ਮਹਿਲਾ ਹਾਕੀ ਵਿਸ਼ਵ ਕੱਪ ਦੇ ਫ਼ਾਈਨਲ ‘ਚ ਪਹੁੰਚ ਆਇਰਲੈਂਡ ਰਚਿਆ ਇਤਿਹਾਸ

Sach Kahoon Punjabi Desk — Sun, 05 Aug 2018 21:29:57 +0530

ਸੈਮੀਫਾਈਨਲ ਂਚ ਸਪੇਨ ਨੂੰ ਸ਼ੂਟਆਊਟ ਕਰ ਫ਼ਾਈਨਲ ਂਚ

ਹਾਲੈਂਡ ਨਾਲ ਹੋਵੇਗਾ ਖਿ਼ਤਾਬੀ ਮੁਕਾਬਲਾ

ਲੰਦਨ, 5 ਅਗਸਤ

ਆਇਰਲੈਂਡ ਨੇ ਮਹਿਲਾ ਹਾੱਕੀ ਵਿਸ਼ਵ ਕੱਪ ਟੂਰਨਾਮੈਂਟ ਦੇ ਫ਼ਾਈਨਲ ‘ਚ ਪਹੁੰਚ ਕੇ ਇਤਿਹਾਸ ਰਚ ਦਿੱਤਾ ਹੈ ਜਿੱਥੇ ਉਸਦਾ ਮੁਕਾਬਲਾ ਪਿਛਲੀ ਚੈਂਪੀਅਨ ਹਾਲੈਂਡ ਨਾਲ ਹੋਵੇਗਾ ਆਇਰਲੈਂਡ ਮਹਿਲਾ ਵਿਸ਼ਵ ਕੱਪ ਦੇ ਇਤਿਹਾਸ ‘ਚ ਫ਼ਾਈਨਲ ‘ਚ ਪਹੁਚਣ ਵਾਲੀ ਸਭ ਤੋਂ ਹੇਠਲੇ ਰੈਂਕ ਦੀ ਟੀਮ ਬਣ ਗਈ ਹੈ ਵਿਸ਼ਵ ਰੈਂਕਿੰਗ ‘ਚ 16ਵੇਂ ਨੰਬਰ ਦੀ ਟੀਮ ਆਇਰਲੈਂਡ ਨੇ ਸੈਮੀਫਾਈਨਲ ‘ਚ ਸਪੇਨ ਨੂੰ ਨਿਰਧਾਰਤ ਸਮੇਂ ਤੱਕ ਮੁਕਾਬਲਾ 1-1 ਨਾਲ ਬਰਾਬਰ ਰਹਿਣ ਤੋਂ ਬਾਅਦ ਪੈਨਲਟੀ ਸ਼ੂਟਆਊਟ ‘ਚ 3-2 ਨਾਲ ਹਰਾਇਆ ਆਇਰਲੈਂਡ ਨੇ ਕੁਆਰਟਰ ਫਾਈਨਲ ‘ਚ ਭਾਰਤ ਨੂੰ ਵੀ ਪੈਨਲਟੀ ਸ਼ੂਟਆਊਟ ‘ਚ ਹੀ ਹਰਾ ਕੇ ਸੈਮੀਫਾਈਨਲ ਤੋਂ ਵਾਂਝਾ ਕੀਤਾ ਸੀ ਫਾਈਨਲ ਮੁਕਾਬਲਾ ਆਇਰਲੈਂਡ ਅਤੇ ਹਾਲੈਂਡ ਦਰਮਿਆਨ ਹੋਵੇਗਾ ਜਦੋਂਕਿ ਕਾਂਸੀ ਤਗਮੇ ਦਾ ਮੁਕਾਬਲਾ 2014 ਦੀ ਚਾਂਦੀ ਤਗਮਾ ਜੇਤੂ ਅਤੇ ਓਸਨਿਆ ਚੈਂਪੀਅਨ ਆਸਟਰੇਲੀਆ ਅਤੇ ਵਿਸ਼ਵ ਰੈਂਕਿੰਗ ‘ਚ 11ਵੇਂ ਨੰਬਰ ਦੀ ਟੀਮ ਸਪੇਨ ਦਰਮਿਆਨ ਖੇਡਿਆ ਜਾਵੇਗਾ

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਕੁਆਰਟਰ ਫਾਈਨਲ ‘ਚ ਸੌਖਾ ਨਹੀਂ ਹੋਵੇਗਾ ਆਇਰਲੈਂਡ ਨਾਲ ਮੁਕਾਬਲਾ

Sach Kahoon Punjabi Desk — Wed, 01 Aug 2018 23:01:21 +0530

ਜਿੱਤ ਨਾਲ ਪੂਲ ‘ਚ ਮਿਲੀ ਹਾਰ ਦਾ ਬਦਲਾ ਲੈ ਸਕਦਾ ਹੈ ਭਾਰਤ

ਲੰਦਨ, 1 ਅਗਸਤ

ਤਜ਼ਰਬੇਕਾਰ ਫਾਰਵਰਡ ਰਾਣੀ ਦੀ ਕਪਤਾਨੀ ‘ਚ ਭਾਰਤੀ ਮਹਿਲਾ ਹਾੱਕੀ ਟੀਮ ਦਾ ਵਿਸ਼ਵ ਕੱਪ ਹਾੱਕੀ ਟੂਰਨਾਮੈਂਟ ਦੇ ਕੁਆਰਟਰਫਾਈਨਲ ‘ਚ ਆਇਰਲੈਂਡ ਨਾਲ ਮੁਕਾਬਲਾ ਹੋਵੇਗਾ ਜਿਸ ਨੇ ਪੂਲ ਮੈਚ ‘ਚ ਭਾਰਤ ਨੂੰ 1-0 ਨਾਲ ਹਰਾਇਆ ਸੀ ਇਸ ਤਰ੍ਹਾਂ ਭਾਰਤ ਲਈ ਇਹ ਮੁਕਾਬਲਾ ਸੌਖਾ ਨਹੀਂ ਹੋਵੇਗਾ ਹਾਲਾਂਕਿ ਰੈਂਕਿੰਗ ਦੇ ਹਿਸਾਬ ਨਾਲ 10ਵੀਂ ਰੈਂਕ ਦੀ ਭਾਰਤ ਦੇ ਮੁਕਾਬਲੇ ਆਇਰਲੈਂਡ ਨੂੰ 16ਵਾਂ ਦਰਜਾ ਹਾਸਲ ਹੈ

ਆਇਰਲੈਂਡ ਕੋਲ ਭਾਰਤ ਨੂੰ ਪੂਲ ‘ਚ ਹਰਾਉਣ ਦਾ ਮਾਨਸਿਕ ਵਾਧਾ

ਭਾਰਤੀ ਟੀਮ ਕੋਲ ਆਇਰਲੈਂਡ ਵਿਰੁੱਧ ਜਿੱਤ ਨਾਲ ਨਾ ਸਿਰਫ਼ ਸੈਮੀਫਾਈਨਲ ‘ਚ ਪਹੁੰਚਣ ਦਾ ਮੌਕਾ ਹੋਵੇਗਾ ਸਗੋਂ ਉਹ ਪੂਲ ਮੈਚ ‘ਚ ਮਿਲੀ ਹਾਰ ਦਾ ਬਦਲਾ ਵੀ ਲੈ ਸਕਦੀ ਹੈ ਇਹ ਗੱਲ ਪੱਕੀ ਹੈ ਕਿ ਜਿਸ ਤਰ੍ਹਾਂ ਭਾਰਤ ਨੇ ਕ੍ਰਾੱਸ ਮੈਚ ‘ਚ ਇਟਲੀ ਵਿਰੁੱਧ 3-0 ਦੀ ਜਿੱਤ ਦੌਰਾਨ ਪ੍ਰਦਰਸ਼ਨ ਕੀਤਾ ਹੈ ਜੇਕਰ ਅਜਿਹਾ ਪ੍ਰਦਰਸ਼ਨ ਉਹ ਆਇਰਲੈਂਡ ਵਿਰੁੱਧ ਦੁਹਰਾਉਣ ‘ਚ ਕਾਮਯਾਬ ਰਹੀ ਤਾਂ ਸੈਮੀਫਾਈਨਲ ‘ਚ ਉਸਦਾ ਖੇਡਣਾ ਪੱਕਾ ਹੀ ਕਿਹਾ ਜਾ ਸਕਦਾ ਹੈ ਪਰ ਆਇਰਲੈਂਡ ਕੋਲ ਭਾਰਤ ਨੂੰ ਪੂਲ ਮੈਚ ‘ਚ ਹਰਾਉਣ ਕਾਰਨ ਮਾਨਸਿਕ ਤੌਰ ‘ਤੇ ਵਾਧਾ ਹਾਸਲ ਹੈ ਜਿਸ ਦਾ ਉਹ ਭਾਰਤ ਵਿਰੁੱਧ ਦਬਾਅ ਬਣਾ ਕੇ ਫਾਇਦਾ ਲੈ ਸਕਦਾ ਹੈ

ਭਾਰਤ ਕੋਲ 1974 ਦੇ ਇਤਿਹਾਸ ਦੀ ਬਰਾਬਰੀ ਕਰਨ ਦਾ ਮੌਕਾ

ਭਾਰਤੀ ਮਹਿਲਾ ਟੀਮ ਦਾ ਵਿਸ਼ਵ ਕੱਪ ‘ਚ ਸਰਵਸ੍ਰੇਸ਼ਠ ਪ੍ਰਦਰਸ਼ਨ 1974 ‘ਚ ਚੌਥੇ ਸਥਾਨ ‘ਤੇ ਰਹਿਣਾ ਸੀ 1978 ‘ਚ ਭਾਰਤ ਸੱਤਵੇਂ, 1983 ‘ਚ 11ਵੇਂ, 1998 ‘ਚ 12ਵੇਂ ਅਤੇ 2006 ‘ਚ 11ਵੇਂ ਅਤੇ 2010 ‘ਚ 9ਵੇਂ ਸਥਾਨ ‘ਤੇ ਰਹੀ ਸੀ ਲੀ ਵੇਲੀ ਹਾੱਕੀ ਅਤੇ ਟੈਨਿਸ ਸੈਂਟਰ ‘ਚ ਮੁਕਾਬਲਾ ਦੋ ਅਗਸਤ ਨੂੰ ਰਾਤ ਸਾਢੇ 10 ਵਜੇ ਤੋਂ ਖੇਡਿਆ ਜਾਵੇਗਾ ਸੱਤਵੀਂ ਵਾਰ ਵਿਸ਼ਵ ਕੱਪ ਖੇਡ ਰਹੀ ਭਾਰਤੀ ਟੀਮ ਦਾ ਸਰਵਸ੍ਰੇਸ਼ਠ ਪ੍ਰਦਰਸ਼ਨ 1974 ਦੇ ਵਿਸ਼ਵ ਕੱਪ ‘ਚ ਚੌਥਾ ਸਥਾਨ ਰਿਹਾ ਹੈ