Accident | ਮੀਂਹ ਕਾਰਨ ਮਜ਼ਦੂਰ ਦੀ ਦੁਕਾਨ ਦੀ ਛੱਤ ਡਿੱਗੀ
ਭੁੱਚੋ ਮੰਡੀ (ਗੁਰਜੀਤ) ਨਜ਼ਦੀਕੀ ਪਿੰਡ ਚੱਕ ਫਤਿਹ ਸਿੰਘ ਵਾਲਾ ਵਿਖੇ ਮਜ਼ਦੂਰ ਵੱਲੋਂ ਆਪਣੇ ਘਰ ਦੇ ਅੱਗੇ ਬਣਾਈ ਹੋਈ ਦੁਕਾਨ ਦੀ ਛੱਤ ਬੀਤੀ ਰਾਤ ਡਿੱਗ ਪਈ ਜਿਸ ਨਾਲ ਦੁਕਾਨ ‘ਚ ਪਏ ਸਮਾਨ ਦਾ ਕਾਫੀ ਨੁਕਸਾਨ ਹੋ ਗਿਆ।ਇਸ ਮੌਕੇ ਭਾਰਤੀ ਕਿਸਾਨ ਯੂਨੀਅਨ ਡਕੌਂਦਾ ਦੇ ਬਲਾਕ ਪ੍ਰਧਾਨ ਬੂਟਾ ਸਿੰਘ ਤੁੰਗਵਾਲੀ ਨੇ ਦੱਸਿਆ ਕਿ ਪਿੰਡ ਚੱਕ ਫਤਿਹ ਸਿੰਘ ਵਾਲਾ ਦੇ ਕੱਤਰ ਸਿੰਘ ਨੇ ਆਪਣੇ ਮਕਾਨ ਦੇ ਬਾਹਰ ਦੁਕਾਨ ਬਣਾਈ ਸੀ ਜੋ ਗੱਗੀ ਸਿੰਘ ਨੂੰ ਕਿਰਾਏ ‘ਤੇ ਦਿੱਤੀ ਹੋਈ ਸੀ ਜਿਸ ਵਿੱਚ ਗੱਗੀ ਸਿੰਘ ਵਾਲ ਕਟਿੰਗ ਦਾ ਕੰਮ ਕਰਦਾ ਸੀ ਬੀਤੇ ਦਿਨੀ ਪਏ ਲਗਾਤਾਰ ਮੀਂਹ ਦੇ ਨਾਲ ਛੱਤ ਦੇ ਉੱਪਰ ਲਗਾਤਾਰ ਪਾਣੀ ਖੜ੍ਹਨ ਰਾਤ ਇਸ ਦੀ ਛੱਤ ਡਿੱਗ ਪਈ।ਛੱਤ ਡਿੱਗਣ ਨਾਲ ਦੁਕਾਨ ਵਿੱਚ ਪਿਆ ਕਟਿੰਗ ਦਾ ਸਾਰਾ ਸਾਮਾਨ ਖਰਾਬ ਹੋ ਗਿਆ। ਇਸ ਮੌਕੇ ਕੱਤਰ ਸਿੰਘ ਅਤੇ ਦੁਕਾਨਦਾਰ ਗੱਗੀ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਦਾ ਲੱਗਭੱਗ 25 ਤੋਂ 30 ਹਜ਼ਾਰ ਰੁਪਏ ਦਾ ਨੁਕਸਾਨ ਹੋ ਗਿਆ ।ਇਸ ਮੌਕੇ ਬੂਟਾ ਸਿੰਘ ਤੁੰਗਵਾਲੀ, ਬਿੱਕਰ ਸਿੰਘ, ਬਿੱਟੂ ਸਿੰਘ ਪੰਚ, ਮੱਖਣ ਸਿੰਘ ਅਤੇ ਹੋਰ ਪਿੰਡ ਵਾਸੀਆਂ ਨੇ ਮੰਗ ਕੀਤੀ ਕਿ ਦੋਵੇਂ ਪੀੜ੍ਹਤ ਪਰਿਵਾਰਾਂ ਨੂੰ ਬਣਦਾ ਮੁਆਵਜ਼ਾ ਦਿੱਤਾ ਜਾਵੇ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।
