ਕਾਠਮੰਡੂ (ਸੱਚ ਕਹੂੰ ਨਿਊਜ਼/ਹਿੰ.ਸ.)। ਚੀਨ ਦੇ ਨਿਆਲਮ ਸਥਿਤ ਝੀਂਮੂ ਪੋਸਟ ਦੇ ਨੇੜੇ ਵੀਰਵਾਰ ਨੂੰ ਵੱਡੇ ਪੱਧਰ ’ਤੇ ਜ਼ਮੀਨ ਖਿਸਕਣ ਕਾਰਨ ਨੇਪਾਲ ’ਚ ਭੋਟੇਕੋਸ਼ੀ ਨਦੀ ਦੇ ਵਹਾਅ ’ਚ ਵਿਘਨ ਪਿਆ ਹੈ। ਨਦੀ ਦਾ ਲਗਭਗ ਅੱਧਾ ਹਿੱਸਾ ਬੰਦ ਹੋ ਗਿਆ ਹੈ। ਸਿੰਧੂਪਾਲਚੋਕ ਜ਼ਿਲ੍ਹਾ ਪੁਲਿਸ ਦਫ਼ਤਰ ਅਨੁਸਾਰ, ਵੀਰਵਾਰ ਨੂੰ ਭੋਟੇਕੋਸ਼ੀ ਪਿੰਡ ਨਗਰਪਾਲਿਕਾ ’ਚ ਲਿਪਿੰਗ ਦੇ ਸਾਹਮਣੇ ਚੀਨੀ ਖੇਤਰ ’ਚ ਪੱਥਰਾਂ ਤੇ ਮਿੱਟੀ ਨਾਲ ਜੁੜਿਆ ਵੱਡਾ ਜ਼ਮੀਨ ਖਿਸਕ ਗਿਆ। ਇਸ ਨਾਲ ਚੀਨ ਤੋਂ ਨੇਪਾਲ ਵੱਲ ਵਗਣ ਵਾਲੀ ਭੋਟੇਕੋਸ਼ੀ ਨਦੀ ਦੇ ਵਹਾਅ ’ਚ ਰੁਕਾਵਟ ਆਈ ਹੈ। ਪੁਲਿਸ ਨੇ ਚੇਤਾਵਨੀ ਦਿੱਤੀ ਹੈ ਕਿ ਨਦੀ ਦੇ ਵਹਾਅ ਵਿੱਚ ਵਿਘਨ ਕਿਸੇ ਵੀ ਸਮੇਂ ਅਚਾਨਕ ਹੜ੍ਹ ਜਾਂ ਹੋਰ ਆਫ਼ਤਾਂ ਦਾ ਕਾਰਨ ਬਣ ਸਕਦਾ ਹੈ। ਸੰਭਾਵੀ ਖ਼ਤਰੇ ਦੇ ਮੱਦੇਨਜ਼ਰ, ਭੋਟੇਕੋਸ਼ੀ, ਬਾਹਰਾਬੀਸੇ ਤੇ ਬਲੇਫੀ ਪਿੰਡ ਨਗਰਪਾਲਿਕਾਵਾਂ ’ਚ ਨਦੀ ਦੇ ਕੰਢੇ ਰਹਿਣ ਵਾਲੇ ਵਸਨੀਕਾਂ ਨੂੰ ਚੌਕਸ ਰਹਿਣ ਤੇ ਜ਼ਰੂਰੀ ਸਾਵਧਾਨੀਆਂ ਵਰਤਣ ਦੀ ਅਪੀਲ ਕੀਤੀ ਗਈ ਹੈ।

ਇਹ ਵੀ ਪੜ੍ਹੋ : Malerkotla News: ਅਜ਼ਾਦੀ ਦਿਵਸ ਦੇ ਮੱਦੇਨਜ਼ਰ ਮਾਲੇਰਕੋਟਲਾ ਪੁਲਿਸ ਵੱਲੋਂ ਫਲੈਗ ਮਾਰਚ