ਲਵਲੀ ਇੰਸਾਂ ਨੇ ਪੈਸਿਆਂ ਨਾਲ ਭਰਿਆ ਪਰਸ ਵਾਪਸ ਕਰ ਦਿਖਾਈ ਇਮਾਨਦਾਰੀ
(ਸੱਚ ਕਹੂੰ ਨਿਊਜ਼)
ਸਰਸਾ। ਪੰਜਾਬ ਦੇ ਬਲਾਕ ਅਮਲੋਹ ਜ਼ਿਲੇ੍ਹ ਦੇ ਫ਼ਤਿਹਗੜ੍ਹ ਸਾਹਿਬ ਦੇ ਰਹਿਣ ਵਾਲੇ ਲਵਲੀ ਇੰਸਾਂ ਨੇ ਪੈਸਿਆਂ ਨਾਲ ਭਰਿਆ ਪਰਸ ਉਸ ਦੀੇ ਮਾਲਕ ਕੌਸ਼ੱਲਿਆ ਦੇਵੀ ਨੂੰ ਵਾਪਸ ਕਰਕੇ ਇਮਾਨਦਾਰੀ ਦਿਖਾਈ। ਸੱਚ ਕਹੂੰ ਨਾਲ ਗੱਲਬਾਤ ਕਰਦੇ ਹੋਏ ਲਵਲੀ ਇੰਸਾਂ ਨੇ ਦੱਸਿਆ ਕਿ ਉਹ ਸਰਸਾ ਦਰਬਾਰ ’ਚ ਸੇਵਾ ਕਰਨ ਆਏ ਸਨ। ਜਦੋਂ ਉਹ ਰਾਤ ਦਾ ਖਾਣਾ ਖਾਣ ਲਈ ਸੱਚ ਢਾਬੇ ’ਤੇ ਗਿਆ ਤਾਂ ਉਸ ਨੇ ਮੇਜ਼ ’ਤੇ ਲਾਵਾਰਿਸ ਹਾਲਤ ’ਚ ਪਿਆ ਪਰਸ ਵੇਖਿਆ। ਉਸ ਨੇ ਤੁਰੰਤ ਪਰਸ ਚੁੱਕ ਲਿਆ ਅਤੇ ਪਰਸ ਦੇ ਅੰਦਰ ਆਈ ਆਈਡੀ ਨਾਲ ਆਪਣੀ ਅਸਲੀ ਵਾਰਸ ਕੌਸ਼ੱਲਿਆ ਦੇਵੀ ਨਾਲ ਸੰਪਰਕ ਕੀਤਾ।
ਉਸ ਨੇ ਦੱਸਿਆ ਕਿ ਉਸ ਦਾ ਪਰਸ ਸੱਚ ਢਾਬੇ ’ਤੇ ਪਿਆ ਹੈ। ਇਸ ਤੋਂ ਬਾਅਦ ਕੌਸ਼ਲਿਆ ਦੇਵੀ ਸੱਚ ਢਾਬੇ ਪਹੁੰਚੀ ਅਤੇ ਲਵਲੀ ਇੰਸਾਂ ਨੇ ਪਰਸ ਵਾਪਸ ਕਰ ਦਿੱਤਾ। ਦੂਜੇ ਪਾਸੇ ਲਵਲੀ ਇੰਸਾਂ ਨੇ ਕਿਹਾ ਕਿ ਇਹ ਸਭ ਸਾਡੇ ਪੂਜਨੀਕ ਗੁਰੂ ਸੰਤ ਡਾ . ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਦੀਆਂ ਪਵਿੱਤਰ ਸਿੱਖਿਆਵਾਂ ਸਦਕਾ ਹੀ ਸੰਭਵ ਹੋ ਸਕਿਆ ਹੈ। ਉਨ੍ਹਾਂ ਕਿਹਾ ਕਿ ਪੂਜਨੀਕ ਗੁਰੂ ਜੀ ਨੇ ਸਾਨੂੰ ਸਿੱਖਿਆ ਦਿੱਤੀ ਹੈ ਕਿ ਹਮੇਸ਼ਾ ਚੰਗਾ, ਮਿਹਨਤ ਦੀ ਕਮਾਈ ਖਾਓ ਅਤੇ ਵੱਧ ਤੋਂ ਵੱਧ ਮਨੁੱਖਤਾ ਦਾ ਭਲਾ ਕਰੋ। ਇਸ ‘ਤੇ ਕੌਸ਼ੱਲਿਆ ਦੇਵੀ ਨੇ ਕਿਹਾ ਕਿ ਧੰਨ ਹਨ ਤੁਹਾਡੇ ਪੂਜਨੀਕ ਗੁਰੂ ਜੀ, ਜੋ ਤੁਹਾਨੂੰ ਅਜਿਹੀਆਂ ਮਹਾਨ ਸਿੱਖਿਆਵਾਂ ਦੇ ਰਹੇ ਹਨ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
