ਸਪੋਰਟਸ ਡੈਸਕ। Women’s ODI World Cup 2025: ਕ੍ਰਿਕੇਟ ਦੀ ਵਿਸ਼ਵ ਸੰਸਥਾ, ਆਈਸੀਸੀ ਨੇ ਇਸ ਸਾਲ ਭਾਰਤ ਤੇ ਸ਼੍ਰੀਲੰਕਾ ਦੀ ਮੇਜ਼ਬਾਨੀ ’ਚ ਹੋਣ ਵਾਲੇ ਮਹਿਲਾ ਵਨਡੇ ਵਿਸ਼ਵ ਕੱਪ ਦੇ ਸ਼ਡਿਊਲ ਦਾ ਐਲਾਨ ਕਰ ਦਿੱਤਾ ਹੈ। ਇਸ ਗਲੋਬਲ ਟੂਰਨਾਮੈਂਟ ’ਚ, ਭਾਰਤ ਤੇ ਪਾਕਿਸਤਾਨ 5 ਅਕਤੂਬਰ ਨੂੰ ਕੋਲੰਬੋ ਦੇ ਆਰ ਪ੍ਰੇਮਦਾਸਾ ਸਟੇਡੀਅਮ ’ਚ ਇੱਕ-ਦੂਜੇ ਦਾ ਸਾਹਮਣਾ ਕਰਨਗੇ। ਕੋਲੰਬੋ ਨੂੰ ਹਾਈਬ੍ਰਿਡ ਮਾਡਲ ਦੇ ਤਹਿਤ ਇੱਕ ਨਿਰਪੱਖ ਸਥਾਨ ਵਜੋਂ ਰੱਖਿਆ ਗਿਆ ਹੈ। ਭਾਰਤੀ ਟੀਮ ਇਸ ਟੂਰਨਾਮੈਂਟ ’ਚ ਆਪਣੀ ਮੁਹਿੰਮ ਦੀ ਸ਼ੁਰੂਆਤ 30 ਸਤੰਬਰ ਨੂੰ ਬੰਗਲੌਰ ’ਚ ਸ਼੍ਰੀਲੰਕਾ ਵਿਰੁੱਧ ਮੈਚ ਨਾਲ ਕਰੇਗੀ ਤੇ ਇਸ ਤੋਂ ਬਾਅਦ ਇਸ ਦਾ ਅਗਲਾ ਮੈਚ ਪਾਕਿਸਤਾਨ ਵਿਰੁੱਧ ਹੋਵੇਗਾ। Women’s ODI World Cup 2025
ਇਹ ਖਬਰ ਵੀ ਪੜ੍ਹੋ : Israel Iran Conflict 2025: ਇਜ਼ਰਾਈਲ ਨਾਲ ਟਕਰਾਅ ਦੌਰਾਨ ਫਸੇ 1500 ਵਿਦਿਆਰਥੀ
ਭਾਰਤ-ਸ਼੍ਰੀਲੰਕਾ ਦੇ 5 ਸ਼ਹਿਰਾਂ ’ਚ ਖੇਡੇ ਜਾਣਗੇ ਮੈਚ | Women’s ODI World Cup 2025
ਆਈਸੀਸੀ ਨੇ ਪਹਿਲਾਂ ਹੀ ਮਹਿਲਾ ਵਨਡੇ ਵਿਸ਼ਵ ਕੱਪ ਦੀਆਂ ਤਰੀਕਾਂ ਤੇ ਸਥਾਨ ਦਾ ਐਲਾਨ ਕਰ ਦਿੱਤਾ ਸੀ, ਪਰ ਸੋਮਵਾਰ ਨੂੰ ਇਸ ਨੇ ਆਪਣੇ ਸ਼ਡਿਊਲ ਦਾ ਵੀ ਐਲਾਨ ਕਰ ਦਿੱਤਾ। ਇਹ ਗਲੋਬਲ ਟੂਰਨਾਮੈਂਟ 30 ਸਤੰਬਰ ਤੋਂ ਸ਼ੁਰੂ ਹੋਵੇਗਾ, ਜਿਸ ਦਾ ਫਾਈਨਲ ਮੈਚ 2 ਨਵੰਬਰ ਨੂੰ ਖੇਡਿਆ ਜਾਵੇਗਾ। ਮੈਚ ਭਾਰਤ ਤੇ ਸ਼੍ਰੀਲੰਕਾ ਦੇ ਪੰਜ ਸ਼ਹਿਰਾਂ ’ਚ ਹੋਣਗੇ ਜਿਨ੍ਹਾਂ ’ਚ ਬੰਗਲੌਰ ਦਾ ਐਮ ਚਿੰਨਾਸਵਾਮੀ ਸਟੇਡੀਅਮ, ਗੁਹਾਟੀ ਦਾ ਏਸੀਏ ਸਟੇਡੀਅਮ, ਇੰਦੌਰ ਦਾ ਹੋਲਕਰ ਸਟੇਡੀਅਮ, ਵਿਸ਼ਾਖਾਪਟਨਮ ਦਾ ਏਸੀਏ-ਵੀਡੀਸੀਏ ਸਟੇਡੀਅਮ ਤੇ ਕੋਲੰਬੋ ਦਾ ਆਰ ਪ੍ਰੇਮਦਾਸਾ ਸਟੇਡੀਅਮ ਸ਼ਾਮਲ ਹਨ। Women’s ODI World Cup 2025
ਇਹ ਗਲੋਬਲ ਟੂਰਨਾਮੈਂਟ 12 ਸਾਲਾਂ ਬਾਅਦ ਭਾਰਤ ’ਚ ਕਰਵਾਇਆ ਜਾਵੇਗਾ। ਪਹਿਲਾ ਸੈਮੀਫਾਈਨਲ ਮੈਚ 29 ਅਕਤੂਬਰ ਨੂੰ ਗੁਹਾਟੀ ਜਾਂ ਕੋਲੰਬੋ ’ਚ ਖੇਡਿਆ ਜਾਵੇਗਾ, ਜਦੋਂ ਕਿ ਦੂਜਾ ਸੈਮੀਫਾਈਨਲ ਮੈਚ 30 ਅਕਤੂਬਰ ਨੂੰ ਬੰਗਲੌਰ ’ਚ ਖੇਡਿਆ ਜਾਵੇਗਾ। ਫਾਈਨਲ ’ਚ ਪਹੁੰਚਣ ਵਾਲੀਆਂ ਦੋਵੇਂ ਟੀਮਾਂ ਨੂੰ ਤਿਆਰੀ ਲਈ 2 ਦਿਨਾਂ ਦਾ ਸਮਾਂ ਮਿਲੇਗਾ। ਮਹਿਲਾ ਵਨਡੇ ਵਿਸ਼ਵ ਕੱਪ ਦਾ ਖਿਤਾਬੀ ਮੈਚ 2 ਨਵੰਬਰ ਨੂੰ ਬੰਗਲੌਰ ਜਾਂ ਕੋਲੰਬੋ ’ਚ ਖੇਡਿਆ ਜਾਵੇਗਾ।
8 ਟੀਮਾਂ ਲੈਣਗੀਆਂ ਹਿੱਸਾ | Women’s ODI World Cup 2025
ਮਹਿਲਾ ਵਨਡੇ ਵਿਸ਼ਵ ਕੱਪ ’ਚ 8 ਟੀਮਾਂ ਹਿੱਸਾ ਲੈਣਗੀਆਂ, ਜਿਸ ’ਚ ਭਾਰਤ, ਅਸਟਰੇਲੀਆ, ਇੰਗਲੈਂਡ, ਦੱਖਣੀ ਅਫਰੀਕਾ, ਨਿਊਜ਼ੀਲੈਂਡ, ਸ਼੍ਰੀਲੰਕਾ, ਬੰਗਲਾਦੇਸ਼ ਤੇ ਪਾਕਿਸਤਾਨ ਸ਼ਾਮਲ ਹਨ। ਅਸਟਰੇਲੀਆ ਇਸ ਟੂਰਨਾਮੈਂਟ ’ਚ ਡਿਫੈਂਡਿੰਗ ਚੈਂਪੀਅਨ ਵਜੋਂ ਪ੍ਰਵੇਸ਼ ਕਰੇਗਾ। ਅਸਟਰੇਲੀਆ ਨੇ 2022 ’ਚ ਨਿਊਜ਼ੀਲੈਂਡ ’ਚ ਖੇਡੇ ਗਏ ਆਖਰੀ ਵਿਸ਼ਵ ਕੱਪ ਦੇ ਫਾਈਨਲ ’ਚ ਇੰਗਲੈਂਡ ਨੂੰ ਹਰਾਇਆ ਸੀ।
ਅਸਟਰੇਲੀਆ 7 ਵਾਰ ਖਿਤਾਬ ਜਿੱਤ ਚੁੱਕਾ ਹੈ ਤੇ ਟੂਰਨਾਮੈਂਟ ਦੇ ਇਤਿਹਾਸ ’ਚ ਸਭ ਤੋਂ ਸਫਲ ਟੀਮ ਹੈ। ਭਾਰਤ ਪਹਿਲਾਂ ਇਕਲੌਤਾ ਮੇਜ਼ਬਾਨ ਸੀ ਪਰ ਹੁਣ ਟੂਰਨਾਮੈਂਟ ਬੰਗਲੌਰ, ਗੁਹਾਟੀ, ਇੰਦੌਰ, ਵਿਸ਼ਾਖਾਪਟਨਮ ਤੇ ਕੋਲੰਬੋ ’ਚ ਖੇਡਿਆ ਜਾਵੇਗਾ। ਕੋਲੰਬੋ ਨੂੰ ਇਸ ਲਈ ਜੋੜਿਆ ਗਿਆ ਹੈ ਕਿਉਂਕਿ ਪਾਕਿਸਤਾਨ ਆਈਸੀਸੀ ਟੂਰਨਾਮੈਂਟਾਂ ਲਈ ਭਾਰਤ ਨਹੀਂ ਆਵੇਗਾ ਤੇ ਹਾਈਬ੍ਰਿਡ ਮਾਡਲ ਨੂੰ ਇਸ ਸਾਲ ਦੇ ਸ਼ੁਰੂ ’ਚ ਚੈਂਪੀਅਨਜ਼ ਟਰਾਫੀ ’ਚ ਮਨਜ਼ੂਰੀ ਦਿੱਤੀ ਗਈ ਸੀ।
ਭਾਰਤੀ ਟੀਮ ਦੇ ਮੈਚ | Women’s ODI World Cup 2025
ਸ਼੍ਰੀਲੰਕਾ ਤੇ ਪਾਕਿਸਤਾਨ ਨਾਲ ਖੇਡਣ ਤੋਂ ਬਾਅਦ, ਭਾਰਤੀ ਟੀਮ 9 ਅਕਤੂਬਰ ਨੂੰ ਦੱਖਣੀ ਅਫਰੀਕਾ ਤੇ 12 ਅਕਤੂਬਰ ਨੂੰ ਵਿਸ਼ਾਖਾਪਟਨਮ ’ਚ ਅਸਟਰੇਲੀਆਈ ਟੀਮ ਨਾਲ ਖੇਡੇਗੀ। ਟੀਮ 19 ਅਕਤੂਬਰ ਨੂੰ ਇੰਦੌਰ ’ਚ ਇੰਗਲੈਂਡ ਨਾਲ ਭਿੜੇਗੀ ਤੇ ਫਿਰ 23 ਅਕਤੂਬਰ ਨੂੰ ਗੁਹਾਟੀ ’ਚ ਨਿਊਜ਼ੀਲੈਂਡ ਨਾਲ ਭਿੜੇਗੀ। ਭਾਰਤੀ ਟੀਮ 26 ਅਕਤੂਬਰ ਨੂੰ ਐਮ ਚਿੰਨਾਸਵਾਮੀ ਸਟੇਡੀਅਮ ’ਚ ਬੰਗਲਾਦੇਸ਼ ਦਾ ਵੀ ਸਾਹਮਣਾ ਕਰੇਗੀ। ਇਸ ਨਾਲ ਰਾਇਲ ਚੈਲੇਂਜਰਜ਼ ਬੰਗਲੌਰ (ਆਰਸੀਬੀ) ਦੇ ਜਿੱਤ ਦੇ ਜਸ਼ਨਾਂ ਦੌਰਾਨ ਭਗਦੜ ਤੋਂ ਬਾਅਦ ਮੇਜ਼ਬਾਨੀ ਦੇ ਅਧਿਕਾਰ ਗੁਆਉਣ ਦੀਆਂ ਅਫਵਾਹਾਂ ਨੂੰ ਖਾਰਜ ਕਰ ਦਿੱਤਾ ਗਿਆ।
