ਕੱਲ੍ਹ ਸਵੇਰੇ ਤੋਂ ਦੌੜਨਗੀਆਂ ਬੱਸਾਂ, ਗ੍ਰਿਫ਼ਤਾਰੀਆਂ ‘ਤੇ ਲੱਗੀ ਰੋਕ

ਸੱਚ ਕਹੂੰ ਨਿਊਜ਼/ਅਸ਼ਵਨੀ ਚਾਵਲਾ, ਚੰਡੀਗੜ੍ਹ

ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਦੀ ਸਖ਼ਤੀ ਕਾਰਨ ਹਰਿਆਣਾ ਰੋਡਵੇਜ਼ ਮੁਲਾਜ਼ਮ ਯੂਨੀਅਨ ਨੇ ਪਿਛਲੀ 16 ਅਕਤੂਬਰ ਤੋਂ ਚੱਲ ਰਹੀ ਹੜਤਾਲ ਨੂੰ ਵਾਪਸ ਲੈ ਲਿਆ ਹੈ ਹੁਣ ਸਵੇਰੇ ਸ਼ਨਿੱਚਰਵਾਰ 10 ਵਜੇ ਤੋਂ ਸਾਰੀਆਂ ਰੋਡਵੇਜ਼ ਬੱਸਾਂ ਸੜਕਾਂ ‘ਤੇ ਚੱਲਣੀਆਂ ਸ਼ੁਰੂ ਹੋ ਜਾਣਗੀਆਂ

ਪੰਜਾਬ ਹਰਿਆਣਾ ਹਾਈਕੋਰਟ ‘ਚ ਸੁਣਵਾਈ ਦੌਰਾਨ ਯੂਨੀਅਨ ਦੇ ਆਗੂਆਂ ਨੇ ਸਰਕਾਰ ਦੀ ਨਵੀਂ ਨੀਤੀ ‘ਤੇ ਸਟੇਅ ਲਾਉਣ ਦੀ ਵੀ ਮੰਗ ਕੀਤੀ ਸੀ ਪਰੰਤੂ ਅਦਾਲਤ ਨੇ ਇਹ ਕਹਿੰਦਿਆਂ ਸਟੇਅ ਲਾਉਣ ਤੋਂ ਨਾਂਹ ਕਰ ਦਿੱਤੀ ਕਿ ਬਿਨਾ ਮਾਮਲੇ ਦੀ ਸੁਣਵਾਈ ਕੀਤੇ ਬਿਨਾ ਕੋਈ ਵੀ ਸਟੇਅ ਨਹੀਂ ਲਾ ਸਕਦੇ ਹਾਂ ਹਾਈ ਕੋਰਟ ਨੇ ਹਰਿਆਣਾ ਰੋਡਵੇਜ਼ ਮੁਲਾਜ਼ਮ ਯੂਨੀਅਨ ਦੇ ਆਗੂਆਂ ਦਾ ਬਿਆਨ ਦਰਜ ਕਰ ਲਿਆ ਹੈ ਇਸ ਦੇ ਨਾਲ ਹੀ ਹਰਿਆਣਾ ਸਰਕਾਰ ਨੂੰ ਕਰਮਚਾਰੀ ਯੂਨੀਅਨ ਨਾਲ ਗੱਲਬਾਤ ਕਰਦਿਆਂ ਸਾਰਾ ਮਾਮਲਾ ਹੱਲ ਕਰਨ ਦੇ ਆਦੇਸ਼ ਵੀ ਜਾਰੀ ਕਰ ਦਿੱਤੇ ਹਨ

ਹਾਈ ਕੋਰਟ ਨੇ ਮੁਲਾਜ਼ਮ ਯੂਨੀਅਨ ਨੂੰ ਕਿਹਾ ਕਿ ਅਗਲੇ ਦਿਨਾਂ ‘ਚ ਦੀਵਾਲੀ ਆ ਰਹੀ ਹੈ ਅਤੇ ਅਜਿਹੇ ‘ਚ ਉਹ ਭੂਮੀਗਤ ਹੋ ਕੇ ਕਿਵੇਂ ਪਰਿਵਾਰ ਨਾਲ ਦੀਵਾਲੀ ਮਨਾ ਸਕਣਗੇ, ਉਹ ਖੁਦ ਵੀ ਪਰਿਵਾਰਾਂ ਨਾਲ ਦੀਵਾਲੀ ਮਨਾਉਣ ਅਤੇ ਆਮ ਲੋਕਾਂ ਨੂੰ ਹੜਤਾਲ ਕਾਰਨ ਆ ਰਹੀ ਪ੍ਰੇਸ਼ਾਨ ਤੋਂ ਵੀ ਛੁਟਕਾਰਾ ਮਿਲ ਸਕੇ ਇਸ ਲਈ ਯੂਨੀਅਨ ਨੇ ਸਿਰਫ ਹੜਤਾਲ ਵਾਪਸ ਲਵੇ ਸਗੋਂ ਇਸ ਸਾਰੇ ਮਾਮਲੇ ਨੂੰ ਸਿਰਫ ਗੱਲਬਾਤ ਜਰੀਏ ਹੀ ਨਿਪਟਾਇਆ ਜਾਵੇ ਕਿਉਂਕਿ ਹੜਤਾਲਾਂ ਨਾਲ ਕਦੇ ਵੀ ਕਿਸੇ ਮਾਮਲੇ ਦਾ ਹੱਲ ਨਹੀਂ ਨਿਕਲਦਾ ਹੈ, ਹੱਲ ਕਰਨ ਲਈ ਸਿਰਫ ਗੱਲਬਾਤ ਹੀ ਸਭ ਤੋਂ ਸਰਲ ਸਾਧਨ ਹੈ

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਅਮਰੀਕਾ ਦਾ ਇਹ ਫੈਸਲਾ ਦਰੁਸਤ ਹੈ ਜੇਕਰ ਇਹ ਸਿਰਫ਼ ਵਿਖਾਵਾ ਨਾ ਹੋਵੇ, ਸਗੋਂ ਪਾਕਿ ਨੂੰ ਹਕੀਕਤ ‘ਚ ਸ਼ੀਸ਼ਾ ਵਿਖਾਇਆ ਜਾਵੇ

ਅਮਰੀਕਾ ਨੇ ਪਾਕਿਸਤਾਨ ਨੂੰ ਦਿੱਤੀ ਜਾਣ ਵਾਲੀ ਆਰਥਿਕ ਸਹਾਇਤਾ ਰੋਕ ਕੇ ਅੱਤਵਾਦ ਪ੍ਰਤੀ ਸਖ਼ਤ ਰੁਖ਼ ਅਪਣਾਇਆ ਹੈ। ਚਰਚਾ ਇਹੀ ਹੈ ਕਿ ਅਮਰੀਕਾ ਨੂੰ ਪਾਕਿਸਤਾਨ ਸਰਕਾਰ ਵੱਲੋਂ ਅੱਤਵਾਦ ਖਿਲਾਫ਼ ਕੀਤੀ ਜਾ ਰਹੀ ਕਾਰਵਾਈ ‘ਤੇ ਸੰਤੁਸ਼ਟੀ ਨਹੀਂ। ਅਮਰੀਕਾ ਦਾ ਇਹ ਫੈਸਲਾ ਦਰੁਸਤ ਹੈ ਜੇਕਰ ਇਹ ਸਿਰਫ਼ ਵਿਖਾਵਾ ਨਾ ਹੋਵੇ, ਸਗੋਂ ਪਾਕਿ ਨੂੰ ਹਕੀਕਤ ‘ਚ ਸ਼ੀਸ਼ਾ ਵਿਖਾਇਆ ਜਾਵੇ। ਦਰਅਸਲ ਓਬਾਮਾ ਪ੍ਰਸ਼ਾਸਨ ਵੇਲੇ ਵੀ ਅਜਿਹੇ ਫੈਸਲੇ ਲਏ ਜਾਂਦੇ ਸਨ ਪਰ ਕੁਝ ਦਿਨਾਂ ਮਗਰੋਂ ਇਹ ਰਾਸ਼ੀ ਫਿਰ ਜਾਰੀ ਕਰ ਦਿੱਤੀ ਜਾਂਦੀ ਸੀ।

ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਵੀ ਅਹੁਦਾ ਸੰਭਾਲਦਿਆਂ ਇੱਕ ਵਾਰ ਪਾਕਿ ਨਾਲ ਸਖ਼ਤੀ ਵਰਤੀ ਅਤੇ ਆਰਥਿਕ ਸਹਾਇਤਾ ਦੇਣੀ ਰੋਕ ਦਿੱਤੀ ਪਰ ਮਗਰੋਂ ਉਹ ਰਾਸ਼ੀ ਜਾਰੀ ਕਰ ਦਿੱਤੀ ਗਈ। ਹੁਣ ਵੀ ਪਾਕਿਸਤਾਨ ਦਾ ਵਿਦੇਸ਼ ਮੰਤਰੀ ਦਾਅਵਾ ਕਰ ਰਿਹਾ ਹੈ ਕਿ ਪਾਕਿ ਸਰਕਾਰ ਨੇ ਅੱਤਵਾਦ ਖਿਲਾਫ਼ 300 ਮਿਲੀਅਨ ਡਾਲਰ ਆਪਣੇ ਪੱਲਿਓਂ ਖਰਚਿਆ ਹੈ ਤੇ ਇਹ ਰਾਸ਼ੀ ਅਮਰੀਕਾ ਤੋਂ ਲੈਣੀ ਉਸ ਦਾ ਹੱਕ ਹੈ। ਦਰਅਸਲ ਪਾਕਿਸਤਾਨ ਵੱਲੋਂ ਅੱਤਵਾਦ ਖਿਲਾਫ਼ ਕਾਰਵਾਈ ਦਾ ਤਮਾਸ਼ਾ ਜ਼ਿਆਦਾ ਹੁੰਦਾ ਰਿਹਾ ਹੈ ਤੇ ਅਮਲ ਘੱਟ ਹੋਇਆ ਹੈ।

ਅੱਤਵਾਦ ਬਾਰੇ ਇਸਲਾਮਾਬਾਦ ਨੇ ਦੂਹਰੀ ਨੀਤੀ ਅਪਣਾਈ ਹੋਈ ਹੈ। ਅਮਰੀਕਾ ਵੀ ਦੱਖਣੀ ਏਸ਼ੀਆ ਸ਼ਕਤੀ ਸੰਤੁਲਨ ਬਣਾਉਣ ਲਈ ਪਾਕਿ ਦੀ ਅੱਤਵਾਦ ਬਾਰੇ ਦੋਗਲ਼ੀ ਨੀਤੀ ਦੇ ਬਾਵਜ਼ੂਦ ਇਸ ਮੁਲਕ ਨਾਲ ਮਜ਼ਬੂਤ ਸਬੰਧ ਬਣਾ ਕੇ ਚੱਲ ਰਿਹਾ ਹੈ। ਅਮਰੀਕਾ ਨੂੰ ਟੱਕਰ ਦੇਣ ਲਈ ਚੀਨ ਨੇ ਪਾਕਿਸਤਾਨ ‘ਚ ਆਪਣੇ ਪੈਰ ਜਮਾ ਲਏ ਹਨ। ਇਸ ਲਈ ਅਮਰੀਕਾ ਅੱਤਵਾਦ ਦੇ ਖਿਲਾਫ਼ ਕਾਰਵਾਈ ਦੇ ਨਾਂਅ ‘ਤੇ ਪਾਕਿ ਨੂੰ ਆਰਥਿਕ ਸਹਾਇਤਾ ਦੇ ਕੇ ਪਾਕਿ ‘ਚ ਆਪਣਾ ਪ੍ਰਭਾਵ ਕਾਇਮ ਰੱਖਣਾ ਚਾਹੁੰਦਾ ਹੈ।

ਭਾਰਤ ‘ਚ ਜਾਰੀ ਅੱਤਵਾਦ ਨੂੰ ਪਾਕਿ ਵੱਲੋਂ ਕੀਤੀ ਜਾ ਰਹੀ ਪੁਸ਼ਤਪਨਾਹੀ ਜੱਗ-ਜ਼ਾਹਿਰ ਹੋਣ ਦੇ ਬਾਵਜ਼ੂਦ ਅਮਰੀਕਾ ਨੇ ਪਾਕਿ ਦੀ ਵਿਦੇਸ਼ ਨੀਤੀ ‘ਤੇ ਸਵਾਲ ਨਹੀਂ ਕੀਤਾ। ਇਹ ਕਿਹਾ ਜਾਣਾ ਵੀ ਗਲਤ ਨਹੀਂ ਹੋਵੇਗਾ ਕਿ ਅਮਰੀਕਾ ਆਪਣੇ ਪੱਲਿਓਂ ਪੈਸਾ ਖਰਚ ਕੇ ਪਾਕਿ ਨੂੰ ਸਿਰਫ ਆਪਣੇ ਹੱਥ ‘ਚ ਰੱਖਣਾ ਚਾਹੁੰਦਾ ਹੈ। ਲਗਭਗ ਇੱਕ ਦਹਾਕੇ ਤੋਂ ਅਰਬਾਂ ਰੁਪਏ ਸਹਾਇਤਾ ਪਾਕਿ ਨੂੰ ਮਿਲ ਰਹੀ ਹੈ ਪਰ ਉਸ ਦਾ ਨਤੀਜਾ ਸਭ ਦੇ ਸਾਹਮਣੇ ਹੈ। ਪਾਕਿਸਤਾਨ ਅੱਤਵਾਦ ਦੀ ਨਰਸਰੀ ਬਣਿਆ ਹੋਇਆ ਹੈ।

ਅਮਰੀਕਾ ਵੱਲੋਂ ਅੱਤਵਾਦੀ ਕਰਾਰ ਦਿੱਤਾ ਹਾਫਿਜ਼ ਮੁਹੰਮਦ ਸਈਅਦ ਸ਼ਰੇਆਮ ਭਾਰਤ ਖਿਲਾਫ਼ ਜ਼ਹਿਰ ਉਗਲਦਾ ਹੈ ਤੇ ਉਸ ਨੂੰ ਰਾਜਨੀਤਕ ਪਾਰਟਂੀ ਬਣਾਉਣ ਦੀ ਵੀ ਸਰਕਾਰ ਨੇ ਆਗਿਆ ਦਿੱਤੀ ਹੈ। ਫਿਰ ਵੀ ਅਜਿਹੇ ਮੁਲਕ ‘ਤੇ ਇਤਬਾਰ ਕਰਨਾ, ਅਮਰੀਕਾ ਦੀਆਂ ਨੀਤੀਆਂ ‘ਤੇ ਸਵਾਲ ਖੜ੍ਹਾ ਕਰਦਾ ਹੈ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।