ਭਿਆਨਕ ਗਰਮੀ, ਤੇਜ਼ ਧੁੱਪ ਅਤੇ ਹੁੰਮਸ ’ਚ ਸਰੀਰ ਨੂੰ ਠੰਢਕ ਪਹੁੰਚਾਉਣ ਲਈ ਪਾਣੀ ਸਭ ਤੋਂ ਜ਼ਰੂਰੀ ਮੰਨਿਆ ਜਾਂਦਾ ਹੈ। ਪਰ ਅਕਸਰ ਪਾਣੀ ਪੀਣ ਦਾ ਗਲਤ ਤਰੀਕਾ ਹੀ ਸਿਹਤ ਲਈ ਪਰੇਸ਼ਾਨੀ ਬਣ ਜਾਂਦਾ ਹੈ। ਖਾਸ ਕਰਕੇ ਧੁੱਪ ’ਚੋਂ ਵਾਪਸ ਆ ਕੇ ਤੁਰੰਤ ਬਰਫ਼ ਵਾਲਾ ਜਾਂ ਬਹੁਤ ਠੰਢਾ ਪਾਣੀ ਪੀਣਾ ਸਰੀਰ ਨੂੰ ਨੁਕਸਾਨ ਪਹੁੰਚਾ ਸਕਦਾ ਹੈ। ਹੈਲਥ ਐਕਸਪਰਟਸ ਅਨੁਸਾਰ ਇਹ ਆਦਤ ਪਾਚਨ ਤੰਤਰ, ਗਲੇ ਅਤੇ ਸਰੀਰ ਦੇ ਤਾਪਮਾਨ ’ਤੇ ਅਚਾਨਕ ਅਸਰ ਪਾਉਂਦੀ ਹੈ। ਇਸ ਲਈ ਗਰਮੀ ਦੇ ਮੌਸਮ ’ਚ ਪਾਣੀ ਪੀਣ ਦਾ ਸਹੀ ਸਮਾਂ ਤੇ ਤਰੀਕਾ ਜਾਣਨਾ ਬਹੁਤ ਜ਼ਰੂਰੀ ਹੋ ਜਾਂਦਾ ਹੈ।

ਨਾ ਕਰੋ ਇਹ ਗਲਤੀ

ਗਰਮੀ ’ਚ ਬਾਹਰੋਂ ਘਰ ਆ ਕੇ ਅਕਸਰ ਲੋਕ ਸਿੱਧਾ ਫਰਿੱਜ ਦਾ ਠੰਢਾ ਪਾਣੀ ਪੀ ਲੈਂਦੇ ਹਨ। ਇਹ ਆਦਤ ਸਰੀਰ ਲਈ ਨੁਕਸਾਨਦੇਹ ਸਾਬਤ ਹੋ ਸਕਦੀ ਹੈ। ਜਦੋਂ ਸਰੀਰ ਤੇਜ਼ ਗਰਮੀ ’ਚ ਹੁੰਦਾ ਹੈ ਤਾਂ ਅਚਾਨਕ ਠੰਢਾ ਪਾਣੀ ਪੀਣ ਨਾਲ ਸਰੀਰ ਦੇ ਤਾਪਮਾਨ ’ਚ ਤੇਜ਼ੀ ਨਾਲ ਬਦਲਾਅ ਆਉਂਦਾ ਹੈ, ਜਿਸ ਨਾਲ ਕਈ ਸਿਹਤ ਸਮੱਸਿਆਵਾਂ ਪੈਦਾ ਹੋ ਸਕਦੀਆਂ ਹਨ।

Read Also : Super El Nino: ਸੁਪਰ ਐਲ ਨੀਨੋ, ਟੁੱਟ ਸਕਦੈ 150 ਸਾਲ ਪੁਰਾਣਾ ਗਰਮੀ ਦਾ ਰਿਕਾਰਡ

ਸਰੀਰ ਨੂੰ ਦਿਓ ਥੋੜ੍ਹਾ ਆਰਾਮ

ਸਿਹਤ ਮਾਹਿਰਾਂ ਅਨੁਸਾਰ ਧੁੱਪ ’ਚੋਂ ਵਾਪਸ ਆਉਣ ਤੋਂ ਬਾਅਦ ਤੁਰੰਤ ਪਾਣੀ ਨਹੀਂ ਪੀਣਾ ਚਾਹੀਦਾ। ਪਹਿਲਾਂ 10 ਤੋਂ 15 ਮਿੰਟ ਤੱਕ ਸਰੀਰ ਨੂੰ ਆਮ ਹੋਣ ਦਿਓ। ਛਾਂ ਵਾਲੀ ਜਗ੍ਹਾ ’ਤੇ ਬੈਠੋ, ਮੁੜ੍ਹਕਾ ਸੁੱਕਣ ਦਿਓ ਤੇ ਸਾਹ ਨੂੰ ਆਮ ਹੋਣ ਦਿਓ। ਇਸ ਤੋਂ ਬਾਅਦ ਹੌਲੀ-ਹੌਲੀ ਪਾਣੀ ਪੀਣਾ ਵਧੇਰੇ ਸੁਰੱਖਿਅਤ ਮੰਨਿਆ ਜਾਂਦਾ ਹੈ। Summer Water Drinking Tips

ਪਾਣੀ ਕਿਉਂ ਹੈ ਨੁਕਸਾਨਦੇਹ | Summer Water Drinking Tips

ਬਰਫ਼ ਵਾਲਾ ਜਾਂ ਬਹੁਤ ਠੰਢਾ ਪਾਣੀ ਗਲੇ ’ਚ ਖਰਾਸ਼, ਪੇਟ ਦਰਦ ਅਤੇ ਪਾਚਨ ਨਾਲ ਜੁੜੀਆਂ ਦਿੱਕਤਾਂ ਵਧਾ ਸਕਦਾ ਹੈ। ਅਕਸਰ ਇਸ ਨਾਲ ਸਰੀਰ ਨੂੰ ਅਚਾਨਕ ਝਟਕਾ ਲੱਗਦਾ ਹੈ। ਇਸ ਲਈ ਆਮ ਤਾਪਮਾਨ ਵਾਲਾ ਪਾਣੀ ਜਾਂ ਘੜੇ ਵਾਲਾ ਪਾਣੀ ਸਭ ਤੋਂ ਵਧੀਆ ਬਦਲ ਮੰਨਿਆ ਜਾਂਦਾ ਹੈ, ਜੋ ਸਰੀਰ ਨੂੰ ਕੁਦਰਤੀ ਤੌਰ ’ਤੇ ਠੰਢਕ ਪਹੁੰਚਾਉਂਦਾ ਹੈ।

ਛੋਟੀਆਂ-ਛੋਟੀਆਂ ਘੁੱਟਾਂ ’ਚ ਪੀਓ ਪਾਣੀ

ਇੱਕ ਵਾਰ ’ਚ ਪੂਰਾ ਗਲਾਸ ਪਾਣੀ ਪੀਣ ਦੀ ਬਜਾਏ ਛੋਟੀਆਂ-ਛੋਟੀਆਂ ਘੁੱਟਾਂ ਕਰਕੇ ਪਾਣੀ ਪੀਣਾ ਵਧੇਰੇ ਫਾਇਦੇਮੰਦ ਹੁੰਦਾ ਹੈ। ਇਸ ਨਾਲ ਸਰੀਰ ਪਾਣੀ ਨੂੰ ਬਿਹਤਰ ਤਰੀਕੇ ਨਾਲ ਗ੍ਰਹਿਣ ਕਰਦਾ ਹੈ ਅਤੇ ਪਾਚਨ ਤੰਤਰ ’ਤੇ ਵੀ ਵਾਧੂ ਭਾਰ ਨਹੀਂ ਪੈਂਦਾ। ਇਹ ਤਰੀਕਾ ਡੀਹਾਈਡ੍ਰੇਸ਼ਨ ਤੋਂ ਬਚਾਉਣ ’ਚ ਵੀ ਮੱਦਦ ਕਰਦਾ ਹੈ।

ਇਨ੍ਹਾਂ ਗੱਲਾਂ ਦਾ ਖਾਸ ਧਿਆਨ

ਗਰਮੀ ਦੇ ਮੌਸਮ ’ਚ ਘਰੋਂ ਬਾਹਰ ਨਿੱਕਲਦੇ ਸਮੇਂ ਪਾਣੀ ਦੀ ਬੋਤਲ ਆਪਣੇ ਨਾਲ ਰੱਖੋ। ਨਾਲੀਅਲ ਪਾਣੀ, ਨੀਂਬੂ ਪਾਣੀ ਤੇ ਤਾਜ਼ੇ ਫਲਾਂ ਦਾ ਰਸ ਸਰੀਰ ਨੂੰ ਊਰਜਾ ਅਤੇ ਠੰਢਕ ਦੇਣ ’ਚ ਮੱਦਦ ਕਰਦਾ ਹੈ। ਬੱਚਿਆਂ ਅਤੇ ਬਜ਼ੁਰਗਾਂ ਦਾ ਖਾਸ ਧਿਆਨ ਰੱਖੋ, ਕਿਉਂਕਿ ਉਨ੍ਹਾਂ ਦੇ ਸਰੀਰ ’ਚ ਪਾਣੀ ਦੀ ਕਮੀ ਛੇਤੀ ਹੋ ਸਕਦੀ ਹੈ। ਸਹੀ ਸਮੇਂ ਅਤੇ ਸਹੀ ਤਰੀਕੇ ਨਾਲ ਪਾਣੀ ਪੀਣ ਦੀ ਆਦਤ ਗਰਮੀ ਨਾਲ ਜੁੜੀਆਂ ਕਈ ਸਮੱਸਿਆਵਾਂ ਤੋਂ ਬਚਾਅ ਕਰ ਸਕਦੀ ਹੈ।

-ਏਜੰਸੀ