ਲੁਧਿਆਣਾ (ਸੱਚ ਕਹੂੰ ਨਿਊਜ਼)। Passport News: ਲੁਧਿਆਣਾ ਦੇ ਨਾਗਰਿਕਾਂ ਲਈ ਮਹੱਤਵਪੂਰਨ ਜਾਣਕਾਰੀ ਸਾਹਮਣੇ ਆਈ ਹੈ। ਖੇਤਰੀ ਪਾਸਪੋਰਟ ਦਫ਼ਤਰ, ਚੰਡੀਗੜ੍ਹ ਵੱਲੋਂ ਜਾਰੀ ਕੀਤੇ ਗਏ ਇੱਕ ਜਨਤਕ ਨੋਟਿਸ ਅਨੁਸਾਰ, ਲੁਧਿਆਣਾ ’ਚ ਪਾਸਪੋਰਟ ਸੇਵਾ ਕੇਂਦਰ ਦੀ ਮੌਜ਼ੂਦਾ ਸਥਿਤੀ ਬਦਲੀ ਜਾ ਰਹੀ ਹੈ। ਹੁਣ ਇਹ ਕੇਂਦਰ ਸੋਮਵਾਰ ਤੋਂ ਨਵੇਂ ਪਤੇ ’ਤੇ ਕੰਮ ਕਰੇਗਾ। ਵਰਤਮਾਨ ’ਚ, ਪਾਸਪੋਰਟ ਸੇਵਾ ਕੇਂਦਰ ਦਾ ਦਫਤਰ ਆਕਾਸ਼ਦੀਪ ਕੰਪਲੈਕਸ ਗਿਆਨ ਸਿੰਘ ਰਾੜੇਵਾਲਾ ਮਾਰਕੀਟ ਵਿਖੇ ਸਥਿਤ ਹੈ, ਪਰ ਹੁਣ ਇਸ ਨੂੰ ਪਿੰਡ ਭੋਰਾ ਨੇੜੇ ਗਲੋਬਲ ਬਿਜ਼ਨਸ ਪਾਰਕ ਜੀਟੀ ਰੋਡ ’ਤੇ ਤਬਦੀਲ ਕੀਤਾ ਜਾ ਰਿਹਾ ਹੈ।

ਇਹ ਖਬਰ ਵੀ ਪੜ੍ਹੋ : Bhagwant Mann News: ਮੁੱਖ ਮੰਤਰੀ ਮਾਨ ਦਾ ਇਹ ਜ਼ਿਲ੍ਹੇ ਨੂੰ ਅਹਿਮ ਤੋਹਫਾ, ਪੜ੍ਹੋ ਪੂਰੀ ਖਬਰ

ਇਹ ਕੇਂਦਰ ਰਸਮੀ ਤੌਰ ’ਤੇ ਸੋਮਵਾਰ ਤੋਂ ਨਵੇਂ ਪਤੇ ’ਤੇ ਕੰਮ ਕਰਨਾ ਸ਼ੁਰੂ ਕਰ ਦੇਵੇਗਾ। ਇਹ ਫੈਸਲਾ ਨਾਗਰਿਕਾਂ ਨੂੰ ਵਧੇਰੇ ਸੁਵਿਧਾਜਨਕ, ਵਿਆਪਕ ਤੇ ਬਿਹਤਰ ਸੇਵਾ ਪ੍ਰਦਾਨ ਕਰਨ ਦੇ ਉਦੇਸ਼ ਨਾਲ ਲਿਆ ਗਿਆ ਹੈ। ਗਲੋਬਲ ਬਿਜ਼ਨਸ ਪਾਰਕ ਦਾ ਨਵਾਂ ਸਥਾਨ ਜੀਟੀ ਰੋਡ ਦੇ ਨੇੜੇ ਹੈ, ਜਿਸ ਨਾਲ ਲੋਕਾਂ ਲਈ ਪਹੁੰਚਣਾ ਆਸਾਨ ਹੋ ਜਾਵੇਗਾ, ਖਾਸ ਕਰਕੇ ਜਲੰਧਰ ਬਾਈਪਾਸ ਖੇਤਰ ਤੋਂ ਆਉਣ ਵਾਲੇ ਲੋਕਾਂ ਲਈ। ਇਸ ਬਦਲਾਅ ਦੀ ਅਧਿਕਾਰਤ ਤੌਰ ’ਤੇ ਖੇਤਰੀ ਪਾਸਪੋਰਟ ਦਫ਼ਤਰ, ਚੰਡੀਗੜ੍ਹ ਦੇ ਪਾਸਪੋਰਟ ਅਧਿਕਾਰੀ ਵੱਲੋਂ ਦਸਤਖਤ ਕੀਤੇ ਇੱਕ ਨੋਟਿਸ ਰਾਹੀਂ ਜਾਣਕਾਰੀ ਦਿੱਤੀ ਗਈ ਹੈ। Passport News

ਇਸ ਨੋਟਿਸ ’ਚ ਇਹ ਵੀ ਸਪੱਸ਼ਟ ਕੀਤਾ ਗਿਆ ਹੈ ਕਿ ਸਾਰੇ ਨਾਗਰਿਕ 7 ਜੁਲਾਈ ਤੋਂ ਬਾਅਦ ਸਿਰਫ਼ ਨਵੀਂ ਥਾਂ ’ਤੇ ਹੀ ਪਾਸਪੋਰਟ ਸੰਬੰਧੀ ਸੇਵਾਵਾਂ ਪ੍ਰਾਪਤ ਕਰ ਸਕਣਗੇ। ਨਾਗਰਿਕਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਉਹ 7 ਜੁਲਾਈ ਤੋਂ ਬਾਅਦ ਹੀ ਪਾਸਪੋਰਟ ਸੰਬੰਧੀ ਕਿਸੇ ਵੀ ਪ੍ਰਕਿਰਿਆ ਜਿਵੇਂ ਕਿ ਅਰਜ਼ੀ, ਨਵੀਨੀਕਰਨ ਜਾਂ ਦਸਤਾਵੇਜ਼ ਤਸਦੀਕ ਲਈ ਨਵੇਂ ਸਥਾਨ ’ਤੇ ਸੰਪਰਕ ਕਰਨ। ਇਸ ਫੈਸਲੇ ਦਾ ਨਾਗਰਿਕਾਂ ਵੱਲੋਂ ਸਕਾਰਾਤਮਕ ਸਵਾਗਤ ਕੀਤਾ ਜਾ ਰਿਹਾ ਹੈ। Passport News