ਨਿਊਯਾਰਕ (ਸੱਚ ਕਹੂੰ ਨਿਊਜ਼/ਹਿੰ.ਸ.)। ਅਮਰੀਕਾ ਦੀਆਂ 2003 ਤੋਂ ਬਾਅਦ ਪਹਿਲੀ ਵਾਰ ਆਪਣੇ ਕਿਸੇ ਖਿਡਾਰੀ ਨੂੰ ਯੂਐਸ ਓਪਨ ਪੁਰਸ਼ ਸਿੰਗਲਜ਼ ਖਿਤਾਬ ਜਿੱਤਣ ਦੀਆਂ ਉਮੀਦਾਂ ਇੱਕ ਵਾਰ ਫਿਰ ਚਕਨਾਚੂਰ ਹੋ ਗਈਆਂ। ਜਰਮਨੀ ਦੇ ਅਲੈਗਜ਼ੈਂਡਰ ਜ਼ਵੇਰੇਵ ਨੇ ਸੋਮਵਾਰ ਸਵੇਰੇ ਭਾਰਤੀ ਸਮੇਂ ਅਨੁਸਾਰ ਫਾਈਨਲ ’ਚ ਅਮਰੀਕਾ ਦੇ ਬੇਨ ਸ਼ੈਲਟਨ ਨੂੰ 6-3, 7-6(2), 5-7, 6-2 ਨਾਲ ਹਰਾ ਕੇ ਪਹਿਲੀ ਵਾਰ ਯੂਐਸ ਓਪਨ ਖਿਤਾਬ ਜਿੱਤਿਆ। ਇਹ ਮੈਚ ਲਗਭਗ ਸਾਢੇ ਤਿੰਨ ਘੰਟੇ ਚੱਲਿਆ। ਇਹ 29 ਸਾਲਾ ਜ਼ਵੇਰੇਵ ਦੇ ਕਰੀਅਰ ਦਾ ਦੂਜਾ ਗ੍ਰੈਂਡ ਸਲੈਮ ਖਿਤਾਬ ਹੈ। ਉਨ੍ਹਾਂ ਨੇ ਇਸ ਸਾਲ ਫ੍ਰੈਂਚ ਓਪਨ ਵੀ ਜਿੱਤਿਆ ਹੈ। ਛੇ ਸਾਲ ਪਹਿਲਾਂ, ਫਲਸ਼ਿੰਗ ਮੀਡੋਜ਼ ਵਿਖੇ ਆਪਣੇ ਪਹਿਲੇ ਗ੍ਰੈਂਡ ਸਲੈਮ ਫਾਈਨਲ ’ਚ ਜ਼ਵੇਰੇਵ ਦੋ ਸੈੱਟਾਂ ਦੀ ਬੜ੍ਹਤ ਹੋਣ ਦੇ ਬਾਵਜੂਦ ਡੋਮਿਨਿਕ ਥੀਮ ਤੋਂ ਹਾਰ ਗਏ ਸੀ, ਪਰ ਇਸ ਵਾਰ ਉਸਨੇ ਅਜਿਹੀ ਕੋਈ ਗਲਤੀ ਨਹੀਂ ਕੀਤੀ।

ਆਪਣਾ ਪਹਿਲਾ ਗ੍ਰੈਂਡ ਸਲੈਮ ਫਾਈਨਲ ਖੇਡ ਰਹੇ ਸ਼ੈਲਟਨ ਨੇ ਘਰੇਲੂ ਦਰਸ਼ਕਾਂ ਦੇ ਸਾਹਮਣੇ ਤੀਜਾ ਸੈੱਟ 7-5 ਨਾਲ ਜਿੱਤ ਕੇ ਵਾਪਸੀ ਦੀਆਂ ਉਮੀਦਾਂ ਜਗਾਈਆਂ। ਉਨ੍ਹਾਂ ਨੇ 12ਵੀਂ ਗੇਮ ’ਚ ਜ਼ਵੇਰੇਵ ਦੀ ਸਰਵਿਸ ਤੋੜ ਕੇ ਸੈੱਟ ਆਪਣੇ ਨਾਂਅ ਕਰ ਲਿਆ, ਪਰ ਜਰਮਨ ਖਿਡਾਰੀ ਨੇ ਦਬਾਅ ਹੇਠ ਆਪਣਾ ਹੌਸਲਾ ਬਣਾਈ ਰੱਖਿਆ। ਜ਼ਵੇਰੇਵ ਨੇ ਚੌਥੇ ਸੈੱਟ ਦੇ ਪਹਿਲੇ ਹੀ ਗੇਮ ’ਚ ਸ਼ੈਲਟਨ ਦੀ ਸਰਵਿਸ ਤੋੜ ਦਿੱਤੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਸੱਤਵੇਂ ਗੇਮ ਵਿੱਚ ਇੱਕ ਹੋਰ ਬ੍ਰੇਕ ਪ੍ਰਾਪਤ ਕਰਕੇ ਆਪਣੀ ਸਥਿਤੀ ਮਜ਼ਬੂਤ ਕੀਤੀ। ਇਸ ਤੋਂ ਬਾਅਦ ਚੋਟੀ ਦਾ ਦਰਜਾ ਪ੍ਰਾਪਤ ਜ਼ਵੇਰੇਵ ਨੇ ਬਿਨਾਂ ਕਿਸੇ ਮੁਸ਼ਕਲ ਦੇ ਸਰਵਿਸ ਜਾਰੀ ਰੱਖਦੇ ਹੋਏ ਖਿਤਾਬ ਆਪਣੇ ਨਾਮ ਕਰ ਲਿਆ। ਅਮਰੀਕੀ ਖਿਡਾਰੀ ਦੀ ਸ਼ੁਰੂਆਤ ਬਹੁਤ ਖਰਾਬ ਰਹੀ। ਸ਼ੈਲਟਨ ਨੂੰ ਆਪਣੀ ਪਹਿਲੀ ਸਰਵਿਸ ਗੇਮ ਵਿੱਚ ਹੀ ਬ੍ਰੇਕ ਪੁਆਇੰਟ ਦਾ ਸਾਹਮਣਾ ਕਰਨਾ ਪਿਆ ਤੇ ਉਨ੍ਹਾਂ ਨੇ ਡਬਲ-ਫਾਲਟ ਕਰ ਦਿੱਤਾ। Tennis News

ਇਹ ਵੀ ਪੜ੍ਹੋ : Hormuz Strait: ਹੋਰਮੁਜ਼ ਦੇ ਨਵੇਂ ਸਮੁੰਦਰੀ ਰਾਸਤੇ ’ਤੇ ਖੇਤਰੀ ਮੀਟਿੰਗ ਮੁਲਤਵੀ

ਜ਼ਵੇਰੇਵ ਨੇ ਆਪਣੇ ਤਜ਼ਰਬੇ ਦਾ ਸ਼ਾਨਦਾਰ ਇਸਤੇਮਾਲ ਕੀਤਾ। ਇਹ ਉਨ੍ਹਾਂ ਦਾ ਛੇਵਾਂ ਗ੍ਰੈਂਡ ਸਲੈਮ ਫਾਈਨਲ ਸੀ, ਤੇ ਉਨ੍ਹਾਂ ਨੇ ਆਪਣੀ ਸ਼ਕਤੀਸ਼ਾਲੀ ਸਰਵਿਸ ਨਾਲ ਸ਼ੈਲਟਨ ਨੂੰ ਕੋਈ ਮੌਕਾ ਨਹੀਂ ਦਿੱਤਾ। ਪੂਰੇ ਮੈਚ ਦੌਰਾਨ, ਜ਼ਵੇਰੇਵ ਨੇ ਆਪਣੀ ਪਹਿਲੀ ਸਰਵਿਸ ਤੋਂ ਬਾਅਦ 80 ਵਿੱਚੋਂ 68 ਅੰਕ ਜਾਂ 85 ਪ੍ਰਤੀਸ਼ਤ ਅੰਕ ਜਿੱਤੇ। ਪਹਿਲੇ ਸੈੱਟ ਦੇ ਨੌਵੇਂ ਗੇਮ ’ਚ, ਸ਼ੈਲਟਨ ਨੂੰ ਇੱਕ ਹੋਰ ਬ੍ਰੇਕ ਪੁਆਇੰਟ ਦਾ ਸਾਹਮਣਾ ਕਰਨਾ ਪਿਆ ਅਤੇ ਡਬਲ-ਫਾਲਟ ਹੋਇਆ, ਜਿਸ ਨਾਲ ਜ਼ਵੇਰੇਵ ਨੇ ਪਹਿਲਾ ਸੈੱਟ 6-3 ਨਾਲ ਆਪਣੇ ਨਾਂਅ ਕਰ ਲਿਆ। ਸ਼ੈਲਟਨ ਨੇ ਦੂਜੇ ਸੈੱਟ ’ਚ ਬਿਹਤਰ ਪ੍ਰਦਰਸ਼ਨ ਕੀਤਾ, ਜ਼ਵੇਰੇਵ ਦੀ ਸਰਵਿਸ ’ਤੇ ਕੋਈ ਵੀ ਬ੍ਰੇਕ ਪੁਆਇੰਟ ਬਦਲਣ ’ਚ ਅਸਫਲ ਰਹੇ। ਹਾਲਾਂਕਿ, ਟਾਈਬ੍ਰੇਕ ’ਚ, ਜ਼ਵੇਰੇਵ ਨੇ 5-0 ਦੀ ਲੀਡ ਨਾਲ ਸੈੱਟ ਆਪਣੇ ਨਾਂਅ ਕਰ ਲਿਆ। ਜ਼ਵੇਰੇਵ ਦੀ ਸ਼ਕਤੀਸ਼ਾਲੀ  ਸਰਵਿਸ ਦੇ ਜਵਾਬ ’ਚ, ਸ਼ੈਲਟਨ ਦਾ ਫੋਰਹੈਂਡ ਰਿਟਰਨ ਨੈੱਟ ’ਚ ਚਲਾ ਗਿਆ। ਸ਼ੈਲਟਨ ਨੇ ਤੀਜੇ ਸੈੱਟ ’ਚ ਜ਼ਵੇਰੇਵ ਦੇ ਖਿਲਾਫ ਆਪਣੀ 12 ਸੈੱਟਾਂ ਦੀ ਹਾਰ ਦੀ ਲੜੀ ਨੂੰ ਖਤਮ ਕਰ ਦਿੱਤਾ, ਪਰ ਉਹ ਇਸ ਦਾ ਫਾਇਦਾ ਨਹੀਂ ਉਠਾ ਸਕੇ।

ਜ਼ਵੇਰੇਵ ਨੇ ਚੌਥੇ ਸੈੱਟ ’ਚ ਜਲਦੀ ਹੀ ਕੰਟਰੋਲ ਸੰਭਾਲ ਲਿਆ ਤੇ  ਆਖਰ ’ਚ ਇੱਕ ਇਤਿਹਾਸਕ ਜਿੱਤ ਹਾਸਲ ਕੀਤੀ। ਜ਼ਵੇਰੇਵ ਦੇ ਖਿਲਾਫ ਮੈਚ ਤੋਂ ਪਹਿਲਾਂ ਸ਼ੈਲਟਨ ਦਾ 0-5 ਦਾ ਰਿਕਾਰਡ ਸੀ। ਦੋਵੇਂ ਕਦੇ ਵੀ ਕਿਸੇ ਗ੍ਰੈਂਡ ਸਲੈਮ ’ਚ ਨਹੀਂ ਮਿਲੇ ਸਨ, ਉਨ੍ਹਾਂ ਦੀ ਆਖਰੀ ਮੁਲਾਕਾਤ 2025 ਦੇ ਏਟੀਪੀ ਫਾਈਨਲਜ਼ ’ਚ ਹੋਈ ਸੀ। ਸ਼ੈਲਟਨ ਨੇ ਫਾਈਨਲ ’ਚ ਪਹੁੰਚਣ ਲਈ ਕੁਆਰਟਰ ਫਾਈਨਲ ਤੇ ਸੈਮੀਫਾਈਨਲ ’ਚ ਮੌਜ਼ੂਦਾ ਚੈਂਪੀਅਨ ਕਾਰਲੋਸ ਅਲਕਾਰਾਜ਼ ਤੇ ਹਮਵਤਨ ਫਰਾਂਸਿਸ ਟਿਆਫੋ ਨੂੰ ਹਰਾਇਆ ਸੀ। ਇਸ ਹਾਰ ਨਾਲ ਅਮਰੀਕੀ ਪੁਰਸ਼ਾਂ ਦਾ ਯੂਐਸ ਓਪਨ ਜਿੱਤਣ ਦਾ ਇੰਤਜ਼ਾਰ ਜਾਰੀ ਰਿਹਾ। 2003 ’ਚ ਐਂਡੀ ਰੌਡਿਕ ਦੁਆਰਾ ਨਿਊਯਾਰਕ ’ਚ ਖਿਤਾਬ ਜਿੱਤਣ ਤੋਂ ਬਾਅਦ ਕਿਸੇ ਵੀ ਅਮਰੀਕੀ ਪੁਰਸ਼ ਖਿਡਾਰੀ ਨੇ ਗ੍ਰੈਂਡ ਸਲੈਮ ਖਿਤਾਬ ਨਹੀਂ ਜਿੱਤਿਆ ਹੈ। ਜ਼ਵੇਰੇਵ ਓਪਨ ਯੁੱਗ ’ਚ ਬੋਰਿਸ ਬੇਕਰ ਤੋਂ ਬਾਅਦ ਯੂਐਸ ਓਪਨ ਪੁਰਸ਼ ਸਿੰਗਲਜ਼ ਖਿਤਾਬ ਜਿੱਤਣ ਵਾਲੇ ਦੂਜਾ ਜਰਮਨ ਪੁਰਸ਼ ਖਿਡਾਰੀ ਵੀ ਬਣ ਗਏ। Tennis News

ਸਪੋਰਟਸ ਡੈਸਕ। US Open 2026: 2026 ਯੂਐਸ ਓਪਨ ਦੇ ਮਹਿਲਾ ਸਿੰਗਲਜ਼ ਫਾਈਨਲ ਦੀ ਤਸਵੀਰ ਸਪੱਸ਼ਟ ਹੋ ਗਈ ਹੈ। ਸਿਖਰ ਦਰਜਾ ਪ੍ਰਾਪਤ ਆਰੀਨਾ ਸਬਾਲੇਂਕਾ ਤੇ ਕਜ਼ਾਕਿਸਤਾਨ ਦੀ ਏਲੇਨਾ ਰਾਇਬਾਕੀਨਾ ਖਿਤਾਬ ਲਈ ਆਹਮੋ-ਸਾਹਮਣੇ ਹੋਣਗੀਆਂ। ਇਸ ਦੌਰਾਨ, ਅਮਰੀਕੀ ਕੋਕੋ ਗੌਫ ਤੇ ਜੈਸਿਕਾ ਪੇਗੁਲਾ ਦਾ ਸਫ਼ਰ ਸੈਮੀਫਾਈਨਲ ’ਚ ਖਤਮ ਹੋ ਗਿਆ ਹੈ। 

ਪੇਗੁਲਾ ਨੂੰ ਸਿੱਧੇ ਸੈਟਾਂ ’ਚ ਹਰਾ ਫਾਈਨਲ ’ਚ ਪੁੱਜੀ ਸਬਾਲੇਂਕਾ | US Open 2026

ਆਰਥਰ ਐਸ਼ੇ ਸਟੇਡੀਅਮ ’ਚ ਖੇਡੇ ਗਏ ਪਹਿਲੇ ਸੈਮੀਫਾਈਨਲ ’ਚ, ਸਬਾਲੇਂਕਾ ਨੇ ਤੀਜਾ ਦਰਜਾ ਪ੍ਰਾਪਤ ਜੈਸਿਕਾ ਪੇਗੁਲਾ ਨੂੰ 7-5, 6-2 ਨਾਲ ਹਰਾਇਆ। ਇਸ ਜਿੱਤ ਦੇ ਨਾਲ, ਉਹ ਲਗਾਤਾਰ ਤੀਜੇ ਯੂਐਸ ਓਪਨ ਖਿਤਾਬ ਤੋਂ ਸਿਰਫ਼ ਇੱਕ ਜਿੱਤ ਦੂਰ ਹੈ। ਸਬਾਲੇਂਕਾ ਨੇ ਪੂਰੇ ਮੈਚ ਦੌਰਾਨ ਆਪਣੀ ਸਰਵਿਸ ਤੇ ਸ਼ਕਤੀਸ਼ਾਲੀ ਗਰਾਊਂਡਸਟ੍ਰੋਕ ਦੀ ਸ਼ਾਨਦਾਰ ਵਰਤੋਂ ਕੀਤੀ। ਉਸਨੇ ਪੇਗੁਲਾ ਨੂੰ ਆਪਣੀ ਲੈਅ ’ਚ ਸੈਟਲ ਹੋਣ ਦਾ ਜ਼ਿਆਦਾ ਮੌਕਾ ਨਹੀਂ ਦਿੱਤਾ। ਪਹਿਲਾ ਸੈੱਟ ਦੋਵਾਂ ਖਿਡਾਰੀਆਂ ਵਿਚਕਾਰ ਨਜ਼ਦੀਕੀ ਮੁਕਾਬਲਾ ਸੀ। ਦੋਵਾਂ ਨੇ 12ਵੀਂ ਗੇਮ ਤੱਕ ਸਰਵਿਸ ਬਣਾਈ ਰੱਖੀ। ਉਸ ਸਮੇਂ ਸਬਾਲੇਂਕਾ 6-5 ਨਾਲ ਅੱਗੇ ਸੀ।

ਫਿਰ ਉਸਨੇ ਹਮਲਾਵਰ ਖੇਡਦੇ ਹੋਏ, ਪੇਗੁਲਾ ’ਤੇ ਦਬਾਅ ਪਾਇਆ, ਤੇ ਸੈੱਟ ਆਪਣੇ ਨਾਂਅ ਕਰ ਲਿਆ। ਦੂਜੇ ਸੈੱਟ ਵਿੱਚ, ਸਬਾਲੇਂਕਾ ਨੇ ਸ਼ੁਰੂਆਤ ਤੋਂ ਹੀ ਦਬਾਅ ਬਣਾਈ ਰੱਖਿਆ। ਉਸਨੇ ਪੇਗੁਲਾ ਦੀ ਦੂਜੀ ਸਰਵਿਸ ’ਤੇ ਹਮਲਾ ਕੀਤਾ ਤੇ ਸ਼ਾਨਦਾਰ ਫੋਰਹੈਂਡ ਨਾਲ 3-1 ਦੀ ਬੜ੍ਹਤ ਬਣਾ ਲਈ। ਸਬਲੇਂਕਾ ਨੇ ਕਦੇ ਪਿੱਛੇ ਮੁੜ ਕੇ ਨਹੀਂ ਵੇਖਿਆ। ਅੱਠਵੀਂ ਗੇਮ ’ਚ, ਪੇਗੁਲਾ ਦੀ ਵਾਪਸੀ ਲੰਬੀ ਰਹੀ, ਜਿਸ ਨਾਲ ਸਬਲੇਂਕਾ ਨੂੰ ਮੈਚ ਪੁਆਇੰਟ ਮਿਲਿਆ। ਉਸਨੇ ਇੱਕ ਹੋਰ ਸ਼ਕਤੀਸ਼ਾਲੀ ਫੋਰਹੈਂਡ ਨਾਲ ਮੈਚ ਸੀਲ ਕਰ ਦਿੱਤਾ। ਸਬਲੇਂਕਾ ਨੇ ਮੈਚ ’ਚ ਸੱਤ ਏਸ ਤੇ 29 ਵਿਨਰ ਲਗਾਏ, ਜੋ ਕਿ ਟੂਰਨਾਮੈਂਟ ਦੇ ਉਸਦੇ ਸਭ ਤੋਂ ਵਧੀਆ ਪ੍ਰਦਰਸ਼ਨਾਂ ’ਚੋਂ ਇੱਕ ਸੀ।

ਇਹ ਵੀ ਪੜ੍ਹੋ : Gold Price Today: ਸਰਾਫਾ ਬਾਜ਼ਾਰ ’ਚ ਮਹਿੰਗਾ ਹੋਇਆ ਸੋਨਾ, ਚਾਂਦੀ ਦੀਆਂ ਕੀਮਤਾਂ ’ਚ ਵੀ ਵਾਧਾ

ਰਾਇਬਾਕੀਨਾ ਨੇ ਗੌਫ ਨੂੰ ਹਰਾ ਫਾਈਨਲ ’ਚ ਆਪਣੀ ਜਗ੍ਹਾ ਕੀਤੀ ਹੈ ਪੱਕੀ

ਦੂਜੇ ਸੈਮੀਫਾਈਨਲ ’ਚ, ਅਮਰੀਕੀ ਕੋਕੋ ਗੌਫ ਦਾ ਸਾਹਮਣਾ ਏਲੇਨਾ ਰਾਇਬਾਕੀਨਾ ਨਾਲ ਹੋਇਆ। ਗੌਫ ਨੇ ਮੈਚ ਦੀ ਸ਼ਾਨਦਾਰ ਸ਼ੁਰੂਆਤ ਕੀਤੀ, ਪਹਿਲਾ ਸੈੱਟ 6-3 ਨਾਲ ਜਿੱਤਿਆ। ਹਾਲਾਂਕਿ, ਰਾਇਬਾਕੀਨਾ ਨੇ ਫਿਰ ਜ਼ੋਰਦਾਰ ਵਾਪਸੀ ਕੀਤੀ, ਦੂਜਾ ਸੈੱਟ 6-4 ਨਾਲ ਜਿੱਤ ਕੇ ਮੈਚ ਨੂੰ ਫੈਸਲਾਕੁੰਨ ਸੈੱਟ ’ਚ ਧੱਕ ਦਿੱਤਾ। ਰਾਇਬਾਕੀਨਾ ਨੇ ਤੀਜਾ ਸੈੱਟ ਵੀ 6-4 ਨਾਲ ਜਿੱਤਿਆ। ਇਸ ਤਰ੍ਹਾਂ, ਉਸਨੇ ਗੌਫ ਨੂੰ 3-6, 6-4, 6-4 ਨਾਲ ਹਰਾਇਆ ਤੇ ਫਾਈਨਲ ’ਚ ਜਗ੍ਹਾ ਬਣਾਈ।

ਨਿਊਯਾਰਕ (ਸੱਚ ਕਹੂੰ ਨਿਊਜ਼/ਹਿੰ.ਸ.)। ਬੇਲਾਰੂਸ ਦੀ ਚੋਟੀ ਦੀ ਦਰਜਾ ਪ੍ਰਾਪਤ ਆਰੀਆਨਾ ਸਬਾਲੇਂਕਾ ਨੇ ਪ੍ਰਭਾਵਸ਼ਾਲੀ ਢੰਗ ਨਾਲ ਯੂਐਸ ਓਪਨ 2026 ਦੇ ਤੀਜੇ ਦੌਰ ’ਚ ਜਗ੍ਹਾ ਬਣਾਈ। ਸਬਾਲੇਂਕਾ ਨੇ ਬੁੱਧਵਾਰ ਰਾਤ ਨੂੰ ਪੋਲੀਨਾ ਯਾਤਸੇਂਕੋ ਨੂੰ ਸਿਰਫ਼ 53 ਮਿੰਟਾਂ ਵਿੱਚ 6-1, 6-1 ਨਾਲ ਹਰਾ ਕੇ ਲਗਾਤਾਰ ਤੀਜਾ ਯੂਐਸ ਓਪਨ ਖਿਤਾਬ ਜਿੱਤਣ ਦੇ ਆਪਣੇ ਦਾਅਵੇ ਨੂੰ ਮਜ਼ਬੂਤ ਕੀਤਾ। ਸਬਾਲੇਂਕਾ ਇੱਕ ਮੁਸ਼ਕਲ ਪੜਾਅ ਵਿੱਚੋਂ ਲੰਘਣ ਤੋਂ ਬਾਅਦ ਟੂਰਨਾਮੈਂਟ ’ਚ ਆਈ ਸਨ ਤੇ ਉਨ੍ਹਾਂ ਦੀ ਸਿਖਰਲੀ ਰੈਂਕਿੰਗ ਵੀ ਖ਼ਤਰੇ ਵਿੱਚ ਸੀ, ਪਰ ਬੁੱਧਵਾਰ ਨੂੰ, ਉਨ੍ਹਾਂ ਦੀ ਖੇਡ ’ਚ ਅਜਿਹੀ ਕੋਈ ਸਮੱਸਿਆ ਦਿਖਾਈ ਨਹੀਂ ਦਿੱਤੀ। ਉਨ੍ਹਾਂ ਨੇ ਹਮਲਾਵਰ ਤੇ ਸ਼ਕਤੀਸ਼ਾਲੀ ਸ਼ਾਟਾਂ ਨਾਲ ਸ਼ੁਰੂ ਤੋਂ ਅੰਤ ਤੱਕ ਮੈਚ ’ਤੇ ਕਾਬੂ ਬਣਾਈ ਰੱਖਿਆ। ਸਬਾਲੇਂਕਾ ਨੇ ਮੈਚ ਤੋਂ ਬਾਅਦ ਕਿਹਾ, ‘ਮੈਂ ਅੱਜ ਜੋ ਖੇਡ ਦਿਖਾਇਆ ਉਸ ਤੋਂ ਖੁਸ਼ ਹਾਂ।

ਮੈਂ ਆਪਣੇ ਫੋਕਸ ਤੇ ਇਸ ਮੈਚ ਨੂੰ ਜਿੱਤਣ ਤੇ ਅੱਗੇ ਵਧਣ ਨਾਲ ਵੀ ਖੁਸ਼ ਹਾਂ।’ ਪਹਿਲੇ ਸੈੱਟ ’ਚ, ਸਬਾਲੇਂਕਾ ਨੇ ਪਹਿਲੀ ਸਰਵਿਸ ’ਤੇ 16 ’ਚੋਂ 15 ਅੰਕ ਜਿੱਤੇ। ਉਨ੍ਹਾਂ ਨੇ ਦੂਜੇ ਸੈੱਟ ’ਚ ਆਪਣਾ ਦਬਦਬਾ ਜਾਰੀ ਰੱਖਿਆ, ਪੂਰੇ ਮੈਚ ਦੌਰਾਨ ਆਪਣੀ ਪਹਿਲੀ ਸਰਵਿਸ ’ਤੇ 28 ਵਿੱਚੋਂ 21 ਅੰਕ ਜਿੱਤੇ। ਉਨ੍ਹਾਂ ਦੀ ਵਿਰੋਧੀ, ਯਾਤਸੇਂਕੋ, ਪਹਿਲੀ ਵਾਰ ਕਿਸੇ ਗ੍ਰੈਂਡ ਸਲੈਮ ਟੂਰਨਾਮੈਂਟ ’ਚ ਖੇਡ ਰਹੀ ਸੀ। ਸਬਾਲੇਂਕਾ 2012 ਤੇ 2014 ਦੇ ਵਿਚਕਾਰ ਸੇਰੇਨਾ ਵਿਲੀਅਮਜ਼ ਤੋਂ ਬਾਅਦ ਫਲਸ਼ਿੰਗ ਮੀਡੋਜ਼ ’ਤੇ ਲਗਾਤਾਰ ਤਿੰਨ ਖਿਤਾਬ ਜਿੱਤਣ ਵਾਲੀ ਪਹਿਲੀ ਮਹਿਲਾ ਖਿਡਾਰੀ ਬਣਨ ਦੀ ਕੋਸ਼ਿਸ਼ ਕਰ ਰਹੀ ਹਨ। ਹਾਲਾਂਕਿ, ਖਿਤਾਬ ਜਿੱਤਣ ਬਾਵਜੂਦ, ਉਨ੍ਹਾਂ ਨੂੰ ਆਪਣੀ ਚੋਟੀ ਦੀ ਰੈਂਕਿੰਗ ਬਣਾਈ ਰੱਖਣ ਲਈ ਹੋਰ ਨਤੀਜਿਆਂ ’ਤੇ ਨਿਰਭਰ ਕਰਨਾ ਪਵੇਗਾ। ਉਨ੍ਹਾਂ ਨੇ ਕਿਹਾ, ‘ਮੈਨੂੰ ਲੱਗਦਾ ਹੈ ਕਿ ਸੀਜ਼ਨ ਦੇ ਵਿਚਕਾਰ ਮੈਨੂੰ ਥੋੜ੍ਹੀ ਸਮੱਸਿਆ ਆਈ ਸੀ। ਮੈਂ ਇਹ ਨਹੀਂ ਦੱਸਣ ਜਾ ਰਹੀ ਕਿ ਕਿਉਂ, ਪਰ ਮੈਂ ਆਪਣੇ ਮੌਜੂਦਾ ਪੱਧਰ ਤੋਂ ਖੁਸ਼ ਹਾਂ। ਮਾਨਸਿਕ ਤੌਰ ’ਤੇ, ਮੈਂ ਸੀਜ਼ਨ ਦੇ ਵਿਚਕਾਰ ਨਾਲੋਂ ਬਹੁਤ ਮਜ਼ਬੂਤ ਹਾਂ, ਤੇ ਸਰੀਰਕ ਤੌਰ ’ਤੇ, ਮੈਂ ਵੀ ਬਿਹਤਰ ਮਹਿਸੂਸ ਕਰ ਰਹੀ ਹਾਂ।’ US Open 2026

ਇਹ ਵੀ ਪੜ੍ਹੋ : Pathankot News: ਪਠਾਨਕੋਟ ਸਬ ਜ਼ੇਲ੍ਹ ’ਚ ਪੁਲਿਸ ਦਾ ਅਚਾਨਕ ਕੋਰਡਨ ਐਂਡ ਸਰਚ ਆਪ੍ਰੇਸ਼ਨ

ਮੀਂਹ ਨੇ ਸ਼ਡਿਊਲ ’ਚ ਪਾਇਆ ਵਿਘਨ | US Open 2026

ਨਿਊਯਾਰਕ ’ਚ ਇੱਕ ਵਾਰ ਫਿਰ ਮੀਂਹ ਨੇ ਖੇਡ ਸ਼ਡਿਊਲ ’ਚ ਵਿਘਨ ਪਾਇਆ। ਬਾਹਰੀ ਕੋਰਟਾਂ ’ਤੇ ਮੈਚ ਅਸਥਾਈ ਤੌਰ ’ਤੇ ਰੋਕ ਦਿੱਤੇ ਗਏ, ਜਦੋਂ ਕਿ ਆਰਥਰ ਐਸ਼ ਸਟੇਡੀਅਮ ਤੇ ਲੂਈਸ ਆਰਮਸਟ੍ਰਾਂਗ ਸਟੇਡੀਅਮ ਦੇ ਛੱਤ ਵਾਲੇ ਕੋਰਟਾਂ ’ਤੇ ਮੈਚ ਬਿਨਾਂ ਕਿਸੇ ਰੁਕਾਵਟ ਦੇ ਜਾਰੀ ਰਹੇ। ਅਸਟਰੇਲੀਆ ਦੇ ਛੇਵਾਂ ਦਰਜਾ ਪ੍ਰਾਪਤ ਐਲੇਕਸ ਡੀ ਮਿਨੌਰ ਦਾ ਮੈਚ ਵੀ ਮੀਂਹ ਕਾਰਨ ਦੋ ਵਾਰ ਬਦਲਿਆ ਗਿਆ। ਉਨ੍ਹਾਂ ਨੇ ਅੰਤ ’ਚ ਕੋਰਟ 11 ’ਤੇ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਕੀਤੀ ਤੇ ਇਟਲੀ ਦੇ ਐਂਡਰੀਆ ਗੁਰੇਰੀ ਨੂੰ 6-2, 6-2, 6-4 ਨਾਲ ਹਰਾਇਆ। ਸਪੇਨ ਦੀ ਪੌਲਾ ਬਾਡੋਸਾ ਨੇ ਵੀ ਮੰਗਲਵਾਰ ਨੂੰ ਅਧੂਰਾ ਰਹਿ ਗਿਆ ਮੈਚ ਪੂਰਾ ਕੀਤਾ, ਡਾਰੀਆ ਕਾਸਾਟਕੀਨਾ ਨੂੰ 6-1, 6-4 ਨਾਲ ਹਰਾਇਆ। ਹੁਣ ਉਹ ਦੂਜੇ ਦੌਰ ’ਚ ਚੌਥੀ ਦਰਜਾ ਪ੍ਰਾਪਤ ਕੋਕੋ ਗੌਫ ਦਾ ਸਾਹਮਣਾ ਕਰੇਗੀ।

ਇਸ ਦੌਰਾਨ, ਸਪੇਨ ਦੀ 19 ਸਾਲਾ ਰਾਫੇਲ ਜੋਦਾਰ ਚੀਨ ਦੀ ਬੂ ਯੁਆਨਚੋਕੇਟ ਤੋਂ 6-2, 6-1, 6-1 ਨਾਲ ਬਾਹਰ ਹੋ ਗਈ। ਪੁਰਸ਼ ਸਿੰਗਲਜ਼ ਦਾ ਪਹਿਲਾ ਦੌਰ ਵੀ ਬੁੱਧਵਾਰ ਦੇਰ ਰਾਤ ਸਮਾਪਤ ਹੋਇਆ। ਅਮਰੀਕੀ ਐਲੇਕਸ ਮਾਈਕਲਸਨ ਨੇ 16ਵੀਂ ਦਰਜਾ ਪ੍ਰਾਪਤ ਬ੍ਰੈਂਡਨ ਨਾਕਾਸ਼ਿਮਾ ਨੂੰ 6-3, 6-4, 6-4 ਨਾਲ ਹਰਾ ਕੇ ਉਲਟਫੇਰ ਕੀਤਾ। ਮਹਿਲਾ ਵਰਗ ’ਚ, ਸੱਤਵੀਂ ਦਰਜਾ ਪ੍ਰਾਪਤ ਕੈਰੋਲੀਨਾ ਮੁਚੋਵਾ ਨੇ ਕੇਟੀ ਬੋਲਟਰ ਨੂੰ 6-1, 6-0 ਨਾਲ ਹਰਾ ਕੇ ਤੀਜੇ ਦੌਰ ’ਚ ਪ੍ਰਵੇਸ਼ ਕੀਤਾ। 11ਵੀਂ ਦਰਜਾ ਪ੍ਰਾਪਤ ਮਾਰਟਾ ਕੋਸਟਯੁਕ ਨੇ 2017 ਯੂਐਸ ਓਪਨ ਚੈਂਪੀਅਨ ਸਲੋਏਨ ਸਟੀਫਨਸ ਨੂੰ 6-1, 7-5 ਨਾਲ ਹਰਾਇਆ। 31ਵੀਂ ਦਰਜਾ ਪ੍ਰਾਪਤ ਲੇਲਾਹ ਫਰਨਾਂਡੇਜ਼ ਵੀ ਅਗਲੇ ਦੌਰ ’ਚ ਪ੍ਰਵੇਸ਼ ਕੀਤੀ, ਜਿੱਥੇ ਉਨ੍ਹਾਂ ਦਾ ਸਾਹਮਣਾ ਜੈਸਿਕਾ ਪੇਗੁਲਾ ਨਾਲ ਹੋਵੇਗਾ।

ਸਪੋਰਟਸ ਡੈਸਕ। US Open 2026: ਨੋਵਾਕ ਜੋਕੋਵਿਚ ਦੀ ਸ਼ੁਰੂਆਤ ਯੂਐਸ ਓਪਨ ’ਚ ਬਹੁਤ ਹੀ ਦੁਖਦਾਈ ਰਹੀ। ਚੌਥਾ ਦਰਜਾ ਪ੍ਰ੍ਰਾਪਤ ਸਰਬੀਅਨ, ਜੋ ਕਿ ਰਿਕਾਰਡ 25ਵਾਂ ਗ੍ਰੈਂਡ ਸਲੈਮ ਖਿਤਾਬ ਜਿੱਤਣ ਦਾ ਟੀਚਾ ਰੱਖ ਰਹੇ ਸਨ, ਨੂੰ ਅਰਜਨਟੀਨਾ ਦੇ ਮਾਰੀਆਨੋ ਨਵੋਨ ਤੋਂ ਪਹਿਲੇ ਦੌਰ ’ਚ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਲਗਭਗ ਚਾਰ ਘੰਟੇ ਚੱਲੇ ਇਸ ਮੈਚ ’ਚ, 25 ਸਾਲਾ ਨਵੋਨ ਨੇ ਇੱਕ ਵੱਡਾ ਉਲਟਫੇਰ ਕੀਤਾ, 39 ਸਾਲਾ ਜੋਕੋਵਿਚ ਨੂੰ 7-6, 5-7, 6-4, 2-6, 6-1 ਨਾਲ ਹਰਾਇਆ। ਇਹ ਨਵੋਨ ਦੇ ਕਰੀਅਰ ਦੀ ਸਭ ਤੋਂ ਵੱਡੀ ਜਿੱਤ ਸੀ। ਇਸ ਜਿੱਤ ਦੇ ਨਾਲ, ਉਸਨੇ ਰਿਕਾਰਡ ਬੁੱਕਾਂ ’ਚ ਆਪਣਾ ਨਾਂਅ ਵੀ ਦਰਜ ਕਰਵਾ ਲਿਆ, 2006 ਤੋਂ ਬਾਅਦ 21 ਸਾਲਾਂ ਵਿੱਚ ਕਿਸੇ ਗ੍ਰੈਂਡ ਸਲੈਮ ਦੇ ਪਹਿਲੇ ਦੌਰ ’ਚ ਹਾਰਨ ਵਾਲੇ ਪਹਿਲਾ ਖਿਡਾਰੀ ਬਣ ਗਏ ਹਨ।

ਗਰਮੀ ਤੇ ਬਿਮਾਰੀ ਨਾਲ ਜੂਝ ਰਹੇ ਸਨ ਜੋਕੋਵਿਚ | US Open 2026

• ਜੋਕੋਵਿਚ ਆਰਥਰ ਐਸ਼ ਸਟੇਡੀਅਮ ’ਚ ਮੈਚ ਦੀ ਸ਼ੁਰੂਆਤ ਤੋਂ ਹੀ ਸਰੀਰਕ ਸਮੱਸਿਆਵਾਂ ਨਾਲ ਜੂਝ ਰਹੇ ਸੀ। ਬੰਦ ਛੱਤ ਲਾਉਣ ਤੋਂ ਪਹਿਲਾਂ ਉਸਨੂੰ ਵਾਰ-ਵਾਰ ਆਪਣੇ ਸਿਰ ’ਤੇ ਬਰਫ਼ ਦਾ ਥੈਲਾ ਰੱਖਦੇ ਵੇਖਿਆ ਗਿਆ। ਉਹ ਨਿਊਯਾਰਕ ’ਚ ਨਮੀ ਵਾਲੇ ਹਾਲਾਤਾਂ ’ਚ ਬੇਆਰਾਮ ਦਿਖਾਈ ਦੇ ਰਿਹਾ ਸੀ ਤੇ ਛੱਤ ਬੰਦ ਹੋਣ ਤੋਂ ਬਾਅਦ ਸੁਪਰਵਾਈਜ਼ਰ ਨੂੰ ਏਸੀ ਚਾਲੂ ਕਰਨ ਬਾਰੇ ਵੀ ਕਿਹਾ।
• ਤੀਜੇ ਸੈੱਟ ’ਚ ਉਸਦੀ ਪਰੇਸ਼ਾਨੀ ਹੋਰ ਵੀ ਵੱਧ ਗਈ। ਛੇਵੇਂ ਗੇਮ ਦੌਰਾਨ, ਜੋਕੋਵਿਚ ਨੇ ਕਈ ਵਾਰ ਉਲਟੀਆਂ ਕੀਤੀਆਂ। ਉਹ ਕੋਰਟ ਦੇ ਸਾਹਮਣੇ ਝੁਕਿਆ, ਪਰ ਲੜਦਾ ਰਿਹਾ। ਟੂਰਨਾਮੈਂਟ ਦੇ ਫਿਜ਼ੀਓ ਨੇ ਉਸਨੂੰ ਗੋਲੀਆਂ ਦਿੱਤੀਆਂ, ਜਦੋਂ ਕਿ ਉਸਦੀ ਟੀਮ ਉਸਨੂੰ ਕੋਰਟਸਾਈਡ ਤੋਂ ਤਰਲ ਪਦਾਰਥ ਪ੍ਰਦਾਨ ਕਰਦੀ ਰਹੀ। ਉਸਨੇ ਹਾਰ ਨਹੀਂ ਮੰਨੀ ਤੇ ਮੁਸ਼ਕਲ ਹਾਲਾਤਾਂ ’ਚ ਵੀ ਲੜਦੇ ਰਹੇ।

ਇਹ ਵੀ ਪੜ੍ਹੋ : Punjab University Election: ਪੰਜਾਬ ਯੂਨੀਵਰਸਿਟੀ ਤੇ ਚੰਡੀਗੜ੍ਹ ਦੇ 8 ਕਾਲਜਾਂ ਵਿੱਚ ਅੱਜ ਵਿਦਿਆਰਥੀ ਚੋਣਾਂ

25ਵੇਂ ਗ੍ਰੈਂਡ ਸਲੈਮ ਦਾ ਇੰਤਜ਼ਾਰ ਵਧਿਆ

ਜੋਕੋਵਿਚ ਆਪਣੇ 25ਵੇਂ ਗ੍ਰੈਂਡ ਸਲੈਮ ਸਿੰਗਲਜ਼ ਖਿਤਾਬ ਦੀ ਭਾਲ ’ਚ ਨਿਊਯਾਰਕ ’ਚ ਸੀ। ਇਹ ਜਿੱਤ ਉਸਨੂੰ ਪੁਰਸ਼ ਸਿੰਗਲਜ਼ ’ਚ ਸਭ ਤੋਂ ਵੱਧ ਗ੍ਰੈਂਡ ਸਲੈਮ ਖਿਤਾਬ ਜਿੱਤਣ ਵਾਲਾ ਖਿਡਾਰੀ ਬਣਾ ਸਕਦੀ ਸੀ। ਉਹ ਯੂਐਸ ਓਪਨ ’ਚ ਜਿੰਮੀ ਕੋਨਰਜ਼ ਦੇ 98 ਮੈਚਾਂ ਦੇ ਰਿਕਾਰਡ ਨੂੰ ਪਾਰ ਕਰਨ ਤੋਂ ਸਿਰਫ ਚਾਰ ਜਿੱਤਾਂ ਦੂਰ ਸੀ, ਪਰ ਉਸਦੀ ਯੂਐਸ ਓਪਨ ਮੁਹਿੰਮ ਪਹਿਲੇ ਦੌਰ ਦੀ ਹਾਰ ਨਾਲ ਖਤਮ ਹੋਈ। ਜੋਕੋਵਿਚ ਨੇ ਉੱਤਰੀ ਅਮਰੀਕੀ ਹਾਰਡ-ਕੋਰਟ ਸੀਜ਼ਨ ’ਚ ਸਿਰਫ ਇੱਕ ਮੈਚ ਖੇਡ ਕੇ ਇਸ ਟੂਰਨਾਮੈਂਟ ’ਚ ਪ੍ਰਵੇਸ਼ ਕੀਤਾ। ਸਿਨਸਿਨਾਟੀ ਵਿੱਚ ਵੀ, ਉਸਨੂੰ ਗਰਮੀ ਤੇ ਨਮੀ ਨਾਲ ਜੂਝਣਾ ਪਿਆ ਤੇ ਉਹ ਥਿਆਗੋ ਅਗਸਟਿਨ ਟਿਰਾਂਟੇ ਤੋਂ ਹਾਰ ਗਿਆ। ਹੁਣ ਜੋਕੋਵਿਚ ਨੂੰ ਆਪਣੇ 25ਵੇਂ ਗ੍ਰੈਂਡ ਸਲੈਮ ਖਿਤਾਬ ਲਈ ਆਪਣੀ ਉਡੀਕ ਕਿਸੇ ਹੋਰ ਟੂਰਨਾਮੈਂਟ ਤੱਕ ਵਧਾਉਣੀ ਪਵੇਗੀ।