ਬਟਲਰ ਨੇ 4 ਘੰਟੇ ਕੀਤੀ ਬੱਲੇਬਾਜ਼ੀ,. 207 ਗੇਂਦਾਂ ਦਾ ਕੀਤਾ ਸਾਹਮਣਾ
- ਮਾਰਨਸ ਲਾਬੂਸ਼ੇਨ ਨੂੰ ‘ਮੈਨ ਆਫ ਦਾ ਮੈਚ’ ਚੁਣਿਆ
- ਮਹਿਮਾਨ ਟੀਮ ਮੈਚ ਦੇ ਪੰਜਵੇਂ ਦਿਨ 192 ਦੌੜਾਂ ‘ਤੇ ਸਿਮਟ ਗਈ
- ਆਸਟ੍ਰੇਲੀਆ ਦੇ ਝਾਈ ਰਿਚਰਡਸਨ ਨੇ ਸ਼ਾਨਦਾਰ ਗੇਂਦਬਾਜ਼ੀ ਕਰਦਿਆਂ 5 ਵਿਕਟਾਂ ਲਈਆਂ
(ਸੱਚ ਕਹੂੰ ਨਿਊਜ਼)ਐਡੀਲੇਡ। ਆਸਟਰੇਲੀਆ ਨੇ ਏਸ਼ੇਜ਼ ਦੇ ਦੂਜੇ ਟੈਸਟ ਵਿੱਚ ਇੰਗਲੈਂਡ ਨੂੰ 275 ਦੌੜਾਂ ਦੇ ਵੱਡੇ ਫਰਕ ਨਾਲ ਹਰਾ ਕੇ ਲੜੀ ਵਿੱਚ 2-0 ਦੀ ਵਾਧਾ ਬਣਾ ਲਿਆ ਹੈ। ਐਡੀਲੇਡ ‘ਚ ਖੇਡੇ ਗਏ ਡੇ-ਨਾਈਟ ਟੈਸਟ ‘ਚ ਆਸਟ੍ਰੇਲੀਆ ਨੇ ਇੰਗਲੈਂਡ (ਆਸਟ੍ਰੇਲੀਆ ਬਨਾਮ ਇੰਗਲੈਂਡ) ਨੂੰ ਜਿੱਤਣ ਲਈ 468 ਦੌੜਾਂ ਦਾ ਟੀਚਾ ਦਿੱਤਾ ਹੈ।
ਇੰਗਲੈਂਡ ਦੀ ਟੀਮ ਚੌਥੀ ਪਾਰੀ ‘ਚ ਆਸਟ੍ਰੇਲੀਆਈ ਹਮਲੇ ਦੇ ਸਾਹਮਣੇ ਟਿਕ ਨਹੀਂ ਸਕੀ। ਮਹਿਮਾਨ ਟੀਮ ਮੈਚ ਦੇ ਪੰਜਵੇਂ ਦਿਨ 192 ਦੌੜਾਂ ‘ਤੇ ਸਿਮਟ ਗਈ। ਇਸ ਤੋਂ ਪਹਿਲਾਂ ਆਸਟ੍ਰੇਲੀਆ ਨੇ ਪਹਿਲੀ ਪਾਰੀ 473/9 ‘ਤੇ ਘੋਸ਼ਿਤ ਕਰ ਦਿੱਤੀ ਸੀ, ਜਿਸ ਦੇ ਜਵਾਬ ‘ਚ ਇੰਗਲੈਂਡ ਦੀ ਟੀਮ 236 ਦੌੜਾਂ ਹੀ ਬਣਾ ਸਕੀ। ਮੈਚ ’ਚ ਆਸਟ੍ਰੇਲੀਆ ਦੇ ਝਾਈ ਰਿਚਰਡਸਨ ਨੇ ਸ਼ਾਨਦਾਰ ਗੇਂਦਬਾਜ਼ੀ ਕਰਦੇ ਹੋਏ 5 ਵਿਕਟਾਂ ਲਈਆਂ। ਪਹਿਲੀ ਪਾਰੀ ‘ਚ ਸੈਂਕੜਾ ਅਤੇ ਦੂਜੀ ਪਾਰੀ ‘ਚ ਅਰਧ ਸੈਂਕੜਾ ਲਗਾਉਣ ਵਾਲੇ ਮਾਰਨਸ ਲਾਬੂਸ਼ੇਨ ਨੂੰ ‘ਮੈਨ ਆਫ ਦਾ ਮੈਚ’ ਚੁਣਿਆ ਗਿਆ।
ਬਟਲਰ ਨੇ 207 ਗੇਂਦਾਂ ‘ਤੇ 26 ਦੌੜਾਂ ਬਣਾਈਆਂ
ਇੰਗਲੈਂਡ ਨੂੰ ਮੈਚ ਦੇ ਆਖਰੀ ਦਿਨ ਦੀ ਖੇਡ ’ਚ ਅਸਟਰੇਲੀਆ ਦਾ ਡਟ ਕੇ ਮੁਕਾਬਲਾ ਕੀਤਾ। ਇੰਗਲੈਂਡ ਦੀਆਂ ਸਾਰੀਆਂ ਉਮੀਦਾਂ ਜੋਸ ਬਟਲਰ ਉੱਤੇ ਟਿਕੀਆਂ ਹੋਈਆਂ ਸਨ। ਬਟਲਰ ਨੇ ਵੀ ਪਹਿਲੇ ਦੋ ਸੈਸ਼ਨਾਂ ‘ਚ ਕੰਗਾਰੂ ਗੇਂਦਬਾਜ਼ਾਂ ਖਿਲਾਫ ਸਖਤ ਰੁਖ ਅਪਣਾਇਆ ਪਰ ਆਖਰੀ ਸੈਸ਼ਨ ‘ਚ ਟੀਮ ਲਈ ਮੈਚ ਬਚਾਉਣ ‘ਚ ਨਾਕਾਮ ਰਹੇ। ਬਟਲਰ ਨੇ 207 ਗੇਂਦਾਂ ‘ਤੇ 26 ਦੌੜਾਂ ਬਣਾਈਆਂ। ਬਟਲਰ ਹਿੱਟ ਵਿਕਟ ਆਊਟ ਹੋਏ। ਇਹ ਆਪਣੇ ਟੈਸਟ ਕਰੀਅਰ ਵਿੱਚ ਪਹਿਲੀ ਵਾਰ ਸੀ ਜਦੋਂ ਜੋਸ ਨੂੰ ਇਸ ਤਰ੍ਹਾਂ ਆਊਟ ਕੀਤਾ ਗਿਆ।
ਉਸ ਨੇ ਆਊਟ ਹੋਣ ਤੋਂ ਪਹਿਲਾਂ 4 ਘੰਟੇ ਤੱਕ ਬੱਲੇਬਾਜ਼ੀ ਕੀਤੀ। ਜਦੋਂ ਤੱਕ ਬਟਲਰ ਕ੍ਰੀਜ਼ ‘ਤੇ ਸੀ, ਇੰਗਲੈਂਡ ਦੀਆਂ ਉਮੀਦਾ ਕਾਇਮ ਸਨ। ਬਟਲਰ ਅਤੇ ਕ੍ਰਿਸ ਵੋਕਸ ਨੇ 7ਵੀਂ ਵਿਕਟ ਲਈ 61 ਦੌੜਾਂ ਜੋੜ ਕੇ ਕੰਗਾਰੂ ਗੇਂਦਬਾਜ਼ਾਂ ਨੂੰ ਵਿਕਟਾਂ ਲਈ ਤਰਸਾ ਦਿੱਤਾ ਸੀ। ਝਾਈ ਰਿਚਰਡਸਨ ਨੇ ਵੋਕਸ (44) ਦਾ ਵਿਕਟ ਲੈ ਕੇ ਇਸ ਸਾਂਝੇਦਾਰੀ ਨੂੰ ਤੋੜਿਆ। ਓਲੀ ਰੌਬਿਨਸਨ ਅਤੇ ਬਟਲਰ ਨੇ ਵੀ 8ਵੀਂ ਵਿਕਟ ਲਈ 87 ਗੇਂਦਾਂ ਖੇਡੀਆਂ ਅਤੇ 12 ਦੌੜਾਂ ਜੋੜੀਆਂ। ਰੌਬਿਨਸਨ ਨੂੰ ਨਾਥਨ ਲਿਓਨ ਨੇ ਆਊਟ ਕਰਕੇ AUS ਨੂੰ ਅੱਠਵੀਂ ਸਫਲਤਾ ਦਿਵਾਈ। ਹਾਲਾਂਕਿ ਜੋਸ ਬਟਲਰ ਨੇ ਹਿੰਮਤ ਨਹੀਂ ਹਾਰੀ ਅਤੇ ਦਲੇਰੀ ਨਾਲ ਗੇਂਦਬਾਜ਼ਾਂ ਦਾ ਸਾਹਮਣਾ ਕੀਤਾ।
ਇੰਗਲੈਂਡ ਦੀ ਸ਼ੁਰੂਆਤ ਰਹੀ ਖਰਾਬ
ਟੀਚੇ ਦਾ ਪਿੱਛਾ ਕਰਨ ਉਤਰੀ ਟੀਮ ਦੀ ਸ਼ੁਰੂਆਤ ਖਰਾਬ ਰਹੀ। ਇੰਗਲੈਂਡ ਦੀ ਅੱਧੀ ਟੀਮ ਸਿਰਫ਼ 86 ਦੇ ਸਕੋਰ ‘ਤੇ ਪੈਵੇਲੀਅਨ ਪਰਤ ਗਈ। ਸਲਾਮੀ ਬੱਲੇਬਾਜ਼ ਹਸੀਬ ਹਮੀਦ 0, ਰੋਰੀ ਬਰਨਜ਼ 34, ਕਪਤਾਨ ਜੋ ਰੂਟ 24, ਡੇਵਿਡ ਮਲਾਨ 20 ਅਤੇ ਓਲੀ ਪੌਪ 4 ਦੌੜਾਂ ਬਣਾ ਕੇ ਆਊਟ ਹੋਏ। ਇਸ ਤੋਂ ਬਾਅਦ ਟੀਮ ਲਈ ਮੈਚ ਬਚਾਉਣ ਦੀ ਸਾਰੀ ਜ਼ਿੰਮੇਵਾਰੀ ਬੇਨ ਸਟੋਕਸ ਅਤੇ ਜੋਸ ਬਟਲਰ ਦੇ ਮੋਢਿਆਂ ‘ਤੇ ਸੀ ਪਰ ਸਟੋਕਸ 2019 ਦੇ ਲੀਡਜ਼ ਟੈਸਟ ਦੇ ਇਤਿਹਾਸ ਨੂੰ ਦੁਹਰਾਉਣ ‘ਚ ਨਾਕਾਮ ਰਹੇ ਅਤੇ 12 ਦੇ ਸਕੋਰ ‘ਤੇ ਪੈਵੇਲੀਅਨ ਪਰਤ ਗਏ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
