India vs Ireland 8 ਸਾਲਾਂ ’ਚ ਚੌਥੀ ਵਾਰ ਕਰੇਗੀ ਦੌਰਾ

India vs Ireland: ਸਪੋਰਟਸ ਡੈਸਕ। ਭਾਰਤੀ ਟੀਮ ਜੂਨ 2026 ’ਚ ਆਇਰਲੈਂਡ ਦਾ ਦੌਰਾ ਕਰੇਗੀ, ਜਿੱਥੇ ਦੋਵੇਂ ਟੀਮਾਂ ਦੋ ਮੈਚਾਂ ਦੀ ਟੀ-20 ਅੰਤਰਰਾਸ਼ਟਰੀ ਲੜੀ ਖੇਡਣਗੀਆਂ। ਬੀਸੀਸੀਆਈ ਨੇ ਸ਼ਨਿੱਚਰਵਾਰ ਨੂੰ ਇਸ ਦੌਰੇ ਦੇ ਸ਼ਡਿਊਲ ਦਾ ਐਲਾਨ ਕੀਤਾ। ਇਹ ਲੜੀ ਵਿਸ਼ਵ ਕੱਪ ਜਿੱਤਣ ਤੋਂ ਬਾਅਦ ਭਾਰਤ ਦੀ ਪਹਿਲੀ ਟੀ-20 ਲੜੀ ਹੋਵੇਗੀ। ਭਾਰਤ ਨੇ 8 ਮਾਰਚ ਨੂੰ ਅਹਿਮਦਾਬਾਦ ’ਚ ਨਿਊਜ਼ੀਲੈਂਡ ਨੂੰ 96 ਦੌੜਾਂ ਨਾਲ ਹਰਾ ਕੇ ਟੀ20 ਵਿਸ਼ਵ ਕੱਪ ਦਾ ਖਿਤਾਬ ਜਿੱਤਿਆ ਸੀ।

ਇਹ ਖਬਰ ਵੀ ਪੜ੍ਹੋ : Laljit Bhullar Resignation: ਪੰਜਾਬ ਦੇ ਮੰਤਰੀ ਲਾਲਜੀਤ ਭੁੱਲਰ ਨੇ ਦਿੱਤਾ ਅਸਤੀਫਾ, ਜਾਂਚ ਸ਼ੁਰੂ

8 ਸਾਲਾਂ ’ਚ ਚੌਥਾ ਦੌਰਾ

ਭਾਰਤ ਨੇ ਪਿਛਲੇ ਅੱਠ ਸਾਲਾਂ (2018, 2022 ਤੇ 2023) ’ਚ ਤਿੰਨ ਵਾਰ ਆਇਰਲੈਂਡ ਦਾ ਦੌਰਾ ਕੀਤਾ ਹੈ। ਇਹ ਦੌਰਾ ਆਇਰਲੈਂਡ ਲਈ 2026 ਦੇ ਵਿਅਸਤ ਸ਼ਡਿਊਲ ਦਾ ਹਿੱਸਾ ਹੈ। ਉਨ੍ਹਾਂ ਦਾ ਨਿਊਜ਼ੀਲੈਂਡ ਵਿਰੁੱਧ ਇੱਕ ਟੈਸਟ ਮੈਚ ਤੇ ਅਫਗਾਨਿਸਤਾਨ ਵਿਰੁੱਧ ਪੰਜ ਇੱਕ ਰੋਜ਼ਾ ਮੈਚ ਵੀ ਹੈ। India vs Ireland

ਭਾਰਤ ਨੂੰ ਨਹੀਂ ਹਰਾ ਸਕਿਆ ਹੈ ਆਇਰਲੈਂਡ

ਭਾਰਤ ਤੇ ਆਇਰਲੈਂਡ ਵਿਚਕਾਰ ਹੁਣ ਤੱਕ ਤਿੰਨ ਟੀ-20 ਲੜੀ ਖੇਡੀ ਜਾ ਚੁੱਕੀ ਹੈ। ਭਾਰਤ ਨੇ 2018 ਤੇ 2022 ’ਚ ਦੋਵਾਂ ਟੂਰ ਨੂੰ ਕਲੀਨ ਸਵੀਪ ਕੀਤਾ। 2023 ਦੀ ਤਿੰਨ ਮੈਚਾਂ ਦੀ ਲੜੀ ਵਿੱਚ, ਭਾਰਤ ਨੇ 2-0 ਨਾਲ ਜਿੱਤ ਹਾਸਲ ਕੀਤੀ, ਇੱਕ ਮੈਚ ਰੱਦ ਕਰ ਦਿੱਤਾ ਗਿਆ। ਤਿੰਨੋਂ ਲੜੀ ਆਇਰਲੈਂਡ ’ਚ ਖੇਡੀਆਂ ਗਈਆਂ ਸਨ।

ਟੀਮ ਅਫਗਾਨਿਸਤਾਨ ਵਿਰੁੱਧ ਵੀ ਖੇਡੇਗੀ

ਆਈਪੀਐਲ ਤੋਂ ਬਾਅਦ, ਭਾਰਤੀ ਟੀਮ ਜੂਨ ’ਚ ਅਫਗਾਨਿਸਤਾਨ ਵਿਰੁੱਧ ਇੱਕ ਲੜੀ ਖੇਡੇਗੀ। ਇਸ ਦੀ ਸ਼ੁਰੂਆਤ 6 ਜੂਨ ਨੂੰ ਇੱਕ ਟੈਸਟ ਮੈਚ ਨਾਲ ਹੋਵੇਗੀ। ਇਸ ਤੋਂ ਬਾਅਦ ਦੋਵਾਂ ਟੀਮਾਂ ਵਿਚਕਾਰ ਤਿੰਨ ਇੱਕ ਰੋਜ਼ਾ ਮੈਚ ਹੋਣਗੇ। ਪਹਿਲਾ ਇੱਕ ਰੋਜ਼ਾ 14 ਜੂਨ ਨੂੰ ਧਰਮਸ਼ਾਲਾ ’ਚ, ਦੂਜਾ 17 ਜੂਨ ਨੂੰ ਲਖਨਊ ਵਿੱਚ ਤੇ ਤੀਜਾ 20 ਜੂਨ ਨੂੰ ਚੇਨਈ ’ਚ ਖੇਡਿਆ ਜਾਵੇਗਾ।

ਇੰਗਲੈਂਡ ਦਾ ਵੀ ਦੌਰਾ ਕਰੇਗਾ ਭਾਰਤ | India vs Ireland

ਭਾਰਤ ਇਸ ਸਾਲ ਇੰਗਲੈਂਡ ਦਾ ਦੌਰਾ ਕਰੇਗਾ। ਦੋਵਾਂ ਟੀਮਾਂ ਵਿਚਕਾਰ 8 ਵਾਈਟ-ਬਾਲ ਮੈਚ ਖੇਡੇ ਜਾਣਗੇ। ਭਾਰਤ ਜੁਲਾਈ ’ਚ ਪੰਜ ਟੀ-20 ਤੇ ਤਿੰਨ ਇੱਕ ਰੋਜ਼ਾ ਖੇਡਣ ਲਈ ਇੰਗਲੈਂਡ ਦਾ ਦੌਰਾ ਕਰੇਗਾ।

Rift in Team India: ਸਪੋਰਟਸ ਡੈਸਕ। ਭਾਰਤ ਦੇ ਬੱਲੇਬਾਜ਼ੀ ਕੋਚ ਸੀਤਾਂਸ਼ੂ ਕੋਟਕ ਨੇ ਮੰਗਲਵਾਰ ਨੂੰ ਮੀਡੀਆ ਰਿਪੋਰਟਾਂ ਦਾ ਖੰਡਨ ਕਰਦੇ ਹੋਏ ਕਿਹਾ ਕਿ ਮੁੱਖ ਕੋਚ ਗੌਤਮ ਗੰਭੀਰ, ਸੀਨੀਅਰ ਬੱਲੇਬਾਜ਼ ਰੋਹਿਤ ਸ਼ਰਮਾ, ਵਿਰਾਟ ਕੋਹਲੀ ਤੇ ਕੋਚ ਗੌਤਮ ਗੰਭੀਰ ਵਿਚਕਾਰ ਕੋਈ ਮਤਭੇਦ ਜਾਂ ਸੰਚਾਰ ਪਾੜਾ ਨਹੀਂ ਹੈ। ਕੋਟਕ ਨੇ ਕਿਹਾ ਕਿ ਦੋਵੇਂ ਸੀਨੀਅਰ ਖਿਡਾਰੀ ਨਿਯਮਿਤ ਤੌਰ ’ਤੇ ਗੰਭੀਰ ਨਾਲ ਕ੍ਰਿਕੇਟ ਤੇ ਵਿਸ਼ਵ ਕੱਪ ਯੋਜਨਾਵਾਂ ’ਤੇ ਚਰਚਾ ਕਰਦੇ ਹਨ। ਇਹ ਬਿਆਨ ਬੁੱਧਵਾਰ ਨੂੰ ਰਾਜਕੋਟ ’ਚ ਭਾਰਤ ਤੇ ਨਿਊਜ਼ੀਲੈਂਡ ਵਿਚਕਾਰ ਦੂਜੇ ਵਨਡੇ ਤੋਂ ਇੱਕ ਦਿਨ ਪਹਿਲਾਂ ਆਇਆ ਹੈ।

ਇਹ ਖਬਰ ਵੀ ਪੜ੍ਹੋ : Bathinda News: ਆਖਰ ਕਿਉਂ ਲੱਗੇ ‘ਮਾਰਕੀਟ ਵਿਕਾਊ ਹੈ’ ਅਤੇ ‘ਦੁਕਾਨ ਵਿਕਾਊ ਹੈ’ ਦੇ ਪੋਸਟਰ…

2027 ਵਿਸ਼ਵ ਕੱਪ ਬਾਰੇ ਚਰਚਾ | Rift in Team India

ਕੋਟਕ ਨੇ ਇਹ ਵੀ ਖੁਲਾਸਾ ਕੀਤਾ ਕਿ ਰੋਹਿਤ ਤੇ ਕੋਹਲੀ ਨੇ 2027 ਵਨਡੇ ਵਿਸ਼ਵ ਕੱਪ (ਦੱਖਣੀ ਅਫਰੀਕਾ ’ਚ ਹੋਣ ਵਾਲੇ) ਬਾਰੇ ਚਰਚਾ ਕੀਤੀ ਹੈ। ਉਸਨੇ ਕਿਹਾ, ‘ਰੋਹਿਤ ਤੇ ਕੋਹਲੀ ਨਿਯਮਿਤ ਤੌਰ ’ਤੇ ਗੌਤਮ ਨਾਲ ਵਨਡੇ ਫਾਰਮੈਟ, ਆਉਣ ਵਾਲੇ ਮੈਚਾਂ ਅਤੇ ਦੱਖਣੀ ਅਫਰੀਕਾ ਜਾਣ ਦੀਆਂ ਸਾਡੀਆਂ ਯੋਜਨਾਵਾਂ ’ਤੇ ਚਰਚਾ ਕਰਦੇ ਹਨ। ਮੈਂ ਜ਼ਿਆਦਾਤਰ ਸਮਾਂ ਉੱਥੇ ਹੁੰਦਾ ਹਾਂ, ਤੇ ਜਦੋਂ ਵੀ ਮੈਂ ਸੁਣਦਾ ਹਾਂ, ਉਹ ਆਪਣੇ ਅਨੁਭਵ ਸਾਂਝੇ ਕਰਦੇ ਹਨ। ਮੈਂ ਹਮੇਸ਼ਾ ਉਨ੍ਹਾਂ ਨੂੰ ਗੱਲ ਕਰਦੇ ਹੋਏ ਦੇਖਦਾ ਹਾਂ।’

ਅਫਵਾਹਾਂ ’ਤੇ ਸੀਤਾਂਸ਼ੂ ਕੋਟਕ ਦਾ ਸਪੱਸ਼ਟੀਕਰਨ

ਪਿਛਲੇ ਕੁਝ ਮਹੀਨਿਆਂ ਵਿੱਚ, ਮੀਡੀਆ ਰਿਪੋਰਟਾਂ ਆ ਰਹੀਆਂ ਹਨ ਕਿ ਗੰਭੀਰ ਤੇ ਸਾਬਕਾ ਕਪਤਾਨ ਰੋਹਿਤ ਤੇ ਕੋਹਲੀ ਵਿਚਕਾਰ ਸੰਚਾਰ ਘੱਟ ਗਿਆ ਹੈ, ਜਿਸ ਕਾਰਨ ਡਰੈਸਿੰਗ ਰੂਮ ’ਚ ਤਣਾਅ ਪੈਦਾ ਹੋ ਗਿਆ ਹੈ। ਸੋਸ਼ਲ ਮੀਡੀਆ ’ਤੇ ਕੁਝ ਵੀਡੀਓ ਵੀ ਵਾਇਰਲ ਹੋਏ ਹਨ ਜਿਸ ’ਚ ਕੋਹਲੀ ਗੰਭੀਰ ਤੋਂ ਦੂਰੀ ਬਣਾਉਂਦੇ ਹੋਏ ਦਿਖਾਈ ਦੇ ਰਹੇ ਹਨ। ਹਾਲਾਂਕਿ, ਕੋਟਕ ਨੇ ਅਜਿਹੀਆਂ ਰਿਪੋਰਟਾਂ ਦਾ ਖੰਡਨ ਕਰਦੇ ਹੋਏ ਕਿਹਾ, ‘ਸੋਸ਼ਲ ਮੀਡੀਆ ’ਤੇ ਬਹੁਤ ਸਾਰੀਆਂ ਚੀਜ਼ਾਂ ਹਨ ਜਿਨ੍ਹਾਂ ਨੂੰ ਮੈਂ ਵੇਖਣ ਤੋਂ ਬਚਣ ਦੀ ਕੋਸ਼ਿਸ਼ ਕਰਦਾ ਹਾਂ।’

ਸੀਨੀਅਰ ਖਿਡਾਰੀਆਂ ਦੀ ਪੇਸ਼ੇਵਰ ਯੋਜਨਾਬੰਦੀ | Rift in Team India

ਕੋਟਕ ਨੇ ਅੱਗੇ ਸਪੱਸ਼ਟ ਕੀਤਾ ਕਿ ਦੋਵੇਂ ਖਿਡਾਰੀ ਬਹੁਤ ਤਜਰਬੇਕਾਰ ਹਨ ਤੇ ਆਪਣੀਆਂ ਤਿਆਰੀਆਂ ਦੀ ਯੋਜਨਾ ਬਣਾਉਂਦੇ ਹਨ। ਉਸਨੇ ਕਿਹਾ, ‘ਵੇਖੋ, ਦੋਵੇਂ ਬਹੁਤ ਸੀਨੀਅਰ ਤੇ ਤਜਰਬੇਕਾਰ ਹਨ। ਉਹ ਯਕੀਨੀ ਤੌਰ ’ਤੇ ਯੋਜਨਾਵਾਂ ਬਣਾਉਂਦੇ ਹਨ। ਜੇਕਰ ਉਹਨਾਂ ਨੂੰ ਲੋੜ ਮਹਿਸੂਸ ਹੁੰਦੀ ਹੈ, ਤਾਂ ਉਹ ਕਿਸੇ ਸਥਾਨ ’ਤੇ ਜਾਂਦੇ ਹਨ ਤੇ ਪਹਿਲਾਂ ਤੋਂ ਅਭਿਆਸ ਕਰਦੇ ਹਨ। ਉਹ ਜਾਣਦੇ ਹਨ ਕਿ ਉਹ ਇੱਕ ਫਾਰਮੈਟ ਖੇਡ ਰਹੇ ਹਨ ਤੇ ਚਾਹੁੰਦੇ ਹਨ ਕਿ ਭਾਰਤ ਹਰ ਜਗ੍ਹਾ ਜਿੱਤੇ ਜਦੋਂ ਉਹ ਟੀਮ ’ਚ ਹੁੰਦੇ ਹਨ।’

ਉਸਨੇ ਅੱਗੇ ਕਿਹਾ, ‘ਉਹ ਜਾਣਦੇ ਹਨ ਕਿ ਉਹਨਾਂ ਦੇ ਸਰੀਰ ਨੂੰ ਕੀ ਚਾਹੀਦਾ ਹੈ, ਉਹਨਾਂ ਦੀ ਤੰਦਰੁਸਤੀ ਨੂੰ ਕੀ ਚਾਹੀਦਾ ਹੈ, ਅਤੇ ਉਹਨਾਂ ਦੀ ਬੱਲੇਬਾਜ਼ੀ ਨੂੰ ਕੀ ਚਾਹੀਦਾ ਹੈ।’ ‘ਉਹ ਇੱਕ ਪੂਰਾ ਪੇਸ਼ੇਵਰ ਹੈ, ਉਸਨੂੰ ਇਹ ਦੱਸਣ ਦੀ ਜ਼ਰੂਰਤ ਨਹੀਂ ਹੈ ਕਿ ਕੀ ਕਰਨਾ ਹੈ। ਉਹ ਇੰਨਾ ਤਜਰਬੇਕਾਰ ਹੈ ਕਿ ਉਹ ਦੂਜੇ ਖਿਡਾਰੀਆਂ ਨੂੰ ਵਿਚਾਰ ਦੇ ਸਕਦਾ ਹੈ ਤੇ ਉਹ ਉਹਨਾਂ ’ਤੇ ਚਰਚਾ ਕਰਦੇ ਹਨ।’

IND vs SA: ਸਪੋਰਟਸ ਡੈਸਕ। ਦੱਖਣੀ ਅਫਰੀਕਾ ਦੇ ਕਪਤਾਨ ਤੇਂਬਾ ਬਾਵੁਮਾ ਨੇ ਭਾਰਤ ’ਤੇ ਇਤਿਹਾਸਕ 408 ਦੌੜਾਂ ਦੀ ਜਿੱਤ ਨੂੰ ਇੱਕ ਵੱਡੀ ਪ੍ਰਾਪਤੀ ਦੱਸਿਆ ਹੈ। ਬਾਵੁਮਾ ਨੇ ਕਿਹਾ, ‘ਇਹ ਇੱਕ ਵੱਡੀ ਜਿੱਤ ਹੈ, ਖਾਸ ਕਰਕੇ ਜਦੋਂ ਮੈਂ ਪਿਛਲੇ ਕੁਝ ਮਹੀਨਿਆਂ ਤੋਂ ਮੈਦਾਨ ਤੋਂ ਬਾਹਰ ਹਾਂ। ਭਾਰਤ ਵਿੱਚ ਇਹ ਜਿੱਤ ਖਾਸ ਹੈ। ਇਹ ਇੱਕ ਟੀਮ ਦੇ ਰੂਪ ਵਿੱਚ ਸਾਡੇ ਲਈ ਇੱਕ ਵੱਡੀ ਪ੍ਰਾਪਤੀ ਹੈ। ਸਾਡੀ ਮਾਨਸਿਕਤਾ ਵਿੱਚ ਇੱਕ ਵੱਡਾ ਬਦਲਾਅ ਆਇਆ ਹੈ ਤੇ ਸਾਡੀ ਤਿਆਰੀ ਚੰਗੀ ਹੈ। ਖਿਡਾਰੀ ਆਪਣੀਆਂ ਭੂਮਿਕਾਵਾਂ ਨੂੰ ਜਾਣਦੇ ਹਨ ਤੇ ਹਰ ਕੋਈ ਟੀਮ ਵਿੱਚ ਯੋਗਦਾਨ ਪਾਉਣ ਲਈ ਉਤਸੁਕ ਹੈ। ਇੱਕ ਟੀਮ ਦੇ ਰੂਪ ਵਿੱਚ, ਅਸੀਂ ਇੱਕ ਬਿਹਤਰ ਸਥਿਤੀ ਵਿੱਚ ਹਾਂ।’

ਇਹ ਖਬਰ ਵੀ ਪੜ੍ਹੋ : Punjab Roadways Strike: ਕਿਲੋਮੀਟਰ ਸਕੀਮ ਦਾ ਵਿਰੋਧ ਠੱਲ੍ਹਣ ਲਈ ਪੁਲਿਸ ਨੇ ਘਰੋਂ ਚੁੱਕੇ ਆਗੂ, ਵਿਰੋਧ ‘ਚ ਪਾਣ…

ਉਸਨੇ ਅੱਗੇ ਕਿਹਾ, ‘ਇੱਕ ਕਪਤਾਨ ਦੇ ਰੂਪ ਵਿੱਚ, ਗੇਂਦਬਾਜ਼ ਦੇ ਹੱਥੋਂ ਗੇਂਦ ਲੈ ਕੇ ਕਿਸੇ ਹੋਰ ਨੂੰ ਸੌਂਪਣਾ ਮੁਸ਼ਕਲ ਹੈ ਕਿਉਂਕਿ ਇਸ ਟੀਮ ’ਚ ਹਰ ਕੋਈ ਯੋਗਦਾਨ ਪਾਉਣਾ ਚਾਹੁੰਦਾ ਹੈ। ਸਾਈਮਨ ਨੂੰ 2015 ਵਿੱਚ ਭਾਰਤ ਵਿੱਚ ਖੇਡਣ ਦਾ ਤਜਰਬਾ ਸੀ ਤੇ ਉਹ ਕੇਸ਼ਵ ਲਈ ਇੱਕ ਵੱਡਾ ਸਮਰਥਨ ਰਿਹਾ ਹੈ। ਕਾਗੀਸੋ ਰਬਾਡਾ ਦੀ ਗੈਰਹਾਜ਼ਰੀ ਵਿੱਚ, ਸਾਈਮਨ ਹਾਰਮਰ ਤੇ ਕੇਸ਼ਵ ਮਹਾਰਾਜ ਨੇ ਆਪਣੀਆਂ ਭੂਮਿਕਾਵਾਂ ਨੂੰ ਬਹੁਤ ਵਧੀਆ ਢੰਗ ਨਾਲ ਨਿਭਾਇਆ ਹੈ।’ ਉਸਨੇ ਕਿਹਾ ਕਿ ਭਾਰਤੀ ਟੀਮ ਦੇ ਖਿਡਾਰੀਆਂ ਨੇ ਚੰਗਾ ਪ੍ਰਦਰਸ਼ਨ ਨਹੀਂ ਕੀਤਾ ਤੇ ਉਨ੍ਹਾਂ ਨੇ ਮੈਚ ਨੂੰ ਹਲਕੇ ’ਚ ਲਿਆ ਜਿਸ ਕਾਰਨ ਉਨ੍ਹਾਂ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ। IND vs SA

ਦਿੱਲੀ ਟੈਸਟ 7 ਵਿਕਟਾਂ ਨਾਲ ਜਿੱਤਿਆ ਭਾਰਤ

IND vs WI: ਸਪੋਰਟਸ ਡੈਸਕ। ਭਾਰਤ ਤੇ ਵੈਸਟਇੰਡੀਜ਼ ਵਿਚਕਾਰ 2 ਟੈਸਟ ਮੈਚਾਂ ਦੀ ਸੀਰੀਜ਼ ਖੇਡੀ ਗਈ, ਭਾਰਤੀ ਟੀਮ ਨੇ ਵੈਸਟਇੰਡੀਜ਼ ਵਿਰੁੱਧ ਦੋ ਮੈਚਾਂ ਦੀ ਟੈਸਟ ਸੀਰੀਜ਼ ’ਚ 2-0 ਨਾਲ ਕਲੀਨ ਸਵੀਪ ਕਰ ਲਿਆ। ਟੀਮ ਨੇ ਮੰਗਲਵਾਰ ਨੂੰ ਦੂਜੇ ਟੈਸਟ ’ਚ ਵੈਸਟਇੰਡੀਜ਼ ਨੂੰ 7 ਵਿਕਟਾਂ ਨਾਲ ਹਰਾ ਦਿੱਤਾ। ਭਾਰਤ ਨੇ ਪਹਿਲਾ ਟੈਸਟ ਇੱਕ ਪਾਰੀ ਤੇ 140 ਦੌੜਾਂ ਨਾਲ ਜਿੱਤਿਆ ਸੀ। ਦਿੱਲੀ ਟੈਸਟ ’ਚ, ਭਾਰਤ ਨੂੰ ਜਿੱਤ ਲਈ 121 ਦੌੜਾਂ ਦਾ ਟੀਚਾ ਮਿਲਿਆ ਸੀ, ਜਿਸ ਨੂੰ ਭਾਰਤ ਨੇ ਤਿੰਨ ਵਿਕਟਾਂ ਦੇ ਨੁਕਸਾਨ ’ਤੇ ਹਾਸਲ ਕਰ ਲਿਆ। ਕੇਐਲ ਰਾਹੁਲ ਨੇ ਇੱਕ ਚੌਕਾ ਮਾਰ ਕੇ ਜਿੱਤ ’ਤੇ ਮੋਹਰ ਲਾਈ ਤੇ 58 ਦੌੜਾਂ ਬਣਾ ਕੇ ਨਾਬਾਦ ਰਹੇੇ।

ਇਹ ਖਬਰ ਵੀ ਪੜ੍ਹੋ : Festival Sweets Adulteration: ਤਿਉਹਾਰਾਂ ਦੀ ਮਿਠਾਸ ’ਚ ਘੁਲਦਾ ਮਿਲਾਵਟ ਦਾ ਜ਼ਹਿਰ

ਸ਼ੁਭਮਨ ਗਿੱਲ ਨੇ ਕਪਤਾਨ ਵਜੋਂ ਘਰੇਲੂ ਮੈਦਾਨ ’ਤੇ ਆਪਣੀ ਪਹਿਲੀ ਟੈਸਟ ਲੜੀ ਜਿੱਤੀ ਹੈ। ਇੱਕ ਦਿਨ ਪਹਿਲਾਂ ਫਾਲੋਆਨ ਖੇਡ ਰਹੀ ਵੈਸਟਇੰਡੀਜ਼ ਟੀਮ ਆਪਣੀ ਦੂਜੀ ਪਾਰੀ ’ਚ 390 ਦੌੜਾਂ ’ਤੇ ਆਲ ਆਊਟ ਹੋ ਗਈ। ਭਾਰਤ ਨੇ ਪਹਿਲੀ ਪਾਰੀ ’ਚ 518 ਤੇ ਵੈਸਟਇੰਡੀਜ਼ ਨੇ 248 ਦੌੜਾਂ ਬਣਾਈਆਂ। ਭਾਰਤ ਨੂੰ ਪਹਿਲੀ ਪਾਰੀ ’ਚ 270 ਦੌੜਾਂ ਦੀ ਬੜ੍ਹਤ ਮਿਲੀ ਸੀ। ਭਾਰਤ ਦੀ ਪਹਿਲੀ ਪਾਰੀ ’ਚ, ਕਪਤਾਨ ਸ਼ੁਭਮਨ ਗਿੱਲ ਨੇ ਨਾਬਾਦ (129) ਤੇ ਓਪਨਰ ਯਸ਼ਸਵੀ ਜਾਇਸਵਾਲ ਨੇ 175 ਦੌੜਾਂ ਦੀ ਪਾਰੀ ਖੇਡੀ ਸੀ। ਇਸ ਤੋਂ ਇਲਾਵਾ ਸਾਈ ਸੁਦਰਸ਼ਨ ਨੇ ਅਰਧਸੈਂਕੜੇ ਵਾਲੀ ਪਾਰੀ ਖੇਡੀ ਸੀ। IND vs WI

ਭਾਰਤੀ ਟੀਮ ਦਾ ਪਹਿਲਾ ਮੈਚ ਯੂਏਈ ਨਾਲ

ਸਪੋਰਟਸ ਡੈਸਕ। Team India News: ਭਾਰਤੀ ਟੀਮ ਵੀਰਵਾਰ ਨੂੰ ਕ੍ਰਿਕੇਟ ਏਸ਼ੀਆ ਕੱਪ 2025 ਲਈ ਦੁਬਈ ਰਵਾਨਾ ਹੋ ਗਈ। ਟੀਮ ਦੇ ਕਪਤਾਨ ਸੂਰਿਆਕੁਮਾਰ ਯਾਦਵ, ਮੁੱਖ ਕੋਚ ਗੌਤਮ ਗੰਭੀਰ ਤੇ ਹਾਰਦਿਕ ਪੰਡਯਾ ਨੂੰ ਵੀਰਵਾਰ ਨੂੰ ਮੁੰਬਈ ਹਵਾਈ ਅੱਡੇ ’ਤੇ ਵੇਖਿਆ ਗਿਆ। ਇਹ ਟੂਰਨਾਮੈਂਟ 9 ਸਤੰਬਰ ਨੂੰ ਸ਼ੁਰੂ ਹੋਵੇਗਾ ਤੇ 28 ਸਤੰਬਰ ਤੱਕ ਚੱਲੇਗਾ। ਭਾਰਤ ਦਾ ਸਾਹਮਣਾ 10 ਸਤੰਬਰ ਨੂੰ ਯੂਏਈ, 14 ਨੂੰ ਪਾਕਿਸਤਾਨ ਤੇ 19 ਨੂੰ ਓਮਾਨ ਨਾਲ ਹੋਵੇਗਾ। ਭਾਰਤ ਨੂੰ ਏਸ਼ੀਆ ਕੱਪ 2025 ਦੀ ਮੇਜ਼ਬਾਨੀ ਮਿਲੀ ਹੈ, ਪਰ ਭਾਰਤ ਤੇ ਪਾਕਿਸਤਾਨ ਦੇ ਮਾੜੇ ਸਬੰਧਾਂ ਕਾਰਨ ਇਹ ਇੱਕ ਨਿਰਪੱਖ ਸਥਾਨ ’ਤੇ ਖੇਡਿਆ ਜਾਵੇਗਾ। ਭਾਰਤ, ਪਾਕਿਸਤਾਨ, ਓਮਾਨ ਤੇ ਯੂਏਈ ਨੂੰ ਇੱਕੋ ਗਰੁੱਪ ਵਿੱਚ ਰੱਖਿਆ ਗਿਆ ਹੈ। ਸ਼੍ਰੀਲੰਕਾ, ਬੰਗਲਾਦੇਸ਼, ਅਫਗਾਨਿਸਤਾਨ ਤੇ ਹਾਂਗਕਾਂਗ ਗਰੁੱਪ-ਬੀ ’ਚ ਹਨ। ਗਰੁੱਪ ਦੀਆਂ ਸਾਰੀਆਂ ਟੀਮਾਂ ਇੱਕ ਦੂਜੇ ਦੇ ਖਿਲਾਫ 1-1 ਮੈਚ ਖੇਡਣਗੀਆਂ।

ਇਹ ਖਬਰ ਵੀ ਪੜ੍ਹੋ : Teachers Day 2025: ਅਧਿਆਪਕ ਜਗਦੀ ਮਸ਼ਾਲ ਵਰਗੇ ਜੋ ਸਮਾਜ ਨੂੰ ਰੌਸ਼ਨ ਕਰਦੇ

ਟੀਮ ਇੰਡੀਆ ਦਾ ਪਹਿਲਾ ਮੈਚ ਯੂਏਈ ਨਾਲ | Team India News

ਭਾਰਤ 10 ਸਤੰਬਰ ਨੂੰ ਯੂਏਈ, 14 ਨੂੰ ਪਾਕਿਸਤਾਨ ਤੇ 19 ਨੂੰ ਓਮਾਨ ਨਾਲ ਭਿੜੇਗਾ। ਜੇਕਰ ਭਾਰਤ ਤੇ ਪਾਕਿਸਤਾਨ ਸੁਪਰ-4 ਪੜਾਅ ’ਚ ਪਹੁੰਚਦੇ ਹਨ, ਤਾਂ ਦੋਵੇਂ ਟੀਮਾਂ 21 ਸਤੰਬਰ ਨੂੰ ਇੱਕ ਵਾਰ ਫਿਰ ਇੱਕ-ਦੂਜੇ ਦਾ ਸਾਹਮਣਾ ਕਰਨਗੀਆਂ। ਟੂਰਨਾਮੈਂਟ ਦਾ ਫਾਈਨਲ 28 ਸਤੰਬਰ ਨੂੰ ਖੇਡਿਆ ਜਾਵੇਗਾ। ਜੇਕਰ ਭਾਰਤ ਤੇ ਪਾਕਿਸਤਾਨ ਸੁਪਰ-4 ਪੜਾਅ ’ਚ ਸਿਖਰ ’ਤੇ ਰਹਿੰਦੇ ਹਨ, ਤਾਂ ਟੂਰਨਾਮੈਂਟ ’ਚ ਦੋਵਾਂ ਵਿਚਕਾਰ ਤੀਜਾ ਮੈਚ ਹੋ ਸਕਦਾ ਹੈ। Team India News

ਅਭਿਆਸ ਦੌਰਾਨ ਗੋਡੇ ’ਤੇ ਲੱਗੀ ਸੱਟ | Nitish Kumar Reddy

• ਤੇਜ਼ ਗੇਂਦਬਾਜ਼ ਅਰਸ਼ਦੀਪ ਸਿੰਘ ਚੌਥਾ ਟੈਸਟ ਨਹੀਂ ਖੇਡਣਗੇ

ਸਪੋਰਟਸ ਡੈਸਕ। Nitish Kumar Reddy: ਭਾਰਤੀ ਆਲਰਾਊਂਡਰ ਨਿਤੀਸ਼ ਕੁਮਾਰ ਰੈਡੀ ਐਂਡਰਸਨ-ਤੇਂਦੁਲਕਰ ਟਰਾਫੀ ਤੋਂ ਬਾਹਰ ਹੋ ਗਏ ਹਨ। ਐਤਵਾਰ ਨੂੰ ਅਭਿਆਸ ਸੈਸ਼ਨ ਦੌਰਾਨ ਨਿਤੀਸ਼ ਦੇ ਗੋਡੇ ’ਤੇ ਸੱਟ ਲੱਗ ਗਈ ਸੀ। ਸੋਮਵਾਰ ਨੂੰ, ਬੀਸੀਸੀਆਈ ਨੇ ਇੱਕ ਮੀਡੀਆ ਰਿਲੀਜ਼ ’ਚ ਕਿਹਾ ਕਿ ਨਿਤੀਸ਼ ਕੁਮਾਰ ਰੈਡੀ ਨੂੰ ਪੂਰੀ ਟੈਸਟ ਲੜੀ ਤੋਂ ਬਾਹਰ ਕਰ ਦਿੱਤਾ ਗਿਆ ਹੈ ਤੇ ਖੱਬੇ ਹੱਥ ਦੇ ਤੇਜ਼ ਗੇਂਦਬਾਜ਼ ਅਰਸ਼ਦੀਪ ਸਿੰਘ ਨੂੰ ਮੈਨਚੈਸਟਰ (ਚੌਥੇ) ਟੈਸਟ ਤੋਂ ਬਾਹਰ ਕਰ ਦਿੱਤਾ ਗਿਆ ਹੈ। Nitish Kumar Reddy

ਇਹ ਖਬਰ ਵੀ ਪੜ੍ਹੋ : Punjabi University ਦੇ ਅਧਿਐਨ ਰਾਹੀਂ ਕਾਨੂੰਨ ਦੇ ਨਜ਼ਰੀਏ ਤੋਂ ਪੇਸ਼ ਕੀਤੇ ਗਏ ਖਾਸ ਸੁਝਾਅ, ਤੁਸੀਂ ਵੀ ਜਾਣੋ

ਅਰਸ਼ਦੀਪ ਸਿੰਘ ਨੂੰ ਬੇਕਨਹੈਮ ’ਚ ਨੈੱਟ ਅਭਿਆਸ ਦੌਰਾਨ ਉਸਦੇ ਖੱਬੇ ਅੰਗੂਠੇ ’ਚ ਸੱਟ ਲੱਗੀ ਸੀ। ਬੀਸੀਸੀਆਈ ਦੀ ਮੈਡੀਕਲ ਟੀਮ ਉਸ ਦੀ ਹਾਲਤ ਦੀ ਨਿਗਰਾਨੀ ਕਰ ਰਹੀ ਹੈ। ਅੰਸ਼ੁਲ ਕੰਬੋਜ ਨੂੰ ਬੈਕਅੱਪ ਵਜੋਂ ਟੀਮ ’ਚ ਸ਼ਾਮਲ ਕੀਤਾ ਗਿਆ ਹੈ। ਉਹ ਮੈਨਚੈਸਟਰ ’ਚ ਟੀਮ ’ਚ ਸ਼ਾਮਲ ਹੋਏ ਹਨ। ਭਾਰਤੀ ਟੀਮ ਲੜੀ ’ਚ 1-2 ਨਾਲ ਪਿੱਛੇ ਹੈ। ਚੌਥਾ ਟੈਸਟ 23 ਜੁਲਾਈ ਤੋਂ ਸ਼ੁਰੂ ਹੋਵੇਗਾ। ਪਹਿਲਾਂ ਇਹ ਰਿਪੋਰਟ ਆਈ ਸੀ ਕਿ ਤੇਜ਼ ਗੇਂਦਬਾਜ਼ ਆਕਾਸ਼ ਦੀਪ ਵੀ ਸੱਟ ਕਾਰਨ ਚੌਥੇ ਟੈਸਟ ’ਚ ਨਹੀਂ ਖੇਡ ਸਕਣਗੇ। ਚੌਥਾ ਟੈਸਟ 23 ਤੋਂ 27 ਜੁਲਾਈ ਤੱਕ ਮੈਨਚੈਸਟਰ ਦੇ ਓਲਡ ਟਰੈਫੋਰਡ ਮੈਦਾਨ ’ਤੇ ਖੇਡਿਆ ਜਾਵੇਗਾ। Nitish Kumar Reddy

ਰਾਹੁਲ ਪੂਰੀ ਤਰ੍ਹਾਂ ਫਿੱਟ, ਸ਼ਾਰਦੁਲ ਨੂੰ ਮੌਕਾ ਮਿਲਣ ਦੀ ਸੰਭਾਵਨਾ

ਐਤਵਾਰ ਨੂੰ, ਭਾਰਤੀ ਟੀਮ ਮੈਨਚੈਸਟਰ ਯੂਨਾਈਟਿਡ ਫੁੱਟਬਾਲ ਕਲੱਬ ਦੇ ਖਿਡਾਰੀਆਂ ਨੂੰ ਮਿਲਣ ਲਈ ਓਲਡ ਟਰੈਫੋਰਡ ਗਈ ਸੀ, ਪਰ ਨਿਤੀਸ਼ ਰੈੱਡੀ ਅਤੇ ਕੇਐਲ ਰਾਹੁਲ ਇਸ ਯਾਤਰਾ ’ਚ ਸ਼ਾਮਲ ਨਹੀਂ ਹੋਏ। ਹਾਲਾਂਕਿ, ਕੇਐਲ ਰਾਹੁਲ ਪੂਰੀ ਤਰ੍ਹਾਂ ਫਿੱਟ ਹਨ ਤੇ ਉਨ੍ਹਾਂ ਦੀ ਫਿਟਨੈਸ ਬਾਰੇ ਕੋਈ ਚਿੰਤਾ ਨਹੀਂ ਹੈ। ਹੁਣ ਟੀਮ ਪ੍ਰਬੰਧਨ ਨੂੰ ਸ਼ਾਰਦੁਲ ਠਾਕੁਰ ’ਤੇ ਭਰੋਸਾ ਕਰਨਾ ਪੈ ਸਕਦਾ ਹੈ, ਜੋ ਪਹਿਲੇ ਟੈਸਟ ’ਚ ਨਿਤੀਸ਼ ਦੀ ਜਗ੍ਹਾ ਜਿਸ ਨੂੰ ਟੀਮ ’ਚ ਸ਼ਾਮਲ ਕੀਤਾ ਗਿਆ ਸੀ। ਨਿਤੀਸ਼ ਨੇ ਬਾਅਦ ’ਚ ਦੂਜੇ ਤੇ ਤੀਜੇ ਟੈਸਟ ’ਚ ਟੀਮ ’ਚ ਜਗ੍ਹਾ ਬਣਾਈ ਸੀ। Nitish Kumar Reddy

ਅੰਸ਼ੁਲ ਨੂੰ ਟੀਮ ’ਚ ਕੀਤਾ ਗਿਆ ਹੈ ਸ਼ਾਮਲ

ਹਰਿਆਣਾ ਦੇ 24 ਸਾਲਾ ਤੇਜ਼ ਗੇਂਦਬਾਜ਼ ਅੰਸ਼ੁਲ ਕੰਬੋਜ ਨੂੰ ਟੀਮ ’ਚ ਸ਼ਾਮਲ ਕੀਤਾ ਗਿਆ ਹੈ। ਟੈਸਟ ਲੜੀ ਤੋਂ ਪਹਿਲਾਂ, ਅੰਸ਼ੁਲ ਨੇ ਇੰਗਲੈਂਡ ਲਾਇਨਜ਼ ਵਿਰੁੱਧ ਇੰਡੀਆ-ਏ ਲਈ ਦੋ ਮੈਚਾਂ ’ਚ ਪੰਜ ਵਿਕਟਾਂ ਲਈਆਂ। ਕੰਬੋਜ ਪਿਛਲੇ ਸਾਲ ਲਾਹਲੀ ’ਚ ਕੇਰਲ ਵਿਰੁੱਧ ਰਣਜੀ ਟਰਾਫੀ ਮੈਚ ’ਚ ਇੱਕ ਪਾਰੀ ਵਿੱਚ ਸਾਰੀਆਂ 10 ਵਿਕਟਾਂ ਲੈਣ ਤੋਂ ਬਾਅਦ ਸੁਰਖੀਆਂ ’ਚ ਆਏ ਸਨ। ਉਹ ਬੰਗਾਲ ਦੇ ਪ੍ਰੇਮਸੂ ਚੈਟਰਜੀ (1956-57) ਤੇ ਰਾਜਸਥਾਨ ਦੇ ਪ੍ਰਦੀਪ ਸੋਮਸੁੰਦਰਮ (1985-86) ਤੋਂ ਬਾਅਦ ਰਣਜੀ ਟਰਾਫੀ ’ਚ ਇਹ ਉਪਲਬਧੀ ਹਾਸਲ ਕਰਨ ਵਾਲਾ ਸਿਰਫ਼ ਤੀਜਾ ਗੇਂਦਬਾਜ਼ ਹੈ।

ਭਾਰਤੀ ਟੀਮ ਮੈਨਚੈਸਟਰ ਪਹੁੰਚੀ | Nitish Kumar Reddy

ਭਾਰਤ ਤੇ ਇੰਗਲੈਂਡ ਵਿਚਕਾਰ ਟੈਸਟ ਸੀਰੀਜ਼ ਦਾ ਚੌਥਾ ਮੈਚ 23 ਜੁਲਾਈ ਤੋਂ ਮੈਨਚੈਸਟਰ ਦੇ ਓਲਡ ਟਰੈਫੋਰਡ ਸਟੇਡੀਅਮ ’ਚ ਖੇਡਿਆ ਜਾਵੇਗਾ। ਦੋਵੇਂ ਟੀਮਾਂ ਐਤਵਾਰ ਨੂੰ ਮੈਨਚੈਸਟਰ ਪਹੁੰਚੀਆਂ। ਇਸ ਤੋਂ ਪਹਿਲਾਂ ਟੀਮਾਂ ਲੰਡਨ ਦੇ ਬੇਕਨਹੈਮ ’ਚ ਅਭਿਆਸ ਕਰ ਰਹੀਆਂ ਸਨ। ਤੀਜਾ ਟੈਸਟ ਲੰਡਨ ਦੇ ਲਾਰਡਜ਼ ਸਟੇਡੀਅਮ ’ਚ ਖੇਡਿਆ ਗਿਆ ਸੀ। ਇੰਗਲੈਂਡ ਨੇ ਇਸ ਨੂੰ 22 ਦੌੜਾਂ ਨਾਲ ਜਿੱਤਿਆ ਤੇ ਸੀਰੀਜ਼ ’ਚ 2-1 ਦੀ ਬੜ੍ਹਤ ਬਣਾ ਲਈ। ਭਾਰਤ ਨੇ ਦੂਜਾ ਟੈਸਟ ਜਿੱਤਿਆ ਸੀ। ਟੀਮ ਇੰਡੀਆ ਚੌਥਾ ਟੈਸਟ ਜਿੱਤ ਕੇ ਸੀਰੀਜ਼ 2-2 ਨਾਲ ਬਰਾਬਰ ਕਰਨਾ ਚਾਹੇਗੀ।

ਚੌਥੇ ਟੈਸਟ ਲਈ ਭਾਰਤੀ ਟੀਮ | Nitish Kumar Reddy

ਸ਼ੁਭਮਨ ਗਿੱਲ (ਕਪਤਾਨ) : ਰਿਸ਼ਭ ਪੰਤ (ਉਪ-ਕਪਤਾਨ ਤੇ ਵਿਕਟਕੀਪਰ), ਯਸ਼ਸਵੀ ਜਾਇਸਵਾਲ, ਕੇਐਲ ਰਾਹੁਲ, ਸਾਈ ਸੁਦਰਸ਼ਨ, ਅਭਿਮਨਿਊ ਈਸ਼ਵਰਨ, ਕਰੁਣ ਨਾਇਰ, ਰਵਿੰਦਰ ਜਡੇਜਾ, ਧਰੁਵ ਜੁਰੇਲ (ਵਿਕਟਕੀਪਰ), ਵਾਸ਼ਿੰਗਟਨ ਸੁੰਦਰ, ਸ਼ਾਰਦੁਲ ਠਾਕੁਰ, ਜਸਪ੍ਰੀਤ ਬੁਮਰਾਹ, ਮੁਹੰਮਦ ਸਿਰਾਜ, ਪ੍ਰਸਿਧ ਕ੍ਰਿਸ਼ਨਾ, ਆਕਾਸ਼ ਦੀਪ, ਕੁਲਦੀਪ ਯਾਦਵ ਤੇ ਅੰਸ਼ੁਲ ਕੰਬੋਜ।