Pistachio Benefits For Heart: ਪਿਸਤਾ ਜੋ ਕਦੇ-ਕਦੇ ਸਾਡੇ ਸਵਾਦ ਨੂੰ ਵਧਾਉਣ ਦੇ ਰੂਪ ’ਚ ਮੰਨਿਆ ਜਾਂਦਾ ਹੈ, ਇਹ ਸਿਰਫ ਸਾਡੇ ਟੈਸਟ ਵਧਾਉਣ ਲਈ ਹੀ ਨਹੀਂ ਹੈ ਸਗੋਂ ਇਹ ਛੋਟੇ ਹਰੇ ਰਤਨਾਂ ਵਿੱਚ ਦਿਲ ਦੀ ਸੁਰੱਖਿਆ ਤੋਂ ਲੈ ਕੇ ਦਿਮਾਗ ਅਤੇ ਹੱਡੀਆਂ ਦੀ ਸਿਹਤ ਸਮੇਤ ਬਹੁਤ ਸਾਰੇ ਸਿਹਤ ਲਾਭ ਪ੍ਰਦਾਨ ਕਰਦੇ ਹਨ।

1. ਦਿਲ ਦੀ ਸਿਹਤ: ਪਿਸਤਾ ਦੀ ਇਕ ਵਿਸ਼ੇਸ਼ਤਾ ਦਿਲ ਦੀ ਸਿਹਤ ‘ਤੇ ਉਨ੍ਹਾਂ ਦਾ ਸਕਾਰਾਤਮਕ ਪ੍ਰਭਾਵ ਹੈ। ਮੋਨੋਅਨਸੈਚੁਰੇਟਿਡ ਅਤੇ ਪੌਲੀਅਨਸੈਚੁਰੇਟਿਡ ਚਰਬੀ ਨਾਲ ਭਰਪੂਰਤਾ ਦੇ ਨਾਲ, ਇਹ ਬੁਰੇ ਕੋਲੇਸਟ੍ਰੋਲ (ਐਚਡੀਐਲ) ਦੇ ਪੱਧਰ ਨੂੰ ਘੱਟ ਕਰਨ ’ਚ ਮੱਦਦ ਕਰਦਾ ਹੈ। ਜਦੋਂਕਿ ਚੰਗੇ ਕੋਲੇਸਟ੍ਰੋਲ (ਐਚਡੀਐਲ) ਦੇ ਪੱਧਰ ਨੂੰ ਵਧਾਉਂਦਾ ਹੈ। ਇਸ ਤੋਂ ਇਲਾਵਾ, ਪਿਸਤਾ ਵਿਚ ਲੂਟੀਨ ਅਤੇ ਜ਼ੈਕਸਨਥਿਨ ਵਰਗੇ ਐਂਟੀਆਕਸੀਡੈਂਟ ਵੀ ਹੁੰਦੇ ਹਨ, ਜੋ ਕੋਲੇਸਟ੍ਰੋਲ ਦੇ ਆਕਸੀਡੇਸ਼ਨ ਨੂੰ ਰੋਕਣ ਵਿਚ ਭੂਮਿਕਾ ਨਿਭਾਉਂਦੇ ਹਨ, ਦਿਲ ਦੀ ਬਿਮਾਰੀ ਦੇ ਜੋਖਮ ਨੂੰ ਘਟਾਉਣ ਵਿਚ ਮਦਦ ਕਰਦੇ ਹਨ। Pistachio Benefits For Heart

2. ਦਿਮਾਗ਼ ਬੂਸਟ: ਪਿਸਤਾ ਦੀ ਦਿਮਾਗ਼ ਨੂੰ ਬੂਸਟਿੰਗ ਦੇਣ ਦੀ ਸਮਰੱਥਾ ਉਹਨਾਂ ਵਿੱਚ ਭਰਪੂਰ ਮਾਤਰਾ ਵਿੱਚ ਪੌਸ਼ਟਿਕ ਤੱਤਾਂ ਵਿੱਚ ਹੈ। ਇਹ ਨਟਸ ਵਿਟਾਮਿਨ ਬੀ 6 ਦਾ ਇੱਕ ਚੰਗਾ ਸਰੋਤ ਹਨ, ਜੋ ਬੋਧਾਤਮਕ ਵਿਕਾਸ ਅਤੇ ਕਾਰਜ ਵਿੱਚ ਸਹਾਇਤਾ ਕਰਦਾ ਹੈ। ਇਸ ਤੋਂ ਇਲਾਵਾ, ਪਿਸਤਾ ਵਿੱਚ ਗਾਮਾ-ਟੋਕੋਫੇਰੋਲ ਵੀ ਹੁੰਦਾ ਹੈ, ਜੋ ਕਿ ਸੁਧਰੀ ਬੋਧਾਤਮਕ ਯੋਗਤਾਵਾਂ ਅਤੇ ਸੁਧਰੀ ਯਾਦਦਾਸ਼ਤ ਅਤੇ ਸਮੁੱਚੇ ਦਿਮਾਗ ਦੀ ਸਿਹਤ ਨਾਲ ਜੁੜਿਆ ਹੋਇਆ ਹੈ।

ਇਹ ਵੀ ਪੜ੍ਹੋ: Canada PR : ਕੈਨੇਡਾ ਸਰਕਾਰ ਭਾਰਤੀ ਵਿਦਿਆਰਥੀਆਂ ਨੂੰ ਜ਼ਮੀਨ ਦੇ ਨਾਲ-ਨਾਲ ਹੁਨਰਮੰਦਾਂ ਨੂੰ ਨੌਕਰੀ ਵੀ ਦੇ ਰਹੀ ਹੈ ਮੁਫ਼ਤ …

3. ਹੱਡੀਆਂ ਦੀ ਮਜ਼ਬੂਤੀ: ਪਿਸਤਾ ਸਵਾਦ ਨੂੰ ਵੀ ਵਧਾਉਂਦਾ ਹੈ ਅਤੇ ਸਿਹਤਮੰਦ ਹੱਡੀਆਂ ਨੂੰ ਬਣਾਈ ਰੱਖਣ ਲਈ ਫਾਇਦੇਮੰਦ ਹੁੰਦਾ ਹੈ। ਉਹ ਫਾਸਫੋਰਸ, ਕੈਲਸ਼ੀਅਮ ਅਤੇ ਮੈਗਨੀਸ਼ੀਅਮ ਨਾਲ ਭਰਪੂਰ ਹੁੰਦੇ ਹਨ, ਜੋ ਹੱਡੀਆਂ ਦੇ ਖਣਿਜ ਬਣਾਉਣ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੇ ਹਨ। ਆਪਣੀ ਖੁਰਾਕ ਵਿੱਚ ਪਿਸਤਾ ਸ਼ਾਮਲ ਕਰਨ ਨਾਲ ਹੱਡੀਆਂ ਨਾਲ ਸਬੰਧਤ ਸਮੱਸਿਆਵਾਂ ਨੂੰ ਰੋਕਣ ਵਿੱਚ ਮੱਦਦ ਮਿਲ ਸਕਦੀ ਹੈ, ਜਿਵੇਂ ਕਿ ਓਸਟੀਓਪੋਰੋਸਿਸ, ਅਤੇ ਤੁਹਾਡੀ ਪਿੰਜਰ ਪ੍ਰਣਾਲੀ ਦੀ ਸਮੁੱਚੀ ਖੁਸ਼ਹਾਲੀ ਵਿੱਚ ਯੋਗਦਾਨ ਪਾ ਸਕਦਾ ਹੈ।

4. ਭਾਰ ਪ੍ਰਬੰਧਨ: ਗਿਰੀਦਾਰ ਅਤੇ ਭਾਰ ਵਧਾਉਣ ਬਾਰੇ ਆਮ ਗਲਤ ਧਾਰਨਾਵਾਂ ਦੇ ਵਿਰੁੱਧ, ਪਿਸਤਾ ਭਾਰ ਪ੍ਰਬੰਧਨ ਵਿੱਚ ਇੱਕ ਬੇਹੱਦ ਸਹਾਇਕ ਹੋ ਸਕਦਾ ਹੈ। ਪ੍ਰੋਟੀਨ, ਫਾਈਬਰ ਅਤੇ ਸਿਹਤਮੰਦ ਚਰਬੀ ਦਾ ਉਹਨਾਂ ਦਾ ਸੁਮੇਲ ਇੱਕ ਭਰਨ ਵਾਲਾ ਸਨੈਕ ਬਣਾਉਂਦਾ ਹੈ ਜੋ ਭੁੱਖ ਨੂੰ ਕੰਟਰੋਲ ਕਰਨ ਵਿੱਚ ਮੱਦਦ ਕਰਦਾ ਹੈ। ਪਿਸਤਾ ਨੂੰ ਆਪਣੀ ਡਾਈਟ ‘ਚ ਸ਼ਾਮਲ ਕਰਨ ਨਾਲ ਭਾਰ ਨੂੰ ਕੰਟਰੋਲ ਕਰਨ ‘ਚ ਵੀ ਮੱਦਦ ਮਿਲ ਸਕਦੀ ਹੈ। ਪਿਸਤਾ ਨੂੰ ਖਾਣ ਦੀ ਕਿਰਿਆ ਵੀ ਖਾਣੇ ’ਚ ਇੱਕ ਸੰਵੇਦਨਸ਼ੀਲ ਆਯਾਮ ਜੋੜ ਸਕਦੀ ਹੈ, ਜਿਸ ਨਾਲ ਸੰਵੇਦਨਸ਼ੀਲ ਖਪਤ ਅਤੇ ਕੁੱਲ ਕੈਲੋਰੀਆਂ ਨੂੰ ਸਾਂਝਾ ਕੀਤਾ ਜਾ ਸਕਦਾ ਹੈ।

5. ਐਂਟੀਆਕਸੀਡੈਂਟ ਸ਼ਕਤੀ: ਪਿਸਤਾ ਵਿੱਚ ਇੱਕ ਵਿਲੱਖਣ ਐਂਟੀਆਕਸੀਡੈਂਟ ਰੂਪ ਹੁੰਦਾ ਹੈ, ਜਿਵੇਂ ਕਿ ਵਿਟਾਮਿਨ ਈ, ਜੋ ਸਰੀਰ ਵਿੱਚ ਆਕਸੀਡੇਟਿਵ ਤਣਾਅ ਨਾਲ ਲੜਦਾ ਹੈ। ਇਹ ਐਂਟੀਆਕਸੀਡੈਂਟ ਮੁਕਦਰਸ ਰੈਡੀਕਲਸ ਨੂੰ ਖਤਮ ਕਰਨ, ਸੋਜਸ਼ ਨੂੰ ਘਟਾਉਣ ਅਤੇ ਸਮੁੱਚੀ ਸੈਲੂਲਰ ਸਿਹਤ ਵਿੱਚ ਯੋਗਦਾਨ ਪਾਉਣ ਵਿੱਚ ਮਹੱਤਵਪੂਰਣ ਭੂਮਿਕਾ ਨਿਭਾਉਂਦੇ ਹਨ। Pistachio Benefits For Heart

ਸਿੱਟਾ: ਆਪਣੀ ਖੁਰਾਕ ਵਿੱਚ ਪਿਸਤਾ ਸ਼ਾਮਲ ਕਰਨਾ ਤੁਹਾਡੀ ਸਮੁੱਚੀ ਸਿਹਤ ਨੂੰ ਵਧਾਉਣ ਦਾ ਇੱਕ ਸੁਆਦੀ ਤਰੀਕਾ ਹੋ ਸਕਦਾ ਹੈ। ਦਿਲ ਤੋਂ ਦਿਮਾਗ ਅਤੇ ਹੱਡੀਆਂ ਦੀ ਸੁਰੱਖਿਆ ਲਈ, ਪਿਸਤਾ ਦੇ ਪੌਸ਼ਟਿਕ ਲਾਭ ਇੱਕ ਸੰਤੁਲਿਤ ਅਤੇ ਸੰਪੂਰਨ ਖੁਰਾਕ ਵਿੱਚ ਮਹੱਤਵਪੂਰਣ ਯੋਗਦਾਨ ਪਾਉਂਦੇ ਹਨ। ਇਸ ਲਈ, ਅਗਲੀ ਵਾਰ ਜਦੋਂ ਤੁਸੀਂ ਸਨੈਕ ਲਈ ਬਾਹਰ ਨਿਕਲਦੇ ਹੋ, ਤਾਂ ਆਪਣੇ ਆਪ ਨੂੰ ਨਾ ਸਿਰਫ਼ ਤੁਹਾਡੀਆਂ ਲਾਲਸਾਵਾਂ ਨੂੰ ਸੰਤੁਸ਼ਟ ਕਰਨ ਬਾਰੇ ਸੋਚੋ, ਸਗੋਂ ਤੁਸੀਂ ਆਪਣੀ ਭਲਾਈ ਵਿੱਚ ਵੀ ਨਿਵੇਸ਼ ਕਰ ਰਹੇ ਹੋ।

ਐਂਟੀਆਕਸੀਡੈਂਟ ਸ਼ਕਤੀ ਨਾਲ ਭਰਪੂਰ (Pistachio Benefits For Heart)

• ਵਿਟਾਮਿਨ ਅਤੇ ਪੌਸ਼ਟਿਕ ਤੱਤ ਦੀ ਮਾਤਰਾ ਇਸ ˆਚ ਭਰਪੂਰ
• ਖਰਾਬ ਕੋਲੈਸਟ੍ਰੋਲ ਨੂੰ ਰੋਕਦਾ ਹੈ
• ਹੱਡੀਆਂ ਨੂੰ ਮਜ਼ਬੂਤ ​​ਕਰਦਾ ਹੈ
• ਦਿਲ, ਦਿਮਾਗ, ਹੱਡੀਆਂ ਦੀ ਰੱਖਿਆ ਕਰਦਾ ਹੈ।
  ਡਾ. ਮਾਧਵੀ ਇੰਸਾਂ
  ਅੰਤਰਰਾਸ਼ਟਰੀ ਸਿੱਖਿਆ ਮਾਹਰ.
  ਕੋਟਾ (ਰਾਜਸਥਾਨ)

ਬੇਦਾਅਵਾ: ਲੇਖ ਵਿੱਚ ਦਿੱਤੀ ਗਈ ਜਾਣਕਾਰੀ ਤੁਹਾਡੀ ਆਮ ਜਾਣਕਾਰੀ ਲਈ ਦਿੱਤੀ ਗਈ ਹੈ, ਇਹ ਕਿਸੇ ਇਲਾਜ ਦਾ ਬਦਲ ਨਹੀਂ ਹੋ ਸਕਦੀ। ਵਧੇਰੇ ਜਾਣਕਾਰੀ ਲਈ, ਤੁਸੀਂ ਆਪਣੇ ਡਾਕਟਰ ਨਾਲ ਸੰਪਰਕ ਕਰ ਸਕਦੇ ਹੋ ਜਾਂ ਕਿਸੇ ਮਾਹਰ ਤੋਂ ਸਲਾਹ ਲੈ ਸਕਦੇ ਹੋ।

ਅੱਜ ਦੇ ਸਮੇਂ ’ਚ ਸਾਡੀਆਂ ਖਾਣ-ਪੀਣ ਦੀਆਂ ਆਦਤਾਂ ਅਜਿਹੀਆਂ ਬਣ ਗਈਆਂ ਹਨ ਕਿ ਨੌਜਵਾਨਾਂ ਨੂੰ ਛੋਟੀ ਉਮਰ ’ਚ ਹੀ ਦਿਲ ਨਾਲ ਜੁੜੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਉਦਾਹਰਣ ਵਜੋਂ, ਹਾਰਟ ਅਟੈਕ, ਹਾਰਟ ਫੇਲ੍ਹ, ਸਟ੍ਰੋਕ ਅਤੇ ਹਾਈ ਬਲੱਡ ਪ੍ਰੈਸ਼ਰ ਵਰਗੀਆਂ ਸਮੱਸਿਆਵਾਂ ਵਧ ਰਹੀਆਂ ਹਨ। ਸ਼ੂਗਰ, ਮੋਟਾਪਾ ਅਤੇ ਨੀਂਦ ਨਾਲ ਜੁੜੀਆਂ ਸਮੱਸਿਆਵਾਂ ਨੂੰ ਵੀ ਦਿਲ ਨਾਲ ਜੋੜਿਆ ਗਿਆ ਹੈ।

ਇਹ ਵੀ ਪੜ੍ਹੋ : ਅੱਖਾਂ ਅਣਮੋਲ ਹਨ, ਇਨ੍ਹਾਂ ਦੀ ਦੇਖਭਾਲ ਬਹੁਤ ਜ਼ਰੂਰੀ

ਇਨ੍ਹਾਂ ਸਾਰਿਆਂ ’ਚੋਂ, ਦਿਲ ਦੀ ਅਸਫਲਤਾ ਇੱਕ ਗੰਭੀਰ ਅਤੇ ਘਾਤਕ ਸਮੱਸਿਆ ਹੈ ਜਿਸ ’ਚ ਦਿਲ ਅਚਾਨਕ ਕੰਮ ਕਰਨਾ ਬੰਦ ਕਰ ਦਿੰਦਾ ਹੈ ਅਤੇ ਲੋੜੀਂਦੀ ਖੂਨ ਆਕਸੀਜਨ ਪੰਪ ਕਰਨ ’ਚ ਅਸਮਰੱਥ ਹੁੰਦਾ ਹੈ। ਜਿਸ ਕਾਰਨ ਦਿਲ ਦੀਆਂ ਮਾਸਪੇਸ਼ੀਆਂ ਕਮਜੋਰ ਹੋ ਜਾਂਦੀਆਂ ਹਨ ਅਤੇ ਇਹ ਠੀਕ ਤਰ੍ਹਾਂ ਕੰਮ ਨਹੀਂ ਕਰ ਪਾਉਂਦੀਆਂ। ਜੇਕਰ ਸਮੇਂ ਸਿਰ ਪਤਾ ਲੱਗ ਜਾਵੇ ਤਾਂ ਇਸ ਤੋਂ ਬਚਿਆ ਜਾ ਸਕਦਾ ਹੈ। ਹਾਰਟ ਫੇਲ ਹੋਣ ਤੋਂ ਪਹਿਲਾਂ ਸਰੀਰ ਕਈ ਸਿਗਨਲ ਦਿੰਦਾ ਹੈ, ਇਨ੍ਹਾਂ ਨੂੰ ਸਮਝ ਕੇ ਹਾਰਟ ਨੂੰ ਫੇਲ ਹੋਣ ਤੋਂ ਬਚਾਇਆ ਜਾ ਸਕਦਾ ਹੈ। (Heart Failure)

ਆਓ ਜਾਣਦੇ ਹਾਂ ਹਾਰਟ ਫੇਲ ਹੋਣ ਦੇ ਲੱਛਣ… | Heart Failure

ਦਿਲ ਦੀ ਧੜਕਣ ਦਾ ਵਾਰ-ਵਾਰ ਵਧਣਾ : ਜਦੋਂ ਵੀ ਤੁਹਾਡਾ ਦਿਲ ਜੋਰ ਨਾਲ ਧੜਕਣਾ ਸ਼ੁਰੂ ਕਰੇ ਤਾਂ ਇਸ ਨੂੰ ਦਿਲ ਦੀ ਧੜਕਣ ਦੀ ਚੇਤਾਵਨੀ ਸਮਝਣਾ ਚਾਹੀਦਾ ਹੈ। ਇਸ ਨੂੰ ਬਿਲਕੁਲ ਵੀ ਨਜ਼ਰਅੰਦਾਜ ਨਾ ਕਰੋ।

ਗਲੇ ’ਚ ਖਰਾਸ਼ ਅਤੇ ਘਬਰਾਹਟ : ਜੇਕਰ ਖਾਂਸੀ ਅਤੇ ਗਲੇ ’ਚ ਖਰਾਸ਼ ਦੀ ਸਮੱਸਿਆ ਲੰਬੇ ਸਮੇਂ ਤੱਕ ਬਣੀ ਰਹੇ ਜਾਂ ਖੰਘ ਦੇ ਨਾਲ ਕਈ ਵਾਰ ਸਫੇਦ ਜਾਂ ਹਲਕਾ ਲਾਲ ਬਲਗਮ ਆ ਜਾਵੇ ਤਾਂ ਇਹ ਵੀ ਹਾਰਟ ਅਟੈਕ ਦਾ ਸੰਕੇਤ ਹੋ ਸਕਦਾ ਹੈ। ਅਜਿਹੇ ’ਚ ਤੁਰੰਤ ਡਾਕਟਰ ਕੋਲ ਜਾਣਾ ਚਾਹੀਦਾ ਹੈ।

ਸਾਹ ਲੈਣ ’ਚ ਤਕਲੀਫ : ਤੁਹਾਨੂੰ ਦੱਸ ਦੇਈਏ ਕਿ ਸਾਹ ਲੈਣ ’ਚ ਤਕਲੀਫ ਹੋਣਾ ਵੀ ਦਿਲ ਦੀ ਅਸਫਲਤਾ ਦਾ ਲੱਛਣ ਮੰਨਿਆ ਜਾਂਦਾ ਹੈ। ਜਦੋਂ ਵੀ ਤੁਹਾਡਾ ਸਰੀਰ ਸਹੀ ਢੰਗ ਨਾਲ ਕਿਰਿਆਸੀਲ ਨਹੀਂ ਹੁੰਦਾ, ਤਾਂ ਸਾਹ ਲੈਣ ’ਚ ਮੁਸ਼ਕਲ ਆਉਂਦੀ ਹੈ। ਇਸ ਨੂੰ ਨਜ਼ਰਅੰਦਾਜ ਨਾ ਕਰੋ, ਨਹੀਂ ਤਾਂ ਸਥਿਤੀ ਵਿਗੜ ਸਕਦੀ ਹੈ।

ਮਤਲੀ ਆਉਣਾ : ਜਦੋਂ ਵੀ ਤੁਹਾਨੂੰ ਭੁੱਖ ਲੱਗਦੀ ਹੈ ਅਤੇ ਦਿਨ ਭਰ ਉਲਟੀਆਂ ਜਾਂ ਮਤਲੀ ਮਹਿਸੂਸ ਹੋਣ ਲੱਗਦੀ ਹੈ, ਤਾਂ ਇਸ ਨੂੰ ਹਲਕੇ ’ਚ ਨਹੀਂ ਲੈਣਾ ਚਾਹੀਦਾ। ਤੁਰੰਤ ਡਾਕਟਰ ਕੋਲ ਜਾਓ ਅਤੇ ਜਾਂਚ ਕਰਵਾਓ। ਕਿਉਂਕਿ ਇਹ ਹਾਰਟ ਫੇਲ ਹੋਣ ਦਾ ਸੰਕੇਤ ਵੀ ਹੋ ਸਕਦਾ ਹੈ।

ਭਾਰ ਵਧਣਾ : ਜੇਕਰ ਤੁਹਾਡੇ ਸਰੀਰ ਦਾ ਭਾਰ ਅਚਾਨਕ ਵਧਣ ਲੱਗ ਜਾਵੇ ਜਾਂ ਕਿਸੇ ਅੰਗ ’ਚ ਸੋਜ ਦਿਖਾਈ ਦੇਣ ਤਾਂ ਤੁਹਾਨੂੰ ਸਾਵਧਾਨ ਰਹਿਣਾ ਚਾਹੀਦਾ ਹੈ। ਕਿਉਂਕਿ ਪੈਰਾਂ, ਗਿੱਟਿਆਂ, ਲੱਤਾਂ ਅਤੇ ਪੇਟ ’ਚ ਸੋਜ ਦੀ ਸਮੱਸਿਆ ਵੀ ਹਾਰਟ ਫੇਲ ਹੋਣ ਦਾ ਸੰਕੇਤ ਹੋ ਸਕਦੀ ਹੈ।

ਇਹ ਵੀ ਪੜ੍ਹੋ : ਪੰਜਾਬ ਦੇ ਰਾਜਪਾਲ ਵੱਲੋਂ ਦੇਸ਼ ਨੂੰ ਵਿਸ਼ਵ ਗੁਰੂ ਬਣਾਉਣ ਦਾ ਸੱਦਾ

ਕਈ ਚੀਜਾਂ ਭੁੱਲਣ ਦੀ ਸਮੱਸਿਆ : ਜੇਕਰ ਤੁਹਾਨੂੰ ਕਈ ਚੀਜਾਂ ਭੁੱਲਣ ਦੀ ਸਮੱਸਿਆ ਹੈ ਅਤੇ ਤੁਹਾਡਾ ਦਿਮਾਗ ਉਲਝਿਆ ਰਹਿੰਦਾ ਹੈ ਅਤੇ ਤੁਹਾਨੂੰ ਆਪਣੇ ਆਪ ਨੂੰ ਵਾਰ-ਵਾਰ ਕੁਝ ਯਾਦ ਕਰਵਾਉਣਾ ਪੈਂਦਾ ਹੈ, ਤਾਂ ਇਹ ਹਾਰਟ ਫੇਲ ਹੋਣ ਦਾ ਸੰਕੇਤ ਮੰਨਿਆ ਜਾਂਦਾ ਹੈ। ਕਿਉਂਕਿ ਜਦੋਂ ਦਿਲ ਖੂਨ ਨੂੰ ਸਹੀ ਢੰਗ ਨਾਲ ਪੰਪ ਨਹੀਂ ਕਰਦਾ, ਤਾਂ ਖੂਨ ਦਿਮਾਗ ਤੱਕ ਸਹੀ ਢੰਗ ਨਾਲ ਨਹੀਂ ਪਹੁੰਚਦਾ। ਅਤੇ ਇਸੇ ਕਾਰਨ ਮਨੁੱਖ ਨੂੰ ਕਈ ਚੀਜਾਂ ਭੁੱਲਣ ਦੀ ਸਮੱਸਿਆ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।

ਥਕਾਵਟ : ਜੇਕਰ ਤੁਸੀਂ ਪੌੜੀਆਂ ਚੜ੍ਹਨ ਅਤੇ ਉਤਰਦੇ ਸਮੇਂ ਥਕਾਵਟ ਮਹਿਸੂਸ ਕਰਦੇ ਹੋ, ਤਾਂ ਤੁਹਾਨੂੰ ਚੌਕਸ ਰਹਿਣਾ ਚਾਹੀਦਾ ਹੈ। ਕਿਉਂਕਿ ਜਦੋਂ ਦਿਲ ਸਹੀ ਢੰਗ ਨਾਲ ਖੂਨ ਪੰਪ ਨਹੀਂ ਕਰਦਾ ਤਾਂ ਇਹ ਸਮੱਸਿਆਵਾਂ ਪੈਦਾ ਹੁੰਦੀਆਂ ਹਨ। ਜਦੋਂ ਵੀ ਤੁਹਾਡੇ ਨਾਲ ਅਜਿਹਾ ਹੁੰਦਾ ਹੈ, ਤੁਰੰਤ ਡਾਕਟਰ ਕੋਲ ਜਾਓ। (Heart Failure)

ਅਕਸਰ ਇਹ ਗੱਲ ਆਮ ਕਹੀ ਜਾਂਦੀ ਹੈ ਕਿ ਸੁਣੋ ਸਭ ਦੀ, ਕਰੋ ਮਨ ਦੀ। ਇਸ ਦਾ ਇਹ ਮਤਲਬ ਹੈ ਕਿ ਕੋਈ ਵੀ ਕੰਮ ਕਰਨ ਤੋਂ ਪਹਿਲਾਂ ਦੂਜਿਆਂ ਦੀ ਸਲਾਹ ਜ਼ਰੂਰ ਲਵੋ, ਤੇ ਫਿਰ ਜੇ ਉਹ ਕੰਮ ਤੁਹਾਡੀ ਰੂਹ ਨੂੰ ਸਕੂਨ ਦੇਵੇਗਾ ਤਾਂ ਕਰੋ। ਕਹਿਣ ਦਾ ਭਾਵ ਹੈ ਕਿ ਆਪਣੇ ਦਿਲ ਦੀ ਜਰੂਰ ਸੁਣੋ। ਕਿਉਂਕਿ ਦਿਲ ਹਮੇਸ਼ਾ ਚੰਗੇ ਜਾਂ ਮਾੜ੍ਹੇ ਕੰਮ ਤੋਂ ਪਹਿਲਾਂ ਗਵਾਹੀ ਜ਼ਰੂਰ ਭਰਦਾ ਹੈ। ਜਿੰਦਗੀ ਬਹੁਤ ਖੂਬਸੂਰਤ ਹੈ। ਸਮਾਜ ਵਿਚ ਰਹਿੰਦਿਆਂ ਸਾਡਾ ਤਰ੍ਹਾਂ-ਤਰ੍ਹਾਂ ਦੇ ਇਨਸਾਨ ਨਾਲ ਵਾਹ ਪੈਂਦਾ ਹੈ।

ਕਈ ਇਨਸਾਨ ਸਾਡੇ ਦਿਲੋਂ ਕਰੀਬੀ ਬਣ ਜਾਂਦੇ ਹਨ। ਫਿਰ ਅਸੀਂ ਉਨ੍ਹਾਂ ਨਾਲ ਹਰ ਇੱਕ ਗੱਲ ਸਾਂਝੀ ਕਰਦੇ ਹਾਂ। ਅਜਿਹੇ ਇਨਸਾਨਾਂ ਨਾਲ ਸਾਡੀ ਖੂਨ ਦੇ ਰਿਸਤਿਆਂ ਨਾਲੋਂ ਵੀ ਗੂੜ੍ਹੀ ਸਾਂਝ ਪੈ ਜਾਂਦੀ ਹੈ। ਜਿੰਦਗੀ ਦਾ ਪੈਂਡਾ ਤੈਅ ਕਰਦੇ ਹੋਏ ਅਸੀਂ ਜ਼ਿੰਦਗੀ ਦੇ ਹਰ ਰੰਗ ਨੂੰ ਮਾਣਦੇ ਹਾਂ। ਅਸੀਂ ਕਈ ਵਾਰ ਕੋਈ ਅਜਿਹਾ ਕੰਮ ਸੁਰੂ ਕਰਨਾ ਚਾਹੁੰਦੇ ਹਾਂ ਤਾਂ ਅਸੀਂ ਦੋਸਤਾਂ, ਰਿਸ਼ਤੇਦਾਰਾਂ ਦੀ ਸਲਾਹ ਲੈਂਦੇ ਹਾਂ। ਫਿਰ ਉਹ ਅਸੀਂ ਕੰਮ ਕਰ ਵੀ ਲੈਂਦੇ ਹਾਂ, ਪਰ ਕਈ ਵਾਰ ਉਹ ਕੰਮ ਸਿਰੇ ਨਹੀਂ ਚੜ੍ਹਦਾ। ਕਹਿਣ ਦਾ ਭਾਵ ਹੈ ਕਿ ਕੋਈ ਵੀ ਕੰਮ ਜੋ ਅਸੀਂ ਸ਼ੁਰੂ ਕਰਨਾ ਹੈ, ਲੋਕਾਂ ਦੀ ਸਲਾਹ ਜਰੂਰ ਲਵੋ, ਰਿਸਤੇਦਾਰਾਂ ਸਾਕ ਸਬੰਧੀਆਂ ਦੀ ਸਲਾਹ ਜਰੂਰ ਲਵੋ, ਪਰ ਆਪਣੇ ਦਿਲ ਦੀ ਸਲਾਹ ਜਰੂਰ ਲੈਣੀ ਚਾਹੀਦੀ ਹੈ।

ਜਾਣਕਾਰੀ ਨਾ ਹੋਣ ‘ਤੇ ਵੀ ਯਕੀਨ ਕਰਨਾ ਕਿੰਨਾ ਸਹੀ

ਅੱਜ ਕੱਲ੍ਹ ਜ਼ਮਾਨਾ ਬਹੁਤ ਬਦਲ ਗਿਆ ਹੈ। ਸਾਡੇ ਤੇ ਪੱਛਮੀ ਸੱਭਿਆਚਾਰ ਦਾ ਬਹੁਤ ਜ਼ਿਆਦਾ ਅਸਰ ਹੈ। ਅੱਜ ਦੇ ਜਮਾਨੇ ਵਿੱਚ ਲੋਕ ਕੋਈ ਵੀ ਕੰਮ ਕਾਜ ਲਈ ਲੋਕਾਂ ਦੀ ਸਲਾਹ ਬਹੁਤ ਲੈਂਦੇ ਹਨ। ਕਈ ਵਾਰ ਤਾਂ ਅਜਿਹਾ ਵੀ ਦੇਖਣ ਨੂੰ ਆਉਂਦਾ ਹੈ ਕਿ ਜਿਸ ਇਨਸਾਨ ਨੂੰ ਕਿਸੇ ਵੀ ਤਰ੍ਹਾਂ ਦੀ ਬਿਲਕੁਲ ਵੀ ਜਾਣਕਾਰੀ ਨਹੀਂ ਹੁੰਦੀ,ਉਸ ਦੀ ਵੀ ਅਸੀਂ ਮੰਨ ਲੈਂਦੇ ਹਾਂ। ਅਕਸਰ ਅੱਜ ਦੇ ਜਮਾਨੇ ਵਿੱਚ ਲੋਕ ਲੋਕਾਂ ਦੀਆਂ ਗੱਲਾਂ ਜ਼ਿਆਦਾ ਮੰਨਦੇ ਹਨ।ਦਿਲ ਦੀ ਨਹੀਂ ਸੁਣਦੇ। ਜੇ ਵਿਦਿਆਰਥੀ ਵਰਗ ਦੀ ਗੱਲ ਕਰੀਏ ਤਾਂ ਭੇਡ ਚਾਲ ਬਹੁਤ ਜ਼ਿਆਦਾ ਹੈ। ਜੇ ਇਕ ਵਿਦਿਆਰਥੀ ਨੇ ਸਾਇੰਸ ਗਰੁੱਪ ਵਿੱਚ ਜਾਣਾ ਹੁੰਦਾ ਹੈ , ਤਾਂ ਦੇਖਾ ਦੇਖੀ ਵਿੱਚ ਹੋਰ ਬੱਚੇ ਵੀ ਸਾਇੰਸ ਗਰੁੱਪ ਵਿੱਚ ਚਲੇ ਜਾਂਦੇ ਹਨ।

ਮਾਂ ਬਾਪ ਦਾ ਵੀ ਬੱਚਿਆਂ ਤੇ ਦਬਾਅ ਹੁੰਦਾ ਹੈ ।ਉਹ ਕਹਿੰਦੇ ਹਨ ਕਿ ਫਲਾਣੇ ਦੇ ਬੱਚੇ ਨੇ ਨਾਨ-ਮੈਡੀਕਲ ਲਿਆ ਹੈ। ਤੂੰ ਵੀ ਇਸ ਖੇਤਰ ’ਚ ਜਾਹ। ਹੁੰਦਾ ਫਿਰ ਇਹ ਹੈ ਕਿ ਬੱਚਾ ਇਸ ਖੇਤਰ ਵਿਚ ਵਧੀਆ ਪ੍ਰਦਰਸਨ ਨਹੀਂ ਕਰ ਸਕਦਾ। ਕਿਉਕਿ ਬੱਚੇ ਨੇ ਆਪਣੇ ਮਨ ਦੇ ਮੁਤਾਬਕ ਖੇਤਰ ਨਹੀਂ ਚੁਣਿਆ ਹੁੰਦਾ। ਫਿਰ ਉਸ ਦਾ ਭਵਿੱਖ ਵਿੱਚ ਵਧੀਆ ਕਰੀਅਰ ਵੀ ਨਹੀਂ ਬਣ ਸਕੇਗਾ। ਕਈ ਵਾਰ ਲੰਮੇ ਸਮੇਂ ਤੋਂ ਇੱਕਠੇ ਪੜ੍ਹ ਰਹੇ ਵਿਦਿਆਰਥੀ ਇਕੱਠੇ ਇੱਕ ਖੇਤਰ ਚੁਣਦੇ ਹਨ। ਜ਼ਰੂਰੀ ਨਹੀਂ ਕਿ ਸਾਰੇ ਉਸ ਖੇਤਰ ਵਿੱਚ ਮਾਹਿਰ ਹੋਣ। ਸੋ ਹਮੇਸ਼ਾ ਆਪਣੇ ਮਨ ਦੀ ਵੀ ਰਾਏ ਜ਼ਰੂਰ ਲੈਣੀ ਚਾਹੀਦੀ ਹੈ।

ਮਾਪਿਆਂ ਦੀ ਨਾ ਮੰਨਣ ‘ਤੇ ਰਹਿ ਜਾਂਦਾ ਐ ਪਛਤਾਵਾ

ਅਕਸਰ ਕਈ ਵਾਰ ਦੇਖਿਆ ਜਾਂਦਾ ਹੈ ਕਿ ਬੱਚੇ ਦੋਸਤਾਂ ਨਾਲ ਘੁੰਮਣ ਲਈ ਪਹਾੜੀ ਖੇਤਰਾਂ ਵਿੱਚ ਚਲੇ ਜਾਂਦੇ ਹਨ। ਜਿੱਥੇ ਉਹਨਾਂ ਨੇ ਜਾਣਾ ਹੁੰਦਾ ਹੈ , ਕਈ ਵਾਰ ਉਹ ਥਾਂ ਠੀਕ ਵੀ ਨਹੀਂ ਹੁੰਦੀ। ਮਾਂ ਬਾਪ ਬਹੁਤ ਰੋਕਦੇ ਹਨ ਕਿ ਤੂੰ ਇੱਥੇ ਨਹੀਂ ਜਾਣਾ ਇਹ ਜਗਾਂ ਸਹੀ ਨਹੀਂ ਹੈ। ਪਰ ਬੱਚੇ ਨਹੀਂ ਮੰਨਦੇ। ਬੱਚੇ ਦੋਸਤਾਂ ਦੇ ਨਾਲ ਚਲੇ ਜਾਂਦੇ ਹਨ। ਕਈ ਵਾਰ ਅਜਿਹੀ ਥਾਂ ਤੇ ਅਣਸੁਖਾਵੀਂ ਘਟਨਾ ਵਾਪਰ ਜਾਂਦੀ ਹੈ, ਫਿਰ ਪਛਤਾਵਾ ਹੀ ਰਹਿ ਜਾਂਦਾ ਹੈ। ਖਾਸ ਕਰ ਨੌਜਵਾਨ ਨੂੰ ਆਪਣੇ ਦਿਲ ਦੀ ਰਾਏ ਦੇ ਨਾਲ ਮਾਂ ਬਾਪ ਦੀ ਰਾਏ ਵੀ ਜਰੂਰ ਲੈਣੀ ਚਾਹੀਦੀ ਹੈ। ਅੱਜਕੱਲ੍ਹ ਨੌਜਵਾਨ ਪੀੜ੍ਹੀ ਦਾ ਵਿਦੇਸ਼ ਜਾਣ ਦਾ ਰੁਝਾਨ ਲਗਾਤਾਰ ਵੱਧ ਰਿਹਾ ਹੈ।

ਹਰ ਮਾਂ-ਬਾਪ ਦੀ ਇੰਨੀ ਗੁੰਜਾਇਸ਼ ਨਹੀਂ ਹੁੰਦੀ ਕਿ ਉਹ ਆਪਣੇ ਬੱਚਿਆਂ ਨੂੰ ਵਿਦੇਸ਼ ਭੇਜਣ। ਮਾਂ ਬਾਪ ਬੱਚਿਆਂ ਨੂੰ ਸਮਝਾਉਂਦੇ ਹਨ ਕਿ ਤੂੰ ਇੱਥੇ ਹੀ ਰਹਿ ਕੇ ਪੜ੍ਹਾਈ ਕਰ। ਪਰ ਬੱਚੇ ਕਹਿ ਦਿੰਦੇ ਹਨ ਕਿ ਮੇਰੇ ਕਈ ਦੋਸਤ ਵਿਦੇਸ਼ ਚਲੇ ਗਏ ਹਨ, ਮੈਂ ਵੀ ਬਾਹਰ ਜਾਣਾ ਹੈ ।ਕਈ ਮਾਂ-ਬਾਪ ਦੇ ਗੱਲ ਵਿੱਚ ਅੰਗੂਠਾ ਦੇਣਾ ਸ਼ੁਰੂ ਕਰ ਦਿੰਦੇ ਹਨ। ਫਿਰ ਮਾਂ ਬਾਪ ਕਰਜਾ ਚੁੱਕ ਕੇ ਵਿਦੇਸ਼ ਭੇਜਦੇ ਹਨ, ਭਾਵੇਂ ਉੱਥੇ ਜਾ ਕੇ ਉਹ ਬੱਚਾ ਸਫਲਤਾ ਹਾਸਿਲ ਨਾ ਕਰ ਸਕੇ। ਇੱਥੇ ਬੱਚੇ ਨੇ ਦੋਸਤਾਂ ਪਿੱਛੇ ਲੱਗਕੇ ਆਪਣੇ ਦਿਲ ਦੀ ਨਹੀਂ ਸੁਣੀ।

ਦੂਜਿਆਂ ਦੀਆਂ ਗੱਲਾਂ ਵਿੱਚ ਆਉਣਾ ਠੀਕ ਨਹੀਂ

ਜੇ ਬਜ਼ੁਰਗਾਂ ਦੀ ਗੱਲ ਕਰੀਏ ਤਾਂ ਬਜੁਰਗ ਵੀ ਆਪਣੇ ਬੱਚਿਆਂ ਦੀ ਨਹੀਂ ਸੁਣਦੇ। ਦੇਖਿਆ ਜਾਂਦਾ ਹੈ ਕਿ ਉਹ ਜ਼ਮੀਨ ਜਾਇਦਾਦ ਨੂੰ ਮਰਦੇ ਦਮ ਤੱਕ ਆਪਣੇ ਨਾਂਅ ਹੀ ਰੱਖਦੇ ਹਨ। ਪੁੱਤਾਂ ਵਿੱਚ ਨਹੀਂ ਵੰਡਦੇ। ਜੇ ਪੁੱਤ ਕਹਿੰਦਾ ਹੈ ਕਿ ਮੈਨੂੰ ਜਾਇਦਾਦ ਦੇ ਦੇਵੋ, ਤਾਂ ਬਜੁਰਗ ਕਹਿੰਦੇ ਹਨ ਕਿ ਮੇਰਾ ਦੋਸਤ ਨੇ ਅਜੇ ਤੱਕ ਆਪਣੀ ਜਾਇਦਾਦ ਪੁੱਤ ਦੇ ਨਾਂਅ ਨਹੀਂ ਕੀਤੀ। ਦੂਜਿਆਂ ਦੀਆਂ ਗੱਲਾਂ ਵਿੱਚ ਆ ਕੇ ਆਪਣੇ ਘਰ ਵਿੱਚ ਕਲੇਸ ਖੜ੍ਹਾ ਕਰ ਦਿੰਦੇ ਹਨ। ਜਦੋਂ ਬਜ਼ੁਰਗ ਇਸ ਸੰਸਾਰ ਤੋਂ ਰੁਖਸਤ ਕਰ ਜਾਂਦੇ ਹਨ ਫਿਰ ਭਰਾਵਾਂ, ਭੈਣਾਂ ਦਾ ਆਪਸ ਵਿੱਚ ਝਗੜਾ ਹੋ ਜਾਂਦਾ ਹੈ ।ਇਹ ਗੱਲਾਂ ਅਸੀਂ ਆਮ ਸੁਣਦੇ ਹਾਂ। ਜੇਕਰ ਕਈ ਨੂੰਹਾਂ ਦੀ ਗੱਲ ਕਰੀਏ ਤਾਂ ਉਹ ਵੀ ਕਈ ਵਾਰ ਆਪਣੀਆਂ ਸਹੇਲੀਆਂ

ਕਈ ਵਾਰ ਰਾਏ ਗਲਤ ਵੀ ਹੋ ਜਾਂਦੀ ਹੈ

ਕਹਿੰਦੀਆਂ ਹਨ ਕਿ ਮੈਂ ਆਪਣੀ ਸਹੇਲੀ ਨਾਲ ਉੱਥੇ ਜਾਣਾ ਹੈ,ਸੱਸ ਸਹੁਰਾ ਟੋਕਦੇ ਹਨ ਕਿ ਉਥੇ ਨਹੀਂ ਜਾਣਾ।ਉਹ ਜਗਾਂ ਸਹੀ ਨਹੀਂ ਹੈ। ਕੋਈ ਵੀ ਚੰਗਾ ਮਾੜਾ ਕੰਮ ਕਰਨ ਤੋਂ ਪਹਿਲਾਂ ਆਪਣੇ ਦਿਲ ਦੀ ਗੱਲ ਸੁਣੋ। ਮੈਂ ਇਥੇ ਕਿਸੇ ਦੀ ਨਿੰਦਾ ਚੁਗਲੀ ਜਾਂ ਕਿਸੇ ਨੂੰ ਗਲਤ ਨਹੀਂ ਕਹਿ ਰਿਹਾ। ਜੇ ਅਸੀਂ ਕੋਈ ਗਲਤ ਕੰਮ ਕਰਾਂਗੇ, ਫਿਰ ਸਾਡਾ ਮਨ ਬਹੁਤ ਰੋਂਦਾ ਹੈ ਕਿ ਅਸੀਂ ਆਪਣੇ ਦਿਲ ਦੀ ਸਲਾਹ ਨਹੀਂ ਲਈ। ਸਾਰੇ ਸਲਾਹ ਦੇਣ ਵਾਲੇ ਗਲਤ ਨਹੀਂ ਹੋ ਸਕਦੇ ਪਰ ਕਹਿਣ ਦਾ ਮਤਲਬ ਹੈ ਕਿ ਆਪਣੇ ਦਿਲ ਦੀ ਸਲਾਹ ਵੀ ਜਰੂਰ ਲੈਣੀ ਚਾਹੀਦੀ ਹੈ। ਕਿਉਂਕਿ ਜੇ ਅਸੀਂ ਦੂਜੇ ਦੀ ਰਾਏ ਦੇ ਮੁਤਾਬਕ ਚੱਲਾਂਗੇ ਤਾਂ ਕਈ ਵਾਰ ਉਹ ਰਾਏ ਗਲਤ ਵੀ ਹੋ ਜਾਂਦੀ ਹੈ ਉਸ ਨੂੰ ਪਛਤਾਵਾ ਹੀ ਰਹਿ ਜਾਂਦਾ ਹੈ। ਇਸ ਕਰਕੇ ਸੁਣੋ ਤਾਂ ਸਭ ਦੀ ਪਰ ਉਹੀ ਕੰਮ ਕਰੋ ਜੋ ਤੁਹਾਡਾ ਦਿਲ ਕਰੇ। ਜੋ ਤੁਹਾਨੂੰ ਸਕੂਨ ਦਵੇ, ਤਾਂ ਹੀ ਸਾਡਾ ਜੀਵਨ ਅਨੰਦਮਈ ਬਤੀਤ ਹੋਵੇਗਾ।

ਲੋਕਾਂ ਨੇ ਤਾਂ ਰਾਏ ਦੇ ਦਿੱਤੀ, ਤੁਸੀਂ ਆਪਣੇ ਆਪਣੀ ਦੀ ਰਾਏ ਕਦੋਂ ਲਈ? ਵਿਚਾਰਨ ਵਾਲੀ ਗੱਲ ਹੈ। ਜਦੋਂ ਅਸੀਂ ਕੋਈ ਚੰਗੇ ਜਾਂ ਮਾੜੇ ਕੰਮ ਲਈ ਆਪਣੇ ਦਿਲ ਦੀ ਸਲਾਹ ਲੈਂਦੇ ਹਨ ਤਾਂ ਸਾਡਾ ਦਿਲ ਗਵਾਹੀ ਭਰ ਦਿੰਦਾ ਹੈ ਕਿ ਇਸ ਕੰਮ ਨੂੰ ਕਰਨ ਨਾਲ ਇਹ ਫਾਇਦਾ ਹੋਵੇਗਾ । ਜਾਂ ਇਸ ਕੰਮ ਨੂੰ ਕਰਨ ਨਾਲ ਇਹ ਨੁਕਸਾਨ ਹੋਵੇਗਾ। ਸੋ ਜ਼ਿੰਦਗੀ ਵਿਚ ਵਿਚਰਦੇ ਹੋਏ ਦੋਸਤਾਂ ਮਿੱਤਰਾਂ ਦੇ ਨਾਲ- ਨਾਲ ਆਪਣੇ ਮਨ ਨਾਲ ਵੀ ਜਰੂਰ ਸਲਾਹ ਕਰ ਲੈਣੀ ਚਾਹੀਦੀ ਹੈ।

ਸੰਜੀਵ ਸਿੰਘ ਸੈਣੀ ਮੋਹਾਲੀ
ਮੋ : 7888966168

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ

ਸੱਚ ਕਹੂੰ ਨਿਊਜ਼/ਸਰਸਾ। ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਫ਼ਰਮਾਉਂਦੇ ਹਨ ਕਿ ਪਰਮਾਤਮਾ ਨੇ ਸਾਰੇ ਸਰੀਰਾਂ ‘ਚੋਂ ਮਨੁੱਖ ਨੂੰ ਬਿਲਕੁਲ ਵੱਖਰਾ ਬਣਾਇਆ ਹੈ ਇਸ ਦੇ ਅੰਦਰ ਜਿੰਨਾ ਦਿਮਾਗ, ਸੋਚਣ-ਸਮਝਣ ਦੀ ਸ਼ਕਤੀ ਹੈ ਕਿਸੇ ਹੋਰ ਪ੍ਰਾਣੀ ‘ਚ ਨਹੀਂ ਆਤਮਾ ਨੂੰ ਮਨੁੱਖੀ ਜਨਮ ਪਰਮਾਤਮਾ ਨੂੰ ਪ੍ਰਾਪਤ ਕਰਨ ਲਈ, ਆਤਮਾ ਨੂੰ ਆਵਾਗਮਨ, ਜਨਮ-ਮਰਨ ਤੋਂ ਅਜ਼ਾਦ ਕਰਵਾਉਣ ਲਈ ਮਿਲਿਆ ਮਨੁੱਖੀ ਸਰੀਰ ‘ਚ ਜੇਕਰ ਜੀਵ-ਆਤਮਾ ਪ੍ਰਭੂ-ਪਰਮਾਤਮਾ ਦਾ ਨਾਮ ਲਵੇ, ਓਮ, ਹਰੀ, ਅੱਲ੍ਹਾ, ਵਾਹਿਗੁਰੂ ਦੀ ਭਗਤੀ-ਇਬਾਦਤ ਕਰੇ ਤਾਂ ਬਹੁਤ ਸਾਰੇ ਭਿਆਨਕ ਕਰਮ ਕੱਟ ਜਾਂਦੇ ਹਨ ਇਨਸਾਨ ਸਫ਼ਲਤਾ ਦੀਆਂ ਪੌੜੀਆਂ ਚੜ੍ਹਦਾ ਜਾਂਦਾ ਹੈ ਸਫ਼ਲਤਾ ਇਨਸਾਨ ਦੇ ਕਦਮ ਚੁੰਮਦੀ ਹੈ ਪਰ ਇਹ ਤਾਂ ਹੀ ਸੰਭਵ ਹੈ ਜੇਕਰ ਇਨਸਾਨ ਸਤਿਸੰਗ ‘ਚ ਆ ਕੇ ਅਮਲ ਕਰੇ ਪੂਜਨੀਕ ਗੁਰੂ ਜੀ ਫ਼ਰਮਾਉਂਦੇ ਹਨ ਕਿ ਇਨਸਾਨ ਨੂੰ ਚੁਗਲੀ, ਨਿੰਦਿਆ, ਲੱਤ-ਖਿਚਾਈ, ਕਿਸੇ ਦਾ ਬੁਰਾ ਸੋਚਣ, ਕਰਨ ‘ਚ ਸਮਾਂ ਬਰਬਾਦ ਨਹੀਂ ਕਰਨਾ ਚਾਹੀਦਾ ਕਾਮ-ਵਾਸ਼ਨਾ, ਕਰੋਧ, ਲੋਭ, ਮੋਹ, ਹੰਕਾਰ, ਮਨ-ਮਾਇਆ ‘ਚ ਪੈ ਕੇ ਮਨੁੱਖੀ ਜਨਮ ਨੂੰ ਤਬਾਹ ਨਹੀਂ ਕਰਨਾ ਚਾਹੀਦਾ, ਸਗੋਂ ਇਨ੍ਹਾਂ ਬੁਰਾਈਆਂ ਤੋਂ  ਆਪਣੇ-ਆਪ ਨੂੰ ਬਚਾਉਣਾ ਚਾਹੀਦਾ ਹੈ।

ਜਿਵੇਂ ਤੁਸੀਂ ਗੱਡੀ ਚਲਾ ਰਹੇ ਹੋ ਤੇ ਅੱਗੇ ਇੱਕ ਪਾਸੇ ਦਲਦਲ ਹੋਵੇ ਅਤੇ ਦੂਜੇ ਪਾਸੇ ਟੋਏ ਹੋਣ ਤਾਂ ਤੁਸੀਂ ਬੜੇ ਆਰਾਮ ਨਾਲ, ਧਿਆਨ ਨਾਲ ਗੱਡੀ ਚਲਾਉਂਦੇ ਹੋ ਕਿ ਗੱਡੀ ਨਾ ਤਾਂ ਟੋਏ ‘ਚ ਜਾਵੇ ਅਤੇ ਨਾ ਹੀ ਦਲਦਲ ‘ਚ ਫਸੇ ਜੇਕਰ ਧਿਆਨ ਨਾਲ ਚਲਾਉਂਗੇ ਤਾਂ ਤੁਸੀਂ ਸਹੀ-ਸਲਾਮਤ ਨਿਕਲ ਜਾਓਗੇ ਜੇਕਰ ਲਾਪਰਵਾਹੀ ਨਾਲ, ਇੱਧਰ-ਉੱਧਰ ਦੀਆਂ ਗੱਲਾਂ ਕਰਦੇ ਜਾਓਗੇ ਤਾਂ ਗੱਡੀ ਜਾਂ ਤਾਂ ਟੋਏ ‘ਚ ਡਿੱਗ ਜਾਵੇਗੀ ਜਾਂ ਦਲਦਲ ‘ਚ ਫੱਸ ਜਾਵੇਗੀ ਤਾਂ ਉਸੇ ਤਰ੍ਹਾਂ ਮਨ ਤੇ ਮਾਇਆ ਕਾਲ ਨੇ ਬਣਾਏ ਹਨ ਅਤੇ ਜ਼ਿੰਦਗੀ ਰੂਪੀ ਗੱਡੀ ‘ਤੇ ਜੇਕਰ ਮਨ ਸਵਾਰ ਹੈ ਤਾਂ ਇਨਸਾਨ ਇਨ੍ਹਾਂ ‘ਚ ਡਿੱਗ ਪਵੇਗਾ ਕਾਮ-ਵਾਸ਼ਨਾ, ਕਰੋਧ, ਲੋਭ, ਮੋਹ,ਹੰਕਾਰ, ਮਨ-ਮਾਇਆ ਰੂਪੀ ਦਲਦਲ ‘ਚ ਤੁਹਾਡੀ ਆਤਮਾ ਫੱਸ ਜਾਵੇਗੀ ਜੇਕਰ ਤੁਸੀਂ ਧਿਆਨ ਨਾਲ ਭਾਵ ਸਿਮਰਨ, ਭਗਤੀ-ਇਬਾਦਤ ਕਰੋਗੇ, ਗੁਰੂ, ਪੀਰ-ਫ਼ਕੀਰ ਜਿਹੋ-ਜਿਹੀ ਟਰੇਨਿੰਗ ਦਿੰਦਾ ਹੈ ਉਵੇਂ ਡਰਾਈਵਰ ਬਣ ਕੇ ਜ਼ਿੰਦਗੀ ਗੁਜ਼ਾਰੋਗੇ ਤਾਂ ਤੁਸੀਂ ਨਾ ਤਾਂ ਦਲਦਲ ‘ਚ ਫਸੋਗੇ ਤੇ ਨਾ ਹੀ ਕਦੇ ਟੋਇਆਂ ‘ਚ ਗੱਡੀ ਡਿੱਗੇਗੀ, ਕਿਉਂਕਿ ਪੀਰ-ਫ਼ਕੀਰ ਇਨ੍ਹਾਂ ਰਾਹਾਂ ਦੇ ਮਾਹਿਰ ਹੁੰਦੇ ਹਨ

ਪੂਜਨੀਕ ਗੁਰੂ ਜੀ ਫ਼ਰਮਾਉਂਦੇ ਹਨ ਕਿ ਫ਼ਕੀਰਾਂ ਦੇ ਬਚਨਾਂ ‘ਤੇ ਚੱਲਣਾ ਬੜਾ ਮੁਸ਼ਕਿਲ ਵੀ ਹੈ ਕਿਉਂਕਿ ਮਨ ਬੜੇ ਰੋੜੇ ਅਟਕਾਉਂਦਾ ਹੈ ਅਜਿਹੇ-ਅਜਿਹੇ ਲੋਕ ਜੋ ਭਗਤੀ ‘ਚ ਲੱਗਦੇ ਹਨ, ਬੜੇ ਭਗਤ ਲੱਗਦੇ ਹਨ, ਪਰ ਜਦੋਂ ਮਨ ਦਾਅ ਚਲਾਉਂਦਾ ਹੈ ਤਾਂ ਭਗਤੀ ਧਰੀ-ਧਰਾਈ ਰਹਿ ਜਾਂਦੀ ਹੈ ਕਿਉਂਕਿ ਨਿੰਦਿਆ-ਚੁਗਲੀ, ਵਿਅਰਥ, ਫਜ਼ੂਲ ਦੀਆਂ ਗੱਲਾਂ ਇਨਸਾਨ ਨੂੰ ਕਿਤੋਂ ਦਾ ਨਹੀਂ ਛੱਡਦੀਆਂ ਇੰਜ ਜੋ ਵੀ ਕਰਦੇ ਹਨ ਉਹ ਕਦੇ ਵੀ ਰੂਹਾਨੀਅਤ ‘ਚ ਮਾਲਕ, ਸਤਿਗੁਰੂ ਦੀ ਦਇਆ-ਮਿਹਰ ਦੇ ਕਾਬਲ ਨਹੀਂ ਬਣ ਸਕਦੇ ਇਸ ਲਈ ਮਨ ਨਾਲ ਲੜੋ ਅਤੇ ਸੇਵਾ-ਸਿਮਰਨ ਕਰੋ

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਸਰਸਾ (ਸੱਚ ਕਹੂੰ ਨਿਊਜ਼)। ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਫ਼ਰਮਾਉਂਦੇ ਹਨ ਕਿ ਇਨਸਾਨ ਜਦੋਂ ਤੱਕ ਰਾਮ-ਨਾਮ ਨਹੀਂ ਜਪਦਾ, ਉਦੋਂ ਤੱਕ ਉਸ ਨੂੰ ਰੂਹਾਨੀਅਤ ਦੀ ਸਮਝ ਨਹੀਂ ਆਉਂਦੀ ਪਰਮਾਤਮਾ ਦਾ ਨਾਮ ਅਨਮੋਲ ਹੈ, ਉਸੇ ਨਾਲ ਸਮਝ ਆਉਂਦੀ ਹੈ ਕਿ ਇਨਸਾਨ ਨੂੰ ਕੀ ਕਰਨਾ ਚਾਹੀਦਾ ਹੈ ਤੇ ਕੀ ਨਹੀਂ ਕਰਨਾ ਚਾਹੀਦਾ ਇਸ ਘੋਰ ਕਲਿਯੁਗ ‘ਚ ਇਨਸਾਨ ਮਨਮਤੇ, ਬੁਰਾਈਆਂ, ਨਸ਼ੀਲੇ ਪਦਾਰਥਾਂ ‘ਚ ਪਾਗ਼ਲ ਹੋਇਆ ਫ਼ਿਰਦਾ ਹੈ ਆਪਣੇ ਕਰਨ ਵਾਲੇ ਕੰਮਾਂ ਤੋਂ ਦੂਰ ਹੋਇਆ ਪਿਆ ਹੈ ਤੇ ਨਾ ਕਰਨ ਵਾਲੇ ਕੰਮਾਂ ‘ਚ ਦਿਨ-ਰਾਤ ਮਸ਼ਗੂਲ ਰਹਿੰਦਾ ਹੈ ਇਨਸਾਨ ਦੇ ਕਰਨ ਵਾਲੇ ਕੰਮ ਈਸ਼ਵਰ ਦੀ ਭਗਤੀ, ਪਰਮਾਰਥ ਕਰਨਾ, ਸਭ ਦਾ ਭਲਾ ਮੰਗਣਾ, ਭਲਾ ਕਰਨਾ ਹੈ ਜੋ ਜੀਵ ਸਤਿਸੰਗ ਸੁਣ ਕੇ ਅਮਲ ਕਰਦੇ ਹਨ, ਉਹ ਭਾਗਾਂ ਵਾਲੇ ਬਣ ਜਾਂਦੇ ਹਨ ਕਈ ਵਾਰ ਇਨਸਾਨ ਦੇ ਅੰਦਰ ਇਹ ਗੱਲ ਘਰ ਕਰ ਜਾਂਦੀ ਹੈ। (Saint Dr. MSG)

ਇਹ ਵੀ ਪੜ੍ਹੋ : ਪੁਲਿਸ ਨੇ ਸੁਖਪਾਲ ਖਹਿਰਾ ਨੂੰ ਕੀਤਾ ਗ੍ਰਿਫ਼ਤਾਰ, ਜਾਣੋ ਕੀ ਹੈ ਮਾਮਲਾ?

ਕਿ ਮੈਂ ਅਭਾਗਾ ਹਾਂ ਪਰ ਇਹ ਸਭ ਮਨ ਦੀ ਦੇਣ ਹੈ ਕੋਈ ਵੀ ਇਨਸਾਨ ਅਜਿਹਾ ਨਹੀਂ ਹੁੰਦਾ, ਹਾਂ ਕੋਈ ਭਾਗਾਂ ਵਾਲਾ ਹੋ ਸਕਦਾ ਹੈ, ਜਿਸ ਦੇ ਮਾਂ-ਬਾਪ ਦੇ ਚੰਗੇ ਸੰਸਕਾਰ ਹੋਣ, ਪਿਛਲੇ ਜਨਮਾਂ ਦੀ ਭਗਤੀ ਕੀਤੀ ਹੋਵੇ ਤਾਂ ਉਹ ਬਹੁਤ ਭਾਗਾਂ ਵਾਲਾ ਬਣ ਜਾਂਦਾ ਹੈ ਉਸ ਰਾਹੀਂ ਕੀਤੀ ਗਈ ਥੋੜ੍ਹੀ ਜਿਹੀ ਮਿਹਨਤ ਵੀ ਕਈ ਗੁਣਾ ਰੰਗ ਲਿਆਉਂਦੀ ਹੈ ਪਰ ਤੁਸੀਂ ਅਭਾਗੇ ਹੋ ਹੀ ਨਹੀਂ ਸਕਦੇ ਕਿਉਂਕਿ ਜਦੋਂ ਮਨੁੱਖੀ ਜਨਮ ਮਿਲ ਗਿਆ ਤਾਂ ਇਹ ਚੌਰਾਸੀ ਲੱਖ ਜੂਨੀਆਂ ‘ਚ ਸਰਵਉੱਤਮ ਹੈ ਫਿਰ ਤੁਸੀਂ ਮਿਹਨਤ, ਸਿਮਰਨ, ਭਗਤੀ-ਇਬਾਦਤ ਕਰੋ, ਆਪਣੇ ਟੀਚੇ ਨੂੰ ਪੂਰੇ ਜ਼ੋਰਾਂ-ਸ਼ੋਰਾਂ ਨਾਲ ਖੁਸ਼ੀ-ਖੁਸ਼ੀ ਪੂਰਾ ਕਰੋ, ਤਾਂ ਯਕੀਨ ਮੰਨੋ ਮਾਲਕ ਰਹਿਮੋ-ਕਰਮ ਨਾਲ ਜ਼ਰੂਰ ਨਿਵਾਜੇਗਾ (Saint Dr. MSG)

ਪੂਜਨੀਕ ਗੁਰੂ ਜੀ ਫ਼ਰਮਾਉਂਦੇ ਹਨ ਕਿ ਇਨਸਾਨ ਦਾ ਨਿਸ਼ਾਨਾ, ਟੀਚਾ ਚੰਗਾ ਹੋਣਾ ਚਾਹੀਦਾ ਹੈ, ਕਿਉਂਕਿ ਜੇਕਰ ਤੁਸੀਂ ਬੁਰੇ ਕੰਮ ਦੀ ਸੋਚ ਰੱਖੋਗੇ, ਤਾਂ ਤੁਹਾਡੇ ਅੰਦਰ ਬੁਰਾਈਆਂ ਜ਼ਰੂਰ ਘਰ ਕਰ ਜਾਣਗੀਆਂ ਇਸ ਲਈ ਤੁਸੀਂ ਆਪਣੇ ਅੰਦਰ ਚੰਗੇ ਕਰਮਾਂ ਦੀ ਸੋਚ ਰੱਖਦੇ ਹੋਏ, ਭਲੇ ਕਰਮ ਕਰਦੇ ਹੋਏ ਹਿੰਮਤ ਨਾਲ ਅੱਗੇ ਵਧੋਗੇ, ਤਾਂ ਯਕੀਨਨ ਤੁਸੀਂ ਤਰੱਕੀ ਕਰੋਗੇ ਅਤੇ ਮਾਲਕ ਦਾ ਰਹਿਮੋ-ਕਰਮ ਤੁਹਾਡੇ ‘ਤੇ ਜ਼ਰੂਰ ਵਰਸੇਗਾਪੂਜਨੀਕ ਗੁਰੂ ਜੀ ਫ਼ਰਮਾਉਂਦੇ ਹਨ ਕਿ ਇਨਸਾਨ ਨੂੰ ਤਨ-ਮਨ-ਧਨ ਨਾਲ ਪਰਮਾਰਥ ਕਰਨਾ ਚਾਹੀਦਾ ਹੈ ਇਹ ਕਲਿਯੁਗ ਹੈ ਤੇ ਇਸ ‘ਚ ਪਰਮਾਰਥ ਕਰਨ ‘ਚ ਟੋਕਣ ਵਾਲੇ ਬਹੁਤ ਹਨ ਅਜਿਹੇ ਲੋਕ ਖੁਦ ਗ਼ਲਤ ਹੁੰਦੇ ਹਨ ਅਤੇ ਕਿਸੇ ਨੂੰ ਸਹੀ ਰਾਹ ‘ਤੇ ਚਲਦਾ ਦੇਖ ਕੇ ਉਹ ਖੁਸ਼ ਨਹੀਂ ਹੁੰਦੇ ਰੂਹਾਨੀਅਤ ‘ਚ ਜੇਕਰ ਕੋਈ ਇਨਸਾਨ ਦਾ ਇਲਾਜ ਕਰਵਾ ਦਿੰਦਾ ਹੈ। (Saint Dr. MSG)

ਇਹ ਵੀ ਪੜ੍ਹੋ : ਵਿੱਲ ਪਾਵਰ ਨਾਲ ਆਪਣੀਆਂ ਬੁਰਾਈਆਂ ’ਤੇ ਕੰਟਰੋਲ ਪਾਓ : ਪੂਜਨੀਕ ਗੁਰੂ ਜੀ

ਭੁੱਖੇ ਨੂੰ ਖਾਣਾ ਖੁਆ ਦਿੰਦਾ ਹੈ, ਪਿਆਸੇ ਨੂੰ ਪਾਣੀ ਪਿਆ ਦਿੰਦਾ ਹੈ, ਜਿੱਥੇ ਰਾਮ-ਨਾਮ ਦੀ ਕਥਾ-ਕਹਾਣੀ ਹੋਵੇ ਉਨ੍ਹਾਂ ਜੀਵਾਂ ਦੀ ਸੇਵਾ ‘ਚ ਜੋ ਤਨ-ਮਨ-ਧਨ ਨਾਲ ਸਮਾਂ ਲਗਾ ਦਿੰਦਾ ਹੈ, ਉਹ ਇਨਸਾਨ ਜ਼ਰੂਰ ਭਾਗਾਂ ਵਾਲਾ ਬਣ ਜਾਂਦਾ ਹੈ ਪੂਜਨੀਕ ਗੁਰੂ ਜੀ ਫ਼ਰਮਾਉਂਦੇ ਹਨ ਕਿ ਜੇਕਰ ਤੁਸੀਂ ਆਪਣੇ ਭਾਗ ਬਣਾਉਣਾ ਚਾਹੁੰਦੇ ਹੋ ਤਾਂ ਸਿਮਰਨ ਅਤੇ ਪਰਮਾਰਥ ਕਰੋ ਜਦੋਂ ਵੀ ਮਨ ਤੁਹਾਨੂੰ ਬੁਰੇ ਖਿਆਲ ਦੇਵੇ ਤਾਂ ਸਿਮਰਨ ਕਰ ਲਓ, ਇਹ ਮਨ ਦਾ ਪਰਮਾਰਥ ਹੈ ਮਾਲਕ ਅੱਗੇ ਤੌਬਾ ਕਰ ਲਓ ਧਿਆਨ ਨਾਲ ਸਤਿਸੰਗ ਸੁਣੋ ਅਤੇ ਮਨ ਨਾਲ ਲੜਨਾ ਸਿੱਖੋ ਓਮ, ਹਰੀ, ਵਾਹਿਗੁਰੂ, ਗੌਡ, ਖੁਦਾ, ਰੱਬ ਦੀ ਭਗਤੀ ਕਰਿਆ ਕਰੋ, ਤਾਂ ਕਿ ਤੁਹਾਡੇ ਅੰਦਰ ਆਤਮ-ਵਿਸ਼ਵਾਸ ਆਵੇ ਅਤੇ ਤੁਸੀਂ ਦੁਨੀਆਂ ਦੀਆਂ ਤਮਾਮ ਖੁਸ਼ੀਆਂ ਦੇ ਹੱਕਦਾਰ ਬਣਦੇ ਚਲੇ ਜਾਓ। (Saint Dr. MSG)

ਸਰਸਾ (ਸੱਚ ਕਹੂੰ ਨਿਊਜ਼)। ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਫ਼ਰਮਾਉਂਦੇ ਹਨ ਕਿ ਜਿੰਨੇ ਵੀ ਸੰਤ, ਪੀਰ, ਮੁਰਸ਼ਿਦ-ਏ-ਕਾਮਿਲ ਇਸ ਧਰਤੀ ‘ਤੇ ਆਏ, ਸਭ ਨੇ ਆਪਸ ‘ਚ ਪ੍ਰੇਮ ਕਰਨਾ, ਮਾਲਕ ਦੀ ਭਗਤੀ ਕਰਨਾ, ਕਦੇ ਕਿਸੇ ਦਾ ਦਿਲ ਨਾ ਦੁਖਾਉਣ ਦੀ ਪ੍ਰੇਰਣਾ  ਦਿੱਤੀ ਹੈ ਤੁਸੀਂ ਕਿਸੇ ਨੂੰ ਬੁਰਾ ਕਹਿੰਦੇ ਹੋ ਅਤੇ ਤੁਹਾਨੂੰ ਲੱਗਦਾ ਹੈ ਕਿ ਤੁਸੀਂ ਕੋਈ ਬਹੁਤ ਵੱਡਾ ਤੀਰ ਮਾਰਿਆ ਹੈ ਬਲਕਿ ਉਹ ਤੀਰ ਕਿਸੇ ਹੋਰ ਨੂੰ ਨਹੀਂ ਬਲਕਿ ਆਪਣੇ ਦਿਲੋ-ਜ਼ਿਗਰ ‘ਚ ਮਾਰਿਆ ਹੈ ਕਿਉਂਕਿ ਕਿਸੇ ਨੂੰ ਮਾੜਾ ਕਹਿਣ ਵਾਲਾ ਕਦੇ ਵੀ ਸ਼ਾਂਤੀ ਨਾਲ ਸੌਂ ਨਹੀਂ ਸਕਦਾ ਆਉਣ ਵਾਲੇ ਸਮੇਂ ‘ਚ ਉਸ ਦੀ ਜ਼ਿੰਦਗੀ ‘ਚ ਪਰੇਸ਼ਾਨੀਆਂ ਜ਼ਰੂਰ ਆਉਂਦੀਆਂ ਹਨ ਇਸ ਲਈ ਕਦੇ ਵੀ ਕਿਸੇ ਦਾ ਦਿਲ ਨਾ ਦੁਖਾਓ। (Saint Dr MSG)

ਪੂਜਨੀਕ ਗੁਰੂ ਜੀ ਫ਼ਰਮਾਉਂਦੇ ਹਨ ਕਿ ਇਨਸਾਨ ਨੂੰ ਕਿਸੇ ਦਾ ਵੀ ਦਿਲ ਨਹੀਂ ਦੁਖਾਉਣਾ ਚਾਹੀਦਾ ਜਿੰਨਾ ਹੋ ਸਕੇ ਚੰਗੇ-ਨੇਕ ਕੰਮ ਕਰਨੇ ਚਾਹੀਦੇ ਹਨ ਸਭ ਨਾਲ ਨਿਹਸਵਾਰਥ ਭਾਵਨਾ ਨਾਲ ਪਿਆਰ-ਮੁਹੱਬਤ ਕਰਨੀ ਚਾਹੀਦੀ ਹੈ ਪਿਆਰ-ਮੁਹੱਬਤ ਉਹ ਜ਼ਜ਼ਬਾ, ਜ਼ਜਬਾਤ ਹੁੰਦਾ ਹੈ ਜੋ ਰੱਬ ਨਾਲ ਬਹੁਤ ਜਲਦੀ ਮਿਲਾ ਦਿੰਦਾ ਹੈ ਖ਼ੁਸਕ ਇਬਾਦਤ ਦੇ ਮੁਕਾਬਲੇ ਜੇਕਰ ਵੈਰਾਗ ਨਾਲ ਮਾਲਕ ਦੀ ਭਗਤੀ ਕੀਤੀ ਜਾਵੇ ਤਾਂ ਪਿਆਰ-ਮੁਹੱਬਤ ਦਾ ਘੋੜਾ ਏਨਾ ਤੇਜ਼ ਹੈ। ਕਿ ਉਹ ਆਤਮਾ ਨੂੰ ਬਹੁਤ ਜਲਦੀ ਨਿੱਜਧਾਮ ਪਹੁੰਚਾ ਦਿੰਦਾ ਹੈ ਇਸ ਲਈ ਆਪਣੇ ਅੰਦਰ ਉਸ ਪਰਮ ਪਿਤਾ ਪਰਮਾਤਮਾ ਲਈ ਵੈਰਾਗ ਪੈਦਾ ਕਰੋ।

ਪੂਜਨੀਕ ਗੁਰੂ ਜੀ ਫ਼ਰਮਾਉਂਦੇ ਹਨ ਕਿ ਉਹ ਓਮ, ਹਰੀ, ਅੱਲ੍ਹਾ, ਵਾਹਿਗੁਰੂ, ਗੌਡ, ਖ਼ੁਦਾ, ਰੱਬ ਮਾਲਕ ਇੱਕ ਹੈ ਅਤੇ ਉਸ ਨੂੰ ਪ੍ਰਾਪਤ ਕਰਨ ਦਾ ਤਰੀਕਾ ਵੀ ਇੱਕ ਹੈ ਜੋ ਇਨਸਾਨ ਸੱਚੇ ਦਿਲ ਨਾਲ ਤੜਫ਼ ਕੇ ਮਾਲਕ ਨੂੰ ਯਾਦ ਕਰਦਾ ਹੈ ਉਸਦੇ ਵਿਗੜੇ ਹੋਏ ਕੰਮ ਬਣ ਜਾਂਦੇ ਹਨ ਸ਼ਕੂਨ ਆ ਜਾਂਦਾ ਹੈ, ਗ਼ਮ, ਚਿੰਤਾ ਮਿੱਟ ਜਾਂਦੀ ਹੈ ਅਤੇ ਜੀਵ ਆਤਮਾ ਪਰਮ ਪਿਤਾ ਪਰਮਾਤਮਾ ਦੇ ਦਰਸ਼–ਦੀਦਾਰ ਦੇ ਕਾਬਲ ਜ਼ਰੂਰ ਬਣ ਜਾਂਦੀ ਹੈ। ਪੂਜਨੀਕ ਗੁਰੂ ਜੀ ਫ਼ਰਮਾਉਂਦੇ ਹਨ ਕਿ ਮਾਲਕ ਦੀ ਭਗਤੀ ਕਰੋ ਅਤੇ ਮਾਲਕ ਦੀ ਬਣਾਈ ਖ਼ਲਕਤ ਨਾਲ ਨਿਹਸਵਾਰਥ ਭਾਵਨਾ ਨਾਲ ਪਿਆਰ ਕਰੋ ਹਿੰਦੂ ਧਰਮ ‘ਚ ਆਉਂਦਾ ਹੈ। (Saint Dr MSG)

ਕਿ ਜੋ ਲੋਕ ਆਪਸ ‘ਚ ਬਿਨਾ ਸਵਾਰਥ ਦੇ ਪ੍ਰੇਮ ਕਰਦੇ ਹਨ ਉਹ ਪ੍ਰਭੂ ਨੂੰ ਜਲਦੀ ਪਾ ਜਾਇਆ ਕਰਦੇ ਹਨ ਇਸ ਲਈ ਜਿੰਨਾ ਵੀ ਹੋ ਸਕੇ ਸਭ ਨਾਲ ਪਿਆਰ ਕਰੋ ਅਤੇ ਨੇਕ ਕਮਾਈ ਕਰੋ ਇਸਲਾਮ ‘ਚ ਲਿਖਿਆ ਹੈ ਕਿ ਅੱਲ੍ਹਾ ਦੀ ਇਬਾਦਤ ਕਰਨ ਵਾਲਿਓ ਯਾਦ ਰੱਖੋ ਜੇਕਰ ਤੁਸੀਂ ਭਰ-ਪੇਟ ਭੋਜਨ ਕਰਦੇ ਹੋ ਅਤੇ ਤੁਹਾਡਾ ਗੁਆਂਢੀ ਭੁੱਖ ਨਾਲ ਤੜਫਦਾ ਹੋਇਆ ਜਾਨ ਦੇ ਦਿੰਦਾ ਹੈ ਇਸ ਦਾ ਤੁਹਾਨੂੰ ਪਤਾ ਹੈ ਤਾਂ ਤੁਹਾਡੀ ਕੀਤੀ ਗਈ ਇਬਾਦਤ ਖ਼ਾਕ ‘ਚ ਮਿਲ ਜਾਵੇਗੀ ਸਿੱਖ ਧਰਮ ‘ਚ ਆਉਂਦਾ ਹੈ ਕਿ ‘ਜਿਨ ਪ੍ਰੇਮ ਕੀਓ ਤਿਨ ਹੀ ਪ੍ਰਭ ਪਾਇਓ’ ਤਾਂ ਮਾਲਕ ਦਾ ਪ੍ਰੇਮ ਸੁੱਖਾਂ ਦੀ ਖਾਨ ਹੈ ਜੋ ਮਾਲਕ ਨਾਲ, ਉਸਦੀ ਔਲਾਦ ਨਾਲ ਪ੍ਰੇਮ ਕਰਦੇ ਹਨ, ਮਾਲਕ ਉਨ੍ਹਾਂ ਨੂੰ ਆਪਣੇ ਪਿਆਰ-ਮੁਹੱਬਤ ਨਾਲ ਨਿਵਾਜ਼ ਦਿਆ ਕਰਦਾ ਹੈ। (Saint Dr MSG)

ਕਿੱਲਿਆਂਵਾਲੀ, ਸੱਚ ਕਹੂੰ ਨਿਊਜ।

ਸੱਤਾਧਾਰੀ ਕਾਂਗਰਸ ਨੇ ਅੱਜ ਅਕਾਲੀਆਂ ਦੇ ਗੜ ‘ਚ ਰੈਲੀ ਕਰਕੇ ਅਕਾਲੀਆਂ ਦੇ ਦਿਨ ਬੀਤ ਜਾਣ ਦੀ ਗੱਲ ਕਹਿੰਦਿਆਂ ਆਉਣ ਵਾਲੀਆਂ ਲੋਕ ਸਭਾ ਚੋਣਾਂ ‘ਚ 13 ‘ਚੋਂ 13 ਸੀਟਾਂ ‘ਤੇ ਜਿੱਤ ਦਾ ਦਾਅਵਾ ਕੀਤਾ। ਇਸ ਮੌਕੇ ਕੈਪਟਨ ਅਮਰਿੰਦਰ ਸਿੰਘ ਨੇ ਕਿਹਾ ਕਿ ਪੰਜਾਬ ਦੇ ਲੋਕਾਂ ‘ਚੋਂ ਹੁਣ ਅਕਾਲੀ ਦਲ ਦਾ ਸਫਾਇਆ ਹੋ ਚੁੱਕਾ ਹੈ ਤੇ ਸਿਰਫ ਕਾਂਗਰਸ ਹੀ ਅਜਿਹੀ ਪਾਰਟੀ ਹੈ ਜੋ ਲੋਕਾਂ ਦੇ ਦਿਲ ‘ਚ ਵਸੀ ਹੋਈ ਹੈ।

ਇਸ ਮੌਕੇ ਉਹਨਾਂ ਬਰਗਾੜੀ ਗੋਲੀ ਕਾਂਡ ਦੀ ਗੱਲ ਕਰਦਿਆਂ ਕਿਹਾ ਕਿ ਬਾਦਲਾਂ ਖਿਲਾਫ਼ ਐੱਸ.ਆਈ. ਟੀ ਦੀ ਸਿਫਾਰਿਸ਼ ‘ਤੇ ਕੇਸ ਕੀਤਾ ਜਾਵੇਗਾ।  ਕੈਪਟਨ ਨੇ ਕਿਹਾ ਕਿ ਅਕਾਲੀ ਸਰਕਾਰ ‘ਚ ਨਸ਼ੇ ਦੇ ਕਾਰਨ ਹਜ਼ਾਰਾਂ ਨੌਜਵਾਨ ਬਰਬਾਦ ਹੋਏ ਹਨ, ਪੰਜਾਬ ‘ਚ ਨਸ਼ੇ ਨਾਲ ਕਿੰਨ ਲੋਕ ਮਰੇ ਹਨ, ਇਹ ਬਾਦਲਾਂ ਨੂੰ ਪਤਾ ਹੀ ਹੋਵੇਗਾ। ਕੈਪਟਨ ਨੇ ਕਿਹਾ ਕਿ ਸਾਡੀ ਸਰਕਾਰ ਨੇ ਦੋ ਲੱਖ ਲੋਕਾਂ ਦੇ ਕਰਜ਼ ਮੁਆਫ ਕੀਤੇ ਹਨ ਅਤੇ ਵਧ ਤੋਂ ਵਧ ਕਿਸਾਨਾਂ ਦੇ ਕਰਜ਼ੇ ਵੀ ਮੁਆਫ ਕੀਤੇ ਜਾਣਗੇ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਖੇਡ ਭਾਵਨਾ ਨੇ ਦੁਨੀਆਂ ਦੇ ਖੇਡ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤ ਲਿਆ | President Of Croatia

ਮਾਸਕੋ (ਏਜੰਸੀ)। ਰੂਸ ‘ਚ ਫੀਫਾ ਵਿਸ਼ਵ ਕੱਪ ਫਰਾਂਸ ਨੂੰ ਚੈਂਪਿਅਨ ਬਣਾਉਣ ਦੇ ਨਾਲ ਸਮਾਪਤ ਹੋ ਗਿਆ ਜਿੱਥੇ ਫਾਈਨਲ ਮੁਕਾਬਲੇ ‘ਚ ਵਿਰੋਧੀ ਟੀਮ ਕ੍ਰੋਏਸ਼ੀਆ ਨੂੰ ਭਾਵੇਂ ਹਾਰ ਝੱਲਣੀ ਪਈ ਪਰ ਉਸਦੀ ਰਾਸ਼ਟਰਪਤੀ ਕੋਲਿਡਾ ਗ੍ਰਾਬਰ ਕਿਤਰੋਵਿਚ ਪੇਸ਼ਕਸ਼ ‘ਚ ਜਾਦੂ ਦੀ ਝੱਪੀ ਦੇ ਕੇ ਜ਼ਰੂਰ ਸਾਰਿਆਂ ਦਾ ਦਿਲ ਜਿੱਤ ਲੈ ਗਈ। (President Of Croatia)

ਕ੍ਰੋਏਸ਼ੀਆ ਦੀ ਹਾਰ ਦੇ ਬਾਵਜ਼ੂਦ ਕੋਲਿਡਾ ਦੇ ਚਿਹਰੇ ‘ਤੇ ਵੱਡੀ ਸਾਰੀ ਮੁਸਕਾਨ | President Of Croatia

ਰੂਸ ਦੀ ਮੇਜ਼ਬਾਨੀ ‘ਚ ਹੋਏ ਵਿਸ਼ਵ ਕੱਪ ‘ਚ ਕ੍ਰੋਏਸ਼ੀਆ ਅਤੇ ਰੂਸ ਦਰਮਿਆਨ ਨਾਕਆਊਟ ਮੈਚ ਦੌਰਾਨ ਆਪਣੀ ਟੀਮ ਜਰਸੀ ‘ਚ ਬੈਠੀ ਕੋਲਿਡਾ ਨੇ ਟੀਮ ਦੀ ਜਿੱਤ ਦੇ ਨਾਲ ਹੀ ਜਦੋਂ ਹਾਰੀ ਟੀਮ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਸਾਹਮਣੇ ਹੀ ਡਾਂਸ ਕਰਨਾ ਸ਼ੁਰੂ ਕਰ ਦਿੱਤਾ ਤਾਂ ਪੂਰੀ ਦੁਨੀਆਂ ਨੂੰ ਉਸਦਾ ਅੰਦਾਜ਼ ਬੇਹੱਦ ਪਸੰਦ ਆਇਆ ਪਰ ਐਤਵਾਰ ਨੂੰ ਮਾਸਕੋ ‘ਚ ਹੋਏ ਫਾਈਨਲ ‘ਚ ਉਸਦੀ ਟੀਮ ਕ੍ਰੋਏਸ਼ੀਆ ਦੀ ਹਾਰ ਦੇ ਬਾਵਜ਼ੂਦ ਕੋਲਿਡਾ ਦੇ ਚਿਹਰੇ ‘ਤੇ ਵੱਡੀ ਸਾਰੀ ਮੁਸਕਾਨ ਲਈ ਖੁਸ਼ੀ ‘ਚ ਝੂਮਦੀ ਦਿਸੀ ਤਾਂ ਉਹਨਾਂ ਦੀ ਖੇਡ ਭਾਵਨਾ ਨੇ ਦੁਨੀਆਂ ਭਰ ਦੇ ਖੇਡ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤ ਲਿਆ।

ਟੀਮ ਦੀ ਹਾਰ ਦੇ ਬਾਵਜ਼ੂਦ ਕੋਲਿਡਾ ਖੁਸ਼ ਦਿਸੀ

ਖ਼ਿਤਾਬੀ ਮੁਕਾਬਲੇ ਤੋਂ ਬਾਅਦ ਰਸਮੀ ਅਵਾਰਡ ਸਮਾਗਮ ਲਈ ਮੰਚ ਸਜਾਇਆ ਗਿਆ ਤਾਂ ਫਰਾਂਸ ਦੇ ਰਾਸ਼ਟਰਪਤੀ ਅਮਾਨੁਲ ਮੈਕਰੋਂ ਨਾਲ ਪ੍ਰੈਜੇਂਟੇਸ਼ਨ ਲਈ ਮੈਦਾਨ ‘ਤੇ ਪਹੁੰਚੀ ਉਹਨਾਂ ਨਾਲ ਮੇਜ਼ਬਾਨ ਰੂਸ ਦੇ ਰਾਸ਼ਟਰਪਤੀ ਵਲਾਦਿਮੀਰ ਪੁਤਿਨ ਵੀ ਮੌਜ਼ੂਦ ਸਨ ਪਰ ਆਪਣੀ ਟੀਮ ਦੀ ਹਾਰ ਦੇ ਬਾਵਜ਼ੂਦ ਕੋਲਿਡਾ ਖੁਸ਼ ਦਿਸੀ। ਪ੍ਰੈਜੇਂਟੇਸ਼ਨ ਸ਼ੁਰੂ ਹੁੰਦੇ ਹੀ ਜ਼ਬਰਦਸਤ ਬਰਸਾਤ ਵੀ ਸ਼ੁਰੂ ਹੋ ਗਈ ਅਤੇ ਪੁਤਿਨ ਜਿੱਥੇ ਛਤਰੀ ‘ਚ ਆਰਾਮ ਨਾਲ ਖੜੇ ਰਹੇ ਉੱਥੇ ਮੈਕਰੋਂ ਅਤੇ ਕੋਲਿਡਾ ਮੀਂਹ ‘ਚ ਭਿੱਜਦੇ ਰਹੇ ਅਵਾਰਡ ਲਈ ਪਹੁੰਚ ਰਹੇ 23-23 ਮੈਂਬਰਾਂ ਦੇ ਦੋਵਾਂ ਟੀਮਾਂ ਦੇ ਹਰ ਖਿਡਾਰੀ ਨਾਲ ਫੀਫਾ ਮੁਖੀ ਜਿਆਨੀ ਅਤੇ ਪੁਤਿਨ ਨੇ ਹੱਥ ਮਿਲਾਇਆ ਤਾਂ ਨਾਲ ਖੜ੍ਹੇ ਮੈਕਰੋਂ ਅਤੇ ਉਹਨਾਂ ਨਾਲ ਹੀ ਖੜ੍ਹੀ ਕੋਲਿਡਾ ਨੇ ਖਿਡਾਰੀਆਂ ਨੂੰ ਗਲੇ ਲਗਾਇਆ।

50 ਸਾਲਾ ਕੋਲਿਡਾ ਆਪਣੀ ਟੀਮ ਦੇ ਹਰ ਖਿਡਾਰੀ ਅਤੇ ਕੋਚ ਜਲਾਟਕੋ ਨੂੰ ਗਲੇ ਮਿਲੀ ਅਤੇ ਆਪਣੀ ਟੀਮ ਦੇ ਖਿਡਾਰੀਆਂ ਨੂੰ ਹਮਦਰਦੀ ਜਿਤਾਈ ਜਦੋਂਕਿ ਫਰਾਂਸ ਦੇ ਖਿਡਾਰੀ, ਉਸ ਦੇ ਕੋਚ ਡੀਸ਼ੈਂਪਸ ਨੂੰ ਵੀ ਆਪਣੀ ਟੀਮ ਦੇ ਖਿਡਾਰੀਆਂ ਵਾਂਗ ਹੀ ਗਲੇ ਲਾਇਆ ਐਨਾ ਹੀ ਨਹੀਂ ਰਾਸ਼ਟਰਪਤੀ ਕੋਲਿਡਾ ਨੇ ਫਾਈਨਲ ‘ਚ ਰੈਫਰੀ ਦੀ ਭੂਮਿਕਾ ਨਿਭਾਉਣ ਵਾਲੇ ਅਧਿਕਾਰੀਆਂ ਨੂੰ ਵੀ ਗਲੇ ਲਾਇਆ ਉਹਨਾਂ ਮੈਦਾਨ ਤੋਂ ਜਾਂਦੇ ਜਾਂਦੇ ਵਿਸ਼ਵ ਕੱਪ ਟਰਾਫ਼ੀ ਨੂੰ ਵੀ ਹੱਥਾਂ ‘ਚ ਲਿਆ ਅਤੇ ਮੈਕਰਾਂ ਨੂੰ ਜਿੱਤ ਦੀ ਵਧਾਈ ਦਿੱਤੀ ਆਪਣੇ ਇਸ ਵਤੀਰੇ ਨਾਲ ਕੋਲਿਡਾ ਦੁਨੀਆਂ ਭਰ ‘ਚ ਸੋਸ਼ਲ ਨੈਟਵਰਕਿੰਗ ਸਾਈਟ ‘ਤੇ ਛਾ ਗਈ ਹੈ।

ਕੁਝ ਮੰਤਰੀਆਂ ਨੇ ਕੀਤਾ ਡੋਪ ਟੈਸਟ ਕਰਵਾਉਣ ਤੋਂ ਸਾਫ਼ ਇਨਕਾਰ | Afeem

• ਕਈ ਤਰ੍ਹਾਂ ਦੀ ਬਿਮਾਰੀਆਂ ਕਾਰਨ ਖਾਂਦੇ ਹਨ ਦਵਾਈ | Afeem

ਚੰਡੀਗੜ੍ਹ, (ਅਸ਼ਵਨੀ ਚਾਵਲਾ/ਸੱਚ ਕਹੂੰ ਨਿਊਜ਼)। ਪੰਜਾਬ ਦੇ ਸਰਕਾਰੀ ਕਰਮਚਾਰੀਆਂ ਅਤੇ ਅਧਿਕਾਰੀਆਂ ਦਾ ਡੋਪ ਟੈਸਟ ਲਾਜ਼ਮੀ ਕਰਨ ਵਾਲੀ ਅਮਰਿੰਦਰ ਸਿੰਘ ਦੀ ਸਰਕਾਰ ਦੇ ਕੁਝ ਮੰਤਰੀਆਂ ਨੇ ਖ਼ੁਦ ਦਾ ਡੋਪ ਟੈਸਟ ਕਰਵਾਉਣ ਤੋਂ ਸਾਫ਼ ਇਨਕਾਰ ਦਿੱਤਾ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਉਹ ਖ਼ੁਦ ਮੁਖ਼ਤਿਆਰ ਹੋ ਕੇ ਡੋਪ ਟੈਸਟ ਨਹੀਂ ਕਰਵਾਉਣਗੇ, ਜੇਕਰ ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਵੱਲੋਂ ਕੋਈ ਆਦੇਸ਼ ਆਇਆ ਤਾਂ ਵਿਚਾਰ ਕਰ ਸਕਦੇ ਹਨ, ਇੱਥੇ ਹੀ ਇੱਕ ਕੈਬਨਿਟ ਮੰਤਰੀ ਨੇ ਇਹ ਵੀ ਕਿਹਾ ਕਿ ਉਹ ਬਿਮਾਰੀ ਕਾਰਨ ਦਵਾਈ ਖਾਂਦੇ ਹਨ, ਜਿਸ ਕਾਰਨ ਉਹ ਡੋਪ ਟੈਸਟ ਨਹੀਂ ਕਰਵਾ ਸਕਦੇ ਕਿਉਂਕਿ ਡੋਪ ਟੈਸਟ ਦਵਾਈ ਜਾਂ ਫਿਰ ਨਸ਼ੇ ਵਿੱਚ ਕੋਈ ਫਰਕ ਨਹੀਂ ਲੱਭ ਸਕਦਾ।

ਇੱਥੇ ਹੀ ਇੱਕ ਮੰਤਰੀ ਨੇ ਕਿਹਾ ਕਿ ਉਹ ਦਿਲ ਦੇ ਮਰੀਜ਼ ਹਨ ਅਤੇ ਡਾਕਟਰ ਵੱਲੋਂ ਉਨ੍ਹਾਂ ਨੂੰ ਮਹੀਨੇ ਵਿੱਚ ਕਦੇ ਕਦਾਰ ਅਫ਼ੀਮ ਖਾਣ ਦੀ ਸਲਾਹ ਦਿੱਤੀ ਹੋਈ ਹੈ, ਇਸ ਲਈ ਜੇਕਰ ਡੋਪ ਕਰਵਾਇਆ ਤਾਂ ਰਿਪੋਰਟ ਵਿੱਚ ਪਿਛਲੇ 6 ਮਹੀਨੇ ਪਹਿਲਾਂ ਵੀ ਖਾਂਦੀ ਹੋਈ ਅਫ਼ੀਮ ਆ ਜਾਏਗੀ, ਜਿਸ ਨੂੰ ਨਸ਼ਾ ਜਾਂ ਫਿਰ ਨਸ਼ੇੜੀ ਨਹੀਂ ਕਿਹਾ ਜਾ ਸਕਦਾ।  ਕੈਬਨਿਟ ਮੰਤਰੀਆਂ ਵੱਲੋਂ ਇਨਕਾਰ ਕਰਨ ਤੋਂ ਬਾਅਦ ਪੰਜਾਬ ਵਿੱਚ ਸਿਆਸਤ ਗਰਮਾ ਸਕਦੀ ਹੈ, ਕਿਉਂਕਿ ਸਰਕਾਰੀ ਕਰਮਚਾਰੀਆਂ ਨੇ ਸਾਫ਼ ਤੌਰ ‘ਤੇ ਕਹਿ ਦਿੱਤਾ ਹੈ ਕਿ ਜੇਕਰ ਕੈਬਨਿਟ ਮੰਤਰੀ ਅਤੇ ਵਿਧਾਇਕ ਡੋਪ ਟੈਸਟ ਨਹੀਂ ਕਰਵਾਉਂਦੇ ਤਾਂ ਉਹ ਵੀ ਨਹੀਂ ਕਰਵਾਉਣਗੇ, ਕਿਉਂਕਿ ਜਿਹੜੇ ਖਜਾਨੇ ਵਿੱਚੋਂ ਅਧਿਕਾਰੀ ਅਤੇ ਕਰਮਚਾਰੀ ਤਨਖ਼ਾਹ ਲੈਂਦੇ ਹਨ, ਉਸੇ ਸਰਕਾਰੀ ਖਜਾਨੇ ਵਿੱਚੋਂ ਮੰਤਰੀ ਅਤੇ ਵਿਧਾਇਕ ਵੀ ਤਨਖ਼ਾਹ ਲੈ ਰਹੇ ਹਨ।

ਕਈ ਮੰਤਰੀਆਂ ਨੇ ਕਿਹਾ, ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਦੇ ਆਦੇਸ਼ ਦਾ ਕਰਨਗੇ ਇੰਤਜ਼ਾਰ | Afeem

ਇਸ ਲਈ ਕੈਬਨਿਟ ਮੰਤਰੀਆਂ ਅਤੇ ਵਿਧਾਇਕਾਂ ਦਾ ਵੀ ਡੋਪ ਟੈਸਟ ਹੋਣਾ ਚਾਹੀਦਾ ਹੈ। ਡੋਪ ਟੈਸਟ ਨੂੰ ਲੈ ਕੇ ਕੁਝ ਮੰਤਰੀ ਤਾਂ ਕੁਝ ਵੀ ਕਹਿਣ ਤੋਂ ਸਾਫ਼ ਇਨਕਾਰ ਕਰ ਰਹੇ ਹਨ, ਕਿਉਂਕਿ ਇਹ ਸਿਆਸੀ ਮੁੱਦਾ ਬਣ ਚੁੱਕਾ ਹੈ ਅਤੇ ਇਸ ਮੁੱਦੇ ਵਿੱਚ ਬਿਆਨ ਦੇ ਕੇ ਕੋਈ ਵੀ ਮੰਤਰੀ ਮੁਫ਼ਤ ਦਾ ਵਿਵਾਦ ਖੜ੍ਹਾ ਨਹੀਂ ਕਰਨਾ ਚਾਹੁੰਦਾ ਹੈ। ਇੱਕ ਕੈਬਨਿਟ ਮੰਤਰੀ ਨੇ ਕਿਹਾ ਕਿ ਅਜੇ ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਦਾ ਉਨ੍ਹਾਂ ਨੂੰ ਕੋਈ ਆਦੇਸ਼ ਨਹੀਂ ਆਇਆ ਹੈ, ਇਸ ਲਈ ਜਦੋਂ ਆਦੇਸ਼ ਆਏਗਾ, ਉਸ ਸਮੇਂ ਦੇਖ ਲੈਣਗੇ, ਇੱਥੇ ਹੀ ਉਨ੍ਹਾਂ ਕਿਹਾ ਕਿ ਤ੍ਰਿਪਤ ਰਾਜਿੰਦਰ ਬਾਜਵਾ ਨੂੰ ਡੋਪ ਟੈਸਟ ਲਈ ਪਹਿਲ ਕਰਨ ਦੀ ਥਾਂ ‘ਤੇ ਅਮਰਿੰਦਰ ਸਿੰਘ ਦੇ ਆਦੇਸ਼ ਦਾ ਇੰਤਜ਼ਾਰ ਕਰਨਾ ਚਾਹੀਦਾ ਹੈ।

ਬਾਜਵਾ ਦਾ ਨਹੀਂ ਹੋਇਆ ਡੋਪ ਟੈਸਟ | Afeem

ਪੰਜਾਬ ਵਿੱਚ ਸਭ ਤੋਂ ਪਹਿਲਾਂ ਆਪਣਾ ਡੋਪ ਟੈਸਟ ਕਰਵਾਉਣਾ ਦਾ ਐਲਾਨ ਕਰਨ ਵਾਲੇ ਕੈਬਨਿਟ ਮੰਤਰੀ ਤ੍ਰਿਪਤ ਰਾਜਿੰਦਰ ਬਾਜਵਾ ਦਾ ਮੋਹਾਲੀ ਵਿਖੇ ਡੋਪ ਟੈਸਟ ਨਹੀਂ ਹੋ ਸਕਿਆ ਡੋਪ ਟੈਸਟ ਕਰਵਾਉਣ ਲਈ ਤ੍ਰਿਪਤ ਰਾਜਿੰਦਰ ਬਾਜਵਾ ਮੋਹਾਲੀ ਦੇ ਸਿਵਲ ਹਸਪਤਾਲ ਵਿਖੇ ਪੁੱਜ ਤਾਂ ਗਏ ਸਨ ਪਰ ਉਨ੍ਹਾਂ ਵੱਲੋਂ ਸਿਰ ਦੇ ਦਰਦ ਲਈ ਖਾਈ ਜਾ ਰਹੀ ਇੱਕ ਦਵਾਈ ਕਾਰਨ ਉਨ੍ਹਾਂ ਦਾ ਡੋਪ ਟੈਸਟ ਨਹੀਂ ਲਿਆ ਗਿਆ। ਡਾਕਟਰਾਂ ਨੇ ਕੈਬਨਿਟ ਮੰਤਰੀ ਨੂੰ ਸਲਾਹ ਦਿੱਤੀ ਹੈ ਕਿ ਉਹ 72 ਘੰਟੇ ਲਈ ਦਵਾਈ ਨੂੰ ਛੱਡਣ ਤੋਂ ਬਾਅਦ ਹੀ ਡੋਪ ਟੈਸਟ ਕਰਵਾਉਣ ਨਹੀਂ ਤਾਂ ਉਨ੍ਹਾਂ ਦਾ ਡੋਪ ਟੈਸਟ ਵਿੱਚ ਦਵਾਈ ਕਾਰਨ ਉਮੀਦ ਤੋਂ ਉਲਟ ਆ ਸਕਦਾ ਹੈ। ਇੱਥੇ ਹੀ ਮੌਕੇ ਦਾ ਫਾਇਦਾ ਚੁੱਕਦੇ ਹੋਏ ਮੋਹਾਲੀ ਵਿਖੇ ਆਪ ਵਿਧਾਇਕ ਅਮਨ ਅਰੋੜਾ ਨੇ ਪੁੱਜਦੇ ਹੋਏ ਆਪਣਾ ਡੋਪ ਟੈਸਟ ਕਰਵਾ ਲਿਆ ਹੈ।

ਨਿਝਨੀ ਨੋਵਗਰੋਦ (ਏਜੰਸੀ) । ਕਪਤਾਨ ਐਂਡਰਿਅਨ ਗ੍ਰੇਨਕਵਿਸਟ ਦੇ ਦੂਸਰੇ ਅੱਧ ‘ਚ ਪੈਨਲਟੀ ‘ਤੇ ਕੀਤੇ ਗਏ ਗੋਲ ਦੀ ਬਦੌਲਤ ਸਵੀਡਨ ਨੇ ਏਸ਼ੀਆ ਦੀ ਟੀਮ ਕੋਰੀਆ ਨੂੰ ਫੀਫਾ ਵਿਸ਼ਵ ਕੱਪ ਫੁੱਟਬਾਲ ਟੂਰਨਾਮੈਂਟ ‘ਚ ਸੋਮਵਾਰ ਨੂੰ 1-0 ਨਾਲ ਹਰਾ ਦਿੱਤਾ ਅਤੇ ਪੂਰੇ ਤਿੰਨ ਅੰਕ ਹਾਸਲ ਕੀਤੇ। ਸਵੀਡਨ ਨੂੰ ਵੀਡੀਓ ਰਵਿਊ ਦੇ ਰਾਹੀਂ 65ਵੇਂ ਮਿੰਟ ‘ਚ ਇਹ ਪੈਨਲਟੀ ਮਿਲੀ ਅਤੇ ਕਪਤਾਨ ਨੇ ਇਸ ਸੁਨਹਿਰੇ ਮੌਕੇ ਨੂੰ ਗੋਲ ‘ਚ ਬਦਲਣ ‘ਚ ਕੋਈ ਗਲਤੀ ਨਹੀਂ ਕੀਤੀ ।

ਕੋਰੀਆ ਕੋਲ ਇੰਜ਼ਰੀ ਸਮੇਂ ‘ ਬਰਾਬਰੀ ਦਾ ਬਿਹਤਰੀਨ ਮੌਕਾ ਸੀ ਪਰ ਹਵਾਂਗ ਗੋਲ ਦੇ ਸਾਹਮਣੇ ਹੈਡਰ ਬਾਹਰ ਬੈਠਾ ਜਦੋਂਕਿ ਗੋਲਕੀਪਰ ਗੇਂਦ ਨੂੰ ਰੋਕਣ ਦੀ ਪੋਜ਼ੀਸ਼ਨ ‘ਚ ਨਹੀਂ ਸੀ ਇਸ ਗਰੁੱਪ ‘ਚ ਮੈਕਸਿਕੋ ਵੱਲੋਂ ਪਿਛਲੀ ਚੈਂਪੀਅਨ ਜਰਮਨੀ ਨੂੰ ਹਰਾਉਣ ਤੋਂ ਬਾਅਦ ਇਸ ਮੁਕਾਬਲੇ ‘ਚ ਦੋਵੇਂ ਟੀਮਾਂ ਜਿੱਤਣ ਲਈ ਬੇਤਾਬ ਸਨ ਦੂਸਰੇ ਅੱਧ ‘ਚ ਵਿਕਟਰ ਕਲੇਸਨ ਨੂੰ ਕਿਮ ਮਿਨ ਨੇ ਡੇਗਿਆ ਅਤੇ ਰੈਫਰੀ ਜੋਲ ਅਗਿਵਲਰ ਨੇ ਫੁਟੇਜ਼ ਦੇਖਣ ਤੋਂ ਬਾਅਦ ਪੈਨਲਟੀ ਦਾ ਇਸ਼ਾਰਾ ਕਰ ਦਿੱਤਾ ਜਿਸ ‘ਤੇ ਸਵੀਡਨ ਦੇ ਕਪਤਾਨ ਨੇ ਗੋਲ ਕਰ ਦਿੱਤਾ ਚੋ ਨੇ ਮੈਚ ‘ਚ ਹਾਲਾਂਕਿ ਚੰਗੇ ਬਚਾਅ ਕੀਤੇ ਪਰ ਪੈਨਲਟੀ ‘ਤੇ ਉਹ ਸ਼ਾਟ ਦੇ ਉਲਟ ਛਾਲ ਮਾਰ ਬੈਠੇ।

ਸਵੀਡਨ ਨੇ ਨਵੰਬਰ ‘ਚ ਖੇਡੇ ਗਏ ਪਲੇਆੱਫ ‘ਚ ਇਟਲੀ ਨੂੰ ਅਪਸੈੱਟ ਕਰਕੇ 2006 ਤੋਂ ਬਾਅਦ ਪਹਿਲੀ ਵਾਰ ਵਿਸ਼ਵ ਕੱਪ ਲਈ ਕੁਆਲੀਫਾਈ ਕੀਤਾ ਸੀ ਅਤੇ ਵਿਸ਼ਵ ਕੱਪ ‘ਚ ਉਸਨੇ ਜੇਤੂ ਸ਼ੁਰੂਆਤ ਕੀਤੀ ਸਵੀਡਨ ਨੇ ਵਿਸ਼ਵ ਕੱਪ ਤੋਂ ਪਹਿਲਾਂ 3 ਅਭਿਆਸ ਮੈਚਾਂ ‘ਚ ਕੋਈ ਗੋਲ ਨਹੀਂ ਕੀਤਾ ਸੀ ਪਰ ਆਖ਼ਰ ਪੈਨਲਟੀ ਨੇ ਇਹ ਅੜਿੱਕਾ ਖ਼ਤਮ ਕਰ ਦਿੱਤਾ। ਲਗਾਤਾਰ 9ਵੀਂ ਵਾਰ ਵਿਸ਼ਵ ਕੱਪ ਖੇਡ ਰਹੇ ਕੋਰੀਆ ਦੀ ਸ਼ੁਰੂਆਤ ਚੰਗੀ ਨਹੀਂ ਰਹੀ ਉਸਨੂੰ ਇੰਜ਼ਰੀ ਸਮੇਂ ‘ਚ ਬਰਾਬਰੀ ਦਾ ਮੌਕਾ ਮਿਲਿਆ ਪਰ ਚਾਨ ਦਾ ਹੈਡਰ ਬਾਹਰ ਨਿਕਲਦੇ ਹੀ ਕੋਰਿਆਈ ਪ੍ਰਸ਼ੰਸਕਾਂ ਨੇ ਨਿਰਾਸ਼ਾ ‘ਚ ਆਪਣਾ ਸਿਰ ਫੜ ਲਿਆ ਕੋਰਿਆਈ ਟੀਮ ਚਾਰ ਸਾਲ ਪਹਿਲਾਂ ਬ੍ਰਾਜ਼ੀਲ ‘ਚ ਤਿੰਨ ਗਰੁੱਪ ਮੈਚਾਂ ‘ਚ ਸਿਰਫ਼ ਇੱਕ ਅੰਕ ਹੀ ਹਾਸਲ ਕਰ ਸਕੀ ਸੀ ਅਤੇ ਦੇਸ਼ ਪਰਤਣ ‘ਤੇ ਪ੍ਰਸ਼ੰਸਕਾਂ ਨੇ ਟੀਮ ‘ਤੇ ਟਾਫੀਆਂਸੁੱਟ ਕੇ ਉਹਨਾਂ ਨੂੰ ਬੇਇਜ਼ਤ ਕੀਤਾ ਸੀ।

ਡੇਰਾ ਸੱਚਾ ਸੌਦਾ ਦੇ ਰੂਹਾਨੀ ਸਥਾਪਨਾ ਦਿਵਸ ਮੌਕੇ ਵੱਡੀ ਗਿਣਤੀ ‘ਚ ਪਹੁੰਚੀ ਸਾਧ-ਸੰਗਤ | Dera Sacha Sauda

• ਲੋੜਵੰਦ ਪਰਿਵਾਰਾਂ ਨੂੰ ਵੰਡਿਆ ਰਾਸ਼ਨ ਤੇ ਬੱਚਿਆਂ ਨੂੰ ਸਟੇਸ਼ਨਰੀ | Dera Sacha Sauda

ਸਰਸਾ (ਭੁਪਿੰਦਰ ਸਿੰਘ)। ਲੋਹੜੇ ਦੀ ਗਰਮੀ ਤੇ ਕੰਮਕਾਜੀ ਸੀਜਨ ਦੇ ਦਿਨਾਂ ਦੌਰਾਨ ਵੀ ਵੱਡੀ ਗਿਣਤੀ ‘ਚ ਪਹੁੰਚੀ ਸਾਧ-ਸੰਗਤ ਨੇ ਐਤਵਾਰ ਨੂੰ ਸ਼ਾਹ ਸਤਿਨਾਮ ਜੀ ਧਾਮ ਵਿਖੇ (Dera Sacha Sauda) ਡੇਰਾ ਸੱਚਾ ਸੌਦਾ ਦੇ ਰੂਹਾਨੀ ਸਥਾਪਨਾ ਦਿਵਸ ਅਤੇ ਜਾਮ-ਏ-ਇੰਸਾਂ ਗੁਰੂ ਕਾ ਦੀ ਵਰ੍ਹੇਗੰਢ ਮਨਾਈ। ਇਸ ਮੌਕੇ ਸ਼ਾਹ ਸਤਿਨਾਮ ਜੀ ਰਿਸਰਚ ਐਂਡ ਡਿਵੈਲਪਮੈਂਟ ਫਾਊਂਡੇਸ਼ਨ ਸਰਸਾ ਦੀ ਅਗਵਾਈ ਹੇਠ ਸ਼ਾਹ ਸਤਿਨਾਮ ਜੀ ਸਪੈਸ਼ਲਿਟੀ ਹਸਪਤਾਲ, ਸਰਸਾ ਵਿਖੇ ਵਿਸ਼ਾਲ ਮੁਫ਼ਤ ਚੈੱਕਅਪ ਕੈਂਪ ਅਤੇ ਸ਼ਾਹ ਸਤਿਨਾਮ ਜੀ ਧਾਮ ਸਥਿਤ ਸੱਚਖੰਡ ਹਾਲ ਵਿਖੇ ਖੂਨਦਾਨ ਕੈਂਪ ਲਗਾਇਆ ਗਿਆ।

ਇਸ ਪਵਿੱਤਰ ਦਿਹਾੜੇ ਮੌਕੇ ਸਤਿਸੰਗ ਪੰਡਾਲ ‘ਚ ਹੋਈ ਨਾਮ ਚਰਚਾ ਦੌਰਾਨ ਕਵੀਰਾਜ ਵੀਰਾਂ ਨੇ ਸ਼ਬਦਬਾਣੀ ਗਾ ਕੇ ਇਸ ਪਵਿੱਤਰ ਦਿਹਾੜੇ ‘ਤੇ ਮਾਲਕ ਦਾ ਗੁਣਗਾਨ ਕੀਤਾ। ਇਸ ਦੌਰਾਨ ਸਾਧ-ਸੰਗਤ ਨੇ ਰਿਕਾਰਡਿਡ ਵੀਡੀਓ ਰਾਹੀਂ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਵੱਲੋਂ ਫ਼ਰਮਾਏ ਗਏ ਬਚਨਾਂ ਨੂੰ ਸਰਵਣ ਕੀਤਾ।

ਇਸ ਮੌਕੇ ਡੇਰਾ ਸੱਚਾ ਸੌਦਾ ਵੱਲੋਂ ਚਲਾਏ ਜਾ ਰਹੇ ਮਾਨਵਤਾ ਭਲਾਈ ਕਾਰਜਾਂ ਤਹਿਤ ਲੋੜਵੰਦ ਪਰਿਵਾਰਾਂ ਨੂੰ ਜਿੱਥੇ ਰਾਸ਼ਨ ਵੰਡਿਆ ਗਿਆ ਉੱਥੇ ਗਰੀਬ ਤੇ ਲੋੜਵੰਦ ਪਰਿਵਾਰਾਂ ਦੇ ਬੱਚਿਆਂ ਨੂੰ ਕਿਤਾਬਾਂ ਤੇ ਹੋਰ ਸਟੇਸ਼ਨਰੀ ਵੰਡੀ ਗਈ। ਨਾਮਚਰਚਾ ਦੌਰਾਨ ਦਿਲ ਜੋੜ ਮਾਲਾ ਪਾ ਕੇ 7 ਜੋੜੇ ਵਿਆਹ ਬੰਧਨ ‘ਚ ਬੱਝੇ ਇਸ ਮੌਕੇ ਹਾਜ਼ਰ ਸਾਧ-ਸੰਗਤ ਨੇ ਡੇਰਾ ਸੱਚਾ ਸੌਦਾ ਵੱਲੋਂ ਚਲਾਏ ਜਾ ਰਹੇ ਮਾਨਵਤਾ ਭਲਾਈ ਕਾਰਜਾਂ ਨੂੰ ਹੋਰ ਤੇਜ਼ ਰਫਤਾਰ ਨਾਲ ਕਰਨ ਦਾ ਪ੍ਰਣ ਲਿਆ।

ਖੂਨਦਾਨ ਕੈਂਪ ‘ਚ ਹੋਇਆ 2375 ਯੂਨਿਟ ਖੂਨਦਾਨ | Dera Sacha Sauda

ਡੇਰਾ ਸੱਚਾ ਸੌਦਾ ਦੇ ਰੂਹਾਨੀ ਸਥਾਪਨਾ ਦਿਵਸ ਅਤੇ ਜਾਮ-ਏ-ਇੰਸਾਂ ਗੁਰੂ ਕਾ ਦੀ ਵਰ੍ਹੇਗੰਢ ‘ਤੇ ਸ਼ਾਹ ਸਤਿਨਾਮ ਜੀ ਧਾਮ ਦੇ ਸੱਚਖੰਡ ਹਾਲ ‘ਚ ਖੂਨਦਾਨ ਕੈਂਪ ਲਗਾਇਆ ਗਿਆ। ਖੂਨਦਾਨ ਕੈਂਪ ਦਾ ਸ਼ੁੱਭ ਆਰੰਭ ਡੇਰਾ ਸੱਚਾ ਸੌਦਾ ਦੀ ਮੈਨੇਜਿੰਗ ਕਮੇਟੀ ਦੁਆਰਾ ‘ਧੰਨ-ਧੰਨ ਸਤਿਗੁਰੂ ਤੇਰਾ ਹੀ ਆਸਰਾ’ ਦਾ ਪਵਿੱਤਰ ਨਾਅਰਾ ਲਾ ਕੇ ਤੇ ਬੇਨਤੀ ਦਾ ਸ਼ਬਦ ਬੋਲ ਕੇ ਕੀਤਾ ਗਿਆ। ਇਸ ਮੌਕੇ ਖੂਨਦਾਨ ਲਈ ਪਹੁੰਚੇ ਖੂਨਦਾਨੀਆਂ ਦਾ ਉਤਸ਼ਾਹ ਵੇਖਦਿਆਂ ਹੀ ਬਣਦਾ ਸੀ ਕੈਂਪ ‘ਚ ਕੁੱਲ 2375 ਯੂਨਿਟ ਖੂਨਦਾਨ ਹੋਇਆ।

ਮੈਡੀਕਲ ਕੈਂਪ ਦਾ 1751 ਨੇ ਲਿਆ ਲਾਹਾ | Dera Sacha Sauda

ਡੇਰਾ ਸੱਚਾ ਸੌਦਾ ਦੇ ਰੂਹਾਨੀ ਸਥਾਪਨਾ ਦਿਵਸ ਅਤੇ ਜਾਮ-ਏ-ਇੰਸਾਂ ਗੁਰੂ ਕਾ ਦੀ ਵਰ੍ਹੇਗੰਢ ‘ਤੇ ਸ਼ਾਹ ਸਤਿਨਾਮ ਜੀ ਸਪੈਸ਼ਲਿਟੀ ਹਸਪਤਾਲ, ਸਰਸਾ ਵਿਖੇ ਲੱਗੇ ਮੁਫ਼ਤ ਚੈੱਕਅਪ ਕੈਂਪ ‘ਚ ਮਾਹਿਰ ਡਾਕਟਰਾਂ ਵੱਲੋਂ 1052 ਮਰੀਜ਼ਾਂ ਦੀ ਮੁਫ਼ਤ ਜਾਂਚ ਕੀਤੀ ਗਈ।

ਦੇਸ਼-ਵਿਦੇਸ਼ ‘ਚ ਵੀ ਹੋਈ ਨਾਮ ਚਰਚਾ

ਪੰਜਾਬ, ਹਰਿਆਣਾ, ਉੱਤਰ ਪ੍ਰਦੇਸ਼, ਹਿਮਾਚਲ ਪ੍ਰਦੇਸ਼, ਰਾਜਸਥਾਨ, ਦਿੱਲੀ, ਮਹਾਂਰਾਸ਼ਟਰ ਆਦਿ ਸੂਬਿਆਂ ਸਮੇਤ ਵਿਦੇਸ਼ਾਂ ਜਿਵੇਂ ਕੈਨੇਡਾ, ਅਸਟਰੇਲੀਆ, ਅਮਰੀਕਾ, ਇੰਗਲੈਂਡ ਆਦਿ  ਦੀ ਸਾਧ-ਸੰਗਤ ਨੇ ਸਥਾਨਕ ਨਾਮ ਚਰਚਾ ਘਰਾਂ ‘ਚ ਡੇਰਾ ਸੱਚਾ ਸੌਦਾ ਦੇ ਰੂਹਾਨੀ ਸਥਾਪਨਾ ਦਿਵਸ ਅਤੇ ਜਾਮ-ਏ-ਇੰਸਾਂ ਗੁਰੂ ਕਾ ਦੀ ਵਰ੍ਹੇਗੰਢ ਦਾ ਇਹ ਪਵਿੱਤਰ ਦਿਹਾੜਾ ਮਨਾਇਆ।