ਪਾਕਿਸਤਾਨ ਲਈ ਸੈਮੀਫਾਈਨਲ ’ਚ ਪਹੁੰਚਣਾ ਹੋਇਆ ਔਖਾ

ENG Vs PAK: ਸਪੋਰਟਸ ਡੈਸਕ। ਇੰਗਲੈਂਡ ਨੇ ਟੀ-20 ਵਿਸ਼ਵ ਕੱਪ ਦੇ ਇੱਕ ਰੋਮਾਂਚਕ ਮੈਚ ’ਚ ਪਾਕਿਸਤਾਨ ਨੂੰ ਦੋ ਵਿਕਟਾਂ ਨਾਲ ਹਰਾ ਦਿੱਤਾ। ਇੰਗਲੈਂਡ ਲਈ ਕਪਤਾਨ ਹੈਰੀ ਬਰੂਕ ਨੇ ਸੈਂਕੜਾ ਲਾਇਆ, ਜਿਸ ਨਾਲ ਟੀਮ ਨੂੰ ਟੀਚੇ ਦਾ ਸਫਲਤਾਪੂਰਵਕ ਪਿੱਛਾ ਕਰਨ ’ਚ ਮਦਦ ਮਿਲੀ। ਪਹਿਲਾਂ ਬੱਲੇਬਾਜੀ ਕਰਦੇ ਹੋਏ, ਪਾਕਿਸਤਾਨ ਨੇ 20 ਓਵਰਾਂ ’ਚ 9 ਵਿਕਟਾਂ ’ਤੇ 164 ਦੌੜਾਂ ਬਣਾਈਆਂ। ਜਵਾਬ ’ਚ, ਇੰਗਲੈਂਡ ਨੇ 19.1 ਓਵਰਾਂ ’ਚ ਅੱਠ ਵਿਕਟਾਂ ’ਤੇ 166 ਦੌੜਾਂ ਬਣਾ ਕੇ ਮੈਚ ਜਿੱਤ ਲਿਆ। ਬਰੂਕ ਨੇ ਇੰਗਲੈਂਡ ਲਈ ਸਭ ਤੋਂ ਵੱਧ 100 ਦੌੜਾਂ ਬਣਾਈਆਂ, ਜਿਸ ਨਾਲ ਸੁਪਰ-8 ’ਚ ਆਪਣੀ ਲਗਾਤਾਰ ਦੂਜੀ ਜਿੱਤ ਦਰਜ ਕੀਤੀ।

ਇਹ ਖਬਰ ਵੀ ਪੜ੍ਹੋ : Suryakumar Yadav: ਦੱਖਣੀ ਅਫਰੀਕਾ ਦੇ ਹੱਥੋਂ ਹਾਰ ਤੋਂ ਬਾਅਦ ਕਪਤਾਨ ਸੂਰਿਆ ਕੁਮਾਰ ਯਾਦਵ ਦਾ ਆਇਆ ਵੱਡਾ ਬਿਆਨ, ਜਾਣੋ

ਸੈਮੀਫਾਈਨਲ ’ਚ ਪਹੁੰਚਣ ਵਾਲੀ ਪਹਿਲੀ ਟੀਮ | ENG Vs PAK

ਇੰਗਲੈਂਡ ਨੇ ਇਸ ਤਰ੍ਹਾਂ ਸੈਮੀਫਾਈਨਲ ’ਚ ਜਗ੍ਹਾ ਪੱਕੀ ਕਰ ਲਈ ਹੈ, ਜਦੋਂ ਕਿ ਪਾਕਿਸਤਾਨ ਦਾ ਅੱਗੇ ਦਾ ਰਸਤਾ ਬਹੁਤ ਮੁਸ਼ਕਲ ਹੋ ਗਿਆ ਹੈ। ਪਾਕਿਸਤਾਨ ਦਾ ਪਿਛਲਾ ਮੈਚ ਮੀਂਹ ਕਾਰਨ ਧੋਤਾ ਗਿਆ ਸੀ, ਤੇ ਹੁਣ ਉਨ੍ਹਾਂ ਕੋਲ ਇੱਕ ਮੈਚ ਬਾਕੀ ਹੈ। ਜੇਕਰ ਪਾਕਿਸਤਾਨ ਇਹ ਮੈਚ ਜਿੱਤ ਵੀ ਜਾਂਦਾ ਹੈ, ਤਾਂ ਵੀ ਉਨ੍ਹਾਂ ਦੇ ਸਿਰਫ ਤਿੰਨ ਅੰਕ ਹੋਣਗੇ। ਇਸ ਦੌਰਾਨ, ਸ਼੍ਰੀਲੰਕਾ ਤੇ ਨਿਊਜੀਲੈਂਡ ਕੋਲ ਪਾਕਿਸਤਾਨ ਨੂੰ ਪਛਾੜਨ ਦਾ ਮੌਕਾ ਹੋਵੇਗਾ। ਬਰੂਕ ਤੋਂ ਇਲਾਵਾ, ਇੰਗਲੈਂਡ ਲਈ ਕੋਈ ਹੋਰ ਬੱਲੇਬਾਜ ਮਹੱਤਵਪੂਰਨ ਪਾਰੀ ਨਹੀਂ ਖੇਡ ਸਕਿਆ।

ਇੰਗਲੈਂਡ ਲਗਾਤਾਰ ਸਭ ਤੋਂ ਵੱਧ ਵਾਰ ਟੀ-20 ਵਿਸ਼ਵ ਕੱਪ ਦੇ ਸੈਮੀਫਾਈਨਲ ’ਚ ਪਹੁੰਚਣ ਵਾਲੀ ਟੀਮ ਬਣ ਗਈ ਹੈ। ਇਹ ਉਨ੍ਹਾਂ ਦੀ ਲਗਾਤਾਰ ਪੰਜਵੀਂ ਵਾਰ ਹੈ। ਇਸ ਮਾਮਲੇ ’ਚ ਇਹ ਪਾਕਿਸਤਾਨ ਤੇ ਸ਼੍ਰੀਲੰਕਾ ਨੂੰ ਪਛਾੜ ਗਿਆ ਹੈ। ਪਾਕਿਸਤਾਨ ਤੇ ਸ਼੍ਰੀਲੰਕਾ ਲਗਾਤਾਰ ਚਾਰ ਵਾਰ ਸੈਮੀਫਾਈਨਲ ’ਚ ਪਹੁੰਚੇ ਹਨ। ਇੰਗਲੈਂਡ 2016, 2021, 2022, 2024 ਤੇ 2026 ਟੀ-20 ਵਿਸ਼ਵ ਕੱਪ ਦੇ ਸੈਮੀਫਾਈਨਲ ’ਚ ਪਹੁੰਚਿਆ ਹੈ। ENG Vs PAK

ਟੀ-20 ਵਿਸ਼ਵ ਕੱਪ ’ਚ ਸੈਂਕੜਾ ਲਾਉਣ ਵਾਲੇ ਪਹਿਲੇ ਕਪਤਾਨ | ENG Vs PAK

ਟੀਚੇ ਦਾ ਪਿੱਛਾ ਕਰਦੇ ਹੋਏ ਇੰਗਲੈਂਡ ਦੀ ਸ਼ੁਰੂਆਤ ਚੰਗੀ ਨਹੀਂ ਰਹੀ, ਤੇ ਸ਼ਾਹੀਨ ਅਫਰੀਦੀ ਨੇ ਟੀਮ ਨੂੰ ਕਈ ਝਟਕੇ ਦਿੱਤੇ। ਸ਼ਾਹੀਨ ਨੇ ਪਹਿਲੀ ਹੀ ਗੇਂਦ ’ਤੇ ਫਿਲ ਸਾਲਟ ਨੂੰ ਅਤੇ ਫਿਰ ਜੋਸ ਬਟਲਰ ਨੂੰ ਆਊਟ ਕੀਤਾ, ਜੋ ਦੋ ਦੌੜਾਂ ਬਣਾ ਕੇ ਆਊਟ ਹੋ ਗਏ। ਸ਼ਾਹੀਨ ਨੇ ਫਿਰ ਪਾਵਰਪਲੇ ਦੌਰਾਨ ਜੈਕਬ ਬੈਥਲ ਨੂੰ ਆਊਟ ਕਰਕੇ ਇੰਗਲੈਂਡ ਨੂੰ ਤੀਜਾ ਝਟਕਾ ਦਿੱਤਾ। ਬੈਥਲ ਅੱਠ ਦੌੜਾਂ ਬਣਾ ਕੇ ਪੈਵੇਲੀਅਨ ਵਾਪਸ ਪਰਤਿਆ। ਹਾਲਾਂਕਿ, ਬਰੂਕ ਨੇ ਦ੍ਰਿੜਤਾ ਨਾਲ ਖੇਡਿਆ ਤੇ ਜ਼ਿੰਮੇਵਾਰੀ ਸੰਭਾਲੀ, ਪਾਰੀ ਨੂੰ ਅੱਗੇ ਵਧਾਇਆ। ਬਰੂਕ ਨੇ ਪਹਿਲਾਂ 28 ਗੇਂਦਾਂ ’ਚ ਆਪਣਾ ਅਰਧ ਸੈਂਕੜਾ ਤੇ ਫਿਰ 50 ਗੇਂਦਾਂ ’ਚ ਆਪਣਾ ਸੈਂਕੜਾ ਪੂਰਾ ਕੀਤਾ।

ਬਰੂਕ ਟੀ-20 ਵਿਸ਼ਵ ਕੱਪ ’ਚ ਸੈਂਕੜਾ ਬਣਾਉਣ ਵਾਲਾ ਪਹਿਲਾ ਕਪਤਾਨ ਹੈ। ਇੰਨਾ ਹੀ ਨਹੀਂ, ਬਰੂਕ ਟੂਰਨਾਮੈਂਟ ’ਚ ਸਭ ਤੋਂ ਵੱਧ ਵਿਅਕਤੀਗਤ ਸਕੋਰਰ ਵੀ ਬਣ ਗਿਆ। ਉਸਨੇ ਕ੍ਰਿਸ ਗੇਲ ਨੂੰ ਪਿੱਛੇ ਛੱਡਿਆ, ਜਿਸਨੇ 2010 ’ਚ ਭਾਰਤ ਵਿਰੁੱਧ 98 ਦੌੜਾਂ ਬਣਾਈਆਂ ਸਨ। ਬਰੂਕ ਟੀ-20 ਵਿਸਵ ਕੱਪ ’ਚ ਟੀਚੇ ਦਾ ਪਿੱਛਾ ਕਰਦੇ ਹੋਏ ਸੈਂਕੜਾ ਲਗਾਉਣ ਵਾਲਾ ਚੌਥਾ ਬੱਲੇਬਾਜ ਬਣ ਗਿਆ। ਉਸ ਤੋਂ ਪਹਿਲਾਂ, ਐਲੇਕਸ ਹੇਲਸ ਨੇ 2014 ’ਚ ਸ਼੍ਰੀਲੰਕਾ ਵਿਰੁੱਧ, ਕ੍ਰਿਸ ਗੇਲ ਨੇ 2016 ’ਚ ਇੰਗਲੈਂਡ ਵਿਰੁੱਧ ਤੇ ਪਾਥੁਮ ਨਿਸੰਕਾ ਨੇ 2026 ’ਚ ਅਸਟਰੇਲੀਆ ਵਿਰੁੱਧ ਸੈਂਕੜਾ ਲਾਇਆ ਸੀ। ਬਰੂਕ ਟੀ-20 ਵਿਸ਼ਵ ਕੱਪ ’ਚ ਇੰਗਲੈਂਡ ਲਈ ਐਲੇਕਸ ਹੇਲਸ (116*) ਤੇ ਜੋਸ ਬਟਲਰ (101*) ਤੋਂ ਬਾਅਦ ਤੀਜਾ ਸਭ ਤੋਂ ਵੱਧ ਵਿਅਕਤੀਗਤ ਸਕੋਰ ਬਣਾਉਣ ਵਾਲਾ ਬੱਲੇਬਾਜ ਹੈ।

ਸਟੰਪ ਤੱਕ ਇੰਗਲੈਂਡ ਦਾ ਸਕੋਰ 211/3

• ਜੋ ਰੂਟ ਤੇ ਹੈਰੀ ਬਰੂਕ ਵਿਚਕਾਰ ਸੈਂਕੜੇ ਵਾਲੀ ਸਾਂਝੇਦਾਰੀ

Ashes Sydney Test: ਸਪੋਰਟਸ ਡੈਸਕ। ਅਸਟਰੇਲੀਆ ਤੇ ਇੰਗਲੈਂਡ ਵਿਚਕਾਰ 2025-26 ਐਸ਼ੇਜ਼ ਦਾ ਪੰਜਵਾਂ ਤੇ ਆਖਰੀ ਟੈਸਟ ਸਿਡਨੀ ਕ੍ਰਿਕੇਟ ਗਰਾਊਂਡ ’ਤੇ ਖੇਡਿਆ ਜਾ ਰਿਹਾ ਹੈ। ਮੀਂਹ ਤੇ ਮਾੜੀ ਰੌਸ਼ਨੀ ਕਾਰਨ, ਪਹਿਲੇ ਦਿਨ ਸਿਰਫ 45 ਓਵਰ ਹੀ ਖੇਡੇ ਜਾ ਸਕੇ। ਇੰਗਲੈਂਡ ਦੇ ਕਪਤਾਨ ਬੇਨ ਸਟੋਕਸ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਪਹਿਲੇ ਦਿਨ ਸਟੰਪ ਹੋਣ ਤੱਕ, ਟੀਮ ਨੇ 3 ਵਿਕਟਾਂ ਦੇ ਨੁਕਸਾਨ ’ਤੇ 211 ਦੌੜਾਂ ਬਣਾਈਆਂ ਸਨ। ਜੋ ਰੂਟ (72) ਤੇ ਹੈਰੀ ਬਰੂਕ (78) ਅਜੇਤੂ ਰਹੇ, ਉਨ੍ਹਾਂ ਨੇ 154 ਦੌੜਾਂ ਦੀ ਅਜੇਤੂ ਸਾਂਝੇਦਾਰੀ ਕੀਤੀ। ਦੂਜੇ ਦਿਨ ਦਾ ਖੇਡ ਸੋਮਵਾਰ ਸਵੇਰੇ 4:30 ਵਜੇ ਭਾਰਤੀ ਸਮੇਂ ਅਨੁਸਾਰ ਸ਼ੁਰੂ ਹੋਵੇਗਾ।

ਇਹ ਖਬਰ ਵੀ ਪੜ੍ਹੋ : ਜਦੋਂ ਪੂਜਨੀਕ ਪਰਮ ਪਿਤਾ ਜੀ ਨੇ ਫਰਮਾਇਆ, ਖੜ੍ਹ’ਜੋ ਭਾਈ! ਖੜ੍ਹ’ਜੋ, ਸਾਡੀ ਇੱਕ ਗੱਲ ਸੁਣ ਕੇ ਜਾਣਾ, ਡੇਰਾ ਸੱਚਾ ਸੌਦਾ ਵਾ…

ਰੂਟ ਤੇ ਬਰੂਕ ਦੇ ਅਰਧ ਸੈਂਕੜੇ | Ashes Sydney Test

ਇੰਗਲੈਂਡ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ, ਜੋ ਕਿ ਸਹੀ ਫੈਸਲਾ ਸਾਬਤ ਹੋ ਰਿਹਾ ਹੈ। ਇੰਗਲੈਂਡ ਨੇ 57 ਦੇ ਸਕੋਰ ’ਤੇ ਤਿੰਨ ਸ਼ੁਰੂਆਤੀ ਵਿਕਟਾਂ ਗੁਆ ਦਿੱਤੀਆਂ। ਫਿਰ ਜੋ ਰੂਟ ਤੇ ਹੈਰੀ ਬਰੂਕ ਨੇ ਇੰਗਲੈਂਡ ਦੀ ਪਾਰੀ ਨੂੰ ਸੰਭਾਲਿਆ। ਪਹਿਲੇ ਦਿਨ ਇੰਗਲੈਂਡ ਦਾ ਸਕੋਰ 211 ਦੌੜਾਂ ਸੀ। ਰੂਟ ਤੇ ਬਰੂਕ ਦੋਵਾਂ ਨੇ ਅਰਧ ਸੈਂਕੜੇ ਲਾਏ ਤੇ ਨਾਬਾਦ ਪਵੇਲੀਅਨ ਪਰਤੇ। ਇਸ ਤੋਂ ਪਹਿਲਾਂ, ਬੇਨ ਡਕੇਟ 27, ਜ਼ੈਕ ਕ੍ਰਾਲੀ 16 ਤੇ ਜੈਕਬ ਬੈਥਲ 10 ਦੌੜਾਂ ਬਣਾ ਕੇ ਆਊਟ ਹੋਏ। ਅਸਟਰੇਲੀਆ ਲਈ, ਮਿਸ਼ੇਲ ਸਟਾਰਕ, ਮਾਈਕਲ ਨੇਸਰ ਤੇ ਸਕਾਟ ਬੋਲੈਂਡ ਨੇ ਇੱਕ-ਇੱਕ ਵਿਕਟ ਲਈ।

ਸਿਡਨੀ ਟੈਸਟ ਲਈ ਦੋਵਾਂ ਟੀਮਾਂ ਦੀ ਪਲੇਇੰਗ-11

ਅਸਟਰੇਲੀਆ : ਟ੍ਰੈਵਿਸ ਹੈੱਡ, ਜੇਕ ਵੇਦਰਲਡ, ਮਾਰਨਸ ਲਾਬੂਸ਼ਾਨੇ, ਸਟੀਵ ਸਮਿਥ (ਕਪਤਾਨ), ਉਸਮਾਨ ਖਵਾਜਾ, ਐਲੇਕਸ ਕੈਰੀ (ਵਿਕਟਕੀਪਰ), ਕੈਮਰਨ ਗ੍ਰੀਨ, ਬਿਊ ਵੈਬਸਟਰ, ਮਾਈਕਲ ਨੇਸਰ, ਮਿਸ਼ੇਲ ਸਟਾਰਕ ਤੇ ਸਕਾਟ ਬੋਲੈਂਡ।

ਇੰਗਲੈਂਡ : ਜ਼ੈਕ ਕ੍ਰਾਲੀ, ਬੇਨ ਡਕੇਟ, ਜੈਕਬ ਬੈਥਲ, ਜੋ ਰੂਟ, ਹੈਰੀ ਬਰੂਕ, ਬੇਨ ਸਟੋਕਸ (ਕਪਤਾਨ), ਜੈਮੀ ਸਮਿਥ (ਵਿਕਟਕੀਪਰ), ਵਿਲ ਜੈਕਸ, ਬ੍ਰਾਈਡਨ ਕਾਰਸੇ, ਮੈਥਿਊ ਪੋਟਸ ਤੇ ਜੋਸ਼ ਟੰਗ।

ਵਨਡੇ ’ਚ ਟਾਪ-2 ’ਤੇ ਭਾਰਤ ਦੇ ਰੋਹਿਤ ਤੇ ਕੋਹਲੀ

• ਟੈਸਟ ਰੈਂਕਿੰਗ ’ਚ ਕੰਗਾਰੂ ਗੇਂਦਬਾਜ਼ ਸਟਾਰਕ ਨੰਬਰ-2 ’ਤੇ ਪਹੁੰਚੇ

ICC Test Rankings: ਸਪੋਰਟਸ ਡੈਸਕ। ਬੁੱਧਵਾਰ ਨੂੰ ਜਾਰੀ ਆਈਸੀਸੀ ਰੈਂਕਿੰਗ ’ਚ ਅਸਟਰੇਲੀਆ ਤੇ ਇੰਗਲੈਂਡ ਦੇ ਤੇਜ਼ ਗੇਂਦਬਾਜ਼ਾਂ ਨੇ ਵਾਧਾ ਕੀਤਾ ਹੈ। ਮੈਲਬੌਰਨ ’ਚ ਚੌਥੇ ਐਸ਼ੇਜ਼ ਟੈਸਟ ’ਚ ਪ੍ਰਭਾਵਸ਼ਾਲੀ ਪ੍ਰਦਰਸ਼ਨ ਤੋਂ ਬਾਅਦ, ਅਸਟਰੇਲੀਆ ਦੇ ਖੱਬੇ ਹੱਥ ਦੇ ਤੇਜ਼ ਗੇਂਦਬਾਜ਼ ਮਿਸ਼ੇਲ ਸਟਾਰਕ ਟੈਸਟ ਗੇਂਦਬਾਜ਼ਾਂ ਦੀ ਰੈਂਕਿੰਗ ਵਿੱਚ ਦੂਜੇ ਸਥਾਨ ’ਤੇ ਪਹੁੰਚ ਗਏ ਹਨ। ਸਟਾਰਕ ਦੇ ਹੁਣ 843 ਰੇਟਿੰਗ ਅੰਕ ਹਨ, ਉਹ ਭਾਰਤ ਦੇ ਨੰਬਰ 1 ਤੇਜ਼ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ (879 ਅੰਕ) ਤੋਂ ਪਿੱਛੇ ਹੈ।

ਇਹ ਖਬਰ ਵੀ ਪੜ੍ਹੋ : Punjab Weather: ਪੰਜਾਬ ’ਚ ਭਾਰੀ ਮੀਂਹ ਨਾਲ ਹੋਈ ਨਵੇਂ ਸਾਲ ਦੀ ਸ਼ੁਰੂਆਤ, ਵਧੇਗੀ ਠੰਢ, ਛਿੜੇਗੀ ਕੰਬਣੀ

ਜੋ ਕਿ ਨੰਬਰ 1 ਰੈਂਕਿੰਗ ਵਾਲੇ ਤੇਜ਼ ਗੇਂਦਬਾਜ਼ ਤੋਂ 36 ਅੰਕ ਪਿੱਛੇ ਹੈ। ਮੈਲਬੌਰਨ ਟੈਸਟ ’ਚ ਕੁੱਲ 36 ਵਿਕਟਾਂ ਡਿੱਗੀਆਂ, ਜਿਨ੍ਹਾਂ ’ਚੋਂ 35 ਤੇਜ਼ ਗੇਂਦਬਾਜ਼ਾਂ ਨੇ ਲਈਆਂ। ਇਸ ਨਾਲ ਅਸਟਰੇਲੀਆ ਤੇ ਇੰਗਲੈਂਡ ਦੇ ਤੇਜ਼ ਗੇਂਦਬਾਜ਼ਾਂ ਲਈ ਮਹੱਤਵਪੂਰਨ ਵਾਧਾ ਹੋਇਆ ਹੈ। ਹਾਲਾਂਕਿ, ਸਟਾਰਕ ਲਈ ਸਿਖਰਲਾ ਸਥਾਨ ਹਾਸਲ ਕਰਨਾ ਆਸਾਨ ਨਹੀਂ ਹੋਵੇਗਾ, ਕਿਉਂਕਿ ਅਸਟਰੇਲੀਆਈ ਟੀਮ ਲੰਬੇ ਸਮੇਂ ਤੱਕ ਕੋਈ ਟੈਸਟ ਮੈਚ ਨਹੀਂ ਖੇਡੇਗੀ। ICC Test Rankings

ਹੈਰੀ ਬਰੂਕ ਬੱਲੇਬਾਜ਼ਾਂ ’ਚ ਦੂਜੇ ਨੰਬਰ ’ਤੇ ਪਹੁੰਚੇ | ICC Test Rankings

ਇੰਗਲੈਂਡ ਦੇ ਹੈਰੀ ਬਰੂਕ 846 ਅੰਕਾਂ ਨਾਲ ਟੈਸਟ ਬੱਲੇਬਾਜ਼ਾਂ ’ਚ ਤਿੰਨ ਸਥਾਨ ਉੱਪਰ ਦੂਜੇ ਸਥਾਨ ’ਤੇ ਪਹੁੰਚ ਗਏ ਹਨ। ਬਰੂਕ ਨੇ ਅਸਟਰੇਲੀਆ ਦੇ ਸਟੀਵ ਸਮਿਥ (811 ਅੰਕ), ਟ੍ਰੈਵਿਸ ਹੈੱਡ (816 ਅੰਕ) ਤੇ ਨਿਊਜ਼ੀਲੈਂਡ ਦੇ ਕੇਨ ਵਿਲੀਅਮਸਨ (816 ਅੰਕ) ਨੂੰ ਪਿੱਛੇ ਛੱਡ ਦਿੱਤਾ ਹੈ। ਉਹ ਚੋਟੀ ਦੇ ਸਥਾਨ ਲਈ ਜੋ ਰੂਟ (867 ਅੰਕ) ਤੋਂ ਪਿੱਛੇ ਹੈ। ਬਰੂਕ ਨੇ ਮੈਲਬੌਰਨ ਟੈਸਟ ’ਚ 41 ਤੇ ਨਾਬਾਦ 18 ਦੌੜਾਂ ਬਣਾਈਆਂ ਜਿਸ ਨਾਲ ਇੰਗਲੈਂਡ ਨੂੰ ਜਿੱਤ ਹਾਸਲ ਹੋਈ।

ਇੱਕ ਰੋਜ਼ਾ ਬੱਲੇਬਾਜ਼ਾਂ ਲਈ ਚੋਟੀ ਦੇ 10 ’ਚ ਚਾਰ ਭਾਰਤੀ

ਇੱਕ ਰੋਜ਼ਾ ਬੱਲੇਬਾਜ਼ਾਂ ਦੀ ਰੈਂਕਿੰਗ ’ਚ ਚਾਰ ਭਾਰਤੀ ਬੱਲੇਬਾਜ਼ ਸ਼ਾਮਲ ਹਨ। ਰੋਹਿਤ ਸ਼ਰਮਾ ਰੈਂਕਿੰਗ ਵਿੱਚ ਸਭ ਤੋਂ ਅੱਗੇ ਹਨ। ਵਿਰਾਟ ਕੋਹਲੀ ਦੂਜੇ ਸਥਾਨ ’ਤੇ ਪਹੁੰਚ ਗਏ ਹਨ। ਕਪਤਾਨ ਸ਼ੁਭਮਨ ਗਿੱਲ 5ਵੇਂ ਨੰਬਰ ’ਤੇ ਹੈ, ਤੇ ਸ਼੍ਰੇਅਸ ਅਈਅਰ 10ਵੇਂ ਨੰਬਰ ’ਤੇ ਹੈ।

ਇੰਗਲੈਂਡ ਦੇ ਹੈਰੀ ਬਰੂਕ ਬਣੇ ਨੰਬਰ-1 ਬੱਲੇਬਾਜ਼

• ਭਾਰਤ ਵੱਲੋਂ ਯਸ਼ਸਵੀ ਜਾਇਸਵਾਲ ਨੰਬਰ-4 ’ਤੇ ਕਾਇਮ
• ਗੇਂਦਬਾਜ਼ੀ ’ਚ ਬੁਮਰਾਹ ਨੰਬਰ-1 ’ਤੇ ਕਾਇਮ

ਸਪੋਰਟਸ ਡੈਸਕ। ICC Ranking 2024: ਇੰਗਲਿਸ਼ ਬੱਲੇਬਾਜ਼ ਹੈਰੀ ਬਰੂਕ ਆਈਸੀਸੀ ਰੈਂਕਿੰਗ ’ਚ ਨੰਬਰ-1 ’ਤੇ ਪਹੁੰਚ ਗਏ ਹਨ। ਉਨ੍ਹਾਂ ਨੇ ਆਪਣੇ ਹੀ ਦੇਸ਼ ਦੇ ਬੱਲੇਬਾਜ਼ ਜੋ ਰੂਟ ਨੂੰ ਪਿੱਛੇ ਛੱਡਿਆ ਹੈ। ਬੁੱਧਵਾਰ ਨੂੰ ਜਾਰੀ ਕੀਤੀ ਗਈ ਰੈਂਕਿੰਗ ’ਚ ਅਸਟਰੇਲੀਆ ਦੇ ਟਰੈਵਿਸ ਹੈੱਡ, ਕਮਿੰਦੂ ਮੈਂਡਿਸ ਤੇ ਤੇਂਬਾ ਬਾਵੁਮਾ ਨੂੰ ਵੀ ਫਾਇਦਾ ਹੋਇਆ ਹੈ। ਭਾਰਤੀ ਵਿਕਟਕੀਪਰ ਰਿਸ਼ਭ ਪੰਤ ਨੂੰ ਬੱਲੇਬਾਜ਼ਾਂ ਦੀ ਟਾਪ-10 ਸੂਚੀ ’ਚ 3 ਸਥਾਨ ਦਾ ਨੁਕਸਾਨ ਹੋਇਆ ਹੈ। ਗੇਂਦਬਾਜ਼ਾਂ ਦੀ ਰੈਂਕਿੰਗ ’ਚ ਤੇਜ਼ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ 890 ਰੇਟਿੰਗ ਅੰਕਾਂ ਨਾਲ ਪਹਿਲੇ ਸਥਾਨ ’ਤੇ ਹਨ। ਅਸਟਰੇਲੀਆ ਦੇ ਕਪਤਾਨ ਪੈਟ ਕਮਿੰਸ ਨੂੰ ਇੱਕ ਸਥਾਨ ਦਾ ਫਾਇਦਾ ਹੋਇਆ ਹੈ, ਉਹ ਹੁਣ ਚੌਥੇ ਸਥਾਨ ’ਤੇ ਪਹੁੰਚ ਗਏ ਹਨ। ਭਾਰਤੀ ਸਪਿਨਰ ਰਵੀਚੰਦਰਨ ਅਸ਼ਵਿਨ ਪੰਜਵੇਂ ਤੇ ਰਵਿੰਦਰ ਜਡੇਜਾ ਛੇਵੇਂ ਸਥਾਨ ’ਤੇ ਹਨ।

ਇਹ ਖਬਰ ਵੀ ਪੜ੍ਹੋ : Ludhiana News: ਡੀਸੀ ਨੇ ਅਚਨਚੇਤ ਸਰਕਾਰੀ ਦਫ਼ਤਰਾਂ ਦੀ ਕੀਤੀ ਚੈਕਿੰਗ, ਗੈਰ-ਹਾਜ਼ਰ ਪਾਏ ਗਏ 48 ਮੁਲਾਜ਼ਮ

ਹੈਰੀ ਬਰੂਕ ਨੰਬਰ-1 ਟੈਸਟ ਬੱਲੇਬਾਜ਼ | ICC Ranking 2024

ਆਈਸੀਸੀ ਵੱਲੋਂ ਜਾਰੀ ਕੀਤੀ ਗਈ ਟੈਸਟ ਰੈਂਕਿੰਗ ’ਚ ਇੰਗਲੈਂਡ ਦੇ ਹੈਰੀ ਬਰੂਕ ਹੁਣ ਨੰਬਰ ਇੱਕ ਬੱਲੇਬਾਜ਼ ਬਣ ਗਏ ਹਨ। ਉਨ੍ਹਾਂ ਨੇ ਆਪਣੇ ਹੀ ਦੇਸ਼ ਦੇ ਬੱਲੇਬਾਜ਼ ਜੋ ਰੂਟ ਨੂੰ ਪਿੱਛੇ ਛੱਡਿਆ ਹੈ। ਇਸ ਤੋਂ ਪਹਿਲਾਂ ਹੈਰੀ ਬਰੂਕ ਦੂਜੇ ਨੰਬਰ ’ਤੇ ਸਨ। ਹੁਣ ਉਨ੍ਹਾਂ ਦੀ ਰੇਟਿੰਗ ਵੱਧ ਕੇ 898 ਦੀ ਹੋ ਗਈ ਹੈ ਤੇ ਉਹ ਇੱਕ ਨੰਬਰ ਅੱਗੇ ਲੰਘ ਗਏ ਹਨ। ਇੰਗਲੈਂਡ ਦੇ ਹੀ ਬੱਲੇਬਾਜ਼ ਜੋ ਰੂਟ ਦੂਜੇ ਸਥਾਨ ’ਤੇ ਹਨ। ਉਸ ਦੀ ਰੇਟਿੰਗ 897 ਹੈ। ਨਿਊਜ਼ੀਲੈਂਡ ਦੇ ਕੇਨ ਵਿਲੀਅਮਸਨ 812 ਦੀ ਰੇਟਿੰਗ ਨਾਲ ਤੀਜੇ ਸਥਾਨ ’ਤੇ ਤੇ ਭਾਰਤ ਦੀ ਓਪਨਰ ਬੱਲੇਬਾਜ਼ ਯਸ਼ਸਵੀ ਜਾਇਸਵਾਲ 811 ਦੀ ਰੇਟਿੰਗ ਨਾਲ ਚੌਥੇ ਸਥਾਨ ’ਤੇ ਬਰਕਰਾਰ ਹਨ।

ਟਰੈਵਿਸ ਹੈੱਡ ਨੂੰ 6 ਸਥਾਨਾਂ ਦਾ ਫਾਇਦਾ

ਟਰੈਵਿਸ ਹੈੱਡ ਨੂੰ ਭਾਰਤ ਖਿਲਾਫ ਦੂਜੇ ਟੈਸਟ ’ਚ ਸ਼ਾਨਦਾਰ ਸੈਂਕੜਾ ਲਾਉਣ ਦਾ ਫਾਇਦਾ ਮਿਲਿਆ। ਉਸ ਨੇ ਇੱਕੋ ਸਮੇਂ 6 ਸਥਾਨਾਂ ਦੀ ਛਾਲ ਮਾਰੀ ਹੈ। ਉਹ ਹੁਣ 781 ਦੀ ਰੇਟਿੰਗ ਨਾਲ ਪੰਜਵੇਂ ਨੰਬਰ ’ਤੇ ਪਹੁੰਚ ਗਿਆ ਹੈ। ਸ਼੍ਰੀਲੰਕਾ ਦੇ ਕਮਿੰਦੂ ਮੈਂਡਿਸ ਨੂੰ ਵੀ ਇੱਕ ਸਥਾਨ ਦਾ ਫਾਇਦਾ ਹੋਇਆ ਹੈ। ਉਹ ਹੁਣ 759 ਦੀ ਰੇਟਿੰਗ ਨਾਲ 6ਵੇਂ ਨੰਬਰ ’ਤੇ ਪਹੁੰਚ ਗਿਆ ਹੈ। ਦੱਖਣੀ ਅਫਰੀਕਾ ਦਾ ਟੈਸਟ ਕਪਤਾਨ ਟੇਂਬਾ ਬਾਵੁਮਾ ਵੀ ਤਿੰਨ ਸਥਾਨ ਉੱਪਰ ਪਹੁੰਚ ਗਿਆ ਹੈ। ਉਹ ਹੁਣ 753 ਦੀ ਰੇਟਿੰਗ ਨਾਲ 7ਵੇਂ ਨੰਬਰ ’ਤੇ ਪਹੁੰਚ ਗਿਆ ਹੈ।

ਰਿਸ਼ਭ ਪੰਤ 4 ਸਥਾਨਾਂ ਦਾ ਨੁਕਸਾਨ | ICC Ranking 2024

ਨਿਊਜ਼ੀਲੈਂਡ ਦੇ ਡੇਰਿਲ ਮਿਸ਼ੇਲ ਨੂੰ ਤਿੰਨ ਸਥਾਨਾਂ ਦਾ ਨੁਕਸਾਨ ਹੋਇਆ ਹੈ। ਉਹ ਹੁਣ 729 ਦੀ ਰੇਟਿੰਗ ਨਾਲ 8ਵੇਂ ਨੰਬਰ ’ਤੇ ਆ ਗਿਆ ਹੈ। ਭਾਰਤ ਦੇ ਰਿਸ਼ਭ ਪੰਤ ਨੂੰ ਵੀ 3 ਸਥਾਨ ਦਾ ਨੁਕਸਾਨ ਹੋਇਆ ਹੈ। ਉਹ ਹੁਣ 724 ਦੀ ਰੇਟਿੰਗ ਨਾਲ 9ਵੇਂ ਨੰਬਰ ’ਤੇ ਖਿਸਕ ਗਿਆ ਹੈ। ਪਾਕਿਸਤਾਨ ਦੇ ਸਾਊਦ ਸ਼ਕੀਲ ਦੀ ਵੀ 724 ਦੀ ਰੇਟਿੰਗ ਹੈ, ਇਸ ਲਈ ਉਹ ਵੀ ਪੰਤ ਦੇ ਨਾਲ ਸਾਂਝੇ ਤੌਰ ’ਤੇ ਨੌਵੇਂ ਸਥਾਨ ’ਤੇ ਹੈ।

ਪਾਕਿਸਤਾਨ ਖਿਲਾਫ਼ ਬਣਾਈਆਂ 317 ਦੌੜਾਂ | Harry Brook

• ਇੰਗਲੈਂਡ ਨੇ 823 ਦੌੜਾਂ ਬਣਾ ਪਾਰੀ ਐਲਾਨੀ

ਸਪੋਰਟਸ ਡੈਸਕ। Harry Brook: ਇੰਗਲੈਂਡ ਦੇ ਪਾਕਿਸਤਾਨੀ ਦੌਰੇ ਦਾ ਪਹਿਲਾ ਮੁਕਾਬਲਾ ਮੁਲਤਾਨ ’ਚ ਖੇਡਿਆ ਜਾ ਰਿਹਾ ਹੈ। ਵੀਰਵਾਰ ਨੂੰ ਮੁਕਾਬਲੇ ਦਾ ਚੌਥਾ ਦਿਨ ਹੈ। ਦੂਜੇ ਸੈਸ਼ਨ ਦੀ ਖੇਡ ਜਾਰੀ ਹੈ। ਇੰਗਲੈਂਡ ਦੀ ਟੀਮ ਨੇ ਪਹਿਲੀ ਪਾਰੀ 823 ਦੌੜਾਂ ਬਣਾ ਕੇ ਐਲਾਨ ਦਿੱਤੀ ਹੈ। ਟੀਮ ਨੂੰ 267 ਦੌੜਾਂ ਦੀ ਲੀਡ ਮਿਲੀ ਹੈ। ਕ੍ਰਿਸ ਵੋਕਸ 17 ਤੇ ਬ੍ਰਾਇਡਨ ਕਾਰਸ 2 ਦੌੜਾਂ ਬਣਾ ਕੇ ਨਾਬਾਦ ਪਰਤੇ। ਹੈਰੀ ਬਰੂਕ ਨੇ 317 ਦੌੜਾਂ ਦੀ ਪਾਰੀ ਖੇਡੀ। ਉਨ੍ਹਾਂ ਨੇ ਮੁਲਤਾਨ ’ਚ ਵੀਰੇਂਦਰ ਸਹਿਵਾਗ ਦਾ 20 ਸਾਲ ਪੁਰਾਣਾ ਰਿਕਾਰਡ ਤੋੜਿਆ।

Read This : IND vs BAN: ਭਾਰਤ ਦੀ ਬੰਗਲਾਦੇਸ਼ ’ਤੇ ਸਭ ਤੋਂ ਵੱਡੀ ਜਿੱਤ

ਭਾਰਤ ਦੇ ਵੀਰੇਂਦਰ ਸਹਿਵਾਗ ਨੇ 2004 ’ਚ ਪਾਕਿਸਤਾਨ ਖਿਲਾਫ਼ 309 ਦੌੜਾਂ ਦੀ ਪਾਰੀ ਖੇਡੀ ਸੀ। ਉਸ ਸਮੇਂ ਸਹਿਵਾਗ ਨੂੰ ‘ਮੁਲਤਾਨ ਦਾ ਸੁਲਤਾਨ’ ਟੈਗ ਦਿੱਤਾ ਗਿਆ ਸੀ। ਬਰੂਕ ਤੋਂ ਇਲਾਵਾ, ਜੋ ਰੂਟ 262 ਦੌੜਾਂ ਬਣਾ ਕੇ ਆਊਟ ਹੋਏ। ਬੇਨ ਡਕੇਟ ਨੇ 84 ਤੇ ਜੈਕ ਕ੍ਰਾਲੇ ਨੇ 78 ਦੌੜਾਂ ਬਣਾਈਆਂ। ਇੰਗਲੈਂਡ ਦੀ ਟੀਮ ਨੇ ਦਿਨ ਦੀ ਸ਼ੁਰੂਆਤ 492/3 ਦੇ ਸਕੋਰ ਤੋਂ ਕੀਤੀ ਸੀ। ਇਸ ਤੋਂ ਪਹਿਲਾਂ ਪਾਕਿਸਤਾਨ ਪਹਿਲੀ ਪਾਰੀ ’ਚ 556 ਦੌੜਾਂ ਬਣਾ ਕੇ ਆਊਟ ਹੋਈ ਸੀ। Harry Brook

ਹੈਰੀ ਬਰੂਕ 317 ਦੌੜਾਂ ਬਣਾ ਕੇ ਆਊਟ | Harry Brook

ਦੂਜੇ ਸੈਸ਼ਨ ’ਚ ਹੈਰੀ ਬਰੂਕ 317 ਦੌੜਾਂ ਬਣਾ ਕੇ ਆਊਟ ਹੋਏ। ਉਨ੍ਹਾਂ ਨੂੰ ਸਈਮ ਅਯੂੁਬ ਨੇ ਕਪਤਾਨ ਸ਼ਾਨ ਮਸੂਦ ਦੇ ਹੱਥੋਂ ਕੈਚ ਕਰਵਾਇਆ। Harry Brook

ਜੋ ਰੂਟ 262 ਦੌੜਾਂ ਬਣਾ ਕੇ ਆਊਟ, 454 ਦੌੜਾਂ ਦੀ ਸਾਂਝੇਦਾਰੀ ਟੁੱਟੀ | Harry Brook

ਜੋ ਰੂਟ ਤੇ ਹੈਰੀ ਬਰੂਕ ਨੇ 454 ਦੌੜਾਂ ਦੀ ਜਬਰਦਸਤ ਸਾਂਝੇਦਾਰੀ ਕੀਤੀ। ਆਗਾ ਸਲਮਾਨ ਨੇ ਜੋ ਰੂਟ ਨੂੰ ਲੱਤ ਅੜਿਕਾ ਆਊਟ ਕਰਕੇ ਇਹ ਸਾਂਝੇਦਾਰੀ ਨੂੰ ਤੋੜਿਆ। ਜੋ ਰੂਟ 4 ਦੌੜਾਂ ਬਣਾ ਕੇ ਆਊਟ ਹੋਏ ਓਲੀ ਪੋਪ ਤੋਂ ਬਾਅਦ ਖੇਡਣ ਉਤਰੇ ਸਨ। ਹੁਣ ਦੂਜੀ ਪਾਰੀ ’ਚ ਪਾਕਿਸਤਾਨ ਨੇ 6 ਓਵਰਾਂ ਦੀ ਸਮਾਪਤੀ ਤੱਕ 23 ਦੌੜਾਂ ਬਣਾ ਲਈਆਂ ਹਨ ਤੇ 1 ਵਿਕਟ ਵੀ ਗੁਆ ਦਿੱਤੀ ਹੈ।