ਸਪੋਰਟਸ ਡੈਸਕ। Smriti Mandhana: ਮੰਗਲਵਾਰ ਨੂੰ ਅੰਤਰਰਾਸ਼ਟਰੀ ਕ੍ਰਿਕੇਟ ਪਰੀਸ਼ਦ (ਆਈਸੀਸੀ) ਵੱਲੋਂ ਜਾਰੀ ਕੀਤੇ ਗਏ ਤਾਜ਼ਾ ਅਪਡੇਟ ਅਨੁਸਾਰ, ਭਾਰਤ ਦੀ ਸਟਾਰ ਓਪਨਰ ਬੱਲੇਬਾਜ਼ ਸਮ੍ਰਿਤੀ ਮੰਧਾਨਾ ਨੇ ਨਵੰਬਰ 2019 ਤੋਂ ਬਾਅਦ ਪਹਿਲੀ ਵਾਰ ਮਹਿਲਾ ਵਨਡੇ ਬੱਲੇਬਾਜ਼ੀ ਰੈਂਕਿੰਗ ’ਚ ਨੰਬਰ ਇੱਕ ਸਥਾਨ ਹਾਸਲ ਕੀਤਾ ਹੈ। 28 ਸਾਲਾ ਮੰਧਾਨਾ ਇੱਕ ਸਥਾਨ ਉੱਪਰ ਚੜ੍ਹ ਕੇ ਸਿਖਰਲੇ ਸਥਾਨ ’ਤੇ ਵਾਪਸ ਆ ਗਈ ਹੈ, ਜਦੋਂ ਕਿ ਦੱਖਣੀ ਅਫਰੀਕਾ ਦੀ ਕਪਤਾਨ ਲੌਰਾ ਵੋਲਵਾਰਡਟ ਵੈਸਟਇੰਡੀਜ਼ ਵਿਰੁੱਧ ਪਹਿਲੇ ਦੋ ਵਨਡੇ ਮੈਚਾਂ ’ਚ 27 ਤੇ 28 ਦੌੜਾਂ ਬਣਾਉਣ ਤੋਂ ਬਾਅਦ ਇੰਗਲੈਂਡ ਦੀ ਨਵੀਂ ਕਪਤਾਨ ਨੈਟ ਸਾਈਵਰ-ਬਰੰਟ ਨਾਲ ਸਾਂਝੇ ਤੌਰ ’ਤੇ ਦੂਜੇ ਸਥਾਨ ’ਤੇ ਖਿਸਕ ਗਈ ਹੈ। Smriti Mandhana

ਇਹ ਖਬਰ ਵੀ ਪੜ੍ਹੋ : Gold Price Today: ਸੋਨਾ ਹੋਇਆ ਸਸਤਾ! ਇਜ਼ਰਾਈਲ-ਈਰਾਨ ਜੰਗ ਦਾ ਅਸਰ!

 ਵੋਲਵਾਰਡਟ ਛੇ ਮਹੀਨਿਆਂ ਤੋਂ ਵੱਧ ਸਮੇਂ ਤੱਕ ਸਿਖਰ ’ਤੇ ਰਹਿਣ ਤੋਂ ਬਾਅਦ ਮੰਧਾਨਾ ਹੁਣ 727 ਰੇਟਿੰਗ ਅੰਕਾਂ ਨਾਲ ਆਰਾਮ ਨਾਲ ਬੈਠੀ ਹੈ। ਭਾਰਤ ਦੀ ਸਟਾਰ ਬੱਲੇਬਾਜ਼ ਹਾਲ ਹੀ ’ਚ ਸ਼ਾਨਦਾਰ ਫਾਰਮ ’ਚ ਹੈ ਤੇ ਕੋਲੰਬੋ ’ਚ ਸ਼੍ਰੀਲੰਕਾ ਤੇ ਦੱਖਣੀ ਅਫਰੀਕਾ ਵਿਰੁੱਧ ਭਾਰਤ ਦੇ ਹਾਲ ਹੀ ਵਿੱਚ ਹੋਏ ਤਿਕੋਣੀ ਸੀਰੀਜ਼ ਦੇ ਫਾਈਨਲ ਦੌਰਾਨ ਆਪਣੇ ਕਰੀਅਰ ਦਾ 11ਵਾਂ ਸੈਂਕੜਾ ਜੜਿਆ ਸੀ। ਵੋਲਵਾਰਡਟ ਦੀ ਟੀਮ ਦੀ ਸਾਥੀ, ਤਜ਼ਮਿਨ ਬ੍ਰਿਟਸ ਤਿੰਨ ਮੈਚਾਂ ਦੀ ਲੜੀ ਦੇ ਪਹਿਲੇ ਮੈਚ ਵਿੱਚ ਆਪਣੇ ਅਰਧ ਸੈਂਕੜੇ ਦੀ ਬਦੌਲਤ ਪੰਜ ਸਥਾਨ ਉੱਪਰ ਚੜ੍ਹ ਕੇ 27ਵੇਂ ਸਥਾਨ ’ਤੇ ਪਹੁੰਚ ਗਈ, ਜੋ ਕਿ ਇਸ ਸਮੇਂ ਦੱਖਣੀ ਅਫਰੀਕਾ ਨਾਲ ਬਰਾਬਰ ਹੈ ਜਦੋਂ ਉਨ੍ਹਾਂ ਨੇ ਬਾਰਬਾਡੋਸ ’ਚ ਦੂਜੇ ਮੈਚ ’ਚ ਮੇਜ਼ਬਾਨ ਟੀਮ ਨੂੰ 40 ਦੌੜਾਂ ਨਾਲ ਹਰਾਇਆ ਸੀ। ਵੈਸਟਇੰਡੀਜ਼ ਦੀ ਜੋੜੀ ਸ਼ੇਮੇਨ ਕੈਂਪਬੈਲ (7 ਸਥਾਨ ਉੱਪਰ 62ਵੇਂ ਸਥਾਨ ’ਤੇ) ਤੇ ਕਿਆਨਾ ਜੋਸਫ਼ (12 ਸਥਾਨ ਉੱਪਰ 67ਵੇਂ ਸਥਾਨ ’ਤੇ) ਨੇ ਵੀ ਇੱਕ ਰੋਜ਼ਾ ਬੱਲੇਬਾਜ਼ਾਂ ਦੀ ਸੂਚੀ ’ਚ ਵਾਧਾ ਕੀਤਾ ਹੈ।

ਹੋਰ ਤਬਦੀਲੀਆਂ ’ਚ, ਸਾਬਕਾ ਪ੍ਰੋਟੀਆ ਕਪਤਾਨ, ਸੁਨੇ ਲੂਸ ਨੇ ਦੂਜੇ ਮੈਚ ’ਚ 76 ਦੌੜਾਂ ਬਣਾਈਆਂ ਤੇ ਬੱਲੇਬਾਜ਼ਾਂ ਦੀ ਸੂਚੀ ’ਚ ਸੱਤ ਸਥਾਨ ਉੱਪਰ 42ਵੇਂ ਸਥਾਨ ’ਤੇ ਪਹੁੰਚ ਗਈ। ਇਸ ਦੌਰਾਨ, ਵੈਸਟਇੰਡੀਜ਼ ਦੀ ਓਪਨਰ ਕਿਆਨਾ ਜੋਸਫ਼ ਨੇ ਆਪਣੇ ਪਹਿਲੇ ਮੈਚ ’ਚ 60 ਦੌੜਾਂ ਬਣਾਈਆਂ ਤੇ 12 ਸਥਾਨ ਉੱਪਰ ਸਾਂਝੇ 67ਵੇਂ ਸਥਾਨ ’ਤੇ ਪਹੁੰਚ ਗਈ। ਵੈਸਟਇੰਡੀਜ਼ ਦੀ ਸਪਿਨਰ ਐਫੀ ਫਲੇਚਰ ਨੇ ਗੇਂਦਬਾਜ਼ਾਂ ਦੀ ਸੂਚੀ ’ਚ ਸਭ ਤੋਂ ਮਹੱਤਵਪੂਰਨ ਵਾਧਾ ਕੀਤਾ ਹੈ। ਉਸਨੇ ਦੱਖਣੀ ਅਫਰੀਕਾ ਖਿਲਾਫ ਵੈਸਟਇੰਡੀਜ਼ ਦੇ ਹਾਲ ਹੀ ’ਚ ਹੋਏ ਮੈਚ ’ਚ ਚਾਰ ਵਿਕਟਾਂ ਲਈਆਂ ਤੇ ਇੱਕ ਰੋਜ਼ਾ ਗੇਂਦਬਾਜ਼ਾਂ ਦੀ ਸੂਚੀ ’ਚ ਚਾਰ ਸਥਾਨਾਂ ਦੀ ਛਾਲ ਮਾਰ ਕੇ 19ਵੇਂ ਸਥਾਨ ’ਤੇ ਪਹੁੰਚ ਗਈ, ਜਿਸ ’ਚ ਅਜੇ ਵੀ ਇੰਗਲੈਂਡ ਦੀ ਸੋਫੀ ਏਕਲਸਟੋਨ ਸਿਖਰ ’ਤੇ ਹੈ। Smriti Mandhana

ਵਨਡੇ ’ਚ ਵਿਰਾਟ ਕੋਹਲੀ ਤੇ ਸਮ੍ਰਿਤੀ ਮੰਧਾਨਾ ਦੇ ਅੰਕੜੇ ਬਰਾਬਰ | Smriti vs Virat

ਸਪੋਰਟਸ ਡੈਸਕ। Smriti vs Virat: ਭਾਰਤ ਤੇ ਆਇਰਲੈਂਡ ਦੀਆਂ ਮਹਿਲਾ ਟੀਮਾਂ ਵਿਚਕਾਰ ਤਿੰਨ ਮੈਚਾਂ ਦੀ ਇੱਕ ਰੋਜ਼ਾ ਲੜੀ ਖੇਡੀ ਜਾ ਰਹੀ ਹੈ। ਭਾਰਤੀ ਮਹਿਲਾ ਟੀਮ ਨੇ ਐਤਵਾਰ ਨੂੰ ਦੂਜੇ ਵਨਡੇ ਮੈਚ ’ਚ ਆਇਰਲੈਂਡ ਨੂੰ 116 ਦੌੜਾਂ ਨਾਲ ਹਰਾਇਆ, ਜਦੋਂ ਕਿ ਟੀਮ ਇੰਡੀਆ ਨੇ ਸ਼ੁੱਕਰਵਾਰ ਨੂੰ ਪਹਿਲਾ ਵਨਡੇ ਛੇ ਵਿਕਟਾਂ ਨਾਲ ਜਿੱਤਿਆ ਸੀ। ਕਪਤਾਨ ਸਮ੍ਰਿਤੀ ਮੰਧਾਨਾ ਨੇ ਇਸ ਲੜੀ ’ਚ ਹੁਣ ਤੱਕ ਸ਼ਾਨਦਾਰ ਬੱਲੇਬਾਜ਼ੀ ਕੀਤੀ ਹੈ। ਉਨ੍ਹਾਂ 2 ਪਾਰੀਆਂ ’ਚ 57 ਦੀ ਔਸਤ ਨਾਲ 114 ਦੌੜਾਂ ਬਣਾਈਆਂ ਹਨ। ਇਸ ’ਚ ਇੱਕ ਅਰਧ ਸੈਂਕੜਾ ਵੀ ਸ਼ਾਮਲ ਹੈ। ਮੰਧਾਨਾ ਹੁਣ ਤੱਕ ਭਾਰਤ ਲਈ 7 ਟੈਸਟ, 96 ਵਨਡੇ ਤੇ 148 ਟੀ-20 ਖੇਡ ਚੁੱਕੀ ਹੈ। 96 ਇੱਕ ਰੋਜ਼ਾ ਪਾਰੀਆਂ ਤੋਂ ਬਾਅਦ, ਉਸਦੇ ਤੇ ਵਿਰਾਟ ਕੋਹਲੀ ਦੇ ਅੰਕੜੇ ਲਗਭਗ ਬਰਾਬਰ ਹਨ।

ਇਹ ਖਬਰ ਵੀ ਪੜ੍ਹੋ : CBSE Board: ਪੰਜਾਬ ਦੇ ਸਕੂਲਾਂ ਨੂੰ ਜਾਰੀ ਹੋਈ ਆਖਰੀ ਚਿਤਾਵਨੀ, ਹੋਣ ਜਾ ਰਹੀ ਹੈ ਵੱਡੀ ਕਾਰਵਾਈ

ਮੰਧਾਨਾ-ਵਿਰਾਟ ਨਾਲ ਜੁੜਿਆ ਅਜੀਬ ਸੰਯੋਗ | Smriti vs Virat

ਮੰਧਾਨਾ ਨਾਲ ਜੁੜਿਆ ਇੱਕ ਅਜੀਬ ਸੰਯੋਗ ਸਾਹਮਣੇ ਆਇਆ ਹੈ। ਉਸ ਕੋਲ ਤੇ ਵਿਰਾਟ ਦੋਵਾਂ ਕੋਲ ਜਰਸੀ ਨੰਬਰ 18 ਹੈ। ਮੰਧਾਨਾ ਵੀ ਕੋਹਲੀ ਦੀ ਬਹੁਤ ਵੱਡੀ ਪ੍ਰਸ਼ੰਸਕ ਹੈ। ਇੰਨਾ ਹੀ ਨਹੀਂ, ਦੋਵੇਂ ਇੰਡੀਅਨ ਟੀ-20 ਲੀਗ ’ਚ ਇੱਕੋ ਫਰੈਂਚਾਇਜ਼ੀ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਲਈ ਵੀ ਖੇਡਦੇ ਹਨ। ਹੁਣ ਇਸ ’ਚ 96 ਵਨਡੇ ਪਾਰੀਆਂ ਦਾ ਅੰਕੜਾ ਵੀ ਜੁੜ ਗਿਆ ਹੈ। ਵਿਰਾਟ ਨੇ 2013 ’ਚ ਸੋਫੀਆ ਗਾਰਡਨਜ਼ ’ਚ ਦੱਖਣੀ ਅਫਰੀਕਾ ਵਿਰੁੱਧ ਆਪਣੀ 96ਵੀਂ ਵਨਡੇ ਪਾਰੀ ਖੇਡੀ। ਉਸ ਮੈਚ ’ਚ ਉਸ ਨੇ 31 ਦੌੜਾਂ ਬਣਾਈਆਂ। 96 ਇੱਕ ਰੋਜ਼ਾ ਪਾਰੀਆਂ ਤੋਂ ਬਾਅਦ, ਵਿਰਾਟ ਨੇ 49.22 ਦੀ ਔਸਤ ਨਾਲ 4085 ਦੌੜਾਂ ਬਣਾਈਆਂ ਸਨ। ਇਸ ਸਮੇਂ ਦੌਰਾਨ ਉਸਦਾ ਸਟਰਾਈਕ ਰੇਟ 85.87 ਸੀ। ਉਦੋਂ ਤੱਕ, ਵਿਰਾਟ 34 ਵਾਰ ਪੰਜਾਹ ਤੋਂ ਵੱਧ ਦੌੜਾਂ ਦੀ ਪਾਰੀ ਖੇਡ ਚੁੱਕੇ ਸਨ।

ਮੰਧਾਨਾ ਦੇ ਅੰਕੜੇ ਵਿਰਾਟ ਦੇ ਲਗਭਗ ਬਰਾਬਰ

ਇਸ ਦੇ ਨਾਲ ਹੀ, ਮੰਧਾਨਾ ਨੇ ਵਨਡੇ ਮੈਚਾਂ ’ਚ 96 ਪਾਰੀਆਂ ਤੋਂ ਬਾਅਦ 4074 ਦੌੜਾਂ ਬਣਾਈਆਂ ਹਨ। ਉਸਦੀ ਔਸਤ 45.26 ਰਹੀ ਹੈ। ਇਸ ਦੇ ਨਾਲ ਹੀ ਮੰਧਾਨਾ ਦਾ ਸਟਰਾਈਕ ਰੇਟ 86.25 ਰਿਹਾ ਹੈ। ਇਸ ਸਮੇਂ ਦੌਰਾਨ, ਉਸਨੇ 39 ਵਾਰ ਪੰਜਾਹ ਤੋਂ ਵੱਧ ਦੌੜਾਂ ਦੀਆਂ ਪਾਰੀਆਂ ਖੇਡੀਆਂ ਹਨ। ਵਿਰਾਟ ਨੇ ਵਨਡੇ ਮੈਚਾਂ ਵਿੱਚ 96 ਪਾਰੀਆਂ ਤੋਂ ਬਾਅਦ 13 ਸੈਂਕੜੇ ਤੇ 22 ਅਰਧ ਸੈਂਕੜੇ ਜੜੇ ਹਨ। ਜਦੋਂ ਕਿ ਮੰਧਾਨਾ ਨੇ 9 ਸੈਂਕੜੇ ਤੇ 30 ਅਰਧ ਸੈਂਕੜੇ ਜੜੇ ਹਨ। ਹਾਲਾਂਕਿ, ਇੰਨੀਆਂ ਪਾਰੀਆਂ ਤੋਂ ਬਾਅਦ, ਉਹ ਚੌਕੇ ਤੇ ਛੱਕੇ ਲਗਾਉਣ ਦੇ ਮਾਮਲੇ ’ਚ ਕੋਹਲੀ ਤੋਂ ਅੱਗੇ ਹੈ। ਕੋਹਲੀ ਨੇ 96 ਵਨਡੇ ਪਾਰੀਆਂ ਤੋਂ ਬਾਅਦ 384 ਚੌਕੇ ਤੇ 23 ਛੱਕੇ ਲਾਏ ਹਨ, ਜਦੋਂ ਕਿ ਮੰਧਾਨਾ ਨੇ 45 ਛੱਕੇ ਤੇ 493 ਚੌਕੇ ਲਗਾਏ ਹਨ।

ਵਿਰਾਟ ਹੁਣ ਤੱਕ ਦੇ ਸਭ ਤੋਂ ਮਹਾਨ ਇੱਕ ਰੋਜ਼ਾ ਬੱਲੇਬਾਜ਼ | Smriti vs Virat

ਵਿਰਾਟ ਨੂੰ ਹੁਣ ਤੱਕ ਦਾ ਸਭ ਤੋਂ ਮਹਾਨ ਇੱਕ ਰੋਜ਼ਾ ਬੱਲੇਬਾਜ਼ ਮੰਨਿਆ ਜਾਂਦਾ ਹੈ। ਹੁਣ ਤੱਕ, ਉਨ੍ਹਾਂ 295 ਵਨਡੇ ਮੈਚਾਂ ਦੀਆਂ 283 ਪਾਰੀਆਂ ’ਚ 58.18 ਦੀ ਔਸਤ ਨਾਲ 13906 ਦੌੜਾਂ ਬਣਾਈਆਂ ਹਨ। ਇਸ ਸਮੇਂ ਦੌਰਾਨ ਉਨ੍ਹਾਂ ਦਾ ਸਟਰਾਈਕ ਰੇਟ 93.54 ਰਿਹਾ ਹੈ। ਵਿਰਾਟ ਨੇ ਹੁਣ ਤੱਕ ਵਨਡੇ ਮੈਚਾਂ ਵਿੱਚ 50 ਸੈਂਕੜੇ ਤੇ 72 ਅਰਧ ਸੈਂਕੜੇ ਜੜੇ ਹਨ। ਉਹ ਸਚਿਨ ਤੇਂਦੁਲਕਰ ਨੂੰ ਪਛਾੜ ਕੇ ਇਸ ਫਾਰਮੈਟ ’ਚ ਸਭ ਤੋਂ ਜ਼ਿਆਦਾ ਸੈਂਕੜਿਆਂ ਦੀ ਸੂਚੀ ’ਚ ਸਿਖਰ ’ਤੇ ਪਹੁੰਚ ਗਿਆ। ਕੋਹਲੀ ਇਸ ਫਾਰਮੈਟ ’ਚ ਸਭ ਤੋਂ ਵੱਡੇ ਮੈਚ ਜੇਤੂਆਂ ’ਚੋਂ ਇੱਕ ਹੈ। Smriti vs Virat

Smriti Mandhana: ਸਪੋਰਟਸ ਡੈਸਕ। ਭਾਰਤ ਤੇ ਵੈਸਟਇੰਡੀਜ਼ ਵਿਚਕਾਰ ਖੇਡੀ ਗਈ ਤਿੰਨ ਮੈਚਾਂ ਦੀ ਟੀ-20 ਸੀਰੀਜ਼ ਮੇਜ਼ਬਾਨ ਟੀਮ ਦੀ 2-1 ਨਾਲ ਜਿੱਤ ਲਈ। ਭਾਰਤੀ ਮਹਿਲਾ ਟੀਮ ਨੇ ਵੀਰਵਾਰ ਨੂੰ ਤੀਜੇ ਟੀ-20 ਮੈਚ ’ਚ ਮਹਿਮਾਨ ਟੀਮ ਨੂੰ 60 ਦੌੜਾਂ ਨਾਲ ਹਰਾ ਕੇ ਸੀਰੀਜ਼ ’ਤੇ ਕਬਜ਼ਾ ਕਰ ਲਿਆ। ਇਸ ਤੋਂ ਪਹਿਲਾਂ ਟੀਮ ਇੰਡੀਆ ਨੇ ਪਹਿਲਾ ਮੈਚ 49 ਦੌੜਾਂ ਨਾਲ ਜਿੱਤਿਆ ਸੀ ਜਦਕਿ ਵੈਸਟਇੰਡੀਜ਼ ਦੀ ਟੀਮ ਨੇ ਦੂਜਾ ਮੈਚ 9 ਵਿਕਟਾਂ ਨਾਲ ਜਿੱਤ ਕੇ ਸੀਰੀਜ਼ 1-1 ਨਾਲ ਡਰਾਅ ਕਰ ਲਈ ਸੀ। ਹੁਣ ਦੋਵੇਂ ਟੀਮਾਂ ਵਨਡੇ ਸੀਰੀਜ਼ ’ਚ ਇੱਕ ਵਾਰ ਫਿਰ ਆਹਮੋ-ਸਾਹਮਣੇ ਹੋਣਗੀਆਂ। ਇਹ 22 ਦਸੰਬਰ ਤੋਂ ਸ਼ੁਰੂ ਹੋਵੇਗਾ।

ਇਹ ਖਬਰ ਵੀ ਪੜ੍ਹੋ : Canada News: ਕੈਨੇਡਾ ’ਚ ਪੀਆਰ ਸਬੰਧੀ ਟਰੂਡੋ ਸਰਕਾਰ ਸਖਤ, ਐਕਸਪ੍ਰੈਸ ਐਂਟਰੀ ਲਈ ਬਣਾਏ ਇਹ ਨਿਯਮ

ਭਾਰਤ ਦੀ ਕਾਰਜਕਾਰੀ ਕਪਤਾਨ ਸਮ੍ਰਿਤੀ ਮੰਧਾਨਾ ਨੇ ਮੁੰਬਈ ਦੇ ਡੀਵਾਈ ਪਾਟਿਲ ਸਟੇਡੀਅਮ ’ਚ ਜ਼ਬਰਦਸਤ ਪ੍ਰਦਰਸ਼ਨ ਕੀਤਾ। ਉਨ੍ਹਾਂ ਨੇ ਵਿਰੋਧੀ ਟੀਮ ਖਿਲਾਫ ਧਮਾਕੇਦਾਰ ਪਾਰੀ ਖੇਡਦੇ ਹੋਏ ਕਈ ਰਿਕਾਰਡ ਬਣਾਏ। ਇਸ 28 ਸਾਲਾ ਬੱਲੇਬਾਜ਼ ਨੇ 47 ਗੇਂਦਾਂ ’ਚ 13 ਚੌਕਿਆਂ ਤੇ ਇੱਕ ਛੱਕੇ ਦੀ ਮਦਦ ਨਾਲ 77 ਦੌੜਾਂ ਬਣਾਈਆਂ। ਇਸ ਦੌਰਾਨ ਉਨ੍ਹਾਂ ਦਾ ਸਟਰਾਈਕ ਰੇਟ 163.82 ਰਿਹਾ। ਮੰਧਾਨਾ ਦੇ ਲਗਾਤਾਰ ਤੀਜੇ ਅਰਧ ਸੈਂਕੜੇ ਤੇ ਟੀ-20 ’ਚ ਰਿਚਾ ਘੋਸ਼ ਦੇ ਸਭ ਤੋਂ ਤੇਜ਼ ਅਰਧ ਸੈਂਕੜੇ ਦੀ ਬਦੌਲਤ ਭਾਰਤ ਨੇ ਵੈਸਟਇੰਡੀਜ਼ ਖਿਲਾਫ਼ ਤੀਜੇ ਟੀ-20 ’ਚ ਆਪਣਾ ਸਰਵੋਤਮ ਸਕੋਰ ਬਣਾਇਆ। ਭਾਰਤ ਨੇ ਯੂਏਈ ਖਿਲਾਫ਼ ਬਣਾਏ ਪੰਜ ਵਿਕਟਾਂ ’ਤੇ 201 ਦੌੜਾਂ ਦੇ ਸਕੋਰ ਨੂੰ ਪਿੱਛੇ ਛੱਡਦਿਆਂ ਚਾਰ ਵਿਕਟਾਂ ’ਤੇ 217 ਦੌੜਾਂ ਬਣਾਈਆਂ। Smriti Mandhana

ਇਸ ਸੀਰੀਜ਼ ’ਚ ਮੰਧਾਨਾ ਨੂੰ ਲਗਾਤਾਰ ਤਿੰਨ ਮੈਚਾਂ ’ਚ ਅਰਧ ਸੈਂਕੜੇ ਵਾਲੀ ਪਾਰੀ ਖੇਡਣ ਲਈ ‘ਪਲੇਅਰ ਆਫ ਦਿ ਸੀਰੀਜ਼’ ਦਾ ਐਵਾਰਡ ਦਿੱਤਾ ਗਿਆ। ਉਨ੍ਹਾਂ ਨੇ ਕੁੱਲ 193 ਦੌੜਾਂ ਬਣਾਈਆਂ। ਇਸ ਸੀਰੀਜ਼ ’ਚ ਮੰਧਾਨਾ ਨੇ ਕੁੱਲ ਛੇ ਰਿਕਾਰਡ ਬਣਾਏ। ਆਓ ਜਾਣਦੇ ਹਾਂ…

• 193 ਦੌੜਾਂ : ਸਮ੍ਰਿਤੀ ਮੰਧਾਨਾ ਨੇ ਇੱਕ ਦੁਵੱਲੀ ਟੀ-20 ਲੜੀ ’ਚ ਇੱਕ ਭਾਰਤੀ ਮਹਿਲਾ ਵੱਲੋਂ ਸਭ ਤੋਂ ਜ਼ਿਆਦਾ ਦੌੜਾਂ ਬਣਾਉਣ ਦਾ ਰਿਕਾਰਡ ਬਣਾਇਆ ਹੈ। ਉਸ ਨੇ ਤਿੰਨ ਮੈਚਾਂ ’ਚ 159.50 ਦੀ ਸਟਰਾਈਕ ਰੇਟ ਨਾਲ 193 ਦੌੜਾਂ ਬਣਾਈਆਂ। ਇਸ ਦੇ ਨਾਲ ਸਲਾਮੀ ਬੱਲੇਬਾਜ਼ ਨੇ ਸਾਬਕਾ ਕਪਤਾਨ ਮਿਤਾਲੀ ਰਾਜ ਦਾ ਰਿਕਾਰਡ ਤੋੜਿਆ। ਮਿਤਾਲੀ ਨੇ ਫਰਵਰੀ 2018 ’ਚ ਦੱਖਣੀ ਅਫਰੀਕਾ ਖਿਲਾਫ ਸੀਰੀਜ਼ ’ਚ 192 ਦੌੜਾਂ ਬਣਾਈਆਂ ਸਨ।
• 763 : ਭਾਰਤੀ ਬੱਲੇਬਾਜ਼ ਸਮ੍ਰਿਤੀ ਮੰਧਾਨਾ ਮਹਿਲਾ ਟੀ-20 ਅੰਤਰਰਾਸ਼ਟਰੀ ’ਚ ਇੱਕ ਕੈਲੰਡਰ ਸਾਲ ’ਚ ਸਭ ਤੋਂ ਜ਼ਿਆਦਾ ਦੌੜਾਂ ਬਣਾਉਣ ਵਾਲੀ ਖਿਡਾਰੀ ਬਣ ਗਈ ਹੈ। ਉਨ੍ਹਾਂ ਨੇ ਇਸ ਸਾਲ ਖੇਡੇ ਗਏ 23 ਮੈਚਾਂ ’ਚ 763 ਦੌੜਾਂ ਬਣਾਈਆਂ ਤੇ ਇਤਿਹਾਸ ਰਚਿਆ। ਇਸ ਦੇ ਨਾਲ ਮੰਧਾਨਾ ਨੇ ਇਸ ਸਾਲ 21 ਮੈਚਾਂ ’ਚ 720 ਦੌੜਾਂ ਬਣਾਉਣ ਵਾਲੀ ਸ਼੍ਰੀਲੰਕਾ ਦੇ ਕਪਤਾਨ ਚਮਰੀ ਅਟਾਪਟਾਬ ਦਾ ਰਿਕਾਰਡ ਤੋੜਿਆ।
• ਵੈਸਟਇੰਡੀਜ਼ ਖਿਲਾਫ਼ 8 ਵਾਰ 50 ਤੋਂ ਜ਼ਿਆਦਾ ਦੌੜਾਂ ਦਾ ਸਕੋਰ ਬਣਾਇਆ : ਸਮ੍ਰਿਤੀ ਮੰਧਾਨਾ ਨੇ ਇੱਕ ਕੈਲੰਡਰ ਸਾਲ ’ਚ ਖੇਡੇ ਗਏ ਮਹਿਲਾ ਟੀ-20 ਅੰਤਰਰਾਸ਼ਟਰੀ ਮੈਚਾਂ ’ਚ ਸਭ ਤੋਂ ਜ਼ਿਆਦਾ 50+ ਦੌੜਾਂ ਬਣਾਉਣ ਦਾ ਰਿਕਾਰਡ ਬਣਾਇਆ। ਉਸ ਨੇ ਵੈਸਟਇੰਡੀਜ਼ ਖਿਲਾਫ ਅੱਠਵੀਂ ਵਾਰ 77 ਦੌੜਾਂ ਦੀ ਪਾਰੀ ਖੇਡੀ। ਇਸ ਮਾਮਲੇ ਵਿੱਚ ਮੰਧਾਨਾ ਨੇ ਮਿਤਾਲੀ ਰਾਜ ਨੂੰ ਪਿੱਛੇ ਛੱਡ ਦਿੱਤਾ, ਜਿਸ ਨੇ 2018 ’ਚ ਸੱਤ ਵਾਰ 50+ ਦੌੜਾਂ ਬਣਾਈਆਂ ਸਨ।
• 30 : ਮੰਧਾਨਾ ਮਹਿਲਾ ਟੀ-20 ਅੰਤਰਰਾਸ਼ਟਰੀ ਮੈਚਾਂ ’ਚ ਸਭ ਤੋਂ ਵੱਧ 50+ ਸਕੋਰ ਬਣਾਉਣ ਵਾਲੀ ਬੱਲੇਬਾਜ਼ ਵੀ ਬਣ ਗਈ ਹੈ। ਇਸ ਮਾਮਲੇ ’ਚ ਉਸ ਨੇ ਸੂਜ਼ੀ ਬੇਟਸ ਨੂੰ ਪਿੱਛੇ ਛੱਡ ਦਿੱਤਾ, ਜਿਸ ਨੇ ਟੀ-20 ਮੈਚਾਂ ’ਚ 50 ਜਾਂ ਇਸ ਤੋਂ ਵੱਧ ਦੇ 29 ਸਕੋਰ ਬਣਾਏ ਹਨ।
• 77 : ਸਮ੍ਰਿਤੀ ਮੰਧਾਨਾ ਨੇ ਵੈਸਟਇੰਡੀਜ਼ ਦੇ ਖਿਲਾਫ ਮਹਿਲਾ ਟੀ-20 ਅੰਤਰਰਾਸ਼ਟਰੀ ’ਚ ਇੱਕ ਭਾਰਤੀ ਬੱਲੇਬਾਜ਼ ਵੱਲੋਂ ਸਭ ਤੋਂ ਜ਼ਿਆਦਾ ਸਕੋਰ ਬਣਾਇਆ। ਉਸਨੇ ਆਪਣੇ ਨਾਬਾਦ 74 ਦੇ ਆਪਣੇ ਸਕੋਰ ਨੂੰ ਪਾਰ ਕੀਤਾ ਜੋ ਉਸ ਨੇ ਜਨਵਰੀ 2023 ’ਚ ਈਸਟ ਲੰਡਨ ’ਚ ਮਹਿਲਾ ਟੀ-20 ਵਿਸ਼ਵ ਕੱਪ ਦੌਰਾਨ ਬਣਾਇਆ ਸੀ।
• 104 : ਸਮ੍ਰਿਤੀ ਮੰਧਾਨਾ ਟੀ-20 ਅੰਤਰਰਾਸ਼ਟਰੀ ਕ੍ਰਿਕਟ ’ਚ ਇੱਕ ਕੈਲੰਡਰ ਸਾਲ ’ਚ 100 ਜਾਂ ਇਸ ਤੋਂ ਵੱਧ ਚੌਕੇ ਲਗਾਉਣ ਵਾਲੀ ਪਹਿਲੀ ਮਹਿਲਾ ਬੱਲੇਬਾਜ਼ ਬਣੀ। ਹੁਣ ਉਸ ਦੇ ਕੋਲ ਇੱਕ ਕੈਲੰਡਰ ਸਾਲ ’ਚ 104 ਛੱਕੇ ਮਾਰਨ ਦਾ ਰਿਕਾਰਡ ਹੈ। ਇਸ ਮਾਮਲੇ ’ਚ ਉਸ ਨੇ ਹੇਲੀ ਮੈਥਿਊਜ਼ ਨੂੰ ਪਿੱਛੇ ਛੱਡ ਦਿੱਤਾ, ਜਿਸ ਨੇ ਪਿਛਲੇ ਸਾਲ 14 ਮੈਚਾਂ ’ਚ 99 ਚੌਕੇ ਜੜੇ ਸਨ।

ਸੈਮੀਫਾਈਨਲ ’ਚ ਪਹੁੰਚਣ ਲਈ ਵੱਡੀ ਜਿੱਤ ਜ਼ਰੂਰੀ | IND Vs SL

ਸਪੋਰਟਸ ਡੈਸਕ। IND Vs SL: ਮਹਿਲਾ ਟੀਮ ਇੰਡੀਆ ਲਈ ਮਹਿਲਾ ਟੀ-20 ਵਿਸ਼ਵ ਕੱਪ 2024 ਦੇ ਸੈਮੀਫਾਈਨਲ ਦੀ ਦੌੜ ’ਚ ਬਣੇ ਰਹਿਣਾ ਮੁਸ਼ਕਲ ਹੋ ਗਿਆ ਹੈ। ਟੀਮ ਅੱਜ ਆਪਣੇ ਤੀਜੇ ਮੈਚ ’ਚ ਸ਼੍ਰੀਲੰਕਾ ਦਾ ਸਾਹਮਣਾ ਕਰੇਗੀ। ਜੇਕਰ ਭਾਰਤ ਨੇ ਸੈਮੀਫਾਈਨਲ ’ਚ ਪਹੁੰਚਣਾ ਹੈ ਤਾਂ ਉਸ ਨੂੰ ਆਪਣੇ ਬਾਕੀ ਦੋਵੇਂ ਗਰੁੱਪ ਮੈਚ ਵੱਡੇ ਫਰਕ ਨਾਲ ਜਿੱਤਣੇ ਹੋਣਗੇ। ਸ਼੍ਰੀਲੰਕਾ ਤੋਂ ਬਾਅਦ ਟੀਮ ਦਾ ਸਾਹਮਣਾ 13 ਅਕਤੂਬਰ ਨੂੰ ਅਸਟਰੇਲੀਆ ਨਾਲ ਹੋਵੇਗਾ। ਇਸ ਤਰ੍ਹਾਂ ਭਾਰਤ ਨੇ ਮਹਿਲਾ ਟੀ-20 ਕ੍ਰਿਕੇਟ ’ਚ ਸ਼੍ਰੀਲੰਕਾ ’ਤੇ ਦਬਦਬਾ ਬਣਾਇਆ ਹੈ। IND Vs SL

ਇਹ ਵੀ ਪੜ੍ਹੋ : ENG Vs SA: ਮਹਿਲਾ ਵਿਸ਼ਵ ਕੱਪ : ਇੰਗਲੈਂਡ ਗਰੁੱਪ-ਬੀ ਦੇ ਸਿਖਰ ’ਤੇ ਪਹੁੰਚੀ

ਪਰ, ਸ਼੍ਰੀਲੰਕਾ ਨੇ ਇਸ ਸਾਲ ਜੁਲਾਈ ’ਚ ਮਹਿਲਾ ਟੀ-20 ਏਸ਼ੀਆ ਕੱਪ ਦੇ ਫਾਈਨਲ ’ਚ ਭਾਰਤ ਨੂੰ 8 ਵਿਕਟਾਂ ਨਾਲ ਹਰਾ ਕੇ ਖਿਤਾਬ ਜਿੱਤਿਆ ਸੀ। ਅਜਿਹੇ ’ਚ ਭਾਰਤੀ ਟੀਮ ਨੂੰ ਸਾਵਧਾਨ ਰਹਿਣਾ ਹੋਵੇਗਾ। ਭਾਰਤੀ ਮਹਿਲਾ ਟੀਮ ਨੇ ਟੀ-20 ਵਿਸ਼ਵ ਕੱਪ ’ਚ ਸ਼੍ਰੀਲੰਕਾ ’ਤੇ ਦਬਦਬਾ ਬਣਾ ਲਿਆ ਹੈ। ਵਿਸ਼ਵ ਕੱਪ ’ਚ ਦੋਵਾਂ ਵਿਚਾਲੇ ਹੁਣ ਤੱਕ 5 ਮੈਚ ਖੇਡੇ ਜਾ ਚੁੱਕੇ ਹਨ। ਇਸ ’ਚ ਭਾਰਤ ਨੇ 4 ਮੈਚ ਜਿੱਤੇ ਹਨ ਤੇ ਸ਼੍ਰੀਲੰਕਾ ਨੇ 1 ਮੈਚ ਜਿੱਤਿਆ ਹੈ। IND Vs SL

ਦੋਵਾਂ ਟੀਮਾਂ ਦੇ ਦਿਲਚਸਪ ਤੱਥਾਂ ਤੇ ਰਿਕਾਰਡਾਂ ਤੋਂ ਪਹਿਲਾਂ ਮੈਚ ਦੇ ਵੇਰਵੇ

• ਟੂਰਨਾਮੈਂਟ : ਮਹਿਲਾ ਟੀ-20 ਵਿਸ਼ਵ ਕੱਪ
• ਟੀਮਾਂ : ਭਾਰਤ ਬਨਾਮ ਸ਼੍ਰੀਲੰਕਾ
• ਕਦੋਂ : 9 ਅਕਤੂਬਰ
• ਕਿੱਥੇ : ਅੰਤਰਰਾਸ਼ਟਰੀ ਕ੍ਰਿਕੇਟ ਸਟੇਡੀਅਮ, ਦੁਬਈ
• ਟਾਸ : ਸ਼ਾਮ 7 ਵਜੇ/ਮੈਚ ਸ਼ੁਰੂ: ਸ਼ਾਮ 7:30 ਵਜੇ।

ਦੋਵਾਂ ਗਰੁੱਪਾਂ ਦੀਆਂ ਟਾਪ-2 ਟੀਮਾਂ ਸੈਮੀਫਾਈਨਲ ’ਚ ਪ੍ਰਵੇਸ਼ ਕਰਨਗੀਆਂ

ਮਹਿਲਾ ਟੀ-20 ਵਿਸ਼ਵ ਕੱਪ ’ਚ ਸਿਰਫ 10 ਟੀਮਾਂ ਹੀ ਹਿੱਸਾ ਲੈ ਰਹੀਆਂ ਹਨ। 5 ਟੀਮਾਂ ਨੂੰ 2 ਗਰੁੱਪਾਂ ’ਚ ਵੰਡਿਆ ਗਿਆ ਹੈ। ਭਾਰਤੀ ਟੀਮ ਗਰੁੱਪ-ਏ ’ਚ ਹੈ। ਭਾਰਤ ਤੋਂ ਇਲਾਵਾ ਇਸ ਗਰੁੱਪ ’ਚ ਨਿਊਜੀਲੈਂਡ, ਅਸਟਰੇਲੀਆ, ਪਾਕਿਸਤਾਨ ਤੇ ਸ਼੍ਰੀਲੰਕਾ ਸ਼ਾਮਲ ਹਨ। ਇੱਕ ਟੀਮ ਗਰੁੱਪ ਪੜਾਅ ’ਚ 4 ਮੈਚ ਖੇਡੇਗੀ। ਗਰੁੱਪ ਗੇੜ ਦੀ ਸਮਾਪਤੀ ਤੋਂ ਬਾਅਦ, ਅੰਕ ਸੂਚੀ ਵਿੱਚ ਸਿਖਰ ’ਤੇ ਰਹਿਣ ਵਾਲੀਆਂ ਦੋ ਟੀਮਾਂ ਸੈਮੀਫਾਈਨਲ ਵਿੱਚ ਪ੍ਰਵੇਸ਼ ਕਰਨਗੀਆਂ।

ਮੈਚ ਦੀ ਮਹੱਤਤਾ | IND Vs SL

ਇਸ ਵਿਸ਼ਵ ਕੱਪ ’ਚ ਦੋਵਾਂ ਟੀਮਾਂ ਦਾ ਇਹ ਤੀਜਾ ਮੈਚ ਹੋਵੇਗਾ। ਭਾਰਤ ਨੂੰ ਪਹਿਲੇ ਮੈਚ ’ਚ ਨਿਊਜੀਲੈਂਡ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਟੀਮ ਨੇ ਦੂਜੇ ਮੈਚ ’ਚ ਵਿਰੋਧੀ ਪਾਕਿਸਤਾਨ ਨੂੰ ਹਰਾਇਆ ਸੀ। ਦੂਜੇ ਪਾਸੇ, ਸ਼੍ਰੀਲੰਕਾ ਆਪਣੇ ਦੋਵੇਂ ਮੈਚ ਹਾਰਨ ਤੋਂ ਬਾਅਦ ਗਰੁੱਪ ਏ ਦੇ ਅੰਕ ਸੂਚੀ ’ਚ ਸਭ ਤੋਂ ਹੇਠਲੇ 5ਵੇਂ ਸਥਾਨ ’ਤੇ ਹੈ। ਇਹ ਮੈਚ ਭਾਰਤ ਲਈ ਬਹੁਤ ਮਹੱਤਵਪੂਰਨ ਹੋਵੇਗਾ। ਕਿਉਂਕਿ ਇਸ ਗਰੁੱਪ ’ਚੋਂ ਟਾਪ-2 ਟੀਮਾਂ ਸੈਮੀਫਾਈਨਲ ਲਈ ਕੁਆਲੀਫਾਈ ਕਰਨਗੀਆਂ, ਭਾਰਤੀ ਟੀਮ ਇਹ ਮੈਚ ਵੱਡੇ ਫਰਕ ਨਾਲ ਜਿੱਤ ਕੇ ਦੌੜ ’ਚ ਬਣੇ ਰਹਿਣਾ ਚਾਹੇਗੀ। ਭਾਰਤ ਚੌਥੇ ਸਥਾਨ ’ਤੇ ਹੈ।

ਸ਼੍ਰੀਲੰਕਾ ’ਤੇ ਦਬਦਬਾ ਹੈ ਭਾਰਤੀ ਟੀਮ ਦਾ

ਭਾਰਤੀ ਮਹਿਲਾ ਟੀਮ ਨੇ ਟੀ-20 ਕ੍ਰਿਕੇਟ ’ਚ ਸ਼੍ਰੀਲੰਕਾ ’ਤੇ ਦਬਦਬਾ ਬਣਾਇਆ ਹੋਇਆ ਹੈ। ਦੋਵਾਂ ਵਿਚਾਲੇ 2009 ਤੋਂ ਹੁਣ ਤੱਕ 25 ਮੈਚ ਖੇਡੇ ਜਾ ਚੁੱਕੇ ਹਨ। ਇਸ ’ਚ ਭਾਰਤ ਨੇ 19 ਮੈਚ ਜਿੱਤੇ ਤੇ ਸ਼੍ਰੀਲੰਕਾ ਨੇ 5 ਮੈਚ ਜਿੱਤੇ। ਜਦਕਿ 1 ਮੈਚ ਨਿਰਣਾਇਕ ਰਿਹਾ। ਦੋਵਾਂ ਵਿਚਾਲੇ ਆਖਰੀ ਟੀ-20 ਮੈਚ ਇਸ ਸਾਲ ਜੁਲਾਈ ’ਚ ਖੇਡੇ ਗਏ ਏਸ਼ੀਆ ਕੱਪ ਦਾ ਫਾਈਨਲ ਸੀ। ਜਿਸ ’ਚ ਸ਼੍ਰੀਲੰਕਾ ਨੇ 8 ਵਿਕਟਾਂ ਨਾਲ ਜਿੱਤ ਦਰਜ ਕੀਤੀ। IND Vs SL

ਹਰਮਨਪ੍ਰੀਤ ਕੌਰ ਸਭ ਤੋਂ ਵੱਧ ਸਕੋਰਰ | IND Vs SL

ਭਾਰਤ ਵੱਲੋਂ ਕਪਤਾਨ ਹਰਮਨਪ੍ਰੀਤ ਕੌਰ ਸਭ ਤੋਂ ਵੱਧ ਸਕੋਰਰ ਰਹੀ। ਹਰਮਨਪ੍ਰੀਤ ਪਿਛਲੇ ਮੈਚ ’ਚ 29 ਦੌੜਾਂ ਬਣਾ ਕੇ ਰਿਟਾਇਰ ਹਰਟ ਹੋ ਗਈ ਸੀ। ਗੇਂਦਬਾਜੀ ’ਚ ਅਰੁੰਧਤੀ ਰੈੱਡੀ ਚੋਟੀ ’ਤੇ ਹੈ। ਸਮ੍ਰਿਤੀ ਮੰਧਾਨਾ ਇਸ ਸਾਲ ਟੀ-20 ਕ੍ਰਿਕੇਟ ’ਚ 514 ਦੌੜਾਂ ਦੇ ਨਾਲ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੀ ਭਾਰਤੀ ਬੱਲੇਬਾਜ ਹੈ। ਪਰ ਨਿਊਜੀਲੈਂਡ ਅਤੇ ਪਾਕਿਸਤਾਨ ਖਿਲਾਫ ਉਸ ਦਾ ਬੱਲਾ ਕੰਮ ਨਹੀਂ ਕਰ ਸਕਿਆ। ਭਾਰਤ ਦੀ ਬੱਲੇਬਾਜੀ ਲਾਈਨਅੱਪ ’ਚ ਡੂੰਘਾਈ ਹੈ, ਪਰ ਪਿਛਲੇ ਦੋ ਮੈਚਾਂ ’ਚ ਕੋਈ ਵੀ ਬੱਲੇਬਾਜ ਵੱਡੀ ਪਾਰੀ ਨਹੀਂ ਖੇਡ ਸਕਿਆ। ਅੱਜ ਜਿੱਤਣ ਲਈ ਟੀਮ ਨੂੰ ਬੱਲੇਬਾਜੀ ਤੇ ਗੇਂਦਬਾਜੀ ਦੋਵਾਂ ਵਿਭਾਗਾਂ ’ਚ ਸਿਖਰਲਾ ਪ੍ਰਦਰਸ਼ਨ ਦੇਣਾ ਹੋਵੇਗਾ।

ਹਰਮਨਪ੍ਰੀਤ ਕੌਰ ਤੇ ਪੂਜਾ ਜਖਮੀ

ਭਾਰਤੀ ਕਪਤਾਨ ਹਰਮਨਪ੍ਰੀਤ ਕੌਰ ਪਿਛਲੇ ਮੈਚ ਵਿੱਚ ਜਖਮੀ ਹੋ ਗਈ ਸੀ। ਇਸ ਕਾਰਨ ਉਸ ਨੂੰ ਰਿਟਾਇਰਮੈਂਟ ਹਾਰਟ ਲੈਣਾ ਪਿਆ। ਟੀਮ ਮੈਨੇਜਮੈਂਟ ਨੇ ਅਜੇ ਤੱਕ ਉਸ ਦੀ ਸੱਟ ਬਾਰੇ ਕੋਈ ਅਪਡੇਟ ਨਹੀਂ ਦਿੱਤੀ ਹੈ। ਤੇਜ ਗੇਂਦਬਾਜ ਪੂਜਾ ਵਸਤਰਕਾਰ ਵੀ ਜਖਮੀ ਹੈ। ਪੂਜਾ ਪਿਛਲੇ ਮੈਚ ’ਚ ਵੀ ਨਹੀਂ ਖੇਡ ਸਕੀ ਸੀ।

ਪਿਚ ਰਿਪੋਰਟ ਤੇ ਰਿਕਾਰਡ | IND Vs SL

ਭਾਰਤ ਦਾ ਇਸ ਟੂਰਨਾਮੈਂਟ ਦਾ ਤੀਜਾ ਮੈਚ ਵੀ ਦੁਬਈ ਇੰਟਰਨੈਸ਼ਨਲ ਸਟੇਡੀਅਮ ’ਚ ਖੇਡਿਆ ਜਾਣਾ ਹੈ। ਇੱਥੇ ਦੀ ਪਿੱਚ ਬੱਲੇਬਾਜੀ ਦੇ ਅਨੁਕੂਲ ਹੈ। ਤੇਜ ਗੇਂਦਬਾਜਾਂ ਨੂੰ ਵੀ ਸ਼ੁਰੂਆਤ ’ਚ ਮਦਦ ਮਿਲ ਸਕਦੀ ਹੈ। ਇਸ ਸਟੇਡੀਅਮ ’ਚ ਹੁਣ ਤੱਕ 9 ਮਹਿਲਾ ਟੀ-20 ਮੈਚ ਖੇਡੇ ਜਾ ਚੁੱਕੇ ਹਨ। ਇਸ ’ਚ ਪਹਿਲਾਂ ਬੱਲੇਬਾਜੀ ਕਰਨ ਵਾਲੀ ਟੀਮ ਨੇ 3 ਮੈਚ ਜਿੱਤੇ ਹਨ ਤੇ ਪਿੱਛਾ ਕਰਨ ਵਾਲੀ ਟੀਮ ਨੇ 6 ਮੈਚ ਜਿੱਤੇ ਹਨ।

ਮੌਸਮ ਦੀ ਸਥਿਤੀ | IND Vs SL

ਦੁਬਈ ’ਚ ਬੁੱਧਵਾਰ ਨੂੰ ਬਹੁਤ ਤੇਜ ਧੁੱਪ ਤੇ ਗਰਮੀ ਹੋਵੇਗੀ। ਮੈਚ ਵਾਲੇ ਦਿਨ ਇੱਥੇ ਤਾਪਮਾਨ 29 ਤੋਂ 37 ਡਿਗਰੀ ਸੈਲਸੀਅਸ ਦੇ ਵਿਚਕਾਰ ਰਹੇਗਾ। ਮੀਂਹ ਦੀ ਕੋਈ ਸੰਭਾਵਨਾ ਨਹੀਂ ਹੈ। ਹਵਾ ਦੀ ਰਫਤਾਰ 15 ਕਿਲੋਮੀਟਰ ਪ੍ਰਤੀ ਘੰਟਾ ਹੋਵੇਗੀ।

ਦੋਵਾਂ ਟੀਮਾਂ ਦੀ ਸੰਭਾਵਿਤ ਪਲੇਇੰਗ-11

ਭਾਰਤ : ਹਰਮਨਪ੍ਰੀਤ ਕੌਰ (ਕਪਤਾਨ), ਸਮ੍ਰਿਤੀ ਮੰਧਾਨਾ, ਸ਼ੈਫਾਲੀ ਵਰਮਾ, ਜੇਮੀਮਾ ਰੌਡਰਿਗਜ, ਰਿਚਾ ਘੋਸ਼ (ਵਿਕਟਕੀਪਰ), ਸਜਨਾ ਸਜੀਵਨ, ਦੀਪਤੀ ਸ਼ਰਮਾ, ਅਰੁੰਧਤੀ ਰੈਡੀ, ਸ਼੍ਰੇਅੰਕਾ ਪਾਟਿਲ, ਆਸ਼ਾ ਸ਼ੋਭਨਾ ਤੇ ਰੇਣੁਕਾ ਸਿੰਘ।

ਸ਼੍ਰੀਲੰਕਾ : ਚਮਾਰੀ ਅਟਾਪੱਟੂ (ਕਪਤਾਨ), ਵਿਸਾਮੀ ਗੁਣਾਰਤਨ, ਹਰਸ਼ਿਤਾ ਸਮਰਾਵਿਕਰਮਾ, ਕਵੀਸਾ ਦਿਲਹਾਰੀ, ਨੀਲਕਸ਼ਿਕਾ ਸਿਲਵਾ, ਹਸੀਨੀ ਪਰੇਰਾ, ਅਨੁਸ਼ਕਾ ਸੰਜੀਵਨੀ, ਸੁਗੰਧਿਕਾ ਕੁਮਾਰੀ, ਇਨੋਸੀ ਪ੍ਰਿਆਦਰਿਸ਼ਨੀ, ਉਦੇਸ਼ਿਕਾ ਪ੍ਰਬੋਧਿਨੀ ਤੇ ਇਨੋਕਾ ਰਣਵੀਰਾ।

ਭਾਰਤੀ ਟੀਮ ਨੂੰ ਫਾਈਨਲ ’ਚ 8 ਵਿਕਟਾਂ ਨਾਲ ਹਰਾਇਆ

• ਅਟਾਪੱਟੂ-ਹਰਸ਼ਿਤਾ ਦੇ ਅਰਧਸੈਂਕੜੇ | Woman Asia Cup Final

ਸਪੋਰਟਸ ਡੈਸਕ। Woman Asia Cup Final : ਸ਼੍ਰੀਲੰਕਾਈ ਮਹਿਲਾ ਟੀਮ ਨੇ ਇਤਿਹਾਸ ਰਚਦੇ ਹੋਏ ਮਹਿਲਾ ਏਸ਼ੀਆ ਕੱਪ 2024 ਦਾ ਖਿਤਾਬ ਜਿੱਤ ਲਿਆ ਹੈ। ਟੀਮ ਨੇ ਫਾਈਨਲ ’ਚ ਭਾਰਤੀ ਟੀਮ ਨੂੰ 8 ਵਿਕਟਾਂ ਨਾਲ ਹਰਾ ਦਿੱਤਾ। ਸ਼੍ਰੀਲੰਕਾ ਵੱਲੋਂ ਕਪਤਾਨ ਅਟਾਪੱਟੂ ਨੇ 61 ਤੇ ਹਰਸ਼ਿਤਾ ਨੇ 69 ਦੌੜਾਂ ਦੀਆਂ ਪਾਰੀਆਂ ਖੇਡੀਆਂ। ਦੋਵਾਂ ਵਿਚਕਾਰ 87 ਦੌੜਾਂ ਦੀ ਸਾਂਝੇਦਾਰੀ ਹੋਈ। 2004 ’ਚ ਸ਼ੁਰੂ ਹੋਏ ਮਹਿਲਾ ਏਸ਼ੀਆ ਕੱਪ ਤੋਂ ਬਾਅਦ ਹੁਣ ਇਸ ਵਾਰ ਸ਼੍ਰੀਲੰਕਾ ਪਹਿਲੀ ਵਾਰ ਚੈਂਪੀਅਨ ਬਣੀ ਹੈ, ਟੀਮ ਇਸ ਤੋਂ ਪਹਿਲਾਂ 5 ਵਾਰ ਫਾਈਨਲ ’ਚ ਹਾਰੀ ਹੈ। ਨਾਲ ਹੀ ਭਾਰਤ ਨੇ ਦੂਜੀ ਵਾਰ ਮਹਿਲਾ ਏਸ਼ੀਆ ਕੱਪ ਦਾ ਫਾਈਨਲ ਗੁਆਇਆ ਹੈ। ਟੀਮ ਨੂੰ ਇਸ ਤੋਂ ਪਹਿਲਾਂ 2018 ’ਚ ਬੰਗਲਾਦੇਸ਼ ਨੇ ਹਰਾਇਆ ਸੀ। ਭਾਰਤ ਨੇ 7 ਵਾਰ ਮਹਿਲਾ ਏਸ਼ੀਆ ਕੱਪ ਜਿੱਤਿਆ ਹੈ। Woman Asia Cup Final

ਭਾਰਤ ਵੱਲੋਂ ਸਮ੍ਰਿਤੀ ਮੰਧਾਨਾਂ ਦਾ ਅਰਧਸੈਂਕੜਾ | Woman Asia Cup Final

ਦਾਂਬੁਲਾ ’ਚ ਭਾਰਤ ਨੇ ਟਾਸ ਜਿੱਤਿਆ ਤੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਟੀਮ ਨੇ 20 ਓਵਰਾਂ ’ਚ 165 ਦੌੜਾਂ ਦਾ ਸਕੋਰ ਬਣਾਇਆ। ਸਮ੍ਰਿਤੀ ਮੰਧਾਨਾ ਨੇ ਅਰਧਸੈਂਕੜਾ ਜੜਿਆ। ਜੇਮਿਮਾ ਰੌਡਰਿਗਜ਼ ਨੇ 29 ਤੇ ਰਿਚਾ ਘੋਸ਼ ਨੇ 30 ਦੌੜਾਂ ਬਣਾਈਆਂ। ਸ਼੍ਰੀਲੰਕਾ ਵੱਲੋਂ ਕਵਿਸ਼ਾ ਦਿਲਹਾਰੀ ਨੇ 2 ਵਿਕਟਾਂ ਲਈਆਂ। ਜਵਾਬ ’ਚ ਸ਼੍ਰੀਲੰਕਾਈ ਮਹਿਲਾ ਟੀਮ ਨੇ ਇਹ ਟੀਚਾ 19 ਓਵਰਾਂ ’ਚ ਹੀ 2 ਵਿਕਆਂ ਗੁਆ ਕੇ ਹਾਸਲ ਕਰ ਲਿਆ। ਟੀਮ ਵੱਲੋਂ ਕਵਿਸ਼ਾ ਦਿਲਹਾਰੀ 30 ਦੌੜਾਂ ਬਣਾ ਕੇ ਨਾਟਆਊਟ ਰਹੀ, ਉਨ੍ਹਾਂ ਨੇ ਪੂਜਾ ਵਸਤਰਕਾਰ ਖਿਲਾਫ ਜੇਤੂ ਛੱਕਾ ਜੜਿਆ। ਭਾਰਤ ਵੱਲੋਂ ਦੀਪਤੀ ਸ਼ਰਮਾ ਨੇ ਇੱਕ ਵਿਕਟ ਲਈ। ਇੱਕ ਬੱਲੇਬਾਜ਼ ਰਨਆਊਟ ਹੋਈ। Woman Asia Cup Final

ਦੋਵਾਂ ਟੀਮਾਂ ਨੇ ਇਸ ਟੂਰਨਾਮੈਂਟ ਦੇ ਸਾਰੇ ਮੈਚ ਜਿੱਤੇ | Woman Asia Cup Final

• ਟੂਰਨਾਮੈਂਟ ’ਚ ਭਾਰਤੀ ਟੀਮ ਦਾ ਪੱਲਾ ਭਾਰੀ
• ਪਿੱਛਲੀ ਵਾਰ ਦੀ ਚੈਂਪੀਅਨ ਹੈ ਭਾਰਤੀ ਟੀਮ

ਸਪੋਰਟਸ ਡੈਸਕ। ਮਹਿਲਾ ਏਸ਼ੀਆ ਕੱਪ ਦਾ ਫਾਈਨਲ ਮੁਕਾਬਲਾ ਅੱਜ ਭਾਰਤ ਤੇ ਸ਼੍ਰੀਲੰਕਾ ਵਿਚਕਾਰ ਖੇਡਿਆ ਜਾਵੇਗਾ। ਇਹ ਮੈਚ ਅੱਜ ਦੁਪਹਿਰ 3 ਵਜੇ ਰੰਗੀਰੀ ਦਾਂਬੁਲਾ ਕੌਮਾਂਤਰੀ ਕ੍ਰਿਕੇਟ ਸਟੇਡੀਅਮ, ਸ਼੍ਰੀਲੰਕਾ ਸਟੇਡੀਅਮ ’ਚ ਖੇਡਿਆ ਜਾਵੇਗਾ। ਟੂਰਨਾਮੈਂਟ ’ਚ ਅੱਜੇ ਤੱਕ ਦੋਵਾਂ ਟੀਮਾਂ ਦਾ ਪ੍ਰਦਰਸ਼ਨ ਸ਼ਾਨਦਾਰ ਰਿਹਾ ਹੈ। ਦੋਵੇਂ ਹੀ ਟੀਮਾਂ ਨੇ ਇਸ ਏਸ਼ੀਆ ਕੱਪ ’ਚ ਇੱਕ ਵੀ ਮੈਚ ਨਹੀਂ ਹਾਰਿਆ ਹੈ। ਭਾਰਤੀ ਟੀਮ ਨੌਵੀਂ ਵਾਰ ਏਸ਼ੀਆ ਕੱਪ ਦਾ ਫਾਈਨਲ ਖੇਡ ਰਹੀ ਹੈ, ਜਦਕਿ ਸ਼੍ਰੀਲੰਕਾ ਛੇਵੀਂ ਵਾਰ ਫਾਈਨਲ ’ਚ ਪਹੁੰਚੀ ਹੈ। ਦੋਵੇਂ ਟੀਮਾਂ ਲਗਾਤਾਰ ਦੂਜੀ ਵਾਰ ਤੇ ਕੁੱਲ ਛੇਵੀਂ ਵਾਰ ਫਾਈਨਲ ’ਚ ਆਹਮੋ-ਸਾਹਮਣੇ ਹੋਣਗੀਆਂ। ਏਸ਼ੀਆ ਕੱਪ ਦੇ ਹਰ ਫਾਈਨਲ ’ਚ ਭਾਰਤੀ ਮਹਿਲਾ ਟੀਮ ਨੇ ਸ਼੍ਰੀਲੰਕਾ ਦੀ ਮਹਿਲਾ ਟੀਮ ਨੂੰ ਹਰਾਇਆ ਹੈ। Woman Asia Cup Final

ਹੁਣ ਮੈਚ ਸਬੰਧੀ ਜਾਣਕਾਰੀ | Woman Asia Cup Final

• ਟੂਰਨਾਮੈਂਟ : ਮਹਿਲਾ ਏਸ਼ੀਆ ਕੱਪ
• ਮੈਚ : ਫਾਈਨਲ ਮੁਕਾਬਲਾ
• ਟੀਮਾਂ : ਭਾਰਤ ਬਨਾਮ ਸ਼੍ਰੀਲੰਕਾ
• ਮਿਤੀ : 28 ਜੁਲਾਈ
• ਟਾਸ : ਦੁਪਹਿਰ 2:30 ਵਜੇ, ਮੈਚ ਸ਼ੁਰੂ : ਦੁਪਹਿਰ 3:00 ਵਜੇ
• ਸਟੇਡੀਅਮ : ਰੰਗੀਰੀ ਦਾਂਬੁਲਾ ਕੌਮਾਂਤਰੀ ਸਟੇਡੀਅਮ, ਸ਼੍ਰੀਲੰਕਾ

ਦੋਵੇਂ ਟੀਮਾਂ ਇਸ ਟੂਰਨਾਮੈਂਟ ’ਚ ਅਜੇਅ

ਭਾਰਤੀ ਮਹਿਲਾ ਟੀਮ ਹੁਣ ਫਾਰਮ ’ਚ ਹੈ। ਭਾਰਤੀ ਟੀਮ ਨੇ ਆਪਣੇ ਪਹਿਲੇ ਮੈਚ ’ਚ ਪਾਕਿਸਤਾਨ ਨੂੰ, ਦੂਜੇ ਮੈਚ ’ਚ ਯੂਏਈ ਨੂੰ, ਤੀਜੇ ਮੈਚ ’ਚ ਨੇਪਾਲ ਨੂੰ ਤੇ ਸੈਮੀਫਾਈਨਲ ਮੁਕਾਬਲੇ ’ਚ ਬੰਗਲਾਦੇਸ਼ ਨੂੰ ਹਰਾਇਆ ਹੈ। ਦੂਜੇ ਪਾਸੇ ਸ਼੍ਰੀਲੰਕਾ ਦੀ ਟੀਮ ਨੇ ਪਹਿਲੇ ਮੈਚ ’ਚ ਬੰਗਲਾਦੇਸ਼ ਨੂੰ, ਦੂਜੇ ਮੈਚ ’ਚ ਮਲੇਸ਼ੀਆ, ਤੀਜੇ ਮੈਚ ’ਚ ਥਾਈਲੈਂਡ ਤੇ ਸੈਮੀਫਾਈਨਲ ’ਚ ਪਾਕਿਸਤਾਨ ਨੂੰ ਹਰਾਇਆ ਹੈ।

ਮੌਸਮ ਸਬੰਧੀ ਰਿਪੋਰਟ

ਮੈਚ ਵਾਲੇ ਦਿਨ ਭਾਵ ਅੱਜ ਇਸ ਦਿਨ ਮੀਂਹ ਦੀ ਸੰਭਾਵਨਾ ਹੈ। ਮਹਿਲਾ ਏਸ਼ੀਆ ਕੱਪ 2024 ਫਾਈਨਲ ਮੈਚ ਦੌਰਾਨ ਮੌਸਮ ਥੋੜਾ-ਬਹੁਤ ਬਦਲੇਗਾ। ਮੈਚ ਵਾਲੇ ਦਿਨ ਦਾ ਤਾਪਮਾਨ 29 ਤੋਂ 23 ਡਿਗਰੀ ਵਿਚਕਾਰ ਰਹਿਣ ਦੀ ਸੰਭਾਵਨਾ ਹੈ।

ਟਾਸ ਦਾ ਰੋਲ ਤੇ ਪਿੱਚ ਰਿਪੋਰਟ

ਰੰਗੀਰੀ ਦਾਂਬੁਲਾ ਕ੍ਰਿਕੇਟ ਸਟੇਡੀਅਮ ’ਚ ਅੱਜ ਤੱਕ ਕੁੱਲ 17 ਮਹਿਲਾ ਟੀ20 ਕੌਮਾਂਤਰੀ ਕ੍ਰਿਕੇਟ ਮੁਕਾਬਲੇ ਖੇਡੇ ਗਏ ਹਨ। ਇਹ ਮੈਦਾਨ ’ਤੇ ਟਾਸ ਜਿੱਤਣ ਵਾਲੀ ਟੀਮ ਨੇ ਪਹਿਲਾਂ ਗੇਂਦਬਾਜ਼ੀ ਕਰਦੇ ਹੋਏ 11 ਮੈਚਾਂ ’ਚ ਜਿੱਤ ਹਾਸਲ ਕੀਤੀ ਹੈ। ਦੋਵਾਂ ਹੀ ਟੀਮਾਂ ਦੇ ਕਪਤਾਨ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕਰਨਾ ਚਾਹੁਣਗੇ। ਦਾਂਬੁਲਾ ਕ੍ਰਿਕੇਟ ਸਟੇਡੀਅਮ ਦੀ ਪਿੱਚ ਗੇਂਦਬਾਜ਼ਾਂ ਲਈ ਸਹੀ ਮੰਨੀ ਜਾਂਦੀ ਹੈ। Woman Asia Cup Final

ਦੋਵਾਂ ਟੀਮਾਂ ਦੀ ਸੰਭਾਵਿਤ ਪਲੇਇੰਗ-11

ਭਾਰਤ : ਹਰਮਨਪ੍ਰੀਤ ਕੌਰ (ਕਪਤਾਨ), ਸਮ੍ਰਿਤੀ ਮੰਧਾਨਾ, ਸ਼ੈਫਾਲੀ ਵਰਮਾ, ਉਮਾ ਛੇਤਰੀ, ਜੇਮਿਮਾ ਰੌਡਰਿਗਜ਼, ਰਿਚਾ ਘੋਸ਼, ਪੂਜਾ ਵਸਤਰਕਾਰ, ਦੀਪਤੀ ਸ਼ਰਮਾ, ਰੇਣੁਕਾ ਸਿੰਘ, ਰਾਧਾ ਯਾਦਵ ਤੇ ਤਨੁਜਾ ਕੰਵਰ।

ਸ਼੍ਰੀਲੰਕਾ : ਚਮਾਰੀ ਅਥਾਰਪੱਥੂ (ਕਪਤਾਨ), ਵਿਸ਼ਮੀ ਗੁਣਾਰਤਨ, ਹਰਸ਼ਿਤਾ ਸਮਰਾਵਿਕਰਮਾ, ਹਸੀਨੀ ਪਰੇਰਾ, ਅਨੁਸ਼ਕਾ ਸੰਜੀਵਨੀ (ਵਿਕਟਕੀਪਰ), ਕਵੀਸ਼ਾ ਦਿਲਹਾਰੀ, ਨੀਲਾਕਸ਼ੀ ਡੀ ਸਿਲਵਾ, ਇਨੋਸ਼ੀ ਪ੍ਰਿਯਾਦਰਸ਼ਿਨੀ, ਉਦੇਸ਼ਿਕਾ ਪ੍ਰਬੋਧਨੀ, ਸੁਗੰੰਧਿਕਾ ਕੁਮਾਰੀ ਤੇ ਅਚਿਨੀ ਕੁਲਸੁਰਿਆ। Woman Asia Cup Final

ਸਮ੍ਰਿਤੀ ਮੰਧਾਨਾ ਦਾ ਅਰਧਸੈਂਕੜਾ | IND vs BAN

ਸਪੋਰਟਸ ਡੈਸਕ। ਮਹਿਲਾ ਏਸ਼ੀਆ ਕੱਪ ਦਾ ਪਹਿਲਾ ਸੈਮੀਫਾਈਨਲ ਅੱਜ ਭਾਰਤ ਤੇ ਬੰਗਲਾਦੇਸ਼ ਵਿਚਕਾਰ ਖੇਡਿਆ ਗਿਆ, ਜਿੱਥੇ ਭਾਰਤੀ ਟੀਮ ਨੇ ਫਾਈਨਲ ‘ਚ ਜਗ੍ਹਾ ਬਣਾ ਲਈ। ਭਾਰਤ ਦਾ ਸੈਮੀਫਾਈਨਲ ਮੁਕਾਬਲਾ ਬੰਗਲਾਦੇਸ਼ ਨਾਲ ਸੀ, ਜਿਸ ਵਿੱਚ ਭਾਰਤੀ ਟੀਮ ਨੇ ਬੰਗਲਾਦੇਸ਼ੀ ਟੀਮ ਨੂੰ 10 ਵਿਕਟਾਂ ਨਾਲ ਹਰਾ ਦਿੱਤਾ। ਇਸ ਮੈਚ ‘ਚ ਬੰਗਲਾਦੇਸ਼ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਸੀ, ਜਿਸ ਵਿੱਚ ਬੰਗਲਾਦੇਸ਼ੀ ਮਹਿਲਾ ਟੀਮ ਆਪਣੇ 20 ਓਵਰਾਂ ‘ਚ 8 ਵਿਕਟਾਂ ਗੁਆ ਕੇ ਸਿਰਫ 80 ਦੌੜਾਂ ਹੀ ਬਣਾ ਸਕੀ। ਭਾਰਤੀ ਟੀਮ ਵੱਲੋਂ ਰਾਧਾ ਯਾਦਵ ਨੇ ਰੇਣੁਕਾ ਸਿੰਘ ਨੇ 3-3 ਵਿਕਟਾਂ ਹਾਸਲ ਕੀਤੀਆਂ। ਪੂਜਾ ਵਸਤਰਕਾਰ ਤੇ ਦੀਪਤੀ ਸ਼ਰਮਾ ਨੂੰ 1-1 ਵਿਕਟ ਮਿਲੀ। IND vs BAN

Read This : Hardik Pandya: ਹਾਰਦਿਕ ਨੂੰ ਟੀ20 ’ਚ ਕਪਤਾਨੀ ਤੋਂ ਹਟਾਉਣ ਦਾ ਇਹ ਵੱਡਾ ਕਾਰਨ ਆਇਆ ਸਾਹਮਣੇ, ਜਾਣੋ

ਜਵਾਬ ‘ਚ ਟੀਚੇ ਦਾ ਪਿੱਛਾ ਕਰਨ ਆਈ ਭਾਰਤੀ ਟੀਮ ਨੇ ਤੇਜ਼ ਸ਼ੁਰੂਆਤ ਕੀਤੀ, ਸਮ੍ਰਿਤੀ ਮੰਧਾਨਾ ਤੇ ਸ਼ੈਫਾਲੀ ਵਰਮਾ ਵਿਚਕਾਰ ਪਹਿਲੇ ਵਿਕਟ ਲਈ 81 ਦੌੜਾਂ ਦੀ ਸਾਂਝੇਦਾਰੀ ਹੋਈ। ਬੰਗਲਾਦੇਸ਼ੀ ਮਹਿਲਾ ਟੀਮ ਦੀ ਕੋਈ ਵੀ ਗੇਂਦਬਾਜ਼ ਕੁਝ ਖਾਸ ਨਹੀਂ ਕਰ ਸਕੀ। ਸਮ੍ਰਿਤੀ ਮੰਧਾਨਾ ਨੇ 55 ਦੌੜਾਂ ਜਦਕਿ ਸ਼ੈਫਾਲੀ ਵਰਮਾ ਨੇ 26 ਦੌੜਾਂ ਦੀ ਪਾਰੀ ਖੇਡੀ। ਭਾਰਤੀ ਟੀਮ ਨੇ ਬੰਗਲਾਦੇਸ਼ ਵੱਲੋਂ ਦਿੱਤੇ ਗਏ ਟੀਚੇ ਨੂੰ 11 ਓਵਰਾਂ ‘ਚ ਹੀ ਹਾਸਲ ਕਰ ਲਿਆ। ਹੁਣ ਭਾਰਤੀ ਟੀਮ ਦਾ ਫਾਈਨਲ ‘ਚ ਮੁਕਾਬਲਾ ਭਲਕੇ ਹੋਣ ਵਾਲੇ ਦੂਜੇ ਸੈਮੀਫਾਈਨਲ ਦੇ ਜੇਤੂ ਨਾਲ ਹੋਵੇਗਾ। ਦੂਜਾ ਸੈਮੀਫਾਈਨਲ ਪਾਕਿਸਤਾਨ ਤੇ ਸ਼੍ਰੀਲੰਕਾ ਵਿਚਕਾਰ ਭਲਕੇ ਸ਼ਾਮ 7 ਵਜੇ ਤੋਂ ਖੇਡਿਆ ਜਾਵੇਗਾ।

ਜਵਾਬ ‘ਚ ਭਾਰਤੀ ਟੀਮ ਨੇ 2 ਓਵਰਾਂ ਦੀ ਸਮਾਪਤੀ ਤੱਕ 15 ਦੋੜਾਂ ਬਣਾ ਲਈਆਂ ਹਨ। ਇਸ ਸਮੇਂ ਕ੍ਰੀਜ ‘ਤੇ ਸਮ੍ਰਿਤੀ ਮੰਧਾਨਾ ਤੇ ਸ਼ੈਫਾਲੀ ਵਰਮਾ ਹਨ।

3 ਓਵਰਾਂ ਦੀ ਸਮਾਪਤੀ ਤੱਕ ਭਾਰਤੀ ਟੀਮ ਦਾ ਸਕੋਰ 26 ਦੌੜਾਂ ਦਾ ਹੈ। ਕ੍ਰੀਜ ‘ਤੇ ਸਮ੍ਰਿਤੀ ਮੰਧਾਨਾ ਤੇ ਸ਼ੈਫਾਲੀ ਵਰਮਾ ਨਾਬਾਦ ਹਨ। ਹਨ।

4 ਓਵਰਾਂ ਦੀ ਸਮਾਪਤੀ ਤੱਕ ਭਾਰਤੀ ਟੀਮ ਦਾ ਸਕੋਰ 33 ਦੌੜਾਂ ਹੈ। ਸਮ੍ਰਿਤੀ ਮੰਧਾਨਾ ਸ਼ੈਫਾਲੀ ਵਰਮਾ ਕ੍ਰੀਜ ‘ਤੇ ਨਾਬਾਦ ਹਨ।

5 ਓਵਰਾਂ ਦੀ ਸਮਾਪਤੀ ਤੱਕ ਭਾਰਤੀ ਟੀਮ ਦਾ ਸਕੋਰ 45 ਦੌੜਾਂ ਦਾ ਹੈ। ਸਮ੍ਰਿਤ ਮੰਧਾਨਾ 27 ‘ਤੇ ਨਾਬਾਦ ਹੈ, ਜਦਕਿ ਸ਼ੈਫਾਲੀ ਵਰਮਾ 17 ਦੋੜਾਂ ‘ਤੇ ਨਾਬਾਦ ਹਨ।

6 ਓਵਰਾਂ ਦੀ ਸਮਾਪਤੀ ਤੱਕ ਭਾਰਤੀ ਟੀਮ ਦਾ ਸਕੋਰ 46 ਦੋੜਾਂ ਦਾ ਹੈ।

7 ਓਵਰਾਂ ਦੀ ਸਮਾਪਤੀ ਤੱਕ ਭਾਰਤੀ ਟੀਮ ਦਾ ਸਕੋਰ 49/0 ਦੋੜਾਂ ਦਾ ਹੈ।

8 ਓਵਰਾਂ ਦੀ ਸਮਾਪਤੀ ਤੱਕ ਭਾਰਤੀ ਟੀਮ ਨੇ 58 ਦੌੜਾਂ ਬਣਾ ਲਈਆਂ ਹਨ, ਕ੍ਰੀਜ ‘ਤੇ ਸ਼ੈਫਾਲੀ ਵਰਮਾ ਦੇ ਸਮ੍ਰਿਤੀ ਮੰਧਾਨਾ ਨਾਬਾਦ ਹਨ।

9 ਓਵਰਾਂ ਦੀ ਸਮਾਪਤੀ ਤੱਕ ਭਾਰਤੀ ਟੀਮ ਦਾ ਸਕੋਰ 65 ਦੌੜਾਂ ਦਾ ਹੈ।

10 ਓਵਰਾਂ ਦੀ ਸਮਾਪਤੀ ਤੱਕ ਭਾਰਤੀ ਟੀਮ ਦਾ ਸਕੋਰ 70 ਦੌੜਾਂ ਦਾ ਹੈ।

https://twitter.com/BCCIWomen/status/1816759759166722123

ਟੂਰਨਾਮੈਂਟ ’ਚ ਅਜੇ ਤੱਕ ਇੱਕ ਵੀ ਮੈਚ ਨਹੀਂ ਹਾਰੀ ਭਾਰਤੀ ਮਹਿਲਾ ਟੀਮ

• ਪਿੱਛਲੀ ਵਾਰ ਦੀ ਏਸ਼ੀਆ ਕੱਪ ਚੈਂਪੀਅਨ ਹੈ ਭਾਰਤੀ ਮਹਿਲਾ ਟੀਮ
• ਦੀਪਤੀ ਸ਼ਰਮਾ ਹਨ ਸਭ ਤੋ ਜ਼ਿਆਦਾ ਵਿਕਟਾਂ ਲੈਣ ਵਾਲੀ ਗੇਂਦਬਾਜ਼

ਸਪੋਰਟਸ ਡੈਸਕ। ਮਹਿਲਾ ਏਸ਼ੀਆ ਕੱਪ ਦਾ ਪਹਿਲਾ ਸੈਮੀਫਾਈਨਲ ਅੱਜ ਭਾਰਤ ਤੇ ਬੰਗਲਾਦੇਸ਼ ਵਿਚਕਾਰ ਖੇਡਿਆ ਜਾਵੇਗਾ। ਭਾਰਤੀ ਟੀਮ ਪਿੱਛਲੀ ਵਾਰ ਦੀ ਚੈਂਪੀਅਨ ਹੈ। ਇਸ ਟੂਰਨਾਮੈਂਟ ’ਚ ਪਹਿਲੀ ਵਾਰ ਦੋਵੇਂ ਟੀਮਾਂ ਆਹਮੋ-ਸਾਮਹਣੇ ਹੋਣਗੀਆਂ। ਦੋਵੇਂ ਟੀਮਾਂ ਅੱਜ ਵਾਲਾ ਮੈਚ ਜਿੱਤ ਕੇ ਫਾਈਨਲ ਲਈ ਕੁਆਲੀਫਾਈ ਕਰਨ ਦੀ ਕੋਸ਼ਿਸ਼ ਕਰਨਗੀਆਂ। ਹਰਮਨਪ੍ਰੀਤ ਕੌਰ ਦੀ ਕਪਤਾਨੀ ਵਾਲੀ ਭਾਰਤੀ ਟੀਮ ਨੇ ਆਪਣੇ ਪਹਿਲੇ ਮੈਚ ’ਚ ਆਪਣੇ ਸਖਤ ਵਿਰੋਧੀ ਪਾਕਿਸਤਾਨ ਨੂੰ 7 ਵਿਕਟਾਂ ਨਾਲ, ਦੂਜੇ ਮੈਚ ’ਚ ਯੂਏਈ ਨੂੰ 78 ਦੌੜਾਂ ਨਾਲ ਤੇ ਤੀਜੇ ਮੈਚ ’ਚ ਨੇਪਾਲ ਨੂੰ 82 ਦੌੜਾਂ ਨਾਲ ਹਰਾਇਆ ਹੈ। IND Vs BAN

ਦੂਜੇ ਪਾਸੇ ਬੰਗਲਾਦੇਸ਼ੀ ਟੀਮ ਨੂੰ ਆਪਣੇ ਪਹਿਲੇ ਮੈਚ ’ਚ ਸ਼੍ਰੀਲੰਕਾ ਤੋਂ 7 ਵਿਕਟਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਪਰ ਵਾਪਸੀ ਕਰਦੇ ਹੋਏ ਬੰਗਲਾਦੇਸ਼ੀ ਟੀਮ ਨੇ ਥਾਈਲੈਂਡ ਨੂੰ 7 ਵਿਕਟਾਂ ਨਾਲ ਤੇ ਮਲੇਸ਼ੀਆ ਨੂੰ 114 ਦੌੜਾਂ ਦੇ ਵੱਡੇ ਫਰਕ ਨਾਲ ਹਰਾ ਕੇ ਸੈਮੀਫਾਈਨਲ ’ਚ ਆਪਣੀ ਜਗ੍ਹਾ ਪੱਕੀ ਕੀਤੀ ਹੈ। ਇਹ ਏਸ਼ੀਆ ਕੱਪ ’ਚ ਭਾਰਤ ਤੇ ਸ਼੍ਰੀਲੰਕਾ ਅਜਿਹੀਆਂ ਦੋ ਟੀਮਾਂ ਹਨ ਜਿਨ੍ਹਾਂ ਨੇ ਅਜੇ ਤੱਕ ਇੱਕ ਵੀ ਮੈਚ ਨਹੀਂ ਹਾਰਿਆ ਹੈ। ਦੂਜਾ ਸੈਮੀਫਾਈਨਲ ਭਲਕੇ ਸ਼ਾਮ 7 ਵਜੇ ਤੋਂ ਪਾਕਿਸਤਾਨ ਤੇ ਸ਼੍ਰੀਲੰਕਾ ਵਿਚਕਾਰ ਖੇਡਿਆ ਜਾਵੇਗਾ। IND Vs BAN

Read This : ਦੋਵੇਂ ਬਾਹਾਂ ਕੱਟੀਆਂ ਗਈਆਂ, ਫਿਰ ਵੀ ਕ੍ਰਿਕੇਟਰ ਬਣਨ ਦੇ ਸੁਫਨੇ ਨੂੰ ਪੂਰਾ ਕੀਤਾ ਆਮਿਰ ਹੁਸੈਨ ਨੇ

ਮੈਚ ਸਬੰਧੀ ਜਾਣਕਾਰੀ | IND Vs BAN

• ਟੂਰਨਾਮੈਂਟ : ਮਹਿਲਾ ਏਸ਼ੀਆ ਕੱਪ, ਪਹਿਲਾ ਸੈਮੀਫਾਈਨਲ
• ਮਿਤੀ : 26 ਜੁਲਾਈ
• ਮੈਚ : ਭਾਰਤ ਬਨਾਮ ਬੰਗਲਾਦੇਸ਼
• ਸਟੇਡੀਅਮ : ਰੰਗੀਰੀ ਦਾਂਬੁਲਾ ਸਟੇਡੀਅਮ, ਸ਼੍ਰੀਲੰਕਾ
• ਟਾਸ : ਦੁਪਹਿਰ 1:30 ਵਜੇ, ਮੈਚ ਸ਼ੁਰੂ : 2:00 ਵਜੇ

ਟਾਸ ਦਾ ਰੋਲ ਤੇ ਪਿੱਚ ਰਿਪੋਰਟ | IND Vs BAN

ਰੰਗੀਰੀ ਦਾਂਬੁਲਾ ਸਟੇਡੀਅਮ ਸ਼੍ਰੀਲੰਕਾ ’ਚ ਹੋਣ ਵਾਲੇ ਏਸ਼ੀਆ ਕੱਪ ਦੇ ਸਾਰੇ ਮੈਚ ਇਹ ਹੀ ਸਟੇਡੀਅਮ ’ਚ ਖੇਡੇ ਜਾਣਗੇ। ਇਹ ਸਟੇਡੀਅਮ ’ਚ ਹੁਣ ਤੱਕ 15 ਮਹਿਲਾ ਟੀ20 ਕੌਮਾਂਤਰੀ ਮੈਚ ਖੇਡੇ ਜਾ ਚੁੱਕੇ ਹਨ। ਇਸ ਸਟੇਡੀਅਮ ’ਚ ਟਾਸ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਵਾਲੀ ਟੀਮ ਨੇ 9 ਮੈਚਾਂ ’ਚ ਜਿੱਤ ਹਾਸਲ ਕੀਤੀ ਹੈ। ਦੋਵੇਂ ਹੀ ਟੀਮਾਂ ਦੇ ਕਪਤਾਨ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨਾ ਦਾ ਫੈਸਲਾ ਕਰਨਾ ਚਾਹੁਣਗੇ। ਦਾਂਬੁਲਾ ਸਟੇਡੀਅਮ ਦੀ ਪਿੱਚ ਗੇਂਦਬਾਜ਼ਾਂ ਲਈ ਮੱਦਦ ਕਰਦੀ ਹੈ। IND Vs BAN

ਮੈਚ ਸਬੰਧੀ ਭਵਿੱਖਬਾਣੀ ਤੇ ਮੌਸਮ ਅਪਡੇਟ | IND Vs BAN

ਭਾਰਤੀ ਮਹਿਲਾ ਟੀਮ ਫਿਲਹਾਲ ਅਜੇ ਤੱਕ ਫਾਰਮ ’ਚ ਹੈ। ਪਹਿਲਾ ਮੈਚ ’ਚ ਭਾਰਤ ਨੇ ਪਾਕਿਸਤਾਨ ਨੂੰ, ਦੂਜੇ ਮੈਚ ’ਚ ਯੂਏਈ ਨੂੰ ਤੇ ਤੀਜੇ ਮੈਚ ’ਚ ਨੇਪਾਲ ਨੂੰ ਹਰਾਇਆ ਹੈ ਤੇ ਕੁੱਝ ਸਮਾਂ ਪਹਿਲਾਂ ਭਾਰਤੀ ਮਹਿਲਾ ਟੀਮ ਨੇ ਦੱਖਣੀ ਅਫਰੀਕੀ ਟੀਮ ਤੋਂ ਸੀਰੀਜ਼ ਜਿੱਤੀ ਸੀ। ਇਸ ਮੈਚ ’ਚ ਭਾਰਤ ਦੀ ਮੈਚ ਜਿੱਤਣ ਦੀ ਸੰਭਾਵਨਾ 90 ਫੀਸਦੀ ਹੈ। ਦਾਂਬੁਲਾ ’ਚ ਅੱਜ ਮੀਂਹ ਦੀ ਕੋਈ ਸੰਭਾਵਨਾ ਨਹੀਂ ਹੈ। IND Vs BAN

ਦੋਵਾਂ ਟੀਮਾਂ ਦੀ ਸੰਭਾਵਿਤ ਪਲੇਇੰਗ-11 | IND Vs BAN

ਭਾਰਤ : ਹਰਮਨਪ੍ਰੀਤ ਕੌਰ (ਕਪਤਾਨ), ਸਮਿ੍ਰਤੀ ਮੰਧਾਨਾ, ਸ਼ੈਫਾਲੀ ਵਰਮਾ, ਦਿਆਲਨ ਹੇਮਲਤਾ, ਜੇਮਿਮਾ ਰੌਡਰਿਗਜ਼, ਰਿਚਾ ਘੋਸ਼, ਪੂਜਾ ਵਸਤਰਕਾਰ, ਦੀਪਤੀ ਸ਼ਰਮਾ, ਰੇਣੁਕਾ ਸਿੰਘ, ਰਾਧਾ ਯਾਦਵ ਤੇ ਤਨੁਜਾ ਕੰਵਰ।

ਬੰਗਲਾਦੇਸ਼ : ਨਿਗਾਰ ਸੁਲਤਾਨਾ (ਕਪਤਾਨ), ਦਿਲਰਾ ਅਖਤਰ, ਮੁਰਸ਼ਿਦਾ ਖਾਤੁਨ, ਰੁਮਾਨਾ ਅਹਿਮਦ, ਇਸ਼ਮਾ ਤਨਜ਼ੀਮ, ਰਿਤੂ ਮੋਨੀ, ਰਾਬੇਯਾ ਖਾਤੂਨ, ਸ਼ੌਰਨਾ ਅਖਤਰ, ਜਹਾਨਰਾ ਆਲਮ, ਨਾਹਿਦਾ ਅਖਤਰ ਤੇ ਸਬਿੰਕੁਨ ਨਾਹਰ ਜੈਸਮੀਨ।

ਏਸ਼ੀਆ ਕੱਪ ’ਚ ਭਾਰਤੀ ਟੀਮ ਦਾ ਪੱਲਾ ਭਾਰੀ | IND vs PAK

• ਪਾਕਿਸਤਾਨ 14 ਵਿੱਚੋਂ ਸਿਰਫ 3 ਮੈਚ ਹੀ ਜਿੱਤਿਆ | IND vs PAK
• ਭਾਰਤੀ ਮਹਿਲਾ ਟੀਮ ਹੈ ਸੱਤ ਵਾਰ ਦੀ ਚੈਂਪੀਅਨ

ਸਪੋਰਟਸ ਡੈਸਕ। ਮੌਜ਼ੂਦਾ ਚੈਂਪੀਅਨ ਭਾਰਤੀ ਮਹਿਲਾ ਟੀਮ ਸ਼ੁੱਕਰਵਾਰ ਨੂੰ ਏਸ਼ੀਆ ਕੱਪ ਦੇ ਪਹਿਲੇ ਮੈਚ ’ਚ ਆਪਣੇ ਸਭ ਤੋਂ ਵੱਡੇ ਵਿਰੋਧੀ ਪਾਕਿਸਤਾਨ ਨਾਲ ਭਿੜੇਗੀ। ਅਕਤੂਬਰ ’ਚ ਹੋਣ ਵਾਲੇ ਮਹਿਲਾ ਟੀ-20 ਵਿਸ਼ਵ ਕੱਪ ਦੀਆਂ ਤਿਆਰੀਆਂ ਲਈ ਇਸ ਟੂਰਨਾਮੈਂਟ ਨੂੰ ਕਾਫੀ ਅਹਿਮ ਮੰਨਿਆ ਜਾ ਰਿਹਾ ਹੈ। ਹਰਮਨਪ੍ਰੀਤ ਕੌਰ ਦੀ ਕਪਤਾਨੀ ਵਾਲੀ ਭਾਰਤੀ ਟੀਮ ਦਾ ਏਸ਼ੀਆ ਕੱਪ ’ਚ ਦਬਦਬਾ ਰਿਹਾ ਹੈ। ਭਾਰਤ ਨੇ ਚਾਰ ’ਚੋਂ ਤਿੰਨ ਵਾਰ ਏਸ਼ੀਆ ਕੱਪ ਟੀ-20 ਖਿਤਾਬ ਜਿੱਤਿਆ ਹੈ ਤੇ ਏਸ਼ੀਆ ਕੱਪ ਦੇ 50 ਓਵਰਾਂ ਦੇ ਫਾਰਮੈਟ ਨੂੰ ਚਾਰੋਂ ਵਾਰ ਜਿੱਤਿਆ ਹੈ।

ਭਾਰਤ ਨੇ ਮਹਿਲਾ ਏਸ਼ੀਆ ਕੱਪ ਟੀ-20 ਟੂਰਨਾਮੈਂਟ ’ਚ 20 ’ਚੋਂ 17 ਮੈਚ ਜਿੱਤੇ ਹਨ। ਇਸ ਨੇ 2022 ਦੇ ਫਾਈਨਲ ’ਚ ਬੰਗਲਾਦੇਸ਼ ਨੂੰ ਹਰਾਇਆ ਸੀ। ਭਾਰਤ ਨੇ ਇਸ ਟੂਰਨਾਮੈਂਟ ’ਚ ਪਾਕਿਸਤਾਨ ਖਿਲਾਫ਼ 14 ਮੈਚਾਂ ’ਚ 11 ਜਿੱਤਾਂ ਦਰਜ ਕੀਤੀਆਂ ਹਨ। ਇਸ ਮਹੀਨੇ ਦੀ ਸ਼ੁਰੂਆਤ ’ਚ ਭਾਰਤ ਨੇ ਦੱਖਣੀ ਅਫਰੀਕਾ ਨਾਲ ਟੀ-20 ਸੀਰੀਜ 1-1 ਨਾਲ ਡਰਾਅ ਕੀਤੀ ਸੀ। ਜਦਕਿ ਤਿੰਨ ਟੀ-20 ਮੈਚਾਂ ’ਚੋਂ ਦੂਜਾ ਮੈਚ ਮੀਂਹ ਕਾਰਨ ਰੱਦ ਹੋ ਗਿਆ। ਉਥੇ ਹੀ ਪਾਕਿਸਤਾਨ ਨੂੰ ਮਈ ’ਚ ਹੋਈ ਸੀਰੀਜ ’ਚ ਇੰਗਲੈਂਡ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਇਸ ਸੀਰੀਜ ’ਚ ਇੰਗਲੈਂਡ ਨੇ ਪਾਕਿਸਤਾਨ ਨੂੰ 3-0 ਨਾਲ ਹਰਾਇਆ ਸੀ। IND vs PAK

ਭਾਰਤੀ ਟੀਮ ਦੀ ਸ਼ਾਨਦਾਰ ਫਾਰਮ | IND vs PAK

ਭਾਰਤ ਲਈ ਸਭ ਤੋਂ ਚੰਗੀ ਗੱਲ ਓਪਨਰ ਸਮ੍ਰਿਤੀ ਮੰਧਾਨਾ ਦੀ ਸ਼ਾਨਦਾਰ ਫਾਰਮ ਹੈ। ਜਦੋਂ ਕਿ ਪੂਜਾ ਵਸਤਰਕਾਰ ਨੇ ਸ਼ਾਨਦਾਰ ਆਲਰਾਊਂਡਰ ਖੇਡ ਦਾ ਪ੍ਰਦਰਸ਼ਨ ਕੀਤਾ ਹੈ। ਉਨ੍ਹਾਂ ਨੇ ਦੱਖਣੀ ਅਫਰੀਕਾ ਖਿਲਾਫ 3 ਮੈਚਾਂ ’ਚ 8 ਵਿਕਟਾਂ ਲਈਆਂ ਜਦਕਿ ਸਪਿਨਰ ਰਾਧਾ ਯਾਦਵ ਵੀ ਸਫਲ ਰਹੀ। ਸਪਿਨਰਾਂ ’ਚ ਦੀਪਤੀ ਸ਼ਰਮਾ, ਸਜੀਵਨ ਸਜਨਾ ਤੇ ਸ਼੍ਰੇਅੰਕਾ ਪਾਟਿਲ ਸ਼ਾਮਲ ਹਨ। ਪਾਕਿਸਤਾਨ ਨੇ ਏਸ਼ੀਆ ਕੱਪ ਲਈ ਨਿਦਾ ਡਾਰ ਨੂੰ ਕਪਤਾਨ ਬਣਾਇਆ ਹੈ, ਪਰ ਟੀਮ ’ਚ ਕਈ ਬਦਲਾਅ ਕੀਤੇ ਗਏ ਹਨ। IND vs PAK

ਇਰਮ ਜਾਵੇਦ, ਓਮੈਮਾ ਸੋਹੇਲ ਤੇ ਸ਼ਈਦਾ ਅਰੂਬ ਸ਼ਾਹ ਨੂੰ ਇਸ ਸਾਲ ਪਹਿਲੀ ਵਾਰ ਟੀਮ ’ਚ ਜਗ੍ਹਾ ਮਿਲੀ ਹੈ ਜਦਕਿ ਤਸਮੀਆ ਰੁਬਾਬ ਡੈਬਿਊ ਕਰੇਗੀ। ਗਰੁੱਪ-ਏ ’ਚ ਨੇਪਾਲ ਤੇ ਸੰਯੁਕਤ ਅਰਬ ਅਮੀਰਾਤ (ਯੂਏਈ) ਵੀ ਪਹਿਲੇ ਦਿਨ ਆਹਮੋ-ਸਾਹਮਣੇ ਹੋਣਗੇ। ਦੋਵਾਂ ਗਰੁੱਪਾਂ ’ਚੋਂ ਚੋਟੀ ਦੀਆਂ ਦੋ ਟੀਮਾਂ ਸੈਮੀਫਾਈਨਲ ਖੇਡਣਗੀਆਂ। ਨੇਪਾਲ 2016 ਤੋਂ ਬਾਅਦ ਪਹਿਲੀ ਵਾਰ ਟੂਰਨਾਮੈਂਟ ’ਚ ਖੇਡ ਰਿਹਾ ਹੈ ਜਦਕਿ ਯੂਏਈ ਦਾ ਇਹ ਲਗਾਤਾਰ ਦੂਜਾ ਟੂਰਨਾਮੈਂਟ ਹੈ। IND vs PAK

Read This : ਹਾਰਦਿਕ ਪਾਂਡਿਆ ਅਤੇ ਨਤਾਸ਼ਾ ਹੋਏ ਵੱਖ, ਹਾਰਦਿਕ ਨੇ ਪੋਸਟ ਕਰਕੇ ਦਿੱਤੀ ਜਾਣਕਾਰੀ

ਹੁਣ ਮੈਚ ਸਬੰਧੀ ਜਾਣਕਾਰੀ | IND vs PAK

• ਟੂਰਨਾਮੈਂਟ : ਮਹਿਲਾ ਏਸ਼ੀਆ ਕੱਪ
• ਮਿਤੀ : 19 ਜੁਲਾਈ
• ਮੈਚ : ਭਾਰਤ ਬਨਾਮ ਪਾਕਿਸਤਾਨ
• ਟਾਸ : ਸ਼ਾਮ 7:00, ਮੈਚ ਸ਼ੁਰੂ, 7:30
• ਸਟੇਡੀਅਮ : ਰੰਗੀਰੀ ਦਾਂਬੁਲਾ ਸਟੇਡੀਅਮ, ਸ਼੍ਰੀਲੰਕਾ

ਟਾਸ ਰੋਲ ਤੇ ਪਿੱਚ ਰਿਪੋਰਟ | IND vs PAK

ਸ਼੍ਰੀਲੰਕਾ ’ਚ ਹੋਣ ਵਾਲੇ ਏਸ਼ੀਆ ਕੱਪ ਦੇ ਸਾਰੇ ਮੈਚ ਇੱਥੇ ਰੰਗੀਰੀ ਦਾਂਬੁਲਾ ਸਟੇਡੀਅਮ ’ਚ ਖੇਡੇ ਜਾਣਗੇ। ਹੁਣ ਤੱਕ ਇੱਥੇ 3 ਮਹਿਲਾ ਟੀ-20 ਅੰਤਰਰਾਸ਼ਟਰੀ ਮੈਚ ਖੇਡੇ ਜਾ ਚੁੱਕੇ ਹਨ। ਜਿਸ ’ਚ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜੀ ਕਰਨ ਵਾਲੀ ਟੀਮ ਨੇ ਮੈਚ ਜਿੱਤੇ ਹਨ। ਦੋਵੇਂ ਟੀਮਾਂ ਦੇ ਕਪਤਾਨ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨਾ ਚਾਹੁਣਗੇ।

ਮੌਸਮ ਸਬੰਧੀ ਰਿਪੋਰਟ ਤੇ ਮੈਚ ਦੀ ਭਵਿੱਖਬਾਣੀ | IND vs PAK

ਭਾਰਤੀ ਮਹਿਲਾ ਟੀਮ ਇਸ ਸਮੇਂ ਫਾਰਮ ’ਚ ਹੈ। ਉਸ ਨੇ ਹਾਲ ਹੀ ’ਚ ਦੱਖਣੀ ਅਫਰੀਕਾ ਨੂੰ ਹਰਾਇਆ ਹੈ। ਜੇਕਰ ਹੈਡ ਟੂ ਹੈਡ ਰਿਕਾਰਡ ’ਤੇ ਨਜਰ ਮਾਰੀਏ ਤਾਂ ਭਾਰਤੀ ਟੀਮ ਪਾਕਿਸਤਾਨ ਤੋਂ ਬਹੁਤ ਅੱਗੇ ਹੈ। ਭਾਰਤ ਦੀ ਇਹ ਮੈਚ ਜਿੱਤਣ ਦੀ ਸੰਭਾਵਨਾ 90 ਫੀਸਦੀ ਹੈ। ਕੱਲ੍ਹ ਦਾਂਬੁਲਾ ’ਚ ਮੀਂਹ ਦੀ ਕੋਈ ਸੰਭਾਵਨਾ ਨਹੀਂ ਹੈ। ਮਹਿਲਾ ਏਸ਼ੀਆ ਕੱਪ ਜੇਤੂ ਮਹਿਲਾ ਏਸ਼ੀਆ ਕੱਪ 2004 ’ਚ ਸ਼ੁਰੂ ਹੋਇਆ ਸੀ। ਜਦੋਂ ਭਾਰਤ ਨੇ ਜਿੱਤ ਹਾਸਲ ਕੀਤੀ। ਮਹਿਲਾ ਏਸ਼ੀਆ ਕੱਪ ਹੁਣ ਤੱਕ 8 ਵਾਰ ਹੋਇਆ ਹੈ। ਭਾਰਤ ਨੇ ਇਹ ਟੂਰਨਾਮੈਂਟ 7 ਵਾਰ ਜਿੱਤਿਆ ਹੈ ਜਦਕਿ ਬੰਗਲਾਦੇਸ਼ ਨੇ 1 ਵਾਰ ਏਸ਼ੀਆ ਕੱਪ ਜਿੱਤਿਆ ਹੈ। IND vs PAK

ਦੋਵਾਂ ਟੀਮਾਂ ਦੀ ਸੰਭਾਵਿਤ ਪਲੇਇੰਗ-11 | IND vs PAK

ਭਾਰਤ : ਹਰਮਨਪ੍ਰੀਤ ਕੌਰ (ਕਪਤਾਨ), ਸਮ੍ਰਿਤੀ ਮੰਧਾਨਾ, ਸ਼ੈਫਾਲੀ ਵਰਮਾ, ਜੇਮੀਮਾ ਰੌਡਰਿਗਜ, ਰਿਚਾ ਘੋਸ਼, ਪੂਜਾ ਵਸਤਰਕਾਰ, ਦੀਪਤੀ ਸ਼ਰਮਾ, ਰੇਣੁਕਾ ਸਿੰਘ, ਡੀ ਹੇਮਲਥਾ, ਰਾਧਾ ਯਾਦਵ ਤੇ ਸ਼੍ਰੇਅੰਕਾ ਪਾਟਿਲ।

ਪਾਕਿਸਤਾਨ : ਨਿਦਾ ਡਾਰ (ਕਪਤਾਨ), ਆਲੀਆ ਰਿਆਜ, ਡਾਇਨਾ ਬੇਗ, ਫਾਤਿਮਾ ਸਨਾ, ਇਰਮ ਜਾਵੇਦ, ਨਾਸ਼ਰਾ ਸੰਧੂ, ਓਮੈਮਾ ਸੋਹੇਲ, ਸਾਦੀਆ ਇਕਬਾਲ, ਸਿਦਰਾ ਅਮੀਨ, ਸ਼ਈਦਾ ਅਰੁਬ ਸ਼ਾਹ ਤੇ ਤਸਮੀਆ ਰੁਬਾਬ।

ਗੇਂਦਬਾਜ਼ਾਂ ਨੇ ਮਚਾਈ ਤਬਾਹੀ | INDW vs SAW

ਸਪੋਰਟਸ ਡੈਸਕ। ਭਾਰਤੀ ਮਹਿਲਾ ਟੀਮ ਨੇ ਚੇਨਈ ਦੇ ਐੱਮਏ ਚਿਦੰਬਰਮ ਸਟੇਡੀਅਮ ’ਚ ਖੇਡੀ ਜਾ ਰਹੀ ਦੱਖਣੀ ਅਫਰੀਕਾ ਖਿਲਾਫ ਇੱਕ ਮੈਚ ਦੀ ਟੈਸਟ ਸੀਰੀਜ ’ਚ ਖੇਡ ਦੇ ਚੌਥੇ ਦਿਨ 10 ਵਿਕਟਾਂ ਨਾਲ ਜਿੱਤ ਹਾਸਲ ਕਰ ਲਈ। ਟੀਮ ਇੰਡੀਆ ਨੂੰ ਇਸ ਮੈਚ ਦੀ ਚੌਥੀ ਪਾਰੀ ’ਚ ਜਿੱਤ ਲਈ ਸਿਰਫ 37 ਦੌੜਾਂ ਦਾ ਟੀਚਾ ਮਿਲਿਆ ਸੀ, ਜਿਸ ਨੂੰ ਸ਼ੈਫਾਲੀ ਵਰਮਾ ਤੇ ਸ਼ੁਭਾ ਸਤੀਸ਼ ਦੀ ਸਲਾਮੀ ਜੋੜੀ ਨੇ ਬਿਨਾਂ ਕਿਸੇ ਨੁਕਸਾਨ ਦੇ ਹਾਸਲ ਕਰ ਲਿਆ। ਭਾਰਤੀ ਮਹਿਲਾ ਟੈਸਟ ਕ੍ਰਿਕੇਟ ਦੇ ਇਤਿਹਾਸ ’ਚ ਇਹ ਦੂਜੀ ਵਾਰ ਹੈ ਜਦੋਂ ਟੀਮ ਨੇ ਕੋਈ ਟੈਸਟ ਮੈਚ 10 ਵਿਕਟਾਂ ਨਾਲ ਜਿੱਤਿਆ ਹੈ। ਘਰੇਲੂ ਮੈਦਾਨ ’ਤੇ ਟੀਮ ਇੰਡੀਆ ਨੇ ਦੂਜੀ ਵਾਰ ਇਹ ਉਪਲਬਧੀ ਹਾਸਲ ਕੀਤੀ ਹੈ। ਸ਼ੇਫਾਲੀ ਵਰਮਾ ਨੇ ਦੂਜੀ ਪਾਰੀ ’ਚ ਅਜੇਤੂ 24 ਦੌੜਾਂ ਬਣਾਈਆਂ ਜਦਕਿ ਸੁਭਾ ਸਤੀਸ਼ ਨੇ 13 ਦੌੜਾਂ ਬਣਾਈਆਂ। (INDW vs SAW)

ਇਹ ਵੀ ਪੜ੍ਹੋ : ICC ਨੇ ਟੀ20 ਵਿਸ਼ਵ ਕੱਪ ਦੀ ‘Team of the Tournament’ ਚੁਣੀ, ਭਾਰਤ ਦੇ ਇਹ ਖਿਡਾਰੀ ਸ਼ਾਮਲ

ਭਾਰਤੀ ਟੀਮ ਦੇ ਸਪਿਨ ਗੇਂਦਬਾਜਾਂ ਨੇ ਦਿਖਾਇਆ ਦਮ | INDW vs SAW

ਇਸ ਮੈਚ ’ਚ ਟੀਮ ਇੰਡੀਆ ਨੇ ਪਹਿਲਾਂ ਬੱਲੇਬਾਜੀ ਕਰਦੇ ਹੋਏ 603 ਦੌੜਾਂ ਬਣਾ ਕੇ ਆਪਣੀ ਪਾਰੀ ਦਾ ਐਲਾਨ ਕਰ ਦਿੱਤਾ ਸੀ। ਇਸ ਤੋਂ ਬਾਅਦ ਬੱਲੇਬਾਜੀ ਕਰਨ ਆਈ ਦੱਖਣੀ ਅਫਰੀਕੀ ਮਹਿਲਾ ਟੀਮ ਆਪਣੀ ਪਹਿਲੀ ਪਾਰੀ ’ਚ ਸਿਰਫ 266 ਦੌੜਾਂ ’ਤੇ ਹੀ ਸਿਮਟ ਗਈ, ਜਿਸ ’ਚ ਭਾਰਤੀ ਟੀਮ ’ਤੇ ਸਨੇਹ ਰਾਣਾ ਦਾ ਸ਼ਾਨਦਾਰ ਪ੍ਰਦਰਸ਼ਨ ਦੇਖਣ ਨੂੰ ਮਿਲਿਆ, ਜਿਸ ਨੇ 25.3 ’ਚ 77 ਦੌੜਾਂ ਦੇ ਕੇ 8 ਵਿਕਟਾਂ ਝਟਕਾਈਆਂ। ਬਾਅਦ ’ਚ ਦੱਖਣੀ ਅਫਰੀਕੀ ਟੀਮ ਨੂੰ ਫਾਲੋਆਨ ਦਾ ਸਾਹਮਣਾ ਕਰਨਾ ਪਿਆ, ਜਿਸ ’ਚ ਦੂਜੀ ਪਾਰੀ ’ਚ ਉਸ ਦੀ ਟੀਮ ਤੋਂ ਬਿਹਤਰ ਬੱਲੇਬਾਜੀ ਦਾ ਪ੍ਰਦਰਸ਼ਨ ਦੇਖਣ ਨੂੰ ਮਿਲਿਆ, ਹਾਲਾਂਕਿ ਟੀਮ ਇਸ ਮੈਚ ’ਚ ਆਪਣੀ ਹਾਰ ਨਹੀਂ ਬਚਾ ਸਕੀ। ਅਫਰੀਕੀ ਟੀਮ ਲਈ ਦੂਜੀ ਪਾਰੀ ’ਚ ਸਨੇ ਲੂਸ ਨੇ 109 ਦੌੜਾਂ ਤੇ ਕਪਤਾਨ ਵੋਲਵਾਡਾਰਟ ਨੇ 122 ਦੌੜਾਂ ਬਣਾਈਆਂ, ਜਿਸ ਦੀ ਮਦਦ ਨਾਲ ਟੀਮ 373 ਦੌੜਾਂ ਦੇ ਸਕੋਰ ਤੱਕ ਪਹੁੰਚ ਸਕੀ। (INDW vs SAW)

ਦੂਜੀ ਪਾਰੀ ’ਚ ਤਿੰਨ ਗੇਂਦਬਾਜਾਂ ਨੇ ਹਾਸਲ ਕੀਤੀਆਂ 2-2 ਵਿਕਟਾਂ | INDW vs SAW

ਦੱਖਣੀ ਅਫਰੀਕਾ ਦੀ ਮਹਿਲਾ ਟੀਮ ਖਿਲਾਫ ਭਾਰਤ ਦੀ ਦੂਜੀ ਪਾਰੀ ’ਚ ਤਿੰਨ ਗੇਂਦਬਾਜਾਂ ਦਾ ਸ਼ਾਨਦਾਰ ਪ੍ਰਦਰਸ਼ਨ ਦੇਖਣ ਨੂੰ ਮਿਲਿਆ, ਜਿਸ ’ਚ ਉਨ੍ਹਾਂ ਨੇ 2-2 ਵਿਕਟਾਂ ਲਈਆਂ। ਸਨੇਹ ਰਾਣਾ ਨੇ ਇਸ ਮੈਚ ’ਚ ਕੁੱਲ 10 ਵਿਕਟਾਂ ਲਈਆਂ। ਜੇਕਰ ਇਸ ਮੈਚ ’ਚ ਭਾਰਤੀ ਟੀਮ ਦੇ ਬੱਲੇਬਾਜੀ ਪ੍ਰਦਰਸ਼ਨ ਦੀ ਗੱਲ ਕਰੀਏ ਤਾਂ ਸ਼ੈਫਾਲੀ ਵਰਮਾ ਨੇ ਪਹਿਲੀ ਪਾਰੀ ’ਚ 205 ਦੌੜਾਂ ਬਣਾਈਆਂ ਜਦਕਿ ਸਮ੍ਰਿਤੀ ਮੰਧਾਨਾ ਨੇ ਪਹਿਲੀ ਪਾਰੀ ’ਚ 149 ਦੌੜਾਂ ਬਣਾਈਆਂ। ਇਸ ਤੋਂ ਇਲਾਵਾ ਰਿਚਾ ਘੋਸ਼ ਨੇ 86 ਦੌੜਾਂ ਬਣਾਈਆਂ ਜਦਕਿ ਕਪਤਾਨ ਹਰਮਨਪ੍ਰੀਤ ਕੌਰ ਨੇ ਵੀ 69 ਦੌੜਾਂ ਦੀ ਜਬਰਦਸਤ ਪਾਰੀ ਖੇਡੀ। (INDW vs SAW)

50 ਇੱਕ ਰੋਜ਼ਾ ਮੈਚਾਂ ’ਚ ਸਿਰਫ਼ 10 ਮੈਚਾਂ ’ਚ ਹੀ ਜਿੱਤ ਸਕਿਆ ਭਾਰਤ | IND Vs AUS

• ਮੈਚ ਭਾਰਤੀ ਸਮੇਂ ਅਨੁਸਾਰ ਦੁਪਹਿਰ ਇੱਕ ਵੱਜ ਕੇ 30 ਮਿੰਟ ’ਤੇ ਸ਼ੁਰੂ ਹੋਵੇਗਾ | IND Vs AUS

ਮੁੰਬਈ (ਏਜੰਸੀ)। ਲਗਾਤਾਰ ਦੋ ਟੈਸਟ ਮੈਚਾਂ ’ਚ ਜਿੱਤ ਨਾਲ  ਉਤਸ਼ਾਹਿਤ ਭਾਰਤੀ ਮਹਿਲਾ ਟੀਮ ਅਸਟਰੇਲੀਆ ਖਿਲਾਫ਼ ਵੀਰਵਾਰ ਤੋਂ ਸ਼ੁਰੂ ਹੋਣ ਵਾਲੀ ਤਿੰਨ ਇੱਕ ਰੋਜ਼ਾ ਕੌਮਾਂਤਰੀ ਕ੍ਰਿਕਟ ਮੈਚਾਂ ਦੀ ਲੜੀ ’ਚ ਆਪਣੇ ਇਸ ਵਿਰੋਧੀ ਖਿਲਾਫ਼ ਰਿਕਾਰਡ ’ਚ ਸੁਧਾਰ ਕਰਨ ਦੀ ਕੋਸ਼ਿਸ਼ ਕਰੇਗੀ ਭਾਰਤੀ ਟੀਮ ਇਸ ਸਮੇਂ ਸ਼ਾਨਦਾਰ ਫਾਰਮ ’ਚ ਚੱਲ ਰਹੀ ਹੈ ਉਸ ਨੇ ਇੰਗਲੈਂਡ ਨੂੰ ਰਿਕਾਰਡ 347 ਦੌੜਾਂ ਨਾਲ ਹਰਾਉਣ ਤੋਂ ਬਾਅਦ ਵਾਨਖੇੜੇ ਸਟੇਡੀਅਮ ’ਚ ਅਸਟਰੇੇਲੀਆ ਖਿਲਾਫ਼ ਖੇਡੇ ਗਏ ਟੈਸਟ ਮੈਚ ’ਚ 8 ਵਿਕਟਾਂ ਨਾਲ ਜਿੱਤ ਦਰਜ਼ ਕੀਤੀ ਸੀ ਇੱਕ ਰੋਜ਼ਾ ਲੜੀ ਦੇ ਸਾਰੇ ਮੈਚ ਵਾਨਖੇੜੇ ਸਟੇਡੀਅਮ ’ਚ ਖੇਡੇ ਜਾਣਗੇ। (IND Vs AUS)

ਹਰਿਆਣਾ, ਪੰਜਾਬ ਅਤੇ ਦਿੱਲੀ ’ਚ ਕਿਵੇਂ ਰਹੇਗਾ ਆਉਣ ਵਾਲੇ ਦਿਨਾਂ ਦਾ ਮੌਸਮ, ਜਾਣੋ ਮੌਸਮ ਵਿਭਾਗ ਦੀ ਤਾਜ਼ਾ ਰਿਪੋਰਟ

ਭਾਰਤ ਆਗਾਮੀ ਮੈਚਾਂ ’ਚ ਆਪਣਾ ਜੇਤੂ ਅਭਿਆਨ ਜਾਰੀ ਰੱਖਣ ਲਈ ਵਚਨਬੱਧ ਹੈ ਪਰ ਹਰਮਨਪ੍ਰੀਤ ਕੌਰ ਦੀ ਅਗਵਾਈ ਵਾਲੀ ਟੀਮ ਇਸ ਗੱਲ ਤੋਂ ਚੰਗੀ ਤਰ੍ਹਾਂ ਵਾਕਿਫ਼ ਹੋਵੇਗੀ ਕਿ ਅਸਟਰੇਲੀਆ ਨੂੰ ਹਰਾਉਣਾ ਸੌਖਾ ਨਹੀਂ ਹੋਵੇਗਾ, ਜਿਸ ਦਾ 50 ਓਵਰਾਂ ਦੇ ਫਾਰਮੈਟ ’ਚ ਸ਼ੁਰੂ ਤੋਂ ਦਬਦਬਾ ਰਿਹਾ ਹੈ ਅਸਟਰੇਲੀਆ ਖਿਲਾਫ਼ ਖੇਡੇ ਗਏ 50 ਇੱਕ ਰੋਜ਼ਾ ਮੈਚਾਂ ’ਚ ਭਾਰਤ ਸਿਰਫ਼ 10 ਮੈਚਾਂ ’ਚ ਜਿੱਤ ਦਰਜ ਕਰ ਸਕਿਆ ਹੈ ਜਦੋਂਕਿ 40 ਮੈਚਾਂ ’ਚ ਉਸ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ ਘਰੇਲੂ ਮੈਦਾਨਾਂ ’ਤੇ ਭਾਰਤ ਦਾ ਰਿਕਾਰਡ ਜ਼ਿਆਦਾ ਖਰਾਬ ਹੈ ਭਾਰਤ ਨੇ ਅਸਟਰੇੇਲੀਆ ਖਿਲਾਫ਼ ਆਪਣੀ ਧਰਤੀ ’ਤੇ ਜੋ 21 ਇੱਕ ਰੋਜ਼ਾ ਮੈਚ ਖੇਡੇ ਹਨ ਉਨ੍ਹਾਂ ’ਚੋਂ ਉਸ ਨੇ ਸਿਰਫ਼ ਚਾਰ ਮੈਚ ਜਿੱਤੇ ਹਨ, ਜਦੋਂਕਿ 17 ਮੈਚਾਂ ’ਚ ਉਸ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ। (IND Vs AUS)

ਭਾਰਤ ਨੇ ਫਰਵਰੀ 2007 ਤੋਂ ਲੈ ਕੇ ਅਸਟਰੇਲੀਆ ਖਿਲਾਫ਼ ਆਪਣੀ ਧਰਤੀ ’ਤੇ ਜੋ ਸੱਤ ਮੈਚ ਖੇਡੇ ਹਨ ਉਨ੍ਹਾਂ ਸਾਰਿਆਂ ’ਚ ਉਸ ਨੂੰ ਹਾਰ ਝੱਲਣੀ ਪਈ ਭਾਰਤ ਨੇ ਅਸਟਰੇਲੀਆ ਖਿਲਾਫ਼ ਵਾਨਖੇੜੇ ਸਟੇਡੀਅਮ ’ਚ ਪਿਛਲੇ ਦੋ ਇੱਕ ਰੋਜ਼ਾ ਮੈਚ ਮਾਰਚ 2012 ’ਚ ਖੇਡੇ ਸਨ, ਜਿਨ੍ਹਾਂ ’ਚੋਂ ਉਸ ਨੂੰ 221 ਦੌੜਾਂ ਤੇ 5 ਵਿਕਟਾਂ ਨਾਲ ਕਰਾਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ ਇਸ ਲੜੀ ਦਾ ਪਹਿਲਾ ਮੈਚ ਅਹਿਮਦਾਬਾਦ ’ਚ ਖੇਡਿਆ ਗਿਆ ਸੀ ਜਿਸ ’ਚ ਅਸਟਰੇਲੀਆ ਨੇ 30 ਦੌੜਾਂ ਨਾਲ ਜਿੱਤ ਦਰਜ਼ ਕੀਤੀ ਸੀ ਪਰ ਹੁਣ ਭਾਰਤ ਕੋਲ ਹਰਮਨਪ੍ਰੀਤ ਦੇ ਤੌਰ ’ਤੇ ਨਵੀਂ ਕਪਤਾਨ ਤੇ ਅਮੋਲ ਮਜ਼ੂਮਦਾਰ ਦੇ ਤੌਰ ’ਤੇ ਨਵਾਂ ਕੋਚ ਹੈ ਭਾਰਤੀ ਟੀਮ ਕੋਲ ਇਹ 2025 ’ਚ ਹੋਣ ਵਾਲੇ ਇੱਕ ਰੋਜ਼ਾ ਵਿਸ਼ਵ ਕੱਪ ਦੀਆਂ ਤਿਆਰੀਆਂ ਦੀ ਸ਼ੁਰੂਆਤ ਕਰਨ ਤੇ ਅਸਟਰੇਲੀਆ ਖਿਲਾਫ਼ ਆਪਣੇ ਰਿਕਾਰਡ ’ਚ ਸੁਧਾਰ ਕਰਨ ਦਾ ਮੌਕਾ ਹੈ। (IND Vs AUS)

ਜੇਮਿਮਾ ਹੌਡਰਿਗਜ਼ ਅਤੇ ਰਿਚਾ ਘੋਸ਼ ਦੀਆਂ ਵੀ ਅਰਧਸੈਂਕੜੇ ਵਾਲੀਆਂ ਪਾਰੀਆਂ | IND Vs AUS

• ਦੂਜੇ ਦਿਨ ਭਾਰਤ ਦਾ ਸਕੋਰ 376/7 ਦੌੜਾਂ | IND Vs AUS
• ਪਹਿਲੇ ਦਿਨ ਪੂਜਾ ਵਸਤਾਰਕਾਰ ਨੇ ਕੀਤੀ ਸੀ ਘਾਤਕ ਗੇਂਦਬਾਜ਼ੀ | IND Vs AUS

ਮੁੰਬਈ (ਏਜੰਸੀ)। ਭਾਰਤੀ ਮਹਿਲਾ ਕ੍ਰਿਕੇਟ ਟੀਮ ਅਤੇ ਅਸਟਰੇਲੀਆ ਦੀ ਮਹਿਲਾ ਕ੍ਰਿਕੇਟ ਟੀਮ ਵਿਚਕਾਰ ਇੱਕੋ-ਇੱਕ ਟੈਸਟ ਮੈਚ ਵੀਰਵਾਰ ਤੋਂ ਮੁੰਬਈ ਵਾਨਖੇੜੇ ਸਟੇਡੀਅਮ ’ਚ ਖੇਡਿਆ ਜਾ ਰਿਹਾ ਹੈ ਜਿੱਥੇ ਪਹਿਲੇ ਦਿਨ ਅਸਟਰੇਲੀਆ ਨੇ ਟਾਸ ਜਿੱਤਿਆ ਅਤੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ, ਬੱਲੇਬਾਜ਼ੀ ਕਰਦੀ ਹੋਈ ਅਸਟਰੇਲੀਆ ਦੀ ਪੂਰੀ ਟੀਮ ਪਹਿਲੇ ਦਿਨ ਹੀ 219 ਦੌੜਾਂ ’ਤੇ ਆਲਆਊਟ ਹੋ ਗਈ ਸੀ, ਜਿਸ ਵਿੱਚ ਭਾਰਤੀ ਗੇਂਦਬਾਜ਼ ਪੂਜਾ ਵਸਤਰਾਕਾਰ ਦੀਆਂ 4 ਵਿਕਟਾਂ ਵੀ ਸ਼ਾਮਲ ਸਨ, ਉਨ੍ਹਾਂ ਤੋਂ ਇਲਾਵਾ ਸਨੇਹ ਰਾਣਾ ਨੇ 3 ਵਿਕਟਾਂ ਹਾਸਲ ਕੀਤੀਆਂ। ਅਸਟਰੇਲੀਆ ਲਈ ਸਿਰਫ ਇੱਕ ਬੱਲੇਬਾਜ਼ ਹੀ ਅਰਧਸੈਂਕੜਾ ਜੜ ਸਕੀ ਸੀ, ਉਹ ਤਾਹਿਲਾ ਮੈਗ੍ਰਾਥ ਨੇ 56 ਗੇਂਦਾਂ ਦਾ ਸਾਹਮਣਾ ਕੀਤਾ ਅਤੇ 50 ਦੌੜਾਂ ਬਣਾਇਆਂ ਜਿਸ ਵਿੱਚ ਉਨ੍ਹਾਂ 8 ਚੌਕੇ ਜੜੇ ਓਪਨਰ ਮੂਨੀ ਨੇ 94 ਗੇਂਦਾਂ ਦਾ ਸਾਹਮਣਾ ਕਰਕੇ 40 ਦੌੜਾਂ ਬਣਾਇਆਂ। (IND Vs AUS)

ਇਹ ਵੀ ਪੜ੍ਹੋ : ਪੱਥਰਾਂ ਨਾਲ ਭਰਿਆ ਟਿੱਪਰ ਕਾਰ ’ਤੇ ਪਲਟਿਆ, ਚਾਰ ਮੌਤਾਂ

ਉਸ ਤੋਂ ਬਾਅਦ ਟੀਚੇ ਦਾ ਪਿਛਾ ਕਰਦੇ ਹੋਏ ਭਾਰਤੀ ਟੀਮ ਨੂੰ ਚੰਗੀ ਸ਼ੁਰੂਆਤ ਮਿਲੀ, ਭਾਰਤੀ ਮਹਿਲਾ ਕ੍ਰਿਕੇਟ ਟੀਮ ਵੱਲੋਂ ਓਪਨਰ ਸਮ੍ਰਿਤੀ ਮੰਧਾਨਾ ਅਤੇ ਸ਼ੇਫਾਲੀ ਵਰਮਾ ਨੇ ਚੰਗੀ ਸ਼ੁਰੂਆਤ ਦਿੱਤੀ ਸਮ੍ਰਿਤੀ ਮੰਧਾਨਾ ਨੇ 106 ਗੇਂਦਾਂ ਦਾ ਸਾਹਮਣਾ ਕਰਕੇ 74 ਦੌੜਾਂ ਦੀ ਪਾਰੀ ਖੇਡੀ ਅਤੇ ਸ਼ੇਫਾਲੀ ਵਰਮਾ ਨੇ 40 ਦੌੜਾਂ ਬਣਾਇਆਂ ਸਨੇਹ ਰਾਣਾ 9 ਦੌੜਾਂ ਬਣਾ ਕੇ ਆਊਟ ਹੋ ਗਈ ਉਨ੍ਹਾਂ ਤੋਂ ਇਲਾਵਾ ਦੀਪਤੀ ਸ਼ਰਮਾ ਅਤੇ ਰਿਚਾ ਘੋਸ਼ ਦੀਆਂ ਵੀ ਅਰਧਸੈਂਕੜੇ ਵਾਲੀਆਂ ਪਾਰੀਆਂ ਸ਼ਾਮਲ ਹਨ ਭਾਰਤੀ ਮਹਿਲਾ ਕ੍ਰਿਕੇਟ ਟੀਮ ਵੱਲੋਂ ਕੁਲ ਮਿਲਾ ਕੇ 4 ਬੱਲੇਬਾਜ਼ਾਂ ਨੇ ਅਰਧਸੈਂਕੜੇ ਜੜੇ ਹਨ ਹੁਣ ਭਾਰਤੀ ਟੀਮ ਨੇ ਦੂਜੇ ਦਿਨ ਆਪਣੀ ਇਸ ਮੈਚ ’ਤੇ ਸਥਿਤੀ ਮਜ਼ਬੂਤ ਕਰ ਲਈ ਹੈ। ਹੁਣ ਭਾਰਤੀ ਟੀਮ ਦੀ ਕੁਲ ਲੀੜ 157 ਦੌੜਾਂ ਦੀ ਹੋ ਗਈ ਹੈ ਅਤੇ ਉਸ ਦੀਆਂ ਤਿੰਨ ਵਿਕਟਾਂ ਬਾਕੀ ਹਨ। (IND Vs AUS)

ਇਸ ਤੋਂ ਪਹਿਲਾਂ ਅੱਜ ਕਪਤਾਨ ਹਰਮਨਪ੍ਰੀਤ ਕੌਰ ਕੁਝ ਖਾਸ ਨਹੀਂ ਕਰ ਸਕੀ। ਉਨ੍ਹਾਂ ਨੂੰ ਗਾਰਡਨਰ ਨੇ ਜੀਰੋ ’ਤੇ ਆਊਟ ਕੀਤਾ। ਵਿਕਟਕੀਪਰ ਬੱਲੇਬਾਜ ਯਸਤਿਕਾ ਭਾਟੀਆ ਵੀ ਸਸਤੇ ’ਚ ਆਊਟ ਹੋ ਗਈ। ਉਨ੍ਹਾਂ ਨੂੰ 1 ਰਨ ਦੇ ਨਿੱਜੀ ਸਕੋਰ ’ਤੇ ਗਾਰਡਨਰ ਨੇ ਆਊਟ ਕੀਤਾ। ਦੀਪਤੀ ਸ਼ਰਮਾ ਅੱਜ ਨਾਬਾਦ ਰਹੀ ਹਨ। ਉਨ੍ਹਾਂ ਨੇ ਹੁਣ ਤੱਕ 147 ਗੇਂਦਾਂ ਦਾ ਸਾਹਮਣਾ ਕੀਤਾ ਹੈ ਜਿਸ ਵਿੱਚ ਉਨ੍ਹਾਂ 9 ਚੌਕਿਆਂ ਦੀ ਮਦਦ ਨਾਲ 70 ਦੌੜਾਂ ਬਣਾਈਆਂ ਹਨ ਅਤੇ ਨਾਬਾਦ ਹਨ। ਪੂਜਾ ਨੇ 115 ਗੇਂਦਾਂ ਦਾ ਸਾਹਮਣਾ ਕਰਦਿਆਂ ਅਜੇਤੂ 33 ਦੌੜਾਂ ਬਣਾਈਆਂ। ਪੂਜਾ ਵਸਤਰਾਕਾਰ ਦੀ ਪਾਰੀ ’ਚ 4 ਚੌਕੇ ਸ਼ਾਮਲ ਸਨ। (IND Vs AUS)

ਇਹ ਵੀ ਪੜ੍ਹੋ : ਸ਼ਹੀਦੀ ਸਭਾ ਸਬੰਧੀ ‘ਫ਼ੋਟੋ ਕਾਂਟੈੱਸਟ’ ਮੁਕਾਬਲੇ ਲਈ ਕਰੋ ਅਪਲਾਈ, 80 ਹਜ਼ਾਰ ਤੋਂ ਵੱਧ ਦੇ ਇਨਾਮ ਜਿੱਤੋ

ਅਸਟਰੇਲੀਆਈ ਮਹਿਲਾ ਟੀਮ ਲਈ ਗਾਰਡਨਰ ਨੇ ਸ਼ਾਨਦਾਰ ਗੇਂਦਬਾਜੀ ਕੀਤੀ ਅਤੇ 4 ਵਿਕਟਾਂ ਲਈਆਂ। ਉਨ੍ਹਾਂ 41 ਓਵਰਾਂ ’ਚ 100 ਦੌੜਾਂ ਦਿੱਤੀਆਂ ਅਤੇ 7 ਮੇਡਨ ਓਵਰ ਸੁੱਟੇ। ਕਿਮ ਗਰਥ ਨੇ 10 ਓਵਰਾਂ ’ਚ 49 ਦੌੜਾਂ ਦੇ ਕੇ ਇੱਕ ਵਿਕਟ ਲਈ। ਜੇਸ਼ ਜਾਨਸਨ ਨੇ 18 ਓਵਰਾਂ ’ਚ 42 ਦੌੜਾਂ ਦੇ ਕੇ 1 ਵਿਕਟ ਲਈ। ਐਲਿਸ ਪੇਰੀ ਨੂੰ ਇੱਕ ਵੀ ਸਫਲਤਾ ਨਹੀਂ ਮਿਲੀ। ਤਾਹਿਲਾ ਮਗਰਾਥ ਨੇ 10 ਓਵਰਾਂ ’ਚ 22 ਦੌੜਾਂ ਦਿੱਤੀਆਂ। ਉਨ੍ਹਾਂ ਦੋ ਓਵਰ ਮੇਡਨ ਸੁੱਟੇ। ਅਲਾਨਾ ਕਿੰਗ ਨੇ 19 ਓਵਰਾਂ ’ਚ 69 ਦੌੜਾਂ ਦਿੱਤੀਆਂ ਹਨ। ਉਨ੍ਹਾਂ ਨੂੰ ਵੀ ਕੋਈ ਸਫਲਤਾ ਨਹੀਂ ਮਿਲੀ। (IND Vs AUS)