ਸਪੋਰਟਸ ਡੈਸਕ। ਕਰਨਾਟਕ ਦੇ ਮੁੱਖ ਮੰਤਰੀ ਸਿੱਧਰਮਈਆ ਨੇ ਬੰਗਲੁਰੂ ਨੇੜੇ ਇੱਕ ਨਵਾਂ ਕ੍ਰਿਕੇਟ ਸਟੇਡੀਅਮ ਬਣਾਉਣ ਦਾ ਐਲਾਨ ਕੀਤਾ ਹੈ। ਇਸ ਸਟੇਡੀਅਮ ’ਚ ਇੱਕੋ ਸਮੇਂ 80 ਹਜ਼ਾਰ ਦਰਸ਼ਕ ਮੈਚ ਵੇਖ ਸਕਣਗੇ। ਦਰਸ਼ਕਾਂ ਦੀ ਸਮਰੱਥਾ ਦੇ ਲਿਹਾਜ਼ ਨਾਲ, ਇਹ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ਤੋਂ ਬਾਅਦ ਦੇਸ਼ ਦਾ ਦੂਜਾ ਸਭ ਤੋਂ ਵੱਡਾ ਕ੍ਰਿਕੇਟ ਸਟੇਡੀਅਮ ਹੋਵੇਗਾ। ਸਿੱਧਰਮਈਆ ਨੇ ਸੂਰਿਆ ਸਿਟੀ, ਬੋਮਾਸੰਦਰਾ ’ਚ ਇੱਕ ਸਟੇਡੀਅਮ ਲਈ ਕਰਨਾਟਕ ਹਾਊਸਿੰਗ ਬੋਰਡ ਦੇ ਪ੍ਰਸਤਾਵ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਇਹ 1650 ਕਰੋੜ ਰੁਪਏ ਦੀ ਲਾਗਤ ਨਾਲ ਬਣਾਇਆ ਜਾਵੇਗਾ।

ਇਹ ਖਬਰ ਵੀ ਪੜ੍ਹੋ : Punjab News: ਕੇਂਦਰੀ ਮਾਡਰਨ ਜ਼ੇਲ੍ਹ ਪ੍ਰਸ਼ਾਸਨ ਦਾ ਅਹਿਮ ਉਪਰਾਲਾ, ਪੜ੍ਹੋ ਤੇ ਜਾਣੋ

ਨਵਾਂ ਸਟੇਡੀਅਮ ਮੌਜ਼ੂਦਾ ਐਮ ਚਿੰਨਾਸਵਾਮੀ ਸਟੇਡੀਅਮ ਤੋਂ 22 ਕਿਲੋਮੀਟਰ ਦੂਰ ਹੈ। ਇਸ ਨੂੰ ਬਣਾਉਣ ਦਾ ਫੈਸਲਾ ਰਾਇਲ ਚੈਲੇਂਜਰਜ਼ ਬੰਗਲੌਰ ਦੇ ਜਿੱਤ ਦੇ ਜਸ਼ਨ ਦੌਰਾਨ ਹੋਈ ਭਗਦੜ ਤੋਂ ਬਾਅਦ ਲਿਆ ਗਿਆ ਹੈ। ਆਰਸੀਬੀ ਨੇ ਪਹਿਲੀ ਵਾਰ ਆਈਪੀਐਲ ਟਰਾਫੀ ਜਿੱਤੀ। ਇਸ ਜਿੱਤ ਦਾ ਜਸ਼ਨ ਮਨਾਉਣ ਲਈ, 4 ਜੂਨ ਨੂੰ ਚਿੰਨਾਸਵਾਮੀ ਵਿਖੇ ਇੱਕ ਪ੍ਰੋਗਰਾਮ ਆਯੋਜਿਤ ਕੀਤਾ ਗਿਆ ਸੀ। ਇਸ ’ਚ ਭਗਦੜ ਮਚੀ ਅਤੇ 11 ਲੋਕਾਂ ਦੀ ਜਾਨ ਚਲੀ ਗਈ।

100 ਏਕੜ ’ਚ ਬਣਾਇਆ ਜਾਵੇਗਾ ਸਟੇਡੀਅਮ

1,650 ਕਰੋੜ ਰੁਪਏ ਦੇ ਇਸ ਪ੍ਰੋਜੈਕਟ ਦੀ ਪੂਰੀ ਲਾਗਤ ਕਰਨਾਟਕ ਹਾਊਸਿੰਗ ਬੋਰਡ ਵੱਲੋਂ ਸਹਿਣ ਕੀਤੀ ਜਾਵੇਗੀ। ਇਸ ਵਿੱਚ ਨਾ ਸਿਰਫ਼ ਇੱਕ ਕ੍ਰਿਕੇਟ ਮੈਦਾਨ ਹੋਵੇਗਾ, ਸਗੋਂ ਅੱਠ ਇਨਡੋਰ ਤੇ ਅੱਠ ਆਊਟਡੋਰ ਖੇਡਾਂ, ਇੱਕ ਆਧੁਨਿਕ ਜਿਮ, ਸਿਖਲਾਈ ਕੇਂਦਰ, ਸਵੀਮਿੰਗ ਪੂਲ, ਗੈਸਟ ਹਾਊਸ, ਹੋਸਟਲ, ਹੋਟਲ ਤੇ ਅੰਤਰਰਾਸ਼ਟਰੀ ਸਮਾਗਮਾਂ ਲਈ ਇੱਕ ਕਨਵੈਨਸ਼ਨ ਹਾਲ ਵੀ ਹੋਵੇਗਾ। ਇਹ ਸਟੇਡੀਅਮ ਬੰਗਲੁਰੂ ’ਚ ਬੀਸੀਸੀਆਈ ਦੀ ਨਵੀਂ ਰਾਸ਼ਟਰੀ ਕ੍ਰਿਕੇਟ ਅਕੈਡਮੀ (ਐਨਸੀਏ) ਵਾਂਗ ਬਣਾਇਆ ਜਾ ਸਕਦਾ ਹੈ।

ਵੱਡੇ ਸਮਾਗਮਾਂ ਲਈ ਢੁਕਵਾਂ ਨਹੀਂ ਹੈ ਐਮ. ਚਿੰਨਾਸਵਾਮੀ

ਬੰਗਲੁਰੂ ਭਗਦੜ ਮਾਮਲੇ ਦੀ ਜਾਂਚ ਕਰਨ ਵਾਲੇ ਜਸਟਿਸ ਜੌਨ ਮਾਈਕਲ ਕੁਨਹਾ ਕਮਿਸ਼ਨ ਨੇ ਕਿਹਾ ਸੀ ਕਿ ਐਮ. ਚਿੰਨਾਸਵਾਮੀ ਸਟੇਡੀਅਮ, ਜਿਸ ’ਚ 32,000 ਦਰਸ਼ਕਾਂ ਦੀ ਸਮਰੱਥਾ ਹੈ ਤੇ ਸਿਰਫ 17 ਏਕੜ ਵਿੱਚ ਫੈਲਿਆ ਹੋਇਆ ਹੈ, ਵੱਡੇ ਸਮਾਗਮਾਂ ਲਈ ਢੁਕਵਾਂ ਨਹੀਂ ਹੈ। ਕਮਿਸ਼ਨ ਨੇ ਸਲਾਹ ਦਿੱਤੀ ਸੀ ਕਿ ਅਜਿਹੇ ਮੈਚ ਵਧੇਰੇ ਜਗ੍ਹਾ ਤੇ ਬਿਹਤਰ ਸਹੂਲਤਾਂ ਅਤੇ ਪਾਰਕਿੰਗ ਵਾਲੀਆਂ ਥਾਵਾਂ ’ਤੇ ਕਰਵਾਏ ਜਾਣੇ ਚਾਹੀਦੇ ਹਨ।

ਬੰਗਲੁਰੂ ’ਚ ਭਗਦੜ ’ਚ 11 ਲੋਕਾਂ ਦੀ ਹੋਈ ਸੀ ਮੌਤ

ਜੂਨ ’ਚ ਚਿੰਨਾਸਵਾਮੀ ਸਟੇਡੀਅਮ ’ਚ ਰਾਇਲ ਚੈਲੇਂਜਰਜ਼ ਬੰਗਲੁਰੂ (ਆਰਸੀਬੀ) ਦੀ ਆਈਪੀਐਲ ਜਿੱਤ ਦੇ ਜਸ਼ਨ ਦੌਰਾਨ ਸਟੇਡੀਅਮ ਦੇ ਆਲੇ-ਦੁਆਲੇ ਭਗਦੜ ਨੇ ਸੁਰੱਖਿਆ ਪ੍ਰਣਾਲੀ ’ਤੇ ਸਵਾਲ ਖੜ੍ਹੇ ਕੀਤੇ ਸਨ। ਇਸ ਹਾਦਸੇ ਵਿੱਚ 11 ਲੋਕਾਂ ਦੀ ਮੌਤ ਹੋ ਗਈ ਤੇ 50 ਤੋਂ ਵੱਧ ਲੋਕ ਜ਼ਖਮੀ ਹੋ ਗਏ।

Bengaluru News: ਬੈਂਗਲੁਰੂ, (ਏਜੰਸੀ)। ਬੈਂਗਲੁਰੂ ਦੇ ਸਦਾਸ਼ਿਵਨਗਰ ਥਾਣਾ ਖੇਤਰ ਦੇ ਆਰਐਮਵੀ ਸਟੇਜ-2 ਸਥਿਤ ਕਿਰਾਏ ਦੇ ਮਕਾਨ ਵਿੱਚ ਸੋਮਵਾਰ ਸਵੇਰੇ ਇੱਕੋ ਪਰਿਵਾਰ ਦੇ ਚਾਰ ਲੋਕਾਂ ਦੀਆਂ ਲਾਸ਼ਾਂ ਮਿਲੀਆਂ। ਮਰਨ ਵਾਲਿਆਂ ਵਿੱਚ ਦੋ ਬੱਚੇ ਵੀ ਸ਼ਾਮਲ ਹਨ।

ਇਹ ਵੀ ਪੜ੍ਹੋ: Punjab Railway News: ਪੰਜਾਬ ਵਾਸੀਆਂ ਨੂੰ ਰੇਲਵੇ ਦਾ ਤੋਹਫ਼ਾ, ਚੱਲੇਗੀ ਸਪੈਸ਼ਲ ਰੇਲ ਗੱਡੀ, ਪੜ੍ਹੋ ਪੂਰੀ ਜਾਣਕਾਰੀ

ਪੁਲਿਸ ਨੇ ਦੱਸਿਆ ਕਿ ਅਨੂਪ ਕੁਮਾਰ (38), ਰਾਖੀ (35), ਉਨ੍ਹਾਂ ਦੀ ਪੰਜ ਸਾਲ ਦੀ ਬੇਟੀ ਅਤੇ ਦੋ ਸਾਲ ਦੇ ਬੇਟੇ ਨੂੰ ਸੋਮਵਾਰ ਸਵੇਰੇ ਉਨ੍ਹਾਂ ਦੇ ਘਰ ਦੇ ਨੌਕਰ ਨੂੰ ਮ੍ਰਿਤਕ ਪਾਇਆ। ਇਸ ਤੋਂ ਬਾਅਦ ਉਸ ਨੇ ਤੁਰੰਤ ਇਸ ਮਾਮਲੇ ਦੀ ਸੂਚਨਾ ਪੁਲਿਸ ਨੂੰ ਦਿੱਤੀ। ਸਦਾਸ਼ਿਵਨਗਰ ਪੁਲਿਸ ਨੇ ਫੋਰੈਂਸਿਕ ਮਾਹਿਰਾਂ ਦੇ ਨਾਲ ਮੌਕੇ ‘ਤੇ ਪਹੁੰਚ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਪੁਲਿਸ ਇਸ ਨੂੰ ਖੁਦਕੁਸ਼ੀ ਦਾ ਮਾਮਲਾ ਮੰਨ ਰਹੀ ਹੈ। ਹਾਲਾਂਕਿ ਮੌਤਾਂ ਦੇ ਕਾਰਨਾਂ ਦਾ ਪਤਾ ਲਗਾਇਆ ਜਾ ਰਿਹਾ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਇਹ ਪਰਿਵਾਰ ਮੂਲ ਰੂਪ ਤੋਂ ਉੱਤਰ ਪ੍ਰਦੇਸ਼ ਦੇ ਪ੍ਰਯਾਗਰਾਜ (ਇਲਾਹਾਬਾਦ) ਦਾ ਰਹਿਣ ਵਾਲਾ ਹੈ। ਅਨੂਪ ਕੁਮਾਰ (38) ਇੱਕ ਪ੍ਰਾਈਵੇਟ ਫਰਮ ਵਿੱਚ ਸਾਫਟਵੇਅਰ ਸਲਾਹਕਾਰ ਵਜੋਂ ਕੰਮ ਕਰਦਾ ਸੀ।

ਬੈਂਗਲੁਰੂ ਸਿਟੀ ਸੈਂਟਰਲ ਦੇ ਡੀਸੀਪੀ ਸ਼ੇਖਰ ਐੱਚ ਟੇਕਨਾਵਰ ਨੇ ਦੱਸਿਆ ਕਿ ਮ੍ਰਿਤਕ ਪਰਿਵਾਰ ਯੂਪੀ ਦੇ ਪ੍ਰਯਾਗਰਾਜ ਦਾ ਰਹਿਣ ਵਾਲਾ ਹੈ। ਇਨ੍ਹਾਂ ਵਿਅਕਤੀਆਂ ਬਾਰੇ ਹੋਰ ਜਾਣਕਾਰੀ ਹਾਸਲ ਕੀਤੀ ਜਾ ਰਹੀ ਹੈ। ਪਹਿਲੀ ਨਜ਼ਰੇ ਮੌਤ ਦੇ ਸਪੱਸ਼ਟ ਕਾਰਨਾਂ ਦਾ ਪਤਾ ਨਹੀਂ ਲੱਗ ਸਕਿਆ। ਫਿਲਹਾਲ ਲਾਸ਼ਾਂ ਨੂੰ ਕਬਜ਼ੇ ‘ਚ ਲੈ ਕੇ ਪੋਸਟਮਾਰਟਮ ਲਈ ਭੇਜ ਦਿੱਤਾ ਗਿਆ ਹੈ। ਪੁਲਿਸ ਹਰ ਪਹਿਲੂ ਤੋਂ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। Bengaluru News

ਪੁਲਿਸ ਨੇ ਪਤਨੀ, ਸੱਸ ਸਮੇਤ 3 ਨੂੰ ਕੀਤਾ ਗ੍ਰਿਫਤਾਰ

• 9 ਦਸੰਬਰ ਨੂੰ ਅਤੁਲ ਨੇ ਬੈਂਗਲੁਰੂ ’ਚ ਕੀਤੀ ਸੀ ਖੁਦਕੁਸ਼ੀ

ਬੈਂਗਲੁਰੂ (ਏਜੰਸੀ)। AI Engineer Suicide Case: ਏਆਈ ਇੰਜੀਨੀਅਰ ਅਤੁਲ ਸੁਭਾਸ਼ ਖੁਦਕੁਸ਼ੀ ਮਾਮਲੇ ’ਚ ਬੇਂਗਲੁਰੂ ਪੁਲਿਸ ਨੂੰ ਵੱਡੀ ਕਾਮਯਾਬੀ ਮਿਲੀ ਹੈ, ਪੁਲਿਸ ਨੇ ਉਸ ਦੀ ਪਤਨੀ, ਸੱਤਸ ਤੇ ਭਰਾ ਨੂੰ ਗ੍ਰਿਫਤਾਰ ਕੀਤਾ ਹੈ। ਬੈਂਗਲੁਰੂ ਪੁਲਿਸ ਦੇ ਡੀਸੀਪੀ ਸ਼ਿਵਕੁਮਾਰ ਨੇ ਕਿਹਾ- ਅਤੁਲ ਸੁਭਾਸ਼ ਦੀ ਸੱਸ ਨਿਸ਼ਾ ਸਿੰਘਾਨੀਆ ਤੇ ਜੀਜਾ ਅਨੁਰਾਗ ਨੂੰ ਪ੍ਰਯਾਗਰਾਜ ਤੋਂ ਗ੍ਰਿਫਤਾਰ ਕੀਤਾ ਗਿਆ ਹੈ ਜਦੋਂਕਿ ਪਤਨੀ ਨਿਕਿਤਾ ਨੂੰ ਗੁਰੂਗ੍ਰਾਮ ਤੋਂ ਗ੍ਰਿਫਤਾਰ ਕੀਤਾ ਗਿਆ ਹੈ। ਸ਼ਨਿੱਚਰਵਾਰ ਨੂੰ ਗ੍ਰਿਫਤਾਰੀ ਤੋਂ ਬਾਅਦ ਇਨ੍ਹਾਂ ਸਾਰਿਆਂ ਨੂੰ ਅਦਾਲਤ ’ਚ ਪੇਸ਼ ਕੀਤਾ ਗਿਆ। AI Engineer Suicide Case

ਇਹ ਖਬਰ ਵੀ ਪੜ੍ਹੋ : Travis Head: ਬ੍ਰਿਸਬੇਨ ਟੈਸਟ, ਭਾਰਤ ਲਈ ਫਿਰ ਮੁਸੀਬਤ ਬਣੇ ਟ੍ਰੈਵਿਸ ਹੈੱਡ, ਟੀ ਬ੍ਰੇਕ ਤੱਕ ਅਸਟਰੇਲੀਆ ਚੰਗੀ ਸਥਿਤੀ ’ਚ…

ਜਿੱਥੋਂ ਉਨ੍ਹਾਂ ਨੂੰ ਨਿਆਂਇਕ ਹਿਰਾਸਤ ’ਚ ਭੇਜ ਦਿੱਤਾ ਗਿਆ। ਅਤੁਲ ਸੁਭਾਸ਼ ਨੇ 9 ਦਸੰਬਰ ਨੂੰ ਆਪਣੇ ਬੈਂਗਲੁਰੂ ਫਲੈਟ ’ਚ ਖੁਦਕੁਸ਼ੀ ਕਰ ਲਈ ਸੀ। ਖੁਦਕੁਸ਼ੀ ਕਰਨ ਤੋਂ ਪਹਿਲਾਂ 1.20 ਘੰਟੇ ਦੀ ਵੀਡੀਓ ਬਣਾਈ। ਇਸ ’ਚ ਉਸ ਦੀ ਪਤਨੀ ਨਿਕਿਤਾ ਤੇ ਉਸ ਦੇ ਪਰਿਵਾਰ ’ਤੇ ਪਰੇਸ਼ਾਨ ਕਰਨ ਦੇ ਦੋਸ਼ ਲੱਗੇ ਸਨ। ਅਤੁਲ ਦੇ ਭਰਾ ਦੀ ਅਰਜ਼ੀ ’ਤੇ ਬੈਂਗਲੁਰੂ ’ਚ 4 ਲੋਕਾਂ ਖਿਲਾਫ ਐੱਫਆਈਆਰ ਇਸ ’ਚ ਪਤਨੀ, ਸੱਸ, ਜੀਜਾ ਤੇ ਚਾਚਾ-ਸਹੁਰਾ ਸੁਸ਼ੀਲ ਸਿੰਘਾਨੀਆ ਦੇ ਨਾਂਅ ਸ਼ਾਮਲ ਹਨ।

ਜੌਨਪੁਰ ਨੂੰ ਤਾਲਾ ਲਗਾ ਕੇ ਭੱਜੇ ਸਨ ਸਾਰੇ | AI Engineer Suicide Case

ਐਫਆਈਆਰ ਤੋਂ ਬਾਅਦ, ਬੈਂਗਲੁਰੂ ਪੁਲਿਸ ਸ਼ੁੱਕਰਵਾਰ 13 ਦਸੰਬਰ ਨੂੰ ਜੌਨਪੁਰ ਪਹੁੰਚੀ। ਜਦੋਂ ਅਤੁਲ ਸੁਭਾਸ਼ ਦੇ ਸਹੁਰੇ ਘਰ ਪਹੁੰਚਿਆ ਤਾਂ ਤਾਲਾ ਲੱਗਿਆ ਹੋਇਆ ਸੀ। ਟੀਮ ਨੇ ਨੋਟਿਸ ਚਿਪਕਾਇਆ। ਪੁਲਿਸ ਦੇ ਆਉਣ ਤੋਂ ਪਹਿਲਾਂ ਹੀ ਅਤੁਲ ਦੀ ਸੱਸ ਤੇ ਜੀਜਾ ਫਰਾਰ ਹੋ ਗਏ। ਪੁਲਿਸ ਨੇ ਗੁਆਂਢੀਆਂ ਤੋਂ ਪੁੱਛਗਿੱਛ ਕੀਤੀ, ਪਰ ਪਰਿਵਾਰ ਬਾਰੇ ਕੋਈ ਜਾਣਕਾਰੀ ਨਹੀਂ ਮਿਲ ਸਕੀ। ਬੁੱਧਵਾਰ-ਵੀਰਵਾਰ ਰਾਤ 1.30 ਵਜੇ ਸੁਭਾਸ਼ ਦੀ ਸੱਸ ਤੇ ਭਰਜਾਈ ਦੇ ਘਰੋਂ ਭੱਜਣ ਦਾ ਵੀਡੀਓ ਸਾਹਮਣੇ ਆਇਆ ਸੀ। ਉਹ ਤਾਲਾ ਲਾ ਕੇ ਬਾਈਕ ’ਤੇ ਭੱਜ ਰਹੇ ਸਨ। ਉਥੇ ਮੌਜੂਦ ਮੀਡੀਆ ਵਾਲਿਆਂ ਨੇ ਜਦੋਂ ਪੁੱਛਿਆ ਤਾਂ ਸੱਸ ਨੇ ਕੋਈ ਜਵਾਬ ਨਹੀਂ ਦਿੱਤਾ ਤੇ ਹੱਥ ਜੋੜ ਲਏ। ਘਰੋਂ ਭੱਜ ਕੇ ਉਹ ਜੌਨਪੁਰ ਦੇ ਇੱਕ ਹੋਟਲ ਪਹੁੰਚੀ। ਕੁਝ ਦੇਰ ਉਥੇ ਰਹੇ। ਫਿਰ ਉਹ ਉਥੋਂ ਭੱਜ ਗਿਆ। ਹੋਟਲ ਦਾ ਸੀਸੀਟੀਵੀ ਵੀ ਸਾਹਮਣੇ ਆਇਆ ਸੀ, ਜਿਸ ’ਚ ਦੋਵੇਂ ਨਜ਼ਰ ਆ ਰਹੇ ਸਨ।