ਇੱਕ ਨੌਜਵਾਨ ਦੀ ਲਾਸ਼ ਹੋਈ ਬਰਾਮਦ
ਬਹਾਦੁਰਗੜ੍ਹ। ਹਰਿਆਣਾ ਦੇ ਬਹਾਦਰਗੜ੍ਹ ਜ਼ਿਲ੍ਹੇ ਦੇ ਪਿੰਡ ਬਡਲੀ ਵਿੱਚੋਂ ਐਨਸੀਆਰ ਮਾਈਨਰ ਵਿੱਚ ਦਿੱਲੀ ਦੇ ਤਿੰਨ ਨੌਜਵਾਨਾਂ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਹ ਤਿੰਨੇ ਨੌਜਵਾਨ ਰਾਤ ਨੂੰ ਮਾਈਨਰ ਵਿਚ ਨਹਾਉਣ ਗਏ ਸਨ। ਪਾਣੀ ਦਾ ਬਹਾਅ ਤੇਜ਼ ਅਤੇ ਡੂੰਘਾ ਸੀ, ਤਿੰਨੇ ਮਾਈਨਰ ਵਿਚ ਡੁੱਬ ਗਏ। ਰੌਲਾ ਪੈਣ ਦੀ ਆਵਾਜ਼ ਸੁਣ ਕੇ ਪਿੰਡ ਦੇ ਲੋਕ ਮੌਕੇ ‘ਤੇ ਪਹੁੰਚ ਗਏ।
ਲੋਕਾਂ ਨੇ ਤੁਰੰਤ ਪੁਲਿਸ ਨੂੰ ਖਬਰ ਦਿੱਤੀ। ਸੂਚਨਾ ਮਿਲਣ ‘ਤੇ ਪੁਲਿਸ ਟੀਮ ਮੌਕੇ ‘ਤੇ ਪਹੁੰਚੀ ਅਤੇ ਰਾਤ ਸਮੇਂ ਫਾਇਰ ਬ੍ਰਿਗੇਡ ਅਤੇ ਗੋਤਾਖੋਰਾਂ ਦੀ ਮਦਦ ਨਾਲ ਤਲਾਸ਼ੀ ਮੁਹਿੰਮ ਸ਼ੁਰੂ ਕੀਤੀ। ਇਕ ਨੌਜਵਾਨ ਦੀ ਲਾਸ਼ ਮਾਈਨਰ ਵਿਚੋਂ ਮਿਲੀ ਹੈ, ਜਦੋਂਕਿ ਦੋ ਨੌਜਵਾਨਾਂ ਦੀ ਭਾਲ ਜਾਰੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਤਿੰਨੇ ਨੌਜਵਾਨ ਇੰਜੀਨੀਅਰ ਸਨ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।
