ਖੁਸ਼ਕਿਸਮਤ ਹਾਂ ਕਿ ਅਯੁੱਧਿਆ ’ਚ ਸ਼੍ਰੀ ਰਾਮ ਮੰਦਰ ਵਿਖੇ ਨਤਮਸਤਕ ਹੋਣ ਦਾ ਸੁਭਾਗ ਪ੍ਰਾਪਤ ਹੋਇਆ : MP Preneet Kaur

(ਖੁਸ਼ਵੀਰ ਸਿੰਘ ਤੂਰ) ਪਟਿਆਲਾ। ਸਾਬਕਾ ਵਿਦੇਸ਼ ਰਾਜ ਮੰਤਰੀ ਅਤੇ ਪਟਿਆਲਾ ਤੋਂ ਸੰਸਦ ਮੈਂਬਰ ਪ੍ਰਨੀਤ ਕੌਰ (MP Preneet Kaur) ਨੇ ਅੱਜ ਅਯੁੱਧਿਆ ਵਿਖੇ ਭਗਵਾਨ ਸ੍ਰੀ ਰਾਮ ਜੀ ਦੇ ਜਨਮ ਅਸਥਾਨ ਪਵਿੱਤਰ ਸ੍ਰੀ ਰਾਮ ਮੰਦਰ ਦੇ ਦਰਸ਼ਨ ਕੀਤੇ ਸੰਸਦ ਮੈਂਬਰ ਨੇ ਗੁਰਦੁਆਰਾ ਸ੍ਰੀ ਨਜ਼ਰਬਾਗ ਸਾਹਿਬ ਵਿਖੇ ਵੀ ਮੱਥਾ ਟੇਕਿਆ, ਜਿੱਥੇ ਪਹਿਲੇ ਸਿੱਖ ਗੁਰੂ ਸ੍ਰੀ ਗੁਰੂ ਨਾਨਕ ਦੇਵ ਜੀ ਮਹਾਰਾਜ ਅਤੇ ਦਸਵੇਂ ਗੁਰੂ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਮਹਾਰਾਜ ਅਯੁੱਧਿਆ ਯਾਤਰਾ ਦੌਰਾਨ ਠਹਿਰੇ ਸਨ।

ਅਯੁੱਧਿਆ ਹਵਾਈ ਅੱਡੇ ’ਤੇ ਆਪਣੀ ਆਮਦ ਦੌਰਾਨ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਪਟਿਆਲਾ ਦੇ ਸੰਸਦ ਮੈਂਬਰ ਨੇ ਕਿਹਾ ਉਹ ਅੱਜ ਭਗਵਾਨ ਸ਼੍ਰੀ ਰਾਮ ਜੀ ਦੇ ਜਨਮ ਅਸਥਾਨ ਪਵਿੱਤਰ ਸ੍ਰੀ ਰਾਮ ਮੰਦਰ ਵਿਖੇ ਨਤਮਸਤਕ ਹੋਣ ਅਤੇ ਮੱਥਾ ਟੇਕਣ ਲਈ ਬਹੁਤ ਉਤਸ਼ਾਹਿਤ ਅਤੇ ਖੁਸ਼ ਹਾਂ ਇਹ ਬਹੁਤ ਹੀ ਪਵਿੱਤਰ ਸਥਾਨ ਹੈ ਅਤੇ ਇਸ ਨਾਲ ਬਹੁਤ ਸਾਰੀਆਂ ਆਸਥਾਵਾਂ ਜੁੜੀਆਂ ਹੋਈਆਂ ਹਨ ਅਤੇ ਉਹ ਇਹ ਮੌਕਾ ਪ੍ਰਾਪਤ ਕਰਕੇ ਆਪਣੇ ਆਪ ਨੂੰ ਖੁਸ਼ਕਿਸਮਤ ਮਹਿਸੂਸ ਕਰਦੀ ਹਾਂ।

ਇਹ ਵੀ ਪੜ੍ਹੋ: ਅਰਵਿੰਦ ਕੇਜਰੀਵਾਲ ਨੂੰ ਰਾਹਤ, ਦਿੱਲੀ ਹਾਈਕੋਟ ਵੱਲੋਂ ਆਇਆ ਵੱਡਾ ਫ਼ੈਸਲਾ

ਉਨ੍ਹਾਂ (MP Preneet Kaur) ਕਿਹਾ ਕਿ ਉਹ ਰਾਮ ਲੱਲਾ ਜੀ ਨੂੰ ਪ੍ਰਾਰਥਨਾ ਕਰਦੇ ਹਨ ਕਿ ਉਹ ਪਟਿਆਲਾ, ਪੰਜਾਬ ਅਤੇ ਪੂਰੇ ਦੇਸ਼ ਦੇ ਲੋਕਾਂ ’ਤੇ ਆਪਣਾ ਆਸ਼ੀਰਵਾਦ ਬਣਾਈ ਰੱਖਣ। ਮੋਦੀ ਦੀ ਭੂਮਿਕਾ ’ਤੇ ਮੀਡੀਆ ਦੇ ਸਵਾਲ ਦਾ ਜਵਾਬ ਦਿੰਦੇ ਹੋਏ ਪ੍ਰਨੀਤ ਕੌਰ ਨੇ ਕਿਹਾ ਕਿ ਸਾਡੇ ਮਾਣਯੋਗ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਮਜ਼ਬੂਤ ਇੱਛਾ ਸ਼ਕਤੀ ਅਤੇ ਅਗਵਾਈ ਦੇ ਕਾਰਨ ਹੀ ਸ਼੍ਰੀ ਰਾਮ ਮੰਦਰ ਦਾ ਉਦਘਾਟਨ ਸੰਭਵ ਹੋ ਸਕਿਆ ਹੈ। ਉਹ ਆਪਣੇ-ਆਪ ਨੂੰ ਬਹੁਤ ਖੁਸ਼ਕਿਸਮਤ ਮੰਨਦੀ ਹੈ ਕਿ ਆਪਣੇ ਜੀਵਨ ਕਾਲ ਵਿੱਚ 2 ਇਤਿਹਾਸਕ ਪਲਾਂ ਦਾ ਸਾਹਮਣਾ ਕੀਤਾ ਹੈ ਇੱਕ ਸ਼੍ਰੀ ਰਾਮ ਮੰਦਰ ਦਾ ਉਦਘਾਟਨ ਅਤੇ ਦੂਜਾ ਸ੍ਰੀ ਕਰਤਾਰਪੁਰ ਸਾਹਿਬ ਲਾਂਘੇ ਦਾ ਉਦਘਾਟਨ ਨਰਿੰਦਰ ਮੋਦੀ ਨੇ ਹਰ ਇੱਕ ਧਰਮ ਦਾ ਸਤਿਕਾਰ ਯਕੀਨੀ ਬਣਾਇਆ ਹੈ।

ਸੈਰ-ਸਪਾਟੇ ਨੂੰ ਹੱਲਾਸ਼ੇਰੀ : ਦੇਸ਼ ਦੀ ਵਿਦੇਸ਼ੀ ਮੁਦਰਾ ਵਧੇਗੀ, ਆਰਥਿਕ ਵਿਕਾਸ ਨੂੰ ਮਿਲੇਗੀ ਰਫ਼ਤਾਰ | Ayodhya Ram Mandir

ਆਉਣ ਵਾਲੇ ਸਾਲਾਂ ’ਚ ਧਾਰਮਿਕ ਸੈਰ-ਸਪਾਟੇ ਨੂੰ ਹੱਲਾਸ਼ੇਰੀ ਮਿਲਣ ਦੀ ਸੰਭਾਵਨਾ ਹੈ ਧਾਰਮਿਕ ਸੈਰ-ਸਪਾਟਾ ਹਮੇਸ਼ਾ ਤੋਂ ਘਰੇਲੂ ਅਤੇ ਵਿਦੇਸ਼ੀ ਸੈਲਾਨੀਆਂ ਨੂੰ ਖਿੱਚਦਾ ਰਿਹਾ ਹੈ ਅਤੇ ਉਮੀਦ ਕੀਤੀ ਜਾਂਦੀ ਹੈ ਕਿ ਧਾਰਮਿਕ ਸੈਰ-ਸਪਾਟੇ ਵੱਲ ਜ਼ਿਆਦਾ ਸੈਲਾਨੀ ਖਿੱਚੇ ਆਉਣਗੇ ਅਧਿਆਤਮਕ ਸੈਰ-ਸਪਾਟਾ ਇੱਕ ਧਾਰਨਾ ਦੇ ਰੂਪ ’ਚ ਵਿਕਸਿਤ ਹੋਇਆ ਅਤੇ ਭਾਰਤ ’ਚ ਸੈਰ-ਸਪਾਟਾ ਉਦਯੋਗ ਦੇ ਮੁੜ-ਵਿਕਾਸ ’ਚ ਕਾਫ਼ੀ ਯੋਗਦਾਨ ਕਰ ਰਿਹਾ ਹੈ ਅਯੁੱਧਿਆ ’ਚ ਰਾਮ ਮੰਦਰ ਦੇ ਉਦਘਾਟਨ ਅਤੇ ਪ੍ਰਾਣ ਪ੍ਰਤਿਸ਼ਠਾ ਤੋਂ ਬਾਅਦ ਸਾਰੇ ਵਰਗਾਂ ਦੇ ਸੈਲਾਨੀ ਅਯੁੱਧਿਆ ਜਾਣਾ ਚਾਹੁੰਦੇ ਹਨ। (Ayodhya Ram Mandir)

ਉੁਥੇ ਸੈਲਾਨੀਆਂ ਦੀ ਗਿਣਤੀ 150 ਫੀਸਦੀ ਤੱਕ ਵਧੀ ਹੈ ਭਾਰਤੀ ਸਟੇਟ ਬੈਂਕ ਦੀ ਰਿਸਰਚ ਵਿੰਗ ਅਨੁਸਾਰ ਇਸ ਸਾਲ ਦੇ ਅੰਤ ਤੱਕ ਉੱਤਰ ਪ੍ਰਦੇਸ਼ ’ਚ ਘਰੇਲੂ ਅਤੇ ਵਿਦੇਸ਼ੀ ਸੈਲਾਨੀਆਂ ਵੱਲੋਂ 4 ਲੱਖ ਕਰੋੜ ਰੁਪਏ ਤੋਂ ਜ਼ਿਆਦਾ ਦੀ ਰਾਸ਼ੀ ਖਰਚ ਕੀਤੀ ਜਾਵੇਗੀ ਐਸਬੀਆਈ ਦੀ ਈਕੋਰੈਪ ਦੇ ਮੁਲਾਂਕਣ ਅਨੁਸਾਰ ਵਿੱਤੀ ਵਰ੍ਹੇ 2025 ਦੌਰਾਨ ਸੈਲਾਨੀਆਂ ਦੀ ਗਿਣਤੀ ’ਚ ਵਾਧੇ ਨਾਲ ਯੋਗੀ ਆਦਿੱਤਿਆਨਾਥ ਸਰਕਾਰ 20 ਤੋਂ 25 ਹਜ਼ਾਰ ਕਰੋੜ ਰੁਪਏ ਦਾ ਵਾਧੂ ਮਾਲੀਆ ਪ੍ਰਾਪਤ ਕਰ ਸਕਦੀ ਹੈ ਸੰਸਾਰਿਕ ਬ੍ਰੋਕਰੇਜ ਫਰਮ ਜੇਫ਼ਰੀਜ ਨੇ ਇੱਕ ਰਿਪੋਰਟ ’ਚ ਭਵਿੱਖਬਾਣੀ ਕੀਤੀ ਹੈ ਕਿ ਰਾਮ ਮੰਦਰ ਨਾਲ ਭਾਰਤ ’ਚ ਪ੍ਰਤੀ ਸਾਲ 50 ਬਿਲੀਅਨ ਤੋਂ ਜ਼ਿਆਦਾ ਸੈਲਾਨੀ ਆ ਸਕਦੇ ਹਨ ਰਿਪੋਰਟ ’ਚ ਕਿਹਾ ਗਿਆ ਹੈ ਕਿ ਰਾਮ ਮੰਦਰ ਦਾ ਉਦਘਾਟਨ ਇੱਕ ਵੱਡਾ ਧਾਰਮਿਕ ਸਮਾਰੋਹ ਹੈ। (Ayodhya Ram Mandir)

ਇਸ ਦਾ ਭਾਰਤ ’ਤੇ ਵਿਆਪਕ ਆਰਥਿਕ ਅਸਰ ਵੀ ਪਵੇਗਾ ਕਿਉਂਕਿ ਭਾਰਤ ਨੂੰ ਇੱਕ ਵੱਡਾ ਸੈਰ-ਸਪਾਟਾ ਸਥਾਨ ਮਿਲ ਗਿਆ ਹੈ ਤੇ ਇੱਥੇ ਪ੍ਰਤੀ ਸਾਲ 50 ਬਿਲੀਅਨ ਤੋਂ ਜਿਆਦਾ ਸੈਲਾਨੀ ਆ ਸਕਦੇ ਹਨ ਅਯੁੱਧਿਆ ਦੇ ਵਿਕਾਸ ਲਈ 85 ਹਜ਼ਾਰ ਕਰੋੜ ਰੁਪਏ ਦੀ ਯੋਜਨਾ ਜਿਸ ’ਚ ਨਵਾਂ ਹਵਾਈ ਅੱਡਾ, ਰੇਲਵੇ ਸਟੇਸ਼ਨ, ਨਵੀਂ ਟਾਊਨਸ਼ਿਪ, ਸੜਕ ਸੰਪਰਕ ’ਚ ਸੁਧਾਰ, ਨਵੇਂ ਹੋਟਲ ਅਤੇ ਹੋਰ ਆਰਥਿਕ ਕੰਮ ਸ਼ੁਰੂ ਹੋਣ ਨਾਲ ਸ਼ਹਿਰ ਦਾ ਵਿਕਾਸ ਹੋਵੇਗਾ ਮੋਦੀ ਸਰਕਾਰ ਨੇ ਢਾਂਚਿਆਂ ’ਚ ਸੁਧਾਰ ਕਰਨਾ ਸ਼ੁਰੂ ਕੀਤਾ ਅਤੇ ਹੁਣ ਜ਼ਿਆਦਾਤਰ ਤੀਰਥ ਸਥਾਨਾਂ ਦੀ ਸਥਿਤੀ ਪਹਿਲਾਂ ਤੋਂ ਬਿਹਤਰ ਹੈ ਅੰਕੜਿਆਂ ਤੋਂ ਪਤਾ ਲੱਗਦਾ ਹੈ ਕਿ ਅਧਿਆਤਮਕ ਸੈਰ-ਸਪਾਟਾ ਸਥਾਨਾਂ ਦੀ ਖੋਜ ’ਚ 97 ਫੀਸਦੀ ਦਾ ਵਾਧਾ ਹੋਇਆ ਹੈ ਅਤੇ ਅਯੁੱਧਿਆ ’ਚ ਪ੍ਰਾਣ ਪ੍ਰਤਿਸ਼ਠਾ ਤੋਂ ਬਾਅਦ ਅਯੁੱਧਿਆ ਦੀ ਖੋਜ ’ਚ 1800 ਫੀਸਦੀ ਦਾ ਵਾਧਾ ਹੋਇਆ ਹੈ।

ਸਭ ਤੋਂ ਜ਼ਿਆਦਾ ਵਾਧਾ 30 ਦਸੰਬਰ ਨੂੰ ਹੋਇਆ ਜਦੋਂ ਅਯੁੱਧਿਆ ’ਚ ਅੰਤਰਰਾਸ਼ਟਰੀ ਜਹਾਜ਼ ਪੱਤਣ ਦਾ ਉਦਘਾਟਨ ਕੀਤਾ ਗਿਆ ਮਾਰਚ 2023 ’ਚ ਸੈਰ-ਸਪਾਟਾ ਮੰਤਰਾਲੇ ਵੱਲੋਂ ਜਾਰੀ ਅੰਕੜਿਆਂ ਅਨੁਸਾਰ ਸਾਲ 2022 ’ਚ ਧਾਰਮਿਕ ਸੈਰ-ਸਪਾਟੇ ਨਾਲ 134543 ਕਰੋੜ ਰੁਪਏ ਜੋੜੇ ਗਏ ਜਦੋਂ ਕਿ 2021 ’ਚ ਇਹ ਰਾਸ਼ੀ 65070 ਕਰੋੜ ਰੁਪਏ ਸੀ ਇਸ ਲਈ ਇਹ ਮੰਨਿਆ ਜਾ ਰਿਹਾ ਹੈ ਕਿ ਅਧਿਆਤਮਕ ਧਾਰਮਿਕ ਸੈਰ-ਸਪਾਟਾ ਭਾਰਤ ਦੇ ਸੈਰ-ਸਪਾਟਾ ਉਦਯੋਗ ਨੂੰ ਹੱਲਾਸ਼ੇਰੀ ਦੇਣ ’ਚ ਇੱਕ ਮਹੱਤਵਪੂਰਨ ਭੂਮਿਕਾ ਨਿਭਾ ਸਕਦਾ ਹੈ ਸਾਲ 2015 ’ਚ ਸਰਕਾਰ ਨੇ ਪ੍ਰਸ਼ਾਦ ਯੋਜਨਾ ਸ਼ੁਰੂ ਕੀਤੀ ਸੀ ਅਤੇ 2016 ’ਚ ਸੈਰ-ਸਪਾਟਾ ਮੰਤਰਾਲੇ ਨੇ ਪੂਰੇ ਦੇਸ਼ ’ਚ ਤੀਰਥ ਸਥਾਨਾਂ ਦੇ ਵਿਕਾਸ ’ਤੇ ਧਿਆਨ ਕੇਂਦਰਿਤ ਕੀਤਾ ਤਾਂ ਕਿ ਧਾਰਮਿਕ ਸੈਰ-ਸਪਾਟਾ ਇੱਕ ਚੰਗਾ ਤਜ਼ਰਬਾ ਬਣੇ। (Ayodhya Ram Mandir)

ਤਹਿਸੀਲਦਾਰ ਦੇ ਨਾਂਅ ’ਤੇ ਰਿਸ਼ਵਤ ਮੰਗਣ ਵਾਲਾ ਕਾਬੂ

ਇਸ ਦਾ ਮਕਸਦ ਤੀਰਥ ਸਥਾਨਾਂ ਨੂੰ ਇੱਕ ਮਿਥੇ ਢੰਗ ਨਾਲ ਜੋੜਨਾ ਸੀ ਤਾਂ ਕਿ ਤੀਰਥ ਯਾਤਰੀਆਂ ਨੂੰ ਸੜਕ ਮਾਰਗ, ਰੇਲ ਮਾਰਗ ਅਤੇ ਜਲ ਮਾਰਗ ਦੇ ਜ਼ਰੀਏ ਇੱਕ ਪੂਰਨ ਤੀਰਥ ਯਾਤਰਾ ਦਾ ਅਨੁਭਵ ਪ੍ਰਾਪਤ ਹੋਵੇ ਇਹੀ ਨਹੀਂ ਤੀਰਥ ਯਾਤਰੀਆਂ ਦੀ ਧਾਰਮਿਕ ਯਾਤਰਾ ਹੁਣ ਸਿਰਫ਼ ਰਿਵਾਇਤੀ ਤੀਰਥ ਸਥਾਨਾਂ ਤੱਕ ਸੀਮਿਤ ਨਹੀਂ ਹੈ ਹੁਣ ਉਹ ਤੀਰਥ ਯਾਤਰਾ ਦੇ ਨਾਲ-ਨਾਲ ਸਥਾਨਕ ਸੈਰ-ਸਪਾਟਾ ਸਥਾਨਾਂ ਅਤੇ ਸਾਹਸਿਕ ਸੈਰ-ਸਪਾਟੇ ’ਚ ਵੀ ਭਾਗ ਲੈਂਦੇ ਹਨ ਉਹ ਹੁਣ ਵੈਸ਼ਣੂੰ ਦੇਵੀ ’ਚ ਨਾਈਟ ਟੇੈਕਿੰਗ, ਰਿਸ਼ੀਕੇਸ਼ ’ਚ ਬੰਗੀ ਜੰਪਿੰਗ ਅਤੇ ਗੰਗਾ ਨਦੀ ’ਚ ਬੋਟਿੰਗ, ਪੁਰੀ ’ਚ ਹੈਰੀਟੇਜ਼ ਕ੍ਰਾਫਟ ਵਿਲੇਜ਼ ਅਤੇ ਕੇਰਲ ’ਚ ਕਲਾਯਾਰੀਅਪਤੁ ’ਚ ਸਥਾਨਕ ਸ਼ਿਲਪ ਨੂੰ ਸਿੱਖਣ ਲਈ ਵੀ ਜਾਂਦੇ ਹਨ ਐਸਓਟੀਸੀ ਅਨੁਸਾਰ ਇਨ੍ਹਾਂ ਖੇਤਰਾਂ ’ਚ ਵੀਕਐਂਡ ਅਤੇ ਵਿਆਹ ਦੌਰਾਨ ਹੋਟਲਾਂ ’ਚ ਓਕੂਪੈਂਸੀ ਸੌ ਫੀਸਦੀ ਰਹਿੰਦੀ ਹੈ।

ਔਸਤ ਓਕੂਪੈਂਸੀ 70-80 ਫੀਸਦੀ ਰਹਿੰਦੀ ਹੈ ਅਯੁੱਧਿਆ ’ਚ ਹੋਟਲਾਂ ਦੇ ਨਿਰਮਾਣ ਅਤੇ ਵਿਕਾਸ ਕਾਰਜਾਂ ’ਚ ਤੇਜ਼ੀ ਆਈ ਹੈ ਵਰਤਮਾਨ ’ਚ ਅਯੁੱਧਿਆ ’ਚ 17 ਹੋਟਲਾਂ ’ਚ 600 ਕਮਰੇ ਹਨ ਸੈਲਾਨੀਆਂ ਦੀ ਜ਼ਰੂਰਤ ਨੂੰ ਪੂਰਾ ਕਰਨ ਲਈ ਅਯੁੱਧਿਆ ’ਚ 70 ਨਵੇਂ ਹੋਟਲ ਖੋਲ੍ਹੇ ਜਾਣਗੇ ਜਿਸ ’ਚੋਂ 40 ਨਿਰਮਾਣ ਅਧੀਨ ਹਨ ਇੰਡੀਅਨ ਹੋਟਲ ਕੰਪਨੀ ਲਿਮ. ਮੈਰੀਅਟ ਇੰਟਰਨੈਸ਼ਨਲ, ਵਿਨਧਮ ਅਤੇ ਓਇਓ ਰੂਮਸ ਸਮੇਤ ਕਈ ਕੰਪਨੀਆਂ ਇੱਥੇ ਹੋਟਲਾਂ ਦੇ ਨਿਰਮਾਣ ਦੀ ਯੋਜਨਾ ਬਣਾ ਰਹੀਆਂ ਹਨ ਜਿਸ ਨਾਲ ਇੱਥੇ ਵਧਦੇ ਸੈਲਾਨੀਆਂ ਅਤੇ ਤੀਰਥ ਯਾਤਰੀਆਂ ਦੀ ਗਿਣਤੀ ਲਈ ਜ਼ਿਆਦਾ ਕਮਰੇ ਮਿਲਣਗੇ ਅਯੁੱਧਿਆ ’ਚ ਨਵੇਂ ਅੰਤਰਰਾਸ਼ਟਰੀ ਜਹਾਜ਼ ਪੱਤਣ ਦਾ ਫੇਸ-1 ਸ਼ੁਰੂ ਹੋ ਗਿਆ ਹੈ ਜੋ ਇੱਥੋਂ ਹਵਾਈ ਯਾਤਰਾ ਨੂੰ ਸੁਖਾਲਾ ਬਣਾਏਗਾ। (Ayodhya Ram Mandir)

ਇਸ ਦਾ ਨਿਰਮਾਣ 145 ਮਿਲੀਅਨ ਡਾਲਰ ਦੀ ਲਾਗਤ ਨਾਲ ਕੀਤਾ ਗਿਆ ਹੈ ਅਤੇ ਇਸ ਦੀ ਸਮਰੱਥਾ ਪ੍ਰਤੀ ਸਾਲ 10 ਲੱਖ ਯਾਤਰੀਆਂ ਦੀ ਹੈ ਜਦੋਂਕਿ ਅਯੁੱਧਿਆ ’ਚ ਤੀਰਥ ਯਾਤਰੀਆਂ ਦੀ ਗਿਣਤੀ 2019 ’ਚ ਸਾਢੇ ਤਿੰਨ ਲੱਖ ਤੋਂ ਵਧ ਕੇ 2022-23 ’ਚ ਵਧ ਕੇ 2 ਕਰੋੜ ਤੋਂ ਜਿਆਦਾ ਪਹੁੰਚ ਗਈ ਹੈ ਇਸ ਖੇਤਰ ’ਚ ਮਾਹਿਰਾਂ ਦਾ ਮੰਨਣਾ ਹੈ ਕਿ ਅਯੁੱਧਿਆ ਵਾਰਾਣਸੀ-ਪਰਿਆਗਰਾਜ ਤ੍ਰਿਕੋਣ ਉੱਤਰ ਪ੍ਰਦੇਸ਼ ਦੀ ਅਰਥਵਿਵਸਥਾ ਨੂੰ ਇੱਕ ਟ੍ਰਿਲੀਅਨ ਦੀ ਅਰਥਵਿਵਸਥਾ ਬਣਾ ਸਕਦਾ ਹੈ ਅਤੇ ਇਹ ਦਿੱਲੀ-ਆਗਰਾ-ਜੈਪੁਰ ਸੈਰ-ਸਪਾਟਾ ਸਰਕਿਟ ਨੂੰ ਵੀ ਪਿੱਛੇ ਛੱਡ ਦੇਵੇਗਾ। ਰਿਸ਼ੀਕੇਸ਼ ਵਾਰਾਣਸੀ ਉੱਜੈਨ ਅਤੇ ਬਰਿੰਦਾਵਨ ਵਰਗੀਆਂ ਹਰਮਨਪਿਆਰੀਆਂ ਸੈਰ-ਸਪਾਟਾਂ ਥਾਵਾਂ ’ਚ ਹੋਟਲਾਂ ਦੀ ਸਥਾਪਨਾ ਕੀਤੀ ਜਾ ਰਹੀ ਹੈ ਤਾਂ ਕਿ ਅਧਿਆਤਮਿਕ ਤੀਰਥ ਯਾਤਰੀ ਇੱਥੇ ਪਹੁੰਚਣ। (Ayodhya Ram Mandir)

ਨਕਾਬਪੋਸ਼ ਲੁਟੇਰਿਆਂ ਨੇ ਦੁਕਾਨਦਾਰ ਕੋਲੋਂ ਲੁੱਟੀ ਨਗਦੀ

ਧਾਰਮਿਕ ਸੈਰ-ਸਪਾਟੇ ਨੂੰ ਹੱਲਾਸ਼ੇਰੀ ਦੇਣਾ ਮਹੱਤਵਪੂਰਨ ਹੈ ਕਿਉਂਕਿ ਇਸ ਨਾਲ ਨਾ ਸਿਰਫ਼ ਰੁਜ਼ਗਾਰ ਸਿਰਜਣ ’ਤੇ ਪ੍ਰਭਾਵ ਪਵੇਗਾ ਸਗੋਂ ਉਸ ਖੇਤਰ ਦੇ ਸਮੁੱਚੇ ਵਿਕਾਸ ’ਤੇ ਵੀ ਪ੍ਰਭਾਵ ਪਵੇਗਾ ਕਿਉਂਕਿ ਧਾਰਮਿਕ ਸੈਰ-ਸਪਾਟੇ ਨੂੰ ਹੱਲਾਸ਼ੇਰੀ ਦੇਣ ਦਾ ਮਤਲਬ ਇਹ ਨਹੀਂ ਹੈ। ਕਿ ਸਿਰਫ਼ ਹਿੰਦੂ ਧਾਰਮਿਕ ਤੀਰਥ ਸਥਾਨਾਂ ਦਾ ਵਿਕਾਸ ਕੀਤਾ ਜਾਵੇ ਮੁਸਲਿਮ ਅਤੇ ਇਸਾਈ ਧਾਰਮਿਕ ਸਥਾਨਾਂ ਦਾ ਵੀ ਵਿਕਾਸ ਕੀਤਾ ਜਾਣਾ ਚਾਹੀਦਾ ਜਿਵੇਂ ਕਿ ਸਿੱਖ ਅਤੇ ਜੈਨ ਤੀਰਥ ਸਥਾਨਾਂ ਦਾ ਵਿਕਾਸ ਕੀਤਾ ਜਾਂਦਾ ਹੈ ਸਗੋਂ ਭਾਰਤ ’ਚ ਹਾਲੇ ਸੈਰ-ਸਪਾਟਾ ਖੇਤਰ ’ਚ ਉਹ ਤੇਜ਼ੀ ਨਹੀਂ ਆਈ ਜੋ ਆਉਣੀ ਚਾਹੀਦੀ ਹੈ। (Ayodhya Ram Mandir)

ਸੈਰ-ਸਪਾਟਾ ਖੇਤਰ ਦਾ ਭਾਰਤ ਦੇ ਕੁੱਲ ਘਰੇਲੂ ਉਤਪਾਦ ’ਚ ਸਿਰਫ਼ 6.8 ਫੀਸਦੀ ਦਾ ਯੋਗਦਾਨ ਹੈ ਅਤੇ ਇਸ ਮਾਮਲੇ ’ਚ ਭਾਰਤ ਉੱਭਰਦੀਆਂ ਅਤੇ ਵਿਕਸਿਤ ਅਰਥਵਿਵਸਥਾਵਾਂ ਤੋਂ ਪਿੱਛੇ ਹੈ ਸਾਲ 2023 ਦੇ ਕੇਂਦਰੀ ਬਜਟ ’ਚ ਸੈਰ-ਸਪਾਟਾ ਖੇਤਰ ਲਈ 2400 ਕਰੋੜ ਰੁਪਏ ਵੰਡੇ ਗਏ ਪਰ ਇਸ ਖੇਤਰ ਨੂੰ ਹੋਰ ਜ਼ਿਆਦਾ ਪੈਸੇ ਦੀ ਜ਼ਰੂਰਤ ਹੈ ਜਦੋਂਕਿ ਇਸ ਖੇਤਰ ’ਚ ਨਿਵੇਸ਼ ਲਈ ਨਿੱਜੀ ਖੇਤਰ ਅੱਗੇ ਆ ਰਿਹਾ ਹੈ ਤੇ ਅਯੁੱਧਿਆ ਇਸ ਦਾ ਉਦਾਹਰਨ ਹੈ ਅਜਿਹਾ ਕਿਹਾ ਜਾ ਰਿਹਾ ਹੈ ਕਿ ਤੀਰਥ ਯਾਤਰੀਆਂ ਦੇ ਆਉਣ-ਜਾਣ ਦੇ ਮਾਮਲੇ ’ਚ ਅਯੁੱਧਿਆ ਵੈਟੀਕਨ ਅਤੇ ਮੱਕੇ ਨੂੰ ਵੀ ਪਿੱਛੇ ਛੱਡ ਦੇਵੇਗਾ ਬਸ਼ਰਤੇ ਕਿ ਇੱਥੇ ਬੁਨਿਆਦੀ ਅਤੇ ਠਹਿਰਨ ਦੀ ਵਿਵਸਥਾ ’ਚ ਸੁਧਾਰ ਕੀਤਾ ਜਾਵੇ।

ਅਯੁੱਧਿਆ ’ਚ ਸ੍ਰੀਰਾਮ ਮੰਦਰ ਦੀ ਪ੍ਰਾਣ ਪ੍ਰਤਿਸ਼ਠਾ ਨਾਲ ਦੇਸ਼ ਦੇ ਇਤਿਹਾਸ ’ਚ ਨਵਾਂ ਅਧਿਆਇ ਜੁੜ ਗਿਆ ਹੈ ਦੇਸ਼ ਦੀ ਸੰਸਕ੍ਰਿਤੀ ਧਰਮ ਸੰਸਕ੍ਰਿਤੀ ਹੈ ਤੇ ਆਪਣੀ ਸੰਸਕ੍ਰਿਤੀ ਨਾਲ ਜੁੜੇ ਬਗੈਰ ਵਿਕਾਸ ਦੀਆਂ ਅਸਲੀ ਮੰਜਲਾਂ ਫਤਹਿ ਨਹੀਂ ਹੋ ਸਕਦੀਆਂ ਸਿਰਫ ਭੌਤਿਕ ਵਿਕਾਸ ਹੀ ਵਿਕਾਸ ਨਹੀਂ ਹੁੰਦਾ ਸਗੋਂ ਮਨੁੱਖ ਦੇ ਜ਼ਿਹਨ ’ਚ ਮੋਤੀਆਂ ਵਰਗੇ ਵਿਚਾਰ ਪੈਦਾ ਹੋਣੇ ਹੀ ਅਸਲ ਵਿਕਾਸ ਹੈ ਅੱਜ ਦੀ ਨਵੀਂ ਪੀੜ੍ਹੀ ਦਾ ਦੁਖਾਂਤ ਹੀ ਇਹੀ ਹੈ ਕਿ ਉਹ ਆਪਣੇ ਵਿਰਸੇ ਤੋਂ ਵਿਰਵੀ ਹੈ। ਸਾਰੇ ਧਰਮਾਂ ਦੀ ਬੁਨਿਆਦੀ ਸਾਂਝ ਹੀ ਇਹ ਹੈ ਕਿ ਧਰਮ ਮਨੁੱਖ ਦੀ ਅਸਲ ਪਛਾਣ ਉੱਚ ਗੁਣਾਂ, ਨੇਕੀ, ਇਮਾਨਦਾਰੀ, ਤਿਆਗ, ਪਿਆਰ, ਵਚਨਬੱਧਤਾ ਤੇ ਸਹਿਯੋਗ ਨੂੰ ਮੰਨਦੇ ਹਨ ਸ੍ਰੀ ਰਾਮ ਜੀ ਭਾਰਤ ਦੀ ਆਤਮਾ ਹਨ ਉਹਨਾਂ ਦਾ ਚਰਿੱਤਰ, ਕਰਮ ਤੇ ਸੰਕਲਪ ਮਨੁੱਖੀ ਸ਼ਖਸੀਅਤ ਦੀ ਉਸਾਰੀ ਲਈ ਪ੍ਰੇਰਨਾਸਰੋਤ ਅਤੇ ਆਧਾਰ ਹਨ। (Ram Mandir Pran Prathistha)

Diwali : ਸ਼੍ਰੀ ਰਾਮ ਦੇ ਪ੍ਰਾਣ-ਪ੍ਰਤਿਸ਼ਠਾ ਸਮਾਰੋਹ ਦੀ ਖੁਸ਼ੀ ’ਚ ਸ਼ਾਨਦਾਰ ਢੰਗ ਨਾਲ ਸਜੇ Dera Sacha Sauda ਦੇ ਸਾਰੇ ਦਰ…

ਇਹ ਘਟਨਾਚੱਕਰ ਸਿਰਫ ਧਾਰਮਿਕ ਸ਼ਰਧਾ ਤੱਕ ਸੀਮਿਤ ਨਹੀਂ ਸਗੋਂ ਧਾਰਮਿਕ ਅਜ਼ਾਦੀ, ਨਿਆਂ ਅਤੇ ਸਮਾਨਤਾ ਸਰਵਸਾਂਝੀਵਾਲਤਾ ਦੀ ਮਹੱਤਤਾ ਨੂੰ ਉਜਾਗਰ ਕਰਦਾ ਹੈ ਧਰਮ ਨੂੰ ਮੰਨਣ ਦੀ ਅਜ਼ਾਦੀ ਤੇ ਦੂਜਿਆਂ ਦੇ ਧਰਮਾਂ/ਵਿਸ਼ਵਾਸਾਂ ਪ੍ਰਤੀ ਸਤਿਕਾਰ ਹੀ ਧਰਮ ਦਾ ਮੂਲ ਹੈ ਸ੍ਰੀ ਰਾਮ ਚੰਦਰ ਜੀ ਦੇ ਸੰਕਲਪਾਂ ਦਾ ਘੇਰਾ ਕਿਸੇ ਸੰਪ੍ਰਦਾਇ ਜਾਂ ਧਰਮ ਵਿਸ਼ੇਸ਼ ਤੱਕ ਸੀਮੀਤ ਨਹੀਂ ਸਗੋਂ ਉਹਨਾਂ ਦੇ ਸੰਕਲਪ ਸਮੁੱਚੀ ਮਨੁੱਖਤਾ ਨੂੰ ਆਪਣੇ ਵਿੱਚ ਸਮਾਉਂਦੇ ਹਨ। ਜਿੱਥੋਂ ਸੱਚੇ ਝੂਠੇ ਤੇ ਜ਼ੁਲਮ ਅਤੇ ਰਾਖੇ ਦੀ ਪਛਾਣ ਕਿਸੇ ਧਰਮ ਜਾਂ ਸੰਪ੍ਰਦਾਇ ਕਰਕੇ ਨਹੀਂ ਸਗੋਂ ਉਹਨਾਂ ਦੇ ਚੰਗੇ ਜਾਂ ਮਾੜੇ ਕਰਮ ਕਰਕੇ ਹੈ ਉਮੀਦ ਕਰਨੀ ਚਾਹੀਦੀ ਹੈ ਕਿ ਸ੍ਰੀਰਾਮ ਮੰਦਰ ਮਨੁੱਖਤਾ ਦੀ ਸਾਂਝ ਤੇ ਸਰਬੱਤ ਦੇ ਭਲੇ ਦੇ ਸੰਕਲਪ ਨੂੰ ਅੱਗੇ ਵਧਾ ਕੇ ਸੁਰੱਖਿਆ ਤੇ ਪਿਆਰ ਭਰੀ ਦੁਨੀਆ ਦੀ ਸਿਰਜਣਾ ਦਾ ਸੁਫ਼ਨਾ ਸਾਕਾਰ ਕਰੇਗਾ। (Ram Mandir Pran Prathistha)

ਚੰਡੀਗੜ੍ਹ। ਅਯੋਧਿਆ ਜਾਣ ’ਤੇ ਭਾਰਤੀ ਕ੍ਰਿਕਟਰ ਹਰਭਜਨ ਸਿੰਘ (Harbhajan Singh) ਨੇ ਕਿਹਾ ਕਿ ਕੋਈ ਵੀ ਪਾਰਟੀ ਜਾਵੇ ਜਾਂ ਨਾ ਜਾਵੇ ਮੈਂ ਜ਼ਰੂਰ ਜਾਵਾਂਗਾ। ਕਾਂਗਰਸ ਦੁਆਰਾ ਰਾਮ ਮੰਦਰ ‘ਪ੍ਰਾਣ ਪ੍ਰਤਿਸ਼ਠਾ’ ਸਮਾਰੋਹ ਦੇ ਸੱਦੇ ਨੂੰ ਨਾਮਨਜ਼ੂਰ ਕਰਨ ’ਤੇ ਸਾਬਕਾ ਕ੍ਰਿਕਟਰ ਹਰਭਜਨ ਸਿੰਘ ਨੇ ਕਿਹਾ ਕਿ ਇਹ ਸਾਡੇ ਭਾਗ ਹਨ ਕਿ ਸਾਡੇ ਦੌਰ ’ਚ ਇਹ ਮੰਦਰ ਬਣ ਰਿਹਾ ਹੈ ਇਸ ਲਈ ਸਾਨੂੰ ਸਾਰਿਆਂ ਨੂੰ ਜਾ ਕੇ ਆਸ਼ੀਰਵਾਦ ਲੈਣਾ ਚਾਹੀਦਾ ਹੈ।

ਕੋਈ ਵੀ ਪਾਰਟੀ ਜਾਵੇ ਜਾਂ ਨਾ ਜਾਵੇ ਮੈਂ ਜ਼ਰੂਰ ਜਾਵਾਂਗਾ। ਹਰਭਜਨ ਸਿੰਘ (Harbhajan Singh) ਨੇ ਇੱਕ ਕਦਮ ਅੱਗੇ ਵਧਾਉਂਦੇ ਹੋਏ ਇੱਥੋਂ ਤੱਕ ਕਿਹਾ ਕਿ ਜੇਕਰ ਕਿਸੇ ਨੂੰ ਮੇਰੇ ਰਾਮ ਮੰਦਰ ਜਾਣ ਤੋਂ ਦਿੱਕਤ ਹੈ ਤਾਂ ਉਨ੍ਹਾਂ ਨੇ ਜੋ ਕਰਨਾ ਹੈ ਕਰ ਲੈਣ। ਮੈਂ ਤਾਂ ਜਾਵਾਂਗਾ। ਤੁਹਾਨੂੰ ਦੱਸ ਦਈਏ ਕਿ ਹਰਭਜਨ ਨੇ ਅਯੋਧਿਆ ’ਚ 22 ਜਨਵਰੀ ਨੂੰ ਹੋ ਰਹੇ ਸ੍ਰੀ ਰਾਮ ਮੰਦਰ ਪ੍ਰਾਣ ਪ੍ਰਤਿਸ਼ਠਾ ਸਮਾਰੋਹ ਲਈ ਪੀਐੱਮ ਤੇ ਦੇਸ਼ ਵਾਸੀਆਂ ਨੂੰ ਸ਼ੁੱਭਕਾਮਨਾਵਾਂ ਦਿੱਤੀਆਂ ਹਨ।

ਮੱਧ ਪ੍ਰਦੇਸ਼ ਦੇ ਸਕੂਲਾਂ ’ਚ 22 ਨੂੰ ਛੁੱਟੀ ਦਾ ਐਲਾਨ | Harbhajan Singh

ਅਯੋਧਿਆ ’ਚ ਸ੍ਰੀ ਰਾਮਲੱਲਾ ਪ੍ਰਾਣ ਪ੍ਰਤਿਸ਼ਠਾ ਸਮਾਰੋਹ ਦੇ ਦਿਨ 22 ਜਨਵਰੀ ਨੂੰ ਮੱਧ ਪ੍ਰਦੇਸ਼ ਦੇ ਸਾਰੇ ਸਕੂਲਾਂ ’ਚ ਛੁੱਟੀ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਸਕੂਲ ਸਿੱਖਿਆ ਵਿਭਾਗ ਵੱਲੋਂ ਕੱਲ੍ਹ ਰਾਤ ਇਸ ਸਬੰਧੀ ਆਦੇਸ਼ ਜਾਰੀ ਕਰ ਦਿੱਤੇ ਗਏ ਹਨ। ਦੋ ਦਿਨ ਪਹਿਲਾਂ ਸਿਵਲ ਪ੍ਰਸ਼ਾਸਨ ਵਿਭਾਗ ਨੇ ਸੂਬੇ ਦੇ ਸਾਰੇ ਸਰਕਾਰੀ ਦਫ਼ਤਰਾਂ ’ਚ 22 ਜਨਵਰੀ ਨੂੰ ਅੱਧੇ ਦਿਨ, ਦੁਪਹਿਰ ਢਾਈ ਵਜੇ ਤੱਕ ਦੀ ਛੁੱਟੀ ਦਾ ਐਲਾਨ ਕੀਤਾ ਸੀ।

Also Read : ਰਾਮ ਜੀ ਦੇ ਤਿਉਹਾਰ ’ਚ ਹੋਵੋ ਸਾਰੇ ਸ਼ਾਮਲ : ਪੂਜਨੀਕ ਗੁਰੂ ਜੀ

ਸ੍ਰੀਰਾਮ ਭਾਰਤੀ ਸੰਸਕ੍ਰਿਤੀ ਦੀ ਚੇਤਨਾ ਦੇ ਪ੍ਰਾਣ ਤੱਤ ਹਨ ਸੰਪੂਰਨ ਭਾਰਤੀ ਸੰਸਕ੍ਰਿਤੀ ’ਚ ਰਾਮ ਨਾਮ ਦੀ ਮਹੱਤਤਾ ਦੀ ਚਰਚਾ ਪਾਈ ਜਾਂਦੀ ਹੈ ਸ੍ਰੀਰਾਮ ਨੇ ਸਮੁੱਚੀ ਕਾਇਨਾਤ ਨੂੰ ਸੱਚ ਦੇ ਰਸਤੇ ’ਤੇ ਚੱਲਣਾ ਸਿਖਾਇਆ ਹੈ ਜੀਵਨ ਦੇ ਪ੍ਰਾਣ ਤੱਤ ਰਾਮ ਹਨ ਭਾਰਤੀ ਲੋਕ ਜੀਵਨ ’ਚ ਰਾਮ ਦਾ ਮਹੱਤਵ ਸਦੀਆਂ ਤੋਂ ਰਿਹਾ ਹੈ ਸ੍ਰੀਰਾਮ ਕਣ-ਕਣ ’ਚ ਮੌਜੂਦ ਹਨ ਸ੍ਰੀਰਾਮ ਭਾਰਤ ਰਾਸ਼ਟਰ ਦੀ ਸ਼ਕਤੀ ਹਨ ਉਹ ਰਾਸ਼ਟਰੀ ਊਰਜਾ ਦੇ ਸਰੋਤ ਹਨ ਉਹ ਰਾਸ਼ਟਰ ਦਾ ਸਰੀਰ ਵੀ ਹਨ ਅਤੇ ਮਨ ਵੀ ਈਸ਼ਵਰੀ ਸੱਤਾ ਸੀ੍ਰਰਾਮ ਜੀ ਦਾ ਸਰੀਰ ਧਾਰਨ ਕਰਕੇ ਭਾਰਤ ਦੀ ਧਰਤੀ ’ਤੇ ਉੱਤਰੀ ਸੀ ਉਹ ਸੰਪੂਰਨ ਮਨੁੱਖੀ ਚੇਤਨਾ ਅਤੇ ਸੰਵੇਦਨਾ ਦੇ ਪੁੰਜ ਸਨ ਸ੍ਰੀਰਾਮ ਨੇ ਮਨੁੱਖ ਨੂੰ ਮਨੁੱਖ ਦਾ ਆਚਰਨ ਦੱਸਿਆ ਸੀ ਮਨੁੱਖ ਨੂੰ ਉੱਚਤਾ ਅਤੇ ੳਤਮਤਾ ਦੀ ਕਲਾ ਸਿਖਾਈ ਸੀ ਰਾਮ ਜੀ ਦਾ ਜੀਵਨ ਆਦਿ। (Sri Ram)

ਖੇਤ ’ਚੋਂ ਪੁਲਿਸ ਨੇ ਤਿੰਨ ਹੈਰੋਇਨ ਤਸਕਰਾਂ ਨੂੰ ਕੀਤਾ ਕਾਬੂ

ਮੱਧ ਅਤੇ ਅੰਤ ਦੀ ਕਥਾ ਨਹੀਂ ਹੈ ਉਹ ਸਨਾਤਨ ਹਨ, ਨਿਰੰਤਰ ਹਨ, ਨਿੱਤਯ ਹਨ, ਨਵੀਨ ਹਨ ਸਦੀਵੀਂ ਅਤੇ ਸਰਵ ਵਿਆਪਕ ਹਨ ਸ੍ਰੀਰਾਮ ਜੀ ਦੇ ਨਾਲ ਰਹਿਣਾ ਅਤੇ ਉਨ੍ਹਾਂ ਦੇ ਨਾਲ ਚੱਲਣਾ ਕਿਸੇ ਦਿੱਬ ਜੀਵਨ ਵਹਾਅ ਦੇ ਨਾਲ ਚੱਲਣ ਵਰਗਾ ਹੈ ਉਸ ਦਿੱਬ ਵਹਾਅ ਨਾਲ ਜੋ ਨਿਰੰਤਰ ਹੈ, ਜਿਸ ਵਿਚ ਹਰ ਪਲ ਨਵੇਂ-ਨਵੇਂ ਜਲ ਕਣਾਂ ਦਾ ਮਿਲਣ ਹੁੰਦਾ ਰਹਿੰਦਾ ਹੈ, ਜਿਨ੍ਹਾਂ ਦੀ ਮੰਜ਼ਿਲ ਉਹ ਮਹਾਂਸਾਗਰ ਹੈ, ਜੋ ਅਥਾਹ ਹੈ, ਹੱਦਬੰਦੀ ਜਿਸ ਨੂੰ ਸਵੀਕਾਰ ਨਹੀਂ ਲਗਾਤਾਰ ਨਵੀਂ ਲਹਿਰ, ਨਿੱਤ ਨਵੀਂ ਊਰਜਾ ਦੇ ਸਰੋਤ ਹਨ ਸ੍ਰੀਰਾਮ ਦੇਸ਼ ’ਚ ਇੱਕ ਅਜਿਹਾ ਸਮੂਹ ਵੀ ਹੈ ਜੋ ਸ੍ਰੀਰਾਮ ਅਤੇ ਰਾਮ ਮੰਦਿਰ ਦਾ ਵਿਰੋਧ ਕਰਦਾ ਹੈ। (When did Rama return?)

School Holidays : ਸਕੂਲੀ ਛੁੱਟੀਆਂ ਦਾ ਹੋਵੇ ਵਿਗਿਆਨਕ ਆਧਾਰ

ਪਹਿਲੀ ਗੱਲ ਤਾਂ ਇਸ ਮੁੱਦੇ ਦਾ ਵਿਰੋਧ ਕਰਨ ਦਾ ਕੋਈ ਤੁੱਕ ਹੀ ਨਹੀਂ ਬਣਦਾ ਕਿਉਂਕਿ ਇਹ ਮੁੱਦਾ ਧਰਮਾਂ ਦੇ ਮਹੱਤਵ ਅਤੇ ਪਰੰਪਰਾਵਾਂ ਨੂੰ ਪ੍ਰਚੱਲਿਤ ਕਰਨ ਦਾ ਹੈ ਆਗੂਆਂ ਕੋਲ ਰਾਜਨੀਤੀ ਕਰਨ ਨੂੰ ਹੋਰ ਬਹੁਤ ਸਾਰੇ ਮੁੱਦੇ ਹਨ, ਪਰ ਵਿਡੰਬਨਾ ਦੀ ਗੱਲ ਹੈ ਕਿ ਆਗੂਆਂ ਦੀ ਇੱਕ ਹੀ ਸੋਚ, ਕਿ ਹਰ ਗੱਲ ਦਾ ਵਿਰੋਧ ਕਰੋ, ਵਾਲੀ ਬਣਦੀ ਜਾ ਰਹੀ ਹੈ ਕੀ ਉਨ੍ਹਾਂ ’ਚ ਇਹ ਕਹਿਣ ਦੀ ਹਿੰਮਤ ਹੈ ਕਿ ਉਹ ਸ੍ਰੀਰਾਮ ਨੂੰ ਪੂਰਨ ਤੌਰ ’ਤੇ ਅਸਵੀਕਾਰ ਕਰਦੇ ਹਨ? ਭਾਰਤ ਦੀ ਪਛਾਣ ਦਾ ਮੂਲ ਤੱਤ ਰਾਮ ਨਹੀਂ ਤਾਂ ਹੋਰ ਕੀ ਹੈ? ਜੇਕਰ ਇਨ੍ਹਾਂ ਅਤੇ ਇਸ ਤਰ੍ਹਾਂ ਦੇ ਹੋਰ ਸਵਾਲਾਂ ਦਾ ਜਵਾਬ ਉਹ ਨਹੀਂ ਦੇਣਾ ਚਾਹੁੰਦੇ ਤਾਂ ਲੋਕ-ਜੀਵਨ ਦੀਆਂ ਮਾਨਤਾਵਾਂ, ਰਾਸ਼ਟਰੀ ਪਰੰਪਰਾਵਾਂ ਅਤੇ ਪ੍ਰੇਰਨਾ ਪੁਰਸ਼ਾਂ ਨਾਲ ਉਨ੍ਹਾਂ ਨੂੰ ਕੋਈ ਲੈਣਾ-ਦੇਣਾ ਨਹੀਂ ਹੈ। (When did Rama return?)

ਭਾਰਤ ਦੇ ਇਤਿਹਾਸ ਅਤੇ ਪੁਰਾਣ ’ਚ ਭਾਰਤ ਦੀ ਅਧਿਆਤਮਿਕ ਵਿਚਾਰਧਾਰਾ ਵਿਚ ਅਤੇ ਇਸ ਦੇ ਜਨ-ਮਨ ’ਚ ਰਾਮ ਜਿਸ ਡੂੰਘਾਈ ਨਾਲ ਰਚੇ-ਵੱਸੇ ਹਨ, ਉਹ ਖੁਦ ਹੀ ਇਸ ਗੱਲ ਦਾ ਸਬੂਤ ਹੈ ਕਿ ਰਾਮ ਦੇ ਬਿਨਾਂ ਭਾਰਤ ਦੀ ਹੋਂਦ ਦੀ ਵੀ ਕਲਪਨਾ ਨਹੀਂ ਕੀਤੀ ਜਾ ਸਕਦੀ ਕਈ ਹਜ਼ਾਰਾਂ ਸਾਲ ਪਹਿਲਾਂ, ਜਦੋਂ ਵਿਸ਼ਵ ਦੇ ਜ਼ਿਆਦਾਤਰ ਹਿੱਸਿਆਂ ’ਚ ਸ਼ਾਸਕ ਸਿਰਫ ਜੇਤੂ ਸਨ, ਜੋ ਆਮ ਤੌਰ ’ਤੇ ਕਰੂਰ ਹੋਇਆ ਕਰਦੇ ਸਨ, ਉਸ ਸਮੇਂ ਰਾਮ ਨੇ ਮਾਨਵਤਾ, ਤਿਆਗ ਅਤੇ ਨਿਆਂ ਦੀ ਭਾਵਨਾ ਦਾ ਪ੍ਰਦਰਸ਼ਨ ਕੀਤਾ ਉਨ੍ਹਾਂ ਦਾ ਸਨਮਾਨ ਇਸ ਲਈ ਨਹੀਂ ਕੀਤਾ ਜਾਂਦਾ ਕਿ ਉਹ ਬਾਹਰੀ ਦੁਨੀਆ ਦੇ ਜੇਤੂ ਸਨ, ਉਹ ਅੰਦਰੂਨੀ ਜੀਵਨ ਦੇ ਜੇਤੂ ਹਨ, ਕਿਉਂਕਿ ਉਹ ਮੁਸ਼ਕਲ ਹਾਲਾਤਾਂ ’ਚ ਡੋਲਦੇ ਨਹੀਂ ਹਨ ਰਾਵਣ ਨੂੰ ਮਾਰਨ ਤੋਂ ਬਾਅਦ ਵੀ ਉਨ੍ਹਾਂ ਦੀਆਂ ਅੱਖਾਂ ’ਚ ਕਰੋਧ ਨਹੀਂ ਦਿਸਦਾ, ਉਹ ਡਿੱਗੇ ਹੋਏ ਰਾਵਣ ਦੀ ਲਾਸ਼ ਕੋਲ ਆਉਂਦੇ ਹਨ ਅਤੇ ਉਨ੍ਹਾਂ ਨੂੰ ਜੋ ਕੰਮ ਕਰਨਾ ਪਿਆ, ਉਸ ਲਈ ਪਛਤਾਵਾ ਕਰਦੇ ਹਨ। (Sri Ram)

ਭਾਰਤ ਨੇ ਦੂਜੇ ਸੁਪਰ ਓਵਰ ’ਚ ਜਿੱਤਿਆ ਤੀਜਾ ਟੀ20 ਮੁਕਾਬਲਾ, ਅਫਗਾਨਿਸਤਾਨ ’ਤੇ ਕੀਤਾ ਕਲੀਨ ਸਵੀਪ

ਸਮਭਾਵ ਰੱਖਣ ਵਾਲੇ ਰਾਮ ਸਮੱਗਰਤਾ ਅਤੇ ਆਤਮ-ਤਿਆਗ ਦਾ ਜੀਵਨ ਜਿਉਂਦੇ ਹੋਏ ਇੱਕ ਉਦਾਹਰਨ ਪੇਸ਼ ਕਰਦੇ ਹਨ, ਉਹ ਆਪਣੀ ਪਰਜਾ ਲਈ ਆਪਣੀ ਖੁਸ਼ੀ ਤਿਆਗਣ ਲਈ ਤਿਆਰ ਹਨ ਸਭ ਤੋਂ ਵਧ ਕੇ ਮੁਕਤੀ ਨੂੰ ਮਹੱਤਵ ਦੇਣ ਵਾਲੀ ਸੰਸਕ੍ਰਿਤੀ ’ਚ ਉਹ ਨਕਾਰਾਤਮਕਤਾ, ਸਵਾਰਥ ਅਤੇ ਅਧਰਮਤਾ ਤੋਂ ਉੁਪਰ ਉੱਠ ਕੇ ਸੁਤੰਤਰਤਾ ਦੇ ਪ੍ਰਤੀਕ ਹਨ ਸਾਰ ਇਹ ਹੈ ਕਿ, ਰਾਮ ਜੀ ਦਾ ਜੀਵਨ ਉੱਤਮ ਰਿਹਾ ਹੈ, ਕਿਉਂਕਿ ਉਨ੍ਹਾਂ ਨੇ ਇੱਕ ਅਸਾਧਾਰਨ ਜੀਵਨ ਜੀਵਿਆ ਹੈ ਇਸੇ ਲਈ ਉਨ੍ਹਾਂ ਨੂੰ ਮਰਿਆਦਾ ਪੁਰਸ਼ ਕਿਹਾ ਜਾਂਦਾ ਹੈ ਅਤੇ ਜੇਕਰ ਰਾਮਰਾਜ ਨੂੰ ਇੱਕ ਆਦਰਸ਼ ਦੇ ਰੂਪ ’ਚ ਰੱਖਿਆ ਜਾਂਦਾ ਹੈ, ਤਾਂ ਇਸ ਲਈ ਕਿਉਂਕਿ ਉਹ ਇੱਕ ਨਿਆਂਪੂਰਨ ਰਾਜ ਦਾ ਪ੍ਰਤੀਕ ਹੈ ਅੱਜ ਅਸੀਂ ਭਾਰਤ ਨੂੰ ਉਹੀ ਬਣਾਉਣਾ ਚਾਹੁੰਦੇ ਹਾਂ ਅਤੇ ਇਸ ਲਈ ਰਾਮਾਇਣ ਅੱਜ ਵੀ ਲਗਾਤਾਰ ਪ੍ਰਾਸੰਗਿਕ ਬਣੀ ਹੋਈ ਹੈ। (Sri Ram)

ਰਾਮ ਦਾ ਚਰਿੱਤਰ ਇਸ ਗੱਲ ਦਾ ਪ੍ਰਮਾਣ ਹੈ ਕਿ ਭਾਰਤੀ ਸਮਾਜ ਕਦੇ ਜਾਤੀ ਅਤੇ ਰੰਗ ਦੇ ਆਧਾਰ ’ਤੇ ਵੰਡਿਆ ਨਹੀਂ ਸੀ ਸੰਪੂਰਨ ਸਮਾਜ ਹੀ ਭਾਈਚਾਰੇ ਅਤੇ ਪ੍ਰੇਮ ਦੇ ਤਾਣੇ-ਬਾਣੇ ਨਾਲ ਬਣਿਆ ਹੋਇਆ ਸੀ ਸ੍ਰੀਰਾਮ ਕਦਮ-ਕਦਮ ’ਤੇ ਆਪਣੇ ਕਾਰਜਾਂ ਨਾਲ ਏਕਤਾ ਅਤੇ ਸਮਰਸਤਾ ਅਤੇ ਅਭੇਦਤਾ ਦਾ ਸੰਦੇਸ਼ ਦੇ ਰਹੇ ਹਨ ਸ਼ਬਰੀ ਦੇ ਜੂਠੇ ਬੇਰਾਂ ਦਾ ਰਾਮ ਜੀ ਵੱਲੋਂ ਖਾਧਾ ਜਾਣਾ ਰਾਮ ਜੀ ਦੇ ਅਭੇਦ ਦ੍ਰਿਸ਼ਟੀ ਅਤੇ ਸਮਰਸਤਾ ਦੇ ਮਹਾਂਭਾਵ ਦੀ ਸਭ ਤੋਂ ਅਦਭੁੱਤ ਅਤੇ ਸ੍ਰੇਸ਼ਠ ਉਦਾਹਰਨ ਹੈ ਅਸਲ ਵਿਚ ਭਾਰਤ ਦੀ ਖੁਸ਼ਹਾਲ ਪਰੰਪਰਾ ਅਤੇ ਸੰਸਕ੍ਰਿਤੀ ’ਚ ਭਗਵਾਨ ਸ੍ਰੀਰਾਮ ਨਿਸ਼ਚਿਤ ਹੀ ਸਮਾਜਿਕ ਸਮਰਸਤਾ ਦੇ ਸਭ ਤੋਂ ਵੱਡੇ ਪ੍ਰਤੀਕ ਹਨ। (Sri Ram)

IND Vs AFG : ਰੋਹਿਤ ਸ਼ਰਮਾ ਦਾ ਤੂਫਾਨੀ ਸੈਂਕੜਾ, ਭਾਰਤ ਨੇ ਦਿੱਤਾ 213 ਦੌੜਾਂ ਦਾ ਟੀਚਾ

ਭਗਵਾਨ ਰਾਮ ਜੀ ਦੇ ਜੀਵਨ ਆਦਰਸ਼ਾਂ ਤੋਂ ਕਾਫੀ ਕੁਝ ਸਿੱਖਣ ਦਾ ਸਮਾਂ ਹੈ ਰਾਮ ਜੀ ਦੀ ਸਵੀਕਾਰਤਾ ਸਦੀਆਂ ਤੋਂ ਰਹੀ ਕਿਉਂਕਿ ਵਸੁੂਧੈਵ ਕੁਟੁੰਬਕਮ ਦੀ ਕਪਲਨਾ ਰਾਮ ਦੀ ਪਰੰਪਰਾ ਹੈ ਰਾਮ ਮਰਿਆਦਾ ਦੇ ਸ਼੍ਰੋਮਣੀ ਹਨ ਦੁਨੀਆ ਦੀਆਂ ਸਾਰੀਆਂ ਚੰਗੀ ਚੀਜ਼ਾਂ ਦੇ ਮਾਨਕ ਰਾਮ ਹੀ ਹਨ ਸਹਿਜ਼ਤਾ, ਸਰਲਤਾ ਹੀ ਰਾਮ ਹੈ ਰਾਮ ਜੀ ਦੇ ਵਿਚਾਰਾਂ ਦਾ ਅਨੁਸਰਨ ਕੀਤੇ ਬਿਨਾਂ ਖੁਦ ਵਿਅਕਤੀ ਕੁਝ ਨਹੀਂ ਕਰ ਸਕਦਾ ਅੱਜ ਫਿਰ ਉਹੀ ਸ੍ਰੀਰਾਮ ਅਯੁੱਧਿਆ ’ਚ ਭਾਰਤ ਦੀ ਰਾਜਨੀਤੀ ਦੇ ਆਦਰਸ਼ ਰਾਮਰਾਜ ਦੀ ਕਲਪਨਾ ਨੂੰ ਸਾਕਾਰ ਦੇਖਣ ਲਈ ਆਪਣੇ ਵੈਭਵ ਦੇ ਨਾਲ ਆਪਣੀ ਜਨਮਭੂਮੀ ’ਤੇ ਨਵੇਂ ਰੂਪ ਦੇ ਨਾਲ ਮੁੜ ਬਿਰਾਜਮਾਨ ਹੋ ਰਹੇ ਹਨ ਤਾਂ ਸਮੁੱਚੀ ਮਾਨਵਜਾਤੀ ਲਈ ਭਾਰਤ ਵੱਲੋਂ ਨਿਅਤੀ ਦਾ ਇਹ ਸੰਦੇਸ਼ ਸੁਣਿਆ ਅਤੇ ਸੁਣਾਇਆ ਜਾਣਾ ਹੀ ਚਾਹੀਦਾ ਹੈ ਕਿ ਰਾਮ ਸਾਰਿਆਂ ਦੇ ਹਨ, ਸਾਰੇ ਲੋਕ ਰਾਮ ਦੇ ਹੀ ਹਨ। (Sri Ram)

ਦਿੱਗਜ਼ ਅਭਿਨੇਤਾ ਅਮਿਤਾਭ ਬੱਚਨ ਨੇ ਰਾਮ ਮੰਦਰ ‘ਪ੍ਰਾਣ ਪ੍ਰਤਿਸ਼ਠਾ’ ਸਮਾਰੋਹ ਤੋਂ ਪਹਿਲਾਂ ਅਯੁੱਧਿਆ ’ਚ ਘਰ ਬਣਾਉਣ ਲਈ 14.5 ਕਰੋੜ ਰੁਪਏ ਦਾ ਪਲਾਟ ਖਰੀਦਿਆ ਹੈ। ਮੀਡੀਆ ਰਿਪੋਰਟ ਮੁਤਾਬਿਕ, ਬਾਲੀਵੁੱਡ ਅਭਿਨੇਤਾ, ਜਿਨ੍ਹਾਂ ਦਾ ਜਨਮ ਇਲਾਹਾਬਾਦ (ਹੁਣ ਪ੍ਰਯਾਗਰਾਜ਼) ’ਚ ਹੋਇਆ ਸੀ, ਨੇ ਮੁੰਬਈ ਸਥਿਤ ਡੇਵਲਪਰ ਦ ਹਾਊਸ ਆਫ ਅਭਿਨੰਦਨ ਲੋਢਾ ਵੱਲੋਂ ਅਯੁੱਧਿਆ ’ਚ 7 ਸਿਤਾਰਾ ਮਿਕਸਡ-ਯੂਜ਼ ਐਨਕਲੇਵ ਦਿ ਸਰਯੂ ’ਚ ਇੱਕ ਪਲਾਟ ਖਰੀਦਿਆ ਹੈ। ਰਿਪੋਰਟ ’ਚ ਅਤੇ ਅਮਿਤਾਭ ਬੱਚਨ ਵਿਚਕਾਰ ਲੈਣ-ਦੇਣ ਤੋਂ ਜਾਣੂ ਲੋਕਾਂ ਦਾ ਹਵਾਲਾ ਦਿੰਦੇ ਹੋਏ ਦੱਸਿਆ ਕਿ ਬੱਚਨ ਲਗਭਗ 10,000 ਵਰਗ ਫੁੁੱਟ ਦਾ ਘਰ ਬਣਾਉਣ ਦਾ ਇਰਾਦਾ ਰਖਦੇ ਹਨ ਤੇ ਇਸ ਦੀ ਕੀਮਤ 14.5 ਕਰੋੜ ਰੁਪਏ ਹੈ। ਸਰਯੂ ਦਾ ਉਦਘਾਟਨ 22 ਜਨਵਰੀ ਨੂੰ ਹੋਣ ਵਾਲਾ ਹੈ, ਉਸ ਦਿਨ ਰਾਮ ਮੰਦਰ ‘ਪ੍ਰਾਣ ਪ੍ਰਤਿਸ਼ਠਾ’ ਸਮਾਰੋਹ ਹੋਵੇਗਾ। ਪ੍ਰਧਾਨਮੰਤਰੀ ਨਰਿੰਦਰ ਮੋਦੀ ਅਯੁੱਧਿਆ ’ਚ ਸ੍ਰੀ ਰਾਮ ਜਨਮ ਭੂਮੀ ਮੰਦਰ ਦਾ ਉਦਘਾਟਨ ਕਰਨਗੇ। (Ram Mandir)

ਮੀਡੀਆ ਦੀਆਂ ਰਿਪੋਰਟਾਂ ਮੁਤਾਬਿਕ, ਪਰਿਯੋਜਨਾ ’ਚ ਆਪਣੇ ਨਿਵੇਸ਼ ਬਾਰੇ ਬੋਲਦੇ ਹੋਏ, ਅਮਿਤਾਭ ਬੱਚਨ ਨੇ ਕਿਹਾ ਕਿ ਮੈਂ ਅਯੁੱਧਿਆ ’ਚ ਸਰਯੂ ਲਈ ਦ ਹਾਊਸ ਆਫ ਅਭਿਨੰਦਨ ਲੋਢਾ ਨਾਲ ਇੱਕ ਯਾਤਰਾ ਨੂੰ ਸ਼ੁਰੂ ਕਰਨ ਲਈ ਉਤਸੁਕ ਹਾਂ, ਇੱਕ ਅਜਿਹਾ ਸ਼ਹਿਰ ਜਿਹੜਾ ਮੇਰੇ ਦਿਲ ’ਚ ਇੱਕ ਵਿਸ਼ੇਸ਼ ਥਾਂ ਰੱਖਦਾ ਹੈ। ਅਯੁੱਧਿਆ ਦੀ ਸਦੀਵੀ ਅਧਿਆਤਮਿਕਤਾ ਅਤੇ ਸੱਭਿਆਚਾਰਕ ਅਮੀਰੀ ਨੇ ਭੂਗੋਲਿਕ ਸੀਮਾਵਾਂ ਤੋਂ ਪਰੇ ਇੱਕ ਭਾਵਨਾਤਮਕ ਸੰਪਰਕ ਬਣਾਇਆ ਹੈ। ਇਹ ਅਯੁੱਧਿਆ ਦੀ ਰੂਹ ਦੀ ਦਿਲੀ ਯਾਤਰਾ ਦੀ ਸ਼ੁਰੂਆਤ ਹੈ, ਜਿੱਥੇ ਪਰੰਪਰਾ ਤੇ ਆਯੁਨਿਕਤਾ ਸਹਿਜੇ-ਸਹਿਜੇ ਸਹਿ ਮੌਜ਼ੂਦ ਹਨ, ਇੱਕ ਭਾਵਨਾਤਮਕ ਟੇਪਸਟਰੀ ਤਿਆਰ ਕਰਦੀ ਹੈ ਜਿਹੜੀ ਮੇਰੇ ਨਾਲ ਡੂੰਘਾਈ ਨਾਲ ਜੁੜਦੀ ਹੈ। ਮੈਂ ਵਿਸ਼ਵ ਅਧਿਆਤਮਿਕ ਰਾਜਧਾਨੀ ’ਚ ਆਪਣਾ ਘਰ ਬਣਾਉਣ ਦੀ ਉਮੀਦ ਕਰਦਾ ਹਾਂ। (Ram Mandir)

AAP and Congress | ਆਪ ਤੇ ਕਾਂਗਰਸ ਦੀ ਬਣੀ ਸਹਿਮਤੀ, ਰਲ ਕੇ ਚੋਣਾਂ ਲੜਨ ਦਾ ਐਲਾਨ

ਇਸ ਨੂੰ ਆਪਣੀ ਕੰਪਨੀ ਲਈ ਇੱਕ ‘ਮੀਲ ਦਾ ਪੱਥਰ ਪਲ’ ਦੱਸਦਿਆਂ, ਐੱਚਓਏਬੀਐੱਲਦ ਦੇ ਮੈਂਬਰ ਅਭਿਨੰਦਨ ਲੋਢਾ ਨੇ ਕਿਹਾ ਕਿ ਉਹ ਸਰਯੂ ਦੇ ‘ਪਹਿਲੇ ਨਾਗਰਿਕ’ ਦੇ ਰੂਪ ’ਚ ਬੱਚਨ ਦਾ ਸਵਾਗਤ ਕਰਦੇ ਹੋਏ ਰੋਮਾਂਚਿਤ ਸਨ, ਜਿਹੜਾ ਰਾਮ ਮੰਦਰ ਤੋਂ ਲਗਭਗ 15 ਮਿੰਟਾਂ ਦੀ ਦੂਰੀ ’ਤੇ ਅਤੇ 30 ਮਿੰਟਾਂ ਦੀ ਦੂਰੀ ’ਤੇ ਸਥਿਤ ਹੈ। ਅਮਿਤਾਭ ਬੱਚਨ ਦਾ ਨਿਵੇਸ਼ ਐੱਨਕਲੇਵ ਦੇ ਯੋਜਨਾਬੱਧ ਵਿਕਾਸ ’ਚ ਹੈ, ਜਿਸ ਵਿੱਚ ਬਰੁਕਫੀਲਡ ਗਰੁੱਪ ਦੀ ਮਲਕੀਅਤ ਵਾਲੇ ਲੀਲਾ ਪੈਲੇਸ, ਹੋਟਲ ਅਤੇ ਰਿਜ਼ੋਰਟ ਦੇ ਨਾਲ ਸਾਂਝੇਦਾਰੀ ’ਚ ਇੱਕ ਪੰਜ ਸਿਤਾਰਾ ਹੋਟਲ ਵੀ ਹੋਵੇਗਾ। ਇਹ ਪ੍ਰਾਜੈਕਟ ਮਾਰਚ 2028 ਤੱਕ ਪੂਰਾ ਕਰਨ ਦਾ ਟੀਚਾ ਹੈ। 2019 ਤੋਂ ਬਾਅਦ ਅਯੁੱਧਿਆ ’ਚ ਵੱਡੇ ਪੱਧਰ ’ਤੇ ਬੁਨਿਆਦੀ ਢਾਂਚੇ ਦਾ ਵਿਕਾਸ ਵੇਖਿਆ ਜਾ ਰਿਹਾ ਹੈ, ਜਦੋਂ ਸੁਪਰੀਮ ਕੋਰਟ ਨੈ ਬਾਬਰੀ ਮਸਜ਼ਿਦ ਵਾਲੀ ਜਗ੍ਹਾ ਦਾ ਮਾਲਿਕਾਨਾ ਹੱਕ ਹਿੰਦੂਆਂ ਨੂੰ ਦੇ ਦਿੱਤਾ, ਜਿਸ ਨਾਲ ਸ਼ਹਿਰ ਦੇ ਅੰਦਰ ਅਤੇ ਇਸ ਦੇ ਬਾਹਰਵਾਹ ਲਖਨਊ ਅਤੇ ਗੋਰਖਪੁਰ ’ਚ ਜ਼ਮੀਨਾਂ ਦੀਆਂ ਕੀਮਤਾਂ ’ਚ ਵਾਧਾ ਹੋਇਆ ਹੈ। (Ram Mandir)

ਅਯੁੱਧਿਆ (ਏਜੰਸੀ)। ਉੱਤਰ ਪ੍ਰਦੇਸ਼ ਦੇ ਅਯੁੱਧਿਆ ਵਿੱਚ ਸ਼ਨਿੱਚਰਵਾਰ ਨੂੰ ਰੋਸ਼ਨੀ ਦਾ ਇੱਕ ਸ਼ਾਨਦਾਰ ਤਿਉਹਾਰ ਮਨਾਇਆ ਗਿਆ ਅਤੇ ਇਸ ਦੇ ਘਾਟਾਂ ਨੂੰ ਲੱਖਾਂ ਮਿੱਟੀ ਦੇ ਦੀਵਿਆਂ ਨਾਲ ਰੌਸ਼ਨ ਕੀਤਾ ਗਿਆ। ਦੀਵਾਲੀ ਦੀ ਪੂਰਵ ਸੰਧਿਆ ’ਤੇ ਸਰਯੂ ਨਦੀ ਦੇ ਕੰਢੇ ਸਥਿਤ ਮੰਦਰ ਨਗਰ ਨੇ ਆਪਣਾ ਹੀ ਵਿਸ਼ਵ ਰਿਕਾਰਡ ਤੋੜ ਦਿੱਤਾ। ਨਵਾਂ ਗਿਨੀਜ਼ ਵਰਲਡ ਰਿਕਾਰਡ ਬਣਾਉਣ ਲਈ ਅਯੁੱਧਿਆ ਦੇ 51 ਘਾਟਾਂ ’ਤੇ ਇੱਕੋ ਸਮੇਂ ਕਰੀਬ 22.23 ਲੱਖ ਦੀਵੇ ਜਗਾਏ ਗਏ। (Ayodhya)

ਰਾਮ ਮੰਦਰ ਦਾ ਬਹੁਤ ਉਡੀਕਿਆ ਉਦਘਾਟਨ 22 ਜਨਵਰੀ 2024 ਨੂੰ ਹੋਣ ਵਾਲਾ ਹੈ | Ayodhya

2017 ਵਿੱਚ ਯੋਗੀ ਆਦਿੱਤਿਆਨਾਥ (ਸੀਐਮ ਯੋਗੀ ਆਦਿਤਿਆਨਾਥ) ਦੀ ਅਗਵਾਈ ਵਾਲੀ ਸਰਕਾਰ ਦੇ ਗਠਨ ਨਾਲ ਅਯੁੱਧਿਆ ਵਿੱਚ ਦੀਪ ਉਤਸਵ ਮਨਾਉਣ ਦੀ ਸ਼ੁਰੂਆਤ ਹੋਈ। ਉਸ ਸਾਲ, ਲਗਭਗ 51,000 ਦੀਵੇ ਜਗਾਏ ਗਏ ਸਨ ਅਤੇ 2019 ਵਿੱਚ ਇਹ ਗਿਣਤੀ ਵਧ ਕੇ 4.10 ਲੱਖ ਹੋ ਗਈ ਸੀ। 2020 ਵਿੱਚ 6 ਲੱਖ ਤੋਂ ਵੱਧ ਮਿੱਟੀ ਦੇ ਦੀਵੇ ਜਗਾਏ ਗਏ ਅਤੇ 2021 ਵਿੱਚ 9 ਲੱਖ ਤੋਂ ਵੱਧ। 2022 ਵਿੱਚ, ਰਾਮ ਕੀ ਪੈਦੀ ਦੇ ਘਾਟਾਂ ’ਤੇ 17 ਲੱਖ ਤੋਂ ਵੱਧ ਦੀਵੇ ਜਗਾਏ ਗਏ ਸਨ। ਹਾਲਾਂਕਿ, ਗਿੰਨੀਜ਼ ਬੁੱਕ ਆਫ ਵਰਲਡ ਰਿਕਾਰਡ ਨੇ ਸਿਰਫ ਉਨ੍ਹਾਂ ਦੀਵੇ ਨੂੰ ਧਿਆਨ ’ਚ ਰੱਖਿਆ ਜੋ ਪੰਜ ਮਿੰਟ ਜਾਂ ਇਸ ਤੋਂ ਵੱਧ ਸਮੇਂ ਲਈ ਜਗਦੇ ਰਹੇ ਅਤੇ ਰਿਕਾਰਡ 15,76,955 ਦਰਜ ਕੀਤਾ ਗਿਆ। (Ayodhya)

ਇਹ ਵੀ ਪੜ੍ਹੋ : ਭਾਈ ਦੂਜ ਕਦੋਂ ਹੈ, ਅਸਮੰਜਸ ਬਰਕਰਾਰ! ਜਾਣੋ ਸਹੀ ਤਾਰੀਖ!

ਇਸ ਤੋਂ ਪਹਿਲਾਂ ਅਯੁੱਧਿਆ ’ਚ ਦੀਪ ਉਤਸਵ ਸਮਾਗਮ ਤੋਂ ਪਹਿਲਾਂ ਜਲੂਸ ਕੱਢਿਆ ਗਿਆ, ਜਿਸ ’ਚ ਰਾਮਾਇਣ, ਰਾਮਚਰਿਤਮਾਨਸ ਅਤੇ ਵੱਖ-ਵੱਖ ਸਮਾਜਿਕ ਮੁੱਦਿਆਂ ’ਤੇ ਆਧਾਰਿਤ ਅਠਾਰਾਂ ਝਾਕੀਆਂ ਕੱਢੀਆਂ ਗਈਆਂ, ਜੋ ਜਲੂਸ ਦਾ ਹਿੱਸਾ ਸਨ। ਇਸ ਜਲੂਸ ਨੂੰ ਉੱਤਰ ਪ੍ਰਦੇਸ਼ ਦੇ ਸੈਰ ਸਪਾਟਾ ਅਤੇ ਸੱਭਿਆਚਾਰ ਮੰਤਰੀ ਜੈਵੀਰ ਸਿੰਘ ਨੇ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ। ਇਹ ਜਲੂਸ ਉਦੈ ਚੌਕ ਤੋਂ ਸ਼ੁਰੂ ਹੋ ਕੇ ਸ਼ਹਿਰ ਦੇ ਵੱਖ-ਵੱਖ ਹਿੱਸਿਆਂ ’ਚੋਂ ਹੁੰਦਾ ਹੋਇਆ ਰਾਮ ਕਥਾ ਪਾਰਕ ’ਚ ਪੁੱਜਿਆ। (Ayodhya)

ਇਹ ਝਾਕੀ ਬੱਚਿਆਂ ਦੇ ਅਧਿਕਾਰਾਂ ਅਤੇ ਮੁੱਢਲੀ ਸਿੱਖਿਆ, ਔਰਤਾਂ ਦੀ ਸੁਰੱਖਿਆ ਅਤੇ ਕਲਿਆਣ, ਸਵੈ-ਨਿਰਭਰਤਾ, ਜੰਗਲਾਂ ਅਤੇ ਵਾਤਾਵਰਣ ਦੀ ਸੁਰੱਖਿਆ ਅਤੇ ਵਿਗਿਆਨ ਅਤੇ ਤਕਨਾਲੋਜੀ ਵਰਗੇ ਮੁੱਦਿਆਂ ’ਤੇ ਆਧਾਰਿਤ ਸੀ। ਉਨ੍ਹਾਂ ਵੱਖ-ਵੱਖ ਸਰਕਾਰੀ ਸਕੀਮਾਂ ਬਾਰੇ ਵੀ ਜਾਣਕਾਰੀ ਦਿੱਤੀ। ਇਸ ਸਾਲ ਦਾ ਜਸ਼ਨ ਇਸ ਲਈ ਖਾਸ ਦੱਸਿਆ ਜਾ ਰਿਹਾ ਹੈ ਕਿਉਂਕਿ ਅਯੁੱਧਿਆ ’ਚ ਰਾਮ ਮੰਦਰ ਦੀ ਉਸਾਰੀ ਦਾ ਕੰਮ ਜ਼ੋਰਾਂ ’ਤੇ ਹੈ। ਰਾਮ ਮੰਦਰ ਦਾ ਬਹੁਤ-ਉਡੀਕ ਉਦਘਾਟਨ 22 ਜਨਵਰੀ 2024 ਨੂੰ ਹੋਣ ਵਾਲਾ ਹੈ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਇਸ ਵਿੱਚ ਸ਼ਾਮਲ ਹੋਣਗੇ। (Ayodhya)

ਅਯੋਧਿਆ ‘ਚ ਰਾਮ ਮੰਦਰ ਨਿਰਮਾਣ ਲਈ ਟਰੱਸਟ ਬਣਾਇਆ

ਨਵੀਂ ਦਿੱਲੀ (ਏਜੰਸੀ)। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅੱਜ ਸੰਸਦ ‘ਚ ਅਯੋਧਿਆ Ayodhya ਸਥਿੱਤ ਰਾਮ ਜਨਮ ਸਥਾਨ ‘ਤੇ ਵਿਸ਼ਾਲ ਮੰਦਰ ਦੇ ਨਿਰਮਾਣ ਲਈ ਇੱਕ ਟਰੱਸਟ ਬਣਾਏ ਜਾਣ ਅਤੇ ਵਿਵਾਦਿਤ ਸਥਾਨ ‘ਤੇ ਕੇਂਦਰ ਦੁਆਰਾ ਐਕਵਾਇਰ 67.703 ਏਕੜ ਜ਼ਮੀਨ ਟਰੱਸਟ ਨੂੰ ਸੌਂਪਣ ਦਾ ਐਲਾਨ ਕੀਤਾ। ਮੋਦੀ ਨੇ ਲੋਕ ਸਭਾ ਦੀ ਕਾਰਵਾਈ ਸ਼ੁਰੂ ਹੁੰਦੇ ਹੀ ਪ੍ਰਸ਼ਨਕਾਲ ਤੋਂ ਪਹਿਲਾਂ ਇੱਕ ਸੰਖੇਪ ਸੰਬੋਧਨ ‘ਚ ਇਹ ਜਾਣਕਾਰੀ ਦਿੱਤੀ। ਪ੍ਰਧਾਨ ਮੰਤਰੀ ਨੇ ਦੱਸਿਆ ਕਿ ਉਨ੍ਹਾਂ ਦੀ ਪ੍ਰਧਾਨਗੀ ‘ਚ ਹੋਈ ਕੇਂਦਰੀ ਮੰਤਰੀ ਮੰਡਲ ਦੀ ਬੈਠਕ ‘ਚ ਇਹ ਮਹੱਤਵਪੂਰਨ ਫ਼ੈਸਲਾ ਲਿਆ ਗਿਆ ਹੈ।

ਉਨ੍ਹਾਂ ਦੱਸਿਆ ਕਿ ਇਹ ਵੀ ਫੈਸਲਾ ਹਿÂਆ ਹੈ ਕਿ ਸੁੰਨੀ ਵਕਫ਼ ਬੋਰਡ ਨੂੰ ਵੀ ਉਸ ਦੇ ਹਿੱਸੇ ਦੀ ਜ਼ਮੀਨ ਦਿੱਤੀ ਜਾਵੇਗੀ। ਸੂਬਾ ਸਰਕਾਰ ਨੂੰ ਇਸ ਸਬੰਧੀ ਨਿਰਦੇਸ਼ ਭੇਜ ਦਿੱਤੇ ਗਏ ਹਨ ਅਤੇ ਉਸ ਨੇ ਇਸ ਦਾ ਪਾਲਣ ਕਰਨ ਦੀ ਵੀ ਸਹਿਮਤੀ ਪ੍ਰਗਟਾਈ ਹੈ। ਉਨ੍ਹਾਂ ਕਿਹਾ ਕਿ ਮੇਰੀ ਸਰਕਾਰ ਅਯੋਧਿਆ ‘ਚ ਭਗਵਾਨ ਸ੍ਰੀ ਰਾਮ ਦੇ ਵਿਸ਼ਾਲ ਮੰਦਰ ਦੇ ਨਿਰਮਾਣ ਲਈ ਅਤੇ ਇਸ ਨਾਲ ਸਬੰਧਿਤ ਹੋਰ ਵਿਸ਼ਿਆਂ ਲਈ ਹਿੱਕ ਵਧੀਆ ਯੋਜਨਾ ਤਿਆਰ ਕੀਤੀ ਹੈ। ਮਾਣਯੋਗ ਸੁਪਰੀਮ ਕੋਰਟ ਦੇ ਆਦੇਸ਼ ਅਨੁਸਾਰ ਇੱਕ ਸਵਾਇਤ ਟਰੱਸਟ ਸ੍ਰੀਰਾਮ ਜਨਮ ਭੂਮੀ ਤੀਰਥ ਖ਼ੇਤਰ ਦਾ ਗਠਨ ਕਰਨ ਦਾ ਪ੍ਰਸਤਾਵ ਪਾਸ ਕੀਤਾ ਗਿਆ ਹੈ।

• ਇਹ ਵੀ ਫੈਸਲਾ ਹੋਇਆ ਹੈ ਕਿ ਅਯੋਧਿਆ ਕਾਨੂੰਨ ਦੇ ਤਹਿਤ ਐਕਵਾਇਰ ਕੀਤੀ ਗਈ ਜ਼ਮੀਨ ਸੌਂਪ ਦਿੱਤਾ ਜਾਵੇ।
• ਜਿਸ ‘ਚ ਬਾਹਰੀ ਤੇ ਅੰਦਰੂਨੀ ਕੈਂਪਸ ਸ਼ਾਮਲ ਹੈ, ਨਵੇਂ ਬਣੇ ਟਰੱਸਟ ਨੂੰ ਸੌਂਪ ਦਿੱਤਾ ਜਾਵੇ।
• ਸੂਬਾ ਸਰਕਾਰ ਨੇ ਇਸ ਦਾ ਪਾਲਣ ਕਰਨ ਦੀ ਵੀ ਸਹਿਮਤੀ ਪ੍ਰਗਟਾਈ ਹੈ।
• ਕੇਂਦਰੀ ਮੰਤਰੀ ਮੰਡਲ ਦੀ ਬੈਠਕ ‘ਚ ਇਹ ਮਹੱਤਵਪੂਰਨ ਫ਼ੈਸਲਾ ਲਿਆ ਗਿਆ ਹੈ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

Ayodhya | 18 ਮੁੜ ਵਿਚਾਰ ਪਟੀਸ਼ਨਾਂ ਕੀਤੀਆਂ ਸਨ ਦਾਇਰ

ਨਵੀਂ ਦਿੱਲੀ। ਸੁਪਰੀਮ ਕੋਰਟ ਨੇ ਵੀਰਵਾਰ ਨੂੰ ਅਯੁੱਧਿਆ ਦੇ ਫੈਸਲੇ ਖਿਲਾਫ ਦਾਇਰ ਸਾਰੀਆਂ 18 ਮੁੜ ਵਿਚਾਰ ਪਟੀਸ਼ਨਾਂ ਨੂੰ ਖਾਰਜ ਕਰ ਦਿੱਤਾ ਗਿਆ ਹੈ। ਅਦਾਲਤ ਨੇ ਪਿਛਲੇ ਮਹੀਨੇ ਅਯੁੱਧਿਆ ਬਾਰੇ ਇਕ ਇਤਿਹਾਸਕ ਫੈਸਲਾ ਦਿੰਦਿਆਂ ਰਾਮ ਮੰਦਰ ਦੀ ਉਸਾਰੀ ਦਾ ਰਸਤਾ ਸਾਫ਼ ਕਰ ਦਿੱਤਾ ਸੀ। ਜਿਸ ਤੋਂ ਬਾਅਦ ਆਲ ਇੰਡੀਆ ਮੁਸਲਿਮ ਪਰਸਨਲ ਲਾਅ ਬੋਰਡ ਨੇ ਇਸ ਫੈਸਲੇ ਖਿਲਾਫ ਪਟੀਸ਼ਨ ਦਾਇਰ ਕੀਤੀ, ਜਦੋਂਕਿ ਨਿਰਮੋਹੀ ਅਖਾੜਾ ਨੇ ਵੀ ਇਕ ਸਮੀਖਿਆ ਪਟੀਸ਼ਨ ਦਾਇਰ ਕੀਤੀ। ਹਾਲਾਂਕਿ, ਇਸ ਨੇ ਇਸ ਫੈਸਲੇ ਵਿਰੁੱਧ ਪਟੀਸ਼ਨ ਨਹੀਂ ਦਿੱਤੀ ਸੀ, ਪਰ ਸ਼ਬੀਅਤ ਅਧਿਕਾਰਾਂ, ਅਧਿਕਾਰ ਅਤੇ ਸੀਮਾ ਦੇ ਫੈਸਲੇ ‘ਤੇ ਹੈ। ਵੀਰਵਾਰ ਨੂੰ ਸੁਪਰੀਮ ਕੋਰਟ ਦੇ ਪੰਜ ਮੈਂਬਰੀ ਬੈਂਚ ਨੇ ਮੁੜ ਵਿਚਾਰਾਂ ਦੀਆਂ ਸਾਰੀਆਂ ਪਟੀਸ਼ਨਾਂ ਨੂੰ ਖਾਰਜ ਕਰ ਦਿੱਤਾ। ਬੈਂਚ ਦੀ ਅਗਵਾਈ ਸੀਜੇਆਈ ਬੌਬਡੇ ਕਰ ਰਹੇ ਸਨ ਜਦੋਂਕਿ ਬੈਂਚ ਦੇ ਮੈਂਬਰਾਂ ਵਿੱਚ ਜਸਟਿਸ ਡੀ ਵਾਈ ਚੰਦਰਚੂਡ, ਅਸ਼ੋਕ ਭੂਸ਼ਣ, ਐਸ ਅਬਦੁੱਲ ਨਜ਼ੀਰ ਅਤੇ ਸੰਜੀਵ ਖੰਨਾ ਸ਼ਾਮਲ ਹਨ। Ayodhya

ਦੱਸ ਦਈਏ ਕਿ ਜਸਟਿਸ ਬੋਬਡੇ, ਡੀਵਾਈ ਚੰਦਰਚੂਡ ਅਤੇ ਅਬਦੁੱਲ ਨਜ਼ੀਰ ਨੂੰ ਵੀ ਅਯੁੱਧਿਆ ਦੇ ਮਹੱਤਵਪੂਰਨ ਫੈਸਲੇ ਦੀ ਬੈਂਚ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਇਹ ਵਰਣਨਯੋਗ ਹੈ ਕਿ ਤਤਕਾਲੀ ਸੀਜੇਆਈ ਰੰਜਨ ਗੋਗੋਈ ਦੀ ਅਗਵਾਈ ਵਾਲੇ ਪੰਜ ਮੈਂਬਰੀ ਸੰਵਿਧਾਨਕ ਬੈਂਚ ਨੇ ਪਿਛਲੇ ਮਹੀਨੇ ਇਕ ਸਰਬਸੰਮਤੀ ਨਾਲ ਫ਼ੈਸਲੇ ਵਿਚ 2.77 ਏਕੜ ਵਿਵਾਦਿਤ ਜ਼ਮੀਨ ਨੂੰ ‘ਰਾਮ ਲਾਲਾ ਵਿਰਾਜਮਾਨ’ ਦੇ ਹੱਕ ਵਿਚ ਐਲਾਨ ਦਿੱਤਾ ਸੀ। ਇਸ ਦੇ ਨਾਲ ਹੀ ਰਾਮ ਮੰਦਰ ਬਣਾਉਣ ਦਾ ਰਸਤਾ ਸਾਫ਼ ਹੋ ਗਿਆ। ਉਨ੍ਹਾਂ ਕੇਂਦਰ ਸਰਕਾਰ ਨੂੰ ਅਯੁੱਧਿਆ ਵਿਚ ਹੀ ਮਸਜਿਦ ਦੀ ਉਸਾਰੀ ਲਈ ਯੂ ਪੀ ਸੁੰਨੀ ਵਕਫ਼ ਬੋਰਡ ਨੂੰ ਪੰਜ ਏਕੜ ਜ਼ਮੀਨ ਅਲਾਟ ਕਰਨ ਦੇ ਨਿਰਦੇਸ਼ ਵੀ ਦਿੱਤੇ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਪ੍ਰਧਾਨ ਮੰਤਰੀ ਨੇ ‘ਮਨ ਕੀ ਬਾਤ’ ਪ੍ਰੋਗਰਾਮ ‘ਚ ਦੇਸ਼ ਵਾਸੀਆਂ ਨੂੰ ਕੀਤਾ ਸੰਬੋਧਨ

ਸੱਚ ਕਹੂੰ ਨਿਊਜ਼/ਨਵੀਂ ਦਿੱਲੀ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅੱਜ ਕਿਹਾ ਕਿ ਅਯੁੱਧਿਆ ਮਾਮਲੇ ‘ਚ ਮਾਣਯੋਗ ਸੁਪਰੀਮ ਕੋਰਟ ਦੇ ਫ਼ੈਸਲੇ ਤੋਂ ਬਾਅਦ ਦੇਸ਼ ‘ਚ ਜਿਸ ਤਰ੍ਹਾਂ ਦੀ ਪ੍ਰਤੀਕਿਰਿਆ ਦੇਖਣ ਨੂੰ ਮਿਲੀ ਉਸ ਤੋਂ ਸਾਬਤ ਹੋ ਗਿਆ ਹੈ ਕਿ ਦੇਸ਼ ਵਾਸੀਆਂ ਨੇ ਦੇਸ਼ ਦੇ ਹਿੱਤ ‘ਚ ਸਭ ਤੋਂ ਉੱਤਮ ਮੰਨਿਆ ਮੋਦੀ ਨੇ ਆਪਣੇ ਮਹੀਨਾਵਾਰੀ ‘ਮਨ ਕੀ ਬਾਤ’ ਪ੍ਰੋਗਰਾਮ ‘ਚ ਦੇਸ਼ ਵਾਸੀਆਂ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਪਿਛਲੇ ਮਨ ਕੀ ਬਾਤ ਪ੍ਰੋਗਰਾਮ ‘ਚ ਮੈਂ 2010 ‘ਚ ਅਯੁੱਧਿਆ ਮਾਮਲੇ ‘ਚ ਆਏ ਇਲਾਹਾਬਾਦ ਹਾਈ ਕੋਰਟ ਦੇ ਫ਼ੈਸਲੇ ਬਾਰੇ ਚਰਚਾ ‘ਚ ਕਿਹਾ ਸੀ।   Modi

ਕਿ ਦੇਸ਼ ਨੇ ਉਦੋਂ ਕਿਸ ਤਰ੍ਹਾਂ ਸ਼ਾਂਤੀ ਤੇ ਭਾਈਚਾਰਾ ਬਣਾਈ ਰੱਖਿਆ ਸੀ ਫ਼ੈਸਲਾ ਆਉਣ ਤੋਂ ਪਹਿਲਾਂ ਵੀ ਤੇ ਬਾਅਦ ਵੀ ਇਸ ਵਾਰ ਵੀ ਜਦੋਂ 9 ਨਵੰਬਰ ਨੂੰ ਮਾਣਯੋਗ ਸੁਪਰੀਮ ਕੋਰਟ ਦਾ ਫ਼ੈਸਲਾ ਆਇਆ ਤਾਂ 130 ਕਰੋੜ ਭਾਰਤੀਆਂ ਨੇ ਫਿਰ ਸਾਬਤ ਕਰ ਦਿੱਤਾ ਕਿ ਉਨ੍ਹਾਂ ਦੇ ਲਈ ਦੇਸ਼ ਹਿੱਤ ਤੋਂ ਵਧ ਕੇ ਕੁਝ ਵੀ ਨਹੀਂ ਹੈ ਦੇਸ਼ ‘ਚ ਸ਼ਾਂਤੀ, ਏਕਤਾ ਅਤੇ ਸਦਭਾਵਨਾ ਦੇ ਮੁੱਲ ਸਭ ਤੋਂ ਉੱਤਮ ਹਨ ਰਾਮ ਮੰਦਰ ‘ਤੇ ਜਦੋਂ ਫ਼ੈਸਲਾ ਆਇਆ ਤਾਂ ਪੂਰੇ ਦੇਸ਼ ਨੇ ਉਸ ਨੂੰ ਦਿਲ ਖੋਲ੍ਹ ਕੇ ਗਲ ਲਾਇਆ।   Modi

ਪੂਰੀ ਸਹਿਜਤਾ ਤੇ ਸ਼ਾਂਤੀ ਨਾਲ ਸਵੀਕਾਰਿਆ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ 26 ਨਵੰਬਰ ਦੇਸ਼ ਵਾਸੀਆਂ ਲਈ ਖਾਸ ਦਿਨ ਦੱਸਦੇ ਹੋਏ ਐਤਵਾਰ ਨੂੰ ਕਿਹਾ ਕਿ ਇਸ ਨੂੰ ਹੋਰ ਯਾਦਗਾਰ ਬਣਾਉਣ ਲਈ ਸੰਸਦ ‘ਚ ਵਿਸ਼ੇਸ਼ ਪ੍ਰੋਗਰਾਮ ਦੇ ਨਾਲ ਦੇਸ਼ ਭਰ ‘ਚ ਪੂਰਾ ਸਾਲ ਵੱਖ-ਵੱਖ ਪ੍ਰੋਗਰਾਮ ਕਰਵਾਏ ਜਾਣਗੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਦਸੰਬਰ ‘ਚ ਫਿੱਟ ਇੰਡੀਆ ਹਫ਼ਤਾ ਮਨਾਉਣ ਲਈ ਸਾਰੇ ਸੂਬਿਆਂ ਦੇ ਸਕੂਲ ਬੋਰਡ ਅਤੇ ਸਕੂਲਾਂ ਦੀ ਮੈਨੇਜ਼ਮੈਂਟ ਨੂੰ ਅਪੀਲ ਕੀਤੀ ਹੈ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

-ਅਯੋਧਿਆ ਵਿਵਾਦ: ਮੰਦਰ ਨਿਰਮਾਣ ਲਈ ਟਰੱਸਟ ਬਣਾਓ: ਸੁਪਰੀਮ ਕੋਰਟ
-ਕਿਹਾ, ਮੁਸਲਿਮ ਪੱਖ ਨੂੰ ਮਸਜਿਦ ਲਈ ਬਦਲਵੀਂ ਜ਼ਮੀਨ ਅਲਾਟ ਕਰੋ

ਨਵੀਂ ਦਿੱਲੀ, ਏਜੰਸੀ। ਸੁਪਰੀਮ ਕੋਰਟ ਦੇ ਪੰਜ ਜੱਜਾਂ ਦੀ ਸੰਵਿਧਾਨਿਕ ਬੈਚ ਨੇ ਅਯੋਧਿਆ ਕੇਸ ‘ਤੇ ਫੈਸਲਾ ਸੁਣਾਇਆ। ਬੈਚ ਦੇ ਪ੍ਰਧਾਨ ਸੀਜੇਆਈ ਨੇ 45 ਮਿੰਟ ਤੱਕ ਫੈਸਲਾ ਪੜਿਆ ਅਤੇ ਕਿਹਾ ਕਿ ਮੰਦਰ ਨਿਰਮਾਣ ਲਈ ਟਰੱਸਟ ਬਣਾਇਆ ਜਾਵੇ ਅਤੇ ਇਸ ਦੀ ਯੋਜਨਾ 3 ਮਹੀਨੇ ‘ਚ ਤਿਆਰ ਕੀਤੀ ਜਾਵੇ। ਬੈਚ ਨੇ ਕਿਹਾ ਕਿ ਮੁਸਲਿਮ ਪੱਖ ਨੂੰ ਮਸਜਿਦ ਨਿਰਮਾਣ ਲਈ 5 ਏਕੜ ਬਦਲਵੀਂ ਜ਼ਮੀਨ ਅਲਾਟ ਕੀਤੀ ਜਾਵੇ। ਸੀਜੇਆਈ ਗੋਗੋਈ ਨੇ ਕਿਹਾ ਕਿ ਹਿੰਦੂ ਮੁਸਲਿਮ ਵਿਵਾਦਿਤ ਸਥਾਨ ਨੂੰ ਜਨਮ ਸਥਾਨ ਮੰਨਦੇ ਹਨ ਪਰ ਆਸਥਾ ਨਾਲ ਮਾਲਕਾਨਾ ਹੱਕ ਤੈਅ ਨਹੀਂ ਕੀਤਾ ਜਾ ਸਕਦਾ। ਬੈਚ ਨੇ ਕਿਹਾ ਕਿ ਢਹਾਇਆ ਗਿਆ ਢਾਂਚਾ ਭਗਵਾਨ ਰਾਮ ਦਾ ਜਨਮਸਥਾਨ ਹੈ, ਹਿੰਦੂਆਂ ਦੀ ਇਹ ਆਸਥਾ ਨਿਰਵਿਵਾਦਤ ਹੈ। Ayodhya, ram, mandir

ਇਹ ਮੁੱਖ ਗੱਲਾਂ ਰਹੀਆਂ ਫੈਸਲੇ ‘ਚ

• ਚੀਫ ਜਸਟਿਸ ਨੇ ਕਿਹਾ ਕਿ ਅਸੀਂ ਸਰਵਸਮਤੀ ਨਾਲ ਫੈਸਲਾ ਸੁਣਾ ਰਹੇ ਹਾਂ। ਇਸ ਅਦਾਲਤ ਨੂੰ ਧਰਮ ਅਤੇ ਸ਼ਰਧਾਲੂਆਂ ਦੀ ਆਸਥਾ ਨੂੰ ਸਵੀਕਾਰ ਕਰਨਾ ਚਾਹੀਦਾ ਹੈ। ਅਦਾਲਤ ਨੂੰ ਸੰਤੁਲਨ ਬਣਾਈ ਰੱਖਣਾ ਚਾਹੀਦਾ ਹੈ।
• ਚੀਫ ਜਸਟਿਸ ਨੇ ਕਿਹਾ ਕਿ ਮੀਰ ਬਕੀ ਨੇ ਬਾਬਰੀ ਮਸਜਿਦ ਬਣਵਾਈ। ਧਰਮ ਸ਼ਾਸਤਰ ‘ਚ ਪ੍ਰਵੇਸ਼ ਕਰਨਾ ਅਦਾਲਤ ਲਈ ਸਹੀ ਨਹੀਂ ਹੋਵੇਗਾ।
• ਸੁਪਰੀਮ ਕੋਰਟ ਨੇ ਕਿਹਾ ਕਿ ਵਿਵਾਦਿਤ ਜ਼ਮੀਨ ਰੇਵੇਨਿਊ ਰਿਕਾਰਡ ‘ਚ ਸਰਕਾਰੀ ਜ਼ਮੀਨ ਦੇ ਤੌਰ ਤੇ ਚਿੰਨ੍ਹਤ ਸੀ।
• ਰਾਮ ਜਨਮਭੂਮੀ ਸਥਾਨ ਨਿਆਂਇਕ ਵਿਅਕਤੀ ਨਹੀਂ ਹੈ। ਜਦੋਂਕਿ ਭਗਵਾਨ ਰਾਮ ਨਿਆਂਇਕ ਵਿਅਕਤੀ ਹੋ ਸਕਦੇ ਹਨ।
• ਚੀਫ ਜਸਟਿਸ ਨੇ ਕਿਹਾ ਕਿ ਵਿਵਾਦਿਤ ਢਾਂਚਾ ਇਸਲਾਮਿਕ ਮੂਲ ਦਾ ਢਾਂਚਾ ਨਹੀਂ ਸੀ ਇਸ ਤੱਥ ਦੀ ਪੁਸ਼ਟੀ ਆਰਕਿਉਲਾਜੀਕਲ ਸਰਵੇ ਆਫ ਇੰਡੀਆ (ਏਐਸਆਈ) ਕਰ ਚੁੱਕਾ ਹੈ। ਪੁਰਾਤਤਵਿਕ ਸਬੂਤਾਂ ਨੂੰ ਸਿਰਫ ਇੱਕ ਓਪੀਨੀਅਨ ਕਰਾਰ ਦੇ ਦੇਣਾ ਏਐਸਆਈ ਦਾ ਅਪਮਾਨ ਹੋਵੇਗਾ। ਹਾਲਾਂਕਿ ਏਐਸਆਈ ਨੇ ਇਹ ਤੱਥ ਸਥਾਪਿਤ ਨਹੀਂ ਕੀਤਾ ਕਿ ਮੰਦਰ ਨੂੰ ਡੇਗ ਕੇ ਮਸਜਿਦ ਬਣਾਈ ਗਈ।
• ਹਿੰਦੂ ਇਸ ਸਥਾਨ ਨੂੰ ਭਗਵਾਨ ਰਾਮ ਦਾ ਜਨਮਸਥਾਨ ਮੰਨਦੇ ਹਨ, ਇੱਥੋਂ ਤੱਕ ਕਿ ਮੁਸਲਿਮ ਵੀ ਵਿਵਾਦਿਤ ਜਗ੍ਹਾ ਬਾਰੇ ਇਹੀ ਕਹਿੰਦੇ ਹਨ। ਪ੍ਰਾਚੀਨ ਯਾਤਰੀਆਂ ਦੁਆਰਾ ਲਿਖੀਆਂ ਕਿਤਾਬਾਂ ਅਤੇ ਪ੍ਰਾਚੀਨ ਗ੍ਰੰਥ ਇਸ ਗੱਲ ਨੂੰ ਦਰਸਾਉਂਦੇ ਹਨ ਕਿ ਅਯੋਧਿਆ ਭਗਵਾਨ ਰਾਮ ਦੀ ਜਨਮਭੂਮੀ ਰਹੀ ਹੈ। ਇਤਿਹਾਸਕ ਉਦਾਹਰਨਾਂ ਤੋਂ ਵੀ ਸੰਕੇਤ ਮਿਲਦੇ ਹਨ ਕਿ ਹਿੰਦੂਆਂ ਦੀ ਆਸਥਾ ‘ਚ ਅਯੋਧਿਆ ਭਗਵਾਨ ਰਾਮ ਦੀ ਜਨਮ ਭੂਮੀ ਰਹੀ ਹੈ।
• ਢਾਹਿਆ ਗਿਆ ਢਾਂਚਾ ਹੀ ਭਗਵਾਨ ਰਾਮ ਦਾ ਜਨਮ ਸਥਾਨ ਹੈ, ਹਿੰਦੂਆਂ ਦੀ ਇਹ ਆਸਥਾ ਨਿਰਵਿਵਾਦਿਤ ਹੈ। ਹਾਲਾਂਕਿ ਮਾਲਿਕਾਨਾ ਹੱਕ ਨੂੰ ਧਰਮ, ਆਸਥਾ ਦੇ ਆਧਾਰ ‘ਤੇ ਸਥਾਪਿਤ ਨਹੀਂ ਕੀਤਾ ਜਾ ਸਕਦਾ। ਇਹ ਕਿਸੇ ਵਿਵਾਦ ‘ਤੇ ਫੈਸਲਾ ਕਰਨ ਦਾ ਸੰਕੇਤ ਹੋ ਸਕਦਾ ਹੈ।
• ਇਹ ਸਬੂਤ ਮਿਲੇ ਹਨ ਕਿ ਰਾਮ ਚਬੂਤਰਾ ਅਤੇ ਸੀਤਾ ਰਸੋਈ ‘ਤੇ ਹਿੰਦੂ ਅੰਗਰੇਜਾਂ ਦੇ ਜ਼ਮਾਨੇ ਤੋਂ ਪਹਿਲਾਂ ਵੀ ਪੂਜਾ ਕਰਦੇ ਸਨ। ਰਿਕਾਰਡ ‘ਚ ਦਰਜ ਸਬੂਤ ਦੱਸਦੇ ਹਨ ਕਿ ਵਿਵਾਦਿਤ ਜ਼ਮੀਨ ਦਾ ਬਾਹਰੀ ਹਿੱਸਾ ਹਿੰਦੂਆਂ ਦੇ ਅਧੀਨ ਸੀ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

-ਅਯੋਧਿਆ ਵਿਵਾਦ: ਸੁਪਰੀਮ ਕੋਰਟ ਨੇ ਫੈਸਲਾ ਪੜਨ ਸ਼ੁਰੂ ਕੀਤਾ
-ਕਿਹਾ, ਸਾਨੂੰ ਸ਼ਰਧਾਲੂਆਂ ਦੀ ਆਸਥਾ ਨੂੰ ਸਵੀਕਾਰ ਕਰਨਾ ਚਾਹੀਦਾ ਹੈ

ਨਵੀਂ ਦਿੱਲੀ, ਏਜੰਸੀ। ਅਯੋਧਿਆ ਵਿਵਾਦ ‘ਤੇ ਸੁਪਰੀਮ ਕੋਰਟ ਦੇ ਪੰਜ ਜੱਜਾਂ ਦੀ ਸੰਵਿਧਾਨਿਕ ਬੈਚ ਨੇ 10.30 ਵਜੇ ਫੈਸਲਾ ਪੜ੍ਹਨ ਸ਼ੁਰੂ ਕਰ ਦਿੱਤਾ ਹੈ। ਸੰਵਿਧਾਨ ਬੈਚ ਨੇ ਸੁੰਨੀ ਵਕਫ ਬੋਰਡ ਅਤੇ ਨਿਰਮੋਹੀ ਅਖਾੜੇ ਦੀਆਂ ਅਰਜੀਆਂ ਨੂੰ ਰੱਦ ਕਰ ਦਿੱਤਾ। ਚੀਫ ਜਸਟਿਸ ਰੰਜਨ ਗੋਗੋਈ ਨੇ ਕਿਹਾ ਕਿ ਰਾਮ ਜਨਮਭੂਮੀ ਸਥਾਨ ਨਿਆਂਇਕ ਵਿਅਕਤੀ ਨਹੀਂ ਹੈ। ਹਾਲਾਂਕਿ ਸੀਜੇਆਈ ਨੇ ਕਿਹਾ ਕਿ ਅਦਾਲਤ ਨੂੰ ਧਰਮ ਅਤੇ ਸ਼ਰਧਾਲੂਆਂ ਦੀ ਆਸਥਾ ਨੂੰ ਸਵੀਕਾਰ ਕਰਨਾ ਚਾਹੀਦਾ ਹੈ। ਅਦਾਲਤ ਨੇ 6 ਅਗਸਤ ਤੋਂ 16 ਅਕਤੂਬਰ ਤੱਕ 40 ਦਿਨ ਤੱਕ ਹਿੰਦੂ ਅਤੇ ਮੁਸਲਿਮ ਪੱਖਕਾਰਾਂ ਦੀਆਂ ਦਲੀਲਾਂ ਸੁਣਨ ਤੋਂ ਬਾਅਦ ਬੈਚ ਨੇ ਫੈਸਲਾ ਸੁਰੱਖਿਅਤ ਰੱਖ ਲਿਆ ਸੀ।(Ayodhya, Ram, Mandir)

ਚੀਫ ਜਸਟਿਸ ਨੇ ਕਿਹਾ ਕਿ ਮੀਰ ਬਕੀ ਨੇ ਬਾਬਰੀ ਮਸਜਿਦ ਬਣਵਾਈ। ਧਰਮ ਸ਼ਾਸਤਰ ‘ਚ ਪ੍ਰਵੇਸ਼ ਕਰਨਾ ਅਦਾਲਤ ਲਈ ਸਹੀ ਨਹੀਂ ਹੋਵੇਗਾ। ਚੀਫ ਜਸਟਿਸ ਨੇ ਕਿਹਾ ਕਿ ਅਸੀਂ ਸਰਵਸਮਤੀ ਨਾਲ ਫੈਸਲਾ ਸੁਣਾ ਰਹੇ ਹਾਂ। ਇਸ ਅਦਾਲਤ ਨੂੰ ਧਰਮ ਅਤੇ ਸ਼ਰਧਾਲੂਆਂ ਦੀ ਆਸਥਾ ਨੂੰ ਸਵੀਕਾਰ ਕਰਨਾ ਚਾਹੀਦਾ ਹੈ। ਅਦਾਲਤ ਨੂੰ ਸੰਤੁਲਨ ਬਣਾਈ ਰੱਖਣਾ ਚਾਹੀਦਾ ਹੈ। ਸੁਪਰੀਮ ਕੋਰਟ ਨੇ ਕਿਹਾ ਕਿ ਵਿਵਾਦਿਤ ਜ਼ਮੀਨ ਰੇਵੇਨਿਊ ਰਿਕਾਰਡ ‘ਚ ਸਰਕਾਰੀ ਜ਼ਮੀਨ ਦੇ ਤੌਰ ਤੇ ਚਿੰਨ੍ਹਤ ਸੀ। ਸ਼ੀਆ ਵਕਫ ਬੋਰਡ ਦਾ ਦਾਅਵਾ ਵਿਵਾਦਿਤ ਢਾਂਚੇ ‘ਤੇ ਸੀ। ਇਸ ਨੂੰ ਰੱਦ ਕੀਤਾ ਗਿਆ ਹੈ। ਚੀਫ ਜਸਟਿਸ ਨੇ ਕਿਹਾ ਕਿ ਵਿਵਾਦਿਤ ਢਾਂਚਾ ਇਸਲਾਮਿਕ ਮੂਲ ਦਾ ਢਾਂਚਾ ਨਹੀਂ ਸੀ। ਪਰ ਆਰਕਿਉਲਾਜੀਕਲ ਸਰਵੇ ਆਫ ਇੰਡੀਆ ਨੇ ਆਪਣੀ ਰਿਪੋਰਟ ‘ਚ ਇਹ ਨਹੀਂ ਕਿਹਾ ਸੀ ਕਿ ਮਸਜਿਦ ਬਣਾਉਣ ਲਈ ਮੰਦਰ ਨੂੰ ਢਹਾਇਆ ਗਿਆ ਸੀ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।