੀ ਨੂੰ ਜੈਵਿਕ ਖੇਤੀ, ਪਾਣੀ ਬਚਾਅ ਅਤੇ ਸਾਫ਼-ਸੁਥਰੇ ਉਤਪਾਦਨ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ। 2025 ਦੀ ਥੀਮ ‘ਚਾਹ-ਇੱਕ ਸੰਸਾਰਿਕ ਪ੍ਰੇਰਣਾ’ ਨਾਲ ਸੁਸਤਾਈ ਅਤੇ ਨਵੀਨਤਮ ਤਰੀਕਿਆਂ ਨੂੰ ਉਤਸ਼ਾਹਤ ਕੀਤਾ ਜਾ ਰਿਹਾ ਹੈ।
ਅੰਤਰਰਾਸ਼ਟਰੀ ਚਾਹ ਦਿਵਸ 2025
ਭਾਰਤ ਚਾਹ ਉਤਪਾਦਨ ਵਿੱਚ ਦੁਨੀਆ ਦਾ ਦੂਜਾ ਸਭ ਤੋਂ ਵੱਡਾ ਉਤਪਾਦਕ ਹੈ, ਜੋ 1350 ਮਿਲੀਅਨ ਕਿਲੋਗ੍ਰਾਮ ਚਾਹ ਉਤਪਾਦਨ ਕਰਦਾ ਹੈ। ਇਹ ਕਾਲੀ ਚਾਹ ਦਾ ਸਭ ਤੋਂ ਵੱਡਾ ਉਤਪਾਦਕ ਅਤੇ ਖਪਤਕਾਰ ਵੀ ਹੈ, ਜੋ ਵਿਸ਼ਵ ਦੀ ਕੁੱਲ ਚਾਹ ਖਪਤ ਦਾ 18% ਯੋਗਦਾਨ ਪਾਉਂਦਾ ਹੈ। ਚਾਹ ਨਿਰਯਾਤ ਦੇ ਮਾਮਲੇ ਵਿੱਚ ਭਾਰਤ 2024 ਵਿੱਚ 255 ਮਿਲੀਅਨ ਕਿਲੋਗ੍ਰਾਮ ਚਾਹ ਨਿਰਯਾਤ ਕਰਕੇ ਸ੍ਰੀਲੰਕਾ ਨੂੰ ਪਛਾੜ ਕੇ ਦੁਨੀਆ ਦਾ ਦੂਜਾ ਸਭ ਤੋਂ ਵੱਡਾ ਚਾਹ ਨਿਰਯਾਤਕ ਬਣ ਗਿਆ ਹੈ। ਕੀਨੀਆ ਹਾਲੇ ਵੀ ਸਭ ਤੋਂ ਵੱਡਾ ਨਿਰਯਾਤਕ ਬਣਿਆ ਹੋਇਆ ਹੈ। International Tea Day 2025
ਭਾਰਤੀ ਚਾਹ ਉਦਯੋਗ ਵਿੱਚ 1.16 ਮਿਲੀਅਨ ਲੋਕ ਰੋਜ਼ਗਾਰ ਪ੍ਰਾਪਤ ਕਰਦੇ ਹਨ, ਜਦਕਿ 2.30 ਲੱਖ ਛੋਟੇ ਚਾਹ ਉਤਪਾਦਕ ਇਸ ਉਦਯੋਗ ਨਾਲ ਜੁੜੇ ਹੋਏ ਹਨ। ਅਸਾਮ, ਦਾਰਜੀਲਿੰਗ, ਅਤੇ ਨੀਲਗਿਰੀ ਭਾਰਤ ਦੇ ਪ੍ਰਮੁੱਖ ਚਾਹ ਉਤਪਾਦਕ ਖੇਤਰ ਹਨ। ਭਾਰਤ 25 ਤੋਂ ਵੱਧ ਦੇਸ਼ਾਂ ਨੂੰ ਚਾਹ ਨਿਰਯਾਤ ਕਰਦਾ ਹੈ, ਜਿਸ ਵਿੱਚ ਯੂ.ਏ.ਈ., ਇਰਾਕ, ਈਰਾਨ, ਰੂਸ, ਅਮਰੀਕਾ, ਅਤੇ ਯੂ.ਕੇ. ਸ਼ਾਮਲ ਹਨ।
ਕਿਸਾਨਾਂ ਦੀ ਸਥਿਤੀ | International Tea Day 2025
ਭਾਰਤ ਵਿੱਚ 2.30 ਲੱਖ ਛੋਟੇ ਚਾਹ ਉਤਪਾਦਕ ਹਨ, ਜੋ ਚਾਹ ਉਦਯੋਗ ਦੇ ਇੱਕ ਮਹੱਤਵਪੂਰਨ ਹਿੱਸਾ ਹਨ। ਸਿੰਚਾਈ, ਮੌਸਮੀ ਤਬਦੀਲੀਆਂ ਅਤੇ ਕੀੜਿਆਂ ਦੇ ਹਮਲੇ ਕਾਰਨ ਉਤਪਾਦਨ ਪ੍ਰਭਾਵਿਤ ਹੋ ਰਿਹਾ ਹੈ। ਚਾਹ ਬੋਰਡ ਨੇ 352 ਸਵੈ-ਸਹਾਇਤਾ ਸਮੂਹ, 440 ਕਿਸਾਨ ਉਤਪਾਦਕ ਸੰਗਠਨ ਅਤੇ 17 ਕਿਸਾਨ ਉਤਪਾਦਕ ਕੰਪਨੀਆਂ ਦੀ ਸਥਾਪਨਾ ਕਰਕੇ ਉਨ੍ਹਾਂ ਦੀ ਸਮਰੱਥਾ ਵਧਾਉਣ ਦੀ ਕੋਸ਼ਿਸ਼ ਕੀਤੀ ਹੈ।
ਸਥਿਰਤਾ
ਜੈਵਿਕ ਖੇਤੀ, ਪਾਣੀ ਬਚਾਵ ਅਤੇ ਨਿਰਮੀਲ ਉਤਪਾਦਨ ਵੱਲ ਧਿਆਨ ਦਿੱਤਾ ਜਾ ਰਿਹਾ ਹੈ। ਉੱਤਰੀ ਬੰਗਾਲ ਅਤੇ ਅਸਾਮ ਵਿੱਚ ਤਾਪਮਾਨ ਵਧਣ ਅਤੇ ਘੱਟ ਬਾਰਿਸ਼ ਕਾਰਨ ਚਾਹ ਦੀ ਫਸਲ ’ਤੇ ਮਾੜਾ ਪ੍ਰਭਾਵ ਪੈ ਰਿਹਾ ਹੈ। ਸਿੰਚਾਈ ਬੁਨਿਆਦੀ ਢਾਂਚੇ ਨੂੰ ਵਧਾਉਣ ਦੀ ਲੋੜ ਹੈ ਪਰ ਇਸ ਲਈ ਵੱਡੀ ਪੂੰਜੀ ਦੀ ਲੋੜ ਹੋਵੇਗੀ।
ਭਵਿੱਖ
ਭਾਰਤ ਚਾਹ ਨਿਰਯਾਤ ਵਿੱਚ ਮਜ਼ਬੂਤੀ ਨਾਲ ਅੱਗੇ ਵਧ ਰਿਹਾ ਹੈ। 2024 ਵਿੱਚ 255 ਮਿਲੀਅਨ ਕਿਲੋਗ੍ਰਾਮ ਚਾਹ ਨਿਰਯਾਤ ਕਰਕੇ ਸ੍ਰੀਲੰਕਾ ਨੂੰ ਪਛਾੜ ਦਿੱਤਾ ਗਿਆ। ਭਾਰਤ ਸਰਕਾਰ ਨੇ ਚਾਹ ਉਦਯੋਗ ਦੀ ਸਥਿਰਤਾ ਅਤੇ ਵਿਕਾਸ ਲਈ ਵਿੱਤੀ ਮੱਦਦ, ਸਿੱਖਿਆ ਵਜ਼ੀਫ਼ਾ, ਅਤੇ ਨਵੀਂ ਤਕਨੀਕ ਦੀ ਪੇਸ਼ਕਸ਼ ਕੀਤੀ ਹੈ।
ਸੰਖੇਪ
ਭਾਰਤੀ ਚਾਹ ਉਦਯੋਗ ਕਿਸਾਨਾਂ ਦੀ ਭਲਾਈ, ਸਥਿਰਤਾ ਅਤੇ ਵਿਕਾਸ ਵੱਲ ਧਿਆਨ ਦੇ ਰਿਹਾ ਹੈ। ਨਵੀਂ ਤਕਨੀਕ, ਸਰਕਾਰੀ ਮੱਦਦ ਅਤੇ ਵਾਤਾਵਰਣ-ਅਨੁਕੂਲ ਤਰੀਕਿਆਂ ਨਾਲ ਭਵਿੱਖ ਹੋਰ ਮਜ਼ਬੂਤ ਹੋ ਸਕਦਾ ਹੈ।
ਚੇਤਾਵਨੀ : ਯਾਦ ਰਹੇ ਇਹ ਜਾਣਕਾਰੀ ਵੱਖ-ਵੱਖ ਮੀਡੀਆ ਵਸੀਲਿਆਂ ਤੋਂ ਹਾਸਲ ਕਰਕੇ ਤੁਹਾਡੇ ਨਾਲ ਸਾਂਝੀ ਕੀਤੀ ਗਈ ਹੈ। ਕੋਈ ਵੀ ਅੰਕੜਾ ਵੱਧ ਘੱਟ ਹੋਣ ’ਤੇ ‘ਸੱਚ ਕਹੂੰ’ ਦੀ ਜ਼ਿੰਮੇਵਾਰੀ ਨਹੀਂ ਹੋਵੇਗੀ।
