RCB vs GT: ਸਪੋਰਟਸ ਡੈਸਕ। IPL 2026 ਦਾ ਫਾਈਨਲ ਮੁਕਾਬਲਾ ਆਰਸੀਬੀ ਤੇ ਗੁਜਰਾਤ ਟਾਈਟਨਜ਼ ਵਿਚਕਾਰ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ’ਚ ਖੇਡਿਆ ਗਿਆ। ਇਸ ਫਾਈਨਲ ਮੁਕਾਬਲੇ ’ਚ ਆਰਸੀਬੀ ਨੇ ਗੁਜਰਾਤ ਨੂੰ 5 ਵਿਕਟਾਂ ਨਾਲ ਹਰਾ ਕੇ ਲਗਾਤਾਰ ਦੂਜੇ ਸਾਲ IPL ਦਾ ਖਿਤਾਬ ਜਿੱਤ ਲਿਆ। ਆਰਸੀਬੀ ਨੇ ਗੁਜਰਾਤ ਵੱਲੋਂ ਦਿੱਤੇ ਗਏ 156 ਦੌੜਾਂ ਦੇ ਟੀਚੇ ਨੂੰ 18 ਓਵਰਾਂ ’ਚ ਹਾਸਲ ਕਰ ਲਿਆ। ਫਾਈਨਲ ਮੁਕਾਬਲੇ ’ਚ ਸਟਾਰ ਬੱਲੇਬਾਜ਼ ਵਿਰਾਟ ਕੋਹਲੀ ਨੇ ਨਾਬਾਦ ਅਰਧਸੈਂਕੜੇ ਵਾਲੀ ਪਾਰੀ ਖੇਡੀ। ਟਿਮ ਡੇਵਿਡ ਨੇ ਤੇਜ਼-ਤਰਾਰ 24 ਦੌੜਾਂ ਦੀ ਪਾਰੀ ਖੇਡੀ।

Read Also : Honesty: ਸੱਚੇ ਨਿਮਰ ਸੇਵਾਦਾਰ ਰਾਹੁਲ ਇੰਸਾਂ ਨੇ ਸੜਕ ’ਤੇ ਡਿੱਗਿਆ ਮੋਬਾਇਲ ਵਾਪਸ ਕਰ ਦਿਖਾਈ ਇਮਾਨਦਾਰੀ

ਇਸ ਤੋਂ ਪਹਿਲਾਂ ਟਾਸ ਹਾਰ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਆਈ ਗੁਜਰਾਤ ਦੀ ਟੀਮ ਆਪਣੇ 20 ਓਵਰਾਂ ’ਚ 8 ਵਿਕਟਾਂ ਗੁਆ ਕੇ ਸਿਰਫ 155 ਦੌੜਾਂ ਹੀ ਬਣਾ ਸਕੀ। ਗੁਜਰਾਤ ਵੱਲੋਂ ਸਿਰਫ ਵਾਸ਼ਿੰਗਟਨ ਸੁੰਦਰ ਨੇ 37 ਗੇਂਦਾਂ ’ਤੇ 50 ਦੌੜਾਂ ਦੀ ਪਾਰੀ ਖੇਡੀ। ਹੋਰ ਕੋਈ ਬੱਲੇਬਾਜ਼ ਕੋਈ ਖਾਸ ਪ੍ਰਦਰਸ਼ਨ ਨਹੀਂ ਕਰ ਸਕਿਆ। ਜਵਾਬ ’ਚ ਆਰਸੀਬੀ ਦੀ ਟੀਮ ਨੂੰ ਪਾਵਰਪਲੇ ’ਚ ਵਿਰਾਟ ਕੋਹਲੀ ਤੇ ਵੈਂਕਟੇਸ਼ ਅਈਅਰ ਨੇ ਤੇਜ਼ ਸ਼ੁਰੂਆਤ ਦਿੱਤੀ। ਦੋਵੇਂ ਬੱਲੇਬਾਜ਼ਾਂ ਨੇ ਪਾਵਰਪਲੇ ’ਚ 62 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਵੈਂਕਟੇਸ਼ ਅਈਅਰ 32 ਦੌੜਾਂ ਬਣਾ ਕੇ ਮੁਹੰਮਦ ਸਿਰਾਜ਼ ਦਾ ਸ਼ਿਕਾਰ ਬਣੇ। ਗੁਜਰਾਤ ਦੀ ਟੀਮ ਵੱਲੋਂ ਰਾਸ਼ਿਦ ਖਾਨ ਨੇ 2 ਜਦਕਿ ਕੈਗਿਸੋ ਰਬਾਡਾ ਤੇ ਮੁਹੰਮਦ ਸਿਰਾਜ਼ ਨੇ 1-1 ਵਿਕਟ ਲਈ। RCB vs GT

ਦੋਵੇਂ ਟੀਮਾਂ ਦੀ ਪਲੇਇੰਗ-11 | RCB vs GT

ਗੁਜਰਾਤ : ਸ਼ੁਭਮਨ ਗਿੱਲ (ਕਪਤਾਨ), ਸਾਈ ਸੁਦਰਸ਼ਨ, ਜੋਸ ਬਟਲਰ (ਵਿਕਟਕੀਪਰ), ਵਾਸ਼ਿੰਗਟਨ ਸੁੰਦਰ, ਰਾਹੁਲ ਤਿਵਾਤੀਆ, ਨਿਸ਼ਾਂਤ ਸਿੰਧੂ, ਜੇਸਨ ਹੋਲਡਰ, ਰਾਸ਼ਿਦ ਖਾਨ, ਕਾਗਿਸੋ ਰਬਾਦਾ, ਅਰਸ਼ਦ ਖਾਨ ਤੇ ਮੁਹੰਮਦ ਸਿਰਾਜ।

ਇਮਪੈਕਟ ਪਲੇਅਰ : ਪ੍ਰਸਿਧ ਕ੍ਰਿਸ਼ਨਾ, ਗਲੇਨ ਫਿਲਿਪਸ, ਅਨੁਜ ਰਾਵਤ, ਕੁਮਾਰ ਕੁਸ਼ਾਗਰਾ, ਤੇ ਸਾਈ ਕਿਸ਼ੋਰ।

ਬੈਂਗਲੁਰੂ : ਵਿਰਾਟ ਕੋਹਲੀ, ਦੇਵਦੱਤ ਪਡੀਕਲ, ਰਜਤ ਪਾਟੀਦਾਰ (ਕਪਤਾਨ), ਜਿਤੇਸ਼ ਸ਼ਰਮਾ (ਵਿਕਟਕੀਪਰ), ਟਿਮ ਡੇਵਿਡ, ਕਰੁਣਾਲ ਪੰਡਯਾ, ਭੁਵਨੇਸ਼ਵਰ ਕੁਮਾਰ, ਰੋਮਾਰੀਓ ਸ਼ੈਫਰਡ, ਜੈਕਬ ਡਫੀ, ਜੋਸ਼ ਹੇਜ਼ਲਵੁੱਡ, ਤੇ ਰਸੀਖ ਸਲਾਮ।

ਇਮਪੈਕਟ ਪਲੇਅਰ : ਵੈਂਕਟੇਸ਼ ਅਈਅਰ, ਕਨਿਸ਼ਕ ਚੌਹਾਨ, ਸਵਪਨਿਲ ਸਿੰਘ, ਅਭਿਨੰਦਨ ਸਿੰਘ, ਤੇ ਜੌਰਡਨ ਕੌਕਸ।

Rajat Patidar: ਸਪੋਰਟਸ ਡੈਸਕ। ਰਾਇਲ ਚੈਲੇਂਜਰਜ਼ ਬੰਗਲੌਰ ਲਗਾਤਾਰ ਦੂਜੇ ਸੀਜ਼ਨ ਲਈ ਆਈਪੀਐਲ ਫਾਈਨਲ ’ਚ ਪਹੁੰਚਿਆ ਹੈ। ਇਹ ਛੇਵੀਂ ਵਾਰ ਹੈ ਜਦੋਂ ਕੋਈ ਮੌਜ਼ੂਦਾ ਚੈਂਪੀਅਨ ਫਾਈਨਲ ’ਚ ਪਹੁੰਚਿਆ ਹੈ। ਇਸ ਜਿੱਤ ਨਾਲ, ਬੰਗਲੌਰ ਦੇ ਕਪਤਾਨ ਰਜਤ ਪਾਟੀਦਾਰ ਨੇ ਐਮਐਸ ਧੋਨੀ ਤੇ ਰੋਹਿਤ ਸ਼ਰਮਾ ਦੀ ਬਰਾਬਰੀ ਕੀਤੀ, ਇੱਕ ਟੀਮ ਨੂੰ ਲਗਾਤਾਰ 2 ਆਈਪੀਐਲ ਫਾਈਨਲ ’ਚ ਲੈ ਜਾਣ ਵਾਲੇ ਪੰਜਵੇਂ ਕਪਤਾਨ ਬਣ ਗਏ। ਪਾਟੀਦਾਰ ਨੇ ਬੱਲੇ ਨਾਲ ਵੀ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ, 200 ਛੱਕੇ ਮਾਰਨ ਵਾਲੇ ਸਭ ਤੋਂ ਤੇਜ਼ ਭਾਰਤੀ ਬੱਲੇਬਾਜ਼ ਬਣ ਗਏ, ਇਸ ਸਬੰਧ ’ਚ ਅਭਿਸ਼ੇਕ ਸ਼ਰਮਾ ਦਾ ਰਿਕਾਰਡ ਤੋੜਿਆ। ਪਾਟੀਦਾਰ ਦੇ 33 ਗੇਂਦਾਂ ’ਤੇ ਅਜੇਤੂ 93 ਦੌੜਾਂ ਦੀ ਬਦੌਲਤ, ਬੰਗਲੌਰ ਨੇ ਆਈਪੀਐਲ ਪਲੇਆਫ ਇਤਿਹਾਸ ’ਚ ਸਭ ਤੋਂ ਜ਼ਿਆਦਾ 254 ਦੌੜਾਂ ਬਣਾਈਆਂ। ਪਾਟੀਦਾਰ ਨੇ 282 ਦੇ ਸਟ੍ਰਾਈਕ ਰੇਟ ਨਾਲ ਸਕੋਰ ਕੀਤਾ, ਜੋ ਲੀਗ ਇਤਿਹਾਸ ’ਚ 90 ਦੌੜਾਂ ਤੋਂ ਜ਼ਿਆਦਾ ਦੀ ਸਭ ਤੋਂ ਤੇਜ਼ ਪਾਰੀ ਹੈ।

Read Also : Punjab Weather Forecast: ਪੰਜਾਬ ’ਚ ਅੱਜ ਭਿਆਨਕ ਹੀਟਵੇਵ ਦਾ ਅਲਰਟ, ਭਲਕੇ ਤੋਂ ਬਦਲੇਗਾ ਮੌਸਮ

ਬੰਗਲੌਰ ਸਭ ਤੋਂ ਜ਼ਿਆਦਾ ਵਾਰ ਆਈਪੀਐਲ ਫਾਈਨਲ ’ਚ ਪਹੁੰਚਣ ਵਾਲੀ ਤੀਜੀ ਟੀਮ ਬਣੀ

ਬੰਗਲੌਰ ਪੰਜਵੀਂ ਵਾਰ ਆਈਪੀਐਲ ਫਾਈਨਲ ’ਚ ਪਹੁੰਚਿਆ ਹੈ। ਇਹ ਟੀਮ 2009, 2011, 2016, 2025 ਤੇ 2026 ’ਚ ਫਾਈਨਲ ’ਚ ਪਹੁੰਚੀ ਸੀ। ਇਹ ਤੀਜੀ ਟੀਮ ਹੈ ਜਿਸਨੇ ਸਭ ਤੋਂ ਵੱਧ ਵਾਰ ਆਈਪੀਐਲ ਫਾਈਨਲ ਖੇਡਿਆ ਹੈ। ਚੇਨਈ ਰਿਕਾਰਡ 10 ਫਾਈਨਲਾਂ ਨਾਲ ਪਹਿਲੇ ਸਥਾਨ ’ਤੇ ਹੈ, ਜਦੋਂ ਕਿ ਮੁੰਬਈ 6 ਫਾਈਨਲਾਂ ਨਾਲ ਦੂਜੇ ਸਥਾਨ ’ਤੇ ਹੈ। Rajat Patidar

ਪਾਟੀਦਾਰ ਲਗਾਤਾਰ 2 ਆਈਪੀਐਲ ਫਾਈਨਲ ਖੇਡਣ ਵਾਲੇ ਪੰਜਵੇਂ ਕਪਤਾਨ

ਰਜਤ ਪਾਟੀਦਾਰ ਦੀ ਕਪਤਾਨੀ ’ਚ ਬੰਗਲੁਰੂ ਫਾਈਨਲ ’ਚ ਪਹੁੰਚਿਆ ਹੈ। ਪਾਟੀਦਾਰ ਕਪਤਾਨ ਵਜੋਂ ਲਗਾਤਾਰ ਦੋ ਜਾਂ ਵੱਧ ਵਾਰ ਆਈਪੀਐਲ ਫਾਈਨਲ ’ਚ ਪਹੁੰਚਣ ਵਾਲੇ ਪੰਜਵੇਂ ਕਪਤਾਨ ਬਣੇ ਹਨ। ਧੋਨੀ ਨੇ ਚੇਨਈ ਦੀ ਕਪਤਾਨੀ ਕਰਦੇ ਹੋਏ 2010, 2011, 2012 ਤੇ 2013 ’ਚ ਲਗਾਤਾਰ ਚਾਰ ਸਾਲਾਂ ਤੱਕ ਫਾਈਨਲ ’ਚ ਖੇਡਿਆ। ਫਿਰ ਉਸਨੇ 2018 ਤੇ 2019 ’ਚ ਚੇਨਈ ਨੂੰ ਫਾਈਨਲ ’ਚ ਪਹੁੰਚਾਇਆ। ਰੋਹਿਤ ਸ਼ਰਮਾ ਨੇ 2019 ਤੇ 2020 ’ਚ ਮੁੰਬਈ ਨੂੰ ਫਾਈਨਲ ’ਚ ਪਹੁੰਚਾਇਆ। Rajat Patidar

ਪਾਟੀਦਾਰ ਸਭ ਤੋਂ ਤੇਜ਼ 200 ਟੀ-20 ਛੱਕੇ ਲਾਉਣ ਵਾਲੇ ਭਾਰਤੀ | Rajat Patidar

ਪਾਟੀਦਾਰ ਨੇ ਸਿਰਫ਼ 105 ਪਾਰੀਆਂ ’ਚ ਟੀ-20 ਕ੍ਰਿਕੇਟ ’ਚ 200 ਛੱਕੇ ਲਾਏ, ਇਸ ਮੀਲ ਪੱਥਰ ਤੱਕ ਪਹੁੰਚਣ ਵਾਲਾ ਸਭ ਤੋਂ ਤੇਜ਼ ਭਾਰਤੀ ਬੱਲੇਬਾਜ਼ ਬਣ ਗਏ। ਉਸਨੇ ਅਭਿਸ਼ੇਕ ਸ਼ਰਮਾ ਦਾ ਰਿਕਾਰਡ ਤੋੜਿਆ, ਜਿਸਨੇ 125 ਪਾਰੀਆਂ ’ਚ 200 ਛੱਕੇ ਜੜੇ ਹਨ।

RCB ਨੇ ਆਈਪੀਐਲ ਦਾ ਆਪਣਾ ਤੀਜਾ ਸਭ ਤੋਂ ਵੱਡਾ ਸਕੋਰ ਬਣਾਇਆ

ਬੈਂਗਲੁਰੂ ਨੇ ਮੰਗਲਵਾਰ ਨੂੰ ਗੁਜਰਾਤ ਵਿਰੁੱਧ 5 ਵਿਕਟਾਂ ’ਤੇ 254 ਦੌੜਾਂ ਬਣਾਈਆਂ। ਇਹ ਬੰਗਲੁਰੂ ਦਾ ਤੀਜਾ ਸਭ ਤੋਂ ਉੱਚਾ ਆਈਪੀਐਲ ਸਕੋਰ ਹੈ। ਟੀਮ ਦਾ ਸਭ ਤੋਂ ਵੱਧ ਲੀਗ ਸਕੋਰ 2013 ’ਚ ਪੁਣੇ ਵਾਰੀਅਰਜ਼ ਇੰਡੀਆ ਖਿਲਾਫ ਸੀ, ਜਦੋਂ ਉਨ੍ਹਾਂ ਨੇ ਬੰਗਲੁਰੂ ਦੇ ਮੈਦਾਨ ’ਤੇ 263/5 ਦਾ ਸਕੋਰ ਬਣਾਇਆ ਸੀ। Rajat Patidar