government | ਹੁਣ ਅਤੁਲ ਨੰਦਾ ਦੁਆਲੇ ਹੋਏ ਬਾਜਵਾ ਹਟਾਉਣ ਲਈ ਕਿਹਾ

ਸੁਰੇਸ਼ ਕੁਮਾਰ ਦਾ ਕੇਸ ਹਾਰਨ ਤੋਂ ਬਾਅਦ ਡੀਜੀਪੀ ਦਾ ਵੀ ਕੇਸ ਹਾਰੇ ਨੰਦਾ, ਇੱਕ ਵੀ ਕੇਸ ਨਹੀਂ ਜਿੱਤੇ : ਬਾਜਵਾ

ਚੰਡੀਗੜ, (ਅਸ਼ਵਨੀ ਚਾਵਲਾ)। ਪੰਜਾਬ ਸਰਕਾਰ ਉੱਚ ਅਦਾਲਤਾਂ ਵਿੱਚ ਜਿਆਦਾ ਕੇਸ ਹਾਰਨ ਵਿੱਚ ਰਿਕਾਰਡ ਬਣਾਉਣ ਵਿੱਚ ਲਗੀ ਹੋਈ ਹੈ। ਇੱਕ ਕੇਸ ਤੋਂ ਬਾਅਦ ਇੱਕ ਕੇਸ ਹਾਰਨ ਵਾਲੀ ਪੰਜਾਬ ਸਰਕਾਰ ਹੁਣ ਆਪਣੇ ਡੀਜੀਪੀ ਨੂੰ ਵੀ ਬਚਾਉਣ ਵਿੱਚ ਕਾਮਯਾਬ ਸਾਬਤ ਨਹੀਂ ਹੋਈ ਹੈ। ਸਰਕਾਰ ਨੂੰ ਅਦਾਲਤਾਂ ਵਿੱਚ ਕੇਸ ਜਿਤਾਉਣ ਦੀ ਭੂਮਿਕਾ ਨਿਭਾਉਣ ਵਿੱਚ ਅਸਫ਼ਲ ਹੁੰਦੇ ਨਜ਼ਰ ਆ ਰਹੇ ਐਡਵੋਕੇਟ ਅਤੁਲ ਨੰਦਾ ਦੇ ਦੁਆਲੇ ਹੁਣ ਸੰਸਦ ਮੈਂਬਰ ਪ੍ਰਤਾਪ ਸਿੰਘ ਬਾਜਵਾ ਹੋ ਗਏ ਹਨ। ਇਸ ਤੋਂ ਪਹਿਲਾਂ ਪੰਜਾਬ ਕਾਂਗਰਸ ਪ੍ਰਧਾਨ ਸੁਨੀਲ ਜਾਖੜ ਨੇ ਅਤੁਲ ਨੰਦਾ ‘ਤੇ ਤਿੱਖਾ ਹਮਲਾ ਕੀਤਾ ਸੀ।

ਅਤੁਲ ਨੰਦਾ ‘ਤੇ ਹਰ ਕੇਸ ਹਾਰਨ ਦਾ ਦੋਸ਼ ਲਗਾਉਂਦੇ ਹੋਏ ਪ੍ਰਤਾਪ ਬਾਜਵਾ ਨੇ ਉਨਾਂ ਨੂੰ ਐਡਵੋਕੇਟ ਜਨਰਲ ਦੀ ਕੁਰਸੀ ਤੋਂ ਲਾਂਭੇ ਕਰਨ ਦੀ ਹੀ ਮੰਗ ਕਰ ਦਿੱਤੀ ਹੈ। ਪ੍ਰਤਾਪ ਬਾਜਵਾ ਨੇ ਇਸ ਮਾਮਲੇ ਵਿੱਚ ਇੱਕ ਖੁੱਲਾ ਪੱਤਰ ਪੰਜਾਬ ਦੇ ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਨੂੰ ਲਿਖਿਆ ਹੈ। ਪ੍ਰਤਾਪ ਬਾਜਵਾ ਨੇ ਲਿਖਿਆ ਹੈ ਕਿ ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਨਾਲ ਨਜਦੀਕੀ ਹੋਣ ਕਰਕੇ ਅਤੁਲ ਨੰਦਾ ਦੀ ਨਿਯੁਕਤੀ ਬਤੌਰ ਐਡਵੋਕੇਟ ਜਨਰਲ ਕੀਤੀ ਗਈ ਸੀ ਪਰ ਇਹ ਨਿਯੁਕਤੀ ਪੰਜਾਬ ਨੂੰ ਕਾਫ਼ੀ ਜਿਆਦਾ ਭਾਰੀ ਪੈ ਰਹੀਂ ਹੈ,

ਧੁਆਈ ਮਾਮਲੇ ਵਿੱਚ ਕੇਸ ਹਾਰਦੇ ਹੋਏ ਅਤੁਲ ਨੰਦਾ ਨੇ ਪੰਜਾਬ ਦੇ ਲੋਕਾਂ ‘ਤੇ ਵਾਧੂ ਬੋਝ ਪਵਾ ਦਿੱਤਾ

ਪ੍ਰਤਾਪ ਬਾਜਵਾ ਨੇ ਲਿਖਿਆ ਕਿ ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਦੇ ਚੀਫ਼ ਪ੍ਰਿੰਸੀਪਲ ਸਕੱਤਰ ਸੁਰੇਸ਼ ਕੁਮਾਰ ਦਾ ਕੇਸ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਵਿੱਚ ਸਰਕਾਰ ਨੂੰ ਹਰ ਹਾਲਤ ਵਿੱਚ ਜਿੱਤਣਾ ਚਾਹੀਦਾ ਸੀ ਪਰ ਪੰਜਾਬ ਸਰਕਾਰ ਇਸ ਕੇਸ ਨੂੰ ਹਾਰ ਗਈ। ਇਸ ਤੋਂ ਬਾਅਦ ਕੋਲੇ ਦੀ ਧੁਆਈ ਮਾਮਲੇ ਵਿੱਚ ਕੇਸ ਹਾਰਦੇ ਹੋਏ ਅਤੁਲ ਨੰਦਾ ਨੇ ਪੰਜਾਬ ਦੇ ਲੋਕਾਂ ‘ਤੇ ਵਾਧੂ ਬੋਝ ਪਵਾ ਦਿੱਤਾ ਹੈ।

ਪ੍ਰਤਾਪ ਬਾਜਵਾ ਨੇ ਕਿਹਾ ਕਿ ਇਸ ਤੋਂ ਇਲਾਵਾ ਸ਼ੁੱਕਰਵਾਰ ਨੂੰ ਹੀ ਪੁਲਿਸ ਮੁੱਖੀ ਨੂੰ ਹਟਾਉਣ ਦਾ ਆਦੇਸ਼ ਆ ਗਿਆ ਹੈ ਕੈਟ ਵਿੱਚ ਪੰਜਾਬ ਸਰਕਾਰ ਜਿੱਤ ਨਹੀਂ ਪਾਈ ਹੈ। ਪ੍ਰਤਾਪ ਬਾਜਵਾ ਨੇ ਕਿਹਾ ਇਸ ਦੇ ਨਾਲ ਹੀ ਡਰਗਜ਼ ਦੇ ਮਾਮਲੇ ਵਿੱਚ ਕੇਸ ਸਰਕਾਰ ਹਾਈ ਕੋਰਟ ਵਿੱਚ ਲਗਵਾ ਨਹੀਂ ਸਕੀ ਤਾਂ ਮਾਈਨਿੰਗ ਦੇ ਮਾਮਲੇ ਵਿੱਚ ਵੀ ਸਰਕਾਰ ਦੀ ਕਿਰਕਿਰੀ ਹੋਈ ਹੈ। ਇਸ ਤੋਂ ਇਲਾਵਾ ਲੈਦਰ ਕੰਪਲੈਕਸ ਜਲੰਧਰ, ਕਿਸਾਨ ਮਜ਼ਦੂਰ ਸੰਘਰਸ਼ ਕਮੇਟੀ ਵਿੱਚ ਵੀ ਸਰਕਾਰ ਨੂੰ ਮੂੰਹ ਦੀ ਖਾਣੀ ਪਈ ਸੀ।

ਅਤੁਲ ਨੰਦਾ ਬਾਰੇ ਕਿੰਤੂ-ਪ੍ਰੰਤੂ ਕਰਨਾ ਤੁਹਾਡਾ ਕੰਮ ਨਹੀਂ : ਅਮਰਿੰਦਰ ਸਿੰਘ

ਰਾਜ ਸਭਾ ਮੈਂਬਰ ਵੱਲੋਂ ਐਡਵੋਕੇਟ ਜਨਰਲ ਅਤੁਲ ਨੰਦਾ ਨੂੰ ਹਟਾਉਣ ਲਈ ਕੀਤੀ ਗਈ ਮੰਗ ਨੂੰ ਬੇਤੁਕੀ ਅਤੇ ਗਲਤ ਦੱਸਦੇ ਹੋਏ ਇਸ ਨੂੰ ਰੱਦ ਕਰਦਿਆਂ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਪ੍ਰਤਾਪ ਸਿੰਘ ਬਾਜਵਾ ਨੂੰ ਆਖਿਆ ਕਿ ਉਹ ਮੇਰੀ ਸਰਕਾਰ ਦੇ ਕੰਮਕਾਜ ਤੋਂ ਪਾਸੇ ਰਹਿਣ ਜਿਸ ਤੋਂ ਉਹ ਪੂਰੀ ਤਰਾਂ ਅਣਜਾਣ ਹੋ।

ਬਾਜਵਾ ਦੇ ਖੁੱਲੇ ਪੱਤਰ ਜਿਸ ਵਿੱਚ ਐਡਵੋਕੇਟ ਜਨਰਲ ਦੀਆਂ ਕਥਿਤ ਨਾਕਾਮੀਆਂ ਦਾ ਜ਼ਿਕਰ ਕੀਤਾ ਗਿਆ ਹੈ, ਉਪਰ ਸਖ਼ਤ ਰੁਖ ਅਪਣਾਉਂਦਿਆਂ ਮੁੱਖ ਮੰਤਰੀ ਨੇ ਇਸ ਨੂੰ ਪੰਜਾਬ ਕਾਂਗਰਸ ਦੇ ਸਾਬਕਾ ਮੁਖੀ ਵੱਲੋਂ ਸਿਆਸੀ ਸ਼ੋਹਰਤ ਖੱਟਣ ਲਈ ਤੜਫਣ ਦੀ ਨਿਸ਼ਾਨੀ ਦੱਸਿਆ। ਕੈਪਟਨ ਅਮਰਿੰਦਰ ਸਿੰਘ ਨੇ ਕਿਹਾ,”ਮੈਨੂੰ ਐਡਵੋਕੇਟ ਜਨਰਲ ਵਿੱਚ ਪੂਰਨ ਵਿਸ਼ਵਾਸ ਹੈ।” ਮੁੱਖ ਮੰਤਰੀ ਨੇ ਸ੍ਰੀ ਬਾਜਵਾ ਨੂੰ ਕਿਹਾ,”ਅਤੁਲ ਨੰਦਾ ਦੀ ਕਾਬਲੀਅਤ ਨੂੰ ਸਮਝਣ ਦੇ ਤੁਸੀਂ ਨਾ ਤਾਂ ਸਮਰੱਥ ਹੋ ਅਤੇ ਨਾ ਹੀ ਯੋਗ ਅਤੇ ਜਿਨਾਂ ਮਸਲਿਆਂ ਬਾਰੇ ਤੁਹਾਨੂੰ ਕੁਝ ਪਤਾ ਹੀ ਨਹੀਂ ਹੈ, ਉਨਾਂ ਉਪਰ ਕਿੰਤੂ-ਪ੍ਰੰਤੂ ਜਾਂ ਦਖ਼ਲ-ਅੰਦਾਜ਼ੀ ਕਰਨ ਦਾ ਤੁਹਾਡਾ ਕੋਈ ਕੰਮ ਨਹੀਂ।”

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

14 ਅਕਤੂਬਰ ਤੋਂ ਸ਼ੁਰੂ ਹੋਣਗੇ ਕੁਆਰਟਰ ਫਾਈਨਲ ਮੁਕਾਬਲੇ

ਪੰਜਾਬ ਬਾਹਰ: ਏ ਅਤੇ ਬੀ ਨੂੰ ਮਿਲਾਉਣ ਤੋਂ ਬਾਅਦ ਮੁੰਬਈ, ਦਿੱਲੀ, ਮਹਾਰਾਸ਼ਟਰ, ਆਂਧਰ ਅਤੇ ਹੈਦਰਾਬਾਦ ਨੇ ਕੁਆਰਟਰ ਫਾਈਨਲ ‘ਚ ਜਗ੍ਹਾ ਬਣਾਈ ਹੈ ਪੰਜਾਬ 20 ਅੰਕਾਂ ਨਾਲ (8 ਮੈਚ, 4 ਜਿੱਤੇ, 2 ਹਾਰੇ, 2 ਦਾ ਨਤੀਜਾ ਨਹੀਂ) 18 ਟੀਮਾਂ ‘ਚ ਬੜੌਦਾ ਤੋਂ ਬਾਅਦ ਸੱਤਵੇਂ ਸਥਾਨ ‘ਤੇ ਰਿਹਾ

ਨਵੀਂ ਦਿੱਲੀ, 10 ਅਕਤੂਬਰ
ਵਿਜੇ ਹਜਾਰੇ ਟਰਾਫ਼ੀ ਇੱਕ ਰੋਜ਼ਾ ਕ੍ਰਿਕਟ ਟੂਰਨਾਮੈਂਟ ਦੇ ਗਰੁੱਪ ਮੈਚਾਂ ‘ਚ ਹੁਣ ਸਿਰਫ਼ ਇੱਕ ਦਿਨ ਬਾਕੀ ਹੈ ਪਰ ਟੂਰਨਾਮੈਂਟ ਦੇ ਅੱਠ ਕੁਆਰਟਰਫਾਈਨਲਿਸਟ ਤੈਅ ਹੋ ਗਏ ਹਨ ਟੂਰਨਾਮੈਂਟ ‘ਚ ਗਰੁੱਪ ਸੀ ਦੇ ਬਚੇ ਤਿੰਨ ਮੈਚ ਖੇਡੇ ਜਾਣਗੇ ਟੂਰਨਾਮੈਂਟ ਦੇ ਫਾਰਮੇਟ ਅਨੁਸਾਰ ਅਲੀਟ ਏ ਅਤੇ ਅਲੀਟ ਬੀ ਗਰ੍ਰੁੱਪ ਦੀਆਂ ਟੀਮਾਂ ਨੂੰ ਗਰੁੱਪ ਗੇੜ ਤੋਂ ਬਾਅਦ ਮਿਲਾ ਦਿੱਤਾ ਗਿਆ ਹੈ ਅਤੇ ਅੱਵਲ ਪੰਜ ਟੀਮਾਂ ਨੇ ਕੁਆਰਟਰ ਫਾਈਨਲ ‘ਚ ਜਗ੍ਹਾ ਬਣਾਈ ਹੈ

 
ਇਸ ਤੋਂ ਇਲਾਵਾ ਗਰੁੱਪ ਸੀ ਤੋਂ ਅੱਵਲ ਦੋ ਟੀਮਾਂ ਨੂੰ ਅਤੇ ਨਵੇਂ ਪਲੇਟ ਗਰੁੱਪ ਤੋਂ ਅੱਵਲ ਟੀਮ ਨੂੰ ਕੁਆਰਟਰ ਫਾਈਨਲ ‘ਚ ਜਗ੍ਹਾ ਮਿਲੀ ਹੈ
ਮੁੰਬਈ ਨੇ ਅੱਠ ਵਿੱਚੋਂ ਛੇ ਮੈਚ ਜਿੱਤੇ ਅਤੇ ਉਹ 28 ਅੰਕਾਂ ਨਾਲ ਅੱਵਲ ਰਿਹਾ ਦਿੱਲੀ ਨੇ ਅੱਠ ਵਿੱਚੋਂ ਛੇ ਮੈਚ ਜਿੱਤੇ ਅਤੇ ਉਹ 26 ਅੰਕਾਂ ਨਾਲ ਦੂਸਰੇ ਸਥਾਨ ‘ਤੇ ਰਿਹਾ ਮਹਾਰਾਸ਼ਟਰ ਅਤੇ ਆਂਧਰ ਰਨ ਔਸਤ ਦੇ ਹਿਸਾਬ ਨਾਲ 26-26 ਅੰਕਾਂ ਨਾਲ ਤੀਸਰੇ ਅਤੇ ਚੌਥੇ ਸਥਾਨ ‘ਤੇ ਰਹੇ ਹੈਦਰਾਬਾਦ 22 ਅੰਕਾਂ ਨਾਲ ਪੰਜਵੇਂ ਸਥਾਨ ‘ਤੇ ਰਿਹਾ ਗਰੁੱਪ ਸੀ ਤੋਂ ਹਰਿਆਣਾ ਨੇ 9 ਮੈਚਾਂ ‘ਚ 28 ਅੰਕ ਅਤੇ ਝਾਰਖੰਡ ਨੇ 8 ਮੈਚਾਂ ‘ਚ 28 ਅੰਕ ਹਾਸਲ ਕਰਕੇ ਕੁਆਰਟਰ ਫਾਈਨਲ ‘ਚ ਜਗ੍ਹਾ ਬਣਾਈ ਝਾਰਖੰਡ ਦਾ ਅਜੇ ਸੈਨਾ ਨਾਲ ਮੈਚ ਬਾਕੀ ਹੈ ਅਤੇ ਉਸ ਕੋਲ ਹਰਿਆਣਾ ਨੂੰ ਪਛਾੜ ਗਰੁੱਪ ‘ਚ ਅੱਵਲ ਰਹਿਣ ਦਾ ਮੌਕਾ ਹੋਵੇਗਾ

 
ਘਰੇਲੂ ਕ੍ਰਿਕਟ ‘ਚ ਵਾਪਸੀ ਕਰਨ ਵਾਲੀ ਬਿਹਾਰ ਦੀ ਟੀਮ ਨੇ 8 ਮੈਚਾਂ ‘ਚ 7 ਮੈਚ ਜਿੱਤੇ ਅਤੇ 30 ਅੰਕਾਂ ਨਾਲ ਕੁਆਰਟਰ ਫਾਈਨਲ ‘ਚ ਜਗ੍ਹਾ ਬਣਾਈ ਉੱਤਰਾਖੰਡ ਦੀ ਟੀਮ ਮਾਮੂਲੀ ਫ਼ਰਕ ਨਾਲ ਬਿਹਾਰ ਤੋਂ ਪਿੱਛੇ ਰਹਿ ਗਈ ਉੱਤਰਾਖੰਡ ਨੇ 8 ਵਿੱਚੋਂ 7 ਮੈਚ ਜਿੱਤੇ ਅਤੇ ਉਸਦੇ 28 ਅੰਕ ਰਹੇ ਸਿੱਕਮ ਅਤੇ ਰੇਲਵੇ ਦੀ ਟੀਮ ਕੋਈ ਮੈਚ ਨਾ ਜਿੱਤ ਸਕੀਆਂ

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਭਾਰਤ ਦਾ ਏਸ਼ੀਆਡ ‘ਚ 8ਵਾਂ ਸੋਨ ਤਗਮਾ | Asian Games

ਜਕਾਰਤਾ, (ਏਜੰਸੀ)। ਏਸ਼ੀਆਈ ਖੇਡਾਂ ਦੇ ਉਦਘਾਟਨੀ ਸਮਾਗਮ ‘ਚ ਭਾਰਤ ਦੇ ਝੰਡਾ ਬਰਦਾਰ ਨੀਰਜ ਚੋਪੜਾ ਨੇ ਕਮਾਲ ਦਾ ਪ੍ਰਦਰਸ਼ਨ ਕਰਦੇ ਹੋਏ 88.06 ਮੀਟਰ ਦੀ ਜ਼ਬਰਦਸਤ ਥ੍ਰੋ ਨਾਲ 18ਵੀਆਂ ਏਸ਼ੀਆਈ ਖੇਡਾਂ ਦੇ ਅਥਲੈਟਿਕਸ ਮੁਕਾਬਲਿਆਂ ਦੀ ਨੇਜਾ ਸੁੱਟਣ ਦੇ ਮੁਕਾਬਲੇ ‘ਚ ਸੋਨ ਤਗਮਾ ਜਿੱਤ ਕੇ ਨਵਾਂ ਇਤਿਹਾਸ ਬਣਾ ਦਿੱਤਾ ਭਾਰਤ ਨੂੰ ਨੀਰਜ ਦੇ ਸੋਨ ਤੋਂ ਇਲਾਵਾ ਧਰੁਣ ਅਯਾਸਾਮੀ ਨੇ 400 ਮੀਟਰ ਪੁਰਸ਼ ਅੜਿੱਕਾ ਦੌੜ, ਸੁਧਾ ਸਿੰਘ ਨੇ ਮਹਿਲਾਵਾਂ ਦੀ 3000 ਮੀਟਰ ਸਟੀਪਲਚੇਜ਼ ਈਵੇਂਟ ਅਤੇ ਨੀਨਾ ਵਰਾਕਿਲ ਨੇ ਮਹਿਲਾਵਾਂ ਦੀ ਲੰਮੀ ਛਾਲ ਈਵੇਂਟ ‘ਚ ਚਾਂਦੀ ਤਗਮਾ ਦਿਵਾ ਦਿੱਤਾ। (Asian Games)

ਹਰਿਆਣਾ ਦੇ 20 ਸਾਲ ਦੇ ਨੀਰਜ ਤੋਂ ਸੋਨੇ ਦੀ ਆਸ ਕੀਤੀ ਜਾ ਰਹੀ ਸੀ ਅਤੇ ਉਸਨੇ ਸ਼ਾਨਦਾਰ ਅੰਦਾਜ਼ ‘ਚ ਇਸ ਆਸ ਨੂੰ ਪੂਰਾ ਕਰ ਦਿਖਾਇਆ ਨੀਰਜ ਇਸ ਤਰ੍ਹਾਂ ਏਸ਼ੀਆਈ ਖੇਡਾਂ ‘ਚ ਨੇਜਾ ਸੁੱਟਣ ‘ਚ ਸੋਨ ਤਗਮਾ ਜਿੱਤਣ ਵਾਲੇ ਪਹਿਲੇ ਭਾਰਤੀ ਅਥਲੀਟ ਬਣ ਗਏ ਨੀਰਜ ਨੇ ਇਸ ਦੇ ਨਾਲ ਹੀ ਦੇਸ਼ ਦੇ ਮਹਾਨ ਅਥਲੀਟ ਉਡਣਾ ਸਿੱਖ ਮਿਲਖਾ ਸਿੰਘ ਦੇ ਇੱਕ ਹੀ ਸਾਲ ‘ਚ ਰਾਸ਼ਟਰਮੰਡਲ ਖੇਡਾਂ ਅਤੇ ਏਸ਼ੀਆਈ ਖੇਡਾਂ ‘ਚ ਸੋਨ ਤਗਮਾ ਜਿੱਤਣ ਦੇ 60 ਸਾਲ ਪੁਰਾਣੇ ਰਿਕਾਰਡ ਦੀ ਬਰਾਬਰੀ ਕਰ ਲਈ ਨੀਰਜ ਨੇ ਰਾਸ਼ਟਰਮੰਡਲ ਖੇਡਾਂ ‘ਚ 86.47 ਮੀਟਰ ਦੀ ਥ੍ਰੋ ਨਾਲ ਸੋਨ ਤਗਮਾ ਜਿੱਤਿਆ ਸੀ।

ਇਹ ਵੀ ਪੜ੍ਹੋ : ਗੀਤਿਕਾ ਸ਼ਰਮਾ ਆਤਮਹੱਤਿਆ ਕੇਸ ’ਚ ਸਾਬਕਾ ਗ੍ਰਹਿ ਮੰਤਰੀ ਗੋਪਾਲ ਕਾਂਡਾ ਬਰੀ

ਨੀਰਜ ਦੀ ਪਹਿਲੀ ਥ੍ਰੋ 83.46 ਮੀਟਰ ਸੀ ਦੂਸਰੀ ਥ੍ਰੋ ਫਾਊਲ ਰਹੀ ਪਰ ਤੀਸਰੀ ਥੋ ‘ਚ ਉਹਨਾਂ 88.06 ਮੀਟਰ ਦੀ ਦੂਰੀ ਨਾਪ ਲਈ ਨੀਰਜ ਨੇ ਚੌਥੀ ਕੋਸ਼ਿਸ਼ ‘ਚ 83.25 ਮੀਟਰ ਅਤੇ ਪੰਜਵੀਂ ਕੋਸ਼ਿਸ਼ ‘ਚ 86.36 ਮੀਟਰ ਤੱਕ ਨੇਜਾ ਸੁੱਟਿਆ ਅਤੇ ਛੇਵੀਂ ਥ੍ਰੋ ਫਾਊਲ ਰਹੀ ਪਰ ਤੀਸਰੀ ਕੋਸ਼ਿਸ਼ ਨਾਲ ਉਹ ਆਪਣਾ ਸੋਨ ਤਗਮਾ ਪੱਕਾ ਕਰ ਚੁੱਕੇ ਸਨ ਚੀਨ ਦੇ ਕੀਝੇਨ ਲਿਉ ਨੇ 82.22 ਮੀਟਰ ਦੇ ਸਰਵਸ੍ਰੇਸ਼ਠ ਪ੍ਰਦਰਸ਼ਨ ਨਾਲ ਚਾਂਦੀ ਅਤੇ ਪਾਕਿਸਤਾਨ ਦੇ ਅਰਸ਼ਦ ਨਦੀਮ ਨੇ 80.75 ਮੀਟਰ ਨਾਲ ਕਾਂਸੀ ਤਗਮਾ ਜਿੱਤਿਆ। ਧਰੁਣ ਅਯਾਸਾਮੀ ਨੇ 400 ਮੀਟਰ ਪੁਰਸ਼ ਅੜਿੱਕਾ ਦੌੜ ‘ਚ ਚਾਂਦੀ ਤਗਮਾ ਜਿੱਤਿਆ ਅਯਾਸਾਮੀ ਨੇ 48.96 ਸੈਕਿੰਡ ਦਾ ਆਪਣਾ ਸਰਵਸ੍ਰੇਸ਼ਠ ਸਮਾਂ ਕੱਢਦਿਆਂ ਚਾਂਦੀ ਜਿੱਤੀ ਬਹਿਰੀਨ ਦੇ ਅਬਦਰਰਹਿਮਾਨ ਸਾਂਬਾ ਨੇ 47.66 ਦਾ ਨਵਾਂ ਏਸ਼ੀਆਈ ਖੇਡ ਰਿਕਾਰਡ ਬਣਾਉਂਦੇ ਹੋਏ ਸੋਨ ਤਗਮਾ ਜਿੱਤਿਆ ਜਾਪਾਨ ਦੇ ਤਾਕਾਤੋਸ਼ੀ ਨੇ 49.12 ਸੈਕਿੰਡ ਨਾਲ ਕਾਂਸੀ ਤਗਮਾ ਜਿੱਤਿਆ। (Asian Games)

ਤਾਮਿਲਨਾਡੂ ਦੇ 21 ਸਾਲਾ ਅਯਾਸਾਮੀ ਨੇ 2016 ਦੀਆਂ ਰੀਓ ਓਲੰਪਿਕ ‘ਚ ਹਿੱਸਾ ਲਿਆ ਸੀ ਅਤੇ ਇਸ ਸਾਲ ਰਾਸ਼ਟਰਮੰਡਲ ਖੇਡਾਂ ‘ਚ ਉਹ ਹੀਟ ‘ਚ ਹੀ ਬਾਹਰ ਹੋ ਗਏ ਸਨ ਪਰ ਏਸ਼ੀਆਈ ਖੇਡਾਂ ‘ਚ ਉਹਨਾਂ ਆਪਣਾ ਸਰਵਸ੍ਰੇਸ਼ਠ ਸਮਾਂ ਕੱਢਦਿਆਂ ਆਪਣਾ ਪਹਿਲਾ ਏਸ਼ੀਆਡ ਤਗਮਾ ਜਿੱਤ ਲਿਆ। ਮਹਿਲਾਵਾਂ ਦੀ ਲੰਮੀ ਛਾਲ ਈਵੇਂਟ ‘ਚ ਨੀਨਾ ਵਰਾਕਿਲ ਨੇ ਭਾਰਤ ਨੂੰ ਇੱਕ ਹੋਰ ਚਾਂਦੀ ਤਗਮਾ ਦਿਵਾਇਆ ਨੀਨਾ ਨੇ ਆਪਣੀ ਚੌਥੀ ਕੋਸ਼ਿਸ਼ ‘ਚ 6.51 ਮੀਟਰ ਦੀ ਛਾਲ ਲਾ ਕੇ ਚਾਂਦੀ ਤਗਮਾ ਜਿੱਤਿਆ ਕੇਰਲ ਦੀ 28 ਸਾਲ ਦੀ ਨੀਨਾ।

ਇਸ ਸਾਲ ਰਾਸ਼ਟਰਮੰਡਲ ਖੇਡਾਂ ‘ਚ 10ਵੇਂ ਸਥਾਨ ‘ਤੇ ਰਹੀ ਸੀ ਵਿਅਤਨਾਮ ਦੀ ਥੀ ਥੂ ਨੇ 6.55 ਮੀਟਰ ਦੇ ਸੀਜ਼ਨ ਦੇ ਸਰਵਸ੍ਰੇਸ਼ਠ ਪ੍ਰਦਰਸ਼ਨ ਨਾਲ ਸੋਨ ਤਗਮਾ ਜਿੱਤਿਆ ਚੀਨ ਦੀ ਜਿਆਓਲਿੰਗ ਨੇ 6.50 ਮੀਟਰ ਦੀ ਛਾਲ ਨਾਲ ਕਾਂਸੀ ਤਗਮਾ ਜਿੱਤਿਆ। ਮਹਿਲਾਵਾਂ ਦੀ 3000 ਮੀਟਰ ਸਟੀਪਲਚੇਜ਼ ਈਵੇਂਟ ‘ਚ ਸੁਧਾ ਸਿੰਘ ਨੇ 9 ਮਿੰਟ 40.03 ਸੈਕਿੰਡ ਦਾ ਸਮਾਂ ਲੈ ਕੇ ਚਾਂਦੀ ਤਗਮਾ ਜਿੱਤਿਆ ਬਹਿਰੀਨ ਨੇ ਸੋਨ ਅਤੇ ਵੀਅਤਨਾਮ ਨੇ ਕਾਂਸੀ ਤਗਮਾ ਜਿੱਤਿਆ। (Asian Games)

ਦੋਵਾਂ ਪਾਰੀਆਂ ਂਚ ਸਭ ਤੋਂ ਜਿ਼ਆਦਾ ਦੌੜਾਂ ਬਣਾਉਣ ਵਾਲੇ ਖਿਡਾਰੀ ਬਣੇ

ਲੰਦਨ

ਭਾਰਤ-ਇੰਗਲੈਂਡ ਦਰਮਿਆਨ ਭਾਰਤੀ ਦੀ ਟੀਮ ਨੂੰ ਸ਼ਰਮਨਾਕ ਹਾਰ ਨਾਲ ਦੋ ਚਾਰ ਹੋਣਾ ਪਿਆ ਹੈ ਪਰ ਇਸ ਮੈਚ ‘ਚ ਭਾਰਤ ਦੇ ਸਪਿੱਨਰ ਆਰ ਅਸ਼ਵਿਨ ਦੇ ਨਾਂਅ ਇੱਕ ਰਿਕਾਰਡ ਦਰਜ ਹੋ ਗਿਆ ਇਸ ਮੈਚ ‘ਚ ਭਾਰਤ ਦੀ ਪਹਿਲੀ ਪੀਰ 107 ਦੌੜਾਂ ‘ਤੇ ਸਿਮਟ ਗਈਉਸ ਪਾਰੀ ‘ਚ ਅਸ਼ਵਿਨ ਨੇ 29 ਦੌੜਾਂ ਬਣਾਈਆਂ ਸਨ ਅਤੇ ਇਹ ਭਾਰਤ ਵੱਲੋਂ ਸਭ ਤੋਂ ਜ਼ਿਆਦਾ ਸਕੋਰ ਵੀ ਰਿਹਾ ਸੀ ਦੂਸਰੀ ਪਾਰੀ ‘ਚ ਵੀ ਭਾਰਤੀ ਟੀਮ 130 ਦੌੜਾਂ ‘ਤੇ ਢੇਰ ਹੋ ਗਈ ਅਤੇ ਇਸ ਵਿੱਚ ਵੀ ਅਸ਼ਵਿਨ 33 ਦੌੜਾਂ ਦੀ ਨਾਬਾਦ ਪਾਰੀ ਖੇਡ ਕੇ ਸਭ ਤੋਂ ਜ਼ਿਆਦਾ ਦੌੜਾਂ ਬਣਾਉਣ ਵਾਲੇ ਖਿਡਾਰੀ ਰਹੇ

ਬਾਕੀ ਖਿਡਾਰੀ ਨਹੀਂ ਦੇ ਸਕੇ ਸਾਥ

ਇਸ ਟੈਸਟ ਮੈਚ ‘ਚ ਅਸ਼ਵਿਨ ਅੱਠਵੇਂ ਨੰਬਰ ‘ਤੇ ਬੱਲੇਬਾਜ਼ੀ ਕਰਨ ਉੱਤਰੇ ਸਨ ਅਤੇ ਉਹ ਹੁਣ ਕਿਸੇ ਟੈਸਟ ਮੈਚ ‘ਚ ਅੱਠਵੇਂ ਜਾਂ ਹੇਠਲੇ ਕ੍ਰਮ ‘ਤੇ ਬੱਲੇਬਾਜ਼ੀ ‘ਤੇ ਉੱਤਰਕੇ ਦੋਵਾਂ ਪਾਰੀਆਂ ‘ਚ ਸਭ ਤੋਂ ਜ਼ਿਆਦਾ ਸਕੋਰ ਬਣਾਉਣ ਵਾਲੇ ਪਹਿਲੀ ਭਾਰਤੀ ਬੱਲੇਬਾਜ਼ ਬਣ ਗਏ ਹਨ
ਟੈਸਟ ਕ੍ਰਿਕਟ ਦੇ ਇਤਿਹਾਸ ਦੀ ਗੱਲ ਕੀਤੀ ਜਾਵੇ ਤਾਂ ਅਸ਼ਵਿਨ ਅੱਠਵੇਂ ਜਾਂ ਹੇਠਲੇ ਕ੍ਰਮ ‘ਤੇ ਉੱਤਰ ਕੇ ਦੋਵਾਂ ਪਾਰੀਆਂ ‘ਚ ਸਭ ਤੋਂ ਜ਼ਿਆਦਾ ਦੌੜਾਂ ਬਣਾਉਣ ਦੇ ਮਾਮਲੇ ‘ਚ ਦੁਨੀਆਂ ਦੇ ਛੇਵੇਂ ਬੱਲੇਬਾਜ਼ ਬਣ ਗਏ ਹਨ  ਉਹਨਾਂ ਤੋਂ ਪਹਿਲਾਂ ਇਹ ਕਰਿਸ਼ਮਾ ਆਸਟਰੇਲੀਆ ਦੇ ਟਪ ਸਕਾਟ ਅਤੇ ਪੀਟਰ ਸਿਡਲ, ਜ਼ਿੰਬਾਬਵੇ ਦੇ ਗਾਈ ਵਿਟਲ ਅਤੇ ਗ੍ਰੀਮ ਕ੍ਰੇਮਰ ਅਤੇ ਨਿਊਜ਼ੀਲੈਂਡ ਦੇ ਲੀ ਜਰਮੋਨ ਕਰ ਚੁੱਕੇ ਸਨ

 
ਦੂਸਰੀ ਪਾਰੀ ‘ਚ ਤੇਜ ਗੇਂਦਬਾਜ਼ ਸੈਮ ਕਰੇਨ ਦੀ ਇੱਕ ਗੇਂਦ ਅਸ਼ਵਿਨ ਦੇ ਐਨੀ ਜੋਰ ਨਾਲ ਲੱਗੀ ਕਿ ਅਸ਼ਵਿਨ ਦੇ ਹੱਥੋਂ ਬੱਲਾ ਵੀ ਛੁੱਟ ਗਿਆ ਫਿਜੀਓ ਵੱਲੋਂ ਮੈਦਾਨ ‘ਤੇ ਉਸਦਾ ਇਲਾਜ ਕਰਨ ਦੇ ਬਾਵਜ਼ੂਦ ਅਸ਼ਵਿਨ ਦਰਦ ਹੁੰਦੇ ‘ਚ ਖੇਡਦੇ ਰਹੇ ਅਤੇ ਇੱਕ ਪਾਸਾ ਸੰਭਾਲੀ ਰੱਖਿਆ ਪਰ ਬਾਕੀ ਦੇ ਖਿਡਾਰੀ ਉਹਨਾਂ ਦਾ ਸਾਥ ਨਹੀਂ ਦੇ ਸਕੇ

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।