Weather Update: ਨਵੀਂ ਦਿੱਲੀ (ਏਜੰਸੀ)। ਜੰਮੂ-ਕਸ਼ਮੀਰ, ਹਿਮਾਚਲ ਪ੍ਰਦੇਸ਼, ਪੰਜਾਬ, ਹਰਿਆਣਾ, ਉੱਤਰ ਪ੍ਰਦੇਸ਼, ਰਾਜਧਾਨੀ ਦਿੱਲੀ ਸਮੇਤ ਉੱਤਰ ਪ੍ਰਦੇਸ਼ ਦੇ ਜ਼ਿਆਦਾਤਰ ਹਿੱਸਿਆਂ ’ਚ ਸੰਘਣੀ ਧੁੰਦ ਤੇ ਕੜਾਕੇ ਦੀ ਠੰਢ ਨੇ ਲੋਕਾਂ ਦੀਆਂ ਮੁਸ਼ਕਲਾਂ ਵਧਾ ਦਿੱਤੀਆਂ ਹਨ। ਉੱਤਰੀ ਭਾਰਤ ਦੇ ਕਈ ਹਿੱਸਿਆਂ ’ਚ ਸ਼ਨਿੱਚਰਵਾਰ ਨੂੰ ਲਗਾਤਾਰ ਦੂਜੇ ਦਿਨ ਸੰਘਣੀ ਧੁੰਦ ਛਾਈ ਰਹੀ। ਇਸ ਕਾਰਨ ਉੱਤਰੀ ਭਾਰਤ ਦੇ ਕਈ ਸੂਬਿਆਂ ’ਚ ਯੈਲੋ ਅਤੇ ਆਰੇਂਜ ਅਲਰਟ ਜਾਰੀ ਕੀਤਾ ਗਿਆ ਹੈ। ਆਈਐਮਡੀ ਮੁਤਾਬਕ ਪੱਛਮੀ ਗੜਬੜੀ ਕਾਰਨ ਰਾਜਧਾਨੀ ਦਿੱਲੀ ’ਚ 6 ਜਨਵਰੀ ਤੱਕ ਤੇਜ਼ ਹਵਾਵਾਂ ਨਾਲ ਮੀਂਹ ਪੈਣ ਦੀ ਸੰਭਾਵਨਾ ਹੈ। Cold Wave Alert
ਇਹ ਖਬਰ ਵੀ ਪੜ੍ਹੋ : Punjab Government News: ‘ਜਾਗਰੂਕਤਾ’ ਨਾਲ ਨਹੀਂ ਬਣਿਆ ਕੰਮ, ਹੁਣ ਵਿਦਿਆਰਥੀਆਂ ਨੂੰ ‘ਡਰਾਏਗੀ’ ਪੰਜਾਬ ਸਰਕਾਰ
ਦਿੱਲੀ ਐਨਸੀਆਰ ’ਚ ਸੰਘਣੀ ਧੁੰਦ | Weather Update
ਦਿੱਲੀ-ਐਨਸੀਆਰ ਸ਼ੁੱਕਰਵਾਰ ਰਾਤ ਤੋਂ ਹੀ ਠੰਢ ਵਿਚਕਾਰ ਸੰਘਣੀ ਧੁੰਦ ਨਾਲ ਢਕਿਆ ਹੋਇਆ ਹੈ। ਇਸ ਕਾਰਨ ਕਈ ਇਲਾਕਿਆਂ ’ਚ ਵਿਜ਼ੀਬਿਲਟੀ ਜ਼ੀਰੋ ਹੋ ਗਈ ਹੈ। ਥੋੜੀ ਦੂਰੀ ਤੱਕ ਸੜਕਾਂ ’ਤੇ ਕੁਝ ਵੀ ਨਜ਼ਰ ਨਹੀਂ ਆਉਂਦਾ। ਪਾਲਮ ਸਮੇਤ ਦਿੱਲੀ ਦੇ ਕਈ ਇਲਾਕਿਆਂ ਨੂੰ ਸੰਘਣੀ ਧੁੰਦ ਨੇ ਘੇਰ ਲਿਆ ਹੈ, ਵਿਜ਼ੀਬਿਲਟੀ ਜ਼ੀਰੋ ਹੋ ਗਈ ਹੈ।
ਆਰਜੀਆਈ ਹਵਾਈ ਅੱਡੇ ਤੋਂ ਦੇਰੀ ਨਾਲ ਉਡਾਣ ਭਰ ਰਹੇ ਜਹਾਜ਼
ਸ਼ੁੱਕਰਵਾਰ ਨੂੰ ਇੰਦਰਾ ਗਾਂਧੀ ਹਵਾਈ ਅੱਡੇ ਤੋਂ ਚੱਲਣ ਵਾਲੀਆਂ 100 ਤੋਂ ਵੱਧ ਉਡਾਣਾਂ ਦੇਰੀ ਨਾਲ ਚੱਲ ਰਹੀਆਂ ਸਨ। ਰਨਵੇਅ ’ਤੇ ਵਿਜ਼ੀਬਿਲਟੀ ਘੱਟ ਹੋਣ ਕਾਰਨ, ਘੱਟ ਦਿੱਖ ਦੀ ਪ੍ਰਕਿਰਿਆ ਨੂੰ ਲਾਗੂ ਕਰਕੇ ਜਹਾਜ਼ਾਂ ਦੀ ਆਵਾਜਾਈ ਕੀਤੀ ਗਈ। ਇਸ ਕਾਰਨ ਹੋਰ ਉਡਾਣਾਂ ਦੇ ਸੰਚਾਲਨ ਵਿੱਚ ਦੇਰੀ ਹੋਈ ਤੇ ਹਵਾਈ ਅੱਡੇ ਦੇ ਟਰਮੀਨਲ ’ਤੇ ਜਹਾਜ਼ਾਂ ਦੀ ਉਡੀਕ ਕਰਦੇ ਹੋਏ ਯਾਤਰੀਆਂ ਨੂੰ ਪਰੇਸ਼ਾਨੀ ਝੱਲਣੀ ਪਈ ਹੈ।
ਰੇਲਗੱਡੀ ਦੇ ਪਹੀਆਂ ’ਤੇ ਵੀ ਲੱਗੀ ਬ੍ਰੇਕ
ਧੁੰਦ ਕਾਰਨ ਉੱਤਰੀ ਭਾਰਤ ’ਚ 150 ਤੋਂ ਵੱਧ ਟਰੇਨਾਂ ਦੇਰੀ ਨਾਲ ਚੱਲ ਰਹੀਆਂ ਹਨ। ਇਸ ਵਿੱਚ ਦਿੱਲੀ ਪਹੁੰਚਣ ਵਾਲੀਆਂ 41 ਤੋਂ ਵੱਧ ਟਰੇਨਾਂ ਨੂੰ ਬਦਲੇ ਹੋਏ ਸਮੇਂ ਨਾਲ ਰਵਾਨਾ ਕੀਤਾ ਗਿਆ। ਦੇਰੀ ਨਾਲ ਚੱਲਣ ਵਾਲੀਆਂ ਟਰੇਨਾਂ ’ਚ ਮੁੱਖ ਤੌਰ ’ਤੇ ਮਹਾਬੋਧੀ ਐਕਸਪ੍ਰੈੱਸ ਦੋ ਘੰਟੇ ਤੋਂ ਜ਼ਿਆਦਾ, ਨਵੀਂ ਦਿੱਲੀ-ਡਿਬਰੂਗੜ੍ਹ 7 ਘੰਟੇ ਤੋਂ ਜ਼ਿਆਦਾ, ਪੁਰਬੀਆ ਐਕਸਪ੍ਰੈੱਸ 4 ਘੰਟੇ ਤੋਂ ਜ਼ਿਆਦਾ, ਵਿਕਰਮਸ਼ੀਲਾ 3 ਘੰਟੇ ਤੋਂ ਜ਼ਿਆਦਾ ਦੇਰੀ ਨਾਲ ਚੱਲ ਰਹੀ ਸੀ। ਇਸੇ ਤਰ੍ਹਾਂ ਮਹਾਕੌਸ਼ਲ, ਗੋਮਤੀ, ਅੰਮ੍ਰਿਤਭਾਰਤ, ਹਾਵੜਾ ਰਾਜਧਾਨੀ, ਸੀਲਦਾਹ ਰਾਜਧਾਨੀ, ਵੰਦੇ ਭਾਰਤ, ਕੈਫੀਅਤ, ਮਗਧ, ਕਾਨਪੁਰ ਸ਼ਤਾਬਦੀ ਵੀ ਦੇਰੀ ਨਾਲ ਚੱਲੀਆਂ। ਉੱਤਰੀ ਭਾਰਤ ’ਚ ਚੱਲਣ ਵਾਲੀਆਂ ਰੇਲ ਗੱਡੀਆਂ ਦੇ ਨਾਲ-ਨਾਲ ਦੱਖਣੀ ਭਾਰਤ ਵੱਲ ਜਾਣ ਵਾਲੀਆਂ ਲੰਬੀ ਦੂਰੀ ਦੀਆਂ ਰੇਲ ਗੱਡੀਆਂ ਵੀ ਧੁੰਦ ਦੀ ਲਪੇਟ ’ਚ ਆ ਰਹੀਆਂ ਹਨ। ਇਨ੍ਹਾਂ ’ਚ ਕਰਨਾਟਕ ਐਕਸਪ੍ਰੈਸ, ਕੇਰਲ ਐਕਸਪ੍ਰੈਸ ਸਮੇਤ ਕਈ ਟਰੇਨਾਂ ਸ਼ਾਮਲ ਹਨ।
ਯੂਪੀ ’ਚ ਵੀ ਡਿੱਗ ਰਿਹਾ ਹੈ ਪਾਰਾ | Weather Update
ਉੱਤਰ ਪ੍ਰਦੇਸ਼ ’ਚ ਵੀ ਠੰਢ ਦੀ ਲਹਿਰ ਹੈ। ਇੱਥੇ ਵੱਧ ਤੋਂ ਵੱਧ ਤੇ ਘੱਟੋ-ਘੱਟ ਤਾਪਮਾਨ ਡਿੱਗ ਰਿਹਾ ਹੈ। ਮੌਸਮ ਵਿਭਾਗ ਮੁਤਾਬਕ ਐਤਵਾਰ ਤੱਕ ਦਿਨ ਤੇ ਰਾਤ ਦੇ ਤਾਪਮਾਨ ’ਚ ਅੰਸ਼ਿਕ ਵਾਧੇ ਤੋਂ ਬਾਅਦ ਸੋਮਵਾਰ ਤੋਂ ਬਾਅਦ ਫਿਰ ਠੰਢ ’ਚ ਵਾਧਾ ਹੋਵੇਗਾ। ਇਸ ਦਾ ਕਾਰਨ ਇੱਕ ਹੋਰ ਨਵੀਂ ਵਿਕਸਤ ਪੱਛਮੀ ਗੜਬੜ ਦੱਸਿਆ ਜਾ ਰਿਹਾ ਹੈ। ਤਾਪਮਾਨ ਵਿੱਚ ਉਤਰਾਅ-ਚੜ੍ਹਾਅ ਦੇ ਵਿਚਕਾਰ, ਸੋਮਵਾਰ ਨੂੰ ਪੱਛਮੀ ਯੂਪੀ ਤੇ ਐਨਸੀਆਰ ਦੇ ਕੁਝ ਹਿੱਸਿਆਂ ’ਚ ਬੂੰਦਾ-ਬਾਂਦੀ ਹੋਣ ਦੀ ਸੰਭਾਵਨਾ ਹੈ।
ਰਾਜਸਥਾਨ ’ਚ ਅਜਿਹਾ ਹੈ ਮੌਸਮ ਦਾ ਹਾਲ
ਇਸ ਵਾਰ ਮਕਰ ਸੰਕ੍ਰਾਂਤੀ ’ਤੇ ਰਾਜਸਥਾਨ ’ਚ ਮੀਂਹ ਪੈ ਸਕਦਾ ਹੈ। ਮੌਸਮ ਵਿਭਾਗ ਵੱਲੋਂ ਅਗਲੇ ਦੋ ਹਫ਼ਤਿਆਂ ਤੱਕ ਜਾਰੀ ਕੀਤੀ ਭਵਿੱਖਬਾਣੀ ਮੁਤਾਬਕ ਸੂਬੇ ’ਚ 16 ਜਨਵਰੀ ਤੱਕ ਮੀਂਹ ਪੈ ਸਕਦਾ ਹੈ। 4 ਤੋਂ 5 ਜਨਵਰੀ ਤੱਕ ਸੂਬੇ ’ਚ ਇੱਕ ਕਮਜੋਰ ਪੱਛਮੀ ਗੜਬੜੀ ਸਰਗਰਮ ਹੋਵੇਗੀ, ਜਿਸ ਕਾਰਨ ਬੀਕਾਨੇਰ ਡਿਵੀਜ਼ਨ ’ਚ 3 ਤੋਂ 9 ਜਨਵਰੀ ਤੱਕ ਹਲਕੀ ਮੀਂਹ ਪੈ ਸਕਦਾ ਹੈ। ਇਸ ਦੇ ਨਾਲ ਹੀ ਚੇਤਾਵਨੀ ਜਾਰੀ ਕੀਤੀ ਗਈ ਹੈ ਕਿ 10 ਜਨਵਰੀ ਤੋਂ 16 ਜਨਵਰੀ ਤੱਕ ਸੂਬੇ ਦੇ ਜ਼ਿਆਦਾਤਰ ਹਿੱਸਿਆਂ ’ਚ ਆਮ ਨਾਲੋਂ ਵੱਧ ਬਾਰਿਸ਼ ਹੋਵੇਗੀ। ਹਾਲਾਂਕਿ ਇਸ ਦੌਰਾਨ ਵੱਧ ਤੋਂ ਵੱਧ ਤਾਪਮਾਨ ਤੇ ਘੱਟੋ-ਘੱਟ ਤਾਪਮਾਨ ਆਮ ਪੱਧਰ ਦੇ ਨੇੜੇ ਹੀ ਰਹੇਗਾ।
ਜੰਮੂ-ਕਸ਼ਮੀਰ ’ਚ ਅਜਿਹਾ ਹੈ ਮੌਸਮ
ਜੰਮੂ-ਕਸ਼ਮੀਰ ’ਚ ਕੜਾਕੇ ਦੀ ਠੰਢ ਜਾਰੀ ਹੈ। ਕਸ਼ਮੀਰ ਘਾਟੀ ’ਚ ਚਿੱਲੀ ਕਲਾਂ ਵਿਚਕਾਰ ਨਵੇਂ ਸਾਲ ਦੀ ਪਹਿਲੀ ਬਰਫ਼ਬਾਰੀ ਹੋਈ। ਮੌਸਮ ਵਿਗਿਆਨ ਕੇਂਦਰ ਸ਼੍ਰੀਨਗਰ ਅਨੁਸਾਰ, ਜੰਮੂ-ਕਸ਼ਮੀਰ ’ਚ 4 ਤੋਂ 6 ਜਨਵਰੀ ਦਰਮਿਆਨ ਦਰਮਿਆਨੀ ਤੋਂ ਤੇਜ਼ ਹਵਾਵਾਂ ਚੱਲਣ ਦੀ ਸੰਭਾਵਨਾ ਹੈ। ਜ਼ਿਆਦਾਤਰ ਖੇਤਰਾਂ ’ਚ ਹਲਕੀ ਤੋਂ ਦਰਮਿਆਨੀ ਬਰਫ਼ਬਾਰੀ ਹੋ ਸਕਦੀ ਹੈ। ਦੂਜੇ ਪਾਸੇ ਕਸ਼ਮੀਰ ਘਾਟੀ ਦੇ ਕਈ ਜ਼ਿਲ੍ਹਿਆਂ ’ਚ ਰਾਤ ਦਾ ਤਾਪਮਾਨ ਮਾਈਨਸ ’ਚ ਹੈ। ਕਸ਼ਮੀਰ ਘਾਟੀ ਤੇ ਲੱਦਾਖ ਨੂੰ ਜੋੜਨ ਵਾਲੇ ਜ਼ੋਜਿਲਾ ਮਾਉਂਟੇਨ ਪਾਸ ਨੂੰ ਦੋਵਾਂ ਪਾਸਿਆਂ ਤੋਂ ਬੰਦ ਕਰ ਦਿੱਤਾ ਗਿਆ ਹੈ। ਤਾਜ਼ਾ ਬਰਫਬਾਰੀ ਤੋਂ ਬਾਅਦ ਇਸ ਸੜਕ ਨੂੰ ਬੰਦ ਕਰ ਦਿੱਤਾ ਗਿਆ ਹੈ। ਜੰਮੂ-ਕਸ਼ਮੀਰ ਦੇ ਬਾਰਾਮੂਲਾ ਦਾ ਗੁਲਮਰਗ ਇਲਾਕਾ ਪੂਰੀ ਤਰ੍ਹਾਂ ਬਰਫ ਨਾਲ ਢੱਕਿਆ ਹੋਇਆ ਹੈ।
ਭਾਰੀ ਮੀਂਹ ਤੇ ਬਰਫ਼ਬਾਰੀ ਦੀ ਚੇਤਾਵਨੀ | Weather Update
ਮੌਸਮ ਵਿਗਿਆਨ ਕੇਂਦਰ ਸ਼੍ਰੀਨਗਰ ਅਨੁਸਾਰ, 5 ਤੇ 6 ਜਨਵਰੀ ਨੂੰ ਵੀ ਭਾਰੀ ਮੀਂਹ ਤੇ ਬਰਫਬਾਰੀ ਦੀ ਸੰਭਾਵਨਾ ਹੈ। ਜੰਮੂ-ਸ਼੍ਰੀਨਗਰ ਰਾਸ਼ਟਰੀ ਰਾਜਮਾਰਗ ਸਮੇਤ ਕਈ ਸੰਪਰਕ ਮਾਰਗ ਪ੍ਰਭਾਵਿਤ ਹੋ ਸਕਦੇ ਹਨ। ਇਸ ਨਾਲ ਹਵਾਈ ਤੇ ਰੇਲ ਸੇਵਾਵਾਂ ਪ੍ਰਭਾਵਿਤ ਹੋ ਸਕਦੀਆਂ ਹਨ। ਪ੍ਰਸ਼ਾਸਨ ਨੂੰ ਆਉਣ ਵਾਲੇ ਮੌਸਮ ਦੇ ਮੱਦੇਨਜ਼ਰ ਸਾਰੇ ਜ਼ਰੂਰੀ ਐਮਰਜੈਂਸੀ ਪ੍ਰਬੰਧਾਂ ਨੂੰ ਯਕੀਨੀ ਬਣਾਉਣ ਲਈ ਕਿਹਾ ਗਿਆ ਹੈ।
ਕਦੋਂ ਹੁੰਦਾ ਹੈ ਠੰਢਾ ਦਿਨ? | Weather Update
ਘੱਟ ਤੋਂ ਘੱਟ ਤਾਪਮਾਨ 10 ਡਿਗਰੀ ਸੈਲਸੀਅਸ ਤੋਂ ਹੇਠਾਂ ਡਿੱਗਣ ’ਤੇ ‘ਠੰਢਾ ਦਿਨ’ ਮੰਨਿਆ ਜਾਂਦਾ ਹੈ। ਇਸ ਤੋਂ ਇਲਾਵਾ, ਸਭ ਤੋਂ ਜ਼ਿਆਦਾ ਜਾਂ ਸਭ ਤੋਂ ਘੱਟ ਤਾਪਮਾਨ ਘੱਟੋ-ਘੱਟ 4.5 ਡਿਗਰੀ ਘੱਟ ਹੈ ਜੋ ਕਿਸੇ ਖਾਸ ਮਿਆਦ ਲਈ ਆਮ ਮੰਨਿਆ ਜਾਂਦਾ ਹੈ।
