ਕੱਲ੍ਹ ਰਾਤ ਅਸਮ ’ਚ ਕੇਸ ਦਰਜ
ਨਵੀਂ ਦਿਲੀ (ਏਜੰਸੀ)। ਰਾਇਪੁਰ ਦੇ ਕਾਂਗਰਸ ਸੈਸ਼ਨ ’ਚ ਜਾ ਰਹੇ ਕਾਂਗਰਸ ਦੇ ਰਾਸ਼ਟਰੀ ਬੁਲਾਰੇ ਪਵਨ ਖੇੜਾ ਨੂੰ ਅਸਮ ਪੁਲਿਸ ਨੇ ਗਿ੍ਰਫ਼ਤਾਰ ਕਰ ਲਿਆ ਹੈ। ਉਨ੍ਹਾਂ ’ਤੇ ਇੱਕ ਦਿਨ ਪਹਿਲਾਂ ਅਸਮ ਪੁਲਿਸ ਨੇ ਕਮਿਊਨਲ ਡਿਸਟਰਬੈਂਸ ਅਤੇ ਰਾਸ਼ਟਰੀ ਸੁਰੱਖਿਆ ਸਬੰਧੀ ਦੀਮਾਪੁਰ ’ਚ ਕੇਸ ਦਰਜ ਕੀਤਾ ਗਿਆ ਸੀ। ਮਾਮਲਾ ਸੁਪਰੀਮ ਕੋਰਟ ’ਚ ਪਹੰੁਚ ਗਿਆ ਹੈ। ਇਸ ’ਤੇ ਅੱਜ ਦੁਪਹਿਰ ਤਿੰਨ ਵਜੇ ਸੁਣਵਾਈ ਹੋਵੇਗੀ।
ਅੱਜ ਜਹਾਜ ’ਚੋਂ ਉਤਾਰਿਆ | Pawan Khera
ਇਸ ਤੋਂ ਪਹਿਲਾਂ ਖੇੜਾ ਨੂੰ ਵੀਰਵਾਰ ਸਵੇਰੇ ਦਿੱਲੀ ਪੁਲਿਸ ਨੇ ਫਲਾਈਟ ਤੋਂ ਉਤਾਰ ਦਿੱਤਾ ਸੀ। ਖੇੜਾ ਰਾਇਪੁਰ ’ਚ ਸ਼ੁੱਕਰਵਾਰ ਤੋਂ ਸ਼ੁਰੂ ਹੋ ਰਹੇ ਕਾਂਗਰਸ ਦੇ ਸੈਸ਼ਨ ’ਚ ਹਿੱਸਾ ਲੈਣ ਜਾ ਰਹੇਸਨ। ਇਸ ਕਾਰਵਾਈ ਦੇ ਵਿਰੋਧ ’ਚ ਫਲਾਈਟ ’ਚ ਮੌਜ਼ੂਦ ਦੂਜੇ ਕਾਂਗਰਸੀ ਨੇਤਾਵਾਂ ਨੇ ਭਾਜਪਾ ਦੇ ਖਿਲਾਫ਼ ਨਾਅਰੇਬਾਜ਼ੀ ਕੀਤੀ ਅਤੇ ਜਹਾਜ਼ ਤੋਂ ਉੱਤਰ ਗਏ।
