ਤੁਲਸੀ ਅਤੇ ਅਦਰਕ ਸਮੇਤ ਇਨ੍ਹਾਂ ਮਸਾਲਿਆਂ ਤੋਂ ਬਣੀ ਚਾਹ ਦੇ ਬਹੁਤ ਸਾਰੇ ਫਾਇਦੇ ਹਨ

Tea Benefits: ਨਵੀਂ ਦਿੱਲੀ, (ਏਜੰਸੀ)। ਸਰਦੀਆਂ ਨੇ ਦਸਤਕ ਦੇ ਦਿੱਤੀ ਹੈ। ਠੰਢ ਦਾ ਮੌਸਮ ਜਿੱਥੇ ਖਾਣ-ਪੀਣ ਦੇ ਸ਼ੌਕੀਨਾਂ ਲਈ ਵਰਦਾਨ ਤੋਂ ਘੱਟ ਨਹੀਂ ਹੁੰਦਾ, ਉੱਥੇ ਹੀ ਇਹ ਉਨ੍ਹਾਂ ਲੋਕਾਂ ਲਈ ਵੀ ਖ਼ਤਰਨਾਕ ਹੁੰਦਾ ਹੈ ਜੋ ਅਕਸਰ ਠੰਢ ਤੋਂ ਪੀੜਤ ਹੁੰਦੇ ਹਨ। ਸੁਆਦਲਾ ਮਸਾਲਾ ਚਾਹ ਪੀ ਕੇ, ਤੁਸੀਂ ਨਾ ਸਿਰਫ ਵਾਇਰਲ, ਜ਼ੁਕਾਮ ਜਾਂ ਐਲਰਜੀ ਕਾਰਨ ਹੋਣ ਵਾਲੀਆਂ ਸਮੱਸਿਆਵਾਂ ਨੂੰ ਅਲਵਿਦਾ ਕਹਿ ਸਕਦੇ ਹੋ, ਸਗੋਂ ਕੰਮ ਤੋਂ ਬਾਅਦ ਇੱਕ ਪਲ ਵਿੱਚ ਥਕਾਵਟ ਨੂੰ ਵੀ ਅਲਵਿਦਾ ਕਹਿ ਸਕਦੇ ਹੋ।

ਇਹ ਵੀ ਪੜ੍ਹੋ: Winter Special Laddu: ਠੰਢ ’ਚ ਜੋੜਾਂ ’ਚ ਦਰਦ ਤੋਂ ਰਾਹਤ ਦਿਵਾਏਗਾ ਇਹ ਲੱਡੂ, ਸੁਆਦ ਵੀ ਅਜਿਹਾ ਕਿ ਭੁੱਲ ਜਾਓਗੇ ਮੋਤੀ…

ਅਸੀਂ ਗੱਲ ਕਰ ਰਹੇ ਹਾਂ ਮਸਾਲਾ ਚਾਹ ਦੀ। ਚਾਹ ‘ਚ ਲੌਂਗ, ਬੇ ਪੱਤੇ, ਤੁਲਸੀ ਦੇ ਪੱਤੇ, ਅਜਵਾਇਣ, ਕਾਲੀ ਮਿਰਚ ਅਤੇ ਅਦਰਕ ਪਾਉਣਾ ਬਹੁਤ ਫਾਇਦੇਮੰਦ ਹੁੰਦਾ ਹੈ। ਆਯੁਰਵੇਦ ਅਨੁਸਾਰ ਇਨ੍ਹਾਂ ਮਸਾਲਿਆਂ ਨਾਲ ਬਣੀ ਚਾਹ ਸਰਦੀਆਂ ਲਈ ਰਾਮਬਾਣ ਸਾਬਤ ਹੋ ਸਕਦੀ ਹੈ। ਇਹ ਟੈਸਟ ’ਚ ਤਾਂ ਲਾਜਵਾਬ ਹੁੰਦੇ ਹੀ ਹਨ ਨਾਲ ਹੀ ਕਮਾਲ ਦੀ ਊਰਜਾ ਅਤੇ ਤਾਜ਼ਗੀ ਦੇ ਨਾਲ-ਨਾਲ ਛੋਟੀਆਂ-ਛੋਟੀਆਂ ਲਾਗਾਂ ਤੋਂ ਛੁਟਕਾਰਾ ਪਾਉਣ ਵਿਚ ਵੀ ਮਦਦ ਕਰਦੇ ਹਨ।

ਮੌਸਮ ‘ਚ ਬਦਲਾਅ ਦੇ ਦੌਰਾਨ ਆਓ ਜਾਣਦੇ ਹਾਂ ਮਸਾਲਾ ਚਾਹ ਬਣਾਉਣ ਦਾ ਤਰੀਕਾ

ਅਦਰਕ, ਕਾਲੀ ਮਿਰਚ, ਅਜਵਾਇਣ, ਬੇ ਪੱਤੇ ਅਤੇ ਲੌਂਗ ਨੂੰ ਚੀਨੀ ਅਤੇ ਚਾਹ ਪੱਤੀ ਦੇ ਨਾਲ ਉਬਲਦੇ ਪਾਣੀ ਵਿੱਚ ਲੰਬੇ ਸਮੇਂ ਤੱਕ ਪਕਾਉਣ ਨਾਲ ਇਸ ਦੇ ਤੱਤ ਚੰਗੀ ਤਰ੍ਹਾਂ ਮਿਲ ਜਾਂਦੇ ਹਨ। ਤੁਸੀਂ ਚਾਹੋ ਤਾਂ ਇਨ੍ਹਾਂ ਮਸਾਲਿਆਂ ਨਾਲ ਆਪਣੀ ਮਰਜ਼ੀ ਮੁਤਾਬਕ ਕਾਲੀ ਚਾਹ ਜਾਂ ਦੁੱਧ ਵਾਲੀ ਚਾਹ ਬਣਾ ਸਕਦੇ ਹੋ।

ਤੇਜਪੱਤਾ ਚਾਹ ਪੀਣ ਦੇ ਬਹੁਤ ਸਾਰੇ ਫਾਇਦੇ ਹਨ। ਤੇਜਪੱਤਾ ਵਿੱਚ ਵਿਟਾਮਿਨ ਸੀ, ਵਿਟਾਮਿਨ ਬੀ6, ਆਇਰਨ, ਕੈਲਸ਼ੀਅਮ ਅਤੇ ਮੈਗਨੀਸ਼ੀਅਮ ਹੁੰਦਾ ਹੈ। ਇਸ ਨਾਲ ਇਮਿਊਨਿਟੀ ਵਧਦੀ ਹੈ। ਮੈਟਾਬੋਲਿਜ਼ਮ ਵਧਦਾ ਹੈ ਅਤੇ ਇਸ ਨਾਲ ਪਾਚਨ ਕਿਰਿਆ ‘ਚ ਸੁਧਾਰ ਹੁੰਦਾ ਹੈ। ਬਦਹਜ਼ਮੀ ਅਤੇ ਗੈਸ ਸੰਬੰਧੀ ਸਮੱਸਿਆਵਾਂ ਦੂਰ ਹੁੰਦੀਆਂ ਹਨ। Tea Benefits

ਇਸ ਦੇ ਨਾਲ ਹੀ ਕਾਲੀ ਮਿਰਚ ‘ਚ ਐਂਟੀਆਕਸੀਡੈਂਟ ਅਤੇ ਐਂਟੀ-ਬੈਕਟੀਰੀਅਲ ਗੁਣ ਹੁੰਦੇ ਹਨ, ਜੋ ਇਨਫੈਕਸ਼ਨ ਨਾਲ ਲੜਨ ‘ਚ ਮਦਦ ਕਰਦੇ ਹਨ। ਕਾਲੀ ਮਿਰਚ ਅਤੇ ਲੌਂਗ ਵਿੱਚ ਮੌਜੂਦ ਯੂਜੇਨੋਲ ਖੰਘ ਤੋਂ ਰਾਹਤ ਦਿਵਾਉਣ ਵਿੱਚ ਮਦਦ ਕਰਦਾ ਹੈ।

ਅਦਰਕ ‘ਚ gingerol ਨਾਂਅ ਦਾ ਤੱਤ ਹੁੰਦਾ ਹੈ, ਜੋ ਸਰੀਰ ਨੂੰ ਤਾਜ਼ਗੀ ਦੇ ਨਾਲ-ਨਾਲ ਗਰਮੀ ਵੀ ਦਿੰਦਾ ਹੈ। ਅਦਰਕ ਦੀ ਤਾਸੀਰ ਗਰਮ ਹੁੰਦੀ ਹੈ। ਇਸ ਦਾ ਸੇਵਨ ਕਰਨ ਨਾਲ ਠੰਢ ਵੀ ਘੱਟ ਲੱਗਦੀ ਹੈ।

ਆਜਵਾਇਨ ਪਾਈ ਚਾਹ ਪੀਣ ਨਾਲ ਇਨਫੈਕਸ਼ਨ ਨਾਲ ਲੜਨ ‘ਚ ਮੱਦਦ ਮਿਲਦੀ ਹੈ, ਜੋ ਕਿ ਸਰਦੀਆਂ ‘ਚ ਖਾਸ ਤੌਰ ‘ਤੇ ਫਾਇਦੇਮੰਦ ਹੁੰਦੀ ਹੈ। ਆਜਵਾਇਨ ਦੀ ਤਾਸੀਰ ਗਰਮ ਹੁੰਦੀ ਹੈ। ਅਜਵਾਇਨ ਵਿੱਚ ਐਂਟੀਆਕਸੀਡੈਂਟ ਹੁੰਦੇ ਹਨ, ਜੋ ਇਮਿਊਨ ਸਿਸਟਮ ਨੂੰ ਮਜ਼ਬੂਤ ​​ਕਰਦੇ ਹਨ।