ਪ੍ਰੀ-ਕੁਆਰਟਰ ਫਾਈਨਲ ’ਚ ਮਾਰੀਆ ਦਾ ਸਾਹਮਣਾ ਅਮਰੀਕਾ ਦੀ ਸੋਫੀਆ ਕੇਨਿਨ ਨਾਲ ਹੋਵੇਗਾ
ਪੈਰਿਸ। 17ਵਾਂ ਦਰਜਾ ਪ੍ਰਾਪਤ ਮਾਰੀਆ ਸਕਾਰੀ ਨੇ ਕਰੀਬ ਤਿੰਨ ਘੰਟਿਆਂ ਤੱਕ ਚੱਲ ਸਖ਼ਤ ਮੁਕਾਬਲੇ ’ਚ ਬੈਲਜੀਅਮ ਦੀ ਏਲੀਸੇ ਮਰਟੇਸ ਨੂੰ 7-5, 6-7 (2), 6-2 ਨਾਲ ਹਰਾ ਕੇ ਪਹਿਲੀ ਵਾਰ ਫਰੈਂਚ ਓਪਨ ਟੈਨਿਸ ਟੂਰਨਾਮੈਂਟ ਦੇ ਪ੍ਰੀ-ਕੁਆਰਟਰ ਫਾਈਨਲ ’ਚ ਪੁੱਜ ਗਈ ਹੈ।
ਪ੍ਰੀ-ਕੁਆਰਟਰ ਫਾਈਨਲ ’ਚ ਹੁਣ ਮਾਰੀਆ ਦਾ ਸਾਹਮਣਾ ਪਿਛਲੇ ਸਾਲ ਦੀ ਉਪ ਜੇਤੂ ਅਮਰੀਕਾ ਦੀ ਸੋਫੀਆ ਕੇਨਿਨ ਨਾਲ ਹੋਵੇਗਾ ਚੌਥਾ ਦਰਜਾ ਪ੍ਰਾਪਤੀ ਸੋਫ਼ੀਆ ਨੇ ਇੱਕ ਹੋਰ ਮੁਕਾਬਲੇ ’ਚ 28ਵਾਂ ਦਰਜਾ ਪ੍ਰਾਪਤ ਜੇਸਿਕਾ ਪੇਗੁਲਾ ਨੂੰ 4-6, 6-1, 6-4 ਨਾਲ ਹਰਾ ਕੇ ਲਗਾਤਾਰ ਤੀਜੇ ਸਾਲ ਚੌਥੇ ਗੇੜ ’ਚ ਜਗ੍ਹਾ ਬਣਾਈ।
24ਵੀਂ ਸੀਡ ਅਮਰੀਕਾ ਦੀ ਕੋਕੋ ਗਾਫ਼ ਨੇ ਵੀ ਪਹਿਲੀ ਵਾਰ ਟੂਰਨਾਮੈਂਟ ਦੇ ਪ੍ਰੀ-ਕੁਆਰਟਰ ਫਾਈਨਲ ’ਚ ਜਗ੍ਹਾ ਬਣਾ ਲਈ ਕੋਕੋ ਨੂੰ ਹਮਵਤਨ ਤੇ 13ਵੀਂ ਸੀਡ ਜੇਨੀਫਰ ਬ੍ਰੇਡੀ ਖਿਲਾਫ਼ ਮੁਕਾਬਲਾ ਖੇਡਣਾ ਸੀ, ਪਰ ਬ੍ਰੇਡੀ ਜਖ਼ਮੀ ਹੋ ਕੇ ਮੁਕਾਬਲੇ ’ਚੋਂ ਬਾਹਰ ਹੋ ਗਈ ਰਾਊਂਡ 16 ’ਚ ਹੁਣ ਕੋਕੋ ਦਾ ਸਾਹਮਣਾ 25ਵਾਂ ਦਰਜਾ ਪ੍ਰਾਪਤ ਟਿਊਨੀਸ਼ੀਆ ਦੀ ਔਂਸ ਜੇਬੁਰ ਨਾਲ ਹੋਵੇਗਾ ਔਂਸ ਨੇ ਪੋਲੈਂਡ ਦੀ ਮੇਗਡਾ ਲਿਨੇਟੇ ਨੂੰ 3-6, 6-0-6-1 ਨਾਲ ਹਰਾਇਆ ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।
