Annual Exam Results: ਸ਼ਾਹ ਸਤਿਨਾਮ ਜੀ ਬੁਆਇਜ਼ ਸਕੂਲ ਦਾ ਸਾਲਾਨਾ ਪ੍ਰੀਖਿਆ ਨਤੀਜਾ 100 ਫੀਸਦੀ ਰਿਹਾ, ਟੌਪਰਾਂ ਨੂੰ ਕੀਤਾ ਸਨਮਾਨਿਤ

By Sach Kahoon Punjabi Desk

Published On Mar 30, 2026 09:47 AM IST

ਐੱਲਕੇਜੀ ਤੋਂ 11ਵੀਂ ਤੱਕ 1200 ਵਿਦਿਆਰਥੀਆਂ ਨੇ ਹਾਸਲ ਕੀਤੀ ਸਫਲਤਾ

Annual Exam Results: (ਸੁਨੀਲ ਵਰਮਾ) ਸਰਸਾ। ਸ਼ਾਹ ਸਤਿਨਾਮ ਜੀ ਬੁਆਇਜ਼ ਸਕੂਲ, ਸਰਸਾ ’ਚ ਵਿੱਦਿਅਕ ਸੈਸ਼ਨ 2025-26 ਦਾ ਸਾਲਾਨਾ ਪ੍ਰੀਖਿਆ ਨਤੀਜਾ ਐਤਵਾਰ ਨੂੰ ਮਾਪੇ-ਅਧਿਆਪਕ ਮਿਲਣੀ ਮੌਕੇ ਐਲਾਨਿਆ ਗਿਆ। ਪ੍ਰੋਗਰਾਮ ਦੀ ਸ਼ੁਰੂਆਤ ਬੇਨਤੀ ਦਾ ਸ਼ਬਦ ਬੋਲ ਕੇ ਕੀਤੀ ਗਈ। ਸਕੂਲ ਦਾ ਨਤੀਜਾ ਹਰ ਸਾਲ ਵਾਂਗ ਇਸ ਸਾਲ ਵੀ ਸੌ-ਫੀਸਦੀ ਰਿਹਾ ਅਤੇ ਸਾਰੇ ਵਿਦਿਆਰਥੀ ਚੰਗੇ ਅੰਕ ਲੈ ਕੇ ਪਾਸ ਹੋਏ। ਮਾਪਿਆਂ ਨੇ ਬੱਚਿਆਂ ਨਾਲ ਸਕੂਲ ਪਹੁੰਚ ਕੇ ਸਾਲਾਨਾ ਪ੍ਰੀਖਿਆ ਨਤੀਜਾ ਹਾਸਲ ਕੀਤਾ।

ਇਸ ਮੌਕੇ ਮਾਪੇ ਅਤੇ ਵਿਦਿਆਰਥੀ ਸ਼ਾਨਦਾਰ ਪ੍ਰੀਖਿਆ ਨਤੀਜਾ ਵੇਖ ਕੇ ਬਹੁਤ ਖੁਸ਼ ਨਜ਼ਰ ਆਏ। ਵਿਦਿਆਰਥੀਆਂ ਵਿੱਚ ਅਗਲੀ ਕਲਾਸ ਵਿੱਚ ਜਾਣ ਦੀ ਖੁਸ਼ੀ ਸਾਫ਼ ਨਜ਼ਰ ਆ ਰਹੀ ਸੀ। ਚੰਗੇ ਅੰਕ ਹਾਸਲ ਕਰਨ ਅਤੇ ਅਗਲੀ ਕਲਾਸ ਵਿਚ ਜਾਣ ਦੀ ਖੁਸ਼ੀ ਵਿੱਚ ਵਿਦਿਆਰਥੀਆਂ ਨੇ ਪ੍ਰਿੰਸੀਪਲ ਅਤੇ ਸਟਾਫ਼ ਦਾ ਮੂੰਹ ਮਿੱਠਾ ਕਰਵਾਇਆ ਅਤੇ ਉਨ੍ਹਾਂ ਦਾ ਆਸ਼ੀਰਵਾਦ ਲਿਆ। ਮਾਪਿਆ ਨੇ ਸਕੂਲ ਪ੍ਰਬੰਧਨ ਅਤੇ ਅਧਿਆਪਕਾਂ ਦੀ ਸਲਾਘਾ ਕੀਤੀ। ਸਕੂਲ ਪ੍ਰਿੰਸੀਪਲ ਰਾਕੇਸ਼ ਧਵਨ ਇੰਸਾਂ ਨੇ ਦੱਸਿਆ ਕਿ ਐੱਲਕੇਜੀ ਤੋਂ ਨੌਵੀਂ ਤੇ ਗਿਆਰ੍ਹਵੀਂ ਕਲਾਸ ਦਾ ਨਤੀਜਾ ਜਾਰੀ ਕੀਤਾ ਗਿਆ, ਜਿਸ ਵਿੱਚ ਲਗਭਗ 1200 ਵਿਦਿਆਰਥੀ ਸ਼ਾਮਲ ਸਨ।

ਵਿਦਿਆਰਥੀਆਂ ਨੇ ਸ਼ਾਨਦਾਰ ਸਫਲਤਾ ਹਾਸਲ ਕਰਕੇ ਸਕੂਲ ਅਤੇ ਆਪਣੇ ਮਾਤਾ-ਪਿਤਾ ਦਾ ਨਾਮ ਰੋਸ਼ਨ ਕੀਤਾ। ਇਸ ਮੌਕੇ ਸਕੂਲ ਪ੍ਰਬੰਧਕੀ ਕਮੇਟੀ ਦੇ ਮੈਂਬਰ ਚਰਨਜੀਤ ਸਿੰਘ ਇੰਸਾਂ, ਰਿਟਾਇਰਡ ਕਰਨਲ ਨਰਿੰਦਰਪਾਲ ਸਿੰਘ ਤੂਰ ਇੰਸਾਂ ਤੇ ਹਿਮਾਨੀ ਇੰਸਾਂ, ਡਾ. ਆਰ. ਕੇ. ਚੌਹਾਨ ਇੰਸਾਂ, ਰਾਮਕਿਸ਼ਨ ਬਜਾਜ ਇੰਸਾਂ, ਸਕੂਲ ਪ੍ਰਸ਼ਾਸਕ ਡਾ. ਹਰਦੀਪ ਸਿੰਘ ਇੰਸਾਂ, ਪ੍ਰਿੰਸੀਪਲ ਰਾਕੇਸ਼ ਧਵਨ ਇੰਸਾਂ, ਵਾਇਸ-ਪ੍ਰਿੰਸੀਪਲ ਵਿਪਿਨ ਇੰਸਾਂ ਤੇ ਐਕਾਡਮਿਕ ਕੋਆਰਡੀਨੇਟਰ ਗੁਰਪ੍ਰੀਤ ਸਿੰਘ ਨੇ ਵਿਦਿਆਰਥੀਆਂ ਦੀ ਸਫਲਤਾ ’ਤੇ ਵਧਾਈ ਦਿੱਤੀ ਅਤੇ ਉਨ੍ਹਾਂ ਦੇ ਉਜਵਲ ਭਵਿੱਖ ਦੀ ਕਾਮਨਾ ਕੀਤੀ। Annual Exam Results

ਕਲਾਸ ਛੇਵੀਂ ਤੋਂ ਨੌਵੀਂ ਦੇ ਟਾਪਰ:

ਛੇਵੀਂ ਕਲਾਸ ’ਚ ਅਰਪਿਤ ਦੇਵਾਂਸ਼ ਪਹਿਲੇ, ਆਯੁਸ਼ ਦੂਜੇ ਤੇ ਗੁਰਅੰਸ਼ ਤੀਜੇ ਸਥਾਨ ’ਤੇ ਰਿਹਾ। ਸੱਤਵੀਂ ’ਚ ਗੁਰਲੀਨ ਪਹਿਲੇ, ਆਰੀਅਨ ਚੌਧਰੀ ਦੂਜੇ ਤੇ ਗੁਰਅੰਸ਼ ਤੀਜੇ ਸਥਾਨ ’ਤੇ ਰਹੇ। ਅੱਠਵੀਂ ’ਚ ਵਿਹਾਨ ਗੁੰਬਰ ਪਹਿਲੇ, ਦੇਵੇਨ ਚਾਹਰ ਦੂਜੇ ਤੇ ਸੇਮਨ ਇੰਸਾਂ ਤੀਜੇ ਸਥਾਨ ’ਤੇ ਰਹੇ। ਨੌਵੀਂ ’ਚ ਨਮਨ ਕੁਮਾਰ ਤੇ ਸੁਖਲੀਨ ਸਾਂਝੇ ਤੌਰ ’ਤੇ ਪਹਿਲੇ, ਹਰਲੀਨ ਸਿੰਘ ਦੂਜੇ ਤੇ ਅਨਮੋਲ ਤੀਜੇ ਸਥਾਨ ’ਤੇ ਰਹੇ ।

ਗਿਆਰਵੀਂ ਕਲਾਸ ਦੇ ਟਾਪਰ:

ਕਾਮਰਸ ਵਿਚ ਬਖਸ਼ਮੀਤ ਪਹਿਲੇ, ਮੋਹਿਤ ਦੂਜੇ ਅਤੇ ਜਸ਼ਨਪ੍ਰੀਤ ਸਿੰਘ ਤੀਜੇ ਸਥਾਨ ’ਤੇ ਰਹੇ ਆਰਟਸ ਵਿੱਚ ਜਪਸਾਹਿਲ ਸਿੰਘ ਸਿੱਧੂ ਪਹਿਲੇ, ਆਦਿਤਿਆ ਦੂਜੇ ਅਤੇ ਪਾਰਸ (ਸਪੋਰਟਸ) ਤੀਜੇ ਸਥਾਨ ’ਤੇ ਰਹੇ।

ਐੱਲਕੇਜੀ ਤੋਂ ਪੰਜਵੀਂ ਤੱਕ ਦੇ ਟਾਪਰ:

ਐੱਲਕੇਜੀ ’ਚ ਯੋਗੇਸ਼ ਅਤੇ ਗੁਡਲੱਕ ਸਾਂਝੇ ਤੌਰ ’ਤੇ ਪਹਿਲੇ, ਪਾਰਥ ਗੁਗਲਾਨੀ ਦੂਜੇ ਤੇ ਕੇਵਿਨ ਤੀਜੇ ਸਥਾਨ?’ਤੇ ਰਹੇ ਯੂਕੇਜੀ ਵਿੱਚ ਲਵਮੀਤ, ਪ੍ਰਾਹਿਲ ਨਾਰੰਗ, ਗੁਰਅੰਸ਼ ਰੰਗਾ, ਸ਼ੁਭਪ੍ਰੀਤ ਸਾਂਝੇ ਤੌਰ ’ਤੇ ਪਹਿਲੇ, ਸਰਮਨਜੀਤ ਦੂਜੇ, ਯੁਗਵੀਰ ਅਤੇ ਜੈਮੀਤ ਸਿੰਘ ਤੀਜੇ ਸਥਾਨ ’ਤੇ ਰਹੇ ਪਹਿਲੀ ਕਲਾਸ ਵਿਚ ਸਤਿਅਮ ਸਿੰਘ ਪਹਿਲੇ, ਅਰਮਾਨ ਬ੍ਰਾਚ, ਅਨਿਰੁੱਧ, ਕਵਿਸ਼ ਰਾਹੇਜਾ, ਜਸਪ੍ਰੀਤ ਇੰਸਾਂ ਸਾਂਝੇ ਤੌਰ ’ਤੇ ਦੂਜੇ ਅਤੇ ਅਸ਼ਮੀਤਤੇ ਸ਼ਿਨੋਏ ਤੀਜੇ ਸਥਾਨ ’ਤੇ ਰਹੇ ਦੂਜੀ ਕਲਾਸ ’ਚ ਸਮਰਥ ਬਰਾੜ ਪਹਿਲੇ, ਅਭਿਰਾਜ ਦੂਜੇ, ਸਨੇਹਮੀਤ ਅਤੇ ਆਰੂਸ਼ ਸੇਤੀਆ ਤੀਜੇ ਸਥਾਨ?’ਤੇ ਰਹੇ ਤੀਜੀ ਕਲਾਸ ’ਚ ਰਹਿਮਦਿਲ ਬਜਾਜ ਪਹਿਲੇ, ਪੀਯੂਸ਼ ਬਾਂਸਲ ਦੂਜੇ, ਧੈਰਿਆ ਤੀਜੇ ਸਥਾਨ ’ਤੇ ਰਹੇ ਚੌਥੀ ਕਲਾਸ ਵਿਚ ਵਿਸ਼ੇਸ਼ ਪਹਿਲੇ, ਕੁਨਾਲ ਪੰਕਜ ਜਾਂਗੜਾ ਦੂਜੇ ਅਤੇ ਹਰਸ਼ਿਤ ਖੋਥ ਤੀਜੇ ਸਥਾਨ ’ਤੇ ਰਿਹਾ। ਪੰਜਵੀਂ ਕਲਾਸ ’ਚ ਸਰਗਮ ਇੰਸਾਂ ਪਹਿਲੇ, ਸਾਰਥਕ ਦੂਜਾ ਅਤੇ ਲਵਮੀਤ ਲੂਥੜਾ ਤੀਜੇ ਸਥਾਨ ’ਤੇ ਰਿਹਾ।

ਇਹ ਵੀ ਪੜ੍ਹੋ: Punjab Government News: ਮੁੱਖ ਮੰਤਰੀ ਮਾਵਾਂ ਧੀਆਂ ਸਤਿਕਾਰ ਯੋਜਨਾ’ ਸ਼ੁਰੂ ਕਰਨ ਲਈ ਕੈਬਿਨੇਟ ਦੀ ਹਰੀ ਝੰਡੀ

ਇਸ ਮੌਕੇ ਪ੍ਰਿੰਸੀਪਲ ਰਾਕੇਸ਼ ਧਵਨ ਇੰਸਾਂ ਨੇ ਕਿਹਾ ਕਿ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਦੀ ਪ੍ਰੇਰਣਾ ਅਤੇ ਆਸ਼ੀਰਵਾਦ ਨਾਲ ਹਰ ਵਾਰ ਵਾਂਗ ਇਸ ਸਾਲ ਵੀ ਸਕੂਲ ਦਾ ਨਤੀਜਾ ਸ਼ਾਨਦਾਰ ਰਿਹਾ ਹੈ। ਇਸ ਮੌਕੇ ਬੱਚਿਆਂ ਨੂੰ ਉਤਸ਼ਾਹਿਤ ਕਰਨ ਲਈ ਮੈਡਲ ਪਹਿਨਾ ਕੇ, ਪ੍ਰਸ਼ੰਸਾ ਪੱਤਰ ਅਤੇ ਟਰਾਫੀ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਨਵੇਂ ਸੈਸ਼ਨ ਤੋਂ ਪੂਜਨੀਕ ਗੁਰੂ ਜੀ ਦੇ ਸੱਦੇ ’ਤੇ ਅੱਠਵੀਂ ਕਲਾਸ ਤੱਕ ਸਵਿਮਿੰਗ ਨੂੰ ਲਾਜ਼ਮੀ ਕਰ ਦਿੱਤਾ ਗਿਆ ਹੈ। ਇਸ ਫੈਸਲੇ ਤੋਂ ਮਾਪੇ ਬਹੁਤ ਖੁਸ਼ ਨਜ਼ਰ ਆ ਰਹੇ ਹਨ, ਕਿਉਂਕਿ ਸਵਿਮਿੰਗ ਨਾਲ ਵਿਦਿਆਰਥੀ ਸਰੀਰਕ ਤੌਰ ’ਤੇ ਫਿੱਟ ਰਹਿਣ ਦੇ ਨਾਲ-ਨਾਲ ਮਾਨਸਿਕ ਤੌਰ ’ਤੇ ਵੀ ਮਜ਼ਬੂਤ ਬਣਨਗੇ। ਉਨ੍ਹਾਂ ਕਿਹਾ ਕਿ ਦੇਸ਼ ਲਈ ਓਲੰਪਿਕ ਵਿੱਚ ਵੱਧ ਤੋਂ ਵੱਧ ਤਗਮੇ ਆਉਣ, ਇਸ ਲਈ ਵੀ ਉਨ੍ਹਾਂ ਦੇ ਸਕੂਲ ਵਿਚ ਵੱਖ-ਵੱਖ ਯੋਜਨਾਵਾਂ ਸ਼ੁਰੂ ਕੀਤੀਆਂ ਜਾ ਰਹੀਆਂ ਹਨ। Annual Exam Results