Badshahpur News: (ਮਨੋਜ ਗੋਇਲ) ਬਾਦਸ਼ਾਹਪੁਰ। ਡੀ. ਏ. ਵੀ. ਸਕੂਲ ਬਾਦਸ਼ਾਹਪੁਰ  ਦੀ ਸਥਾਪਨਾ  ਦਿਵਸ ਮੌਕੇ ਡਾ: ਜਸਪ੍ਰੀਤ ਕੌਰ ਰਜਿੰਦਰਾ ਹਸਪਤਾਲ ਪਟਿਆਲਾ ਦੀ ਅਗਵਾਈ ਵਿੱਚ ਖੂਨਦਾਨ ਕੈਂਪ ਲਾਇਆ ਗਿਆ। ਇਸ ਵਿੱਚ ਲਗਭਗ 60 ਯੂਨਿਟ ਦਾਨ ਕੀਤਾ ਗਿਆ।  ਖ਼ੂਨਦਾਨੀਆਂ ਲਈ ਰਿਫਰੈਸਮੈਂਟ ਦਾ ਵੀ ਪ੍ਰਬੰਧ ਕੀਤਾ ਗਿਆ। ਇਸ ਮੌਕੇ ਠੰਢੇ ਪਾਣੀ ਦੀ ਛਬੀਲ ਵੀ ਲਗਾਈ ਗਈ। ਇਸ ਮੌਕੇ ਸਕੂਲ ਪ੍ਰਿੰਸੀਪਲ ਪੂਨਮ ਸਿੰਘ ਨੇ ਸਾਰੇ ਖੂਨਦਾਨੀਆਂ ਅਤੇ ਭੁਪਿੰਦਰ ਸਿੰਘ ਹਰਚੰਦਪੁਰਾ ਦਾ ਵਿਸ਼ੇਸ਼ ਸਹਿਯੋਗ ਦੇਣ ਲਈ ਧੰਨਵਾਦ ਕੀਤਾ। ਉਹਨਾਂ ਕਿਹਾ ਕਿ ਬਤੌਰ ਪ੍ਰਿੰਸੀਪਲ ਮੇਰੇ ਕਾਰਜਕਾਲ ਵਿੱਚ ਇਹ ਮੇਰਾ 15 ਵਾਂ ਖੂਨਦਾਨ ਕੈਂਪ ਹੈ। 

ਇਹ ਵੀ ਪੜ੍ਹੋ: Sanitation Workers Strike Ends: ਸਫਾਈ ਕਰਮਚਾਰੀਆਂ ਦੀ ਹੜਤਾਲ ਖਤਮ, ਕੂੜੇ ਦੇ ਢੇਰਾਂ ਤੋਂ ਮਿਲੇਗੀ ਨਿਜਾਤ

ਉਹਨਾਂ ਦਾ ਕਹਿਣਾ ਸੀ ਕਿ ਜੂਨ ਵਿੱਚ ਸ੍ਰੀ ਗੁਰੂ ਅਰਜਨ ਦੇਵ ਜੀ ਦਾ ਸ਼ਹੀਦੀ ਦਿਹਾੜਾ ਅਤੇ ਨਿਰਜਲਾ ਏਕਾਦਸੀ ਆ ਰਹੀ ਹੈ। ਸਾਨੂੰ ਇਹਨਾਂ ਨੂੰ ਮਨਾਉਣ ਦਾ ਸਭ ਤੋਂ ਸਹੀ ਤਰੀਕਾ ਖੂਨਦਾਨ ਕੈਂਪ ਦੇ ਰੂਪ ਵਿੱਚ ਨਜ਼ਰ ਆਇਆ। ਉਹਨਾਂ ਬੱਚਿਆਂ, ਮਾਤਾ -ਪਿਤਾ ਅਤੇ ਸਟਾਫ ਦਾ ਧੰਨਵਾਦ ਕੀਤਾ ਜਿਨਾਂ ਦੇ ਸਹਿਯੋਗ ਨਾਲ ਅਜਿਹਾ ਉੱਤਮ ਕਾਰਜ ਨੇਪਰੇ ਚੜਿਆ।