ਸੱਚ ਕਹੂੰ ਨਿਊਜ਼/ਸਰਸਾ। ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਫ਼ਰਮਾਉਂਦੇ ਹਨ ਕਿ ਉਸ ਪ੍ਰਭੂ, ਪਰਮਾਤਮਾ, ਮਾਲਕ ਨੂੰ ਆਪਣਾ ਸਾਥੀ ਬਣਾਉਣਾ ਹੈ ਤਾਂ ਇਹ ਜ਼ਰੂਰੀ ਹੈ ਕਿ ਇਨਸਾਨ ਨੇਕੀ-ਭਲਾਈ ਦੇ ਰਾਹ ‘ਤੇ ਚੱਲੇ, ਅਤੇ ਉਸ ਪਰਮ ਪਿਤਾ ਪਰਮਾਤਮਾ ਦਾ ਨਾਮ ਜਪੇ ਪੂਜਨੀਕ ਗੁਰੂ ਜੀ ਫ਼ਰਮਾਉਂਦੇ ਹਨ ਕਿ ਤੜਫ਼ ਕੇ ਉਸ ਅੱਲ੍ਹਾ, ਮਾਲਕ ਨੂੰ ਆਪਣਾ ਬਣਾ ਲਓ ਅਤੇ ਇੱਕ ਵਾਰ ਜਦੋਂ ਉਹ ਤੁਹਾਡਾ ਹੋ ਗਿਆ ਤਾਂ ਕਦੇ ਵੀ ਉਹ ਵਿਛੋੜਾ ਨਹੀਂ ਦਿੰਦਾ ਇਸ ਲਈ ਤੁਸੀਂ ਅਜਿਹਾ ਸਾਥੀ ਬਣਾਓ ਜੋ ਪੱਕਾ ਹੋਵੇ ਜਿਸ ਨੂੰ ਤੁਸੀਂ ਸਾਥੀ ਸਮਝ ਬੈਠਦੇ ਹੋ ਉਸ ਬਾਰੇ ਤਾਂ ਰੱਬ ਜਾਣਦਾ ਹੈ ਕਿ ਕਿਸ ਨੂੰ, ਕਿੰਨੇ ਸਾਹ ਦਿੱਤੇ ਹਨ ਇਸ ਲਈ ਉਸ ਨੂੰ ਸਾਥੀ ਬਣਾਓ ਜੋ ਸਾਹ ਦਿੰਦਾ ਹੈ ਜਦੋਂ ਉਹ ਤੁਹਾਡਾ ਆਪਣਾ ਹੋ  ਜਾਵੇਗਾ ਤਾਂ ਤੁਸੀਂ ਦੁਨੀਆ ‘ਚ ਬਹਾਰ ਵਾਂਗ ਆਪਣੀ ਜ਼ਿੰਦਗੀ ਗੁਜ਼ਾਰ ਸਕੋਗੇ, ਨਹੀਂ ਤਾਂ ਪਤਝੜ ਦਾ ਮੌਸਮ ਆ ਜਾਂਦਾ ਹੈ।

ਪੂਜਨੀਕ ਗੁਰੂ ਜੀ ਫ਼ਰਮਾਉਂਦੇ ਹਨ ਕਿ ਦੁਨੀਆ ਦੇ ਪਿਆਰ ਦੀ ਸ਼ੁਰੂਆਤ ਸਵਾਰਥ ਨਾਲ ਹੁੰਦੀ ਹੈ ਦੁਨੀਆਦਾਰੀ ‘ਚ ਲੋਕ ਗੁੰਮ ਹੋ ਜਾਂਦੇ ਹਨ ਅਤੇ ਅੱਲ੍ਹਾ, ਮਾਲਕ, ਰਾਮ, ਦੇ  ਕਾਇਦੇ-ਕਾਨੂੰਨ ਸਭ ਭੁੱਲ ਜਾਂਦੇ ਹਨ ਅਜਿਹਾ ਨਹੀਂ ਕਰਨਾ ਚਾਹੀਦਾ, ਕਿਉਂਕਿ ਜਦੋਂ ਉਸ ਰਾਮ ਦੀ ਮਾਰ ਪੈਂਦੀ ਹੈ ਤਾਂ ਆਦਮੀ ਨੂੰ ਕੋਈ ਰਾਹ ਨਜ਼ਰ ਨਹੀਂ ਆਉਂਦਾ ਇਸ ਲਈ ਸੇਵਾ-ਸਿਮਰਨ ਕਰੋ, ਭਗਤੀ ਦੀ ਚਾਹ ਕਰੋ ਉਸ ਤੋਂ ਸਭ ਕੁਝ ਮੰਗੋ ਅਤੇ ਉਹ ਦੇਵੇਗਾ, ਅੰਦਰੋਂ-ਬਾਹਰੋਂ ਮਾਲਾਮਾਲ ਕਰ ਦੇਵੇਗਾ ਇਸ ਲਈ ਉਸ ਪਰਮ ਪਿਤਾ ਪਰਮਾਤਮਾ ਤੋਂ ਕਦੇ ਵੀ ਮੂੰਹ ਨਾ ਮੋੜੋ ਮਾਲਕ ਦਾ ਸਿਮਰਨ, ਭਗਤੀ-ਇਬਾਦਤ ਕਰਦੇ ਰਹੋ ਤਾਂ ਅੰਦਰੋਂ-ਬਾਹਰੋਂ ਮਾਲਾ-ਮਾਲ ਹੋ ਜਾਓਗੇ ਪੂਜਨੀਕ ਗੁਰੂ ਜੀ ਫ਼ਰਮਾਉਂਦੇ ਹਨ ਕਿ ਤੁਸੀਂ ਆਪਣੀ ਮਰਜ਼ੀ ਨਾਲ ਜਿਉਂਦੇ ਹੋ, ਸੰਤਾਂ ਨੂੰ ਉਸ ਤੋਂ ਕੁਝ ਲੈਣਾ-ਦੇਣਾ ਨਹੀਂ ਹੈ ਬੱਸ, ਬੁਰਾਈ ਨਾ ਕਰੋ, ਬੁਰੇ ਕਰਮ ਨਾ ਕਰੋ ਕਿਉਂਕਿ ਜਦੋਂ ਬੁਰਾਈ ਦਾ ਲੇਖਾ-ਜੋਖਾ ਹੋਵੇਗਾ ਤਾਂ ਤੁਹਾਨੂੰ ਪਛਤਾਵਾ ਹੋਵੇਗਾ।

ਤੁਸੀਂ ਤੜਫੋਗੇ ਅਤੇ ਦੋਸ਼ ਸੰਤਾਂ ਨੂੰ ਦਿਓਗੇ ਆਪਣੇ ਆਪ ਨੂੰ ਕੋਈ ਦੋਸ਼ ਨਹੀਂ ਦਿੰਦਾ ਅਤੇ ਸੰਤਾਂ ਨੂੰ ਦੋਸ਼ ਦੇਣ ‘ਚ ਦੇਰ ਨਹੀਂ ਲੱਗਦੀ ਸੰਤ ਜਦੋਂ ਪਿਆਰ ਨਾਲ, ਹੱਥ ਜੋੜ-ਜੋੜ ਕੇ ਸਮਝਾਉਂਦੇ ਹਨ ਕਿ ਮੰਨ ਜਾਓ, ਬੁਰੇ ਕਰਮ ਨਾ ਕਰੋ ਤਦ ਤਾਂ ਸੰਤਾਂ ਦਾ ਮਜ਼ਾਕ ਉਡਾਉਂਦੇ ਹੋ ਅਤੇ ਜਦੋਂ ਕਰਮਾਂ ਦੀ ਮਾਰ ਪੈਂਦੀ ਹੈ ਤਾਂ ਸੰਤਾਂ ਨੂੰ ਕਿਉਂ ਦੋਸ਼ ਦਿੰਦੇ ਹੋ? ਇਸ ਲਈ ਮਾੜੇ ਕਰਮਾਂ ਤੋਂ ਬਚ ਜਾਓ ਆਪ ਜੀ ਫ਼ਰਮਾਉਂਦੇ ਹਨ ਕਿ ਇਹ ਧਰਤੀ ਕਰਮ ਭੂਮੀ ਹੈ ਇੱਥੇ ਜਿਹੋ ਜਿਹੇ ਕਰਮ ਕਰੋਗੇ ਤਾਂ ਇੱਕ ਦਿਨ ਲੈਣੇ ਦਾ ਦੇਣਾ ਤਾਂ ਜ਼ਰੂਰ  ਪਵੇਗਾ ਸਮਾਂ ਅੱਗੇ-ਪਿੱਛੇ ਹੋ ਸਕਦਾ ਹੈ ਪਰ ਇਹ ਨਾ ਸੋਚੋ ਕਿ ਬਚ ਜਾਓਗੇ।

ਇਸ ਲਈ ਮਾੜੇ ਕਰਮਾਂ ਨੂੰ ਛੱਡ ਦਿਓ ਆਪਣੀ ਜ਼ਿੰਦਗੀ ਨੂੰ ਜਿਸ ਤਰ੍ਹਾਂ ਜਿਉਣਾ ਹੈ ਜੀਓ ਪਰ ਮਾੜੇ ਕਰਮ ਨਾ ਕਰੋ ਸਿਮਰਨ ਕਰ ਲਓ ਚੰਗਾ ਹੈ, ਨਹੀਂ ਤਾਂ ਜ਼ਿੰਦਗੀ ਤੁਹਾਡੀ ਹੈ ਕਿਉਂਕਿ ਕਰਮ ਤੁਹਾਡੇ, ਭੋਗਣੇ ਵੀ ਤੁਸੀਂ ਹੀ ਹਨ ਸੰਤਾਂ ਨੇ ਤਾਂ ਆਵਾਜ਼ ਦਿੰਦੇ ਰਹਿਣਾ ਹੈ ਕਿ ਭਾਈ ਜਾਗ ਜਾਓ, ਸਿਮਰਨ ‘ਚ ਲੱਗ ਜਾਓ ਹੰਕਾਰ ‘ਚ ਕੁਝ ਨਹੀਂ ਰੱਖਿਆ ਸੰਤਾਂ ਦਾ ਕੰਮ ਤਾਂ ਸਮਝਾਉਣਾ ਹੈ ਬਾਕੀ ਤੁਹਾਡੀ ਮਰਜ਼ੀ ਹੈ ਹੁਣ ਜੋ ਹੋ ਗਿਆ ਸੋ ਹੋ ਗਿਆ ਜੇਕਰ ਤੁਹਾਨੂੰ ਲੱਗਦਾ ਹੈ ਕਿ ਤੁਹਾਡੇ ਤੋਂ ਕੁਝ ਅਜਿਹਾ (ਗਲਤ) ਹੋ ਗਿਆ ਤਾਂ ਉਸਦਾ ਸੱਚਾ ਪਛਤਾਵਾ ਇਹੀ ਹੈ ਕਿ ਲਗਾਤਾਰ ਸਿਮਰਨ ਕਰੋ ਉਸ ਮਾਲਕ ਦਾ ਸ਼ੁਕਰਾਨਾ ਕਰਨਾ ਨਾ ਛੱਡੋ ਉਹ ਤੁਹਾਡੇ ਪਾਪ-ਗੁਨਾਹਾਂ ਨੂੰ ਮੁਆਫ਼ ਕਰ ਦੇਵੇਗਾ ਅਤੇ ਫਿਰ ਤੋਂ ਤੁਹਾਨੂੰ ਆਪਣਾ ਪਿਆਰਾ, ਅਜ਼ੀਜ਼ ਬਣਾ ਲਵੇਗਾ

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਚੋਣ ਕਮਿਸ਼ਨ ਜਾਂ ਸਰਕਾਰ ਵੱਲੋਂ ਨਹੀਂ ਕੀਤਾ ਗਿਆ ਮੁਲਾਜ਼ਮਾਂ ਦੀ ਵੋਟ ਦਾ ਪ੍ਰਬੰਧ

ਪਟਿਆਲਾ,  ਪੰਚਾਇਤੀ ਚੋਣਾਂ ਸਬੰਧੀ ਪੰਜਾਬ ਦੇ ਪਿੰਡਾਂ ਅੰਦਰ ਲੋਕਾਂ ਦੀਆਂ ਵੋਟਾਂ ਭੁਗਤਾਉਣ ਵਾਲਾ ਚੋਣ ਅਮਲਾ ਖੁਦ ਆਪਣੀ ਵੋਟ ਪਾਉਣ ਤੋਂ ਵਾਂਝਾ ਰਹੇਗਾ। ਚੋਣ ਕਮਿਸ਼ਨ ਜਾਂ ਜ਼ਿਲ੍ਹਾ ਪ੍ਰਸ਼ਾਸਨ ਵੱਲੋਂ ਇਸ ਸਬੰਧੀ ਇਨ੍ਹਾਂ ਮੁਲਾਜ਼ਮਾਂ ਦੀਆਂ ਵੋਟਾਂ ਪਵਾਉਣ ਸਬੰਧੀ ਕੋਈ ਪ੍ਰਬੰਧ ਨਹੀਂ ਕੀਤਾ ਗਿਆ, ਜਿਸ ਕਾਰਨ ਮੁਲਾਜ਼ਮ ਅਮਲੇ ਵਿੱਚ ਸਰਕਾਰ ਖਿਲਾਫ਼ ਰੋਸ ਪਾਇਆ ਜਾ ਰਿਹਾ ਹੈ। ਇੱਧਰ ਪੰਜਾਬ ਸਟੂਡੈਂਟ ਵੈਲਫੇਅਰ ਐਸੋਸੀਏਸ਼ਨ ਵੱਲੋਂ ਇਨ੍ਹਾਂ ਸਰਕਾਰੀ ਮੁਲਾਜ਼ਮਾਂ ਦੇ ਵੋਟ ਪਾਉਣ ਵਾਲੇ ਲੋਕਤੰਤਰੀ ਹੱਕ ਨੂੰ ਖੋਹੇ ਜਾਣ ਸਬੰਧੀ ਮੁੱਖ ਮੰਤਰੀ ਨੂੰ ਪੱਤਰ ਭੇਜ ਕੇ ਇਨ੍ਹਾਂ ਦੇ ਵੋਟ ਪਾਉਣ ਦੇ ਅਧਿਕਾਰ ਦੀ ਮੰਗ ਕੀਤੀ ਗਈ ਹੈ।
ਜਾਣਕਾਰੀ ਅਨੁਸਾਰ ਸੂਬੇ ਅੰਦਰ ਪੰਚਾਇਤੀ ਚੋਣਾਂ ਲਈ ਹਜ਼ਾਰਾਂ ਦੀ ਗਿਣਤੀ ਵਿੱਚ ਸਰਕਾਰੀ ਮੁਲਾਜ਼ਮਾਂ ਦੀਆਂ ਡਿਊਟੀਆਂ ਲੱਗੀਆਂ ਹੋਈਆਂ ਹਨ। ਇਹ ਡਿਊਟੀਆਂ ਵਾਲੇ ਜਿਆਦਾਤਰ ਮੁਲਾਜ਼ਮ ਪਿੰਡਾਂ ਦੇ ਵੋਟਰ ਵੀ ਹਨ। ਇਨ੍ਹਾਂ ਮੁਲਾਜ਼ਮਾਂ ਦੇ ਕਈ ਆਪਣੇ ਨੇੜਲੇ ਵੀ ਪਿੰਡਾਂ ਦੀ ਪੰਚਾਇਤੀ ਚੋਣ ਵਿੱਚ ਉਮੀਦਵਾਰ ਹਨ, ਪਰ ਇਹ ਮੁਲਾਜ਼ਮ ਆਪਣੇ ਹੀ ਉਮੀਦਵਾਰ ਨੂੰ ਵੋਟ ਨਹੀਂ ਪਾ ਸਕਣਗੇ। ਪੰਜਾਬ ਦੇ ਵੱਡੀ ਗਿਣਤੀ ਪਿੰਡਾਂ ਅੰਦਰ ਸਿਰ-ਧੜ੍ਹ ਦੀ ਬਾਜ਼ੀ ਲੱਗੀ ਹੋਈ ਹੈ ਅਤੇ ਇੱਥੇ ਸਰਪੰਚੀ ਜਾਂ ਪੰਚੀ ਸਬੰਧੀ ਫ਼ਸਵੇਂ ਮੁਕਾਬਲੇ ਹਨ। ਇੱਕ ਅੰਦਾਜੇ ਮੁਤਾਬਕ ਡੇਢ ਲੱਖ ਤੋਂ ਵੱਧ ਮੁਲਾਜ਼ਮ ਡਿਊਟੀਆਂ ਕਾਰਨ ਆਪਣੀ ਵੋਟ ਦਾ ਭੁਗਤਾਨ ਨਹੀਂ ਕਰ ਸਕਣਗੇ, ਜਿਸ ਕਾਰਨ ਇਨ੍ਹਾਂ ਸਰਕਾਰੀ ਮੁਲਾਜ਼ਮਾਂ ਵਿੱਚ ਸਰਕਾਰ ਦੇ ਮਾੜੇ ਪ੍ਰਬੰਧ ਦਾ ਰੋਸ ਪਾਇਆ ਜਾ ਰਿਹਾ ਹੈ। ਇਨ੍ਹਾਂ ਮੁਲਾਜ਼ਮਾਂ ਦਾ ਆਖਣਾ ਹੈ ਕਿ ਉਹ ਸਿਰਫ਼ ਲੋਕਾਂ ਦੀਆਂ ਵੋਟਾਂ ਪਵਾਉਣ ਲਈ ਹੀ ਹਨ, ਕੀ ਉਹ ਆਪਣੀ ਵੋਟ ਦੇ ਅਧਿਕਾਰ ਦੀ ਵਰਤੋਂ ਨਹੀਂ ਕਰ ਸਕਦੇ। ਇੱਕ ਮੁਲਾਜ਼ਮ ਨੇ ਦੱਸਿਆ ਕਿ ਉਨ੍ਹਾਂ ਨੇ ਜ਼ਿਲ੍ਹੇ ਦੇ ਡਿਪਟੀ ਕਮਿਸ਼ਨਰ ਸਮੇਤ ਐਸਡੀਐਮ ਨੂੰ ਆਪਣੀ ਵੋਟ ਪਾਉਣ ਦੇ ਪ੍ਰਬੰਧ ਕਰਨ ਦੀ ਬੇਨਤੀ ਕੀਤੀ ਗਈ ਸੀ, ਪਰ ਉਨ੍ਹਾਂ ਵੱਲੋਂ ਕੋਈ ਗੱਲ ਨਹੀਂ ਸੁਣ ਗਈ।
ਇੱਧਰ ਸਰਕਾਰੀ ਕਰਮਚਾਰੀਆਂ ਦੇ ਵੋਟ ਖੋਹਣ ਦੇ ਅਧਿਕਾਰ ਸਬੰਧੀ ਪੰਜਾਬ ਸਟੂਡੈਂਟ ਵੈਲਫੇਅਰ ਐਸੋਸੀਏਸਨ ਦੇ ਪ੍ਰਧਾਨ ਕੁਲਵਿੰਦਰ ਸਿੰਘ ਵੱਲੋਂ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੂੰ ਪੱਤਰ ਭੇਜ ਕੇ ਕਿਹਾ ਗਿਆ ਹੈ ਕਿ ਸਰਕਾਰੀ ਮੁਲਾਜ਼ਮ ਜਾਂ ਅਧਿਕਾਰੀ, ਜਿਨ੍ਹਾਂ ਵਿੱਚ ਬੀਐਲਓ, ਰਿਟਰਨਿੰਗ ਅਫ਼ਸਰ ਜੋ ਚੋਣ ਪ੍ਰਕਿਰਿਆ ਤਾਂ ਪੂਰੀ ਕਰਵਾਉਣ ਜਾ ਰਹੇ ਹਨ, ਪਰ ਖੁਦ ਆਪਣੇ ਵੋਟ ਦੇ ਹੱਕ ਤੋਂ ਵਾਂਝੇ ਰਹਿ ਰਹੇ ਹਨ। ਉਨ੍ਹਾਂ ਪੱਤਰ ਵਿੱਚ ਲਿਖਿਆ ਹੈ ਕਿ ਇਨ੍ਹਾਂ ਦੇ ਵੋਟ ਦਾ ਹੱਕ ਖੋਹਣਾ ਸਿੱਧਾ ਪੰਜਾਬ ਸਰਕਾਰ ਵੱਲੋਂ ਆਪਣੀਆਂ ਜਿੰਮੇਵਾਰੀਆਂ ਤੋਂ ਭੱਜਣਾ ਹੈ। ਉਨ੍ਹਾਂ ਮੰਗ ਕਰਦਿਆ ਕਿਹਾ ਕਿ ਇਨ੍ਹਾਂ ਕਰਮਚਾਰੀਆਂ ਨੂੰ ਤੁਰੰਤ ਵੋਟ ਦਾ ਹੱਕ ਦਿੱਤਾ ਜਾਵੇ। ਉਨ੍ਹਾਂ ਕਿਹਾ ਕਿ ਜੇਕਰ ਅਜਿਹਾ ਨਹੀਂ ਕੀਤਾ ਜਾਂਦਾ ਤਾਂ ਇਸ ਮਾਮਲੇ ਸਬੰਧੀ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਦਾ ਦਰਵਾਜਾ ਖੜਕਾਉਣਗੇ।
ਇਸ ਮਾਮਲੇ ਸਬੰਧੀ ਜਦੋਂ ਪੰਜਾਬ ਦੇ ਚੋਣ ਅਧਿਕਾਰੀ ਨਾਲ ਸੰਪਰਕ ਕੀਤਾ ਗਿਆ ਤਾ ਉਨ੍ਹਾਂ ਨਾਲ ਸੰਪਰਕ ਨਹੀਂ ਹੋ ਸਕਿਆ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਮੰਗਲਵਾਰ ਨੂੰ ਹੋ ਸਕਦੈ ਐੱਚ. ਐੱਸ. ਫੂਲਕਾ ਦਾ ਅਸਤੀਫ਼ਾ ਮਨਜ਼ੂਰ, ਸਪੀਕਰ ਕੋਲ ਪੇਸ਼ ਹੋਣਗੇ ਫੂਲਕਾ

ਚੰਡੀਗੜ੍ਹ । ਕਾਂਗਰਸ ਦੇ ਮੰਤਰੀਆਂ ਦੇ ਅਸਤੀਫ਼ੇ ਮੰਗਣ ਵਾਲੇ ਦਾਖ਼ਾ ਤੋਂ ਵਿਧਾਇਕ ਐੱਚ. ਐੱਸ. ਫੂਲਕਾ ਜਲਦ ਹੀ ਸਾਬਕਾ ਵਿਧਾਇਕ ਹੋਣ ਜਾ ਰਹੇ ਹਨ, ਕਿਉਂਕਿ ਉਮੀਦ ਲਗਾਈ ਜਾ ਰਹੀ ਹੈ ਕਿ ਫੁਲਕਾ ਦਾ ਅਸਤੀਫ਼ਾ 11 ਅਕਤੂਬਰ ਭਲਕੇ ਮਨਜ਼ੂਰ ਹੋ ਸਕਦਾ ਹੈ। ਐੱਚ. ਐੱਸ. ਫੁਲਕਾ ਖ਼ੁਦ ਸਪੀਕਰ ਕੋਲ ਪੇਸ਼ ਹੁੰਦੇ ਹੋਏ ਆਪਣਾ ਅਸਤੀਫ਼ਾ ਮਨਜ਼ੂਰ ਕਰਨ ਲਈ ਕਹਿਣ ਲਈ ਆ ਰਹੇ ਹਨ, ਜਿੱਥੇ ਕਿ ਵਿਧਾਨ ਸਭਾ ਸਕੱਤਰੇਤ ਅਨੁਸਾਰ ਜੇਕਰ ਫੂਲਕਾ ਨੂੰ ਅਸਤੀਫ਼ਾ ਮੁੜ ਤੋਂ ਦੋਬਾਰਾ ਸਿਰਫ਼ ਦੋ ਲਾਈਨਾਂ ਵਿੱਚ ਲਿਖ ਕੇ ਦੇਣਾ ਵੀ ਪਿਆ ਤਾਂ ਉਹ ਮੌਕੇ ‘ਤੇ ਦਿੰਦੇ ਹੋਏ ਆਪਣਾ ਅਸਤੀਫ਼ਾ ਮਨਜ਼ੂਰ ਕਰਵਾਉਣਗੇ। ਐੱਚ. ਐੱਸ. ਫੁਲਕਾ ਵੱਲੋਂ ਮਿਲਣ ਲਈ ਸਮਾਂ ਮੰਗਣ ਤੋਂ ਬਾਅਦ ਸਪੀਕਰ ਰਾਣਾ ਕੇ. ਪੀ. ਸਿੰਘ ਨੇ ਮੰਗਲਵਾਰ ਨੂੰ ਸਵੇਰੇ 10 ਵਜੇ ਦਾ ਸਮਾਂ ਦਿੱਤਾ ਹੈ। ਜਿੱਥੇ ਕਿ ਸਥਿਤੀ ਸਪੱਸ਼ਟ ਹੋ ਜਾਏਗੀ ਕਿ ਉਹ ਵਿਧਾਇਕ ਰਹਿਣਗੇ ਜਾਂ ਫਿਰ ਸਾਬਕਾ ਵਿਧਾਇਕ ਹੋ ਜਾਣਗੇ।   ਜਾਣਕਾਰੀ ਅਨੁਸਾਰ ਪੰਜਾਬ ਵਿੱਚ ਬੇਅਦਬੀ ਦੇ ਮਾਮਲੇ ਨੂੰ ਲੈ ਕੇ ਐੱਚ. ਐੱਸ. ਫੂਲਕਾ ਨੇ ਆਪਣਾ ਅਸਤੀਫ਼ਾ 12 ਅਕਤੂਬਰ ਨੂੰ ਭੇਜ ਕੇ ਮਨਜ਼ੂਰ ਕਰਨ ਦੀ ਦਰਖ਼ਾਸਤ ਲਗਾਈ ਸੀ ਪਰ ਐੱਚ. ਐੱਸ. ਫੂਲਕਾ ਦੇ ਲੰਮੇ ਚੌੜੇ ਅਸਤੀਫ਼ੇ ਪਿੱਛੇ ਸਿਆਸੀ ਲਾਹਾ ਲੈਣ ਦੀ ਕੋਸ਼ਿਸ਼ ਨੂੰ ਸਮਝਦੇ ਹੋਏ ਸਪੀਕਰ ਰਾਣਾ ਕੇ.ਪੀ. ਸਿੰਘ ਵੱਲੋਂ ਇਸ ਨੂੰ ਮਨਜ਼ੂਰ ਕਰਨ ਦੀ ਬਜਾਇ ਇਸ ਨੂੰ ਵਿਚਾਰ ਚਰਚਾ ਤੇ ਘੋਖਣ ਲਈ ਰੋਕਿਆ ਹੋਇਆ ਹੈ। ਇਸੇ ਹਫ਼ਤੇ ਸ਼ੁਰੂ ਹੋ ਰਹੇ ਵਿਧਾਨ ਸਭਾ ਸੈਸ਼ਨ ਨੂੰ ਦੇਖਦੇ ਹੋਏ ਐੱਚ. ਐੱਸ. ਫੂਲਕਾ ਨੇ ਮੁੜ ਤੋਂ ਆਪਣਾ ਅਸਤੀਫ਼ਾ ਮਨਜ਼ੂਰ ਕਰਨ ਲਈ ਗੁਹਾਰ ਲਗਾਈ ਹੈ। ਇਸ ਲਈ ਫੂਲਕਾ ਵੱਲੋਂ ਸਪੀਕਰ ਰਾਣਾ ਕੇ.ਪੀ. ਸਿੰਘ ਤੋਂ ਮਿਲਣ ਲਈ ਸਮਾਂ ਮੰਗਿਆ ਗਿਆ ਸੀ, ਜਿਹੜਾ ਕਿ ਮੰਗਲਵਾਰ ਨੂੰ ਸਵੇਰੇ 10 ਵਜੇ ਦਾ ਤੈਅ ਹੋਇਆ ਹੈ। ਐੱਚ. ਐੱਸ. ਫੂਲਕਾ ਮੰਗਲਵਾਰ ਨੂੰ ਪੇਸ਼ ਹੁੰਦੇ ਹੋਏ ਨਾ ਸਿਰਫ਼ ਸਪੀਕਰ ਰਾਣਾ ਕੇ.ਪੀ. ਸਿੰਘ ਨੂੰ ਅਸਤੀਫ਼ਾ ਮਨਜ਼ੂਰ ਕਰਨ ਲਈ ਕਹਿਣਗੇ, ਸਗੋਂ ਜੇਕਰ ਸਪੀਕਰ ਵੱਲੋਂ ਉਸ ਅਸਤੀਫ਼ੇ ਦੀ ਥਾਂ ‘ਤੇ ਸਿਰਫ਼ ਦੋ ਲਾਈਨਾਂ ਵਿੱਚ ਅਸਤੀਫ਼ਾ ਲਿਖ ਕੇ ਦੇਣ ਲਈ ਕਿਹਾ ਤਾਂ ਉਹ ਆਪਣਾ ਅਸਤੀਫ਼ਾ ਮੁੜ ਤੋਂ 2 ਸਤਰਾਂ ‘ਚ ਹੀ ਲਿਖ ਕੇ ਦੇ ਦੇਣਗੇ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਅਭਿਆਸ ਮੈਚ ‘ਚ ਗਿੱਟੇ ਦੀ ਮਾਂਸਪੇਸ਼ੀ ਫਟੀ

ਕਰਨਾਟਕ ਦੇ ਓਪਨਰ ਮਯੰਕ ਅੱਗਰਵਾਲ ਨੂੰ ਮਿਲ ਸਕਦਾ ਹੈ ਐਡੀਲੇਡ ‘ਚ ਮੌਕਾ

ਸਿਡਨੀ, 30 ਨਵੰਬਰ 
ਭਾਰਤੀ ਕ੍ਰਿਕਟ ਟੀਮ ਦੇ ਨੌਜਵਾਨ ਓਪਨਰ ਪ੍ਰਿਥਵੀ ਸ਼ਾੱ ਕ੍ਰਿਕਟ ਆਸਟਰੇਲੀਆ ਇਕਾਦਸ਼ ਵਿਰੁੱਧ ਚਾਰ ਰੋਜ਼ਾ ਅਭਿਆਸ ਮੈਚ ਦੌਰਾਨ ਗਿੱਟ ਦੀ ਸੱਟ ਕਾਰਨ 6 ਦਸੰਬਰ ਤੋਂ ਐਡੀਲੇਡ ‘ਚ ਖੇਡੇ ਜਾਣ ਵਾਲੇ ਲੜੀ ਦੇ ਪਹਿਲੇ ਟੈਸਟ ਤੋਂ ਬਾਹਰ ਹੋ ਗਏ ਹਨ

 
ਸਿਡਨੀ ਕ੍ਰਿਕਟ ਗਰਾਊਂਡ ‘ਚ ਚੱਲ ਰਹੇ ਚਾਰ ਰੋਜ਼ਾ ਅਭਿਆਸ ਦੇ ਤੀਸਰੇ ਦਿਨ ਬਾਊਂਡਰੀ ਕੋਲ ਖੜ੍ਹੇ ਹੋ ਕੇ ਫੀਲਡਿੰਗ ਕਰ ਰਹੇ ਸਨ ਇਸ ਦੌਰਾਨ ਉਹਨਾਂ ਸੀਏ ਇਕਾਦਸ਼ ਦੇ ਓਪਨਰ ਮੈਕਸ ਬ੍ਰਾਇੰਟ ਦਾ ਕੈਚ ਸੀਮਾ ਰੇਖਾ ‘ਤੇ ਲਿਆ ਪਰ ਇਸ ਦੌਰਾਨ 19 ਸਾਲਾ ਭਾਰਤੀ ਬੱਲੇਬਾਜ਼ ਦਾ ਗਿੱਟਾ ਮੁੜ ਗਿਆ ਪ੍ਰਿਥਵੀ ਨੂੰ ਆਪਣੇ ਗਿੱਟੇ ‘ਤੇ ਭਾਰ ਪਾਉਣਾ ਮੁਸ਼ਕਲ ਹੋ ਰਿਹਾ ਸੀ ਜਿਸ ਕਾਰਨ ਭਾਰਤੀ ਟੀਮ ਦੇ ਫਿਜੀਓ ਪੈਟ੍ਰਿਕ ਫਰਹਾਰਟ ਉਹਨਾਂ ਨੂੰ ਦੋ ਲੋਕਾਂ ਦੀ ਮੱਦਦ ਨਾਲ ਮੈਦਾਨ ਤੋਂ ਬਾਹਰ ਲੈ ਗਏ ਅਤੇ ਨਾਲ ਦੇ ਹਸਪਤਾਲ ‘ਚ ਭਰਤੀ ਕਰਵਾਇਆ ਗਿਆ ਸਕੈਨ ਤੋਂ ਪਤਾ ਲੱਗਾ ਹੈ ਕਿ ਪ੍ਰਿਥਵੀ ਦੇ ਗਿੱਟੇ ਦੀਆਂ ਮਾਂਸਪੇਸ਼ੀਆਂ ‘ਚ ਸੱਟ ਆਈ ਹੈ ਅਤੇ ਰਿਹੈਬਲਿਟੇਸ਼ਨ ਤੋਂ ਬਾਅਦ ਹੀ ਉਹ ਟੀਮ ਲਈ ਮੁਹੱਈਆ ਹੋ ਸਕਣਗੇ

 
ਪ੍ਰਿਥਵੀ ਨੇ ਅਭਿਆਸ ਮੈਚ ਦੇ ਪਹਿਲੇ ਦਿਨ ਭਾਰਤ ਦੀ ਪਾਰੀ ‘ਚ 66 ਦੌੜਾਂ ਦੀ ਪਾਰੀ ਖੇਡੀ ਸੀ ਭਾਰਤੀ ਟੀਮ ਦਾ ਅਜੇ ਪਹਿਲੇ ਟੈਸਟ ਲਈ ਐਲਾਨ ਨਹੀਂ ਹੋਇਆ ਪਰ ਆਸ ਹੈ ਕਿ ਕਰਨਾਟਕ ਦੇ ਓਪਨਰ ਮਯੰਕ ਅੱਗਰਵਾਲ ਨੂੰ ਪ੍ਰਿਥਵੀ ਦੀ ਜਗ੍ਹਾ ਟੀਮ ‘ਚ ਸ਼ਾਮਲ ਕੀਤਾ ਜਾ ਸਕਦਾ ਹੈ

ਫ੍ਰੀ ਪਾਸ ਨੂੰ ਲੈ ਕੇ ਬੀਸੀਸੀਆਈ-ਐਮਪੀਸੀਏ ‘ਚ ਤਕਰਾਰ

ਹੋਲਕਰ ਸਟੇਡੀਅਮ ‘ਚ 24 ਅਕਤੂਬਰ ਤੋਂ ਭਾਰਤ-ਵਿੰਡੀਜ਼ ਮੁਕਾਬਲਾ

ਐਮਪੀਸੀਏ ਨੇ ਬੀਸੀਸੀਆਈ ਨੂੰ ਹਰ ਗੈਲਰੀ ਦੀਆਂ ਪੰਜ ਫੀਸਦੀ ਸੀਟਾਂ ਦੇ ਪਾਸ ਦੇਣ ਤੋਂ ਕੀਤੀ ਨਾਂਹ

ਨਵੀਂ ਦਿੱਲੀ, 30 ਅਕਤੂਬਰ

ਭਾਰਤ ਅਤੇ ਵੈਸਟਇੰਡੀਜ਼ ਦਰਮਿਆਨ ਇੰਦੌਰ ‘ਚ ਹੋਣ ਵਾਲਾ ਦੂਸਰਾ ਇੱਕ ਰੋਜ਼ਾ ਦੂਸੀ ਜਗ੍ਹਾ ਸ਼ਿਫਟ ਹੋ ਸਕਦਾ ਹੈ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀਸੀਸੀਆਈ) ਤੇ ਮੱਧ ਪ੍ਰਦੇਸ਼ ਕ੍ਰਿਕਟ ਐਸੋਸੀਏਸ਼ਨ (ਐਮਪੀਸੀਏ) ਦਰਮਿਆਨ ਕੰਪਲੀਮੈਂਟਰੀ ਪਾਸਾਂ ਨੂੰ ਲੈ ਕੇ ਤਕਰਾਰ ਹੋਣ ਕਾਰਨ ਅਜਿਹੀ ਸ਼ੰਕਾ ਹੈ ਬੀਸੀਸੀਆਈ ਦੇ ਨਵੇਂ ਸੰਵਿਧਾਨ ਮੁਤਾਬਕ ਸਟੇਡੀਅਮ ਦੀ ਕੁੱਲ ਸਮਰੱਥਾ ਦੀਆਂ 90 ਫ਼ੀਸਦੀ ਟਿਕਟਾਂ ਵਿਕਰੀ ਲਈ ਰੱਖੀਆਂ ਜਾਣੀਆਂ ਚਾਹੀਦੀਆਂ ਹਨ ਇਸ ਦਾ ਮਤਲਬ ਹੈ ਕਿ ਰਾਜ ਇਕਾਈਆਂ ਕੋਲ 10 ਫ਼ੀਸਦੀ ਸੀਟਾਂ ਦੇ ਹੀ ਪਾਸ ਮੁਫ਼ਤ ਵੰਡਣ ਲਈ ਬਚਣਗੇ ਇੰਦੌਰ ਦੇ ਹੋਲਕਰ ਸਟੇਡੀਅਮ ਦੀ ਦਰਸ਼ਕ ਸਮਰੱਥਾ 27000 ਹੈ ਇਸ ਹਿਸਾਬ ਨਾਲ ਐਮਪੀਸੀਏ ਕੋਲ 2700 ਪਾਸ ਹੀ ਬਚਣਗੇ ਬੀਸੀਸੀਆਈ ਵੀ ਆਪਣੇ ਪ੍ਰਯੋਜਕਾਂ ਲਈ ਫ੍ਰੀ ਪਾਸ ਦੀ ਮੰਗ ਕਰਦਾ ਹੈ ਇਹੀ ਵਿਵਾਦ ਦੀ ਮੁੱਖ ਜੜ੍ਹ ਹੈ

ਐਮਪੀਸੀਏ ਦੇ ਸਕੱਤਰ ਮਿਲਿੰਦ ਕਨਮਡੀਕਰ ਨੇ ਕਿਹਾ ਕਿ ਰਾਜ ਐਸੋਸੀਏਸ਼ਨ ਦੀ ਪ੍ਰਬੰਧਕੀ ਕਮੇਟੀ ਦਾ ਫੈਸਲਾ ਹੈ ਕਿ ਜੇਕਰ ਬੀਸੀਸੀਆਈ ਪਾਸਾਂ ਦੀ ਮੰਗ ਤੋਂ ਪਿੱਛੇ ਨਹੀਂ ਹਟਦਾ ਹੈ ਤਾਂ ਉਸ ਲਈ ਇੰਦੌਰ ‘ਚ ਭਾਰਤ ਅਤੇ ਵੈਸਟਇੰਡੀਜ਼ ਦਰਮਿਆਨ ਇੱਕ ਰੋਜ਼ਾ ਮੈਚ ਕਰਾਉਣਾ ਸੰਭਵ ਨਹੀਂ ਹੈ ਉਹਨਾਂ ਕਿਹਾ ਕਿ ਸਾਡੇ ਕੋਲ ਪੈਵੇਲੀਅਨ ਗੈਲੇਰੀ ‘ਚ 7000 ਸੀਟਾਂ ਹਨ ਉਹਨਾਂ ਵਿੱਚੋਂ ਸਾਡੇ ਲਈ 700 ਸੀਟਾਂ ਹੀ ਬਚਣਗੀਆਂ ਅਤੇ ਪੰਜ ਫੀਸਦੀ ਜੇਕਰ ਬੀਸੀਸੀਆਈ ਨੂੰ ਦੇਵਾਂਗੇ ਤਾਂ ਸਾਡੇ ਕੋਲ 350 ਟਿਕਟਾਂ ਹੀ ਬਚਣਗੀਆਂ ਜਦੋਂਕਿ ਅਸੀਂ ਆਪਣੇ ਮੈਂਬਰਾਂ, ਵੱਖ ਵੱਖ ਸਰਕਾਰੀ ਏਜੰਸੀਆਂ ਦੀ ਵੀ ਮੰਗ ਪੂਰੀ ਕਰਨੀ ਹੁੰਦੀ ਹੈ
ਬੀਸੀਸੀਆਈ ਦਾ ਦਾਅਵਾ
ਬੀਸੀਸੀਆਈ ਅਤੇ ਸੰਬੰਧਿਤ ਇਕਾਈਆਂ ਦਰਮਿਆਨ ਮੁਫ਼ਤ ਪਾਸਾਂ ਦਾ ਹਮੇਸ਼ਾਂ ਦਾ ਮੁੱਦਾ ਰਿਹਾ ਹੈ ਹਾਲਾਂਕਿ ਬੀਸੀਸੀਆਈ ਦੇ ਇੱਕ ਅਹੁਦੇਦਾਰ ਨੇ ਕਿਹਾ ਕਿ ਕਨਮਡੀਕਰ ਦਾ ਮੈਚ ਨਾ ਕਰਾਉਣ ਦੀ ਗੱਲ ਪੂਰੀ ਤਰ੍ਹਾਂ ਬਲੈਕਮੇਲਿੰਗ ਕਰਨ ਦੀ ਰਣਨੀਤੀ ਹੈ

ਟੈਸਟ ਕ੍ਰਿਕਟ ‘ਚ ਨਹੀਂ ਹੋਣਾ ਚਾਹੀਦਾ ਬਦਲਾਅ

ਨਵੀਂ ਦਿੱਲੀ, 24 ਸਤੰਬਰ ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਨੇ ਕਿਹਾ ਹੈ ਕਿ ਟੈਸਟ ਕ੍ਰਿਕਟ ਦੇ ਮੌਜ਼ੂਦਾ ਫਾਰਮੇਟ ਨਾਲ ਛੇੜਛਾੜ ਨਹੀਂ ਕਰਨੀ ਚਾਹੀਦੀ ਅਤੇ ਉਹ ਨਹੀਂ ਚਾਹੁੰਦੇ ਸਨ ਕਿ ਇਸ ਨੂੰ ਪੰਜ ਦੀ ਬਜਾਏ ਚਾਰ ਦਿਨ ਦਾ ਕਰ ਦਿੱਤਾਜਾਵੇ
ਆਈਸੀਸੀ ਕ੍ਰਿਕਟ ਦੇ ਇਸ ਰਿਵਾਇਤੀ ਰੂਪ ਨੂੰ ਅੱਗੇ ਲਿਆਉਣ ਲਈ ਇਸ ਵਿੱਚ ਕੁਝ ਬਦਲਾਅ ਕਰਨਾ ਚਾਹੁੰਦੀ ਹੈ ਇਸ ਦੇ ਨਾਲ ਹੀ ਕੋਹਲੀ ਨੇ ਦੱਸਿਆ ਕਿ ਉਹਨਾਂ ਭਾਰਤੀ ਟੀਮ ਦੇ ਸਾਬਕਾ ਕਪਤਾਨ ਮਹਿੰਦਰ ਸਿੰਘ ਧੋਨੀ ਤੋਂ ਹੀ ਕਪਤਾਨੀ ਸਿੱਖੀ ਹੈ ਸਟਾਰ ਬੱਲੇਬਾਜ਼ ਨੇ ਕਿਹਾ ਕਿ ਉਹਨਾਂ ਦੇ ਆਪਣੇ ਸਮੇਂ ਦੇ ਧੋਨੀ ਇੱਕੋ ਇੱਕ ਕਪਤਾਨ ਹਨ ਜਿੰਨ੍ਹਾਂ ਤੋਂ ਉਹਨਾਂ ਕਪਤਾਨੀ ਦਾ ਹੁਨਰ ਸਿੱਖਿਆ ਉਹਨਾਂ ਕਿਹਾ ਕਿ ਮੈਂ ਜ਼ਿਆਦਾਤਰ ਸਿੱਖਿਆ ਐਮਐਸ(ਧੋਨੀ) ਤੋਂ ਲਈ ਮੈਂ ਕਈ ਵਾਰ ਸਲਿੱਪ ‘ਚ ਉਹਨਾਂ ਕੋਲ ਖੜ੍ਹਾ ਰਿਹਾ ਅਤੇ ਮੈਨੂੰ ਕਰੀਬ ਤੋਂ ਉਹਨਾਂ ਨੂੰ ਸਮਝਣ ਦਾ ਮੌਕਾ ਮਿਲਿਆ

ਟੈਸਟ ਚੈਂਪੀਅਨਸ਼ਿਪ ਦਾ ਇੰਤਜ਼ਾਰ

ਆਈਸੀਸੀ 2019 ਤੋਂ 9 ਟੀਮਾਂ ਦਰਮਿਆਨ ਦੋ ਸਾਲ ਦੀ ਟੈਸਟ ਚੈਂਪੀਅਨਸ਼ਿਪ ਦੀ ਸ਼ੁਰੂਆਤ ਕਰੇਗੀ ਇਸ ਤੋਂ ਇਲਾਵਾ 13 ਟੀਮਾਂ ਦੀ ਇੱਕ ਰੋਜ਼ਾ ਲੀਗ ਵੀ ਸ਼ੁਰੂ ਹੋਵੇਗੀ ਕੋਹਲੀ ਅਗਲੀ ਟੈਸਟ ਚੈਂਪੀਅਨਸ਼ਿਪ ਦੇ ਪੱਖ ‘ਚ ਹਨ ਉਹਨਾਂ ਕਿਹਾ ਕਿ ਇਸ ਨਾਲ ਟੈਸਟ ਕ੍ਰਿਕਟ ਨੂੰ ਅੱਗੇ ਆਉਣ ਦਾ ਮੌਕਾ ਮਿਲੇਗਾ ਇਸ ਨਾਲ ਹਰ ਲੜੀ ਜ਼ਿਆਦਾ ਮੁਕਾਬਲੇ ਵਾਲੀ ਬਣ ਜਾਵੇਗੀ ਚੈਂਪੀਅਨਸ਼ਿਪ ਦੌਰਾਨ ਉਤਾਰ ਚੜਾਅ ਆਉੁਣਗੇ ਜਿਸ ਦਾ ਮੈਂ ਅਸਲ ‘ਚ ਇੰਤਜ਼ਾਰ ਕਰ ਰਿਹਾ ਹਾਂ ਜਿੰਨ੍ਹਾਂ ਟੀਮਾਂ ਨੂੰ ਟੈਸਟ ਕ੍ਰਿਕਟ ਖੇਡਣਾ ਪਸੰਦ ਹੈ ਉਹ ਇਸ ਲਈ ਉਤਾਵਲੇ ਹਨ

ਟੈਸਟ ਕ੍ਰਿਕਟ ਦਿੰਦੀ ਹੈ ਮੁਕੰਮਤ ਸੰਤੁਸ਼ਟੀ

ਟੈਸਟ ਕ੍ਰਿਕਟ ‘ਚ ਬਦਲਾਅ ਬਾਰੇ ਚੱਲ ਰਹੇ ਵਿਚਾਰਾਂ ਵਿਰੁੱਧ ਕੋਹਲੀ ਨੇ ਕਿਹਾ ਕਿ ਇਹ ਖੇਡ ਦਾ ਸਭ ਤੋਂ ਖੂਬਸੂਰਤ ਫਾਰਮੇਟ ਹੈ ਅਤੇ ਮੈਂ ਨਹੀਂ ਚਾਹੁੰਦਾ ਕਿ ਇਸ ਨੂੰ ਚਾਰ ਦਿਨ ਦਾ ਕਰ ਦਿੱਤਾ ਜਾਵੇ ਉਹਨਾਂ ਕਿਹਾ ਕਿ ਜਦੋਂ ਤੁਸੀਂ ਟੈਸਟ ਕ੍ਰਿਕਟ ‘ਚ ਚੰਗਾ ਪ੍ਰਦਰਸ਼ਨ ਕਰਦੇ ਹੋ ਤਾਂ ਤੁਹਾਨੂੰ ਜੋ ਸੰਤੁਸ਼ਟੀ ਮਿਲਦੀ ਹੈ ਉਸਨੂੰ ਸ਼ਬਦਾਂ ‘ਚ ਬਿਆਨ ਨਹੀਂ ਕੀਤਾ ਜਾ ਸਕਦਾ ਕਿਉਂਕਿ ਤੁਸੀਂ ਜਾਣਦੇ ਹੋ ਕਿ ਇਹ ਕਿੰਨਾ ਚੁਣੌਤੀਪੂਰਨ ਹੈ

ਆਉਣ-ਜਾਣ ਵਾਲੀ ਆਵਾਜਾਈ ਤੇ ਪਏ ਪ੍ਰਭਾਵ

ਰਾਮ ਸਰੂਪ ਪੰਜੋਲਾ

ਡਕਾਲਾ

ਪਟਿਆਲਾ ਤੋਂ ਡਕਾਲਾ ਰੋਡ ‘ਤੇ ਪਿੰਡ ਖੇੜਾ ਜੱਟਾਂ ਕੋਲ ਬਾਈਪਾਸ ਦੇ ਬਣੇ ਓਵਰਬ੍ਰਿਜ ਦੇ ਨਾਲ ਬਣਾਈ ਕੰਧ ਬਾਰਸ਼ ਕਾਰਨ ਡਿੱਗ ਗਈ ਜਿਸ ਕਾਰਨ ਆਉਣ-ਜਾਣ ਵਾਲੀ ਆਵਾਜਾਈ ਨੂੰ ਭਾਰੀ ਵਿਘਨ ਪਿਆ ਪਰ ਕੋਈ ਜਾਨੀ ਤੇ ਮਾਲੀ ਨੁਕਸਾਨ ਤੋਂ ਬਚਾਅ ਦੱਸਿਆ ਜਾ ਰਿਹਾ ਹੈ। ਇਸ ਮੌਕੇ ਪਿੰਡ ਖੇੜਾ ਦੇ ਬਿੰਦਰ ਸਿੰਘ ਤੇ ਹੋਰ ਲੋਕਾਂ ਨੇ ਦੱਸਿਆ ਕਿ ਰਾਤੀਂ ਉਹ ਆਪਣੇ ਘਰਾਂ ‘ਚ ਸੁੱਤੇ ਪਏ ਸਨ ਕਿ ਅਚਾਨਕ ਉੱਚੀ ਅਵਾਜ਼ ਆਈ ਅਤੇ ਘਰਾਂ ਦੀਆਂ ਕੰਧਾਂ ਤੇ ਸ਼ੀਸ਼ੇ ਹਿੱਲੇ, ਬਾਅਦ ‘ਚ ਪਤਾ ਲੱਗਾ ਕਿ ਬਾਈਪਾਸ ਦੀ ਕੰਧ ਡਿੱਗ ਗਈ ਹੈ। ਇਸ ਮੌਕੇ ਉਨ੍ਹਾਂ ਅੱਗੇ ਦੱਸਿਆ ਕਿ ਪਹਿਲਾਂ ਵੀ ਇੱਕ ਵਾਰ ਇੱਥੇ ਕੰਧ ਡਿੱਗੀ ਸੀ ਉਦੋਂ ਵੀ ਪਿੰਡ ਦੇ ਘਰਾਂ ਦੀਆਂ ਕੰਧਾਂ ਤੇ ਦਰਵਾਜੇ ਹਿੱਲੇ ਸਨ ਅਤੇ ਘਰਾਂ ਦੀਆਂ ਖਿੜਕੀਆਂ ਦੇ ਸ਼ੀਸ਼ੇ ਟੁੱਟ ਗਏ ਸਨ ਤੇ ਪਿੰਡ ‘ਚ ਕਾਫੀ ਨੁਕਸਾਨ ਹੋਇਆ ਸੀ। ਉਹਨਾਂ ਪ੍ਰਸ਼ਾਸਨ ਨੂੰ ਬੇਨਤੀ ਕੀਤੀ ਕਿ ਅਜਿਹੇ ਨੁਕਸਾਨ ਦਾ ਪਤਾ ਲਗਾਉਣਾ ਚਾਹੀਦਾ ਹੈ ਕਿਉਂਕਿ ਵਾਰ ਵਾਰ ਇਹ ਕੰਧਾਂ ਡਿੱਗਦੀਆਂ ਹਨ, ਅਜੇ ਬਾਈਪਾਸ ਬਣੇ ਨੂੰ ਕੁਝ ਹੀ ਸਾਲ ਹੋਏ ਹਨ। ਉਨ੍ਹਾਂ ਕਿਹਾ ਕਿ ਅਜਿਹੇ ਠੇਕੇਦਾਰਾਂ ਖਿਲਾਫ ਸਖਤ ਕਾਨੂੰਨੀ ਕਾਰਵਾਈ ਹੋਣੀ ਚਾਹੀਦੀ ਹੈ, ਨਹੀਂ ਤਾਂ ਕੋਈ ਵੱਡਾ ਨੁਕਸਾਨ ਕਿਸੇ ਵੇਲੇ ਵੀ ਹੋ ਸਕਦਾ ਹੈ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਸਾਬਕਾ ਐਮਸੀ ਦੇ ਘਰੋਂ ਮਿਲੀ ਹੈ ਲਾਸ਼

ਬਰਨਾਲਾ, ਜੀਵਨ । 

ਬਰਨਾਲਾ ਦੇ ਪਿੰਡ ਸੰਘੇੜਾ ‘ਚ ਇੱਕ 25 ਸਾਲ ਦੀ ਲੜਕੀ ਦੀ ਗਲੀ ਸੜੀ ਲਾਸ਼ ਕਿਸੇ ਲੜਕੇ ਦੇ ਘਰੋਂ ਮਿਲਣ ਨਾਲ ਪਿੰਡ ‘ਚ ਸਨਸਨੀ ਫੈਲ ਗਈ । ਪੁਲਿਸ ਨੇ ਮਾਮਲਾ ਦਰਜ਼ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ।
ਜਾਣਕਾਰੀ ਅਨੁਸਾਰ ਬਰਨਾਲਾ ਦੇ ਪਿੰਡ ਸੰਘੇੜਾ ਦੀ ਰਹਿਣ ਵਾਲੀ ਇੱਕ 25 ਸਾਲ ਦੀ ਲੜਕੀ ਚਰਨਜੀਤ ਕੌਰ ਕੁਝ ਦਿਨਾਂ ਤੋਂ ਲਾਪਤਾ ਸੀ, ਜਿਸ ਦੀ ਅੱਜ ਲਾਸ਼ ਪਿੰਡ ਦੇ ਹੀ ਇੱਕ ਸਾਬਕਾ ਐਮਸੀ ਦੇ ਘਰੋਂ ਮਿਲੀ ਹੈ । ਲਾਸ਼ ਇਸ ਕਦਰ ਸੜ ਚੁੱਕੀ ਸੀ ਕਿ ਉਸ ਦੀ ਬਦਬੂ ਦੂਰ-ਦੂਰ ਤੱਕ ਜਾ ਰਹੀ ਸੀ । ਪਿੰਡ ਦੇ ਹੀ ਲੋਕ ਦੱਬੀ ਜੁਬਾਨ ‘ਚ ਕਹਿ ਰਹੇ ਹਨ ਕਿ ਮ੍ਰਿਤਕ ਲੜਕੀ ਦੇ ਜਿਸ ਘਰ ‘ਚੋਂ ਲਾਸ਼ ਮਿਲੀ ਹੈ, ਉਸ ਘਰ ਦੇ ਲੜਕੇ ਨਾਲ ਗੈਰ ਸਮਾਜਿਕ ਸਬੰਧ ਸਨ । ਆਸਪਾਸ ਦੇ ਲੋਕਾਂ ਨੇ ਕਿਹਾ ਕਿ ਪਿਛਲੇ ਕੁਝ ਦਿਨਾਂ ਤੋਂ ਸਾਬਕਾ ਐਮਸੀ ਦੇ ਘਰੋਂ ਬਦਬੂ ਆ ਰਹੀ ਸੀ ।

ਅੱਜ ਪੁਲਿਸ ਕਿਸੇ ਹੋਰ ਕੇਸ ਦੀ ਤਬਤੀਸ਼ ਲਈ ਸਾਬਕਾ ਐਮਸੀ ਦੇ ਘਰ ਆਈ ਸੀ ਤਾਂ ਘਰ ਨੂੰ ਤਾਲਾ ਲੱਗਿਆ ਦੇਖ ਉਹਨਾਂ ਤਾਲਾ ਤੋੜ ਕੇ ਦੇਖਿਆ ਤਾਂ ਘਰ ‘ਚੋਂ ਲੜਕੀ ਦੀ ਗਲੀ ਸੜੀ ਲਾਸ਼ ਬਰਾਮਦ ਹੋਈ । ਇਸ ਸਬੰਧ ‘ਚ ਮ੍ਰਿਤਕ ਲੜਕੀ ਦੇ ਭਰਾ ਧਰਮਪ੍ਰੀਤ ਸਿੰਘ ਨੇ ਦੱਸਿਆ ਕਿ ਉਸ ਦੀ ਭੈਣ ਪਿਛਲੇ ਪੰਜ ਦਿਨਾਂ ਤੋਂ ਘਰੋਂ ਗਾਇਬ ਸੀ, ਜਿਸ ਦੀ ਸ਼ਿਕਾਇਤ ਬਰਨਾਲਾ ਦੇ ਸਿਟੀ ਪੁਲਿਸ ਸਟੇਸ਼ਨ ‘ਚ ਪਿਛਲੇ ਦਿਨੀਂ ਕੀਤੀ ਗਈ ਸੀ । ਉਸ ਨੇ ਦੱਸਿਆ ਕਿ ਜਿਸ ਲੜਕੇ ਦੇ ਘਰ ‘ਚ ਉਸ ਦੀ ਭੈਣ ਦੀ ਲਾਸ਼ ਮਿਲੀ ਹੈ, ਉਸ ਦਾ ਨਾਂਅ ਹਰਦੀਪ ਸਿੰਘ ਹੈ ।

ਪੁਲਿਸ ਵੱਲੋ ਮਾਮਲਾ ਦਰਜ, ਜਾਂਚ ਸ਼ੁਰੂ

ਹਰਦੀਪ ਸਿੰਘ ਦਾ ਪਿਛਲੇ 1-2 ਸਾਲ ਤੋਂ ਉਹਨਾਂ ਦੇ ਘਰ ਆਉਣਾ ਜਾਣਾ ਸੀ । ਉਹਨਾਂ ਨੇ ਸ਼ੱਕ ਪ੍ਰਗਟਾਇਆ ਕਿ ਉਸ ਦੀ ਭੈਣ ਦਾ ਕਤਲ ਹਰਦੀਪ ਸਿੰਘ ਨੇ ਹੀ ਕੀਤਾ ਹੈ । ਇਸ ਮਾਮਲੇ ‘ਚ ਜਾਣਕਾਰੀ ਦਿੰਦੇ ਹੋਏ ਬਰਨਾਲ ਸਿਟੀ ਪੁਲਿਸ ਸਟੇਸ਼ਨ ਦੇ ਐਸਐਚਓ ਗੁਰਬੀਰ ਸਿੰਘ ਨੇ ਦੱਸਿਆ ਕਿ ਲੜਕਾ ਵਿਆਹਿਆ ਹੋਇਆ ਸੀ ਅਤੇ ਲੜਕੀ ਅਣਵਿਆਹੀ ਸੀ ਪੁਲਿਸ ਗੈਰ ਸਮਾਜਿਕ ਸਬੰਧਾਂ ਦੀ ਵੀ ਤਫਤੀਸ਼ ਕਰ ਰਹੀ ਹੈ ਫਿਲਹਾਲ ਮਾਮਲਾ ਦਰਜ਼ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਸੇਰੇਨਾ ਭਿੜੇਗੀ ਵੱਡੀ ਭੈਣ ਨਾਲ | Grand Slam

• ਇਸਨਰ 38 ਏਸ ਦੀ ਬਦੌਲਤ ਜਿੱਤ ਹਾਸਲ ਕਰਨ ਦਾ ਮੌਕਾ | Grand Slam

ਨਿਊਯਾਰਕ, (ਏਜੰਸੀ)। ਗਰੈਂਡ ਸਲੈਮ ਯੂ.ਐਸ.ਓਪਨ ਦੇ ਤੀਸਰੇ ਗੇੜ ‘ਚ ਦੋ ਵਾਰ ਦੀ ਗਰੈਂਡ ਸਲੈਮ ਚੈਂਪੀਅਨ ਸਪੇਨ ਦੀ ਗਰਬਾਈਨ ਮੁਗੁਰੁਜਾ ਨੂੰ ਚੈੱਕ ਗਣਰਾਜ ਦੀ ਕੁਆਲੀਫਾਇਰ ਹੱਥੋਂ ਉਲਟਫੇਰ ਦਾ ਸ਼ਿਕਾਰ ਹੋਣਾ ਪਿਆ ਅਰਜਨਟੀਨਾ ਦੇ ਡੇਲ ਪੋਤਰੋ ਨੇ ਅਮਰੀਕਾ ਦੇ ਡੇਨਿਸ ਕੁਡਲਾ ਨੂੰ ਦੂਸਰੇ ਗੇੜ ‘ਚ 6-3, 6-1,7-6 ਨਾਲ ਹਰਾਇਆ ਸੱਟ ਨਾਲ ਜੂਝ ਰਹੇ ਪੋਤਰੋ ਨੇ ਮੈਚ ‘ਚ 20 ਏਸ ਲਾਏ।

ਮਹਿਲਾ ਸਿੰਗਲ ਦੇ ਦੂਸਰੇ ਗੇੜ ‘ਚ ਚੈਕ ਗੁਆਲੀਫਾਇਰ ਕੈਰੋਲੀਨਾ ਮੁਚੋਵਾ ਨੇ ਦੋ ਵਾਰ ਦੀ ਗਰੈਂਡ ਸਲੈਮ ਚੈਂਪੀਅਨ ਅਤੇ ਸਾਬਕਾ ਨੰਬਰ ਇੱਕ ਮੁਗੁਰੁਜਾ ਨੂੰ ਦੋ ਘੰਟੇ 27 ਮਿੰਟ ‘ਚ 3-6, 6-4, 6-4 ਨਾਲ ਤਿੰਨ ਸੈੱਟਾਂ ‘ਚ ਹਰਾਇਆ ਵਿਸ਼ਵ ਵਿੱਚ 202ਵੀਂ ਰੈਂਕ ਦੀ ਮੁਚੋਵਾ ਨੇ 12ਵਾਂ ਦਰਜਾ ਪ੍ਰਾਪਤ ਮੁਗੁਰੁਜਾ ਵਿਰੁੱਧ 5-0 ਦੇ ਵਾਧੇ ਨਾਲ ਸ਼ੁਰੂਆਤ ਕੀਤੀ ਅਤੇ ਪਹਿਲਾ ਸੈੱਟ ਹਾਰਨ ਤੋਂ ਬਾਅਦ ਬਾਕੀ ਦੋਵੇਂ ਸੱੈਟ ਲਗਾਤਾਰ ਜਿੱਤੇ ਗਰੈਂਡ ਸਲੈਮ ਦੇ ਮੁੱਖ ਡਰਾਅ ‘ਚ ਪਹਿਲੀ ਵਾਰ ਖੇਡ ਰਹੀ 22 ਸਾਲ ਦੀ ਮੁਚੋਵਾ ਨੇ ਪਹਿਲੀ ਵਾਰ ਵੱਡੇ ਸਟੇਡੀਅਮ ‘ਚ ਉੱਤਰਨ ਦੀ ਖੁਸ਼ੀ ਮਨਾਈ ਉਸਨੇ ਅੱਠ ਏਸ ਅਤੇ 41 ਵਿਨਰਜ਼ ਲਾਏ ਅਤੇ ਆਪਣੇ ਕਰੀਅਰ ਦਾ ਸਭ ਤੋਂ ਵੱਡਾ ਮੈਚ ਜਿੱਤਿਆ।

ਇਸਨਰ 38 ਏਸ ਦੀ ਬਦੌਲਤ ਜਿੱਤੇ ਮੈਰਾਥਨ ਮੈਚ | Grand Slam

ਅਮਰੀਕਾ ਦੇ ਜਾਨ ਇਸਨਰ ਨੇ ਚਿਲੀ ਦੇ ਨਿਕੋਲਸ ਜੈਸੀ ਨੂੰ ਪੰਜ ਸੈੱਟਾਂ ਦੇ ਮੈਰਾਥਨ ਮੈਚ ‘ਚ 6-7, 6-4, 3-6, 7-6, 6-4 ਨਾਲ ਹਰਾਇਆ ਬਿਹਤਰੀਨ ਸਰਵਿਸ ਲਈ ਮਸ਼ਹੂਰ ਇਸਨਰ ਨੇ 38 ਏਸ ਲਾਏ ਅਤੇ ਏਟੀਪੀ ਅੰਕੜਿਆਂ ਅਨੁਸਾਰ ਰੋਜ਼ਰ ਫੈਡਰਰ ਨੂੰ ਪਿੱਛੇ ਛੱਡਦੇ ਹੋਏ ਸਭ ਤੋਂ ਜ਼ਿਆਦਾ ਏਸ ਲਾਉਣ ਵਾਲੇ ਦੂਸਰੇ ਖਿਡਾਰੀ ਬਣ ਗਏ 33 ਸਾਲਾ ਖਿਡਾਰੀ ਨੇ ਤਿੰਨ ਘੰਟੇ 38 ਮਿੰਟ ‘ਚ ਆਪਣਾ ਮੈਚ ਜਿੱਤਿਆ ਇਸਨਰ ਆਪਣੇ ਮੈਰਾਥਨ ਮੈਚਾਂ ਲਈ ਪ੍ਰਸਿੱਧ ਹੋ ਗਏ ਹਨ ਉਹਨਾਂ ਜੁਲਾਈ ‘ਚ ਵਿੰਬਲਡਨ ਸੈਮੀਫਾਈਨਲ ‘ਚ ਦੱਖਣੀ ਅਫ਼ਰੀਕਾ ਦੇ ਕੇਵਿਨ ਐਂਡਰਸਨ ਨੂੰ ਛੇ ਘੰਟੇ 36 ਮਿੰਟ ‘ਚ ਹਰਾਇਆ ਸੀ ਜਦੋਂਕਿ 2010 ‘ਚ ਉਹਨਾਂ ਆਲ ਇੰਗਲੈਂਡ ‘ਚ ਨਿਕੋਲਸ ਮਹੁਤ ਤੋਂ 11 ਘੰਟੇ 5 ਮਿੰਟ ਤੱਕ ਮੈਚ ਖੇਡਿਆ ਸੀ। (Grand Slam)

ਇਹ ਵੀ ਪੜ੍ਹੋ : ਪੰਜਾਬ ‘ਚ ਮੀਂਹ ਸਬੰਧੀ ਮੌਮਮ ਵਿਭਾਗ ਨੇ ਦਿੱਤੀ ਜਾਣਕਾਰੀ, ਹੁਣੇ ਪੜ੍ਹੋ

2012 ਦੇ ਯੂਐਸ ਓਪਨ ਚੈਂਪੀਅਨ ਸਾਬਕਾ ਨੰਬਰ ਇੱਕ ਬਰਤਾਨੀਆ ਦੇ ਐਂਡੀ ਮਰੇ ਪਿਛਲੇ ਕਾਫ਼ੀ ਸਮੇਂ ਤੋਂ ਆਪਣੀ ਲੱਕ ਦੀ ਸੱਟ ਤੋਂ ਉੱਭਰ ਨਹੀਂ ਸਕੇ ਹਨ ਅਤੇ ਦੂਸਰੇ ਗੇੜ ‘ਚ ਉਹਨਾਂ ਨੂੰ ਸਪੇਨ ਦੇ ਫਰਨਾਂਡੋ ਵਰਦਾਸਕੋ ਨੇ 7-5, 2-6, 6-4, 6-4 ਨਾਲ ਹਰਾ ਕੇ ਬਾਹਰ ਕਰ ਦਿੱਤਾ ਹਾਲਾਂਕਿ ਉਹਨਾਂ 3ਘੰਟੇ 30 ਮਿੰਟ ਤੱਕ ਸੰਘਰਸ਼ ਕੀਤਾ ਪਰ ਚੌਥੇ ਮੈਚ ਪੁਆਇੰਟ ‘ਤੇ ਹਾਰ ਦੇ ਨਾਲ ਹੋ ਬਾਹਰ ਹੋ ਗਏ 31ਵਾਂ ਦਰਜਾ ਪ੍ਰਾਪਤ ਵਰਦਾਸਕੋ ਦੀ ਮਰੇ ਵਿਰੁੱਧ ਪਿਛਲੇ 9 ਸਾਲਾਂ ‘ਚ ਇਹ ਪਹਿਲੀ ਜਿੱਤ ਹੈ ਉਹ ਹੁਣ ਸਾਬਕਾ ਯੂਐਸ ਓਪਨ ਚੈਂਪੀਅਨ ਪੋਤਰੋ ਵਿਰੁੱਧ ਖੇਡਣਗੇ। (Grand Slam)

ਸੇਰੇਨਾ ਭਿੜੇਗੀ ਵੱਡੀ ਭੈਣ ਨਾਲ | Grand Slam

ਅਮਰੀਕਾ ਦੀ ਸੇਰੇਨਾ ਵਿਲਿਅਮਸ ਨੇ ਜਰਮਨੀ ਦੀ ਕਾਰੀਨਾ ਵਿਟੋਫ ਨੂੰ ਲਗਾਤਾਰ ਸੈੱਟਾਂ ‘ਚ 6-2, 6-2 ਨਾਲ ਹਰਾਇਆ ਅਤੇ ਤੀਸਰੇ ਗੇੜ ‘ਚ ਆਪਣੀ ਵੱਡੀ ਭੈਣ ਵੀਨਸ ਨਾਲ ਖੇਡੇਗੀ ਆਪਣੈ ਕਰੀਅਰ ਦੇ 24ਵੇਂ ਗਰੈਂਡ ਸਲੈਮ ਦੀ ਤਲਾਸ਼ ‘ਚ ਲੱਗੀ ਸੇਰੇਨਾ ਹੁਣ ਕਰੀਅਰ ‘ਚ 30ਵੀਂ ਵਾਰ ਆਪਣੀ ਵੱਡੀ ਭੈਣ ਨਾਲ ਭਿੜਨ ਜਾ ਰਹੀ ਹੈ ਦੋਵੇਂ ਭੈਣਾਂ ਹਾਲ ਹੀ ‘ਚ ਇੰਡੀਅਨ ਵੇਲਜ਼ ‘ਚ ਵੀ ਇੱਕ ਦੂਸਰੇ ਵਿਰੁੱਧ ਖੇਡੀਆਂ ਸਨ ਆਖ਼ਰੀ ਵਾਰ ਦੋਵੇਂ ਭੈਣਾਂ ਗਰੈਂਡ ਸਲੈਮ ‘ਚ 2017 ਦੇ ਆਸਟਰੇਲੀਅਨ ਓਪਨ ਫਾਈਨਲ ‘ਚ ਖੇਡੀਆਂ ਸਨ ਜਿੱਥੇ ਸੇਰੇਨਾ ਨੇ ਲਗਾਤਾਰ ਸੈੱਟਾਂ ‘ਚ ਜਿੱਤ ਦਰਜ ਕੀਤੀ ਸੀ।

ਚਾਂਦੀ ਤਗਮੇ ਨਾਲ ਕਰਨਾ ਪਿਆ ਸੰਤੋਸ਼

• ਤਾਈ ਨੇ ਸੈਮੀਫਾਈਨਲ ‘ਚ ਸਾਇਨਾ ਨੂੰ ਹਰਾਇਆ ਸੀ

ਜਕਾਰਤਾ (ਏਜੰਸੀ)। ਭਾਰਤ ਨੂੰ ਏਸ਼ੀਆਈ ਖੇਡਾਂ ਦੇ ਇਤਾਸ ‘ਚ ਪਹਿਲਾ ਬੈਡਮਿੰਟਨ ਸੋਨ ਤਗਮਾ ਦਿਵਾਉਣ ਦੀਆਂ ਆਸਾਂ ਪੀਵੀ ਸਿੰਧੂ ਦੀ ਚੀਨੀ ਤਾਈਪੇ ਦੀ ਤਾਈ ਜੂ ਯਿਗ ਹੱਥੋਂ 0-2 ਦੀ ਹਾਰ ਨਾਲ ਟੁੱਟ ਗਈ ਹਾਲਾਂਕਿ ਸਟਾਰ ਸ਼ਟਲਰ ਨੇ ਦੇਸ਼ ਨੂੰ ਏਸ਼ੀਆਡ ‘ਚ ਪਹਿਲਾ ਚਾਂਦੀ ਤਗਮਾ ਜਰੂਰ ਦਿਵਾ ਦਿੱਤਾ 18ਵੀਆਂ ਏਸ਼ੀਆਈ ਖੇਡਾਂ ‘ਚ ਮਹਿਲਾ ਸਿੰਗਲ ਫਾਈਨਲ ‘ਚ ਵਿਸ਼ਵ ਦੀ ਨੰਬਰ ਇੱਕ ਖਿਡਾਰੀ ਤਾਈ ਦੇ ਹੱਥੋਂ ਤੀਸਰਾ ਦਰਜਾ ਪ੍ਰਾਪਤ ਸਿੰਧੂ ਨੂੰ ਲਗਾਤਾਰ ਗੇਮਾਂ ‘ਚ 13-21, 16-21 ਨਾਲ 34 ਮਿੰਟ ‘ਚ ਹੀ ਹਾਰ ਦਾ ਮੂੰਹ ਦੇਖਣਾ ਪਿਆ ਇਸ ਦੇ ਨਾਲ ਸਿੰਧੂ ਨੂੰ ਚਾਂਦੀ ਤਗਮੇ ਨਾਲ ਸੰਤੋਸ਼ ਕਰਨਾ ਪਿਆ ਇਸ ਤੋਂ ਇਕ ਦਿਨ ਪਹਿਲਾਂ ਸਾਇਨਾ ਨੇਹਵਾਲ ਨੂੰ ਵੀ ਤਾਈ ਨੇ ਸੈਮੀਫਾਈਨਲ ਮੈਚ ‘ਚ ਹਰਾਇਆ ਸੀ ਜਿਸ ਨਾਲ ਉਸਨੂੰ ਕਾਂਸੀ ਤਗਮੇ ਨਾਲ ਸੰਤੋਸ਼ ਕਰਨਾ ਪਿਆ ਸੀ। (PV Sindhu)

23 ਸਾਲ ਦੀ ਸਿੰਧੂ ਇਸ ਹਾਰ ਨਾਲ ਫਾਈਨਲ ‘ਚ ਲਗਾਤਾਰ ਹਾਰਨ ਦਾ ਸਿਲਸਿਲਾ ਹਾਲਾਂਕਿ ਨਹੀਂ ਤੋੜ ਸਕੀ ਜਿਸ ਦੀ ਉਸ ਤੋਂ ਵੱਡੀ ਆਸ ਸੀ ਉਹ 2016 ਦੀਆਂ ਰਿਓ ਓਲੰਪਿਕ, ਇਸ ਸਾਲ ਦੀਆਂ ਰਾਸ਼ਟਰਮੰਡਲ ਖੇਡਾਂ ਅਤੇ ਵਿਸ਼ਵ ਚੈਂਪੀਅਨਸ਼ਿਪ ਦੇ ਫਾਈਨਲ ‘ਚ ਹਾਰ ਕੇ ਚਾਂਦੀ ਤਗਮਾ ਹੀ ਜਿੱਤ ਸਕੀ ਸੀ ਅਤੇ ਮੰਗਲਵਾਰ ਨੂੰ ਏਸ਼ੀਆਈ ਖੇਡਾਂ ਦੇ ਫਾਈਨਲ ‘ਚ ਵੀ ਉਸਨੂੰ ਮਾਤ ਮਿਲੀ। (PV Sindhu)

ਦਬਾਅ ਕਾਰਨ ਮੁਕਾਬਲਾ ਨਹੀਂ ਦੇ ਸਕੀ ਸਿੰਧੂ | PV Sindhu

ਵਿਸ਼ਵ ਦੀ ਨੰਬਰ ਇੱਕ ਖਿਡਾਰੀ ਤਾਈ ਵਿਰੁੱਧ ਸ਼ੁਰੂਆਤ ਤੋਂ ਹੀ ਸਿੰਧੂ ਦਬਾਅ ‘ਚ ਦਿਸੀ ਅਤੇ ਸ਼ੁਰੂਆਤ ਤੋਂ ਹੀ ਪੱਛੜਦੀ ਚਲੀ ਗਈ ਤਾਈ ਨੇ ਓਪਨਿੰਗ ਗੇਮ ‘ਚ ਲਗਾਤਾਰ ਅੰਕ ਲੈਂਦੇ ਹੋਏ 5-0 ਦਾ ਵਾਧਾ ਬਣਾਇਆ ਜੀਬੀਕੇ ਬੈਡਮਿੰਟਨ ਸਟੇਡੀਅਮ ‘ਚ ਖ਼ਚਾਖਚ ਭੀੜ ਸਿੰਧੂ ਦਾ ਹੌਂਸਲਾ ਅਫ਼ਜਾਈ ਕਰਦੀ ਰਹੀ ਪਰ ਭਾਰਤੀ ਖਿਡਾਰੀ ਨੇ ਇੱਕ-ਇੱਕ ਅੰਕ ਲਈ ਸੰਘਰਸ਼ ਕੀਤਾ ਬ੍ਰੇਕ ਦੇ ਸਮੇਂ ਅੱਵਲ ਖਿਡਾਰੀ ਨੇ 11-7 ਦਾ ਵਾਧਾ ਬਣਾਇਆ ਅਤੇ ਲਗਾਤਾਰ ਅੰਕ ਲੈਂਦਿਆਂ ਆਖ਼ਰ ਬਿਹਤਰੀਨ ਸਮੈਸ਼ ਲਾਉਂਦਿਆਂ 21-13 ਨਾਲ ਪਹਿਲੀ ਗੇਮ ਜਿੱਤੀ  ਦੂਸਰੀ ਗੇਮ ‘ਚ ਵੀ ਓਲੰਪਿਕ ਚਾਂਦੀ ਤਗਮਾ ਜੇਤੂ ਦਬਾਅ ‘ਚ ਹੀ ਦਿਸੀ ਸਿੰਧੂ ਮੈਚ ‘ਚ ਸੈਮੀਫਾਈਨ ਜਿਹਾ ਜੋਸ਼ ਨਹੀਂ ਦਿਖਾ ਸਕੀ ਅਤੇ ਤਾਈ ਇਕਤਰਫ਼ਾ ਅੰਦਾਜ਼ ‘ਚ ਨੰਬਰ ਲੈਂਦੀ ਰਹੀ ਤਾਈ ਨੇ ਲਗਾਤਾਰ ਅੰਕ ਲਏ ਅਤੇ ਸਕੋਰ 19-15 ਪਹੁੰਚਾ ਦਿੱਤਾ ਹਾਲਾਂਕਿ ਮੈਚ ਪੁਆਇੰਟ ‘ਤੇ ਲੰਮੀ ਰੈਲੀ ਖੇਡੀ ਅਤੇ ਤਾਈ ਨੇ ਇਸਨੂੰ ਜਿੱਤਦੇ ਹੋਏ 21-16 ਨਾਲ ਗੇਮ ਅਤੇ ਸੋਨ ਤਗਮਾ ਆਪਣੇ ਨਾਂਆ ਕੀਤਾ।

ਵਿਸ਼ਵ ਦੀ ਨੰਬਰ ਇੱਕ ਖਿਡਾਰੀ ਨਾਲ ਹੋਵੇਗਾ ਫਾਈਨਲ | PV Sindhu

ਜਕਾਰਤਾ, (ਏਜੰਸੀ)। ਰਿਓ ਓਲੰਪਿਕ ਖੇਡਾਂ ਦੀ ਚਾਂਦੀ ਤਗਮਾ ਜੇਤੂ ਭਾਰਤ ਦੀ ਪੀਵੀ ਸਿੰਧੂ ਨੇ 18ਵੀਆਂ ਏਸ਼ੀਆਈ ਖੇਡਾਂ ਦੀ ਬੈਡਮਿੰਟਨ ਈਵੇਂਟ ਦੇ ਮਹਿਲਾ ਸਿੰਗਲ ਸੋਨ ਤਗਮੇ ਦੇ ਮੁਕਾਬਲੇ ‘ਚ ਪਹੁੰਚ ਕੇ ਇਤਿਹਾਸ ਰਚ ਦਿੱਤਾ ਅਤੇ ਇਹ ਪ੍ਰਾਪਤੀ ਹਾਸਲ ਕਰਨ ਵਾਲੀ ਉਹ ਪਹਿਲੀ ਭਾਰਤੀ ਖਿਡਾਰੀ ਬਣ ਗਈ ਜਦੋਂਕਿ ਸਾਇਨਾ ਨੇਹਵਾਲ ਨੂੰ ਸੈਮੀਫਾਈਨਲ ‘ਚ ਹਾਰ ਕੇ ਕਾਂਸੀ ਤਗਮੇ ਨਾਲ ਸੰਤੋਸ਼ ਕਰਨਾ ਪਿਆ
ਸਿੰਧੂ ਭਾਰਤ ਦੀ ਪਹਿਲੀ ਬੈਡਮਿੰਟਨ ਖਿਡਾਰੀ ਬਣ ਗਈ ਹੈ। (PV Sindhu)

ਜਿਸਨੇ ਏਸ਼ੀਆਈ ਖੇਡਾਂ ਦੇ ਫਾਈਨਲ ‘ਚ ਪ੍ਰਵੇਸ਼ ਕੀਤਾ ਹੈ ਉਸਨੇ ਮਹਿਲਾ ਸਿੰਗਲ ਸੈਮੀਫਾਈਨਲ ਮੁਕਾਬਲੇ ‘ਚ ਭਾਰਤੀ ਸਮਰਥਕਾਂ ਦੀ ਵੱਡੀ ਗਿਣਤੀ ਸਾਮਣੇ ਦੂਸਰਾ ਦਰਜਾ ਪ੍ਰਾਪਤ ਜਾਪਾਨ ਦੀ ਅਕਾਨੇ ਯਾਮਾਗੁਚੀ ਵਿਰੁੱਧ 66 ਮਿੰਟ ਤੱਕ ਚੱਲੇ ਰੋਮਾਂਚਕ ਮੁਕਾਬਲੇ ਨੂੰ 21-17, 15-21, 21-10 ਨਾਲ ਜਿੱਤਿਆ  ਸਿੰਧੂ ਦੇ ਫਾਈਨਲ ‘ਚ ਪਹੁੰਚਣ ਅਤੇ ਸਾਇਨਾ ਨੂੰ ਕਾਂਸੀ ਤਗਮਾ ਮਿਲਣ ਨਾਲ ਭਾਰਤ ਦਾ ਏਸ਼ੀਆਈ ਖੇਡਾਂ ਦੇ ਸਿੰਗਲ ਮੁਕਾਬਲੇ ‘ਚ ਪਿਛਲੇ 36 ਸਾਲਾਂ ਦਾ ਸੋਕਾ ਸਮਾਪਤ ਹੋ ਗਿਆ ਹੈ ਸਈਅਦ ਮੋਦੀ ਨੇ ਆਖ਼ਰੀ ਵਾਰ 1982 ਦੇ ਨਵੀਂ ਦਿੱਲੀ ਏਸ਼ੀਆਈ ਖੇਡਾਂ ‘ਚ ਪੁਰਸ਼ ਸਿੰਗਲ ਵਰਗ ‘ਚ ਕਾਂਸੀ ਤਗਮਾ ਜਿੱਤਿਆ ਸੀ।

ਦੂਸਰੀ ਗੇਮ ‘ਚ ਯਾਮਾਗੁਚੀ ਨੇ ਦਿੱਤੀ ਟੱਕਰ | PV Sindhu

ਵਿਸ਼ਵ ਦੀ ਤੀਸਰੇ ਨੰਬਰ ਦੀ ਸਿੰਧੂ ਨੇ ਯਾਮਾਗੁਚੀ ਵਿਰੁੱਧ ਪਹਿਲਾ ਗੇਮ ਜਿੱਤਿਆ ਪਰ ਯਾਮਾਗੁਚੀ ਨੇ ਦੂਸਰੀ ਗੇਮ ‘ਚ ਕਿਤੇ ਬਿਹਤਰ ਖੇਡ ਦਿਖਾਈ ਅਤੇ 8-10 ਨਾਲ ਸਿੰਧੂ ਤੋਂ ਪੱਛੜਨ ਬਾਅਦ ਲਗਾਤਾਰ ਭਾਰਤੀ ਖਿਡਾਰੀ ਨੂੰ ਗਲਤੀ ਕਰਨ ਲਈ ਮਜ਼ਬੂਰ ਕੀਤਾ ਅਤੇ 11-10 ਅਤੇ 16-12 ਨਾਲ ਵਾਧਾ ਬਣਾ ਲਿਆ ਸਿੰਧੂ ‘ਤੇ ਦਬਾਅ ਵਧਦਾ ਗਿਆ ਅਤੇ ਇੱਕ ਸਮੇਂ ਯਾਮਾਗੁਚੀ ਨੇ ਸਕੋਰ 17-14 ਪਹੁੰਚਾ ਦਿੱਤਾ ਅਤੇ ਫਿਰ 20-15 ‘ਤੇ ਗੇਮ ਪੁਆਇੰਟ ਜਿੱਤ ਕੇ 21-15 ਨਾਲ ਗੇਮ ਜਿੱਤੀ ਅਤੇ ਮੁਕਾਬਲਾ 1-1 ਨਾਲ ਬਰਾਬਰ ਪਹੁੰਚਾ ਦਿੱਤਾ।

ਫ਼ੈਸਲਾਕੁੰਨ ਗੇਮ ‘ਚ ਲਗਾਤਾਰ 50 ਸ਼ਾੱਟ ਦੀ ਲੰਮੀ ਰੈਲੀ | PV Sindhu

ਫ਼ੈਸਲਾਕੁੰਨ ਗੇਮ ਹੋਰ ਵੀ ਰੋਮਾਂਚਕ ਰਹੀ  ਜਿਸ ਵਿੱਚ ਸਿੰਧੂ ਨੇ ਲਗਾਤਾਰ ਚਾਰ ਅੰਕ ਲੈਂਦੇ ਹੋਏ 7-3 ਦਾ ਵਾਧਾ ਬਣਾਇਆ ਫ਼ੈਸਲਾਕੁੰਨ ਗੇਮ ‘ਚ ਬ੍ਰੇਕ ਦੇ ਸਮੇਂ ਸਿੰਧੂ 11-7 ਨਾਲ ਅੱਗੇ ਸੀ ਇਸ ਵਾਧੇ ਨਾਲ ਸਿੰਧੂ ਦਾ ਹੌਂਸਲਾ ਲਗਾਤਾਰ ਵਧਦਾ ਜਾ ਰਿਹਾ ਸੀ ਅਤੇ ਉਸਨੇ 50 ਸ਼ਾੱਟ ਦੀ ਲੰਮੀ ਰੈਲੀ ਜਿੱਤ ਕੇ 16-8 ਦਾ ਵਾਧਾ ਬਣਾ ਲਿਆ ਐਨਾ ਪੱਛੜਨ ਤੋਂ ਬਾਅਦ ਯਾਮਾਗੁਚੀ ਲਈ ਵਾਪਸੀ ਕਰਨਾ ਮੁਸ਼ਕਲ ਹੋ ਗਿਆ ਸਿੰਧੂ ਨੇ 20-10 ਦੇ ਸਕੋਰ ‘ਤੇ ਜ਼ਬਰਦਸਤ ਸਮੈਸ਼ ਲਾਈ ਅਤੇ ਮੈਚ ਸਮਾਪਤ ਕਰ ਦਿੱਤਾ ਮੈਚ ਜਿੱਤਦੇ ਹੀ ਸਿੰਧੂ ਨੇ ਜ਼ਬਰਦਸਤ ਹੁੰਕਾਰ ਨਾਲ ਜਿੱਤ ਦਾ ਜਸ਼ਨ ਮਨਾਇਆ। (PV Sindhu)

ਫ਼ਾਈਨਲ ‘ਚ ਹਾਰ ਦਾ ਦਬਾਅ ਰਹੇਗਾ ਸਿੰਧੂ ‘ਤੇ | PV Sindhu

23 ਸਾਲ ਦੀ ਸਿੰਧੂ ਹੁਣ ਫ਼ਾਈਨਲ ‘ਚ ਭਾਰਤ ਨੂੰ ਪਹਿਲਾ ਏਸ਼ੀਆਈ ਸੋਨ ਤਗਮਾ ਦਿਵਾਉਣ ਲਈ ਸਾਇਨਾ ਨੂੰ ਸੈਮੀਫਾਈਨਲ ‘ਚ ਹਰਾਉਣ ਵਾਲੀ ਵਿਸ਼ਵ ਦੀ ਨੰਬਰ ਇੱਕ ਖਿਡਾਰੀ ਚੀਨੀ ਤਾਈਪੇ ਦੀ ਤਾਈ ਜੂ ਵਿਰੁੱਧ ਨਿੱਤਰੇਗੀ ਦੁਨੀਆਂ ਦੀ ਨੰਬਰ ਇੱਕ ਖਿਡਾਰੀ ਜੂ ਇਸ ਸਮੇਂ ਜ਼ਬਰਦਸਤ ਲੈਅ ‘ਚ ਹੈ ਅਤੇ ਉਸਨੂੰ ਹਰਾਉਣਾ ਸਖ਼ਤ ਚੁਣੌਤੀ ਹੋਵੇਗੀ ਸਿੰਧੂ ਨੂੰ ਸੋਨ ਤਗਮਾ ਜਿੱਤਣ ਲਈ ਫਾਈਨਲ ‘ਚ ਹਾਰਨ ਦਾ ਅੜਿੱਕਾ ਤੋੜਨਾ ਹੋਵੇਗਾ ਸਿੰਧੂ 2016 ਦੀਆਂ ਰਿਓ ਓਲੰਪਿਕ, ਇਸ ਸਾਲ ਦੀਆਂ ਰਾਸ਼ਟਰਮੰਡਲ ਖੇਡਾਂ ਅਤੇ ਵਿਸ਼ਵ ਚੈਂਪੀਅਨਸ਼ਿਪ ਦੇ ਫਾਈਨਲ ‘ਚ ਹਾਰ ਕੇ ਚਾਂਦੀ ਤਗਮਾ ਹੀ ਜਿੱਤ ਸਕੀ ਸੀ ਅਤੇ ਉਸਨੂੰ ਇੱਕ ਵਾਰ ਫਿਰ ਫਾਈਨਲ ਦੀ ਰੁਕਾਵਟ ਤੋਂ ਬਾਹਰ ਨਿਕਲ ਕੇ ਦੇਸ਼ ਨੂੰ ਸੋਨ ਤਗਮਾ ਦਿਵਾਉਣ ਦੀ ਜ਼ਿੰਮ੍ਹੇਦਾਰੀ ਹੋਵੇਗੀ।

ਦੁਨੀਆਂ ਦੀ ਨੰਬਰ ਇੱਕ ਖਿਡਾਰਨ ਤੋਂ ਹਾਰੀ ਸਾਇਨਾ | PV Sindhu

ਸਾਇਨਾ ਨੂੰ ਸੈਮੀਫਾਈਨਲ ਮੈਚ ‘ਚ ਅੱਵਲ ਦਰਜਾ ਪ੍ਰਾਪਤ ਚੀਨੀ ਤਾਈਪੇ ਦੀ ਤਾਈ ਜੂ ਦੇ ਹੱਥੋਂ ਲਗਾਤਾਰ ਗੇਮਾਂ ‘ਚ 17-21, 14-21 ਨਾਲ ਮਾਤ ਝੱਲਣੀ ਪਈ ਅਤੇ ਕਾਂਸੀ ਤਗਮੇ ਨਾਲ ਸੰਤੋਸ਼ ਕਰਨਾ ਪਿਆ 10ਵੇਂ ਨੰਬਰ ਦੀ ਸਾਇਨਾ ਨੇ ਪਹਿਲੀ ਗੇਮ ‘ਚ ਜੂ ਵਿਰੁੱਧ ਥੋੜਾ ਸੰਘਰਸ਼ ਕੀਤਾ ਅਤੇ ਇੱਕ ਸਮੇਂ ਸਕੋਰ 8-8 ਨਾਲ ਬਰਾਬਰ ਕਰ ਲਿਆ ਪਰ ਤਾਈਪੇ ਦੀ ਖਿਡਾਰੀ ਨੇ ਫਿਰ ਲਗਾਤਾਰ ਚਾਰ ਅੰਕ ਲੈਂਦੇ ਹੋਏ ਵਾਧਾ ਬਣਾਇਆ ਅਤੇ ਪਹਿਲੀ ਗੇਮ 21-17 ‘ਤੇ ਸਮਾਪਤ ਕਰ ਦਿੱਤੀ। (PV Sindhu)

ਦੂਸਰੀ ਗੇਮ ‘ਚ ਵੀ ਸਾਇਨਾ ਨੇ ਪੱਛੜਨ ਤੋਂ ਬਾਅਦ ਵਾਪਸੀ ਕੀਤੀ ਅਤੇ ਸਕੋਰ 12-12 ਨਾਲ ਬਰਾਬਰ ਕੀਤਾ ਪਰ ਜੂ ਨੇ ਫਿਰ ਵਾਧਾ ਬਣਾਉਣ ਦਾ ਸਿਲਸਿਲਾ ਸ਼ੁਰੂ ਕੀਤਾ ਅਤੇ 21-14 ‘ਤੇ ਗੇਮ ਅਤੇ ਮੈਚ ਸਮਪਾਤ ਕਰ ਦਿੱਤਾ ਤਾਈਪੇ ਦੀ ਖਿਡਾਰੀ ਨੇ ਸਾਇਨਾ ਵਿਰੁੱਧ ਆਪਣਾ ਪਿਛਲਾ ਸ਼ਾਨਦਾਰ ਰਿਕਾਰਡ ਬਰਕਰਾਰ ਰੱਖਦੇ ਹੋਏ ਲਗਾਤਾਰ 10ਵੀਂ ਜਿੱਤ ਹਾਸਲ ਕੀਤੀ ਸਾਇਨਾ ਹਾਰ ਗਈ ਪਰ ਉਸਨੂੰ ਇਸ ਗੱਲ ਦਾ ਸੰਤੋਸ਼ ਰਿਹਾ ਕਿ ਉਸਨੇ ਏਸ਼ੀਆਈ ਖੇਡਾਂ ‘ਚ ਤਗਮਾ ਜਿੱਤਣ ਦਾ ਆਪਣਾ ਸੁਪਨਾ ਪੂਰਾ ਕਰ ਲਿਆ ਸਾਇਨਾ ਪਿਛਲੀਆਂ ਏਸ਼ੀਆਈ ਖੇਡਾਂ ਦੇ ਕੁਆਰਟਰ ਫਾਈਨਲ ‘ਚ ਹਾਰੀ ਸੀ ਅਤੇ ਇਸ ਵਾਰ ਉਸਨੇ ਕਾਂਸੀ ਤਗਮਾ ਜਿੱਤਿਆ ਅਤੇ 36 ਸਾਲ ਪਹਿਲਾਂ ਦੀ ਮੋਦੀ ਦੀ ਪ੍ਰਾਪਤੀ ਦੀ ਬਰਾਬਰੀ ਕਰ ਲਈ। (PV Sindhu)

ਸੋਨ ਤਗਮਾ ਦਿਵਾਉਣਾ ਵੱਡੀ ਜ਼ਿੰਮ੍ਹੇਦਾਰੀ : ਸਿੰਧੂ | PV Sindhu

ਵਿਸ਼ਵ ‘ਚ ਤੀਸਰੇ ਨੰਬਰ ਦੀ ਖਿਡਾਰੀ ਸਿੰਧੂ ਏਸ਼ੀਆਈ ਖੇਡਾਂ ‘ਚ ਮਹਿਲਾ ਸਿੰਗਲ ਫਾਈਨਲ ਤੱਕ ਪਹੁੰਚਣ ਵਾਲੀ ਪਹਿਲੀ ਭਾਰਤੀ ਖਿਡਾਰੀ ਬਣੀ ਹੈ ਖ਼ਿਤਾਬੀ ਮੁਕਾਬਲੇ ‘ਚ ਉਹ ਵਿਸ਼ਵ ਦੀ ਨੰਬਰ ਇੱਕ ਖਿਡਾਰੀ ਚੀਨੀ ਤਾਈਪੇ ਦੀ ਤਾਈ ਜੂ ਨਾਲ ਭਿੜੇਗੀ ਸਿੰਧੂ ਨੇ ਸੈਮੀਫਾਈਨਲ ਜਿੱਤਣ ਤੋਂ ਬਾਅਦ ਕਿਹਾ ਕਿ ਮੇਰੇ ਲਈ ਇਹ ਮਾਣ ਦੀ ਗੱਲ ਹੈ ਕਿ ਮੈਂ ਫਾਈਨਲ ‘ਚ ਪਹੁੰਚੀ ਹਾਂ ਅਤੇ ਹੁਣ ਦੇਸ਼ ਨੂੰ ਪਹਿਲਾ ਸੋਨ ਤਗਮਾ ਦਿਵਾਉਣ ਲਈ ਖੇਡਾਂਗੀ ਇਹ ਵੱਡੀ ਜਿੰਮ੍ਹੇਦਾਰੀ ਹੈ ਪਰ ਮੈਂ ਇਸ ਸੋਚ ਕੇ ਨਹੀਂ ਖੇਡਾਂਗੀ ਕਿ ਕਿਸੇ ਵੱਡੀ ਖਿਡਾਰੀ ਵਿਰੁਧ ਖੇਡਣਾ ਹੈ ਸਗੋਂ ਮੈਂ ਫਾਈਨਲ ‘ਚ ਆਪਣਾ 100 ਫੀਸਦੀ ਖੇਡਣ ਦੀ ਕੋਸ਼ਿਸ਼ ਕਰਾਂਗੀ ਏਸ਼ੀਆਈ ਖੇਡਾਂ ਦੇ ਬੈਡਮਿੰਟਨ ਇਤਿਹਾਸ ‘ਚ  ਭਾਰਤ ਨੇ ਸਿਰਫ਼ ਅੱਠ ਕਾਂਸੀ ਤਗਮੇ ਜਿੱਤੇ ਹਨ ਭਾਰਤ ਕੋਲ ਹੁਣ ਤੱਕ ਏਸ਼ੀਆਡ ‘ਚ ਛੇ ਟੀਮ ਤਗਮੇ ਅਤੇ ਦੋ ਪੁਰਸ਼ ਤਗਮੇ ਹਨ

ਦੱ.ਅਫ਼ਰੀਕਾ 124 ‘ਤੇ ਢੇਰ | Cricket News

ਕੋਲੰਬੋ (ਏਜੰਸੀ)। ਆਫ਼ ਸਪਿੱਨਰਾਂ ਅਕੀਲਾ ਧਨੰਜੇ(52 ਦੌੜਾਂ ‘ਤੇ ਪੰਜ ਵਿਕਟਾਂ) ਅਤੇ ਦਿਲਵਰੁਵਾਨ ਪਰੇਰਾ (40 ਦੌੜਾਂ ‘ਤੇ 4 ਵਿਕਟਾਂ) ਨੇ ਦੱਖਣੀ ਅਫ਼ਰੀਕਾ ਨੂੰ ਦੂਸਰੇ ਕ੍ਰਿਕਟ ਟੈਸਟ ਦੇ ਦੂਸਰੇ ਦਿਨ ਸ਼ਨਿੱਚਰਵਾਰ ਨੂੰ ਪਹਿਲੀ ਪਾਰੀ ‘ਚ ਸਿਰਫ਼ 124 ਦੌੜਾਂ ‘ਤੇ ਢੇਰ ਕਰ ਕੇ ਮੈਚ ‘ਤੇ ਆਪਣਾ ਸ਼ਿਕੰਜ਼ਾ ਕਸ ਦਿੱਤਾ ਸ਼੍ਰੀਲੰਕਾ ਨੂੰ ਪਹਿਲੀ ਪਾਰੀ ‘ਚ 214 ਦੌੜਾਂ ਦਾ ਵਾਧਾ ਮਿਲਿਆ ਪਰ ਉਸਨੇ ਫਾਲੋਆਨ ਨਹੀਂ ਕਰਾਇਆ ਸ਼੍ਰੀਲੰਕਾ ਦੇ ਦੂਸਰੀ ਪਾਰੀ ‘ਚ ਦਿਨ ਦੀ ਖੇਡ ਸਮਾਪਤ ਹੋਣ ਤੱਕ ਤਿੰਨ ਵਿਕਟਾਂ ਗੁਆ ਕੇ 151 ਦੌੜਾਂ ਬਣਾ ਲਈਆਂ ਹਨ ਅਤੇ ਉਸਦਾ ਕੁੱਲ ਵਾਧਾ 365 ਦੌੜਾਂ ਦਾ ਹੋ ਗਿਆ ਹੈ ਦੱੱ.ਅਫ਼ਰੀਕਾ ਦੇ ਕੇਸ਼ਵ ਮਹਾਰਾਜ ਨੇ ਪਹਿਲੀ ਪਾਰੀ ‘ਚ 9 ਵਿਕਟਾਂ ਤੋਂ ਬਾਅਦ ਦੂਸਰੀ ਪਾਰੀ ‘ਚ ਵੀ ਸ਼੍ਰੀਲੰਕਾ ਦੀ ਡਿੱਗੀਆਂ ਤਿੰਨ ਵਿਕਟਾਂ ਚੋਂ ਦੋ ਵਿਕਟਾਂ ਹਾਸਲ ਕੀਤੀਆਂ। (Cricket News)

ਇਸ ਤੋਂ ਪਹਿਲਾਂ ਦੱਖਣੀ ਅਫ਼ਰੀਕਾ ਦੇ ਖੱਬੇ ਹੱਥ ਦੇ ਸਪਿੱਨ ਗੇਂਦਬਾਜ਼ ਕੇਸ਼ਵ ਮਹਾਰਾਜ ਵੱਲੋਂ ਲਈਆਂ ਗਈਆਂ 9 ਵਿਕਟਾਂ ਦੇ ਦਮ ‘ਤੇ ਦੱਖਣੀ ਅਫ਼ਰੀਕਾ ਨੇ ਸਿੰਹਲੀ ਸਪੋਰਟਸ ਕਲੱਬ ‘ਚ ਖੇਡੇ ਜਾ ਰਹੇ ਦੂਸਰੇ ਟੈਸਟ ਮੈਚ ਦੇ ਦੂਸਰੇ ਦਿਨ ਮੇਜ਼ਬਾਨ ਸ਼੍ਰੀਲੰਕਾ ਨੂੰ 338 ਦੌੜਾਂ ਦੇ ਸਕੋਰ ‘ਤੇ ਆਊਟ ਕਰ ਦਿੱਤਾ ਸ਼ੁੱਕਰਵਾਰ ਤੱਕ ਸ਼੍ਰੀਲੰਕਾ ਨੇ 9 ਵਿਕਟਾਂ ਦੇ ਨੁਕਸਾਨ ‘ਤੇ 277 ਦੌੜਾਂ ਬਣਾਈਆਂ ਸਨ ਜਿਸ ਵਿੱਚ ਭਾਰਤੀ ਮੂਲ ਦੇ ਕੇਸ਼ਵ ਦੇ ਨਾਂਅ 8 ਵਿਕਟਾਂ ਸਨ ਇੱਕ ਪਾਰੀ ‘ਚ ਉਹ ਅਜਿਹਾ ਕਰਨ ਵਾਲੇ 17ਵੇਂ ਅਤੇ ਦੱਖਣੀ ਅਫਰੀਕਾ ਦੇ ਦੂਸਰੇ ਗੇਂਦਬਾਜ਼ ਹਨ ਮਹਾਰਾਜ ਨੇ 41.1 ਓਵਰਾਂ ‘ਚ 129 ਦੌੜਾਂ ਦੇ ਕੇ 9 ਵਿਕਟਾਂ ਲਈਆਂ। (Cricket News)

61 ਸਾਲਾਂ ਬਾਅਦ ਬਣਿਆ ਇਹ ਰਿਕਾਰਡ | Cricket News

ਦੱਖਣੀ ਅਫ਼ਰੀਕਾ ਲਈ 61 ਸਾਲ ਬਾਅਦ ਇਹ ਮੌਕਾ ਆਇਆ ਹੈ ਜਦੋਂ ਉਸਦੇ ਕਿਸੇ ਗੇਂਦਬਾਜ਼ ਨੇ ਇੱਕ ਪਾਰੀ ‘ਚ 9 ਵਿਕਟਾਂ ਲਈਆਂ ਹਨ ਮਹਾਰਾਜ ਤੋਂ ਪਹਿਲਾਂ ਇਹ ਕੰਮ 1957 ‘ਚ ਦੱਖਣੀ ਅਫ਼ਰੀਕਾ ਦੇ ਹਿਊਜ਼ ਟੈਫੀਲਡ ਨੇ ਇੰਗਲੈਂਡ ਵਿਰੁੱਧ 113 ਦੌੜਾਂ ਦੇ ਕੇ 9 ਵਿਕਟਾਂ ਹਾਸਲ ਕੀਤੀਆਂ ਸਨ ਖ਼ਾਸ ਗੱਲ ਇਹ ਹੈ ਕਿ ਉਸ ਸਮੇਂ 8 ਗੇਂਦਾਂ ਦਾ ਇੱਕ ਓਵਰ ਹੁੰਦਾ ਸੀ।

ਇੱਕ ਵਿਕਟ ਤੋਂ ਖੁੰਝਿਆ ਕੇਸ਼ਵ | Cricket News

ਮਹਾਰਾਜ ਤੋਂ ਇਲਾਵਾ ਕਾਗਿਸੋ ਰਬਾਡਾ ਇੱਕ ਵਿਕਟ ਲੈਣ ‘ਚ ਸਫ਼ਲ ਰਿਹਾ ਮਹਾਰਾਜ ਦਾ ਇਹ ਪ੍ਰਦਰਸ਼ਨ ਸ਼੍ਰੀਲੰਕਾ ਵਿਰੁੱਧ ਕੀਤਾ ਗਿਆ ਹੁਣ ਤੱਕ ਦਾ ਸਰਵਸ੍ਰੇਸ਼ਠ ਪ੍ਰਦਰਸ਼ਨ ਹੈ ਜੇਕਰ ਉਹ ਰਬਾਡਾ ਦੇ ਖ਼ਾਤੇ ‘ਚ ਜਾਣ ਵਾਲੀ ਵਿਕਟ ਵੀ ਲੈ ਲੈਂਦਾ ਤਾਂ ਇੰਗਲੈਂਡ ਦੇ ਜਿਮ ਲੇਕਰ ਅਤੇ ਭਾਰਤ ਦੇ ਅਨਿਲ ਕੁੰਬਲੇ ਤੋਂ ਬਾਅਦ ਇੱਕ ਪਾਰੀ ‘ਚ ਸਾਰੀਆਂ ਵਿਕਟਾਂ ਲੈਣ ਵਾਲਾ ਦੁਨੀਆਂ ਦਾ ਤੀਸਰਾ ਗੇਂਦਬਾਜ਼ ਬਣ ਜਾਂਦਾ।

ਇਸ ਰਿਕਾਰਡ ਤੋਂ ਵੀ ਖੁੰਝ ਗਿਆ ਮਹਾਰਾਜ | Cricket News

ਕੇਸ਼ਵ ਮਹਾਰਾਜ (129) ਸਿਰਫ਼ ਦੋ ਦੌੜਾਂ ਜ਼ਿਆਦਾ ਦੇਣ ਕਾਰਨ ਸ਼੍ਰੀਲੰਕਾ ਦੇ ਧੁਰੰਦਰ ਸਪਿੱਨ ਗੇਂਦਬਾਜ਼ ਰੰਗਨਾ ਹੇਰਾਥ ਦੇ ਪਾਕਿਸਤਾਨ ਵਿਰੁੱਧ 2014 ‘ਚ ਇੱਕ ਟੈਸਟ ਮੈਚ ਦੀ ਇੱਕ ਪਾਰੀ ‘ਚ ਖੱਬੇ ਹੱਥ ਦੇ ਸਪਿੱਨ ਗੇਂਦਬਾਜ਼ ਵੱਲੋਂ ਕੀਤੇ ਸਰਵਸ੍ਰੇਸ਼ਠ ਪ੍ਰਦਰਸ਼ਨ 127 ਦੌੜਾਂ ਦੇ ਕੇ 9 ਵਿਕਟਾਂ ਤੋਂ ਪਿੱਛੇ ਰਹਿ ਗਏ ਖ਼ਾਸ ਗੱਲ ਇਹ ਹੈ ਕਿ ਹੇਰਾਥ ਨੇ ਵੀ ਇਹ ਪ੍ਰਦਰਸ਼ਨ ਸਿੰਹਲੀ ਸਪੋਰਟਸ ਕਲੱਬ ਦੇ ਇਸ ਦੇ ਮੈਦਾਨ ‘ਤੇ ਕੀਤਾ ਜਿੱਥੇ ਕੇਸ਼ਵ ਮਹਾਰਾਜ ਨੇ 9 ਵਿਕਟਾਂ ਲਈਆਂ।