IPL 2025: ਕੋਲਕਾਤਾ, (ਆਈਏਐਨਐਸ)। ਸ਼ਨਿੱਚਰਵਾਰ ਨੂੰ ਆਈਪੀਐਲ 2025 ਸੀਜ਼ਨ ਦੇ ਓਪਨਰ ਵਿੱਚ ਮੌਜੂਦਾ ਚੈਂਪੀਅਨ ਕੋਲਕਾਤਾ ਨਾਈਟ ਰਾਈਡਰਜ਼ (ਕੇਕੇਆਰ) ਅਤੇ ਰਾਇਲ ਚੈਲੇਂਜਰਜ਼ ਬੰਗਲੌਰ (ਆਰਸੀਬੀ) ਵਿਚਕਾਰ ਹੋਣ ਵਾਲੇ ਮੈਚ ਨੂੰ ਮੀਂਹ ਪ੍ਰਭਾਵਿਤ ਕਰ ਸਕਦਾ ਹੈ। ਭਾਰਤੀ ਮੌਸਮ ਵਿਭਾਗ ਨੇ ਇਸ ਖੇਤਰ ਲਈ “ਔਰੇਂਜ ਅਲਰਟ” ਜਾਰੀ ਕੀਤਾ ਹੈ।

ਵਿਭਾਗ ਨੇ ਕਿਹਾ ਕਿ ਸ਼ਨਿੱਚਰਵਾਰ ਤੱਕ ਗਰਜ, ਬਿਜਲੀ ਡਿੱਗਣ ਅਤੇ ਤੇਜ਼ ਹਵਾਵਾਂ ਦੇ ਨਾਲ-ਨਾਲ ਹਲਕੀ ਜਾਂ ਦਰਮਿਆਨੀ ਬਾਰਿਸ਼ ਹੋਣ ਦੀ ਸੰਭਾਵਨਾ ਹੈ। ਸੀਜ਼ਨ ਦੇ ਸ਼ੁਰੂਆਤੀ ਮੈਚ ਤੋਂ ਪਹਿਲਾਂ ਕੋਲਕਾਤਾ ਵਿੱਚ ਰੁਕ-ਰੁਕ ਕੇ ਮੀਂਹ ਪੈ ਰਿਹਾ ਹੈ, ਜਿਸ ਕਾਰਨ ਕੇਕੇਆਰ ਦਾ ਇੰਟਰਾ-ਸਕੁਐਡ ਅਭਿਆਸ ਮੈਚ ਸਿਰਫ਼ ਇੱਕ ਪਾਰੀ ਤੋਂ ਬਾਅਦ ਰੱਦ ਕਰ ਦਿੱਤਾ ਗਿਆ। ਹਾਲਾਂਕਿ, ਬੁੱਧਵਾਰ ਅਤੇ ਵੀਰਵਾਰ ਨੂੰ ਹਲਕੀ ਬਾਰਿਸ਼ ਦੇ ਬਾਵਜੂਦ, ਦੋਵਾਂ ਟੀਮਾਂ ਨੇ ਆਪਣੇ ਅਭਿਆਸ ਸੈਸ਼ਨ ਪੂਰੇ ਕੀਤੇ।

ਇਹ ਵੀ ਪੜ੍ਹੋ: Drug Free Punjab: ਹੁਣ ਮਾਨਸਾ ’ਚ ਲੱਗੇਗਾ ‘ਯੁੱਧ ਨਸ਼ਿਆਂ ਵਿਰੁੱਧ’, ਜਾਣੋ ਕੀ ਹੈ ਮਾਨ ਸਰਕਾਰ ਦੀ ਅਗਲੀ ਰਣਨੀਤੀ

ਹਾਲਾਂਕਿ, ਸਭ ਤੋਂ ਵੱਡੀ ਚਿੰਤਾ 22 ਮਾਰਚ ਨੂੰ ਹੋਣ ਵਾਲੇ ਸੀਜ਼ਨ ਦੇ ਪਹਿਲੇ ਮੈਚ ਨੂੰ ਲੈ ਕੇ ਹੈ, ਕਿਉਂਕਿ ਮੌਸਮ ਵਿਭਾਗ ਦੇ ਅਨੁਸਾਰ, ਸ਼ੁੱਕਰਵਾਰ (ਮੈਚ ਦੀ ਪੂਰਵ ਸੰਧਿਆ) ਅਤੇ ਸ਼ਨਿੱਚਰਵਾਰ ਨੂੰ ਸਭ ਤੋਂ ਵੱਧ ਮੀਂਹ ਪੈਣ ਦੀ ਉਮੀਦ ਹੈ। ਕੇਕੇਆਰ ਬਨਾਮ ਆਰਸੀਬੀ ਮੈਚ ਸ਼ਾਮ 7 ਵਜੇ ਟਾਸ ਅਤੇ ਸ਼ਾਮ 7:30 ਵਜੇ ਸ਼ੁਰੂ ਹੋਵੇਗਾ।

ਆਈਪੀਐਲ ਲੀਗ ਪੜਾਅ ਦੇ ਮੈਚਾਂ ਨੂੰ ਇੱਕ ਘੰਟੇ ਦਾ ਵਾਧੂ ਸਮਾਂ ਮਿਲਦਾ ਹੈ, ਜਿਸਦਾ ਮਤਲਬ ਹੈ ਕਿ ਜੇਕਰ ਮੈਚ ਦੇਰ ਨਾਲ ਸ਼ੁਰੂ ਹੁੰਦਾ ਹੈ, ਤਾਂ ਪ੍ਰਤੀ ਪਾਰੀ ਪੰਜ ਓਵਰ ਅੱਧੀ ਰਾਤ 12 ਵਜੇ ਤੱਕ ਪੂਰੇ ਕਰਨੇ ਚਾਹੀਦੇ ਹਨ। ਜੇਕਰ ਮੈਚ ਰੱਦ ਹੋ ਜਾਂਦਾ ਹੈ, ਤਾਂ ਦੋਵਾਂ ਟੀਮਾਂ ਨੂੰ ਇੱਕ-ਇੱਕ ਅੰਕ ਦਿੱਤਾ ਜਾਵੇਗਾ। ਇਸ ਮੈਚ ਤੋਂ ਬਾਅਦ, ਕੇਕੇਆਰ 26 ਮਾਰਚ ਨੂੰ ਗੁਹਾਟੀ ਵਿੱਚ ਰਾਜਸਥਾਨ ਰਾਇਲਜ਼ ਨਾਲ ਭਿੜੇਗਾ, ਜਦੋਂ ਕਿ ਆਰਸੀਬੀ 28 ਮਾਰਚ ਨੂੰ ਚੇਪਕ ਵਿੱਚ ਚੇਨਈ ਸੁਪਰ ਕਿੰਗਜ਼ ਨਾਲ ਭਿੜੇਗਾ। ਮੈਚ ਤੋਂ ਪਹਿਲਾਂ ਇੱਕ ਉਦਘਾਟਨੀ ਸਮਾਰੋਹ ਵੀ ਹੋਵੇਗਾ, ਜੋ ਕਿ ਮੈਚ ਤੋਂ ਕੁਝ ਘੰਟੇ ਪਹਿਲਾਂ ਮੀਂਹ ਪੈਣ ‘ਤੇ ਵੀ ਪ੍ਰਭਾਵਿਤ ਹੋ ਸਕਦਾ ਹੈ। IPL 2025

ਗੁਜਰਾਤ। ਇੰਡੀਅਨ ਪ੍ਰੀਮੀਅਰ ਲੀਗ (IPL) ਵਿੱਚ ਅੱਜ ਰਿਜ਼ਰਵ ਡੇਅ ‘ਤੇ ਫਾਈਨਲ ਮੈਚ ਚੇਨਈ ਸੁਪਰ ਕਿੰਗਜ਼ (CSK) ਅਤੇ ਗੁਜਰਾਤ ਟਾਈਟਨਸ ਵਿਚਾਲੇ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ‘ਚ ਖੇਡਿਆ ਜਾਵੇਗਾ। ਚੇਨਈ ਦੇ ਕਪਤਾਨ ਮਹਿੰਦਰ ਸਿੰਘ ਧੋਨੀ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਦੋਵਾਂ ਟੀਮਾਂ ਨੇ ਆਪਣੇ ਪਲੇਇੰਗ-11 ‘ਚ ਕੋਈ ਬਦਲਾਅ ਨਹੀਂ ਕੀਤਾ ਹੈ। (CSK vs GT)

ਇਹ ਵੀ ਪੜ੍ਹੋ : IPL FINAL 2023 : ਅਹਿਮਦਾਬਾਦ ’ਚ ਅੱਜ ਫਿਰ ਮੀਂਹ ਦੀ ਸੰਭਾਵਨਾ

ਆਈਪੀਐੱਲ ਫਾਈਨਲ ਮੈਚ ਦਰਮਿਆਨ (TATA IPL 2023) ਅਹਿਮਦਾਬਾਦ ਦੇ ਮੌਸਮ ਦੀ ਗੱਲ ਕਰੀਏ ਤਾਂ ਮੌਸਮ ਵਿਭਾਗ ਮੁਤਾਬਕ ਅੱਜ ਸ਼ਾਮ 5 ਵਜੇ ਦੇ ਕਰੀਬ ਗਰਜ ਅਤੇ ਬਿਜਲੀ ਦੇ ਨਾਲ ਮੀਂਹ ਪੈਣ ਦੀ ਸੰਭਾਵਨਾ ਹੈ। ਇਸ ਦੇ ਨਾਲ ਹੀ ਬੀਬੀਸੀ ਮੌਸਮ ਮੁਤਾਬਕ ਸ਼ਾਮ ਕਰੀਬ 6 ਵਜੇ ਤੋਂ ਰਾਤ 9.30 ਵਜੇ ਤੱਕ ਹਲਕਾ ਮੀਂਹ ਪੈਣ ਦੀ ਸੰਭਾਵਨਾ ਹੈ। ਜੇਕਰ ਇਸ ਤਰ੍ਹਾਂ ਦੇਖਿਆ ਜਾਵੇ ਤਾਂ ਅੱਜ ਵੀ ਮੈਚ ਕੁਝ ਸਮੇਂ ਲਈ ਰੋਕਿਆ ਜਾ ਸਕਦਾ ਹੈ। ਚੈੱਨਈ 10ਵੀਂ ਵਾਰ ਫਾਈਨਲ ਖੇਡੇਗੀ, ਟੀਮ 4 ਵਾਰ ਖਿਤਾਬ ਜਿੱਤ ਚੁੱਕੀ ਹੈ। ਗੁਜਰਾਤ ਜਿੱਥੇ ਲਗਾਤਾਰ ਦੂਜੇ ਸਾਲ ਫਾਈਨਲ ’ਚ ਪਹੁੰਚਿਆ ਹੈ, ਉੱਥੇ ਹੀ ਟੀਮ ਪਿਛਲੇ ਸਾਲ ਵੀ ਚੈਂਪੀਅਨ ਬਣੀ ਸੀ।

ਆਓ ਜਾਣਦੇ ਹਾਂ ਅੱਜ ਮੀਂਹ ਪਿਆ ਤਾਂ ਕੀ ਹੋਵੇਗਾ? | TATA IPL 2023 (CSK vs GT)

1. ਰਾਤ 9.35 ਵਜੇ ਤੱਕ ਵੀ ਜੇਕਰ ਮੈਚ ਸ਼ੁਰੂ ਹੋਇਆ (TATA IPL 2023) ਤਾਂ ਪੂਰੇ 20 ਓਵਰਾਂ ਦਾ ਮੈਚ ਖੇਡਿਆ ਜਾਵੇਗਾ।
2. 9.35 ਤੋਂ ਬਾਅਦ ਮੈਚ ਸ਼ੁਰੂ ਹੋਣ ’ਤੇ ਓਵਰ ਘੱਟ ਕੀਤੇ ਜਾਣਗੇ।
3. 9.45 ਵਜੇ ਮੈਚ ਸ਼ੁਰੂ ਹੋਣ ’ਤੇ 19 ਓਵਰ, 10 ਵਜੇ 17 ਓਵਰ ਅਤੇ 10.30 ਵਜੇ ਸ਼ੁਰੂ ਹੋਣ ’ਤੇ 15-15 ਓਵਰਾਂ ਦਾ ਖੇਡ ਹੋਵੇਗਾ।
4. ਰਾਤ 12:06 ਵਜੇ ਤੱਕ ਕੱਟ-ਆਉਟ ਸਮਾਂ ਰਹੇਗਾ, ਜੇਕਰ ਉਦੋਂ ਤੱਕ ਵੀ 5-5 ਓਵਰਾਂ ਦਾ ਖੇਡ ਸ਼ੁਰੂ ਨਹੀਂ ਹੋਇਆ ਤਾਂ ਮੈਚ ਰੱਦ ਕਰਾਰ ਦਿੱਤਾ ਜਾਵੇਗਾ।

ਜੇਕਰ ਫਾਈਨਲ ਰੱਦ ਹੁੰਦਾ ਹੈ ਤਾਂ ਕੀ ਹੋਵੇਗਾ? | TATA IPL 2023

ਆਈਸੀਸੀ ਟੂਰਨਾਮੈਂਟ ’ਚ ਫਾਈਨਲ (TATA IPL 2023) ਰੱਦ ਹੋਣ ’ਤੇ ਟਰਾਫੀ ਸ਼ੇਅਰ ਕੀਤੀ ਜਾਂਦੀ ਹੈ, ਪਰ ਆਈਪੀਐੱਲ ਨੂੰ ਲੈ ਕੇ ਅਜੇ ਇਸ ਤਰ੍ਹਾਂ ਦੀ ਕੋਈ ਵੀ ਸੂਚਨਾਂ ਸਾਹਮਣੇ ਨਹੀਂ ਆਈ ਹੈ। ਜੇਕਰ ਪਲੇਆਫ ਦਾ ਹੋਰ ਕੋਈ ਮੁਕਾਬਲਾ ਰੱਦ ਹੁੰਦਾ ਹੈ ਤਾਂ ਪੁਆਂਇੰਟਸ ਟੇਬਲ ’ਤੇ ਟਾਪ ’ਚ ਰਹਿਣ ਵਾਲੀ ਟੀਮ ਨੂੰ ਜੇਤੂ ਮੰਨਿਆ ਜਾਂਦਾ ਹੈ, ਪਰ ਫਾਈਨਲ ਲਈ ਅਜਿਹਾ ਕੁਝ ਨਹੀਂ ਕਿਹਾ ਗਿਆ ਹੈ। ਪਰ ਸੰਭਵ ਹੈ ਕਿ ਫਾਈਨਲ ਰੱਦ ਹੋਣ ’ਤੇ ਆਈਪੀਐੱਲ ’ਚ ਵੀ ਟਰਾਫੀ ਸ਼ੇਅਰ ਹੀ ਕੀਤੀ ਜਾਵੇਗੀ।

LSG Vs MI Match : 14 ਓਵਰਾਂ ’ਚ 100/3

ਏਕਾਨਾ। ਇੰਡੀਅਨ ਪ੍ਰੀਮੀਅਰ ਲੀਗ ਦਾ 63ਵਾਂ ਮੈਚ ਮੁੰਬਈ ਇੰਡੀਅਨਜ਼ (MI) ਅਤੇ ਲਖਨਊ ਸੁਪਰਜਾਇੰਟਸ (LSG) ਵਿਚਕਾਰ ਏਕਾਨਾ ਕ੍ਰਿਕਟ ਸਟੇਡੀਅਮ ਵਿੱਚ ਖੇਡਿਆ ਜਾ ਰਿਹਾ ਹੈ। ਮੁੰਬਈ ਨੇ ਟਾਸ ਜਿੱਤ ਕੇ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਹੈ। (LSG Vs MI Match) ਪਹਿਲਾਂ ਬੱਲੇਬਾਜ਼ੀ ਕਰਨ ਉੱਤਰੀ ਲਖਨਊ ਦੀ ਸ਼ੁਰੂਆਤ ਖਰਾਬ ਰਹੀ। ਉਸ ਨੇ ਸਿਰਫ 12 ਦੌੜਾਂ ’ਤੇ ਦੋ ਵਿਕਟਾਂ ਗੁਆ ਦਿੱਤੀਆਂ। ਦੂਜੇ ਓਵਰ ਦੀ ਪਹਿਲੀ ਗੇਂਦ ‘ਤੇ ਜੇਸਨ ਬੇਹਰਨਡੋਰਫ ਨੇ ਦੀਪਕ ਹੁੱਡਾ ਨੂੰ ਟਿਮ ਡੇਵਿਡ ਹੱਥੋਂ ਕੈਚ ਕਰਵਾਇਆ। ਪ੍ਰੇਰਕ ਮਾਂਕੜ ਜ਼ੀਰੋ ‘ਤੇ ਆਊਟ ਹੋ ਗਏ। ਉਸ ਨੂੰ ਵਿਕਟਕੀਪਰ ਈਸ਼ਾਨ ਕਿਸ਼ਨ ਦੇ ਹੱਥੋਂ ਜੇਸਨ ਬੇਹਰੇਂਡੋਰਕ ਨੇ ਕੈਚ ਕਰਵਾਇਆ।

ਲਖਨਊ ਨੇ ਮੁੰਬਈ ਇੰਡੀਅਨਜ਼ ਨੂੰ ਜਿੱਤ ਲਈ 178 ਦੌੜਾਂ ਦਾ ਟੀਚਾ ਦਿੱਤਾ ਹੈ। ਟੀਮ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 20 ਓਵਰਾਂ ‘ਚ 3 ਵਿਕਟਾਂ ‘ਤੇ 177 ਦੌੜਾਂ ਬਣਾਈਆਂ। ਮਾਰਕਸ ਸਟੋਇਨਿਸ ਨੇ ਸੀਜ਼ਨ ਦਾ ਆਪਣਾ ਤੀਜਾ ਅਰਧ ਸੈਂਕੜਾ ਲਗਾਇਆ, ਜਦਕਿ ਕਪਤਾਨ ਕਰੁਣਾਲ ਪਾਂਡਿਆ 49 ਦੇ ਸਕੋਰ ‘ਤੇ ਰਿਟਾਇਰਡ ਹਰਟ ਹੋ ਗਏ। ਜੇਸਨ ਬੇਹਰਨਡੋਰਫ ਨੇ 2 ਵਿਕਟਾਂ ਜਦਕਿ ਪਿਊਸ਼ ਚਾਵਲਾ ਨੂੰ ਇਕ ਵਿਕਟ ਮਿਲੀ।

ਮੁੰਬਈ ਦੀ ਟੀਮ ‘ਚ ਇਕ ਬਦਲਾਅ (LSG Vs MI Match)

ਮੁੰਬਈ ਦੀ ਟੀਮ ‘ਚ ਇਕ ਬਦਲਾਅ ਕੀਤਾ ਗਿਆ ਹੈ। ਨਵੀਨ ਅਤੇ ਦੀਪਕ ਹੁੱਡਾ ਲਖਨਊ ਵਾਪਸ ਆ ਗਏ ਹਨ, ਜਦੋਂ ਕਿ ਕਾਇਲ ਮੇਅਰਸ ਅਤੇ ਅਵੇਸ਼ ਖਾਨ ਖੇਡ ਤੋਂ ਬਾਹਰ ਹੋ ਗਏ ਹਨ।

ਮੁੰਬਈ ਇੰਡੀਅਨਜ਼: ਰੋਹਿਤ ਸ਼ਰਮਾ (ਕਪਤਾਨ), ਈਸ਼ਾਨ ਕਿਸ਼ਨ (ਵਿਕਟ-ਕੀਪਰ), ਕੈਮਰਨ ਗ੍ਰੀਨ, ਸੂਰਿਆ ਕੁਮਾਰ ਯਾਦਵ, ਨੇਹਲ ਵਢੇਰਾ, ਟਿਮ ਡੇਵਿਡ, ਰਿਤਿਕ ਸ਼ੌਕੀਨ, ਕ੍ਰਿਸ ਜੌਰਡਨ, ਪੀਯੂਸ਼ ਚਾਵਲਾ, ਜੇਸਨ ਬੇਹਰਨਡੋਰਫ ਅਤੇ ਆਕਾਸ਼ ਮਧਵਾਲ।
ਪ੍ਰਭਾਵੀ ਖਿਡਾਰੀ: ਅਰਸ਼ਦ ਖਾਨ, ਟ੍ਰਿਸਟਨ ਸਟੱਬਸ, ਤਿਲਕ ਵਰਮਾ ਅਤੇ ਰਈਲੀ ਮੈਰੀਡੀਥ।

ਇਹ ਵੀ ਪੜ੍ਹੋ : ਕੇਂਦਰੀ ਮੰਤਰੀ ਸੋਮ ਪ੍ਰਕਾਸ਼ ਵੱਲੋਂ ਨਵ-ਨਿਯੁਕਤ ਕਰਮੀਆਂ ਨੂੰ ਨਿਯੁਕਤੀ ਪੱਤਰ ਵੰਡੇ

(ਏਜੰਸੀ) ਲਖਨਊ। ਟੂਰਨਾਮੈਂਟ ਦੇ ਆਖਰੀ ਸੈਸ਼ਨ ’ਚ ਫਾਰਮ ’ਚ ਵਾਪਸ ਆਈ ਮੁੰਬਈ ਇੰਡੀਅਨਸ ਦਾ ਸਾਹਮਣਾ ਮੰਗਲਵਾਰ ਨੂੰ ਇੱਕ ਮਹੱਤਵਪੂਰਨ ਮੈਚ ’ਚ ਜਦੋਂ ਲਖਨਊ ਸੁਪਰਜਾਇੰਟਸ ਨਾਲ ਹੋਵੇਗਾ ਤਾਂ ਉਸਦਾ ਇਰਾਦਾ ਇਸ ਲੈਅ ਨੂੰ ਬਰਕਰਾਰ ਰੱਖ ਕੇ ਤੇ ਪਲੇਆਫ ਦਾ ਦਾਅਵਾ ਪੁਖਤਾ ਕਰਨ ਦਾ ਹੋਵੇਗਾ।(Mumbai Vs Lucknow M atch) ਮੁੰਬਈ 14 ਅੰਕ ਲੈ ਕੇ ਅੰਕ ਸੂਚੀ ’ਚ ਤੀਜੇ ਸਥਾਨ ’ਤੇ ਜਦਕਿ ਐਨੇ ਹੀ ਮੈਚਾਂ ’ਚ ਇੱਕ ਅੰਕ ਘੱਟ ਹੋਣ?ਨਾਲ ਲਖਨਊ ਚੌਥੇ ਸਥਾਨ ’ਤੇ ਹੈ। ਦੋਵੇਂ ਟੀਮਾਂ ਦੀ ਕੋਸ਼ਿਸ਼ ਜਿੱਤ ਨਾਲ ਪਲੇਆਫ ਵੱਲ ਅਗਲਾ ਕਦਮ ਰੱਖਣ ਦੀ ਹੋਵੇਗੀ ਕਿਉਂਕਿ ਹਾਲੇ ਅੱਠ ਟੀਮਾਂ ਦੌੜ ’ਚ ਬਣੀਆਂ ਹੋਈਆਂ ਹਨ।

ਇਹ ਵੀ ਪੜ੍ਹੋ : ਕੈਮਰਿਆਂ ਦੀ ਨਜ਼ਰ ’ਚ ਹੋਵੇਗਾ ਪੂਰਾ ਮੋਹਾਲੀ

ਮੁੰਬਈ ਲਈ ਸੂਰਿਆ ਕੁਮਾਰ ਯਾਦਵ ਜ਼ਬਰਦਸਤ ਫਾਰਮ ’ਚ ਵਾਪਸੀ ਆਏ ਹੈ ਅਤੇ ਪਿਛਲੇ ਦੋ ਮੈਚਾਂ ’ਚ ਜਿੱਤ ‘ਚ ਸੂਤਰਧਾਰ ਰਹੇ ਹਨ ਗੁਜਰਾਤ ਟਾਈਟਨਸ ਖਿਲਾਫ ਰੋਹਿਤ ਸਰਮਾ ਨੇ ਵੀ ਲੈਅ ਹਾਸਲ ਕੀਤੀ ਅਤੇ ਹੁਣ ਅਟਲ ਬਿਹਾਰੀ ਵਾਜਪੇਈ ਸਟੇਡੀਅਮ ’ਚ ਵੱਡੀ ਪਾਰੀ ਖੇਡਣਾ ਚਾਹੁੰਣਗੇ। ਤਿਲਕ ਵਰਮਾ ਦੀ ਗੈਰ-ਮੌਜੂਦਗੀ ’ਚ ਮੁੰਬਈ ਨੂੰ ਨਿਹਾਲ ਵਢੇਰਾ ਦੇ ਰੂਪ ’ਚ ਚੰਗਾ ਵਿਕਲਪ ਮਿਲਿਆ, ਜੋ ਮੈਚ ਦਰ ਮੈਚ ਨਿਖਰਦੇ ਜਾ ਰਹੇ ਹਨ ਗੇਂਦਬਾਜੀ ’ਚ ਤਜਰਬੇਕਾਰ ਸਪਿੱਨਰ ਪੀਯੂਸ਼ ਚਾਵਲਾ ਬੱਲੇਬਾਜਾਂ ਦੀ ਪਰੇਸਾਨ ਦਾ ਸਬੱਬ ਬਣੇ ਹਨ, ਜਦਕਿ ਨੌਜਵਾਨ ਆਕਾਸ਼ ਬੱਢਵਾਲ ਨੇ ਤੇਜ ਆਕਰਮਣ ਨੂੰ ਮਜਬੂਤ ਕੀਤਾ ਹੈ। ਇਹ ਮੈਚ ਵੀ ਘੱਟ ਸਕੋਰ ਵਾਲਾ ਰਹਿਣ?ਦੀ ਉਮੀਦ ਹੈ ਜਿਸ ’ਚ ਸਪਿੱਨਰਾਂ ਦੀ ਭੂਮਿਕਾ ਅਹਿਮ ਹੋ ਸਕਦੀ ਹੈ।

ਨਿਕੋਲਸ ਪੂਰਨ ਅਤੇ ਸੌਰਾਸ਼ਟਰ ਦੇ ਬੱਲੇਬਾਜ ਪ੍ਰੇਰਕ ਮਾਂਕਡ ਤੋਂ ਵੀ ਚੰਗੇ ਪ੍ਰਦਰਸਨ ਦੀ ਉਮੀਦ

ਲੈੱਗ ਸਪਿੱਨਰ ਰਵੀ ਬਿਸ਼ਨੋਈ ਲਖਨਊ ਲਈ ਸਭ ਤੋਂ ਵੱਧ ਵਿਕਟਾਂ ਲਈਆਂ ਹਨ ਅਤੇ ਕਾਰਜਵਾਹਕ ਕਪਤਾਨ ਕੁਰਨਾਲ ਪੰਡਿਆ ਨੇ ਵੀ ਸਨਰਾਈਜਰਜ ਹੈਦਰਾਬਾਦ ਖਿਲਾਫ ਵਧੀਆ ਗੇਂਦਬਾਜੀ ਕੀਤੀ। ਤਜ਼ਰਬੇਕਾਰ ਅਮਿਤ ਮਿਸ਼ਰਾ ਵੀ ਮਹੱਤਵਪੂਰਣ ਭੂਮਿਕਾ ਨਿਭਾ ਸਕਦੇ ਹਨ। ਤੇਜ਼ ਗੇਂਦਬਾਜ਼, ਖਾਸ ਕਰਕੇ ਆਵੇਸ਼ ਖਾਨ ਮਹਿੰਗੇ ਸਾਬਤ ਹੋਏ ਹਨ ਜਿਨ੍ਹਾਂ ਦਾ ਇਕਾਨਮੀ ਰੇਟ ਨੋ ਮੈਚਾਂ ’ਚ ਦਸ ਦੇ ਕਰੀਬ ਰਿਹਾ ਜਖਮੀ ਕੇਐੱਲ ਰਾਹੁਲ ਦੀ ਗੈਰ-ਮੌਜੂਦਗੀ ’ਚ ਵੀ ਬੱਲੇਬਾਜੀ ਮਜਬੂਤ ਲੱਗ ਰਹੀ ਹੈ। ਕਵਿੰਟੋਨ ਡਿ ਕਾਕ ਨੇ ਰਾਹੁਲ ਦੇ ਵਿਕਲਪ ਦੇ ਤੌਰ ’ਤੇ ਪ੍ਰਭਾਵਿਤ ਕੀਤਾ ਹੈ ਜਦਕਿ ਕਾਇਲ ਮਾਇਰਸ ਨੇ ਇਸ ਸ਼ੈਸ਼ਨ’ਚ ਲਖਨਊ ਲਈ ਸਭ ਤੋਂ ਵੱਧ ਦੌੜਾਂ ਬਣਾਈਆਂ ਹਨ। ਨਿਕੋਲਸ ਪੂਰਨ ਅਤੇ ਸੌਰਾਸ਼ਟਰ ਦੇ ਬੱਲੇਬਾਜ ਪ੍ਰੇਰਕ ਮਾਂਕਡ ਤੋਂ ਵੀ ਚੰਗੇ ਪ੍ਰਦਰਸਨ ਦੀ ਉਮੀਦ ਹੋਵੇਗੀ।

ਟੀਮਾਂ ਇਸ ਤਰ੍ਹਾਂ ਨਾਲ ਹਨ (Mumbai Vs Lucknow M atch)

ਮੁੰਬਈ ਇੰਡੀਅਨਸ: ਰੋਹਿਤ ਸ਼ਰਮਾ (ਕਪਤਾਨ), ਜੋਫਰਾ ਆਰਚਰ, ਅਰਸ਼ਦ ਖਾਨ, ਜੇਸਨ ਬੇਹਰਨਡੋਰਫ, ਡੇਵਾਲਡ ਬ੍ਰੇਵਿਸ, ਪੀਯੂਸ ਚਾਵਲਾ, ਟਿਮ ਡੇਵਿਡ, ਰਾਘਵ ਗੋਇਲ, ਕੈਮਰਨ ਗ੍ਰੀਨ, ਈਸ਼ਾਨ ਕਿਸ਼ਨ, ਡੁਆਨ ਜਾਨਸੇਨ, ਕਰਿੱਸ ਜਾੱਰਡਨ, ਕੁਮਾਰ ਕਾਰਤੀਕੇਯ, ਆਕਾਸ਼ ਮੱਧਵਾਲ, ਰਿਲੇ ਮੈਰੀਡਿੱਥ, ਸ਼ਮਸ ਮੁਲਾਨੀ, ਰਮਨਦੀਪ ਸਿੰਘ, ਸੰਦੀਪ ਵਾਰੀਅਰ, ਰਿੱਤਿਕ ਸ਼ੌਕੀਨ, ਟਰਿੱਸਟਨ ਸਟੱਬਸ, ਅਰਜੁਨ ਤੇਂਦੁਲਕਰ, ਤਿਲਕ ਵਰਮਾ, ਵਿਸ਼ਨੂੰ ਵਿਨੋਦ, ਨੇਹਲ ਵਢੇਰਾ, ਸੂਰਿਆ ਕੁਮਾਰ ਯਾਦਵ। Mumbai Vs Lucknow M atch

ਲਖਨਊ ਸੁਪਰਜਾਇੰਟਸ: ਕੁਰਨਾਲ ਪੰਡਿਆ (ਕਪਤਾਨ), ਕਾਇਲ ਮਾਇਰਸ, ਦੀਪਕ ਹੁੱਡਾ, ਅਮਿਤ ਮਿਸ਼ਰਾ, ਨਿਕੋਲਸ ਪੂਰਨ, ਕਵਿੰਟਨ ਡਿਕਾੱਕ, ਨਵੀਨ-ਉਲ-ਹੱਕ, ਆਯੂਸ ਬਡੋਨੀ, ਆਵੇਸ਼ ਖਾਨ, ਕਰਨ ਸ਼ਰਮਾ, ਯੁੱਧਵੀਰ ਚਰਕ, ਯੱਸ਼ ਠਾਕੁਰ, ਰੋਮਾਰਿਓ ਸ਼ੈਫਰਡ, ਮਾਰਕ ਵੁੱਡ, ਸਵਪਨਿਲ ਸਿੰਘ , ਮਨਨ ਵੋਹਰਾ , ਡੈਨੀਅਲ ਸੈਮਸ, ਪ੍ਰੇਰਕ ਮਾਂਕਡ , ਕਿ੍ਰਸ਼ਨੱਪਾ ਗੌਤਮ, ਮਾਰਕਸ ਸਟੋਈਨਿਸ , ਰਵੀ ਬਿਸ਼ਨੋਈ , ਕਰੁਨ ਨਾਇਰ ਅਤੇ ਮਯੰਕ ਯਾਦਵ।

ਰਾਜਸਥਾਨ ਨੇ ਬਣਾਇਆ ਆਈਪੀਐੱਲ ਇਤਿਹਾਸ ਦਾ ਤੀਜਾ ਸਭ ਤੋਂ ਛੋਟਾ ਸਕੋਰ | RR VS RCB

ਜੈਪੁਰ (ਸੱਚ ਕਹੂੰ ਨਿਊਜ਼)। ਪਿਛਲੇ ਸੀਜਨ ਦੀ (RR VS RCB) ਫਾਈਨਲਿਸਟ ਰਾਜਸਥਾਨ ਰਾਇਲਜ਼ ਨੂੰ ਇੰਡੀਅਨ ਪ੍ਰੀਮੀਅਰ ਲੀਗ ’ਚ ਆਪਣੇ ਘਰ ’ਚ ਕਰਾਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਟੀਮ ਨੂੰ ਰਾਇਲ ਚੈਂਲੇਜਰਸ ਬੰਗਲੁਰੂ ਨੇ 112 ਦੌੜਾਂ ਨਾਲ ਹਰਾਇਆ। ਜੈਪੁਰ ਦੇ ਸਵਾਈ ਮਾਨਸਿੰਘ ਸਟੇਡੀਅਮ ’ਤੇ ਮੇਜ਼ਬਾਨ ਟੀਮ 172 ਦੌੜਾਂ ਦੇ ਟੀਚੇ ਦਾ ਪਿਛਾ ਕਰਦੇ ਹੋਏ ਸਿਰਫ 59 ਦੌੜਾਂ ’ਤੇ ਆਉਟ ਹੋ ਗਈ। ਆਈਪੀਐੱਲ ਇਤਿਹਾਸ ਦਾ ਤੀਜਾ ਸਭ ਤੋਂ ਛੋਟਾ ਸਕੋਰ ਹੈ। ਦੂਜਾ ਸਭ ਤੋਂ ਛੋਟਾ ਸਕੋਰ ਵੀ ਰਾਜਸਥਾਨ ਦੇ ਨਾਂਅ ਹੀ ਹੈ। 2009 ’ਚ ਟੀਮ 58 ਦੌੜਾਂ ’ਤੇ ਹੀ ਆਉਟ ਹੋ ਗਈ ਸੀ। ਉਦੋਂ ਵੀ ਬੰਗਲੁਰੂ ਨੇ ਹੀ ਟੀਮ ਨੂੰ ਆਲਆਉਟ ਕੀਤਾ ਸੀ। ਇਸ ਜਿੱਤ ਨਾਲ ਆਰਸੀਬੀ 5ਵੇਂ ਨੰਬਰ ’ਤੇ ਆ ਗਈ ਹੈ। ਟੀਮ ਦੇ 12 ਮੈਚਾਂ ’ਚ 12 ਅੰਕ ਹਨ।

ਮੈਚ ਵਿਸ਼ਲੇਸ਼ਣ : ਲਗਾਤਾਰ ਵਿਕਟਾਂ ਗੁਆਉਣਾ ਰਿਹਾ ਰਾਜਸਥਾਨ ਦੀ ਜਿੱਤ ਦਾ ਕਾਰਨ | RR VS RCB

1. 172 ਦੌੜਾਂ ਦੇ ਟੀਚੇ ਦੇ ਜਵਾਬ ਵਿੱਚ ਰਾਜਸਥਾਨ ਨੇ ਲਗਾਤਾਰ ਵਿਕਟਾਂ ਗੁਆ ਦਿੱਤੀਆਂ। ਟੀਮ ਵੱਲੋਂ ਸਭ ਤੋਂ ਵੱਡੀ ਸਾਂਝੇਦਾਰੀ 19 ਦੌੜਾਂ ਦੀ ਰਹੀ, ਜੋ ਅਸ਼ਵਿਨ ਅਤੇ ਸ਼ਿਮੋਰਨ ਹੇਟਮਾਇਰ ਨੇ ਕੀਤੀ। ਸ਼ਿਮਰੋਨ ਹੇਟਮਾਇਰ (35 ਦੌੜਾਂ) ਸਭ ਤੋਂ ਵੱਧ ਸਕੋਰਰ ਰਿਹਾ। ਬਾਕੀ ਬੱਲੇਬਾਜ਼ ਦੋਹਰਾ ਅੰਕੜਾ ਪਾਰ ਨਹੀਂ ਕਰ ਸਕੇ। 
2. ਵੇਨ ਪਾਰਨੇਲ ਨੇ 3 ਵਿਕਟਾਂ ਹਾਸਲ ਕੀਤੀਆਂ। ਮਾਇਕਲ ਬ੍ਰੇਸਵੇਲ ਅਤੇ ਕਰਨ ਸ਼ਰਮਾ ਨੂੰ ਦੋ-ਦੋ ਵਿਕਟਾਂ ਮਿਲਿਆਂ। ਇੱਕ-ਇੱਕ ਵਿਕਟ ਮੁਹੰਮ ਸਿਰਾਜ ਅਤੇ ਮੈਕਸਵਲ ਨੂੰ ਮਿਲੀ।
3. ਇਸ ਤੋਂ ਪਹਿਲਾਂ ਬੰਗਲੁਰੂ ਵੱਲੋਂ ਕਪਤਾਨ ਫਾਫ ਡੁ ਪਲੇਸਿਸ ਨੇ 55, ਗਲੇਨ ਮੈਕਸਵੇਲ ਨੇ 54 ਅਤੇ ਅਨੁਜ ਰਾਵਤ ਨੇ ਨਾਬਾਦ 29 ਦੌੜਾਂ ਬਣਾਇਆਂ।
4. ਐਡਮ ਜੰਪਾ ਅਤੇ ਕੇਐੱਮ ਆਸਿਫ ਨੂੰ ਦੋ-ਦੋ ਵਿਕਟਾਂ ਮਿਲਿਆਂ।

ਮੈਚ ਭਾਰਤੀ ਸਮੇਂ ਅਨੁਸਾਰ ਸ਼ਾਮ 7:30 ਵਜੇ ਸ਼ੁਰੂ ਹੋਵੇਗਾ

(ਏਜੰਸੀ) ਕੋਲਕਾਤਾ। ਰਿੰਕੂ ਸਿੰਘ ਦੀ ਤੂਫਾਨੀ ਪਾਰੀ ਤੋਂ ਬਾਅਦ ਉਤਸ਼ਾਹ ਨਾਲ ਲਬਰੇਜ਼ ਕੋਲਕਾਤਾ ਨਾਈਟ ਰਾਈਡਰਸ (ਕੇਕੇਆਰ) ਦਾ ਸਾਹਮਣਾ, ਅੱਜ ਸਨਰਾਈਜਰਸ ਹੈਦਰਾਬਾਦ ਨਾਲ ਹੋਵੇਗਾ। ਉਸ ਦੀਆਂ ਨਜ਼ਰਾਂ ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐੱਲ) ਦੇ ਵਰਤਮਾਨ ਸ਼ੈਸਨ ’ਚ ਲਗਾਤਾਰ ਤੀਜੀ ਜਿੱਤ ਦਰਜ ਕਰਨ ’ਤੇ ਟਿਕੀਆਂ ਹੋਣਗੀਆਂ

ਇਸ ਸ਼ੈਸ਼ਨ ਦੇ ਆਪਣੇ ਪਹਿਲੇ ਮੈਚ ’ਚ ਮੋਹਾਲੀ ’ਚ ਪੰਜਾਬ ਕਿੰਗਸ ਤੋਂ ਹਾਰ ਦਾ ਸਾਹਮਣਾ ਕਰਨ ਤੋਂ ਬਾਅਦ ਕੇਕੇਆਰ ਦੇ ਦੋ ਨਵੇਂ ਹੀਰੋ ਮਿਲੇ , ਜਿਨ੍ਹਾਂ ਨੇ ਉਸਨੂੰ ਅਗਲੇ ਦੋਵਾਂ ਮੈਚਾਂ ’ਚ ਜਿੱਤ ਦਿਵਾਈ ਪਹਿਲੇ ਰਾਇਲ ਚੈਲੇਂਜਰਸ ਬੈਂਗਲੋਰ (ਆਰਸੀਬੀ) ਖਿਲਾਫ ਸ਼ਾਰਦੁਲ ਠਾਕੁਰ ਨੇ ਆਪਣੇ ਬੱਲੇ ਨਾਲ ਕਮਾਲ ਦਿਖਾਇਆ ਅਤੇ 29 ਗੇਂਦਾਂ ’ਤੇ 68 ਦੌੜਾਂ ਦੀ ਤੂਫਾਨੀ ਪਾਰੀ ਖੇਡ ਕੇ ਕੇਕੇਆਰ ਨੂੰ 81 ਦੌੜਾਂ ਨਾਲ ਜਿੱਤ ਦਿਵਾਉਣ ’ਚ ਅਹਿਮ ਭੂਮਿਕਾ ਨਿਭਾਈ ਇਸ ਤੋਂ ਬਾਅਦ ਰਿੰਕੂ ਸਿੰਘ ਨੇ ਗੁਜਰਾਤ ਟਾਈਟਨਸ ਖਿਲਾਫ ਅਖੀਰਲੀਆਂ ਪੰਜ ਗੇਂਦਾਂ ’ਤੇ ਛੱਕੇ ਜੜ ਕੇ ਆਪਣੀ ਟੀਮ ਨੂੰ ਜਿੱਤ ਦਿਵਾਈ ਸੀ ਇਸ ਤਰ੍ਹਾਂ?ਨਾਲ ਕੇਕੇਆਰ ਦੀਆਂ ਨਿਗਾਹਾਂ ਜਿੱਤ ਦੀ ਹੈਟਰਿਕ ਪੂਰੀ ਕਰਨ ’ਤੇ ਲੱਗੀਆਂ ਹਨ।

ਕੇਕੇਆਰ ਦੀਆਂ ਦੋਨੋਂ ਜਿੱਤਾਂ ’ਚ ਉਸਦੇ ਸਟਾਰ ਆਲਰਾਊਂਡਰ ਆਂਦਰੇ ਰਸੇਲ ਅਤੇ ਕਪਤਾਨ ਨਿਤੀਸ਼ ਰਾਣਾ ਦਾ ਖਾਸ ਯੋਗਦਾਨ ਨਹੀਂ ਰਿਹਾ ਅਤੇ ਹੁਣ ਟੀਮ ਪ੍ਰਬੰਧਨ ਇਹ ਤੈਅ ਕਰਨ ਦੀ ਕੋਸ਼ਿਸ਼ ਕਰੇਗਾ ਕਿ ਉਸਨੂੰ ਇਹ ਜਿੱਤ ਸੰਯੋਗ ਨਾਲ ਨਹੀਂ ਮਿਲੀ ਸੀ ਕੇਕੇਆਰ ਨੇ ਹੁਣ ਤੱਕ ਤਿੰਨੋਂ ਮੈਚਾਂ ’ਚ ਵੱਖ-ਵੱਖ ਸਲਾਮੀ ਜੋੜੀਆਂ ਅਜ਼ਮਾਈਆਂ ਹਨ ਅਤੇ ਮੁੜ ਇਸ ’ਚ ਬਦਲਾਅ ਦੀ ਸੰਭਾਵਨਾ ਹੈ। ਇੰਗਲੈਂਡ ਦੇ ਸਲਾਮੀ ਬੱਲੇਬਾਜ਼ ਜੈਸਨ ਰਾਇ ਨੂੰ ਅਫਗਾਨਿਸਤਾਨ ਦੇ ਰਹਿਮਨੁੱਲਾਹ ਗੁਰਬਾਜ਼ ਦੀ ਥਾਂ ਅਖੀਰਲੇ ਗਿਆਰਾਂ ’ਚ ਜਗ੍ਹਾ ਮਿਲ ਸਕਦੀ ਹੈ ਜਿੱਥੋਂ ਤੱਕ ਸਨਰਾਈਜਰਸ ਦਾ ਸੁਆਲ ਹੈ ਤਾਂ ਐਡੇਨ ਮਾਰਕਰਾਮ ਦੀ ਅਗਵਾਈ ਵਾਲੀ ਟੀਮ ਹੈਰੀ ਬਰੂਕ, ਮਯੰਕ ਅਗਰਵਾਲ ਅਤੇ ਹੈਨਰਿਕ ਕਲਾਸੇਨ ਵਰਗੇ ਖਿਡਾਰੀਆਂ ਦੀ ਮੌਜ਼ੂਦਗੀ ’ਚ ਕਾਗਜ਼ਾਂ ’ਤੇ ਮਜ਼ਬੂਤ ਨਜ਼ਰ ਆਉਂਦੀ ਹੈ । (KKR Vs SRH Match)

ਕੇਕੇਆਰ ਹਾਲੇ ਅੰਕ ਸੂਚੀ ’ਚ ਤੀਜੇ ਸਥਾਨ ’ਤੇ

ਸਨਰਾਈਜਰਸ ਕੋਲ ਸੀਮਤ ਓਵਰਾਂ ਦੇ ਕਈ ਮਾਹਿਰ ਖਿਡਾਰੀ ਹਨ ਪਰ ਉਹ ਪਹਿਲੇ ਦੋ ਮੈਚਾਂ ’ਚ ਆਪਣਾ ਪ੍ਰਭਾਵ ਛੱਡਣ ’ਚ ਨਾਕਾਮ ਰਹੇ ਸਨਰਾਈਜਰਸ ਨੇ ਪਿਛਲੇ ਮੈਚ ’ਚ ਰਾਹੁਲ ਤ੍ਰਿਪਾਠੀ ਦੀ ਨਾਬਾਦ 74 ਦੌੜਾਂ ਦੀ ਪਾਰੀ ਦੇ ਦਮ ’ਤੇ ਪੰਜਾਬ ਨੂੰ ਅੱਠ ਵਿਕਟਾਂ ਨਾਲ ਹਰਾਇਆ ਸੀ ਇਸ ਜਿੱਤ ਨਾਲ ਉਤਸ਼ਾਹ ਤੋਂ ਲਬਰੇਜ਼ ਬਰਾਇਨ ਲਾਰਾ ਦੀ ਕੋਚਿੰਗ ਵਾਲੀ ਸਨਰਾਈਜਰਸ ਦੀ ਟੀਮ ਕੇਕੇਆਰ ਨੂੰ ਸਖ਼ਤ ਟੱਕਰ ਦੇਣ ਲਈ ਮੈਦਾਨ ’ਤੇ ਉਤਰੇਗੀ ਤਿ੍ਰਪਾਠੀ ਫਿਰ ਤੋਂ ਵਿਚਲੇ ਓਵਰਾਂ ’ਚ ਅਹਿਮ ਭੂਮਿਕਾ ਨਿਭਾ ਸਕਦੇ ਹਨ

ਜਦਕਿ ਸਨਰਾਈਜਰਸ ਨੂੰ ਬਰੂਕ ਅਤੇ ਕਲਾਸੇਨ ਤੋਂ ਵੀ ਚੰਗੇ ਯੋਗਦਾਨ ਦੀ ਉਮੀਦ ਰਹੇਗੀ ਸਨਰਾਈਜਰਸ ਕੋਲ ਵਾਸਿੰਗਟਨ ਸੁੰਦਰ ਅਤੇ ਮਯੰਕ ਮਾਕੰਡਰੇਯ ਦੇ ਰੂਪ ’ਚ ਦੋ ਉਪਯੋਗੀ ਸਪਿੱਨਰ ਹਨ ਇਸ ਤੋਂ ਇਲਾਵਾ ਉਸਦੇ ਕੋਲ ਭੁਵਨੇਸ਼ਵਰ ਕੁਮਾਰ ਅਤੇ ਮਾਰਕੋ ਯਾਨਸਨ ਵਰਗੇ ਤੇਜ਼ ਗੇਂਦਬਾਜ਼ ਹਨ ਜਿਸ ਨਾਲ ਉਹ ਕੇਕੇਆਰ ਸਾਹਮਣੇ ਸਖ਼ਤ ਚੁਣੌਤੀ ਪੇਸ਼ ਕਰ ਸਕਦਾ ਹੈ ਕੇਕੇਆਰ ਹਾਲੇ ਅੰਕ ਸੂਚੀ ’ਚ ਤੀਜੇ ਸਥਾਨ ’ਤੇ ਹੈ ਅਤੇ ਇਸ ਮੈਚ ’ਚ ਜਿੱਤ ਨਾਲ ਉਹ ਚੋਟੀ ’ਤੇ ਪਹੁੰਚ ਸਕਦਾ ਹੈ

ਟੀਮਾਂ ਇਸ ਪ੍ਰਕਾਰ ਹਨ KKR Vs SRH Match

ਕੋਲਕਾਤਾ ਨਾਈਟ ਰਾਈਡਰਸ: ਨੀਤਿਸ਼ ਰਾਣਾ (ਕਪਤਾਨ), ਰਹਿਮਾਨੁੱਲਾਹ ਗੁਰਬਾਜ਼, ਵੈਂਕਟੇਸ਼ ਅੱਈਅਰ, ਆਂਦਰੇ ਰਸੇਲ, ਸੁਨੀਲ ਨਾਰਾਇਣ, ਸ਼ਾਰਦੁਲ ਠਾਕੁਰ, ਲਾਕੀ ਫਰਗਿਊਸਨ, ਉਮੇਸ਼ ਯਾਦਵ, ਟਿਮ ਸਾਊਦੀ, ਹਰਸ਼ਿਤ ਰਾਣਾ, ਵਰੁਣ ਚੱਕਰਵਤੀ, ਅਨੁਕੁਲ ਰਾਇ, ਰਿੰਕੂ ਸਿੰਘ, ਐੱਨ. ਜਗਦੀਸ਼ਨ, ਵੈਭਵ ਅਰੋੜਾ, ਸੁਯਸ਼ ਸ਼ਰਮਾ, ਡੇਵਿਡ ਵਿਸੇ, ਕੁਲਵੰਤ ਖੇਜਰੋਲਿਆ, ਲਿਟਨ?ਦਾਸ, ਮਨਦੀਪ ਸਿੰਘ ਅਤੇ ਜੈਸਨ ਰਾਇ

ਸਨਰਾਈਜਰਸ ਹੈਦਰਾਬਾਦ: ਐਡੇਨ ਮਾਰਕਰਾਮ (ਕਪਤਾਨ), ਅਬਦੁੱਲ ਸਮਦ, ਰਾਹੁਲ ਤਿ੍ਰਪਾਠੀ, ਗਲੇਨ ਫਿਲਿਪਸ, ਅਭਿਸ਼ੇਕ ਸ਼ਰਮਾ, ਮਾਰਕੋ ਯਾਨਸਨ, ਵਾਸ਼ਿੰਗਟਨ ਸੰੁਦਰ, ਫਜਲਹਿਕ ਫਾਰੂਕੀ, ਕਾਰਤਿਕ ਤਿਆਗੀ, ਭੁਵਨੇਸ਼ਵਰ ਕੁਮਾਰ, ਟੀ ਨਟਰਾਜਨ, ਉਮਰਾਨ ਮਲਿਕ, ਹੈਰੀ ਬਰੂਕ, ਮਯੰਕ ਅਗਰਵਾਲ, ਹੈਨਰਿਕ ਕਲਾਸੇਨ, ਆਦਿਲ ਰਾਸ਼ਿਦ, ਮਯੰਕ ਮਾਕੰਡਰੇਯ, ਵਿਵਰਾਂਤ ਸ਼ਰਮਾ, ਸਮਰਥ ਵਿਆਸ, ਸੰਵੀਰ ਸਿੰਘ, ਉਪੇਂਦਰ ਯਾਦਵ, ਮਯੰਕ ਡਾਗਰ, ਨੀਤੀਸ਼ ਕੁਮਾਰ ਰੇਡੀ, ਅਕੀਲ ਹੁਸੈਨ ਅਤੇ ਅਨਮੋਲਪ੍ਰੀਤ ਸਿੰਘ

ਲੋਕਾਂ ਦੀ ਸਹੂਲਤ ਲਈ ਟਰੈਫਿਕ ਦੇ ਬਦਲਵੇਂ ਪ੍ਰਬੰਧ | IPL

ਮੋਹਾਲੀ (ਐੱਮ ਕੇ ਸ਼ਾਇਨਾ) ਆਈਪੀਐਲ ਮੈਚਾਂ (IPL) ਦੀ ਲੜੀ ਦਾ ਕਰੇਜ਼ ਲੋਕਾਂ ਦੇ ਸਿਰ ਚੜ੍ਹ ਕੇ ਬੋਲ ਰਿਹਾ ਹੈ। ਇਨ੍ਹਾਂ ਮੈਚਾਂ ਦੀਆਂ ਟਿਕਟਾਂ ਧੜਾ-ਧੜ ਵਿਕ ਰਹੀਆਂ ਹਨ। ਏਡੀਜੀਪੀ ਅਰਪਿਤ ਸ਼ੁਕਲਾ (ਅਮਨ ਤੇ ਕਾਨੂੰਨ) ਵੱਲੋਂ ਸ਼ੁੱਕਰਵਾਰ ਨੂੰ ਜਿਲ੍ਹੇ ਵਿੱਚ ਖੇਡੇ ਜਾ ਰਹੇ ਆਈਪੀਐਲ ਮੈਚਾਂ ਦੇ ਸੁਰੱਖਿਆ ਪ੍ਰਬੰਧਾ ਦਾ ਜਾਇਜਾ ਲਿਆ। ਜਿੱਥੇ ਸ਼ੁਕਲਾ ਨੇ ਇੱਕ ਪ੍ਰੈਸ ਵਾਰਤਾ ਦੌਰਾਨ ਦੱਸਿਆ ਕਿ ਆਈਪੀਐਲ ਮੈਚ ਪਹਿਲੀ ਅਪ੍ਰੈਲ ਤੋਂ ਬਿੰਦਰਾ ਸਟੇਡੀਅਮ, ਪੀਸੀਏ, ਵਿਖੇ ਹੋ ਰਹੇ ਹਨ ।

ਉਨ੍ਹਾਂ ਦੱਸਿਆ ਕਿ ਸੁਰੱਖਿਆ ਦੇ ਪੁਖਤਾ ਇੰਤਜਾਮ ਕਰ ਲਏ ਗਏ ਹਨ । ਉਨ੍ਹਾਂ ਦੱਸਿਆ ਕਿ ਇਨ੍ਹਾਂ ਮੈਂਚਾਂ ਦੀ ਸੁਰੱਖਿਆ ਲਈ ਪੁਲਿਸ ਮੁਲਾਜਮਾਂ ਦੀ ਤਾਇਨਾਤੀ ਕੀਤੀ ਗਈ ਹੈ। ਉਨ੍ਹਾਂ ਅੱਗੇ ਦੱਸਿਆ ਕਿ ਇਸ ਦੌਰਾਨ ਮੈਚਾਂ ਦੀ ਇਲੈਕਟ੍ਰੋਨਿਕ ਸਕਿਉਰਟੀ ਵੀ ਕੀਤੀ ਜਾਵੇਗੀ । ਉਨ੍ਹਾਂ ਦੱਸਿਆ ਕਿ ਸੁਰੱਖਿਆ ਪੱਖੋ ਸੀ.ਸੀ.ਟੀ.ਵੀ ਕੈਮਰੇ ਲਾਏ ਗਏ ਹਨ । ਉਨ੍ਹਾਂ ਕਿਹਾ ਕਿ ਸਟੇਡੀਅਮ ਅੰਦਰ ਕਿਸੇ ਤਰ੍ਹਾਂ ਦੀ ਵੀ ਇਤਰਾਜ ਯੋਗ ਸਮੱਗਰੀ ਦੀ ਐਂਟਰੀ ਤੇ ਪੂਰਨ ਰੋਕ ਹੋਵੇਗੀ। (IPL)

ਉਨ੍ਹਾਂ ਦੱਸਿਆ ਕਿ ਸਟੇਡੀਅਮ ਦੇ ਨੇੜਲੇ ਸਥਾਨ ਦਾ ਟ੍ਰੈਫਿਕ ਪਲੈਨ ਸ਼ੋਸਲ ਮੀਡੀਆ ਤੇ ਸ਼ੇਅਰ ਕੀਤਾ ਜਾਵੇਗਾ । ਉਨ੍ਹਾਂ ਦੱਸਿਆ ਕਿ ਦਰਸ਼ਕਾ ਦੀਆਂ ਗੱਡੀਆਂ ਲਈ ਪਾਰਕਿੰਗ ਦਾ ਪ੍ਰਬੰਧ ਵੀ ਪੁੱਖਤਾ ਕਰ ਲਿਆ ਗਿਆ ਹੈ । ਉਨ੍ਹਾਂ ਨੇ ਕਿਹਾ ਕਿ ਸਟੇਡੀਅਮ ਦੇ ਨਜਦੀਕ ਰਹਿੰਦੇ ਲੋਕਾ ਦੀ ਪਾਰਕਿੰਗ ਲਈ ਵੀ ਪੁਲਿਸ ਪ੍ਰਸ਼ਾਸਨ ਵੱਲੋਂ ਢੁੱਕਵਾ ਪ੍ਰਬੰਧ ਕੀਤਾ ਗਿਆ ਹੈ । ਉਨ੍ਹਾਂ ਕਿਹਾ ਕਿ ਇਸ ਮੌਕੇ ਕਿਸੇ ਵੀ ਵਿਅਕਤੀ ਨੂੰ ਕੋਈ ਦਿੱਕਤ ਆਉਂਦੀ ਹੈ ਤਾਂ ਪੁਲਿਸ ਪ੍ਰਸ਼ਾਸਨ ਨਾਲ ਸੰਪਰਕ ਕੀਤਾ ਜਾ ਸਕਦਾ ਹੈ ਜਿਸ ਤੇ ਹਰ ਵੇਲੇ ਲੋੜੀਂਦੀ ਸਹਾਇਤਾ ਉਪਲੱਬਧ ਹੋਵੇਗੀ ।

IPL  ਈਸ਼ਾਨ ਕਿਸ਼ਨ ਨੂੰ ਮੁੰਬਈ ਇੰਡੀਅਨਜ਼ ਨੇ 15.25 ਕਰੋੜ ਰੁਪਏ ‘ਚ ਖਰੀਦਿਆ

ਮੁੰਬਈ। IPL 2022 ਮੈਗਾ ਨਿਲਾਮੀ ਸਮਾਪਤ ਹੋ ਗਈ ਹੈ। ਬੈਂਗਲੌਰੂ ‘ਚ ਦੋ ਦਿਨ ਤੱਕ ਚੱਲੀ ਇਸ ਨਿਲਾਮੀ ‘ਚ 204 ਖਿਡਾਰੀ ਵਿਕ ਗਏ। ਇਸ ਦੇ ਨਾਲ ਹੀ ਕਰੀਬ 551 ਕਰੋੜ ਰੁਪਏ ਖਰਚ ਕੀਤੇ ਗਏ। ਈਸ਼ਾਨ ਕਿਸ਼ਨ ਇਸ ਨਿਲਾਮੀ ਦੇ ਸਭ ਤੋਂ ਮਹਿੰਗੇ ਖਿਡਾਰੀ ਰਹੇ। ਉਸ ਨੂੰ ਮੁੰਬਈ ਇੰਡੀਅਨਜ਼ ਨੇ 15.25 ਕਰੋੜ ਰੁਪਏ ‘ਚ ਖਰੀਦਿਆ। ਜਦੋਂਕਿ ਦੀਪਕ ਚਾਹਰ ਦੂਜੇ ਸਭ ਤੋਂ ਮਹਿੰਗੇ ਖਿਡਾਰੀ ਰਹੇ। ਉਸ ਨੂੰ ਚੇਨਈ ਸੁਪਰ ਕਿੰਗਜ਼ ਨੇ 14 ਕਰੋੜ ਰੁਪਏ ‘ਚ ਖਰੀਦਿਆ ਸੀ। ਲਿਆਮ ਲਿਵਿੰਗਸਟੋਨ ਸਭ ਤੋਂ ਮਹਿੰਗਾ ਵਿਦੇਸ਼ੀ ਖਿਡਾਰੀ ਸੀ। ਉਸ ਨੂੰ ਪੰਜਾਬ ਕਿੰਗਜ਼ ਨੇ 11.50 ਕਰੋੜ ਰੁਪਏ ਵਿੱਚ ਖਰੀਦਿਆ। IPL

ਦਿੱਲੀ ਨੇ 2015 ‘ਚ ਯੁਵਰਾਜ ਸਿੰਘ ਨੂੰ 16 ਕਰੋੜ ਰੁਪਏ ‘ਚ ਖਰੀਦਿਆ ਸੀ

ਸ਼ਨਿੱਚਰਵਾਰ ਨੂੰ ਪਹਿਲੇ ਦਿਨ ਸਭ ਤੋਂ ਮਹਿੰਗਾ ਖੱਬੇ ਹੱਥ ਦਾ ਵਿਕਟਕੀਪਰ ਬੱਲੇਬਾਜ਼ ਈਸ਼ਾਨ ਕਿਸ਼ਨ ਵਿਕਿਆ, ਜਿਸ ਨੂੰ ਮੁੰਬਈ ਨੇ 15.25 ਕਰੋੜ ‘ਚ ਖਰੀਦਿਆ। ਈਸ਼ਾਨ ਨਿਲਾਮੀ ਦੇ ਇਤਿਹਾਸ ਵਿੱਚ ਦੂਜੇ ਸਭ ਤੋਂ ਮਹਿੰਗੇ ਭਾਰਤੀ ਵੀ ਹਨ। ਇਸ ਤੋਂ ਪਹਿਲਾਂ ਯੁਵਰਾਜ ਸਿੰਘ ਨੂੰ ਦਿੱਲੀ ਨੇ 2015 ‘ਚ 16 ਕਰੋੜ ਰੁਪਏ ‘ਚ ਖਰੀਦਿਆ ਸੀ।

ਦੂਜੇ ਦਿਨ ਨਿਲਾਮੀ ਵਿੱਚ ਲਿਆਮ ਲਿਵਿੰਗਸਟਨ ਸਭ ਤੋਂ ਮਹਿੰਗਾ ਰਿਹਾ। ਉਸ ਨੂੰ ਪੰਜਾਬ ਕਿੰਗਜ਼ ਨੇ 11.50 ਕਰੋੜ ਵਿੱਚ ਆਪਣੀ ਟੀਮ ਵਿੱਚ ਸ਼ਾਮਲ ਕੀਤਾ। ਉਹ ਇਸ ਨਿਲਾਮੀ ਦਾ ਸਭ ਤੋਂ ਮਹਿੰਗਾ ਵਿਦੇਸ਼ੀ ਖਿਡਾਰੀ ਵੀ ਸੀ। ਦੂਜੇ ਦਿਨ ਦੀ ਨਿਲਾਮੀ ‘ਚ ਉਹ ਇਕੱਲੇ ਅਜਿਹੇ ਖਿਡਾਰੀ ਸਨ, ਜਿਨ੍ਹਾਂ ਦੀ ਬੋਲੀ 10 ਕਰੋੜ ਤੋਂ ਉਪਰ ਗਈ ਸੀ।

(IPL 2022) ਸ਼ਿਵਮ ਦੂਬੇ ਨੂੰ ਮਿਲ 4 ਕਰੋੜ, ਚੇਨਈ ਲਈ ਖੇਡੇਗਾ

 ਆਈਪੀਐਲ 2022 (IPL 2022) ਲਈ ਖਿਡਾਰੀ ਦੀ ਨਿਲਾਮੀ ’ਚ ਲਿਆਮ ਲਿਵਿੰਗਸਟੋਨ ਪੰਜਾਬ ਦੇ ਕਿੰਗ ਬਣ ਗਏ ਹਨ। ਪੰਜਾਬ ਨੇ ਉਸ ਨੂੰ 11.50 ਕਰੋੜ ’ਚ ਖਰੀਦਿਆ ਹੈ। ਕੋਲਕਾਤਾ ਅਤੇ ਪੰਜਾਬ ਵਿਚਾਲੇ ਹੋਏ ਮੁਕਾਬਲੇ ਤੋਂ ਬਾਅਦ ਟੀ-20 ਕ੍ਰਿਕਟ ਦੇ ਨਵੇਂ ਸੁਪਰਸਟਾਰ ਲਿਆਮ ਲਿਵਿੰਗਸਟਨ ਲਈ ਗੁਜਰਾਤ ਟਾਈਟਨਸ ਵੀ ਮੈਦਾਨ ‘ਚ ਉਤਰੀ ਹੈ। ਪਰ ਲਿਵਿੰਗਸਟਨ ਸਾਢੇ 11 ਕਰੋੜ ਬਣ ਕੇ ਪੰਜਾਬ ਲਈ ਖੇਡੇਗਾ। ਜਿੰਮੀ ਨੀਸ਼ਮ ਅਤੇ ਕ੍ਰਿਸ ਜੌਰਡਨ ਬਿਨਾਂ ਵੇਚੇ ਗਏ, ਜਦੋਂ ਕਿ ਡੋਮਿਨਿਕ ਡਰੇਕਸ, ਵਿਜੇ ਸ਼ੰਕਰ ਅਤੇ ਜਯੰਤ ਯਾਦਵ ਨੂੰ ਗੁਜਰਾਤ ਨੇ ਆਪਣੇ ਆਲਰਾਊਂਡਰ ਵਜੋਂ ਚੁਣਿਆ। ਵੈਸਟਇੰਡੀਜ਼ ਦੇ ਓਡਿਨ ਸਮਿਥ ਲਈ ਟੀਮਾਂ ’ਚ ਛਿੜੀ ਜੰਗ, ਜਿਸ ਨੇ ਭਾਰਤ ਦੇ ਖਿਲਾਫ ਲੰਬੇ ਛੱਕੇ ਲਗਾਉਣ ਦੀ ਆਪਣੀ ਕਾਬਲੀਅਤ ਨਾਲ ਸਾਰਿਆਂ ਨੂੰ ਪ੍ਰਭਾਵਿਤ ਕੀਤਾ। ਅਖ਼ੀਰ ਪੰਜਾਬ ਨੇ ਛੇ ਕਰੋੜ ਦੀ ਮੋਟੀ ਰਕਮ ਦੇ ਕੇ ਓਡਿਨ ਨੂੰ ਖਰੀਦ ਲਿਆ। ਖੱਬੇ ਹੱਥ ਦੇ ਤੇਜ਼ ਗੇਂਦਬਾਜ਼ ਮਾਰਕੋ ਯਾਨਸਨ ਨੂੰ ਮੁੰਬਈ ਤੋਂ ਖੋਹ ਕੇ ਸਨਰਾਈਜ਼ਰਜ਼ ਹੈਦਰਾਬਾਦ ਨੇ 4 ਕਰੋੜ 20 ਲੱਖ ‘ਚ ਆਪਣਾ ਖਿਡਾਰੀ ਬਣਾਇਆ।

ਸੁਪਰ ਕਿੰਗਜ਼ ਅਤੇ ਪੰਜਾਬ ਕਿੰਗਜ਼ ਨੇ ਭਾਰਤੀ ਆਲਰਾਊਂਡਰ ਸ਼ਿਵਮ ਦੂਬੇ ਨੂੰ ਖਰੀਦਣ ‘ਚ ਦਿਲਚਸਪੀ ਦਿਖਾਈ ਅਤੇ ਉਹ 4 ਕਰੋੜ ‘ਚ ਚੇਨਈ ਲਈ ਖੇਡੇਗਾ। 90 ਲੱਖ ਲਈ ਕ੍ਰਿਸ਼ਨੱਪਾ ਗੌਤਮ ਲਖਨਊ ਸ਼ਹਿਰ ਗਏ ਅਤੇ ਇਸ ਦੇ ਨਾਲ ਹੀ ਸੈੱਟ ਖਤਮ ਹੋ ਗਿਆ। ਦੂਜੇ ਦਿਨ ਦੀ ਨਿਲਾਮੀ ਕੈਪਡ ਬੱਲੇਬਾਜ਼ਾਂ ਦੇ ਸੈੱਟਾਂ ਨਾਲ ਸ਼ੁਰੂ ਹੋਈ। ਭਾਰਤੀ ਆਲਰਾਊਂਡਰ ਸ਼ਿਵਮ ਦੂਬੇ ਨੂੰ ਖਰੀਦਣ ‘ਚ ਸੁਪਰ ਕਿੰਗਜ਼ ਅਤੇ ਪੰਜਾਬ ਕਿੰਗਜ਼ ਨੇ ਦਿਲਚਸਪੀ ਦਿਖਾਈ ਅਤੇ ਉਹ 4 ਕਰੋੜ ‘ਚ ਚੇਨਈ ਲਈ ਖੇਡੇਗਾ।

ਏਡਨ ਮਾਰਕਰਮ ਨੂੰ ਹੈਦਰਾਬਾਦ ਨੇ ਖਰੀਦਿਆ

90 ਲੱਖ ਲਈ ਕ੍ਰਿਸ਼ਨੱਪਾ ਗੌਤਮ ਲਖਨਊ ਲਈ ਖੇਡੇਗਾ। ਦੂਜੇ ਦਿਨ ਦੀ ਨਿਲਾਮੀ ਕੈਪਡ ਬੱਲੇਬਾਜ਼ਾਂ ਦੇ ਸੈੱਟਾਂ ਨਾਲ ਸ਼ੁਰੂ ਹੋਈ। ਪਹਿਲਾ ਨਾਂ ਦੱਖਣੀ ਅਫਰੀਕਾ ਦੇ ਏਡਨ ਮਾਰਕਰਮ ਦਾ ਹੈ। ਉਹ ਹੈਦਰਾਬਾਦ ਲਈ 2 ਕਰੋੜ 60 ਲੱਖ ‘ਚ ਖੇਡਣਗੇ। ਤਜ਼ਰਬੇਕਾਰ ਅੰਜਿਕਿਆ ਰਹਾਣ ਇੱਕ ਕੋਰੜ ’ਚ ਕੋਲਕੱਤਾ ਨਾਈਟ ਰਾਈਡਰ ਦੇ ਬਣੇ। ਡੇਵਿਡ ਮਲਾਨ, ਇਗੋਨ ਮਾਰਗਨ, ਸੌਰਵ ਤਿਵਾੜੀ, ਓਰੇਨ ਫਿੰਚ ਤੇ ਮਾਨਰਸ ਲਾਬੂਸ਼ੇਨ ਨੂੰ ਨਹੀਂ ਮਿਲਿਆ ਖਰੀਦਦਾਰ। ਆਰਸੀਬੀ ਤੇ ਪੰਜਾਬ ਲਈ ਖੇਡਣ ਤੋਂ ਬਾਅਦ ਹੁਣ ਦਿੱਲੀ ਲਈ ਖੇਡਣਗੇ ਮਨਦੀਪ ਸਿੰਘ। ਚੇਤੇਸ਼ਵਰ ਪੁਜਾਰਾ ਵੀ ਰਹੇ ਅਨਸੋਲਡ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ

ਨਵੀਂ ਦਿੱਲੀ (ਏਜੰਸੀ)। ਆਈ.ਪੀ.ਐਲ. (IPL) 2018 ਦੇ ਫ਼ਾਈਨਲ ‘ਚ ਜਗ੍ਹਾ ਬਣਾਉਣ ਲਈ ਦੂਸਰੇ ਕੁਆਲੀਫਾਇਰ ਮੁਕਾਬਲੇ ‘ਚ ਹੈਦਰਾਬਾਦ ਨੇ ਕੋਲਕਾਤਾ ਨਾਈਟਰਾਈਡਰਜ਼ ਨੂੰ 13 ਦੌੜਾਂ ਨਾਲ ਹਰਾ ਕੇ ਦੂਸਰੀ ਵਾਰ ਆਈ.ਪੀ.ਐਲ. ਫ਼ਾਈਨਲ ‘ਚ ਜਗ੍ਹਾ ਬਣਾ ਲਈ ਹੁਣ ਖ਼ਿਤਾਬੀ ਮੁਕਾਬਲੇ ‘ਚ ਹੈਦਰਾਬਾਦ ਦਾ ਸਾਹਮਣਾ ਦੋ ਵਾਰ ਦੀ ਚੈਂਪੀਅਨ ਚੇਨਈ ਸੁਪਰ ਕਿੰਗਜ਼ ਨਾਲ ਐਤਵਾਰ 27 ਮਈ ਨੂੰ ਹੋਵੇਗਾ. ਹੈਦਰਾਬਾਦ  ਦੇ ਰਾਸ਼ਿਦ ਖਾਨ ਵੱਲੋਂ ਪਹਿਲਾਂ ਬੱਲੇਬਾਜ਼ੀ ਅਤੇ ਫਿਰ ਗੇਂਦਬਾਜ਼ੀ ‘ਚ ਦਿੱਤੇ ਸ਼ਾਨਦਾਰ ਸਹਿਯੋਗ ਨਾਲ ਹੈਦਰਾਬਾਦ ਨੇ ਫ਼ਾਈਨਲ ‘ਚ ਜਗ੍ਹਾਂ ਬਣਾ ਲਈ  ਈਡਨ ਗਾਰਡਨਜ਼ ‘ਚ ਖੇਡੇ ਜਾ ਰਹੇ ਮੈਚ ‘ਚ ਕੋਲਕਾਤਾ ਦੇ ਕਪਤਾਨ ਦਿਨੇਸ਼ ਕਾਰਤਿਕ ਨੇ ਟਾਸ ਜਿੱਤ ਕੇ ਹੈਦਰਾਬਾਦ ਦੇ ਕਪਤਾਨ ਕੇਨ ਵਿਲਿਅਮਸਨ ਨੂੰ ਪਹਿਲਾਂ ਬੱਲੇਬਾਜ਼ੀ ਦਾ ਸੱਦਾ ਦਿੱਤਾ। (IPL)

ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਹੈਦਰਾਬਾਦ ਨੇ ਸਲਾਮੀ ਜੋੜੀ ਸ਼ਿਖਰ ਧਵਨ (34) ਅਤੇ ਰਿਧਮਾਨ ਸਾਹਾ (35) ਤੋਂ ਮਿਲੀ ਚੰਗੀ ਸ਼ੁਰੂਆਤ ਦੇ ਬਾਅਦ ਰਾਸ਼ਿਦ ਖਾਨ ਨੇ ਆਖ਼ਰੀ ਓਵਰਾਂ ‘ਚ ਸਿਰਫ਼ 10 ਗੇਂਦਾਂ ‘ਤੇ 2 ਚੌਕੇ ਅਤੇ 4 ਛੱਕਿਆਂ ਦੀ ਮੱਦਦ ਨਾਲ 34 ਦੌੜਾਂ ਬਣਾ ਕੇ ਟੀਮ ਨੂੰ ਚੁਣੌਤੀਪੂਰਨ ਸਕੋਰ ਤੱਕ ਪਹੁੰਚਾਇਆ ਰਾਸ਼ਿਦ ਨੇ ਭੁਵਨੇਸ਼ਵਰ ਕੁਮਾਰ ਨਾਲ ਮਿਲ ਕੇ 8ਵੀਂ ਵਿਕਟ ਲਈ 11 ਗੇਂਦਾਂ ‘ਤੇ 36 ਦੌੜਾਂ ਦੀ ਭਾਈਵਾਲੀ ਕੀਤੀ ਮੈਨ ਆਫ਼ ਦ ਮੈਚ ਰਾਸ਼ਿਦ ਨੇ ਗੇਂਦਬਾਜ਼ੀ ਦੌਰਾਨ ਵੀ 4 ਓਵਰਾਂ ‘ਚ 19 ਦੌੜਾਂ ਦੇ ਕੇ 3 ਵਿਕਟਾਂ ਨਾਲ ਕੋਲਕਾਤਾ ਦੀ ਰਹੀ ਸਹੀ ਕਮਰ ਤੋੜ ਦਿੱਤੀ ਕੋਲਕਾਤਾ ਵਿਰੁੱਧ ਹੈਦਰਾਬਾਦ ਦੀ ਟੀਮ ਨੇ ਮਨੀਸ਼ ਪਾਂਡੇ, ਸ਼੍ਰੀਵਤਸ ਗੋਸਵਾਮੀ ਅਤੇ ਸੰਦੀਪ ਦੀ ਜਗ੍ਹਾ ਦੀਪਕ ਹੁੱਡਾ,  ਸਾਹਾ ਅਤੇ ਖਲੀਲ ਅਹਿਮਦ ਨੂੰ ਆਖ਼ਰੀ ਗਿਆਰ੍ਹਾਂ ‘ਚ ਖੇਡਣ ਦਾ ਮੌਕਾ ਦਿੱਤਾ। (IPL)

ਇਹ ਵੀ ਪੜ੍ਹੋ : ਪੁਲਿਸ ਭਰਤੀ ਦੀ ਉਡੀਕ ‘ਚ ਬੈਠੀਆਂ ਕੁੜੀਆਂ ਮੁਬਾਇਲ ਟਾਵਰ ‘ਤੇ ਚੜ੍ਹੀਆਂ

25 ਦੌੜਾਂ ਨਾਲ ਹਰਾਇਆ | IPL

ਕੋਲਕਾਤਾ (ਏਜੰਸੀ)। ਆਈਪੀਐਲ ਸੀਜ਼ਨ 11 ਦੇ ਅਲਿਮਿਨੇਟਰ ਮੁਕਾਬਲੇ ‘ਚ ਮੇਜ਼ਬਾਨ ਕੋਲਕਾਤਾ ਨਾਈਟਰਾਈਡਰਜ਼ ਨੇ ਰਾਜਸਥਾਨ ਰਾਇਲਜ਼ ਨੂੰ 25 ਦੌੜਾਂ ਨਾਲ ਮਾਤ ਦੇ ਕੇ ਨਾਕਆਊਟ ਕਰ ਦਿੱਤਾ ਹੁਣ ਕੋਲਕਾਤਾ ਨਾਈਟਰਾਈਡਰਜ਼ ਦਾ ਅਗਲਾ ਮੁਕਾਬਲਾ ਕੁਆਲੀਫਾਇਰ 2 ‘ਚ ਸਨਰਾਈਜ਼ਰਸ ਹੈਦਰਾਬਾਦ ਨਾਲ 25 ਮਈ ਨੂੰ ਇਸ ਮੈਦਾਨ ‘ਤੇ ਹੀ ਹੋਵੇਗਾ ਟਾਸ ਹਾਰ ਕੇ ਕਪਤਾਨ ਦਿਨੇਸ਼ ਕਾਰਤਿਕ ਦੇ ਅਰਧ ਸੈਂਕੜੇ ਅਤੇ ਆਂਦਰੇ ਰਸੇਲ ਦੀ।

ਇੱਕ ਹੋਰ ਧਾਕੜ ਪਾਰੀ ਦੀ ਬਦੌਲਤ ਕੋਲਕਾਤਾ ਨਾਈਟਰਾਈਡਰਜ਼ ਨੇ ਖ਼ਰਾਬ ਸ਼ੁਰੂਆਤ ਤੋਂ ਉੱਭਰ ਕੇ ਰਾਜਸਥਾਨ ਰਾਇਲਜ਼ ਵਿਰੁੱਧ ਆਈ.ਪੀ.ਐਲ. ਅਲਿਮਿਨੇਟਰ ‘ਚ ਇੱਥੇ ਈਡਨ ਗਾਰਡਨ ਮੈਦਾਨ ‘ਤੇ 7 ਵਿਕਟਾਂ ‘ਤੇ 169 ਦੌੜਾਂ ਦਾ ਚੁਣੌਤੀਪੂਰਨ ਸਕੋਰ ਬਣਾਇਆ ਜਵਾਬ ‘ਚ ਰਾਜਸਥਾਨ ਰਾਇਲਜ਼ 20 ਓਵਰਾਂ ‘ਚ 5 ਵਿਕਟਾਂ ‘ਤੇ 144 ਦੌੜਾਂ ਹੀ ਬਣਾ ਸਕੀ ਰਾਜਸਥਾਨ ਲਈ ਸਭ ਤੋਂ ਜ਼ਿਆਦਾ ਦੌੜਾਂ ਸੰਜੂ ਸੈਮਸਨ ਨੇ ਬਣਾਈਆਂ ਉਸਨੇ 38 ਗੇਂਦਾਂ ‘ਚ ਚਾਰ ਚੌਕਿਆਂ ਅਤੇ ਦੋ ਛੱਕਿਆਂ ਦੀ ਮੱਦਦ ਨਾਲ ਆਪਣਾ ਅਰਧ ਸੈਂਕੜਾ ਪੂਰਾ ਕੀਤਾ ਕਪਤਾਨ ਰਹਾਣੇ ਨੇ 46 ਦੌੜਾਂ ਬਣਾਈਆਂ ਪਰ ਇਹ ਦੋਵੇਂ ਬੱਲੇਬਾਜ਼ ਆਪਣੀ ਟੀਮ ਨੂੰ ਜਿੱਤ ਤੱਕ ਨਾ ਪਹੁੰਚਾ ਸਕੇ

ਇਹ ਵੀ ਪੜ੍ਹੋ : ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਭਲਾਈ ਸਕੀਮਾਂ ਸਬੰਧੀ ਜਾਰੀ ਕੀਤੇ ਆਦੇਸ਼, ਲੋਕਾਂ ਨੂੰ ਹੋਵੇਗਾ ਫਾਇਦਾ

ਇਸ ਤੋਂ ਪਹਿਲਾਂ ਰਾਜਸਥਾਨ ਦੇ ਕਪਤਾਨ ਅਜਿੰਕੇ ਰਹਾਣੇ ਦਾ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫ਼ੈਸਲਾ ਸਹੀ ਸਾਬਤ ਹੋਇਆ ਅਤੇ ਮੁਸ਼ਕਲ ਪਿੱਚ ‘ਤੇ ਕੋਲਕਾਤਾ ਇੱਕ ਸਮੇਂ  8 ਓਵਰਾਂ ਤੱਕ 51 ਦੌੜਾਂ ‘ਤੇ 4 ਵਿਕਟਾਂ ਗੁਆ ਕੇ ਮੁਸ਼ਕਲ ‘ਚ ਜਾਪਦੀ ਸੀ ਪਰ ਸ਼ੁਭਮਨ ਗਿੱਲ (17 ਗੇਂਦਾਂ ‘ਚ 28),  ਕਾਰਤਿਕ ਅਤੇ ਆਂਦਰੇ ਰਸੇਲ ਨੇ ਆਖ਼ਰ ਟੀਮ ਨੂੰ ਸਨਮਾਨਜਨਕ ਸਕੋਰ ਤੱਕ ਪਹੁੰਚਾ ਦਿੱਤਾ ਈਡਨ ਗਾਰਡਨਜ਼ ਦੀ ਪਿੱਚ ‘ਤੇ ਨਮੀਂ ਅਤੇ ਉਛਾਲ ਸੀ ਅਤੇ ਇਹੀ ਕਾਰਨ ਸੀ।

ਕਿ ਪਹਿਲੇ ਚਾਰ ਓਵਰਾਂ ‘ਚ ਕੋਲਕਾਤਾ ਦੇ ਤਿੰਨ ਬੱਲੇਬਾਜ਼ ਸੁਨੀਲ ਨਾਰਾਇਣ(4), ਰੌਬਿਨ ਉਥੱਪਾ(3) ਅਤੇ ਨਿਤੀਸ਼ ਰਾਣਾ ਪੈਵਿਲਿਅਨ ਪਰਤ ਚੁੱਕੇ ਸਨ ਕੋਲਕਾਤਾ ਦੈ ਕਪਤਾਨ ਕਾਰਤਕਿ ਨੇ ਜਦੋਂ ਕ੍ਰੀਜ ‘ਤੇ ਕਦਮ ਧਰਿਆ ਤਾਂ ਸਕੋਰ ਤਿੰਨ ਵਿਕਟਾਂ ‘ਤੇ 24 ਦੌੜਾਂ ਸੀ ਅਤੇ ਉਸਨੇ 38 ਗੇਂਦਾਂ ‘ਤੇ ਚਾਰ ਚੌਕਿਆਂ ਅਤੇ ਦੋ ਛੱਕਿਆਂ ਦੀ ਮੱਦਦ ਨਾਲ 52 ਦੌੜਾਂ ਬਣਾਈਆਂ ਰਸੇਲ ਨੇ ਡੈੱਥ ਓਵਰਾਂ ‘ਚ ਫਿਰ ਤੋਂ ਲੰਮੇ ਸ਼ਾਟ ਖੇਡੇ ਅਤੇ 25 ਗੇਂਦਾਂ ‘ਤੇ ਨਾਬਾਦ 49 ਦੌੜਾਂ ਬਣਾਈਆਂ ਜਿਸ ਵਿੱਚ ਤਿੰਨ ਚੌਕੇ ਅਤੇ ਪੰਜ ਛੱਕੇ ਸ਼ਾਮਲ ਸਨ ਕੇਕੇਆਰ ਨੇ ਆਖ਼ਰੀ ਛੇ ਓਵਰਾਂ ‘ਚ 85 ਦੌੜਾਂ ਬਣਾਈਆਂ।

ਕਾਨ੍ਹਪੁਰ, (ਏਜੰਸੀ) । ਸ਼੍ਰੇਅਸ ਅਈਅਰ (57 ਗੇਂਦਾਂ ‘ਤੇ 15 ਚੌਕਿਆਂ ਅਤੇ ਦੋ ਛੱਕਿਆਂ ਨਾਲ ਸਜੀ 96 ਦੌੜਾਂ ਦੀ ਲਾਜਵਾਬ ਪਾਰੀ) ਦੀ ਬਦੌਲਤ ਦਿੱਲੀ ਡੇਅਰਡੇਵਿਲਸ ਨੇ ਗੁਜਰਾਤ ਲਾਇੰਸ ਨੂੰ ਗੀ੍ਰਨ ਪਾਰਕ ਮੈਦਾਨ ‘ਤੇ ਦੋ ਵਿਕਟਾਂ ਨਾਲ ਹਰਾ ਕੇ ਆਈਪੀਐੱਲ-10 ‘ਚ ਆਪਣੀ ਪੰਜਵੀਂ ਜਿੱਤ ਦਰਜ ਕਰ ਲਈ ਪਲੇਅ ਆਫ ਦੀ ਹੋੜ ਤੋਂ ਬਾਹਰ ਹੋ ਚੁੱਕੀਆਂ ਇਨ੍ਹਾਂ ਦੋਵੇਂ ਟੀਮਾਂ ਦੇ ਮੁਕਾਬਲਿਆਂ ‘ਚ ਗੁਜਰਾਤ ਨੇ ਪੰਜ ਵਿਕਟਾਂ ‘ਤੇ 195 ਦੌੜਾਂ ਬਣਾਈਆਂ ।

ਜਦੋਂ ਕਿ ਦਿੱਲੀ ਨੇ 19.4 ਓਵਰਾਂ ‘ਚ ਅੱਠ ਵਿਕਟਾਂ ‘ਤੇ 197 ਦੌੜਾਂ ਬਣਾ ਕੇ ਮੈਚ ਜਿੱਤ ਲਿਆ ਅਈਅਰ ਨੂੰ 96 ਦੌੜਾਂ ਦੀ ਮੈਚ ਜੇਤੂ ਪਾਰੀ ਲਈ ਮੈਨ ਆਫ ਦ ਮੈਚ ਦਾ ਪੁਰਸਕਾਰ ਮਿਲਿਆ ਦਿੱਲੀ ਦੀ 12 ਮੈਚਾਂ ‘ਚ ਇਹ ਪੰਜਵੀਂ ਜਿੱਤ ਹੈ ਅਤੇ ਹੁਣ ਉਹ 10 ਅੰਕਾਂ ਨਾਲ ਛੇਵੇਂ ਸਥਾਨ ‘ਤੇ ਆ ਗਈ ਹੈ ਜਦੋਂ ਕਿ ਗੁਜਰਾਤ 12 ਮੈਚਾਂ ‘ਚ ਨੌਵੀਂ ਹਾਰ ਤੋਂ ਬਾਅਦ ਸੱਤਵੇਂ ਸਥਾਨ ‘ਤੇ ਖਿਸਕ ਗਿਆ ਹੈ ਅਈਅਰ ਨੇ ਇੱਕ ਪਾਸਾ ਸੰਭਾਲ ਕੇ ਖੇਡਦਿਆਂ ਦਿੱਲੀ ਨੂੰ ਦੋ ਵਿਕਟਾਂ ‘ਤੇ 15 ਦੌੜਾਂ ਦੀ ਸਥਿਤੀ ਤੋਂ ਉਭਾਰਿਆ ਅਤੇ ਜਦੋਂ ਉਹ 20ਵੇਂ ਓਵਰ ਦੀ ਦੂਜੀ ਗੇਂਦ ‘ਤੇ ਆਊਟ ਹੋਏ ਉਦੋਂ ਦਿੱਲੀ ਦਾ ਸਕੋਰ 189 ਦੌੜਾਂ ਪਹੁੰਚ ਚੁੱਕਿਆ ਸੀ ਅਈਅਰ ਦੀ ਬਦਕਿਸਮਤੀ ਰਹੀ ਕਿ ਜਦੋਂ ਉਹ ਆਪਣੇ ਸੈਂਕੜੇ ਤੋਂ ਚਾਰ ਦੌੜਾਂ ਦੂਰ ਸਨ ਤਾਂ ਬਾਲਿਸ ਥੰਮੀ ਦੀ ਗੇਂਦ ‘ਤੇ ਬੋਲਡ ਹੋ  ਗਏ ਪਰ ਉਨ੍ਹਾਂ ਦੀ ਇਸ ਪਾਰੀ ਨੇ ਦਿੱਲੀ ਨੂੰ ਸਨਮਾਨ ਬਚਾਉਣ ਵਾਲੀ ਜਿੱਤ ਦਿਵਾ ਦਿੱਤੀ ਅਈਅਰ ਦਾ ਟੀ-20 ‘ਚ ਇਹ ਸਭ ਤੋਂ ਵੱਡਾ ਸਕੋਰ ਰਿਹਾ ਕਰੁਣ ਨਾਇਰ ਨੇ 30 ਅਤੇ ਪੈਟ ਕਮਿੰਸ ਨੇ 24 ਦੌੜਾਂ ਦਾ ਯੋਗਦਾਨ ਦਿੱਤਾ।

ਅਈਅਰ ਦੇ ਆਊਟ ਹੋਣ ਤੋਂ ਬਾਅਦ ਮੈਦਾਨ ‘ਤੇ ਉੱਤਰੇ ਲੈੱਗ ਸਪਿੱਨਰ ਅਮਿਤ ਮਿਸ਼ਰਾ ਨੇ ਲਗਾਤਾਰ ਦੋ ਚੌਕੇ ਮਾਰ ਕੇ ਦਿੱਲੀ ਨੂੰ ਜਿੱਤ ਦਿਵਾ ਦਿੱਤੀ ਇਸ ਤੋਂ ਪਹਿਲਾਂ ਆਰੋਨ ਫਿੰਚ (69) ਦੇ ਸ਼ਾਨਦਾਰ ਅਰਧ ਸੈਂਕੜੇ ਅਤੇ ਉਨ੍ਹਾਂ ਦੀ ਦਿਨੇਸ਼ ਕਾਰਤਿਕ (40) ਨਾਲ ਚੌਥੀ ਵਿਕਟ ਲਈ 92 ਦੌੜਾਂ ਦੀ ਸਾਂਝੇਦਾਰੀ ਦੀ ਬਦੌਲਤ ਗੁਜਰਾਤ ਨੇ ਪੰਜ ਵਿਕਟਾਂ ‘ਤੇ 195 ਦੌੜਾਂ ਦਾ ਸਕੋਰ ਬਣਾਇਆ ਕਾਨ੍ਹਪੁਰ ਦੇ ਗ੍ਰੀਨ ਪਾਰਕ ‘ਚ ਆਈਪੀਐੱਲ-10 ਦੇ ਇਸ ਮੁਕਾਬਲੇ ‘ਚ ਦਿੱਲੀ ਡੇਅਰਡੇਵਿਲਸ ਨੇ ਪਹਿਲਾਂ ਫਿਲਡਿੰਗ ਕਰਨ ਦਾ ਫੈਸਲਾ ਲਿਆ।

ਮੋਹਾਲੀ, (ਏਜੰਸੀ) ਕਿੰਗਸ ਇਲੈਵਨ ਪੰਜਾਬ ਨੇ ਡੈੱਥ ਓਵਰਾਂ ‘ਚ ਆਪਣੀ ਗੇਂਦਬਾਜ਼ਾਂ ਦੇ ਸਟੀਕ ਅਤੇ ਦਮਦਾਰ ਪ੍ਰਦਰਸ਼ਨ ਦੀ ਬਦੌਲਤ ਕੋਲਕਾਤਾ ਨਾਈਟ ਰਾਈਡਰਜ਼ ਨੂੰ 14 ਦੌੜਾਂ ਨਾਲ ਹਰਾ ਕੇ ਆਈਪੀਐੱਲ-10 ਦੇ ਪਲੇਅ ਆਫ ‘ਚ ਪਹੁੰਚਣ ਦੀਆਂ ਆਪਣੀਆਂ ਉਮੀਦਾਂ ਨੂੰ ਬਣਾਈ ਰੱਖਿਆ ਪੰਜਾਬ ਨੇ ਛੇ ਵਿਕਟਾਂ ‘ਤੇ 167 ਦੌੜਾਂ ਦਾ ਚੁਣੌਤੀਪੂਰਨ ਸਕੋਰ ਬਣਾਉਣ ਤੋਂ ਬਾਅਦ ਕੋਲਕਾਤਾ ਨੂੰ ਆਖਰੀ ਓਵਰਾਂ ਦੇ ਬਿਹਤਰੀਨ ਪ੍ਰਦਰਸ਼ਨ ਨਾਲ ਛੇ ਵਿਕਟਾਂ ‘ਤੇ 153 ਦੌੜਾਂ ‘ਤੇ ਰੋਕ ਦਿੱਤਾ ਪੰਜਾਬ ਦੇ ਇਹ ਮੈਚ ਜਿੱਤਦੇ ਹੀ ਟੀਮ ਦੀ ਮਾਲਕਿਨ ਪ੍ਰੀਤੀ ਜਿੰਟਾ ਖੁਸ਼ੀ ਨਾਲ ਆਪਣੀ ਜਗ੍ਹਾ ‘ਤੇ ਉੱਛਲ ਪਈ ਹੁਣ ਪੰਜਾਬ ਦੀ 12 ਮੈਚਾਂ ‘ਚ ਇਹ ਛੇਵੀਂ ਜਿੱਤ ਹੈ ਅਤੇ ਉਹ 12 ਅੰਕਾਂ ਨਾਲ ਪੰਜਵੇਂ ਸਥਾਨ ‘ਤੇ ਹੈ ਪਰ ਪਲੇਅ ਆਫ ‘ਚ ਜਾਣ ਲਈ ਪੰਜਾਬ ਨੂੰ ਆਪਣੇ ਬਚੇ ਦੋਵੇਂ ਮੈਚ ਜਿੱਤਣੇ ਹੋਣਗੇ ਅਤੇ ਨਾਲ ਹੀ ਨੈੱਟ ਰਨ ਰੇਟ ਵੀ ਬਿਹਤਰ ਰੱਖਣਾ ਹੋਵੇਗਾ।

ਦੂਜੇ ਪਾਸੇ ਕੋਲਕਾਤਾ ਦੀ 12 ਮੈਚਾਂ ‘ਚ ਇਹ ਪੰਜਵੀਂ ਹਾਰ ਹੈ ਅਤੇ ਉਹ 16 ਅੰਕਾਂ ਨਾਲ ਦੂਜੇ ਸਥਾਨ ‘ਤੇ ਬਣਿਆ ਹੋਇਆ ਹੈ ਕੋਲਕਾਤਾ ਦੀ ਸੰਭਾਵਨਾਵਾਂ ਅਜੇ ਮਜ਼ਬੂਤ ਹਨ ਪਰ ਨੈੱਟ ਰਨ ਰੇਟ ਦੇ ਕਿਸੇ ਵੀ ਤਰ੍ਹਾਂ ਦੇ ਫੇਰ ਤੋਂ ਬਚਣ ਲਈ ਉਸ ਨੂੰ ਆਖਰੀ ਲੀਗ ਮੈਚ ‘ਚ ਜਿੱਤ ਹਾਸਲ ਕਰਨੀ ਹੋਵੇਗੀ ਕੋਲਕਾਤਾ ਲਈ ਓਪਨਰ ਕ੍ਰਿਸ ਲਿਨ ਨੇ ਸ਼ਾਨਦਾਰ 84 ਦੌੜਾਂ ਬਣਾਈਆਂ ਪਰ ਦੂਜੇ ਪਾਸੇ ਉਨ੍ਹਾਂ ਨੂੰ ਕੋਈ ਸਹਿਯੋਗ ਨਹੀਂ ਮਿਲਿਆ ਲਿਨ 18ਵੇਂ ਓਵਰ ‘ਚ ਟੀਮ ਦੇ 132 ਦੇ ਸਕੋਰ ‘ਤੇ ਆਊਟ ਹੋਏ ਅਤੇ ਇਸ ਨਾਲ ਹੀ ਕੋਲਕਾਤਾ ਦੀਆਂ ਉਮੀਦਾਂ ਵੀ ਟੁੱਟ ਗਈਆਂ।

ਇਸ ਤੋਂ ਪਹਿਲਾਂ ਕਪਤਾਨ ਗਲੇਨ ਮੈਕਸਵੈੱਲ (44) ਅਤੇ ਵਿਕਟਕੀਪਰ ਰਿਧੀਮਾਨ ਸਾਹਾ (38) ਦੀ ਤੇਜ ਤਰਰਾਰ ਪਾਰੀਆਂ ਨਾਲ ਕਿੰਗਸ ਇਲੈਵਨ ਪੰਜਾਬ ਨੇ ਛੇ ਵਿਕਟਾਂ ‘ਤੇ 167 ਦੌੜਾਂ ਦਾ ਚੁਣੌਤੀਪੂਰਨ ਸਕੋਰ ਬਣਾਇਆ ਅਤੇ ਉਸ ਦਾ ਬਚਾਅ ਕਰ ਲਿਆ ਮੈਕਸਵੈੱਲ ਅਤੇ ਸਾਹਾ ਨੇ ਚੌਥੀ ਵਿਕਟ ਲਈ 71 ਦੌੜਾਂ ਦੀ ਮਹੱਤਵਪੂਰਨ ਸਾਂਝੇਦਾਰੀ ਕਰਕੇ ਟੀਮ ਨੂੰ ਨੌਵੇਂ ਓਵਰ ‘ਚ ਤਿੰਨ ਵਿਕਟਾਂ ‘ਤੇ 56 ਦੌੜਾਂ ਦੀ ਸਥਿਤੀ ਤੋਂ ਕੱਢ ਲਿਆ ਪੰਜਾਬ ਦੇ ਕਪਤਾਨ ਨੇ ਤਾਬੜਤੋੜ ਅੰਦਾਜ਼ ‘ਚ ਚਾਰ ਛੱਕੇ ਠੋਕੇ ਸਾਹਾ ਨੇ ਵੀ ਆਪਣਾ ਛੱਕਾ 18ਵੇਂ ਓਵਰ ‘ਚ ਕੁਲਦੀਪ ਯਾਦਵ ‘ਤੇ ਮਾਰਿਆ ਪਰ ਨੌਜਵਾਨ ਚਾਈਨਾਮੈਨ ਤੇਜ ਗੇਂਦਬਾਜ਼ ਨੇ ਮੈਕਸਵੈੱਲ ਅਤੇ ਸਾਹਾ ਨੂੰ ਆਊਟ ਕਰਕੇ ਇਨ੍ਹਾਂ ਛੱਕਿਆਂ ਦੀ ਭਰਪਾਈ ਕਰ ਦਿੱਤੀ।