ਸੋਨ ਤਮਗੇ ਲਈ ਪੂਜਾ ਦਾ ਮੁਕਾਬਲਾ ਜਪਾਨ ਦੀ ਹਾਰੂਨਾ ਓਕੁਨੋ ਨਾਲ ਹੋਵੇਗਾ

ਏਜੰਸੀ/ਨਵੀਂ ਦਿੱਲੀ। ਭਾਰਤ ਦੀ ਪੂਜਾ ਗਹਿਲੋਤ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਹੰਗਰੀ ਦੇ ਬੁਡਾਪੋਸਟ ‘ਚ ਚੱਲ ਰਹੀ ਅੰਡਰ-23 ਵਿਸ਼ਵ ਕੁਸ਼ਤੀ ਚੈਂਪੀਅਨਸ਼ਿਪ ‘ਚ ਮਹਿਲਾਵਾਂ ਦੇ 53 ਕਿਗ੍ਰਾ. ਵਰਗ ‘ਚ ਫਾਈਨਲ ‘ਚ ਪਹੁੰਚ ਗਈ ਅਤੇ ਉਨ੍ਹਾਂ ਨੇ ਚੈਂਪੀਅਨਸ਼ਿਪ ‘ਚ ਭਾਰਤ ਦਾ ਦੂਜਾ ਤਮਗਾ ਪੱਕਾ ਕਰ ਦਿੱਤਾ ਜਦੋਂਕਿ ਜੋਤੀ ਨੂੰ 50 ਕਿਗ੍ਰਾ ਦੇ ਕਾਂਸੀ ਤਮਗਾ ਮੁਕਾਬਲੇ ‘ਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਪੂਜਾ ਨੇ 53 ਕਿਗ੍ਰਾ ‘ਚ ਕੁਆਲੀਫਿਕੇਸ਼ਨ ‘ਚ ਰੂਸ ਦੀ ਏਕਾਤੇਰੀਨਾ ਵੇਰਬੀਨਾ ਨੂੰ 8-3 ਨਾਲ ਅਤੇ ਕੁਆਰਟਰ ਫਾਈਨਲ ‘ਚ ਤਾਈਪੇ ਦੀ ਮੇਂਗ ਸੁਆਨ ਸੀਹ ਨੂੰ 8-0 ਨਾਲ ਹਰਾ ਕੇ ਸੈਮੀਫਾਈਨਲ ‘ਚ ਜਗ੍ਹਾ ਬਣਾਈ ਜਿੱਥੇ ਉਨ੍ਹਾਂ ਨੇ ਤੁਰਕੀ ਦੀ ਜੇਨੈਪ ਏਤਗਿਲ ਨੂੰ 8-4 ਨਾਲ ਹਰਾ ਕੇ ਫਾਈਨਲ ‘ਚ ਜਗ੍ਹਾ ਬਣਾ ਲਈ ਪੂਜਾ ਦਾ ਸੋਨ ਤਮਗੇ ਲਈ ਮੁਕਾਬਲਾ ਜਪਾਨ ਦੀ ਹਾਰੂਨਾ ਓਕੁਨਾ ਨਾਲ ਅੱਜ ਹੋਵੇਗਾ।  Gold Medal

ਇਸ ਤੋਂ ਪਹਿਲਾਂ ਪੁਰਸ਼ ਫ੍ਰੀਸਟਾਇਲ ‘ਚ ਰਵਿੰਦਰ 61 ਕਿਗ੍ਰਾ ਦੇ ਫਾਈਨਲ ‘ਚ ਪਹੁੰਚੇ ਸਨ ਅਤੇ ਉਨ੍ਹਾਂ ਨੂੰ ਚਾਂਦੀ ਤਮਗੇ ਨਾਲ ਸੰਤੁਸ਼ਟ ਹੋਣਾ ਪਿਆ ਸੀ ਭਾਰਤ ਨੇ ਇਸ ਤਰ੍ਹਾਂ ਆਪਣੇ ਪਿਛਲੇ ਪ੍ਰਦਰਸ਼ਨ ‘ਚ ਸੁਧਾਰ ਕਰ ਲਿਆ ਹੈ ਭਾਰਤ ਨੇ ਪਿਛਲੀ ਚੈਂਪੀਅਨਸ਼ਿਪ ‘ਚ ਇੱਕ ਚਾਂਦੀ ਤਮਗਾ ਜਿੱਤਿਆ ਸੀ ਜੋਤੀ ਨੂੰ 50 ਕਿਗ੍ਰਾ ‘ਚ ਸੈਮੀਫਾਈਨਲ ‘ਚ ਜਪਾਨ ਦੀ ਕੀਕਾ ਕਗਾਤਾ ਨੂੰ 4-15 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ ਅਤੇ ਕਾਂਸੀ ਤਮਗਾ ਮੁਕਾਬਲੇ ‘ਚ ਉਨ੍ਹਾਂ ਨੂੰ ਰੂਸ ਦੀ ਨਾਦੇਜਦਾ ਸੋਕੋਲੋਵਾ ਹੱਥੋਂ 0-10 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ ।  Gold Medal

ਇਸ ਦਰਮਿਆਨ 72 ਕਿਗ੍ਰਾ ‘ਚ ਨੈਨਾ ਨੂੰ ਕਿਊਬਾ ਦੀ ਮਿਲੀਅਮਜ਼ ਪੋਟ੍ਰਿਲੇ ਨੇ 13-3 ਨਾਲ ਹਰਾਇਆ ਪਰ ਪੋਟ੍ਰਿਲੇ ਦੇ ਫਾਈਨਲ ‘ਚ ਪਹੁੰਚਣ ਨਾਲ ਨੈਨਾ ਨੂੰ ਰੇਪਚੇਜ਼ ‘ਚ ਉਤਰਨ ਦਾ ਮੌਕਾ ਮਿਲ ਗਿਆ ਜਿੱਥੇ ਉਨ੍ਹਾਂ ਦਾ ਮੁਕਾਬਲਾ ਰੂਸ ਦੀ ਏਵਗੇਨੀਆ ਜਾਖਰਚੇਂਕੋ ਨਾਲ ਹੋਵੇਗਾ ਹੋਰ ਭਾਰ ਵਰਗਾਂ ‘ਚ ਪਿੰਕੀ ਨੂੰ 57 ਕਿਗ੍ਰਾ ਦੇ ਕੁਆਰਟਰ ਫਾਈਨਲ ‘ਚ ਕੈਨੇਡਾ ਦੀ ਹਨਾ ਟੇਲਰ ਨੇ ਨਜ਼ਦੀਕੀ ਸੰਘਰਸ਼ ‘ਚ 1-2 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ ਟੇਲਰ ਦੇ ਸੈਮੀਫਾਈਨਲ ‘ਚ ਹਾਰਨ ਨਾਲ ਪਿੰਕੀ ਦੀ ਰੇਪੇਚੇਜ ‘ਚ ਉਤਰਨ ਦੀਆਂ ਉਮੀਦਾਂ ਟੁੱਟ ਗਈਆਂ 62 ਕਿਗ੍ਰਾ ‘ਚ ਰੇਸ਼ਮਾ ਮਾਨੇ ਨੂੰ ਪ੍ਰੀ ਕੁਆਰਟਰ ਫਾਈਨਲ ‘ਚ ਯੂਕਰੇਨ ਦੀ Âਲੋਨਾ ਪ੍ਰੋਕੋਪੇਵਨਯੂਕ ਹੱਥੋਂ 0-2 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ ਯੂਕਰੇਨ ਦੀ ਪਹਿਲਵਾਨ ਨੂੰ ਸੈਮੀਫਾਈਨਲ ‘ਚ ਹਾਰ ਦਾ ਸਾਹਮਣਾ ਕਰਨਾ ਪਿਆ, ਜਿਸ ਨਾਲ ਰੇਸ਼ਮਾ ਬਾਹਰ ਹੋ ਗਈ

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਭਾਰਤ- ਦੱਖਣੀ ਅਫਰੀਕਾ ‘ਚ ਦੂਜਾ ਮੁਕਾਬਲਾ ਅੱਜ, ਸਿੱਧਾ ਪ੍ਰਸਾਰਣ ਸੁਬ੍ਹਾ 9 : 30 ਵਜੇ ਤੋਂ

ਏਜੰਸੀ/ਪੂਨੇ। ਭਾਰਤ ਅਤੇ ਦੱਖਣੀ ਅਫਰੀਕਾ ‘ਚ ਵੀਰਵਾਰ ਨੂੰ ਤਿੰਨ ਮੈਚਾਂ ਦੀ ਟੈਸਟ ਸੀਰੀਜ਼ ਦਾ ਦੂਜਾ ਮੁਕਾਬਲਾ ਪੁਣੇ ‘ਚ ਖੇਡਿਆ ਜਾਵੇਗਾ ਜਿੱਥੇ ਭਾਰਤੀ ਟੀਮ ਦੀਆਂ ਨਜ਼ਰਾਂ ਮੁਕਾਬਲਾ ਜਿੱਤ ਕੇ ਸੀਰੀਜ਼ ਆਪਣੇ ਨਾਂਅ ਕਰਨ ‘ਤੇ ਹੋਣਗੀਆਂ ਭਾਰਤ ਨੇ ਵਿਸ਼ਾਖਾਪਟਨਮ ‘ਚ ਖੇਡੇ ਗਏ ਪਹਿਲੇ ਮੈਚ ‘ਚ ਦੱਖਣੀ ਅਫਰੀਕਾ ਦੀ ਟੀਮ ਨੂੰ 203 ਦੌੜਾਂ ਦੇ ਵੱਡੇ ਫਰਕ ਨਾਲ ਹਰਾ ਕੇ ਸੀਰੀਜ਼ ‘ਚ 1-0 ਦਾ ਵਾਧਾ ਹਾਸਲ ਕਰ ਲਿਆ ਸੀ ਅਤੇ ਹੁਣ ਟੀਮ ਇੱਥੇ ਹੋਣ ਵਾਲੇ ਦੂਜੇ ਮੁਕਾਬਲੇ ‘ਚ ਵੀ ਆਪਣਾ ਪ੍ਰਦਰਸ਼ਨ ਬਰਕਰਾਰ ਰੱਖ ਮੈਚ ਅਤੇ ਸੀਰੀਜ਼ ਜਿੱਤਣ ਦੇ ਇਰਾਦੇ ਨਾਲ ਮੈਚ ‘ਚ ਉਤਰੇਗੀ ਭਾਰਤ ਲਈ ਚੰਗੀ ਗੱਲ ਹੈ ਕਿ ਉਸ ਦੇ ਦੋਵੇਂ ਸਲਾਮੀ ਬੱਲੇਬਾਜ਼ ਰੋਹਿਤ ਸ਼ਰਮਾ ਅਤੇ ਮਯੰਕ ਅਗਰਵਾਲ ਨੇ ਪਹਿਲੇ ਮੁਕਾਬਲੇ ‘ਚ ਬਿਹਤਰੀਨ ਪ੍ਰਦਰਸ਼ਨ ਕੀਤਾ ਸੀ, ਖਾਸਕਰ ਰੋਹਿਤ ਜੋ ਆਪਣੇ ਟੈਸਟ ਕਰੀਅਰ ‘ਚ ਪਹਿਲੀ ਵਾਰ ਸਲਾਮੀ ਬੱਲੇਬਾਜ਼ ਦੇ ਤੌਰ ‘ਤੇ ਬੱਲੇਬਾਜ਼ੀ ਕਰਨ ਉਤਰੇ ਸਨ।

ਭਾਰਤੀ ਟੀਮ ਨੂੰ ਹਾਲਾਂਕਿ ਥੋੜ੍ਹੀ ਸਾਵਧਾਨੀ ਵਰਤਨੀ ਹੋਵੇਗੀ ਪਹਿਲੇ ਮੁਕਾਬਲੇ ਦੀ ਪਹਿਲੀ ਪਾਰੀ ਮਜ਼ਬੂਤ ਸਾਂਝੇਦਾਰੀ ਤੋਂ ਬਾਅਦ ਲੜਖੜਾ ਗਈ ਸੀ ਪਰ ਟੀਮ ਲਈ ਰਾਹਤ ਦੀ ਗੱਲ ਹੈ ਕਿ ਚੇਤੇਸ਼ਵਰ ਪੁਜਾਰਾ ਜੋ ਪਹਿਲੀ ਪਾਰੀ ‘ਚ ਨਾਕਾਮ ਰਹੇ ਸਨ ਅਤੇ ਉਨ੍ਹਾਂ ਨੇ ਦੂਜੀ ਪਾਰੀ ‘ਚ ਆਪਣੀ ਫਾਰਮ ਵਾਪਸ ਹਾਸਲ ਕੀਤੀ।  ਕਪਤਾਨ ਵਿਰਾਟ ਕੋਹਲੀ, ਆਜਿੰਕਾ ਰਹਾਣੇ, ਹਨੁਮਾ ਵਿਹਾਰੀ ਅਤੇ ਵਿਕਟ ਕੀਪਰ ਬੱਲੇਬਾਜ ਰਿਦਿਮਾਨ ਸਾਹਾ ਨੂੰ ਵੀ ਆਪਣੀ ਭੂਮੀਕਾ ਅਦਾ ਕਰਨੀ ਹੋਵੇਗੀ ਗੇਂਦਬਾਜੀ ‘ਚ ਭਾਰਤੀ ਟੀਮ ਦਾ ਮਜ਼ਬੂਤ ਪੱਖ ਰਿਹਾ ਹੈ ਅਤੇ ਪਹਿਲੀ ਪਾਰੀ ‘ਚ ਜਿਸ ਤਰ੍ਹਾਂ ਆਫ ਸਪਿੱਨਰ ਰਵੀਚੰਦ੍ਰਨ ਅਸ਼ਵਿਨ ਨੇ ਆਪਣੀ ਫਿਰਕੀ ਦੇ ਜਾਦੂ ਨਾਲ ਦੱਖਣੀ ਅਫਰੀਕਾ ਦੀ ਟੀਮ ਨੂੰ ਬੰਨ੍ਹਿਆ ਉਸ ਨਾਲ ਭਾਰਤੀ ਗੇਂਦਬਾਜੀ ਹੋਰ ਮਜ਼ਬੂਤ ਵਿਖਾਈ ਦੇ ਰਹੀ ਹੈ ਜਦੋਂਕਿ ਦੂਜੀ ਪਾਰੀ ‘ਚ ਤੇਜ ਗੇਂਦਬਾਜ ਮੋਹੰਮਦ ਸ਼ਮੀ ਨੇ ਪੰਜ ਵਿਕਟਾਂ ਕੱਢ ਕੇ ਮਿਹਮਾਨ ਟੀਮ ਦੀ  ਕਮਰ ਤੋੜ ਦਿੱਤੀ ਸੀ ਜਿਸ ਨਾਲ ਭਾਰਤੀ ਟੀਮ ਨੇ ਇੱਕ ਤਰਫਾ ਅੰਦਾਜ ਨਾਲ ਇਹ ਮੁਕਾਬਲਾ ਜਿੱਤ ਲਿਆ ਸੀ।

ਦੱਖਣੀ ਅਫਰੀਕਾ ਕੋਲ ਸੀਰੀਜ਼ ਬਚਾਉਣ ਦਾ ਇਹ ਅੰਤਿਮ ਮੌਕਾ ਹੈ ਜੇਕਰ ਉਹ ਭਾਰਤੀ ਬੱਲੇਬਾਜਾਂ ਨੂੰ ਘੱਟ ਸਕੋਰ ‘ਤੇ ਰੋਕਣ ‘ਚ ਸਫਲ ਰਹਿੰਦੀ ਹੈ ਤਾਂ ਉਨ੍ਹਾਂ ਕੋਲ ਮੌਕਾ ਬਣਿਆ ਰਹਿ ਸਕਦਾ ਹੈ
ਦੱਖਣੀ ਅਫਰੀਕਾ ਦੀ ਟੀਮ ਨੂੰ ਭਾਵੇਂ ਪਹਿਲੇ ਮੈਚ ‘ਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ ਪਰ ਉਨ੍ਹਾਂ ਨੇ ਪਹਿਲੀ ਪਾਰੀ ‘ਚ ਭਾਰਤੀ ਗੇਂਦਬਾਜਾਂ ਨੂੰ ਬਹੁਤ ਪਰੇਸ਼ਾਨ ਕੀਤਾ ਸੀ ਇਸ ਮੈਦਾਨ ‘ਚ ਖੇਡੀਆਂ ਗਈਆਂ 26 ਪਹਿਲੀਆਂ ਸ਼੍ਰੇਣੀਆਂ ‘ਚੋਂ 150 ਤੋਂ ਜਿਆਦਾ ਦੇ 10 ਸਕੋਰ, ਤਿੰਨ ਦੋਹਰੇ ਸੈਂਕੜੇ ਅਤੇ ਦੋ ਤਿਹਰੇ ਸੈਂਕੜੇ ਬਣੇ ਹਨ ਇਨ੍ਹਾਂ 26 ਮੈਚਾਂ ‘ਚ 13 ਡ੍ਰਾਂ ਰਹੇ ਹਨ।

ਪੁਣੇ ਦਾ ਮੌਸਮ ਵੀ ਰੰਗ ਬਦਲ ਰਿਹਾ ਹੈ ਕਿਸੇ ਸਮੇਂ ਧੁੱਪ ਰਹਿੰਦੀ ਹੈ ਤਾਂ ਕਦੇ ਕਾਲੇ ਬੱਦਲ ਛਾ ਜਾਂਦੇ ਹਨ ਵਿਸ਼ਾਖਾਪਟਨਮ ‘ਚ ਪੰਜ ਦਿਨ ਮੀਂਹ ਦੀ ਭਵਿੱਖਵਾਣੀ ਸੀ ਪਰ ਮੌਸਮ ਲਗਭਗ ਸਾਫ ਰਿਹਾ ਸੀ ਕੁਝ ਅਜਿਹੀ ਹੀ ਭਵਿੱਖਵਾਣੀ ਪੁਣੇ ਲਈ ਵੀ ਹੈ ਪਰ ਉਮੀਦ ਕੀਤੀ ਜਾਣੀ ਚਾਹੀਦੀ ਹੈ ਕਿ ਮੌਸਮ ਮੈਚ ਦੇ ਰਾਹ ‘ਚ ਰੁਕਾਵਟ ਨਹੀਂ ਬਣੇਗਾ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਕਸ਼ਮੀਰ ਮੁੱਦਾ : ਪਾਕਿਸਤਾਨ ਨੂੰ ਯੂਐਨ ਨੇ ਫਿਰ ਦਿੱਤਾ ਝਟਕਾਟ

• ਸੰਯੁਕਤ ਰਾਸ਼ਟਰ ਨੇ ਕਿਹਾ, ਆਪਸੀ ਗੱਲਬਾਤ ਰਾਹੀਂ ਸੁਲਝਾਇਆ ਜਾਵੇ ਮੁੱਦਾ
• ਜਨਰਲ ਸਕੱਤਰ ਨੇ ਕਸ਼ਮੀਰ ‘ਤੇ ਵਿਚੋਲਗੀ ਦੀ ਮੰਗ ਠੁਕਰਾਈ

ਜਿਨੀਵਾ (ਏਜੰਸੀ)। ਕਸ਼ਮੀਰ ਦੇ ਮੁੱਦੇ ‘ਤੇ ਲਗਾਤਾਰ ਮੂੰਹ ਦੀ ਖਾ ਰਹੇ ਪਾਕਿਸਤਾਨ ਨੂੰ ਸੰਯੁਕਤ ਰਾਸ਼ਟਰ ਤੋਂ ਫਿਰ ਇੱਕ ਵਾਰ ਝਟਕਾ ਲੱਗਿਆ ਹੈ ਕਸ਼ਮੀਰ ‘ਚ ਵਿਚੋਲਗੀ ਮੁੱਦੇ ‘ਤੇ ਸੰਯੁਕਤ ਰਾਸ਼ਟਰ ਨੇ ਸਪੱਸ਼ਟ ਕਰ ਦਿੱਤਾ ਕਿ ਪਾਕਿਸਤਾਨ ਦੀ ਅਪੀਲ ਕਬੂਲ ਨਹੀਂ ਕੀਤੀ ਜਾ ਸਕਦੀ ਯੂਐਨ ਜਨਰਲ ਸਕੱਤਰ ਦੇ ਬੁਲਾਰੇ ਵੱਲੋਂ ਜਾਰੀ ਬਿਆਨ ‘ਚ ਸਪੱਸ਼ਟ ਕਿਹਾ ਗਿਆ ਹੈ ਕਿ ਦੋਵਾਂ ਦੇਸ਼ਾਂ ਨੂੰ ਹੀ ਇਹ ਮੁੱਦਾ ਆਪਸੀ ਗੱਲਬਾਤ ਰਾਹੀਂ ਸੁਲਝਾਉਣਾ ਪਵੇਗਾ ਜ਼ਿਕਰਯੋਗ ਹੈ ਕਿ ਕਸ਼ਮੀਰ ਮੁੱਦੇ ‘ਤੇ ਸੰਯੁਕਤ ਰਾਸ਼ਟਰ ‘ਚ ਅਮਰੀਕਾ ਤੋਂ ਵਿਚੋਲਗੀ ਦੀ ਅਪੀਲ ਕਰ ਚੁੱਕੇ ਪਾਕਿਸਤਾਨ ਨੂੰ ਯੂਐਨ ਨੇ ਹੁਣ ਸਪੱਸ਼ਟ ਜਵਾਬ ਦੇ ਦਿੱਤਾ ਹੈ। (United Nations)

ਯੂਐਨ ਦੇ ਸੈਕਰੇਟਰੀ ਜਨਰਲ ਦੇ ਬੁਲਾਰੇ ਸਟੀਫ਼ਨ ਦੁਜਾਰੀਕ ਨੇ ਕਿਹਾ, ‘ਵਿਚੋਲਗੀ ‘ਤੇ ਸਾਡੀ ਸਥਿਤੀ ਪਹਿਲਾਂ ਵਾਲੀ ਹੀ ਹੈ। ਉਸ ‘ਚ ਕੋਈ ਬਦਲਾਅ ਨਹੀਂ ਹੋਇਆ ਹੈ ਜਨਰਲ ਸਕੱਤਰ ਨੇ ਦੋਵਾਂ ਦੇਸ਼ਾਂ ਦੀ ਸਰਕਾਰ ਨਾਲ ਸੰਪਰਕ ਕੀਤਾ ਹੈ ਜੀ-7 ਦੀ ਮੀਟਿੰਗ ‘ਚ ਭਾਰਤ ਦੇ ਪ੍ਰਧਾਨ ਮੰਤਰੀ ਨਾਲ ਮੁਲਾਕਾਤ ਕਰਕੇ ਇਸ ‘ਤੇ ਚਰਚਾ ਕੀਤੀ ਤੇ ਪਾਕਿਸਤਾਨ ਦੇ ਵਿਦੇਸ਼ ਮੰਤਰੀ ਨਾਲ ਇਸ ‘ਤੇ ਗੱਲ ਹੋਈ ਹੈ ਜ਼ਿਕਰਯੋਗ ਹੈ ਕਿ ਕਈ ਹੋਰ ਦੇਸ਼ਾਂ ਵਾਂਗ ਯੂਐਨ ਨੇ ਵੀ ਕਸ਼ਮੀਰ ਮੁੱਦੇ ਨੂੰ ਦੋਪੱਖੀ ਦੱਸਿਆ ਹੈ ਭਾਰਤ ਹਮੇਸ਼ਾ ਤੋਂ ਹੀ ਵਿਚੋਗਲੀ ਦੀ ਸੰਭਾਵਨਾ ਤੋਂ ਨਾਂਹ ਕਰਦਾ ਰਿਹਾ ਹੈ। (United Nations)

ਅਮਨ-ਅਮਾਨ ਕਾਇਮ ਰੱਖਣ ਦੀ ਸਲਾਹ | United Nations

ਸੰਯੁਕਤ ਰਾਸ਼ਟਰ ਨੇ ਭਾਰਤ -ਪਾਕਿ ਦੋਵਾਂ ਮੁਲਕਾਂ ਨੂੰ ਕਸ਼ਮੀਰ ਮਾਮਲੇ ‘ਚ ਹਮਲਾਵਰ ਰੁਖ ਅਪਣਾਉਣ ਤੋਂ ਬਚਣ ਅਤੇ ਅਮਨ-ਅਮਾਨ ਕਾਇਮ ਰੱਖਣ ਦੀ ਸਲਾਹ ਦਿੱਤੀ ਹੈ ਜਾਰੀ ਬਿਆਨ ‘ਚ ਕਿਹਾ ਗਿਆ ਕਿ ਦੋਵੇਂ ਮੁਲਕ ਟਕਰਾਅ ਤੋਂ ਬਚਣ ਲਈ ਵੱਧ ਤੋਂ ਵੱਧ ਕੋਸ਼ਿਸ਼ ਕਰਨ ਇਸ ਤੋਂ ਪਹਿਲਾਂ ਪਾਕਿਸਤਾਨ ਵੱਲੋਂ ਕਸ਼ਮੀਰ ਮਾਮਲੇ ‘ਚ ਭਾਰਤ ਨੂੰ ਜੰਗ ਦੀ ਧਮਕੀ ਵੀ ਦਿੱਤੀ ਗਈ ਸੀ ਅਤੇ ਲਾਈਨ ਆਫ਼ ਕੰਟਰੋਲ ਨੇੜੇ ਪਾਕਿ ਵੱਲੋਂ ਫੌਜ ਤਾਇਨਾਤ ਕਰਨ ਦੀਆਂ ਵੀ ਖਬਰਾਂ ਸਨ। (United Nations)

ਖਬਰ ਲਿਖੇ ਜਾਣ ਤੱਕ 315 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦਿਆਂ ਬੰਗਲਾਦੇਸ਼ ਨੇ 23.4 ਓਵਰਾਂ ‘ਚ ਤਿੰਨ ਵਿਕਟਾਂ ਦੇ ਨੁਕਸਾਨ ‘ਤੇ 124 ਦੌੜਾਂ ਬਣਾ ਲਈਆਂ ਸਨ

ਰੋਹਿਤ ਸ਼ਰਮਾ ਨੇ ਸੰਗਾਕਾਰਾ ਦੇ ਵਿਸ਼ਵ ਰਿਕਾਰਡ ਦੀ ਬਰਾਬਰੀ ਕੀਤੀ

ਬਰਮਿੰਘਮ ਹਿਟਮੈਨ ਦੇ ਨਾਂਅ ਤੋਂ ਮਸ਼ਹੂਰ ਰੋਹਿਤ ਸ਼ਰਮਾ ਨੇ ਇੱਕ ਵਿਸ਼ਵ ਕੱਪ ‘ਚ ਚਾਰ ਸੈਂਕੜੇ ਬਣਾਉਣ ਦੇ ਸ੍ਰੀਲੰਕਾ ਦੇ ਕੁਮਾਰ ਸੰਗਾਕਾਰਾ ਦੇ ਵਿਸ਼ਵ ਰਿਕਾਰਡ ਦੀ ਬਰਾਬਰੀ ਹਾਸਲ ਕਰ ਲਈ ਹੈ ਰੋਹਿਤ ਨੇ ਬੰਗਲਾਦੇਸ਼ ਖਿਲਾਫ ਆਈਸੀਸੀ ਵਿਸ਼ਵ ਕੱਪ ਮੁਕਾਬਲੇ ‘ਚ ਮੰਗਲਵਾਰ ਨੂੰ 92 ਗੇਂਦਾਂ ‘ਚ 104 ਦੌੜਾਂ ਬਣਾਈਆਂ ਇਹ ਟੂਰਨਾਮੈਂਟ ‘ਚ ਉਨ੍ਹਾਂਘ ਦਾ ਲਗਾਤਾਰ ਦੂਜਾ ਅਤੇ ਕੁੱਲ ਚੌਥਾ ਸੈਂਕੜਾ ਹੈ ਇਸ ਦੇ ਨਾਲ ਹੀ ਉਹ ਸੰਗਾਕਾਰਾ ਦੇ ਵਿਸ਼ਵ ਰਿਕਾਰਡ ਦੀ ਬਰਾਬਰੀ ‘ਤੇ ਪਹੁੰਚ ਗਏ ਹਨ ਜਿਨ੍ਹਾਂ ਨੇ 2015 ਦੇ ਵਿਸ਼ਵ ਕੱਪ ‘ਚ ਚਾਰ ਸੈਂਕੜੇ ਬਣਾਏ ਸਨ ਰੋਹਿਤ ਨੇ ਇਸ ਵਿਸ਼ਵ ਕੱਪ ‘ਚ ਦੱਖਣੀ ਅਫਰੀਕਾ ਖਿਲਾਫ ਨਾਬਾਦ 122, ਪਕਿਸਤਾਨ ਖਿਲਾਫ 140, ਇੰਗਲੈਂਡ ਖਿਲਾਫ 102 ਅਤੇ ਬੰਗਲਾਦੇਸ਼ ਖਿਲਾਫ 104 ਦੌੜਾਂ ਬਣਾਈਆਂ ਹਨ ਉਹ ਵਿਸ਼ਵ ਕੱਪ ਇਤਿਹਾਸ ‘ਚ ਸਭ ਤੋਂ ਜ਼ਿਆਦਾ ਸੈਂਕੜ ਬਣਾਉਣ ਦੇ ਮਾਮਲੇ ‘ਚ ਦੂਜੇ ਸਥਾਨ ‘ਤੇ ਪਹੁੰਚ ਗਏ ਹਨ ਭਾਰਤ ਦੇ ਸਚਿਨ ਤੇਂਦੁਲਕਰ ਵਿਸ਼ਵ ਕੱਪ ‘ਚ 44 ਪਾਰੀਆਂ ‘ਚ ਸਭ ਤੋਂ ਜ਼ਿਆਦਾ ਛੇ ਸੈਂਕੜੇ ਬਣਾਉਣ ਦਾ ਰਿਕਾਰਡ ਆਪਣੇ ਨਾਂਅ ਰੱਖਦੇ ਹਨ ਅਸਟਰੇਲੀਆ ਦੇ ਰਿਕੀ ਪੋਂਟਿੰਗ ਨੇ 42 ਪਾਰੀਆਂ ‘ਚ ਪੰਜ ਸੈਂਕੜੇ ਅਤੇ ਸੰਗਾਕਾਰਾਂ ਨੇ 35 ਪਾਰੀਆਂ ‘ਚ ਪੰਜ ਸੈਂਕੜੇ ਬਣਾਏ ਸਨ ਜਦੋਂਕਿ ਰੋਹਿਤ ਨੇ ਸਿਰਫ 15 ਪਾਰੀਆਂ ‘ਚ ਪੰਜ ਸੈਂਕੜਾ ਬਣਾ ਦਿੱਤੇ ਹਨ ਰੋਹਿਤ ਦੇ ਕਰੀਅਰ ਦਾ ਇਹ 26ਵਾਂ ਸੈਂਕੜਾ ਹੈ ਅਤੇ ਹੁਣ ਉਹ ਵਨਡੇ ‘ਚ ਸਭ ਤੋਂ ਜ਼ਿਆਦਾ ਸੈਂਕੜੇ ਬਣਾਉਣ ਦੇ ਮਾਮਲੇ ‘ਚ ਛੇਵੇਂ ਨੰਬਰ ‘ਤੇ ਪਹੁੰਚ ਗਏ ਹਨ ਉਨ੍ਹਾਂ ਨੇ ਦੱਖਣੀ ਅਫਰੀਕਾ ਦੇ ਏਬੀ ਡਿਵੀਲੀਅਰਜ਼, ਵੈਸਟਇੰਡੀਜ਼ ਦੇ ਕ੍ਰਿਸ ਗੇਲ ਅਤੇ ਸ੍ਰੀਲੰਕਾ ਦੇ ਸੰਗਾਕਾਰਾ ਨੂੰ ਪਿੱਛੇ ਛੱਡਿਆ ਹੈ ਜਿਨ੍ਹਾਂ ਦੇ ਨਾਂਅ 25-25 ਸੈਂਕੜੇ ਹਨ ਰੋਹਿਤ ਤੋਂ ਅੱਗੇ ਹੁਣ ਦੱਖਣੀ ਅਫਰੀਕਾ ਦੇ ਹਾਸ਼ਿਮ ਅਮਲਾ (27), ਸ੍ਰੀਲੰਕਾ ਦੇ ਸਨਥ ਜੈਸੂਰਿਆ (28), ਪੋਂਟਿੰਗ (30), ਭਾਰਤ ਦੇ ਵਿਰਾਟ ਕੋਹਲੀ (41) ਅਤੇ ਸਚਿਨ (49) ਹਨ।
ਰਾਹੁਲ ਨੇ ਖੇਡੀ 77 ਦੌੜਾਂ ਦੀ ਪਾਰੀ, ਮੁਸਤਾਫਿਜੁਰ ਨੇ ਹਾਸਲ ਕੀਤੀਆਂ ਪੰਜ ਵਿਕਟਾਂ

ਏਜੰਸੀ
ਬਰਮਿੰਘਮ, 2 ਜੁਲਾਈ
ਹਿਟਮੈਨ ਰੋਹਿਤ ਸ਼ਰਮਾ (104) ਦੇ ਰਿਕਾਰਡ ਸੈਂਕੜੇ ਅਤੇ ਉਨ੍ਹਾਂ ਦੀ ਲੋਕੇਸ਼ ਰਾਹੁਲ (77) ਨਾਲ ਪਹਿਲੀ ਵਿਕਟ ਲਈ 180 ਦੌੜਾਂ ਦੀ ਜਬਰਦਸਤ ਸਾਂਝੇਦਾਰੀ ਦੀ ਬਦੌਲਤ ਭਾਰਤ ਨੇ ਬੰਗਲਾਦੇਸ਼ ਖਿਲਾਫ ਆਈਸੀਸੀ ਵਿਸ਼ਵ ਕੱਪ ਮੁਕਾਬਲੇ ‘ਚ ਅੱਜ 50 ਓਵਰਾਂ ‘ਚ 9 ਵਿਕਟਾਂ ‘ਤੇ 314 ਦੌੜਾਂ ਦਾ ਚੁਣੌਤੀਪੂਰਨ ਸਕੋਰ ਬਣਾ ਲਿਆ ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਰੋਹਿਤ ਅਤੇ ਰਾਹੁਲ ਨੇ ਓਪਨਿੰਗ ਸਾਂਝੇਦਾਰੀ ‘ਚ 29.2 ਓਵਰਾਂ ‘ਚ 180 ਦੌੜਾਂ ਜੋੜੀਆਂ ਰੋਹਿਤ ਨੇ ਸਿਰਫ 92 ਗੇਂਦਾਂ ‘ਚ ਸੱਤ ਚੌਕਿਆਂ ਅਤੇ ਪੰਜ ਛੱਕਿਆਂ ਦੀ ਮੱਦਦ ਨਾਲ 104 ਦੌੜਾਂ ਦੀ ਬਿਹਤਰੀਨ ਪਾਰੀ ਖੇਡੀ ਰੋਹਿਤ ਦਾ ਟੂਰਨਾਮੈਂਟ ‘ਚ ਇਹ ਲਗਾਤਾਰ ਦੂਜਾ ਅਤੇ ਕੁੱਲ ਚੌਥਾ ਸੈਂਕੜਾ ਹੈ ਰਾਹੁਲ ਨੇ ਵੀ ਆਪਣੀ ਲੈਅ ਵਿਖਾਈ ਅਤੇ ਪਿਛਲੇ ਮੈਚ ਦੀ ਨਾਕਾਮੀ ਨੂੰ ਪਿੱਛੇ ਛੱਡਦਿਆਂ 92 ਗੇਂਦਾਂ ‘ਚ ਛੇ ਚੌਕਿਆਂ ਅਤੇ ਇੱਕ ਛੱਕੇ ਦੀ ਮੱਦਦ ਨਾਲ 77 ਦੌੜਾਂ ਬਣਾਈਆਂ ਇਸ ਸਾਂਝੇਦਾਰੀ ਦੇ ਸਮੇਂ ਲੱਗ ਰਿਹਾ ਸੀ ਕਿ ਭਾਰਤ 350 ਦੇ ਆਸਪਾਸ ਦਾ ਸਕੋਰ ਬਣਾਵੇਗਾ ਪਰ ਬੰਗਲਾਦੇਸ਼ ਦੇ ਗੇਂਦਬਾਜ਼ਾਂ ਨੇ ਇਸ ਸਾਂਝੇਦਾਰੀ ਦੇ ਟੁੱਟਣ ਤੋਂ ਬਾਅਦ ਸ਼ਾਨਦਾਰ ਵਾਪਸੀ ਕੀਤੀ ਭਾਰਤ ਆਖਰ ‘ਚ 314 ਤੱਕ ਹੀ ਪਹੁੰਚ ਸਕਿਆ ਪਿਛਲੇ ਪੰਜ ਮੈਚਾਂ ‘ਚ ਲਗਾਤਾਰ ਅਰਧ ਸੈਂਕੜੇ ਬਣਾਉਣ ਵਾਲੇ ਕਪਤਾਨ ਵਿਰਾਟ ਕੋਹਲੀ ਇਸ ਵਾਰ 26 ਦੌੜਾਂ ਬਣਾ ਕੇ ਆਊਟ ਹੋ ਗਏ ਉਨ੍ਹਾਂ ਨੇ 27 ਗੇਂਦਾਂ ਦੀ ਪਾਰੀ ‘ਚ ਤਿੰਨ ਚੌਕੇ ਲਾਏ ਆਲਰਾਊਂਡਰ ਹਾਰਦਿਕ ਪਾਂਡਿਆ ਖਾਤਾ ਖੋਲ੍ਹੇ ਬਿਨਾ ਆਊਟ ਹੋਏ ਭਾਰਤ ਨੇ ਆਪਣੀ ਪਹਿਲੀ ਵਿਕਟ 180, ਦੂਜੀ 195 ਅਤੇ ਤੀਜੀ ਅਤੇ ਚੌਥੀ 237 ਦੌੜਾਂ ਦੇ ਸਕੋਰ ‘ਤੇ ਗਵਾਈ ਰੋਹਿਤ ਨੂੰ ਸੌਮਿਆ ਸਰਕਾਰ, ਰਾਹੁਲ ਨੂੰ ਰੁਬੈਲ ਹੁਸੈਨ, ਵਿਰਾਟ ਨੂੰ ਮੁਸਤਾਫਿਜੁਰ ਰਹਿਮਾਨ ਅਤੇ ਪਾਂਡਿਆ ਨੂੰ ਮੁਸਤਾਫਿਜੁਰ ਨੇ ਆਊਟ ਕਤਾ ਆਪਣਾ ਦੂਜਾ ਵਿਸ਼ਵ ਕੱਪ ਖੇਡ ਰਹੇ ਨੌਜਵਾਨ ਬੱਲੇਬਾਜ਼ ਰਿਸ਼ਭ ਪੰਤ ਨੇ ਹਮਲਾਵਰ ਅੰਦਾਜ਼ ਵਿਖਾਇਆ ਅਤੇ 48 ਦੌੜਾਂ ਦੀ ਪਾਰੀ ਖੇਡੀ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

Rohit Sharma, Sangakkara’s,  India’s, 314Runs

ਏਜੰਸੀ 
ਬਰਮਿੰਘਮ, 1 ਜੁਲਾਈ 

ਓਪਨਰ ਜਾਨੀ ਬੇਅਰਸਟੋ (111) ਦੇ ਤੂਫਾਨੀ ਅਰਧ ਸੈਂਕੜੇ ਅਤੇ ਬੇਨ ਸਟੋਕਸ (79) ਅਤੇ ਜੇਸਨ ਰਾਏ (66) ਦੇ ਤੂਫਾਨੀ ਅਰਧ ਸੈਂਕੜਿਆਂ ਨਾਲ ਇੰਗਲੈਂਡ ਨੇ ਭਾਰਤ ਦਾ ਆਈਸੀਸੀ ਵਿਸ਼ਵ ਕੱਪ ‘ਚ ਜੇਤੂ ਰੱਥ 31 ਦੌੜਾਂ ਦੀ ਜਿੱਤ ਨਾਲ ਰੋਕ ਕੇ ਸੈਮੀਫਾਈਨਲ ‘ਚ ਪਹੁੰਚਣ ਦੀਆਂ ਆਪਣੀਆਂ ਉਮੀਦਾਂ ਨੂੰ ਕਾਇਮ ਰੱਖਿਆ ਇੰਗਲੈਂਡ ਨੇ 50 ਓਵਰਾਂ ‘ਚ ਸੱਤ ਵਿਕਟਾਂ ‘ਤੇ 337 ਦੌੜਾਂ ਦਾ ਵਿਸ਼ਾਲ ਸਕੋਰ ਬਣਾਇਆ ਅਤੇ ਭਾਰਤ ਨੂੰ 50 ਓਵਰਾਂ ‘ਚ ਪੰਜ ਵਿਕਟਾਂ ‘ਤੇ 306 ਦੌੜਾਂ ‘ਤੇ ਰੋਕ ਕੇ ਟੂਰਨਾਮੈਂਟ ‘ਚ ਅੱਠ ਮੈਚਾਂ ‘ਚ ਆਪਣੀ ਪੰਜਵੀਂ ਜਿੱਤ ਹਾਸਲ ਕੀਤੀ ਇੰਗਲੈਂਡ ਦੇ ਹੁਣ 10 ਅੰਕ ਹੋ ਗਏ ਹਨ ਪਰ ਸੈਮੀਫਾਈਨਲ ਲਈ ਉਸ ਨੂੰ ਨਿਊਜ਼ੀਲੈਂਡ ਖਿਲਾਫ ਆਪਣਾ ਆਖਰੀ ਲੀਗ ਮੈਚ ਜਿੱਤਣਾ ਹੋਵੇਗਾ ਭਾਰਤੀ ਟੀਮ ਨੂੰ ਟੂਰਨਾਮੈਂਟ ‘ਚ ਸੱਤ ਮੈਚਾਂ ‘ਚ ਆਪਣੀ ਪਹਿਲੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਇਸ ਹਾਰ ਤੋਂ ਬਾਅਦ ਭਾਰਤ ਦੇ 11 ਅੰਕ ਹਨ ਪਰ ਸੈਮੀਫਾਈਨਲ ਲਈ ਉਸ ਨੂੰ ਆਪਣੇ ਆਖਰੀ ਦੋ ਮੈਚਾਂ ‘ਚੋਂ ਇੱਕ ਮੈਚ ਜਿੱਤਣਾ ਹੋਵੇਗਾ ਭਾਰਤ ਦੀ ਪਾਰੀ ‘ਚ ਰੋਹਿਤ ਸ਼ਰਮਾ (102) ਨੇ ਸ਼ਾਨਦਾਰ ਸੈਂਕੜਾ ਅਤੇ ਕਪਤਾਨ ਵਿਰਾਟ ਕੋਹਲੀ (66) ਨੇ ਅਰਧ ਸੈਂਕੜਾ ਬਣਾਇਆ ਪਰ ਵਿਸ਼ਾਲ ਟੀਚੇ ਦੇ ਦਬਾਅ ‘ਚ ਭਾਰਤ ਪੱਛੜਨਾ ਚਲਾ ਗਿਆ ਅਤੇ ਉਸ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ ਟੀਚੇ ਦਾ ਪਿੱਛਾ ਕਰਦਿਆਂ ਭਾਰਤ ਨੇ ਖਰਾਬ ਅਤੇ ਧੀਮੀ ਸ਼ੁਰੂਆਤ ਕੀਤੀ 10 ਓਵਰਾਂ ਤੱਕ ਭਾਰਤ ਦਾ ਸਕੋਰ ਸਿਰਫ 28 ਦੌੜਾਂ ਸੀ।

ਪਰ ਇਸ ਤੋਂ ਬਾਅਦ ਦੋਵਾਂ ਬੱਲੇਬਾਜ਼ਾਂ ਨੇ ਦੌੜਾਂ ਦੀ ਰਫਤਾਰ ਨੂੰ ਵਧਾਉਣਾ ਸ਼ੁਰੂ ਕਰ ਦਿੱਤਾ ਰੋਹਿਤ ਅਤੇ ਵਿਰਾਟ ਨੇ ਦੂਜੀ ਵਿਕਟ ਲਈ 138 ਦੌੜਾਂ ਦੀ ਮਹੱਤਵਪੂਰਨ ਸਾਂਝੇਦਾਰੀ ਕੀਤੀ ਅਜਿਹਾ ਲੱਗ ਰਿਹਾ ਸੀ ਕਿ ਵਿਰਾਟ ਇਸ ਵਾਰ ਸੈਂਕੜਾ ਪੂਰਾ ਕਰਨਗੇ ਪਰ ਉਹ ਲਿਆਮ ਪੰਲੇਂਕਟ ਦੀ ਗੇਂਦ ‘ਤੇ ਬਦਲਵੇਂ ਖਿਡਾਰੀ ਨੂੰ ਕੈਚ ਫੜਾ ਬੈਠੇ ਵਿਰਾਟ ਦੀ ਵਿਕਟ 146 ਦੌੜਾਂ ਦੇ ਸਕੋਰ ‘ਤੇ ਡਿੱਗੀ ਰੋਹਿਤ ਨੇ ਆਪਣਾ ਤੀਜਾ ਸੈਂਕੜਾ ਪੂਰਾ ਕੀਤਾ ਅਤੇ 2003 ‘ਚ ਸੌਰਵ ਗਾਂਗੁਲੀ ਦੇ ਇੱਕ ਟੂਰਨਾਮੈਂਟ ‘ਚ ਤਿੰਨ ਸੈਂਕੜੇ ਬਣਾਉਣ ਦੇ ਭਾਰਤੀ ਰਿਕਾਰਡ ਦੀ ਬਰਾਬਰ ਕੀਤੀ ਉਹ ਇੱਕ ਵਿਸ਼ਵ ਕੱਪ ‘ਚ ਤਿੰਨ ਸੈਂਕੜੇ ਬਣਾਉਣ ਵਾਲੇ ਪੰਜਵੇਂ ਬੱਲੇਬਾਜ਼ ਬਣ ਗਏ ਹਨ ਰੋਹਿਤ ਨੇ ਆਪਣਾ 25ਵਾਂ ਸੈਂਕੜਾ ਬਣਾਇਆ ਪਰ ਸੈਂਕੜਾ ਪੂਰਾ ਕਰਨ ਤੋਂ ਬਾਅਦ ਉਹ ਕ੍ਰਿਸ ਵੋਕਸ ਦੀ ਗੇਂਦ ‘ਤੇ ਜੋਸ ਬਟਲਰ ਹੱਥੋਂ ਆਊਟ ਹੋ ਗਏ ਰੋਹਿਤ ਦੀ ਵਿਕਟ 198 ਦੌੜਾਂ ਦੇ ਸਕੋਰ ‘ਤੇ ਡਿੱਗੀ ਰਿਸ਼ਭ ਪੰਤ ਨੇ ਤੇਜ਼ੀ ਨਾਲ ਬੱਲੇਬਾਜ਼ੀ ਕੀਤੀ ਪਰ 32 ਦੌੜਾਂ  ਬਣਾਉਣ ਤੋਂ ਬਾਅਦ ਉਹ ਪੰਲੇਂਕਟ ਦਾ ਦੂਜਾ ਸ਼ਿਕਾਰ ਬਣ ਗਏ  ਪਾਂਡਿਆ ਨੇ ਸ਼ਾਨਦਾਰ ਬੱਲੇਬਾਜ਼ੀ ਕੀਤੀ ਪਰ ਉਹ ਵੀ ਫੈਸਲਾਕੁੰਨ ਮੌਕੇ ‘ਤੇ ਟੀਮ ਦਾ ਸਾਥ ਛੱਡ ਗਏ ਧੋਨੀ ਕ੍ਰੀਜ ‘ਤੇ ਆਏ ਸਨ ਪਰ ਉਹ ਵੀ ਦੌੜਾਂ ਦੀ ਰਫਤਾਰ ਨੂੰ ਨਹੀਂ ਵਧਾ ਸਕੇ ਕੇਦਾਰ ਜਾਧਵ ਵੱਡੇ ਸ਼ਾਟ ਨਹੀਂ ਲਾ ਪਾ ਰਹੇ ਸਨ ਅਤੇ ਟੀਚਾ ਲਗਾਤਾਰ ਵੱਡਾ ਹੁੰਦਾ ਜਾ ਰਿਹਾ ਸੀ ਆਖਰ ‘ਚ ਭਾਰਤ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਹਿਮਾ ਇਸ ਨਾਲ ਸਚਿਨ ਤੇਂਦੁਲਕਰ,ਅਮਿਤਾਭ ਬੱਚਨ,  ਜਿਹੀਆਂ ਸ਼ਖ਼ਸ਼ੀਅਤਾਂ ਦੀ ਸ਼੍ਰੇਣੀ ‘ਚ ਆ ਗਈ ਹੈ

ਬੱਚਿਆਂ ਦੇ ਹੱਕਾਂ ਤੇ ਜਰੂਰਤਾਂ ਬਾਰੇ ਜਾਗਰੂਕਤਾ ਵਧਾਉਣ, ਬੱਚਿਆਂ ਅਤੇ ਨੌਜਵਾਨਾਂ ਦੀ ਆਵਾਜ਼ ਨੂੰ ਬੁਲੰਦ ਕਰਨ ‘ਚ ਹਿੱਸਾ ਲਵੇਗੀ ਹਿਮਾ

 
ਨਵੀਂ ਦਿੱਲੀ, 14 ਨਵੰਬਰ
ਭਾਰਤੀ ਅਥਲੈਟਿਕਸ ਦੀ ਨਵੀਂ ਸਨਸਨੀ ਅਤੇ ਏਸ਼ੀਆਈ ਖੇਡਾਂ ਦੀ ਸੋਨ ਤਮਗਾ ਜੇਤੂ ਦੌੜਾਕ ਹਿਮਾ ਦਾਸ ਨੂੰ ਯੂਨੀਸੇਫ ਇੰਡੀਆ ਨੇ ਆਪਣਾ ਪਹਿਲਾ ਯੂਥ ਅੰਬੈਸਡਰ ਬਣਾਇਆ ਹੈ ਹਿਮਾ ਇਸ ਕਰਾਰ ਦੇ ਨਾਲ ਅਮਿਤਾਭ ਬੱਚਨ, ਸਚਿਨ ਤੇਂਦੁਲਕਰ ਅਤੇ ਪ੍ਰਿਅੰਕਾ ਚੋਪੜਾ ਜਿਹੀਆਂ ਸ਼ਖ਼ਸ਼ੀਅਤਾਂ ਦੀ ਸ਼੍ਰੇਣੀ ‘ਚ ਆ ਗਈ Âੈ ਜੋ ਯੂਨੀਸੇਫ ਦੇ ਅੰਬੈਸਡਰ ਹਨ

 
18 ਸਾਲਾ ਹਿਮਾ ਨੇ ਅੰਡਰ 20 ਵਿਸ਼ਵ ਚੈਂਪੀਅਨਸ਼ਿਪ ‘ਚ ਸੋਨ ਤਮਗਾ ਜਿੱਤ ਕੇ ਤਹਿਲਕਾ ਮਚਾਇਆ ਸੀ ਅਤੇ ਇਸ ਸਾਲ ਏਸ਼ੀਆਈ ਖੇਡਾਂ ‘ਚ ਉਸਨੇ ਚਾਂਦੀ ਅਤੇ ਸੋਨ ਤਮਗਾ ਜਿੱਤਿਆ ਸੀ

 
ਯੂਨੀਸੇਫ ਇੰਡੀਆ ਨੇ ਹਿਮਾ ਦੀ ਮੌਜ਼ੂਦਗੀ ‘ਚ ਇਹ ਐਲਾਨ ਕੀਤਾ ਅਤੇ ਉਸ ਨਾਲ ਦੋ ਸਾਲ ਦਾ ਕਰਾਰ ਕੀਤਾ ਬਾਲ ਦਿਹਾੜੇ ‘ਤੇ ਯੂਨੀਸੇਫ ਇੰਡੀਆ ਦੀ ਪਹਿਲੀ ਯੂਥ ਅੰਬੇਸਡਰ ਬਣਨ ਨੇ ਹਿਮਾ ਨੇ ਕਿਹਾ ਕਿ ਇਹ ਖ਼ਾਸ ਦਿਨ ਯੂਨੀਸੇਫ ਇੰਡੀਆ ਨੇ ਜੋ ਮੈਨੂੰ ਸਤਿਕਾਰ ਦਿੱਤਾ ਹੈ ਉਸ ਤੋਂ ਮੈਂ ਖੁਦ ਨੂੰ ਮਾਣਮੱਤੀ ਮਹਿਸੂਸ ਕਰ ਰਹੀ ਹਾਂ

 
ਸਚਿਨ ਤੇਂਦੁਲਕਰ ਦੀ ਵੱਡੀ ਪ੍ਰਸ਼ੰਸਕ ਹਿਮਾ ਨੇ ਕਿਹਾ ਕਿ ਮੈਂ ਬਚਪਨ ਤੋਂ ਹੀ ਸਚਿਨ ਨੂੰ ਦੇਖਿਆ ਹੈ ਮੇਰੇ ਲਈ ਇਹ ਬਹੁਤ ਮਾਣ ਦੀ ਗੱਲ ਹੈ ਕਿ ਜਿਸ ਯੂਨੀਸੇਫ ਦੇ ਅੰਬੈਸਡਰ ਸਚਿਨ ਹਨ ਮੈਂ ਉਸ ਨਾਲ ਯੂਥ ਅੰਬੇਸਡਰ ਵਾਂਗ ਜੁੜ ਗਈ ਹਾਂ  ਹਿਮਾ ਨੇ ਕਿਹਾ ਕਿ ਅਸੀਂ ਬੱਚਿਆਂ ਨੂੰ ਉਹ ਸਹੂਲਤਾਂ ਦੇਣ ਦੀ ਕੋਸ਼ਿਸ਼ ਕਰਾਂਗੇ ਜਿਸ ਦੀ ਮੱਦਦ ਨਾਲ ਉਹ ਅੱਗੇ ਵਧਣ ਅਤੇ ਆਪਣੇ ਲਈ ਸੁਨਹਿਰਾ ਭਵਿੱਖ ਬਣਾ ਸਕਣ ਯੂਨੀਸੇਫ ਇੰਡੀਆ ਦੀ ਮੈਂਬਰ ਲਾਰਾ ਸੀਗ੍ਰਿਸਟ ਨੇ ਕਿਹਾ ਕਿ ਯੂਨੀਸੇਫ ਇੰਡੀਆ ਦੀ ਪਹਿਲੀ ਯੂਥ ਅੰਬੈਸਡਰ ਹਿਮਾ ਇੱਕ ਨੌਜਵਾਨ ਅਥਲੀਟ ਹੈ ਅਤੇ ਉਹ ਦੇਸ਼ ‘ਚ ਲੱਖਾਂ ਨੋਜਵਾਨਾਂ ਨੂੰ ਆਪਣੇ ਸੁਪਨੇ ਪੂਰੇ ਕਰਨ ਲਈ ਪ੍ਰੇਰਿਤ ਕਰ ਸਕਦੀ ਹੈ

ਰਿਕਾਰਡ ਸੈਂਕੜੇ ਨਾਲ ਕਪਤਾਨ ਨੇ ਜਿੱਤਿਆ ‘ਹਰ ਮਨ’

ਟੀ20 ਮਹਿਲਾ ਵਿਸ਼ਵ ਕੱਪ ‘ਚ ਸੈਂਕੜਾ ਵਾਲੀ ਪਹਿਲੀ ਭਾਰਤੀ ਬਣੀ ਹਰਮਨਪ੍ਰੀਤ

49 ਗੇਂਦਾਂ ‘ਚ ਸੈਂਕੜੇ ਕੀਤਾ ਪੂਰਾ, 51 ਦੌੜਾਂ ‘ਚ 103 ਦੌੜਾਂ ਦੀ ਕਪਤਾਨੀ ਪਾਰੀ

ਏਜੰਸੀ, 
ਗੁਆਨਾ, 10 ਨਵੰਬਰ 
ਭਾਰਤੀ ਟੀਮ ਦੀ ਕਪਤਾਨ ਹਰਮਨਪ੍ਰੀਤ ਕੌਰ ਦੇ ਤੂਫ਼ਾਨੀ ਸੈਂਕੜੇ ਨਾਲ ਮਹਿਲਾ ਟੀ20 ਵਿਸ਼ਵ ਕੱਪ ‘ਚ ਭਾਰਤ ਦੀ ਜਿੱਤ ਨਾਲ ਜ਼ੋਰਦਾਰ ਆਗਾਜ਼ ਹੋਇਆ ਭਾਰਤ-ਨਿਊਜ਼ੀਲੈਂਡ ਦਰਮਿਆਨ ਹੋਏ ਵਿਸ਼ਵ ਕੱਪ ਦੇ ਉਦਘਾਟਨੀ ਮੈਚ ‘ਚ ਹੀ ਹਰਮਨਪ੍ਰੀਤ ਨੇ ਇਤਿਹਾਸ ਰਚ ਦਿੱਤਾ ਹਰਮਨ ਦੀ 51 ਗੇਂਦਾਂ ‘ਚ 103 ਦੌੜਾਂ ਦੀ ਸੈਂਕੜੇ ਵਾਲੀ ਪਾਰੀ ਦੇ ਦਮ ‘ਤੇ ਟੀਮ ਨੇ ਨਿਊਜ਼ੀਲੈਂਡ ਸਾਹਮਣੇ 195 ਦੌੜਾਂ ਦਾ ਵਿਸ਼ਾਲ ਟੀਚਾ ਰੱਖਿਆ ਹਰਮਨ 20ਵੇਂ ਓਵਰ ਦੀ ਇੱਕ ਗੇਂਦ ਰਹਿੰਦਿਆਂ ਵਿਕਟਕੀਪਰ ਦੇ ਹੱਥੋਂ ਕੈਚ ਆਊਟ ਹੋਈ 7 ਚੌਕਿਆਂ ਅਤੇ 8 ਗਗਨਚੁੰਭੀ ਛੱਕਿਆਂ ਨਾਲ ਸਜ਼ੀ ਇਸ ਪਾਰੀ ਦੇ ਨਾਲ ਹੀ ਹਰਮਨਪ੍ਰੀਤ ਮਹਿਲਾ ਟੀ20 ਵਿਸ਼ਵ ਕੱਪ ‘ਚ ਸੈਂਕੜਾ ਜੜਨ ਵਾਲੀ ਪਹਿਲੀ ਭਾਰਤੀ ਖਿਡਾਰੀ ਬਣ ਗਈ ਇਸ ਤੋਂ ਪਹਿਲਾਂ ਕੋਈ ਵੀ ਭਾਰਤੀ ਮਹਿਲਾ ਕ੍ਰਿਕਟਰ ਇਹ ਕਾਰਨਾਮਾ ਨਹੀਂ ਕਰ ਸਕੀ ਸੀ ਮਹਿਲਾ ਟੀ20 ਵਿਸ਼ਵ ਕੱਪ ‘ਚ ਸੈਂਕੜਾ ਲਾਉਣ ਵਾਲੀ ਹਰਮਨਪ੍ਰੀਤ ਤੀਸਰੀ ਕਪਤਾਨ ਹੈ ਇਸ ਤੋਂ ਪਹਿਲਾਂ ਜਿੰਨ੍ਹਾਂ ਤਿੰਨ ਮਹਿਲਾ ਕ੍ਰਿਕਟਰਜ਼ ਨੇ ਟੀ20 ਵਿਸ਼ਵ ਕੱਪ ‘ਚ ਸੈਂਕੜਾ ਲਾਇਆ ਸੀ ਉਹ ਸਾਰਿਆਂ ਵੀ ਆਪਣੀ-ਆਪਣੀ ਟੀਮ ਦੀਆਂ ਕਪਤਾਨ ਸਨ

ਛੱਕਿਆਂ ਦੇ ਮਾਮਲੇ ‘ਚ ਦੂਜਾ ਸਥਾਨ; ਹਰਮਨ ਨੇ ਇਸ ਪਾਰੀ ‘ਚ 8 ਛੱਕੇ ਲਾਏ ਜੋ ਇੱਕ ਪਾਰੀ ‘ਚ ਛੱਕੇ ਜੜਨ ਦਾ ਸਾਂਝੇ ਤੌਰ ‘ਤੇ ਦੂਸਰਾ ਰਿਕਾਰਡ ਹੈ ਸਭ ਤੋਂ ਜ਼ਿਆਦਾ ਛੱਕਿਆਂ ਦਾ ਰਿਕਾਰਡ ਵੈਸਟਇੰਡੀਜ਼ ਦੀ ਡੀ ਡਾਟਿਨ ਨੇ 2010 ਵਿਸ਼ਵ ਕੱਪ ‘ਚ ਦੱਖਣੀ ਅਫ਼ਰੀਕਾ ਵਿਰੁੱਧ 9 ਛੱਕਿਆਂ ਦਾ ਬਣਾਇਆ ਸੀ

ਰਿਕਾਰਡ ਭਾਈਵਾਲੀ: ਹਰਮਨਪ੍ਰੀਤ ਨੇ ਚੌਥੀ ਵਿਕਟ ਲਈ ਨੌਜਵਾਨ ਜੇਮਿਮਾ ਰੌਡ੍ਰਿਗਜ਼ ਨਾਲ ਮਿਲ ਕੇ 134 ਦੌੜਾਂ ਦੀ ਰਿਕਾਰਡ ਭਾਈਵਾਲੀ ਕੀਤੀ ਜੋ ਭਾਰਤ ਵੱਲੋਂ ਮਹਿਲਾ ਟਂ20 ਵਿਸ਼ਵ ਕੱਪ ‘ਚ ਕਿਸੇ ਵੀ ਵਿਕਟ ਲਈ ਸਭ ਤੋਂ ਜ਼ਿਆਦਾ ਵੱਡੀ ਭਾਈਵਾਲੀ ਹੈ ਇਸ ਤੋਂ ਪਹਿਲਾਂ ਮਿਤਾਲੀ ਰਾਜ ਅਤੇ ਪੂਨਮ ਰਾਉਤ ਨੇ 2014 ‘ਚ ਵੈਸਟਇੰਡੀਜ਼ ਵਿਰੁੱਧ 117 ਦੋੜਾਂ ਜੋੜੀਆਂ ਸਨ
ਵਿਸ਼ਵ ਕੱਪ ‘ਚ ਵੱਧ ਦੌੜਾਂ: ਇਸ ਸੈਂਕੜੇ ਨਾਲ ਹੀ ਹਰਮਨਪ੍ਰੀਤ ਕੌਰ ਹੁਣ ਟੀ20 ਵਿਸ਼ਵ ਕੱਪ ‘ਚ ਸਭ ਤੋਂ ਜਿਆਦਾ ਦੌੜਾਂ ਬਣਾਉਣ ਵਾਲੀ ਭਾਰਤੀ ਖਿਡਾਰੀ ਵੀ ਬਣ ਗਈ ਪਿਛਲਾ ਰਿਕਾਰਡ ਵੀ ਉਸਦੇ ਨਾਂਅ ਸੀ, ਜੋ ਹਰਮਨਪ੍ਰੀਤ (77ਦੌੜਾਂ) ਨੇ ਬੰਗਲਾਦੇਸ਼ ਵਿਰੁੱਧ ਸਿਲਹਟ ‘ਚ 2014 ‘ਚ ਬਣਾਇਆ ਸੀ

 
ਛੱਕੇ ਜੜਨ ਵਾਲੀ ਪਹਿਲੀ ਭਾਰਤੀ ਕਪਤਾਨ: ਵੱਡੇ ਸ਼ਾੱਟਾਂ ਲਈ ਮਸ਼ਹੂਰ ਹਰਮਨਪ੍ਰੀਤ ਕੌਰ ਬਿਗ ਬੈਗ ਲੀਗ ਟੀਮ ਦੀ ਪਾਵਰ ਹਿੱਟਰ ਮੰਨੀ ਜਾਂਦੀ ਹੈ ਹਰਮਨਪ੍ਰੀਤ ਕੌਰ ਮਹਿਲਾ ਟੀ20 ਵਿਸ਼ਵ ਕੱਪ ‘ਚ ਛੱਕਾ ਜੜਨ ਵਾਲੀ ਪਹਿਲੀ ਭਾਰਤੀ ਮਹਿਲਾ ਕਪਤਾਨ ਵੀ ਬਣ ਗਈ

 3-1 ਦੀ ਜਿੱਤ ਨਾਲ ਟੂਰਨਾਮੈਂਟ ‘ਚ ਲਗਾਤਾਰ ਦੂਸਰੀ ਜਿੱਤ

ਕਪਤਾਨ ਮਨਪ੍ਰੀਤ ਮੈਨ ਆਫ਼ ਦ ਮੈਚ

ਭਾਰਤ ਦਾ ਪਿਛਲੇ 11 ਮੈਚਾਂ ‘ਚ ਪਾਕਿਸਤਾਨ ਵਿਰੁੱਧ ਅਜੇਤੂ ਰਿਕਾਰਡ ਬਰਕਰਾਰ

ਅਗਲਾ ਮੁਕਾਬਲਾ ਏਸ਼ੀਅਨ ਖੇਡਾਂ ਦੇ ਚੈਂਪੀਅਨ ਜਾਪਾਨ ਨਾਲ

ਭਾਰਤ ਦੇ ਸਟਾਰ ਗੋਲਕੀਪਰ ਪੀਆਰ ਸ਼੍ਰੀਜੇਸ਼ ਨੇ ਇਸ ਮੁਕਾਬਲੇ ‘ਚ 200 ਅੰਤਰਰਾਸ਼ਟੀ ਮੈਚ ਪੂਰੇ ਕਰਨ ਦੀ ਪ੍ਰਾਪਤੀ ਹਾਸਲ ਕੀਤੀ ਆਖ਼ਰੀ ਕੁਆਰਟਰ ‘ਚ ਨੌਜਵਾਨ ਗੋਲਕੀਪਰ ਕ੍ਰਿਸ਼ਣ ਬਹਾਦੁਰ ਪਾਠਕ ਨੇ ਸ਼੍ਰੀਜ਼ੇਸ਼ ਦੀ ਜਗ੍ਹਾ ਲਈ ਅਤੇ ਪਾਕਿਸਤਾਨ ਨੂੰ ਇਸ ਦੌਰਾਨ ਗੋਲ ਕਰਨ ਤੋਂ ਰੋਕਣ ‘ਚ ਸਫ਼ਲਤਾ ਪਾਈ

 
ਮਸਕਟ, 21 ਅਕਤੂਬਰ
ਕਪਤਾਨ ਮਨਪ੍ਰੀਤ ਸਿੰਘ, ਮਨਦੀਪ ਸਿੰਘ ਅਤੇ ਦਿਲਪ੍ਰੀਤ ਸਿੰਘ ਦੇ 1-1 ਗੋਲ ਦੀ ਬਦੌਲਤ ਭਾਰਤ ਨੇ ਕੱਟੜ ਵਿਰੋਧੀ ਪਾਕਿਸਤਾਨ ਨੂੰ 3-1 ਨਾਲ ਹਰਾ ਕੇ ਹੀਰੋ ਏਸ਼ੀਆਈ ਚੈਂਪੀਅੰਜ਼ ਟਰਾਫ਼ੀ ਹਾਕੀ ਟੂਰਨਾਮੈਂਟ ‘ਚ ਲਗਾਤਾਰ ਦੂਸਰੀ ਜਿੱਤ ਦਰਜ ਕੀਤੀ ਭਾਰਤੀ ਟੀਮ ਵੱਲੋਂ ਮਨਪ੍ਰੀਤ ਨੇ 24ਵੇਂ, ਮਨਦੀਪ ਨੇ 31ਵੇਂ ਅਤੇ 18 ਵਰ੍ਹਿਆਂ ਦੇ ਦਿਲਪ੍ਰੀਤ ਨੇ 42ਵੇਂ ਮਿੰਟ ‘ਚ ਗੋਲ ਕੀਤੇ  ਭਾਰਤ ਨੇ ਹਾਲ ਹੀ ‘ਚ ਜਕਾਰਤਾ ਏਸ਼ੀਆਈ ਖੇਡਾਂ ‘ਚ ਪਾਕਿਸਤਾਨ ਨੂੰ ਹਰਾ ਕੇ ਕਾਂਸੀ ਤਮਗਾ ਜਿੱਤਿਆ ਸੀ
ਭਾਰਤ ਨੇ ਆਪਣੇ ਪਿਛਲੇ ਮੁਕਾਬਲੇ ‘ਚ ਮੇਜ਼ਬਾਨ ਓਮਾਨ ਨੂੰ ਹਰਾਇਆ ਸੀ ਭਾਰਤ ਦਾ ਟੂਰਨਾਮੈਂਟ ‘ਚ ਤੀਸਰਾ ਮੈਚ ਏਸ਼ੀਆਈ ਖੇਡਾਂ ਦੇ ਸੋਨ ਤਮਗਾ ਜੇਤੂ ਜਾਪਾਨ ਨਾਲ ਹੋਵੇਗਾ ਜਿਸ ਨੇ ਇੱਕ ਹੋਰ ਮੈਚ ‘ਚ ਕੋਰੀਆ ਨੂੰ 2-0 ਨਾਲ ਹਰਾਇਆ ਜਾਪਾਨ ਨੂੰ ਆਪਣੇ ਪਹਿਲੇ ਮੈਚ ‘ਚ ਮਲੇਸ਼ੀਆ ਤੋਂ 3-0 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ

 
ਕਪਤਾਨ ਮਨਪ੍ਰੀਤ ਸਿੰਘ ਨੇ ਇਸ ਮੈਚ ‘ਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਜਿਸ ਲਈ ਉਹਨਾਂ ਨੂੰ ਮੈਨ ਆਫ਼ ਦ ਮੈਚ ਦਾ ਪੁਰਸਕਾਰ ਦਿੱਤਾ ਗਿਆ ਪਾਕਿਸਤਾਨ ਨੂੰ ਮੁਹੰਮਦ ਇਰਫਾਨ ਜੂਨੀਅਰ ਨੇ ਪਹਿਲੇ ਹੀ ਮਿੰਟ ‘ਚ ਵਾਧਾ ਦਿਵਾ ਦਿੱਤਾ ਸੀ ਪਰ ਇਸ ਤੋਂ ਬਾਅਦ ਭਾਰਤੀ ਟੀਮ ਮੈਚ ‘ਤੇ ਛਾ ਗਈ ਅਤੇ ਪਹਿਲੇ ਹੀ ਮਿੰਟ ‘ਚ ਗੋਲ ਖਾਣ ਦੇ ਬਾਵਜ਼ੂਦ ਸ਼ਾਨਦਾਰ ਵਾਪਸੀ ਕਰਦੇ ਹੋਏ ਪਾਕਿਸਤਾਨ ਵਿਰੁੱਧ ਆਪਣੇ ਅਜੇਤੂ ਕ੍ਰਮ ਨੂੰ ਬਰਕਰਾਰ ਰੱਖਿਆ ਵਿਸ਼ਵ ਦੀ 13ਵੇਂ ਨੰਬਰ ਦੀ ਟੀਮ ਪਾਕਿਸਤਾਨ ‘ਚੰਗੀ ਸ਼ੁਰੂਆਤ ਨੂੰ 10ਵੇਂ ਨੰਬਰ ਦੀ ਭਾਰਤੀ ਟੀਮ ਵਿਰੁੱਧ ਬਰਕਰਾਰ ਨਹੀਂ ਰੱਖ ਸਕੀ

 
ਪਾਕਿਸਤਾਨ ਨੂੰ ਪਹਿਲੇ ਹੀ ਮਿੰਟ ‘ਚ ਪੈਨਲਟੀ ਕਾਰਨਰ ਮਿਲਿਆ ਅਤੇ ਮੁਹੰਮਦ ਇਰਫਾਨ ਨੇ ਇਸਨੂੰ ਗੋਲ ‘ਚ ਬਦਲ ਦਿੱਤਾ ਭਾਰਤ ਨੇ ਇਸ ਝਟਕੇ ਤੋਂ ਸੰਭਲਦਿਆਂ ਜਵਾਬੀ ਹਮਲੇ ਕੀਤੇ ਪਰ ਪਹਿਲੇ ਕੁਆਰਟਰ ‘ਚ ਉਸਨੂੰ ਕੋਈ ਕਾਮਯਾਬੀ ਨਾ ਮਿਲੀ ਕਪਤਾਨ ਮਨਪ੍ਰੀਤ ਨੇ 24ਵੇਂ ਮਿੰਟ ‘ਚ ਸ਼ਾਨਦਾਰ ਕੋਸ਼ਿਸ਼ ਨਾਲ ਮੌਕਾ ਬਣਾਇਆ ਅਤੇ ਭਾਰਤ ਲਈ ਬਰਾਬਰੀ ਦਾ ਗੋਲ ਕਰ ਦਿੱਤਾ

ਮੋਈਨ ਅਲੀ ਨੇ ਲਈਆਂ ਪੰਜ ਵਿਕਟਾਂ | Sports News

ਸਾਊਥੈਮਪਟਨ (ਏਜੰਸੀ)। ਸ਼੍ਰੀਮਾਨ ਭਰੋਸੇਮੰਦ ਚੇਤੇਸ਼ਵਰ ਪੁਜਾਰਾ (ਨਾਬਾਦ 132) ਦੇ 15ਵੇਂ ਸੈਂਕੜੇ ਅਤੇ ਉਸਦੀ ਪੁਛੱਲੇ ਬੱਲੇਬਾਜ਼ਾਂ ਨਾਲ ਮਹੱਤਵਪੂਰਨ ਭਾਈਵਾਲੀ ਦੀ ਬਦੌਲਤ ਭਾਰਤ ਨੇ ਇੰਗਲੈਂਡ ਵਿਰੁੱਧ ਚੌਥੇ ਟੈਸਟ ਦੇ ਦੂਸਰੇ ਦਿਨ 273 ਦੌੜਾਂ ਬਣਾ ਕੇ ਪਹਿਲੀ ਪਾਰੀ ‘ਚ 27 ਦੌੜਾਂ ਦੀ ਮਹੱਤਵਪੂਰਨ ਬੜਤ ਹਾਸਲ ਕਰ ਲਈ। ਇੰਗਲੈਂਡ ਨੇ ਦੂਸਰੇ ਦਿਨ ਦੀ ਖੇਡ ਸਮਾਪਤ ਹੋਣ ਸਮੇਂ ਤੱਕ ਆਪਣੀ ਦੂਸਰੀ ਪਾਰੀ ਚ 4 ਓਵਰਾਂ ਚ ਬਿਨਾਂ ਕਿਸੇ ਨੁਕਸਾਨ ਦੇ 6 ਦੌੜਾਂ ਬਣਾਈਆਂ। (Sports News)

ਭਾਰਤ ਨੇ ਆਪਣੀਆਂ 8 ਵਿਕਟਾਂ 195 ਤੱਕ ਗੁਆ ਦਿੱਤੀਆਂ ਸਨ ਪਰ ਪੁਜਾਰਾ ਨੇ ਨੌਂਵੇਂ ਨੰਬਰ ਦੇ ਬੱਲੇਬਾਜ਼ ਇਸ਼ਾਂਤ ਸ਼ਰਮਾ ਨਾਲ ਨੌਂਵੀਂ ਵਿਕਟ ਲਈ 32 ਦੌੜਾਂ ਤੇ ਜਸਪ੍ਰੀਤ ਬੁਮਰਾਹ ਨਾਲ ਆਖਰੀ ਵਿਕਟ ਲਈ 46 ਦੌੜਾਂ ਜੋੜ ਕੇ ਭਾਰਤ ਨੂੰ 27 ਦੌੜਾਂ ਦਾ ਵਾਧਾ ਦਿਵਾ ਦਿੱਤਾ ਪੁਜਾਰਾ 132 ਦੌੜਾਂ ਬਣਾ ਕੇ ਨਾਬਾਦ ਪੈਵੇਲੀਅਨ ਪਰਤੇ ਪੁਜਾਰਾ ਨੇ ਇੰਗਲਿਸ਼ ਜਮੀਨ ‘ਤੇ ਆਪਣਾ ਪਹਿਲਾ, ਇੰਗਲੈਂਡ ਵਿਰੁੱਧ ਪੰਜਵਾਂ ਅਤੇ ਆਪਣਾ 15ਵਾਂ ਟੈਸਟ ਸੈਂਕੜਾ ਬਣਾਇਆ ਪੁਜਾਰਾ ਨੇ ਭਾਰਤੀ ਟੀਮ ਦੇ ਥਿੜਕਣ ਦੇ ਬਾਵਜ਼ੂਦ ਇੱਕਤਰਫ਼ਾ ਸੰਘਰਸ਼ ਕਰਦੇ ਹੋਏ ਸ਼ਾਨਦਾਰ ਜੁਝਾਰੂ ਸੈਂਕੜਾ ਲਾ ਕੇ ਭਾਰਤੀ ਟੀਮ ਨੂੰ ਇੰਗਲੈਂਡ ਦੇ ਪਹਿਲੀ ਪਾਰੀ ਦੇ 246 ਦੇ ਸਕੋਰ ਤੋਂ ਪਾਰ ਪਹੁੰਚਾ ਦਿੱਤਾ ਪੁਜਾਰਾ ਤੋਂ ਇਲਾਵਾ ਕਪਤਾਨ ਕੋਹਲੀ ਨੇ ਵੀ ਬੱਲੇਬਾਜ਼ੀ ‘ਚ ਚੰਗਾ ਸਹਿਯੋਗ ਦਿੱਤਾ ਜਦੋਂਕਿ ਬਾਕੀ ਬੱਲੇਬਾਜ਼ੀ ਇੱਕ ਵਾਰ ਫਿਰ ਅਸਫ਼ਲ ਸਾਬਤ ਹੋਈ।

ਇੰਗਲੈਂਡ ਟੀਮ ‘ਚ ਚੌਥੇ ਟੈਸਟ ‘ਚ ਸ਼ਾਮਲ ਕੀਤੇ ਗਏ ਮੋਈਨ ਅਲੀ ਨੇ ਬੱਲੇਬਾਜ਼ੀ ‘ਚ 40 ਦੌੜਾਂ ਦਾ ਮਹੱਤਵਪੂਰਨ ਯੋਗਦਾਨ ਦੇਣ ਤੋਂ ਬਾਅਦ ਗੇਂਦਬਾਜ਼ੀ ਦੌਰਾਨ ਭਾਰਤੀ ਟੀਮ ਦੀ ਪੰਜ ਵਿਕਟਾਂ ਕੱਢ ਕੇ ਇੰਗਲੈਂਡ ਨੂੰ ਮੈਚ ‘ਚ ਵਾਪਸੀ ਕਰਵਾ ਦਿੱਤੀ ਭਾਰਤ ਨੇ ਪਹਿਲੇ ਸੈਸ਼ਨ ‘ਚ 4, ਦੂਸਰੇ 2 ਅਤੇ ਤੀਸਰੇ ਸੈਸ਼ਨ 4 ਵਿਕਟਾਂ ਗੁਆਈਆਂ। (Sports News)

ਜਕਾਰਤਾ, (ਏਜੰਸੀ)। ਭਾਰਤੀ ਪੁਰਸ਼ ਟੇਬਲ ਟੈਨਿਸ ਟੀਮ ਨੂੰ ਏਸ਼ੀਆਈ ਖੇਡਾਂ ਦੇ ਸੈਮੀਫਾਈਨਲ ‘ਚ ਕੋਰੀਆ ਵਿਰੁੱਧ 0-3 ਨਾਲ ਹਾਰ ਦਾ ਸਾਮਣਾ ਕਰਨਾ ਪਿਆ ਜਿਸ ਨਾਲ ਉਸਦੇ ਹੱਥ ਕਾਂਸੀ ਤਗਮਾ ਲੱਗਿਆ ਪਰ ਇਹ ਕਾਂਸੀ ਤਗਮਾ ਇਤਿਹਾਸਕ ਰਿਹਾ ਕਿਉਂਕਿ ਏਸ਼ੀਆਈ ਖੇਡਾਂ ਦੇ ਇਤਿਹਾਸ ‘ਚ ਇਸ ਖੇਡ ‘ਚ ਭਾਰਤ ਦਾ ਇਹ ਪਹਿਲਾ ਤਗਮਾ ਹੈ। ਭਾਰਤੀ ਟੀਮ ਨੇ ਕੱਲ੍ਹ ਕੁਆਰਟਰ ਫਾਈਨਲ ‘ਚ ਜਾਪਾਨ ਨੂੰ 3-1 ਨਾਲ ਹਰਾ ਕੇ ਸੈਮੀਫਾਈਨਲ ‘ਚ ਪਹੁੰਚਣ ਦੇ ਨਾਲ ਹੀ ਆਪਣਾ ਪਹਿਲਾ ਤਗਮਾ ਪੱਕਾ ਕਰ ਲਿਆ ਸੀ। (Table Tennis)

ਪਰ ਫ਼ਾਈਨਲ ‘ਚ ਪਹੁੰਚਣ ਲਈ ਟੀਮ ਦਾ ਮੁਕਾਬਲਾ ਮਜ਼ਬੂਤ ਕੋਰੀਆ ਨਾਲ ਸੀ ਜਿਸ ਅੱਗੇ ਭਾਰਤੀ ਖਿਡਾਰੀਆਂ ਨੂੰ ਪਹਿਲੇ ਤਿੰਨ ਮੁਕਾਬਲੇ ਗੁਆ ਕੇ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਜਾਪਾਨ ਵਿਰੁੱਧ ਦੋ ਮੈਚ ਜਿੱਤਣ ਵਾਲੇ 25 ਸਾਲਾ ਜੀ ਸੱਤਿਅਨ ਨੂੰ ਸਾਂਗਸੂ ਵਿਰੁੱਧ 1-3 ਨਾਲ ਹਾਰ ਮਿਲੀ ਸੱਤਿਅਨ ਨੇ ਹਾਲਾਂਕਿ ਮੈਚ ‘ਚ ਚੰਗੀ ਸ਼ੁਰੂਆਤ ਕੀਤਾ ਅਤੇ ਪਹਿਲੀ ਗੇਮ 11-9 ਨਾਲ ਜਿੱਤ ਲਈ ਪਰ ਕੋਰਿਆਈ ਖਿਡਾਰੀ ਨੇ ਵਾਪਸੀ ਕਰਦੇ ਹੋਏ ਅਗਲੀਆਂ ਤਿੰਨ ਗੇਮਾਂ 11-9, 11-3, 11-3 ਨਾਲ ਜਿੱਤ ਕੇ ਮੁਕਾਬਲੇ ‘ਚ ਕੋਰੀਆ ਨੂੰ 1-0 ਦਾ ਵਾਧਾ ਦਿਵਾ ਦਿੱਤਾ। (Table Tennis)

ਇਹ ਵੀ ਪੜ੍ਹੋ : ਬੀਐੱਸਐੱਫ਼ ਨੇ ਰਾਮਗੜ੍ਹ ’ਚ ਪਾਕਿਸਤਾਨੀ ਨਸ਼ਾ ਤਸਕਰ ਨੂੰ ਕੀਤਾ ਢੇਰ

ਦੂਸਰੇ ਮੈਚ ‘ਚ ਅਚੰਤ ਸ਼ਰਤ ਕਮਲ ਨੇ ਸਿਕ ਯੰਗ ਵਿਰੁੱਧ ਪੰਜ ਗੇਮਾਂ ਤੱਕ ਜ਼ਬਰਦਸਤ ਸੰਘਰਸ਼ ਕੀਤਾ ਪਰ ਉਹ 2-3 ਨਾਲ ਹਾਰ ਗਏ ਸ਼ਰਤ ਨੇ ਪਹਿਲੀਆਂ ਦੋ ਗੇਮਾਂ 9-11, 9-11 ਨਾਲ ਗੁਆਉਣ ਤੋਂ ਬਾਅਦ ਵਾਪਸੀ ਕੀਤੀ ਅਤੇ ਅਗਲੀਆਂ ਦੋ ਗੇਮਾਂ 11-6, 11-7 ਨਾਲ ਜਿੱਤ ਕੇ 2-2 ਦੀ ਬਰਾਬਰੀ ਕੀਤੀ ਫ਼ੈਸਲਾਕੁਨ ਗੇਮ ‘ਚ ਕੋਰਿਆਈ ਖਿਡਾਰੀ ਨੇ 11-8 ਨਾਲ ਜਿੱਤ ਹਾਸਲ ਕੀਤੀ ਅਤੇ ਕੋਰੀਆ ਮੈਚ ‘ਚ 2-0 ਨਾਲ ਅੱਗੇ ਹੋ ਗਿਆ ਅਮਲਰਾਜ ਤੀਸਰੇ ਮੈਚ ‘ਚ ਜਾਂਗ ਵਿਰੁੱਧ 5-11, 7-11, 11-4, 7-11 ਨਾਲ ਮੁਕਾਬਲਾ ਗੁਆ ਬੈਠੇ ਅਤੇ ਕੋਰੀਆ ਨੇ 3-0 ਦਾ ਅਜੇਤੂ ਵਾਧਾ ਬਣਾਉਂਦੇ ਹੋਏ ਫ਼ਾਈਨਲ ‘ਚ ਜਗ੍ਹਾ ਬਣਾ ਲਈ।

ਭਾਰਤੀ ਮਹਿਲਾ ਟੀਮ ਨੂੰ ਕੁਆਰਟਰ ਫਾਈਨਲ ‘ਚ ਹਾਂਗਕਾਂਗ ਤੋਂ 1-3 ਨਾਲ ਹਾਰ ਦਾ ਸਾਮ੍ਹਣਾ ਕਰਨਾ ਪਿਆ ਸੀ ਇਸ ਤਗਮੇ ਤੋਂ ਬਾਅਦ ਭਾਰਤ ਦੀਆਂ ਆਸਾਂ ਹੁਣ ਮਿਕਸਡ ਡਬਲਜ਼ ਮੁਕਾਬਲਿਆਂ ‘ਤੇ ਟਿਕ ਗਈਆਂ ਹਨ ਜਿੱਥੇ ਅਮਲਰਾਤ ਅਤੇ ਮਧੁਰਿਕਾ ਪਾਟਕਰ, ਅਚੰਤ ਸ਼ਰਤ ਕਮਲ ਅਤੇ ਮਣਿਕਾ ਬੱਤਰਾ ਆਪਣੀ ਚੁਣੌਤੀ ਪੇਸ਼ ਕਰਨਗੇ। (Table Tennis)

ਤੀਸਰੇ ਟੈਸਟ ਮੈਚ ਚ ਇੰਗਲੇਂਡ ਨੂੰ ਦਿੱਤੀ 203 ਦੌੜਾਂ ਦੀ ਕਰਾਰੀ ਮਾਤ

• ਪੰਜ ਮੈਚਾਂ ਦੀ ਲੜੀ ਚ 2-1 ਦਾ ਮੁਕਾਬਲਾ
• ਚੌਥਾ ਟੈਸਟ ਮੈਚ ਸਾਊਥੈਂਪਟਨ ਂਚ 30 ਅਗਸਤ ਤੋਂ
• ਕੋਹਲੀ ਬਣੇ ਮੈਨ ਆਫ਼ ਦ ਮੈਚ

ਨਾਟਿੰਘਮ (ਏਜੰਸੀ)। ਭਾਰਤ ਨੇ ਇੰਗਲੈਂਡ ਵਿਰੁੱਧ ਤੀਸਰੇ ਕ੍ਰਿਕਟ ਟੈਸਟ ‘ਚ ਜਿੱਤ ਦੀ ਰਸਮ ਪੰਜਵੇਂ ਅਤੇ ਆਖ਼ਰੀ ਦਿਨ ਸਵੇਰੇ ਪੂਰੀ ਕਰਦੇ ਹੋਏ ਇਹ ਮੁਕਾਬਲਾ 203 ਦੌੜਾਂ ਦੇ ਵੱਡੇ ਫ਼ਰਕ ਨਾਲ ਜਿੱਤ ਕੇ ਪੰਜ ਮੈਚਾਂ ਦੀ ਲੜੀ ਦਾ ਸਕੋਰ 1-2 ਕਰ ਦਿੱਤਾ ਭਾਰਤ ਦੀ ਨਾਟਿੰਘਮ ਦੇ ਟਰੇਂਟ ਬ੍ਰਿਜ ਮੈਦਾਨ ‘ਤੇ ਪਿਛਲੇ 59 ਸਾਲਾਂ ‘ਚ ਇਹ ਦੂਸਰੀ ਜਿੱਤ ਹੈ ਭਾਰਤ ਨੇ ਇੰਗਲੈਂਡ ਸਾਹਮਣੇ ਜਿੱਤ ਲਈ 521 ਦੌੜਾਂ ਦਾ ਵਿਸ਼ਾਲ ਟੀਚਾ ਰੱਖਿਆ ਸੀ ਇੰਗਲੈਂਡ ਨੇ ਕੱਲ 9 ਵਿਕਟਾਂ ‘ਤੇ 311 ਦੌੜਾਂ ਬਣਾ ਕੇ ਭਾਰਤ ਦੀ ਜਿੱਤ ਦਾ ਇੰਤਜ਼ਾਰ ਆਖ਼ਰੀ ਦਿਨ ਲਈ ਵਧਾ ਦਿੱਤਾ ਸੀ ਆਫ਼ ਸਪਿੱਨਰ ਰਵਿਚੰਦਰਨ ਅਸ਼ਵਿਨ ਨੇ ਆਖ਼ਰੀ ਬੱਲੇਬਾਜ਼ ਜੇਮਸ ਐਂਡਰਸਨ ਨੂੰ ਅਜਿੰਕਾ ਰਹਾਣੇ ਦੇ ਹੱਥੋਂ ਕੈਚ ਕਰਾਕੇ ਇੰਗਲੈਂਡ ਦੀ ਪੀ 102.5 ਓਵਰਾਂ ‘ਚ 317 ਦੌੜਾਂ ‘ਤੇ ਸਮਾਪਤ ਕਰ ਦਿੱਤੀ ਅਤੇ ਇਸ ਦੇ ਨਾਲ ਹੀ ਭਾਰਤ ਨੇ ਲੜੀ ‘ਚ ਦਮਦਾਰ ਵਾਪਸੀ ਕਰ ਲਈ।

ਇਹ ਵੀ ਪੜ੍ਹੋ : Signs Of Sugar/Diabetes : ਸਰੀਰ ’ਚ ਸ਼ੂਗਰ ਲੈਵਲ ਦੇ ਵਧ ਜਾਣ ’ਤੇ ਸਰੀਰ ਦਿੰਦਾ ਹੈ ਇਹ 10 ਸੰਕੇਤ!

ਭਾਰਤ ਦੀ ਇੰਗਲੈਂਡ ਦੀ ਧਰਤੀ ‘ਤੇ ਦੌੜਾਂ ਦੇ ਲਿਹਾਜ਼ ਨਾਲ ਇਹ ਦੂਸਰੀ ਸੱਭ ਤੋਂ ਵੱਡੀ ਜਿੱਤ ਹੈ ਭਾਰਤ ਨੇ ਇਸ ਤੋਂ ਪਹਿਲਾਂ ਜੂਨ 1996 ‘ਚ ਲੀਡਜ਼ ‘ਚ ਇੰਗਲੈਂਡ ਨੂੰ 279 ਦੌੜਾਂ ਨਾਲ ਹਰਾਇਆ ਸੀ ਭਾਰਤ ਦੀ ਟ੍ਰੇਂਟ ਬ੍ਰਿਜ ‘ਤੇ ਆਖ਼ਰੀ ਜਿੱਤ ਜੁਲਾਈ 2007 ‘ਚ ਸੀ ਜਦੋਂ ਭਾਰਤ ਸੱਤ ਵਿਕਟਾਂ ਨਾਲ ਜਿੱਤਿਆ ਸੀ ਭਾਰਤ ਨੇ ਜੂਨ 1959 ‘ਚ ਪਹਿਲੀ ਵਾਰ ਟ੍ਰੇਂਟ ਬ੍ਰਿਜ ‘ ਚ ਮੁਕਾਬਲਾ ਖੇਡਿਆ ਸੀ ਅਤੇ ਉਸ ਤੋਂ ਬਾਅਦ ਇਸ ਮੈਦਾਨ ‘ਤੇ ਉਸਨੇ ਆਪਣੀ ਦੂਸਰੀ ਜਿੱਤ ਹਾਸਲ ਕੀਤੀ।

ਭਾਰਤ ਨੇ ਪੰਜਵੇਂ ਦਿਨ ਦੀ ਸਵੇਰੇ ਖੇਡ ਸ਼ੁਰੂ ਹੋਣ ਤੋਂ ਬਾਅਦ ਇੰਗਲੈਂਡ ਦੀ ਪਾਰੀ ਨੂੰ ਸਮੇਟਣ ‘ਚ 17 ਗੇਂਦਾਂ ਦਾ ਸਮਾਂ ਲਿਆ ਅਸ਼ਵਿਨ ਨੇ ਐਂਡਰਸਨ ਨੂੰ ਰਹਾਣੇ ਹੱਥੋਂ ਕੈਚ ਕਰਾਕੇ ਇਸ ਮੈਚ ‘ਚ ਆਪਣੀ ਪਹਿਲੀ ਵਿਕਟ ਹਾਸਲ ਕੀਤੀ ਭਾਰਤ ਇਸ ਮੈਚ ਨੂੰ ਚੌਥੈ ਦਿਨ ਹੀ ਨਿਪਟਾ ਸਕਦਾ ਸੀ ਪਰ ਰਾਸ਼ਿਦ ਅਤੇ ਐਂਡਰਸਨ ਨੇ ਆਖ਼ਰੀ ਕੁਝ ਓਵਰ ਕੱਢ ਕੇ ਮੁਕਾਬਲਾ ਪੰਜਵੇਂ ਦਿਨ ਤੱਕ ਪਹੁੰਚਾ ਦਿੱਤਾ। ਇੰਗਲੈਂਡ ਦੀ ਦੂਸਰੀ ਪਾਰੀ ‘ਚ ਸੱਤ ਤੋਂ ਬਾਅਦ ਇਸ ਟੈਸਟ ‘ਚ ਵਾਪਸੀ ਕਰਨ ਵਾਲੇ ਜਸਪ੍ਰੀਤ ਬੁਮਰਾਹ ਪੰਜ ਵਿਕਟਾਂ ਲੈ ਕੇ ਸਭ ਤੋਂ ਸਫ਼ਲ ਰਹੇ।

ਬੁਮਰਾਹ ਨੇ ਚੌਥੇ ਦਿਨ ਆਖ਼ਰੀ ਸੈਸ਼ਨ ‘ਚ ਇੰਗਲੈਂਡ ਦੀਆਂ ਚਾਰ ਵਿਕਟਾਂ ਕੱਢ ਕੇ ਭਾਰਤ ਦੀ ਜਿੱਤ ਦਾ ਰਾਹ ਸੌਖਾ ਕਰ ਦਿੱਤਾ ਸੀ ਮੈਚ ਦੇ ਚੌਥੈ ਦਿਨ ਇੰਗਲੈਂਡ ਨੇ ਪਹਿਲੇ ਸੈਸ਼ਨ ‘ਚ ਚਾਰ ਵਿਕਟਾਂ ਗੁਆਈਆਂ ਪਰ ਦੂਸਰੇ ਸੈਸ਼ਨ ‘ਚ ਭਾਰਤ ਨੂੰ ਕੋਈ ਵਿਕਟ ਨਹੀਂ ਮਿਲੀ ਆਖ਼ਰੀ ਸੈਸ਼ਨ ‘ਚ ਬੁਮਰਾਹ ਦੇ ਕਹਿਰ ਨਾਲ ਭਾਰਤ ਨੇ ਪੰਜ ਵਿਕਟਾਂ ਕੱਢੀਆਂ ਦੋਵਾਂ ਦੇਸ਼ਾਂ ਦਰਮਿਆਨ ਚੌਥਾ ਟੈਸਟ ਸਾਊਥੈਂਪਟਨ ‘ਚ 30 ਅਗਸਤ ਤੋਂ ਖੇਡਿਆ ਜਾਵੇਗਾ ਜਿੱਥੇ ਭਾਰਤ ਦਾ ਟੀਚਾ ਲੜੀ ‘ਚ 2-2 ਦੀ ਬਰਾਬਰੀ ਹਾਸਲ ਕਰਨਾ ਹੋਵੇਗਾ।

ਪੰਤ ‘ਤੇ ਟਿੱਪਣੀ ਕਰਨ ‘ਤੇ ਬ੍ਰਾੱਡ ਨੂੰ ਜੁਰਮਾਨਾ | Cricket News

ਭਾਰਤੀ ਵਿਕਟਕੀਪਰ ਰਿਸ਼ਭ ਪੰਤ ਨੂੰ ਤੀਸਰੇ ਕ੍ਰਿਕਟ ਟੈਸਟ ਦੌਰਾਨ ਭਾਰਤ ਦੀ ਪਹਿਲੀ ਪਾਰੀ ‘ਚ ਆਊਟ ਕਰਨ ਤੋਂ ਬਾਅਦ ਇਤਰਾਜਯੋਗ ਵਤੀਰੇ ਦੇ ਮਾਮਲੇ ‘ਚ ਮੇਜ਼ਬਾਨ ਇੰਗਲੈਂਡ ਕ੍ਰਿਕਟ ਟੀਮ ਦੇ ਤੇਜ਼ ਗੇਂਦਬਾਜ਼ ਸਟੁਅਰਟ ਬ੍ਰਾੱਡ ‘ਤੇ ਮੈਚ ਫੀਸ ਦਾ 15 ਫੀਸਦੀ ਜੁਰਮਾਨਾ ਲਾਇਆ ਗਿਆ ਹੈ। ਟ੍ਰੇਂਟ ਬ੍ਰਿਜ ‘ਚ ਤੀਸਰੇ ਟੈਸਟ ਮੈਚ ਦੇ ਦੂਸਰੇ ਦਿਨ ਭਾਰਤ ਦੀ ਪਹਿਲੀ ਪਾਰੀ ਦੌਰਾਨ ਪੰਤ ਨੂੰ ਆਊਟ ਕਰਨ ਤੋਂ ਬਾਅਦ ਉਸਦੇ ਨਜ਼ਦੀਕ ਜਾ ਕੇ ਕੁਝ ਇਤਰਾਜ਼ਯੋਗ ਟਿੱਪਣੀ ਕੀਤੀ ਸੀ ਬ੍ਰਾੱਡ ਦੇ ਇਸ ਸਲੂਕ ਦੇ ਕਾਰਨ ਉਸਨੂੰ ਡਿਮੈਰਿਟ ਅੰਕ ਵੀ ਦਿੱਤਾ ਗਿਆ ਹੈ। ਬ੍ਰਾੱਡ ‘ਤੇ ਇਹ ਦੋਸ਼ ਮੈਦਾਨ ‘ਚ ਮੌਜ਼ੂਦ ਅੰਪਾਇਰ ਮਰਾਇਸ ਇਰਾਸਮਸ ਅਤੇ ਕ੍ਰਿਸ ਗੈਫੇਨੀ ਨੇ ਲਾਏ ਅਤੇ ਤੀਸਰੇ ਅੰਪਾਇਰ ਅਲੀਮ ਡਾਰ ਨੇ ਇਹਨਾਂ ਦੋਸ਼ਾਂ ਦੀ ਪੁਸ਼ਟੀ ਕੀਤੀ ਬ੍ਰਾੱਡ ਨੇ ਵੀ ਆਪਣੀ ਗਲਤੀ ਮੰਨ ਕੇ ਜੁਰਮਾਨਾ ਭਰਨ ਦੀ ਗੱਲ ਨੂੰ ਮੰਨ ਲਿਆ ਹੈ ਜਿਸ ਤੋਂ ਬਾਅਦ ਉਸ ਵਿਰੁੱਧ ਕੋਈ ਅਧਿਕਾਰਕ ਕਾਰਵਾਈ ਨਹੀਂ ਕੀਤੀ ਜਾਵੇਗੀ। (Cricket News)

ਏਸ਼ੀਆਡ ਤੀਸਰਾ ਦਿਨ : ਭਾਰਤ ਨੇ ਜਿੱਤੇ ਪੰਜ ਤਗਮੇ | Sourav Chaudhary

• ਏਸ਼ੀਆਈ ਰਿਕਾਰਡ ਬਣਾ ਕੇ ਜਿੱਤਿਆ ਸੋਨ | Sourav Chaudhary

ਜਕਾਰਤਾ, (ਏਜੰਸੀ)। ਨੌਜਵਾਨ ਨਿਸ਼ਾਨੇਬਾਜ਼ ਸੌਰਭ ਚੌਧਰੀ ਨੇ 18ਵੀਆਂ ਏਸ਼ੀਆਈ ਖੇਡਾਂ ‘ਚ ਪੁਰਸ਼ਾਂ ਦੀ 10 ਮੀਟਰ ਏਅਰ ਪਿਸਟਲ ਨਿਸ਼ਾਨੇਬਾਜ਼ੀ ਮੁਕਾਬਲੇ ‘ਚ ਦੇਸ਼ ਲਈ ਸੋਨ ਤਗਮਾ ਹਾਸਲ ਕੀਤਾ ਜਦੋਂਕਿ ਇਸ ਮੁਕਾਬਲੇ ‘ਚ ਅਭਿਸ਼ੇਕ ਵਰਮਾ ਨੇ ਵੀ ਪੋਡੀਅਮ ‘ਤੇ ਜਗ੍ਹਾ ਬਣਾਉਂਦੇ ਹੋਏ ਕਾਂਸੀ ਤਗਮਾ ਜਿੱਤਿਆ। 16 ਸਾਲ ਦੇ ਨੌਜਵਾਨ ਨਿਸ਼ਾਨੇਬਾਜ਼ ਨੇ ਜੇਐਸਸੀ ਸ਼ੂਟਿੰਗ ਰੇਂਜ਼ ‘ਚ ਹੋਏ ਫਾਈਨਲ ‘ਚ ਏਸ਼ੀਆਈ ਖੇਡਾਂ ਦਾ ਰਿਕਾਰਡ ਬਣਾਉਂਦੇ ਹੋਏ 240.7 ਅੰਕਾਂ ਨਾਲ ਅੱਵਲ ਸਥਾਨ ਹਾਸਲ ਕੀਤਾ ਅਤੇ ਸੋਨਾ ਜਿੱਤਿਆ ਭਾਰਤ ਲਈ ਇਸ ਮੁਕਾਬਲੇ ‘ਚ ਦੂਸਰਾ ਤਗਮਾ ਅਭਿਸ਼ੇਕ ਨੇ ਜਿੱਤਿਆ 29 ਸਾਲ ਦੇ ਨਿਸ਼ਾਨੇਬਾਜ਼ ਨੇ 219.3 ਅੰਕਾਂ ਨਾਲ ਤੀਸਰਾ ਸਥਾਨ ਹਾਸਲ ਕਰਕੇ ਕਾਂਸੀ ਤਗਮਾ ਜਿੱਤਿਆ ਇਸ ਵਰਗ ਦਾ ਚਾਂਦੀ ਤਗਮਾ ਜਾਪਾਨ ਦੇ ਤੋਮੋਯੂਕੀ ਤਾਤਸੁਦਾ ਨੇ 239.7 ਅੰਕਾਂ ਨਾਲ ਦੂਸਰੇ ਸਥਾਨ ‘ਤੇ ਰਹਿ ਕੇ ਹਾਸਲ ਕੀਤਾ।

ਫਾਈਨਲ ‘ਚ ਸੌਰਭ ਕਾਫ਼ੀ ਸਮੇਂ ਤੱਕ ਵਾਧੇ ਨਾਲ ਦੂਸਰੇ ਸਥਾਨ ‘ਤੇ ਬਣੇ ਰਹੇ ਪਰ ਜਿਵੇਂ ਹੀ ਮਾਤਸੁਦਾ ਨੇ 8.9 ਦਾ ਸ਼ਾੱਟ ਲਾਇਆ ਸੌਰਭ ਨੂੰ ਮਜ਼ਬੂਤ ਵਾਧਾ ਮਿਲ ਗਿਆ ਅਤੇ ਉਸਦੇ ਆਖ਼ਰੀ ਪਲਾਂ ‘ਚ 10.2 ਦੇ ਸ਼ਾੱਟ ਦੇ ਨਾਲ ਉਹ ਸਿਖ਼ਰ ‘ਤੇ ਆ ਗਿਆ ਇਸ ਤੋਂ ਪਹਿਲਾਂ ਕੁਆਲੀਫਿਕੇਸ਼ਨ ਗੇੜ ‘ਚ ਵੀ ਸੌਰਭ ਨੇ ਲਾਜਵਾਬ ਪ੍ਰਦਰਸ਼ਨ ਕੀਤਾ ਸੀ ਅਤੇ ਉਹ 586 ਦੇ ਸਭ ਤੋਂਜ਼ਿਆਦਾ ਦੇ ਸਕੋਰ ਨਾਲ ਅੱਵਲ ਰਿਹਾ ਸੀ ਜਦੋਂਕਿ ਅਭਿਸ਼ੇਕ ਨੇ 580 ਅੰਕਾਂ ਨਾਲ ਛੇਵੇਂ ਸਥਾਨ ‘ਤੇ ਰਹਿ ਕੇ ਫਾਈਨਲ ਲਈ ਕੁਆਲੀਫਾਈ ਕੀਤਾ ਸੀ ਇਸ ਤਰ੍ਹਾਂ ਇਸ ਈਵੇਂਟ ‘ਚ ਨਿੱਤਰੇ ਦੋਵੇਂ ਭਾਰਤੀਆਂ ਨੇ ਭਾਰਤ ਲਈ ਪਦਕ ਜਿੱਤੇ। (Sourav Chaudhary)

ਸੀਨੀਅਰ ਪੱਧਰ ‘ਤੇ ਦੋਵਾਂ ਦਾ ਪਹਿਲਾ ਤਗਮਾ | Sourav Chaudhary

ਮੇਰਠ ਦੇ ਸੌਰਭ ਨੇ ਇਸ ਦੇ ਨਾਲ 18ਵੀਆਂ ਏਸ਼ੀਆਈ ਖੇਡਾਂ ‘ਚ ਭਾਰਤ ਨੂੰ ਨਿਸ਼ਾਨੇਬਾਜ਼ੀ ‘ਚ ਪਹਿਲਾ ਸੋਨ ਤਗਮਾ ਦਿਵਾਇਆ ਜਦੋਂਕਿ ਏਸ਼ੀਆਈ ਖੇਡਾਂ ਦੇ ਇਤਿਹਾਸ ‘ਚ ਇਹ ਭਾਰਤ ਦਾ ਕੁੱਲ ਅੱਠਵਾਂ ਨਿਸ਼ਾਨੇਬਾਜ਼ੀ ਸੋਨ ਤਗਮਾ ਹੈ ਉੱਥੇ ਸੀਨੀਅਰ ਪੱਧਰ ‘ਤੇ ਨੌਜਵਾਨ ਨਿਸ਼ਾਨੇਬਾਜ਼ ਦਾ ਇਹ ਪਹਿਲਾ ਤਗਮਾ ਹੈ ਉਹ ਇਸ ਤੋਂ ਪਹਿਲਾਂ ਸਾਲ 2017 ਦੇ ਏਸ਼ੀਅਨ ਚੈਂਪੀਅਨਸ਼ਿਪ ‘ਚ 10 ਮੀਟਰ ਏਅਰ ਪਿਸਟਲ ਵਰਗ ‘ਚ ਚੌਥੇ ਸਥਾਨ ‘ਤੇ ਰਿਹਾ ਸੀ ਪੇਸ਼ੇ ਦੇ ਵਕੀਲ ਅਭਿਸ਼ੇਕ ਲਈ ਵੀ ਇਹ ਕਿਸੇ ਵੱਡੇ ਅੰੰਤਰਰਾਸ਼ਟਰੀ ਪੱਧਰ ‘ਤੇ ਸ਼ੁਰੂਆਤ ਹੈ, ਜਿਸ ਨੇ ਪਹਿਲਾਂ ਕਦੇ ਨਿਸ਼ਾਨੇਬਾਜ਼ੀ ਵਿਸ਼ਵ ਕੱਪ ‘ਚ ਵੀ ਹਿੱਸਾ ਨਹੀਂ ਲਿਆ।

ਭਾਰਤ ਨੂੰ ਪਹਿਲੀ ਵਾਰ ਇਸ ਈਵੇਂਟ ‘ਚ ਸੋਨ ਤਗਮਾ

ਭਾਰਤ ਲਈ ਇਹ ਤਗਮਾ ਇਸ ਲਈ ਵੀ ਅਹਿਮ ਹੈ ਕਿਉਂਕਿ ਇਸ ਵਰਗ ‘ਚ ਹੁਣ ਤੱਕ ਸਿਰਫ਼ 2010 ‘ਚ ਗਵਾਂਗਝੂ ਖੇਡਾਂ ‘ਚ ਹੀ ਭਾਰਤ ਦੇ ਵਿਜੇ ਕੁਮਾਰ ਨੇ ਕਾਂਸੀ ਤਗਮਾ ਜਿੱਤਿਆ ਸੀ ਸੌਰਭ ਅਤੇ ਅਭਿਸ਼ੇਕ ਨੇ ਰਾਸ਼ਟਰੀ ਚੋਣ ਟਰਾਇਲ ‘ਚ ਤਜ਼ਰਬੇਕਾਰ ਜੀਤੂ ਰਾਏ ਅਤੇ ਓਮ ਮਿਥਰਵਾਲ ਨੂੰ ਮਾਤ ਦਿੰਦੇ ਹੋਏ ਖੇਡਾਂ ਲਈ ਭਾਰਤੀ ਦਲ ‘ਚ ਜਗ੍ਹਾ ਬਣਾਈ ਸੀ ਏਸ਼ੀਆਈ ਖੇਡਾਂ ‘ਚ ਸਾਲ 1974 ਦੀਆਂ ਤਹਿਰਾਨ ਖੇਡਾਂ ‘ਚ ਨਿਸ਼ਾਨੇਬਾਜ਼ੀ ਦੀ ਇਸ ਈਵੇਂਟ ਨੂੰ ਸ਼ਾਮਲ ਕੀਤਾ ਗਿਆ ਸੀ ਅਤੇ ਖੇਡਾਂ ਦੇ ਆਖ਼ਰੀ 11 ਸੰਸਕਰਨਾਂ ‘ਚ ਚੀਨ ਨੇ ਇਸ ਵਿੱਚ ਸਭ ਤੋਂ ਜ਼ਿਆਦਾ ਸੱਤ ਤਗਮੇ ਜਿੱਤੇ ਹਨ ਜਦੋਂਕਿ ਕੋਰੀਆ ਨੇ ਦੋ ਅਤੇ ਜਾਪਾਨ ਅਤੇ ਉੱਤਰੀ ਕੋਰੀਆ ਦੇ ਕੋਲ ਇੱਕ-ਇੱਕ ਤਗਮਾ ਹੈ ਪਰ ਇਸ ਸੂਚੀ ‘ਚ ਹੁਣ ਭਾਰਤ ਦਾ ਨਾਂਅ ਵੀ ਜੁੜ ਗਿਆ ਹੈ।

ਕੁਆਲੀਫਿਕੇਸ਼ਨ ‘ਚ ਚੈਂਪੀਅਨ ਨੂੰ ਪਿੱਛੇ ਛੱਡਿਆ

ਕੁਆਲੀਫਿਕੇਸ਼ਨ ‘ਚ ਸੌਰਭ ਨੇ 40 ਤਜ਼ਰਬੇਕਾਰ ਨਿਸ਼ਾਨੇਬਾਜ਼ਾਂ ਦੀ ਫੀਲਡ ‘ਚ ਗੇਮਜ਼ ਰਿਕਾਰਡ ਬਣਾਉਂਦੇ ਹੋਏ ਪਹਿਲਾ ਸਥਾਨ ਬਣਾਇਆ ਅਤੇ ਉਹ ਸਾਬਕਾ ਓਲੰਪਿਕ ਚੈਂਪੀਅਨ ਕੋਰੀਆ ਦੇ ਜਿਨ ਜੋਂਗੋਹ ਤੋਂ ਦੋ ਅੰਕ ਅੱਗੇ ਰਹੇ ਸੌਰਭ ਨੇ ਇਸ ਤੋਂ ਪਹਿਲਾਂ ਇਸ ਵਰਗ ‘ਚ ਜਰਮਨੀ ‘ਚ ਆਈਐਸਐਸਐਫ ਜੂਨੀਅਰ ਵਿਸ਼ਵ ਕੱਪ ‘ਚ 243.7 ਅੰਕਾਂ ਨਾਲ ਵਿਸ਼ਵ ਰਿਕਾਰਡ ਬਣਾਉਂਦੇ ਹੋਏ ਸੋਨ ਤਗਮਾ ਜਿੱਤਿਆ ਸੀ।

ਸੌਰਭ ਨੂੰ ਮਿਲਣਗੇ 50 ਲੱਖ ਅਤੇ ਨੌਕਰੀ

ਉੱਤਰ ਪ੍ਰਦੇਸ਼ ਦੇ ਮੁੱਖਮੰਤਰੀ ਯੋਗੀ ਅਦਿਤਿਆਨਾਥ ਨੇ ਸੋਨ ਤਗਮਾ ਜਿੱਤਣ ਵਾਲੇ ਸੌਰਭ ਚੌਧਰੀ ਲਈ 50 ਲੱਖ ਰੁਪਏ ਨਗਦ ਇਨਾਮ ਦਾ ਐਲਾਨ ਕੀਤਾ ਮੁੱਖਮਤਰੀ ਨੇ ਸੌਰਭ ਨੂੰ ਵਧਾਈ ਦਿੰਦੇ ਹੋਏ ਕਿਹਾ ਕਿ ਰਾਜ ਸਰਕਾਰ ਸੌਰਭ ਨੂੰ 50 ਲੱਖ ਰੁਪਏ ਦੇ ਨਗਦ ਇਨਾਮ ਦੇ ਨਾਲ ਰਾਜ ਪੱਧਰ ਦੇ ਅਹੁਦੇ ਦੀ ਨੌਕਰੀ ਦਾ ਵਾਅਦਾ ਕਰਦੀ ਹੈ।

ਨਹੀਂ ਸਮਝ ਆਉਂਦੀ ਸੀ ਕੋਚ ਦੀ ਭਾਸ਼ਾ | Sourav Chaudhary

ਮੇਰਠ ਜਕਾਰਤਾ ਏਸ਼ੀਆਈ ਖੇਡਾਂ ‘ਚ ਭਾਰਤ ਨੂੰ ਸੋਨ ਤਗਮੇ ਨਾਲ ਮਾਣ ਦਿਵਾਉਣ ਵਾਲੇ ਬਾਗਪਤ ਦੇ ਖਪਰਾਨਾ ‘ਚ 9ਵੀਂ ਦੀ ਪੜ੍ਹਾਈ ਪੂਰੀ ਕਰ ਚੁੱਕੇ ਮੇਰਠ ਦੇ ਕਲੀਨਾ ਪਿੰਡ ਦੇ ਸੌਰਭ ਚੌਧਰੀ ਨੂੰ ਇੰਡੀਆ ਕੈਂਪ ‘ਚ ਆਪਣੀ ਸਿਖ਼ਲਾਈ ਦੌਰਾਨ ਅੰਗਰੇਜ਼ ਕੋਚ ਦੀ ਭਾਸ਼ਾ ਨਹੀਂ ਸਮਝ ਆਉਂਦੀ ਸੀ ਸਟਾਰ ਸ਼ੂਟਰ ਜੀਤੂ ਰਾਏ ਦੇ ਸਥਾਨ ‘ਤੇ ਜਕਾਰਤਾ ਏਸ਼ੀਆਈ ਖੇਡ ਦਲ ‘ਚ ਸ਼ਾਮਲ ਸੌਰਭ ਦਾ ਧਿਆਨ ਸਿਰਫ਼ ਅੰਗਜੇਜ਼ ਕੋਚ ਦੇ ਹਾਵ-ਭਾਵ ‘ਤੇ ਰਹਿੰਦਾ ਸੀ ਇਕਾਗਰ ਹੋ ਕੇ ਸਮਝਣ ਵਾਲੇ ਸੌਰਭ ਨੇ ਆਪਣੀ ਇਕਾਗਰਤਾ ਦੇ ਦਮ ‘ਤੇ ਸਾਬਤ ਕਰ ਦਿੱਤਾ ਕਿ ਹੁਨਰ ਕਿਸੇ ਭਾਸ਼ਾ ਦਾ ਮੋਹਤਾਜ਼ ਨਹੀਂ ਹੁੰਦਾ ਅਰਜੁਨ ਵਾਂਗ ਨਿਸ਼ਾਨੇ ‘ਤੇ ਨਜ਼ਰ ਰੱਖਣ ਵਾਲੇ ਸੌਰਭ ਨੇ ਕੋਚ ਦੇ ਭਾਵਾਂ ਨੂੰ ਸਮਝਦੇ ਹੋਏ ਦਿੱਲੀ ਦੀ ਕਰਣੀ ਸਿੰਘ ਸ਼ੂਟਿੰਗ ਰੇਂਜ਼ ‘ਚ ਨਿਸ਼ਾਨੇਬਾਜ਼ੀ ਦੀ ਧਾਰ ਤਿੱਖੀ ਕੀਤੀ ਹਾਲਾਂਕਿ ਦੂਸਰੇ ਕੋਚ ਭਾਰਤ ਦੇ ਸ਼ੂਟਰ ਰਹੇ ਜਸਪਾਲ ਰਾਣਾ ਨੇ ਵੀ ਉਸਦੀ ਮੱਦਦ ਕੀਤੀ ਖੇਡ ਪੰਡਿਤਾਂ ਦੀ ਮੰਨੀਏ ਤਾਂ ਅਜਿਹੀ ਇਗਾਗਰਤਾ ਦਾ ਸ਼ੂਟਰ ਦੇਸ਼ ਭਰ ‘ਚ ਨਹੀਂ ਹੈ। (Sourav Chaudhary)

ਅਪਰੈਲ 2015 ਤੋਂ ਬਿਨੌਲੀ ਸ਼ੂਟਿੰਗ ਰੇਂਜ਼ ਤੋਂ ਸ਼ੂਟਿੰਗ ਕਰਨ ਵਾਲੇ ਸੌਰਭ ਦੇ ਕਿਸਾਨ ਪਰਿਵਾਰ ਲਈ ਇਸ ਮਹਿੰਗੀ ਖੇਡ ਦਾ ਖ਼ਰਚ ਚੁੱਕਣਾ ਮੁਸ਼ਕਲ ਸੀ ਪਰ ਸੌਰਭ ਦੀ ਲਗਨ ਦੇਖ ਕੇ ਉਹਨਾਂ ਪੰਜ ਮਹੀਨੇ ਬਾਅਦ ਪਿਸਟਲ ਖ਼ਰੀਦ ਦਿੱਤੀ ਸੌਰਭ ਦਾ ਪੜ੍ਹਾਈ ‘ਚ ਭਾਵੇਂ ਦਿਲ ਨਹੀਂ ਲੱਗਾ, ਪਰ ਤਗਮੇ ਲਈ ਦਿਲ ਲਾਉਣ ‘ਚ ਨਹੀਂ ਖੁੰਝੇ ਸੌਰਭ ਦੇ ਭਰਾ ਨਿਤਿਨ ਨੇ ਦੱਸਿਆ ਕਿ ਸੌਰਭ ਸਿਰਫ਼ ਖੇਡ ਲਈ ਹੀ ਬਣਿਆ ਹੈ ਉਹ ਅੱਠ-ਅੱਠ ਘੰਟੇ ਇਕਾਗਰਤਾ ਨਾਲ ਅਭਿਆਸ ਕਰਦਾ ਹੈ।