Travel Tips: ਸੈਰ-ਸਪਾਟਾ ਤਦੇ ਸਕੂਨ ਦਿੰਦਾ ਹੈ ਜਦੋਂ ਖਰਚ ਸੰਤੁਲਿਤ ਰਹੇ ਤੇ ਜੇਬ ’ਤੇ ਬੋਝ ਨਾ ਪਵੇ। ਸਹੀ ਯੋਜਨਾ, ਸਮਝਦਾਰੀ ਵਾਲੇ ਭੁਗਤਾਨ ਵਿਕਲਪ ਤੇ ਅਨੁਸ਼ਾਸਿਤ ਵਿੱਤੀ ਨਜ਼ਰੀਆ ਅਪਣਾ ਕੇ ਤੁਸੀਂ ਹਰ ਯਾਤਰਾ ਨੂੰ ਕਿਫਾਇਤੀ, ਸੁਰੱਖਿਅਤ ਤੇ ਯਾਦਗਾਰ ਅਨੁਭਵ ਵਿੱਚ ਬਦਲ ਸਕਦੇ ਹੋ।

ਪਹਿਲਾਂ ਬਜਟ ਬਣਾਉਣਾ ਜ਼ਰੂਰੀ ਹੈ  

ਕਿਸੇ ਵੀ ਯਾਤਰਾ ਦੀ ਸਫਲਤਾ ਉਸਦੀ ਯੋਜਨਾ ’ਤੇ ਨਿਰਭਰ ਕਰਦੀ ਹੈ। ਬਜਟ ਤਿਆਰ ਕਰਨ ਨਾਲ ਤੁਹਾਨੂੰ ਇਹ ਸਪੱਸ਼ਟ ਹੋ ਜਾਂਦਾ ਹੈ ਕਿ ਕੁੱਲ ਰਕਮ ਕਿਸ ਤਰ੍ਹਾਂ ਖਰਚ ਹੋਵੇਗੀ। ਜੇ ਤੁਸੀਂ ਰਿਹਾਇਸ਼, ਭੋਜਨ, ਆਵਾਜਾਈ ਤੇ ਅਚਾਨਕ ਖਰਚਿਆਂ ਲਈ ਵੱਖ-ਵੱਖ ਰਕਮ ਤੈਅ ਕਰਦੇ ਹੋ ਤਾਂ ਬੇਲੋੜੇ ਖਰਚਿਆਂ ’ਤੇ ਰੋਕ ਲੱਗ ਜਾਂਦੀ ਹੈ। ਇਹ ਆਦਤ ਤੁਹਾਨੂੰ ਵਿੱਤੀ ਸੁਰੱਖਿਆ ਹੀ ਨਹੀਂ ਦਿੰਦੀ, ਸਗੋਂ ਯਾਤਰਾ ਦੌਰਾਨ ਮਾਨਸਿਕ ਸ਼ਾਂਤੀ ਵੀ ਬਣਾਈ ਰੱਖਦੀ ਹੈ।

ਡੈਬਿਟ ਕਾਰਡ : ਖਰਚ ’ਤੇ ਕੰਟਰੋਲ ਦਾ ਸਾਧਨ | Travel Tips

ਡੈਬਿਟ ਕਾਰਡ ਯਾਤਰਾ ਦੌਰਾਨ ਇੱਕ ਅਨੁਸ਼ਾਸਿਤ ਵਿੱਤੀ ਉਪਕਰਣ ਵਜੋਂ ਕੰਮ ਕਰਦਾ ਹੈ। ਇਹ ਤੁਹਾਨੂੰ ਉਨਾ ਹੀ ਖਰਚ ਕਰਨ ਦੀ ਇਜਾਜ਼ਤ ਦਿੰਦਾ ਹੈ ਜਿੰਨਾ ਤੁਹਾਡੇ ਖਾਤੇ ਵਿੱਚ ਉਪਲੱਬਧ ਹੈ। ਇਸ ਕਾਰਨ ਤੁਸੀਂ ਆਪਣੇ ਬਜਟ ਤੋਂ ਬਾਹਰ ਨਹੀਂ ਜਾਂਦੇ। ਹਾਲਾਂਕਿ ਸੁਰੱਖਿਆ ਲਈ ਇਸਨੂੰ ਸਿਰਫ਼ ਭਰੋਸੇਯੋਗ ਥਾਵਾਂ ’ਤੇ ਹੀ ਵਰਤੋ ਤੇ ਵਿਦੇਸ਼ੀ ਯਾਤਰਾ ਤੋਂ ਪਹਿਲਾਂ ਲੋੜੀਂਦੀਆਂ ਸਹੂਲਤਾਂ ਨੂੰ ਐਕਟੀਵੇਟ ਕਰਨਾ ਜ਼ਰੂਰੀ ਹੈ।

ਕ੍ਰੈਡਿਟ ਕਾਰਡ: ਸਹੂੁਲਤ ਦੇ ਨਾਲ ਸਾਵਧਾਨੀ

ਕ੍ਰੈਡਿਟ ਕਾਰਡ ਤੁਹਾਨੂੰ ਵਾਧੂ ਵਿੱਤੀ ਲਚਕਤਾ ਪ੍ਰਦਾਨ ਕਰਦਾ ਹੈ। ਅਚਾਨਕ ਵੱਡੇ ਖਰਚਿਆਂ ਜਾਂ ਐਮਰਜੈਂਸੀ ਸਥਿਤੀਆਂ ਵਿੱਚ ਇਹ ਬਹੁਤ ਲਾਭਦਾਇਕ ਸਾਬਤ ਹੁੰਦਾ ਹੈ। ਇਸ ਤੋਂ ਇਲਾਵਾ ਰਿਵਾਰਡ ਪੁਆਇੰਟਸ ਅਤੇ ਕੈਸ਼ਬੈਕ ਵਰਗੇ ਲਾਭ ਵੀ ਮਿਲਦੇ ਹਨ। ਪਰ ਜੇ ਇਸਦਾ ਇਸਤੇਮਾਲ ਸਾਵਧਾਨੀ ਨਾਲ ਨਾ ਕੀਤਾ ਗਿਆ ਤਾਂ ਇਹ ਕਰਜ਼ ਦਾ ਕਾਰਨ ਬਣ ਸਕਦਾ ਹੈ। ਇਸ ਲਈ ਇਸਨੂੰ ਸੀਮਤ ਅਤੇ ਲੋੜੀਂਦੇ ਖਰਚਿਆਂ ਲਈ ਹੀ ਵਰਤਣਾ ਬਿਹਤਰ ਹੈ।

Read Also : ਜਰਮਨ ਏਅਰਲਾਈਨ ਲੁਫਥਾਂਸਾ ਨੇ 20 ਹਜ਼ਾਰਾ ਉਡਾਣਾਂ ਰੱਦ ਕੀਤੀਆਂ, ਜਾਣੋ ਕਾਰਨ

ਯੂਪੀਆਈ ਅਤੇ ਨਕਦ: ਸੰਤੁਲਨ ਬਣਾਓ

ਅੱਜ ਦੇ ਡਿਜੀਟਲ ਯੁੱਗ ਵਿੱਚ ਯੂਪੀਆਈ ਨੇ ਛੋਟੇ ਭੁਗਤਾਨਾਂ ਨੂੰ ਬਹੁਤ ਆਸਾਨ ਬਣਾ ਦਿੱਤਾ ਹੈ। ਛੋਟੇ ਦੁਕਾਨਦਾਰਾਂ ਤੋਂ ਲੈ ਕੇ ਸਥਾਨਕ ਸੇਵਾਵਾਂ ਤੱਕ ਹਰ ਥਾਂ ਇਸਦਾ ਇਸਤੇਮਾਲ ਸੰਭਵ ਹੈ। ਫਿਰ ਵੀ ਕਈ ਥਾਵਾਂ ’ਤੇ ਨੈੱਟਵਰਕ ਦੀ ਸਮੱਸਿਆ ਜਾਂ ਡਿਜੀਟਲ ਸਹੂਲਤਾਂ ਦੀ ਕਮੀ ਹੋ ਸਕਦੀ ਹੈ, ਇਸ ਲਈ ਥੋੜ੍ਹੀ ਨਕਦ ਰਕਮ ਆਪਣੇ ਨਾਲ ਰੱਖਣੀ ਵੀ ਜ਼ਰੂਰੀ ਹੈ। ਨਗਦੀ ਨੂੰ ਵੱਖ-ਵੱਖ ਥਾਵਾਂ ’ਤੇ ਸੁਰੱਖਿਅਤ ਰੱਖਣਾ ਅਤੇ ਸੀਮਤ ਇਸਤੇਮਾਲ ਕਰਨਾ ਸਮਝਦਾਰੀ ਵਾਲਾ ਕਦਮ ਹੈ।

ਬਚਤ ਦਾ ਸੌਖਾ ਤਰੀਕਾ | Travel Tips

ਦੋਸਤਾਂ ਜਾਂ ਪਰਿਵਾਰ ਨਾਲ ਯਾਤਰਾ ਕਰਨਾ ਆਰਥਿਕ ਤੌਰ ’ਤੇ ਲਾਭਦਾਇਕ ਹੁੰਦਾ ਹੈ। ਸਾਂਝੇ ਖਰਚਿਆਂ ਕਾਰਨ ਹੋਟਲ, ਆਵਾਜਾਈ ਤੇ ਹੋਰ ਸਹੂਲਤਾਂ ਦੀ ਲਾਗਤ ਘੱਟ ਹੋ ਜਾਂਦੀ ਹੈ। ਇਸ ਦੇ ਨਾਲ ਹੀ ਖਰਚਿਆਂ ਦਾ ਸਹੀ ਰਿਕਾਰਡ ਰੱਖਣਾ ਵੀ ਜ਼ਰੂਰੀ ਹੈ ਤਾਂ ਜੋ ਪਾਰਦਰਸ਼ਤਾ ਬਣੀ ਰਹੇ। ਇਸ ਲਈ ਇੱਕ ਵਿਅਕਤੀ ਨੂੰ ਜ਼ਿੰਮੇਵਾਰੀ ਦੇਣਾ ਜਾਂ ਡਿਜੀਟਲ ਐਪਾਂ ਦਾ ਸਹਾਰਾ ਲੈਣਾ ਬਿਹਤਰ ਵਿਕਲਪ ਹੈ। Travel Tips