ਕਾਂਸੀ ਤਗਮੇ ਲਈ ਭਿੜਨਗੇ ਅੱਜ

ਜਕਾਰਤਾ, 31 ਅਗਸਤ

ਭਾਰਤੀ ਹਾੱਕੀ ਟੀਮ ਦੀ ਏਸ਼ੀਆਈ ਖੇਡਾਂ ਦੇ ਸੈਮੀਫਾਈਨਲ ‘ਚ ਮਲੇਸ਼ੀਆ ਹੱਥੋਂ ਸਡਨ ਡੈੱਥ ‘ਚ ਸਨਸਨੀਖੇਜ਼ ਹਾਰ ਤੋਂ ਹੈਰਾਨ ਕੋਚ ਹਰਿੰਦਰ ਸਿੰਘ ਨੇ ਆਪਣੀ ਟੀਮ ਨੂੰ ਇਸ ਹਾਰ ਲਈ ਝੰਡ ਪਾਈ ਹੈ

ਪਿਛਲੀ ਚੈਂਪੀਅਨ ਹਾੱਕੀ ਟੀਮ ਇਸ ਹਾਰ ਤੋਂ ਬਾਅਦ ਸੋਨ ਤਗਮਾ ਨਹੀਂ ਬਚਾ ਸਕੀ ਅਤੇ ਹੁਣ ਉਸਨੂੰ ਕਾਂਸੀ ਤਗਮੇ ਲਈ 1 ਸਤੰਬਰ ਨੂੰ ਕੱਟੜ ਵਿਰੋਧੀ ਪਾਕਿਸਤਾਨ ਨਾਲ ਖੇਡਣਾ ਹੋਵੇਗਾ ਜਦੋਂਕਿ ਸੋਨ ਤਗਮੇ ਦਾ ਮੁਕਾਬਲਾ ਮਲੇਸ਼ੀਆ ਅਤੇ ਜਾਪਾਨ ਦਰਮਿਆਨ ਹੋਵੇਗਾ

ਅਜੇਤੂ ਕਹੀ ਜਾਣ ਵਾਲੀ ਭਾਰਤੀ ਟੀਮ ਦੀ ਹਾਰ ਤੋਂ ਸਕਤੇ ‘ਚ ਕੋਚ ਹਰਿੰਦਰ ਨੇ ਕਿਹਾ ਕਿ ਅਸੀਂ ਬੇਹੱਦ ਖ਼ਰਾਬ ਗਲਤੀਆਂ ਕੀਤੀਆਂ ਅਤੇ ਇਸ ਦੀ ਕੀਮਤ ਚੁਕਾਈ ਅਸੀਂ ਚੀਜ਼ਾਂ ਨੂੰ ਸਹੀ ਢੰਗ ਨਹੀਂ ਰੱਖ ਸਕੇ ਅਤੇ ਭਾਰਤੀ ਸਕਿੱਲ ਦਿਖਾਉਣ ਦੀ ਕੋਸ਼ਿਸ਼ ‘ਚ ਆਪਣੀ ਲੈਅ ਗੁਆ ਬੈਠੇ ਇਹ ਭਾਰਤੀ ਹਾੱਕੀ ਲਈ ਵੱਡਾ ਝਟਕਾ ਹੈ ਜਿਸ ਨਟਾਲ ਅਗਲੀਆਂ ਓਲੰਪਿਕਸ ਲਈ ਰਾਹ ਬਹੁਤ ਮੁਸ਼ਕਲ ਹੋ ਗਈ ਹੈ ਅਸੀਂ ਫਾਈਨਲ ‘ਚ ਪਹੁੰਚਣ ਦੇ ਆਸਾਨ ਮੌਕੇ ਗੁਆਏ

 
ਸ਼ੁਟਆਊਟ ਲਈ ਕੋਚ ਨੇ ਕਿਹਾ ਕਿ ਅਸੀਂ ਨਿਰਧਾਰਤ ਸਮੇਂ ‘ਚ ਗਲਤੀਆਂ ਕੀਤੀਆਂ ਅਤੇ ਸ਼ੂਟਆਊਟ ‘ਚ ਕੋਈ ਵੀ ਟੀਮ ਜਿੱਤ ਜਾਂਦੀ ਹੈ
ਏਸ਼ੀਆਈ ਖੇਡਾਂ ਦੇ ਇਤਿਹਾਸ ‘ਚ ਇਹ ਪਹਿਲੀ ਵਾਰ ਹੈ ਜਦੋਂ ਭਾਰਤ ਅਤੇ ਪਾਕਿਸਤਾਨ ਦੋਵੇਂ ਟੀਮਾਂ ਫਾਈਨਲ ‘ਚ ਨਹੀਂ ਪਹੁੰਚ ਸਕੀਆਂ ਇਹ ਵੀ ਹੈਰਾਨੀਜਨਕ ਰਿਹਾ ਕਿ ਜਿਸ ਜਾਪਾਨ ਨੂੰ ਭਾਰਤ ਨੇ ਗਰੁੱਪ ਮੈਚ ‘ਚ 8-0 ਨਾਲ ਅਤੇ ਸਾਬਕਾ ਚੈਂਪੀਅਨ ਪਾਕਿਸਤਾਨ ਨੇ ਮਲੇਸ਼ੀਆ ਨੂੰ 4-1 ਨਾਲ ਹਰਾਇਆ ਸੀ, ਉਹ ਟੀਮਾਂ ਸੋਨ ਤਗਮੇ ਲਈ ਖੇਡਣਗੀਆਂ ਭਾਰਤ ਨੂੰ ਸੈਮੀਫਾਈਨਲ ‘ਚ ਮਲੇਸ਼ੀਆ ਨੇ ਸਡਨ ਡੈੱਥ ‘ਚ 7-6 ਨਾਲ ਅਤੇ ਜਾਪਾਨ ਨੇ ਪਾਕਿਸਤਾਨ ਨੂੰ 1-0 ਨਾਲ ਹਰਾਇਆ ਭਾਰਤ ਅਤੇ ਪਾਕਿਸਤਾਨ ਨੇ ਲੀਗ ਮੈਚਾਂ ‘ਚ ਕ੍ਰਮਵਾਰ : 76 ਅਤੇ 45 ਗੋਲ ਕੀਤੇ ਸਨ ਪਰ ਅਹਿਮ ਸੈਮੀਫਾਈਨਲ ‘ਚ ਦੋਵੇਂ ਟੀਮਾਂ ਨੇ ਗੋਡੇ ਟੇਕ ਦਿੱਤੇ

PUNJABI NEWS ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ FACEBOOK ਅਤੇ TWITTER ‘ਤੇ ਫਾਲੋ ਕਰੋ।

ਕੁੱਲ ਤਗਮਾ ਸੂਚੀ ਚ ਅੱਗੇ ਆਉਣ ਲਈ ਵੱਧ ਸੋਨ ਤਗਮੇ ਜਰੂਰੀ

ਪਿਛਲੇ ਅੰਕ ‘ਚ ਅਸੀਂ ਗੱਲ ਕੀਤੀ ਸੀ ਕਿ ਇਸ ਹਫ਼ਤੇ 18 ਅਗਸਤ ਤੋਂ ਸ਼ੁਰੂ ਹੋ ਰਹੀਆਂ ਏਸ਼ੀਆਈ ਖੇਡਾਂ ਂਚ ਭਾਰਤੀ ਖਿਡਾਰੀਆਂ ਨੂੰ ਸੋਨ ਤਗਮਿਆਂ ਲਈ ਖ਼ਾਸਾ ਪਸੀਨਾ ਵਹਾਉਣਾ ਪਵੇਗਾ ਕੁੱਲ ਤਗਮਾ ਸੂਚੀ ਦੀ ਗੱਲ ਕੀਤੀ ਜਾਵੇ ਤਾਂ ਭਾਰਤ ਹਮੇਸ਼ਾਂ ਹੀ ਆਪਣੇ ਨਜ਼ਦੀਕੀ ਵਿਰੋਧੀਆਂ ਤੋਂ ਚਾਂਦੀ ਅਤੇ ਕਾਂਸੀ ਤਗਮੇ ਕਿਤੇ ਵੱਧ ਜਿੱਤਦਾ ਹੈ ਪਰ ਸੋਨ ਤਗਮੇ ਘੱਟ ਹੋਣ ਕਾਰਨ ਉਸਨੂੰ 7ਵੇਂ , 8ਵੇਂ ਜਾਂ 9ਵੇਂ ਸਥਾਨ ਨਾਲ ਸਬਰ ਕਰਨਾ ਪੈਂਦਾ ਹੈ ਪਿਛਲੀ ਵਾਰ ਭਾਰਤ 11 ਸੋਨ, 10ਚਾਂਦੀ ਅਤੇ 36 ਕਾਂਸੀ ਤਗਮੇ ਜਿੱਤ ਕੇ 8ਵੇਂ ਸਥਾਨ ‘ਤੇ ਰਿਹਾ ਸੀ ਜਦੋਂਕਿ 2010 ‘ਚ 14 ਸੋਨ, 17 ਚਾਂਦੀ ਅਤੇ 34 ਕਾਂਸੀ ਤਗਮਿਆਂ ਨਾਲ 6ਵੇਂ ਸਥਾਨ ‘ਤੇ ਰਿਹਾ ਸੀ। (Asiad Games)

ਜਿਸ ਤੋਂ ਸਾਬਤ ਹੁੰਦਾ ਹੈ ਕਿ ਭਾਰਤ ਨੂੰ ਸੈਮੀਫਾਈਨਲ ਜਾਂ ਫਾਈਨਲ ਮੁਕਾਬਲਿਆਂ ‘ਚ ਮਾਤ ਖਾ ਕੇ ਚਾਂਦੀ ਜਾਂ ਕਾਂਸੀ ਤਗਮੇ ਨਾਲ ਸਬਰ ਕਰਨਾ ਪੈਂਦਾ ਹੈ ਅਤੇ ਇਹ ਵੀ ਸਾਫ਼ ਹੈ ਕਿ ਜਦੋਂ ਭਾਰਤ ਦੇ ਸੋਨ ਤਗਮੇ ਵਧਦੇ ਹਨ ਤਾਂ ਤਗਮਾ ਸੂਚੀ ‘ਚ ਭਾਰਤ Àੁੱਪਰ ਵਧਦਾ ਹੈ ਸੋ ਭਾਰਤੀ ਦਲ ਦੇ ਥਿੰਕ ਟੈਂਕਾਂ ਨੂੰ ਸੈਮੀਫਾਈਨਲ ਜਾਂ ਫਾਈਨਲਾਂ ‘ਚ ਜਿੱਤ ਦੀ ਫੀਸਦ ਨੂੰ ਵਧਾਉਣ ਲਈ ਖਿਡਾਰੀਆਂ ਨੂੰ ਵੱਡੇ ਮੈਚਾਂ ਲਈ ਵੱਖਰੀ ਰਣਨੀਤੀ ਅਤੇ ਦਬਾਅ ਤੋਂ ਦੂਰ ਰਹਿਣ ਲਈ ਖ਼ਾਸ ਤੌਰ ‘ਤੇ ਤਿਆਰ ਕਰਨ ਦੀ ਲੋੜ ਹੈ ਤਾਂਕਿ ਉਹ ਮੁੱਖ ਮੁਕਾਬਲਿਆਂ ‘ਚ ਨਤੀਜੇ ਸੁਧਰ ਸਕਣ। (Asiad Games)

ਇਹ ਵੀ ਪੜ੍ਹੋ : ਹਰਿਆਣਾ : ਨੂੰਹ ਹਿੰਸਾ ’ਤੇ ਪ੍ਰਸ਼ਾਸਨ ਦਾ ਵੱਡਾ ਐਕਸ਼ਨ

ਹਾਲਾਂਕਿ ਇਸ ਮਹੀਨੇ ਰਾਸ਼ਟਰੀ ਅਥਲੈਟਿਕਸ ਚੈਂਪੀਅਨਸ਼ਿਪ ਅਤੇ ਕੁਝ ਹੋਰ ਅੰਤਰਰਾਸ਼ਟਰੀ ਮੁਕਾਬਲਿਆਂ ‘ਚ ਭਾਰਤੀ ਅਥਲੀਟਾਂ ਵੱਲੋਂ ਵੱਡੀ ਗਿਣਤੀ ‘ਚ ਰਿਕਾਰਡ ਤੋੜੇ ਜਾਣ ਕਾਰਨ ਮਾਨਸਿਕ ਪੱਖੋਂ ਖਿਡਾਰੀਆਂ ਦੇ ਕੁਝ ਮਜ਼ਬੂਤ ਹੋਣ ਦੇ ਚਿੰਨ੍ਹ ਨਜ਼ਰ ਆਏ ਹਨ ਅਤੇ ਏਸ਼ੀਆਡ ‘ਚ ਵੀ ਵੱਡੇ ਮੁਕਾਬਲਿਆਂ ‘ਚ ਵੱਡੇ ਤਗਮਿਆਂ ਦੀ ਆਸ ਜਾਗੀ ਹੈ ਰਾਸ਼ਟਰੀ ਚੈਂਪੀਅਨਸ਼ਿਪ ‘ਚ ਜਾਨਸਨ ਨੇ 42 ਸਾਲ ਪਹਿਲਾਂ ਦੇ 800 ਮੀਟਰ ਦੌੜ ਦੇ ਰਾਸ਼ਟਰੀ ਰਿਕਾਰਡ ਨੂੰ ਤੋੜਿਆ ਹੈ ਹਿਮਾ ਦਾਸ ਵਿਸ਼ਵ ਅੰਡਰ20 ਅਥਲੈਟਿਕਸ ਚੈਂਪੀਅਨਸ਼ਿਪ ‘ਚ ਸੋਨ ਤਗਮਾ ਜਿੱਤੀ ਨੇਜਾ ਸੁੱਟਣ ‘ਚ ਨੀਰਜ ਚੋਪੜਾ ਵੱਲੋਂ ਫਰਾਂਸ ‘ਚ ਸੋਨ ਤਗਮਾ ਤੋਂ ਇਲਾਵਾ ਵੀ ਕਈ ਇਤਿਹਾਸਕ ਪ੍ਰਦਰਸ਼ਨ ਇਸ ਸਾਲ ਭਾਰਤੀ ਅਥਲੀਟਾਂ ਦੇ ਦੇਖਣ ਨੂੰ ਮਿਲੇ ਹਾਲਾਂਕਿ ਏਸ਼ੀਆਡ ‘ਚ ਤਗਮੇ ਇਸ ਗੱਲ ‘ਤੇ ਨਿਰਭਰ ਹੋਣਗੇ ਕਿ  ਵੱਖ-ਵੱਖ ਖੇਡਾਂ ‘ਚ ਭਾਰਤੀ ਕੋਚਾਂ ਵੱਲੋਂ ਕੋਰੀਆ, ਚੀਨ, ਜਾਪਾਨ, ਇੰਡੋਨੇਸ਼ੀਆ ਅਤੇ ਇਰਾਨ ਵਰਗੇ ਮੁੱਖ ਚੁਣੌਤੀ ਦੇਣ ਵਾਲੇ ਦੇਸ਼ਾਂ ਦੇ ਅਥਲੀਟਾਂ ਵਿਰੁੱਧ  ਆਪਣੀਆਂ ਰਣਨੀਤੀਆਂ ਨੂੰ ਕਿਸ ਹੱਦ ਤੱਕ ਹਕੀਕੀ ਰੂਪ ਦਿੰਦੇ ਹਨ। (Asiad Games)

ਕਬੱਡੀ ‘ਚ ਸੋਨ ਤਗਮਾ ਪੱਕਾ: ਏਸ਼ੀਆਡ ‘ਚ ਕਬੱਡੀ ਇੱਕੋ-ਇੱਕ ਅਜਿਹੀ ਖੇਡ ਹੈ ਜਿਸ ਵਿੱਚ ਭਾਰਤ ਦੇ ਦੋ ਸੋਨ ਤਗਮੇ ਪੱਕੇ ਮੰਨੇ ਜਾ ਸਕਦੇ ਹਨ ਬੀਜ਼ਿੰਗ ਦੀਆਂ 1990 ‘ਚ ਹੋਈਆਂ ਏਸ਼ੀਆ ਖੇਡਾਂ ‘ਚ ਪਹਿਲੀ ਵਾਰ ਸ਼ਾਮਲ ਹੋਈ ਕਬੱਡੀ ‘ਚ ਹੁਣ ਤੱਕ ਭਾਰਤ ਦੀ ਹੀ ਬਾਦਸ਼ਾਹਤ ਰਹੀ ਹੈ ਅਤੇ ਇਸ ਵਾਰ ਵੀ ਭਾਰਤ ਨੂੰ ਦੋਵਾਂ ਵਰਗਾਂ ‘ਚ ਸੋਨ ਤਗਮੇ ਲਈ ਕੋਈ ਵੱਡੀ ਚੁਣੌਤੀ ਮਿਲਣ ਦੀ ਆਸ ਨਹੀਂ ਹੈ ਭਾਰਤ ਨੇ 2017 ‘ਚ ਹੋਈ ਪੁਰਸ਼ ਏਸ਼ੀਅਨ ਕਬੱਡੀ ਚੈਂਪੀਅਨਸ਼ਿਪ ‘ਚ ਪਾਕਿਸਤਾਨ ਨੂੰ ਹਰਾ ਕੇ ਚੈਂਪੀਅਨ ਬਣਨ ਦਾ ਮਾਣ ਹਾਸਲ ਕੀਤਾ ਸੀ ਅਤੇ ਜੇਕਰ ਕੋਈ ਵੱਡਾ ਉਲਟਫੇਰ ਨਹੀਂ ਹੁੰਦਾ ਤਾਂ ਭਾਰਤ ਦੀ ਕਬੱਡੀ ‘ਚ ਸਰਦਾਰੀ ਕਾਇਮ ਰਹੇਗੀ। (Asiad Games)

ਅਥਲੈਟਿਕਸ | Asiad Games

ਅਥਲੈਟਿਕਸ ‘ਚ ਇਸ ਵਾਰ 48 ਸੋਨ ਤਗਮਿਆਂ ਲਈ 24 ਪੁਰਸ਼, 23 ਮਹਿਲਾਵਾਂ ਅਤੇ ਇੱਕ ਮਿਕਸਡ ਵਰਗ ‘ਚ ਮੁਕਾਬਲਾ ਹੋਵੇਗਾ ਭਾਰਤ ਦਾ ਇਸ ਵਾਰ ਏਸ਼ੀਆਈ ਖੇਡਾਂ ‘ਚ ਸਭ ਤੋਂ ਵੱਡਾ 50 ਅਥਲੀਟਾਂ ਦਾ ਦਲ ਨਿੱਤਰੇਗਾ ਰਾਸ਼ਟਰੀ ਅਥਲੈਟਿਕਸ ਚੈਂਪੀਅਨਸ਼ਿਪ ‘ਚ ਇਸ ਵਾਰ ਕਾਫ਼ੀ ਗਿਣਤੀ ‘ਚ ਟੁੱਟੇ ਰਾਸ਼ਟਰੀ ਰਿਕਾਰਡਾਂ ਕਾਰਨ ਭਾਰਤੀ ਦਲ ਤੋਂ ਇਤਿਹਾਸਕ ਪ੍ਰਦਰਸ਼ਨ ਦੀਆਂ ਆਸਾਂ ਹਨ ਭਾਰਤ ਨੇ 2014 ‘ਚ 2 ਸੋਨ ਤਗਮਿਆਂ ਸਮੇਤ ਕੁੱਲ 13 ਤਗਮੇ ਜਿੱਤੇ ਸਨ ਅਤੇ ਜੇਕਰ ਇਸ ਵਾਰ ਭਾਰਤ 4 ਸੋਨ ਅਤੇ ਕੁੱਲ 141 ਤਗਮਿਆਂ ਚੋਂ 30 ਤਗਮੇ ਵੀ ਜਿੱਤਦਾ ਹੈ ਤਾਂ ਵੱਡੀ ਸਫ਼ਲਤਾ ਹੋਵੇਗੀ ਅਤੇ ਆਸ  ਹੈ ਕਿ ਭਾਰਤ ਵੱਡੀ ਸਫ਼ਲਤਾ ਦੇ ਕਰੀਬ ਰਹੇਗਾ।

ਇਹ ਵੀ ਪੜ੍ਹੋ : Viral Video: ਪਹਿਲਾਂ ਸੱਪ ਤੇ ਹੁਣ ਇਸ ਜੀਵ ਨੂੰ ਦੇਖ ਕੇ ਕੰਬ ਉੱਠੇ ਖਿਡਾਰੀ!

ਇਸ ਵਾਰ ਡਿਸਕਸ ਥ੍ਰੋ ‘ਚ ਸੀਮਾ ਪੂਨੀਆ ਦਾ ਸੋਨ ਤਗਮਾ ਪੱਕਾ ਜਾਪਦਾ ਹੈ ਨੇਜਾ ਸੁੱਟਣ ‘ਚ ਨੀਰਜ ਚੋਪੜਾ( ਸਰਵਸ੍ਰੇਸ਼ਠ 87.43 ਮੀਟਰ) ਨੂੰ ਸੋਨੇ ਲਈ 91.36 ਮੀਟਰ ਤੱਕ ਨੇਜਾ ਸੁੱਟ ਚੁੱਕੇ ਤਾਈਵਾਨ ਦੇ ਚੇਂਗ ਤੋਂ ਸਖ਼ਤ ਚੁਣੌਤੀ ਮਿਲੇਗੀ ਇਸ ਤੋਂ ਇਲਾਵਾ 200, 400 ਮੀਟਰ, ਅਤੇ ਰਿਲੇਅ ਵਰਗ ‘ਚ  ਸੋਨੇ ਦੀ ਆਸ ਰੱਖੀ ਜਾ ਸਕਦੀ ਹੈ ਹਿਮਾ ਦਾਸ ਦੇ ਪ੍ਰਦਰਸ਼ਨ ਕਾਰਨ ਵੀ ਵੀ ਭਾਰਤੀ ਅਥਲੀਟ ਵਧੇ ਮਨੋਬਲ ਨਾਲ ਨਵੇਂ ਟੀਚੇ ਲੈ ਕੇ ਨਿੱਤਰਣਗੇ ਜਿਸ ਕਾਰਨ ਸੋਨ ਤਗਮਿਆਂ ਦੀ ਗਿਣਤੀ ‘ਚ ਵਾਧਾ ਲਾਜ਼ਮੀ ਲੱਗਦਾ ਹੈ ਪੁਰਸ਼ਾਂ ਦੀ 800 ਮੀਟਰ ਦੌੜ ‘ਚ ਜਿਨਸਨ ਜਾਨਸਨ, ਮਨਜੀਤ ਸਿੰਘ ਤੋਂ ਸੋਨ ਤਗਮੇ ਦੀ ਆਸ ਹੈ।

ਇਹ ਵੀ ਪੜ੍ਹੋ : ਹਰਿਆਣਾ : ਨੂੰਹ ਹਿੰਸਾ ’ਤੇ ਪ੍ਰਸ਼ਾਸਨ ਦਾ ਵੱਡਾ ਐਕਸ਼ਨ

ਜਿੰਨ੍ਹਾਂ ਰਾਸ਼ਟਰੀ ਖੇਡਾਂ ‘ਚ 1:45 ਦੇ ਸਮੇਂ ਨਾਲ 2014 ਦੇ ਸੋਨ ਤਗਮਾ ਜੇਤੂ ਇਰਾਕੀ ਅਥਲੀਟ ਦੇ ਸਮੇਂ (1:47.) ਨੂੰ ਪਿੱਛੇ ਛੱਡਿਆ ਹੈ ਪੁਰਸ਼ਾਂ ਦੀ 400 ਮੀਟਰ ਅੜਿੱਕਾ ਦੌੜ ‘ਚ ਧਰੁਣ ਨੇ 49.68 ਸੈਕਿੰਡ ਦੇ ਸਮੇਂ ਨਾਲ ਰਾਸ਼ਟਰੀ ਰਿਕਾਰਡ ਬਣਾਇਆ ਹੈ ਜੋ ਏਸ਼ੀਆਡ ‘ਚ ਸੋਨੇ ਦੇ ਦਾਅਵੇਦਾਰ ਫਿਲੀਪੀਂਸ ਦੇ ਐਰਿਕ (48.98) ਅਤੇ ਤਾਈਵਾਨ ਦੇ ਚੇਨ (49.05) ਤੋਂ ਕੁਝ ਹੀ ਜ਼ਿਆਦਾ ਹੈ ਪਿਛਲੀਆਂ ਖੇਡਾਂ ਦੀ ਚਾਂਦੀ ਤਗਮਾ ਜੇਤੂ ਟਿੰਟੂ ਲੂਕਾ ਅਤੇ ਪਹਿਲੀ ਵਾਰ ਹੋਣ ਵਾਲੀ ਮਿਕਸਡ ਰਿਲੇਅ ਦੌੜ ਚ ਮੁਹੰਮਦ ਅਨਸ ਅਤੇ ਹਿਮਾ ਦਾਸ ਭਾਰਤ ਨੂੰ ਸੋਨਾ ਦਿਵਾਉਣ ਦੇ ਸਮਰੱਥ ਹਨ। 2 ਸੋਨ ਤਗਮਿਆਂ ਲਈ ਮੁਕਾਬਲੇ ਹੋਣਗੇ ਭਾਰਤ ਦੋਵੇਂ ਵਰਗਾਂ(ਪੁਰਸ਼-ਮਹਿਲਾ) ‘ਚ ਇਸ ਵਾਰ ਅੱਵਲ ਰੈਂਕ ਦੀ ਟੀਮ ਵਜੋਂ ਨਿੱਤਰੇਗੀ ਪਿਛਲੀ ਵਾਰ ਦੀ ਸੋਨ ਤਗਮਾ ਜੇਤੂ ਪੁਰਸ਼ ਟੀਮ ਨੂੰ ਪਾਕਿਸਤਾਨ ਅਤੇ ਦੱਖਣੀ ਕੋਰੀਆ ਸਖ਼ਤ ਚੁਣੌਤੀ ਦੇ ਸਕਦੇ ਹਨ ਜਦੋਂਕਿ ਮਹਿਲਾਵਾਂ ਨੂੰ ਚੀਨ, ਕੋਰੀਆ ਅਤੇ ਜਾਪਾਨ ਵਿਰੁੱਧ ਆਪਣਾ ਸਰਵਸ੍ਰੇਸ਼ਠ ਪ੍ਰਦਰਸ਼ਨ ਦੇਣਾ ਹੋਵੇਗਾ।

ਨਿਸ਼ਾਨੇਬਾਜ਼ੀ | Asiad Games

‘ਚ 18 ਸੋਨ ਤਗਮਿਆਂ ਲਈ ਮੁਕਾਬਲੇ ਹੋਣਗੇ ਭਾਰਤ 16 ਪੁਰਸ਼ ਅਤੇ 12 ਮਹਿਲਾ ਨਿਸ਼ਾਨੇਬਾਜ਼ਾਂ ਨੂੰ ਤਗਮਿਆਂ ‘ਤੇ ਨਿਸ਼ਾਨਾ ਲਾਉਣ ਲਈ ਭੇਜੇਗਾ ਮਨੂ ਭਾਕਰ, ਹਿਨਾ ਸਿੱਧੂ, ਮਾਨਵਜੀਤ ਸਿੰਘ ਭੁੱਲਰ ਤੋਂ ਸੋਨ ਤਗਮੇ ਦੀ ਆਸ ਹੈ ਪਰ ਉਹਨਾਂ ਨੂੰ ਚੀਨ ਅਤੇ ਕੋਰੀਆ ਦੇ ਅਚੂਕ ਨਿਸ਼ਾਨੇਬਾਜ਼ਾ ਤੋਂ ਪਾਰ ਪਾਉਣ ਲਈ ਬਹੁਤ ਸਟੀਕ ਨਿਸ਼ਾਨੇ ਲਾਉਣੇ ਹੋਣਗੇ ਭਾਰਤ ਨੇ ਕਾਮਨਵੈਲਥ ‘ਚ  7 ਸੋਨ ਤਗਮਿਆਂ ਨਾਲ ਅੱਵਲ ਸੀ ਜਦੋਂਕਿ 2014 ਏਸ਼ੀਆਡ’ਚ ਭਾਰਤ ਨੇ 1 ਸੋਨ, 1 ਚਾਂਦੀ ਸਮੇਤ ਕੁੱਲ 9 ਤਗਮੇ ਜਿੱਤੇ ਸਨ ਏਸ਼ੀਆਡ ‘ਚ ਭਾਰਤ ਤੋਂ 2-3 ਸੋਨ ਤਗਮਿਆਂ ਦੀ ਆਸ ਵਾਜ਼ਬ ਹੈ।

ਟੇਬਲ ਟੈਨਿਸ | Asiad Games

ਟੇਬਲ ਟੈਨਿਸ ‘ਚ ਕੁੱਲ 7 ਸੋਨ ਤਗਮਿਆਂ ਲਈ ਮੁਕਾਬਲੇ ਹੋਣਗੇ ਕਾਮਨਵੈਲਥ ‘ਚ ਭਾਰਤ ਨੇ ਆਪਣਾ ਇਤਿਹਾਸਕ ਪ੍ਰਦਰਸ਼ਨ ਕਰਦਿਆਂ 3 ਸੋਨ ਸਮੇਤ ਕੁੱਲ 8 ਤਗਮੇ ਜਿੱਤ ਕੇ ਪਹਿਲਾ ਸਥਾਨ ਹਾਸਲ ਕੀਤਾ ਸੀ ਪਰ ਏਸ਼ੀਆਈ ਖੇਡਾਂ ‘ਚ ਚੀਨ, ਕੋਰੀਆ ਤੇ ਜਾਪਾਨ ਭਾਰਤ ਨੂੰ ਤਗਮਿਆਂ ਦੇ ਮਾਮਲੇ ‘ਚ ਨੇੜੇ ਨਹੀਂ ਲੱਗਣ ਦੇਣਗੇ ਫਿਰ ਵੀ ਕਾਮਨਵੈਲਥ ‘ਚ ਭਾਰਤ ਨੂੰ ਚਾਰ ਤਗਮੇ ਜਿਤਾ ਕੇ ਗੋਲਡਨ ਗਰਲ ਬਣੀ ਮਣਿਕਾ ਬੱਤਰਾ ਤੋਂ ਤਗਮੇ ਦੀ ਆਸ ਕੀਤੀ ਜਾ ਸਕਦੀ ਹੈ।

ਕੁਸ਼ਤੀ | Asiad Games

ਪੁਰਸ਼ਾਂ ‘ਚ 12 ਅਤੇ ਮਹਿਲਾਵਾਂ ‘ਚ 6 ਸੋਨ ਤਗਮਿਆਂ ਲਈ ਮੁਕਾਬਲੇ ਹੋਣਗੇ  ਭਾਰਤੀ ਪਹਿਲਵਾਨਾਂ ਨੂੰ ਉਜ਼ਬੇਕਿਸਤਾਨ ਅਤੇ ਇਰਾਨੀ ਪਹਿਲਵਾਨਾਂ ਤੋਂ ਸਖ਼ਤ ਚੁਣੌਤੀ ਮਿਲੇਗੀ ਜੋ ਭਾਰਤੀ ਪਹਿਲਵਾਨਾਂ ਦੇ ਕਾਮਨਵੈਲਥ ‘ਚ ਜਿੱਤੇ 5 ਸੋਨ ਸਮੇਤ ਕੁੱਲ 12 ਤਗਮਿਆਂ ਦੀ ਗਿਣਤੀ ਤੱਕ ਪਹੁੰਚਣ ਨੂੰ ਨਾਮੁਮਕਿਨ ਕਰ ਦੇਣਗੇ  ਫਿਰ ਵੀ  ਸੁਸ਼ੀਲ ਕੁਮਾਰ ਆਪਣੇ ਤਜ਼ਰਬੇ ਦੇ ਦਮ ‘ਤੇ ਸੋਨ ਤਗਮੇ ਨੂੰ ਜੱਫਾ ਲਾ ਸਕਦੇ ਹਨ। (Asiad Games)

ਟੈਨਿਸ | Asiad Games

ਭਾਰਤੀ ਦਲ ‘ਚ 6 ਪੁਰਸ਼ ਅਤੇ 6 ਮਹਿਲਾਵਾਂ ਭਾਰਤੀ ਚੁਣੌਤੀ ਪੇਸ਼ ਕਰਨਗੇ ਭਾਰਤ ਨੂੰ 2014 ‘ਚ ਦੋ ਤਗਮੇ ਦਿਵਾਉਣ ਵਾਲੇ ਸਾਨੀਆ ਮਿਰਜ਼ਾ ਅਤੇ ਭਾਰਤ ਦੇ ਨੰਬਰ ਇੱਕ ਪੁਰਸ਼ ਖਿਡਾਰੀ ਯੂਕੀ ਭਾਂਬਰੀ ਦੀ ਕਮੀ ਮਹਿਸੂਸ ਹੋਵੇਗੀ ਹਾਲਾਂਕਿ ਲਿਏਂਡਰ ਪੇਸ ਅਤੇ ਰੋਹਨ ਬੋਪੰਨਾ ਜਿਹੇ ਤਜ਼ਰਬੇਕਾਰ ਖਿਡਾਰੀਆਂ ਤੋਂ ਪੁਰਸ਼ ਡਬਲਜ਼ ਜਾਂ ਮਿਕਸਡ ਡਬਲਜ਼ ‘ਚ ਸੋਨ ਤਗਮੇ ਤੋਂ ਇਲਾਵਾ ਕੁੱਲ 3 ਤਗਮਿਆਂ ਦੀ ਆਸ ਹੈ।

ਮੁੱਕੇਬਾਜ਼ੀ | Asiad Games

ਇਸ ਖੇਡ ‘ਚ 7 ਪੁਰਸ਼ਾਂ ਦੇ ਅਤੇ 3 ਮਹਿਲਾਵਾਂ ਦੇ ਵਰਗ ‘ਚ ਸੋਨ ਤਗਮੇ ਹਨ ਭਾਰਤ 2 ਜਾਂ ਤਿੰਨ ਸੋਨ ਤਗਮੇ  ਜਿੱਤ ਸਕਦਾ ਹੈ ਜੋ ਕਿ ਇਤਿਹਾਸਕ ਹੋਵੇਗਾ ਭਾਰਤ ਦੇ 7 ਪੁਰਸ਼ ਅਤੇ 3 ਮਹਿਲਾ ਮੁੱਕੇਬਾਜ਼ ਤਗਮਿਆਂ ਦੀ ਦੌੜ ‘ਚ ਆਪਣੇ ਦਮ ਅਤੇ ਤਕਨੀਕ ਨੂੰ ਪਰਖਣਗੇ ਕਾਮਨਵੈਲਥ ‘ਚ ਸੋਨ ਤਗਮਾ ਜੇਤੂ ਅਤੇ ਵਿਸ਼ਵ ਚੈਂਪੀਅਨ ਮੈਰੀਕਾੱਮ ਦੇ ਆਪਣੇ ਪਸੰਦੀਦਾ ਭਾਰ ਵਰਗ ਨਾ ਮਿਲਣ ਕਾਰਨ ਨਾਂਅ ਵਾਪਸ ਲਏ ਜਾਣ ਕਾਰਨ ਭਾਰਤ ਦੀ ਇੱਕੋ ਇੱਕ ਸੋਨ ਤਗਮੇ ਦੀ ਆਸ ਨੂੰ ਵੱਡਾ ਝਟਕਾ ਲੱਗਾ ਹੈ। ਭਾਰਤ ਨੂੰ ਇਸ ਵਰਗ ‘ਚ ਬਾਦਸ਼ਾਹ ਕਜ਼ਾਖ਼ਿਸਤਾਨ ਅਤੇ ਕੋਰੀਆਈ ਮੁੱਕੇਬਾਜ਼ਾਂ ਦੀ ਸਖ਼ਤ ਚੁਣੌਤੀ ਦਾ ਸਾਹਮਣਾ ਕਰਨਾ ਪਵੇਗਾ।

ਬੈਡਮਿੰਟਨ | Asiad Games

7 ਈਵੇਂਟ ‘ਚ ਸੋਨ ਤਗਮਾ ਹੋਵੇਗਾ ਜਿਸ ਵਿੱਚ 3 ਪੁਰਸ਼, 3 ਮਹਿਲਾ ਅਤੇ ਇੱਕ ਮਿਕਸਡ ਵਰਗ ‘ਚ ਜਿੱਤਿਆ ਜਾ ਸਕਦਾ ਹੈ  ਭਾਰਤ ਕੁੱਲ 20 ਖਿਡਾਰੀਆਂ ਨੂੰ ਆਪਣੇ ਰੈਕੇਟ ਦੀ ਕਲਾ ਨੂੰ ਪਰਖਣ ਲਈ ਭੇਜੇਗਾ ਭਾਰਤ ਪਿਛਲੇ ਤਿੰਨ ਦਹਾਕਿਆਂ ਤੋਂ ਸਿੰਗਲ ਵਰਗ ‘ਚ ਇੱਥੇ ਕਾਂਸੀ ਤਗਮਾ ਵੀ ਨਹੀਂ ਜਿੱਤ ਸਕਿਆ ਹੈ  ਪਰ ਪੀਵੀ ਸਿੰਧੂ ਨੇ ਪਿਛਲੇ ਮਹੀਨੇ ਵਿਸ਼ਵ ਚੈਂਪੀਅਨਸ਼ਿਪ ‘ਚ ਏਸ਼ੀਆ ਦੀਆਂ ਸਟਾਰ ਯਾਮਾਗੁਚੀ, ਓਕੁਹਾਰਾ ਅਤੇ ਸੁਨ ਜੀ ਨੂੰ ਹਰਾ ਕੇ ਸੋਨ ਤਗਮੇ ਦੀ ਆਸ ਜਗਾਈ ਹੈ ਹਾਲਾਂਕਿ  ਸੋਨੇ ਲਈ ਜ਼ਿਆਦਾ ਮੁਕਾਬਲੇ  ਚੀਨ, ਇੰਡੋਨੇਸ਼ੀਆ ਤੇ ਮਲੇਸ਼ੀਆ ਦਰਮਿਆਨ ਹੋਣਗੇ।

ਜਿਮਨਾਸਟਿਕ, ਸਾਈਕਲਿੰਗ, ਰੋਈਂਗ, ਵੁਸ਼ੂ, ਸੇਲਿੰਗ, ਤੈਰਾਕੀ, ਸਕੁਐਸ਼ ਅਤੇ ਕਿਸ਼ਤੀ ਚਾਲਨ ‘ਚ ਭਾਰਤੀ ਖਿਡਾਰੀ ਚਾਂਦੀ ਜਾਂ ਕਾਂਸੀ ਤਗਮਿਆਂ ਤੱਕ ਦੀ ਪਹੁੰਚ ਕਰ ਸਕਦੇ ਹਨ ਜਦੋਂਕਿ ਬਾਕੀ ਖੇਡਾਂ ‘ਚ ਭਾਰਤ ਲਈ ਕੋਈ ਵੀ ਤਗਮਾ  ਇਤਿਹਾਸਕ ਹੋਵੇਗਾ ਕੁੱਲ ਮਿਲਾ ਕੇ ਇੱਥੇ ਚੀਨ ਦੀ ਸਰਦਾਰੀ ਕਾਇਮ ਰਹਿਣ ਦੀਆਂ ਪੂਰੀਆਂ ਆਸਾਂ ਹਨ ਭਾਰਤ ਆਸਾਂ ਮੁਤਾਬਕ ਜੇਕਰ 15 ਦੇ ਕਰੀਬ ਸੋਨ ਤਗਮੇ ਅਤੇ ਕੁੱਲ 60-70 ਤਗਮੇ ਜਿੱਤਦਾ ਹੈ ਤਾਂ ਆਪਣੇ ਪਿਛਲੇ 8ਵੇਂ ਸਥਾਨ ਦੇ ਪ੍ਰਦਰਸ਼ਨ ਨੂੰ ਸੁਧਾਰਦਿਆਂ 6ਵਾਂ ਜਾਂ 7ਵਾਂ ਸਥਾਨ ਪਾ ਸਕਦਾ ਹੈ ਹਾਲਾਂਕਿ ਇਹ ਵੀ ਸਾਫ਼ ਹੈ ਕਿ ਜੋ ਟੀਮ ਜਾਂ ਖਿਡਾਰੀ ਮੌਕਿਆਂ ਅਤੇ ਦਿਨ ਦੇ ਹਿਸਾਬ ਨਾਲ ਚੰਗਾ ਜਾਂ ਮਾੜਾ ਪ੍ਰਦਰਸ਼ਨ ਕਰੇਗਾ, ਉਹ ਉਲਟਫੇਰ ਕਰ ਵੀ ਸਕਦਾ ਹੈ ਅਤੇ ਉਲਟਫੇਰ ਦਾ ਸ਼ਿਕਾਰ ਵੀ ਹੋ ਸਕਦੇ ਹਨ ਜੇਕਰ ਭਾਰਤੀ ਅਥਲੀਟ ਦਬਾਅ ਦੇ ਪਲਾਂ ‘ਚ ਮਾਨਸਿਕ ਪੱਖੋਂ ਮਜ਼ਬੂਤੀ ਦਾ ਸਬੂਤ ਦਿੰਦੇ ਹੋਏ ਮੌਕਿਆਂ ਅਤੇ ਰਣਨੀਤੀ ਦਾ ਸਹੀ ਫ਼ਾਇਦਾ ਲੈ ਸਕੇ ਤਾਂ ਭਾਰਤ ਇਤਿਹਾਸਕ ਪ੍ਰਦਰਸ਼ਨ ਕਰਨ ‘ਚ ਕਾਮਯਾਬ ਰਹੇਗਾ।

ਏਸ਼ਿਆਡ ‘ਚ ਸੌਖੀ ਨਹੀਂ ਗੋਲਡ ਦੀ ਰਾਹ | Asian Games

ਏਸ਼ੀਆ ਮਹਾਂਦੀਪ ਦੇ ਦੇਸ਼ਾਂ ਦਾ 4 ਸਾਲਾਂ ਬਾਅਦ ਹੋਣ ਵਾਲਾ ਸਭ ਤੋਂ ਵੱਡਾ ਖੇਡ ਟੂਰਨਾਮੈਂਟ ਜਾਂ ਕਹਿ ਲਈਏ Âੇਸ਼ੀਆਈ ਦੇਸ਼ਾਂ ਲਈ ‘ਖੇਡਾਂ ਦਾ ਕੁੰਭ’ ‘ਏਸ਼ੀਅਨ ਖੇਡਾਂ’ ਇਸ ਵਾਰ 18 ਅਗਸਤ ਤੋਂ 2 ਸਤੰਬਰ ਤੱਕ ਇੰਡੋਨੇਸ਼ੀਆ ਦੇ ਸ਼ਹਿਰ ਜਕਾਰਤਾ ਅਤੇ ਪਾਲੇਮਬਾਂਗ ‘ਚ ਕਰਵਾਈਆਂ ਜਾ ਰਹੀਆਂ ਹਨ ਏਸ਼ੀਆਈ ਓਲੰਪਿਕ ਸੰਘ ਵੱਲੋਂ ਪਹਿਲੀ ਵਾਰ ਭਾਰਤ ‘ਚ ਇਹਨਾਂ ਖੇਡਾਂ ਦੀ ਸ਼ੁਰੂਆਤ 1951 ‘ਚ ਹੋਈ ਸੀ ਅਤੇ ਉਸ ਸਮੇਂ 11 ਦੇਸ਼ਾਂ ਨੇ 8 ਖੇਡਾਂ ਦੇ 57 ਮੁਕਾਬਲਿਆਂ ‘ਚ ਇਸ ਵਿੱਚ ਭਾਗ ਲਿਆ ਸੀ ਅਤੇ ਇਹਨਾਂ ਖੇਡਾਂ ਂਚ ਭਾਰਤ ਦਾ ਜਾਪਾਨ ਤੋਂ ਬਾਅਦ ਦੂਸਰੇ ਸਥਾਨ ‘ਤੇ ਰਹਿਣਾ ਉਸਦਾ ਹੁਣ ਤੱਕ ਦਾ ਸਰਵਸ੍ਰੇਸ਼ਠ ਪ੍ਰਦਰਸ਼ਨ ਹੈ ਇਸ ਵਾਰ 18ਵੀਂਆਂ ਏਸ਼ੀਆਈ ਖੇਡਾਂ ‘ਚ 45 ਦੇਸ਼ਾਂ ਦੇ ਖਿਡਾਰੀਆਂ ‘ਚ 40 ਖੇਡਾਂ ਦੀਆਂ 465 ਈਵੇਂਟਸ ‘ਚ ਤਗਮੇ ਜਿੱਤਣ ਦੀ ਜ਼ੱਦੋਜ਼ਹਿਦ ਹੋਵੇਗੀ। (Asian Games)

ਇਹ ਵੀ ਪੜ੍ਹੋ : ਪੰਜਾਬ ਰਾਜ ਖੁਰਾਕ ਕਮਿਸ਼ਨ ਮੈਂਬਰ ਵੱਲੋਂ ਰਾਸ਼ਨ ਡਿਪੂਆਂ, ਆਗਣਵਾੜੀ ਸੈਂਟਰਾਂ ਤੇ ਸਕੂਲਾਂ ਦਾ ਦੌਰਾ

ਭਾਰਤ 572 ਖਿਡਾਰੀਆਂ ਅਤੇ ਅਧਿਕਾਰੀਆਂ ਸਮੇਤ ਲਗਭੱਗ 800 ਮੈਂਬਰੀ ਦਲ ਨਾਲ ਇੱਥੇ ਸ਼ਮੂਲੀਅਤ ਕਰੇਗਾ ਰਾਸ਼ਟਰਮੰਡਲ ਖੇਡਾਂ ਦੇ ਸੋਨ ਤਗਮਾ ਜੇਤੂ ਅਤੇ ਜੂਨੀਅਰ ਵਿਸ਼ਵ ਚੈਂਪੀਅਨ ਨੇਜਾ ਸੁੱਟਣ ਵਾਲੇ ਅਥਲੀਟ ਨੀਰਜ ਚੋਪੜਾ ਨੂੰ ਇਸ ਵਾਰ ਭਾਰਤ ਦਾ ਝੰਡਾਬਰਦਾਰ ਬਣਨ ਦਾ ਮਾਣ ਦਿੱਤਾ ਗਿਆ ਹੈ ਭਾਰਤ ਵੱਲੋਂ ਪਿਛਲੀਆਂ ਏਸ਼ੀਆਈ ਖੇਡਾਂ ‘ਚ 541 ਖਿਡਾਰੀਆਂ ਨੇ ਸ਼ਿਰਕਤ ਕੀਤੀ ਸੀ ਅਤੇ 11 ਸੋਨ ਤਗਮਿਆਂ ਸਮੇਤ ਕੁੱਲ 57 ਤਗਮੇ ਜਿੱਤੇ ਸਨ ਇਸ ਵਾਰ ਦੀਆਂ ਏਸ਼ੀਆਡ ‘ਚ 40 ਖੇਡਾਂ ਕਰਵਾਈਆਂ ਜਾ ਰਹੀਆਂ ਹਨ ਜਿਸ ਵਿੱਚ ਭਾਰਤ 36 ਖੇਡਾਂ ‘ਚ ਹਿੱਸਾ ਲਵੇਗਾ ਅਤੇ ਭਾਰਤ ਦੇ 300 ਦੇ ਕਰੀਬ ਮਰਦ ਅਤੇ 250 ਦੇ ਕਰੀਬ ਮਹਿਲਾ ਖਿਡਾਰੀ ਤਗਮਿਆਂ ਲਈ ਜੱਦੋਜ਼ਹਿਦ ਕਰਨਗੇ। (Asian Games)

1986 ਤੋਂ ਬਾਅਦ 5ਵਾਂ ਸਥਾਨ ਹਾਸਲ ਕਰਨ ਲਈ ਹੀ ਜੂਝਦਾ ਹੈ ਭਾਰਤ | Asian Games

ਚੀਨ ਨੇ 1974 ‘ਚ ਪਹਿਲੀ ਵਾਰ ਇਹਨਾਂ ਖੇਡਾਂ ‘ਚ ਸ਼ਿਰਕਤ ਕੀਤੀ ਸੀ ਅਤੇ ਅੱਠ ਸਾਲ ਬਾਅਦ 1982 ‘ਚ ਦਿੱਲੀ ਦੀਆਂ ਖੇਡਾਂ ‘ਚ ਤਗਮਿਆਂ ‘ਚ ਅੱਵਲ ਰਹਿਣ ਤੋਂ ਬਾਅਦ ਹੁਣ ਤੱਕ ਇੱਥੇ ਸਰਦਾਰੀ ਕਾਇਮ ਰੱਖੀ ਹੈ ਅਤੇ ਕਦੇ ਵੀ ਦੂਜੇ ਦੇਸ਼ ਨੂੰ ਨੇੜੇ ਨਹੀਂ ਲੱਗਣ ਦਿੱਤਾ 1951 ‘ਚ ਦੂਸਰੇ ਸਥਾਨ ‘ਤੇ ਰਹਿਣ ਬਾਅਦ ਭਾਰਤ ਹੁਣ ਤੱਕ ਚੀਨ ‘ਚ 1986 ‘ਚ ਹਾਸਲ ਕੀਤੇ ਪੰਜਵੇਂ ਸਥਾਨ ਤੱਕ ਵੀ ਨਹੀਂ ਪਹੁੰਚਿਆ ਹੈ ਅਤੇ 6ਵੇਂ ਤੋਂ 10ਵੇਂ ਨੰਬਰ ਤੱਕ ਸੀਮਤ ਰਹਿੰਦਾ ਹੈ। (Asian Games)

ਇਸ ਵਾਰ ਵੀ ਇਹਨਾਂ ਸਥਾਨਾਂ ਲਈ ਤਗਮਿਆਂ ਦੀ ਦੌੜ ‘ਚ ਅੱਗੇ ਨਿਕਲਣ ਲਈ ਉਸ ਦਾ ਮੁੱਖ ਤੌਰ ‘ਤੇ ਮਲੇਸ਼ੀਆ, ਇੰਡੋਨੇਸ਼ੀਆ, ਚੀਨੀ ਤਾਈਪੇ ਅਤੇ ਇਰਾਨ ਨਾਲ ਹੀ ਜੱਦੋਜ਼ਹਿਦ ਹੋਵੇਗੀ ਪਿਛਲੀਆਂ ਖੇਡਾਂ ‘ਚ ਭਾਰਤ ਨੇ 11 ਸੋਨ, 9 ਚਾਂਦੀ ਅਤੇ 37 ਕਾਂਸੀ ਤਗਮਿਆਂ ਸਮੇਤ ਕੁੱਲ 57 ਤਗਮਿਆਂ ਨਾਲ 8ਵਾਂ ਸਥਾਨ ਹਾਸਲ ਕੀਤਾ ਸੀ ਇਸ ਵਾਰ ਭਾਰਤ ਨੂੰ ਅਥਲੈਟਿਕਸ, ਕਬੱਡੀ, ਨਿਸ਼ਾਨੇਬਾਜ਼ੀ, ਕੁਸ਼ਤੀ, ਬੈਡਮਿੰਟਨ ਅਤੇ ਹਾੱਕੀ ‘ਚ ਮੁੱਖ ਤੌਰ ‘ਤੇ ਸੋਨ ਤਗਮੇ ਦੀਆਂ ਆਸਾਂ ਹਨ ਜਦੋਂਕਿ ਸਕੁਐਸ਼, ਨਿਸ਼ਾਨੇਬਾਜ਼ੀ, ਟੈਨਿਸ, ਕੁਸ਼ਤੀ, ਤੀਰਅੰਦਾਜ਼ੀ, ਮੁੱਕੇਬਾਜ਼ੀ ‘ਚ ਸੋਨ ਤਗਮਿਆਂ ਤੱਕ ਪਹੁੰਚ ਲਈ ਖਿਡਾਰੀਆਂ ਨੂੰ ਕੁਝ ਚੰਗੇ ਖਿਡਾਰੀਆਂ ਜਾਂ ਚੰਗੀਆਂ ਟੀਮਾਂ ਵਿਰੁੱਧ ਉਲਟਫੇਰ ਕਰਨੇ ਪੈਣਗੇ।

ਏਸ਼ੀਆਡ ਦੇ ਇਤਿਹਾਸ ‘ਚ ਪਹਿਲੀ ਵਾਰ ਕਰਨਗੇ ਦੋ ਸ਼ਹਿਰ ਮੇਜ਼ਬਾਨੀ

ਇਸ ਵਾਰ ਦੀਆਂ ਏਸ਼ੀਆਈ ਖੇਡਾਂ ਸਮੇਂ ਤੋਂ ਕੁਝ ਪਹਿਲਾਂ ਹੋ ਰਹੀਆਂ ਹਨ ਏਸ਼ੀਆਈ ਓਲੰਪਿਕ ਪਰੀਸ਼ਦ ਦੇ ਪ੍ਰਬੰਧਕੀ ਬੋਰਡ ਨੇ ਪਹਿਲਾਂ 2019 ਲਈ ਇਹਨਾਂ ਖੇਡਾਂ ਦੀ ਮੇਜ਼ਬਾਨੀ ਵੀਅਤਨਾਮ ਨੂੰ ਦਿੱਤੀ ਸੀ ਕਿਉਂਕਿ 2020 ‘ਚ ਟੋਕੀਓ ਓਲੰਪਿਕ ਹੋਣਗੀਆਂ ਪਰ 2014 ‘ਚ ਪਹਿਲਾਂ ਦੇ ਥਾਪੇ ਮੇਜ਼ਬਾਨ ਵੀਅਤਨਾਮ ਵੱਲੋਂ ਖ਼ਰਚਿਆਂ ਕਾਰਨ ਮੇਜ਼ਬਾਨੀ ਤੋਂ ਨਾਂਅ ਵਾਪਸ ਲਏ ਜਾਣ ਬਾਅਦ ਇੰਡੋਨੇਸ਼ੀਆ ਨੇ ਮੇਜ਼ਬਾਨੀ ਦੀ ਦਾਅਵੇਦਾਰੀ ਕੀਤੀ ਪਰ ਨਾਲ ਇਹ ਸ਼ਰਤ ਰੱਖੀ ਸੀ।

ਕਿ ਖੇਡਾਂ 2018 ‘ਚ ਕਰਵਾਈ ਜਾਣ ਕਿਉਂਕਿ 2019 ‘ਚ ਉੱਥੇ ਰਾਸ਼ਟਰਪਤੀ ਅਹੁਦੇ ਦੀਆਂ ਚੋਣਾਂ ਕਰਵਾਈਆਂ ਜਾਣਗੀਆਂ ਭਾਰਤੀ ਖੇਡ ਸੰਘ ਨੇ ਵੀ ਇਹਨਾਂ ਖੇਡਾਂ ਦੀ ਮੇਜ਼ਬਾਨੀ ਲੈਣ ‘ਚ ਦਿਲਚਸਪੀ ਦਿਖਾਈ ਸੀ ਪਰ ਮੌਕੇ ਦੀ ਸਰਕਾਰ ਵੱਲੋਂ ਇਸ ਪ੍ਰਤੀ ਹੁੰਗਾਰਾ ਨਾ ਭਰੇ ਜਾਣ ‘ਤੇ ਭਾਰਤ ਦੀ ਮੇਜ਼ਬਾਨੀ ਠੰਢੇ ਬਸਤੇ ‘ਚ ਪੈ ਗਈ ਏਸ਼ੀਅਨ ਖੇਡਾਂ ਦੇ ਇਤਿਹਾਸ ‘ਚ ਇਹ ਵੀ ਪਹਿਲੀ ਵਾਰ ਹੋਵੇਗਾ ਕਿ ਖੇਡਾਂ ਦੋ ਸ਼ਹਿਰਾਂ ‘ਚ (ਇੰਡੋਨੇਸ਼ੀਆ ਦੀ ਰਾਜਧਾਨੀ ਜਕਾਰਤਾ ਅਤੇ ਪਾਲੇਮਬਾਂਗ) ਕਰਵਾਈਆਂ ਜਾ ਰਹੀਆਂ ਹਨ।

ਕਾਮਨਵੈਲਥ ਨਾਲੋਂ ਵੱਖਰੀ ਕਿਤੇ ਵੱਧ ਸਖ਼ਤ ਚੁਣੌਤੀ ਹੋਵੇਗੀ | Asian Games

ਭਾਰਤ ਇਸ ਸਾਲ ਅਪਰੈਲ ‘ਚ ਹੋਈ ਕਾਮਨਵੈਲਥ ਖੇਡਾਂ ‘ਚ 28 ਸੋਨ ਤਗਮਿਆਂ ਸਮੇਤ ਕੁੱਲ 66 ਤਗਮੇ ਜਿੱਤਣ ਦੇ ਇਤਿਹਾਸਕ ਪ੍ਰਦਰਸ਼ਨ ਨਾਲ ਏਸ਼ੀਆਈ ਖੇਡਾਂ ਦੀਆਂ ਤਿਆਰੀਆਂ ਨੂੰ ਪੁਖ਼ਤਾ ਕਰ ਚੁੱਕਾ ਹੈ ਪਰ ਇਹ ਗੱਲ ਸਪੱਸ਼ਟ ਹੈ ਕਿ ਕਾਮਨਵੈਲਥ ਖੇਡਾਂ ਨਾਲੋਂ ਇੱਥੇ ਮਿਲਣ ਵਾਲੀ ਚੁਣੌਤੀ ਕਿਤੇ ਮੁਸ਼ਕਲ ਹੋਵੇਗੀ, ਕਿਉਂਕਿ ਏਸ਼ੀਆਈ ਖੇਡਾਂ ‘ਚ ਓਲੰਪਿਕ ‘ਚ ਅੱਵਲ ਰਹਿਣ ਵਾਲੇ ਦੇਸ਼ਾਂ ‘ਚ ਸ਼ਾਮਲ ਚੀਨ ਅਤੇ ਜਾਪਾਨ ਤੋਂ ਪਾਰ ਪਾਉਣ ਜਾਂ ਨੇੜੇ ਲੱਗਣਾ ਕਾਫ਼ੀ ਮੁਸ਼ਕਲ ਹੁੰਦਾ ਹੈ ਕਾਮਨਵੈਲਥ ਖੇਡਾਂ ‘ਚ ਭਾਰਤ ਨੇ ਨਿਸ਼ਾਨੇਬਾਜ਼ੀ(7ਸੋਨ), ਬੈਡਮਿੰਟਨ(2), ਕੁਸ਼ਤੀ(5) ਅਤੇ ਟੇਬਲ ਟੈਨਿਸ(3) ‘ਚ ਪਹਿਲਾ ਸਥਾਨ ਹਾਸਲ ਕੀਤਾ ਸੀ ਪਰ ਏਸ਼ੀਆਈ ਖੇਡਾਂ ‘ਚ ਭਾਰਤ ਨੂੰ ਇਹਨਾਂ ਵਰਗਾਂ ‘ਚ ਓਲੰਪਿਕ ਪੱਧਰ ਦੇ ਖਿਡਾਰੀਆਂ ਦਾ ਸਾਹਮਣਾ ਕਰਨਾ ਹੋਵੇਗਾ।

ਜਿਸ ਕਾਰਨ ਇਹਨਾਂ ਵਰਗਾਂ ‘ਚ ਭਾਰਤ ਨੂੰ ਇੱਕ-ਇੱਕ ਸੋਨ ਤਗਮੇ ਲਈ ਵੀ ਪੂਰੀ ਜੀਅ-ਜਾਨ ਲਾਉਣੀ ਹੋਵੇਗੀ ਅਤੇ ਜੇਕਰ ਕਾਮਨਵੈਲਥ ‘ਚ ਸੁਨਹਿਰੀ ਰੰਗ ਦੇ ਤਗਮੇ ਇੱਥੇ ਚਾਂਦੀ ਜਾਂ ਕਾਂਸੀ ਦੇ ਰੰਗ ‘ਚ ਬਦਲਣ ਤਾਂ ਹੈਰਾਨੀ ਨਹੀਂ ਹੋਵੇਗੀ ਹਾਲਾਂਕਿ ਵਿਦੇਸ਼ੀ ਧਰਤੀ ‘ਤੇ ਕਾਮਨਵੈਲਥ ਖੇਡਾਂ ‘ਚ ਇਤਿਹਾਸਕ ਤੀਸਰਾ ਸਥਾਨ ਹਾਸਲ ਕਰਨ ਦੌਰਾਨ ਖਿਡਾਰੀਆਂ ਦੇ ਸੁਧਰੇ ਪ੍ਰਦਰਸ਼ਨ ਨੂੰ ਵੇਖ ਕੇ ਲੱਗਦਾ ਹੈ ਉੱਥੋਂ ਦੇ ਤਜ਼ਰਬੇ ਦੇ ਦਮ ‘ਤੇ ਇੰਡੋਨੇਸ਼ੀਆ ਦੀ ਧਰਤੀ ‘ਤੇ ਵੀ ਇਸ ਵਾਰ ਭਾਰਤ ਦਾ ਸੁਧਰਿਆ ਹੋਇਆ ਪ੍ਰਦਰਸ਼ਨ ਦੇਖਣ ਨੂੰ ਮਿਲੇਗਾ ਅਤੇ ਭਾਰਤ ਪਿਛਲੀਆਂ ਏਸ਼ੀਆਈ ਖੇਡਾਂ ‘ਚ ਜਿੱਤੇ 11 ਸੋਨ ਤਗਮਿਆਂ ਸਮੇਤ ਕੁੱਲ 57 ਤਗਮੇ ਹਾਸਲ ਕੀਤੇ, ਅੱਠਵੇਂ ਸਥਾਨ ਨੂੰ ਪਿੱਛੇ ਛੱਡ ਦੇਵੇਗਾ।

ਇਹਨਾਂ ਖੇਡਾਂ ‘ਚ ਹੋਵੇਗੀ ਸੋਨ ਤਗਮੇ ਦੀ ਆਸ | Asian Games

ਇਸ ਵਾਰ ਭਾਰਤ ਜਿੰਨ੍ਹਾਂ 36 ਖੇਡਾਂ ‘ਚ ਭਾਗ ਲੈ ਰਿਹਾ ਹੈ ਉਹਨਾਂ ਵਿੱਚੋਂ ਕਬੱਡੀ, ਅਥਲੈਟਿਕਸ, ਮੁੱਕੇਬਾਜ਼ੀ,  ਬੈਡਮਿੰਟਨ, ਕੁਸ਼ਤੀ, ਭਾਰਤੋਲਨ ਅਤੇ ਨਿਸ਼ਾਨੇਬਾਜ਼ੀ ‘ਚ ਭਾਰਤੀ ਦਲ ਸੋਨ ਤਗਮਿਆਂ ਦਾ ਮੁੱਖ ਦਾਅਵੇਦਾਰ ਹੈ ਅਤੇ ਬੈਡਮਿੰਟਨ, ਸਕੁਐਸ਼, ਤੀਰੰਦਾਜ਼ੀ ਤੋਂ ਵੀ ਇੱਕ-ਦੋ ਸੋਨ ਤਗਮੇ ਹੱਥ ਲੱਗਣ ਦੀ ਆਸ ਕੀਤੀ ਜਾ ਸਕਦੀ ਹੈ। (Asian Games)

ਇਹਨਾਂ ਦੀ ਕਮੀਂ ਹੋਵੇਗੀ ਮਹਿਸੂਸ | Asian Games

ਇਸ ਸਾਲ ਕਾਮਨਵੈਲਥ ਖੇਡਾਂ ‘ਚ ਸੋਨ ਤਗਮਾ ਜਿਤਾਉਣ ਵਾਲੀ ਵਿਸ਼ਵ ਚੈਂਪੀਅਨ ਭਾਰਤੀ ਮੁੱਕੇਬਾਜ਼ ਐਮ ਸੀ ਮੈਰੀਕਾੱਮ, ਵੇਟਲਿਫਟਿੰਗ ਦੇ 48 ਕਿੱਲੋ ਭਾਰ ਵਰਗ ‘ਚ ਸੋਨ ਤਗਮਾ ਜਿਤਾਉਣ ਵਾਲੀ ਮੀਰਾਬਾਈ ਚਾਨੂ ਤੋਂ ਇਲਾਵਾ ਭਾਰਤ ਨੂੰ ਪਿਛਲੀਆਂ ਏਸ਼ੀਅਨ ਖੇਡਾਂ ‘ਚ ਸੋਨ ਤਗਮਾ ਜਿਤਾਉਣ ਵਾਲੀ ਟੈਨਿਸ ਦੀ ਮਹਿਲਾ ਵਰਗ ਦੀ ਜੇਤੂ ਸਾਨੀਆ ਮਿਰਜ਼ਾ  ਦੇ ਇਸ ਵਾਰ ਏਸ਼ੀਅਨ ਖੇਡਾਂ ‘ਚ ਭਾਗ ਨਾ ਲੈ ਸਕਣ ਕਾਰਨ ਸੋਨ ਤਗਮਿਆਂ ਦੇ ਹਿਸਾਬ ਨਾਲ ਭਾਰਤ ਲਈ ਘਾਟੇ ਦਾ ਸੌਦਾ ਰਹੇਗਾ। ਮੈਰੀਕਾਮ ਨੇ ਆਪਣਾ ਪਸੰਦੀਦਾ ਭਾਰ ਵਰਗ ਨਾ ਮਿਲਣ ਕਾਰਨ ਆਪਣਾ ਨਾਂਅ ਏਸ਼ੀਆਈ ਖੇਡਾਂ ਤੋਂ ਵਾਪਸ ਲੈ ਲਿਆ। (Asian Games)

ਜਦੋਂਕਿ ਮੀਰਾਬਾਈ ਪਿਛਲੇ ਸਮੇਂ ਤੋਂ ਪਿੱਟ ‘ਚ ਦਰਦ ਤੋਂ ਪਰੇਸ਼ਾਨੀ ਕਾਰਨ ਇਸ ਵਾਰ ਏਸ਼ੀਆਈ ਖੇਡਾਂ ‘ਚ ਸ਼ਿਰਕਤ ਨਹੀਂ ਕਰ ਰਹੀ। ਸਾਨੀਆ ਨੇ ਪਿਛਲੀਆਂ ਏਸ਼ੀਆਈ ਖੇਡਾਂ ‘ਚ ਮਿਕਸਡ ਡਬਲਜ਼ ਵਰਗ ਦਾ ਸੋਨ ਤਗਮਾ ਜਿੱਤਿਆ ਸੀ ਪਰ ਉਹ ਘਰੇਲੂ ਕਾਰਨਾਂ ਕਰਕੇ ਇਸ ਵਾਰ ਏਸ਼ੀਆਡ ‘ਚ ਹਿੱਸਾ ਨਹੀਂ ਲੈ ਰਹੀ। ਇਸ ਤੋਂ ਇਲਾਵਾ ਪਿਛਲੀਆਂ ਖੇਡਾਂ ‘ਚ ਕਾਂਸੀ ਤਗਮਾ ਜਿੱਤਣ ਤੋਂ ਬਾਅਦ ਆਪਣੀ ਖੇਡ ‘ਚ ਹੈਰਾਨੀਜਨਕ ਸੁਧਾਰ ਕਰਨ ਵਾਲੇ ਭਾਰਤ ਦੇ ਨੰਬਰ ਇੱਕ ਟੈਨਿਸ ਖਿਡਾਰੀ ਯੂਕੀ ਭਾਂਬਰੀ ਵੀ ਯੂ.ਐਸ ਓਪਨ ‘ਚ ਖੇਡਣ ਕਾਰਨ ਏਸ਼ੀਆਈ ਖੇਡਾਂ ‘ਚ ਸ਼ਿਰਕਤ ਨਹੀਂ ਕਰ ਰਹੇ ਜੋ ਭਾਰਤ ਲਈ ਸਿੰਗਲ ਜਾਂ ਡਬਲਜ਼ ਵਰਗ ‘ਚ ਸੋਨ ਤਗਮੇ ਦੀ ਵੱਡੀ ਆਸ ਸਨ।  ਚਲਦਾ….।