ਦੇਸ਼ ਦੀ ਆਣ ਬਾਨ ਸ਼ਾਨ ਲਈ ਲਹਿਰਾਇਆ ਤਿਰੰਗਾ
ਪੀਲੀਬੰਗਾ। ਡੇਰਾ ਸੱਚਾ ਸੌਦਾ ਦੇ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਵੱਲੋਂ ਸ਼ੁਰੂ ਕੀਤੇ ਗਏ ਮਾਨਵਤਾ ਭਲਾਈ ਕਾਰਜਾਂ ਤਹਿਤ ਇਲਾਕੇ ਅੰਦਰ ਹਰ ਘਰ ਤਿਰੰਗਾ ਮੁਹਿੰਮ ਤਹਿਤ ਅੱਜ ਨਾਮ ਚਰਚਾ ਘਰ ਵਿਖੇ ਝੰਡਾ ਲਹਿਰਾਇਆ ਗਿਆ। ਪ੍ਰੋਗਰਾਮ ਦੇ ਮੁੱਖ ਮਹਿਮਾਨ ਐਸਡੀਐਮ ਰਣਜੀਤ ਸਿੰਘ, ਵਿਸ਼ੇਸ਼ ਮਹਿਮਾਨ ਥਾਣਾ ਮੁਖੀ ਵਿਜੇ ਮੀਨਾ, ਰਾਜਸਥਾਨ ਪ੍ਰਦੇਸ਼ ਕਮੇਟੀ ਦੇ 45 ਮੈਂਬਰ ਸੰਪੂਰਨ ਸਿੰਘ ਅਤੇ ਗੋਪਾਲ ਇੰਸਾਂ ਸਨ।
ਐਸਡੀਐਮ ਰਣਜੀਤ ਸਿੰਘ ਨੇ ਸੇਵਾਦਾਰਾਂ ਨੂੰ ਦੇਸ਼ ਦਾ ‘ਆਣ ਬਾਨ ਸ਼ਾਨ’ ਤਿਰੰਗਾ ਹਰ ਘਰ ’ਚ ਲਹਿਰਾਉਣ ਦਾ ਸਵਾਗਤ ਕਰਦਿਆਂ ਇਸਦੀ ਮਰਿਆਦਾ ਦਾ ਪਾਲਨ ਕਰਨ ਦੀ ਗੱਲ ਕਹੀ। ਉਨ੍ਹਾਂ ਕਿਹਾ ਕਿ 13 ਤੋਂ 15 ਅਗਸਤ ਤੱਕ ਹਰ ਨਾਗਰਿਕ ਆਪਣੇ ਘਰ ਤਿਰੰਗਾ ਲਹਿਰਾਵੇ। ਨਾਮ ਚਰਚਾ ’ਚ ਡੇਰਾ ਸੱਚਾ ਸੌਦਾ ਨਾਲ ਜੁੜੀਆਂ ਸਾਰੀਆਂ ਕਮੇਟੀਆਂ ਦੇ ਸੇਵਾਦਾਰ, ਸ਼ਾਹ ਸਤਿਨਾਮ ਜੀ ਗ੍ਰੀਨ ਐਸ ਵੈਲਫੇਅਰ ਫੋਰਸ ਵਿੰਗ ਦੇ ਸੇਵਾਦਾਰ ਵੀ ਹਾਜ਼ਰ ਸਨ।
ਪੂਜਨੀਕ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਦੀ ਪਵਿੱਤਰ ਪ੍ਰੇਰਨਾ ਸਦਕਾ ਅਤੇ ‘ਹਰ ਘਰ ਤਿਰੰਗਾ’ ਮੁਹਿੰਮ ਤਹਿਤ ਮੌਜਪੁਰ ਧਾਮ ਬੁੱਢਾਂਵਾਲੀ ਸਚ ਕੰਟੀਨ ਵਿਖੇ ਸੇਵਾਦਾਰਾਂ ਵੱਲੋਂ ਰਾਸ਼ਟਰੀ ਝੰਡਾ ਤਿਰੰਗਾ ਲਹਿਰਾਇਆ ਗਿਆ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
