Rohit Sharma: ਸਪੋਰਟਸ ਡੈਸਕ। ਸਾਬਕਾ ਭਾਰਤੀ ਕ੍ਰਿਕੇਟ ਕਪਤਾਨ ਰੋਹਿਤ ਸ਼ਰਮਾ ਦੇ ਅੰਤਰਰਾਸ਼ਟਰੀ ਭਵਿੱਖ ਨੂੰ ਲੈ ਕੇ ਚੱਲ ਰਹੀ ਬਹਿਸ ਵਿਚਕਾਰ, ਭਾਰਤੀ ਕ੍ਰਿਕੇਟ ਕੰਟਰੋਲ ਬੋਰਡ (ਬੀਸੀਸੀਆਈ) ਨੇ ਸਥਿਤੀ ਸਪੱਸ਼ਟ ਕੀਤੀ ਹੈ। ਬੋਰਡ ਸਕੱਤਰ ਦੇਵਜੀਤ ਸੈਕੀਆ ਨੇ ਇਨ੍ਹਾਂ ਅਟਕਲਾਂ ਨੂੰ ਖਾਰਜ ਕਰ ਦਿੱਤਾ ਹੈ ਕਿ ਐਤਵਾਰ ਨੂੰ ਲਾਰਡਜ਼ ’ਚ ਇੰਗਲੈਂਡ ਵਿਰੁੱਧ ਤੀਜਾ ਵਨਡੇ ਰੋਹਿਤ ਸ਼ਰਮਾ ਦਾ ਆਖਰੀ ਅੰਤਰਰਾਸ਼ਟਰੀ ਮੈਚ ਹੋ ਸਕਦਾ ਹੈ।

ਬੀਸੀਸੀਆਈ ਸਕੱਤਰ ਨੇ ਕੀ ਕਿਹਾ?

ਪੀਟੀਆਈ ਨਾਲ ਇੱਕ ਵਿਸ਼ੇਸ਼ ਇੰਟਰਵਿਊ ’ਚ, ਦੇਵਜੀਤ ਸੈਕੀਆ ਨੇ ਕਿਹਾ, ‘ਮੀਡੀਆ ’ਚ ਰੋਹਿਤ ਸ਼ਰਮਾ ਦੇ ਭਵਿੱਖ ਬਾਰੇ ਬਹੁਤ ਸਾਰੀਆਂ ਅਟਕਲਾਂ ਚੱਲ ਰਹੀਆਂ ਹਨ। ਮੈਂ ਪੂਰੇ ਯਕੀਨ ਨਾਲ ਕਹਿਣਾ ਚਾਹੁੰਦਾ ਹਾਂ ਕਿ ਇਸ ਗੱਲ ’ਤੇ ਕੋਈ ਚਰਚਾ ਨਹੀਂ ਹੋਈ ਹੈ ਕਿ ਰੋਹਿਤ ਐਤਵਾਰ ਨੂੰ ਲਾਰਡਜ਼ ’ਚ ਆਪਣਾ ਆਖਰੀ ਮੈਚ ਖੇਡਣਗੇ। ਰੋਹਿਤ ਭਾਰਤੀ ਵਨਡੇ ਟੀਮ ਦੇ ਨਿਯਮਤ ਮੈਂਬਰ ਹਨ ਤੇ ਜਦੋਂ ਤੱਕ ਉਹ ਟੀਮ ਦੀਆਂ ਯੋਜਨਾਵਾਂ ਦਾ ਹਿੱਸਾ ਰਹਿੰਦਾ ਹੈ, ਦੇਸ਼ ਦੀ ਨੁਮਾਇੰਦਗੀ ਕਰਦੇ ਰਹਿਣਗੇ। ਦੂਜੇ ਸ਼ਬਦਾਂ ’ਚ, ਲਾਰਡਜ਼ ਵਨਡੇ ਉਨ੍ਹਾਂ ਦਾ ਆਖਰੀ ਮੈਚ ਨਹੀਂ ਹੋਵੇਗਾ।’

Read Also : Road Accident: ਤਿਰੂਪੁਰ ’ਚ ਸੜਕ ਹਾਦਸਾ, ਗੈਸ ਟੈਂਕਰ ਤੇ ਟਰੱਕਾਂ ਵਿਚਕਾਰ ਫਸੀ ਕਾਰ, ਤਿੰਨ ਮੌਤਾਂ

ਕਿਊਂ ਸ਼ੁਰੂ ਹੋਈਆਂ ਸਨ ਸੰਨਿਆਸ ਦੀਆਂ ਚਰਚਾਵਾਂ? | Rohit Sharma

ਹਾਲ ਹੀ ਦੇ ਦਿਨਾਂ ’ਚ, ਕਈ ਮੀਡੀਆ ਰਿਪੋਰਟਾਂ ’ਚ ਦਾਅਵਾ ਕੀਤਾ ਗਿਆ ਸੀ ਕਿ ਭਾਰਤੀ ਚੋਣ ਕਮੇਟੀ 2027 ਵਨਡੇ ਵਿਸ਼ਵ ਕੱਪ ਨੂੰ ਧਿਆਨ ’ਚ ਰੱਖਦੇ ਹੋਏ ਨੌਜਵਾਨ ਖਿਡਾਰੀਆਂ ’ਤੇ ਧਿਆਨ ਕੇਂਦਰਿਤ ਕਰਨਾ ਚਾਹੁੰਦੀ ਸੀ। ਸਿੱਟੇ ਵਜੋਂ, ਰੋਹਿਤ ਸ਼ਰਮਾ ਦੇ ਭਵਿੱਖ ਬਾਰੇ ਸਵਾਲ ਉੱਠੇ। ਉਨ੍ਹਾਂ ਦੇ ਹਾਲੀਆ ਪ੍ਰਦਰਸ਼ਨ ਨੇ ਵੀ ਇਨ੍ਹਾਂ ਅਟਕਲਾਂ ਨੂੰ ਹਵਾ ਦਿੱਤੀ। ਇੰਗਲੈਂਡ ਵਿਰੁੱਧ ਚੱਲ ਰਹੀ ਇੱਕ ਰੋਜ਼ਾ ਲੜੀ ਦੇ ਪਹਿਲੇ ਦੋ ਮੈਚਾਂ ’ਚ, ਰੋਹਿਤ ਸਿਰਫ਼ 11 ਤੇ 26 ਦੌੜਾਂ ਹੀ ਬਣਾ ਸਕੇ ਹਨ। ਹਾਲਾਂਕਿ, ਰੋਹਿਤ ਸ਼ਰਮਾ ਪਹਿਲਾਂ ਹੀ ਜਨਤਕ ਤੌਰ ’ਤੇ ਕਹਿ ਚੁੱਕੇ ਹਨ ਕਿ ਉਨ੍ਹਾਂ ਦਾ ਟੀਚਾ 2027 ਇੱਕ ਰੋਜ਼ਾ ਵਿਸ਼ਵ ਕੱਪ ਤੱਕ ਭਾਰਤ ਲਈ ਖੇਡਣਾ ਹੈ। Rohit Sharma

ਸੀਰੀਜ਼ ਦਾ ਫੈਸਲਾ ਲਾਰਡਜ਼ ਵਾਲੇ ਮੈਚ ’ਚ

ਭਾਰਤ ਤੇ ਇੰਗਲੈਂਡ ਵਿਚਕਾਰ ਤਿੰਨ ਮੈਚਾਂ ਦੀ ਇੱਕ ਰੋਜ਼ਾ ਲੜੀ ਇਸ ਸਮੇਂ 1-1 ਨਾਲ ਬਰਾਬਰ ਹੈ। ਭਾਰਤ ਨੇ ਪਹਿਲਾ ਮੈਚ ਜਿੱਤਿਆ, ਜਦੋਂ ਕਿ ਇੰਗਲੈਂਡ ਨੇ ਦੂਜੇ ਇੱਕ ਰੋਜ਼ਾ ’ਚ ਵਾਪਸੀ ਕਰਕੇ ਲੜੀ ਬਰਾਬਰ ਕੀਤੀ। ਹੁਣ, ਐਤਵਾਰ ਨੂੰ ਇਤਿਹਾਸਕ ਲਾਰਡਜ਼ ਕ੍ਰਿਕੇਟ ਮੈਦਾਨ ’ਤੇ ਖੇਡਿਆ ਜਾਣ ਵਾਲਾ ਤੀਜਾ ਤੇ ਆਖਰੀ ਇੱਕ ਰੋਜ਼ਾ, ਲੜੀ ਦੇ ਜੇਤੂ ਦਾ ਫੈਸਲਾ ਕਰੇਗਾ। ਇਸ ਮੈਚ ਤੋਂ ਪਹਿਲਾਂ ਬੀਸੀਸੀਆਈ ਸਕੱਤਰ ਦੇ ਇੱਕ ਬਿਆਨ ਨੇ ਰੋਹਿਤ ਸ਼ਰਮਾ ਦੇ ਭਵਿੱਖ ਬਾਰੇ ਸਾਰੀਆਂ ਅਟਕਲਾਂ ਨੂੰ ਖਤਮ ਕਰ ਦਿੱਤਾ ਹੈ।

ਰਿਪੋਰਟਾਂ ਨੇ ਕੀਤਾ ਸੀ ਵੱਡਾ ਦਾਅਵਾ

ਪਹਿਲਾਂ, ਕਈ ਮੀਡੀਆ ਰਿਪੋਰਟਾਂ ’ਚ ਦਾਅਵਾ ਕੀਤਾ ਗਿਆ ਸੀ ਕਿ ਇੰਗਲੈਂਡ ਵਿਰੁੱਧ ਮੌਜੂਦਾ ਇੱਕ ਰੋਜ਼ਾ ਲੜੀ ਤੋਂ ਬਾਅਦ, ਭਾਰਤੀ ਚੋਣ ਕਮੇਟੀ 2027 ਇੱਕ ਰੋਜ਼ਾ ਵਿਸ਼ਵ ਕੱਪ ਨੂੰ ਧਿਆਨ ’ਚ ਰੱਖਦੇ ਹੋਏ ਇੱਕ ਨਵੀਂ ਟੀਮ ਬਣਾਉਣ ਦਾ ਇਰਾਦਾ ਰੱਖਦੀ ਹੈ। ਰਿਪੋਰਟਾਂ ਅਨੁਸਾਰ, ਚੋਣਕਾਰ ਹੁਣ ਨੌਜਵਾਨ ਖਿਡਾਰੀਆਂ ਨੂੰ ਵਧੇਰੇ ਮੌਕੇ ਦੇਣ ਦੇ ਹੱਕ ’ਚ ਹਨ, ਤੇ ਇਸ ਲਈ, ਰੋਹਿਤ ਸ਼ਰਮਾ ਭਵਿੱਖ ਦੀਆਂ ਯੋਜਨਾਵਾਂ ਦਾ ਹਿੱਸਾ ਨਹੀਂ ਹੋ ਸਕਦੇ। ਕੁਝ ਰਿਪੋਰਟਾਂ ’ਚ ਇਹ ਵੀ ਕਿਹਾ ਗਿਆ ਹੈ ਕਿ ਚੋਣਕਾਰਾਂ ਨੇ ਮੁੱਖ ਕੋਚ ਗੌਤਮ ਗੰਭੀਰ ਦੀ ਮੌਜ਼ੂਦਗੀ ’ਚ ਰੋਹਿਤ ਸ਼ਰਮਾ ਦੇ ਭਵਿੱਖ ਬਾਰੇ ਉਨ੍ਹਾਂ ਨਾਲ ਚਰਚਾ ਕੀਤੀ।

ਹਾਲੀਆ ਫਾਰਮ ਬਾਰੇ ਚੁੱਕੇ ਗਏ ਸਵਾਲ

ਰੋਹਿਤ ਸ਼ਰਮਾ ਦਾ ਹਾਲੀਆ ਇੱਕ ਰੋਜ਼ਾ ਪ੍ਰਦਰਸ਼ਨ ਵੀ ਚਰਚਾ ਦਾ ਵਿਸ਼ਾ ਰਿਹਾ ਹੈ। ਉਸਨੇ ਆਪਣੇ ਪਿਛਲੇ ਅੱਠ ਇੱਕ ਰੋਜ਼ਾ ਮੈਚਾਂ ’ਚ 241 ਦੌੜਾਂ ਬਣਾਈਆਂ ਹਨ। ਇਸ ਸਮੇਂ ਦੌਰਾਨ, ਉਸਦੀ ਔਸਤ 30.1 ਹੈ ਤੇ ਸਟ੍ਰਾਈਕ ਰੇਟ 88.6 ਹੈ, ਜਦੋਂ ਕਿ ਉਸਨੇ ਸਿਰਫ ਇੱਕ ਅਰਧ ਸੈਂਕੜਾ ਬਣਾਇਆ ਹੈ। ਉਹ ਕਾਰਡਿਫ ’ਚ ਖੇਡੇ ਗਏ ਦੂਜੇ ਇੱਕ ਰੋਜ਼ਾ ’ਚ 47 ਗੇਂਦਾਂ ’ਚ 26 ਦੌੜਾਂ ਬਣਾ ਕੇ ਵੱਡੀ ਪਾਰੀ ਵੀ ਨਹੀਂ ਖੇਡ ਸਕੇ ਸਨ।

ਸ਼ਾਨਦਾਰ ਰਿਹਾ ਹੈ ਰੋਹਿਤ ਸ਼ਰਮਾ ਦਾ ਕਰੀਅਰ

ਰੋਹਿਤ ਸ਼ਰਮਾ ਨੂੰ ਭਾਰਤੀ ਕ੍ਰਿਕੇਟ ਦੇ ਸਭ ਤੋਂ ਸਫਲ ਓਪਨਿੰਗ ਬੱਲੇਬਾਜ਼ਾਂ ’ਚੋਂ ਇੱਕ ਮੰਨਿਆ ਜਾਂਦਾ ਹੈ। ਉਨ੍ਹਾਂ ਹੁਣ ਤੱਕ 286 ਇੱਕ ਰੋਜ਼ਾ ਮੈਚਾਂ ’ਚ 11,731 ਦੌੜਾਂ ਬਣਾਈਆਂ ਹਨ। ਇਸ ਸਮੇਂ ਦੌਰਾਨ, ਉਸਨੇ ਕਈ ਮਹੱਤਵਪੂਰਨ ਰਿਕਾਰਡ ਬਣਾਏ ਹਨ, ਜਿਸ ’ਚ ਇੱਕ ਰੋਜ਼ਾ ਕ੍ਰਿਕੇਟ ’ਚ ਤਿੰਨ ਦੋਹਰੇ ਸੈਂਕੜੇ ਲਾਉਣ ਦਾ ਵਿਲੱਖਣ ਕਾਰਨਾਮਾ ਸ਼ਾਮਲ ਹੈ। ਕਪਤਾਨ ਦੇ ਤੌਰ ’ਤੇ, ਉਸਨੇ ਭਾਰਤ ਨੂੰ 2023 ਦੇ ਇੱਕ ਰੋਜ਼ਾ ਵਿਸ਼ਵ ਕੱਪ ਦੇ ਫਾਈਨਲ ’ਚ ਪਹੁੰਚਾਇਆ ਤੇ 2025 ਦੀ ਚੈਂਪੀਅਨਜ਼ ਟਰਾਫੀ ਦੇ ਖਿਤਾਬ ਤੱਕ ਵੀ ਪਹੁੰਚਾਇਆ। ਉਨ੍ਹਾਂ ਨੇ ਮਈ 2025 ’ਚ ਟੈਸਟ ਕ੍ਰਿਕੇਟ ਤੋਂ ਸੰਨਿਆਸ ਲਿਆ ਸੀ।

ਮੈਂ ਸਿਰਫ਼ 2027 ਦਾ ਇੱਕ ਰੋਜ਼ਾ ਵਿਸ਼ਵ ਕੱਪ ਨਹੀਂ ਖੇਡਣਾ ਚਾਹੁੰਦਾ, ਮੈਂ ਦੇਸ਼ ਲਈ ਜਿੱਤਣਾ ਚਾਹੁੰਦਾ ਹਾਂ : ਰੋਹਿਤ ਸ਼ਰਮਾ

Rohit Sharma Retirement: ਨਵੀਂ ਦਿੱਲੀ, (ਆਈਏਐਨਐਸ)। ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਕਪਤਾਨ ਰੋਹਿਤ ਸ਼ਰਮਾ ਨੇ ਆਪਣੀ ਕਪਤਾਨੀ ਹੇਠ ਟੀਮ ਇੰਡੀਆ ਨੂੰ ਟੀ-20 ਵਿਸ਼ਵ ਕੱਪ 2024 ਅਤੇ ਚੈਂਪੀਅਨਜ਼ ਟਰਾਫੀ 2025 ਵਿੱਚ ਜਿੱਤਾਇਆ, ਪਰ 2023 ਦਾ ਵਿਸ਼ਵ ਕੱਪ ਨਾ ਜਿੱਤਣ ਦਾ ਦਰਦ ਅਜੇ ਵੀ ਉਸਦੇ ਦਿਲ ਵਿੱਚ ਰਹਿੰਦਾ ਹੈ। ਉਸ ਦਰਦ ਨੂੰ ਮਿਟਾਉਣ ਲਈ, ਰੋਹਿਤ ਅਗਲਾ ਇੱਕ ਰੋਜ਼ਾ ਵਿਸ਼ਵ ਕੱਪ ਖੇਡਣ ਅਤੇ ਜਿੱਤਣ ਲਈ ਦ੍ਰਿੜ ਹੈ।

ਬੁੱਧਵਾਰ ਨੂੰ ਇੱਕ ਆਈਸੀਸੀ ਸਮਾਗਮ ਵਿੱਚ ਬੋਲਦੇ ਹੋਏ, ਰੋਹਿਤ ਸ਼ਰਮਾ ਨੇ ਕਿਹਾ, “ਮੈਂ ਸਿਰਫ਼ 2027 ਦਾ ਇੱਕ ਰੋਜ਼ਾ ਵਿਸ਼ਵ ਕੱਪ ਨਹੀਂ ਖੇਡਣਾ ਚਾਹੁੰਦਾ, ਸਗੋਂ ਮੈਂ ਉਸ ਟਰਾਫੀ ਨੂੰ ਚੁੱਕਣ ਲਈ ਬੇਤਾਬ ਹਾਂ ਜੋ ਭਾਰਤ 2023 ਵਿੱਚ ਅਹਿਮਦਾਬਾਦ ਵਿੱਚ ਫਾਈਨਲ ਵਿੱਚ ਆਸਟ੍ਰੇਲੀਆ ਤੋਂ ਹਾਰ ਗਿਆ ਸੀ।” ਸਾਬਕਾ ਕਪਤਾਨ ਨੇ ਕਿਹਾ, “ਮੈਂ 50 ਓਵਰਾਂ ਦਾ ਵਿਸ਼ਵ ਕੱਪ ਦੇਖਦੇ ਹੋਏ ਵੱਡਾ ਹੋਇਆ ਹਾਂ। ਉਸ ਸਮੇਂ, ਕੋਈ ਟੀ-20 ਵਿਸ਼ਵ ਕੱਪ ਨਹੀਂ ਸੀ, ਕੋਈ ਆਈਪੀਐਲ ਨਹੀਂ ਸੀ।” ਇਹ ਕ੍ਰਿਕਟ ਦਾ ਸਭ ਤੋਂ ਉੱਚਾ ਪੱਧਰ ਸੀ, ਜੋ ਹਰ ਚਾਰ ਸਾਲਾਂ ਬਾਅਦ ਹੁੰਦਾ ਸੀ। ਇਸ ਲਈ, ਬੇਸਬਰੀ ਸੀ। ਉਸ ਇੱਕ ਟਰਾਫੀ ਦੇ ਆਲੇ-ਦੁਆਲੇ ਬਹੁਤ ਜ਼ਿਆਦਾ ਭਾਰ ਸੀ। ਮੈਂ ਸੱਚਮੁੱਚ ਉਹ ਟਰਾਫੀ ਚਾਹੁੰਦਾ ਹਾਂ, ਇਸ ਲਈ ਮੈਂ ਸਖ਼ਤ ਮਿਹਨਤ ਕਰਾਂਗਾ ਅਤੇ ਇਸਨੂੰ ਪ੍ਰਾਪਤ ਕਰਨ ਲਈ ਆਪਣੀ ਸ਼ਕਤੀ ਅਤੇ ਯੋਗਤਾ ਵਿੱਚ ਸਭ ਕੁਝ ਕਰਾਂਗਾ।

ਇਹ ਵੀ ਪੜ੍ਹੋ: PM Kisan Yojana 22nd Kisht: ਪੀਐਮ ਕਿਸਾਨ ਦੀ 22ਵੀਂ ਕਿਸ਼ਤ ਤੋਂ ਪਹਿਲਾਂ ਸਰਕਾਰ ਦਾ ਅਪਡੇਟ, ਇਸ ਤਰ੍ਹਾਂ ਮਿਲਦੇ ਹਨ 2…

ਮੈਂ ਉੱਥੇ ਜਾਣਾ ਚਾਹੁੰਦਾ ਹਾਂ ਅਤੇ ਆਪਣੇ ਦੇਸ਼ ਲਈ ਵਿਸ਼ਵ ਕੱਪ ਜਿੱਤਣਾ ਚਾਹੁੰਦਾ ਹਾਂ।” ਟੀ-20 ਅਤੇ ਟੈਸਟ ਕ੍ਰਿਕਟ ਤੋਂ ਸੰਨਿਆਸ ਲੈ ਚੁੱਕੇ ਰੋਹਿਤ ਸ਼ਰਮਾ ਨੂੰ ਆਪਣੀ ਉਮਰ ਅਤੇ ਤੰਦਰੁਸਤੀ ਕਾਰਨ 2027 ਵਿਸ਼ਵ ਕੱਪ ਵਿੱਚ ਆਪਣੀ ਭਾਗੀਦਾਰੀ ਬਾਰੇ ਸ਼ੱਕ ਸੀ। ਪਿਛਲੇ ਛੇ ਮਹੀਨਿਆਂ ਵਿੱਚ, ਰੋਹਿਤ ਨੇ ਆਪਣੀ ਤੰਦਰੁਸਤੀ ‘ਤੇ ਕੰਮ ਕੀਤਾ ਹੈ ਅਤੇ ਭਾਰ ਘਟਾਇਆ ਹੈ। ਉਸਦੀ ਬੱਲੇਬਾਜ਼ੀ ਵਿੱਚ ਵੀ ਮਹੱਤਵਪੂਰਨ ਬਦਲਾਅ ਆਏ ਹਨ। ਜਿੱਥੇ ਉਸਦੀ ਬੱਲੇਬਾਜ਼ੀ ਨੇ ਨਿਊਜ਼ੀਲੈਂਡ ਵਿਰੁੱਧ ਲੜੀ ਵਿੱਚ ਚੰਗਾ ਪ੍ਰਦਰਸ਼ਨ ਨਹੀਂ ਕੀਤਾ, ਉੱਥੇ ਉਸਨੇ ਆਸਟ੍ਰੇਲੀਆ ਅਤੇ ਦੱਖਣੀ ਅਫਰੀਕਾ ਵਿਰੁੱਧ ਆਪਣੀ ਬੱਲੇਬਾਜ਼ੀ ਨਾਲ ਪ੍ਰਭਾਵਿਤ ਕੀਤਾ। ਰੋਹਿਤ ਦਾ ਫਿਟਨੈਸ ਅਤੇ ਫਾਰਮ ‘ਤੇ ਧਿਆਨ 2027 ਵਿਸ਼ਵ ਕੱਪ ਪ੍ਰਤੀ ਉਸਦੀ ਸਮਰਪਣ ਦੀ ਗੱਲ ਕਰਦਾ ਹੈ। ਅੱਜ ਵਨਡੇ ਫਾਰਮੈਟ ਵਿੱਚ ਸਭ ਤੋਂ ਵਧੀਆ ਓਪਨਿੰਗ ਬੱਲੇਬਾਜ਼ਾਂ ਵਿੱਚੋਂ ਇੱਕ, ਰੋਹਿਤ ਸ਼ਰਮਾ ਨੇ 282 ਵਨਡੇ ਮੈਚਾਂ ਵਿੱਚ 274 ਪਾਰੀਆਂ ਵਿੱਚ 11,577 ਦੌੜਾਂ ਬਣਾਈਆਂ ਹਨ, ਜਿਸ ਵਿੱਚ 33 ਸੈਂਕੜੇ ਅਤੇ 61 ਅਰਧ ਸੈਂਕੜੇ ਸ਼ਾਮਲ ਹਨ।

ਟੀ20 ਕ੍ਰਿਕੇਟ ਤੋਂ ਰੋਹਿਤ ਸ਼ਰਮਾ ਲੈ ਚੁੱਕੇ ਹਨ ਸੰਨਿਆਸ | Rohit Sharma

• 29 ਜੂਨ 2024 ’ਚ ਟੀ20 ਵਿਸ਼ਵ ਕੱਪ ਜਿੱਤਣ ਤੋਂ ਬਾਅਦ ਬਾਰਬਾਡੋਸ ’ਚ ਕੀਤਾ ਸੀ ਸੰਨਿਆਸ ਦਾ ਐਲਾਨ
• ਰੋਹਿਤ ਸ਼ਰਮਾ ਦੀ ਕਪਤਾਨੀ ’ਤੇ ਜੈ ਸ਼ਾਹ ਨੇ ਦਿੱਤਾ ਸੀ ਬਿਆਨ

ਸਪੋਰਟਸ ਡੈਸਕ। ਟੀ20 ਵਿਸ਼ਵ ਕੱਪ ਜਿੱਤਣ ਤੋਂ ਬਾਅਦ ਟੀ20 ਤੋਂ ਸੰਨਿਆਸ ਦਾ ਐਲਾਨ ਕਰ ਚੁੱਕੇ ਰੋਹਿਤ ਸ਼ਰਮਾ ਨੇ ਟੈਸਟ ਕ੍ਰਿਕੇਟ ਤੇ ਇੱਕਰੋਜ਼ਾ ’ਚ ਖੇਡਣ ਨੂੰ ਲੈ ਕੇ ਆਪਣੀਆਂ ਯੋਜਨਾਵਾਂ ਦਾ ਖੁੱਲਾਸਾ ਕੀਤਾ ਹੈ। ਰੋਹਿਤ ਨੇ ਐਤਵਾਰ ਨੂੰ ਇੱਕ ਪ੍ਰੋਗਰਾਮ ’ਚ ਕਿਹਾ, ‘ਮੈਨੂੰ ਘੱਟ ਤੋਂ ਘੱਟ ਕੁਝ ਸਮੇਂ ਲਈ ਖੇਡਦੇ ਹੋਏ ਦੇਖਣਗੇ’। ਇਸ ਤੋਂ ਪਹਿਲਾਂ ਬੀਸੀਸੀਆਈ ਦੇ ਮੈਂਬਰ ਜੈ ਸ਼ਾਹ ਨੇ ਟੀ20 ਵਿਸ਼ਵ ਕੱਪ ਜਿੱਤਣ ਤੋਂ ਬਾਅਦ ਟੀਮ ਇੰਡੀਆ ਨੂੰ ਵਧਾਈ ਦਿੱਤੀ ਤੇ ਵੀਡੀਓ ਸੰਦੇਸ਼ ਜਾਰੀ ਕੀਤਾ ਸੀ ਤੇ ਕਿਹਾ ਸੀ ਕਿ ਰੋਹਿਤ ਸ਼ਰਮਾ ਦੀ ਕਪਤਾਨੀ ’ਚ ਭਾਰਤੀ ਟੀਮ ਚੈਂਪੀਅਨਜ਼ ਟਰਾਫੀ ਤੇ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਫਾਈਨਲ ਖੇਡੇਗੀ।

ਰੋਹਿਤ ਦੀ ਕਪਤਾਨੀ ’ਚ ਭਾਰਤ ਨੇ 17 ਸਾਲਾਂ ਬਾਅਦ ਜਿੱਤਿਆ ਟੀ20 ਵਿਸ਼ਵ ਕੱਪ

ਭਾਰਤ ਨੇ ਰੋਹਿਤ ਸ਼ਰਮਾ ਦੀ ਕਪਤਾਨੀ ’ਚ ਪਿੱਛਲੇ ਮਹੀਨੇ ਹੀ ਵੈਸਟਇੰਡੀਜ਼ ’ਚ ਖੇਡੇ ਗਏ ਟੀ20 ਵਿਸ਼ਵ ਕੱਪ ਦੇ ਫਾਈਨਲ ’ਚ ਦੱਖਣੀ ਅਫਰੀਕਾ ਨੂੰ 7 ਦੌੜਾਂ ਨਾਲ ਹਰਾ ਕੇ ਖਿਤਾਬ ਜਿੱਤਿਆ ਹੈ। ਭਾਰਤ ਨੇ 17 ਸਾਲਾਂ ਬਾਅਦ ਟੀ20 ਵਿਸ਼ਵ ਕੱਪ ਜਿੱਤਿਆ ਹੈ। ਇਸ ਤੋਂ ਪਹਿਲਾਂ ਭਾਰਤ ਨੇ 2007 ’ਚ ਪਹਿਲਾ ਟੀ20 ਵਿਸ਼ਵ ਕੱਪ ਖਿਤਾਬ ਆਪਣੇ ਨਾਂਅ ਕੀਤਾ ਸੀ। ਉਸ ਸਮੇਂ ਭਾਰਤੀ ਟੀਮ ਦੇ ਕਪਤਾਨ ਮਹਿੰਦਰ ਸਿੰਘ ਧੋਨੀ ਸਨ। (Rohit Sharma)

Read This : ਭਾਰਤ ਨੇ ਜ਼ਿੰਬਾਬਵੇ ਨੂੰ ਦਿੱਤਾ 168 ਦੌੜਾਂ ਚੁਣੌਤੀਪੂਰਨ ਟੀਚਾ

ਰੋਹਿਤ ਸ਼ਰਮਾ ਦੀ ਟੀ20 ਕਪਤਾਨੀ ’ਚ ਭਾਰਤੀ ਟੀਮ | Rohit Sharma

ਰੋਹਿਤ ਸ਼ਰਮਾ ਦੀ ਟੀ20 ਕਪਤਾਨੀ ’ਚ ਭਾਰਤੀ ਟੀਮ ਨੇ ਬਹੁਤ ਵਧੀਆ ਪ੍ਰਦਰਸ਼ਨ ਕੀਤਾ ਹੈ। ਭਾਰਤੀ ਟੀਮ ਨੇ ਰੋਹਿਤ ਦੀ ਕਪਤਾਨੀ ’ਚ ਕੁੱਲ 62 ਟੀ20 ਮੈਚ ਖੇਡੇ ਹਨ। ਜਿਸ ਵਿੱਚ ਭਾਰਤ ਨੇ 50 ਮੈਚਾਂ ’ਚ ਜਿੱਤ ਹਾਸਲ ਕੀਤੀ ਤੇ 12 ਮੈਚਾਂ ’ਚ ਭਾਰਤ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਬਾਕੀ ਟੀ20 ਵਿਸ਼ਵ ਕੱਪ ’ਚ ਭਾਰਤੀ ਟੀਮ ਨੇ ਰੋਹਿਤ ਦੀ ਕਪਤਾਨੀ ’ਚ 14 ਮੈਚ ਖੇਡੇ ਹਨ, ਜਿਸ ਵਿੱਚ ਭਾਰਤੀ ਟੀਮ ਨੇ 12 ਮੈਚਾਂ ’ਚ ਜਿੱਤ ਹਾਸਲ ਕੀਤੀ ਹੈ, ਜਦਕਿ ਦੋ ਮੈਚਾਂ ’ਚ ਭਾਰਤੀ ਟੀਮ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਇਹ ਦੋ ਹਾਰੇ ਹੋਏ ਮੈ ਭਾਰਤੀ ਟੀਮ ਨੂੰ ਪਿੱਛਲੇ ਟੀ20 ਵਿਸ਼ਵ ਕੱਪ 2022 ’ਚ ਹੋਏ ਸਨ, ਪਹਿਲਾਂ ਭਾਰਤੀ ਟੀਮ ਨੂੰ ਦੱਖਣੀ ਅਫਰੀਕਾ ਨੇ ਹਰਾਇਆ ਸੀ ਤੇ ਬਾਅਦ ’ਚ ਫਿਰ ਸੈਮੀਫਾਈਨਲ ’ਚ ਇੰਗਲੈਂਡ ਨੇ ਭਾਰਤੀ ਟੀਮ ਨੂੰ ਹਰਾਇਆ ਸੀ। (Rohit Sharma)

ਵਿਸ਼ਵ ਕੱਪ ਤੋਂ ਬਾਅਦ ਰੋਹਿਤ ਬ੍ਰੇਕ ’ਤੇ | Rohit Sharma

ਰੋਹਿਤ ਸ਼ਰਮਾ ਟੀ20 ਵਿਸ਼ਵ ਕੱਪ ਤੋਂ ਬਾਅਦ ਬ੍ਰੇਕ ’ਤੇ ਹਨ। ਉਹ ਸ਼੍ਰੀਲੰਕਾ ’ਚ ਹੋਣ ਵਾਲੀ ਇਸ ਮਹੀਨੇ ਦੇ ਆਖਿਰੀ ’ਚ ਇੱਕਰੋਜ਼ਾ ਸੀਰੀਜ਼ ਤੋਂ ਵੀ ਬਾਹਰ ਰਹਿ ਸਕਦੇ ਹਨ। (Rohit Sharma)

ਇੱਕਰੋਜ਼ਾ ਫਾਰਮੈਟ ’ਚ ਖੇਡੀ ਜਾਵੇਗੀ ਚੈਂਪੀਅਨਜ਼ ਟਰਾਫੀ | Rohit Sharma

ਇੱਕਰੋਜ਼ਾ ਦੇ ਫਾਰਮੈਟ ’ਚ ਖੇਡੀ ਜਾਣ ਵਾਲੀ ਚੈਂਪੀਅਨਜ਼ ਟਰਾਫੀ ਅਗਲੇ ਸਾਲ 2025 ਦੇ ਸ਼ੁਰੂ ’ਚ ਖੇਡੀ ਜਾਵੇਗੀ। ਇਸ ਚੈਂਪੀਅਨਜ਼ ਟਰਾਫੀ ਦੀ ਮੇਜ਼ਬਾਨੀ ਪਾਕਿਸਤਾਨੀ ਕਰੇਗਾ। ਇਹ ਚੈਂਪੀਅਨਜ਼ ਟਰਾਫੀ 19 ਫਰਵਰੀ ਤੋਂ ਲੈ ਕੇ 9 ਮਾਰਚ ਤੱਕ ਹੋਵੇਗੀ। ਇਸ ਵਿੱਚ ਟਾਪ-8 ਟੀਮਾਂ ਹਿੱਸਾ ਲੈਣਗੀਆਂ। (Rohit Sharma)

ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਦਾ ਫਾਈਨਲ ਅਗਲੇ ਸਾਲ ਲਾਰਡਸ ’ਚ | Rohit Sharma

ਉਧਰ, ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਦਾ ਫਾਈਨਲ ਲੰਡਨ ਦੇ ਲਾਰਡਸ ਮੈਦਾਨ ’ਤੇ ਖੇਡਿਆ ਜਾਣਾ ਹੈ। ਇਸ ਵਿੱਚ ਜੂਨ 2023 ਤੋਂ ਜੂਨ 2025 ਵਿਚਕਾਰ ਆਈਸੀਸੀ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਤਹਿਤ ਖੇਡੇ ਗਏ ਟੈਸਟ ਮੈਚਾਂ ’ਚ ਟਾਪ-2 ਟੀਮਾਂ ਫਾਈਨਲ ’ਚ ਆਹਮੋ-ਸਾਹਮਣੇ ਹੋਣਗੀਆਂ। ਟੀਮ ਇੰਡੀਆ 68.51 ਅੰਕਾਂ ਨਾਲ ਪਹਿਲੇ ਨੰਬਰ ’ਤੇ ਹੈ। ਅਸਟਰੇਲੀਆ 62.50 ਅੰਕਾਂ ਨਾਲ ਦੂਜੇ ਨੰਬਰ ’ਤੇ ਹੈ। ਭਾਰਤੀ ਟੀਮ ਨੂੰ ਹੁਣ ਆਪਣੇ ਘਰ ’ਚ ਨਿਊਜੀਲੈਂਡ ਖਿਲਾਫ 3 ਟੈਸਟ ਮੈਚ ਤੇ ਬੰਗਲਾਦੇਸ਼ ਖਿਲਾਫ 2 ਟੈਸਟ ਮੈਚਾਂ ਦੀ ਸੀਰੀਜ਼ ਖੇਡਣੀ ਹੈ। ਘਰ ’ਚ ਪਿੱਛਲੀਆਂ 17 ਸੀਰੀਜ਼ਾਂ ਜਿੱਤ ਚੁੱਕੀ ਭਾਰਤੀ ਟੀਮ ਨੂੰ ਇਹ 2 ਸੀਰੀਜ਼ ਵੀ ਜਿੱਤਣ ਦੀ ਉਮੀਦ ਹੈ।

ਜੇਕਰ ਭਾਰਤ ਘਰ ’ਚ ਹੋਣ ਵਾਲੀਆਂ ਦੋਵੇਂ ਟੈਸਟ ਲੜੀਆਂ ਜਿੱਤ ਜਾਂਦਾ ਹੈ। ਤਾਂ ਸਾਲ ਦੇ ਅਖੀਰ ’ਚ ਅਸਟਰੇਲੀਆ ਖਿਲਾਫ 5 ਟੈਸਟ ਮੈਚਾਂ ਦੀ ਸੀਰੀਜ਼ ਹਾਰ ਕੇ ਵੀ ਟਾਪ ’ਤੇ ਰਹਿ ਸਕਦਾ ਹੈ। ਹਾਲਾਂਕਿ, ਭਾਰਤ ਅਸਟਰੇਲੀਆ ਖਿਲਾਫ ਪਿੱਛਲੇ 10 ਸਾਲਾਂ ਤੋਂ ਕੋਈ ਟੈਸਟ ਸੀਰੀਜ਼ ਨਹੀਂ ਹਾਰਿਆ ਹੈ। ਟੀਮ ਨੇ ਕੰਗਾਰੂਆਂ ਨੂੰ ਉਨ੍ਹਾਂ ਦੇ ਹੀ ਘਰ ’ਚ 2 ਵਾਰ ਤੇ ਆਪਣੇ ਘਰ ’ਚ ਵੀ 2 ਵਾਰ ਹਰਾਇਆ ਹੈ। ਨਾਲ ਹੀ ਅਸਟਰੇਲੀਆ ਨੂੰ ਹੁਣ ਆਪਣੇ ਘਰ ’ਚ ਭਾਰਤ ਤੋਂ 5 ਟੈਸਟ ਤੇ ਵਿਦੇਸ਼ਾਂ ’ਚ ਸ਼੍ਰੀਲੰਕਾ ਖਿਲਾਫ 2 ਟੈਸਟ ਮੈਚਾਂ ਦੀ ਸੀਰੀਜ਼ ਖੇਡਣੀ ਹੈ।

ਅਸਟਰੇਲੀਆ ਨੇ ਸ਼੍ਰੀਲੰਕਾ ’ਚ 8 ਵਿੱਚੋਂ 5 ਟੈਸਟ ਸੀਰੀਜ਼ ਜਿੱਤੀਆਂ ਹਨ। ਟੀਮ ਨੂੰ ਆਖਿਰੀ ਵਾਰ 2016 ’ਚ ਹਾਰ ਮਿਲੀ ਸੀ, ਅਜਿਹੇ ’ਚ ਕੰਗਾਰੂ ਟੀਮ ਹੀ ਜਿੱਤ ਦੀ ਹੱਕਦਾਰ ਹੈ। ਨਾਲ ਹੀ ਭਾਰਤ ਖਿਲਾਫ ਵੀ ਟੀਮ ਇਸ ਵਾਰ ਜ਼ਿਆਦਾ ਮਜ਼ਬੂਤ ਨਜ਼ਰ ਆ ਰਹੀ ਹੈ। ਆਖਿਰੀ 7 ਮੈਚਾਂ ’ਚ 4 ਟੈਸਟ ਜਿੱਤ ਕੇ ਵੀ ਟੀਮ ਟਾਪ-2 ’ਤੇ ਹੀ ਰਹੇਗੀ ਤੇ ਭਾਰਤੀ ਟੀਮ ਨਾਲ 2025 ’ਚ ਫਾਈਨਲ ਖੇਡੇਗੀ। ਜੇਕਸ ਅਸਟਰੇਲੀਆਈ ਟੀਮ ਹਾਰਦੀ ਹੈ ਤਾਂ ਉਹ ਨੰਬਰ ਤਿੰਨ ‘ਤੇ ਜਾਂਦੀ ਹੈ ਤਾਂ ਨਿਊਜੀਲੈਂਡ ਨੰਬਰ 2 ‘ਤੇ ਆ ਜਾਵੇਗੀ ਤਾਂ ਫਿਰ ਨਿਊਜੀਲੈਂਡ ਦਾ ਮੁਕਾਬਲਾ ਭਾਰਤੀ ਟੀਮ ਨਾਲ ਹੋਵੇਗਾ। (Rohit Sharma)