ਤੀਜੇ ਦਿਨ ਭਾਰਤ ’ਤੇ 126 ਦੌੜਾਂ ਦੀ ਲੀੜ | ENG vs IND

• ਦੂਜੀ ਪਾਰੀ ’ਚ ਇੰਗਲੈਂਡ ਦਾ ਸਕੋਰ 316/6

ਹੈਦਰਾਬਾਦ (ਏਜੰਸੀ)। ਭਾਰਤ ਅਤੇ ਇੰਗਲੈਂਡ ਵਿਚਕਾਰ ਪੰਜ ਮੈਚਾਂ ਦੀ ਟੈਸਟ ਸੀਰੀਜ਼ ਖੇਡੀ ਜਾ ਰਹੀ ਹੈ। ਜਿਸ ਵਿੱਚ ਪਹਿਲੇ ਟੈਸਟ ਦੇ ਤੀਜੇ ਦਿਨ ਦੀ ਖੇਡ ਖਤਮ ਹੋ ਗਈ ਹੈ। ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਇੰਗਲੈਂਡ ਨੇ ਆਪਣੀ ਪਹਿਲੀ ਪਾਰੀ ’ਚ 246 ਦੌੜਾਂ ਬਣਾਇਆਂ ਸਨ। ਜਵਾਬ ’ਚ ਭਾਰਤੀ ਟੀਮ ਨੇ ਅੱਜ ਆਪਣੀ ਪਹਿਲੀ ਪਾਰੀ ’ਚ ਸੱਤ ਵਿਕਟਾਂ ਗੁਆ ਕੇ 421 ਦੌੜਾਂ ਤੋਂ ਅੱਗੇ ਖੇਡਣਾ ਸ਼ੁਰੂ ਕੀਤਾ ਅਤੇ ਸਿਰਫ 15 ਦੌੜਾਂ ਜੋੜਨ ਤੋਂ ਬਾਅਦ ਆਪਣੀ ਬਾਕੀ ਰਹਿੰਦੀਆਂ ਤਿੰਨ ਵਿਕਟਾਂ ਗੁਆ ਦਿੱਤੀਆਂ। ਫਿਲਹਾਲ ਇੰਗਲੈਂਡ ਦੀ ਦੂਜੀ ਪਾਰੀ ਜਾਰੀ ਹੈ। ਤੀਜੇ ਦਿਨ ਦੀ ਖੇਡ ਖਤਮ ਹੋਣ ਤੱਕ ਇੰਗਲੈਂਡ ਨੇ ਆਪਣੀਆਂ 6 ਵਿਕਟਾਂ ਗੁਆ ਕੇ 316 ਦੌੜਾਂ ਬਣਾ ਲਈਆਂ ਹਨ। ਪੋਪ ਨੇ ਆਪਣੇ ਟੈਸਟ ਕਰੀਅਰ ਦਾ 5ਵਾਂ ਸੈਂਕੜਾ ਜੜਿਆ। (ENG vs IND)

ਲੋਕ ਸਭਾ ਚੋਣਾਂ: ਭਾਜਪਾ ਨੇ ਸਾਰੇ ਸੂਬਿਆਂ ਦੇ ਚੋਣ ਇੰਚਾਰਜ ਕੀਤੇ ਨਿਯੁਕਤ

ਤੀਜੇ ਦਿਨ ਦੀ ਖੇਡ ਖਤਮ | ENG vs IND

ਭਾਰਤ ਅਤੇ ਇੰਗਲੈਂਡ ਵਿਚਕਾਰ ਹੈਦਰਾਬਾਦ ਦੇ ਰਾਜ਼ੀਵ ਗਾਂਧੀ ਸਟੇਡੀਅਮ ’ਚ ਖੇਡੇ ਜਾ ਰਹੇ ਪਹਿਲੇ ਟੈਸਟ ਮੈਚ ਦੇ ਤੀਜੇ ਦਿਨ ਦੀ ਖੇਡ ਖਤਮ ਹੋ ਚੁੱਕੀ ਹੈ। ਇੰਗਲੈਂਡ ਨੇ ਅੱਜ ਜਬਰਦਸਤ ਵਾਪਸੀ ਕਰਦੇ ਹੋਏ ਆਪਣੀ ਦੂਜੀ ਪਾਰੀ ’ਚ ਭਾਰਤ ’ਤੇ 126 ਦੌੜਾਂ ਦੀ ਲੀੜ ਬਣਾ ਲਈ ਹੈ। ਤੀਜੇ ਦਿਨ ਦੀ ਖੇਡ ਖਤਮ ਹੋਣ ਤੱਕ ਇੰਗਲਿਸ਼ ਟੀਮ ਨੇ ਆਪਣੀ ਦੂਜੀ ਪਾਰੀ ’ਚ ਛੇ ਵਿਕਟਾਂ ਗੁਆ ਕੇ 316 ਦੌੜਾਂ ਬਣਾ ਲਈਆਂ ਹਨ। ਓਪਕਪਤਾਨ ਓਲੀ ਪੋਪ ਨੇ ਜਬਰਦਸਤ ਪਾਰੀ ਖੇਡਦੇ ਹੋਏ ਸੈਂਕੜਾ ਜੜਿਆ ਅਤੇ ਨਾਬਾਦ ਪਵੇਲੀਅਨ ਪਰਤੇ ਹਨ। ਉਹ 148 ਦੌੜਾਂ ਬਣਾ ਕੇ ਨਾਬਾਦ ਹਨ। ਉਨ੍ਹਾਂ ਤੋਂ ਇਲਾਵਾ ਰੇਹਾਨ ਅਹਿਮਦ 16 ਦੌੜਾਂ ਬਣਾ ਕੇ ਨਾਬਾਦ ਹਨ। (ENG vs IND)

ਇੰਗਲੈਂਡ ਦੀ ਦੂਜੀ ਪਾਰੀ ’ਚ ਬੇਨ ਡਕੇਟ 47 ਦੌੜਾਂ, ਬੇਨ ਫਾਕਸ 34 ਦੌੜਾਂ, ਜੈਕ ਕਰਾਊਲੀ 31, ਜੌਨੀ ਬੇਅਰਸਟੋ 10, ਬੇਨ ਸਟੋਕਸ 6 ਅਤੇ ਜੋ ਰੂਟ 2 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਭਾਰਤ ਵੱਲੋਂ ਰਵੀਚੰਦਰਨ ਅਸ਼ਵਿਨ ਅਤੇ ਜਸਪ੍ਰੀਤ ਬੁਮਰਾਹ ਨੇ 2-2 ਵਿਕਟਾਂ ਲਈਆਂ। ਰਵਿੰਦਰ ਜਡੇਜਾ ਅਤੇ ਅਕਸ਼ਰ ਪਟੇਲ ਨੂੰ ਇੱਕ-ਇੱਕ ਵਿਕਟ ਮਿਲੀ। (ENG vs IND)

ਇੰਗਲੈਂਡ ਬੋਰਡ ਨੇ ਕਿਹਾ ਕਿ ਦੋਵਾਂ ਨੇ ਖੇਡ ਦਾ ਅਪਮਾਨ ਕੀਤਾ

ਵੈਸਟਇੰਡੀਜ਼ ਨਾਲ ਇੱਕ ਰੋਜ਼ਾ ਲੜੀ ਦੌਰਾਨ ਹੋਈ ਸੀ ਘਟਨਾ

ਲੰਦਨ, 19 ਸਤੰਬਰ

ਇੰਗਲੈਂਡ ਐਂਡ ਵੇਲਜ਼ ਕ੍ਰਿਕਟ ਬੋਰਡ (ਈਸੀਬੀ) ਪਿਛਲੇ ਸਾਲ ਕਲੱਬ ਦੇ ਬਾਹਰ ਮਾਰਕੁੱਟ ਕਰਨ ਦੇ ਮਾਮਲੇ ‘ਚ ਬੇਨ ਸਟੋਕਸ ਅਤੇ ਅਲੇਕਸ ਹੇਲਸ ਨੂੰ ਸਜ਼ਾ ਸੁਣਾਵੇਗੀ ਈਸੀਬੀ ਨੇ ਕਿਹਾ ਕਿ ਦੋਵਾਂ ਖਿਡਾਰੀਆਂ ਨੇ ਖੇਡ ਦਾ ਅਪਮਾਨ ਕੀਤਾ ਹੈ ਆਜਾਦ ਕ੍ਰਿਕਟ ਅਨੁਸ਼ਾਸਨ ਕਮੇਟੀ ਦਾ ਤਿੰਨ ਮੈਂਬਰੀ ਪੈਨਲ 5 ਅਤੇ 7 ਦਸੰਬਰ ਨੂੰ ਇਸ ਮਾਮਲੇ ਦੀ ਸੁਣਵਾਈ ਕਰੇਗਾ
ਕੋਰਟ ਨੇ ਕੀਤਾ ਸੀ ਬਰੀ: ਬੇਨ ਸਟੋਕਸ ਨੇ ਪਿਛਲੇ ਸਾਲ ਸਤੰਬਰ ‘ਚ ਹੀ ਬ੍ਰਿਸਟਲ ਸ਼ਹਿਰ ‘ਚ ਇੱਕ ਕਲੱਬ ਦੇ ਬਾਹਰ ਇੱਕ ਨੌਜਵਾਨ ਨਾਲ ਮਾਰਕੁਟ ਕੀਤੀ ਸੀ ਅਤੇ ਮਾਰਕੁਟ ਕਰਕੇ ਉਹਨਾਂ ‘ਤੇ ਸਿਗਰੇਟ ਸੁੱਟਣ ਦਾ ਦੋਸ਼ ਸੀ ਹਾਲਾਂਕਿ ਅਗਸਤ ‘ਚ ਬ੍ਰਿਸਟਲ ਕਰਾਊਨ ਕੋਰਟ ਜਿਊਰੀ ਨੇ ਉਹਨਾਂ ਨੂੰ ਬਰੀ ਕਰ ਦਿੱਤਾ ਸੀ
ਏਸ਼ਜ਼ ਤੋਂ ਹੋਣਾ ਪਿਆ ਸੀ ਬਾਹਰ: ਉਸ ਸਮੇਂ ਇੰਗਲੈਂਡ ਅਤੇ ਵੈਸਟਇੰਡੀਜ਼ ਦਰਮਿਆਨ ਇੱਕ ਰੋਜ਼ਾ ਲੜੀ ਜਾਰੀ ਸੀ ਸਟੋਕਸ ‘ਤੇ ਇਸ ਮਾਮਲੇ ‘ਚ ਅਪਰਾਧਿਕ ਮੁਕੱਦਮਾ ਚਲਾਇਆ ਗਿਆ ਸੀ ਇਸ ਲਈ ਈਸੀਬੀ ਨੇ ਸੁਣਵਾਈ ਰੋਕ ਦਿੱਤੀ ਸੀ ਉਸਨੂੰ ਪਿਛਲੇ ਸਾਲ ਆਸਟਰੇਲੀਆ ਵਿਰੁੱਧ ਏਸ਼ਜ ਲੜੀ ਤੋਂ ਬਾਹਰ ਵੀ ਕਰ ਦਿੱਤਾ ਗਿਆ ਸੀ

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਇੰਗਲੈਂਡ ਕ੍ਰਿਕਟ ਬੋਰਡ ਕਰ ਸਕਦਾ ਹੈ ਕੋਈ ਕਾਰਵਾਈ | Ben Stokes

ਲੰਦਨ, (ਏਜੰਸੀ)। ਇੰਗਲੈਂਡ ਦੇ ਕ੍ਰਿਕਟਰ ਬੇਨ ਸਟੋਕਸ ਨੂੰ ਬ੍ਰਿਸਟਲ ‘ਚ ਇੱਕ ਬਾਰ ਦੇ ਬਾਹਰ ਝਗੜੇ ਅਤੇ ਦੋ ਲੋਕਾਂ ਨਾਲ ਮਾਰ ਕੁੱਟ ਕਰਨ ਦੇ ਮਾਮਲੇ ‘ਚ ਨਿਰਦੋਸ਼ ਕਰਾਰ ਦਿੱਤੇ ਜਾਣ ਦੇ ਬਾਅਦ ਭਾਰਤ ਵਿਰੁੱਧ ਤੀਸਰੇ ਟੈਸਟ ਲਈ ਇੰਗਲੈਂਡ ਦੀ 13 ਮੈਂਬਰੀ ਟੀਮ ‘ਚ ਸ਼ਾਮਲ ਕਰ ਲਿਆ ਗਿਆ ਹੈ 27 ਸਾਲ ਦੇ ਸਟੋਕਸ ਇਸ ਮਾਮਲੇ ‘ਚ ਚੱਲ ਰਹੀ ਅਦਾਲਤੀ ਕਾਰਵਾਈ ਕਾਰਨ ਲਾਰਡਜ਼ ‘ਚ ਦੂਸਰੇ ਟੈਸਟ ‘ਚ ਨਹੀਂ ਖੇਡ ਸਕੇ ਸਨ ਜਿਸ ਨੂੰ ਇੰਗਲੈਂਡ ਨੇ ਪਾਰੀ ਅਤੇ 159 ਦੌੜਾਂ ਨਾਲ ਜਿੱਤਿਆ ਸੀ ਸਟੋਕਸ ਨੇ ਪਹਿਲੇ ਟੈਸਟ ‘ਚ ਇੰਗਲੈਂਡ ਦੀ 31 ਦੌੜਾਂ ਦੀ ਫ਼ੈਸਲਾਕੁਨ ਜਿੱਤ ‘ਚ ਤਿੰਨ ਵਿਕਟਾਂ ਲੈ ਕੇ ਮਹੱਤਵਪੂਰਨ ਭੂਮਿਕਾ ਨਿਭਾਈ ਸੀ ਤੀਸਰਾ ਟੈਸਟ ਸ਼ਨਿੱਚਰਵਾਰ ਤੋਂ ਟਰੇਂਟ ਬ੍ਰਿਜ ‘ਚ ਸ਼ੁਰੂ ਹੋਣ ਜਾ ਰਿਹਾ ਹੈ। (Ben Stokes)

ਇੰਗਲੈਂਡ ਕ੍ਰਿਕਟ ਬੋਰਡ ਕਰ ਸਕਦਾ ਹੈ ਕੋਈ ਕਾਰਵਾਈ | Ben Stokes

ਸਟੋਕਸ ਦੀ ਤੀਸਰੇ ਟੈਸਟ ਲਈ ਮੌਜ਼ੂਦਗੀ ਦਾ ਇਹ ਮਤਲਬ ਨਹੀਂ ਹੈ ਕਿ ਝਗੜੇ ਨੂੰ ਲੈ ਕੇ ਉਹਨਾਂ ਨੂੰ ਕੋਈ ਸਜਾ ਨਹੀਂ ਦਿੱਤੀ ਜਾਵੇਗੀ ਇੰਗਲੈਂਡ ਐਂਡ ਵੇਲਜ਼ ਕ੍ਰਿਕਟ ਬੋਰਡ (ਈਸੀਬੀ) ਛੇਤੀ ਹੀ ਕ੍ਰਿਕਟ ਅਨੁਸ਼ਾਸਨ ਕਮਿਸ਼ਨ ਦੀ ਬੈਠਕ ਬੁਲਾਵੇਗੀ ਜੋ ਇਸ ਗੱਲ ‘ਤੇ ਵਿਚਾਰ ਕਰੇਗਾ ਕਿ ਸਟੋਕਸ ਅਤੇ ਘਟਨਾ ਵਾਲੀ ਜਗ੍ਹਾ ‘ਤੇ ਮੌਜ਼ੂਦ ਅਲੇਕਸ ਹੇਲਜ਼ ‘ਤੇ ਪਾਬੰਦੀ ਲਗਾਈ ਜਾਵੇ ਜਾਂ ਨਹੀਂ ਈਸੀਬੀ ਨੇ ਇੱਕ ਬਿਆਨ ‘ਚ ਕਿਹਾ ਕਿ ਜਦੋਂ ਕਾਨੂੰਨੀ ਕਾਰਵਾਈ ਸਮਾਪਤ ਹੋ ਚੁੱਕੀ ਹੈ ਤਾਂ ਸਟੋਕਸ ਅਤੇ ਹੇਲਜ਼ ਵਿਰੁੱਧ ਕਮਿਸ਼ਨ ਅਨੁਸ਼ਾਸਨਾਤਮਕ ਕਾਰਵਾਈ ਸ਼ੁਰੂ ਕਰ ਸਕਦਾ ਹੈ। (Ben Stokes)

ਮਾਰਕੁੱਟ ਕਾਰਨ ਇੱਕ ਆਦਮੀ ਨੂੰ ਹਸਪਤਾਲ ਭਰਤੀ ਕਰਾਉਣਾ ਪਿਆ ਸੀ | Ben Stokes

27 ਸਾਲ ਦੇ ਸਟੋਕਸ ‘ਤੇ ਬ੍ਰਿਸਟਲ ‘ਚ ਇੱਕ ਬਾਰ ਦੇ ਬਾਹਰ ਦੋ ਲੋਕਾਂ ਰਿਆਨ ਅਲੀ ਅਤੇ ਰਿਆਨ ਹਾਲੇ ਨਾਲ ਝਗੜਾ ਅਤੇ ਮਾਰਕੁੱਟ ਦਾ ਦੋਸ਼ ਸੀ ਜਿਸ ‘ਤੇ ਪਿਛਲੇ ਇੱਕ ਹਫ਼ਤੇ ਤੋਂ ਅਦਾਲਤ ‘ਚ ਕਾਨੂੰਨੀ ਕਾਰਵਾਈ ਚੱਲ ਰਹੀ ਸੀ ਸਤੰਬਰ ‘ਚ ਹੋਏ ਇਸ ਮਾਮਲੇ ‘ਚ ਸਟੋਕਸ ਦੀ ਮਾਰਕੁੱਟ ਦੇ ਕਾਰਨ ਇੱਕ ਵਿਅਕਤੀ ਨੂੰ ਹਸਪਤਾਲ ‘ਚ ਭਰਤੀ ਕਰਾਉਣਾ ਪਿਆ ਸੀ। (Ben Stokes)

ਜਿ਼ਆਦਾ ਸ਼ਰਾਬ ਪੀ ਕੇ ਗੱਡੀ ਚਲਾਉਣ ਦਾ ਵੀ ਸੀ ਦੋਸ਼ | Ben Stokes

ਵਿਰੋਧੀ ਪੱਖ ਦੇ ਵਕੀਲ ਦੀ ਦਲੀਲ ਸੀ ਕਿ ਸਟੋਕਸ ਨੇ ਦੋਵਾਂ ਨਾਲ ਮਾਰਕੁੱਟ ਕੀਤੀ ਜਿਸ ਨਾਲ ਉਹ ਬੇਹੋਸ਼ ਹੋ ਗਏ ਸਨ ਵੈਸਟਇੰਡੀਜ਼ ਨਾਲ ਇੱਕ ਰੋਜ਼ਾ ਤੋਂ ਬਾਅਦ ਸਟੋਕਸ ਕੁਝ ਇੰਗਲਿਸ਼ ਕ੍ਰਿਕਟਰਾਂ ਨਾਲ ਬਾਰ ਗਏ ਸਨ, ਉਹਨਾਂ ‘ਤੇ ਜ਼ਿਆਦਾ ਸ਼ਰਾਬ ਪੀ ਕੇ ਗੱਡੀ ਚਲਾਉਣ ਦਾ ਵੀ ਦੋਸ਼ ਸੀ ਵਕੀਲ ਨੇ ਇਹ ਵੀ ਦੱਸਿਆ ਕਿ ਕਲੱਬ ‘ਚ ਜਾਣ ਤੋਂ ਨਾਂਹ ਹੋਣ ‘ਤੇ ਸਟੋਕਸ ਨੇ ਦਰਬਾਨਾਂ ਨਾਲ ਬਦਤਮੀਜ਼ੀ ਕੀਤੀ ਅਤੇ ਦੋ ਹੋਰਾਂ ਦਾ ਜਨਤਕ ਤੌਰ ‘ਤੇ ਮਜ਼ਾਕ ਵੀ ਉਡਾਇਆ। (Ben Stokes)

ਖ਼ੁਦ ਦੇ ਬਚਾਅ ‘ਚ ਲੜੀ ਸੀ ਲੜਾਈ : ਸਟੋਕਸ | Ben Stokes

ਸਟੋਕਸ ਨੇ ਅਦਾਲਤ ‘ਚ ਆਪਣੇ ਉੱਪਰ ਲੱਗੇ ਦੋਸ਼ਾਂ ਤੋਂ ਇਨਕਾਰ ਕਰਦੇ ਹੋਏ ਕਿਹਾ ਕਿ ਉਹਨਾਂ ਖ਼ੁਦ ਦੇ ਬਚਾਅ ‘ਚ ਹੀ ਲੜਾਈ ਲੜੀ ਸੀ ਅਤੇ ਉਹਨਾਂ ਨੇ ਕਿਸੇ ਦਾ ਮਜ਼ਾਕ ਨਹੀਂ ਉਡਾਇਆ ਸੀ ਹਰਫ਼ਨਮੌਲਾ ਨੇ ਨਾਲ ਹੀ ਆਪਣੇ ਬਚਾਅ ‘ਚ ਦਲੀਲ ਦਿੱਤੀ ਕਿ ਉਹ ਨਸ਼ੇ ‘ਚ ਨਹੀਂ ਸਨ ਪਰ ਨਾਲ ਹੀ ਮੰਨਿਆ ਕਿ ਉਹਨਾਂ ਉਸ ਵਕਤ ਕੀ ਕੁਝ ਬੋਲਿਆ ਉਸ ਬਾਰੇ ਯਾਦ ਨਹੀਂ ਮਾਮਲੇ ਦੀ ਸੁਣਵਾਈ ਕਰ ਰਹੀ ਬੈਂਚ ਨੇ ਮੰਨਿਆ ਕਿ ਸਟੋਕਸ ਸ਼ਾਮ ਨੂੰ ਨਾਈਟਕਲੱਬ ਗਏ ਸਨ ਪਰ ਜਦੋਂ ਉਹਨਾਂ ਨੂੰ ਅੰਦਰ ਨਹੀਂ ਜਾਣ ਦਿੱਤਾ ਜਾ ਰਿਹਾ ਸੀ ਤਾਂ ਉਹ ਵਾਪਸ ਜਾ ਰਹੇ ਸਨ ਹਾਲਾਂਕਿ ਉਹਨਾਂ ਦਰਬਾਨ ਨੂੰ ਰਿਸ਼ਵਤ ਦੇਣ ਦੀ ਕੋਸ਼ਿਸ਼ ਕੀਤੀ ਸੀ।

ਸੁਣਵਾਈ ਦੌਰਾਨ ਦਰਬਾਨ ਨੇ ਕਿਹਾ ਕਿ ਸਟੋਕਸ ਬਹੁਤ ਹੀ ਹਮਲਾਵਰ ਸੀ ਅਤੇ ਵਿਵਾਦ ਦੌਰਾਨ ਉਸਨੇ ਉਸਦਾ ਕਾਫ਼ੀ ਅਪਮਾਨ ਕੀਤਾ ਸੀਸੀਟੀਵੀ ਕੈਮਰੇ ਦੀ ਫੁਟੇਜ਼ ‘ਚ ਦਿਸਿਆ ਸੀ ਕਿ ਕ੍ਰਿਕਟਰ ਨੇ ਝਗੜੇ ਦੌਰਾਨ ਰਿਆਨ ਅਲੀ ਦੇ ਮੁੱਕੇ ਮਾਰੇ ਸਨ ਹਾਲਾਂਕਿ 28 ਸਾਲ ਦੇ ਅਲੀ ਨੂੰ ਵੀ ਅਦਾਲਤ ਨੇ ਨਿਰਦੋਸ਼ ਮੰਨਿਆ ਹੈ ਸਟੋਕਸ ਨੂੰ ਇਸ ਵਿਵਾਦ ਕਾਰਨ ਆਸਟਰੇਲੀਆ ਦੇ ਏਸ਼ਜ਼ ਜੌੜੇ ਲਈ ਇੰਗਲੈਂਡ ਟੀਮ ਤੋਂ ਬਾਹਰ ਕਰ ਦਿੱਤਾ ਗਿਆ ਸੀ ਪਰ ਇਸ ਸਾਲ ਫਰਵਰੀ ‘ਚ ਹੀ ਉਸਦੀ ਰਾਸ਼ਟਰੀ ਟੀਮ ‘ਚ ਵਾਪਸੀ ਹੋਈ ਹੈ ਇਸ ਮਾਮਲੇ ਦੇ ਨਿਪਟਣ ਨਾਲ ਹੀ ਸਟੋਕਸ ਦਾ ਇੱਕ ਵਾਰੀ ਤਾਂ ਤੀਸਰੇ ਟੈਸਟ ‘ਚ ਵਾਪਸੀ ਦਾ ਰਸਤਾ ਖੁੱਲ ਗਿਆ ਹੈ ਪਰ ਈਸੀਬੀ ਉਹਨਾਂ ‘ਤੇ ਕੋਈ ਵੱਖਰੀ ਕਾਰਵਾਈ ਕਰ ਸਕਦਾ ਹੈ।

ਕੋਹਲੀ ਸਮੇਤ 4 ਬੱਲੇਬਾਜ਼ਾਂ ਨੂੰ ਪਹਿਲੇ ਟੈਸਟ ‘ਚ ਕੀਤਾ ਸੀ ਆਊਟ

ਮਲਾਨ ਬਾਹਰ, ਕਾਉਂਟੀ ਚੈਂਪੀਅਨਸ਼ਿਪ ‘ਚ ਦੂਸਰੇ ਟਾੱਪ ਸਕੋਰਰ ਓਲੀ ਪੋਪ ਟੀਮ ‘ਚ ਸ਼ਾਮਲ

ਸਟੋਕਸ ਦੀ ਜਗ੍ਹਾ 24 ਟੈਸਟ ਮੈਚ ਖੇਡ ਚੁੱਕੇ ਵੋਕਸ ਸ਼ਾਮਲ

ਲੰਦਨ 6 ਅਗਸਤ।

ਭਾਰਤ-ਇੰਗਲੈਂਡ ਦਰਮਿਆਨ ਖੇਡੀ ਜਾ ਰਹੀ ਪੰਜ ਟੈਸਟ ਮੈਚਾਂ ਦੀ ਲੜੀ ਦਾ ਦੂਸਰਾ ਮੈਚ 9 ਅਗਸਤ ਤੋਂ ਲਾਰਡਜ਼ ‘ਚ ਖੇਡਿਆ ਜਾਵੇਗਾ ਇਸ ਮੈਚ ‘ਚ ਇੰਗਲੈਂਡ ਦੇ ਹਰਫ਼ਨਮੌਲਾ ਖਿਡਾਰੀ ਬੇਨ ਸਟੋਕਸ ਆਪਣੇ ਕੋਰਟ ਦੀ ਸੁਣਵਾਈ ਕਾਰਨ ਟੀਮ ‘ਚ ਸ਼ਾਮਲ ਨਹੀਂ ਹੋ ਸਕਣਗੇ ਸਟੋਕਸ ਨੇ ਪਹਿਲੀ ਪਾਰੀ ‘ਚ ਦੋ ਅਤੇ ਦੂਸਰੀ ਪਾਰੀ ‘ਚ 4 ਵਿਕਟਾਂ ਲਈਆਂ ਸਨ ਦੂਸਰੀ ਪਾਰੀ ‘ਚ ਉਹਨਾਂ ਕੇ.ਐਲ. ਰਾਹੁਲ, ਵਿਰਾਟ ਕੋਹਲੀ, ਹਾਰਦਿਕ ਪਾਂਡਿਆ ਅਤੇ ਮੁਹੰਮਦ ਸ਼ਮੀ ਦੀਆਂ ਵਿਕਟਾਂ ਲੈ ਕੇ ਭਾਰਤ ਦੀਆਂ ਜਿੱਤ ਦੀ ਆਸਾਂ ਨੂੰ ਖ਼ਤਮ ਕਰ ਦਿੱਤਾ ਸੀ ਸਟੋਕਸ ‘ਤੇ ਮਾਰ ਕੁੱਟ ਦਾ ਇੱਕ ਮਾਮਲਾ ਚੱਲ ਰਿਹਾ ਹੈ ਜਿਸਦੀ ਸੁਣਵਾਈ ਬ੍ਰਿਸਟਲ ‘ਚ ਇਸ ਹਫ਼ਤੇ ਦੇ ਅੰਤ ‘ਚ ਹੋਣੀ ਹੈ ਇਸ ਤੋਂ ਇਲਾਵਾ ਲਾਰਡਜ਼ ‘ਚ ਸੁੱਕੀ ਪਿੱਚ ਦੇ ਮੱਦੇਨਜ਼ਰ ਦੂਸਰੇ ਸਪਿੱਨ ਗੇਂਦਬਾਜ਼ ਮੋਈਨ ਅਲੀ ਨੂੰ ਵੀ ਮੌਕਾ ਦਿੱਤਾ ਜਾ ਸਕਦਾ ਹੈ

ਓਲੀ ਦਾ ਕਾਊਂਟੀ ‘ਚ ਬਿਹਤਰੀਨ ਪ੍ਰਦਰਸ਼ਨ

ਇੰਗਲੈਂਡ ਦੇ ਮੱਧ ਕ੍ਰਮ ਦੇ ਬੱਲੇਬਾਜ਼ ਡੇਵਿਡ ਮਲਾਨ ਦੀ ਜਗ੍ਹਾ ਓਲੀ ਪੋਪ ਨੂੰ ਸ਼ਾਮਲ ਕੀਤਾ ਗਿਆ ਹੈ 20 ਸਾਲ ਦੇ ਓਲੀ ਨੇ ਕਾਉਂਟੀ ਚੈਂਪੀਅਨਸ਼ਿਪ ਡਿਵੀਜ਼ਨ 1 ਦੇ ਇਸ ਸੀਜ਼ਨ ‘ਚ 8 ਮੈਚ ਖੇਡੇ ਇਸ ਵਿੱਚ ਉਹਨਾਂ 85.50 ਦੀ ਸ਼ਾਨਦਾਰ ਔਸਤ ਨਾਲ 684 ਦੌੜਾਂ ਬਣਾਈਆਂ ਹਨ ਜਿਸ ਵਿੱਚ ਤਿੰਨ ਸੈਂਕੜੇ ਅਤੇ ਇੱਕ ਅਰਧ ਸੈਂਕੜਾ ਸ਼ਾਮਲ ਹੈ ਉਹਨਾਂ ਸਿਰਫ਼ 15 ਮੈਚਾਂ ‘ਚ ਹੀ 1000 ਦੌੜਾਂ(1012) ਦਾ ਅੰਕੜਾ ਪਾਰ ਕਰ ਲਿਆ ਹੈ ਜਿਸ ਵਿੱਚ 4 ਸੈਂਕੜੇ ਹਨ ਮਲਾਨ ਨੇ ਪਿਛਲੇ 8 ਮਹੀਨਿਆਂ ‘ਚ 15 ਮੁਕਾਬਲੇ ਖੇਡੇ ਅਤੇ 27.84 ਦੀ ਔਸਤ ਨਾਲ 427 ਦੌੜਾਂ ਬਣਾਈਆਂ ਅਤੇ ਇੱਕ ਵੀ ਸੈਂਕੜਾ ਨਹੀਂ ਲਾਇਆ ਸੀ ਅਤੇ ਭਾਰਤ ਵਿਰੁੱਧ ਪਹਿਲੇ ਮੈਚ ‘ਚ 8 ਅਤੇ 20 ਦੌੜਾਂ ਬਣਾਈਆਂ ਸਨ

ਇੰਗਲੈਂਡ ਟੀਮ: ਜੋ ਰੂਟ, ਮੋਈਨ ਅਲੀ, ਜੇਮਸ ਐਂਡਰਸਨ, ਜੋਨੀ ਬੇਰਸਟੋ (ਵਿਕਟਕੀਪਰ), ਸਟੁਅਰਟ ਬ੍ਰਾੱਡ, ਜੋਸ ਬਟਲਰ, ਅਲੇਸਟਰ ਕੁਕ, ਸੈਮ ਕਰੇਨ, ਕੀਟੋਨ ਜੇਨਿੰਗਜ਼, ਓਲੀ ਪੋਪ, ਜੇਮੀ ਪੋਰਟਰ, ਆਦਿਲ ਰਸ਼ੀਦ, ਕ੍ਰਿਸ ਵੋਕਸ

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।