ਡੇਵਿਡ ਵਾਰਨਰ ਦੀ ਕਪਤਾਨੀ ’ਤੇ ਲੱਗੀ ਉਮਰ ਭਰ ਦੀ ਪਾਬੰਦੀ ਹਟੀ

• 2018 ’ਚ ਬਾਲ ਟੈਂਪਰਿੰਗ ਦੇ ਦੋਸ਼ੀ ਪਾਏ ਗਏ ਸਨ

ਸਪੋਰਟਸ ਡੈਸਕ। David Warner: ਅਸਟਰੇਲੀਆ ਦੇ ਸਲਾਮੀ ਬੱਲੇਬਾਜ਼ ਡੇਵਿਡ ਵਾਰਨਰ ’ਤੇ ਕਪਤਾਨੀ ਤੋਂ ਲੱਗੀ ਉਮਰ ਭਰ ਦੀ ਪਾਬੰਦੀ ਹਟਾ ਲਈ ਗਈ ਹੈ। 2018 ’ਚ, ਵਾਰਨਰ ਨੂੰ ਕ੍ਰਿਕੇਟ ਅਸਟਰੇਲੀਆ ਨੇ ਅਸਟਰੇਲੀਆ ’ਚ ਕਿਸੇ ਵੀ ਟੀਮ ਦੀ ਕਪਤਾਨੀ ਕਰਨ ਤੋਂ ਉਮਰ ਭਰ ਲਈ ਪਾਬੰਦੀ ਲਾ ਦਿੱਤੀ ਸੀ। ਹੁਣ ਕ੍ਰਿਕੇਟ ਅਸਟਰੇਲੀਆ ਦੇ ਕੰਡਕਟ ਕਮਿਸ਼ਨ ਨੇ ਫੈਸਲੇ ਦੀ ਸਮੀਖਿਆ ਕਰਨ ਤੋਂ ਬਾਅਦ ਵਾਰਨਰ ’ਤੇ ਲੱਗੀ ਪਾਬੰਦੀ ਹਟਾਉਣ ਦਾ ਫੈਸਲਾ ਕੀਤਾ ਹੈ। ਪਾਬੰਦੀ ਹਟਾਏ ਜਾਣ ਨਾਲ।

ਇਹ ਵੀ ਪੜ੍ਹੋ : IND vs NZ: ਭਾਰਤ-ਨਿਊਜੀਲੈਂਡ ਦੂਜਾ ਟੈਸਟ, ਮੈਚ ਦਾ ਪਹਿਲਾ ਦਿਨ ਰਿਹਾ ਭਾਰਤੀ ਸਪਿਨਰਾਂ ਦੇ ਨਾਂਅ

ਉਸ ਦੇ ਅਗਲੇ ਬੀਬੀਐੱਲ ਸੀਜ਼ਨ ’ਚ ਸਿਡਨੀ ਥੰਡਰ ਦੀ ਕਪਤਾਨੀ ਕਰਨ ਦੀਆਂ ਅਟਕਲਾਂ ਲਾਈਆਂ ਜਾ ਰਹੀਆਂ ਹਨ। ਡੇਵਿਡ ਵਾਰਨਰ ’ਤੇ ਇਹ ਪਾਬੰਦੀ 2018 ’ਚ ਦੱਖਣੀ ਅਫਰੀਕਾ ਖਿਲਾਫ ਟੈਸਟ ਮੈਚ ’ਚ ਗੇਂਦ ਨਾਲ ਛੇੜਛਾੜ ਕਰਨ ’ਤੇ ਲਾਈ ਗਈ ਸੀ। ਵਾਰਨਰ ਤੋਂ ਇਲਾਵਾ ਸਟੀਵ ਸਮਿਥ ਤੇ ਕੈਮਰਨ ਬੈਨਕ੍ਰਾਫਟ ਵੀ ਦੋਸ਼ ਪਾਏ ਗਏ ਸਨ ਬਾਲ ਟੈਂਪਰਿੰਗ ’ਚ, ਜਿਨ੍ਹਾਂ ਨੂੰ ਇੱਕ ਸਾਲ ਲਈ ਕ੍ਰਿਕੇਟ ਤੋਂ ਪਾਬੰਦ ਕਰ ਦਿੱਤਾ ਗਿਆ ਸੀ। David Warner

ਕ੍ਰਿਕੇਟ ਅਸਟਰੇਲੀਆ ਨੇ ਵਾਪਸ ਲਿਆ ਆਪਣਾ ਫੈਸਲਾ | David Warner

ਡੇਵਿਡ ਵਾਰਨਰ ’ਤੇ ਪਾਬੰਦੀ ਲਾਉਣ ਦੇ ਛੇ ਸਾਲ ਬਾਅਦ ਕ੍ਰਿਕੇਟ ਅਸਟਰੇਲੀਆ ਨੇ ਆਪਣਾ ਫੈਸਲਾ ਵਾਪਸ ਲੈ ਲਿਆ ਹੈ। ਇਸ ਸਬੰਧੀ ਕ੍ਰਿਕੇਟ ਅਸਟਰੇਲੀਆ ਵੱਲੋਂ ਇੱਕ ਪ੍ਰੈਸ ਬਿਆਨ ਜਾਰੀ ਕੀਤਾ ਗਿਆ ਸੀ, ਜਿਸ ’ਚ ਦੱਸਿਆ ਗਿਆ ਸੀ ਕਿ 25 ਅਕਤੂਬਰ ਨੂੰ ਕੰਡਕਟ ਕਮਿਸ਼ਨ ਦੇ 3 ਮੈਂਬਰੀ ਪੈਨਲ ਨੇ ਵਾਰਨਰ ’ਤੇ ਲਾਈ ਉਮਰ ਭਰ ਦੀ ਅਗਵਾਈ ਦੀ ਪਾਬੰਦੀ ਹਟਾਉਣ ਦਾ ਫੈਸਲਾ ਕੀਤਾ ਸੀ। ਪੈਨਲ ਨੇ ਪਾਇਆ ਕਿ ਸਾਲ 2022 ’ਚ ਅਸਟਰੇਲੀਅਨ ਕ੍ਰਿਕੇਟ ਦੇ ਕੋਡ ਆਫ ਕੰਡਕਟ ’ਚ ਕੀਤੇ ਗਏ ਬਦਲਾਅ ਮੁਤਾਬਕ ਵਾਰਨਰ ਪਾਬੰਦੀ ਹਟਾਉਣ ਦੇ ਨਿਯਮਾਂ ਨੂੰ ਪੂਰਾ ਕਰਦੇ ਹਨ।

2022 ’ਚ ਕਪਤਾਨੀ ਕਰਨ ਦੀ ਅਪੀਲ ਕੀਤੀ ਸੀ

ਡੇਵਿਡ ਵਾਰਨਰ ਨੇ 2018 ’ਚ ਵਾਰਨਰ ਖਿਲਾਫ ਉਮਰ ਭਰ ਦੀ ਕਪਤਾਨੀ ਤੋਂ ਪਾਬੰਦੀ ਲਾਉਣ ਤੋਂ ਬਾਅਦ ਹੀ ਇਸ ਨੂੰ ਵਾਪਸ ਲੈਣ ਦੀ ਅਪੀਲ ਕੀਤੀ ਸੀ। ਵਾਰਨਰ 2022 ’ਚ ਖੁਦ ’ਤੇ ਲਾਈ ਗਈ ਪਾਬੰਦੀ ਤੋਂ ਇੰਨਾ ਤੰਗ ਆ ਗਏ ਸਨ ਕਿ ਉਨ੍ਹਾਂ ਨੇ ਅਪੀਲ ਵਾਪਸ ਲੈ ਲਈ ਸੀ। ਹੁਣ 6 ਸਾਲ ਦੇ ਇੰਤਜ਼ਾਰ ਤੋਂ ਬਾਅਦ ਆਖਿਰਕਾਰ ਵਾਰਨਰ ’ਤੇ ਕਪਤਾਨੀ ਤੋਂ ਲੱਗੀ ਪਾਬੰਦੀ ਹਟਾ ਲਈ ਗਈ ਹੈ। ਵਾਰਨਰ ’ਤੇ ਇਹ ਪਾਬੰਦੀ ਸਿਰਫ ਅਸਟਰੇਲੀਆ ਤੱਕ ਹੀ ਸੀਮਤ ਸੀ।

ਚੈਂਪੀਅਨਜ਼ ਟਰਾਫੀ ਲਈ ਚੋਣ ਹੋਣਾ ਮੁਸ਼ਕਲ | David Warner

• ਬੋਰਡ ਨੇ ਕਿਹਾ, ਉਨ੍ਹਾਂ ਨੂੰ ਪੂਰੀ ਤਰ੍ਹਾਂ ਰਿਟਾਇਰਡ ਮੰਨ ਲਿਆ ਗਿਆ ਹੈ
• ਅਸਟਰੇਲੀਆਈ ਟੀਮ ਦੇ ਮੁੱਖ ਚੋਣਕਾਰ ਨੇ ਦਿੱਤਾ ਹੈ ਬਿਆਨ

ਸਪੋਰਟਸ ਡੈਸਕ। ਪਾਕਿਸਤਾਨ ’ਚ 2025 ’ਚ ਹੋਣ ਵਾਲੀ ਇੱਕਰੋਜ਼ਾ ਚੈਂਪੀਅਨਜ਼ ਟਰਾਫੀ ਲਈ ਅਸਟਰੇਲੀਆਈ ਓਪਨਰ ਬੱਲੇਬਾਜ਼ ਡੇਵਿਡ ਵਾਰਨਰ ਦੇ ਨਾਂਅ ’ਤੇ ਵਿਚਾਰ ਨਹੀਂ ਕੀਤਾ ਜਾਵੇਗਾ। ਵਾਰਨਰ ਨੇ ਸੋਸ਼ਲ ਮੀਡੀਆ ਪੋਸ਼ਟ ’ਤੇ ਕਿਹਾ ਸੀ ਕਿ ਉਹ ਕੌਮਾਂਤਰੀ ਕ੍ਰਿਕੇਟ ਤੋਂ ਸੰਨਿਆਸ ਲੈਣ ਬਾਵਜ਼ੂਦ ਜੇਕਰ ਕ੍ਰਿਕੇਟ ਅਸਟਰੇਲੀਆਈ ਚਾਹੇਗਾ ਤਾਂ ਉਹ ਪਾਕਿਸਤਾਨ ’ਚ ਇੱਕਰੋਜ਼ਾ ਚੈਂਪੀਅਨਜ਼ ਟਰਾਫੀ ’ਚ ਖੇਡ ਸਕਦੇ ਹਨ। ਅਸਟਰੇਲੀਆ ਦੇ ਨੈਸ਼ਨਲ ਚੋਣਕਾਰ ਜੌਰਜ ਬੈਲੀ ਨੇ ਕਿਹਾ ਕਿ ਸਾਡਾ ਸਮਝਣਾ ਇਹ ਹੈ ਕਿ ਡੇਵਿਡ ਰਿਟਾਇਰਡ ਹੋ ਚੁੱਕੇ ਹਨ ਤੇ ਜਿਸ ਤਰ੍ਹਾਂ ਉਨ੍ਹਾਂ ਦਾ ਤਿੰਨੇ ਫਾਰਮੈਟਾਂ ’ਚ ਕਰੀਅਰ ਰਿਹਾ ਹੈ, ਉਸ ਦੀ ਸ਼ਲਾਘਾ ਕੀਤੀ ਜਾਣੀ ਚਾਹੀਦੀ ਹੈ। ਸਾਡੀ ਰਣਨੀਤੀ ਇਹ ਹੈ ਕਿ ਉਹ ਪਾਕਿਸਤਾਨ ’ਚ ਨਹੀਂ ਹੋਣਗੇ। (David Warner)

Read This : Rohit Sharma: ਇੱਕਰੋਜ਼ਾ ਤੇ ਟੈਸਟ ਤੋਂ ਸੰਨਿਆਸ ਲੈਣ ’ਤੇ ਹਿਟਮੈਨ ਸ਼ਰਮਾ ਨੇ ਤੋੜੀ ਚੁੱਪ, ਦੱਸਿਆ ਕਦੋਂ ਤੱਕ ਖੇਡਦੇ ਰਹਿਣਗੇ

ਵਾਰਨਰ ਨੇ ਟੀ20 ਵਿਸ਼ਵ ਕੱਪ ਤੋਂ ਬਾਅਦ ਲਿਆ ਸੀ ਸੰਨਿਆਸ

ਡੇਵਿਡ ਵਾਰਨਰ ਨੇ ਟੀ20 ਵਿਸ਼ਵ ਕੱਪ ਤੋਂ ਬਾਅਦ ਕੌਮਾਂਤਰੀ ਕ੍ਰਿਕੇਟ ਤੋਂ ਸੰਨਿਆਸ ਦਾ ਐਲਾਨ ਕਰ ਦਿੱਤਾ ਸੀ। ਨਾਲ ਹੀ ਉਨ੍ਹਾਂ ਜਨਵਰੀ ’ਚ ਕਿਹਾ ਸੀ ਕਿ ਪਿੱਛਲੇ ਸਾਲ ਇੱਕਰੋਜ਼ਾ ਵਿਸ਼ਵ ਕੱਪ ਜਿੱਤਣ ਦੇ ਨਾਲ ਹੀ ਉਨ੍ਹਾਂ ਦਾ ਇਸ ਫਾਰਮੈਟ ਤੋਂ ਕਰੀਅਰ ਸਮਾਪਤ ਹੋ ਗਿਆ ਹੈ। ਵਾਰਨਰ ਟੈਸਟ ਕ੍ਰਿਕੇਟ ਤੋਂ ਵੀ ਸੰਨਿਆਸ ਦਾ ਐਲਾਨ ਪਹਿਲਾਂ ਹੀ ਕਰ ਚੁੱਕੇ ਹਨ।

ਡੇਵਿਡ ਦਾ ਯੋਗਦਾਨ ਕਾਫੀ ਮਹੱਤਵਪੂਰਨ | David Warner

ਜੌਰਜ ਬੈਲੀ ਨੇ ਵਾਰਨਰ ਦੀ ਵਾਪਸੀ ਦੇ ਸਬੰਧ ’ਚ ਕਿਹਾ ਕਿ ਤੁਸੀਂ ਕਦੇ ਨਹੀਂ ਦੱਸ ਸਕਦੇ ਕਿ ਤੁਸੀਂ ਮਜ਼ਾਕ ਕਰ ਰਹੇ ਹੋਂ। ਉਨ੍ਹਾਂ ਦਾ ਕਰੀਅਰ ਸ਼ਾਨਦਾਰ ਰਿਹਾ ਹੈ, ਜਿਸ ਦਾ ਜ਼ਸਨ ਮਨਾਉਣਾ ਮੁਸ਼ਕਲ ਹੈ। ਮੇਰੇ ਖਿਆਲ ਨਾਲ ਜਿਵੇਂ-ਜਿਵੇਂ ਸਮਾਂ ਲੰਘੇਗਾ, ਉਸ ਤਰ੍ਹਾਂ ਹੀ ਅਸੀਂ ਅਸਟਰੇਲੀਆਈ ਕ੍ਰਿਕੇਟ ’ਚ ਉਨ੍ਹਾਂ ਦੇ ਯੋਗਦਾਨ ’ਤੇ ਵਿਚਾਰ ਕਰਦੇ ਰਹਾਂਗੇ। ਉਹ ਇੱਕ ਮਹਾਨ ਖਿਡਾਰੀ ਹਨ ਤੇ ਉਨ੍ਹਾਂ ਦੀ ਵਿਰਾਸਤ ਇਸ ਤਰ੍ਹਾਂ ਹੀ ਅੱਗੇ ਵੱਧਦੀ ਰਹੇਗੀ। ਇਸ ਟੀਮ ਦੀ ਗੱਲ ਕਰੀਏ ਤਾਂ, ਇਹ ਕੁਝ ਨਵੇਂ ਤੇ ਉਭਰਦੇ ਖਿਡਾਰੀ ਸਾਹਮਣੇ ਆਉਣਗੇ। ਤਿੰਨਾਂ ਫਾਰਮੈਟਾਂ ’ਚ ਇਹ ਬਦਲਾਅ ਦਾ ਸਫਰ ਰੋਮਾਂਚਕ ਰਹਿਣ ਵਾਲਾ ਹੈ।

ਵਾਰਨਰ 3 ਵਾਰ ਵਿਸ਼ਵ ਕੱਪ ਜਿੱਤਣ ਵਾਲੀ ਅਸਟਰੇਲੀਆਈ ਟੀਮ ਦਾ ਹਿੱਸਾ

ਵਾਰਨਰ 3 ਵਾਰ ਵਿਸ਼ਵ ਕੱਪ ਜਿੱਤਣ ਵਾਲੀ ਅਸਟਰੇਲੀਆਈ ਟੀਮ ਦਾ ਹਿੱਸਾ ਰਹੇ ਹਨ, ਇਸ ਵਿੱਚ 2015 ਤੇ 2023 ਦਾ ਇੱਕਰੋਜ਼ਾ ਵਿਸ਼ਵ ਕੱਪ ਤੇ 2021 ਦਾ ਟੀ20 ਵਿਸ਼ਵ ਕੱਪ ਸ਼ਾਮਲ ਹੈ। ਵਾਰਨਰ 2021 ਟੀ20 ਵਿਸ਼ਵ ਕੱਪ ’ਚ ‘ਪਲੇਆਰ ਆਫ ਦਾ ਟੂਰਨਾਮੈਂਟ’ ਵੀ ਰਹੇ ਸਨ। (David Warner)

ਡੇਵਿਡ ਵਾਰਨਰ ਦਾ ਅਰਧਸੈਂਕੜਾ, ਟ੍ਰੈਵਿਸ ਹੈੱਡ ਦੀ ਤੂਫਾਨੀ ਪਾਰੀ

• ਬੰਗਲਾਦੇਸ਼ ਨੂੰ ਡੀਐੱਲਐੱਸ ਤਹਿਤ 28 ਦੌੜਾਂ ਨਾਲ ਹਰਾਇਆ | Bangladesh vs Australia

ਐਂਟੀਗੁਆ (ਏਜੰਸੀ)। ਆਈਸੀਸੀ ਟੀ-20 ਵਿਸ਼ਵ ਕੱਪ ਦੇ ਚੌਥੇ ਸੁਪਰ-8 ਮੈਚ ’ਚ ਅਸਟਰੇਲੀਆ ਨੇ ਬੰਗਲਾਦੇਸ਼ ਨੂੰ 28 ਦੌੜਾਂ ਨਾਲ ਹਰਾ ਦਿੱਤਾ। ਇਸ ਵਿਸ਼ਵ ਕੱਪ ’ਚ ਅਸਟਰੇਲੀਆ ਦੀ ਇਹ ਲਗਾਤਾਰ 5ਵੀਂ ਜਿੱਤ ਹੈ। ਸ਼ੁੱਕਰਵਾਰ ਨੂੰ ਐਂਟੀਗੁਆ ਦੇ ਸਰ ਵਿਵਿਅਨ ਰਿਚਰਡਸ ਸਟੇਡੀਅਮ ’ਚ ਅਸਟਰੇਲੀਆ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜੀ ਕਰਨ ਦਾ ਫੈਸਲਾ ਕੀਤਾ। ਬੰਗਲਾਦੇਸ਼ ਨੇ 20 ਓਵਰਾਂ ’ਚ 8 ਵਿਕਟਾਂ ਗੁਆ ਕੇ 140 ਦੌੜਾਂ ਬਣਾਈਆਂ। ਜਵਾਬ ’ਚ ਅਸਟਰੇਲੀਆ ਨੇ 11.2 ਓਵਰਾਂ ’ਚ 2 ਵਿਕਟਾਂ ਦੇ ਨੁਕਸਾਨ ’ਤੇ 100 ਦੌੜਾਂ ਬਣਾਈਆਂ। ਫਿਰ ਮੀਂਹ ਕਾਰਨ ਖੇਡ ਨੂੰ ਰੋਕ ਦਿੱਤਾ ਗਿਆ, ਜੋ ਬਾਅਦ ’ਚ ਪੂਰਾ ਨਹੀਂ ਹੋ ਸਕਿਆ ਤੇ ਅਸਟਰੇਲੀਆ ਨੇ ਡੀਐਲਐਸ (ਡਕਵਰਥ ਲੁਈਸ ਸਟਰਨ) ਵਿਧੀ ਰਾਹੀਂ ਮੈਚ 28 ਦੌੜਾਂ ਨਾਲ ਮੈਚ ਆਪਣੇ ਨਾਂਅ ਕਰ ਲਿਆ। (Bangladesh vs Australia)

ਇਹ ਵੀ ਪੜ੍ਹੋ : SA vs ENG: ਟੀ20 ਵਿਸ਼ਵ ਕੱਪ ਦੇ ਸੁਪਰ-8 ’ਚ ਅੱਜ ਦੱਖਣੀ ਅਫਰੀਕਾ ਤੇ ਇੰਗਲੈਂਡ ਦਾ ਮੁਕਾਬਲਾ, ਟੂਰਨਾਮੈਂਟ ’ਚ ਅਫਰੀਕਾ ਮਜ਼…

ਮੈਚ ਦੇ ਹੀਰੋ | Bangladesh vs Australia

ਡੇਵਿਡ ਵਾਰਨਰ : ਅਸਟਰੇਲੀਆ ਲਈ ਸਭ ਤੋਂ ਜ਼ਿਆਦਾ ਦੌੜਾ ਬਣਾਉਣ ਵਾਲੇ ਬੱਲੇਬਾਜ਼ ਰਹੇ। ਵਾਰਨਰ ਨੇ 53 ਦੌੜਾਂ ਦੀ ਅਜੇਤੂ ਪਾਰੀ ਖੇਡੀ। ਇਹ ਉਸ ਦਾ 28ਵਾਂ ਟੀ-20 ਅੰਤਰਰਾਸ਼ਟਰੀ ਅਰਧ ਸੈਂਕੜਾ ਹੈ। ਉਸ ਨੇ ਹੈੱਡ ਨਾਲ ਪਹਿਲੀ ਵਿਕਟ ਲਈ 65 ਦੌੜਾਂ ਦੀ ਸਾਂਝੇਦਾਰੀ ਵੀ ਕੀਤੀ। (Bangladesh vs Australia)

ਐਡਮ ਜੈਂਪਾ : ਕਮਿੰਸ ਤੋਂ ਬਾਅਦ ਦੂਜੇ ਚੋਟੀ ਦੇ ਵਿਕਟਾਂ ਲੈਣ ਵਾਲੇ ਗੇਂਦਬਾਜ਼ ਰਹੇ। ਜੰਪਾ ਨੇ ਆਪਣੇ 4 ਓਵਰਾਂ ਦੇ ਸਪੈੱਲ ’ਚ ਦੋ ਮਹੱਤਵਪੂਰਨ ਵਿਕਟਾਂ ਲਈਆਂ। ਜਾਂਪਾ ਨੇ ਲਿਟਨ ਦਾਸ ਤੇ ਨਜਮੁਲ ਹੁਸੈਨ ਸ਼ਾਂਤੋ ਨੂੰ ਪੈਵੇਲੀਅਨ ਭੇਜਿਆ। (Bangladesh vs Australia)

ਅਸਟਰੇਲੀਆ ਦੀ ਜਿੱਤ ਦੇ ਕਾਰਨ | Bangladesh vs Australia

• ਸ਼ਾਨਦਾਰ ਗੇਂਦਬਾਜੀ : ਅਸਟਰੇਲੀਆ ਦੀ ਜਿੱਤ ਦਾ ਪਹਿਲਾ ਕਾਰਨ ਉਨ੍ਹਾਂ ਦੀ ਗੇਂਦਬਾਜੀ ਸੀ। ਟੀਮ ਦੇ ਗੇਂਦਬਾਜਾਂ ਨੇ ਬੰਗਲਾਦੇਸ਼ ਦੇ ਖਿਡਾਰੀਆਂ ਨੂੰ ਖੁੱਲ੍ਹ ਕੇ ਖੇਡਣ ਦਾ ਮੌਕਾ ਨਹੀਂ ਦਿੱਤਾ ਤੇ ਉਨ੍ਹਾਂ ਦੀ ਪਾਰੀ ਨੂੰ 140 ਦੌੜਾਂ ਤੱਕ ਸੀਮਤ ਕਰ ਦਿੱਤਾ।
• ਚੰਗੀ ਫੀਲਡਿੰਗ : ਅਸਟਰੇਲੀਆਈ ਟੀਮ ਤੋਂ ਬਹੁਤ ਵਧੀਆ ਫੀਲਡਿੰਗ ਦੇਖਣ ਨੂੰ ਮਿਲੀ। ਟੀਮ ਨੇ ਇੱਕ ਵੀ ਕੈਚ ਜਾਂ ਰਨ ਆਊਟ ਦਾ ਮੌਕਾ ਨਹੀਂ ਗੁਆਇਆ। (Bangladesh vs Australia)
• ਓਪਨਿੰਗ ਸਾਂਝੇਦਾਰੀ : ਅਸਟਰੇਲੀਆ ਨੇ ਮੈਚ ਦੀ ਸੇਡੀਅਰ ਸ਼ੁਰੂਆਤ ਕੀਤੀ। ਟੀਮ ਲਈ ਪਹਿਲੀ ਵਿਕਟ ਲਈ ਡੇਵਿਡ ਵਾਰਨਰ ਤੇ ਟ੍ਰੈਵਿਸ ਹੈੱਡ ਵਿਚਕਾਰ 65 ਦੌੜਾਂ ਦੀ ਸਾਂਝੇਦਾਰੀ ਹੋਈ। (Bangladesh vs Australia)

ਬੰਗਲਾਦੇਸ਼ ਦੀ ਪਾਰੀ | Bangladesh vs Australia

ਬੰਗਲਾਦੇਸ਼ ਲਈ ਕਪਤਾਨ ਨਜਮੁਲ ਹੁਸੈਨ ਸ਼ਾਂਤੋ ਨੇ ਸਭ ਤੋਂ ਜ਼ਿਆਦਾ 41 ਦੌੜਾਂ ਬਣਾਈਆਂ। ਉਨ੍ਹਾਂ ਤੋਂ ਇਲਾਵਾ ਤੌਹੀਦ ਹਿਰਦੋਏ ਨੇ 40 ਦੌੜਾਂ ਦੀ ਪਾਰੀ ਖੇਡੀ। ਇਨ੍ਹਾਂ ਦੋਵਾਂ ਤੋਂ ਇਲਾਵਾ ਬੰਗਲਾਦੇਸ਼ ਦਾ ਕੋਈ ਹੋਰ ਖਿਡਾਰੀ ਵੱਡੀ ਪਾਰੀ ਨਹੀਂ ਖੇਡ ਸਕਿਆ। ਕਪਤਾਨ ਸ਼ਾਂਤੋ ਅਤੇ ਲਿਟਨ ਦਾਸ ਵਿਚਾਲੇ ਦੂਜੇ ਵਿਕਟ ਲਈ ਅਰਧ ਸੈਂਕੜੇ ਦੀ ਸਾਂਝੇਦਾਰੀ ਹੋਈ। ਅਸਟਰੇਲੀਆ ਲਈ ਪੈਟ ਕਮਿੰਸ ਨੇ ਤਿੰਨ ਵਿਕਟਾਂ ਲਈਆਂ। ਐਡਮ ਜੈਂਪਾ ਨੇ 2 ਵਿਕਟਾਂ ਲਈਆਂ। ਮਿਸ਼ੇਲ ਸਟਾਰਕ, ਮਾਰਕਸ ਸਟੋਇਨਿਸ ਅਤੇ ਗਲੇਨ ਮੈਕਸਵੈੱਲ ਨੂੰ 1-1 ਵਿਕਟ ਮਿਲੀ।

ਅਸਟਰੇਲੀਆਈ ਟੀਮ ਦੀ ਪਾਰੀ | Bangladesh vs Australia

ਅਸਟਰੇਲੀਆ ਲਈ 141 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦੇ ਹੋਏ ਸਲਾਮੀ ਬੱਲੇਬਾਜ ਡੇਵਿਡ ਵਾਰਨਰ ਨੇ ਅਰਧ ਸੈਂਕੜਾ ਜੜਿਆ। ਉਨ੍ਹਾਂ ਨੇ 35 ਗੇਂਦਾਂ ’ਤੇ 53 ਦੌੜਾਂ ਦੀ ਅਜੇਤੂ ਪਾਰੀ ਖੇਡੀ। ਇਹ ਉਨ੍ਹਾਂ ਦਾ 28ਵਾਂ ਟੀ-20 ਅੰਤਰਰਾਸ਼ਟਰੀ ਅਰਧ ਸੈਂਕੜਾ ਸੀ। ਉਨ੍ਹਾਂ ਤੋਂ ਇਲਾਵਾ ਟੈ੍ਰਵਿਸ ਹੈੱਡ ਨੇ 31 ਦੌੜਾਂ ਤੇ ਗਲੇਨ ਮੈਕਸਵੈੱਲ ਨੇ ਨਾਬਾਦ 14 ਦੌੜਾਂ ਬਣਾਈਆਂ। ਵਾਰਨਰ ਅਤੇ ਹੈੱਡ ਵਿਚਕਾਰ ਪਹਿਲੀ ਵਿਕਟ ਲਈ 50 ਦੌੜਾਂ ਦੀ ਸਾਂਝੇਦਾਰੀ ਹੋਈ। ਬੰਗਲਾਦੇਸ਼ ਲਈ ਰਿਸਾਦ ਹੁਸੈਨ ਨੇ ਦੋਵੇਂ ਵਿਕਟਾਂ ਲਈਆਂ।

ਦੋਵਾਂ ਟੀਮਾਂ ਦੀ ਪਲੇਇੰਗ-11 | Bangladesh vs Australia

ਅਸਟਰੇਲੀਆ : ਮਿਸ਼ੇਲ ਮਾਰਸ਼ (ਕਪਤਾਨ), ਡੇਵਿਡ ਵਾਰਨਰ, ਟ੍ਰੈਵਿਸ ਹੈੱਡ, ਗਲੇਨ ਮੈਕਸਵੈੱਲ, ਮਾਰਕਸ ਸਟੋਇਨਿਸ, ਟਿਮ ਡੇਵਿਡ, ਮੈਥਿਊ ਵੇਡ (ਵਿਕਟਕੀਪਰ), ਪੈਟ ਕਮਿੰਸ, ਮਿਸ਼ੇਲ ਸਟਾਰਕ, ਐਡਮ ਜੈਂਪਾ ਤੇ ਜੋਸ਼ ਹੇਜਲਵੁੱਡ। (Bangladesh vs Australia)

ਬੰਗਲਾਦੇਸ਼ : ਨਜਮੁਲ ਹੁਸੈਨ ਸ਼ਾਂਤੋ (ਕਪਤਾਨ), ਤੰਜੀਦ ਹਸਨ, ਲਿਟਨ ਦਾਸ (ਵਿਕਟਕੀਪਰ), ਸ਼ਾਕਿਬ ਅਲ ਹਸਨ, ਤੌਹੀਦ ਹਿਰਦੌਏ, ਮਹਿਮੂਦੁੱਲਾ, ਰਿਸਾਦ ਹੁਸੈਨ, ਮੇਹੇਦੀ ਹਸਨ, ਤਸਕੀਨ ਅਹਿਮਦ, ਤਨਜੀਮ ਹਸਨ ਸ਼ਾਕਿਬ ਤੇ ਮੁਸਤਫਿਜੁਰ ਰਹਿਮਾਨ।

ਪੈਟ ਕੰਮਿਸ ਨੇ ਪੁਰਸ਼ ਵਰਗ ਦਾ ਪੁਰਸਕਾਰ ਜਿੱਤਿਆ | Deepti Sharma

• ਪਾਕਿਸਤਾਨ ਖਿਲਾਫ ਹੋਈ ਸੀਰੀਜ਼ ’ਚ ਲਈਆਂ ਸਨ 19 ਵਿਕਟਾਂ

ਦੁਬਈ (ਏਜੰਸੀ)। ਭਾਰਤੀ ਮਹਿਲਾ ਟੀਮ ਦੀ ਖਿਡਾਰਨ ਦੀਪਤੀ ਸ਼ਰਮਾ ਨੂੰ ਅੰਤਰਾਸ਼ਟਰੀ ਕ੍ਰਿਕੇਟ ਪਰੀਸ਼ਦ (ਆਈਸੀਸੀ) ਨੇ ਮਹੀਨੇ ਦੀ ਸਰਵੋਤਮ ਪਲੇਅਰ ਦਾ ਐਵਾਰਡ ਦਿੱਤਾ ਹੈ। ਆਈਸੀਸੀ ਨੇ ਮੰਗਲਵਾਰ ਨੂੰ ਇਸ ਦਾ ਐਲਾਨ ਕੀਤਾ ਹੈ। ਉੱਧਰ ਪੁਰਸ਼ ਕ੍ਰਿਕੇਟਰਾਂ ’ਚ ਅਸਟਰੇਲੀਆਈ ਗੇਂਦਬਾਜ਼ ਪੈਟ ਕੰਮਿਸ ਨੇ ਵੀ ਇਹ ਐਵਾਰਡ ਜਿੱਤਿਆ ਹੈ। ਆਈਸੀਸੀ ਨੇ ਦਸੰਬਰ 2023 ਦੇ ਟਾਪ ਦਾ ਪ੍ਰਦਰਸ਼ਨ ਕਰਨ ਵਾਲਿਆਂ ਨੂੰ ਇਹ ਐਵਾਰਡ ਦਿੱਤਾ ਹੈ। ਦੀਪਤੀ ਦੇ ਨਾਲ ਐਵਾਰਡ ਦੀ ਰੇਸ ’ਚ ਭਾਰਤ ਦੀ ਹੀ ਜੇਮਿਮਾ ਰੌਡਰਿਗਜ਼ ਅਤੇ ਜ਼ਿੰਬਾਬਵੇ ਦੀ ਪ੍ਰੇਸ਼ੀਸ ਮਰਾਂਜ ਦੌੜ ’ਚ ਸਨ। ਪੁਰਸ਼ ਵਰਗ ’ਚ ਬੰਗਲਾਦੇਸ਼ ਦੇ ਤਾਇਜੁਲ ਇਮਲਾਮ ਅਤੇ ਨਿਊਜੀਲੈਂਡ ਦੇ ਗਲੇਨ ਫਿਲਿਪਸ ਇਸ ਦੌੜ ’ਚ ਸਨ। (Deepti Sharma)

ਦੀਪਤੀ ਨੇ ਇੰਗਲੈਂਡ ਅਤੇ ਅਸਟਰੇਲੀਆ ਖਿਲਾਫ ਕੀਤਾ ਸੀ ਸ਼ਾਨਦਾਰ ਪ੍ਰਦਰਸ਼ਨ

ਭਾਰਤ ਦੀ ਦੀਪਤੀ ਸ਼ਰਮਾ ਨੇ ਇੰਗਲੈਂਡ ਅਤੇ ਅਸਟਰੇਲੀਆ ਖਿਲਾਫ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਸੀ। ਉਨ੍ਹਾਂ ਇੰਗਲੈਂਡ ਖਿਲਾਫ ਇੱਕੋਇੱਕ ਟੈਸਟ ਮੈਚ ਦੀਆਂ ਦੋਵਾਂ ਪਾਰੀਆਂ ’ਚ ਕੁਲ 9 ਵਿਕਟਾਂ ਹਾਸਲ ਕੀਤੀਆਂ ਸਨ। ਉਨ੍ਹਾਂ ਪਹਿਲੀ ਪਾਰੀ ’ਚ 5 ਅਤੇ ਦੂਜੀ ਪਾਰੀ ’ਚ 4 ਵਿਕਟਾਂ ਲਈਆਂ ਸਨ। ਇਨ੍ਹਾਂ ਹੀ ਨਹੀਂ ਉਨ੍ਹਾਂ ਬਤੌਰ ਬੱਲੇਬਾਜ਼ 67 ਦੌੜਾਂ ਵੀ ਬਣਾਇਆਂ ਸਨ। ਇੰਗਲੈਂਡ ਤੋਂ ਬਾਅਦ ਦੀਪਤੀ ਨੇ ਅਸਟਰੇਲੀਆ ਖਿਲਾਫ ਵੀ ਟੈਸਟ ਮੈਚ ’ਚ 8 ਵਿਕਟਾਂ ਲਈਆਂ, ਉਨ੍ਹਾਂ ਬਤੌਰ ਬੱਲੇਬਾਜ਼ 78 ਦੌੜਾਂ ਵੀ ਬਣਾਇਆਂ ਸਨ। (Deepti Sharma)

ਅਸਟਰੇਲੀਆ ਖਿਲਾਫ ਦੂਜੇ ਇੱਕਰੋਜ਼ਾ ਮੈਚ ’ਚ ਉਨ੍ਹਾਂ ਸਿਰਫ 38 ਦੌੜਾਂ ਦੇ ਕੇ 5 ਵਿਕਟਾਂ ਹਾਸਲ ਕੀਤੀਆਂ ਸਨ। ਆਈਸੀਸੀ ਪਲੇਅਰ ਆਫ ਦਾ ਮੰਥ ਐਵਾਰਡ ਜਿੱਤਣ ਤੋਂ ਬਾਅਦ ਦੀਪਤੀ ਨੇ ਕਿਹਾ, ‘ਦਸੰਬਰ ਲਈ ਆਈਸੀਸੀ ਮਹਿਲਾ ਪਲੇਅਰ ਆਫ ਦਾ ਮੰਥ ਜਾਣਾ ਮੇਰੇ ਲਈ ਸਨਮਾਨ ਦੀ ਗੱਲ ਹੈ। ਮੈਨੂੰ ਖੁਸ਼ੀ ਹੈ ਕਿ ਪਿਛਲੇ ਮਹੀਨੇ ਮਜ਼ਬੂਤ ਟੀਮਾਂ ਖਿਲਾਫ ਮੈਂ ਭਾਰਤ ਲਈ ਚੰਗਾ ਪ੍ਰਦਰਸ਼ਨ ਕਰ ਸਕੀ। ਮੈਂ ਸਖਤ ਮਿਹਨਤ ਕਰਨਾ ਜਾਰੀ ਰਖੂੰਗੀ ਤਾਂਕਿ ਭਵਿੱਖ ’ਚ ਮੈਨੂੰ ਅਜਿਹੇ ਹੋਰ ਵੀ ਪਲ ਮਿਲ ਸਕਣ’। (Deepti Sharma)

ਪੈਟ ਕੰਮਿਸ ਪਲੇਅਰ ਆਫ ਦਾ ਮੰਥ ਚੁਣ ਜਾਣ ਵਾਲੇ ਤੀਜੇ ਅਸਟਰੇਲੀਆਈ ਬੱਲੇਬਾਜ਼

ਅਸਟਰੇਲੀਆ ਦੇ ਕਪਤਾਨ ਪੈਟ ਕੰਮਿਸ ਨੇ ਪੁਰਸ਼ ਵਰਗ ’ਚ ਪਲੇਅਰ ਆਫ ਦਾ ਮੰਥ ਦਾ ਐਵਾਰਡ ਜਿੱਤਿਆ। ਉਹ ਇਸ ਐਵਾਰਡ ਨੂੰ ਜਿੱਤਣ ਵਾਲੇ ਤੀਜੇ ਅਸਟਰੇਲੀਆਈ ਪੁਰਸ਼ ਖਿਡਾਰੀ ਬਣੇ। ਉਨ੍ਹਾਂ ਤੋਂ ਪਹਿਲਾਂ ਨਵੰਬਰ ’ਚ ਟੈ੍ਰਵਿਸ ਹੈਡ ਨੂੰ ਇਹ ਐਵਾਰਡ ਮਿਲਿਆ ਸੀ। ਉੱਥੇ ਡੇਵਿਡ ਵਾਰਨਰ ਨੇ ਨਵੰਬਰ 2021 ’ਚ ਇਸ ਐਵਾਰਡ ਨੂੰ ਜਿੱਤਿਆ ਸੀ। ਪੈਟ ਕੰਮਿਸ ਨੇ ਪਾਕਿਸਤਾਨ ਖਿਲਾਫ ਟੈਸਟ ਸੀਰੀਜ਼ ’ਚ 19 ਵਿਕਟਾਂ ਹਾਸਲ ਕੀਤੀਆਂ ਸਨ। ਦੂਜੇ ਟੈਸਟ ਮੈਚ ’ਚ ਤਾਂ ਉਨ੍ਹਾਂ ਦੋਵਾਂ ਪਾਰੀਆਂ ’ਚ 5-5 ਵਿਕਟਾਂ ਹਾਸਲ ਕੀਤੀਆਂ ਸਨ। ਇਸ ਪ੍ਰਦਰਸ਼ਨ ਲਈ ਉਨ੍ਹਾਂ ਨੂੰ ਪਲੇਅਰ ਆਫ ਦਾ ਮੰਥ ਦਾ ਐਵਾਰਡ ਮਿਲਿਆ। ਉੱਥੇ ਤੀਜੇ ਟੈਸਟ ਤੋਂ ਬਾਅਦ ਉਨ੍ਹਾਂ ਪਲੇਅਰ ਆਫ ਦਾ ਸੀਰੀਜ਼ ਦਾ ਐਵਾਰਡ ਵੀ ਮਿਲਿਆ। (Deepti Sharma)

ਅਸਟਰੇਲੀਆ ਤਿੰਨ ਮੈਚਾਂ ਦੀ ਲੜੀ ’ਚ 2-0 ਨਾਲ ਅੱਗੇ | AUS Vs PAK

ਸਿਡਨੀ (ਏਜੰਸੀ)। ਪਾਕਿਸਤਾਨ ਅਤੇ ਅਸਟਰੇਲੀਆ ਵਿਚਕਾਰ ਤਿੰਨ ਮੈਚਾਂ ਦੀ ਟੈਸਟ ਸੀਰੀਜ਼ ਦਾ ਆਖਰੀ ਮੈਚ ਸਿਡਨੀ ਭਲਕੇ ਸਿਡਨੀ ਕ੍ਰਿਕੇਟ ਗਰਾਊਂਡ ’ਤੇ ਖੇਡਿਆ ਜਾਣਾ ਹੈ। ਇਹ ਮੈਚ 3 ਜਨਵਰੀ ਭਾਵ ਕੱਲ੍ਹ ਸਵੇਰੇ ਸ਼ੁਰੂ ਹੋਵੇਗਾ। ਅਸਟਰੇਲੀਆਈ ਟੀਮ ਇਸ ਸੀਰੀਜ਼ ’ਚ ਪਹਿਲਾਂ ਹੀ ਆਪਣਾ ਕਬਜ਼ਾ ਕਰ ਚੁੱਕੀ ਹੈ। ਅਜਿਹੇ ’ਚ ਉਸ ਦੀ ਕੋਸ਼ਿਸ਼ ਇਕ ਵਾਰ ਫਿਰ ਪਾਕਿਸਤਾਨ ਨੂੰ ਕਲੀਨ ਸਵੀਪ ਕਰਨ ਦੀ ਹੋਵੇਗੀ। ਇਸ ਦੇ ਨਾਲ ਹੀ ਪਾਕਿਸਤਾਨ ਦੀ ਟੀਮ ਪਿਛਲੇ 28 ਸਾਲਾਂ ਤੋਂ ਚੱਲੀ ਆ ਰਹੀ ਹਾਰ ਦੇ ਸਿਲਸਿਲੇ ਨੂੰ ਤੋੜਨ ਲਈ ਮੈਦਾਨ ’ਚ ਉਤਰੇਗੀ। ਪਾਕਿਸਤਾਨੀ ਟੀਮ ਇੱਕ ਵਾਰ ਵੀ ਆਸਟਰੇਲੀਆ ਵਿੱਚ ਟੈਸਟ ਸੀਰੀਜ਼ ਜਿੱਤਣ ਵਿੱਚ ਕਾਮਯਾਬ ਨਹੀਂ ਹੋ ਸਕੀ ਹੈ। ਇਸ ਵਾਰ ਵੀ ਇਹ ਮੌਕਾ ਉਸ ਦੇ ਹੱਥੋਂ ਖੁੰਝ ਗਿਆ ਹੈ। ਪਾਕਿਸਤਾਨੀ ਟੀਮ ਤਿੰਨ ਮੈਚਾਂ ਦੀ ਸੀਰੀਜ਼ ਦੇ ਸ਼ੁਰੂਆਤੀ ਦੋਵੇਂ ਮੈਚ ਹਾਰ ਚੁੱਕੀ ਹੈ। ਹੁਣ ਉਸ ਕੋਲ ਅਸਟਰੇਲੀਆ ’ਚ ਲਗਾਤਾਰ ਹਾਰਾਂ ਦਾ ਰਿਕਾਰਡ ਤੋੜਨ ਦਾ ਸਿਰਫ਼ ਇੱਕ ਮੌਕਾ ਬਚਿਆ ਹੈ। (AUS Vs PAK)

ਜਾਣੋ ਸਿਡਨੀ ਕ੍ਰਿਕੇਟ ਮੈਦਾਨ ਦੀ ਪਿੱਚ ਦਾ ਮਿਜ਼ਾਜ | AUS Vs PAK

ਸਿਡਨੀ ਦੀ ਪਿੱਚ ਅਸਟਰੇਲੀਆ ਦੀਆਂ ਹੋਰ ਪਿੱਚਾਂ ਤੋਂ ਥੋੜੀ ਵੱਖਰੀ ਹੈ। ਇੱਥੇ ਸਪਿਨਰਾਂ ਨੂੰ ਹਮੇਸ਼ਾ ਚੰਗੀ ਮਦਦ ਮਿਲਦੀ ਰਹੀ ਹੈ। ਇਹ ਵਿਕਟ ਬੱਲੇਬਾਜ਼ੀ ਲਈ ਵੀ ਅਨੁਕੂਲ ਰਹੀ ਹੈ। ਇਸ ਵਾਰ ਵੀ ਪਿੱਚ ਦਾ ਸੁਭਾਅ ਅਜਿਹਾ ਹੀ ਰਹਿਣ ਦੀ ਉਮੀਦ ਹੈ। ਇਹ ਮੈਦਾਨ ਪਾਕਿਸਤਾਨ ਲਈ ਕੁਝ ਹੱਦ ਤੱਕ ਚੰਗਾ ਵੀ ਰਿਹਾ ਹੈ। ਪਾਕਿਸਤਾਨ ਦੀ ਟੀਮ ਨੇ ਇਸ ਮੈਦਾਨ ’ਤੇ 8 ਟੈਸਟ ਮੈਚ ਖੇਡੇ ਹਨ, ਜਿਨ੍ਹਾਂ ’ਚੋਂ ਉਸ ਨੇ 5 ਹਾਰੇ ਹਨ ਪਰ ਦੋ ਜਿੱਤੇ ਹਨ। (AUS Vs PAK)

ਦੋਵਾਂ ਟੀਮਾਂ ਦੀ ਪਲੇਇੰਗ-11 | AUS Vs PAK

ਪਾਕਿਸਤਾਨ ਨੇ ਇਸ ਟੈਸਟ ਮੈਚ ਲਈ ਆਪਣੇ ਪਲੇਇੰਗ-11 ਦਾ ਐਲਾਨ ਕਰ ਦਿੱਤਾ ਹੈ। ਪਾਕਿਸਤਾਨ ਟੀਮ ਪ੍ਰਬੰਧਨ ਨੇ ਸ਼ਾਹੀਨ ਅਫਰੀਦੀ ਅਤੇ ਇਮਾਮ ਉਲ ਹੱਕ ਦੀ ਜਗ੍ਹਾ ਸਾਜਿਦ ਖਾਨ ਅਤੇ ਸੈਮ ਅਯੂਬ ਨੂੰ ਮੌਕਾ ਦਿੱਤਾ ਹੈ। ਦੂਜੇ ਪਾਸੇ ਅਸਟਰੇਲੀਆ ਦੀ ਟੀਮ ਬਿਨ੍ਹਾਂ ਕੋਈ ਬਦਲਾਅ ਦੇ ਇਸ ਮੈਚ ’ਚ ਪ੍ਰਵੇਸ਼ ਕਰੇਗੀ। (AUS Vs PAK)

ਟੀਮਾਂ ਇਸ ਤਰ੍ਹਾ ਹਨ : ਪਾਕਿਸਤਾਨ : ਸੈਮ ਅਯੂਬ (ਡੈਬਿਊ), ਅਬਦੁੱਲਾ ਸ਼ਫੀਕ, ਸ਼ਾਨ ਮਸੂਦ (ਕਪਤਾਨ), ਬਾਬਰ ਆਜ਼ਮ, ਸੌਦ ਸ਼ਕੀਲ, ਮੁਹੰਮਦ ਰਿਜ਼ਵਾਨ (ਵਿਕਟਕੀਪਰ), ਸਲਮਾਨ ਅਲੀ ਆਗਾ, ਸ਼ਾਜਿਦ ਖਾਨ, ਹਸਨ ਅਲੀ, ਮੀਰ ਹਮਜ਼ਾ, ਆਮਰ ਜਮਾਲ।

ਅਸਟਰੇਲੀਆ : ਡੇਵਿਡ ਵਾਰਨਰ, ਉਸਮਾਨ ਖਵਾਜਾ, ਮਾਰਨਸ ਲੈਬੁਸ਼ਗਨ, ਸਟੀਵ ਸਮਿਥ, ਟ੍ਰੈਵਿਸ ਹੈੱਡ, ਮਿਸ਼ੇਲ ਮਾਰਸ਼, ਐਲੇਕਸ ਕੈਰੀ (ਵਿਕਟਕੀਪਰ), ਮਿਸ਼ੇਲ ਸਟਾਰਕ, ਪੈਟ ਕਮਿੰਸ (ਕਪਤਾਨ), ਨਾਥਨ ਲਿਓਨ, ਜੋਸ਼ ਹੇਜ਼ਲਵੁੱਡ। (AUS Vs PAK)

ਇਹ ਵੀ ਪੜ੍ਹੋ : ਕੀ ਰੋਹਿਤ ਸ਼ਰਮਾ ਅਤੇ ਵਿਰਾਟ ਦੀ ਇੱਕਰੋਜ਼ਾ ਫਾਰਮੈਟ ਤੋਂ ਹੋ ਗਈ ਵਿਦਾਈ? ਜਾਣੋ ਇਨ੍ਹਾਂ ਦਾਅਵਿਆਂ ਦੀ ਸੱਚਾਈ

3 ਜਨਵਰੀ ਤੋਂ ਪਾਕਿਸਤਾਨ ਖਿਲਾਫ ਖੇਡਣਗੇ ਆਪਣਾ ਆਖਿਰੀ ਟੈਸਟ ਮੈਚ | David Warner

• ਵਿਸ਼ਵ ਕੱਪ 2023 ’ਚ ਵੀ ਕੀਤਾ ਸੀ ਸ਼ਾਨਦਾਰ ਪ੍ਰਦਰਸ਼ਨ

ਪਰਥ (ਅਸਟਰੇਲੀਆ)। ਅਸਟਰੇਲੀਆ ਦੇ ਓਪਨਰ ਬੱਲੇਬਾਜ ਡੇਵਿਡ ਵਾਰਨਰ ਨੇ ਟੈਸਟ ਦੇ ਨਾਲ-ਨਾਲ ਇੱਕਰੋਜ਼ਾ ਕ੍ਰਿਕੇਟ ਤੋਂ ਵੀ ਸੰਨਿਆਸ ਲੈਣ ਦਾ ਐਲਾਨ ਕਰ ਦਿੱਤਾ ਹੈ। ਉਹ 3 ਜਨਵਰੀ ਤੋਂ ਸਿਡਨੀ ’ਚ ਪਾਕਿਸਤਾਨ ਖਿਲਾਫ ਹੋਣ ਵਾਲੇ ਆਪਣੇ ਕਰੀਅਰ ਦਾ ਆਖਰੀ ਟੈਸਟ ਮੈਚ ਖੇਡਣਗੇ। ਕ੍ਰਿਕੇਟ ਅਸਟਰੇਲੀਆ ਨੇ ਵੀ ਆਪਣੀ ਅਧਿਕਾਰਤ ਆਈਡੀ ਰਾਹੀਂ ਵਾਰਨਰ ਦੇ ਇੱਕਰੋਜ਼ਾ ਤੋਂ ਸੰਨਿਆਸ ਲੈਣ ਦੀ ਪੁਸ਼ਟੀ ਕੀਤੀ ਹੈ। ਵਾਰਨਰ ਸੋਮਵਾਰ 1 ਜਨਵਰੀ ਨੂੰ ਸਿਡਨੀ ’ਚ ਆਯੋਜਿਤ ਪ੍ਰੈੱਸ ਕਾਨਫਰੰਸ ’ਚ ਭਾਵੁਕ ਹੋ ਗਏ ਅਤੇ ਕਿਹਾ ਕਿ ਮੈਂ ਯਕੀਨੀ ਤੌਰ ’ਤੇ ਇੱਕਰੋਜਾ ਕ੍ਰਿਕੇਟ ਤੋਂ ਵੀ ਸੰਨਿਆਸ ਲੈ ਰਿਹਾ ਹਾਂ। (David Warner)

ਇਹ ਉਹ ਚੀਜ ਸੀ ਜੋ ਮੈਂ ਇੱਕਰੋਜ਼ਾ ਵਿਸ਼ਵ ਕੱਪ ਦੌਰਾਨ ਕਹੀ ਸੀ। ਇੱਕਰੋਜ਼ਾ ਵਿਸ਼ਵ ਕੱਪ ਭਾਰਤ ’ਚ ਜਿੱਤਣਾ ਵੱਡੀ ਪ੍ਰਾਪਤੀ ਹੈ। ‘ਮੈਂ ਅੱਜ ਉਸ ਫਾਰਮੈਟ ਤੋਂ ਸੰਨਿਆਸ ਲੈਣ ਦਾ ਫੈਸਲਾ ਕੀਤਾ ਹੈ, ਜਿਸ ਨਾਲ ਮੈਂ ਦੁਨੀਆ ਭਰ ਦੀਆਂ ਹੋਰ ਲੀਗਾਂ ’ਚ ਖੇਡ ਸਕਦਾ ਹਾਂ ਅਤੇ ਇੱਕਰੋਜ਼ਾ ਟੀਮ ਨੂੰ ਥੋੜ੍ਹਾ ਅੱਗੇ ਵਧਣ ’ਚ ਮਦਦ ਕਰਦਾ ਹਾਂ। ਮੈਨੂੰ ਪਤਾ ਹੈ ਕਿ ਚੈਂਪੀਅਨਸ ਟਰਾਫੀ ਆ ਰਹੀ ਹੈ। ਜੇਕਰ ਮੈਂ ਦੋ ਸਾਲਾਂ ’ਚ ਚੰਗੀ ਕ੍ਰਿਕੇਟ ਖੇਡ ਰਿਹਾ ਹਾਂ ਅਤੇ ਉਨ੍ਹਾਂ ਨੂੰ ਕਿਸੇ ਦੀ ਜਰੂਰਤ ਹੈ ਤਾਂ ਮੈਂ ਉੱਥੇ ਮੌਜ਼ੂਦ ਹੋਵਾਂਗਾ। (David Warner)

ਟੀ-20 ਕਿਕੇਟ ’ਤੇ ਦੇਣਗੇ ਧਿਆਨ | David Warner

ਡੇਵਿਡ ਵਾਰਨਰ ਨੇ ਟੀ-20 ’ਤੇ ਧਿਆਨ ਦੇਣ ਲਈ ਇੱਕਰੋਜ਼ਾ ਅਤੇ ਟੈਸਟ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕੀਤਾ ਹੈ। ਉਹ ਜੂਨ ’ਚ ਵੈਸਟਇੰਡੀਜ ਅਤੇ ਅਮਰੀਕਾ ’ਚ ਹੋਣ ਵਾਲੇ ਟੀ-20 ਵਿਸ਼ਵ ਕੱਪ ’ਚ ਅਸਟਰੇਲੀਆ ਦੀ ਟੀਮ ਦਾ ਹਿੱਸਾ ਬਣ ਸਕਦੇ ਹਨ। ਇਸ ਦੇ ਨਾਲ ਹੀ ਪਾਕਿਸਤਾਨ ਖਿਲਾਫ ਟੈਸਟ ਸੀਰੀਜ ਖਤਮ ਹੋਣ ਤੋਂ ਬਾਅਦ ਉਹ ਬਿਗ ਬੈਸ਼ ’ਚ ਸਿਡਨੀ ਥੰਡਰ ਲਈ ਘੱਟ ਤੋਂ ਘੱਟ ਚਾਰ ਮੈਚ ਖੇਡਣਗੇ। ਇਸ ਤੋਂ ਬਾਅਦ ਉਹ ਆਈਐੱਲਟੀ20 ’ਚ ਦੁਬਈ ਕੈਪੀਟਲਸ ਲਈ ਖੇਡ ਸਕਦੇ ਹਨ। ਉਨ੍ਹਾਂ ਆਈਐੱਲਟੀ20 ਲੀਗ ’ਚ ਖੇਡਣ ਲਈ ਕ੍ਰਿਕੇਟ ਅਸਟਰੇਲੀਆ ਤੋਂ ਦੀ ਬੇਨਤੀ ਕੀਤੀ ਹੈ। ਇਸ ’ਚ ਦੁਬਈ ਦੀ ਟੀਮ ਦਾ ਪਹਿਲਾ ਮੈਚ 21 ਜਨਵਰੀ ਨੂੰ ਖੇਡਿਆ ਜਾਵੇਗਾ।

ਵਾਰਨਰ ਇੱਕਰੋਜ਼ਾ ਵਿਸ਼ਵ ਕੱਪ ’ਚ ਅਸਟਰੇਲੀਆ ਦੇ ਟਾਪ ਸਕੋਰਰ | David Warner

ਡੇਵਿਡ ਵਾਰਨਰ ਪਿਛਲੇ ਸਾਲ ਭਾਰਤ ’ਚ ਖੇਡੇ ਗਏ ਇੱਕ-ਰੋਜਾ ਵਿਸ਼ਵ ਕੱਪ ’ਚ ਅਸਟਰੇਲੀਆਈ ਟੀਮ ਵੱਲੋਂ ਸਭ ਤੋਂ ਜ਼ਿਆਦਾ ਸਕੋਰਰ ਸਨ। ਉਨ੍ਹਾਂ ਇੱਕਰੋਜ਼ ਵਿਸ਼ਵ ਕੱਪ ’ਚ ਖੇਡੇ ਗਏ 11 ਮੈਚਾਂ ਦਰਮਿਆਨ 48.63 ਦੀ ਔਸਤ ਨਾਲ 535 ਦੌੜਾਂ ਬਣਾਈਆਂ। ਉਨ੍ਹਾਂ ਦਾ ਸਟ੍ਰਾਈਕ ਰੇਟ 108.29 ਸੀ। ਉਨ੍ਹਾਂ 2 ਸੈਂਕੜੇ ਅਤੇ 2 ਅਰਧ ਸੈਂਕੜੇ ਵੀ ਜੜੇ। (David Warner)

2011 ’ਚ ਕੀਤੀ ਸੀ ਟੈਸਟ ਕਰੀਅਰ ਦੀ ਸ਼ੁਰੂਆਤ | David Warner

ਅਸਟਰੇਲੀਆਈ ਓਪਨਰ ਡੇਵਿਡ ਵਾਰਨਰ ਨੇ ਆਪਣੇ ਟੈਸਟ ਕਰੀਅਰ ਦੀ ਸ਼ੁਰੂਆਤ 2011 ’ਚ ਨਿਊਜੀਲੈਂਡ ਖਿਲਾਫ ਬ੍ਰਿਸਬੇਨ ’ਚ ਕੀਤੀ ਸੀ। ਹੁਣ ਤੱਕ ਖੇਡੇ ਗਏ 111 ਟੈਸਟ ਮੈਚਾਂ ’ਚ ਉਸ ਨੇ 44.58 ਦੀ ਔਸਤ ਨਾਲ 8695 ਦੌੜਾਂ ਬਣਾਈਆਂ ਹਨ। ਇਸ ’ਚ 26 ਸੈਂਕੜੇ ਅਤੇ 36 ਅਰਧ ਸੈਂਕੜੇ ਸ਼ਾਮਲ ਹਨ। (David Warner)

ਇੱਕਰੋਜ਼ਾ ’ਚ ਲਗਭਗ 45 ਦੀ ਔਸਤ ਨਾਲ ਬਣਾਈਆਂ ਦੌੜਾਂ

ਡੇਵਿਡ ਵਾਰਨਰ ਨੇ ਆਪਣੇ ਅੰਤਰਰਾਸ਼ਟਰੀ ਕਰੀਅਰ ਦੀ ਸ਼ੁਰੂਆਤ 2009 ’ਚ ਹੋਬਾਰਟ ’ਚ ਦੱਖਣੀ ਅਫਰੀਕਾ ਖਿਲਾਫ ਇੱਕਰੋਜ਼ਾ ’ਚ ਕੀਤੀ ਸੀ। ਉਨ੍ਹਾਂ ਆਪਣਾ ਆਖਰੀ ਮੈਚ 19 ਨਵੰਬਰ ਨੂੰ ਅਹਿਮਦਾਬਾਦ ’ਚ ਭਾਰਤ ਖਿਲਾਫ ਇੱਕ-ਰੋਜਾ ਵਿਸ਼ਵ ਕੱਪ ਫਾਈਨਲ ’ਚ ਖੇਡਿਆ ਸੀ। ਹੁਣ ਤੱਕ ਖੇਡੇ ਗਏ 161 ਇੱਕਰੋਜ਼ਾ ਮੈਚਾਂ ’ਚ ਉਨ੍ਹਾਂ ਨੇ 45.30 ਦੀ ਔਸਤ ਨਾਲ 6932 ਦੌੜਾਂ ਬਣਾਈਆਂ ਹਨ। ਇਸ ’ਚ ਉਨ੍ਹਾਂ ਨੇ 22 ਸੈਂਕੜੇ ਅਤੇ 33 ਅਰਧ ਸੈਂਕੜੇ ਲਗਾਏ। (David Warner)

ਭਾਰਤੀ ਪੁਰਸ਼ ਟੀਮ ਦੀ ਕਮਾਨ ਸੰਭਾਲਣਗੇ ਸਿਮਰਨਜੀਤ, ਗੋਲਕੀਪਰ ਰਜਨੀ ਹੋਵੇਗੀ ਮਹਿਲਾ ਟੀਮ ਦੀ ਕਪਤਾਨ

ਅਸਟਰੇਲੀਆ ਵੱਲੋਂ ਟਾਪ ਸਕੋਰਰ ਬਣੇ ਡੇਵਿਡ ਵਾਰਨਰ | AUS Vs PAK

• ਤਿੰਨ ਮੈਚਾਂ ਦੀ ਲੜੀ ’ਚ ਅਸਟਰੇਲੀਆ 1-0 ਨਾਲ ਅੱਗੇ | AUS Vs PAK

ਮੈਲਬੌਰਨ (ਏਜੰਸੀ)। ਮੈਲਬੌਰਨ ’ਚ ਖੇਡੇ ਜਾ ਰਹੇ ਬਾਕਸਿੰਗ-ਡੇ ਟੈਸਟ ਮੈਚ ’ਚ ਪਹਿਲੇ ਦਿਨ ਦੀ ਖੇਡ ਖਤਮ ਹੋਣ ਤੱਕ ਮੇਜ਼ਬਾਨ ਅਸਟਰੇਲੀਆ ਨੇ 3 ਵਿਕਟਾਂ ਗੁਆ ਕੇ 187 ਦੌੜਾਂ ਬਣਾ ਲਈਆਂ ਹਨ। ਇਸ ਸਮੇਂ ਅਸਟਰੇਲੀਆਈ ਟੀਮ ਮਜ਼ਬੂਤ ਸਥਿਤੀ ’ਚ ਹੈ। ਮੀਂਹ ਕਾਰਨ ਤਿੰਨ ਟੈਸਟ ਮੈਚਾਂ ਦੀ ਲੜੀ ਦਾ ਦੂਜਾ ਮੈਚ ਮੰਗਲਵਾਰ ਨੂੰ ਦੇਰ ਨਾਲ ਸ਼ੁਰੂ ਹੋਇਆ। ਪਹਿਲੇ ਦਿਨ ਸਿਰਫ 66 ਓਵਰ ਹੀ ਖੇਡੇ ਜਾ ਸਕੇ। ਮਾਰਨਸ ਲਾਬੂਸ਼ੇਨ 44 ਦੌੜਾਂ ਅਤੇ ਟ੍ਰੈਵਿਸ ਹੈਡ ਨੌਂ ਦੌੜਾਂ ਬਣਾ ਕੇ ਕ੍ਰੀਜ ’ਤੇ ਨਾਬਾਦ ਹਨ। ਪਾਕਿਸਤਾਨ ਦੇ ਕਪਤਾਨ ਮਸੂਦ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜੀ ਕਰਨ ਦਾ ਫੈਸਲਾ ਕੀਤਾ। (AUS Vs PAK)

ਪਹਿਲਾਂ ਬੱਲੇਬਾਜੀ ਕਰਨ ਆਏ ਅਸਟਰੇਲੀਆ ਦੇ ਸਲਾਮੀ ਬੱਲੇਬਾਜ ਡੇਵਿਡ ਵਾਰਨਰ ਅਤੇ ਉਸਮਾਨ ਖਵਾਜਾ ਨੇ ਟੀਮ ਨੂੰ ਚੰਗੀ ਸ਼ੁਰੂਆਤ ਦਿੱਤੀ। ਵਾਰਨਰ ਅਤੇ ਖਵਾਜਾ ਵਿਚਕਾਰ ਪਹਿਲੀ ਵਿਕਟ ਲਈ 163 ਗੇਂਦਾਂ ’ਚ 90 ਦੌੜਾਂ ਦੀ ਸਾਂਝੇਦਾਰੀ ਹੋਈ। ਡੇਵਿਡ ਵਾਰਨਰ 27.1 ਓਵਰਾਂ ’ਚ ਸਲਮਾਨ ਅਲੀ ਆਗਾ ਦੀ ਗੇਂਦ ’ਤੇ ਬਾਬਰ ਆਜਮ ਹੱਥੋਂ ਕੈਚ ਆਊਟ ਹੋ ਕੇ ਪੈਵੇਲੀਅਨ ਪਰਤ ਗਏ। ਵਾਰਨਰ ਨੇ 83 ਗੇਂਦਾਂ ਦਾ ਸਾਹਮਣਾ ਕਰਦਿਆਂ 38 ਦੌੜਾਂ ਬਣਾਈਆਂ। ਉਥੇ ਹੀ ਖਵਾਜਾ ਨੇ 101 ਗੇਂਦਾਂ ’ਤੇ ਪੰਜ ਚੌਕਿਆਂ ਦੀ ਮਦਦ ਨਾਲ 42 ਦੌੜਾਂ ਦੀ ਪਾਰੀ ਖੇਡੀ। ਖਵਾਜਾ ਨੂੰ ਹਸਨ ਅਲੀ ਨੇ ਕੈਚ ਆਊਟ ਕੀਤਾ। ਸਟੀਵ ਸਮਿਥ 75 ਗੇਂਦਾਂ ’ਚ 26 ਦੌੜਾਂ ਬਣਾ ਕੇ ਆਮਿਰ ਜਮਾਲ ਦੀ ਗੇਂਦ ’ਤੇ ਆਊਟ ਹੋਏ। ਪਾਕਿਸਤਾਨ ਵੱਲੋਂ ਹਸਨ ਅਤੇ ਸਲਮਾਨ ਨੂੰ ਇੱਕ-ਇੱਕ ਵਿਕਟ ਮਿਲੀ ਹੈ। (AUS Vs PAK)

ਵਾਰਨਰ ਅਸਟਰੇਲੀਆ ਵੱਲੋਂ ਸਭ ਤੋਂ ਜ਼ਿਆਦਾ ਦੌੜਾਂ ਬਣਾਉਣ ਵਾਲੇ ਬੱਲੇਬਾਜ਼

ਦੂਜੇ ਟੈਸਟ ਮੈਚ ’ਚ 38 ਦੌੜਾਂ ਦੀ ਆਪਣੀ ਪਾਰੀ ਨਾਲ ਡੇਵਿਡ ਵਾਰਨਰ ਕੌਮਾਂਤਰੀ ਕ੍ਰਿਕੇਟ ’ਚ ਅਸਟਰੇਲੀਆ ਲਈ ਸਭ ਤੋਂ ਜ਼ਿਆਦਾ ਦੌੜਾਂ ਬਣਾਉਣ ਵਾਲੇ ਦੂਜੇ ਬੱਲੇਬਾਜ ਬਣ ਗਏ ਹਨ। ਵਾਰਨਰ ਨੇ ਸਟੀਵ ਵਾ ਨੂੰ ਪਿੱਛੇ ਛੱਡ ਦਿੱਤਾ ਹੈ। ਸਟੀਵ ਵਾ ਨੇ ਆਪਣੇ ਕੌਮਾਂਤਰੀ ਕਰੀਅਰ ’ਚ 18,496 ਦੌੜਾਂ ਬਣਾਈਆਂ ਸਨ। ਇਸ ਦੇ ਨਾਲ ਹੀ ਹੁਣ ਵਾਰਨਰ ਸਟੀਵ ਵਾ ਤੋਂ ਵੀ ਅੱਗੇ ਨਿਕਲ ਗਏ ਹਨ। ਵਾਰਨਰ ਨਾਂਅ ਇਸ ਸਮੇਂ ਤਿੰਨਾਂ ਫਾਰਮੈਟਾਂ ਸਮੇਤ 18,502 ਦੌੜਾਂ ਹਨ। ਉਹ ਹੁਣ ਅਸਟਰੇਲੀਆਈ ਕ੍ਰਿਕੇਟਰਾਂ ’ਚ ਰਿਕੀ ਪੋਂਟਿੰਗ ਤੋਂ ਪਿੱਛੇ ਹੈ। ਪੋਂਟਿੰਗ ਨੇ ਕੌਮਾਂਤਰੀ ਕ੍ਰਿਕੇਟ ’ਚ ਕੁੱਲ 27,368 ਦੌੜਾਂ ਬਣਾਈਆਂ ਸਨ। (AUS Vs PAK)

ਪਾਕਿਸਤਾਨ ਨੇ ਪਲੇਇੰਗ ਇਲੈਵਨ ’ਚ ਕੀਤੇ ਹਨ ਤਿੰਨ ਬਦਲਾਅ

ਮੈਲਬੋਰਨ ਟੈਸਟ ’ਚ ਪਾਕਿਸਤਾਨ ਨੇ ਤਿੰਨ ਬਦਲਾਅ ਕੀਤੇ ਹਨ। 14 ਤੋਂ 18 ਦਸੰਬਰ ਤੱਕ ਪਰਥ ਟੈਸਟ ’ਚ ਖੇਡੇ ਗਏ ਪਹਿਲੇ ਮੈਚ ’ਚ ਵਿਕਟਕੀਪਰ ਬੱਲੇਬਾਜ ਸਰਫਰਾਜ ਅਹਿਮਦ ਦੀ ਥਾਂ ਮੁਹੰਮਦ ਰਿਜਵਾਨ ਨੂੰ ਪਲੇਇੰਗ ਇਲੈਵਨ ’ਚ ਸ਼ਾਮਲ ਕੀਤਾ ਗਿਆ ਸੀ। ਹਸਨ ਅਲੀ ਅਤੇ ਮੀਰ ਹਮਜਾ ਨੂੰ ਸੱਟ ਕਾਰਨ ਬਾਹਰ ਹੋਏ ਖੁਰਰਮ ਸਹਿਜਾਦ ਅਤੇ ਫਹੀਮ ਅਸਰਫ ਦੀ ਜਗ੍ਹਾ ਪਲੇਇੰਗ ਇਲੈਵਨ ’ਚ ਸ਼ਾਮਲ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ ਅਸਟਰੇਲੀਆਈ ਕਪਤਾਨ ਪੈਟ ਕਮਿੰਸ ਨੇ ਆਪਣੇ ਪਲੇਇੰਗ-11 ’ਚ ਕੋਈ ਬਦਲਾਅ ਨਹੀਂ ਕੀਤਾ ਹੈ।

ਇਸ ਲੜੀ ’ਚ ਅਸਟਰੇਲੀਆ 1-0 ਨਾਲ ਅੱਗੇ | AUS Vs PAK

ਪਾਕਿਸਤਾਨ ਅਤੇ ਅਸਟਰੇਲੀਆ ਵਿਚਕਾਰ ਤਿੰਨ ਟੈਸਟ ਮੈਚਾਂ ਦੀ ਲੜੀ ਖੇਡੀ ਜਾ ਰਹੀ ਹੈ। ਪਹਿਲਾ ਟੈਸਟ ਮੈਚ 14 ਤੋਂ 18 ਦਸੰਬਰ ਤੱਕ ਪਰਥ ’ਚ ਖੇਡਿਆ ਗਿਆ ਸੀ, ਜਿਸ ਨੂੰ ਅਸਟਰੇਲੀਆ ਨੇ ਆਪਣੇ ਨਾਂਅ ਕੀਤਾ ਸੀ। ਹੁਣ ਦੂਜਾ ਮੈਚ ਮੈਲਬੌਰਨ ’ਚ ਖੇਡਿਆ ਜਾ ਰਿਹਾ ਹੈ। ਤਿੰਨ ਟੈਸਟ ਮੈਚਾਂ ਦੀ ਲੜੀ ’ਚ ਅਸਟਰੇਲੀਆ 1-0 ਨਾਲ ਅੱਗੇ ਹੈ। ਪਰਥ ’ਚ ਖੇਡੇ ਗਏ ਟੈਸਟ ’ਚ ਅਸਟਰੇਲੀਆ ਨੇ ਪਾਕਿਸਤਾਨ ਨੂੰ 360 ਦੌੜਾਂ ਦੇ ਵੱਡੇ ਫਰਕ ਨਾਲ ਹਰਾਇਆ ਸੀ। (AUS Vs PAK)

ਭਾਰਤੀ ਟੀਮ ਬੇਸ਼ੱਕ ਫਾਈਨਲ ਹਾਰੀ ਪਰ ਭਾਰਤੀਆਂ ਨੇ ਤੋੜ ਦਿੱਤੇ ਵੱਡੇ ਰਿਕਾਰਡ | ICC World Cup 2023

ਨਵੀਂ ਦਿੱਲੀ (ਏਜੰਸੀ)। ਬੇਸ਼ੱਕ ਭਾਰਤੀ ਟੀਮ ਐਤਵਾਰ ਨੂੰ ਹੋਏ ਵਿਸ਼ਵ ਕੱਪ 2023 ਦੇ ਫਾਈਨਲ ਮੁਕਾਬਲੇ ’ਚ ਅਸਟਰੇਲੀਆ ਤੋਂ ਹਾਰ ਗਈ ਪਰ ਪੂਰੇ ਟੂਰਨਾਮੈਂਟ ’ਚ ਭਾਰਤੀ ਟੀਮ ਚੈਂਪੀਅਨ ਵਾਂਗ ਖੇਡੀ ਤੇ ਭਾਰਤੀ ਖਿਡਾਰੀਆਂ ਨੇ ਤਮਾਮ ਵੱਡੇ-ਵੱਡੇ ਰਿਕਾਰਡ ਤੋੜ ਦਿੱਤੇ ਦੂਜੇ ਪਾਸੇ ਇਹ ਵਿਸ਼ਵ ਕੱਪ ਜੇਕਰ ਰਿਕਾਰਡ ਦਾ ਵਿਸ਼ਵ ਕੱਪ ਕਿਹਾ ਜਾਵੇ ਤਾਂ ਕੋਈ ਸ਼ੱਕ ਨਹੀਂ ਹੋਵੇਗਾ ਆਓ ਜਾਣਦੇ ਹਾਂ ਵਿਸ਼ਵ ਕੱਪ ਦੀਆਂ ਖਾਸ ਗੱਲਾਂ ਤੇ ਕਾਇਮ ਹੋਏ ਨਵੇਂ ਰਿਕਾਰਡ (ICC World Cup 2023)

ਵਿਸ਼ਵ ਕੱਪ ’ਚ ਬਣੇ ਰਿਕਾਰਡਾਂ ’ਤੇ ਇੱਕ ਨਜ਼ਰ | ICC World Cup 2023

• ਭਾਰਤ ’ਚ 46 ਦਿਨਾਂ ਤੱਕ ਚੱਲੇ ਇੱਕ ਰੋਜ਼ਾ ਵਿਸ਼ਵ ਕੱਪ ’ਚ ਕਈ ਨਵੇਂ ਰਿਕਾਰਡ ਬਣੇ ਤਾਂ ਕਈ ਟੁੱਟੇ ਦੁਨੀਆ ’ਚ ਕਈ ਧੁਰੰਧਰਾਂ ਨੇ ਇਸ ਕ੍ਰਿਕਟ ਵਿਸ਼ਵ ਕੱਪ ’ਚ ਆਪਣਾ ਦਮ ਦਿਖਾਇਆ।
• 700 ਦੌੜਾਂ ਦਾ ਅੰਕੜਾ ਇੱਕ ਸੈਸ਼ਨ ’ਚ ਛੂਹਣ ਵਾਲੇ ਪਹਿਲੇ ਬੱਲੇਬਾਜ਼ ਕੋਹਲੀ ਪਲੇਅਰ ਆਫ਼ ਦ ਟੂਰਨਾਮੈਂਟ ਬਣੇ ਸਚਿਨ ਤੇਂਦੁਲਕਰ ਨੇ 2003 ਦੱਖਣੀ ਅਫ਼ਰੀਕਾ ’ਚ ਹੋਏ ਵਿਸ਼ਵ ਕੱਪ ’ਚ 673 ਦੌੜਾਂ ਬਣਾਈਆਂ ਸਨ ਤੇ ਪਲੇਅਰ ਆਫ਼ ਦ ਟੂਰਨਾਮੈਂਟ ਬਣੇ ਸਨ।
• 9 ਵਾਰ ਵਿਸ਼ਵ ਕੱਪ ’ਚ 50+ ਦਾ ਸਕੋਰ ਕਰਨ ਵਾਲੇ ਵਿਰਾਟ ਦੁਨੀਆ ਦੇ ਪਹਿਲੇ ਬੱਲੇਬਾਜ਼ ਬਣੇ।
• 50 ਸੈਂਕੜੇ ਇੱਕ ਰੋਜ਼ਾ ’ਚ ਜੜਨ ਵਾਲੇ ਦੁਨੀਆ ਦੇ ਪਹਿਲੇ ਬੱਲੇਬਾਜ਼ ਬਣੇ ਉਨ੍ਹਾਂ ਨੇ ਮਾਸਟਰ ਬਲਾਸਟਰ ਸਚਿਨ ਤੇਂਦੁਲਕਰ ਦਾ ਰਿਕਾਰਡ ਤੋੜਿਆ।
• ਮੁਹੰਮਦ ਸ਼ਮੀ 4 ਵਾਰ ਵਿਸ਼ਵ ਕੱਪ ’ਚ ਪੰਜ ਵਿਕਟਾਂ ਲੈਣ ਵਾਲੇ ਦੁਨੀਆ ਦੇ ਪਹਿਲੇ ਗੇਂਦਬਾਜ਼ ਬਣੇ।
• ਭਾਰਤ ਨੇ ਦੱਖਣੀ ਅਫਰੀਕਾ ਨੂੰ 243 ਦੌੜਾ ਨਾਲ ਹਰਾਇਆ ਜੋ ਉਨ੍ਹਾਂ ਦੀ ਇੱਕ ਰੋਜ਼ਾ ਇਤਿਹਾਸ ਦੀ ਸਭ ਤੋਂ ਵੱਡੀ ਹਾਰ ਹੈ ਇਸ ਤੋਂ ਪਹਿਲਾਂ ਦੱਖਣੀ ਅਫਰੀਕਾ ਕਦੇ 200 ਦੇ ਫਰਕ ਨਾਲ ਨਹੀਂ ਹਾਰੀ ਸੀ।
• ਅੱਈਅਰ ਨੇ ਨਿਊਜ਼ੀਲੈਂਡ ਖਿਲਾਫ਼ ਸੈਮੀਫਾਈਨਲ ’ਚ 8 ਛੱਕੇ ਲਾਏ ਇਹ ਵਿਸ਼ਵ ਕੱਪ ਇਤਿਹਾਸ ’ਚ ਕਿਸੇ ਭਾਰਤੀ ਦਾ ਇੱਕ ਪਾਰੀ ’ਚ ਰਿਕਾਰਡ ਹੈ।
• 31 ਛੱਕੇ ਕਪਤਾਨ ਰੋਹਿਤ ਸ਼ਰਮਾ ਨੇ ਲਾਹੇ ਜੋ ਇੱਕ ਸੈਸ਼ਨ ’ਚ ਰਿਕਾਰਡ ਹੈ।
• ਅਸਟਰੇਲਿਆਈ ਬੱਲੇਬਾਜ਼ ਗਲੇਨ ਮੈਕਸਵੱੈਲ ਨੇ ਨਵੀਂ ਦਿੱਲੀ ’ਚ ਨੀਦਰਲੈਂਡ ਖਿਲਾਫ਼ 40 ਗੇਂਦਾਂ ’ਤੇ ਸੈਂਕੜਾ ਤੇ 128 ਗੇਂਦਾਂ ’ਚ ਦੋਹਰਾ ਸੈਂਕੜਾ ਲਾਇਆ ਜੋ ਵਿਸ਼ਵ ਕੱਪ ਇਤਿਹਾਸ ਦਾ ਸਭ ਤੋਂ ਤੇਜ਼ ਅਫ਼ਗਾਨਿਸਤਾਨ ਖਿਲਾਫ਼ ਟੀਚੇ ਦਾ ਪਿੱਛਾ ਕਰਦਿਆਂ ਨਾਬਾਦ 201 ਦੌੜਾ ਬਣਾਈਆਂ ਜੋ ਵਿਸ਼ਵ ਕੱਪ ’ਚ ਰਿਕਾਰਡ। (ICC World Cup 2023)

9ਵੀਂ ਵਾਰ ਨਜ਼ਦੀਕ ਪਹੁੰਚ ਕੇ ਹਾਰਿਆ ਭਾਰਤ | ICC World Cup 2023

1. 2014 ਟੀ20 ਵਿਸ਼ਵ ਕੱਪ ਫਾਈਨਲ
2. 2015 ਇੱਕ ਰੋਜ਼ਾ ਵਿਸ਼ਵ ਕੱਪ ਸੈਮੀਫਾਈਨਲ
3. 2016 ਟੀ20 ਵਿਸ਼ਵ ਕੱਪ ਸੈਮੀਫਾਈਨਲ
4. 2017 ਚੈਂਪੀਅੰਸ ਟਰਾਫ਼ੀ ਫਾਈਨਲ
5. 2019 ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਫਾਈਨਲ
6. 2022 ਟੀ20 ਵਿਸ਼ਵ ਕੱਪ ਸੈਮੀਫਾਈਨਲ
7. 2023 ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਫਾਈਨਲ
8. 2023 ਇੱਕ ਰੋਜ਼ਾ ਵਿਸ਼ਵ ਕੱਪ ਫਾਈਨਲ

ਟੀਮ ਇੰਡੀਆ ਪਿਛਲੇ 8 ਸਾਲਾਂ ’ਚ 9ਵੀਂ ਵਾਰ ਆਈਸੀਸੀ ਦੇ ਖਿਤਾਬ ਦੇ ਨੇੜੇ ਪਹੁੰਚ ਕੇ ਰਹਿ ਗਈ।

ਖੂਬ ਹੋਈ ਧਨ ਵਰਖਾ | ICC World Cup 2023

ਵਰਲਡ ਕੱਪ ਜਿੱਤਣ ’ਤੇ ਅਸਟਰੇਲਿਆਈ ਟੀਮ ਨੂੰ 33.31 ਕਰੋੜ ਰੁਪਏ (4 ਮਿਲੀਅਨ ਡਾਲਰ) ਦੀ ਇਨਾਮੀ ਰਾਸ਼ੀ ਮਿਲੀ, ਜਦੋਂਕਿ ਫਾਈਨਲ ਹਾਰਨ ਵਾਲੀ ਟੀਮ ਨੂੰ 16.65 ਕਰੋੜ ਰੁਪਏ (2 ਮਿਲੀਅਨ ਅਮਰੀਕੀ ਡਾਲਰ) ਨਾਲ ਸਬਰ ਕਰਨਾ ਪਿਆ ਸੈਮੀਫਾਈਨਲ ਹਾਰ ਕੇ ਬਾਹਰ ਹੋਣ ਵਾਲੀ ਨਿਊਜ਼ੀਲੈਂਡ ਤੇ ਸਾਊਥ ਅਫ਼ਰੀਕਾ ਨੂੰ 6.66 ਕਰੋੜ ਰੁਪਏ (800,000 ਅਮਰੀਕੀ ਡਾਲਰ) ਮਿਲੇ ਵਰਲਡ ਕੱਪ ਦੇ ਲੀਗ ਸਟੇਜ ਤੋਂ ਬਾਹਰ ਹੋਣ ਵਾਲੀ ਪਾਕਿਸਤਾਨ, ਸ੍ਰੀਲੰਕਾ, ਬੰਗਲਾਦੇਸ਼, ਅਫ਼ਗਾਨਿਸਤਾਨ, ਇੰਗਲੈਂਡ ਤੇ ਨੀਦਰਲੈਂਡ ਨੂੰ 83.29-83.29 ਲੱਖ ਰੁਪਏ ਮਿਲੇ ਇਸ ਤੋਂ ਇਲਾਵਾ, ਟੂਰਨਾਮੈਂਟ ’ਚ ਹਿੱਸਾ ਲੈਣ ਵਾਲੀਆਂ ਸਾਰੀਆਂ ਟੀਮਾਂ ਨੂੰ ਹਰ ਜਿੱਤ ਦੇ ਕਰੀਬ 33 ਲੱਖ ਰੁਪਏ ਮਿਲੇ।

ਇਹ ਵੀ ਪੜ੍ਹੋ : ‘ਲੱਕੜ ਦੇ ਡੰਡੇ’ ਦੀ ਸਟਿੱਕ ਬਣਾ ਕੇ ਹਾਕੀ ਖੇਡਦੇ ਸਨ ‘ਧਨਰਾਜ ਪਿੱਲੇ’

ਡੇਵਿਡ ਵਾਰਨਰ ਦੀ ਵੀ ਤੂਫਾਨੀ ਸੈਂਕੜੇ ਵਾਲੀ ਪਾਰੀ | AUS Vs NED

• ਸਾਬਕਾ ਕਪਤਾਨ ਸਮਿਥ ਅਤੇ ਲਾਬੁਸ਼ੇਨ ਦੇ ਅਰਧਸੈਂਕੜੇ | AUS Vs NED

ਦਿੱਲੀ (ਏਜੰਸੀ)। ਅਸਟਰੇਲਆ ਅਤੇ ਨੀਦਰਲੈਂਡ ਵਿਚਕਾਰ ਵਿਸ਼ਵ ਕੱਪ 2023 ਦਾ ਮੁਕਾਬਲਾ ਅੱਜ ਦਿੱਲੀ ਦੇ ਅਰੂਣ ਜੇਟਲੀ ਸਟੇਡੀਅਮ ’ਚ ਖੇਡਿਆ ਜਾ ਰਿਹਾ ਹੈ। ਜਿੱਥੇ ਅਸਟਰੇਲੀਆ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 399 ਦੌੜਾਂ ਬਣਾਇਆਂ ਹਨ। ਜਿਸ ਵਿੱਚ ਓਪਨਰ ਡੇਵਿਡ ਵਾਰਨਰ ਦੀ 104 ਦੌੜਾਂ ਦੀ ਪਾਰੀ ਰਹੀ ਅਤੇ ਬਾਅਦ ’ਚ ਆਲਰਾਉਂਡਰ ਗਲੇਨ ਮੈਕਸਵੈੱਨ ਦੇ ਤੂਫਾਨੀ ਸੈਂਕੜੇ ਨੇ ਮਹੱਤਵਪੂਰਨ ਯੋਗਦਾਨ ਦਿੱਤਾ। ਮੈਕਸਵੈੱਲ ਨੇ 44 ਸਿਰਫ ਗੇਂਦਾਂ ਦਾ ਸਾਹਮਣਾ ਕੀਤਾ ਅਤੇ 106 ਦੌੜਾਂ ਬਣਾਇਆਂ ਅਤੇ ਉਸ ਪਾਰੀ ’ਚ 9 ਚੌਕੇ ਅਤੇ 8 ਛੱਕੇ ਸ਼ਾਮਲ ਰਹੇ। ਹੁਣ ਨੀਦਰਲੈਂਡ ਨੂੰ ਇਹ ਮੈਚ ਜਿੱਤਣ ਲਈ ਪੂਰੇ 400 ਦੌੜਾਂ ਦਾ ਟੀਚਾ ਮਿਲਿਆ ਹੈ। (AUS Vs NED)

ਇਹ ਵੀ ਪੜ੍ਹੋ : ਡੀਏਪੀ ਖਾਦ ਬਿਨਾ ਕਿਸਾਨ ਔਖੇ, ਤਿੱਖੇ ਸੰਘਰਸ਼ ਦੀ ਚਿਤਾਵਨੀ

ਨੀਦਰਲੈਂਡ ਵੱਲੋਂ ਲੋਗਨ ਵੈਨ ਵੀਕ ਨੇ ਸਭ ਤੋਂ ਜ਼ਿਆਦਾ 4 ਵਿਕਟਾਂ ਹਾਸਲ ਕੀਤੀਆਂ। ਉਨ੍ਹਾਂ ਤੋਂ ਇਲਾਵਾ ਬਾਸ ਡੀ ਲੀਡੇ ਨੇ 2 ਵਿਕਟਾਂ ਹਾਸਲ ਕੀਤੀਆਂ। ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਆਈ ਅਸਟਰੇਲੀਆ ਦੀ ਟੀਮ ਦੀ ਸ਼ੁਰੂਆਤ ਇੱਕ ਸਮੇਂ ਤਾਂ ਚੰਗੀ ਨਹੀਂ ਰਹੀ ਸੀ ਅਤੇ ਉਨ੍ਹਾਂ ਦੇ ਓਪਨਰ ਬੱਲੇਬਾਜ਼ ਮਾਰਸ਼ 9 ਦੌੜਾਂ ਬਣਾ ਕੇ ਆਉਟ ਹੋ ਗਏ ਸਨ ਫਿਰ ਉਸ ਤੋਂ ਬਾਅਦ ਡੇਵਿਡ ਵਾਰਨਰ ਨੇ ਸਟੀਵ ਸਮਿਥ ਨੇ ਮਿਲ ਕੇ ਟੀਮ ਨੂੰ ਸੰਭਾਲਿਆ। ਸਮਿਥ ਨੇ 71 ਦੌੜਾਂ ਦੀ ਪਾਰੀ ਖੇਡੀ ਅਤੇ ਸਮਿਥ ਤੋਂ ਇਲਾਵਾ ਲਾਬੁਸ਼ੇਨ ਨੇ ਵੀ 62 ਦੌੜਾਂ ਬਣਾ ਕੇ ਅਰਧਸੈਂਕੜੇ ਵਾਲੀ ਪਾਰੀ ਖੇਡੀ। ਦੱਸ ਦੇਈਏ ਕਿ ਅਸਟਰੇਲੀਆ ਇਸ ਸਮੇਂ ਵਿਸ਼ਵ ਕੱਪ ਸੂਚੀ ’ਚ ਚੌਥੇ ਨੰਬਰ ’ਤੇ ਹੈ। (AUS Vs NED)

ਵਾਰਨਰ ਬਾਰਡਰ-ਗਾਵਸਕਰ ਟੈਸਟ ਸੀਰੀਜ਼ ਤੋਂ ਬਾਹਰ

ਨਵੀਂ ਦਿੱਲੀ (ਸੱਚ ਕਹੂੰ ਨਿਊਜ਼)। ਆਸਟ੍ਰੇਲੀਆ ਦੇ ਡੇਵਿਡ ਵਾਰਨਰ (David Warner ) ਕੂਹਣੀ ‘ਚ ਫ੍ਰੈਕਚਰ ਕਾਰਨ ਭਾਰਤ ਖਿਲਾਫ ਚੱਲ ਰਹੇ ਬਾਰਡਰ-ਗਾਵਸਕਰ ਟਰਾਫੀ ਦੇ ਆਖਰੀ ਦੋ ਟੈਸਟ ਮੈਚਾਂ ਤੋਂ ਬਾਹਰ ਹੋ ਗਏ ਹਨ। ਉਹ ਇਲਾਜ ਲਈ ਸਿਡਨੀ ਜਾਵੇਗਾ ਅਤੇ ਮਾਰਚ ਦੇ ਅਖੀਰ ਵਿਚ ਤਿੰਨ ਮੈਚਾਂ ਦੀ ਵਨਡੇ ਸੀਰੀਜ਼ ਲਈ ਭਾਰਤ ਪਰਤਣ ਦੀ ਉਮੀਦ ਹੈ। ਦਿੱਲੀ ‘ਚ ਦੂਜੇ ਟੈਸਟ ਦੀ ਪਹਿਲੀ ਪਾਰੀ ਦੌਰਾਨ ਤੇਜ਼ ਗੇਂਦਬਾਜ਼ ਮੁਹੰਮਦ ਸਿਰਾਜ ਦੇ ਹੱਥੋਂ ਵਾਰਨਰ ਦੀ ਖੱਬੀ ਕੂਹਣੀ ‘ਤੇ ਸੱਟ ਲੱਗੀ ਸੀ। ਐਕਸ-ਰੇ ਰਿਪੋਰਟ ’ਚ ਕੂਹਣੀ ਵਿੱਚ ਹੇਅਰਲਾਇਨ ਦੇ ਫ੍ਰੈਕਚਰ ਦੀ ਪੁਸ਼ਟੀ ਹੋਈ ਹੈ।

ਵਾਰਨਰ ਦੀ ਕੂਹਣੀ ’ਚ ਵੱਜੀ ਸੱਟ

ਟੀਮ ਮੈਨੇਜਮੈਂਟ ਮੁਤਾਬਿਕ ਸ਼ੁਰੂਆਤ ‘ਚ ਅਜਿਹਾ ਲੱਗ ਰਿਹਾ ਸੀ ਕਿ ਵਾਰਨਰ (David Warner ) ਦੀ ਕੂਹਣੀ ਦੀ ਸੱਟ ਮਾਮੂਲੀ ਹੈ ਅਤੇ ਉਹ ਭਾਰਤ ਖਿਲਾਫ ਇੰਦੌਰ ਟੈਸਟ ਖੇਡ ਸਕਦਾ ਹੈ ਪਰ ਡਾਕਟਰਾਂ ਨੇ ਉਨ੍ਹਾਂ ਨੂੰ ਅਣਫਿੱਟ ਕਰਾਰ ਦਿੱਤਾ। ਸੋਮਵਾਰ ਰਾਤ ਤੱਕ ਵਾਰਨਰ ਤੀਜੇ ਟੈਸਟ ‘ਚ ਖੇਡਣ ਲਈ ਖੁਦ ਨੂੰ ਤਿਆਰ ਕਰ ਰਿਹਾ ਸੀ ਪਰ ਬੇਹੱਦ ਦਰਦ ਅਤੇ ਟੈਸਟ ‘ਚ ਹੋਣ ਕਾਰਨ ਉਸ ਨੂੰ ਅਧਿਕਾਰਤ ਤੌਰ ‘ਤੇ ਮੈਚ ਤੋਂ ਬਾਹਰ ਕਰ ਦਿੱਤਾ ਗਿਆ, ਜਿਸ ਤੋਂ ਬਾਅਦ ਉਹ ਆਪਣੇ ਪਰਿਵਾਰ ਨਾਲ ਰਹਿਣ ਲਈ ਘਰ ਪਰਤਣਗੇ।

ਟੀਮ ‘ਚ ਵਾਰਨਰ ਦੀ ਜਗ੍ਹਾ ਟ੍ਰੈਵਿਸ ਹੇਡ ਲੈ ਸਕਦੇ ਹਨ। ਹੇਡ ਨੇ 2018 ਵਿੱਚ ਵੋਰਸੇਸਟਰਸ਼ਾਇਰ ਲਈ ਕਾਉਂਟੀ ਚੈਂਪੀਅਨਸ਼ਿਪ ਮੈਚ ਵਿੱਚ ਇੱਕ ਸਲਾਮੀ ਬੱਲੇਬਾਜ਼ ਵਜੋਂ ਆਪਣੇ ਆਪ ਨੂੰ ਸਾਬਤ ਕੀਤਾ। ਹਾਲਾਂਕਿ ਉਨ੍ਹਾਂ ਨੇ ਪਹਿਲੀ ਸ਼੍ਰੇਣੀ ਕ੍ਰਿਕਟ ‘ਚ ਸਿਰਫ ਦੋ ਵਾਰ ਓਪਨਿੰਗ ਕੀਤੀ ਹੈ। ਦੂਜੇ ਪਾਸੇ ਕੈਮਰਨ ਗ੍ਰੀਨ ਦੇ ਇੰਦੌਰ ‘ਚ ਖੇਡਣ ਦੀ ਪੂਰੀ ਸੰਭਾਵਨਾ ਹੈ, ਜਦੋਂਕਿ ਦੂਜੇ ਟੈਸਟ ‘ਚ ਨਿਰਾਸ਼ਾਜਨਕ ਪ੍ਰਦਰਸ਼ਨ ਕਰਨ ਵਾਲੇ ਕੁਝ ਖਿਡਾਰੀਆਂ ਨੂੰ ਤੀਜੇ ਟੈਸਟ ‘ਚ ਬਾਹਰ ਕੀਤਾ ਜਾ ਸਕਦਾ ਹੈ।

ਆਸਟਰੇਲੀਆ ਪਹਿਲਾਂ ਹੀ ਜੋਸ਼ ਹੇਜ਼ਲਵੁੱਡ ਨੂੰ ਦੌਰੇ ਤੋਂ ਬਾਹਰ ਕਰ ਚੁੱਕਿਆ ਹੈ ਪਰ ਤੀਜੇ ਟੈਸਟ ਲਈ ਫਿੱਟ ਹੋਣ ਤੋਂ ਬਾਅਦ ਮਿਸ਼ੇਲ ਸਟਾਰਕ ਦੀ ਵਾਪਸੀ ਲਗਭਗ ਤੈਅ ਹੈ। ਹਾਲਾਂਕਿ ਪਹਿਲੀ ਵਾਰ ਪਿਤਾ ਬਣਨ ਵਾਲੇ ਮਿਸ਼ੇਲ ਸਵੈਪਸਨ ਵੀ ਦੇਸ਼ ਪਰਤਣਗੇ। ਕਪਤਾਨ ਪੈਟ ਕਮਿੰਸ ਪਰਿਵਾਰਕ ਕਾਰਨਾਂ ਕਰਕੇ ਦਿੱਲੀ ਟੈਸਟ ਤੋਂ ਤੁਰੰਤ ਬਾਅਦ ਘਰ ਰਵਾਨਾ ਹੋ ਗਏ ਸਨ ਪਰ ਫਿਲਹਾਲ ਇਸ ਹਫਤੇ ਦੇ ਅੰਤ ਵਿੱਚ ਵਾਪਸ ਆਉਣਗੇ ਅਤੇ ਇੰਦੌਰ ਵਿੱਚ ਖੇਡਣ ਦੀ ਉਮੀਦ ਹੈ। ਆਸਟਰੇਲੀਆ ਘਰੇਲੂ ਕ੍ਰਿਕਟ ਲਈ ਦੇਸ਼ ਵਾਪਸ ਪਰਤਣ ਦੀ ਇੱਛਾ ਰੱਖਣ ਵਾਲੇ ਕੁਝ ਟੀਮ ਮੈਂਬਰਾਂ ਨੂੰ ਰਿਲੀਜ਼ ਕਰ ਸਕਦਾ ਹੈ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter, Instagram, Linkedin , YouTube‘ਤੇ ਫਾਲੋ ਕਰੋ।

ਡੇਵਿਡ ਵਾਰਨਰ ਨੇ ਪਹਿਲੇ ਦਿਨ ਬਣਾਇਆ ਸੈਂਕੜਾ | Ashes Series

ਮੈਲਬੌਰਨ (ਏਜੰਸੀ)। ਡੇਵਿਡ ਵਾਰਨਰ (103) ਦੀ ਸੈਂਕੜੇ ਵਾਲੀ ਪਾਰੀ ਤੋਂ ਬਾਅਦ ਕਪਤਾਨ ਸਟੀਵਨ ਸਮਿੱਥ (ਨਾਬਾਦ 65) ਦੇ ਅਰਧ ਸੈਂਕੜੇ ਨਾਲ ਅਸਟਰੇਲੀਆ ਨੇ ਇੰਗਲੈਂਡ ਖਿਲਾਫ ਏਸ਼ੇਜ਼ ਕ੍ਰਿਕਟ ਸੀਰੀਜ਼ ਦੇ ਬਾਕਸਿੰਗ ਡੇ ਟੈਸਟ ਦੇ ਪਹਿਲੇ ਦਿਨ ਮੰਗਲਵਾਰ ਨੂੰ ਤਿੰਨ ਵਿਕਟਾਂ ਗੁਆ ਕੇ 244 ਦੌੜਾਂ ਬਣਾ ਲਈਆਂ। ਮੇਜ਼ਬਾਨ ਅਸਟਰੇਲੀਆ ਨੇ ਟਾਸ ਜਿੱਤਣ ਤੋਂ ਬਅਦ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਅਤੇ ਚੌਥੇ ਟੈਸਟ ਦੇ ਪਹਿਲੇ ਦਿਨ ਦਾ ਖੇਡ ਸਮਾਪਤ ਹੋਣ ਤੱਕ 89 ਓਵਰਾਂ ‘ਚ ਤਿੰਨ ਵਿਕਟਾਂ ‘ਤੇ 244 ਦੌੜਾਂ ਬਣਾ ਲਈਆਂ।

ਇਹ ਵੀ ਪੜ੍ਹੋ : ਸਮੁੰਦਰ ’ਤੇ ਬਣਿਆ ਦੇਸ਼ ਦਾ ਸਭ ਤੋਂ ਲੰਮਾ ਪੁਲ!

ਵਾਰਨਰ ਨੇ ਹੌਲੀ ਸ਼ੁਰੂਆਤ ਕਰਦਿਆਂ ਆਪਣਾ 21ਵਾਂ ਟੈਸਟ ਸੈਂਕੜਾ ਪੂਰਾ ਕੀਤਾ ਦਿਨ ਦੀ ਸਮਾਪਤੀ ਤੱਕ ਕਪਤਾਨ ਸਮਿੱਥ 65 ਦੌੜਾਂ ਤੇ ਸ਼ਾਨ ਮਾਰਸ਼ 31 ਦੌੜਾਂ ਬਣਾ ਕੇ ਮੈਦਾਨ ‘ਤੇ ਹਨ।ਮੈਲਬੌਰਨ ਕ੍ਰਿਕਟ ਗਰਾਊਂਡ ‘ਤੇ ਸਫਲ ਮੰਨੇ ਜਾਣ ਵਾਲੇ ਇੰਗਲੈਂਡ ਦੇ ਤੇਜ਼ ਗੇਂਦਬਾਜ਼ ਜੇਮਸ ਐਂਡਰਸਨ ਨੇ 21 ਓਵਰਾਂ ‘ਚ 2.04 ਦੇ ਇਕੋਨਮੀ ਰੇਟ ਨਾਲ ਸੰਤੋਸ਼ਜਨਕ ਗੇਂਦਬਾਜ਼ੀ ਕਰਦਿਆਂ 43 ਦੌੜਾਂ ‘ਤੇ ਇੱਕ ਵਿਕਟ ਕੱਢੀ ਸਟੁਅਰਟ ਬ੍ਰਾਡ ਨੇ 41 ਦੌੜਾਂ ਅਤੇ ਕ੍ਰਿਸ ਵੋਕਸ ਨੇ 60 ਦੌੜਾਂ ‘ਤੇ ਇੱਕ-ਇੱਕ ਵਿਕਟ ਲਈ ਏਸ਼ੇਜ ਸੀਰੀਜ਼ ਕਬਜਾ ਕਰਨ ਅਤੇ ਕ੍ਰਿਸਮਸ ਦਾ ਜਸ਼ਨ ਤੋਂ ਬਾਅਦ ਮੈਦਾਨ ‘ਤੇ ਉੱਤਰੀ। (Ashes Series)

ਅਸਟਰੇਲੀਆਈ ਟੀਮ ਦੀ ਸ਼ੁਰੂਆਤ ਹਾਲਾਂਕਿ ਹੌਲੀ ਰਹੀ ਅਤੇ ਚਾਹ ਸਮੇਂ ਤੱਕ ਉਸ ਨੇ ਦੋ ਵਿਕਟਾਂ ‘ਤੇ ਸਿਰਫ 145 ਦੌੜਾਂ ਹੀ ਬਣਾਈਆਂ ਪਰ ਫਿਰ ਉਸ ਨੇ ਤੇਜ਼ੀ ਫੜ੍ਹੀ ਅਤੇ ਸਕੋਰ ਨੂੰ ਪਹਿਲੇ ਦਿਨ ਢਾਈ ਸੌ ਦੇ ਕਰੀਬ ਪਹੁੰਚਾ ਦਿੱਤਾ ਅੱੈਮਸੀਜੀ ‘ਚ ਭਰੇ 88172 ਦਰਸ਼ਕਾਂ ਸਾਹਮਣੇ ਪਹਿਲਾਂ ਬੱਲੇਬਾਜ਼ੀ ਕਰਨ ਉੱਤਰੀ ਅਸਟਰੇਲੀਆ ਲਈ ਓਪਨਰ ਕੈਮਰਨ ਬੇਨਕ੍ਰਾਫਟ ਅਤੇ ਉੱਪ ਕਪਤਾਨ ਵਾਰਨਰ ਨੇ ਪਹਿਲੀ ਵਿਕਟ ਲਈ 122 ਦੌੜਾਂ ਦੀ ਸਾਂਝੇਦਾਰੀ ਕੀਤੀ ਬੇਨਕ੍ਰਾਫਟ ਨੇ ਵਾਰਨਰ ਦਾ ਬਾਖੂਬੀ ਸਾਥ ਦਿੱਤਾ ਜੋ ਇੱਕ ਪਾਸੇ ਸੰਭਾਲਦਿਆਂ ਦੌੜਾਂ ਬਟੋਰਦੇ ਰਹੇ ਵਾਰਨਰ ਦਾ ਹਾਲਾਂਕਿ ਕਿਸਮਤ ਨੇ ਵੀ ਸਾਥ ਦਿੱਤਾ ਜਿਨ੍ਹਾਂ ਨੂੰ ਡ੍ਰਿੰਕਸ ਤੋਂ ਠੀਕ ਪਹਿਲਾਂ 99 ਦੇ ਸਕੋਰ ‘ਤੇ ਬ੍ਰਾਡ ਨੇ ਮਿਡ ਆਨ ‘ਤੇ ਲਪਕ ਲਿਆ। (Ashes Series)

ਇਹ ਵੀ ਪੜ੍ਹੋ : ਰਾਜਸਥਾਨ ਸਮੇਤ 4 ਸੂਬਿਆਂ ’ਚ Cold Wave ਦਾ ਅਲਰਟ, 39 ਟਰੇਨਾਂ ਲੇਟ

ਪਰ ਰਿਪਲੇ ‘ਚ ਪਤਾ ਚੱਲਿਆ ਕਿ ਇੰਗਲੈਂਡ ਦੇ ਆਗਾਜ਼ ਗੇਂਦਬਾਜ਼ ਟਾਮ ਕੁਰਾਨ ਦੀ ਇਹ ਗੇਂਦ ਨੋ ਬਾਲ ਸੀ ਸਟੈਡੀਅਮ ‘ਚ ਵਾਰਨਰ ਦੇ ਨਾਲ ਦਰਸ਼ਕਾਂ ਨੇ ਵੀ ਇਸ ਦਾ ਜਸ਼ਲ ਮਨਾਇਆ ਅਤੇ ਇੱਕ ਦੌੜ ਲੈ ਕੇ ਅਸਟਰੇਲੀਆਈ ਊੱਪ ਕਪਤਾਨ ਨੇ ਆਪਣਾ ਸੈਂਕੜਾ ਪੂਰਾ ਕਰ ਲਿਆ ਉਨ੍ਹਾਂ ਨੇ 151 ਗੇਂਦਾਂ ‘ਚ 13 ਚੌਕੇ ਅਤੇ ਇੱਕ ਛੱਕਾ ਲਾਇਆ ਬੇਨਕ੍ਰਾਫਟ ਨੇ 95 ਗੇਂਦਾਂ ‘ਚ ਦੋ ਚੌਕੇ ਲਾ ਕੇ 26 ਦੌੜਾਂ ਬਣਾਈਆਂ ਅਤੇ 35ਵੇਂ ਓਵਰ ‘ਚ ਜਾ ਕੇ ਵੋਕਸ ਨੇ ਉਨ੍ਹਾਂ ਨੂੰ ਲੱਤ ਅੜਿੱਕਾ ਕਰਕੇ ਇੰਗਲੈਂਡ ਨੂੰ ਪਹਿਲੀ ਵਿਕਟ ਦਿਵਾਈ। (Ashes Series)

ਇਸ ਦੇ ਥੋੜ੍ਹੀ ਦੇਰ ਬਾਅਦ ਹੀ ਵਾਰਨਰ ਨੂੰ ਐਂਡਰਸਨ ਨੇ ਵਿਕਟਕੀਪਰ ਬੱਲੇਬਾਜ਼ ਜਾਨੀ ਬੇਅਰਸਟੋ ਦੇ ਹੱਥੋਂ ਕੈਚ ਕਰਵਾ ਕੇ ਦੂਜਾ ਅਹਿਮ ਵਿਕਟ ਵੀ ਕੱਢੀ। ਕਪਤਾਨ ਸਮਿੱਥ ਦੇ ਹਾਲਾਂਕਿ ਹੌਲੀ ਪਿੱਚ ਅਤੇ ਸਪਾਟ ਪਿੱਚ ‘ਤੇ ਪਹਿਲਾਂ ਬੱਲੇਬਾਜ਼ੀ ਦੇ ਫੈਸਲੇ ਨੂੰ ਵਾਰਨਰ ਦੇ ਸੈਂਕੜੇ ਨਾਲ ਕਾਫੀ ਰਾਹਤ ਮਿਲੀ ਸਮਿੱਥ ਨੇ ਫਿਰ ਉਸਮਾਨ ਖਵਾਜਾ ਦੇ ਨਾਲ ਪਾਰੀ ਨੂੰ ਅੱਗੇ ਵਧਾਇਆ ਪਰ ਖਵਾਜਾ ਤੀਜੇ ਬੱਲੇਬਾਜ਼ ਦੇ ਰੂਪ ‘ਚ 160 ਦੇ ਸਕੋਰ ‘ਤੇ ਆਊਟ ਹੋ ਗਏ ਉਨ੍ਹਾਂ ਬ੍ਰਾਡ ਨੇ ਬੇਅਰਸਟੋ ਦੇ ਹੱਥੋਂ ਕੈਚ ਕਰਵਾਇਆ ਅਤੇ ਆਪਣੇ 70 ਓਵਰਾਂ ਦੇ ਵਿਕਟ ਸੋਕੇ ਨੂੰ ਵੀ ਸਮਾਪਤ ਕਰ ਦਿੱਤਾ ਖਵਾਜਾ ਨੇ 65 ਗੇਂਦਾਂ ‘ਚ 17 ਦੌੜਾਂ ਬਣਾਈਆਂ। (Ashes Series)

ਸੱਟ ਦੀ ਕਿਆਸਅਰਾਈ ਨੂੰ ਦੂਰ ਕਰਕੇ ਸਮਿੱਥ ਨੇ ਫਿਰ ਪੰਜਵੇਂ ਨੰਬਰ ‘ਤੇ ਬੱਲੇਬਾਜ਼ੀ ਲਈ ਉੱਤਰੇ ਸ਼ਾਨ ਦੇ ਨਾਲ ਮਿਲ ਕੇ 84 ਦੌੜਾਂ ਦੀ ਅਜਿੱਤ ਸਾਂਝੇਦਾਰੀ ਕੀਤੀ ਅਤੇ ਦਿਨ ਦੀ ਸਮਾਪਤੀ ਤੱਕ ਫਿਰ ਅਸਟਰਲੀਆ ਨੂੰ ਕੋਈ ਹੋਰ ਨੁਕਸਾਨ ਨਹੀਂ ਹੋਣ ਦਿੱਤਾ ਅਤੇ ਟੀਮ ਦੀ ਹੌਲੀ ਸ਼ੁਰੂਆਤ ਦੇ ਬਾਵਜ਼ੂਦ ਉਸ ਨੂੰ ਸਟੰਪਸ ਤੱਕ 244 ਦੇ ਸੰਤੋਸ਼ਜਨਕ ਸਕੋਰ ਤੱਕ ਪਹੁੰਚਾਇਆ ਸ਼ਾਨ ਨੇ 93 ਗੇਂਦਾਂ ‘ਚ ਚਾਰ ਚੌਕਿਆਂ ਦੀ ਮੱਦਦ ਨਾਲ ਨਾਬਾਦ 31 ਦੌੜਾਂ ਬਣਾਈਆਂ ਸਮਿੱਥ ਨੇ 131 ਗੇਂਦਾਂ ‘ਚ ਛੇ ਚੌਕੇ ਲਾ ਕੇ ਨਾਬਾਦ 65 ਦੌੜਾਂ ਬਣਾਈਆਂ ਅਤੇ ਇਹ ਲਗਾਤਾਰ ਤੀਜੀ ਵਾਰ ਹੈ ਜਦੋਂ ਉਹ ਆਪਣੇ ਬਾਕਸਿੰਗ ਡੇ ਟੇਸਟ ‘ਚ ਅਜਿੰਤ ਮੈਦਾਨ ਤੋਂ ਪਰਤੇ ਹਨ ਟੈਸਟ ‘ਚ ਦੁਨੀਆ ਦੇ ਨੰਬਰ ਇੱਕ ਬੱਲੇਬਾਜ਼ ਨੇ ਆਪਣੇ ਲਗਾਤਾਰ ਤਿੰਨ ਬਾਕਸਿੰਗ ਡੇ ਟੈਸਟਾਂ ‘ਚ ਅਜਿੱਤ ਰਹਿੰਦਿਆਂ ਵੈਸਟਇੰਡੀਜ਼, ਪਾਕਿਸਤਾਨ ਅਤੇ ਇੰਗਲੈਂਡ ਖਿਲਾਫ ਕੁੱਲ 434 ਦੌੜਾਂ ਬਣਾਈਆਂ ਹਨ। (Ashes Series)