Storm: ਸਿਡਨੀ, (ਆਈਏਐਨਐਸ)। ਆਸਟ੍ਰੇਲੀਆ ਦੇ ਪੂਰਬੀ ਤੱਟ ‘ਤੇ ਤੇਜ਼ ਹਵਾਵਾਂ ਅਤੇ ਭਾਰੀ ਮੀਂਹ ਕਾਰਨ ਸ਼ਨਿੱਚਰਵਾਰ ਨੂੰ ਸਿਡਨੀ ਵਿੱਚ ਇੱਕ ਦਰੱਖਤ ਡਿੱਗ ਗਿਆ। ਕਾਰ ਵਿੱਚ ਬੈਠੀ ਇੱਕ ਔਰਤ ਇਸ ਨਾਲ ਟਕਰਾ ਗਈ ਅਤੇ ਉਸਦੀ ਮੌਤ ਹੋ ਗਈ। ਐਮਰਜੈਂਸੀ ਸੇਵਾਵਾਂ ਨੂੰ ਸ਼ਨਿੱਚਰਵਾਰ ਨੂੰ ਸਥਾਨਕ ਸਮੇਂ ਅਨੁਸਾਰ ਸ਼ਾਮ 4 ਵਜੇ ਦੇ ਕਰੀਬ ਕੇਂਦਰੀ ਸਿਡਨੀ ਤੋਂ 90 ਕਿਲੋਮੀਟਰ ਦੱਖਣ ਵਿੱਚ ਇੱਕ ਕਾਰ ‘ਤੇ ਦਰੱਖਤ ਡਿੱਗਣ ਦੀਆਂ ਰਿਪੋਰਟਾਂ ਮਿਲੀਆਂ। ਕਾਰ ਚਲਾ ਰਹੀ ਔਰਤ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ, ਜਦੋਂ ਕਿ ਅਗਲੀ ਸੀਟ ‘ਤੇ ਬੈਠੇ ਪੁਰਸ਼ ਯਾਤਰੀ ਨੂੰ ਮਾਮੂਲੀ ਸੱਟਾਂ ਲੱਗੀਆਂ। ਪਿਛਲੀ ਸੀਟ ‘ਤੇ ਬੈਠੇ ਦੋ ਯਾਤਰੀ ਸੁਰੱਖਿਅਤ ਹਨ।

ਨਿਊਜ਼ ਏਜੰਸੀ ਸ਼ਿਨਹੂਆ ਦੀ ਰਿਪੋਰਟ ਅਨੁਸਾਰ ਸ਼ਨਿੱਚਰਵਾਰ ਨੂੰ ਪੂਰਬੀ ਤੱਟਵਰਤੀ ਰਾਜ ਨਿਊ ਸਾਊਥ ਵੇਲਜ਼ ਵਿੱਚ ਭਿਆਨਕ ਤੂਫਾਨ ਆਇਆ, ਜਿਸ ਕਾਰਨ ਉੱਤਰੀ ਸਿਡਨੀ ਵਿੱਚ ਅਚਾਨਕ ਹੜ੍ਹ ਆ ਗਿਆ ਅਤੇ ਸਿਡਨੀ ਹਵਾਈ ਅੱਡੇ ‘ਤੇ ਉਡਾਣਾਂ ਵਿੱਚ ਦੇਰੀ ਹੋ ਗਈ। ਸਟੇਟ ਐਮਰਜੈਂਸੀ ਸਰਵਿਸ ਨੇ ਕਿਹਾ ਕਿ ਉਸਨੂੰ ਰਾਜ ਭਰ ਤੋਂ ਮਦਦ ਲਈ ਸੈਂਕੜੇ ਕਾਲਾਂ ਆਈਆਂ ਅਤੇ ਅਧਿਕਾਰੀਆਂ ਨੇ ਚਾਰ ਲੋਕਾਂ ਨੂੰ ਬਚਾਇਆ।

ਇਹ ਵੀ ਪੜ੍ਹੋ: American Court: ਅਮਰੀਕੀ ਅਦਾਲਤ ਨੇ ਤਿੰਨ ਭਾਰਤੀ ਨਾਗਰਿਕਾਂ ਨੂੰ ICE ਹਿਰਾਸਤ ਵਿੱਚੋਂ ਰਿਹਾਅ ਕਰਨ ਦਾ ਦਿੱਤਾ ਹੁਕਮ

ਐਮਰਜੈਂਸੀ ਸਰਵਿਸਿਜ਼ ਸੁਪਰਡੈਂਟ ਮੈਟ ਕਿਰਬੀ ਨੇ ਆਸਟ੍ਰੇਲੀਅਨ ਬ੍ਰੌਡਕਾਸਟਿੰਗ ਕਾਰਪੋਰੇਸ਼ਨ ਨੂੰ ਦੱਸਿਆ ਕਿ ਐਤਵਾਰ ਤੱਕ ਸਥਿਤੀ ਵਿੱਚ ਸੁਧਾਰ ਨਹੀਂ ਹੋਵੇਗਾ; ਸਿਡਨੀ ਅਤੇ ਉੱਤਰ ਅਤੇ ਦੱਖਣ ਵਿੱਚ ਨੇੜਲੇ ਖੇਤਰਾਂ ਵਿੱਚ ਭਾਰੀ ਬਾਰਿਸ਼ ਜਾਰੀ ਰਹਿਣ ਦੀ ਉਮੀਦ ਹੈ। “ਅਸੀਂ ਲੋਕਾਂ ਨੂੰ ਯਾਦ ਦਿਵਾਉਂਦੇ ਹਾਂ ਕਿ ਹੜ੍ਹ ਦੇ ਪਾਣੀ ਵਿੱਚੋਂ ਗੱਡੀ ਨਾ ਚਲਾਉਣ ਅਤੇ ਆਪਣੇ ਵਾਹਨਾਂ ਨੂੰ ਪਾਰਕ ਕਰਨ ਵਾਲੀ ਥਾਂ ‘ਤੇ ਸਾਵਧਾਨ ਰਹਿਣ, ਕਿਉਂਕਿ ਦਰੱਖਤ ਕਿਸੇ ਵੀ ਸਮੇਂ ਡਿੱਗ ਸਕਦੇ ਹਨ,”। ਤੇਜ਼ ਲਹਿਰਾਂ ਦੇ ਖਤਰੇ ਕਾਰਨ ਸਿਡਨੀ ਦੇ ਆਲੇ-ਦੁਆਲੇ ਦੇ ਸਮੁੰਦਰੀ ਕੰਢੇ ਬੰਦ ਕਰ ਦਿੱਤੇ ਗਏ ਸਨ ਅਤੇ ਪੁਲਿਸ ਨੇ ਲੋਕਾਂ ਨੂੰ ਵੱਡੀਆਂ ਲਹਿਰਾਂ ਵਾਲੇ ਖੇਤਰਾਂ ਦੇ ਨੇੜੇ ਤੁਰਨ ਤੋਂ ਬਚਣ ਦੀ ਅਪੀਲ ਕੀਤੀ।

ਇਸ ਦੌਰਾਨ ਆਸਟ੍ਰੇਲੀਆਈ ਰਾਜ ਵਿਕਟੋਰੀਆ ਦੇ ਤੱਟਵਰਤੀ ਕਸਬਿਆਂ ਲਈ ਵੀਰਵਾਰ ਨੂੰ ਅਚਾਨਕ ਹੜ੍ਹ ਐਮਰਜੈਂਸੀ ਚੇਤਾਵਨੀ ਜਾਰੀ ਕੀਤੀ ਗਈ। ਵੀਰਵਾਰ ਨੂੰ, ਮੈਲਬੌਰਨ ਤੋਂ ਲਗਭਗ 120 ਕਿਲੋਮੀਟਰ ਦੱਖਣ-ਪੱਛਮ ਵਿੱਚ ਮਸ਼ਹੂਰ ਗ੍ਰੇਟ ਓਸ਼ੀਅਨ ਰੋਡ ਦੇ ਨਾਲ ਲੱਗਦੇ ਖੇਤਰਾਂ ਵਿੱਚ ਤਬਾਹੀ ਦੇ ਦ੍ਰਿਸ਼ ਸੋਸ਼ਲ ਮੀਡੀਆ ‘ਤੇ ਵਿਆਪਕ ਤੌਰ ‘ਤੇ ਦੇਖੇ ਗਏ। ਕਾਰਾਂ ਪਾਣੀ ਵਿੱਚ ਵਹਿ ਗਈਆਂ। ਘੰਟਿਆਂ ਤੱਕ ਬਿਜਲੀ ਬੰਦ ਰਹੀ। ਸਟੇਟ ਐਮਰਜੈਂਸੀ ਸਰਵਿਸ ਦੇ ਏਰਿਨ ਮੇਸਨ ਨੇ ਆਸਟ੍ਰੇਲੀਅਨ ਬ੍ਰੌਡਕਾਸਟਿੰਗ ਕਾਰਪੋਰੇਸ਼ਨ (ਏਬੀਸੀ) ਰੇਡੀਓ ਨੂੰ ਦੱਸਿਆ ਕਿ ਉਸ ਸਮੇਂ ਕਿਸੇ ਜਾਨੀ ਨੁਕਸਾਨ ਦੀ ਰਿਪੋਰਟ ਨਹੀਂ ਹੈ। Storm

ਸਨਮਾਨ ਸਮਾਰੋਹ ’ਚ ਕੈਬਨਿਟ ਮੰਤਰੀ ਹਰਪਾਲ ਚੀਮਾ, ਅਮਨ ਅਰੋੜਾ, ਡਿਪਟੀ ਸਪੀਕਰ ਜੈ ਕਿ੍ਰਸ਼ਨ ਰੋੜੀ ਨੇ ਕੀਤੀ ਸ਼ਿਰਕਤ

Lehragaga News: (ਰਾਜ ਸਿੰਗਲਾ) ਲਹਿਰਾਗਾਗਾ। ਅਸਟਰੇਲੀਆ ਵਿਖੇ ਬੀਤੇ ਸਾਲ ਸਤੰਬਰ ਮਹੀਨੇ ਹੋਈਆਂ ਸਥਾਨਕ ਗੌਰਮਿੰਟ ਚੋਣਾਂ ਵਿੱਚ ਜਿੱਤ ਪ੍ਰਾਪਤ ਕਰਕੇ ਆਪਣੇ ਜੱਦੀ ਪਿੰਡ ਗੋਬਿੰਦਪੁਰਾ ਜਵਾਹਰਵਾਲਾ ਪਹੁੰਚੇ ਜੁਗਨਦੀਪ ਸਿੰਘ ਜਵਾਹਰਵਾਲਾ ਦਾ ਭਰਵਾਂ ਸਵਾਗਤ ਕੀਤਾ ਗਿਆ। ਇਸ ਮੌਕੇ ਸਰਪੰਚ ਹਰਵਿੰਦਰ ਸਿੰਘ ਦੀ ਅਗਵਾਈ ਹੇਠ ਸਨਮਾਨ ਸਮਾਰੋਹ ਕਰਵਾਇਆ ਗਿਆ ਇਸ ਮੌਕੇ ਆਮ ਆਦਮੀ ਪਾਰਟੀ ਦੇ ਸੂਬਾ ਪ੍ਰਧਾਨ ਤੇ ਕੈਬਨਿਟ ਮੰਤਰੀ ਸ੍ਰੀ ਅਮਨ ਅਰੋੜਾ , ਖਜ਼ਾਨਾ ਮੰਤਰੀ ਹਰਪਾਲ ਸਿੰਘ ਚੀਮਾ , ਜੈ ਕਿ੍ਰਸ਼ਨ ਰੋੜੀ ਡਿਪਟੀ ਸਪੀਕਰ ਪੰਜਾਬ ਵਿਧਾਨ ਸਭਾ ਤੇ ਕੈਬਨਿਟ ਮੰਤਰੀ ਬਰਿੰਦਰ ਗੋਇਲ ਦੇ ਬੇਟੇ ਐਡਵੋਕੇਟ ਗੌਰਵ ਗੋਇਲ ਨੇ ਵਿਸ਼ੇਸ਼ ਤੌਰ ’ਤੇ ਸ਼ਿਰਕਤ ਕੀਤੀ ।

ਪਿੰਡ ਦੇ ਨੌਜਵਾਨਾਂ ਵੱਲੋਂ ਜੁਗਨਦੀਪ ਸਿੰਘ ਜਵਾਹਰਵਾਲਾ ਨੂੰ ਪਿੰਡ ਤੋਂ ਕਰੀਬ 5 ਕਿਲੋਮੀਟਰ ਦੂਰ ਤੋਂ ਮੋਟਰਸਾਈਕਲਾਂ, ਕਾਰਾਂ ਦੇ ਵੱਡੇ ਕਾਫਲੇ ਨਾਲ ਸਨਮਾਨ ਸਮਾਰੋਹ ਵਾਲੀ ਥਾਂ ’ਤੇ ਲਿਆਂਦਾ ਗਿਆ । ਇਸ ਮੌਕੇ ਇਕੱਠ ਨੂੰ ਸੰਬੋਧਨ ਕਰਦਿਆਂ ਖਜ਼ਾਨਾ ਮੰਤਰੀ ਹਰਪਾਲ ਸਿੰਘ ਚੀਮਾ , ਜੈ ਕਿ੍ਰਸ਼ਨ ਰੋੜੀ ਡਿਪਟੀ ਸਪੀਕਰ ਪੰਜਾਬ ਵਿਧਾਨ ਸਭਾ, ਸ੍ਰੀ ਅਮਨ ਅਰੋੜਾ, ਕੈਬਨਿਟ ਮੰਤਰੀ ਬਰਿੰਦਰ ਗੋਇਲ ਦੇ ਬੇਟੇ ਐਡਵੋਕੇਟ ਗੌਰਵ ਗੋਇਲ ਨੇ ਕਿਹਾ ਕਿ ਪੰਜਾਬੀਆਂ ਨੇ ਜਿੱਥੇ ਵਿਦੇਸ਼ਾਂ ਦੀ ਧਰਤੀ ਤੇ ਵਸਕੇ ਆਪਣੀ ਮਿਹਨਤ ਅਤੇ ਹਿੰਮਤ ਸਦਕਾ ਆਪਣੇ ਵਧੀਆ ਕਾਰੋਬਾਰ ਸਥਾਪਤ ਕਰਕੇ ਆਪਣਾ ਨਾਂਅ ਵਿਦੇਸ਼ੀ ਧਰਤੀ ਤੇ ਰੋਸ਼ਨ ਕੀਤਾ ਹੈ। ਉਥੇ ਹੀ ਉਨ੍ਹਾਂ ਦੇਸ਼ਾਂ ਦੀ ਸਰਗਰਮ ਰਾਜਨੀਤੀ ਵਿੱਚ ਹਿੱਸਾ ਲੈ ਕੇ ਜਿੱਤ ਦੇ ਝੰਡੇ ਵੀ ਗੱਡੇ ਹਨ। Lehragaga News

ਇਹ ਵੀ ਪੜ੍ਹੋ: Georgia Accident: ਜਾਰਜੀਆ ਹਾਦਸੇ ‘ਚ ਮਰਨ ਵਾਲੇ ਸੰਦੀਪ ਸਿੰਘ ਦੇ ਘਰ ਪਹੁੰਚੇ ਡਾ. ਐਸਪੀ ਸਿੰਘ ਉਬਰਾਏ

ਉਨਾਂ ਕਿਹਾ ਕਿ ਜਿੱਥੇ ਪੰਜਾਬ ਦੀ ਸਿਆਸਤ ਵਿੱਚ ਜੁਗਨਦੀਪ ਜਵਾਹਰਵਾਲਾ ਦੇ ਪਿਤਾ ਸਵ. ਐਡਵੋਕੇਟ ਕਰਨੈਲ ਸਿੰਘ ਸਿੱਧੂ ਨੇ ਚੰਗਾ ਨਾਂਅ ਕਮਾਇਆ ਸੀ ਉੱਥੇ ਹੀ ਉਨ੍ਹਾਂ ਤੋਂ ਮਿਲੀ ਸਿਆਸੀ ਗੁੜ੍ਹਤੀ ਦੌਰਾਨ ਜੁਗਨਦੀਪ ਜਵਾਹਰਵਾਲਾਂ ਵੱਲੋਂ ਅਸਟਰੇਲੀਆ ਦੀ ਵੱਡੀ ਸਿਆਸੀ ਪਾਰਟੀ ਲਿਬਰਲ ਪਾਰਟੀ ਵੱਲੋਂ ਮੈਂਬਰ ਪਾਰਲੀਮੈਂਟ ਦੀ ਚੋਣ ਲੜਨਾ ਤੇ ਹੁਣ ਕੁਝ ਮਹੀਨੇ ਪਹਿਲਾਂ ਹੋਈਆਂ ਲੋਕਲ ਗੌਰਮੈਂਟ ਚੋਣਾਂ ਵਿੱਚ ਵੱਡੀ ਜਿੱਤ ਦਰਜ ਕਰਕੇ ਆਪਣਾ ਤੇ ਆਪਣੇ ਪਿੰਡ ਜਵਾਹਰਵਾਲਾ, ਇਲਾਕੇ ਤੇ ਪੰਜਾਬ ਦਾ ਨਾਂਅ ਰੋਸ਼ਨ ਕੀਤਾ ਗਿਆ ਹੈ।

ਇਸ ਮੌਕੇ ਉਨ੍ਹਾਂ ਵੱਲੋਂ ਪਿੰਡ ਅੰਦਰ ਖੇਡ ਸਟੇਡੀਅਮ ਬਣਾਉਣ , ਪਿੰਡ ਨੂੰ ਆਉਂਦੀਆਂ ਲਿੰਕ ਸੜਕਾਂ ਅਤੇ ਫਿਰਨੀ ਦੀ ਮੁਰੰਮਤ ਕਰਨ , ਵਾਟਰ ਵਰਕਸ ਦੀ ਟੈਂਕੀ ਦੀ ਉਸਾਰੀ ਕਰਨ ਤੋਂ ਇਲਾਵਾ ਹੋਰ ਮੰਗਾਂ ਨੂੰ ਜਲਦੀ ਪੂਰਾ ਕਰਨ ਦਾ ਐਲਾਨ ਕੀਤਾ ਗਿਆ । ਸ੍ਰੀ ਜੈ ਕਿ੍ਰਸ਼ਨ ਰੋੜੀ ਤੇ ਅਮਨ ਅਰੋੜਾ ਵੱਲੋਂ ਹਰੀ ਸਿੰਘ ਨਲੂਆ ਵੈਲਫੇਅਰ ਕਲੱਬ ਨੂੰ ਇੱਕ-ਇੱਕ ਲੱਖ ਰੁਪਏ ਦੀ ਗ੍ਰਾਂਟ ਦੇਣ ਦਾ ਐਲਾਨ ਵੀ ਕੀਤਾ ਗਿਆ । ਇਸ ਮੌਕੇ ਗੱਲਬਾਤ ਕਰਦਿਆਂ ਜੁਗਨਦੀਪ ਸਿੰਘ ਜਵਾਹਰਵਲਾ ਨੇ ਪਿੰਡ ਵਾਸੀਆਂ ਵੱਲੋਂ ਦਿੱਤੇ ਮਾਨ ਸਨਮਾਨ ਲਈ ਸਮੂਹ ਪਿੰਡ ਵਾਸੀਆਂ ਦਾ ਧੰਨਵਾਦ ਕੀਤਾ । ਇਸ ਮੌਕੇ ਕੁਲਦੀਪ ਸਿੰਘ ਫੌਜੀ, ਜ਼ੋਰਾ ਸਿੰਘ, ਅਵਤਾਰ ਸਿੰਘ, ਬਲਦੇਵ ਸਿੰਘ, ਕਰਮਜੀਤ ਸਿੰਘ, ਸਤਿਗੁਰੂ ਸਿੰਘ, ਸਿੰਗਾਰਾ ਸਿੰਘ, ਬਲਵਿੰਦਰ ਸਿੰਘ, ਰਾਮ ਸਿੰਘ, ਸਾਬਕਾ ਚੇਅਰਮੈਨ ਰਿੰਕੂ ਗੁਰਨੇ, ਐਡਵੋਕੇਟ ਅਰਪਿੰਦਰ ਸਿੰਘ ਰੂਪੀ ਆਦਿ ਹਾਜ਼ਰ ਸਨ।

Ludhiana Fraud News: (ਜਸਵੀਰ ਸਿੰਘ ਗਹਿਲ) ਲੁਧਿਆਣਾ। ਜ਼ਿਲ੍ਹਾ ਲੁਧਿਆਣਾ ਦੀ ਪੁਲਿਸ ਨੇ ਧੋਖਾਧੜੀ ਦੇ ਇੱਕ ਮਾਮਲੇ ਵਿੱਚ ਦੋ ਮਹੀਨਿਆਂ ਤੋਂ ਵੱਧ ਸਮੇਂ ਦੀ ਪੜਤਾਲ ਤੋਂ ਬਾਅਦ ਇੱਕ ਮਹਿਲਾ ਸਣੇ 5 ਵਿਅਕਤੀਆਂ ਖਿਲਾਫ਼ ਮਾਮਲਾ ਦਰਜ਼ ਕੀਤਾ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਵਿਦੇਸ਼ ਭੇਜਣ ਦੇ ਨਾਂਅ ’ਤੇ ਕੀਤੀ ਗਈ 10 ਲੱਖ ਰੁਪਏ ਦੀ ਧੋਖਾਧੜੀ ਦੇ ਦੋਸ਼ ਵਿੱਚ ਨਾਮਜ਼ਦ ਵਿਕਅਤੀਆਂ ਵਿਰੁੱਧ ਅਗਲੇਰੀ ਕਾਰਵਾਈ ਆਰੰਭ ਦਿੱਤੀ ਗਈ ਹੈ।

ਇਹ ਵੀ ਪੜ੍ਹੋ: Haryana-Punjab Weather Alert: ਹਰਿਆਣਾ-ਪੰਜਾਬ ਦੇ ਲੋਕ ਰਹਿਣ ਸਾਵਧਾਨ, ਤੂਫਾਨੀ ਮੀਂਹ ਦਾ ਅਲਰਟ, ਵਧੇਗੀ ਠੰਢ

ਪੁਲਿਸ ਨੂੰ ਦਿੱਤੀ ਗਈ ਸ਼ਿਕਾਇਤ ਵਿੱਚ ਸਾਹਿਲ ਸ਼ਰਮਾ ਪੁੱਤਰ ਤਿਰਲੋਕ ਸ਼ਰਮਾ ਵਾਸੀ ਰਾਮ ਨਗਰ ਭਾਮੀਆਂ ਕਲਾਂ ਨੇ ਦੱਸਿਆ ਕਿ ਉਹ ਵਿਦੇਸ਼ ’ਚ ਆਸਟਰੇਲੀਆਂ ਜਾਣਾ ਚਾਹੁੰਦਾ ਸੀ। ਜਿਸ ਦੇ ਲਈ ਉਸਨੇ ਪਰਦੀਪ ਕੁਮਾਰ, ਲੋਕੇਸ਼ ਜੈਨ, ਕੀਮਤੀ ਰਾਵਲ, ਪੂਜਾ ਤੇ ਤਰਲੋਕ ਸਿੰਘ ਨਾਲ ਸੰਪਰਕ ਕੀਤਾ ਤਾਂ ਉਨ੍ਹਾਂ ਹਮਮਸਵਰਾ ਹੋ ਕੇ ਉਸਨੂੰ ਆਸਟਰੇਲੀਆ ਭੇਜਣ ਲਈ ਉਸ ਕੋਲੋਂ 10 ਲੱਖ ਰੁਪਏ ਹਾਸਲ ਕਰ ਲਏ।

ਉਨ੍ਹਾਂ ਅੱਗੇ ਦੱਸਿਆ ਕਿ 10 ਲੱਖ ਰੁਪਏ ਹਾਸਲ ਕਰਨ ਤੋਂ ਬਾਅਦ ਵੀ ਉਕਤਾਨ ਵੱਲੋਂ ਉਸਨੂੰ ਨਾ ਵਿਦੇਸ਼ ਭੇਜਿਆ ਅਤੇ ਨਾ ਹੀ ਉਸਦੀ ਰਕਮ ਉਸਨੂੰ ਵਾਪਸ ਕੀਤੀ। ਇਸ ਲਈ ਉਕਤਾਨ ਖਿਲਾਫ਼ ਕਾਨੂੰਨੀ ਕਾਰਵਾਈ ਅਮਲ ’ਚ ਲਿਆਂਦੀ ਜਾਵੇ। ਮਾਮਲੇ ਦੇ ਜਾਂਚਕਰਤਾ ਅਧਿਕਾਰੀ ਇਕਬਾਲ ਸਿੰਘ ਦਾ ਕਹਿਣਾ ਹੈ ਕਿ ਥਾਣਾ ਡਵੀਜਨ ਨੰਬਰ 8 ਦੀ ਪੁਲਿਸ ਨੇ ਸਾਹਿਲ ਸ਼ਰਮਾ ਦੀ ਸ਼ਿਕਾਇਤ ’ਤੇ 5 ਖਿਲਾਫ਼ ਮਾਮਲਾ ਦਰਜ਼ ਕਰਕੇ ਅਗਲੇਰੀ ਕਾਰਵਾਈ ਆਰੰਭ ਦਿੱਤੀ ਹੈ। ਉਨ੍ਹਾਂ ਇਹ ਵੀ ਕਿਹਾ ਕਿ ਮਾਮਲੇ ’ਚ ਨਾਮਜਦ ਵਿਅਕਤੀਆਂ ਦੀ ਭਾਲ ਲਈ ਪੁਲਿਸ ਸਰਗਰਮ ਹੈ।

Perth News: ਪਰਥ (ਸੱਚ ਕਹੂੰ ਨਿਊਜ਼)। ਮਨੁੱਖਤਾ ਦਾ ਭਲਾ ਕਰਨ ਦਾ ਜਜਬਾ ਰੱਖਣ ਵਾਲੇ ਲੋਕ ਦੁਨੀਆਂ ਦੇ ਕਿਸੇ ਵੀ ਕੋਨੇ ’ਤੇ ਹੋਣ ਉਹ ਆਪਣਾ ਫਰਜ਼ ਨਹੀਂ ਭੁੱਲਦੇ। ਮੌਕਾ ਮਿਲਦੇ ਹੀ ਇਸਾਨੀਅਤ ਦੇ ਭਲੇ ਲਈ ਆ ਖੜ੍ਹਦੇ ਹਨ। ਇਸੇ ਤਰ੍ਹਾਂ ਹੀ ਡੇਰਾ ਸੱਚਾ ਸੌਦਾ ਦੇ ਸ਼ਰਧਾਲੂ ਆਪਣੀ ਇਨਸਾਨੀਅਤ ਦੇ ਭਲੇ ਦੀ ਸੋਚ ਨਾਲ ਜਾਣੇ ਜਾਂਦੇ ਹਨ।

ਸੱਚੇ ਰੂਹਾਨੀ ਰਹਿਬਰ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਦੀਆਂ ਪਵਿੱਤਰ ਸਿੱਖਿਆਵਾਂ ’ਤੇ ਚੱਲਦਿਆਂ ਮਹਾਂ ਪਰਉਪਕਾਰ ਮਹੀਨੇ ’ਤੇ ਪਰਥ (ਅਸਟਰੇਲੀਆ) ਦੇ ਸ਼ਾਹ ਸਤਿਨਾਮ ਜੀ ਗਰੀਨ ਐੱਸ ਵੈਲਫੇਅਰ ਸੰਗਠਨ ਦੇ ਵਲੰਟੀਅਰਾਂ ਵੱਲੋਂ ਕੈਨੀਗਟਨ ਬਲੱਡ ਸੈਂਟਰ, ਪਰਥ ’ਚ 7 ਯੂਨਿਟ ਖੂਨਦਾਨ ਕੀਤਾ ਗਿਆ। ਇੱਥੋਂ ਇਹ ਬਲੱਡ ਜ਼ਰੂਰਤਮੰਦ ਮਰੀਜ਼ਾਂ ਨੂੰ ਲਗਾਇਆ ਜਾਵੇਗਾ। ਬਲੱਡ ਬੈਂਕ ਦੇ ਅਧਿਕਾਰੀਆਂ ਵੱਲੋਂ ਸਾਰੇ ਵਲੰਟੀਅਰਾਂ ਦੀ ਭਰਪੂਰ ਪ੍ਰਸੰਸਾ ਕੀਤੀ ਗਈ। ਸਥਾਨਕ ਜ਼ਿੰਮੇਵਾਰਾਂ ਨੇ ਦੱਸਿਆ ਕਿ ਸਾਧ-ਸੰਗਤ ਸਮੇਂ-ਸਮੇਂ ’ਤੇ ਮਾਨਵਤਾ ਭਲਾਈ ਦੇ ਕਾਰਜ ਕਰਦੀ ਰਹਿੰਦੀ ਹੈ।

Read Also : Bahrain News: ਸੇਵਾਦਾਰਾਂ ਨੇ ਬਹਿਰੀਨ ’ਚ ਲਾਇਆ ਖੂਨਦਾਨ ਕੈਂਪ

ਜ਼ਿਕਰਯੋਗ ਹੈ ਕਿ ਡੇਰਾ ਸੱਚਾ ਸੌਦਾ ਦੀ ਸਾਧ-ਸੰਗਤ ਇਨਸਾਨੀਤ ਦੇ ਭਲੇ ਲਈ ਅਨੇਕਾਂ ਭਲਾਈ ਕਾਰਜ ਕਰ ਰਹੀ ਹੈ। ਇਨ੍ਹਾਂ ਭਲਾਈ ਕਾਰਜਾਂ ਕਰਕੇ ਡੇਰਾ ਸੱਚਾ ਸੌਦਾ ਤੇ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਦੇ ਨਾਂਅ ਸੈਂਕੜੇ ਰਿਕਾਰਡ ਦਰਜ਼ ਹਨ। Perth News

(ਏਜੰਸੀ) ਕੈਨਬਰਾ। Social Media News: ਅਸਟਰੇਲੀਆ ਦੇ ਪ੍ਰਧਾਨ ਮੰਤਰੀ ਐਂਥਨੀ ਅਲਬਾਨੀਜ਼ ਨੇ ਬੱਚਿਆਂ ਦੇ ਸੋਸ਼ਲ ਮੀਡੀਆ ਦੀ ਵਰਤੋਂ ’ਤੇ ਪਾਬੰਦੀ ਲਾਉਣ ਦੀ ਯੋਜਨਾ ਦਾ ਐਲਾਨ ਕੀਤਾ ਹੈ। ਅਲਬਾਨੀਜ਼ ਨੇ ਮੰਗਲਵਾਰ ਨੂੰ ਕਿਹਾ ਕਿ ਸਰਕਾਰ ਇਸ ਸਾਲ (2024 ਵਿੱਚ) ਸੋਸ਼ਲ ਮੀਡੀਆ ਅਤੇ ਹੋਰ ਸੰਬੰਧਿਤ ਡਿਜੀਟਲ ਪਲੇਟਫਾਰਮਾਂ ਤੱਕ ਪਹੁੰਚ ਲਈ ਘੱਟੋ-ਘੱਟ ਉਮਰ ਲਾਗੂ ਕਰਨ ਲਈ ਕਾਨੂੰਨ ਪੇਸ਼ ਕਰੇਗੀ।

ਉਨ੍ਹਾਂ ਕਿਹਾ, ‘ਅਸੀਂ ਜਾਣਦੇ ਹਾਂ ਕਿ ਸੋਸ਼ਲ ਮੀਡੀਆ ਸਮਾਜਿਕ ਨੁਕਸਾਨ ਦਾ ਕਾਰਨ ਬਣ ਰਿਹਾ ਹੈ ਅਤੇ ਇਹ ਬੱਚਿਆਂ ਨੂੰ ਅਸਲ ਦੋਸਤਾਂ ਅਤੇ ਅਸਲ ਅਨੁਭਵਾਂ ਤੋਂ ਦੂਰ ਲਿਜਾ ਰਿਹਾ ਹੈ’ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਕਾਨੂੰਨ ਸੂਬਿਆਂ ਅਤੇ ਪ੍ਰਦੇਸ਼ਾਂ ਨਾਲ ਗੱਲਬਾਤ ਕਰਕੇ ਸੂਚਿਤ ਕੀਤਾ ਜਾਵੇਗਾ, ਪਰ ਉਨ੍ਹਾਂ ਦੀ ਤਰਜੀਹ ਹੈ ਘੱਟੋ-ਘੱਟ ਉਮਰ 16 ਸਾਲ ਨਿਰਧਾਰਤ ਕਰੋ। Social Media News

ਇਹ ਵੀ ਪੜ੍ਹੋ: Google Jobs: MCA, B-Tech ਉਮੀਦਵਾਰਾਂ ਦਾ ਇੰਤਜ਼ਾਰ ਖਤਮ, ਗੂਗਲ ਨੇ ਕੱਢੀ ਭਰਤੀ, ਜੇਕਰ ਤੁਹਾਡੇ ਕੋਲ ਹੈ ਇਹ ਡਿਗਰੀ ਤਾ…

ਜਨਤਕ ਪ੍ਰਸਾਰਕ ਅਸਟਰੇਲੀਅਨ ਬਰਾਡਕਾਸਟਿੰਗ ਕਾਰਪੋਰੇਸ਼ਨ ਵੱਲੋਂ ਅਗਸਤ ਵਿੱਚ ਕਰਵਾਏ ਗਏ ਇੱਕ ਸਰਵੇਖਣ ਅਨੁਸਾਰ, 61 ਫੀਸਦੀ ਅਸਟਰੇਲੀਅਨਾਂ ਨੇ 17 ਸਾਲ ਤੋਂ ਘੱਟ ਉਮਰ ਦੇ ਵਿਅਕਤੀਆਂ ਲਈ ਸੋਸ਼ਲ ਮੀਡੀਆ ਤੱਕ ਪਹੁੰਚ ਨੂੰ ਸੀਮਤ ਕਰਨ ਦਾ ਸਮਰੱਥਨ ਕੀਤਾ। ਇਸ ਦੌਰਾਨ ਦੱਖਣੀ ਅਸਟਰੇਲੀਆ ਦੇ ਪ੍ਰੀਮੀਅਰ ਪੀਟਰ ਮਲੀਨੌਸਕਾਸ ਨੇ ਸਾਬਕਾ ਸੰਘੀ ਜੱਜ ਰੌਬਰਟ ਫਰੈਂਚ ਨੂੰ 14 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਨੂੰ ਸੋਸ਼ਲ ਮੀਡੀਆ ’ਤੇ ਪਾਬੰਦੀ ਲਾਉਣ ਲਈ ਕਾਨੂੰਨੀ ਤਰੀਕੇ ਲੱਭਣ ਦਾ ਕੰਮ ਸੌਂਪਿਆ ਹੈ। ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਸੰਘੀ ਸਰਕਾਰ ਕਾਨੂੰਨ ਦਾ ਮਸੌਦਾ ਤਿਆਰ ਕਰਦੇ ਸਮੇਂ ਰਾਬਰਟ ਫਰੈਂਚ ਦੀ ਸਮੀਖਿਆ ’ਤੇ ਵੀ ਵਿਚਾਰ ਕਰੇਗੀ।

Rajnath Singh : ਹਿੰਦ ਪ੍ਰਸ਼ਾਂਤ ਖੇਤਰ ਵਿੱਚ ਦੋਵਾਂ ਦੇਸ਼ਾਂ ਦਰਮਿਆਨ ਨਜ਼ਦੀਕੀ ਸਹਿਯੋਗ ਬਾਰੇ ਵੀ ਚਰਚਾ ਕੀਤੀ

ਨਵੀਂ ਦਿੱਲੀ (ਸੱਚ ਕਹੂੰ ਨਿਊਜ਼)। ਰੱਖਿਆ ਮੰਤਰੀ ਰਾਜਨਾਥ ਸਿੰਘ (Rajnath Singh) ਅਤੇ ਆਸਟ੍ਰੇਲੀਆ ਦੇ ਉਪ ਪ੍ਰਧਾਨ ਮੰਤਰੀ ਅਤੇ ਰੱਖਿਆ ਮੰਤਰੀ ਰਿਚਰਡ ਮਾਰਲਸ ਨੇ ਵੀਰਵਾਰ ਨੂੰ ਟੈਲੀਫੋਨ ‘ਤੇ ਗੱਲਬਾਤ ਕੀਤੀ ਅਤੇ ਦੋਵਾਂ ਦੇਸ਼ਾਂ ਵਿਚਾਲੇ ਰੱਖਿਆ ਸਬੰਧਾਂ ਦੀ ਸਮੀਖਿਆ ਕੀਤੀ। ਸਿੰਘ ਨੇ ਸੋਸ਼ਲ ਮੀਡੀਆ ‘ਤੇ ਇਕ ਪੋਸਟ ‘ਚ ਕਿ ਹਾ, ‘ਆਸਟ੍ਰੇਲੀਆ ਦੇ ਰੱਖਿਆ ਮੰਤਰੀ ਰਿਚਰਡ ਮਾਰਲਸ ਨਾਲ ਗੱਲ ਕੀਤੀ। ਅਸੀਂ ਦੁਵੱਲੇ ਰੱਖਿਆ ਸਹਿਯੋਗ ਨਾਲ ਸਬੰਧਤ ਕਈ ਮੁੱਦਿਆਂ ਦੀ ਸਮੀਖਿਆ ਕੀਤੀ। ਹਿੰਦ ਪ੍ਰਸ਼ਾਂਤ ਖੇਤਰ ਵਿੱਚ ਦੋਵਾਂ ਦੇਸ਼ਾਂ ਦਰਮਿਆਨ ਨਜ਼ਦੀਕੀ ਸਹਿਯੋਗ ਬਾਰੇ ਵੀ ਚਰਚਾ ਕੀਤੀ ਗਈ। ਅਸੀਂ ਭਾਰਤ-ਆਸਟ੍ਰੇਲੀਆ ਵਿਆਪਕ ਰਣਨੀਤਕ ਭਾਈਵਾਲੀ ਨੂੰ ਬਹੁਤ ਮਹੱਤਵ ਦਿੰਦੇ ਹਾਂ।

ਇਹ ਵੀ ਪੜ੍ਹੋ: ਐਸਡੀਐਮ ਨੇ ਪਿੰਡ ਦੋਨਾਂ ਮੱਤੜ ਵਿਖੇ ਦਰਿਆ ਦਾ ਕੀਤਾ ਦੌਰਾ

ਰੱਖਿਆ ਮੰਤਰਾਲੇ ਦੇ ਅਨੁਸਾਰ, ਦੋਵਾਂ ਮੰਤਰੀਆਂ ਨੇ ਵਿਆਪਕ ਰਣਨੀਤਕ ਸਾਂਝੇਦਾਰੀ ਦੇ ਤਹਿਤ ਰੱਖਿਆ ਸਹਿਯੋਗ ਵਿੱਚ ਸ਼ਾਨਦਾਰ ਪ੍ਰਗਤੀ ਨੂੰ ਨੋਟ ਕੀਤਾ ਅਤੇ ਨਵੰਬਰ 2023 ਵਿੱਚ ਆਖਰੀ ਭਾਰਤ-ਆਸਟ੍ਰੇਲੀਆ 2+2 ਮੰਤਰੀ ਪੱਧਰੀ ਵਾਰਤਾ ਤੋਂ ਬਾਅਦ ਸਬੰਧਾਂ ਵਿੱਚ ਆਈ ਗਤੀ ਦੀ ਸ਼ਲਾਘਾ ਕੀਤੀ। ਆਸਟਰੇਲੀਆ ਭਾਰਤ ਨੂੰ ਇੱਕ ਪ੍ਰਮੁੱਖ ਸੁਰੱਖਿਆ ਭਾਈਵਾਲ ਮੰਨਦਾ ਹੈ ਅਤੇ ਇਹ ਗੱਲ ਉਨ੍ਹਾਂ ਦੇ ਰਾਸ਼ਟਰੀ ਰੱਖਿਆ ਰਣਨੀਤੀ ਦਸਤਾਵੇਜ਼ ਵਿੱਚ ਪ੍ਰਮੁੱਖਤਾ ਨਾਲ ਕਹੀ ਗਈ ਹੈ। Rajnath Singh

ਮਾਰਲਸ ਨੇ ਸਿੰਘ ਨੂੰ ਲਗਾਤਾਰ ਦੂਜੀ ਵਾਰ ਰੱਖਿਆ ਮੰਤਰੀ ਦਾ ਅਹੁਦਾ ਸੰਭਾਲਣ ਲਈ ਵਧਾਈ ਦਿੱਤੀ ਅਤੇ ਭਾਰਤ ਨੂੰ ਲੋਕਤੰਤਰੀ ਪ੍ਰਣਾਲੀ ਦੀ ਸ਼ਲ਼ਾਘਾ ਕੀਤੀ। ਉਨ੍ਹਾਂ ਨੇ ਰੱਖਿਆ ਮੰਤਰੀ ਨੂੰ ਟੀ ਇੰਡੀਆ ਦੇ ਟੀ-20 ਵਿਸ਼ਵ ਚੈਂਪੀਅਨ ਬਣਾਉਣ ’ਤੇ ਵੀ ਵਧਾਈ ਦਿੱਤੀ।

ਇੱਕਰੋਜ਼ਾ ਤੇ ਟੀ20 ’ਚ ਭਾਰਤੀ ਟੀਮ ਸਿਖਰ ’ਤੇ | ICC Test Ranking

• ਭਾਰਤ ਦਾ ਰੈਂਕਿੰਗ ‘ਚ ਨੁਕਸਾਨ ਹੋਣਾ 2020-21 ‘ਚ ਹੋਈ ਅਸਟਰੇਲੀਆ ਟੈਸਟ ਸੀਰੀਜ਼
• ਟੈਸਟ ਰੈਂਕਿੰਗ ’ਚ ਹੋਇਆ ਨੁਕਸਾਨ

ਸਪੋਰਟਸ ਡੈਸਕ। ਵਿਸ਼ਵ ਚੈਂਪੀਅਨ ਅਸਟਰੇਲੀਆ ਕ੍ਰਿਕੇਟ ਟੀਮ ਭਾਰਤ ਨੂੰ ਪਿੱਛੇ ਹਟਾ ਕੇ ਟੈਸਟ ਰੈਂਕਿੰਗ ’ਚ ਨੰਬਰ 1 ’ਤੇ ਪਹੁੰਚ ਗਿਆ ਹੈ। ਅਸਟਰੇਲੀਆ ਦੇ ਹੁਣ ਟੈਸਟਾਂ ’ਚ 124 ਰੈਟਿੰਗ ਪੁਆਇੰਟ ਹਨ ਤੇ ਉਹ ਸਿਖਰ ’ਤੇ ਹੈ। ਨਾਲ ਹੀ ਭਾਰਤ 4 ਪੁਆਇੰਟ ਪਿੱਛੇ 120 ਅੰਕਾਂ ਨਾਲ ਦੂਜੇ ਸਥਾਲ ’ਤੇ ਹੈ। ਟੈਸਟ ’ਚ ਤੀਜੇ ਸਥਾਨ ’ਤੇ ਇੰਗਲੈਂਡ ਦੀ ਟੀਮ ਹੈ, ਚੌਥੇ ਸਥਾਨ ’ਤੇ ਦੱਖਣੀ ਅਫਰੀਕਾ ਦੀ ਟੀਮ ਹੈ, ਦੱਖਣੀ ਅਫਰੀਕਾ ਦੇ 103 ਅੰਕ ਹਨ, ਜਿਸ ਦੇ ਨਾਲ ਉਹ 100 ਅੰਕਾਂ ਤੋਂ ਉਪਰ ਵਾਲੀ ਚੌਥੀ ਟੀਮ ਹੈ। ਭਾਰਤ ਦਾ ਹੇਠਾਂ ਖਿਸਕਣ ਦਾ ਮੁੱਖ ਕਾਰਨ ਇਹ ਹੈ ਕਿਉਂਕਿ 2020-21 ’ਚ ਅਸਟਰੇਲੀਆ ’ਚ ਉਸ ਦੀ 2-1 ਦੀ ਸੀਰੀਜ਼ ਜਿੱਤ ਰੈਂਕਿੰਗ ’ਚ ਸ਼ਾਮਲ ਚਾਰ ਮੈਚਾਂ ਤੋਂ ਬਾਹਰ ਹੋ ਗਈ ਸੀ। ਸਾਲਾਨਾ ਅਪਡੇਟ ਤੋਂ ਬਾਅਦ ਭਾਰਤੀ ਟੀਮ ਹੁਣ ਇੱਕਰੋਜ਼ਾ ਤੇ ਟੀ20 ਅੰਤਰਰਾਸ਼ਟਰੀ ਰੈਂਕਿੰਗ ’ਚ ਸਿਖਰ ’ਤੇ ਹੀ ਹੈ।

ਇਹ ਵੀ ਪੜ੍ਹੋ : Holiday: ਗਰਮੀ ਦਿਖਾਉਣ ਲੱਗੀ ਆਪਣਾ ਰੂਪ, ਸਕੂਲਾਂ ’ਚ ਇਸ ਦਿਨ ਤੋਂ ਹੋ ਸਕਦੀਆਂ ਨੇ ਛੁੱਟੀਆਂ

ਟੈਸਟ ਰੈਂਕਿੰਗ ’ਚ ਤੀਜੇ ਤੋਂ 9ਵੇਂ ਸਥਾਨ ਤੱਕ ਕੋਈ ਬਦਲਾਅ ਨਹੀਂ | ICC Test Ranking

ਤੀਜੇ ਤੋਂ ਨੌਵੇਂ ਸਥਾਨ ’ਤੇ ਰਹਿਣ ਵਾਲੀਆਂ ਟੀਮਾਂ ਦੀ ਰੈਂਕਿੰਗ ’ਚ ਕੋਈ ਬਦਲਾਅ ਨਹੀਂ ਹੋਇਆ ਹੈ। ਆਈਸੀਸੀ ਦੀ ਟੈਸਟ ਰੈਂਕਿੰਗ ’ਚ 9 ਹੀ ਟੀਮਾਂ ਨੂੰ ਸਿਖਰ ’ਚ ਮੰਨਿਆਂ ਜਾਂਦਾ ਹੈ, ਕਿਊਂਕਿ ਅਫਗਾਨਿਸਤਾਨ ਤੇ ਆਇਰਲੈਂਡ ਅਜੇ ਤੱਕ ਟੈਸਟ ਨਾ ਖੇਡਣ ਕਾਰਨ 11ਵੇਂ ਤੇ 12ਵੇਂ ਨੰਬਰ ’ਤੇ ਹੀ ਹੈ। ਜਦਕਿ ਜ਼ਿੰਬਾਬਵੇ ਵੀ ਟਾਪ-9 ਤੋਂ ਬਾਹਰ ਹੈ, ਕਿਊਂਕਿ ਉਸ ਨੇ ਪਿਛਲੇ ਤਿੰਨ ਸਾਲਾਂ ’ਚ ਸਿਰਫ 3 ਟੈਸਟ ਮੈਚ ਹੀ ਖੇਡੇ ਹਨ। ਰੈਂਕਿੰਗ ਟੇਬਲ ’ਚ ਆਉਣ ਲਈ ਟੀਮਾਂ ਨੂੰ ਤਿੰਨ ਸਾਲ ਦੇ ਅੰਦਰ ਘੱਟ ਤੋਂ ਘੱਟ 8 ਟੈਸਟ ਖੇਡਣੇ ਹੋਣਗੇ। ਮਈ 2023 ਤੋਂ ਪਹਿਲਾਂ ਪੂਰੇ ਕੀਤੇ ਗਏ ਮੈਚਾਂ ਦਾ 50 ਫੀਸਦੀ ਤੇ ਬਾਅਦ ’ਚ ਹੋਏ ਸਾਰੇ ਮੈਚਾਂ ਨੂੰ ਰੈਂਕਿੰਗ ’ਚ ਮੰਨਿਆ ਜਾਂਦਾ ਹੈ। (ICC Test Ranking)

ਭਾਰਤ ਕੋਲ ਇੱਕਰੋਜ਼ਾ ਰੈਂਕਿੰਗ ’ਚ 6 ਅੰਕਾਂ ਦੀ ਬੜ੍ਹਤ | ICC Test Ranking

ਭਾਰਤ ਭਾਵੇਂ ਹੀ ਆਈਸੀਸੀ ਪੁਰਸ਼ਾਂ ਕ੍ਰਿਕੇਟ ਵਿਸ਼ਵ ਕੱਪ ਫਾਈਨਲ ’ਚ ਅਸਟਰੇਲੀਆ ਤੋਂ ਹਾਰ ਗਿਆ ਹੋਵੇ, ਪਰ ਉਸ ਨੇ ਉਸ ’ਤੇ ਆਪਣੀ ਬੜ੍ਹਤ ਤਿੰਨ ਅੰਕਾਂ ਤੋਂ ਵਧਾ ਕੇ ਛੇ ਅੰਕਾਂ ਤੱਕ ਕਰ ਲਈ ਹੈ ਤੇ 122 ਅੰਕਾਂ ਨਾਲ ਸੂਚੀ ’ਚ ਸਿਖਰ ’ਤੇ ਹੈ। ਚੋਟੀ ਦੇ 10 ’ਚ ਕੋਈ ਬਦਲਾਅ ਨਹੀਂ ਹੋਇਆ ਹੈ ਪਰ ਆਇਰਲੈਂਡ ਨੇ ਜ਼ਿੰਬਾਬਵੇ ਨੂੰ ਪਛਾੜ ਕੇ 11ਵੇਂ ਸਥਾਨ ’ਤੇ ਕਬਜਾ ਕਰ ਲਿਆ ਹੈ। ਤੀਜੇ ਸਥਾਨ ’ਤੇ ਕਾਬਜ ਦੱਖਣੀ ਅਫਰੀਕਾ ਅਸਟਰੇਲੀਆ ਤੋਂ 8 ਅੰਕ ਦੂਰ ਸੀ, ਹੁਣ ਇਹ ਅੰਤਰ ਘੱਟ ਕੇ 4 ਅੰਕ ਰਹਿ ਗਿਆ ਹੈ। ਜਦਕਿ ਸ੍ਰੀਲੰਕਾ ਪੰਜਵੇਂ ਸਥਾਨ ’ਤੇ ਮੌਜ਼ੂਦ ਇੰਗਲੈਂਡ ਤੋਂ ਸਿਰਫ ਦੋ ਅੰਕ ਪਿੱਛੇ ਹੈ। (ICC Test Ranking)

ਟੀ-20 ਰੈਂਕਿੰਗ ’ਚ ਅਸਟਰੇਲੀਆ ਦੂਜੇ ਸਥਾਨ ’ਤੇ | ICC Test Ranking

ਜੇਕਰ ਟੀ20 ਰੈਂਕਿੰਗ ਦੀ ਗੱਲ ਕੀਤੀ ਜਾਵੇ ਤਾਂ ਟੀ-20 ਰੈਂਕਿੰਗ ’ਚ ਅਸਟਰੇਲੀਆ ਦੂਜੇ ਸਥਾਨ ’ਤੇ ਆ ਗਿਆ ਹੈ। ਭਾਰਤ 264 ਰੇਟਿੰਗ ਅੰਕਾਂ ਨਾਲ ਪਹਿਲੇ ਸਥਾਨ ’ਤੇ ਬਰਕਰਾਰ ਹੈ। ਇਸ ਦੇ ਨਾਲ ਹੀ ਦੱਖਣੀ ਅਫਰੀਕਾ ਵੀ 2 ਸਥਾਨ ਵਧ ਕੇ ਇੰਗਲੈਂਡ ਤੋਂ ਹੇਠਾਂ ਚੌਥੇ ਸਥਾਨ ’ਤੇ ਆ ਗਿਆ ਹੈ। (ICC Test Ranking)

3 ਜਨਵਰੀ ਤੋਂ ਪਾਕਿਸਤਾਨ ਖਿਲਾਫ ਖੇਡਣਗੇ ਆਪਣਾ ਆਖਿਰੀ ਟੈਸਟ ਮੈਚ | David Warner

• ਵਿਸ਼ਵ ਕੱਪ 2023 ’ਚ ਵੀ ਕੀਤਾ ਸੀ ਸ਼ਾਨਦਾਰ ਪ੍ਰਦਰਸ਼ਨ

ਪਰਥ (ਅਸਟਰੇਲੀਆ)। ਅਸਟਰੇਲੀਆ ਦੇ ਓਪਨਰ ਬੱਲੇਬਾਜ ਡੇਵਿਡ ਵਾਰਨਰ ਨੇ ਟੈਸਟ ਦੇ ਨਾਲ-ਨਾਲ ਇੱਕਰੋਜ਼ਾ ਕ੍ਰਿਕੇਟ ਤੋਂ ਵੀ ਸੰਨਿਆਸ ਲੈਣ ਦਾ ਐਲਾਨ ਕਰ ਦਿੱਤਾ ਹੈ। ਉਹ 3 ਜਨਵਰੀ ਤੋਂ ਸਿਡਨੀ ’ਚ ਪਾਕਿਸਤਾਨ ਖਿਲਾਫ ਹੋਣ ਵਾਲੇ ਆਪਣੇ ਕਰੀਅਰ ਦਾ ਆਖਰੀ ਟੈਸਟ ਮੈਚ ਖੇਡਣਗੇ। ਕ੍ਰਿਕੇਟ ਅਸਟਰੇਲੀਆ ਨੇ ਵੀ ਆਪਣੀ ਅਧਿਕਾਰਤ ਆਈਡੀ ਰਾਹੀਂ ਵਾਰਨਰ ਦੇ ਇੱਕਰੋਜ਼ਾ ਤੋਂ ਸੰਨਿਆਸ ਲੈਣ ਦੀ ਪੁਸ਼ਟੀ ਕੀਤੀ ਹੈ। ਵਾਰਨਰ ਸੋਮਵਾਰ 1 ਜਨਵਰੀ ਨੂੰ ਸਿਡਨੀ ’ਚ ਆਯੋਜਿਤ ਪ੍ਰੈੱਸ ਕਾਨਫਰੰਸ ’ਚ ਭਾਵੁਕ ਹੋ ਗਏ ਅਤੇ ਕਿਹਾ ਕਿ ਮੈਂ ਯਕੀਨੀ ਤੌਰ ’ਤੇ ਇੱਕਰੋਜਾ ਕ੍ਰਿਕੇਟ ਤੋਂ ਵੀ ਸੰਨਿਆਸ ਲੈ ਰਿਹਾ ਹਾਂ। (David Warner)

ਇਹ ਉਹ ਚੀਜ ਸੀ ਜੋ ਮੈਂ ਇੱਕਰੋਜ਼ਾ ਵਿਸ਼ਵ ਕੱਪ ਦੌਰਾਨ ਕਹੀ ਸੀ। ਇੱਕਰੋਜ਼ਾ ਵਿਸ਼ਵ ਕੱਪ ਭਾਰਤ ’ਚ ਜਿੱਤਣਾ ਵੱਡੀ ਪ੍ਰਾਪਤੀ ਹੈ। ‘ਮੈਂ ਅੱਜ ਉਸ ਫਾਰਮੈਟ ਤੋਂ ਸੰਨਿਆਸ ਲੈਣ ਦਾ ਫੈਸਲਾ ਕੀਤਾ ਹੈ, ਜਿਸ ਨਾਲ ਮੈਂ ਦੁਨੀਆ ਭਰ ਦੀਆਂ ਹੋਰ ਲੀਗਾਂ ’ਚ ਖੇਡ ਸਕਦਾ ਹਾਂ ਅਤੇ ਇੱਕਰੋਜ਼ਾ ਟੀਮ ਨੂੰ ਥੋੜ੍ਹਾ ਅੱਗੇ ਵਧਣ ’ਚ ਮਦਦ ਕਰਦਾ ਹਾਂ। ਮੈਨੂੰ ਪਤਾ ਹੈ ਕਿ ਚੈਂਪੀਅਨਸ ਟਰਾਫੀ ਆ ਰਹੀ ਹੈ। ਜੇਕਰ ਮੈਂ ਦੋ ਸਾਲਾਂ ’ਚ ਚੰਗੀ ਕ੍ਰਿਕੇਟ ਖੇਡ ਰਿਹਾ ਹਾਂ ਅਤੇ ਉਨ੍ਹਾਂ ਨੂੰ ਕਿਸੇ ਦੀ ਜਰੂਰਤ ਹੈ ਤਾਂ ਮੈਂ ਉੱਥੇ ਮੌਜ਼ੂਦ ਹੋਵਾਂਗਾ। (David Warner)

ਟੀ-20 ਕਿਕੇਟ ’ਤੇ ਦੇਣਗੇ ਧਿਆਨ | David Warner

ਡੇਵਿਡ ਵਾਰਨਰ ਨੇ ਟੀ-20 ’ਤੇ ਧਿਆਨ ਦੇਣ ਲਈ ਇੱਕਰੋਜ਼ਾ ਅਤੇ ਟੈਸਟ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕੀਤਾ ਹੈ। ਉਹ ਜੂਨ ’ਚ ਵੈਸਟਇੰਡੀਜ ਅਤੇ ਅਮਰੀਕਾ ’ਚ ਹੋਣ ਵਾਲੇ ਟੀ-20 ਵਿਸ਼ਵ ਕੱਪ ’ਚ ਅਸਟਰੇਲੀਆ ਦੀ ਟੀਮ ਦਾ ਹਿੱਸਾ ਬਣ ਸਕਦੇ ਹਨ। ਇਸ ਦੇ ਨਾਲ ਹੀ ਪਾਕਿਸਤਾਨ ਖਿਲਾਫ ਟੈਸਟ ਸੀਰੀਜ ਖਤਮ ਹੋਣ ਤੋਂ ਬਾਅਦ ਉਹ ਬਿਗ ਬੈਸ਼ ’ਚ ਸਿਡਨੀ ਥੰਡਰ ਲਈ ਘੱਟ ਤੋਂ ਘੱਟ ਚਾਰ ਮੈਚ ਖੇਡਣਗੇ। ਇਸ ਤੋਂ ਬਾਅਦ ਉਹ ਆਈਐੱਲਟੀ20 ’ਚ ਦੁਬਈ ਕੈਪੀਟਲਸ ਲਈ ਖੇਡ ਸਕਦੇ ਹਨ। ਉਨ੍ਹਾਂ ਆਈਐੱਲਟੀ20 ਲੀਗ ’ਚ ਖੇਡਣ ਲਈ ਕ੍ਰਿਕੇਟ ਅਸਟਰੇਲੀਆ ਤੋਂ ਦੀ ਬੇਨਤੀ ਕੀਤੀ ਹੈ। ਇਸ ’ਚ ਦੁਬਈ ਦੀ ਟੀਮ ਦਾ ਪਹਿਲਾ ਮੈਚ 21 ਜਨਵਰੀ ਨੂੰ ਖੇਡਿਆ ਜਾਵੇਗਾ।

ਵਾਰਨਰ ਇੱਕਰੋਜ਼ਾ ਵਿਸ਼ਵ ਕੱਪ ’ਚ ਅਸਟਰੇਲੀਆ ਦੇ ਟਾਪ ਸਕੋਰਰ | David Warner

ਡੇਵਿਡ ਵਾਰਨਰ ਪਿਛਲੇ ਸਾਲ ਭਾਰਤ ’ਚ ਖੇਡੇ ਗਏ ਇੱਕ-ਰੋਜਾ ਵਿਸ਼ਵ ਕੱਪ ’ਚ ਅਸਟਰੇਲੀਆਈ ਟੀਮ ਵੱਲੋਂ ਸਭ ਤੋਂ ਜ਼ਿਆਦਾ ਸਕੋਰਰ ਸਨ। ਉਨ੍ਹਾਂ ਇੱਕਰੋਜ਼ ਵਿਸ਼ਵ ਕੱਪ ’ਚ ਖੇਡੇ ਗਏ 11 ਮੈਚਾਂ ਦਰਮਿਆਨ 48.63 ਦੀ ਔਸਤ ਨਾਲ 535 ਦੌੜਾਂ ਬਣਾਈਆਂ। ਉਨ੍ਹਾਂ ਦਾ ਸਟ੍ਰਾਈਕ ਰੇਟ 108.29 ਸੀ। ਉਨ੍ਹਾਂ 2 ਸੈਂਕੜੇ ਅਤੇ 2 ਅਰਧ ਸੈਂਕੜੇ ਵੀ ਜੜੇ। (David Warner)

2011 ’ਚ ਕੀਤੀ ਸੀ ਟੈਸਟ ਕਰੀਅਰ ਦੀ ਸ਼ੁਰੂਆਤ | David Warner

ਅਸਟਰੇਲੀਆਈ ਓਪਨਰ ਡੇਵਿਡ ਵਾਰਨਰ ਨੇ ਆਪਣੇ ਟੈਸਟ ਕਰੀਅਰ ਦੀ ਸ਼ੁਰੂਆਤ 2011 ’ਚ ਨਿਊਜੀਲੈਂਡ ਖਿਲਾਫ ਬ੍ਰਿਸਬੇਨ ’ਚ ਕੀਤੀ ਸੀ। ਹੁਣ ਤੱਕ ਖੇਡੇ ਗਏ 111 ਟੈਸਟ ਮੈਚਾਂ ’ਚ ਉਸ ਨੇ 44.58 ਦੀ ਔਸਤ ਨਾਲ 8695 ਦੌੜਾਂ ਬਣਾਈਆਂ ਹਨ। ਇਸ ’ਚ 26 ਸੈਂਕੜੇ ਅਤੇ 36 ਅਰਧ ਸੈਂਕੜੇ ਸ਼ਾਮਲ ਹਨ। (David Warner)

ਇੱਕਰੋਜ਼ਾ ’ਚ ਲਗਭਗ 45 ਦੀ ਔਸਤ ਨਾਲ ਬਣਾਈਆਂ ਦੌੜਾਂ

ਡੇਵਿਡ ਵਾਰਨਰ ਨੇ ਆਪਣੇ ਅੰਤਰਰਾਸ਼ਟਰੀ ਕਰੀਅਰ ਦੀ ਸ਼ੁਰੂਆਤ 2009 ’ਚ ਹੋਬਾਰਟ ’ਚ ਦੱਖਣੀ ਅਫਰੀਕਾ ਖਿਲਾਫ ਇੱਕਰੋਜ਼ਾ ’ਚ ਕੀਤੀ ਸੀ। ਉਨ੍ਹਾਂ ਆਪਣਾ ਆਖਰੀ ਮੈਚ 19 ਨਵੰਬਰ ਨੂੰ ਅਹਿਮਦਾਬਾਦ ’ਚ ਭਾਰਤ ਖਿਲਾਫ ਇੱਕ-ਰੋਜਾ ਵਿਸ਼ਵ ਕੱਪ ਫਾਈਨਲ ’ਚ ਖੇਡਿਆ ਸੀ। ਹੁਣ ਤੱਕ ਖੇਡੇ ਗਏ 161 ਇੱਕਰੋਜ਼ਾ ਮੈਚਾਂ ’ਚ ਉਨ੍ਹਾਂ ਨੇ 45.30 ਦੀ ਔਸਤ ਨਾਲ 6932 ਦੌੜਾਂ ਬਣਾਈਆਂ ਹਨ। ਇਸ ’ਚ ਉਨ੍ਹਾਂ ਨੇ 22 ਸੈਂਕੜੇ ਅਤੇ 33 ਅਰਧ ਸੈਂਕੜੇ ਲਗਾਏ। (David Warner)

ਭਾਰਤੀ ਪੁਰਸ਼ ਟੀਮ ਦੀ ਕਮਾਨ ਸੰਭਾਲਣਗੇ ਸਿਮਰਨਜੀਤ, ਗੋਲਕੀਪਰ ਰਜਨੀ ਹੋਵੇਗੀ ਮਹਿਲਾ ਟੀਮ ਦੀ ਕਪਤਾਨ

ਕੈਨਬਰਾ (ਏਜੰਸੀ)। ਦੱਖਣ-ਪੂਰਬੀ ਆਸਟਰੇਲੀਆ (Australia) ਤੋਂ ਲੱਖਾਂ ਮੱਛੀਆਂ ਦੀ ਮੌਤ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਇਨ੍ਹਾਂ ਮਿ੍ਰਤਕ ਮੱਛੀਆਂ ਨੂੰ ਨਦੀ ਦੇ ਪਾਣੀ ਦੇ ਉੱਪਰ ਤੈਰਦਾ ਦੇਖਿਆ ਗਿਆ ਹੈ। ਅਧਿਕਾਰੀਆਂ ਅਤੇ ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਅਜਿਹਾ ਹੜ ਅਤੇ ਗਰਮ ਮੌਸਮ ਕਾਰਨ ਹੋਇਆ ਹੈ। ਨਿਊ ਸਾਊਥ ਵੈਲਜ਼ ਰਾਜ ਦੇ ਪ੍ਰਾਇਮਰੀ ਉਦਯੋਗ ਵਿਭਾਗ ਨੇ ਕਿਹਾ ਕਿ ਮੱਛੀਆਂ ਦੀ ਮੌਤ ਗਰਮੀ ਦੀ ਲਹਿਰ ਨਾਲ ਹੋਈ ਹੈ। ਵਿਭਾਗ ਨੇ ਕਿਹਾ ਕਿ ਮੱਛੀਆਂ ਦੇ ਮਰਨ ਦਾ ਕਾਰਨ ਆਕਸੀਜਨ ਦਾ ਘੱਟ ਪੱਧਰ ਹੈ।

ਮੇਨਿੰਡੀ ਦੇ ਆਊਟਬੈਕ ਕਸਬੇ ਦੇ ਨਿਵਾਸੀਆਂ ਨੇ ਮਰੀਆਂ ਹੋਈਆਂ ਮੱਛੀਆਂ ਤੋਂ ਭਿਆਨਕ ਬਦਬੂ ਆਉਣ ਦੀ ਸ਼ਿਕਾਇਤ ਕੀਤੀ। ਇੱਕ ਸਥਾਨਕ ਜਾਨ ਡੇਨਿੰਗ ਨੇ ਕਿਹਾ ਕਿ ਉਨ੍ਹਾਂ ਨੇ ਸਫ਼ਾਈ ਕਰਨੀ ਸ਼ੁਰੂ ਕਰ ਦਿੱਤੀ ਹੈ। ਮਰੀਆਂ ਹੋਈਆਂ ਮੱਛੀਆਂ ਨੂੰ ਦੇਖਣਾ ਭਿਆਨਕ ਹੈ ਅਤੇ ਇਹਨਾਂ ਵਿੱਚੋਂ ਬਦਬੂ ਆ ਰਹੀ ਹੈ। ਕੁਦਰਤ ਦੇ ਫੋਟੋਗ੍ਰਾਫ਼ਰ ਜਿਓਫ਼ ਲੂਨੀ ਨੇ ਕਿਹਾ ਕਿ ਬਦਬੂ ਬਹੁਤ ਭਿਆਨਕ ਸੀ। ਉਸ ਨੂੰ ਮਾਸਕ ਪਾਉਣਾ ਪਿਆ। ਲੂਨੀ ਆਪਣੀ ਸਿਹਤ ਨੂੰ ਲੈ ਕੇ ਚਿੰਤਿਤ ਸੀ। ਮੇਨਿੰਡੀ ਦੇ ਉੱਤਰ ਵਾਲੇ ਲੋਕਾਂ ਨੇ ਦੱਸਿਆ ਕਿ ਹਰ ਪਾਸੇ ਨਦੀ ਦੇ ਹੇਠਾਂ ਕੋਡ ਅਤੇ ਪਰਚ ਤੈਰ ਰਹੇ ਹਨ।

ਹਾਲ ਹੀ ਦੇ ਹਫ਼ਤਿਆਂ ਵਿੱਚ ਡਾਰਲਿੰਗ-ਬਾਕਾ ਨਦੀ ’ਤੇ ਵੱਡੇ ਪੱਧਰ ’ਤੇ ਮੌਤਾਂਦੀ ਰਿਪੋਰਟ ਕੀਤੀ ਗਈ। ਫ਼ਰਵਰੀ ਦੇ ਅਖੀਰ ਵਿੱਚ ਉਸੇ ਥਾਂ ਹਜ਼ਾਰਾਂ ਮੱਛੀਆਂ ਪਾਈਆਂ ਗਈਆਂ ਸਨ, ਜਦੋਂ ਕਿ ਦੱਖਣੀ ਆਸਟਰੇਲੀਆ ਦੀਆਂ ਸਰਹੱਦਾਂ ਨੇੜੇ, ਪੁਨਕੇਰੀ ਦੇ ਹੇਠਾਂ ਮਰੀਆਂ ਮੱਛੀਆਂ ਦੀਆਂ ਕਈ ਰਿਪੋਰਟਾਂ ਹਨ। 2018 ਦੇ ਅਖੀਰ ਅਤੇ 2019 ਦੇ ਸ਼ੁਰੂ ਵਿੱਚ ਗੰਭੀਰ ਸੋਕੇ ਦੀਆਂ ਸਥਿੀਆਂ ਦੌਰਾਨ ਮੇਨਿਡੀ ਵਿਖੇ ਦਰਿਆ ’ਤੇ ਬਹੁਤ ਜ਼ਿਆਦਾ ਮੱਛੀਆਂ ਮਰੀਆਂ ਸਨ। ਸਥਾਨਕ ਲੋਕਾਂ ਨੇ ਲੱਖ ਮੱਛੀਆਂ ਦੇ ਮਰਨ ਦਾ ਅਨੁਮਾਨ ਲਾਇਆ ਹੈ।

(ਏਜੰਸੀ) ਨਵੀਂ ਦਿੱਲੀ। ਕਪਤਾਨ ਪੈਟ ਕਮਿੰਸ ਦੇ ਪਰਿਵਾਰਕ ਕਾਰਨਾਂ ਕਾਰਨ ਭਾਰਤ ਨਾ ਪਰਤ ਸਕਣ ਕਾਰਨ ਅਗਲੇ ਹਫ਼ਤੇ ਇੰਦੌਰ ’ਚ ਸ਼ੁਰੂ ਹੋਣ ਵਾਲੇੇ ਤੀਜੇ ਟੈਸਟ ’ਚ ਉਪ ਕਪਤਾਨ ਸਟੀਵ ਸਮਿੱਥ (Steve Smith) ਅਸਟਰੇਲੀਆ ਦੀ ਕਮਾਨ ਸੰਭਾਲਣਗੇ। ਕ੍ਰਿਕਟ ਅਸਟਰੇਲੀਆ (ਸੀਏ) ਨੇ ਸ਼ੁੱਕਰਵਾਰ ਨੂੰ ਇਹ ਐਲਾਨ ਕੀਤਾ।  ਜ਼ਿਕਰਯੋਗ ਹੈ ਕਿ ਕਮਿੰਸ ਆਪਣੀ ਮਾਂ ਦੀ ਤਬੀਅਤ ਵਿਗੜਨ ਕਾਰਨ ਦੂਜੇ ਟੈਸਟ ਦੇ ਸਮਾਪਤੀ ਤੋਂ ਬਾਅਦ ਅਸਟਰੇਲੀਆ ਚਲੇ ਗਏ ਸਨ ਕਮਿੰਸ ਨੂੰ ਇੱਕ ਮਾਰਚ ਤੋਂ ਹੋਣ ਵਾਲੇ ਬਾਰਡਰ-ਗਾਵਸਕਰ ਟਰਾਫੀ ਦੇ ਤੀਜੇ ਟੈਸਟ ਤੋਂ ਪਹਿਲਾਂ ਭਾਰਤ ਪਰਤਨਾ ਸੀ, ਪਰ ਹੁਣ ਉਨ੍ਹਾਂ ਨੇ ਇਸ ਦੇ ਉਲਟ ਫੈਸਲਾ ਲਿਆ ਹੈ।

ਸੀਏ ਵੱਲੋਂ ਜਾਰੀ ਬਿਆਨ ’ਚ ਕਮਿੰਸ ਨੇ ਕਿਹਾ ਕਿ ਮੈਂ ਫਿਲਹਾਲ ਭਾਰਤ ਨਾ ਪਰਤਨ ਦਾ ਫੈਸਲਾ ਲਿਆ ਹੈ ਮੇਰਾ ਮੰਨਣਾ ਹੈ ਕਿ ਮੈਂ ਇੱਥੇ ਆਪਣੇ ਪਰਿਵਾਰ ਨਾਲ ਹੀ ਠੀਕ ਹਾਂ ਮੈਂ ਕ੍ਰਿਕਟ ਅਸਟਰੇਲੀਆ ਤੇ ਆਪਣੇ ਸਾਥੀਆਂ ਵੱਲੋਂ ਮਿਲੇ ਸਮਰੱਥਨ ਲਈ ਉਨ੍ਹਾਂ ਦਾ ਧੰਨਵਾਦੀ ਹਾਂ ਮੈਂ ਸਮਝਣ ਲਈ ਤੁਹਾਡਾ ਸ਼ੁਕਰੀਆ। ਸੀਏ ਨੇ ਕਿਹਾ ਕਿ ਚੌਥੇ ਟੈਸਟ ਤੋਂ ਪਹਿਲਾਂ ਵੀ ਕਮਿੰਸ ਲਈ ਟੀਮ ਦਾ ਦਰਵਾਾਜ਼ਾ ਖੁੱਲ੍ਹਿਆ ਹੈ ਜੇਕਰ ਉਹ ਨੌਂ ਮਾਰਚ ਨੂੰ ਅਹਿਮਦਾਬਾਦ ’ਚ ਸ਼ੁਰੂ ਹੌਣ ਵਾਲੇ ਚੌਥੇ ਟੈਸਟ ਤੋਂ ਪਹਿਲਾਂ ਭਾਰਤ ਨਹੀਂ ਪਰਤਦੇ ਤਾਂ ਦੋਵਾਂ ਮੈਚਾਂ ’ਚ ਸਮਿੱਥ ਹੀ ਟੀਮ ਦੀ ਕਮਾਨ ਸੰਭਾਲਣਗੇ ਤੇਜ਼ ਗੇਂਦਬਾਜ਼ੀ ਦਾ ਮੋਰਚਾ ਸੰਭਾਲਣ ਲਈ ਅਸਟਰੇਲੀਆ ਉਂਗਲੀ ਦੀ ਸੱਟ ਤੋਂ ਲਗਭਗ ਉੱਭਰ ਚੁੱਕੇ ਮਿਚੇਲ ਸਟਾਰਕ ਨੂੰ ਟੀਮ ’ਚ ਸ਼ਾਮਲ ਕਰ ਸਕਦਾ ਹੈ।

ਤੀਜੀ ਵਾਰ ਕੰਗਾਰੂਆਂ ਦੀ ਕਮਾਨ ਸੰਭਾਲਣਗੇ

ਜ਼ਿਕਰਯੋਗ ਹੈ ਕਿ ਸਮਿੱਥ 2021 ’ਚ ਉਪ ਕਪਤਾਨ ਦੀ ਜਿੰਮੇਵਾਰੀ ਮਿਲਣ ਤੋਂ ਬਾਅਦ ਤੀਜੀ ਵਾਰ ਕੰਗਾਰੂਆਂ ਦੀ ਕਮਾਨ ਸੰਭਾਲਣਗੇ ਇਸ ਤੋਂ ਪਹਿਲਾਂ ਉਹ 2014 ਤੋਂ 2018 ਦਰਮਿਆਨ 34 ਟੈਸਟ ਮੈਚਾਂ ’ਚ ਅਸਟਰੇਲੀਆ ਦੀ ਕਪਤਾਨੀ ਕਰ ਚੁੱਕੇ ਹਨ ਉਨ੍ਹਾਂ ਨੇ 2017 ’ਚ ਅਸਟਰੇਲੀਆ ਦੇ ਭਾਰਤ ਦੌਰੇ ’ਤੇ ਵੀ ਟੀਮ ਦੀ ਕਪਤਾਨੀ ਕਰਦਿਆਂ ਤਿੰਨ ਸੈਂਕਡੇ ਜੜੇ ਸਨ ਇਸ ਦੌਰੇ ’ਤੇ ਹਾਲਾਂਕਿ ਸਮਿਥ ਦਾ ਬੱਲਾ ਸ਼ਾਂਤ ਰਿਹਾ ਹੈ ਉਨ੍ਹਾ ਨੇ ਹੁਣ ਤੱਕ ਚਾਰ ਪਾਰੀਆਂ ’ਚ 23.66 ਦੀ ਔਸਤ ਨਾਲ ਸਿਰਫ 71 ਦੌੜਾਂ ਜੋੜੀਆਂ ਹਨ ਤੇ ਅਸਟਰੇਲੀਆ ਨੂੰ ਦੋਵਾਂ ਮੈਚਾਂ ’ਚ ਕਰਾਰੀ ਹਾਰ ਮਿਲੀ ਹੈ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ

ਵਾਰਨਰ ਬਾਰਡਰ-ਗਾਵਸਕਰ ਟੈਸਟ ਸੀਰੀਜ਼ ਤੋਂ ਬਾਹਰ

ਨਵੀਂ ਦਿੱਲੀ (ਸੱਚ ਕਹੂੰ ਨਿਊਜ਼)। ਆਸਟ੍ਰੇਲੀਆ ਦੇ ਡੇਵਿਡ ਵਾਰਨਰ (David Warner ) ਕੂਹਣੀ ‘ਚ ਫ੍ਰੈਕਚਰ ਕਾਰਨ ਭਾਰਤ ਖਿਲਾਫ ਚੱਲ ਰਹੇ ਬਾਰਡਰ-ਗਾਵਸਕਰ ਟਰਾਫੀ ਦੇ ਆਖਰੀ ਦੋ ਟੈਸਟ ਮੈਚਾਂ ਤੋਂ ਬਾਹਰ ਹੋ ਗਏ ਹਨ। ਉਹ ਇਲਾਜ ਲਈ ਸਿਡਨੀ ਜਾਵੇਗਾ ਅਤੇ ਮਾਰਚ ਦੇ ਅਖੀਰ ਵਿਚ ਤਿੰਨ ਮੈਚਾਂ ਦੀ ਵਨਡੇ ਸੀਰੀਜ਼ ਲਈ ਭਾਰਤ ਪਰਤਣ ਦੀ ਉਮੀਦ ਹੈ। ਦਿੱਲੀ ‘ਚ ਦੂਜੇ ਟੈਸਟ ਦੀ ਪਹਿਲੀ ਪਾਰੀ ਦੌਰਾਨ ਤੇਜ਼ ਗੇਂਦਬਾਜ਼ ਮੁਹੰਮਦ ਸਿਰਾਜ ਦੇ ਹੱਥੋਂ ਵਾਰਨਰ ਦੀ ਖੱਬੀ ਕੂਹਣੀ ‘ਤੇ ਸੱਟ ਲੱਗੀ ਸੀ। ਐਕਸ-ਰੇ ਰਿਪੋਰਟ ’ਚ ਕੂਹਣੀ ਵਿੱਚ ਹੇਅਰਲਾਇਨ ਦੇ ਫ੍ਰੈਕਚਰ ਦੀ ਪੁਸ਼ਟੀ ਹੋਈ ਹੈ।

ਵਾਰਨਰ ਦੀ ਕੂਹਣੀ ’ਚ ਵੱਜੀ ਸੱਟ

ਟੀਮ ਮੈਨੇਜਮੈਂਟ ਮੁਤਾਬਿਕ ਸ਼ੁਰੂਆਤ ‘ਚ ਅਜਿਹਾ ਲੱਗ ਰਿਹਾ ਸੀ ਕਿ ਵਾਰਨਰ (David Warner ) ਦੀ ਕੂਹਣੀ ਦੀ ਸੱਟ ਮਾਮੂਲੀ ਹੈ ਅਤੇ ਉਹ ਭਾਰਤ ਖਿਲਾਫ ਇੰਦੌਰ ਟੈਸਟ ਖੇਡ ਸਕਦਾ ਹੈ ਪਰ ਡਾਕਟਰਾਂ ਨੇ ਉਨ੍ਹਾਂ ਨੂੰ ਅਣਫਿੱਟ ਕਰਾਰ ਦਿੱਤਾ। ਸੋਮਵਾਰ ਰਾਤ ਤੱਕ ਵਾਰਨਰ ਤੀਜੇ ਟੈਸਟ ‘ਚ ਖੇਡਣ ਲਈ ਖੁਦ ਨੂੰ ਤਿਆਰ ਕਰ ਰਿਹਾ ਸੀ ਪਰ ਬੇਹੱਦ ਦਰਦ ਅਤੇ ਟੈਸਟ ‘ਚ ਹੋਣ ਕਾਰਨ ਉਸ ਨੂੰ ਅਧਿਕਾਰਤ ਤੌਰ ‘ਤੇ ਮੈਚ ਤੋਂ ਬਾਹਰ ਕਰ ਦਿੱਤਾ ਗਿਆ, ਜਿਸ ਤੋਂ ਬਾਅਦ ਉਹ ਆਪਣੇ ਪਰਿਵਾਰ ਨਾਲ ਰਹਿਣ ਲਈ ਘਰ ਪਰਤਣਗੇ।

ਟੀਮ ‘ਚ ਵਾਰਨਰ ਦੀ ਜਗ੍ਹਾ ਟ੍ਰੈਵਿਸ ਹੇਡ ਲੈ ਸਕਦੇ ਹਨ। ਹੇਡ ਨੇ 2018 ਵਿੱਚ ਵੋਰਸੇਸਟਰਸ਼ਾਇਰ ਲਈ ਕਾਉਂਟੀ ਚੈਂਪੀਅਨਸ਼ਿਪ ਮੈਚ ਵਿੱਚ ਇੱਕ ਸਲਾਮੀ ਬੱਲੇਬਾਜ਼ ਵਜੋਂ ਆਪਣੇ ਆਪ ਨੂੰ ਸਾਬਤ ਕੀਤਾ। ਹਾਲਾਂਕਿ ਉਨ੍ਹਾਂ ਨੇ ਪਹਿਲੀ ਸ਼੍ਰੇਣੀ ਕ੍ਰਿਕਟ ‘ਚ ਸਿਰਫ ਦੋ ਵਾਰ ਓਪਨਿੰਗ ਕੀਤੀ ਹੈ। ਦੂਜੇ ਪਾਸੇ ਕੈਮਰਨ ਗ੍ਰੀਨ ਦੇ ਇੰਦੌਰ ‘ਚ ਖੇਡਣ ਦੀ ਪੂਰੀ ਸੰਭਾਵਨਾ ਹੈ, ਜਦੋਂਕਿ ਦੂਜੇ ਟੈਸਟ ‘ਚ ਨਿਰਾਸ਼ਾਜਨਕ ਪ੍ਰਦਰਸ਼ਨ ਕਰਨ ਵਾਲੇ ਕੁਝ ਖਿਡਾਰੀਆਂ ਨੂੰ ਤੀਜੇ ਟੈਸਟ ‘ਚ ਬਾਹਰ ਕੀਤਾ ਜਾ ਸਕਦਾ ਹੈ।

ਆਸਟਰੇਲੀਆ ਪਹਿਲਾਂ ਹੀ ਜੋਸ਼ ਹੇਜ਼ਲਵੁੱਡ ਨੂੰ ਦੌਰੇ ਤੋਂ ਬਾਹਰ ਕਰ ਚੁੱਕਿਆ ਹੈ ਪਰ ਤੀਜੇ ਟੈਸਟ ਲਈ ਫਿੱਟ ਹੋਣ ਤੋਂ ਬਾਅਦ ਮਿਸ਼ੇਲ ਸਟਾਰਕ ਦੀ ਵਾਪਸੀ ਲਗਭਗ ਤੈਅ ਹੈ। ਹਾਲਾਂਕਿ ਪਹਿਲੀ ਵਾਰ ਪਿਤਾ ਬਣਨ ਵਾਲੇ ਮਿਸ਼ੇਲ ਸਵੈਪਸਨ ਵੀ ਦੇਸ਼ ਪਰਤਣਗੇ। ਕਪਤਾਨ ਪੈਟ ਕਮਿੰਸ ਪਰਿਵਾਰਕ ਕਾਰਨਾਂ ਕਰਕੇ ਦਿੱਲੀ ਟੈਸਟ ਤੋਂ ਤੁਰੰਤ ਬਾਅਦ ਘਰ ਰਵਾਨਾ ਹੋ ਗਏ ਸਨ ਪਰ ਫਿਲਹਾਲ ਇਸ ਹਫਤੇ ਦੇ ਅੰਤ ਵਿੱਚ ਵਾਪਸ ਆਉਣਗੇ ਅਤੇ ਇੰਦੌਰ ਵਿੱਚ ਖੇਡਣ ਦੀ ਉਮੀਦ ਹੈ। ਆਸਟਰੇਲੀਆ ਘਰੇਲੂ ਕ੍ਰਿਕਟ ਲਈ ਦੇਸ਼ ਵਾਪਸ ਪਰਤਣ ਦੀ ਇੱਛਾ ਰੱਖਣ ਵਾਲੇ ਕੁਝ ਟੀਮ ਮੈਂਬਰਾਂ ਨੂੰ ਰਿਲੀਜ਼ ਕਰ ਸਕਦਾ ਹੈ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter, Instagram, Linkedin , YouTube‘ਤੇ ਫਾਲੋ ਕਰੋ।

ਗੁਰਦਾਸਪੁਰ  (ਸੱਚ ਕਹੂੰ ਨਿਊਜ਼)। ਜ਼ਿਲ੍ਹਾ ਗੁਰਦਾਸਪੁਰ ਦੇ ਪਿੰਡ ਨਾਨੋਵਾਲ ਖੁਰਦ ਦੇ ਰਹਿਣ ਵਾਲੇ ਅੰਮ੍ਰਿਤਪਾਲ (24) ਦੀ ਆਸਟ੍ਰੇਲੀਆ ‘ਚ ਮੌਤ ਹੋ ਗਈ। ਅੰਮ੍ਰਿਤਪਾਲ ਦੀ ਮੌਤ ਦੀ ਖਬਰ ਮਿਲਦਿਆਂ ਹੀ ਪਿੰਡ ’ਚ ਸੋਗ ਦੀ ਲਹਿਰ ਛਾ ਗਈ। ਇਹ ਜਾਣਕਾਰੀ ਮਨਪ੍ਰੀਤ ਸਿੰਘ ਪੁੱਤਰ ਰਵਿੰਦਰ ਸਿੰਘ ਵਾਸੀ ਆਸਟ੍ਰੇਲੀਆ ਨੇ ਦਿੱਤੀ। ਅੰਮ੍ਰਿਤਪਾਲ ਆਪਣੇ ਮਾਪਿਆਂ ਦਾ ਇਕਲੌਤਾ ਪੁੱਤਰ ਸੀ। ਪੜ੍ਹਾਈ ਵਿਚ ਹੁਸ਼ਿਆਰ ਹੋਣ ਕਾਰਨ ਉਸ ਦੇ ਪਰਿਵਾਰਕ ਮੈਂਬਰਾਂ ਨੇ ਉਸ ਨੂੰ ਆਸਟ੍ਰੇਲੀਆ ਭੇਜ ਦਿੱਤਾ। ਅੰਮ੍ਰਿਤਪਾਲ 2017 ਵਿੱਚ ਪੜ੍ਹਾਈ ਲਈ ਵਿਦੇਸ਼ ਗਿਆ ਸੀ। ਪੜ੍ਹਾਈ ਪੂਰੀ ਕਰਨ ਤੋਂ ਬਾਅਦ ਉਹ ਵਰਕ ਪਰਮਿਟ ਦਾ ਕੰਮ ਕਰ ਰਿਹਾ ਸੀ।

ਮ੍ਰਿਤਕ ਦੇ ਪਿਤਾ ਜਸਪਾਲ ਸਿੰਘ ਨੇ ਦੱਸਿਆ ਕਿ 18 ਫਰਵਰੀ ਨੂੰ ਅੰਮ੍ਰਿਤਪਾਲ ਸਿੰਘ ਕੰਮ ਤੋਂ ਘਰ ਆਇਆ ਤਾਂ ਕੁਝ ਦੇਰ ਬਾਅਦ ਹੀ ਉਸ ਦੀ ਮੌਤ ਹੋ ਗਈ। ਆਪਣੇ ਜਵਾਨ ਪੁੱਤ ਦੀ ਮੌਤ ਦੀ ਖਬਰ ਨਾਲ ਪਰਿਵਾਰ ’ਚ ਚੱਲ ਰਹੇ ਖੁਸ਼ੀਆਂ ਦਾ ਸਮਾਗਰ ਮਾਤਮ ’ਚ ਬਦਲ ਗਿਆ।  ਉਨ੍ਹਾਂ ਮਾਨ ਸਰਕਾਰ, ਕੇਂਦਰ ਸਰਕਾਰ ਅਤੇ ਆਸਟ੍ਰੇਲੀਅਨ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਅੰਮ੍ਰਿਤਪਾਲ ਸਿੰਘ ਦੀ ਲਾਸ਼ ਨੂੰ ਜਲਦੀ ਤੋਂ ਜਲਦੀ ਪੰਜਾਬ ਵਾਪਸ ਭੇਜਣ ਦਾ ਪ੍ਰਬੰਧ ਕੀਤਾ ਜਾਵੇ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ