Unnao Expressway Accident: ਉਨਾਓ (ਏਜੰਸੀ)। ਲਖਨਊ-ਆਗਰਾ ਐਕਸਪ੍ਰੈਸਵੇਅ ’ਤੇ ਸਿਰਧਰਪੁਰ ਤੇ ਦੇਵਖਾਰੀ ਪਿੰਡਾਂ ਦੇ ਨੇੜੇ ਮਥੁਰਾ ਤੇ ਆਗਰ ਡਿਪੂਆਂ ਤੋਂ ਦੋ ਰੋਡਵੇਜ ਬੱਸਾਂ ਇੱਕ ਹੀ ਟਰੱਕ ਨਾਲ ਟਕਰਾ ਗਈਆਂ। ਇਸ ਹਾਦਸੇ ’ਚ ਤਿੰਨ ਯਾਤਰੀਆਂ ਦੀ ਮੌਤ ਹੋ ਗਈ ਤੇ ਦੋਵਾਂ ਬੱਸਾਂ ਦੇ 31 ਯਾਤਰੀ ਜਖਮੀ ਹੋ ਗਏ। ਪੁਲਿਸ ਨੇ ਜਖਮੀਆਂ ਨੂੰ ਬੰਗਾਰਮਾਊ ਸੀਐਚਸੀ ਪਹੁੰਚਾਇਆ। ਮੁੱਢਲੀ ਸਹਾਇਤਾ ਬਾਅਦ, ਉਨ੍ਹਾਂ ਨੂੰ ਜ਼ਿਲ੍ਹਾ ਹਸਪਤਾਲ ਰੈਫਰ ਕਰ ਦਿੱਤਾ ਗਿਆ। ਮੰਨਿਆ ਜਾ ਰਿਹਾ ਹੈ ਕਿ ਦੋਵੇਂ ਘਟਨਾਵਾਂ ਡਰਾਈਵਰ ਦੇ ਸੌਣ ਕਾਰਨ ਵਾਪਰੀਆਂ ਹਨ। ਐਤਵਾਰ ਰਾਤ 12:00 ਵਜੇ, ਸਿਰਧਰਪੁਰ ਪਿੰਡ ਦੇ ਸਾਹਮਣੇ ਕਿਲੋਮੀਟਰ ਨੰਬਰ 226 ’ਤੇ ਐਕਸਪ੍ਰੈਸਵੇਅ ’ਤੇ ਇੱਕ ਟਰੱਕ ਖੜ੍ਹਾ ਸੀ। Unnao Expressway Accident
ਇਹ ਖਬਰ ਵੀ ਪੜ੍ਹੋ : Mizoram Cancer Cases: ਚਿੰਤਾਜਨਕ, ਮਿਜ਼ੋਰਮ ’ਚ ਕੈਂਸਰ ਦੇ ਸਭ ਤੋਂ ਵੱਧ ਕੇਸ
ਲਗਭਗ 12:00 ਵਜੇ, ਆਗਰਾ ਫੋਰਟ ਦੀ ਇੱਕ ਬੱਸ ਪਿੱਛੇ ਤੋਂ ਟਰੱਕ ਨਾਲ ਟਕਰਾ ਗਈ, ਜਿਸ ’ਚ 14 ਯਾਤਰੀ ਜਖਮੀ ਹੋ ਗਏ। ਪੁਲਿਸ ਮੌਕੇ ’ਤੇ ਪਹੁੰਚੀ ਤੇ ਸਾਰੇ ਜਖਮੀਆਂ ਨੂੰ ਪੰਜ ਐਂਬੂਲੈਂਸਾਂ ’ਚ ਬੰਗਾਰਮਾਊ ਸਿਹਤ ਕੇਂਦਰ ਪਹੁੰਚਾਇਆ। ਉਨ੍ਹਾਂ ਨੇ ਨੁਕਸਾਨੇ ਗਏ ਵਾਹਨਾਂ ਨੂੰ ਹਟਾਉਣ ਦੀਆਂ ਕੋਸ਼ਿਸ਼ਾਂ ਸ਼ੁਰੂ ਕਰਨ ਲਈ ਇੱਕ ਹਾਈਡ੍ਰਾ ਟਰੱਕ ਵੀ ਬੁਲਾਇਆ। ਪੁਲਿਸ ਵੱਲੋਂ ਰੋਡਵੇਜ ਬੱਸ ਨੂੰ ਹਟਾਉਣ ਤੋਂ ਬਾਅਦ, ਨੁਕਸਾਨੇ ਗਏ ਟਰੱਕ ਨੂੰ ਪ੍ਰੀਤਮਪੁਰਾ ਪੁਲਿਸ ਸਟੇਸ਼ਨ ਲਿਜਾਇਆ ਜਾ ਰਿਹਾ ਸੀ ਕਿ ਸਵੇਰੇ 2:30 ਵਜੇ ਆਗਰਾ ਫੋਰਟ ਦੀ ਇੱਕ ਹੋਰ ਬੱਸ ਪਿੱਛੇ ਤੋਂ ਟਰੱਕ ਨਾਲ ਟਕਰਾ ਗਈ। Unnao Expressway Accident
ਹਾਦਸੇ ’ਚ ਤਿੰਨ ਯਾਤਰੀਆਂ ਦੀ ਮੌਤ ਹੋ ਗਈ ਤੇ 17 ਹੋਰ ਜਖਮੀ ਹੋ ਗਏ। ਇਸ ਤੋਂ ਬਾਅਦ ਪੁਲਿਸ ਮੌਕੇ ’ਤੇ ਪਹੁੰਚੀ ਤੇ ਜਖਮੀਆਂ ਨੂੰ ਸਿਹਤ ਕੇਂਦਰ ਲਿਆਂਦਾ। ਮੁੱਢਲੀ ਸਹਾਇਤਾ ਤੋਂ ਬਾਅਦ, ਡਾਕਟਰ ਨੇ ਜਖਮੀਆਂ ਨੂੰ ਦੋਵਾਂ ਬੱਸਾਂ ਤੋਂ ਜ਼ਿਲ੍ਹਾ ਹਸਪਤਾਲ ਰੈਫਰ ਕਰ ਦਿੱਤਾ। ਮ੍ਰਿਤਕਾਂ ਦੀ ਪਛਾਣ ਨਾ ਹੋ ਸਕਣ ਕਾਰਨ, ਉਨ੍ਹਾਂ ਦੀਆਂ ਲਾਸ਼ਾਂ ਨੂੰ ਪੋਸਟਮਾਰਟਮ ਹਾਊਸ ’ਚ ਰੱਖਿਆ ਗਿਆ। ਕੋਤਵਾਲ ਅਖਿਲੇਸਚੰਦਰ ਪਾਂਡੇ ਨੇ ਦੱਸਿਆ ਕਿ ਟਰੱਕ ਸੜਕ ਦੇ ਕਿਨਾਰੇ ਖੜ੍ਹਾ ਸੀ। ਦੋਵਾਂ ਬੱਸਾਂ ’ਚ 31 ਯਾਤਰੀ ਜਖਮੀ ਹੋਏ ਹਨ। ਤਿੰਨ ਦੀ ਮੌਤ ਹੋ ਗਈ ਹੈ। ਲਾਸ਼ਾਂ ਦੀ ਪਛਾਣ ਕਰਨ ਦੀਆਂ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ। Unnao Expressway Accident
