ਘਰੇਲੂ ਕ੍ਰਿਕੇਟ ਖੇਡਣ ਦੀ ਵੀ ਮਿਲੇਗੀ ਸਲਾਹ

• 2027 ਵਿਸ਼ਵ ਕੱਪ ਲਈ ਫਿਟਨੈਸ ਰੋਡਮੈਪ ਮੰਗਿਆ ਜਾਵੇਗਾ

World Cup 2027: ਸਪੋਰਟਸ ਡੈਸਕ। ਬੀਸੀਸੀਆਈ ਨੇ ਵਿਰਾਟ ਕੋਹਲੀ ਤੇ ਰੋਹਿਤ ਸ਼ਰਮਾ ਦੇ ਭਵਿੱਖ ਬਾਰੇ ਚਰਚਾ ਕਰਨ ਲਈ 6 ਦਸੰਬਰ ਤੋਂ ਬਾਅਦ ਇੱਕ ਮੀਟਿੰਗ ਬੁਲਾਈ ਹੈ। ਕੋਚ ਗੌਤਮ ਗੰਭੀਰ ਤੇ ਮੁੱਖ ਚੋਣਕਾਰ ਅਜੀਤ ਅਗਰਕਰ ਵੀ ਮੌਜ਼ੂਦ ਰਹਿਣਗੇ। ਹਾਸਲ ਹੋਏ ਵੇਰਵਿਆਂ ਮੁਤਾਬਕ, ਬੋਰਡ ਦੇ ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਜਦੋਂ ਕਿ 2027 ਵਨਡੇ ਵਿਸ਼ਵ ਕੱਪ ਲਈ ਅਜੇ ਸਮਾਂ ਹੈ, ਰੋਹਿਤ ਤੇ ਵਿਰਾਟ ਨਾਲ ਇਸ ਬਾਰੇ ਅਜੇ ਤੱਕ ਕੋਈ ਚਰਚਾ ਨਹੀਂ ਹੋਈ ਹੈ। ਇਸ ਨੂੰ ਵੇਖਦੇ ਹੋਏ, ਇਹ ਮੀਟਿੰਗ ਉਨ੍ਹਾਂ ਦੀਆਂ ਭੂਮਿਕਾਵਾਂ ਤੇ ਟੀਮ ਦੀ ਰਣਨੀਤੀ ਨੂੰ ਸਪੱਸ਼ਟ ਕਰਨ ਲਈ ਕੀਤੀ ਜਾਵੇਗੀ।

ਇਹ ਖਬਰ ਵੀ ਪੜ੍ਹੋ : Punjab Roadways Employees: ਵੱਡੀ ਖਬਰ, ਪਨਬੱਸ ਦੇ ਸਾਰੇ ਕੱਚੇ ਕਾਮੇ ਮੁਅੱਤਲ, ਡਿੱਪੂ ਵੱਲੋਂ ਮੇਲ ਜਾਰੀ

ਦੱਖਣੀ ਅਫਰੀਕਾ ਵਿਰੁੱਧ ਤੀਜੇ ਵਨਡੇ ਤੋਂ ਬਾਅਦ ਮੀਟਿੰਗ

ਭਾਰਤ ਤੇ ਦੱਖਣੀ ਅਫਰੀਕਾ ਵਿਚਕਾਰ ਤਿੰਨ ਮੈਚਾਂ ਦੀ ਵਨਡੇ ਸੀਰੀਜ਼ ਦਾ ਆਖਰੀ ਮੈਚ 6 ਦਸੰਬਰ ਨੂੰ ਵਿਸ਼ਾਖਾਪਟਨਮ ’ਚ ਖੇਡਿਆ ਜਾਵੇਗਾ। ਇਸ ਤੋਂ ਬਾਅਦ, ਮੀਟਿੰਗ ਜਾਂ ਤਾਂ ਵਿਸ਼ਾਖਾਪਟਨਮ ’ਚ ਜਾਂ ਕੁਝ ਦਿਨਾਂ ਬਾਅਦ ਅਹਿਮਦਾਬਾਦ ’ਚ ਹੋਵੇਗੀ। ਦੋਵਾਂ ਸੀਨੀਅਰ ਬੱਲੇਬਾਜ਼ਾਂ ਨੂੰ ਆਪਣੀ ਫਿਟਨੈਸ ਅਤੇ ਫਾਰਮ ਨੂੰ ਬਣਾਈ ਰੱਖਣ ਲਈ ਵੱਧ ਤੋਂ ਵੱਧ ਘਰੇਲੂ ਕ੍ਰਿਕੇਟ ਖੇਡਣ ਦੀ ਸਲਾਹ ਦਿੱਤੀ ਜਾਵੇਗੀ। ਵਰਤਮਾਨ ’ਚ, ਰੋਹਿਤ ਸ਼ਰਮਾ ਤੇ ਵਿਰਾਟ ਕੋਹਲੀ ਟੈਸਟ ਤੇ ਟੀ-20 ਅੰਤਰਰਾਸ਼ਟਰੀ ਮੈਚਾਂ ਤੋਂ ਸੰਨਿਆਸ ਲੈ ਚੁੱਕੇ ਹਨ ਤੇ ਹੁਣ ਸਿਰਫ ਵਨਡੇ ਕ੍ਰਿਕੇਟ ਖੇਡ ਰਹੇ ਹਨ।

ਰੋਹਿਤ ਨੂੰ ਕੋਈ ਵੀ ਬਿਆਨ ਦੇਣ ਤੋਂ ਰੋਕਿਆ

ਬੋਰਡ ਤੋਂ ਮਿਲੀ ਜਾਣਕਾਰੀ ਮੁਤਾਬਕ, ਰੋਹਿਤ ਤੇ ਵਿਰਾਟ ਵਰਗੇ ਖਿਡਾਰੀਆਂ ਨੂੰ ਇਸ ਬਾਰੇ ਸਪੱਸ਼ਟ ਹੋਣਾ ਚਾਹੀਦਾ ਹੈ ਕਿ ਭਵਿੱਖ ਵਿੱਚ ਉਨ੍ਹਾਂ ਤੋਂ ਕੀ ਉਮੀਦ ਕੀਤੀ ਜਾਂਦੀ ਹੈ, ਤੇ ਮੌਜ਼ੂਦਾ ਟੀਮ ਪ੍ਰਬੰਧਨ ਉਨ੍ਹਾਂ ਤੋਂ ਕੀ ਚਾਹੁੰਦਾ ਹੈ, ਕਿਉਂਕਿ ਉਹ ਬਿਨਾਂ ਕਿਸੇ ਅਨਿਸ਼ਚਿਤਤਾ ਦੇ ਟੀਮ ਇੰਡੀਆ ਲਈ ਕ੍ਰਿਕੇਟ ਨਹੀਂ ਖੇਡ ਸਕਦੇ।’ ਬੋਰਡ ਨੇ ਰੋਹਿਤ ਨੂੰ ਆਪਣੀ ਫਿਟਨੈਸ ਤੇ ਪ੍ਰਦਰਸ਼ਨ ’ਤੇ ਧਿਆਨ ਕੇਂਦਰਿਤ ਕਰਨ ਲਈ ਕਿਹਾ ਹੈ, ਅਤੇ ਉਸਨੂੰ ਭਵਿੱਖ ਬਾਰੇ ਕੋਈ ਵੀ ਬਿਆਨ ਦੇਣ ਤੋਂ ਵੀ ਮਨ੍ਹਾ ਕੀਤਾ ਹੈ।

ਰੋਹਿਤ ਹਮਲਾਵਰ ਕ੍ਰਿਕੇਟ ਖੇਡਣਾ ਜਾਰੀ ਰੱਖਣ

ਹਾਸਲ ਹੋਏ ਵੇਰਵਿਆਂ ਮੁਤਾਬਕ ਇਹ ਵੀ ਪਤਾ ਲੱਗਿਆ ਹੈ ਕਿ ਟੀਮ ਚਾਹੁੰਦੀ ਹੈ ਕਿ ਰੋਹਿਤ ਆਪਣੀ ਹਮਲਾਵਰ ਕ੍ਰਿਕੇਟ ਸ਼ੈਲੀ ਜਾਰੀ ਰੱਖੇ, ਜਿਵੇਂ ਕਿ ਉਨ੍ਹਾਂ ਆਈਸੀਸੀ ਚੈਂਪੀਅਨਜ਼ ਟਰਾਫੀ ’ਚ ਕੀਤਾ ਸੀ। ਇਹ ਉਮੀਦ ਕੀਤੀ ਜਾਂਦੀ ਹੈ ਕਿ ਉਹ ਸਿਖਰਲੇ ਕ੍ਰਮ ’ਚ ਇੱਕ ਨਿਡਰ ਬੱਲੇਬਾਜ਼ ਵਜੋਂ ਖੇਡਣਗੇ। ਅਸਟਰੇਲੀਆ ’ਚ ਹਾਲਾਤ ਮੁਸ਼ਕਲ ਸਨ, ਪਰ ਅਜਿਹਾ ਲੱਗ ਰਿਹਾ ਸੀ ਕਿ ਉਹ ਜੋਖਮ ਲੈਣ ਤੋਂ ਬਚ ਰਹੇ ਸਨ। ਦੋਵਾਂ ਤੋਂ ਉਮੀਦ ਕੀਤੀ ਜਾਂਦੀ ਹੈ ਕਿ ਉਹ ਨੌਜਵਾਨ ਬੱਲੇਬਾਜ਼ਾਂ ਲਈ ਚੀਜ਼ਾਂ ਨੂੰ ਆਸਾਨ ਬਣਾਉਣ ਲਈ ਬੱਲੇਬਾਜ਼ੀ ਕ੍ਰਮ ਦੀ ਅਗਵਾਈ ਕਰਨਗੇ।

ਗੇਂਦਬਾਜ਼ੀ ਕੋਚ ਮੋਰਕਲ ਨੇ ਕਿਹਾ, ਰੋਹਿਤ ਤੇ ਵਿਰਾਟ ਵਨਡੇ ਵਿਸ਼ਵ ਕੱਪ ਖੇਡ ਸਕਦੇ ਹਨ

ਟੀਮ ਇੰਡੀਆ ਦੇ ਗੇਂਦਬਾਜ਼ੀ ਕੋਚ ਮੋਰਨੇ ਮੋਰਕਲ ਦਾ ਮੰਨਣਾ ਹੈ ਕਿ ਸਾਬਕਾ ਕਪਤਾਨ ਰੋਹਿਤ ਸ਼ਰਮਾ ਤੇ ਵਿਰਾਟ ਕੋਹਲੀ 2027 ਵਨਡੇ ਵਿਸ਼ਵ ਕੱਪ ’ਚ ਖੇਡ ਸਕਦੇ ਹਨ। ਬਸ਼ਰਤੇ ਉਹ ਮਾਨਸਿਕ ਤੇ ਸਰੀਰਕ ਤੌਰ ’ਤੇ ਤੰਦਰੁਸਤ ਰਹਿਣ ਤੇ ਮਹਿਸੂਸ ਕਰਨ ਕਿ ਉਨ੍ਹਾਂ ਦਾ ਸਰੀਰ ਇਹ ਕਰ ਸਕਦਾ ਹੈ, ਇਹ ਮੁਸ਼ਕਲ ਨਹੀਂ ਹੈ।

Rohit-Kohli: ਸਪੋਰਟਸ ਡੈਸਕ। ਅਸਟਰੇਲੀਆ ਦੇ ਹਮਲਾਵਰ ਸਲਾਮੀ ਬੱਲੇਬਾਜ਼ ਟ੍ਰੈਵਿਸ ਹੈੱਡ ਨੇ ਕਿਹਾ ਹੈ ਕਿ ਭਾਰਤ ਦੇ ਦੋ ਮਹਾਨ ਸਫੈਦ ਗੇਂਦ ਦੇ ਖਿਡਾਰੀ, ਵਿਰਾਟ ਕੋਹਲੀ ਤੇ ਰੋਹਿਤ ਸ਼ਰਮਾ, 2027 ਦੇ ਇੱਕ ਰੋਜ਼ਾ ਵਿਸ਼ਵ ਕੱਪ ਤੱਕ ਟੀਮ ਇੰਡੀਆ ਲਈ ਖੇਡਦੇ ਰਹਿਣਗੇ। ਐਤਵਾਰ ਤੋਂ ਭਾਰਤ ਤੇ ਅਸਟਰੇਲੀਆ ਵਿਚਕਾਰ ਸ਼ੁਰੂ ਹੋਣ ਵਾਲੀ ਇੱਕ ਰੋਜ਼ਾ ਲੜੀ ਤੋਂ ਪਹਿਲਾਂ ਮੀਡੀਆ ਨਾਲ ਗੱਲ ਕਰਦੇ ਹੋਏ, ਹੈੱਡ ਨੇ ਕਿਹਾ ਕਿ ਉਸ ਨੂੰ ਪੂਰਾ ਵਿਸ਼ਵਾਸ਼ ਹੈ ਕਿ ਦੋਵੇਂ ਖਿਡਾਰੀ ਦੋ ਸਾਲਾਂ ’ਚ ਵੀ ਮੈਦਾਨ ’ਤੇ ਹੋਣਗੇ। ਹੈੱਡ ਨੇ ਕਿਹਾ, ‘ਦੋਵੇਂ ਸ਼ਾਨਦਾਰ ਖਿਡਾਰੀ ਹਨ। ਵਿਰਾਟ ਸ਼ਾਇਦ ਹਰ ਸਮੇਂ ਦਾ ਸਭ ਤੋਂ ਮਹਾਨ ਸਫੈਦ ਗੇਂਦ ਵਾਲਾ ਕ੍ਰਿਕੇਟਰ ਹੈ, ਤੇ ਰੋਹਿਤ ਉਸ ਤੋਂ ਬਹੁਤ ਪਿੱਛੇ ਨਹੀਂ ਹੈ। ਰੋਹਿਤ ਵਿਰੁੱਧ ਖੇਡਣਾ ਹਮੇਸ਼ਾ ਮਜ਼ੇਦਾਰ ਹੁੰਦਾ ਹੈ। ਮੈਨੂੰ ਇੱਕ ਸਲਾਮੀ ਬੱਲੇਬਾਜ਼ ਵਜੋਂ ਉਸਦੀ ਬੱਲੇਬਾਜ਼ੀ ਦਾ ਬਹੁਤ ਸਤਿਕਾਰ ਹੈ। ਮੈਨੂੰ ਨਹੀਂ ਲੱਗਦਾ ਕਿ ਉਹ ਜਲਦੀ ਹੀ ਸੰਨਿਆਸ ਲੈ ਲਵੇਗਾ।’

ਇਹ ਖਬਰ ਵੀ ਪੜ੍ਹੋ : Grow Early Potatoes: ਆਲੂ ਦੀ ਖੇਤੀ ਨਾਲ ਕਮਾਓ 60 ਦਿਨਾਂ ’ਚ ਇੰਨੇ ਲੱਖ, ਇਸ ਤਰ੍ਹਾਂ ਕਰੋ ਖੇਤੀ

‘ਰੋਹਿਤ ਨੂੰ ਕਰੀਬ ਤੋਂ ਵੇਖਣ ਦਾ ਮੌਕਾ ਨਹੀਂ ਮਿਲਿਆ’ | Rohit-Kohli

ਟ੍ਰੈਵਿਸ ਹੈੱਡ ਨੇ ਸਮਝਾਇਆ ਕਿ ਉਹ ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐਲ) ਤੇ ਅੰਤਰਰਾਸ਼ਟਰੀ ਕ੍ਰਿਕੇਟ ’ਚ ਰੋਹਿਤ ਸ਼ਰਮਾ ਵਿਰੁੱਧ ਕਈ ਵਾਰ ਖੇਡਿਆ ਹੈ, ਪਰ ਕਦੇ ਵੀ ਉਸ ਨਾਲ ਨਿੱਜੀ ਤੌਰ ’ਤੇ ਗੱਲਬਾਤ ਕਰਨ ਦਾ ਮੌਕਾ ਨਹੀਂ ਮਿਲਿਆ। ‘ਮੈਂ ਹਮੇਸ਼ਾ ਰੋਹਿਤ ਨੂੰ ਦੂਰੋਂ ਵੇਖਿਆ ਹੈ। ਜਿਸ ਤਰ੍ਹਾਂ ਉਹ ਖੇਡਦਾ ਹੈ ਉਹ ਬਹੁਤ ਆਰਾਮਦਾਇਕ ਤੇ ਸਕਾਰਾਤਮਕ ਹੈ’ ਹੈੱਡ ਨੇ ਮੁਸਕਰਾਉਂਦੇ ਹੋਏ ਕਿਹਾ। ਅਸੀਂ ਕਈ ਵਾਰ ਇੱਕ ਦੂਜੇ ਵਿਰੁੱਧ ਖੇਡੇ ਹਾਂ, ਪਰ ਕਦੇ ਵੀ ਸੱਚਮੁੱਚ ਗੱਲ ਨਹੀਂ ਕੀਤੀ। ਉਮੀਦ ਹੈ ਕਿ ਉਹ ਮੌਕਾ ਭਵਿੱਖ ’ਚ ਆਵੇਗਾ। ਉਸਨੇ ਅੱਗੇ ਕਿਹਾ, ‘ਮੈਨੂੰ ਲੱਗਦਾ ਹੈ ਕਿ ਉਹ ਕੁਝ ਹੋਰ ਸਾਲ ਖੇਡੇਗਾ, ਤੇ ਜੇਕਰ ਮੌਕਾ ਮਿਲਦਾ ਹੈ, ਤਾਂ ਅਸੀਂ ਇਕੱਠੇ ਵੀ ਖੇਡ ਸਕਦੇ ਹਾਂ। ਮੈਂ ਖੇਡ ਪ੍ਰਤੀ ਉਸਦੇ ਨਜ਼ਰੀਏ ਦੀ ਪ੍ਰਸ਼ੰਸਾ ਕਰਦਾ ਹਾਂ। ਉਹ ਸਹੀ ਭਾਵਨਾ ਨਾਲ ਖੇਡਦਾ ਹੈ।’

ਐਸ਼ੇਜ਼ ਤੋਂ ਪਹਿਲਾਂ ਗ੍ਰੀਨ ਦੀ ਸੱਟ ਇੱਕ ਸਾਵਧਾਨੀ ਉਪਾਅ

ਜਦੋਂ ਟ੍ਰੈਵਿਸ ਹੈੱਡ ਨੂੰ ਉਸਦੇ ਸਾਥੀ ਆਲਰਾਊਂਡਰ ਕੈਮਰਨ ਗ੍ਰੀਨ ਨੂੰ ਟੀਮ ਤੋਂ ਬਾਹਰ ਕਰਨ ਬਾਰੇ ਪੁੱਛਿਆ ਗਿਆ, ਤਾਂ ਉਸਨੇ ਸਮਝਾਇਆ ਕਿ ਇਹ ਇੱਕ ਸਾਵਧਾਨੀ ਉਪਾਅ ਸੀ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਉਹ ਆਉਣ ਵਾਲੀ ਐਸ਼ੇਜ਼ ਲੜੀ ਲਈ ਫਿੱਟ ਰਹੇ। ਉਸਨੇ ਕਿਹਾ, ‘ਗ੍ਰੀਨ ਬਿਲਕੁਲ ਠੀਕ ਹੈ, ਪਰ ਮੈਡੀਕਲ ਟੀਮ ਨੇ ਉਸਨੂੰ ਆਰਾਮ ਦੇਣ ਦਾ ਫੈਸਲਾ ਕੀਤਾ ਹੈ। ਇਹ ਕਿਸੇ ਗੰਭੀਰ ਸੱਟ ਕਾਰਨ ਨਹੀਂ ਹੈ, ਸਗੋਂ ਐਸ਼ੇਜ਼ ਦੀ ਤਿਆਰੀ ਵਿੱਚ ਹੈ।’ ਉਸਨੇ ਸਮਝਾਇਆ ਕਿ ਤੇਜ਼ ਗੇਂਦਬਾਜ਼ ਜੋਸ਼ ਹੇਜ਼ਲਵੁੱਡ ਵੀ ਇਸੇ ਤਰ੍ਹਾਂ ਦੀ ਸਥਿਤੀ ’ਚ ਹੈ। ਉਸਨੇ ਕਿਹਾ, ‘ਕਈ ਵਾਰ ਖਿਡਾਰੀਆਂ ਨੂੰ ਲੰਬੀ ਲੜੀ ਤੋਂ ਪਹਿਲਾਂ ਬ੍ਰੇਕ ਦੇਣਾ ਮਹੱਤਵਪੂਰਨ ਹੁੰਦਾ ਹੈ।’ ਬਦਕਿਸਮਤੀ ਨਾਲ, ਗ੍ਰੀਨ ਇਸ ਲੜੀ ਲਈ ਸਾਡੇ ਨਾਲ ਨਹੀਂ ਹੋਵੇਗਾ, ਪਰ ਇਹ ਸਾਡੀਆਂ ਐਸ਼ੇਜ਼ ਤਿਆਰੀਆਂ ਨੂੰ ਪ੍ਰਭਾਵਿਤ ਨਹੀਂ ਕਰੇਗਾ।’

‘ਭਾਰਤ ਵਿਰੁੱਧ ਲੜੀ ਹਮੇਸ਼ਾ ਦਿਲਚਸਪ’

ਆਉਣ ਵਾਲੀ ਭਾਰਤ-ਅਸਟਰੇਲੀਆ ਲੜੀ ਦੇ ਸੰਬੰਧ ’ਚ, ਹੈੱਡ ਨੇ ਕਿਹਾ ਕਿ ਦੋਵਾਂ ਟੀਮਾਂ ਵਿਚਕਾਰ ਹਮੇਸ਼ਾ ਤਿੱਖਾ ਮੁਕਾਬਲਾ ਹੁੰਦਾ ਹੈ। ਉਸਨੇ ਕਿਹਾ, ‘ਭਾਰਤ ਵਿਰੁੱਧ ਖੇਡਣਾ ਹਮੇਸ਼ਾ ਇੱਕ ਵੱਡੀ ਚੁਣੌਤੀ ਹੁੰਦੀ ਹੈ। ਉਹ ਇੱਕ ਬਹੁਤ ਮਜ਼ਬੂਤ ​​ਟੀਮ ਹੈ ਤੇ ਹਰ ਲੜੀ ਦਾ ਪੱਧਰ ਬਹੁਤ ਉੱਚਾ ਹੁੰਦਾ ਹੈ। ਇਸ ਵਾਰ ਵੀ, ਇਹ ਉਹੀ ਹੋਵੇਗਾ। ਇਹ ਸਾਡੀ ਗਰਮੀਆਂ ਦੀ ਇੱਕ ਵਧੀਆ ਸ਼ੁਰੂਆਤ ਹੋਵੇਗੀ।’

ਦੱਖਣੀ ਅਫਰੀਕਾ ਕਰੇਗਾ 44 ਮੈਚਾਂ ਦੀ ਮੇਜ਼ਬਾਨੀ

• ਜ਼ਿੰਬਾਬਵੇ ਤੇ ਨਾਮੀਬੀਆ ਕੋਲ ਵੀ ਹੈ ਕੁੱਝ ਮੈਚਾਂ ਦੀ ਮੇਜ਼ਬਾਨੀ

ਸਪੋਰਟਸ ਡੈਸਕ। World Cup 2027: ਕ੍ਰਿਕੇਟ ਦੱਖਣੀ ਅਫਰੀਕਾ ਨੇ ਆਈਸੀਸੀ ਵਨਡੇ ਵਿਸ਼ਵ ਕੱਪ 2027 ਲਈ ਆਪਣੀਆਂ ਤਿਆਰੀਆਂ ਪਹਿਲਾਂ ਹੀ ਸ਼ੁਰੂ ਕਰ ਦਿੱਤੀਆਂ ਹਨ। ਵਨਡੇ ਵਿਸ਼ਵ ਕੱਪ ਦਾ ਅਗਲਾ ਐਡੀਸ਼ਨ ਸਾਲ 2027 ’ਚ ਦੱਖਣੀ ਅਫਰੀਕਾ, ਜ਼ਿੰਬਾਬਵੇ ਤੇ ਨਾਮੀਬੀਆ ਦੀ ਸਾਂਝੀ ਮੇਜ਼ਬਾਨੀ ਹੇਠ ਖੇਡਿਆ ਜਾਵੇਗਾ। ਮੈਗਾ ਈਵੈਂਟ ਦੀਆਂ ਤਿਆਰੀਆਂ ਨੂੰ ਧਿਆਨ ’ਚ ਰੱਖਦੇ ਹੋਏ, ਕ੍ਰਿਕੇਟ ਦੱਖਣੀ ਅਫਰੀਕਾ ਨੇ ਉਨ੍ਹਾਂ ਸਟੇਡੀਅਮਾਂ ਦੀ ਵੀ ਚੋਣ ਕੀਤੀ ਹੈ ਜਿੱਥੇ ਉਨ੍ਹਾਂ ਦੇ ਦੇਸ਼ ’ਚ ਮੈਚ ਖੇਡੇ ਜਾਣਗੇ। ਵਨਡੇ ਵਿਸ਼ਵ ਕੱਪ 2027 ’ਚ ਫਾਈਨਲ ਸਮੇਤ ਕੁੱਲ 54 ਮੈਚ ਖੇਡੇ ਜਾਣਗੇ।

ਇਹ ਖਬਰ ਵੀ ਪੜ੍ਹੋ : Women’s World Cup 2025: ਮਹਿਲਾ ਵਿਸ਼ਵ ਕੱਪ ਲਈ ਭਾਰਤੀ ਟੀਮ ਦਾ ਐਲਾਨ, ਇਨ੍ਹਾਂ ਖਿਡਾਰਨਾਂ ਦੀ ਵਾਪਸੀ

5 ਆਈਸੀਸੀ ਟੂਰਨਾਮੈਂਟਾਂ ਦੀ ਮੇਜ਼ਬਾਨੀ ਕੀਤੀ ਹੈ ਦੱਖਣੀ ਅਫਰੀਕਾ ਨੇ | World Cup 2027

ਦੱਖਣੀ ਅਫਰੀਕਾ ਨੇ ਚੈਂਪੀਅਨਜ਼ ਟਰਾਫੀ 2009, ਪਹਿਲਾ ਟੀ-20 ਵਿਸ਼ਵ ਕੱਪ 2007 ਤੇ 2003 ’ਚ ਇੱਕ ਰੋਜ਼ਾ ਵਿਸ਼ਵ ਕੱਪ ਦੀ ਮੇਜ਼ਬਾਨੀ ਕੀਤੀ ਹੈ। ਇਸ ਤੋਂ ਇਲਾਵਾ, ਦੱਖਣੀ ਅਫਰੀਕਾ ਨੇ ਦੋ ਮਹਿਲਾ ਵਿਸ਼ਵ ਕੱਪ ਵੀ ਸਫਲਤਾਪੂਰਵਕ ਆਯੋਜਿਤ ਕੀਤੇ ਹਨ। 2005 ਵਿੱਚ 50 ਓਵਰਾਂ ਦਾ ਵਿਸ਼ਵ ਕੱਪ ਤੇ 2023 ਟੀ-20 ਵਿਸ਼ਵ ਕੱਪ, ਜਿਸ ’ਚ ਪ੍ਰੋਟੀਆ ਟੀਮ ਫਾਈਨਲ ’ਚ ਪਹੁੰਚੀ ਪਰ ਕੰਗਾਰੂਆਂ ਤੋਂ ਹਾਰ ਗਈ ਸੀ।

ਦੱਖਣੀ ਅਫਰੀਕਾ ਕਰੇਗਾ 44 ਮੈਚਾਂ ਦੀ ਮੇਜ਼ਬਾਨੀ | World Cup 2027

ਕ੍ਰਿਕੇਟ ਦੱਖਣੀ ਅਫਰੀਕਾ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ, ਇਹ ਕੁੱਲ 44 ਮੈਚਾਂ ਦੀ ਮੇਜ਼ਬਾਨੀ ਕਰੇਗਾ, ਇਸ ਤੋਂ ਇਲਾਵਾ ਬਾਕੀ 10 ਮੈਚ ਜ਼ਿੰਬਾਬਵੇ ਤੇ ਨਾਮੀਬੀਆ ’ਚ ਹੋਣਗੇ। ਦੱਖਣੀ ਅਫਰੀਕਾ ਨੇ 44 ਮੈਚਾਂ ਦੀ ਮੇਜ਼ਬਾਨੀ ਲਈ ਆਪਣੇ ਦੇਸ਼ ’ਚ 8 ਸਟੇਡੀਅਮ ਚੁਣੇ ਹਨ, ਜਿਨ੍ਹਾਂ ’ਚ ਵਾਂਡਰਰਸ ਸਟੇਡੀਅਮ, ਕੇਪ ਟਾਊਨ ’ਚ ਨਿਊਲੈਂਡਜ਼ ਕ੍ਰਿਕੇਟ ਗਰਾਊਂਡ, ਡਰਬਨ ’ਚ ਕਿੰਗਸਮੇਡ ਕਿਕ੍ਰੇਟ ਗਰਾਊਂਡ, ਪ੍ਰੀਟੋਰੀਆ ’ਚ ਸੈਂਚੁਰੀਅਨ ਪਾਰਕ, ​​ਬਲੋਮਫੋਂਟੇਨ ’ਚ ਮੰਗੌਂਗ ਓਵਲ, ਗਕੇਬਰਹਾ ’ਚ ਸੇਂਟ ਜਾਰਜ ਪਾਰਕ, ​​ਪੂਰਬੀ ਲੰਡਨ ’ਚ ਬਫੇਲੋ ਪਾਰਕ ਤੇ ਪਾਰਲ ’ਚ ਬੋਲੈਂਡ ਪਾਰਕ ਸ਼ਾਮਲ ਹਨ। ਇਨ੍ਹਾਂ ਸਾਰੇ ਸਟੇਡੀਅਮਾਂ ਨੂੰ ਹੁਣ ਤੋਂ ਤਿਆਰੀਆਂ ਸ਼ੁਰੂ ਕਰਨ ਲਈ ਸੂਚਿਤ ਕਰ ਦਿੱਤਾ ਗਿਆ ਹੈ। ਦੱਖਣੀ ਅਫਰੀਕਾ ਨੇ ਇਸ ਮੈਗਾ ਈਵੈਂਟ ਲਈ ਆਪਣੇ ਸਾਬਕਾ ਵਿੱਤ ਮੰਤਰੀ ਟਰੇਵਰ ਮੈਨੂਅਲ ਨੂੰ ਸਥਾਨਕ ਪ੍ਰਬੰਧਕ ਕਮੇਟੀ ਦਾ ਮੁਖੀ ਨਿਯੁਕਤ ਕੀਤਾ ਹੈ।

ਮੇਜ਼ਬਾਨ ਦੇਸ਼ ਸਮੇਤ ਕੁੱਲ 14 ਟੀਮਾਂ ਲੈਣਗੀਆਂ ਟੂਰਨਾਮੈਂਟ ’ਚ ਹਿੱਸਾ

ਦੱਖਣੀ ਅਫਰੀਕਾ ਨੇ ਆਖਰੀ ਵਾਰ ਸਾਲ 2003 ’ਚ ਇੱਕ ਰੋਜ਼ਾ ਵਿਸ਼ਵ ਕੱਪ ਮੈਚਾਂ ਦੀ ਮੇਜ਼ਬਾਨੀ ਕੀਤੀ ਸੀ। ਹੁਣ ਇਸਨੂੰ ਸਾਲ 2027 ’ਚ ਮੇਜ਼ਬਾਨੀ ਕਰਨ ਦਾ ਮੌਕਾ ਮਿਲਿਆ ਹੈ। ਇਸ ਮੈਗਾ ਈਵੈਂਟ ’ਚ, ਦੱਖਣੀ ਅਫਰੀਕਾ, ਜ਼ਿੰਬਾਬਵੇ ਤੇ ਨਾਮੀਬੀਆ ਪਹਿਲਾਂ ਹੀ ਮੇਜ਼ਬਾਨ ਦੇਸ਼ਾਂ ਵਜੋਂ ਆਪਣੇ ਸਥਾਨ ਸੁਰੱਖਿਅਤ ਕਰ ਚੁੱਕੇ ਹਨ, ਜਦੋਂ ਕਿ ਕੁੱਲ 14 ਟੀਮਾਂ ਟੂਰਨਾਮੈਂਟ ’ਚ ਹਿੱਸਾ ਲੈਣਗੀਆਂ। ਇਨ੍ਹਾਂ ਸਾਰੀਆਂ ਟੀਮਾਂ ਨੂੰ 7-7 ਦੇ ਵੱਖ-ਵੱਖ ਸਮੂਹਾਂ ’ਚ ਵੰਡਿਆ ਜਾਵੇਗਾ, ਜਿਸ ’ਚ ਹਰੇਕ ਸਮੂਹ ਦੀਆਂ ਚੋਟੀ ਦੀਆਂ 3 ਟੀਮਾਂ ਸੁਪਰ ਸਿਕਸ ’ਚ ਪ੍ਰਵੇਸ਼ ਕਰਨਗੀਆਂ। ਇਸ ਤੋਂ ਬਾਅਦ, ਸੈਮੀਫਾਈਨਲ ਤੇ ਫਾਈਨਲ ਮੁਕਾਬਲੇ ਹੋਣਗੇ। ਇੱਕ ਰੋਜ਼ਾ ਵਿਸ਼ਵ ਕੱਪ ਹੁਣ ਤੱਕ ਇਸ ਫਾਰਮੈਟ ’ਚ ਦੋ ਵਾਰ ਖੇਡਿਆ ਜਾ ਚੁੱਕਾ ਹੈ, ਜੋ ਕਿ ਸਾਲ 1999 ਤੇ 2003 ’ਚ।