ਸੇਂਟ ਲੁਸੀਆ (ਏਜੰਸੀ)। ਵੈਸਟਇੰਡੀਜ਼ ਕ੍ਰਿਕਟਰ ਅਤੇ ਜਮੈਕਾ ਤਲਾਵਾਜ਼ ਦੇ ਖਿਡਾਰੀ ਆਂਦਰੇ ਰਸੇਲ ਨੂੰ ਸਬੀਨਾ ਪਾਰਕ ‘ਚ ਸੇਂਟ ਲੂਸੀਆ ਜਾਊਕਸ ਖਿਲਾਫ ਮੁਕਾਬਲੇ ਦੀ ਪਹਿਲੀ ਪਾਰੀ ‘ਚ ਹੈਲਮੇਟ ‘ਤੇ ਗੇਂਦ ਲੱਗ ਗਈ ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਹਸਪਤਾਲ ਲਿਜਾਇਆ ਗਿਆ ਮੈਚ ਦੌਰਾਨ ਗੇਂਦ ਲੱਗਦੇ ਹੀ ਉਨ੍ਹਾਂ ਨੂੰ ਸੀਟੀ ਸਕੈਨ ਕਰਵਾਉਣ ਲਈ ਹਸਪਤਾਲ ਲਿਜਾਇਆ ਗਿਆ ਰਸੇਲ ਦੀ ਫ੍ਰੇਂਚਾਇਜ਼ੀ ਜਮੈਕਾ ਤਲਾਵਾਜ ਨੇ ਹਾਲਾਂਕਿ ਪੁਸ਼ਟੀ ਕੀਤੀ ਹੈ ਕਿ ਉਨ੍ਹਾਂ ਨੂੰ ਗੰਭੀਰ ਸੱਟ ਨਹੀਂ ਲੱਗੀ ਹੈ ਅਤੇ ਉਹ ਖਤਰੇ ‘ਚੋਂ ਬਾਹਰ ਹੈ ਹਾਲਾਂਕਿ ਉਨ੍ਹਾਂ ਨੂੰ ਡਾਕਟਰਾਂ ਨੇ ਆਰਾਮ ਦੀ ਸਲਾਹ ਦਿੱਤੀ ਅਤੇ ਉਹ ਬਾਕੀ ਮੁਕਾਬਲੇ ‘ਚੋਂ ਬਾਹਰ ਹੋ ਗਏ ਇਹ ਘਟਨਾ ਮੈਚ ਦੇ 14ਵੇਂ ਓਵਰ ਦੀ ਹੈ ਜਦੋਂ ਰਸੇਲ ਸਿਫਰ ‘ਤੇ ਸਨ ਅਤੇ ਬੱਲੇਬਾਜ਼ੀ ਕਰ ਰਹੇ ਸਨ। (Andre Russell)

ਉਹ ਜਾਊਕਸ ਦੇ ਤੇਜ਼ ਗੇਂਦਬਾਜ਼ ਹਾਰਡਸ ਵਿਲਜੋਏਨ ਦੀ ਗੇਂਦ ਨੂੰ ਸਮਝ ਨਹੀਂ ਸਕੇ ਅਤੇ ਗੇਂਦ ਸਿੱਧੇ ਰਸੇਲ ਨੂੰ ਹੈਲਮੇਟ ‘ਤੇ ਖੱਬੇ ਕੰਨ ਵੱਲ ਜਾ ਕੇ ਲੱਗੀ ਗੇਂਦ ਲੱਗਦੇ ਹੀ ਰਸੇਲ ਦਿੱਕਤ ਮਹਿਸੂਸ ਕਰਨ ਲੱਗੇ ਅਤੇ ਗੇਂਦਬਾਜ਼ ਭੱਜ ਕੇ ਉਨ੍ਹਾਂ ਕੋਲ ਪਹੁੰਚਿਆ ਵਿਰੋਧੀ ਟੀਮ ਦੇ ਫੀਲਡਰ ਨੇ ਤੁਰੰਤ ਉਨ੍ਹਾਂ ਦੇ ਸਿਰ ਤੋਂ ਹੈਲਮੇਟ ਉਤਾਰਿਆ ਅਤੇ ਉਨ੍ਹਾਂ ਨੂੰ ਮੈਦਾਨ ‘ਤੇ ਮੈਡੀਕਲ ਸਹਾਇਤਾ ਦਿੱਤੀ ਗਈ ਮੈਡੀਕਲ ਸਟਾਫ ਫਿਰ ਰਸੇਲ ਨੂੰ ਮੈਦਾਨ ‘ਚੋਂ ਬਾਹਰ ਲੈ ਗਿਆ ਰਸੇਲ ਖੁਦ ਹੀ ਖੜ੍ਹੇ ਹੋਏ ਪਰ ਉਨ੍ਹਾਂ ਨੂੰ ਸਟਰੇਚਰ ‘ਤੇ ਮੈਦਾਨ ‘ਚੋਂ ਬਾਹਰ ਲਿਜਾਇਆ ਗਿਆ ਅਤੇ ਉਨ੍ਹਾਂ ਦੇ ਗਲੇ ‘ਚ ਵੀ ਚੌਕਸੀ ਵਜੋਂ ਕਾਲਰ ਪਾਇਆ ਗਿਆ। (Andre Russell)

ਮੰਨਿਆ ਜਾ ਰਿਹਾ ਹੈ ਕਿ ਰਸੇਲ ਦੇ ਹੈਲਮੇਟ ‘ਚ ਗਰਦਨ ਨੂੰ ਸਹਾਰਾ ਦੇਣ ਲਈ ਗਾਰਡ ਮੌਜ਼ੂਦ ਨਹੀਂ ਸੀ ਮੈਚ ਦੀ ਪਾਰੀ ਸਮਾਪਤ ਹੋਣ ਤੋਂ ਬਾਅਦ ਕਮੈਂਟੇਟਰਾਂ ਨੇ ਦੱਸਿਆ ਕਿ ਰਸੇਲ ਨੂੰ ਅੱਗੇ ਦੀ ਜਾਂਚ ਲਈ ਹਸਪਤਾਲ ਲਿਜਾਇਆ ਗਿਆ ਹੈ ਮੈਚ ‘ਚ ਤਲਾਵਾਜ ਨੇ ਪੰਜ ਵਿਕਟਾਂ ‘ਤੇ 170 ਬਣਾਈਆਂ ਅਤੇ ਆਖਰੀ ਛੇ ਓਵਰਾਂ ‘ਚ 38 ਦੌੜਾਂ ਹੀ ਬਣਾ ਸਕੀ ਅਤੇ ਮੈਚ ਪੰਜ ਵਿਕਟਾਂ ਨਾਲ ਬੈਠੀ। (Andre Russell)

ਪੂਰਾ ਕਰਨਾ ਪਵੇਗਾ ਪਾਬੰਦੀ ਦਾ ਸਾਲ

ਸਮਿੱਥ ਅਤੇ ਵਾਰਨਰ ਦੀ 1 ਸਾਲ ਦੀ ਪਾਬੰਦੀ ਦਾ 8ਵਾਂ ਮਹੀਨੇ ਚੱਲ ਰਿਹਾ ਹੈ

 
ਬ੍ਰਿਸਬੇਨ, 20 ਨਵੰਬਰ 
ਸਾਬਕਾ ਆਸਟਰੇਲੀਆਈ ਕਪਤਾਨ ਸਟੀਵ ਸਮਿੱਥ ਅਤੇ ਉਪ ਕਪਤਾਨ ਡੇਵਿਡ ਵਾਰਨਰ ਦੀਆਂ ਵਾਪਸੀ ਦੀਆਂ ਆਸਾਂ ਨੂੰ ਵੱਡਾ ਝਟਕਾ ਲੱਗਾ ਹੈ ਕ੍ਰਿਕਟ ਆਸਟਰੇਲੀਆ (ਸੀਏ) ਨੇ ਇਹ ਸਾਫ਼ ਕੀਤਾ ਹੈ ਕਿ ਇਹਨਾਂ ਦੋਵਾਂ ਨੂੰ ਪਾਬੰਦੀ ਦਾ ਇੱਕ ਸਾਲ ਪੂਰਾ ਕਰਨਾ ਹੀ ਪਵੇਗਾ ਇਸ ਦਾ ਮਤਲਬ ਇਹ ਹੈ ਕਿ ਇਹ ਖਿਡਾਰੀ ਭਾਰਤ ਵਿਰੁੱਧ ਲੜੀ ‘ਚ ਹਿੱਸਾ ਨਹੀਂ ਲੈ ਸਕਣਗੇ ਸਮਿੱਥ ਅਤੇ ਵਾਰਨਰ ਇਸ ਸਮੇਂ ਆਪਣੀ ਪਾਬੰਦੀ ਦੇ 8ਵੇਂ ਮਹੀਨੇ ‘ਚ ਹਨ ਜਦੋਂਕਿ ਬੈਨਕ੍ਰਾਫ਼ਟ ਦੀ ਪਾਬੰਦੀ ਦਸੰਬਰ ‘ਚ ਸਮਾਪਤ ਹੋ ਜਾਵੇਗੀ

 
ਇਸ ਬਾਰੇ ਸੀਏ ਬਿਆਨ ਜਾਰੀ ਕੀਤਾ ਅਤੇ ਕਿਹਾ ਕਿ ਬੋਰਡ ਨੇ ਏਸੀਏ ਕਮੇਟੀ ਦੀ ਮੰਗ ਦੇ ਸਾਰੇ ਤੱਥਾਂ ‘ਤੇ ਨਿਟਾਂਪੂਰਨ ਢੰਗ ਨਾਲ ਵਿਚਾਰ ਕੀਤਾ ਹੈ ਅਤੇ ਇਹ ਨਿਰਧਾਰਤ ਕੀਤਾ ਹੈ ਕਿ ਤਿੰਨਾਂ ਖਿਡਾਰੀਆਂ ਦੀ ਪਾਬੰਦੀ ‘ਚ ਕੋਈ ਬਦਲਾਅ ਕਰਨਾ ਠੀਕ ਨਹੀਂ ਹੈ ਕਿਉਂਕਿ ਪਾਬੰਦੀ ਘੱਟ ਕੀਤੇ ਜਾਣ ਨਾਲ ਪਾਬੰਦੀਸ਼ੁਦਾ ਖਿਡਾਰੀਆਂ ਅਤੇ ਪੂਰੀ ਆਸਟਰੇਲੀਆਈ ਟੀਮ ‘ਤੇ ਦਬਾਅ ਵਧ ਸਕਦਾ ਹੈ ਹਾਲਾਂਕਿ ਸੀਏ ਨੇ ਏਸੀਏ ਵੱਲੋਂ ਖਿਡਾਰੀਆਂ ਦੀ ਪਾਬੰਦੀ ਘੱਟ ਕੀਤੇ ਜਾਣ ਦਾ ਮਤਾ ਰੱਖਣ ਲਈ ਉਹਨਾਂ ਦਾ ਸ਼ੁਕਰੀਆ ਅਦਾ ਕੀਤਾ

ਆਸਟਰੇਲੀਆ ਕ੍ਰਿਕਟਰਜ਼ ਐਸੋਸੀਏਸ਼ਨ (ਏਸੀਏ)ਦੀ ਮੰਗ ਨੂੰ ਬੋਰਡ ਨੇ ਕੀਤਾ ਰੱਦ

ਜ਼ਿਕਰਯੋਗ ਹੈ ਕਿ ਇਸ ਮਾਮਲੇ ‘ਚ ਜਾਂਚ ਲਈ ਬਣਾਈ ਗਈ ਆਜ਼ਾਦ ਕਮੇਟੀ ਨੇ ਵਿਵਾਦ ਲਈ ਆਸਟਰੇਲੀਆ ਕ੍ਰਿਕਟ ਦੀ ਹਰ ਹਾਲ ‘ਚ ਜਿੱਤ ਹਾਸਲ ਕਰਨ ਦੀ ਰਿਵਾਇਤ ਨੂੰ ਜਿੰਮੇਦਾਰ ਠਹਿਰਾਇਆ ਸੀ ਕਮੇਟੀ ਦੀ ਰਿਪੋਰਟ ਤੋਂ ਬਾਅਦ ਆਸਟਰੇਲੀਆ ਕ੍ਰਿਕਟਰਜ਼ ਐਸੋਸੀਏਸ਼ਨ (ਏਸੀਏ) ਨੇ ਸੀ ਨੂੰ ਖਿਡਾਰੀਆਂ ਤੋਂ ਪਾਬੰਦੀ ਹਟਾਉਣ ਦੀ ਮੰਗ ਕੀਤੀ ਸੀ ਜਿਸ ਤੋਂ ਬਾਅਦ ਆਸ ਕੀਤੀ ਜਾ ਰਹੀ ਸੀ ਕਿ ਕ੍ਰਿਕਟ ਆਸਟਰੇਲੀਆ (ਸੀਏ) ਸਟੀਵ ਸਮਿੱਥ, ਡੇਵਿਡ ਵਾਰਨਰ ਅਤੇ ਕੈਮਰੂਨ ਬੈਨਕ੍ਰਾਫ਼ਟ ‘ਤੇ ਲੱਗੀ ਪਾਬੰਦੀ ਨੂੰ ਘੱਟ ਕਰ ਸਕਦੀ ਹੈ

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਨਵੀਂ ਦਿੱਲੀ, 9 ਅਗਸਤ

ਭਾਰਤ ਦੇ ਸਾਬਕਾ ਕਪਤਾਨ ਐਮਐੋਸ ਧੋਨੀ ਨੇ ਇੰਗਲੈਂਡ ਦੇ ਨਾਲ ਤਿੰਨ ਮੈਚਾਂ ਦੀ ਲੜੀ ਦੇ ਆਖ਼ਰੀ ਇੱਕ ਰੋਜ਼ਾ ‘ਚ ਅੰਪਾਇਰ ਤੋਂ ਗੇਂਦ ਲਈ ਸੀ ਇਸ ਤੋਂ ਬਾਅਦ ਉਹਨਾਂ ਦੇ ਸੰਨਿਆਸ ਦੇ ਅੰਦਾਜ਼ੇ ਲਗਾਏ ਜਾਣ ਲੱਗੇ ਸਨ ਹਾਲਾਂਕਿ ਧੋਨੀ ਨੇ ਹੁਣ ਖ਼ੁਦ ਇਸ ਰਾਜ ਤੋਂ ਪਰਦਾ ਚੁੱਕ ਦਿੱਤਾ ਹੈ ਉਹਨਾਂ ਜੋ ਖ਼ੁਲਾਸਾ ਕੀਤਾ ਉਸ ਵਿੱਚ ਧੋਨੀ ਦੀ ਦੂਰਅੰਦੇਸ਼ੀ ਝਲਕਦੀ ਹੈ

ਇੰਗਲੈਂਡ ਂਚ ਵਿਸ਼ਵ ਕੱਪ ਨੂੰ ਮੱਦੇਨਜ਼ਰ ਰੱਖ ਦੇਖੀ ਸੀ ਗੇਂਦ

ਧੋਨੀ ਨੇ ਘਟਨਾ ‘ਤੇ ਖ਼ੁਲਾਸਾ ਕਰਦੇ ਹੋਏ ਕਿਹਾ ਕਿ ਮੈਂ ਜਾਣਨਾ ਚਾਹੁੰਦਾ ਸੀ ਕਿ ਬਾਲ ਸਵਿੰਗ ਜਾਂ ਰਿਵਰਸ ਸਵਿੰਗ ਕਿਉਂ ਨਹੀਂ ਹੋ ਰਹੀ ਸੀ ਅਤੇ ਮੈਂ ਅੰਪਾਇਰ ਤੋਂ ਗੇਂਦ ਲਈ ਤਾਂਕਿ ਮੈਂ ਗੇਂਦ ਦੀ ਹਾਲਤ ਨੂੰ ਦੇਖਾਂ ਮੈਂ ਗੇਂਦ ਇਸ ਲਈ ਮੰਗੀ ਕਿਉਂਕਿ ਅਸੀਂ 2019 ‘ਚ ਇੰਗਲੈਂਡ ‘ਚ ਹੀ ਇੱਕ ਰੋਜ਼ਾ ਵਿਸ਼ਵ ਕੱਪ ਖੇਡਣਾ ਹੈ ਇਸ ਲਈ ਸਾਡੇ ਲਈ ਇਹ ਲੜੀ ਬਹੁਤ ਮਹੱਤਵਪੂਰਨ ਸੀ  ਅਤੇ ਦੇਖਣਾ ਜਰੂਰੀ ਸੀ ਕਿ ਜੇਕਰ ਦੂਸਰੀ ਟੀਮ ਨੂੰ ਰਿਵਰਸ ਸਵਿੰਗ ਮਿਲ ਰਹੀ ਹੈ ਤਾਂ ਅਸੀਂ ਰਿਵਰਸ ਸਵਿੰਗ ਕਿਉਂ ਨਹੀਂ ਕਰ ਸਕੇ ਵਿਸ਼ਵ ਕੱਪ ਦੇ ਮੱਦੇਨਜ਼ਰ ਸਾਨੂੰ ਇਹ ਪੱਕਾ ਕਰਨਾ ਹੋਵੇਗਾ ਕਿ ਸਾਨੂੰ ਰਿਵਰਸ ਸਵਿੰਗ ਮਿਲੇ ਕਿਉਂਕਿ ਇਹ ਮਹੱਤਵਪੂਰਨ ਹੈ ਧੋਨੀ ਨੇ ਕਿਹਾ ਕਿ ਪਾਰੀ ਖ਼ਤਮ ਹੋਣ ਤੋਂ ਬਾਅਦ ਆਈਸੀਸੀ ਲਈ ਗੇਂਦ ਕੰਮ ਦੀ ਨਹੀਂ ਰਹਿੰਦੀ ਇਸ ਲਈ ਮੈਂ ਅੰਪਾÎਇਰ ਨੂੰ ਬੇਨਤੀ ਕੀਤੀ ਕਿ ਕੀ ਮੈਂ ਗੇਂਦ ਲੈ ਸਕਦਾ ਹੈ ਅਤੇ ਉਸਨੂੰ ਦੇਖ ਕੇ ਗੇਂਦ ਗੇਂਦਬਾਜ਼ੀ ਕੋਚ ਨੇ ਦੇ ਦਿੱਤੀ

ਕੋਹਲੀ ਦੀ ਕੀਤੀ ਤਾਰੀਫ਼

ਸਾਬਕਾ ਕਪਤਾਨ ਨੇ ਆਪਣੇ ਨਾਲ ਉਪ ਕਪਤਾਨ ਰਹੇ ਕੋਹਲੀ ਦੀ ਬੱਲੇਬਾਜ਼ੀ ਦੀ ਭਰਪੂਰ ਤਾਰੀਫ਼ ਕੀਤੀ ਕੋਹਲੀ ਨੇ ਆਪਣੀ ਸ਼ੁਰੂਆਤੀ ਕ੍ਰਿਕਟ ਧੋਨੀ ਦੀ ਕਪਤਾਨੀ ‘ਚ ਹੀ ਖੇਡੀ ਅਤੇ ਇੱਕ ਪ੍ਰਤਿਭਾਸ਼ਾਲੀ ਬੱਲੇਬਾਜ਼ ਤੋਂ ਵਿਸ਼ਵ ਦੇ ਸਰਵਸ੍ਰੇਸ਼ਠ ਬੱਲੇਬਾਜ਼ ਬਣੇ ਇੰਗਲੈਂਡ ਵਿਰੁੱਧ ਪਹਿਲੇ ਟੈਸਟ ਮੈਚ ‘ਚ ਸੈਂਕੜੇ ‘ਤੇ ਧੋਨੀ ਨੇ ਖੁਸ਼ੀ ਪ੍ਰਗਟ ਕੀਤੀ ਅਤੇ ਕਿਹਾ ਕਿ ਇਸ 149 ਦੌੜਾਂ ਦੀ ਪਾਰੀ ਨਾਲ ਭਾਰਤੀ ਕਪਤਾਨ ਨੇ ਆਖ਼ਰੀ ਕਿਲਾ ਵੀ ਫਤਿਹ ਕਰ ਦਿੱਤਾ ਉਹਨਾਂ ਕਿਹਾ ਕਿ ਕੋਹਲੀ ਟੀਮ ਨੂੰ ਅੱਗੇ ਲਿਜਾ ਰਹੇ ਹਨ ਅਤੇ ਤੁਸੀਂ ਅਗਵਾਈ ਵਾਲੇ ਤੋਂ ਇਹੀ ਚਾਹੁੰਦੇ ਹੋ

ਵਿਸ਼ਵ ਕੱਪ ਦੀਆਂ ਤਿਆਰੀਆਂ

ਇਸ ਸਟਾਰ ਵਿਕਟਕੀਪਰ ਬੱਲੇਬਾਜ਼ ਨੇ ਆਪਣੇ ਕ੍ਰਿਕਟ ਭਵਿੱਖ ਬਾਰੇ ਲੱਗ ਰਹੇ ਅੰਦਾਜ਼ਿਆਾਂ ਨੂੰ ਵੀ ਰੋਕ ਲਾਉਂਦਿਆਂ ਸਪੱਸ਼ਟ ਕੀਤਾ ਕਿ ਇੰਗਲੈਂਡ ‘ਚ 2019 ‘ਚ ਹੋਣ ਵਾਲੇ ਵਿਸ਼ਵ ਕੱਪ ਤੱਕ ਉਹ ਕੋਈ ਫੈਸਲਾ ਨਹੀਂ ਕਰ ਰਹੇ ਉਹਨਾਂ ਕਿਹਾ ਕਿ ਇੰਗਲੈਂਡ ਵਿਰੁੱਧ ਇੱਕ ਰੋਜ਼ਾ ਲੜੀ ਦੇ ਆਖ਼ਰੀ ਮੈਚ ਖ਼ਤਮ ਹੋਣ ‘ਤੇ ਉਹਨਾਂ ਗੇਂਦ ਅਗਲੇ ਸਾਲ ਹੋਣ ਵਾਲੇ ਵਿਸ਼ਵ ਕੱਪ ਦੀ ਤਿਆਰੀ ਦੇ ਤੌਰ ‘ਤੇ ਹੀ ਲਈ ਸੀ ਜ਼ਿਕਰਯੋਗ ਹੈ ਕਿ ਧੋਨੀ 37 ਸਾਲ ਦੇ ਹੋ ਚੁੱਕੇ ਹਨ ਅਤੇ ਟੀਮ ‘ਚ ਸਭ ਤੋਂ ਉਮਰਦਰਾਜ ਖ਼ਿਡਾਰੀ ਹਨ

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

 ਗੇਂਦ ਨਾਲ ਛੇੜਛਾੜ ਦੇ ਨਿਯਮ ਬਿਲਕੁਲ ਸਪੱਸ਼ਟ

ਨਿੱਜੀ ਸਲੇਜ਼ਿੰਗ,ਫੀਲਡਰਾਂ ਦਾ ਬੱਲੇਬਾਜ਼ਾਂ ਨੂੰ ਜਾਂਦਿਆਂ ਗਲਤ ਸ਼ਬਦਾਵਲੀ ਬੋਲਣਾ, ਜ਼ਬਰਦਸਤੀ ਸ਼ਰੀਰਕ ਤੌਰ ‘ਤੇ ਲੜਨਾ, ਅੰਪਾਇਰ ਦੇ ਫ਼ੈਸਲੇ ਵਿਰੁੱਧ ਪ੍ਰਦਰਸ਼ਨ ਦੀ ਧਮਕੀ ਦੇਣਾ ਅਤੇ ਗੇਂਦ ਨਾਲ ਛੇੜਖ਼ਾਨੀ ਜਿਹੀਆਂ ਹਰਕਤਾਂ ਵਧ ਰਹੀਆਂ ਹਨ

ਏਜੰਸੀ, ਲੰਦਨ, 7 ਅਗਸਤ

ਅੰਤਰਰਾਸ਼ਟਰੀ ਕ੍ਰਿਕਟ ਪਰੀਸ਼ਦ (ਆਈਸੀਸੀ) ਮੁਖੀ ਡੇਵਿਡ ਰਿਚਰਡਸਨ ਦਾ ਮੰਨਣਾ ਹੈ ਕਿ ਗੇਂਦ ਨਾਲ ਛੇੜਖ਼ਾਨੀ, ਗਲਤ ਬੋਲ ਚਾਲ, ਮੈਦਾਨ ‘ਤੇ ਬਹਿਸ ਅਤੇ ਖਿਡਾਰੀਆਂ ਦੇ ਲਗਾਤਾਰ ਖ਼ਰਾਬ ਹੁੰਦੇ ਮਿਜ਼ਾਜ ਕ੍ਰਿਕਟ ਦੀ ਆਤਮਾ ਅਤੇ ਹੋਂਦ ਨੂੰ ਵੱਡਾ ਨੁਕਸਾਨ ਪਹੁੰਚਾ ਰਹੇ ਹਨ ਆਈਸੀਸੀ ਮੁਖੀ ਨੇ ਲਾਰਡਜ਼ ‘ਚ ਐਮਸੀਸੀ ਦੇ ਕਾਲਿਨ ਕਾਊਡਰੇ ਭਾਸ਼ਣ ‘ਚ ਇਹ ਗੱਲਾਂ ਕਹੀਆਂ ਉਹਨਾਂ ਨਾਲ ਹੀ ਕਿਹਾ ਕਿ ਖਿਡਾਰੀ ਸ਼ਿਕਾਇਤ ਕਰਦੇ ਹਨ ਕਿ ਬਾੱਲ ਟੈਂਪਰਿੰਗ ਦੇ ਨਿਯਮਾਂ ਨੂੰ ਲੈ ਕੇ ਉਹ ਦੁਚਿੱਤੀ ‘ਚ ਹਨ ਜਦੋਂਕਿ ਇਸ ਨੂੰ ਲੈ ਕੇ ਨਿਯਮ ਬਿਲਕੁਲ ਸਾਫ਼ ਹੈ

ਰਿਚਰਡਸਨ ਨੇ ਕਿਹਾ ਕਿ ਕ੍ਰਿਕਟ ਦੀ ਆਤਮਾ ਹੀ ਉਸਦੀ ਇਮਾਨਦਾਰੀ ‘ਚ ਸਮਾਈ ਹੈ ਅਤੇ ਜੋ ਲੋਕ ਇਸਦੀ ਅਗਵਾਈ ਕਰਦੇ ਹਨ ਉਹਨਾਂ ਨੂੰ ਪਤਾ ਹੈ ਕਿ ਇਹ ਖੇਡ ਤੋਂ ਕਿਤੇ ਜ਼ਿਆਦਾ ਹੈ ਉਹਨਾਂ ਕਿਹਾ ਕਿ ਅਸੀਂ ਖਿਡਾਰੀਆਂ ਦੇ ਵਤੀਰਿਆਂ ਨੂੰ ਵੀ ਦੇਖ ਰਹੇ ਹਾਂ ਜੋ ਖ਼ਰਾਬ ਹੁੰਦਾ ਜਾ ਰਿਹਾ ਹੈ ਅਤੇ ਇਸਨੂੰ ਰੋਕਣਾ ਚਾਹੀਦਾ ਹੈ ਸਲੇਜ਼ਿੰਗ ਵਧਦੀ ਜਾ  ਰਹੀ ਹੈ ਜੋ ਨਿੱਜੀ ਹੋ ਗਈ ਹੈ, ਫੀਲਡਰ ਬੱਲੇਬਾਜ਼ਾਂ ਨੂੰ ਜਾਂਦੇ ਹੋਏ ਗਲਤ ਸ਼ਬਦਾਵਲੀ ਕਹਿ ਦਿੰਦੇ ਹਨ ਜ਼ਬਰਦਸਤੀ ਸ਼ਰੀਰਕ ਤੌਰ ‘ਤੇ ਲੜਨਾ, ਅੰਪਾਇਰ ਦੇ ਫ਼ੈਸਲੇ ਵਿਰੁੱਧ ਖਿਡਾਰੀਆਂ ਦੇ ਪ੍ਰਦਰਸ਼ਨ ਕਰਨ ਦੀ ਧਮਕੀ ਦੇਣਾ ਅਤੇ ਗੇਂਦ ਨਾਲ ਛੇੜਖ਼ਾਨੀ ਜਿਹੀਆਂ ਹਰਕਤਾਂ ਵਧ ਰਹੀਆਂ ਹਨ

ਬਾਲ ਟੈਂਪਰਿੰਗ ਲਈ ਸਜਾ ਸਖ਼ਤ ਕੀਤੀ ਪਰ ਫਿਰ ਵੀ ਖਿਡਾਰੀ ਸਪੱਸ਼ਟੀਕਰਨ ਮੰਗ ਰਹੇ ਹਨ

ਉਹਨਾਂ ਕਿਹਾ ਕਿ ਪਿਛਲੇ ਕੁਝ ਮਹੀਨਿਆਂ ਤੋਂ ਸਾਬਕਾ ਆਸਟਰੇਲੀਆਈ ਕਪਤਾਨ ਸਟੀਵਨ ਸਮਿੱਥ ਦਾ ਗੇਂਦ ਨਾਲ ਛੇੜਛਾੜ ਕਰਨਾ, ਮਾਰਚ ‘ਚ ਆਸਟਰੇਲੀਆ ਅਤੇ ਦੱਖਣੀ ਅਫਰੀਕਾ ਦਰਮਿਆਨ ਡੇਵਿਡ ਵਾਰਨਰ ਅਤੇ ਮੇਜ਼ਬਾਨ ਟੀਮ ਦੇ ਕਵਿੰਟਨ ਡੀ ਕਾਕ ਦਰਮਿਆਨ ਬਹਿਸ ਅਤੇ ਪਿਛਲੇ ਕੁਝ ਸਮੇਂ ਤੋਂ ਖਿਡਾਰੀਆਂ ਦਾ ਮੈਚ ਅਧਿਕਾਰੀਆਂ ਪ੍ਰਤੀ ਵਿਹਾਰ ‘ਚ ਵੀ ਗਿਰਾਵਟ ਆਉਣਾ ਨਾਲ ਕ੍ਰਿਕਟ ‘ਚ ਖ਼ਰਾਬ ਮਾਹੌਲ ਪੈਦਾ ਹੋਇਆ ਹੈ ਮਾਰਚ ‘ਚ ਬੰਗਲਾਦੇਸ਼ੀ ਕਪਤਾਨ ਸ਼ਾਕਿਬ ਅਲ ਹਸਨ ਦਾ ਸ਼੍ਰੀਲੰਕਾ ਵਿਰੁੱਧ ਟੀ20 ਮੈਚ ਦੌਰਾਨ ਅੰਪਾਇਰ ਦੇ ਫ਼ੈਸਲੇ ਦੇ ਵਿਰੁੱਧ ਮੈਚ ਬਾਈਕਾਟ ਕਰਨ ਦੀ ਧਮਕੀ ਦੇਣ ਦਾ ਦੋਸ਼ੀ ਪਾਇਆ ਜਾਣਾ ਵੀ ਬਹੁਤ ਹੀ ਦੁਖਦਾਈ ਹੈ

 
ਹਾਲਾਂਕਿ ਉਹਨਾਂ ਕਿਹਾ ਕਿ ਆਈਸੀਸੀ ਨੇ ਇਹਨਾਂ ਘਟਨਾਵਾਂ ਤੋਂ ਬਾਅਦ ਪਿਛਲੇ ਮਹੀਨੇ ਬਾਲ ਟੈਂਪਰਿੰਗ ਨੂੰ ਲੈ ਕੇ ਸਜਾ ਨੂੰ ਹੋਰ ਸਖ਼ਤ ਕੀਤਾ ਹੈ ਫਿਰ ਵੀ ਕੁਝ ਖਿਡਾਰੀ ਇਸ ਦੇ ਸਪੱਸ਼ਟੀਕਰਨ ਦੀ ਮੰਗ ਕਰ ਰਹੇ ਹਨ ਅਤੇ ਪੁੱਛ ਰਹੇ ਹਨ ਕਿ ਕੀ ਅਸੀਂ ਚੁਈਂਗਮ ਖ਼ਾ ਸਕਦੇ ਹਾਂ ਜਾਂ ਡ੍ਰਿੰਕਸ ਪੀ ਸਕਦੇ ਹਾਂ ਮੈਂ ਸਾਫ਼ ਤਾਂ ਇਹ ਅਜੀਬ ਹੈ ਨਿਯਮ ਬਿਲਕੁਲ ਸਾਫ਼ ਅਤੇ ਸਿੱਧੇ ਹਨ ਗੇਂਦ ਦੀ ਸਥਿਤੀ ਨੂੰ ਤੁਸੀਂ ਬਦਲ ਨਹੀਂ ਸਕਦੇ ਅਤੇ ਇਸ ਲਈ ਜੋ ਵੀ ਚੀਜ਼ ਵਜ੍ਹਾ ਬਣ ਸਕਦੀ ਹੈ ਉਹ ਮੈਦਾਨ ‘ਤੇ ਲਿਜਾਣਾ ਵਾਜ਼ਬ ਨਹੀਂ

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਗ੍ਰਾਸ ਆਈਲੈੱਟ (ਏਜੰਸੀ)। ਅੰਤਰਰਾਸ਼ਟਰੀ ਕ੍ਰਿਕਟ ਪ੍ਰੀਸ਼ਦ(ਆਈ.ਸੀ.ਸੀ.) ਨੇ ਸ਼੍ਰੀਲੰਕਾ ਦੇ ਕਪਤਾਨ ਦਿਨੇਸ਼ ਚਾਂਡੀਮਲ ‘ਤੇ ਗੇਂਦ ਨਾਲ ਛੇੜਖ਼ਾਨੀ ਕਰਨ ਦਾ ਦੋਸ਼ ਲਗਾਇਆ ਹੈ ਜਦੋਂਕਿ ਸ਼ੀ੍ਰਲੰਕਾ ਬੋਰਡ ਇਸ ਫੈਸਲੇ ਵਿਰੁੱਧ ਆਪਣੇ ਖਿਡਾਰੀ ਦੇ ਹੱਕ ‘ਚ ਆ ਖੜਾ ਹੋਇਆ ਹੈ ਆਸਟਰੇਲੀਆ-ਦੱਖਣੀ ਅਫ਼ਰੀਕਾ ਟੈਸਟ ਲੜੀ ੋਤੋਂ ਬਾਅਦ ਇਹ ਪਹਿਲਾ ਮੌਕਾ ਹੈ ਜਦੋਂ ਕਿਸੇ ਟੀਮ ਦੇ ਕਪਤਾਨ ‘ਤੇ ਗੇਂਦ ਨਾਲ ਛੇੜਛਾੜ ਦਾ ਗੰਭੀਰ ਦੋਸ਼ ਲੱਗਾ ਹੈ ਕ੍ਰਿਕਇੰਡੋ ਅਨੁਸਾਰ ਚਾਂਡੀਮਲ ਨੂੰ ਵੈਸਟਇੰਡੀਜ਼ ਵਿਰੁੱਧ ਜਾਰੀ ਦੂਸਰੇ ਟੈਸਟ ਮੈਚ ਦੇ ਦੂਸਰੇ ਦਿਨ ਦੀ ਖੇਡ ਤੋਂ ਬਾਅਦ ਗੇਂਦ ਨਾਲ ਛੇੜਛਾੜ ਦਾ ਦੋਸ਼ੀ ਪਾਇਆ ਗਿਆ ਹੈ ਆਈ.ਸੀ.ਸੀ. ਨੇ ਐਤਵਾਰ ਨੂੰ ਆਪਣੇ ਟਵਿੱਟਰ ਖ਼ਾਤੇ ‘ਤੇ ਇਸ ਦੋਸ਼ ਦੀ ਪੁਸ਼ਟੀ ਕੀਤੀ ਹੈ ਪਰ ਚਾਂਡੀਮਲ ਦੇ ਪੱਖ ‘ਚ ਸ਼੍ਰੀਲੰਕਾ ਬੋਰਡ ਦੇ ਆ ਜਾਣ ਕਾਰਨ ਇਹ ਮਾਮਲਾ ਗਰਮ ਹੁੰਦਾ ਜਾ ਰਿਹਾ ਹੈ।

ਮੈਚ ਦੇ ਤੀਸਰੇ ਦਿਨ ਸ਼੍ਰੀਲੰਕਾ ਦੇ ਖਿਡਾਰੀ ਇਹਨਾਂ ਦੋਸ਼ਾਂ ਤੋਂ ਬਾਅਦ ਡਰੈਸਿੰਗ ਰੂਪ ਤੋਂ ਬਾਹਰ ਹੀ ਨਹੀਂ ਆਏ ਅਤੇ ਤੀਸਰੇ ਦਿਨ ਦੀ ਖੇਡ ਦੋ ਘੰਟੇ ਦੇਰੀ ਨਾਲ ਸ਼ੁਰੂ ਹੋਈ ਖੇਡ ਸ਼ੁਰੂ ਹੋਣ ‘ਚ ਦੇਰੀ ਹੋਣ ਕਾਰਨ ਅੰਪਾਇਰਾਂ ਨੇ ਮੇਜ਼ਬਾਨ ਟੀਮ ਨੂੰ ਪੈਨਲਟੀ ਦੇ ਤੌਰ ‘ਤੇ ਪੰਜ ਦੌੜਾਂ ਦੇ ਦਿੱਤੀਆਂ ਮੈਚ ਰੈਫਰੀ ਜਵਾਗਲ ਸ਼੍ਰੀਨਾਥ, ਸ਼੍ਰੀਲੰਕਾਈ ਕੋਚ ਚੰਡਿਕਾ ਹਥੁਰਾਸਿੰਘੇ ਅਤੇ ਟੀਮ ਮੈਨੇਜਰ ਅਸਾਂਕਾ ਗੁਰੂਸਿੰਘਾ ਦਰਮਿਆਨ ਗੱਲਬਾਤ ਹੋਈ ਅਤੇ ਗੱਲਬਾਤ ਤੋਂ ਬਾਅਦ ਸ਼੍ਰੀਲੰਕਾਈ ਖਿਡਾਰੀ ਗੇਂਦ ਬਦਲਣ ਅਤੇ ਅੱਗੇ ਖੇਡਣ ਲਈ ਤਿਆਰ ਹੋ ਗਏ।

ਇਸ ਦੌਰਾਨ ਸ਼੍ਰੀਲੰਕਾ ਕਿਕਟ ਨੇ ਬਿਆਨ ਜਾਰੀ ਕਰ ਕੇ ਆਪਣੇ ਖਿਡਾਰੀਆਂ ਦੇ ਸਮਰਥਨ ਂਚ ਖੁੱਲ ਕੇ ਅੱਗੇ ਆੴਦੇ ਹੋਏ ਕਿਹਾ ਕਿ ਟੀਮ ਪ੍ਰਬੰਧਕਾਂ ਨੇ ਸਾਨੂੰ ਦੱਸਿਆ ਕਿ ਸ਼੍ਰੀਲੰਕਾ ਦੇ ਖਿਡਾਰੀ ਕਿਸੇ ਵੀ ਗਲਤ ਕੰਮ ਂਚ ਸ਼ਾਮਲ ਨਹੀਂ ਹਨ। ਬੋਰਡ ਨੇ ਖਿਡਾਰੀਆਂ ਨਾਲ ਗੱਲਬਾਤ ਤੋਂ ਬਾਅਦ ਉਹਨਾਂ ਨੁੰ ਮੈਦਾਨ ਂਚ ਉੱਤਰਨ ਲਈ ਮਨਾ ਲਿਆ। ਉਹਨਾਂ ਖਿਡਾਰੀਆਂ ਜ਼ ਮੈਦਾਨ ਂਚ ਉੱਤਰਨ ਦੀ ਸਲਾਹ ਦਿੱਤੀ ਤਾਂਕਿ ਖੇਡ ਭਾਵਨਾ ਬਣੀ ਰਹੇ। ਆਈਸੀਸੀ ਦਾ ਕਹਿਣਾ ਹੈ ਕਿ ਜੇਕਰ ਕਿਸੇ ਕਾਨੁੰਨੀ ਜ਼ਾਬਤੇ ਦੀ ਉਲੰਘਣਾ ਹੋਈ ਹੈ ਤਾਂ ਉਹ ਮੈਚ ਖ਼ਤਮ ਹੋਣ ਤੋ. ਬਾਅਦ ਨਿਯਮਾਂ ਮੁਤਾਬਕ ਕਾਰਵਾਈ ਕਰਨਗੇ।

ਆਈ.ਸੀ.ਸੀ. ਨੇ ਆਪਣੇ ਟਵੀਟ ‘ਚ ਨਾਲ ਹੀ ਕਿਹਾ ਕਿ ਇਸ ਮਾਮਲੇ ‘ਚ ਅੱਗੇ ਦੀ ਜਾਣਕਾਰੀ ਵੀ ਦਿੱਤੀ ਜਾਵੇਗੀ ਹਾਲਾਂਕਿ ਅਜੇ ਇਹ ਸਾਫ਼ ਨਹੀਂ ਹੋਇਆ ਕਿ ਇਸ ਦੋਸ਼ ਦੇ ਨਤੀਜੇ ਕੀ ਹੋਣਗੇ ਆਈਸੀਸੀ ਨੇ ਕਿਹਾ ਕਿ ਸ਼ੀ੍ਰਲੰਕਾ ਦੇ ਕਪਤਾਨ ਚਾਂਡੀਮਲ ਨੂੰ ਆਈ.ਸੀ.ਸੀ. ਦੇ ਕਾਨੂੰਨੀ ਜਾਬਤੇ ਅਨੁਸਾਰ 2-2-9 ਪੱਧਰ ਦਾ ਦੋਸ਼ੀ ਪਾਇਆ ਗਿਆ ਹੈ ਇਸ ਤੋਂ ਪਹਿਲਾਂ ਦੱਖਣੀ ਅਫ਼ਰੀਕਾ ਵਿਰੁੱਧ ਟੈਸਟ ਲੜੀ ‘ਚ ਆਸਟਰੇਲੀਆ ਦੇ ਕਪਤਾਨ ਸਟੀਵਨ ਸਮਿੱਥ, ਉਪਕਪਤਾਨ ਡੇਵਿਡ ਵਾਰਨਰ ਅਤੇ ਟੀਮ ਦੇ ਓਪਨਰ ਕੈਮਰਨ ਬ੍ਰੇਂਕ੍ਰਾਫਟ ਗੇਂਦ ਨਾਲ ਛੇੜਛਾੜ ਦੇ ਦੋਸ਼ ‘ਚ ਪਾਬੰਦੀ ਝੱਲ ਰਹੇ ਹਨ।