ਪਾਕਿਸਤਾਨ ਨੇ ਟਾਸ ਜਿੱਤ ਕੇ ਫੀਲਡਿੰਗ ਕਰਨ ਦਾ ਫੈਸਲਾ ਕੀਤਾ, ਭਾਰਤ ਨੇ ਜਿੱਤ ਲਈ 253 ਦੌੜਾਂ ਦਾ ਟੀਚਾ ਦਿੱਤਾ ਸੀ, ਜਵਾਬ ਵਿੱਚ ਪਾਕਿਸਤਾਨੀ ਟੀਮ 46.2 ਓਵਰਾਂ ਵਿੱਚ ਸਿਰਫ਼ 194 ਦੌੜਾਂ ਹੀ ਬਣਾ ਸਕੀ। ਪਾਕਿਸਤਾਨ ਲਈ ਉਸਮਾਨ ਖਾਨ ਨੇ 66 ਦੌੜਾਂ ਬਣਾਈਆਂ, ਜਦੋਂ ਕਿ ਭਾਰਤ ਲਈ ਕਪਤਾਨ ਆਯੂਸ਼ ਮਹਾਤਰੇ ਅਤੇ ਖਿਲਨ ਪਟੇਲ ਨੇ 3-3 ਵਿਕਟਾਂ ਲਈਆਂ। ਇਸ ਤੋਂ ਪਹਿਲਾਂ, ਵੇਦਾਂਤ ਤ੍ਰਿਵੇਦੀ ਨੇ ਭਾਰਤ ਦੀ ਪਾਰੀ ਵਿੱਚ ਅਹਿਮ ਭੂਮਿਕਾ ਨਿਭਾਈ, ਇੱਕ ਅਰਧ ਸੈਂਕੜਾ ਬਣਾਇਆ।

ਇਹ ਵੀ ਪੜ੍ਹੋ: Budget 2026 : 12 ਸਾਲਾਂ ’ਚ ਨਹੀਂ ਮਿਲਿਆ ਬਣਦਾ ਹੱਕ, ਬਜਟ ਭਾਸ਼ਣ ’ਚ ਪੰਜਾਬ ਦਾ ਨਾਂ ਵੀ ਨਹੀਂ : ਰਾਜਾ ਵੜਿੰਗ

ਸ਼ਾਹ ਸਤਿਨਾਮ ਜੀ ਕ੍ਰਿਕਟ ਅਕੈਡਮੀ, ਸਰਸਾ ਦੇ ਆਲਰਾਉਂਡਰ ਅਤੇ ਆਫ ਸਪਿੱਨਰ ਕਨਿਸ਼ਕ ਚੌਹਾਨ ਨੇ 35 ਦੌੜਾਂ ਬਣਾ ਕੇ ਟੀਮ ਨੂੰ ਮਹੱਤਵਪੂਰਨ ਟੀਚਾ ਤੱਕ ਪਹੁੰਚਾਇਆ। ਇਸ ਤੋਂ ਬਾਅਦ ਮੈਚ ਵਿੱਚ ਸ਼ਾਨਦਾਰ ਗੇਂਦਬਾਜ਼ੀ ਵੀ ਕੀਤੀ ਅਤੇ 10 ਓਵਰਾਂ ਵਿੱਚ 30 ਦੌੜਾਂ ਦੇ ਕੇ ਇੱਕ ਵਿਕਟ ਲਈ। ਉਸਨੇ ਇੱਕ ਸਿਰੇ ਤੋਂ ਲਗਾਤਾਰ 10 ਓਵਰ ਸੁੱਟੇ, ਜਿਸ ਨਾਲ ਪਾਕਿਸਤਾਨ ‘ਤੇ ਦਬਾਅ ਵਧਿਆ। 40.5 ਓਵਰ ਵਿੱਚ, ਕਨਿਸ਼ਕ ਚੌਹਾਨ ਨੇ ਖਿਲਨ ਪਟੇਲ ਦੇ ਗੇਂਦ ‘ਤੇ ਲੌਂਗ-ਆਨ ਤੋਂ ਇੱਕ ਸ਼ਾਨਦਾਰ ਸਲਾਈਡਿੰਗ ਕੈਚ ਲਿਆ। ਅਬਦੁਲ ਸੁਭਾਨ ਨੇ ਇੱਕ ਲੰਬਾਈ ਵਾਲੀ ਗੇਂਦ ‘ਤੇ ਵੱਡਾ ਸ਼ਾਟ ਖੇਡਣ ਦੀ ਕੋਸ਼ਿਸ਼ ਕੀਤੀ, ਪਰ ਗੇਂਦ ਸਿੱਧੀ ਚੌਹਾਨ ਦੇ ਹੱਥਾਂ ਵਿੱਚ ਚਲੀ ਗਈ।

ਇਸ ਤੋਂ ਪਹਿਲਾਂ ਕਵੀਨਜ਼ ਸਪੋਰਟਸ ਕਲੱਬ ਵਿੱਚ ਪਾਕਿਸਤਾਨੀ ਕਪਤਾਨ ਫਰਹਾਨ ਯੂਸਫ਼ ਨੇ ਟਾਸ ਜਿੱਤਿਆ ਅਤੇ ਭਾਰਤ ਨੂੰ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਸੱਦਾ ਦਿੱਤਾ। ਜਵਾਬ ਵਿੱਚ, ਟੀਮ ਇੰਡੀਆ 49.5 ਓਵਰਾਂ ਵਿੱਚ 252 ਦੌੜਾਂ ‘ਤੇ ਆਲ ਆਊਟ ਹੋ ਗਈ। ਸ਼ਾਹ ਸਤਿਨਾਮ ਜੀ ਕ੍ਰਿਕਟ ਅਕੈਡਮੀ, ਸਰਸਾ ਦੇ ਨੌਜਵਾਨ ਆਲਰਾਊਂਡਰ ਕਨਿਸ਼ਕ ਚੌਹਾਨ ਭਾਰਤ ਦੀ ਜਿੱਤ ਦੇ ਹੀਰੋ ਰਹੇ। ਕਨਿਸ਼ਕ ਨੂੰ ਆਲਰਾਊਂਡ ਪ੍ਰਦਰਸ਼ਨ ਲਈ ਮੈਨ ਆਫ ਦਾ ਮੈਚ ਚੁਣਿਆ ਗਿਆ। ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ, ਕਨਿਸ਼ਕ ਨੇ 29 ਗੇਂਦਾਂ ਵਿੱਚ 35 ਦੌੜਾਂ ਦੀ ਤੇਜ਼ ਪਾਰੀ ਖੇਡੀ ਅਤੇ ਟੀਮ ਦਾ ਸਕੋਰ 250 ਦੌੜਾਂ ਤੋਂ ਪਾਰ ਪਹੁੰਚਾਇਆ। ਇਸ ਤੋਂ ਬਾਅਦ, ਗੇਂਦਬਾਜ਼ੀ ਕਰਦੇ ਹੋਏ, ਉਸਨੇ 10 ਓਵਰਾਂ ਵਿੱਚ 30 ਦੌੜਾਂ ਦਿੱਤੀਆਂ, ਇੱਕ ਮੇਡਨ ਸੁੱਟੀ। ਉਸਨੇ ਵਿਕਟਕੀਪਰ ਹਮਜ਼ਾ ਜੁਹੂਰ ਨੂੰ 42 ਦੌੜਾਂ ‘ਤੇ ਆਊਟ ਕੀਤਾ। ਉਸਨੇ ਇੱਕ ਸ਼ਾਨਦਾਰ ਕੈਚ ਵੀ ਲਿਆ। India Vs Pak

India Enters Semi Finals: ਬੁਲਾਵਾਯੋ। ਭਾਰਤ ਨੇ ਅੰਡਰ-19 ਵਿਸ਼ਵ ਕੱਪ ਦੇ ਸੈਮੀਫਾਈਨਲ ਲਈ ਕੁਆਲੀਫਾਈ ਕਰ ਲਿਆ ਹੈ। ਭਾਰਤ ਨੇ ਰੋਮਾਂਚਕ ਮੈਚ ’ਚ ਪਾਕਿਸਤਾਨ ਨੂੰ 58 ਦੌੜਾਂ ਨਾਲ ਹਰਾਇਆ। ਜ਼ਿੰਬਾਬਵੇ ਦੇ ਬੁਲਾਵਾਯੋ ਵਿੱਚ ਖੇਡੇ ਗਏ ਮੈਚ ਵਿੱਚ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਭਾਰਤ ਨੇ 50 ਓਵਰਾਂ ਵਿੱਚ 252 ਦੌੜਾਂ ਬਣਾਈਆਂ। ਵੇਦਾਂਤ ਤ੍ਰਿਵੇਦੀ ਨੇ 68 ਦੌੜਾਂ ਦੀ ਪਾਰੀ ਖੇਡੀ।

ਪਾਕਿਸਤਾਨ ਨੂੰ ਸੈਮੀਫਾਈਨਲ ਵਿੱਚ ਪਹੁੰਚਣ ਲਈ 33.3 ਓਵਰਾਂ ਵਿੱਚ 253 ਦੌੜਾਂ ਦਾ ਟੀਚਾ ਪ੍ਰਾਪਤ ਕਰਨਾ ਪਿਆ। ਟੀਮ 46.2 ਓਵਰਾਂ ਵਿੱਚ ਸਿਰਫ਼ 194 ਦੌੜਾਂ ਹੀ ਬਣਾ ਸਕੀ। ਪਾਕਿਸਤਾਨ ਲਈ ਉਸਮਾਨ ਖਾਨ ਨੇ 66 ਦੌੜਾਂ ਬਣਾਈਆਂ, ਜਦੋਂ ਕਿ ਭਾਰਤ ਲਈ ਕਪਤਾਨ ਆਯੂਸ਼ ਮਹਾਤਰੇ ਅਤੇ ਖਿਲਨ ਪਟੇਲ ਨੇ 3-3 ਵਿਕਟਾਂ ਲਈਆਂ।

ਵੇਦਾਂਤ ਤ੍ਰਿਵੇਦੀ ਨੇ ਲਾਇਆ ਅਰਧ ਸੈਂਕੜਾ

ਭਾਰਤ ਵੱਲੋਂ ਵੇਦਾਂਤ ਤ੍ਰਿਵੇਦੀ ਨੇ 68 ਦੌੜਾਂ ਬਣਾ ਕੇ ਟੀਮ ਨੂੰ 200 ਦੇ ਨੇੜੇ ਪਹੁੰਚਾਇਆ। ਵੈਭਵ ਸੂਰਿਆਵੰਸ਼ੀ 22 ਗੇਂਦਾਂ ‘ਤੇ ਸਿਰਫ਼ 30 ਦੌੜਾਂ ਹੀ ਬਣਾ ਸਕੇ। ਕਪਤਾਨ ਆਯੁਸ਼ ਮਹਾਤਰੇ ਆਪਣਾ ਖਾਤਾ ਵੀ ਨਹੀਂ ਖੋਲ੍ਹ ਸਕੇ। ਅੰਤ ਵਿੱਚ, ਕਨਿਸ਼ਕ ਚੌਹਾਨ ਅਤੇ ਖਿਲਨ ਪਟੇਲ ਨੇ ਅਰਧ ਸੈਂਕੜਾ ਸਾਂਝੇਦਾਰੀ ਕਰਕੇ ਸਕੋਰ 250 ਤੋਂ ਪਾਰ ਪਹੁੰਚਾਇਆ। ਪਾਕਿਸਤਾਨ ਲਈ, ਅਬਦੁਲ ਸੁਭਾਨ ਨੇ ਤਿੰਨ ਵਿਕਟਾਂ ਅਤੇ ਮੁਹੰਮਦ ਸਯਾਮ ਨੇ ਦੋ ਵਿਕਟਾਂ ਲਈਆਂ।

ਕਨਿਸ਼ਕ ਚੌਹਾਨ ਦੀਆਂ ਵਲ਼ ਖਾਧੀਆਂ ਗੇਂਦਾਂ ਅੱਗੇ ਬੇਵੱਸ ਨਜ਼ਰ ਆਏ ਪਾਕਿ ਬੱਲੇਬਾਜ਼

ਦੀਪੇਸ਼ ਦੇਵੇਂਦਰਨ ਅਤੇ ਕਨਿਸ਼ਕ ਚੌਹਾਨ ਨੇ ਤਿੰਨ-ਤਿੰਨ ਵਿਕਟਾਂ ਲਈਆਂ

Under-19 Asia Cup: ਦੁਬਈ, (ਆਈਏਐਨਐਸ)। ਅੰਡਰ-19 ਏਸ਼ੀਆ ਕੱਪ 2025 ਦੇ ਪੰਜਵੇਂ ਮੈਚ ਵਿੱਚ ਭਾਰਤ ਨੇ ਪਾਕਿਸਤਾਨ ਨੂੰ 90 ਦੌੜਾਂ ਨਾਲ ਹਰਾ ਦਿੱਤਾ। ਮੀਂਹ ਕਾਰਨ ਟਾਸ ਵਿੱਚ ਦੇਰੀ ਹੋਈ, ਜਿਸ ਕਾਰਨ ਮੈਚ ਇੱਕ-ਇੱਕ ਓਵਰ ਛੋਟਾ ਕਰਨਾ ਪਿਆ। ਟਾਸ ਹਾਰਨ ਤੋਂ ਬਾਅਦ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕਰਦੇ ਹੋਏ, ਭਾਰਤ 46.1 ਓਵਰਾਂ ਵਿੱਚ 240 ਦੌੜਾਂ ‘ਤੇ ਆਲ ਆਊਟ ਹੋ ਗਿਆ। ਕਪਤਾਨ ਆਯੁਸ਼ ਮਹਾਤਰੇ ਨੇ ਵੈਭਵ ਸੂਰਿਆਵੰਸ਼ੀ ਨਾਲ 29 ਦੌੜਾਂ ਦੀ ਓਪਨਿੰਗ ਸਾਂਝੇਦਾਰੀ ਕੀਤੀ। ਵੈਭਵ ਸਿਰਫ਼ ਪੰਜ ਦੌੜਾਂ ਬਣਾ ਕੇ ਆਊਟ ਹੋਇਆ, ਜਿਸ ਕਾਰਨ ਆਯੁਸ਼ ਮਹਾਤਰੇ ਨੇ ਐਰੋਨ ਜਾਰਜ ਨਾਲ ਦੂਜੀ ਵਿਕਟ ਲਈ 39 ਗੇਂਦਾਂ ਵਿੱਚ 49 ਦੌੜਾਂ ਜੋੜੀਆਂ। ਕਪਤਾਨ ਮਹਾਤਰੇ 25 ਗੇਂਦਾਂ ਵਿੱਚ 3 ਛੱਕਿਆਂ ਅਤੇ 4 ਚੌਕਿਆਂ ਦੀ ਮਦਦ ਨਾਲ 38 ਦੌੜਾਂ ਬਣਾ ਕੇ ਪੈਵੇਲੀਅਨ ਪਰਤ ਗਏ। ਇੱਥੋਂ ਆਰੋਨ ਜਾਰਜ ਨੇ ਕਪਤਾਨੀ ਸੰਭਾਲੀ।

ਇਹ ਵੀ ਪੜ੍ਹੋ: Delhi News: ਪ੍ਰਦੂਸ਼ਣ ਨੂੰ ਲੈ ਕੇ ਦਿੱਲੀ ਸਰਕਾਰ ਨੇ ਚੁੱਕੇ ਸਖ਼ਤ ਕਦਮ, ਜਾਣੋ

ਉਸ ਨੇ 88 ਗੇਂਦਾਂ ਵਿੱਚ 85 ਦੌੜਾਂ ਬਣਾਈਆਂ। ਉਨ੍ਹਾਂ ਦੀ ਪਾਰੀ ਵਿੱਚ 1 ਛੱਕਾ ਅਤੇ 12 ਚੌਕੇ ਸ਼ਾਮਲ ਸਨ, ਜਦੋਂ ਕਿ ਕਨਿਸ਼ਕ ਚੌਹਾਨ ਨੇ ਟੀਮ ਦੇ ਖਾਤੇ ਵਿੱਚ 46 ਦੌੜਾਂ ਜੋੜੀਆਂ। ਅਭਿਗਿਆਨ ਕੁੰਡੂ ਨੇ 22 ਦੌੜਾਂ ਬਣਾਈਆਂ। ਵਿਰੋਧੀ ਟੀਮ ਲਈ ਮੁਹੰਮਦ ਸਯਾਮ ਅਤੇ ਅਬਦੁਲ ਸੁਭਾਨ ਨੇ 3-3 ਵਿਕਟਾਂ ਲਈਆਂ, ਜਦੋਂ ਕਿ ਨਿਕਾਬ ਸ਼ਫੀਕ ਨੇ 2 ਵਿਕਟਾਂ ਲਈਆਂ। ਜਵਾਬ ਵਿੱਚ, ਪਾਕਿਸਤਾਨ 41.2 ਓਵਰਾਂ ਵਿੱਚ ਸਿਰਫ਼ 150 ਦੌੜਾਂ ‘ਤੇ ਆਲ ਆਊਟ ਹੋ ਗਿਆ। ਪਾਕਿਸਤਾਨ ਲਈ, ਹੁਜ਼ੈਫਾ ਅਹਿਸਾਨ ਨੇ 83 ਗੇਂਦਾਂ ਵਿੱਚ 2 ਛੱਕਿਆਂ ਅਤੇ 9 ਚੌਕਿਆਂ ਦੀ ਮਦਦ ਨਾਲ 70 ਦੌੜਾਂ ਬਣਾਈਆਂ, ਜਦੋਂ ਕਿ ਕਪਤਾਨ ਫਰਹਾਨ ਯੂਸਫ਼ ਨੇ 23 ਦੌੜਾਂ ਬਣਾਈਆਂ।

ਇਨ੍ਹਾਂ ਤੋਂ ਇਲਾਵਾ, ਉਸਮਾਨ ਖਾਨ ਨੇ 16 ਦੌੜਾਂ ਦਾ ਯੋਗਦਾਨ ਪਾਇਆ, ਪਰ ਟੀਮ ਨੂੰ ਜਿੱਤ ਦੇ ਨੇੜੇ ਵੀ ਨਹੀਂ ਲਿਜਾ ਸਕਿਆ। ਭਾਰਤ ਲਈ ਦੀਪੇਸ਼ ਦੇਵੇਂਦਰਨ ਅਤੇ ਕਨਿਸ਼ਕ ਚੌਹਾਨ ਨੇ ਤਿੰਨ-ਤਿੰਨ ਵਿਕਟਾਂ ਲਈਆਂ, ਜਦੋਂ ਕਿ ਕਿਸ਼ਨ ਕੁਮਾਰ ਨੇ ਦੋ ਵਿਕਟਾਂ ਲਈਆਂ। ਟੀਮ ਇੰਡੀਆ ਨੇ ਇਸ ਤੋਂ ਪਹਿਲਾਂ ਯੂਏਈ ਵਿਰੁੱਧ 234 ਦੌੜਾਂ ਨਾਲ ਜਿੱਤ ਦਰਜ ਕੀਤੀ ਸੀ। ਦੋਵੇਂ ਸ਼ੁਰੂਆਤੀ ਮੈਚ ਜਿੱਤਣ ਤੋਂ ਬਾਅਦ, ਭਾਰਤ ਗਰੁੱਪ ਏ ਪੁਆਇੰਟ ਟੇਬਲ ਵਿੱਚ ਸਿਖਰ ‘ਤੇ ਹੈ। ਟੀਮ 16 ਦਸੰਬਰ ਨੂੰ ਮਲੇਸ਼ੀਆ ਨਾਲ ਭਿੜੇਗੀ। –

ਕੀ ਪਿੱਚ ਵਿਗਾੜੇਗੀ ਟੀਮ ਇੰਡੀਆ ਦੀ ਖੇਡ

• 13 ਸਾਲਾਂ ’ਚ ਪਾਕਿਸਤਾਨ ਤੋਂ ਸਿਰਫ 2 ਮੈਚ ਹਾਰਿਆ ਹੈ ਭਾਰਤ
• ਅੱਜ ਏਸ਼ੀਆ ਕੱਪ ’ਚ ਹੈ ਸਾਹਮਣਾ

ਸਪੋਰਟਸ ਡੈਸਕ। Asia Cup 2025: ਅੱਜ ਏਸ਼ੀਆ ਕੱਪ ਕ੍ਰਿਕੇਟ ਟੂਰਨਾਮੈਂਟ ’ਚ ਭਾਰਤ-ਪਾਕਿਸਤਾਨ ਵਿਚਕਾਰ ਇੱਕ ਵੱਡਾ ਮੁਕਾਬਲਾ ਹੋ ਜਾ ਰਿਹਾ ਹੈ। ਦੋਵਾਂ ਟੀਮਾਂ ਨੇ ਆਪਣਾ ਪਹਿਲਾ ਮੈਚ ਜਿੱਤ ਲਿਆ ਹੈ। ਇਸ ਮੈਚ ਨੂੰ ਜਿੱਤਣ ਵਾਲੀ ਟੀਮ ਲਗਭਗ ਯਕੀਨੀ ਤੌਰ ’ਤੇ ਸੁਪਰ-4 ਲਈ ਕੁਆਲੀਫਾਈ ਕਰੇਗੀ। ਭਾਰਤੀ ਟੀਮ ਦਾ ਤਿੰਨਾਂ ਵਿਭਾਗਾਂ – ਬੱਲੇਬਾਜ਼ੀ, ਗੇਂਦਬਾਜ਼ੀ ਤੇ ਫੀਲਡਿੰਗ ’ਚ ਸਭ ਤੋਂ ਉੱਪਰ ਹੈ। ਫਾਰਮ ਦੇ ਮਾਮਲੇ ’ਚ ਪਾਕਿਸਤਾਨ ਦੀ ਟੀਮ ਭਾਰਤ ਦੇ ਸਾਹਮਣੇ ਕਿਤੇ ਵੀ ਨਹੀਂ ਹੈ। ਤਾਂ ਕੀ ਮੈਚ ਤੋਂ ਪਹਿਲਾਂ ਇਹ ਮੰਨ ਲਿਆ ਜਾਵੇ ਕਿ ਭਾਰਤ ਜਿੱਤੇਗਾ? ਅਜਿਹਾ ਨਹੀਂ ਹੈ। ਇੱਕ ਫੈਕਟਰ ਹੈ ਜੋ ਪਾਕਿਸਤਾਨ ਨੂੰ ਮੈਚ ’ਚ ਲਿਆ ਸਕਦਾ ਹੈ।

ਇਹ ਖਬਰ ਵੀ ਪੜ੍ਹੋ : Development vs Agriculture: ਵਿਕਾਸ ਦਾ ਪਹੀਆ ਤੇ ਘੱਟ ਰਹੀ ਵਾਹੀਯੋਗ ਜ਼ਮੀਨ

ਇਹ ਫੈਕਟਰ ਹੈ ਦੁਬਈ ਦੀ ਪਿੱਚ। ਇਸ ਪਿੱਚ ’ਚ ਕੀ ਖਾਸ ਹੈ ਤੇ ਇਹ ਗੇਮ ਚੇਂਜਰ ਕਿਉਂ ਸਾਬਤ ਹੋ ਸਕਦੀ ਹੈ, ਇਹ ਸਾਨੂੰ ਬਾਅਦ ’ਚ ਪਤਾ ਲੱਗੇਗਾ। ਸਭ ਤੋਂ ਪਹਿਲਾਂ, ਵੇਖੋ ਕਿ ਟੀ-20 ਫਾਰਮੈਟ ’ਚ ਹੁਣ ਤੱਕ ਭਾਰਤ-ਪਾਕਿਸਤਾਨ ਮੈਚ ਦਾ ਸਾਰ ਕੀ ਰਿਹਾ ਹੈ। ਇਨ੍ਹਾਂ ਦੋਵਾਂ ਟੀਮਾਂ ਵਿਚਕਾਰ ਆਖਰੀ ਟੱਕਰ ਅਮਰੀਕਾ ’ਚ ਹੋਏ ਟੀ-20 ਵਿਸ਼ਵ ਕੱਪ ’ਚ ਸੀ। ਫਿਰ ਭਾਰਤੀ ਟੀਮ ਨੇ ਸਿਰਫ਼ 119 ਦੌੜਾਂ ਬਣਾਉਣ ਦੇ ਬਾਵਜੂਦ ਮੈਚ 6 ਦੌੜਾਂ ਨਾਲ ਆਪਣੇ ਨਾਂਅ ਕੀਤਾ ਸੀ। ਇਸ ਵਿਸ਼ਵ ਕੱਪ ਤੋਂ ਬਾਅਦ, ਵਿਰਾਟ ਕੋਹਲੀ, ਰੋਹਿਤ ਸ਼ਰਮਾ ਤੇ ਰਵਿੰਦਰ ਜਡੇਜਾ ਵਰਗੇ ਤਜਰਬੇਕਾਰ ਭਾਰਤੀ ਖਿਡਾਰੀ ਸੰਨਿਆਸ ਲੈ ਗਏ ਸਨ।

ਇਸ ਦੇ ਬਾਵਜੂਦ, ਭਾਰਤੀ ਟੀਮ ਦਾ ਪ੍ਰਦਰਸ਼ਨ ਹੋਰ ਵੀ ਬਿਹਤਰ ਹੋ ਗਿਆ। ਟੀਮ ਨੇ ਉਦੋਂ ਤੋਂ ਆਪਣੇ 86 ਫੀਸਦੀ ਟੀ-20 ਮੈਚ ਆਪਣੇ ਨਾਂਅ ਕੀਤੇ ਹਨ। ਦੂਜੇ ਪਾਸੇ, ਪਾਕਿਸਤਾਨ ਨੇ ਪ੍ਰਦਰਸ਼ਨ ’ਚ ਸੁਧਾਰ ਦੀ ਉਮੀਦ ’ਚ ਬਾਬਰ ਆਜ਼ਮ ਤੇ ਮੁਹੰਮਦ ਰਿਜ਼ਵਾਨ ਵਰਗੇ ਖਿਡਾਰੀਆਂ ਨੂੰ ਟੀਮ ਤੋਂ ਬਾਹਰ ਕਰ ਦਿੱਤਾ ਹੈ। ਇਸ ਦੇ ਬਾਵਜੂਦ, ਟੀਮ ਦਾ ਪੱਧਰ ਡਿੱਗਦਾ ਰਿਹਾ। ਪਾਕਿਸਤਾਨ ਨੇ ਪਿਛਲੇ ਟੀ-20 ਵਿਸ਼ਵ ਕੱਪ ਤੋਂ ਬਾਅਦ ਸਿਰਫ 50 ਫੀਸਦੀ ਮੈਚ ਜਿੱਤੇ ਹਨ। Asia Cup 2025

ਜਦੋਂ ਭਾਰਤੀ ਟੀਮ ਇੰਨੀ ਵਧੀਆ ਹੈ, ਤਾਂ ਪਿੱਚ ਖੇਡ ਨੂੰ ਕਿਵੇਂ ਵਿਗਾੜ ਸਕਦੀ ਹੈ?

ਦੁਬਈ ਕ੍ਰਿਕੇਟ ਗਰਾਊਂਡ ’ਤੇ ਹੁਣ ਤੱਕ 95 ਟੀ-20 ਅੰਤਰਰਾਸ਼ਟਰੀ ਮੈਚ ਖੇਡੇ ਗਏ ਹਨ। ਇਸ ’ਚ, ਪਹਿਲਾਂ ਬੱਲੇਬਾਜ਼ੀ ਕਰਨ ਵਾਲੀ ਟੀਮ ਨੇ 46 ਮੈਜ ਜਿੱਤੇ ਹਨ। ਟੀਚੇ ਦਾ ਪਿੱਛਾ ਕਰਨ ਵਾਲੀ ਟੀਮ ਨੇ 48 ਜਿੱਤੇ ਹਨ। 1 ਮੈਚ ਬਰਾਬਰ ਰਿਹਾ ਹੈ। ਇਸ ਰਿਕਾਰਡ ’ਚ ਕੋਈ ਖਾਸ ਗੱਲ ਨਹੀਂ ਹੈ, ਜਿਸ ਕਾਰਨ ਭਾਰਤੀ ਟੀਮ ਨੂੰ ਤਣਾਅ ’ਚ ਆਉਣਾ ਚਾਹੀਦਾ ਹੈ। ਪਰ, ਜਦੋਂ ਅਸੀਂ ਦੁਬਈ ਦੇ ਰਿਕਾਰਡ ਦਾ ਹੋਰ ਧਿਆਨ ਨਾਲ ਵਿਸ਼ਲੇਸ਼ਣ ਕਰਦੇ ਹਾਂ ਤਾਂ ਦ੍ਰਿਸ਼ ਬਦਲ ਜਾਂਦਾ ਹੈ। Asia Cup 2025

2020 ਤੋਂ ਹੁਣ ਤੱਕ ਪਿਛਲੇ ਪੰਜ ਸਾਲਾਂ ’ਚ ਇੱਥੇ ਟੈਸਟ ਖੇਡਣ ਵਾਲੇ ਦੇਸ਼ਾਂ ਵਿਚਕਾਰ ਖੇਡੇ ਗਏ ਸਾਰੇ ਟੀ-20 ਮੈਚਾਂ ’ਚ, ਟੀਚੇ ਦਾ ਪਿੱਛਾ ਕਰਨ ਵਾਲੀ ਟੀਮ ਨੂੰ ਜ਼ਿਆਦਾ ਫਾਇਦਾ ਹੋਇਆ ਹੈ। ਇਸ ਸਮੇਂ ਦੌਰਾਨ, 18 ਅਜਿਹੇ ਮੈਚ ਹੋਏ ਹਨ ਜਿਨ੍ਹਾਂ ’ਚ ਦੋਵੇਂ ਟੀਮਾਂ ਟੈਸਟ ਖੇਡਣ ਵਾਲੇ ਦੇਸ਼ ਰਹੇ ਹਨ। ਇਨ੍ਹਾਂ 18 ਮੈਚਾਂ ’ਚ, ਟੀਚੇ ਦਾ ਪਿੱਛਾ ਕਰਨ ਵਾਲੀ ਟੀਮ ਨੇ 16 ਜਿੱਤੇ ਹਨ। ਪਹਿਲਾਂ ਬੱਲੇਬਾਜ਼ੀ ਕਰਨ ਵਾਲੀ ਟੀਮ ਨੇ ਸਿਰਫ਼ 2 ਮੈਚਾਂ ’ਚ ਜਿੱਤ ਹਾਸਲ ਕੀਤੀ ਹੈ। Asia Cup 2025

ਭਾਵ, ਜੇਕਰ ਭਾਰਤ ਨੂੰ ਅੱਜ ਦੇ ਮੈਚ ’ਚ ਪਹਿਲਾਂ ਬੱਲੇਬਾਜ਼ੀ ਕਰਨੀ ਪੈਂਦੀ ਹੈ, ਤਾਂ ਪਾਕਿਸਤਾਨ ਸਖ਼ਤ ਟੱਕਰ ਦੇ ਸਕਦਾ ਹੈ। ਹਾਲ ਹੀ ਦੇ ਸਾਲਾਂ ’ਚ ਅਜਿਹਾ ਦੋ ਵਾਰ ਹੋਇਆ ਹੈ। ਪਹਿਲੀ ਵਾਰ 2021 ਟੀ-20 ਵਿਸ਼ਵ ਕੱਪ ’ਚ ਤੇ ਦੂਜੀ ਵਾਰ 2022 ਟੀ-20 ਏਸ਼ੀਆ ਕੱਪ ਵਿੱਚ। ਪਿਛਲੇ 13 ਸਾਲਾਂ ’ਚ, ਇਹ ਸਿਰਫ਼ ਦੋ ਟੀ-20 ਮੈਚ ਹਨ ਜਿਨ੍ਹਾਂ ’ਚ ਪਾਕਿਸਤਾਨ ਦੀ ਟੀਮ ਭਾਰਤ ਨੂੰ ਹਰਾਉਣ ਦੇ ਯੋਗ ਰਹੀ ਹੈ।

ਪਿਚ ਰਿਪੋਰਟ | Asia Cup 2025

ਦੁਬਈ ’ਚ ਪਹਿਲੀ ਪਾਰੀ ਦਾ ਔਸਤ ਸਕੋਰ ਸਿਰਫ਼ 145 ਦੌੜਾਂ ਹੈ। ਦੂਜੀ ਪਾਰੀ ’ਚ ਤ੍ਰੇਲ ਨੂੰ ਧਿਆਨ ’ਚ ਰੱਖਦੇ ਹੋਏ, ਇਸ ਟੀਚੇ ਦਾ ਪਿੱਛਾ ਵੀ ਆਸਾਨੀ ਨਾਲ ਕੀਤਾ ਜਾ ਸਕਦਾ ਹੈ। ਇੱਥੇ ਪਹਿਲਾਂ ਬੱਲੇਬਾਜ਼ੀ ਕਰਨ ਵਾਲੀਆਂ ਟੀਮਾਂ ਦਾ ਔਸਤ ਸਕੋਰ 162 ਦੌੜਾਂ ਹੈ। ਹਾਲਾਂਕਿ, ਪਿਛਲੇ 10 ਸਾਲਾਂ ’ਚ ਇਹ ਸਕੋਰ ਵਧ ਕੇ 165 ਹੋ ਗਿਆ ਹੈ। ਭਾਵ ਜੇਕਰ ਤੁਸੀਂ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਜਿੱਤ ਦੀ ਉਮੀਦ ਕਰਨਾ ਚਾਹੁੰਦੇ ਹੋ, ਤਾਂ ਤੁਹਾਨੂੰ 165 ਤੋਂ ਜ਼ਿਆਦਾ ਦੌੜਾਂ ਬਣਾਉਣੀਆਂ ਪੈਣਗੀਆਂ।

ਦੋਵੇਂ ਟੀਮਾਂ ਦੀ ਸੰਭਾਵਿਤ ਪਲੇਇੰਗ-11

ਭਾਰਤ : ਸੂਰਿਆਕੁਮਾਰ ਯਾਦਵ (ਕਪਤਾਨ), ਅਭਿਸ਼ੇਕ ਸ਼ਰਮਾ, ਸ਼ੁਭਮਨ ਗਿੱਲ, ਸੰਜੂ ਸੈਮਸਨ (ਵਿਕਟਕੀਪਰ), ਤਿਲਕ ਵਰਮਾ, ਸ਼ਿਵਮ ਦੂਬੇ, ਹਾਰਦਿਕ ਪੰਡਯਾ, ਅਕਸ਼ਰ ਪਟੇਲ, ਕੁਲਦੀਪ ਯਾਦਵ, ਜਸਪ੍ਰੀਤ ਬੁਮਰਾਹ ਤੇ ਵਰੁਣ ਚੱਕਰਵਰਤੀ।

ਪਾਕਿਸਤਾਨ : ਸਲਮਾਨ ਆਗਾ (ਕਪਤਾਨ), ਸੈਮ ਅਯੂਬ, ਸਾਹਿਬਜ਼ਾਦਾ ਫਰਹਾਨ, ਮੁਹੰਮਦ ਹਾਰਿਸ (ਵਿਕਟਕੀਪਰ), ਫਖਰ ਜ਼ਮਾਨ, ਹਸਨ ਨਵਾਜ਼, ਮੁਹੰਮਦ ਨਵਾਜ਼, ਫਹੀਮ ਅਸ਼ਰਫ, ਸ਼ਾਹੀਨ ਅਫਰੀਦੀ, ਅਬਰਾਰ ਅਹਿਮਦ ਤੇ ਸੂਫੀਆਨ ਮੁਕੀਮ।

Boycott Turkey: ਨਵੀਂ ਦਿੱਲੀ। ਭਾਰਤ ਅਤੇ ਪਾਕਿਸਤਾਨ ਵਿਚਕਾਰ ਚੱਲ ਰਹੇ ਤਣਾਅ ਨੇ ਦੇਸ਼ ਵਿੱਚ ਇੱਕ ਨਵੀਂ ਬਹਿਸ ਛੇੜ ਦਿੱਤੀ ਹੈ। ਖਾਸ ਕਰਕੇ ਜਦੋਂ ਦੇਸ਼ ਦੀ ਸੁਰੱਖਿਆ ਦੀ ਗੱਲ ਆਉਂਦੀ ਹੈ ਤਾਂ ਜਨਤਾ ਦਾ ਗੁੱਸਾ ਉਬਲਣ ਲੱਗ ਪੈਂਦਾ ਹੈ। ਹਾਲ ਹੀ ਵਿੱਚ, ਜੰਮੂ-ਕਸ਼ਮੀਰ ਦੇ ਪਹਿਲਗਾਮ ਵਿੱਚ ਹੋਏ ਅੱਤਵਾਦੀ ਹਮਲੇ ਵਿੱਚ 26 ਮਾਸੂਮ ਲੋਕਾਂ ਦੀ ਜਾਨ ਚਲੀ ਗਈ। Turkey Boycott

ਇਸ ਤੋਂ ਬਾਅਦ ਭਾਰਤ ਨੇ ‘ਆਪ੍ਰੇਸ਼ਨ ਸੰਧੂਰ’ ਸ਼ੁਰੂ ਕੀਤਾ ਅਤੇ ਪਾਕਿਸਤਾਨ ਅਤੇ ਪਾਕਿਸਤਾਨ ਦੇ ਕਬਜ਼ੇ ਵਾਲੇ ਕਸ਼ਮੀਰ (POK) ਵਿੱਚ ਅੱਤਵਾਦੀ ਟਿਕਾਣਿਆਂ ਨੂੰ ਨਿਸ਼ਾਨਾ ਬਣਾਇਆ। ਉਸੇ ਸਮੇਂ ਜਦੋਂ ਲਗਭਗ ਪੂਰੀ ਦੁਨੀਆ ਨੇ ਭਾਰਤ ਦੇ ਇਸ ਕਦਮ ਦਾ ਸਮਰਥਨ ਕੀਤਾ ਤਾਂ ਕੁਝ ਦੇਸ਼ ਅਜਿਹੇ ਵੀ ਸਨ ਜੋ ਪਾਕਿਸਤਾਨ ਦੇ ਨਾਲ ਖੜ੍ਹੇ ਦਿਖਾਈ ਦਿੱਤੇ। ਤੁਰਕੀ ਉਨ੍ਹਾਂ ਵਿੱਚੋਂ ਇੱਕ ਹੈ ਜਿਸ ਕਾਰਨ ਭਾਰਤ ਵਿੱਚ ‘ਬਾਈਕਾਟ ਤੁਰਕੀ’ ਦਾ ਨਾਅਰਾ ਜ਼ੋਰ ਫੜ ਰਿਹਾ ਹੈ। Turkey Boycott

Read Also : Temperature Punjab: ਮੀਂਹ-ਹਨ੍ਹੇਰੀਆਂ ਤੋਂ ਬਾਅਦ ਗਰਮੀ ਦਿਖਾਉਣ ਲੱਗੀ ਆਪਣਾ ਰੰਗ, ਪਾਰਾ 42 ਡਿਗਰੀ

ਪਾਕਿਸਤਾਨ ਦਾ ਸਮਰਥਨ ਕਰਕੇ, ਤੁਰਕੀ ਨੇ ਅਸਿੱਧੇ ਤੌਰ ’ਤੇ ਭਾਰਤ ਵਿਰੁੱਧ ਆਪਣਾ ਸਟੈਂਡ ਸਪੱਸ਼ਟ ਕਰ ਦਿੱਤਾ। ਇਸ ਦਾ ਪ੍ਰਭਾਵ ਭਾਰਤ ਵਿੱਚ ਤੁਰੰਤ ਦੇਖਿਆ ਗਿਆ। Ixigo ਅਤੇ EaseMyTrip ਵਰਗੇ ਬਹੁਤ ਸਾਰੇ ਔਨਲਾਈਨ ਯਾਤਰਾ ਪਲੇਟਫਾਰਮਾਂ ਨੇ ਤੁਰਕੀ ਲਈ ਉਡਾਣ ਅਤੇ ਹੋਟਲ ਬੁਕਿੰਗਾਂ ਨੂੰ ਰੋਕ ਦਿੱਤਾ ਹੈ। ਪਰ ਮਾਮਲਾ ਇੱਥੇ ਹੀ ਨਹੀਂ ਰੁਕਿਆ। ਭਾਰਤੀ ਵਪਾਰੀਆਂ ਨੇ ਵੀ ਤੁਰਕੀ ਤੋਂ ਆਉਣ ਵਾਲੇ ਸੇਬਾਂ ਦਾ ਬਾਈਕਾਟ ਕਰਨਾ ਸ਼ੁਰੂ ਕਰ ਦਿੱਤਾ। ਨਤੀਜੇ ਵਜੋਂ ਤੁਰਕੀ ਸੇਬ ਹੁਣ ਬਾਜ਼ਾਰ ਤੋਂ ਲਗਭਗ ਗਾਇਬ ਹੋ ਗਏ ਹਨ। Say No To Turkey

ਸੋਸ਼ਲ ਮੀਡੀਆ ਪਲੇਟਫਾਰਮ X ’ਤੇ ਹੈਸ਼ਟੈਗ ਬਾਈਕਾਟ ਤੁਰਕੀ #BoycottTurkey ਵੀ ਟਰੈਂਡ ਕਰ ਰਿਹਾ ਹੈ। ਇਸ ਵਿੱਚ ਲੋਕ ਖੁੱਲ੍ਹ ਕੇ ਆਪਣੇ ਵਿਚਾਰ ਪ੍ਰਗਟ ਕਰ ਰਹੇ ਹਨ। ਇੱਕ ਯੂਜ਼ਰ ਨੇ ਲਿਖਿਆ ਕਿ ਭਾਰਤ ਨੇ ਔਖੇ ਸਮੇਂ ਵਿੱਚ ਤੁਰਕੀ ਦਾ ਸਾਥ ਦਿੱਤਾ, ਪਰ ਜਦੋਂ ਇਸ ਨੂੰ ਭਾਰਤ ਦੇ ਨਾਲ ਖੜ੍ਹੇ ਹੋਣ ਦੀ ਲੋੜ ਸੀ ਤਾਂ ਤੁਰਕੀ ਉੱਥੇ ਨਹੀਂ ਸੀ।

Operation Sindoor: ਭਾਰੀ ਨੁਕਸਾਨ ਤੋਂ ਬਾਅਦ ਜੰਗਬੰਦੀ ਲਈ ਮਜ਼ਬੂਰ ਹੋਇਆ ਗੁਆਂਢੀ ਦੇਸ਼

Operation Sindoor: ਨਵੀਂ ਦਿੱਲੀ (ਏਜੰਸੀ)। ਭਾਰਤ ਅਤੇ ਪਾਕਿਸਤਾਨ ਵਿਚਕਾਰ ਲੜਾਈ ਹੁਣ ਰੁਕ ਗਈ ਹੈ (Seasfire)। ਭਾਰਤ ਅਤੇ ਪਾਕਿਸਤਾਨ ਜੰਗਬੰਦੀ ਲਈ ਸਹਿਮਤ ਹੋ ਗਏ ਹਨ। ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਭਾਰਤ-ਪਾਕਿਸਤਾਨ ਜੰਗਬੰਦੀ ਦਾ ਐਲਾਨ ਸਭ ਤੋਂ ਪਹਿਲਾਂ ਕੀਤਾ ਸੀ। ਅਮਰੀਕੀ ਰਾਸ਼ਟਰਪਤੀ ਦੇ ਐਲਾਨ ਤੋਂ ਬਾਅਦ ਭਾਰਤ ਨੇ ਵੀ ਜੰਗਬੰਦੀ ਬਾਰੇ ਅਧਿਕਾਰਤ ਜਾਣਕਾਰੀ ਦਿੱਤੀ। ਭਾਰਤੀ ਵਿਦੇਸ਼ ਸਕੱਤਰ ਨੇ ਕਿਹਾ ਹੈ ਕਿ ਪਾਕਿਸਤਾਨ ਦੇ ਡੀਜੀਐੱਮਓ ਨੇ ਭਾਰਤ ਦੇ ਡੀਜੀਐੱਮਓ ਨੂੰ ਫੋਨ ਕੀਤਾ ਸੀ, ਜਿਸ ਤੋਂ ਬਾਅਦ ਦੋਵੇਂ ਦੇਸ਼ ਅੱਜ ਸ਼ਾਮ 5 ਵਜੇ ਤੋਂ ਜੰਗਬੰਦੀ ’ਤੇ ਸਹਿਮਤ ਹੋਏ ਹਨ। ਜੰਗਬੰਦੀ ਦੇ ਐਲਾਨ ਤੋਂ ਪਹਿਲਾਂ ਹੀ ਭਾਰਤੀ ਫੌਜ ਨੇ ਪਾਕਿਸਤਾਨ ਨੂੰ ਬਹੁਤ ਨੁਕਸਾਨ ਪਹੁੰਚਾਇਆ ਹੈ। ਜੰਗਬੰਦੀ ਤੋਂ ਪਹਿਲਾਂ ਹੀ ਭਾਰਤ ਨੇ ਪਾਕਿਸਤਾਨ ਦੇ ਇੱਕ-ਦੋ ਨਹੀਂ ਸਗੋਂ ਸੱਤ ਏਅਰਬੇਸਾਂ ਨੂੰ ਤਬਾਹ ਕਰ ਦਿੱਤਾ ਹੈ।

Read Also : Pakistan Violates Ceasefire: ਪਾਕਿਸਤਾਨ ਨੇ ਫਿਰ ਕੀਤੀ ਜੰਗਬੰਦੀ ਦੀ ਉਲੰਘਣਾ, ਜੰਮੂ-ਕਸ਼ਮੀਰ ਵਿੱਚ ਗੋਲੀਬਾਰੀ

ਦੋਵਾਂ ਦੇਸ਼ਾਂ ਵਿਚਕਾਰ ਜੰਗਬੰਦੀ (Seasfire) ਤੋਂ ਬਾਅਦ ਰੱਖਿਆ ਮੰਤਰਾਲੇ ਨੇ ‘ਆਪ੍ਰੇਸ਼ਨ ਸੰਧੂਰ’ ਸਬੰਧੀ ਇੱਕ ਪ੍ਰੈਸ ਬ੍ਰੀਫਿੰਗ ਕੀਤੀ। ਇਸ ਪ੍ਰੈਸ ਬ੍ਰੀਫਿੰਗ ਵਿੱਚ ਕਰਨਲ ਸੋਫੀਆ ਕੁਰੈਸ਼ੀ ਨੇ ਕਿਹਾ ਕਿ ਅਸੀਂ ਪਾਕਿਸਤਾਨ ਨੂੰ ਬਹੁਤ ਵੱਡਾ ਨੁਕਸਾਨ ਪਹੁੰਚਾਇਆ ਹੈ। ਇਸ ਦੌਰਾਨ ਵਿੰਗ ਕਮਾਂਡਰ ਵਿਓਮਿਕਾ ਸਿੰਘ ਨੇ ਕਿਹਾ ਕਿ ਪਾਕਿਸਤਾਨ ਵੱਲੋਂ ਬ੍ਰਹਮੋਸ ਬੇਸ ਨੂੰ ਹੋਏ ਨੁਕਸਾਨ ਦੀ ਖ਼ਬਰ ਪੂਰੀ ਤਰ੍ਹਾਂ ਝੂਠੀ ਹੈ। ਅਸੀਂ ਪਾਕਿਸਤਾਨ ਦੇ ਰੱਖਿਆਤਮਕ ਸਿਸਟਮ ਨੂੰ ਤਬਾਹ ਕਰ ਦਿੱਤਾ ਹੈ। ਭਾਰਤੀ ਫੌਜ ਸੁਰੱਖਿਆ ਪ੍ਰਦਾਨ ਕਰਨ ਦੇ ਸਮਰੱਥ ਹੈ, ਅਸੀਂ ਕਿਸੇ ਧਾਰਮਿਕ ਸਥਾਨ ਨੂੰ ਨੁਕਸਾਨ ਨਹੀਂ ਪਹੁੰਚਾਇਆ ਹੈ। ਕਈ ਪਾਕਿਸਤਾਨੀ ਦੇ ਕਈ ਏਅਰਬੱਸਾਂ ਨੂੰ ਨੁਕਸਾਨ ਹੋਇਆ ਹੈ। Operation Sindoor

7 ਏਅਰਬੇਸ ਪੂਰੀ ਤਰ੍ਹਾਂ ਹੋਏ ਤਬਾਹ | Operation Sindoor

ਦੱਸ ਦੇਈਏ ਕਿ ਸ਼ੁੱਕਰਵਾਰ ਰਾਤ ਨੂੰ ਭਾਰਤ ਦੀ ਜਵਾਬੀ ਕਾਰਵਾਈ ਕਾਰਨ ਪਾਕਿਸਤਾਨ ਨੂੰ ਭਾਰੀ ਫੌਜੀ ਨੁਕਸਾਨ ਦਾ ਸਾਹਮਣਾ ਕਰਨਾ ਪਿਆ। ਪਾਕਿਸਤਾਨ ਦੇ 7 ਏਅਰਬੇਸ ਪੂਰੀ ਤਰ੍ਹਾਂ ਤਬਾਹ ਹੋ ਗਏ ਹਨ। ਇਨ੍ਹਾਂ ਵਿੱਚ 5 ਏਅਰਬੇਸ ਅਤੇ 2 ਰਾਡਾਰ ਬੇਸ ਸ਼ਾਮਲ ਹਨ। ਇਨ੍ਹਾਂ ਵਿੱਚ ਨੂਰ ਖਾਨ ਏਅਰਬੇਸ ਰਾਵਲਪਿੰਡੀ, ਰਹਿਮਯਾਰ ਖਾਨ ਮੁਸਤਫਾਬਾਦ, ਪਾਕਿਸਤਾਨ ਦੇ ਪੰਜਾਬ ਸੂਬੇ ਦੇ ਚਕਵਾਲ ਜ਼ਿਲ੍ਹੇ ਦਾ ਮੁਰੀਦ ਏਅਰਬੇਸ, ਰਹਿਮਿਆਰ ਖਾਨ, ਰਫੀਕੀ, ਮੁਰੀਦ ਏਅਰ ਬੇਸ ਸ਼ਾਮਲ ਹਨ। ਪਾਕਿਸਤਾਨੀ ਡਰੋਨ ਲਾਂਚਪੈਡ ਤਬਾਹ, ਏਡਬਲਿਊਏਸੀਐੱਸ ਸਿਸਟਮ ਤਬਾਹ, ਹਜ਼ਾਰਾਂ ਕਰੋੜ ਰੁਪਏ ਦੇ ਹਥਿਆਰ ਅਤੇ ਫੌਜੀ ਉਪਕਰਨ ਤਬਾਹ ਕੀਤੇ ਜਾ ਚੁੱਕੇ ਹਨ

Indian Weapons System: ਮਿਜ਼ਾਈਲ ਸਿਸਟਮ ਨੇ ਪਾਕਿਸਤਾਨ ਨੂੰ ਜ਼ਬਰਦਸਤ ਸੱਟ ਮਾਰੀ

Indian Weapons System: ਨਵੀਂ ਦਿੱਲੀ (ਏਜੰਸੀ)। ਭਾਰਤ ਦੀਆਂ ਸਵਦੇਸ਼ੀ ਮਿਜ਼ਾਈਲਾਂ ਨੇ ਪਾਕਿਸਤਾਨ ਨੂੰ ਕਰਾਰਾ ਜਵਾਬ ਦਿੱਤਾ ਹੈ। ਭਾਰਤ ’ਚ ਵਿਕਸਤ ਤੇ ਬਣੀ ਆਕਾਸ਼ ਮਿਜ਼ਾਈਲ ਸਿਸਟਮ ਨੇ ਪਾਕਿਸਤਾਨ ਨੂੰ ਜ਼ਬਰਦਸਤ ਸੱਟ ਮਾਰੀ ਹੈ। ਆਕਾਸ਼ ਮਿਜ਼ਾਈਲ ਦੀ ਜ਼ਬਰਦਸਤ ਮਾਰਕ ਸਮਰਥਾ ਤੇ ਕਾਮਯਾਬੀ ਨੂੰ ਦੇਖਦੇ ਹੋਏ ਹੁਣ ਇਸਨੂੰ ਵਿਆਪਕ ਪੱਧਰ ’ਤੇ ਤੈਨਾਤ ਕੀਤਾ ਜਾ ਰਿਹਾ ਹੈ। ਆਕਾਸ਼ ਮਿਜ਼ਾਈਲ ਦੀ ਨਵੀਂ ਯੂਨਿਟ ਨੂੰ ਫਾਰਵਰਡ ਏਰੀਆ ’ਚ ਤੈਨਾਤ ਕੀਤਾ ਜਾ ਰਿਹਾ ਹੈ। Operation Sindoor

Indian Weapons System

ਰੱਖਿਆ ਅਧਿਕਾਰੀਆਂ ਦੇ ਮੁਤਾਬਿਕ, ਆਕਾਸ਼ ਮਿਜ਼ਾਈਲ ਸਿਸਟਮ ਭਾਰਤੀ ਸਮੁੰਦਰੀ ਫੌਜ ਤੇ ਹਵਾਈ ਫੌਜ ਦੋਵਾਂ ਕੋਲ ਉਪਲੱਭਧ ਹੈ। ਪਾਕਿਸਤਾਨ ਹੱਦ ’ਤੇ ਤੈਨਾਤ ਹਵਾਈ ਫੌਜ ਤੇ ਸਮੁੰਦਰੀ ਫੌਜ ਦੀ ਯੂਨਿਟ ਆਕਾਸ਼ ਮਿਜ਼ਾਈਲਾਂ ਨਾਲ ਲੈਸ ਹੈ ਅਤੇ ਇਸਦਾ ਇਸਤੇਮਾਲ ਕਰ ਰਹੀ ਹੈ। ਸਵਦੇਸ਼ੀ ਤੌਰ ’ਤੇ ਵਿਕਸਤ ‘ਆਕਾਸ਼’ ਸਿਸਟਮ ’ਚ ਸਤਹਿ ਤੋਂ ਹਵਾ ’ਚ ਵਾਰ ਕਰਨ ਵਾਲੀ ਮੱਧਮ ਦੂਰੀ ਦੀ ਮਿਜ਼ਾਈਲ ਹੈ। ਇਸ ਸਿਸਟਮ ਨੂੰ ਡੀਆਰਡੀਓ ਨੇ ਡਿਜਾਈਨ ਕੀਤਾ ਹੈ। ਇਸਦੀ ਰੇਂਜ 25 ਤੋਂ 30 ਕਿਲੋਮੀਟਰ ਦੀ ਹੈ। ਇਹ ਆਪਣੀ ਤੈਨਾਤੀ ਦੀ ਥਾਂ ਤੋਂ 20 ਤੋਂ 30 ਕਿਲੋਮੀਟਰ ਤੱਕ ਦੀ ਦੂਰੀ ਤੱਕ ਦੇ ਟਾਰਗੇਟ ਨੂੰ ਨਸ਼ਟ ਕਰ ਸਕਦੀ ਹੈ। ਇਹ ‘ਰਡਾਰ ਬੇਸਡ ਕਮਾਂਡ ਗਾਈਡੈਂਸ’ ਦੇ ਅਧੀਨ ਦੁਸ਼ਮਣ ਦੇ ਟੀਚੇ ’ਤੇ ਬੇਹੱਦ ਸਟੀਕਤਾ ਨਾਲ ਹਮਲਾ ਕਰਦੀ ਹੈ

ਪਾਕਿਸਤਾਨ ਕਰ ਰਿਹਾ ਚਾਈਨੀਜ਼ ਮਾਲ ਦੀ ਵਰਤੋਂ | Operation Sindoor

ਆਕਾਸ਼ ਮਿਜ਼ਾਈਲ ਨੇ ਪਾਕਿਸਤਾਨ ਦੇ ਜੇਐੱਫ-17 ਜੈੱਟ ਨੂੰ ਮਾਰ ਸੁੱਟਿਆ ਹੈ। ਪਾਕਿਸਤਾਨ ਨੂੰ ਇਹ ਫਾਈਟਰ ਜੈੱਟ ਚੀਨ ਤੋਂ ਮਿਲੇ ਹਨ। ਪਾਕਿਸਤਾਨ ਇਨ੍ਹਾਂ ਜਹਾਜ਼ਾਂ ਦੀ ਸਪਲਾਈ, ਮੁਰੰਮਤ ਤੇ ਟੇ੍ਰਨਿੰਗ ਲਈ ਪੂਰੀ ਤਰ੍ਹਾਂ ਨਾਲ ਚੀਨ ’ਤੇ ਨਿਰਭਰ ਹੈ। ਭਾਰਤ ਇਸ ਮੁਕਾਬਲੇ ’ਚ ਸਵਦੇਸ਼ੀ ਹਥਿਆਰ ਪ੍ਰਣਾਲੀਆਂ ਦੀ ਵਰਤੋਂ ਕਰ ਰਿਹਾ ਹੈ। ਦੂਜੇ ਪਾਸੇ, ਪਾਕਿਸਤਾਨ ਆਪਣੇ ਜ਼ਿਆਦਾਤਰ ਹਥਿਆਰਾਂ ਲਈ ਵਿਦੇਸ਼ਾਂ ਤੋਂ ਆਯਾਤ ਹਥਿਆਰ ਪ੍ਰਣਾਲੀਆਂ ’ਤੇ ਨਿਰਭਰ ਹੈ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਵਿਦੇਸ਼ ਤੋਂ ਮਿਲੇ ਇਨ੍ਹਾਂ ਹਥਿਆਰਾਂ ਤੇ ਜਹਾਜ਼ਾਂ ਦੀ ਤਕਨੀਕ ਸਬੰਧੀ ਪੂਰੀ ਜਾਣਕਾਰੀ ਵੀ ਪਾਕਿਸਤਾਨ ਕੋਲ ਨਹੀਂ ਹੈ।

Indian Weapons System

ਇਨ੍ਹਾਂ ਹਥਿਆਰਾਂ ਦੇ ਇਸਤੇਮਾਲ ਦੀ ਸਮੁੱਚੀ ਟ੍ਰੇਨਿੰਗ ਵੀ ਪਾਕਿਸਤਾਨੀ ਫੌਜ ਕੋਲ ਨਹੀਂ ਹੈ। ਪਾਕਿਸਤਾਨੀ ਫੌਜ ਜੇਐੱਫ-17, ਜੇਐੱਫ-10 ਵਰਗੇ ਚਾਇਨੀਜ਼ ਜਹਾਜ਼ਾਂ ਦਾ ਇਸਤੇਮਾਲ ਕਰ ਰਹੀ ਹੈ। ਇਸ ਤੋਂ ਇਲਾਵਾ ਪਾਕਿਸਤਾਨ ਨੇ ਨਿਯਮਾਂ ਦਾ ਉਲੰਘਣ ਕਰਦੇ ਹੋਏ ਅਮਰੀਕਾ ਤੋਂ ਮਿਲੇ ਐੱਫ-16 ਜਹਾਜ਼ਾਂ ਦਾ ਇਸਤੇਮਾਲ ਵੀ ਭਾਰਤ ’ਚ ਨਾਗਰਿਕ ਟਿਕਾਣਿਆਂ ’ਤੇ ਹਮਲੇ ਲਈ ਕੀਤਾ। ਦੂਜੇ ਪਾਸੇ, ਪਾਕਿਸਤਾਨ ਨੇ ਆਪਣੀ ਪੀਐੱਲ-15 ਮਿਜ਼ਾਈਲਾਂ ਦੀ ਵਰਤੋਂ ਭਾਰਤ ਖਿਲਾਫ ਕੀਤੀ ਹੈ

Read Also : Mall Singh Wala Mansa: ਮਾਨਸਾ ਦੇ ਇਸ ਪਿੰਡ ‘ਚ ਡਿੱਗੇ ਮਿਜਾਇਲ ਦੇ ਪੁਰਜੇ

ਹੁਣ ਤੱਕ ਭਾਰਤ ਨੇ ਆਪਣੇ ਚਾਰੇ ਮੈਚ ਜਿੱਤੇ | India Vs Pakistan

• ਟੂਰਨਾਮੈਂਟ ’ਚ 12ਵੀਂ ਵਾਰ ਹੋਵੇਗਾ ਮੁਕਾਬਲਾ

ਸਪੋਰਟਸ ਡੈਸਕ। India Vs Pakistan: ਏਸ਼ੀਆਈ ਹਾਕੀ ਚੈਂਪੀਅਨਜ ਟਰਾਫੀ ’ਚ ਅੱਜ ਮੌਜ਼ੂਦਾ ਚੈਂਪੀਅਨ ਭਾਰਤ ਦਾ ਸਾਹਮਣਾ ਪਾਕਿਸਤਾਨ ਨਾਲ ਹੋਵੇਗਾ। ਇਹ ਮੈਚ ਚੀਨ ਦੇ ਹੁਲੁਨਬਿਊਰ ’ਚ ਭਾਰਤੀ ਸਮੇਂ ਅਨੁਸਾਰ ਦੁਪਹਿਰ 1:15 ਵਜੇ ਸ਼ੁਰੂ ਹੋਵੇਗਾ। ਭਾਰਤੀ ਟੀਮ ਇਸ ਏਸ਼ੀਆਈ ਚੈਂਪੀਅਨਸ ਟਰਾਫੀ ’ਚ ਹੁਣ ਤੱਕ ਅਜੇਤੂ ਰਹੀ ਹੈ। ਟੀਮ ਨੇ ਆਪਣੇ ਸਾਰੇ 4 ਮੈਚ ਜਿੱਤੇ ਹਨ। ਜਦਕਿ ਪਾਕਿਸਤਾਨ 4 ’ਚੋਂ 2 ਮੈਚ ਜਿੱਤ ਕੇ ਅੰਕ ਸੂਚੀ ’ਚ ਭਾਰਤ ਤੋਂ ਬਾਅਦ ਦੂਜੇ ਸਥਾਨ ’ਤੇ ਹੈ। ਦੋਵੇਂ ਟੀਮਾਂ ਪਹਿਲਾਂ ਹੀ ਸੈਮੀਫਾਈਨਲ ਲਈ ਕੁਆਲੀਫਾਈ ਕਰ ਚੁੱਕੀਆਂ ਹਨ। India Vs Pakistan

ਭਾਰਤ ਤੇ ਪਾਕਿਸਤਾਨ ਵਿਚਕਾਰ ਪਹਿਲਾ ਹਾਕੀ ਮੈਚ 1956 ’ਚ ਖੇਡਿਆ ਗਿਆ

ਭਾਰਤ ਤੇ ਪਾਕਿਸਤਾਨ ਵਿਚਾਲੇ ਪਹਿਲਾ ਹਾਕੀ ਮੈਚ 1956 ਵਿੱਚ ਖੇਡਿਆ ਗਿਆ ਸੀ। ਓਲੰਪਿਕ ਫਾਈਨਲ ’ਚ ਦੋਵੇਂ ਟੀਮਾਂ ਆਹਮੋ-ਸਾਹਮਣੇ ਸਨ ਤੇ ਭਾਰਤ ਨੇ ਇਹ ਮੈਚ 1-0 ਨਾਲ ਜਿੱਤ ਕੇ ਸੋਨ ਤਗਮਾ ਜਿੱਤਿਆ ਸੀ। ਇੱਥੋਂ ਹੀ ਦੋਵਾਂ ਵਿਚਾਲੇ ਰੰਜਿਸ਼ ਸ਼ੁਰੂ ਹੋ ਗਈ ਸੀ। ਹੁਣ ਤੱਕ ਦੋਵੇਂ ਟੀਮਾਂ ਵੱਖ-ਵੱਖ ਟੂਰਨਾਮੈਂਟਾਂ ’ਚ 180 ਵਾਰ ਆਹਮੋ-ਸਾਹਮਣੇ ਹੋ ਚੁੱਕੀਆਂ ਹਨ। ਇਸ ਸਮੇਂ ਦੌਰਾਨ ਪਾਕਿਸਤਾਨ ਦਾ ਭਾਰਤ ’ਤੇ ਦਬਦਬਾ ਰਿਹਾ। ਦੋਵੇਂ ਏਸ਼ੀਆਈ ਚੈਂਪੀਅਨਜ ਟਰਾਫੀ ’ਚ 11 ਵਾਰ ਇੱਕ ਦੂਜੇ ਦਾ ਸਾਹਮਣਾ ਕਰ ਚੁੱਕੇ ਹਨ। ਭਾਰਤ ਇਸ ’ਚ ਸਭ ਤੋਂ ਅੱਗੇ ਹੈ। India Vs Pakistan

ਛੇ ਟੀਮਾਂ ਲੈ ਰਹੀਆਂ ਹਨ ਹਿੱਸਾ | India Vs Pakistan

ਇਸ ਟੂਰਨਾਮੈਂਟ ’ਚ ਭਾਰਤ ਦੇ ਨਾਲ-ਨਾਲ ਚੀਨ, ਕੋਰੀਆ, ਜਾਪਾਨ, ਮਲੇਸ਼ੀਆ ਤੇ ਪਾਕਿਸਤਾਨ ਦੀਆਂ ਟੀਮਾਂ ਹਿੱਸਾ ਲੈ ਰਹੀਆਂ ਹਨ। ਟੂਰਨਾਮੈਂਟ ਦੇ ਸੈਮੀਫਾਈਨਲ 16 ਨੂੰ ਤੇ ਫਾਈਨਲ 17 ਸਤੰਬਰ ਨੂੰ ਖੇਡੇ ਜਾਣਗੇ।

ਭਾਰਤ ਸਭ ਤੋਂ ਸਫਲ ਟੀਮ | India Vs Pakistan

ਏਸ਼ੀਅਨ ਚੈਂਪੀਅਨਸ ਟਰਾਫੀ 13 ਸਾਲ ਪਹਿਲਾਂ 2011 ਵਿੱਚ ਸ਼ੁਰੂ ਹੋਈ ਸੀ। ਭਾਰਤੀ ਹਾਕੀ ਟੀਮ ਏਸੀਅਨ ਚੈਂਪੀਅਨਜ ਟਰਾਫੀ ਦੀ ਡਿਫੈਂਡਿੰਗ ਚੈਂਪੀਅਨ ਹੈ। ਭਾਰਤ ਨੇ ਚਾਰ ਵਾਰ ਤੇ ਪਾਕਿਸਤਾਨ ਨੇ ਤਿੰਨ ਵਾਰ ਖਿਤਾਬ ਜਿੱਤਿਆ ਹੈ। ਜਦੋਂ ਕਿ 2021 ਵਿੱਚ ਦੱਖਣੀ ਕੋਰੀਆ ਨੇ ਖਿਤਾਬ ਜਿੱਤਿਆ ਸੀ। India Vs Pakistan

ਏਸ਼ੀਅਨ ਚੈਂਪੀਅਨਜ ਟਰਾਫੀ 2024 ਲਈ ਭਾਰਤੀ ਹਾਕੀ ਟੀਮ | India Vs Pakistan

ਹਰਮਨਪ੍ਰੀਤ ਸਿੰਘ (ਕਪਤਾਨ), ਵਿਵੇਕ ਸਾਗਰ ਪ੍ਰਸਾਦ (ਉਪ ਕਪਤਾਨ), ਜਰਮਨਪ੍ਰੀਤ ਸਿੰਘ, ਅਮਿਤ ਰੋਹੀਦਾਸ, ਜੁਗਰਾਜ ਸਿੰਘ, ਸੰਜੇ, ਸੁਮਿਤ, ਕ੍ਰਿਸ਼ਨ ਬਹਾਦੁਰ ਪਾਠਕ, ਸੂਰਜ ਕਰਕੇਰਾ, ਰਾਜ ਕੁਮਾਰ ਪਾਲ, ਨੀਲਕੰਠ ਸ਼ਰਮਾ, ਮਨਪ੍ਰੀਤ ਸਿੰਘ, ਮੁਹੰਮਦ ਰਾਹੀਲ ਮੌਸੀਨ, ਅਭਿਸ਼ੇਕ, ਸ. ਸੁਖਜੀਤ ਸਿੰਘ, ਅਰਿਜੀਤ ਸਿੰਘ ਹੁੰਦਲ, ਉੱਤਮ ਸਿੰਘ ਤੇ ਗੁਰਜੋਤ ਸਿੰਘ।

Read This : India Vs Pakistan Asia Cup : ਭਾਰਤ ਨੇ ਪਾਕਿ ਨੂੰ ਦਿੱਤਾ 267 ਦੌੜਾਂ ਦਾ ਟੀਚਾ

ਏਸ਼ੀਅਨ ਚੈਂਪੀਅਨਜ ਟਰਾਫੀ 2024 ਲਈ ਪਾਕਿਸਤਾਨੀ ਹਾਕੀ ਟੀਮ

ਅਮਾਦ ਬੱਟ (ਕਪਤਾਨ), ਅਬਦੁਲ ਰਹਿਮਾਨ, ਅਜਾਜ ਅਹਿਮਦ, ਗਜਨਫਰ ਅਲੀ, ਮੁਹੰਮਦ ਹਮਾਦੁਦੀਨ, ਜਕਰੀਆ ਹਯਾਤ, ਅਬਦੁੱਲ੍ਹਾ ਇਸਤਿਆਕ, ਸੂਫਯਾਨ ਖਾਨ, ਅਰਸਦ ਲਿਆਕਤ, ਅਬੂ ਮਹਿਮੂਦ, ਨਦੀਮ ਅਹਿਮਦ, ਫੈਜਲ ਕਾਦਿਰ, ਰਾਣਾ ਵਹੀਦ ਅਸਰਫ, ਸੁਲਮਾਨ ਰਜਾਕ, ਰੁਮਨ, ਹਨਾਨ ਸ਼ਾਹ, ਮੋਇਨ ਸ਼ਕੀਲ, ਮੁਨੀਬ-ਉਰ-ਰਹਿਮਾਨ।

ਮੈਚ ਕਿੱਥੇ ਤੇ ਕਦੋਂ ਵੇਖ ਸਕਦੇ ਹੋਂ? ਜਾਣੋ | India Vs Pakistan

ਭਾਰਤ ਤੇ ਪਾਕਿਸਤਾਨ ਦਾ ਮੈਚ ਸੋਨੀ ਸਪੋਰਟਸ 10-1 ਤੇ 10-1 ਐਚਡੀ ’ਤੇ ਪ੍ਰਸਾਰਿਤ ਕੀਤਾ ਜਾਵੇਗਾ। ਮੈਚ ਦੀ ਲਾਈਵ ਸਟ੍ਰੀਮਿੰਗ ਸੋਨੀਲੀਵ ਐਪ ਤੇ ਵੈੱਬਸਾਈਟ ’ਤੇ ਹੋਵੇਗੀ। India Vs Pakistan

ਅੱਜ ਤੱਕ ਸਾਰੇ ਘੱਟ ਸਕੋਰ ਵਾਲੇ ਮੈਚ ਹੋਏ | India Vs Pakistan

ਸਪੋਰਟਸ ਡੈਸਕ। ਟੀ20 ਵਿਸ਼ਵ ਕੱਪ 2024 ਦਾ 19ਵਾਂ ਮੁਕਾਬਲਾ ਭਾਰਤ ਤੇ ਪਾਕਿਸਤਾਨ ਵਿਚਕਾਰ ਭਲਕੇ ਨਿਊਯਾਰਕ ’ਚ ਖੇਡਿਆ ਜਾਵੇਗਾ। ਇਹ ਭਾਰਤੀ ਟੀਮ ਦਾ ਵੀ ਤੇ ਪਾਕਿਸਤਾਨੀ ਟੀਮ ਦਾ ਦੋਵਾਂ ਟੀਮਾਂ ਦਾ ਦੂਜਾ ਮੁਕਾਬਲਾ ਹੋਵੇਗਾ। ਇਸ ਤੋਂ ਪਹਿਲਾਂ ਭਾਰਤੀ ਟੀਮ 5 ਜੂਨ ਨੂੰ ਆਇਰਲੈਂਡ ਨੂੰ ਹਰਾ ਕੇ ਆਪਣੇ ਅਭਿਆਨ ਦੀ ਸ਼ੁਰੂਆਤ ਕਰ ਚੁੱਕੀ ਹੈ। ਜਦਕਿ ਪਾਕਿਸਤਾਨ ਨੇ ਆਪਣੀ ਸ਼ੁਰੂਆਤ ਹਾਰ ਨਾਲ ਕੀਤੀ ਹੈ। ਉਸ ਨੇ ਆਪਣਾ ਇੱਕੋ-ਇੱਕ ਮੁਕਾਬਲਾ ਅਮਰੀਕਾ ਖਿਲਾਫ ਖੇਡਿਆ ਹੈ। (India Vs Pakistan)

ਜਿਸ ਵਿੱਚ ਅਮਰੀਕਾ ਨੇ ਜਿੱਤ ਹਾਸਲ ਕੀਤੀ ਹੈ। ਇਹ ਮੁਕਾਬਲਾ ਅਮਰੀਕਾ ਦੇ ਨਿਊਯਾਰਕ ਸਟੇਡੀਅਮ ’ਚ ਖੇਡਿਆ ਜਾਵੇਗਾ। ਟਾਸ ਰਾਤ 7:30 ਵਜੇ ਹੋਵੇਗਾ ਤੇ ਮੈਚ ਰਾਤ 8:00 ਵਜੇ ਸ਼ੁਰੂ ਹੋ ਜਾਵੇਗਾ। ਹੁਣ ਗੱਲ ਕਰਦੇ ਹਾਂ ਭਾਰਤ ਤੇ ਪਾਕਿਸਤਾਨ ਵਿਚਕਾਰ ਹੋਏ ਪਿਛਲੇ ਟੀ20 ਵਿਸ਼ਵ ਕੱਪ ਮੁਕਾਬਲੇ ਦੀ। ਮੁਹੰਮਦ ਨਵਾਜ ਦੀ ਗੇਂਦ ’ਤੇ ਅਸ਼ਵਿਨ ਇੱਕ ਦੌੜ ਲੈਂਦੇ ਹਨ ਤੇ ਭਾਰਤੀ ਟੀਮ ਪਾਕਿਸਤਾਨ ਨੂੰ 4 ਵਿਕਟਾਂ ਨਾਲ ਹਰਾ ਦਿੰਦੀ ਹੈ। (India Vs Pakistan)

ਅਸ਼ਵਿਨ ਨਾਲ ਉਸ ਸਮੇਂ ਕ੍ਰੀਜ ’ਤੇ ਭਾਰਤੀ ਟੀਮ ਦੇ ਸਟਾਰ ਵਿਰਾਟ ਕੋਹਲੀ ਜਿੱਤ ਦੇ ਸਭ ਤੋਂ ਜ਼ਿਆਦਾ ਹੀਰੋ ਰਹੇ। ਕੋਹਲੀ ਨੇ 53 ਗੇਂਦਾਂ ਦਾ ਸਾਹਮਣਾ ਕੀਤਾ ਤੇ 82 ਦੌੜਾਂ ਦੇ ਨਾਬਾਦ ਪਾਰੀ ਖੇਡੀ। ਉਸ ਮੈਚ ਦਾ ਫੈਸਲਾ ਆਖਿਰੀ ਗੇਂਦ ’ਤੇ ਹੋਇਆ ਸੀ, ਪਰ 9 ਜੂਨ ਨੂੰ ਫਿਰ ਭਾਰਤ ਤੇ ਪਾਕਿਸਤਾਨ ਆਹਮੋ-ਸਾਹਮਣੇ ਹੋ ਰਹੇ ਹਨ। ਪਰ ਇਸ ਵਾਰ ਹੋ ਸਕਦਾ ਹੈ ਕਿ ਮੈਚ ਦਾ ਫੈਸਲਾ ਮੈਚ ਤੋਂ ਪਹਿਲਾਂ ਹੀ ਹੋ ਜਾਵੇ। ਭਾਵ ਕੌਣ ਮੈਚ ਜਿੱਤੇਗਾ ਤੇ ਕੌਣ ਮੈਚ ਹਾਰੇਗਾ, ਇਸ ਦਾ ਫੈਸਲਾ ਕਾਫੀ ਹੱਦ ਤੱਕ ਟਾਸ ਦੇ ਸਮੇਂ ਹੀ ਪਤਾ ਲੱਗ ਜਾਂਦਾ ਹੈ। ਅਜਿਹਾ ਕਿਵੇਂ ਹੋਵੇਗਾ, ਆਓ ਸਮਝਦੇ ਹਾਂ…. (India Vs Pakistan)

ਵਿਸ਼ਵ ਕੱਪ ’ਚ 71 ਫੀਸਦੀ ਮੈਚ ਬਾਅਦ ’ਚ ਬੱਲੇਬਾਜ਼ੀ ਕਰਨ ਵਾਲੀ ਟੀਮ ਨੇ ਜਿੱਤੇ

ਪਹਿਲੀ ਵਾਰ 2007 ਵਿਸ਼ਵ ਕੱਪ ’ਚ ਭਾਰਤ ਤੇ ਪਾਕਿਸਤਾਨ ਵਿਚਕਾਰ ਟੀ-20 ਮੈਚ ਖੇਡਿਆ ਗਿਆ ਸੀ। ਡਰਬਨ ’ਚ ਖੇਡਿਆ ਗਿਆ ਇਹ ਮੈਚ ਬਰਾਬਰੀ ’ਤੇ ਰਿਹਾ ਪਰ ਭਾਰਤ ਨੇ ਬਾਊਲ ਆਊਟ ਕਰਕੇ ਮੈਚ ਜਿੱਤ ਲਿਆ। ਇਸ ਸਮੇਤ ਟੀ-20 ਵਿਸ਼ਵ ਕੱਪ ’ਚ ਦੋਵਾਂ ਵਿਚਕਾਰ 7 ਮੈਚ ਖੇਡੇ ਗਏ ਸਨ। 2007 ’ਚ ਦੋਵੇਂ ਵਾਰ ਪਹਿਲਾਂ ਬੱਲੇਬਾਜੀ ਕਰਨ ਵਾਲੀਆਂ ਟੀਮਾਂ ਜਿੱਤੀਆਂ। 2009 ਤੇ 2010 ’ਚ ਦੋਵਾਂ ਵਿਚਕਾਰ ਕੋਈ ਮੈਚ ਨਹੀਂ ਹੋਇਆ ਸੀ। 2012 ਤੋਂ ਬਾਅਦ ਹਰ ਵਿਸ਼ਵ ਕੱਪ ’ਚ ਭਾਰਤ-ਪਾਕਿਸਤਾਨ ਮੈਚ ਹੋਇਆ ਹੈ।

ਪੰਜ ਵਾਰ ਦੂਜੇ ਨੰਬਰ ’ਤੇ ਬੱਲੇਬਾਜੀ ਕਰਨ ਵਾਲੀ ਟੀਮ ਹੀ ਮੈਚ ਜਿੱਤੀ ਹੈ। 2021 ’ਚ ਪਾਕਿਸਤਾਨ ਨੇ ਦੂਜੇ ਨੰਬਰ ’ਤੇ ਬੱਲੇਬਾਜੀ ਕਰਦੇ ਹੋਏ ਵਿਸ਼ਵ ਕੱਪ ਦੇ ਇੱਕੋ-ਇੱਕ ਮੈਚ ’ਚ ਭਾਰਤ ਨੂੰ ਹਰਾਇਆ ਸੀ। ਭਾਵ ਦੂਜੇ ਨੰਬਰ ’ਤੇ ਬੱਲੇਬਾਜੀ ਕਰਨ ਵਾਲੀ ਟੀਮ ਨੇ 71 ਫੀਸਦੀ ਮੈਚ ਜਿੱਤੇ ਹਨ। ਦੋਵਾਂ ਟੀਮਾਂ ਨੇ ਇੱਕ-ਦੂਜੇ ਖਿਲਾਫ ਕੁੱਲ 12 ਟੀ-20 ਮੈਚ ਖੇਡੇ ਹਨ। ਇਨ੍ਹਾਂ ’ਚ ਵੀ 9 ਵਾਰ ਦੂਜੇ ਨੰਬਰ ’ਤੇ ਬੱਲੇਬਾਜੀ ਕਰਨ ਵਾਲੀ ਟੀਮ ਨੇ 3 ਮੈਚ ਜਿੱਤੇ। ਇਸ ਦਾ ਮਤਲਬ ਹੈ ਕਿ ਪਹਿਲਾਂ ਗੇਂਦਬਾਜੀ ਦੀ ਧਾਰਨਾ ਨੇ 75 ਫੀਸਦੀ ਮੈਚਾਂ ’ਚ ਸਫਲਤਾ ਹਾਸਲ ਕੀਤੀ ਹੈ। (India Vs Pakistan)

ਭਾਰਤ-ਪਾਕਿ ਮੈਚ ’ਚ ਟਾਸ ਕਿਉਂ ਜ਼ਰੂਰੀ? | India Vs Pakistan

ਕਾਰਨ-1 : ਟੀ-20 ’ਚ ਟੀਚੇ ਦਾ ਪਿੱਛਾ ਕਰਨਾ ਆਸਾਨ

2021 ਤੋਂ, ਚੋਟੀ ਦੀਆਂ-10 ਟੀਮਾਂ ਦੇ 50 ਫੀਸਦੀ ਟੀ-20 ਮੈਚ ਟੀਮਾਂ ਦਾ ਪਿੱਛਾ ਕਰਕੇ ਜਿੱਤੇ ਗਏ ਸਨ। ਪਹਿਲਾਂ ਬੱਲੇਬਾਜੀ ਕਰਨ ਵਾਲੀਆਂ ਟੀਮਾਂ ਸਿਰਫ 43 ਫੀਸਦੀ ਮੈਚਾਂ ’ਚ ਹੀ ਸਫਲ ਰਹੀਆਂ ਹਨ। ਬਾਕੀ ਮੈਚ ਜਾਂ ਤਾਂ ਨਿਰਣਾਇਕ ਜਾਂ ਬਰਾਬਰੀ ’ਤੇ ਰਹੇ। ਆਮ ਤੌਰ ’ਤੇ, ਟੀ-20 ਫਾਰਮੈਟ ਦੀਆਂ ਜ਼ਿਆਦਾਤਰ ਖੇਡਾਂ ਰਾਤ ਨੂੰ ਖੇਡੀਆਂ ਜਾਂਦੀਆਂ ਹਨ, ਜਿੱਥੇ ਦੂਜੀ ਪਾਰੀ ’ਚ ਤ੍ਰੇਲ ਕਾਰਨ ਬੱਲੇਬਾਜੀ ਆਸਾਨ ਹੋ ਜਾਂਦੀ ਹੈ। ਅਜਿਹਾ ਇਸ ਲਈ ਕਿਉਂਕਿ ਤ੍ਰੇਲ ਕਾਰਨ ਗੇਂਦਬਾਜ ਆਸਾਨੀ ਨਾਲ ਗੇਂਦ ’ਤੇ ਕੰਟਰੋਲ ਨਹੀਂ ਕਰ ਪਾਉਂਦੇ ਹਨ ਤੇ ਬੱਲੇਬਾਜ ਖਰਾਬ ਗੇਂਦਾਂ ’ਤੇ ਖੁੱਲ੍ਹੇ ਸ਼ਾਟ ਖੇਡਣ ਲੱਗਦੇ ਹਨ। ਹਾਲਾਂਕਿ 9 ਜੂਨ ਨੂੰ ਹੋਣ ਵਾਲਾ ਭਾਰਤ-ਪਾਕਿਸਤਾਨ ਮੈਚ ਦਿਨ ਵੇਲੇ ਹੀ ਖੇਡਿਆ ਜਾਵੇਗਾ।

ਕਾਰਨ-2 : ਉੱਚ ਦਬਾਅ ਵਾਲੀ ਖੇਡ ’ਚ ਪਿੱਛਾ ਕਰਨਾ ਬਿਹਤਰ

ਭਾਰਤ-ਪਾਕਿਸਤਾਨ ਵਰਗੇ ਨਾਕਆਊਟ ਤੇ ਹਾਈ ਪਰੈਸ਼ਰ ਮੈਚਾਂ ’ਚ ਪਹਿਲਾਂ ਬੱਲੇਬਾਜੀ ਕਰਨ ਵਾਲੀ ਟੀਮ ’ਤੇ ਦਬਾਅ ਜ਼ਿਆਦਾ ਹੁੰਦਾ ਹੈ। ਦੂਜੇ ਨੰਬਰ ’ਤੇ ਬੱਲੇਬਾਜੀ ਕਰਨ ਵਾਲੀ ਟੀਮ ਸਾਹਮਣੇ ਟੀਚਾ ਹੁੰਦਾ ਹੈ, ਜਿਸ ਕਾਰਨ ਪਾਰੀ ਨੂੰ ਅੱਗੇ ਵਧਾਉਣਾ ਆਸਾਨ ਹੋ ਜਾਂਦਾ ਹੈ। ਉੱਚ ਦਬਾਅ ਵਾਲੀ ਖੇਡ ’ਚ, ਪਹਿਲਾਂ ਗੇਂਦਬਾਜੀ ਜਿੱਤ ਦੀ ਗਾਰੰਟੀ ਨਹੀਂ ਦਿੰਦੀ, ਪਰ ਇਹ ਦੂਜੀ ਟੀਮ ’ਤੇ ਦਬਾਅ ਬਣਾਉਣ ਦੇ ਵਧੇਰੇ ਮੌਕੇ ਪ੍ਰਦਾਨ ਕਰਦੀ ਹੈ।

ਕਾਰਨ-3 : ਨਿਊਯਾਰਕ ਦੀ ਪਿੱਚ ’ਤੇ ਪਹਿਲਾਂ ਬੱਲੇਬਾਜੀ ਕਰਨਾ ਮੁਸ਼ਕਲ

ਭਾਰਤ ਤੇ ਪਾਕਿਸਤਾਨ ਵਿਚਕਾਰ ਇਹ ਮੈਚ ਨਿਊਯਾਰਕ ਦੇ ਨਸਾਓ ਕਾਊਂਟੀ ਸਟੇਡੀਅਮ ’ਚ ਹੋਵੇਗਾ। ਇਹ ਸਟੇਡੀਅਮ ਸਿਰਫ ਟੀ-20 ਵਿਸ਼ਵ ਕੱਪ ਲਈ ਬਣਾਇਆ ਗਿਆ ਸੀ। ਇਸ ਨੂੰ ਬਣਾਉਣ ਲਈ ਬਹੁਤ ਘੱਟ ਸਮਾਂ ਸੀ, ਇਸ ਲਈ ਅਸਟਰੇਲੀਆ ਤੋਂ ਡਰਾਪ-ਇਨ ਪਿੱਚ ਮੰਗਵਾਈ ਗਈ ਸੀ। ਸ਼ੁਰੂਆਤੀ ਮੈਚਾਂ ਤੋਂ ਬਾਅਦ ਪਿੱਚ ਦੀ ਭਾਰੀ ਆਲੋਚਨਾ ਹੋਣ ਲੱਗੀ। ਅਸਮਾਨ ਉਛਾਲ, ਬਹੁਤ ਜ਼ਿਆਦਾ ਸਵਿੰਗ ਤੇ ਖਰਾਬ ਆਊਟਫੀਲਡ ਇੱਥੇ ਦੇਖੇ ਗਏ। ਆਈਸੀਸੀ ਨੇ ਵੀ ਪਿੱਚ ਦੇ ਵਿਵਹਾਰ ’ਤੇ ਕਿਹਾ ਕਿ ਉਹ ਇਸ ਨੂੰ ਸੁਧਾਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ। (India Vs Pakistan)

ਇਹ ਵੀ ਪੜ੍ਹੋ : Mohali News: ਮੋਹਾਲੀ ’ਚ ਲੜਕੀ ’ਤੇ ਅਣਪਛਾਤੇ ਵੱਲੋਂ ਤੇਜਧਾਰ ਹਥਿਆਰਾਂ ਨਾਲ ਹਮਲਾ

ਹਾਲਾਂਕਿ ਹੁਣ ਤੱਕ ਖੇਡੇ ਗਏ ਮੈਚਾਂ ’ਚ ਬਾਅਦ ’ਚ ਬੱਲੇਬਾਜੀ ਕਰਨਾ ਇੱਥੇ ਵੀ ਫਾਇਦੇਮੰਦ ਰਿਹਾ ਹੈ। ਕਿਉਂਕਿ ਅਮਰੀਕਾ ’ਚ ਸਵੇਰੇ ਮੈਚ ਸ਼ੁਰੂ ਹੋਣ ਤੋਂ ਬਾਅਦ ਪਿੱਚ ’ਤੇ ਨਮੀ ਹੁੰਦੀ ਹੈ, ਜਿਸ ਨਾਲ ਗੇਂਦਬਾਜਾਂ ਦੀ ਮਦਦ ਹੁੰਦੀ ਹੈ। ਜਿਵੇਂ-ਜਿਵੇਂ ਸੂਰਜ ਚੜ੍ਹ ਰਿਹਾ ਹੈ, ਪਿਚ ਪਹਿਲੀ ਪਾਰੀ ਦੇ ਮੁਕਾਬਲੇ ਬੱਲੇਬਾਜੀ ਲਈ ਵਧੇਰੇ ਅਨੁਕੂਲ ਹੁੰਦੀ ਜਾ ਰਹੀ ਹੈ। ਇਸ ਕਾਰਨ ਇੱਥੇ ਵੀ ਬਾਅਦ ’ਚ ਬੱਲੇਬਾਜੀ ਕਰਨਾ ਫਾਇਦੇਮੰਦ ਹੁੰਦਾ ਹੈ। ਨਿਊਯਾਰਕ ’ਚ ਹੁਣ ਤੱਕ 3 ਮੈਚ ਖੇਡੇ ਜਾ ਚੁੱਕੇ ਹਨ, ਜਿਸ ’ਚ ਪਿੱਛਾ ਕਰਨ ਵਾਲੀ ਟੀਮ ਦੋ ਵਾਰ ਜਿੱਤੀ ਤੇ ਪਹਿਲਾਂ ਬੱਲੇਬਾਜੀ ਕਰਨ ਵਾਲੀ ਟੀਮ ਇੱਕ ਵਾਰ ਜਿੱਤੀ। ਪਹਿਲੇ ਦੋ ਮੈਚਾਂ ’ਚ ਸਕੋਰ 100 ਦੌੜਾਂ ਤੋਂ ਘੱਟ ਰਿਹਾ, ਜਦਕਿ ਤੀਜੇ ਮੈਚ ’ਚ ਕੈਨੇਡਾ ਨੇ 137 ਦੌੜਾਂ ਬਣਾ ਕੇ ਆਇਰਲੈਂਡ ਨੂੰ 125 ਦੌੜਾਂ ’ਤੇ ਰੋਕ ਦਿੱਤਾ।

ਆਓ ਜਾਣਦੇ ਹਾਂ ਟੀ20 ਵਿਸ਼ਵ ਕੱਪ ’ਚ ਹੁਣ ਤੱਕ ਹੋਏ ਭਾਰਤ-ਪਾਕਿ ਮੈਚਾਂ ਦਾ ਕੀ ਟ੍ਰੈਂਡ ਰਿਹਾ…

2007 ’ਚ ਦੋਵੇਂ ਮੈਚ ਪਹਿਲਾਂ ਬੱਲੇਬਾਜੀ ਕਰਨ ਵਾਲੀ ਟੀਮ ਨੇ ਜਿੱਤੇ

2007 ’ਚ ਭਾਰਤ ਤੇ ਪਾਕਿਸਤਾਨ ਇੱਕ ਹੀ ਗਰੁੱਪ ’ਚ ਸਨ, 14 ਸਤੰਬਰ ਨੂੰ ਇੱਕ ਦੂਜੇ ਦੇ ਆਹਮੋ-ਸਾਹਮਣੇ ਸਨ। ਪਾਕਿਸਤਾਨ ਨੇ ਟਾਸ ਜਿੱਤ ਕੇ ਗੇਂਦਬਾਜੀ ਕਰਨ ਦਾ ਫੈਸਲਾ ਕੀਤਾ, ਭਾਰਤ ਨੇ 9 ਵਿਕਟਾਂ ਦੇ ਨੁਕਸਾਨ ’ਤੇ 141 ਦੌੜਾਂ ਬਣਾਈਆਂ। ਪਾਕਿਸਤਾਨ ਦੂਜੀ ਪਾਰੀ ’ਚ ਵੀ 141 ਦੌੜਾਂ ਹੀ ਬਣਾ ਸਕਿਆ ਤੇ ਮੈਚ ਟਾਈ ਹੋ ਗਿਆ। ਹਾਲਾਂਕਿ, ਭਾਰਤ ਨੇ ਉਸ ਸਮੇਂ ਦੇ ਟਾਈ ਬ੍ਰੇਕਰ ਨਿਯਮਾਂ ਦੇ ਤਹਿਤ ਇਹ ਮੈਚ ਬਾਊਲ ਆਊਟ ’ਚ ਜਿੱਤ ਲਿਆ ਸੀ। 2007 ’ਚ, ਭਾਰਤ ਤੇ ਪਾਕਿਸਤਾਨ ਇੱਕ ਵਾਰ ਫਿਰ ਫਾਈਨਲ ’ਚ ਆਹਮੋ-ਸਾਹਮਣੇ ਹੋਏ। ਇਸ ਵਾਰ ਭਾਰਤ ਨੇ ਟਾਸ ਜਿੱਤ ਕੇ ਬੱਲੇਬਾਜੀ ਕਰਨ ਦਾ ਫੈਸਲਾ ਕੀਤਾ ਤੇ 5 ਵਿਕਟਾਂ ’ਤੇ 157 ਦੌੜਾਂ ਬਣਾਈਆਂ। ਪਾਕਿਸਤਾਨ ਦੀ ਟੀਮ ਸਕੋਰ ਦੇ ਨੇੜੇ ਪਹੁੰਚੀ ਪਰ 19.3 ਓਵਰਾਂ ’ਚ 152 ਦੌੜਾਂ ’ਤੇ ਆਲ ਆਊਟ ਹੋ ਗਈ। ਭਾਵ ਸ਼ੁਰੂਆਤੀ ਦੋਵੇਂ ਮੈਚਾਂ ’ਚ ਪਹਿਲਾਂ ਬੱਲੇਬਾਜੀ ਕਰਨ ਵਾਲੀ ਟੀਮ ਨੂੰ ਸਫਲਤਾ ਮਿਲੀ।

2012 ਤੋਂ 2022 ਤੱਕ ਟੀਚੇ ਦਾ ਪਿੱਛਾ ਕਰਨ ਵਾਲੀ ਟੀਮ ਹੀ ਜਿੱਤੀ

2012 ’ਚ ਪਾਕਿਸਤਾਨ ਨੇ ਕੋਲੰਬੋ ਦੇ ਮੈਦਾਨ ’ਚ ਟਾਸ ਜਿੱਤ ਕੇ ਬੱਲੇਬਾਜੀ ਕਰਨ ਦਾ ਫੈਸਲਾ ਕੀਤਾ ਸੀ ਪਰ ਟੀਮ 19.4 ਓਵਰਾਂ ’ਚ 128 ਦੌੜਾਂ ਬਣਾ ਕੇ ਆਲ ਆਊਟ ਹੋ ਗਈ ਸੀ। ਵਿਰਾਟ ਕੋਹਲੀ ਦੇ ਅਰਧ ਸੈਂਕੜੇ ਦੀ ਮਦਦ ਨਾਲ ਭਾਰਤ ਨੇ 2014 ’ਚ ਮੀਰਪੁਰ ਦੇ ਮੈਦਾਨ ’ਚ ਟਾਸ ਜਿੱਤ ਕੇ 17 ਓਵਰਾਂ ’ਚ 2 ਵਿਕਟਾਂ ਗੁਆ ਕੇ ਟੀਚਾ ਹਾਸਲ ਕਰ ਲਿਆ ਸੀ। ਪਾਕਿਸਤਾਨ 7 ਵਿਕਟਾਂ ’ਤੇ 130 ਦੌੜਾਂ ਹੀ ਬਣਾ ਸਕਿਆ। ਭਾਰਤ ਨੇ 18.3 ਓਵਰਾਂ ’ਚ 3 ਵਿਕਟਾਂ ਦੇ ਨੁਕਸਾਨ ’ਤੇ ਆਸਾਨੀ ਨਾਲ ਟੀਚਾ ਹਾਸਲ ਕਰ ਲਿਆ।

2016 ’ਚ ਵੀ ਭਾਰਤ ਹੀ ਜਿੱਤਿਆ | India Vs Pakistan

2016 ’ਚ ਭਾਰਤ ਨੇ ਕੋਲਕਾਤਾ ਦੇ ਮੈਦਾਨ ’ਚ ਟਾਸ ਜਿੱਤ ਕੇ ਗੇਂਦਬਾਜੀ ਦਾ ਫੈਸਲਾ ਕੀਤਾ ਸੀ। ਮੀਂਹ ਕਾਰਨ ਮੈਚ 18-18 ਓਵਰਾਂ ਦਾ ਖੇਡਿਆ ਗਿਆ, ਪਾਕਿਸਤਾਨ ਨੇ 5 ਵਿਕਟਾਂ ’ਤੇ 118 ਦੌੜਾਂ ਬਣਾਈਆਂ। ਭਾਰਤ ਨੇ ਇਹ ਮੈਚ 15.5 ਓਵਰਾਂ ’ਚ 4 ਵਿਕਟਾਂ ਗੁਆ ਕੇ ਜਿੱਤ ਲਿਆ।

2021 ’ਚ ਪਾਕਿਸਤਾਨ ਨੇ ਭਾਰਤ ਨੂੰ ਹਰਾਇਆ

2021 ’ਚ, ਪਾਕਿਸਤਾਨ ਨੇ ਦੁਬਈ ਦੇ ਮੈਦਾਨ ’ਚ ਟਾਸ ਜਿੱਤ ਕੇ ਗੇਂਦਬਾਜੀ ਕਰਨ ਦਾ ਫੈਸਲਾ ਕੀਤਾ। ਭਾਰਤ 7 ਵਿਕਟਾਂ ਗੁਆ ਕੇ 151 ਦੌੜਾਂ ਹੀ ਬਣਾ ਸਕਿਆ। ਪਾਕਿਸਤਾਨ ਨੇ ਬਿਨਾਂ ਕਿਸੇ ਨੁਕਸਾਨ ਦੇ 17.5 ਓਵਰਾਂ ’ਚ ਟੀਚਾ ਹਾਸਲ ਕਰ ਲਿਆ। ਮੁਹੰਮਦ ਰਿਜਵਾਨ ਤੇ ਬਾਬਰ ਆਜਮ ਨੇ 152 ਦੌੜਾਂ ਦੀ ਰਿਕਾਰਡ ਸਾਂਝੇਦਾਰੀ ਕੀਤੀ।

2022 ’ਚ ਇੱਕ ਵਾਰ ਫੇਰ ਤੋਂ ਭਾਰਤ ਨੇ ਪਾਕਿਸਤਾਨ ਨੂੰ ਹਰਾਇਆ

2022 ’ਚ, ਭਾਰਤ ਨੇ ਮੈਲਬੌਰਨ ਦੇ ਮੈਦਾਨ ’ਚ ਟਾਸ ਜਿੱਤ ਕੇ ਗੇਂਦਬਾਜੀ ਕਰਨ ਦਾ ਫੈਸਲਾ ਕੀਤਾ। ਪਾਕਿਸਤਾਨ ਨੇ 8 ਵਿਕਟਾਂ ’ਤੇ 159 ਦੌੜਾਂ ਬਣਾਈਆਂ ਸਨ। ਭਾਰਤ ਨੇ 31 ਦੌੜਾਂ ’ਤੇ 4 ਵਿਕਟਾਂ ਗੁਆ ਦਿੱਤੀਆਂ, ਇੱਥੋਂ ਹਾਰਦਿਕ ਪੰਡਯਾ ਅਤੇ ਵਿਰਾਟ ਕੋਹਲੀ ਨੇ ਪਾਰੀ ਨੂੰ ਸੰਭਾਲਿਆ। ਕੋਹਲੀ ਨੇ 82 ਦੌੜਾਂ ਬਣਾਈਆਂ ਤੇ ਆਖਰੀ ਗੇਂਦ ਤੱਕ ਚੱਲੇ ਮੈਚ ’ਚ ਭਾਰਤ ਨੂੰ 4 ਵਿਕਟਾਂ ਨਾਲ ਜਿੱਤ ਦਿਵਾਈ।

159 ਦੌੜਾਂ ਪਹਿਲੀ ਪਾਰੀ ਦਾ ਜ਼ਿਆਦਾ ਤੋਂ ਜ਼ਿਆਦਾ ਦੌੜਾਂ ਦਾ ਸਕੋਰ

ਵਿਸ਼ਵ ਕੱਪ ਦੇ ਹੁਣ ਤੱਕ ਹੋਏ 7 ਮੈਚਾਂ ’ਚ ਪਹਿਲੀ ਪਾਰੀ ’ਚ 159 ਦੌੜਾਂ ਹੀ ਸਭ ਤੋਂ ਜ਼ਿਆਦਾ ਦੌੜਾਂ ਦਾ ਸਕੋਰ ਹੈ, ਜੋ ਪਾਕਿਸਤਾਨ ਨੇ 2022 ’ਚ ਮੈਲਬੋਰਨ ’ਚ ਬਣਾਇਆ ਸੀ। ਹਾਲਾਂਕਿ ਭਾਰਤ ਨੇ ਇਸ ਦਾ ਪਿੱਛਾ ਕੀਤਾ। ਦੋਵਾਂ ਵਿਚਕਾਰ 118 ਦੌੜਾਂ 2016 ’ਚ ਪਾਕਿਸਤਾਨ ਵੱਲੋਂ ਬਣਾਇਆ ਗਿਆ ਸਭ ਤੋਂ ਛੋਟਾ ਸਕੋਰ ਸੀ। ਹਾਲਾਂਕਿ ਮੀਂਹ ਕਾਰਨ ਇਹ ਮੈਚ 18-18 ਓਵਰਾਂ ਦਾ ਕਰ ਦਿੱਤਾ ਗਿਆ। 20 ਓਵਰਾਂ ਦੇ ਮੈਚ ’ਚ ਪਹਿਲੀ ਪਾਰੀ ’ਚ ਸਭ ਤੋਂ ਘੱਟ ਸਕੋਰ 128 ਸੀ, ਇਹ ਵੀ ਪਾਕਿਸਤਾਨ ਨੇ 2012 ’ਚ ਬਣਾਇਆ ਸੀ। ਭਾਵ ਵਿਸ਼ਵ ਕੱਪ ’ਚ ਹੁਣ ਤੱਕ ਦੋਵਾਂ ਵਿਚਕਾਰ ਘੱਟ ਸਕੋਰ ਵਾਲੇ ਮੈਚ ਹੀ ਹੋਏ ਹਨ, ਜਿਨ੍ਹਾਂ ’ਚ ਸਕੋਰ ਸਿਰਫ 118 ਤੋਂ 159 ਦੌੜਾਂ ਤੱਕ ਹੀ ਪਹੁੰਚ ਸਕਿਆ ਹੈ। (India Vs Pakistan)

ਦੁਬਈ। ਭਾਰਤ ਅਤੇ ਪਾਕਿਸਤਾਨ ਦਰਮਿਆਨ ਖੇਡੇ ਗਏ ਸੁਪਰ-4 ਮੁਕਾਬਲੇ ’ਚ ਬੇਹਦ ਰੋਮਾਂਚਕ ਸੰਘਰਸ਼ ਬਾਅਦ ਪਾਕਿਸਤਾਨ ਨੇ ਭਾਰਤ ਨੂੰ 5 ਵਿਕਟਾਂ ਨਾਲ ਹਰਾ ਦਿੱਤਾ । ਭਾਰਤ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 20 ਓਵਰਾਂ ’ਚ 7 ਵਿਕਟਾਂ ਗੁਆ ਕੇ 181 ਦੌੜਾਂ ਬਣਾਈਆਂ । ਵਿਰਾਟ ਕੋਹਲੀ ਨੇ 60 ਦੌੜਾਂ ਦੀ ਪਾਰੀ ਖੇਡੀ। ਜਿਸ ਦੇ ਜਵਾਬ ’ਚ ਪਾਕਿਸਤਾਨ ਨੇ 19.5 ਓਵਰਾਂ ’ਚ 5 ਵਿਕਟਾਂ ਗੁਆ ਕੇ ਮੈਚ ਜਿੱਤ ਲਿਆ। ਮੁਹੰਮਦ ਰਿਜਵਾਨ ਨੇ 71 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ। ਨਾਲ ਹੀ ਮੁਹੰਮਦ ਨਵਾਜ ਨੇ ਵੀ 20 ਗੇਂਦਾਂ ’ਤੇ 42 ਦੌੜਾਂ ਬਣਾਈਆਂ। ਉਨ੍ਹਾਂ ਨੂੰ ਪਲੇਅਰ ਆਫ ਦਾ ਮੈਚ ਵੀ ਚੁਣਿਆ ਗਿਆ।

ਜ਼ਿਕਰਯੋਗ ਹੈ ਕਿ ਅਰਸ਼ਦੀਪ ਸਿੰਘ ਨੇ ਮੈਚ ਦੇ 18ਵੇਂ ਓਵਰ ’ਚ ਆਸਿਫ ਅਲੀ ਦਾ ਸੌਖਾ ਕੈਚ ਛੱਡ ਦਿੱਤਾ ਅਤੇ ਉਹ ਕੈਚ ਛੱਡਣਾ ਟੀਮ ’ਤੇ ਭਾਰੀ ਪੈ ਗਿਆ ਕਿਉਂਕਿ ਆਸਿਫ ਅਲੀ ਉਸ ਸਮੇਂ ਅਜੇ ਖਾਤਾ ਵੀ ਨਹੀਂ ਖੋਲ ਸਕੇ ਸਨ। ਬਸ ਉਥੋਂ ਹੀ ਮੈਚ ਦਾ ਰੁੱਖ ਬਦਲ ਗਿਆ। ਉਨ੍ਹਾਂ ਨੇ ਉਸ ਤੋਂ ਬਾਅਦ 8 ਗੇਂਦਾਂ ’ਚ 16 ਦੌੜਾਂ ਬਣਾ ਦਿੱਤੀਆਂ। ਏਸ਼ੀਆ ਕੱਪ ’ਚ ਭਾਰਤ 8 ਸਾਲਾਂ ਬਾਅਦ ਪਾਕਿਸਤਾਨ ਤੋਂ ਇਹ ਮੁਕਾਬਲਾ ਹਾਰਿਆ ਹੈ। ਇਸ ਤੋਂ ਪਹਿਲਾਂ 2014 ’ਚ ਏਸ਼ੀਆ ਕੱਪ ਦੌਰਾਨ ਪਾਕਿਸਤਾਨ ਨੇ ਭਾਰਤੀ ਟੀਮ ਨੂੰ 1 ਵਿਕਟ ਨਾਲ ਹਰਾਇਆ ਸੀ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ

ਭਾਰਤ ਅਤੇ ਪਾਕਿਸਤਾਨ 8 ਦਿਨਾਂ ’ਚ ਦੂਜੀ ਵਾਰ ਇੱਕ-ਦੂਜੇ ਖਿਲਾਫ ਅੱਜ ਖੇਡਣ ਉਤਰੇਗੀ। ਅਜਿਹੇ ’ਚ ਦੁਬਈ ਦੇ ਮੈਦਾਨ ’ਤੇ ਰੋਮਾਂਚ ਦਾ ਪਾਰਾ ਵਧਣ ਵਾਲਾ ਹੈ। ਇਹ 4 ਸਾਲ ਬਾਅਦ ਪਹਿਲਾ ਮੌਕਾ ਹੋਵੇਗਾ ਜਦੋਂ ਦੋਵੇਂ ਟੀਮਾਂ 8 ਦਿਨਾਂ ਦੇ ਅੰਦਰ ਇੱਕ-ਦੂਜੇ ਖਿਲਾਫ ਖੇਡਦੀਆਂ ਨਜ਼ਰ ਆਉਣਗੀਆਂ। ਇਸ ਤੋਂ ਪਹਿਲਾਂ 2018 ਦੇ ਏਸ਼ੀਆ ਕੱਪ ’ਚ ਦੋਵੇਂ ਟੀਮਾਂ ਦਰਮਿਆਣ 2 ਮੈਚ ਖੇਡੇ ਗਏ ਸਨ ਅਤੇ ਦੋਵੇਂ ਮੈਚ ਟੀਮ ਇੰਡੀਆ ਜਿੱਤੀ ਸੀ। ਆਓ ਤੁਹਾਨੂੰ ਅੱਜ ਹੋਣ ਵਾਲੇ ਮਹਾਮੁਕਾਬਲੇ ਵਾਰੇ ਦੱਸਦੇ ਹਾਂ…

ਗਰੁਪ ਮੁਕਾਬਲੇ ਦੇ ਮੈਚ ’ਚ ਭਾਰਤ ਨੂੰ ਮਿਲੀ ਜਿੱਤ

28 ਅਗਸਤ ਨੂੰ ਭਾਰਤ ਅਤੇ ਪਾਕਿਸਤਾਨ ਦਰਮਿਆਨ ਹੋਏ ਲੀਗ ਮੁਕਾਬਲੇ ’ਚ ਸਖਤ ਮੁਕਾਬਲਾ ਦੇਖਣ ਨੂੰ ਮਿਲਿਆ ਸੀ। ਮੈਚ ’ਚ ਟੀਮ ਇੰਡੀਆ ਦੇ ਕਪਤਾਨ ਰੋਹਿਤ ਸ਼ਰਮਾ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਸੀ। ਭੁਵਨੇਸ਼ਵਰ ਕੁਮਾਰ ਅਤੇ ਹਾਰਦਿਕ ਪਾਂਡੀਆ ਦੀ ਸ਼ਾਨਦਾਰ ਗੇਂਦਬਾਜੀ ਕਾਰਨ ਪਾਕਿਸਤਾਨ ਦੀ ਟੀਮ 147 ਦੌੜਾਂ ਹੀ ਬਣਾ ਸਕੀ ਸੀ। ਭਾਰਤ ਦੀ ਬੱਲੇਬਾਜੀ ਨੂੰ ਦੇਖਦੇ ਹੋਏ ਇਸ ਸਕੋਰ ਸੌਖਾ ਲੱਗ ਰਿਹਾ ਸੀ, ਪਰ ਪਾਕਿਸਤਾਨ ਦੇ ਗੇਂਦਬਾਜ਼ਾਂ ਨੇ ਭਾਰਤ ਨੂੰ ਸ਼ੁਰੂਆਤੀ ਝੱਟਕੇ ਦਿੱਤੇ। ਹਾਲਾਂਕਿ ਅਖੀਰਲੇ ਓਵਰਾਂ ’ਚ ਹਾਰਦਿਕ ਪਾਂਡੀਆ ਅਤੇ ਰਵਿੰਦਰ ਜਡੇਜਾ ਦੀ ਸਾਂਝੇਦਾਰੀ ਨੇ ਭਾਰਤ ਨੂੰ ਜਿੱਤਾ ਦਿੱਤਾ ਸੀ।

ਕਿੱਥੇ ਖੇਡਿਆ ਜਾਵੇਗਾ ਮੈਚ, ਕਿਹੋ ਜਿਹੀ ਹੋਵੇਗੀ ਪਿੱਚ

ਦੋਵਾਂ ਟੀਮਾਂ ਵਿਚਾਲੇ ਸੁਪਰ-4 ਦੌਰ ਦਾ ਮੈਚ ਦੁਬਈ ਕੌਮਾਂਤਰੀ ਸਟੇਡੀਅਮ ‘ਚ ਖੇਡਿਆ ਜਾਵੇਗਾ। ਮੈਚ ਭਾਰਤੀ ਸਮੇਂ ਅਨੁਸਾਰ ਸ਼ਾਮ 7.30 ਵਜੇ ਸ਼ੁਰੂ ਹੋਵੇਗਾ। ਇਸ ਦੇ ਨਾਲ ਹੀ ਟਾਸ ਮੈਚ ਸ਼ੁਰੂ ਹੋਣ ਤੋਂ ਅੱਧਾ ਘੰਟਾ ਪਹਿਲਾਂ ਹੋਵੇਗਾ। ਪ੍ਰਸ਼ੰਸਕ ਭਾਰਤ ਵਿੱਚ ਸਟਾਰ ਸਪੋਰਟਸ ਨੈੱਟਵਰਕ ਦੇ ਵੱਖ-ਵੱਖ ਚੈਨਲਾਂ ‘ਤੇ ਮੈਚ ਨੂੰ ਲਾਈਵ ਦੇਖ ਸਕਣਗੇ। ਤੁਸੀਂ Disney+ Hotstar ਐਪ ‘ਤੇ ਆਨਲਾਈਨ ਲਾਈਵ ਸਟ੍ਰੀਮਿੰਗ ਦੇਖ ਸਕਦੇ ਹੋ ।

ਏਸ਼ੀਆ ਕੱਪ ’ਚ ਦੁਬਈ ਦੀ ਪਿੱਚ ’ਤੇ ਅਜੇ ਤੱਕ ਖੇਡੇ ਗਏ ਮੁਕਾਬਲਿਆਂ ’ਚ ਸ਼ੁਰੂਆਤੀ ਓਵਰਾਂ ’ਚ ਦੌੜਾਂ ਬਣਾਉਣਾ ਕਾਫੀ ਮੁਸ਼ਕਲ ਹੁੰਦਾ ਹੈ। ਉਹੀ ਅੰਤਲੀ ਦੇ ਪੰਜ-ਛੇ ਓਵਰਾਂ ’ਚ ਛੱਕੇ-ਚੌਕਿਆਂ ਦੀ ਵਰਖਾ ਹੁੰਦੀ ਹੈ। ਇੱਥੋਂ ਦੀ ਪਿੱਚ ਜ਼ਿਆਦਤਰ ਸਪਿਨਰਸ ਲਈ ਵੀ ਅਨੁਕੂਲ ਰਹਿੰਦੀ ਹੈ, ਪਰ ਹਾਲ ਦੇ ਦਿਨਾਂ ’ਚ ਇਸ ਤੋਂ ਤੇਜ਼ ਗੇਂਦਬਾਜ਼ਾਂ ਨੂੰ ਵੀ ਮੱਦਦ ਮਿਲ ਰਹੀ ਹੈ । ਅਜਿਹੇ ’ਚ ਟਾਸ ਜਿੱਤ ਕੇ ਦੋਵੇਂ ਟੀਮਾਂ ਪਹਿਲਾਂ ਗੇਂਦਬਾਜ਼ੀ ਕਰਨ ਲਈ ਸੋਚਣਗੀਆਂ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ

ਚੈਂਪੀਅੰਜ਼ ਟਰਾਫੀ ਫਾਈਨਲ : ਅੱਜ ਪਤਾ ਚੱਲੇਗਾ ਕਿਸ ਦੇ ਸਿਰ ‘ਤੇ ਸਜੇਗਾ ਤਾਜ

ਲੰਦਨ, (ਏਜੰਸੀ)। ਕ੍ਰਿਕਟ ਇਤਿਹਾਸ ਦੇ ਦੋ ਸਭ ਤੋਂ ਮੁੱਖ ਵਿਰੋਧੀ ਭਾਰਤ ਅਤੇ ਪਾਕਿਸਤਾਨ ਐਤਵਾਰ ਨੂੰ ਜਦੋਂ ਆਈਸੀਸੀ ਚੈਂਪੀਅੰਜ਼ ਟਰਾਫੀ ਦੇ ਮਹਾਂ ਖਿਤਾਬੀ ਮੁਕਾਬਲੇ ‘ਚ ਉੱਤਰਨਗੇ ਉਦੋਂ ਨਾ ਸਿਰਫ ਦੋਵੇਂ ਟੀਮਾਂ ਦਰਮਿਆਨ ਸਨਮਾਨ ਦੀ ਜੰਗ ਹੋਵੇਗੀ ਸਗੋਂ ਦੋਵੇਂ ਦੇਸ਼ਾਂ ਦੇ ਲੋਕਾਂ ਦਰਮਿਆਨ ਭਾਵਨਾਵਾਂ ਦੀ ਸੁਨਾਮੀ ਉੱਠ ਜਾਵੇਗੀ ਚੈਂਪੀਅੰਜ਼ ਟਰਾਫੀ ਸ਼ੁਰੂ ਹੋਣ ਦੇ ਸਮੇਂ ਕਿਸੇ ਨੇ ਵੀ ਇਹ ਕਲਪਨਾ ਨਹੀਂ ਕੀਤੀ ਸੀ ਕਿ ਭਾਰਤ ਅਤੇ ਪਾਕਿ ਫਾਈਨਲ ‘ਚ ਆਹਮੋ-ਸਾਹਮਣੇ ਹੋਣਗੇ ਦੋਵੇਂ ਦੇਸ਼ਾਂ ਦਾ ਗਰੁੱਪ ਮੁਕਾਬਲਾ ਸ਼ੁਰੂ ਹੋਣ ਤੋਂ ਕਈ ਮਹੀਨੇ ਪਹਿਲਾਂ ਹੀ ਹਾਊਸਫੁੱਲ ਹੋ ਚੁੱਕਿਆ ਸੀ ਅਤੇ ਹੁਣ ਤਾਂ ਦੋਵਾਂ ਦਰਮਿਆਨ ਫਾਈਨਲ ਦਾ ਰੋਮਾਂਚ ਸਿਰ ਚੜ੍ਹ ਕੇ ਬੋਲੇਗਾ ਭਾਰਤ ਚੈਂਪੀਅੰਜ਼ ਟਰਾਫੀ ਦਾ ਪਿਛਲਾ ਜੇਤੂ ਅਤੇ ਲਗਾਤਾਰ ਦੂਜੀ ਵਾਰ ਫਾਈਨਲ ‘ਚ ਪਹੁੰਚਿਆ ਹੈ ।

ਪਾਕਿਸਤਾਨ ਦੀ ਟੀਮ ਆਪਣੇ ਪਹਿਲੇ ਮੈਚ ‘ਚ ਭਾਰਤ ਤੋਂ ਕਰਾਰੀ ਹਾਰ ਝੱਲਣ ਤੋਂ ਬਾਅਦ ਹੈਰਤਅੰਗੇਜ਼ ਪ੍ਰਦਰਸ਼ਨ ਕਰਦਿਆਂ ਫਾਈਨਲ ‘ਚ ਪਹੁੰਚ ਚੁੱਕੀ ਹੈ ਪਾਕਿਸਤਾਨ ਦਾ ਇਹ ਪਹਿਲਾ ਫਾਈਨਲ ਹੈ ਦੋਵੇਂ ਟੀਮਾਂ ਆਈਸੀਸੀ ਟੂਰਨਾਮੈਂਟਾਂ  ਦੇ ਇਤਿਹਾਸ ‘ਚ ਦੂਜੀ ਵਾਰ ਫਾਈਨਲ ‘ਚ ਭਿੜਨਗੀਆਂ ਇਸ ਤੋਂ ਪਹਿਲਾਂ ਦੋਵਾਂ ਦਰਮਿਆਨ 2007 ਦੇ ਟੀ-20 ਵਿਸ਼ਵ ਕੱਪ ਦੇ ਫਾਈਨਲ ‘ਚ ਮੁਕਾਬਲਾ ਹੋਇਆ ਸੀ ਜਿੱਥੇ ਭਾਰਤ ਨੇ ਖਿਤਾਬੀ ਜਿੱਤ ਦਰਜ ਕੀਤੀ ਸੀ ਭਾਰਤ ਅਤੇ ਪਾਕਿਸਤਾਨ ਦਰਮਿਆਨ ਗ੍ਰੈਂਡ ਫਾਈਨਲ ‘ਚ ਦੋਵੇਂ ਦੇਸ਼ਾਂ ਦੇ ਕਰੋੜਾਂ ਪ੍ਰਸੰਸਕਾਂ ਦੇ ਸਾਹ ਰੁਕੇ ਰਹਿਣਗੇ ਅਤੇ ਟੀਮ ਇੰਡੀਆ ਦੇ ਕਪਤਾਨ ਵਿਰਾਟ ਕੋਹਲੀ ਅਤੇ ਪਾਕਿਸਤਾਨੀ ਕਪਤਾਨ ਸਰਫਰਾਜ਼ ਅਹਿਮਦ ‘ਤੇ ਤਣਾਅ ਦੀ ਤਲਵਾਰ ਉਦੋਂ ਤੱਕ ਲਟਕਦੀ ਰਹੇਗੀ ਜਦੋਂ ਤੱਕ ਮੈਚ ਦਾ ਫੈਸਲਾ ਨਾ ਹੋ ਜਾਵੇ ਦੋਵੇਂ ਹੀ ਟੀਮਾਂ ਲਈ ਇਹ ਮੁਕਾਬਲਾ ਕਰੋ ਜਾਂ ਮਰੋ ਤੋਂ ਘੱਟ ਨਹੀਂ ਹੋਵੇਗਾ ਕਿਉਂਕਿ ਕਿਸੇ ਵੀ ਟੀਮ ਨੂੰ ਖਿਤਾਬ ਤੋਂ ਕੁਝ ਘੱਟ ਮਨਜ਼ੂਰ ਨਹੀਂ ਹੋਵੇਗਾ।

ਟੀਮ ਇੰਡੀਆ ਬੰਗਲਾਦੇਸ਼ ਨੂੰ ਐਜਬਸਟਨ ‘ਚ ਨੌਂ ਵਿਕਟਾਂ ਨਾਲ ਹਰਾ ਕੇ ਅਤੇ ਪਾਕਿਸਤਾਨ ਮੇਜ਼ਬਾਨ ਇੰਗਲੈਂਡ ਨੂੰ ਕਾਰਡਿਫ ‘ਚ ਅੱਠ ਵਿਕਟਾਂ ਨਾਲ ਹਰਾ ਕੇ ਫਾਈਨਲ ‘ਚ ਪਹੁੰਚੇ ਹਨ ਭਾਰਤ ਅਤੇ ਪਾਕਿਸਤਾਨ ਦਰਮਿਆਨ ਖਿਤਾਬੀ ਮੁਕਾਬਲਾ ਕੌਮਾਂਤਰੀ ਕ੍ਰਿਕਟ ਸੰਘ ਲਈ ਕਿਸੇ ਬਲਾਕਬਸਟਰ ਤੋਂ ਘੱਟ ਨਹੀਂ ਹੈ ਦੋਵੇਂ ਟੀਮਾਂ ਦਰਮਿਆਨ ਗਰੁੱਪ ਮੁਕਾਬਲੇ ਨੂੰ ਟੀਵੀ ‘ਤੇ 20.1 ਕਰੋੜ ਲੋਕਾਂ ਨੇ ਵੇਖਿਆ ਸੀ ਜੋ ਬੀਏਆਰਸੀ ਦੇ ਇਤਿਹਾਸ ‘ਚ ਸਭ ਤੋਂ ਵੱਧ ਰੇਟਿਡ ਇੱਕ ਰੋਜ਼ਾ ਹੈ ਅਤੇ ਫਾਈਨਲ ‘ਚ ਇਹ ਰਿਕਾਰਡ ਟੁੱਟ ਸਕਦਾ ਹੈ ਭਾਰਤ ਦੀਆਂ ਖਿਤਾਬ ਬਚਾਉਣ ਦੀਆਂ ਉਮੀਦਾਂ ਉਸ ਦੇ ਤਿੰਨ ਚੋਟੀ ਬੱਲੇਬਾਜ਼ਾਂ ਸ਼ਿਖਰ ਧਵਨ, ਰੋਹਿਤ ਸ਼ਰਮਾ, ਕਪਤਾਨ ਵਿਰਾਟ ਕੋਹਲੀ ‘ਤੇ ਟਿਕੀਆਂ ਰਹਿਣਗੀਆਂ ਭਾਰਤ ਦੇ ਚੋਟੀ ਕ੍ਰਮ ਵਾਂਗ ਪਾਕਿ ਦਾ ਤੇਜ਼ ਗੇਂਦਬਾਜ਼ੀ ਹਮਲਾ ਜਬਰਦਸਤ ਹੈ ।

ਜਿਸ ਦੇ ਬਲਬੂਤੇ ਪਾਕਿਸਤਾਨ ਫਾਈਨਲ ‘ਚ ਪਹੁੰਚਿਆ ਹੈ ਭਾਰਤੀ ਹਮਲੇ ‘ਚ ਭੁਵਨੇਸ਼ਵਰ ਕੁਮਾਰ ਅਤੇ ਜਸਪ੍ਰੀਤ ਬੁਮਰਾਹ ਦੀ ਗੇਂਦਬਾਜ਼ੀ ਸ਼ਾਨਦਾਰ ਰਹੀ ਹੈ ਭੂਵਨੇਸ਼ਵਰ ਨੇ ਛੇ ਅਤੇ ਬੁਮਰਾਹ ਨੇ ਚਾਰ ਵਿਕਟਾਂ ਲਈਆਂ ਹਨ ਖੱਬੇ ਹੱਥ ਦੇ ਸਪਿੱਨਰ ਰਵਿੰਦਰ ਜਡੇਜਾ ਨੇ ਵੀ ਚਾਰ ਵਿਕਟਾਂ ਹਾਸਲ ਕੀਤੀਆਂ ਹਨ ਜਡੇਜਾ ਨਾਲ ਫਾਈਨਲ ‘ਚ ਆਫ ਸਪਿੱਨਰ ਰਵੀਚੰਦਰਨ ਅਸ਼ਵਿਨ ਦੀ ਵੀ ਅਹਿਮ ਭੂਮਿਕਾ ਰਹੇਗੀ ਭਾਰਤ ਨੇ ਪਾਕਿ ਤੋਂ ਬੇਸ਼ੱਕ ਪਹਿਲਾ ਮੈਚ 124 ਦੌੜਾਂ ਦੇ ਵੱਡੇ ਫਰਕ ਨਾਲ ਜਿੱਤ ਲਿਆ ਸੀ ਪਰ ਉਸ ਨੂੰ ਪਾਕਿਸਤਾਨ ਦੇ ਪਲਟਵਾਰ ਤੋਂ ਚੌਕੰਨਾ ਰਹਿਣਾ ਹੋਵੇਗਾ ਚੈਂਪੀਅੰਜ਼ ਟਰਾਫੀ ਨੂੰ ਹੁਣ ਤੱਕ ਦੋ ਹੀ ਦੇਸ਼ਾਂ ਭਾਰਤ ਅਤੇ ਅਸਟਰੇਲੀਆ ਨੇ ਦੋ-ਦੋ ਵਾਰ ਜਿੱਤਿਆ ਹੈ ਭਾਰਤ ਕੋਲ ਤੀਜੀ ਵਾਰ ਇਹ ਟਰਾਫੀ ਜਿੱਤ ਕੇ ਅਸਟਰੇਲੀਆ ਤੋਂ ਅੱਗੇ ਨਿੱਕਲਣ ਦਾ ਸੁਨਹਿਰਾ ਮੌਕਾ ਹੈ ਪਰ ਪਾਕਿਸਤਾਨ ਪਹਿਲੀ ਵਾਰ ਚੈਂਪੀਅਨ ਬਣਨ ਲਈ ਕੋਈ ਕਸਰ ਨਹੀਂ ਛੱਡੇਗਾ।