ਡੇਰੀਅਸ ਵਿਸਰ ਨੇ ਜੜਿਆ ਵਿਸਫੋਟਕ ਸੈਂਕੜਾ

ਸਮੋਆ ਦਾ ਡੇਰਿਅਸ ਵਿਸਰ: ਨਵੀਂ ਦਿੱਲੀ (ਏਜੰਸੀ)। ਸਮੋਆ ਦੇ ਬੱਲੇਬਾਜ਼ ਡੇਰਿਅਸ ਵਿਸਰ (Darius Visser) ਨੇ ਮੰਗਲਵਾਰ ਨੂੰ ਤਜਰਬੇਕਾਰ ਭਾਰਤੀ ਖਿਡਾਰੀ ਯੁਵਰਾਜ ਸਿੰਘ (Yuvraj Singh ) ਦਾ ਰਿਕਾਰਡ ਤੋੜ ਦਿੱਤਾ। ਟੀ-20 ਵਿਸ਼ਵ ਕੱਪ ਕੁਆਲੀਫਾਇਰ ‘ਚ ਵੀਸਰ ਨੇ ਇਕ ਓਵਰ ‘ਚ 39 ਦੌੜਾਂ ਬਣਾ ਕੇ ਖੇਡ ਦੇ ਟੀ-20 ਫਾਰਮੈਟ ‘ਚ ਇਕ ਓਵਰ ‘ਚ ਸਭ ਤੋਂ ਜ਼ਿਆਦਾ ਦੌੜਾਂ ਬਣਾਉਣ ਦਾ ਨਵਾਂ ਰਿਕਾਰਡ ਬਣਾਇਆ ਹੈ। ਵਿਸਰ ਨੇ ਯੁਵਰਾਜ (2007), ਕੀਰੋਨ ਪੋਲਾਰਡ (2021), ਦੀਪੇਂਦਰ ਸਿੰਘ ਐਰੀ (2024) ਅਤੇ ਨਿਕੋਲਸ ਪੂਰਨ (2024) ਦੇ ਰਿਕਾਰਡਾਂ ਨੂੰ ਪਛਾੜ ਦਿੱਤਾ, ਜਿਨ੍ਹਾਂ ਸਾਰਿਆਂ ਨੇ ਟੀ-20 ਆਈ ਫਾਰਮੈਟ ਵਿੱਚ ਇੱਕ ਓਵਰ ਵਿੱਚ 36 ਦੌੜਾਂ ਬਣਾਈਆਂ ਸਨ।

ਵਿਸਾਰ ਸੈਂਕੜਾ ਬਣਾਉਣ ਵਾਲਾ ਪਹਿਲਾ ਸਮੋਆਈ ਕ੍ਰਿਕਟਰ ਹੈ। Yuvraj Singh

ਇਸ ਪ੍ਰਕਿਰਿਆ ਵਿੱਚ, ਵਿਸੇਰ ਖੇਡ ਦੇ T20I ਫਾਰਮੈਟ ਵਿੱਚ ਸੈਂਕੜਾ ਲਗਾਉਣ ਵਾਲਾ ਪਹਿਲਾ ਸਮੋਆਈ ਕ੍ਰਿਕਟਰ ਵੀ ਬਣ ਗਿਆ। ਵਿਸੇਰ ਦੇ 62 ਗੇਂਦਾਂ ‘ਤੇ 132 ਦੌੜਾਂ ਦੀ ਮਦਦ ਨਾਲ ਸਮੋਆ ਨੇ ਮੰਗਲਵਾਰ ਨੂੰ 2026 ਵਿਸ਼ਵ ਕੱਪ ਖੇਤਰੀ ਕੁਆਲੀਫਾਇਰ ‘ਚ ਵੈਨੂਆਟੂ ‘ਤੇ 10 ਦੌੜਾਂ ਨਾਲ ਜਿੱਤ ਦਰਜ ਕੀਤੀ। 62 ਗੇਂਦਾਂ ‘ਚ 132 ਦੌੜਾਂ ਬਣਾਉਣ ਵਾਲੇ ਵਿਸੇਰ 46 ਦੌੜਾਂ ‘ਤੇ ਵਨਵਾਟੂ ਦੇ ਨਲਿਨ ਨਿਪਿਕੋ 15ਵੇਂ ਓਵਰ ‘ਚ ਗੇਂਦਬਾਜ਼ੀ ਕਰਨ ਆਏ, ਜਿਸ ‘ਚ ਸਮੋਈ ਬੱਲੇਬਾਜ਼ ਨੇ 6 ਗੇਂਦਾਂ ‘ਤੇ 6 ਛੱਕੇ ਜੜੇ, ਇਸ ਦੌਰਾਨ ਨਿਪਿਕੋ ਨੇ ਤਿੰਨ ਨੋ ਗੇਂਦਾਂ ਵੀ ਸੁੱਟੀਆਂ। ਡੇਰਿਅਸ ਵਿਸਰ

ਇਹ ਵੀ ਪੜ੍ਹੋ: Weather Tomorrow : ਪੰਜਾਬ ਤੇ ਨਾਲ ਲੱਗਦੇ ਇਨ੍ਹਾਂ ਇਲਾਕਿਆਂ ’ਚ ਭਾਰੀ ਮੀਂਹ, 24 ਘੰਟਿਆਂ ਲਈ ਜਾਰੀ ਹੋਈ ਚੇਤਾਵਨੀ

ਨਿਪਿਕੋ ਨੇ ਓਵਰ ਦੀ ਪੰਜਵੀਂ ਗੇਂਦ ‘ਤੇ ਡਾਟ ਬਾਲ ਸੁੱਟੀ ਪਰ ਇਸ ਤੋਂ ਬਾਅਦ ਦੋ ਨੋ ਗੇਂਦਾਂ ਆਈਆਂ, ਜਿਸ ‘ਚ 28 ਸਾਲਾ ਬੱਲੇਬਾਜ਼ ਨੇ ਦੂਜੀ ਗੇਂਦ ‘ਤੇ ਛੱਕਾ ਜੜ ਦਿੱਤਾ। ਯੁਵਰਾਜ ਨੇ 2007 ਦੇ ਟੀ-20 ਵਿਸ਼ਵ ਕੱਪ ਮੈਚ ਵਿੱਚ ਇੰਗਲੈਂਡ ਦੇ ਸਟੂਅਰਟ ਬ੍ਰੌਡ ਦੇ ਇੱਕ ਓਵਰ ਵਿੱਚ ਛੇ ਛੱਕੇ ਜੜੇ, ਪੋਲਾਰਡ ਨੇ 2021 ਵਿੱਚ ਸ਼੍ਰੀਲੰਕਾ ਦੇ ਅਕੀਲਾ ਦਾਨੰਜਯਾ ਨਾਲ ਵੀ ਅਜਿਹਾ ਹੀ ਕੀਤਾ ਸੀ, ਜਿਸ ਨਾਲ ਐਰੀ ਅਪ੍ਰੈਲ ਵਿੱਚ ਇਹ ਕਾਰਨਾਮਾ ਕਰਨ ਵਾਲਾ ਤੀਜਾ ਬੱਲੇਬਾਜ਼ ਬਣ ਗਿਆ ਸੀ। ਇੱਕ ਰੋਜ਼ਾ ਅੰਤਰਰਾਸ਼ਟਰੀ ਮੈਚਾਂ ਵਿੱਚ ਇੱਕ ਓਵਰ ਵਿੱਚ 6 ਛੱਕੇ ਮਾਰਨ ਦਾ ਰਿਕਾਰਡ ਦੱਖਣੀ ਅਫਰੀਕਾ ਦੇ ਹਰਸ਼ੇਲ ਗਿਬਸ ਅਤੇ ਅਮਰੀਕੀ ਬੱਲੇਬਾਜ਼ ਜਸਕਰਨ ਮਲਹੋਤਰਾ ਦੇ ਨਾਮ ਹੈ।

Yuvraj Singh ਨੇ ਇੱਕ ਓਵਰ 6 ਛੱਕਿਆਂ ਦੀ ਮੱਦਦ ਨਾਲ 36 ਦੌੜਾਂ ਬਣਾਉਣ ਦਾ ਕੀਤਾ ਸੀ ਕਾਰਨਾਮਾ

ਭਾਰਤ ਦੇ ਆਲਰਾਊਂਡਰ ਯੁਵਰਾਜ ਸਿੰਘ, ਵੈਸਟਇੰਡੀਜ਼ ਦੇ ਕੀਰੋਨ ਪੋਲਾਰਡ ਅਤੇ ਨਿਕੋਲਸ ਪੂਰਨ ਅਤੇ ਨੇਪਾਲ ਦੇ ਦੀਪੇਂਦਰ ਏਰੀ ਨੇ ਇੱਕ ਓਵਰ ਵਿੱਚ 6 ਛੱਕਿਆਂ ਦੀ ਮਦਦ ਨਾਲ 36 ਦੌੜਾਂ ਬਣਾਉਣ ਦਾ ਕਾਰਨਾਮਾ ਕੀਤਾ ਹੈ। ਇੱਕ ਬੱਲੇਬਾਜ਼ ਦੇ ਤੌਰ ‘ਤੇ ਡੇਰਿਅਸ ਵਿਸਰ ਨੇ ਇੱਕ ਓਵਰ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਦੇ ਰਿਕਾਰਡ ਦੀ ਬਰਾਬਰੀ ਕਰ ਲਈ ਹੈ। ਪਰ, 3 ਨੋ-ਬਾਲਾਂ ਕਾਰਨ, ਟੀ-20 ਅੰਤਰਰਾਸ਼ਟਰੀ ਦੇ ਇੱਕ ਓਵਰ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਦਾ ਵਿਸ਼ਵ ਰਿਕਾਰਡ ਬਣ ਗਿਆ ਹੈ।

ਪਰਥ, 15 ਦਸੰਬਰ

ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਨੇ ਆਸਟਰੇਲੀਆ ਵਿਰੁੱਧ ਪਰਥ ਟੈਸਟ ਦੇ ਦੂਸਰੇ ਦਿਨ ਆਪਣਾ 25ਵਾਂ ਟੈਸਟ ਸੈਂਕੜਾ ਪੂਰਾ ਕੀਤਾ ਭਾਰਤੀ ਟੀਮ 8 ਦੌੜਾਂ ‘ਤੇ 2 ਵਿਕਟਾਂ ਗੁਆ ਕੇ ਸੰਘਰਸ਼ ਕਰ ਰਹੀ ਸੀ ਇੱਥੋਂ ਉਹਨਾਂ ਚੇਤੇਸ਼ਵਰ ਪੁਜਾਰਾ ਅਤੇ ਅਜਿੰਕੇ ਰਹਾਣੇ ਨਾਲ ਮਿਲ ਕੇ ਟੀਮ ਨੂੰ ਮੁਸ਼ਕਲ ਚੋਂ ਕੱਢਿਆ ਇਸ ਦੌਰਾਨ ਉਹਨਾਂ ਕਈ ਰਿਕਾਰਡ ਵੀ ਆਪਣੇ ਨਾਂਅ ਕੀਤੇ

 
ਆਸਟਰੇਲੀਆ ਵਿਰੁੱਧ ਵਿਰਾਟ ਦਾ ਇਹ 12ਵਾਂ ਸੈਂਕੜਾ ਹੈ ਅਤੇ ਉਹ ਹੁਣ ਬ੍ਰਾਇਨ ਲਾਰਾ, ਸਰ ਜੈਕ ਹਾਬਸ ਦੇ ਨਾਲ ਸਾਂਝੇ ਤੌਰ ‘ਤੇ ਦੂਸਰੇ ਸਥਾਨ ‘ਤੇ ਪਹੁੰਚ ਗਏ ਹਨ ਜਦੋਂਕਿ ਸਚਿਨ ਤੇਂਦੁਲਕਰ (20) ਇਸ ਮਾਮਲੇ ‘ਚ ਪਹਿਲੇ ਨੰਬਰ ‘ਤੇ ਹਨ ਇਸ ਸੈਂਕੜੇ ਨਾਲ ਕੋਹਲੀ ਨੇ ਸਚਿਨ ਦੇ ਆਸਟਰੇਲੀਆ ‘ਚ ਛੇ ਸੈਂਕੜਿਆਂ ਦੇ ਰਿਕਾਰਡ ਦੀ ਵੀ ਬਰਾਬਰੀ ਕਰ ਲਈ ਭਾਰਤੀ ਕਪਤਾਨ ਨਵੇਂ ਪਰਥ ਸਟੇਡੀਅਮ ‘ਚ ਸੈਂਕੜਾ ਜੜਨ ਵਾਲੇ ਪਹਿਲੇ ਬੱਲੇਬਾਜ਼ ਹਨ ਕੋਹਲੀ ਇੱਕ ਕੈਲੰਡਰ ਸਾਲ ‘ਚ ਵਿਦੇਸ਼ੀ ਧਰਤੀ ‘ਤੇ 1000 ਦੌੜਾਂ ਪੂਰੀਆਂ ਕਰਨ ਵਾਲੇ ਦੁਨੀਆਂ ਦੇ 11ਵੇਂ ਅਤੇ ਭਾਰਤ ਦੇ ਤੀਸਰੇ ਬੱਲੇਬਾਜ਼ ਹਨ ਭਾਰਤੀ ਬੱਲੇਬਾਜ਼ਾਂ ‘ਚ ਉਹਨਾਂ ਤੋਂ ਪਹਿਲਾਂ ਰਾਹੁਲ ਦ੍ਰਵਿੜ (2002 ‘ਚ 18 ਪਾਰੀਆਂ, 1137 ਦੌੜਾਂ) ਅਤੇ ਮੋਹਿੰਦਰ ਅਮਰਨਾਥ (1983 ‘ਚ 16 ਪਾਰੀਆਂ ‘ਚ 1065 ਦੌੜਾਂ) ਇਹ ਪ੍ਰਾਪਤੀ ਹਾਸਲ ਕਰ ਚੁੱਕੇ ਹਨ ਉਹ ਇਹ ਪ੍ਰਾਪਤੀ ਹਾਸਲ ਕਰਨ ਵਾਲੇ ਪਹਿਲੇ ਭਾਰਤੀ ਅਤੇ ਕੁਲ ਤੀਸਰੇ ਕਪਤਾਨ ਹਨ ਉਹਨਾਂ ਤੋਂ ਪਹਿਲਾਂ ਆਸਟਰੇਲੀਆ ਦੇ ਬਾਬ ਸਿੰਪਸਨ ਅਤੇ ਦੱਖਣੀ ਅਫ਼ਰੀਕਾ ਦੇ ਗ੍ਰੀਮ ਸਮਿੱਥ ਅਜਿਹਾ ਕਰ ਚੁੱਕੇ ਹਨ

 
ਵਿਰਾਟ ਦਾ ਇਹ 2018 ‘ਚ 11ਵਾਂ ਟੈਸਟ ਸੈਂਕੜਾ ਹੈ ਇਸ ਤਰ੍ਹਾਂ ਉਹ ਇੱਕ ਕੈਲੰਡਰ ਸਾਲ ‘ਚ ਸਭ ਤੋਂ ਜ਼ਿਆਦਾ ਅੰਤਰਰਾਸ਼ਟਰੀ ਸੈਂਕੜੇ ਜੜਨ ਦੇ ਮਾਮਲੇ ‘ਚ ਸਚਿਨ ਤੇਂਦੁਲਕਰ ਦੇ ਵਿਸ਼ਵ ਰਿਕਾਰਡ ਦੀ ਬਰਾਬਰੀ ਕਰਨ ਤੋਂ ਸਿਰਫ਼ 1 ਸੈਂਕੜਾ ਦੂਰ ਹਨ ਵਿਰਾਟ ਨੇ ਸਭ ਤੋਂ ਤੇਜ਼ ਰਫ਼ਤਾਰ ਨਾਲ 25 ਟੈਸਟ ਸੈਂਕੜੇ ਪੂਰੇ ਕਰਨ ਦੇ ਮਾਮਲੇ ‘ਚ ਸਚਿਨ ਤੇਂਦੁਲਕਰ(130 ਪਾਰੀਆਂ ‘ਚ) ਨੂੰ ਪਛਾੜਿਆ ਵਿਰਾਟ ਨੇ 25ਵਾਂ ਟੈਸਟ ਸੈਂਕੜਾ 127ਵੀਂ ਪਾਰੀ ‘ਚ ਪੂਰਾ ਕੀਤਾ ਵਿਰਾਟ ਟੈਸਟ ਸੈਂਕੜਿਆਂ ਦੀ ਤੇਜ਼ੀ ਦੇ ਮਾਮਲੇ ‘ਚ ਹੁਣ ਸਿਰਫ਼ ਸਰ ਡਾਨ ਬ੍ਰੈਡਮੇਨ ਤੋਂ ਪਿੱਛੇ ਹਨ ਜਿੰਨ੍ਹਾਂ ਸਿਰਫ਼ 68 ਟੈਸਟ ਪਾਰੀਆਂ ‘ਚ 25 ਸੈਂਕੜੇ ਜੜੇ ਸਨ ਵਿਰਾਟ ਹੁਣ ਦੱ.ਅਫ਼ਰੀਕਾ, ਇੰਗਲੈਂਡ, ਨਿਊਜ਼ੀਲੈਂਡ, ਆਸਟਰੇਲੀਆ ਵਿਰੁੱਧ ਇੱਕ ਹੀ ਸਾਲ ‘ਚ ਟੈਸਟ ਸੈਂਕੜਾ ਜੜਨ ਵਾਲੇ ਪਹਿਲੇ ਏਸ਼ੀਆਈ ਬੱਲੇਬਾਜ਼ ਹਨ

 
ਅੰਤਰਰਾਸ਼ਟਰੀ ਕ੍ਰਿਕਟ (ਟੈਸਟ+ਇੱਕ ਰੋਜ਼ਾ+ਟੀ20ਅੰਤਰਰਾਸ਼ਟਰੀ) ‘ਚ ਸਭ ਤੋਂ ਜ਼ਿਆਦਾ ਸੈਂਕੜੇ ਲਗਾਉਣ ਦੇ ਮਾਮਲੇ ‘ਚ ਕੋਹਲੀ ਨੇ 63ਵਾਂ(25+38) ਸੈਂਕੜਾ ਪੂਰਾ ਕੀਤਾ ਅਤੇ ਉਹ ਸ਼੍ਰੀਲੰਕਾ ਦੇ ਕੁਮਾਰ ਸੰਗਾਕਾਰਾ ਨਾਲ ਸਾਂਝੇ ਤੌਰ ‘ਤੇ ਤੀਸਰੇ ਸਥਾਨ ‘ਤੇ ਆ ਗਏ ਹਨ ਹੁਣ ਸਚਿਨ ਤੇਂਦੁਲਕਰ (100) ਅਤੇ ਰਿਕੀ ਪੋਂਟਿੰਗ (71) ਹੀ ਵਿਰਾਟ ਤੋਂ ਅੱਗੇ ਹਨ

 
30 ਸਾਲਾ ਕੋਹਲੀ ਹਾਲਾਂਕਿ ਵਿਵਾਦਿਤ ਕੈਚ ਦਾ ਸ਼ਿਕਾਰ ਬਣੇ, ਪਰ ਉਹ ਭਾਰਤ ਨੂੰ ਕਾਫ਼ੀ ਹੱਦ ਤੱਕ ਵਾਪਸੀ ਦਿਵਾਉਣ ‘ਚ ਸਫ਼ਲ ਰਹੇ ਕੋਹਲੀ ਨੇ ਮਿਸ਼ੇਲ ਸਟਾਰਕ ‘ਤੇ ਚੌਕਾ ਲਾ ਕੇ ਆਸਟਰੇਲੀਆ ਵਿਰੁੱਧ ਆਪਣਾ 7ਵਾਂ ਸੈਂਕੜਾ ਪੂਰਾ ਕੀਤਾ ਸੈਂਕੜਾ ਪੂਰਾ ਕਰਨ ਤੋਂ ਬਾਅਦ ਕੋਹਲੀ ਨੇ ਆਪਣੀ ਉਂਗਲੀ ਨਾਲ ਇਸ਼ਾਰੇ ਕੀਤੇ ਜਿਸਨੂੰ ਦੇਖ ਕੇ ਲੱਗਾ ਕਿ ਉਹ ਕਹਿਣਾ ਚਾਹ ਰਹੇ ਹਨ ਕਿ ਮੈਂ ਮੂੰਹ ਦੀ ਜਗ੍ਹਾ ਆਪਣੇ ਬੱਲੇ ਨਾਲ ਗੱਲ ਕਰਦਾ ਹਾਂ ਉਸਦੇ ਜਸ਼ਨ ਦੇ ਇਸ ਤਰੀਕੇ ‘ਤੇ ਦੁਨੀਆਂ ਭਰ ਦੇ ਕ੍ਰਿਕਟ ਜਗਤ ਨਾਲ ਜੁੜੇ ਲੋਕਾਂ ਨੇ ਟਵੀਟ ਕੀਤੇ

ਸਭ ਤੋਂ ਤੇਜ਼ 25 ਸੈਂਕੜੇ
1 ਡਾਨ ਬ੍ਰੇਡਮੈਨ        ਆਸਟਰੇਲੀਆ           68 ਪਾਰੀਆਂ
2. ਵਿਰਾਟ ਕੋਹਲੀ        ਭਾਰਤ                   127 ਪਾਰੀਆਂ
3.ਸਚਿਨ ਤੇਂਦੁਲਕਰ       ਭਾਰਤ                 130 ਪਾਰੀਆਂ
4.ਸੁਨੀਲ ਗਾਵਸਕਰ      ਭਾਰਤ                  138 ਪਾਰੀਆਂ
5.ਮੈਥਿਊ ਹੇਡਨ         ਆਸਟਰੇਲੀਆ           139 ਪਾਰੀਆਂ
6. ਗੈਰੀ ਸੋਬਰਸ        ਵੈਸਟਇੰਡੀਜ਼              147 ਪਾਰੀਆਂ
7.ਹਾਸ਼ਿਮ ਅਮਲਾ     ਦੱਖਣੀ ਅਫ਼ਰੀਕਾ        155 ਪਾਰੀਆਂ
8.ਰਿਕੀ ਪੋਂਟਿੰਗ         ਆਸਟਰੇਲੀਆ          156 ਪਾਰੀਆਂ

ਮੌਜ਼ੂਦਾ ਖੇਡਦੇ ਕ੍ਰਿਕਟਰਾਂ ‘ਚ ਸਭ ਤੋਂ ਜ਼ਿਆਦਾ ਟੈਸਟ ਸੈਂਕੜੇ
1.ਹਾਸ਼ਿਮ ਅਮਲਾ            ਦੱ.ਅਫ਼ਰੀਕਾ,            2004-2018                28 ਸੈਂਕੜੇ         119 ਟੈਸਟ
2.ਵਿਰਾਟ ਕੋਹਲੀ            ਭਾਰਤ                       2011-2018,               25 ਸੈਂਕੜੇ            75 ਟੈਸਟ
3. ਸਟੀਵ ਸਮਿੱਥ           ਆਸਟਰੇਲੀਆ,          2010-2018,               23 ਸੈਂਕੜੇ            64 ਟੈਸਟ
4.ਡੇਵਿਡ ਵਾਰਨਰ          ਆਸਟਰੇਲੀਆ            2011-2018                21 ਸੈਂਕੜੇ,           74 ਟੈਸਟ
5.ਕੇਨ ਵਿਲਿਅਮਸਨ      ਨਿਊਜ਼ੀਲੈਂਡ                2010-2018,               19 ਸੈਂਕੜੇ            69 ਟੈਸਟ

ਸ਼ਾਨਦਾਰ ਜਿੱਤ ਨਾਲ ਬਣੇ ਇਹ ਰਿਕਾਰਡ

ਟਾਸ ਦੇ ਬਾਸ ਕੋਹਲੀ: ਵਿਰਾਟ ਕੋਹਲੀ ਨੇ ਬਤੌਰ ਕਪਤਾਨ 20 ਮੈਚਾਂ ‘ਚ ਟਾਸ ਜਿੱਤਿਆ ਹੈ ਅਤੇ ਉਹ ਇਸ ਵਿੱਚ ਇੱਕ ਵੀ ਮੈਚ ਨਹੀਂ ਹਾਰੇ ਹਨ ਕੋਹਲੀ ਨੇ ਇਹਨਾਂ ਵਿੱਚੋਂ 17 ਮੈਚ ਜਿੱਤੇ ਅਤੇ ਤਿੰਨ ਮੈਚ ਡਰਾਅ ਰਹੇ ਹਨ

 
ਪੁਜਾਰਾ ਛਾਏ: ਪੁਜਾਰਾ ਇਕਲੌਤੇ ਭਾਰਤੀ ਬੱਲੇਬਾਜ਼ ਹਨ ਜਿੰਨ੍ਹਾਂ 2018 ‘ਚ ਭਾਰਤ ਨੂੰ ਏਸ਼ੀਆ ਤੋਂ ਬਾਹਰ ਮਿਲੀਆਂ ਸਾਰੀਆਂ ਜਿੱਤਾਂ ‘ਚ 50+ ਸਕੋਰ ਕੀਤਾ ਹੈ
ਤਾਂ ਟੁੱਟ ਜਾਂਦਾ ਇਹ ਰਿਕਾਰਡ: ਇਸ ਮੈਚ ‘ਚ 34 ਬੱਲੇਬਾਜ਼ ਕੈਚ ਆਊਟ ਹੋਏ ਅਤੇ ਇੱਕ ਕੈਚ ਤੋਂ ਵਿਸ਼ਵ ਰਿਕਾਰਡ ਦੀ ਬਰਾਬਰੀ ਰਹਿ ਗਈ ਦੱਖਣੀ ਅਫ਼ਰੀਕਾ ਤੇ ਆਸਟਰੇਲੀਆ ਦਰਮਿਆਨ ਇਸ ਸਾਲ ਕੇਪਟਾਊਨ ‘ਚ ਖੇਡੇ ਗਏ ਮੈਚ ‘ਚ 35 ਬੱਲੇਬਾਜ਼ ਕੈਚ ਆਊਟ ਹੋਏ ਜੋ ਵਿਸ਼ਵ ਰਿਕਾਰਡ ਹੈ

 
ਦੌੜਾਂ ਦੇ ਹਿਸਾਬ ਨਾਲ ਤੀਸਰੀ ਸਭ ਤੋਂ ਕਰੀਬੀ ਜਿੱਤ:

ਭਾਰਤ ਦੀ ਦੌੜਾਂ ਦੇ ਹਿਸਾਬ ਨਾਲ ਇਹ ਤੀਸਰੀ ਕਰੀਬੀ ਜਿੱਤ ਹੈ ਇਸ ਤੋਂ ਪਹਿਲਾਂ ਭਾਰਤ ਨੇ 1972-73 ‘ਚ ਇੰਗਲੈਂਡ ਵਿਰੁੱਧ ਕੋਲਕਤਾ ‘ਚ 28 ਦੌੜਾਂ ਨਾਲ ਅਤੇ 2004 ‘ਚ ਆਸਟਰੇਲੀਆ ਵਿਰੁੱਧ ਮੁੰਬਈ ‘ਚ 13 ਦੌੜਾਂ ਨਾਲ ਜਿੱਤ ਦਰਜ ਕੀਤੀ ਸੀ

ਪਹਿਲੀ ਵਾਰ ਤਿੰਨ ਦੇਸ਼ਾਂ ਂਚ ਇੱਕ ਹੀ ਸਾਲ ਂਚ ਜਿੱਤਿਆ ਭਾਰਤ ਟੈਸਟ ਮੈਚ

ਭਾਰਤ ਦੀ 10 ਸਾਲਾਂ ਬਾਅਦ ਆਸਟਰੇਲੀਆ ‘ਚ ਪਹਿਲੀ ਜਿੱਤ, ਇਸ ਤੋਂ ਪਹਿਲਾਂ 2008 ‘ਚ ਪਰਥ ਟੈਸਟ ‘ਚ ਜਿੱਤ ਹਾਸਲ ਕੀਤੀ ਸੀ
ਕੋਹਲੀ ਭਾਰਤ ਦੇ ਪਹਿਲੇ ਕਪਤਾਨ ਹਨ ਜਿੰਨਾਂ ਦੀ ਕਪਤਾਨੀ ‘ਚ ਭਾਰਤ ਨੇ ਆਸਟਰੇਲੀਆ, ਇੰਗਲੈਂਡ ਅਤੇ ਦੱਖਣੀ ਅਫ਼ਰੀਕਾ ‘ਚ ਟੈਸਟ ਜਿੱਤਿਆ ਅਤੇ ਪਹਿਲੀ ਵਾਰ ਭਾਰਤ ਨੇ ਇੱਕ ਹੀ ਕੈਲੰਡਰ ਸਾਲ ‘ਚ ਇਹਨਾਂ ਤਿੰਨਾਂ ਦੇਸ਼ਾਂ ‘ਚ ਜਿੱਤ ਹਾਸਲ ਕੀਤੀ ਭਾਰਤੀ ਟੀਮ ਇਸ ਦੇ ਨਾਲ ਹੀ ਪਹਿਲੀ ਅਜਿਹੀ ਮਹਿਮਾਨ ਟੀਮ ਬਣ ਗਈ ਹੈ ਜਿਸ ਨੇ ਕੈਲੰਡਰ ਸਾਲ ‘ਚ ਇਹਨਾਂ ਤਿੰਨਾਂ ਦੇਸ਼ਾਂ ‘ਚ ਟੈਸਟ ਜਿਤ ਦਰਜ ਕੀਤੀ ਹੈ

 
ਆਸਟਰੇਲੀਆ ‘ਚ 70 ਸਾਲ ਤੋਂ ਜ਼ਿਆਦਾ ਦੇ ਇਤਿਹਾਸ ‘ਚ ਪਹਿਲੀ ਵਾਰ ਭਾਰਤ  ਨੇ ਕਿਸੇ ਟੈਸਟ ਲੜੀ ਦਾ ਪਹਿਲਾ ਮੈਚ ਜਿੱਤਣ ਦਾ ਇਤਿਹਾਸ ਦਰਜ ਕੀਤਾ ਇਸ ਤੋਂ ਪਹਿਲਾਂ ਇਹ ਪ੍ਰਾਪਤੀ ਪਾਕਿਸਤਾਨ ਨੂੰ ਹਾਸਲ ਸੀ

 
ਐਡੀਲੇਡ ਮੈਦਾਨ ‘ਤੇ ਭਾਰਤ ਨੂੰ?15 ਸਾਲ ਬਾਅਦ ਜਿੱਤ ਮਿਲੀ ਹੈ ਆਖ਼ਰੀ ਵਾਰ ਇੱਥੇ ਭਾਰਤ 2003 ‘ਚ ਟੈਸਟ ਮੈਚ ਜਿੱਤਿਆ ਸੀ ਜਦੋਂ ਦ੍ਰਵਿੜ ਨੇ ਭਾਰਤੀ ਟੀਮ ਨੂੰ 4 ਵਿਕਟਾਂ ਨਾਲ ਯਾਦਗਾਰ ਜਿੱਤ ਦਿਵਾਈ ਸੀ

 
ਐਡੀਲੇਡ ‘ਚ ਭਾਰਤ ਨੇ ਆਪਣਾ 12ਵਾਂ ਟੈਸਟ ਮੈਚ ਖੇਡਿਆ ਅਤੇ ਦੂਸਰੀ ਜਿੱਤ ਦਰਜ ਕੀਤੀ  ਓਵਰਆਲ ਆਸਟਰੇਲੀਆਈ ਧਰਤੀ ‘ਤੇ ਭਾਰਤ ਦੀ 45 ਟੈਸਟ ਮੈਚਾਂ ‘ਚ ਇਹ ਛੇਵੀਂ ਜਿੱਤ ਹੈ

 
ਅਸ਼ਵਿਨ ਨੇ ਇਸ ਮੈਚ ‘ਚ ਕੁੱਲ ਛੇ ਵਿਕਟਾਂ ਲਈਆਂ ਜੋ ਆਸਟਰੇਲੀਆ ‘ਚ ਉਹਨਾਂ ਦਾ ਇੱਕ ਟੈਸਟ ‘ਚ ਸਰਵਸ੍ਰੇਸ਼ਠ ਪ੍ਰਦਰਸ਼ਨ ਹੈ

ਪਹਿਲੇ ਮੈਚ ‘ਚ ਸੈਂਕੜਾ ਬਣਾਉਣ ਵਾਲੇ ਸਭ ਤੋਂ ਘੱਟ ਉਮਰ ਦੇ ਪਹਿਲੇ ਭਾਰਤੀ ਕ੍ਰਿਕਟਰ

ਰਾਜਕੋਟ, 4 ਅਕਤੂਬਰ

18 ਸਾਲ ਦੇ ਭਾਰਤੀ ਬੱਲੇਬਾਜ਼ ਪ੍ਰਿਥਵੀ ਸ਼ਾੱ ਨੇ ਵੈਸਟਇੰਡੀਜ਼ ਵਿਰੁੱਧ ਵੀਰਵਾਰ ਤੋਂ ਸ਼ੁਰੂ ਹੋਏ ਪਹਿਲੇ ਕ੍ਰਿਕਟ ਟੈਸਟ ਦੇ ਪਹਿਲੇ ਦਿਨ ਆਪਣੇ ਪਹਿਲੇ ਮੈਚ ‘ਚ 134 ਦੌੜਾਂ ਦੀ ਸੈਂਕੜੇ ਵਾਲੀ ਪਾਰੀ ਖੇਡ ਕੇ ਇਤਿਹਾਸ ਰਚ ਦਿੱਤਾ ਪ੍ਰਿਥਵੀ ਦੀ ਮੌਜ਼ੂਦਾ ਉਮਰ 18 ਸਾਲ 329 ਦਿਨ ਹੈ ਅਤੇ ਉਹ ਆਪਣੇ ਪਹਿਲੇ ਮੈਚ ‘ਚ ਸੈਂਕੜਾ ਬਣਾਉਣ ਵਾਲੇ ਸਭ ਤੋਂ ਘੱਟ ਉਮਰ ਦੇ ਪਹਿਲੇ ਭਾਰਤੀ ਕ੍ਰਿਕਟਰ ਬਣ ਗਏ ਹਨ

ਸਭ ਤੋਂ ਘੱਟ ਉਮਰ ‘ਚ ਟੈਸਟ ਡੈਬਿਊ ‘ਚ ਪਚਾਸਾ ਠੋਕਣ ਵਾਲੇ ਬੱਲੇਬਾਜ਼

ਮੁੰਬਈ ਦੇ ਬੱਲੇਬਾਜ਼ ਨੇ ਸੌਰਾਸ਼ਟਰ ਕ੍ਰਿਕਟ ਸੰਘ ਸਟੇਡੀਅਮ ‘ਚ ਭਾਰਤੀ ਪਾਰੀ ‘ਚ ਓਪਨਿੰਗ ਕਰਦੇ ਹੋਏ 56 ਗੇਂਦਾਂ ‘ਚ ਆਪਣੀਆਂ 50 ਦੌੜਾਂ ਬਣਾ ਕੇ ਭਾਰਤ ਵੱਲੋਂ ਸਭ ਤੋਂ ਘੱਟ ਉਮਰ ‘ਚ ਟੈਸਟ ਡੈਬਿਊ ‘ਚ ਪਚਾਸਾ ਠੋਕਣ ਵਾਲੇ ਬੱਲੇਬਾਜ਼ ਬਣ ਗਏ ਇਸ ਤੋਂ ਪਹਿਲਾਂ ਅੱਬਾਸ ਅਲੀ ਬੇਗ ਨੇ 1959 ‘ਚ 20 ਸਾਲ ਦੀ ਉਮਰ ‘ਚ ਇੰਗਲੈਂਡ ਵਿਰੁੱਧ ਡੈਬਿਊ ਪਚਾਸਾ ਜੜਿਆ ਸੀ
10 ਸਾਲਾਂ ‘ਚ ਇਹ ਪਹਿਲਾ ਮੌਕਾ ਹੈ ਜਦੋਂ ਭਾਰਤੀ ਟੀਮ ਲਈ ਐਨੀ ਛੋਟੀ ਉਮਰ ‘ਚ ਕਿਸੇ ਖਿਡਾਰੀ ਨੇ ਟੈਸਟ ਮੈਚਾਂ ‘ਚ ਸ਼ੁਰੂਆਤ ਕੀਤੀ ਹੈ 2007 ‘ਚ ਤੇਜ਼  ਗੇਂਦਬਾਜ਼ ਇਸ਼ਾਂਤ ਸ਼ਰਮਾ ਨੇ 18 ਸਾਲ 265 ਦਿਨ ਦੀ ਉਮਰ ‘ਚ ਬੰਗਲਾਦੇਸ਼ ਵਿਰੁੱਧ ਸ਼ੁਰੂਆਤ ਕੀਤੀ ਸੀ
ਇਸ ਤੋਂ ਪਹਿਲਾਂ ਰੋਹਿਤ ਸ਼ਰਮਾ ਨੇ ਨਵੰਬਰ 2013 ‘ ਵੈਸਟਇੰਡੀਜ਼ ਵਿਰੁੱਧ ਕੋਲਕਾਤਾ ਦੇ ਈਡਨ ਗਾਰਡਨਜ਼ ‘ਚ ਆਪਣੇ ਪਹਿਲੇ ਹੀ ਟੈਸਟ ‘ਚ ਸੈਂਕੜੇ ਲਾਇਆ ਸੀ ਡੈਬਿਊ ਟੈਸਟ ‘ਚ ਸਭ ਤੋਂ ਘੱਟ ਗੇਂਦਾਂ ‘ਤੇ ਸੈਂਕੜਾ ਲਾਉਣ ਦੇ ਮਾਮਲੇ ‘ਚ ਸ਼ਾੱ ਤੀਸਰੇ ਨੰਬਰ ‘ਤੇ ਹਨ ਸ਼ਿਖਰ ਧਵਨ ਨੇ 85 ਗੇਂਦ, ਡਵੇਨ ਸਮਿੱਥ ਨੇ 93 ਗੇਂਦ ਅਤੇ ਸ਼ਾੱ ਨੇ 99 ਗੇਂਦ ‘ਤੇ ਡੈਬਿਊ ਟੈਸਟ ਸੈਂਕੜਾ ਜੜਿਆ ਟੈਸਟ ਡੈਬਿਊ ‘ਚ ਸੈਂਕੜਾ ਜੜਨ ਦੇ ਮਾਮਲੇ ‘ਚ ਸ਼ਾੱ ਭਾਰਤ ਦੇ ਸਭ ਤੋਂ ਘੱਟ ਉਮਰ ਦੇ ਬੱਲੇਬਾਜ ਵੀ ਬਣ ਗਏ ਹਨ

ਪ੍ਰਿਥਵੀ ਉਸ ਸਮੇਂ ਸੁਰਖ਼ੀਆਂ ‘ਚ ਆਏ ਸਨ ਜਦੋਂ ਉਹਨਾਂ 14 ਸਾਲ ਦੀ ਉਮਰ ‘ਚ 330 ਗੇਂਦਾਂ ‘ਚ 85 ਚੌਕੇ ਅਤੇ ਪੰਜ ਛੱਕੇ ਜੜਦਿਆਂ 546 ਦੌੜਾਂ ਬਣਾਈਆਂ ਸਨ

ਪ੍ਰਿਥਵੀ ਨੇ ਡੈਬਿਊ ਮੈਚਾਂ ‘ਚ ਇੰਝ ਪੂਰੀ ਕੀਤੀ ਸੈਂਕੜਿਆਂ ਦੀ ਹੈਟ੍ਰਿਕ

ਪ੍ਰਿਥਵੀ ਨੇ ਰਣਜੀ ਟਰਾਫ਼ੀ ਦੇ ਸੈਮੀਫਾਈਨਲ ‘ਚ (ਜਨਵਰੀ 2017) ਡੈਬਿਊ ਕੀਤਾ ਅਤੇ ਉਸ ਮੈਚ ‘ਚ ਸੈਂਕੜਾ ਲਾਇਆ ਸੀ
ਦਿਲੀਪ ਟਰਾਫ਼ੀ ‘ਚ ਉਹਨਾਂ ਡੈਬਿਊ (ਸਤੰਬਰ 2017) ਕੀਤਾ ਅਤੇ ਫਾਈਨਲ ‘ਚ ਸੈਂਕੜਾ ਲਾਇਆ

ਹੁਣ ਟੈਸਟ ਕ੍ਰਿਕਟ ‘ਚ ਡੈਬਿਊ ਕਰਦੇ ਹੋਏ ਸੈਂਕੜਿਆਂ ਦੀ ਡੈਬਿਊ ਹੈਟ੍ਰਿਕ ਪੂਰੀ ਕਰ ਲਈ

ਭਾਰਤੀ ਬੱਲੇਬਾਜ਼ ਸਭ ਤੋਂ ਘੱਟ ਉਮਰ ‘ਚ ਪਹਿਲਾ ਟੈਸਟ ਸੈਂਕੜਾ

ਖਿਡਾਰੀ                         ਬਨਾਮ       ਸਥਾਨ        ਸਾਲ       ਉਮਰ
ਸਚਿਨ ਤੇਂਦੁਲਕਰ ਬਨਾਮ  ਇੰਗਲੈਂਡ   ਮੈਨਚੇਸਟਰ  1990     17 ਸਾਲ 112 ਦਿਨ
ਪ੍ਰਿਥਵੀ ਸ਼ਾੱ               ਵੈਸਟਇੰਡੀਜ਼   ਰਾਜਕੋਟ     2018     18 ਸਾਲ 329 ਦਿਨ
ਕਪਿਲ ਦੇਵ                   ਵੈਸਟਇੰਡੀਜ਼   ਦਿੱਲੀ        1979     20 ਸਾਲ 21 ਦਿਨ
ਅੱਬਾਸ ਅਲੀ ਬੇਗ            ਇੰਗਲੈਂਡ     ਮੈਨਚੇਸਟਰ   1959     20 ਸਾਲ 131 ਦਿਨ

ਤਿੰਨ ਆਸਟਰੇਲੀਆਈ ਧੁਰੰਦਰਾਂ ਨੂੰ ਛੱਡਿਆ ਪਿੱਛੇ | Virat Kohli

ਨਾਟਿੰਘਮ, (ਏਜੰਸੀ)। ਕਪਤਾਨ ਵਿਰਾਟ ਕੋਹਲੀ (103) ਦੇ ਕਰੀਅਰ ਦੇ 23ਵੇਂ ਸੈਂਕੜੇ ਦੇ ਦਮ ‘ਤੇ ਭਾਰਤ ਨੇ ਟਰੇਂਟ ਬ੍ਰਿਜ ਮੈਦਾਨ ‘ਤੇ ਇਸ ਪਾਰੀ ਦੌਰਾਨ ਪੰਜ ਵੱਡੇ ਰਿਕਾਰਡ ਬਣਾ ਦਿੱਤੇ  ਮੌਜ਼ੂਦਾ ਟੈਸਟ ਲੜੀ ‘ਚ ਅਜੇ ਤੱਕ ਵਿਰਾਟ ਕੋਹਲੀ ਸਭ ਤੋਂ ਜਿਆਦਾ ਦੌੜਾਂ ਬਣਾਉਣ ਵਾਲੇ ਬੱਲੇਬਾਜ਼ ਹਨ ਉਹਨਾਂ 440 ਦੌੜਾਂ ਬਣਾਈਆਂ ਹਨ ਅਤੇ ਇਹ ਇੰਗਲੈਂਡ ‘ਚ ਕਿਸੇ ਵੀ ਭਾਰਤੀ ਕਪਤਾਨ ਦੇ ਇੱਕ ਲੜੀ ‘ਚ ਸਭ ਤੋਂ ਜਿਆਦਾ ਦੌੜਾਂ ਦਾ ਰਿਕਾਰਡ ਹੈ ਅਜਿਹਾ ਨਾ ਤਾਂ ਸਚਿਨ ਤੇਂਦੁਲਕਰ ਕਰ ਸਕੇ।

ਇਹ ਵੀ ਪੜ੍ਹੋ :  ਰਿਮਾਂਡ ਦੌਰਾਨ ਹੋਇਆ ਖੁਲਾਸਾ, ਪੁੱਤਰ ਪ੍ਰਾਪਤੀ ਲਈ ਬਣਾਈ ਸੀ ਬੱਚਾ ਅਗਵਾ ਕਰਨ ਦੀ ਯੋਜਨਾ

ਨਾ ਹੀ ਸੌਰਵ ਗਾਂਗੁਲੀ ਅਤੇ ਨਾ ਹੀ ਸਾਬਕਾ ਕਪਤਾਨ ਮਹਿੰਦਰ ਸਿੰਘ ਧੋਨੀ ਬਤੌਰ ਕਪਤਾਨ ਸਭ ਤੋਂ ਜ਼ਿਆਦਾ ਟੈਸਟ ਸੈਂਕੜੇ ਲਾਉਣ ਦਾ ਰਿਕਾਰਡ ਦੱਖਣੀ ਅਫ਼ਰੀਕਾ ਦੇ ਸਾਬਕਾ ਕਪਤਾਨ ਗ੍ਰੀਮ ਸਮਿੱਥ ਦੇ ਨਾਂਅ ਹੈ ਸਮਿੱਥ ਨੇ 25 ਸੈਂਕੜੇ ਜੜੇ ਸਨ ਪਰ ਇਸ ਸੈਂਕੜੇ ਦੇ ਨਾਲ ਹੀ ਕਪਤਾਨ ਕੋਹਲੀ ਨੇ ਤਿੰਨ-ਤਿੰਨ ਆਸਟਰੇਲੀਆਈ ਧੁਰੰਦਰ ਨੂੰ ਪਿੱਛੇ ਛੱਡ ਦਿੱਤਾ ਹੈ ਬਤੌਰ ਕਪਤਾਨ ਕੋਹਲੀ ਦਾ ਇਹ 61ਵਾਂ ਟੈਸਟ ਸੈਂਕੜਾ ਰਿਹਾ ਇਸ ਦੇ ਨਾਲ ਉਹਨਾਂ ਨੇ ਆਸਟਰੇਲੀਆ ਦੇ ਸਾਬਕਾ ਕਪਤਾਨ ਐਨਲ ਬਾਰਡਰ (15), ਸਟੀਵ ਵਾੱ(15) ਨੂੰ ਤਾਂ ਪਿੱਛੇ ਛੱਡਿਆ ਹੀ ਆਪਣੇ ਨਜ਼ਦੀਕੀ ਮੁਕਾਬਲੇ ਵਾਲੇ ਸਟੀਵ ਸਮਿੱਥ (15) ਨੂੰ ਵੀ ਪਿੱਛੇ ਛੱਡ ਦਿੱਤਾ।

ਕੋਹਲੀ ਦੀਆਂ 6000 ਦੌੜਾਂ ਪੂਰੀਆਂ

ਇਸ ਪਾਰੀ ਦੌਰਾਨ ਵਿਰਾਟ ਨੇ ਆਪਣੇ ਟੈਸਟ ਕਰੀਅਰ ਦੀਆਂ 6000 ਦੌੜਾਂ ਵੀ ਪੂਰੀਆਂ ਕਰ ਲਈਆਂ ਉਹ ਸਭ ਤੋਂ ਤੇਜੀ ਨਾਲ ਐਨੀਆਂ ਦੌੜਾਂ ਪੂਰੀਆਂ ਕਰਨ ਵਾਲੇ ਭਾਰਤ ਦੇ ਦੂਸਰੇ ਬੱਲੇਬਾਜ਼ ਹਨ ਵਿਰਾਟ ਤੋਂ ਪਹਿਲਾਂ ਸੁਨੀਲ ਗਾਵਸਕਰ ਨੇ 117 ਪਾਰੀਆਂ ‘ਚ 6000 ਦੋੜਾਂ ਪੂਰੀਆਂ ਕੀਤੀਆਂ ਸਨ ਹਾਲਾਂਕਿ ਕੋਹਲੀ (118) ਨੇ ਉਹਨਾਂ ਤੋਂ ਇੱਕ ਪਾਰੀ ਜ਼ਿਆਦਾ ਲਈ।

ਕੋਹਲੀ ਨੇ ਕੀਤੀ ਸਹਿਵਾਗ ਦੀ ਬਰਾਬਰੀ

ਭਾਰਤ ਵੱਲੋਂ ਸਭ ਤੋਂ ਜ਼ਿਆਦਾ ਟੈਸਟ ਸੈਂਕੜੇ ਲਾਉਣ ਦੇ ਮਾਮਲੇ ‘ਚ ਵਿਰਾਟ ਕੋਹਲੀ ਨੇ ਭਾਰਤ ਦੇ ਸਾਬਕਾ ਓਪਨਿੰਗ ਬੱਲੇਬਾਜ਼ ਵਰਿੰਦਰ ਸਹਿਵਾਗ ਦੀ ਬਰਾਬਰੀ ਕਰ ਲਈ ਹੈ ਕੋਹਲੀ ਨੇ ਮੁਹੰਮਦ ਅਜ਼ਹਰੂਦੀਨ (22) ਦੇ ਰਿਕਾਰਡ ਨੂੰ ਤੋੜਿਆ ਸਹਿਵਾਗ ਨੇ ਵੀ ਆਪਣੇ ਟੈਸਟ ਕ੍ਰਿਕਟ ਦੌਰਾਨ 23 ਸੈਂਕੜੇ ਹੀ ਜੜੇ ਸਨ ਹਾਲਾਂਕਿ ਇਸ ਮਾਮਲੇ ‘ਚ ਸਭ ਤੋਂ ਅੱਗੇ ਸਚਿਨ ਤੇਂਦੁਲਕਰ ਹਨ ਭਾਰਤ ਲਈ ਸਭ ਤੋਂ ਜ਼ਿਆਦਾ ਟੈਸਟ ਸੈਂਕੜੇ।

ਹੁਣ ਬਸ ਦ੍ਰਵਿੜ ਤੋਂ ਪਿੱਛੇ ਹਨ ਕੋਹਲੀ

ਕੋਹਲੀ ਨੇ ਨੌਂਵੀ ਵਾਰ ਇੱਕ ਹੀ ਟੈਸਟ ਦੀਆਂ ਦੋਵੇਂ ਪਾਰੀਆਂ ‘ਚ 50 ਤੋਂ ਉੱਪਰ ਦਾ ਸਕੋਰ ਬਣਾਇਆ ਇਸ ਮਾਮਲੇ ‘ਚ ਭਾਰਤੀ ਰਿਕਾਰਡ ਰਾਹੁਲ ਦ੍ਰਵਿੜ (10) ਦੇ ਨਾਂਅ ਹੈ ਸੁਨੀਲ ਗਾਵਸਕਰ, ਸਚਿਨ ਤੇਂਦੁਲਕਰ ਅਤੇ ਵੀਵੀਐਸ ਲਕਸ਼ਮਣ ਨੇ ਵੀ ਇਹ ਰਿਕਾਰਡ 9 ਵਾਰ ਬਣਾਇਆ ਹੈ।

ਕੋਹਲੀ ਨੇ 12ਵੀਂ ਵਾਰ ਅਜਿਹਾ ਕੀਤਾ | Virat Kohli

ਕੋਹਲੀ ਨੇ ਟੈਸਟ ‘ਚ 12ਵੀਂ ਵਾਰ 200 ਜਾਂ 200 ਤੋਂ ਜ਼ਿਆਦਾ (97+103) ਦੌੜਾਂ ਬਣਾਈਆਂ ਇਸ ਮਾਮਲੇ ‘ਚ ਭਾਰਤੀ ਰਿਕਾਰਡ ਕੋਹਲੀ ਅਤੇ ਵਿਸ਼ਵ ਰਿਕਾਰਡ ਕੁਮਾਰ ਸੰਗਾਕਾਰਾ (17) ਦੇ ਨਾਂਅ ਦਰਜ ਹੈ। (Virat Kohli)

ਇੰਗਲੈਂਡ ਵਿਰੁੱਧ ਹਾਰ ਦੇ ਬਾਰਵਜ਼ੂਦ ਵਿਰਾਟ ਕੋਹਲੀ ਨੇ ਇੱਕ ਹੋਰ ਰਿਕਾਰਡ ਆਪਣੇ ਨਾਂਅ ਦਰਜ ਕਰ ਲਿਆ ਵਿਰਾਟ ਨੇ ਮੈਚ ਦੀ ਪਹਿਲੀ ਪਾਰੀ ‘ਚ 149 ਦੌੜਾਂ ਅਤੇ ਦੂਸਰੀ ਪਾਰੀ ‘ਚ 51 ਦੌੜਾਂ ਬਣਾਈਆਂ ਜਿਸ ਦੀ ਬਦੌਲਤ ਵਿਰਾਟ ਉਹਨਾਂ ਭਾਰਤੀ ਖਿਡਾਰੀਆਂ ਦੀ ਲਿਸਟ ‘ਚ ਸ਼ਾਮਲ ਹੋ ਗਏ ਹਨ ਜਦੋਂਕਿ ਟੀਮ ਦੇ ਕਿਸੇ ਇੱਕ ਹੀ ਖਿਡਾਰੀ ਨੇ ਮੈਚ ਦੀਆਂ ਦੋਵਾਂ ਪਾਰੀਆਂ ‘ਚ 50+ ਦਾ ਸਕੋਰ ਕੀਤਾ ਅਤੇ ਉਸਦੀ ਪੂਰੀ ਟੀਮ ਵਿੱਚੋਂ ਕੋਈ ਵੀ ਖਿਡਾਰੀ ਦੋਵਾਂ ਪਾਰੀਆਂ ‘ਚ ਹੀ 50 ਦੌੜਾਂ ਤੱਕ ਨਹੀਂ ਪਹੁੰਚ ਸਕਿਆ ਇਸ ਤੋਂ ਇਲਾਵਾ ਵਿਰਾਟ ਇੰਗਲੈਂਡ ‘ਚ ਇੱਕ ਟੈਸਟ ਮੈਚ ‘ਚ ਕਪਤਾਨ ਦੇ ਤੌਰ ‘ਤੇ ਜ਼ਿਆਦਾ ਦੌੜਾਂ ਬਣਾਉਣ ਦੇ ਮਾਮਲੇ ‘ਚ ਦੂਸਰੇ ਨੰਬਰ ‘ਤੇ ਪਹੁੰਚ ਗਏ ਹਨ। (Virat Kohli)

ਇੰਗਲੈਂਡ ‘ਚ ਕਪਤਾਨ ਦੇ ਤੌਰ ‘ਤੇ ਇੱਕ ਟੈਸਟ ‘ਚ ਦੌੜਾਂ | Virat Kohli

• 212 ਮੰਸੂਰ ਅਲੀ 64 ਅਤੇ 148 1967
• 200 ਵਿਰਾਟ ਕੋਹਲੀ 149 ਅਤੇ 51 2018
• 190 ਮੁੰ.ਅਜ਼ਹਰੂਦੀਨ 179 ਅਤੇ 11 1990
• 167 ਸੌਰਵ ਗਾਂਗੁਲੀ 68 ਅਤੇ 99

50+ ਦੋਵਾਂ ਪਾਰੀਆਂ ‘ਚ ਜਦੋਂ ਕੋਈ ਵੀ 50 ਤੱਕ ਨਾ ਪਹੁੰਚਿਆ | Virat Kohli

• ਦਿਲੀਪ ਵੇਂਗਸਰਕਰ 61 ਅਤੇ 102 ਨਾਬਾਦ ਵਿਰੁੱਧ ਇੰਗਲੈਂਡ 1986
• ਸਚਿਨ ਤੇਂਦੁਲਕਰ 116 ਅਤੇ 53 ਵਿਰੁਧ ਆਸਟਰੇਲੀਆ 1999
• ਸਚਿਨ ਤੇਂਦੁਲਕਰ 76 ਅਤੇ 65 ਬਨਾਮ ਆਸਟਰੇਲੀਆ 2001
• ਰਾਹੁਲ ਦ੍ਰਵਿੜ 81 ਅਤੇ 68 ਵਿਰੁੱਧ ਵੈਸਟਇੰਡੀਜ਼2006
• ਐਮਐਸ ਧੋਨੀ 77 ਅਤੇ 74 ਵਿਰੁੱਧ ਇੰਗਲੈਂਡ 2011
• ਵਿਰਾਟ ਕੋਹਲੀ 149 ਅਤੇ 51 ਵਿਰੁੱਧ ਇੰਗਲੈਂਡ 2018

ਵਿਰਾਟ, ਮੁਰਲੀ, ਪੁਜਾਰਾ ਤੇ ਇਸ਼ਾਂਤ ਹਨ ਰਿਕਾਰਡਾਂ ਦੇ ਕਰੀਬ | Cricket News

ਬਰਮਿੰਘਮ (ਏਜੰਸੀ)। ਵਿਰਾਟ ਕੋਹਲੀ ਦੀ ਕਪਤਾਨੀ ਵਾਲੀ ਭਾਰਤੀ ਟੀਮ ਬਰਮਿੰਘਮ ਦੇ ਅਜ਼ਬੈਸਟਨ ਮੈਦਾਨ ‘ਤੇ ਇੰਗਲੈਂਡ ‘ਚ ਆਪਣੀ ਟੈਸਟ ਮੁਹਿੰਮ ਸ਼ੁਰੂ ਕਰੇਗੀ ਭਾਰਤੀ ਟੀਮ ਨੂੰ ਪਿਛਲੀਆਂ ਲਗਾਤਾਰ ਦੋ ਟੈਸਟ ਲੜੀਆਂ ‘ਚ ਇੰਗਲੈਂਡ ਦੀ ਧਰਤੀ ‘ਤੇ ਕਰਾਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ ਸਾਲ 2014 ‘ਚ ਭਾਰਤ ਨੂੰ 1-3 ਨਾਲ ਮਾਤ ਝੱਲਣੀ ਪਈ ਸੀ ਜਦੋਂਕਿ 2011 ਦੇ ਦੌਰੇ ‘ਤੇ ਇੰਗਲੈਂਡ ਨੇ ਭਾਰਤ ਦਾ 4-0 ਨਾਲ ਸਫ਼ਾਇਆ ਕੀਤਾ ਸੀ ਆਖ਼ਰੀ ਵਾਰ ਭਾਰਤ ਨੂੰ ਸਾਲ 2007 ‘ਚ ਇੰਗਲੈਂਡ ਦੌਰੇ ‘ਤੇ ਰਾਹੁਲ ਦ੍ਰਵਿੜ ਦੀ ਕਪਤਾਨੀ ‘ਚ ਟੈਸਟ ਲੜੀ ‘ਚ ਜਿੱਤ ਨਸੀਬ ਹੋਈ ਸੀ ਮੌਜ਼ੂਦਾ ਟੀਮ  ਕੋਲ ਇਸ ਵਾਰ ਪੰਜ ਖਿਡਾਰੀ ਅਜਿਹੇ ਹਨ, ਜੋ ਉਸਦੀ ਜਿੱਤ ‘ਚ ਅਹਿਮ ਭੂਮਿਕਾ ਤਾਂ ਨਿਭਾਉਣਗੇ ਹੀ ਨਾਲ ਹੀ ਆਪਣੇ ਨਿੱਜੀ ਰਿਕਾਰਡ ‘ਚ ਕਈ ਪ੍ਰਾਪਤੀਆਂ ਵੀ ਜੋੜਨਗੇ।

ਕੋਹਲੀ 6000 ਟੈਸਟ ਦੌੜਾਂ ਤੋਂ 446 ਦੌੜਾਂ ਦੂਰ | Cricket News

ਭਾਰਤੀ ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਇੰਗਲੈਂਡ ਵਿਰੁੱਧ ਪੰਜ ਟੈਸਟ ਮੈਚਾਂ ਦੀ ਲੜੀ ‘ਚ ਖ਼ੁਦ ਨੂੰ ਸਾਬਤ ਕਰਨਾ ਚਾਹੁਣਗੇ ਅਤੇ ਪਿਛਲੇ ਇੰਗਲੈਂਡ ਦੌਰੇ ਦੀ ਨਾਕਾਮੀ ਨੂੰ ਭੁਲਾ ਕੇ ਟੈਸਟ ਕ੍ਰਿਕਟ ‘ਚ ਆਪਣੀਆਂ 6000 ਦੌੜਾਂ ਪੂਰੀਆਂ ਕਰਨੀਆਂ ਚਾਹੁਣਗੇ ਕੋਹਲੀ ਨੇ ਟੈਸਟ ਕ੍ਰਿਕਟ ‘ਚ ਹੁਣ ਤੱਕ 66 ਮੈਚਾਂ ਦੀਆਂ 112 ਪਾਰੀਆਂ ‘ਚ 53.40 ਦੀ ਔਸਤ ਨਾਲ 5554 ਦੌੜਾਂ ਬਣਾਈਆਂ ਅਤੇ ਉਸਦਾ ਉੱਚ ਸਕੋਰ 243 ਦੌੜਾਂ ਰਿਹਾ ਹੈ, ਪਰ ਇਸ 5 ਮੈਚਾਂ ਦੀ ਟੈਸਟ ਲੜੀ ‘ਚ ਕੋਹਲੀ ਜੇਕਰ 446 ਦੌੜਾਂ ਬਣਾ ਲੈਂਦੇ ਹਨ ਤਾਂ ਉਹ ਟੈਸਟ ਕ੍ਰਿਕਟ ‘ਚ 6000 ਦੌੜਾਂ ਬਣਾਉਣ ਵਾਲੇ 10ਵੇਂ ਭਾਰਤੀ ਬਣ ਜਾਣਗੇ।

ਪੁਜਾਰਾ ਦੀਆਂ ਨਜ਼ਰਾਂ 5000 ਦੌੜਾਂ ‘ਤੇ | Cricket News

ਭਾਰਤੀ ਟੀਮ ਦੇ ਮੱਧਕ੍ਰਮ ਦੇ ਬੱਲੇਬਾਜ਼ ਚੇਤੇਸ਼ਵਰ ਪੁਜਾਰਾ ਇਸ ਟੈਸਟ ਲੜੀ ‘ਚ 5000 ਦੌੜਾਂ ਪੂਰੀਆਂ ਕਰ ਸਕਦੇ ਹਨ ਨੰਬਰ 3 ‘ਤੇ ਭਾਰਤੀ ਟੀਮ ਲਈ ਕਾਫ਼ੀ ਅਹਿਮ ਭੂਮਿਕਾ ਨਿਭਾਉਣ ਵਾਲੇ ਪੁਜਾਰਾ ਨੇ ਟੈਸਟ ਕ੍ਰਿਕਟ ‘ਚ ਹੁਣ ਤੱਕ 58 ਮੈਚਾਂ ਦੀਆਂ 97 ਪਾਰੀਆਂ ‘ਚ 50.34 ਦੀ ਔਸਤ ਨਾਲ 4531 ਦੌੜਾਂ ਬਣਾਈਆਂ ਅਤੇ ਉਸਦਾ ਉੱਚ ਸਕੋਰ 206 ਦੌੜਾਂ ਰਿਹਾ ਹੈ ਇਸ ਲੜੀ ‘ਚ ਪੁਜਾਰਾ ਜੇਕਰ 469 ਦੌੜਾਂ ਬਣਾ ਲੈਂਦੇ ਹਨ ਤਾਂ ਉਹ ਟੈਸਟ ਕ੍ਰਿਕਟ ‘ਚ 5000 ਦੌੜਾਂ ਬਣਾਉਣ ਵਾਲੇ ਭਾਰਤ ਦੇ 12ਵੇਂ ਖਿਡਾਰੀ ਬਣ ਜਾਣਗੇ।

ਮੁਰਲੀ ਦੇ ਨਿਸ਼ਾਨੇ ‘ਤੇ 4000 | Cricket News

ਤਕਨੀਕ ਦੇ ਮਹਾਰਥੀ ਅਤੇ ਭਾਰਤੀ ਟਮ ਦੇ ਮਜ਼ਬੂਤ ਸਲਾਮੀ ਬੱਲੇਬਾਜ਼ ਮੁਰਲੀ ਵਿਜੇ ਦੇ ਨਿਸ਼ਾਨੇ ‘ਤੇ 4000 ਟੈਸਟ ਦੌੜਾਂ ਹੋਣਗੀਆਂ ਵਿਦੇਸ਼ੀ ਦੌਰਿਆਂ ‘ਤੇ ਭਾਰਤੀ ਟੀਮ ਨੂੰ ਮਜ਼ਬੂਤ ਸ਼ੁਰੂਆਤ ਦੇਣ ਵਾਲੇ ਵਿਜੇ ਨੇ ਟੈਸਟ ਕ੍ਰਿਕਟ ‘ਚ ਹੁਣ ਤੱਕ 57 ਮੈਚਾਂ ਦੀਆਂ 97 ਪਾਰੀਆਂ ‘ਚ 40.70 ਦੀ ਔਸਤ ਨਾਲ 3907 ਦੌੜਾਂ ਬਣਾਈਆਂ ਹਨ ਇਸ ਲੜੀ ‘ਚ ਵਿਜੇ ਜੇਕਰ 93 ਦੌੜਾਂ ਬਣਾ ਲੈਂਦੇ ਹਨ ਤਾਂ ਉਹ ਟੈਸਟ ਕ੍ਰਿਕਟ ‘ਚ 4000 ਦੌੜਾਂ ਬਣਾਉਣ ਵਾਲੇ 16ਵੇਂ ਭਾਰਤੀ ਬਣ ਜਾਣਗੇ।

ਇਸ਼ਾਂਤ ਕੋਲ 250 ਵਿਕਟਾਂ ਕਰਨ ਦਾ ਮੌਕਾ | Cricket News

ਭਾਰਤੀ ਟੀਮ ਦੇ ਤਜ਼ਰਬੇਕਾਰ ਤੇਜ਼ ਗੇਂਦਬਾਜ਼ ਇਸ਼ਾਂਤ ਸ਼ਰਮਾ ਕੋਲ ਇਸ ਟੈਸਟ ਲੜੀ ‘ਚ 250 ਟੈਸਟ ਵਿਕਟਾਂ ਤੱਕ ਪਹੁੰਚਣ ਦਾ ਮੌਕਾ ਹੈ ਇਸ਼ਾਂਤ ਨੇ ਹੁਣ ਤੱਕ 82 ਟੈਸਟ ਮੈਚਾਂ ਦੀਆਂ 146 ਪਾਰੀਆਂ ‘ਚ 238 ਵਿਕਟਾਂ ਝਟਕਾਈਆਂ ਹਨ 140 ਤੋਂ ਜ਼ਿਆਦਾ ਦੀ ਰਫ਼ਤਾਰ ਨਾਲ ਗੇਂਦਬਾਜ਼ੀ ਕਰਨ ਵਾਲੇ ਇਸ਼ਾਂਤ ਸ਼ਰਮਾ ਜੇਕਰ ਇਸ ਲੜੀ ‘ਚ 12 ਵਿਕਟਾਂ ਲੈਦੇ ਹਨ ਤਾਂ ਉਹ ਇਹ ਪ੍ਰਾਪਤੀ ਹਾਸਲ ਕਰ ਲੈਣਗੇ।

ਜਲਦ ਹੀ ਛੱਡੇਗੀ ‘ਪੀਕੇ’ ਤੇ ‘ਟਾਇਗਰ’ ਨੂੰ ਪਿੱਛੇ | Sanju Movie

ਮੁੰਬਈ (ਏਜੰਸੀ)। ਬਾਲੀਵੁੱਡ ਅਭਿਨੇਤਾ ਸੰਜੇ ਦੱਤ ਦੇ ਜੀਵਨ ‘ਤੇ ਆਧਾਰਿਤ ਫਿਲਮ ‘ਸੰਜੂ’ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਏ ਚਾਰ ਹਫਤੇ ਬੀਤ ਚੁੱਕੇ ਹਨ। ਇਹ ਫਿਲਮ ਘਰੇਲੂ ਬਾਕਸ ਆਫਿਸ ‘ਤੇ ਬਲਾਕਬਸਟਰ ਸਾਬਤ ਹੋ ਚੁੱਕੀ ਹੈ। ਤੁਹਾਨੂੰ ਦੱਸ ਦੇਈਏ ਫਿਲਮ ਨੇ ਪਹਿਲੇ ਹਫਤੇ 202.51 ਕਰੋਡ਼, ਦੂਜੇ ਹਫਤੇ 92.67 ਕਰੋਡ਼, ਤੀਜੇ ਹਫਤੇ 31.62 ਕਰੋਡ਼ ਅਤੇ ਚੌਥੇ ਹਫਤੇ 10.48 ਕਰੋਡ਼ ਦੀ ਕਮਾਈ ਕਰ ਲਈ ਹੈ।ਫਿਲਮ ਨੇ ਕੁੱਲ ਮਿਲਾ ਕੇ 28 ਦਿਨਾਂ ‘ਚ 337.28 ਕਰੋਡ਼ ਦਾ ਕਾਰੋਬਾਰ ਕਰ ਲਿਆ ਹੈ। (Sanju Movie)

ਟਰੇਡ ਐਨਾਲਿਸਟ ਤਰਣ ਆਦਰਸ਼ ਦੇ ਟਵੀਟ ਮੁਤਾਬਕ ‘ਸੰਜੂ’ ਬਹੁਤ ਜਲਦ ਹੀ ਬਾਕਸ ਆਫਿਸ ‘ਤੇ ‘ਟਾਈਗਰ ਜ਼ਿੰਦਾ ਹੈ’ ਅਤੇ ‘ਪੀ. ਕੇ.’ ਦੀ ਕਮਾਈ ਦਾ ਰਿਕਾਰਡ ਤੋਡ਼ਨ ਵਾਲੀ ਹੈ। ਰਣਬੀਰ ਦੀ ਇਸ ਫਿਲਮ ਨੂੰ ਭਾਰਤ ‘ਚ 4,000 ਸਕ੍ਰੀਨਜ਼ ਅਤੇ ਵਿਦੇਸ਼ਾਂ ‘ਚ 1,300 ਤੋਂ ਜ਼ਿਆਦਾ ਸਕ੍ਰੀਨਜ਼ ‘ਤੇ ਰਿਲੀਜ਼ ਕੀਤਾ ਗਿਆ ਹੈ। ਜ਼ਿਕਰਯੋਗ ਹੈ ਕਿ ‘ਸੰਜੂ’ ਦਾ ਨਿਰਦੇਸ਼ਨ ਰਾਜਕੁਮਾਰ ਹਿਰਾਨੀ ਨੇ ਕੀਤਾ ਹੈ।

ਇਸ ਫਿਲਮ ‘ਚ ਰਣਬੀਰ ਕਪੂਰ ਤੋਂ ਇਲਾਵਾ ਦੀਆ ਮਿਰਜ਼ਾ, ਅਨੁਸ਼ਕਾ ਸ਼ਰਮਾ, ਸੋਨਮ ਕਪੂਰ, ਵਿੱਕੀ ਕੌਸ਼ਲ ਅਤੇ ਪਰੇਸ਼ ਰਾਵਲ ਵਰਗੇ ਕਲਾਕਾਰ ਅਹਿਮ ਭੂਮਿਕਾ ‘ਚ ਹਨ। ਫਿਲਮ ‘ਚ ਸੰਜੇ ਦੱਤ ਦੀ ਪਤਨੀ ਦਾ ਕਿਰਦਾਰ ਦੀਆ ਮਿਰਜ਼ਾ ਨਿਭਾਅ ਰਹੀ ਹੈ, ਜਦਕਿ ਉਸਦੀ ਮਾਂ ਨਰਗਿਸ ਦੇ ਕਿਰਦਾਰ ‘ਚ ਮਨੀਸ਼ਾ ਕੋਇਰਾਲਾ ਨਜ਼ਰ ਆ ਰਹੀ ਹੈ। ਜਾਣਕਾਰੀ ਮੁਤਾਬਕ ਫਿਲਮ ਦਾ ਬਜਟ 80 ਕਰੋਡ਼ ਹੈ। ਇਸ ਤੋਂ ਇਲਾਵਾ ਹੁਣ ਇਹ ਉਮੀਦੇ ਕਰਦੇ ਹਾਂ ਕਿ ਫਿਲਮ ਆਉਣ ਵਾਲੇ ਦਿਨਾਂ ‘ਚ ਬਾਕਸ ਆਫਿਸ ‘ਤੇ ਚੰਗਾ ਕਾਰੋਬਾਰ ਕਰਨ ‘ਚ ਸਫਲ ਰਹੇਗੀ। (Sanju Movie)

4.18 ਕਰੋੜ ਤੋਂ ਵੀ ਜ਼ਿਆਦਾ ਪੌਦੇ ਲਗਵਾ ਚੁੱਕੇ ਹਨ ਡਾ. ਐਮਐੱਸਜੀ

• 15 ਅਗਸਤ 2009 ਤੋਂ ਸ਼ੁਰੂ ਹੋਈ ਸੀ ਪੌਦਾ ਲਾਓ ਮੁਹਿੰਮ ਦੀ ਸ਼ੁਰੂਆਤ
• ਪੌਦਿਆਂ ਦੀ ਲਗਾਤਾਰ ਸਾਂਭ-ਸੰਭਾਂਲ ਵੀ ਕਰਦੀ ਹੈ ਸਾਧ-ਸੰਗਤ

ਸਰਸਾ, (ਸੱਚ ਕਹੂੰ ਨਿਊਜ਼/ਸੰਦੀਪ ਕੰਬੋਜ਼)। ਧਰਤੀ ਸਜੀ ਰਹੇ ਦਰੱਖਤਾਂ ਨਾਲ, ਪੌਦਿਆਂ ਦੀ ਫੈਲੀ ਛਾਂ ਹੋਵੇ….ਵਾਤਾਵਰਣ ਸੁਰੱਖਿਆ ਦੇ ਇਸ ਸੰਦੇਸ਼ ਦੇ ਨਾਲ ਅੱਜ ਡੇਰਾ ਸੱਚਾ ਸੌਦਾ ਨੇ ਵਿਸ਼ਵ ਪੱਧਰ ‘ਤੇ ਪਛਾਣ ਬਣਾ ਲਈ ਹੈ। ਅੱਜ ਪੂਰੀ ਦੁਨੀਆ ਜਾਣ ਚੁੱਕੀ ਹੈ ਕਿ ਡੇਰਾ ਪ੍ਰੇਮੀ ਵਾਤਾਵਰਣ ਦੇ ਅਸਲੀ ਪੈਰੋਕਾਰ ਹਨ। ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਦੀ ਪਵਿੱਤਰ ਪ੍ਰੇਰਨਾ ਅਨੁਸਾਰ ਡੇਰਾ ਸੱਚਾ ਸੌਦਾ ਦੀ ਸਾਧ-ਸੰਗਤ ਭਾਵ ਇਨ੍ਹਾਂ ਵਾਤਾਵਰਨ ਪੈਰੋਕਾਰਾਂ ਨੇ ਦੇਸ਼ ਅਤੇ ਦੁਨੀਆ ਨੂੰ ਹਰਾ-ਭਰਾ ਕਰਨ ਦਾ ਬੀੜਾ ਚੁੱਕਿਆ ਹੈ। ਨਤੀਜੇ ਵਜੋਂ ਡੇਰਾ ਸੱਚਾ ਸੌਦਾ ਅੱਜ ਵਾਤਾਵਰਨ ਸੁਰੱਖਿਆ ਦੇ ਖੇਤਰ ‘ਚ ਇਤਿਹਾਸਕ ਮਿਸਾਲ ਕਾਇਮ ਕਰਕੇ ਦੁਨੀਆ ਲਈ ਪ੍ਰੇਰਨਾ ਸਰੋਤ ਬਣਿਆ ਹੈ।

ਇਹ ਵੀ ਪੜ੍ਹੋ : ਸਿੱਧੂ ਮੂਸੇ ਵਾਲਾ ਦੀ ਬਰਸੀ ਮੌਕੇ ਰੋਂਦੀ ਝੱਲੀ ਨਹੀਂ ਜਾ ਰਹੀ ਮਾਂ ਚਰਨ ਕੌਰ

ਸਾਲ 2009 ਤੋਂ ਸ਼ੁਰੂ ਹੋਏ ਪੌਦਾ ਲਾਓ ਮੁਹਿੰਮ ਦੇ ਸਫਰ ਤਹਿਤ ਹੁਣ ਤੱਕ ਡੇਰਾ ਸੱਚਾ ਸੌਦਾ ਦੇ ਵਾਤਾਵਰਨ ਪੈਰੋਕਾਰਾਂ ਵੱਲੋਂ ਹੁਣ ਤੱਕ 4 ਕਰੋੜ 18 ਲੱਖ 94 ਹਜ਼ਾਰ 527 ਪੌਦੇ ਲਾਏ ਜਾ ਚੁੱਕੇ ਹਨ ਅਤੇ ਉਨ੍ਹਾਂ ਦੀ ਸਾਰ-ਸੰਭਾਲ ਦਾ ਸਿਲਸਿਲਾ ਲਗਾਤਾਰ ਜਾਰੀ ਹੈ। ਵਾਤਾਵਰਨ ਸੁਰੱਖਿਆ ਮੁਹਿੰਮ ਤਹਿਤ ਦੁਨੀਆ ਭਰ ‘ਚ ਲਾਏ ਗਏ ਪੌਦੇ ਲਾਉਣ ‘ਚ ਹੁਣ ਤੱਕ ਚਾਰ ਵਿਸ਼ਵ ਰਿਕਾਰਡ ਵੀ ਡੇਰਾ ਸੱਚਾ ਸੌਦਾ ਦੇ ਨਾਂਅ ਹਨ। ਜਿਨ੍ਹਾਂ ‘ਚੋਂ ਇੱਕ ਦਿਨ ‘ਚ ਸਭ ਤੋਂ ਜ਼ਿਆਦਾ 15 ਅਗਸਤ 2009 ਨੂੰ ਸਿਰਫ ਇੱਕ ਘੰਟੇ ‘ਚ 9 ਲੱਖ 38 ਹਜ਼ਾਰ 7 ਪੌਦੇ ਲਾਉਣ ਲਈ ਦੂਜੇ ਰਿਕਾਰਡ ‘ਚ 15 ਅਗਸਤ 2009 ਨੂੰ 8 ਘੰਟਿਆਂ ‘ਚ 68 ਲੱਖ 73 ਹਜ਼ਾਰ 451 ਪੌਦੇ ਲਾਉਣ ਲਈ, ਤੀਜਾ ਰਿਕਾਰਡ 15 ਅਗਸਤ 2011 ਨੂੰ ਸਿਰਫ ਇੱਕ ਘੰਟੇ ‘ਚ ਸਾਧ-ਸੰਗਤ ਵੱਲੋਂ 19,45,535 ਪੌਦੇ ਲਾ ਕੇ ਬਣਾਇਆ ਅਤੇ ਚੌਥਾ ਰਿਕਾਰਡ 15 ਅਗਸਤ 2012 ਨੂੰ ਸਿਰਫ 1 ਘੰਟੇ ‘ਚ ਸਾਧ-ਸੰਗਤ ਨੇ 20 ਲੱਖ 39 ਹਜ਼ਾਰ 747 ਪੌਦੇ ਲਾ ਕੇ ਬਣਾਇਆ।

ਜ਼ਿਕਰਯੋਗ ਹੈ ਕਿ ਡੇਰਾ ਪ੍ਰੇਮੀ ਹਰ ਸਾਲ ਆਪਣੇ ਪਿਆਰੇ ਮੁਰਸ਼ਿਦ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਦੇ ਪਵਿੱਤਰ ਅਵਤਾਰ ਦਿਵਸ ਅਤੇ ਸਵਤੰਤਰਾ ਦਿਵਸ 15 ਅਗਸਤ ਮੌਕੇ ਦੇਸ਼ ਅਤੇ ਦੁਨੀਆ ਭਰ ‘ਚ ਪੌਦੇ ਲਾਉਂਦੇ ਹਨ। ਸਿਰਫ ਪੌਦੇ ਲਾਉਂਦੇ ਹੀ ਨਹੀਂ ਸਗੋਂ ਉਹ ਹੁਣ ਤੱਕ ਉਨ੍ਹਾਂ ਦੀ ਲਗਾਤਾਰ ਸਾਰ-ਸੰਭਾਲ ਕਰਦੇ ਆ ਰਹੇ ਹਨ ਜਦੋਂਕਿ ਉਹ ਵੱਡੇ ਨਹੀਂ ਹੋ ਜਾਂਦੇ। ਇਸ ਤੋਂ ਇਲਾਵਾ ਸਾਧ-ਸੰਗਤ ਆਪਣੇ-ਆਪਣੇ ਬਲਾਕਾਂ ‘ਚ ਵੱਖ-ਵੱਖ ਮੌਕਿਆਂ ‘ਤੇ ਸਾਲ ਭਰ ਪੌਦੇ ਲਾਉਂਦੀ ਰਹਿੰਦੀ ਹੈ। ‘ਵਾਤਾਵਰਨ ਨਾਲ ਅਸੀਂ ਹਾਂ’…. ਵਾਤਾਵਰਨ ਦੇ ਇਨ੍ਹਾਂ ਅਸਲ ਪੈਰੋਕਾਰਾਂ ਨੇ ਇਹ ਦੁਨੀਆ ਨੂੰ ਦੱਸ ਦਿੱਤਾ ਹੈ। ਵਾਤਾਵਰਣ ਦੇ ਅਜਿਹੇ ਕਮਰਠ ਪਹਿਰੇਦਾਰਾਂ ਦੇ ਜਜਬੇ ਨੂੰ ਸਲਾਮ।