Weather News: ਜੈਪੁਰ (ਸੱਚ ਕਹੂੰ ਨਿਊਜ਼)। ਰਾਜਸਥਾਨ ’ਚ ਕੱਲ੍ਹ ਇੱਕ ਨਵਾਂ ਮੌਸਮ ਸਿਸਟਮ ਸਰਗਰਮ ਹੋ ਜਾਵੇਗਾ। ਇਸ ਕਾਰਨ 13 ਜ਼ਿਲ੍ਹਿਆਂ ਨੂੰ ਭਾਰੀ ਮੀਂਹ ਤੇ ਗਰਜ-ਤੂਫ਼ਾਨ ਲਈ ਅਲਰਟ ਕੀਤਾ ਗਿਆ ਹੈ। ਮੌਸਮ ਕੇਂਦਰ ਨੇ ਗੜੇਮਾਰੀ ਦੀ ਚੇਤਾਵਨੀ ਵੀ ਜਾਰੀ ਕੀਤੀ ਹੈ। ਪੱਛਮੀ ਗੜਬੜੀ ਕਾਰਨ ਸ਼ਨਿੱਚਰਵਾਰ ਨੂੰ ਮੌਸਮ ’ਚ ਕਾਫ਼ੀ ਬਦਲਾਅ ਆਇਆ। ਕਈ ਜ਼ਿਲ੍ਹਿਆਂ ’ਚ ਦੇਰ ਸ਼ਾਮ ਬੱਦਲ ਛਾਏ ਰਹੇ, ਤੇਜ਼ ਹਵਾਵਾਂ ਤੇ ਮੀਂਹ ਤੇ ਗੜੇਮਾਰੀ ਨਾਲ। ਉਦੈਪੁਰ ’ਚ 32 ਮਿਲੀਮੀਟਰ ਤੋਂ ਵੱਧ ਮੀਂਹ ਪਿਆ, ਜਿਸ ਨਾਲ ਕਿਸਾਨਾਂ ਨੂੰ ਕਾਫ਼ੀ ਨੁਕਸਾਨ ਹੋਇਆ। ਇਨ੍ਹਾਂ ਖੇਤਰਾਂ ’ਚ ਤਾਪਮਾਨ ਵੀ ਡਿੱਗਿਆ।

Read Also : Fazilka News: ਵਿਧਾਇਕ ਜਗਦੀਪ ਕੰਬੋਜ ਗੋਲਡੀ ਵੱਲੋਂ ਮੀਂਹ ਤੇ ਗੜੇਮਾਰੀ ਕਾਰਨ ਅਰਨੀਵਾਲਾ ਬਲਾਕ ਦੇ ਪਿੰਡਾਂ ਦਾ ਦੌਰਾ

ਇਨ੍ਹਾਂ ਜ਼ਿਲ੍ਹਿਆਂ ’ਚ ਮੀਂਹ

ਪਿਛਲੇ 24 ਘੰਟਿਆਂ ’ਚ ਜੈਪੁਰ, ਅਲਵਰ, ਭਰਤਪੁਰ, ਧੌਲਪੁਰ, ਦੌਸਾ, ਕਰੌਲੀ, ਬਾਰਨ, ਬੁੰਦੀ, ਕੋਟਾ, ਟੋਂਕ, ਝਾਲਾਵਾੜ, ਗੰਗਾਨਗਰ ਤੇ ਹਨੂੰਮਾਨਗੜ੍ਹ ’ਚ ਮੀਂਹ ਪਿਆ। ਸ਼ਨਿੱਚਰਵਾਰ ਨੂੰ ਬਾਰਨ, ਬੁੰਦੀ, ਦੌਸਾ, ਟੋਂਕ ਤੇ ਗੰਗਾਨਗਰ ’ਚ ਕਈ ਥਾਵਾਂ ’ਤੇ ਗੜੇਮਾਰੀ ਹੋਈ। ਸ਼ਨਿੱਚਰਵਾਰ ਨੂੰ ਸਭ ਤੋਂ ਵੱਧ ਮੀਂਹ ਉਦੈਪੁਰ ਦੇ ਕੋਟਾਡਾ ਖੇਤਰ ਵਿੱਚ 32 ਮਿਲੀਮੀਟਰ (1 ਇੰਚ ਤੋਂ ਵੱਧ) ਦਰਜ ਕੀਤਾ ਗਿਆ।

ਗਰਜ-ਤੂਫ਼ਾਨ, ਗੜੇਮਾਰੀ ਤੇ ਮੀਂਹ ਸਿਰਫ਼ ਦੁਪਹਿਰ ਵੇਲੇ ਹੀ ਕਿਉਂ?

ਜੈਪੁਰ ਮੌਸਮ ਵਿਗਿਆਨ ਕੇਂਦਰ ਦੇ ਨਿਰਦੇਸ਼ਕ ਰਾਧੇਸ਼ਿਆਮ ਸ਼ਰਮਾ ਨੇ ਕਿਹਾ ਕਿ ਗੜਬੜ ਪ੍ਰਣਾਲੀ ਦੇ ਸਰਗਰਮ ਹੋਣ ਤੋਂ ਬਾਅਦ, ਆਮ ਤੌਰ ’ਤੇ ਦੁਪਹਿਰ ਵੇਲੇ ਗਰਜ ਤੇ ਮੀਂਹ ਪੈਂਦਾ ਹੈ। ਦਿਨ ਵੇਲੇ ਵਧਦਾ ਤਾਪਮਾਨ ਇਸ ਪ੍ਰਣਾਲੀ ਨੂੰ ਊਰਜਾਵਾਨ ਬਣਾਉਂਦਾ ਹੈ, ਇਸ ਲਈ ਦੁਪਹਿਰ ਵੇਲੇ ਗੜੇ ਤੇ ਮੀਂਹ ਸ਼ੁਰੂ ਹੋ ਜਾਂਦੇ ਹਨ।

New Year Weather Forecast: ਜੈਪੁਰ, (ਆਈਏਐਨਐਸ)। ਰਾਜਸਥਾਨ ਵਿੱਚ ਨਵੇਂ ਸਾਲ ਦੀ ਸ਼ੁਰੂਆਤ ਠੰਢੀਆਂ ਹਵਾਵਾਂ ਅਤੇ ਹਲਕੀ ਬਾਰਿਸ਼ ਨਾਲ ਹੋਣ ਦੀ ਸੰਭਾਵਨਾ ਹੈ। ਭਾਰਤੀ ਮੌਸਮ ਵਿਭਾਗ (ਆਈਐਮਡੀ) ਨੇ ਰਾਜ ਦੇ ਕੁਝ ਹਿੱਸਿਆਂ ਵਿੱਚ ਹਲਕੀ ਬਾਰਿਸ਼ ਦੀ ਭਵਿੱਖਬਾਣੀ ਕੀਤੀ ਹੈ। ਆਈਐਮਡੀ ਦੇ ਅਨੁਸਾਰ, 31 ਦਸੰਬਰ ਅਤੇ 1 ਜਨਵਰੀ ਨੂੰ ਇੱਕ ਪੱਛਮੀ ਗੜਬੜ ਸਰਗਰਮ ਹੋਵੇਗੀ, ਜਿਸ ਨਾਲ ਉੱਤਰੀ ਅਤੇ ਪੱਛਮੀ ਰਾਜਸਥਾਨ ਵਿੱਚ ਹਲਕੀ ਬਾਰਿਸ਼ ਹੋਵੇਗੀ। ਮੁੱਖ ਤੌਰ ‘ਤੇ ਬੀਕਾਨੇਰ ਅਤੇ ਸ਼ੇਖਾਵਤੀ ਖੇਤਰ ਦੇ ਜ਼ਿਲ੍ਹਿਆਂ ਵਿੱਚ ਮੀਂਹ ਪੈਣ ਦੀ ਉਮੀਦ ਹੈ, ਜਿਸ ਵਿੱਚ ਬੀਕਾਨੇਰ, ਚੁਰੂ, ਸੀਕਰ, ਝੁੰਝੁਨੂ ਅਤੇ ਆਸ ਪਾਸ ਦੇ ਖੇਤਰ ਸ਼ਾਮਲ ਹਨ।

ਮੌਸਮ ਅਧਿਕਾਰੀਆਂ ਨੇ ਕਿਹਾ ਕਿ ਠੰਢੀਆਂ ਹਵਾਵਾਂ ਤੇਜ਼ ਹੋ ਸਕਦੀਆਂ ਹਨ, ਜਿਸ ਨਾਲ ਤਾਪਮਾਨ ਵਿੱਚ ਗਿਰਾਵਟ ਆ ਸਕਦੀ ਹੈ, ਜਦੋਂ ਕਿ ਜਨਵਰੀ ਦੇ ਪਹਿਲੇ ਹਫ਼ਤੇ ਕੁਝ ਖੇਤਰਾਂ ਵਿੱਚ ਸੰਘਣੀ ਧੁੰਦ ਵੀ ਰਹਿਣ ਦੀ ਸੰਭਾਵਨਾ ਹੈ। ਜੈਪੁਰ ਮੌਸਮ ਵਿਗਿਆਨ ਕੇਂਦਰ ਦੇ ਨਿਰਦੇਸ਼ਕ ਰਾਧੇਸ਼ਿਆਮ ਸ਼ਰਮਾ ਨੇ ਕਿਹਾ ਕਿ ਇੱਕ ਨਵੀਂ ਅਤੇ ਮਜ਼ਬੂਤ ਪੱਛਮੀ ਗੜਬੜੀ ਦੇ ਸਰਗਰਮ ਹੋਣ ਕਾਰਨ, 31 ਦਸੰਬਰ ਅਤੇ 1 ਜਨਵਰੀ ਨੂੰ ਬੀਕਾਨੇਰ ਡਿਵੀਜ਼ਨ ਅਤੇ ਸ਼ੇਖਾਵਤੀ ਖੇਤਰ ਦੇ ਕੁਝ ਹਿੱਸਿਆਂ ਵਿੱਚ ਬੱਦਲਵਾਈ ਰਹਿਣ ਦੀ ਸੰਭਾਵਨਾ ਹੈ। ਉਨ੍ਹਾਂ ਕਿਹਾ ਕਿ ਕੁਝ ਥਾਵਾਂ ‘ਤੇ ਹਲਕੀ ਬਾਰਿਸ਼ ਜਾਂ ਬੂੰਦਾਬਾਂਦੀ ਹੋ ਸਕਦੀ ਹੈ। 31 ਦਸੰਬਰ ਨੂੰ ਬੀਕਾਨੇਰ, ਸ਼੍ਰੀਗੰਗਾਨਗਰ, ਹਨੂੰਮਾਨਗੜ੍ਹ, ਚੁਰੂ, ਝੁੰਝੁਨੂ ਅਤੇ ਸੀਕਰ ਜ਼ਿਲ੍ਹਿਆਂ ਵਿੱਚ ਬੱਦਲਵਾਈ ਰਹਿਣ ਦੀ ਉਮੀਦ ਹੈ।

ਇਹ ਵੀ ਪੜ੍ਹੋ: Punjab Cabinet Meeting: ਪੰਜਾਬ ਕੈਬਨਿਟ ਮੀਟਿੰਗ ’ਚ ਲਿਆ ਗਿਆ ਅਹਿਮ ਫੈਸਲਾ, ਤੁਸੀਂ ਵੀ ਪੜ੍ਹੋ…

ਨਵੇਂ ਸਾਲ ਦੀ ਸ਼ੁਰੂਆਤ ‘ਤੇ ਸ਼੍ਰੀਗੰਗਾਨਗਰ, ਹਨੂੰਮਾਨਗੜ੍ਹ, ਚੁਰੂ, ਝੁੰਝੁਨੂ ਅਤੇ ਅਲਵਰ ਵਿੱਚ ਬੱਦਲਵਾਈ ਰਹਿਣ ਦੀ ਉਮੀਦ ਹੈ, ਕੁਝ ਖੇਤਰਾਂ ਵਿੱਚ ਹਲਕੀ ਬਾਰਿਸ਼ ਜਾਂ ਬੂੰਦਾਬਾਂਦੀ ਸੰਭਵ ਹੈ। ਇਸ ਦੌਰਾਨ, ਰਾਜ ਭਰ ਵਿੱਚ ਰਾਤ ਦੇ ਤਾਪਮਾਨ ਵਿੱਚ ਤੇਜ਼ੀ ਨਾਲ ਗਿਰਾਵਟ ਆਈ ਹੈ। ਐਤਵਾਰ ਨੂੰ, 23 ਸ਼ਹਿਰਾਂ ਵਿੱਚ ਘੱਟੋ-ਘੱਟ ਤਾਪਮਾਨ 10 ਡਿਗਰੀ ਸੈਲਸੀਅਸ ਤੋਂ ਘੱਟ ਦਰਜ ਕੀਤਾ ਗਿਆ, ਜਦੋਂ ਕਿ ਸੱਤ ਸ਼ਹਿਰਾਂ ਵਿੱਚ 5 ਡਿਗਰੀ ਸੈਲਸੀਅਸ ਤੋਂ ਘੱਟ ਦਰਜ ਕੀਤਾ ਗਿਆ।

ਰਾਜ ਦੇ ਕਈ ਸ਼ਹਿਰਾਂ, ਜਿਨ੍ਹਾਂ ਵਿੱਚ ਮਾਊਂਟ ਆਬੂ, ਫਤਿਹਪੁਰ, ਕਰੌਲੀ, ਦੌਸਾ, ਪਾਲੀ ਅਤੇ ਸੀਕਰ ਸ਼ਾਮਲ ਹਨ, ਵਿੱਚ ਇੱਕ ਅੰਕ ਦਾ ਤਾਪਮਾਨ ਦਰਜ ਕੀਤਾ ਗਿਆ। ਪਾਲੀ ਵਿੱਚ ਘੱਟੋ-ਘੱਟ ਤਾਪਮਾਨ 3.6 ਡਿਗਰੀ ਸੈਲਸੀਅਸ, ਸੀਕਰ ਵਿੱਚ 5.0 ਡਿਗਰੀ ਸੈਲਸੀਅਸ, ਚੁਰੂ ਵਿੱਚ 6.3 ਡਿਗਰੀ ਸੈਲਸੀਅਸ, ਲੂੰਕਰਨਸਰ ਵਿੱਚ 7.2 ਡਿਗਰੀ ਸੈਲਸੀਅਸ, ਅਲਵਰ ਵਿੱਚ 4.8 ਡਿਗਰੀ ਸੈਲਸੀਅਸ, ਜੈਪੁਰ ਵਿੱਚ 8.5 ਡਿਗਰੀ ਸੈਲਸੀਅਸ, ਅਜਮੇਰ ਵਿੱਚ 9.7 ਡਿਗਰੀ ਸੈਲਸੀਅਸ ਅਤੇ ਕੋਟਾ ਵਿੱਚ 11.1 ਡਿਗਰੀ ਸੈਲਸੀਅਸ ਰਿਹਾ। ਆਈਐਮਡੀ ਨੇ ਕਿਹਾ ਕਿ ਅਗਲੇ ਤਿੰਨ ਤੋਂ ਚਾਰ ਦਿਨਾਂ ਤੱਕ ਘੱਟੋ-ਘੱਟ ਤਾਪਮਾਨ ਆਮ ਦੇ ਆਸ-ਪਾਸ ਰਹਿਣ ਦੀ ਉਮੀਦ ਹੈ, ਪਰ ਠੰਢੀਆਂ ਹਵਾਵਾਂ ਠੰਢ ਦਾ ਕਾਰਨ ਬਣਦੀਆਂ ਰਹਿਣਗੀਆਂ। New Year Weather Forecast

Rajasthan Weather Update: ਬੀਕਾਨੇਰ (ਸੱਚ ਕਹੂੰ ਨਿਊਜ਼)। ਮੌਸਮ ਵਿਭਾਗ ਵੱਲੋਂ ਆਉਣ ਵਾਲੇ ਦਿਨਾਂ ’ਚ ਤਾਪਮਾਨ ’ਚ ਗਿਰਾਵਟ ਦੀ ਭਵਿੱਖਬਾਣੀ ਦੇ ਮੱਦੇਨਜ਼ਰ ਖੇਤੀਬਾੜੀ ਵਿਭਾਗ ਨੇ ਕਿਸਾਨਾਂ ਲਈ ਐਡਵਾਈਜ਼ਰੀ ਜਾਰੀ ਕੀਤੀ ਹੈ। ਖੇਤੀਬਾੜੀ ਵਿਭਾਗ ਦੇ ਸੰਯੁਕਤ ਡਾਇਰੈਕਟਰ ਕੈਲਾਸ਼ ਬਿਸ਼ਨੋਈ ਨੇ ਦੱਸਿਆ ਕਿ ਮੌਸਮ ਵਿਭਾਗ ਨੇ ਤਾਪਮਾਨ ’ਚ ਗਿਰਾਵਟ ਦੀ ਸੰਭਾਵਨਾ ਜਤਾਈ ਹੈ, ਇਸ ਦੇ ਮੱਦੇਨਜ਼ਰ ਸਰ੍ਹੋਂ, ਛੋਲੇ, ਕਣਕ, ਬਾਗਬਾਨੀ ਸਬਜ਼ੀਆਂ ਤੇ ਸਬਜ਼ੀਆਂ ਨੂੰ ਠੰਢ ਨਾਲ ਨੁਕਸਾਨ ਹੋ ਸਕਦਾ ਹੈ। ਸਰਦੀਆਂ ਦੇ ਮੌਸਮ ’ਚ, ਜਿਸ ਦਿਨ ਦੁਪਹਿਰ ਤੋਂ ਪਹਿਲਾਂ ਠੰਢੀਆਂ ਹਵਾਵਾਂ ਚੱਲਦੀਆਂ ਹਨ ਤੇ ਹਵਾ ਦਾ ਤਾਪਮਾਨ ਬਹੁਤ ਘੱਟ ਹੋਣਾ ਸ਼ੁਰੂ ਹੋ ਜਾਂਦਾ ਹੈ ਤੇ ਦੁਪਹਿਰ ਤੋਂ ਬਾਅਦ ਅਚਾਨਕ ਹਵਾ ਚੱਲਣੀ ਬੰਦ ਹੋ ਜਾਂਦੀ ਹੈ, ਤਾਂ ਠੰਡ ਦੀ ਸੰਭਾਵਨਾ ਵੱਧ ਜਾਂਦੀ ਹੈ। ਠੰਢ ਕਾਰਨ, ਪੌਦੇ ਦੇ ਸੈੱਲਾਂ ’ਚ ਮੌਜੂਦ ਪਾਣੀ ਦੇ ਜੰਮਣ ਨਾਲ ਸੈੱਲ ਦੀਵਾਰ ਫਟ ਜਾਂਦੀ ਹੈ, ਜਿਸ ਕਾਰਨ ਪੌਦੇ ਦੇ ਪੱਤੇ, ਟਹਿਣੀਆਂ, ਫੁੱਲ ਤੇ ਫਲ ਖਰਾਬ ਹੋ ਜਾਂਦੇ ਹਨ।

ਇਹ ਖਬਰ ਵੀ ਪੜ੍ਹੋ : ਗਾਬਾ ਟੈਸਟ : ਮੁਸ਼ਕਲ ’ਚ ਟੀਮ ਇੰਡੀਆ, ਫਾਲੋਆਨ ਦਾ ਖਤਰਾ, ਮੀਂਹ ਕਾਰਨ ਚਾਹ ਦੇ ਸਮੇਂ ਦਾ ਐਲਾਨ

ਵਪਾਰਕ ਸਲਫਿਊਰਿਕ ਐਸਿਡ ਦਾ ਛਿੜਕਾਅ ਕਰ ਸਕਦੇ ਹਨ ਕਿਸਾਨ

ਖੇਤੀਬਾੜੀ ਅਫਸਰ ਬਾਗਬਾਨੀ ਮੁਕੇਸ਼ ਗਹਿਲੋਤ ਨੇ ਦੱਸਿਆ ਕਿ ਹਾੜੀ ਦੀਆਂ ਫਸਲਾਂ, ਸਬਜ਼ੀਆਂ ਤੇ ਬਾਗਾਂ ਨੂੰ ਠੰਢ ਤੋਂ ਬਚਾਉਣ ਲਈ ਕਿਸਾਨ ਫਸਲ ’ਤੇ ਠੰਢ ਦੀ ਸੰਭਾਵਨਾ ਹੋਣ ’ਤੇ 0.1 ਫੀਸਦੀ ਵਪਾਰਕ ਸਲਫਿਊਰਿਕ ਐਸਿਡ ਦਾ ਛਿੜਕਾਅ ਕਰ ਸਕਦੇ ਹਨ। ਹਾੜੀ ਦੀਆਂ ਫਸਲਾਂ ਨੂੰ ਠੰਢ ਤੋਂ ਬਚਾਉਣ ਲਈ, ਥਿਓਸੈਲੀਸਾਈਲਿਕ ਐਸਿਡ 100 ਪੀਪੀਐਮ (0.1 ਮਿਲੀ/ਲੀ) ਜਾਂ ਥਿਓਰੀਆ 500 ਪੀਪੀਐਮ (0.5 ਗ੍ਰਾਮ/ਲੀ) ਜਾਂ ਘੁਲਣਸ਼ੀਲ ਸਲਫਰ 0.2 ਪ੍ਰਤੀਸ਼ਤ (2 ਗ੍ਰਾਮ/ਲੀ) ਪਾਣੀ ’ਚ ਘੋਲ ਕੇ ਛਿੜਕਾਅ ਕਰੋ।

ਜੇਕਰ ਠੰਢ ਜਾਰੀ ਰਹੇ ਤਾਂ 15 ਦਿਨਾਂ ’ਚ ਦੁਬਾਰਾ ਛਿੜਕਾਅ ਕਰੋ। ਠੰਢ ਦੀ ਸੰਭਾਵਨਾ ਦੇ ਮੱਦੇਨਜ਼ਰ ਫਸਲਾਂ ਦੀ ਹਲਕੀ ਸਿੰਚਾਈ ਦੀ ਸਲਾਹ ਦਿੱਤੀ ਗਈ ਹੈ ਤਾਂ ਜੋ ਜ਼ਮੀਨੀ ਤਾਪਮਾਨ ਅਚਾਨਕ ਨਾ ਡਿੱਗੇ। ਨਵੇਂ ਸਥਾਪਿਤ ਫਲਾਂ ਦੇ ਬਾਗਾਂ ਵਿੱਚ ਪੌਦਿਆਂ ਨੂੰ ਠੰਡ ਤੋਂ ਬਚਾਉਣ ਲਈ, ਉਹਨਾਂ ਨੂੰ ਬਾਰਦਾਨੇ ਜਾਂ ਘਾਹ ਦੇ ਢੇਰ ਆਦਿ ਨਾਲ ਢੱਕ ਕੇ ਬਚਾਓ। ਇਨ੍ਹਾਂ ਉਪਰਾਲਿਆਂ ਨੂੰ ਅਪਣਾ ਕੇ ਕਿਸਾਨ ਆਪਣੀਆਂ ਫ਼ਸਲਾਂ ਨੂੰ ਠੰਡ ਤੋਂ ਹੋਣ ਵਾਲੇ ਨੁਕਸਾਨ ਤੋਂ ਬਚਾ ਸਕਦੇ ਹਨ। Rajasthan Weather Update

ਜੈਪੁਰ (ਸੱਚ ਕਹੂੰ ਨਿਊਜ਼)। Rajasthan Weather Update: ਰਾਜਸਥਾਨ ਦੇ ਸ਼ੇਖਾਵਟੀ ’ਚ ਗੁਲਾਬੀ ਸਰਦੀ ਨੇ ਦਸਤਕ ਦੇ ਦਿੱਤੀ ਹੈ। ਸੀਕਰ, ਝੁੰਝੁਨੂ ਤੇ ਚੁਰੂ ਖੇਤਰਾਂ ’ਚ ਰਾਤ ਦਾ ਤਾਪਮਾਨ 15 ਡਿਗਰੀ ਸੈਲਸੀਅਸ ਤੱਕ ਹੇਠਾਂ ਆ ਗਿਆ। ਮੌਸਮ ਵਿਗਿਆਨੀਆਂ ਨੇ ਅਗਲੇ 2-3 ਦਿਨਾਂ ਤੱਕ ਸੂਬੇ ’ਚ ਮੌਸਮ ਸਾਫ ਰਹਿਣ ਤੇ ਤਾਪਮਾਨ ’ਚ ਉਤਰਾਅ-ਚੜ੍ਹਾਅ ਦੀ ਭਵਿੱਖਬਾਣੀ ਕੀਤੀ ਹੈ। ਇਸ ਦੇ ਨਾਲ ਹੀ ਉਦੈਪੁਰ, ਜੋਧਪੁਰ ਤੇ ਕੋਟਾ ਡਿਵੀਜਨ ਦੇ ਜ਼ਿਲ੍ਹਿਆਂ ’ਚ ਮੰਗਲਵਾਰ ਨੂੰ ਦਿਨ ਦੇ ਤਾਪਮਾਨ ’ਚ 2 ਡਿਗਰੀ ਦਾ ਵਾਧਾ ਹੋਇਆ।

ਇਹ ਖਬਰ ਵੀ ਪੜ੍ਹੋ : CSIR NET Results: ਨਾਥੂਸ਼ਰੀ ਚੌਪਟਾ ਦੀ ਧੀ ਸ਼ਿਵਾਨੀ ਬੈਨੀਵਾਲ ਨੇ ਆਲ ਇੰਡੀਆ ਰੈਂਕਿੰਗ ਵਿੱਚ ਲਹਿਰਾਇਆ ਝੰਡਾ !

ਜੇਕਰ ਪਿਛਲੇ 24 ਘੰਟਿਆਂ ਦੀ ਗੱਲ ਕਰੀਏ ਤਾਂ ਕੱਲ੍ਹ ਸਭ ਤੋਂ ਜ਼ਿਆਦਾ ਗਰਮੀ ਗੰਗਾਨਗਰ ’ਚ ਰਹੀ। ਇੱਥੇ ਦਿਨ ਦਾ ਜ਼ਿਆਦਾ ਤੋਂ ਜ਼ਿਆਦਾ ਤਾਪਮਾਨ 39.2 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ। ਇੱਥੇ ਇਹ ਆਮ ਨਾਲੋਂ 3.7 ਡਿਗਰੀ ਜ਼ਿਆਦਾ ਦਰਜ ਕੀਤਾ ਗਿਆ। ਸਵੇਰ ਤੋਂ ਹੀ ਆਸਮਾਨ ਸਾਫ ਹੋਣ ਕਾਰਨ ਸੂਰਜ ਚਮਕਦਾ ਰਿਹਾ ਪਰ ਸ਼ਾਮ ਪੈਣ ਨਾਲ ਠੰਢ ਵਧਣ ਲੱਗੀ। ਕੱਲ੍ਹ ਵੀ ਬਾੜਮੇਰ ’ਚ ਤਾਪਮਾਨ 2 ਡਿਗਰੀ ਜ਼ਿਆਦਾ ਕੇ 38 ਡਿਗਰੀ ਸੈਲਸੀਅਸ, ਜੋਧਪੁਰ ’ਚ 36.6, ਬੀਕਾਨੇਰ ’ਚ 37.8, ਜੈਸਲਮੇਰ ’ਚ 37.6, ਜਾਲੌਰ ’ਚ 37.2 ਤੇ ਚੁਰੂ-ਹਨੂਮਾਨਗੜ੍ਹ ’ਚ 37 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ। Rajasthan Weather Update

15 ਡਿਗਰੀ ਸੈਲਸੀਅਸ ਤੱਕ ਪਹੁੰਚਿਆ ਘੱਟ ਤੋਂ ਘੱਟ ਤਾਪਮਾਨ | Rajasthan Weather Update

ਸ਼ਹਿਰਾਂ ’ਚ ਭਾਵੇਂ ਦਿਨ ਵੇਲੇ ਗਰਮੀ ਪੈ ਰਹੀ ਹੈ ਪਰ ਹੁਣ ਸ਼ੇਖਾਵਤੀ ’ਚ ਗੁਲਾਬੀ ਸਰਦੀ ਨੇ ਦਸਤਕ ਦਿੱਤੀ ਹੈ। ਕੱਲ੍ਹ ਸੀਕਰ ’ਚ ਰਾਤ ਦਾ ਘੱਟੋ-ਘੱਟ ਤਾਪਮਾਨ 15.5 ਡਿਗਰੀ ਸੈਲਸੀਅਸ ਸੀ, ਜੋ ਪਹਾੜੀ ਸਟੇਸ਼ਨ ਮਾਊਂਟ ਆਬੂ ਤੋਂ 2.5 ਡਿਗਰੀ ਸੈਲਸੀਅਸ ਘੱਟ ਸੀ। ਰਾਤ ਨੂੰ ਠੰਢ ਵਧਣ ਨਾਲ ਲੋਕਾਂ ਨੇ ਆਪਣੇ ਘਰਾਂ ਦੇ ਪੱਖੇ ਬੰਦ ਕਰਕੇ ਹਲਕੇ ਗਰਮ ਕੱਪੜਿਆਂ ਦੀ ਵਰਤੋਂ ਕਰਨੀ ਸ਼ੁਰੂ ਕਰ ਦਿੱਤੀ ਹੈ। ਪਿਲਾਨੀ ’ਚ ਘੱਟੋ-ਘੱਟ ਤਾਪਮਾਨ 18.5 ਡਿਗਰੀ ਸੈਲਸੀਅਸ, ਅਲਵਰ ’ਚ 18.5, ਚੁਰੂ ’ਚ 17.8, ਹਨੂੰਮਾਨਗੜ੍ਹ ’ਚ 17.2, ਸੀਕਰ ਨੇੜੇ ਫਤਿਹਪੁਰ ’ਚ 14.8 ਤੇ ਅਜਮੇਰ ’ਚ 20.8 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ। Rajasthan Weather Update

ਹੁਣ ਅੱਗੇ ਕਿਵੇਂ ਰਹੇਗਾ ਮੌਸਮ | Rajasthan Weather Update

ਜੈਪੁਰ ਮੌਸਮ ਵਿਗਿਆਨ ਕੇਂਦਰ ਨੇ 19 ਅਕਤੂਬਰ ਤੱਕ ਸੂਬੇ ਭਰ ’ਚ ਸਾਫ ਮੌਸਮ ਤੇ ਧੁੱਪ ਰਹਿਣ ਦੀ ਭਵਿੱਖਬਾਣੀ ਕੀਤੀ ਹੈ ਤੇ ਕੁਝ ਥਾਵਾਂ ’ਤੇ ਤਾਪਮਾਨ ਵਧੇਗਾ। ਇਹ ਦਿਨ ਵੇਲੇ ਮੌਸਮ ਗਰਮ ਹੋ ਸਕਦਾ ਹੈ ਜਦੋਂ ਕਿ ਰਾਤ ਨੂੰ ਥੋੜ੍ਹਾ ਠੰਢਾ ਹੋ ਸਕਦਾ ਹੈ। ਕੁਝ ਥਾਵਾਂ ’ਤੇ ਜਿੱਥੇ ਰਾਤ ਦਾ ਘੱਟ ਤੋਂ ਘੱਟ ਤਾਪਮਾਨ 5 ਡਿਗਰੀ ਸੈਲਸੀਅਸ ਜਾਂ ਆਮ ਨਾਲੋਂ ਜ਼ਿਆਦਾ ਹੈ, ਉੱਥੇ ਪਾਰਾ ਹੇਠਾਂ ਆਉਣ ਦੀ ਸੰਭਾਵਨਾ ਹੈ। ਇਸ ਕਾਰਨ ਇਨ੍ਹਾਂ ਸ਼ਹਿਰਾਂ ’ਚ ਰਾਤ ਸਮੇਂ ਹਲਕੀ ਗੁਲਾਬੀ ਸਰਦੀ ਪੈਣ ਦੀ ਸੰਭਾਵਨਾ ਹੈ।

ਅੱਜ ਵੀ 19 ਜ਼ਿਲ੍ਹਿਆਂ ’ਚ ਮੀਂਹ ਦਾ ਅਲਰਟ | IMD Alert

• ਭਲਕੇ ਤੋਂ ਰੁਕ ਸਕਦਾ ਹੈ ਮੀਹ ਦਾ ਦੌਰ

ਜੈਪੁਰ (ਸੱਚ ਕਹੂੰ ਨਿਊਜ਼)। Rajasthan Weather Alert: ਰਾਜਸਥਾਨ ’ਚ ਮਾਨਸੂਨ ਦਾ ਆਖਰੀ ਪੜਾਅ ਜਾਰੀ ਹੈ। ਸ਼ੁੱਕਰਵਾਰ ਨੂੰ ਉਦੈਪੁਰ, ਬਾਂਸਵਾੜਾ, ਡੂੰਗਰਪੁਰ, ਪ੍ਰਤਾਪਗੜ੍ਹ ਸਮੇਤ 7 ਤੋਂ ਜ਼ਿਆਦਾ ਜ਼ਿਲ੍ਹਿਆਂ ’ਚ 2 ਇੰਚ ਤੱਕ ਮੀਂਹ ਪਿਆ। ਦੂਜੇ ਪਾਸੇ ਪੱਛਮੀ ਜ਼ਿਲ੍ਹਿਆਂ (ਜੈਸਲਮੇਰ ਤੇ ਫਲੋਦੀ) ’ਚ ਗਰਮੀ ਦਾ ਕਹਿਰ ਜਾਰੀ ਹੈ। ਇੱਥੇ ਤਾਪਮਾਨ 40 ਡਿਗਰੀ ਸੈਲਸੀਅਸ ਰਹਿੰਦਾ ਹੈ। ਮੌਸਮ ਮਾਹਿਰਾਂ ਨੇ ਅੱਜ ਸੂਬੇ ਦੇ 19 ਜ਼ਿਲ੍ਹਿਆਂ ’ਚ ਮੀਂਹ ਪੈਣ ਦੀ ਭਵਿੱਖਬਾਣੀ ਕੀਤੀ ਹੈ। ਜਦੋਂ ਕਿ ਭਲਕੇ ਤੋਂ ਸੂਬੇ ’ਚ ਬਰਸਾਤ ਰੁਕਣ ਦੀ ਸੰਭਾਵਨਾ ਹੈ। Rajasthan Weather Alert

Read This : India vs Bangladesh: ਕਾਨਪੁਰ ਟੈਸਟ ਦੇ ਦੂਜੇ ਦਿਨ ਦੀ ਖੇਡ ਮੀਂਹ ਕਾਰਨ ਰੱਦ, ਭਲਕੇ ਵੀ ਮੀਂਹ ਦਾ ਅਲਰਟ

ਦੱਖਣੀ ਰਾਜਸਥਾਨ ਨੂੰ ਛੱਡ ਕੇ ਬਾਕੀ ਥਾਵਾਂ ’ਤੇ ਮੌਸਮ ਸਾਫ ਰਹਿਣ ਦੀ ਸੰਭਾਵਨਾ ਹੈ। ਇਸ ਦੇ ਨਾਲ ਹੀ ਜਵਾਹਰ ਸਾਗਰ ਡੈਮ ਤੋਂ ਲਗਾਤਾਰ ਪਾਣੀ ਦੀ ਨਿਕਾਸੀ ਕਾਰਨ ਕੋਟਾ ਬੈਰਾਜ ਦੇ ਪਾਣੀ ਦਾ ਪੱਧਰ ਅਚਾਨਕ ਵਧ ਗਿਆ ਹੈ। ਪੱਧਰ ਨੂੰ ਘੱਟ ਕਰਨ ਲਈ ਸ਼ਨਿੱਚਰਵਾਰ ਨੂੰ ਬੈਰਾਜ ਦੇ ਦੋ ਗੇਟ ਤਿੰਨ ਫੁੱਟ ਤੱਕ ਖੋਲ੍ਹ ਦਿੱਤੇ ਗਏ। ਅਧਿਕਾਰੀਆਂ ਮੁਤਾਬਕ ਜੇਕਰ ਪਾਣੀ ਦਾ ਪੱਧਰ ਹੋਰ ਵਧਦਾ ਹੈ ਤਾਂ ਹੋਰ ਗੇਟ ਖੋਲ੍ਹੇ ਜਾ ਸਕਦੇ ਹਨ। ਇਸ ਸੀਜਨ ’ਚ ਸੱਤ ਫੁੱਟ ਦੀ ਦੂਰੀ ’ਤੇ ਬੈਰਾਜ ਦੇ 6 ਗੇਟ ਖੋਲ੍ਹ ਕੇ 1 ਵਾਰ ’ਚ 50 ਹਜਾਰ ਕਿਊਸਿਕ ਪਾਣੀ ਦੀ ਨਿਕਾਸੀ ਕੀਤੀ ਗਈ। Rajasthan Weather Alert

ਬਾਂਸਵਾੜਾ ’ਚ ਸਭ ਤੋਂ ਜ਼ਿਆਦਾ ਪਿਆ ਮੀਂਹ | Rajasthan Weather Alert

ਪਿਛਲੇ 24 ਘੰਟਿਆਂ ਦੌਰਾਨ ਸਭ ਤੋਂ ਜ਼ਿਆਦਾ 50 ਮਿਲੀਮੀਟਰ ਮੀਂਹ ਬਾਂਸਵਾੜਾ ਦੇ ਦਾਨਪੁਰ ’ਚ ਦਰਜ ਕੀਤਾ ਗਿਆ। ਇੱਥੇ ਉਦੈਪੁਰ ਦੇ ਲਸਾਦੀਆ ’ਚ 48, ਸਾਹਦਾ ’ਚ 24, ਸਿਰੋਹੀ ਦੇ ਆਬੂ ਰੋਡ ’ਚ 22, ਰਾਜਸਮੰਦ ਦੇ ਅਮੇਠ ’ਚ 11, ਕੋਟਾ ਦੇ ਸੰਗੋਦ ’ਚ 15, ਝਾਲਾਵਾੜ ਦੇ ਗੰਗਧਰ ’ਚ 29, ਜਾਲੋਰ ਦੇ ਭੀਨਮਲ ’ਚ 21, ਸ਼੍ਰੀ ਗੰਗਾਨਰ ਤੇ ਬੈਂਕਾਟ ’ਚ 12 ਮਿਮੀ, ਡੂੰਗਰਪੁਰ ’ਚ ਬਾੜਮੇਰ ਦੇ ਰਾਮਸਰ ’ਚ 22 ਮਿਲੀਮੀਟਰ, ਪ੍ਰਤਾਪਗੜ੍ਹ ਦੇ ਧਾਰਿਆਵਾੜ ’ਚ 8 ਤੇ ਬਾਰਾਨ ਦੇ ਛਾਬੜਾ ’ਚ 2 ਮਿਲੀਮੀਟਰ ਮੀਂਹ ਦਰਜ ਕੀਤਾ ਗਿਆ।

ਫਲੋਦੀ-ਜੈਸਲਮੇਰ ’ਚ ਤਾਪਮਾਨ ਅਜੇ ਵੀ 40 ’ਤੇ | Rajasthan Weather Alert

ਅੱਧੇ ਰਾਜਸਥਾਨ ਤੋਂ ਮਾਨਸੂਨ ਦੇ ਰਵਾਨਗੀ ਨਾਲ ਗਰਮੀ ਤੇਜ ਹੋ ਗਈ ਹੈ। ਪੱਛਮੀ ਰਾਜਸਥਾਨ ਦੇ ਜ਼ਿਲ੍ਹਿਆਂ ’ਚ ਪਾਰਾ 40 ਡਿਗਰੀ ਸੈਲਸੀਅਸ ਤੋਂ ਉੱਪਰ ਪਹੁੰਚ ਗਿਆ। ਭਲਕੇ ਦਿਨ ਦਾ ਜ਼ਿਆਦਾ ਤੋਂ ਜ਼ਿਆਦਾ ਤਾਪਮਾਨ ਜੈਸਲਮੇਰ ’ਚ 40.4 ਡਿਗਰੀ ਸੈਲਸੀਅਸ, ਫਲੋਦੀ ’ਚ 40.6, ਬਾੜਮੇਰ ’ਚ 39.1, ਬੀਕਾਨੇਰ ’ਚ 38, ਗੰਗਾਨਗਰ ’ਚ 37.8 ਤੇ ਜਲੌਰ ’ਚ 37.5 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ। Rajasthan Weather Alert

ਭਾਰੀ ਮੀਂਹ ਕਾਰਨ ਟਰੇਨ ਰੋਕੀ

• ਪਾਣੀ ਭਰਨ ਕਰਕੇ ਅਹਿਮਦਾਬਾਦ ਨੈਸ਼ਨਲ ਹਾਈਵੇਅ ਹੋਇਆ ਜਾਮ

ਜੈਪੁਰ (ਸੱਚ ਕਹੂੰ ਨਿਊਜ਼)। Rajasthan Weather: ਰਾਜਸਥਾਨ ’ਚ ਭਾਰੀ ਮੀਂਹ ਦਾ ਦੌਰ ਲਗਾਤਾਰ ਜਾਰੀ ਹੈ। ਮੰਗਲਵਾਰ ਨੂੰ ਜੋਧਪੁਰ, ਬੀਕਾਨੇਰ ਸੰਭਾਗ ਦੇ ਜ਼ਿਲ੍ਹਿਆਂ ’ਚ ਭਾਰੀ ਮੀਂਹ ਪਿਆ। ਜੈਪੁਰ ’ਚ ਮੰਗਲਵਾਰ ਦੇਰ ਰਾਤ ਰੁਕ-ਰੁਕ ਕੇ ਮੀਂਹ ਪੈ ਰਿਹਾ ਹੈ। ਊਦੈਪੁਰ ’ਚ ਵੀ ਐਤਵਾਰ ਤੋਂ ਪੈ ਰਹੀ ਮੀਂਹ ਕਾਰਨ ਜ਼ਿਲ੍ਹੇ ਦੇ ਜ਼ਿਆਦਾਤਰ ਡੈਮਾਂ ਤੇ ਨਦੀਆਂ ’ਚ ਪਾਣੀ ਆਉਣਾ ਲਗਾਤਾਰ ਜਾਰੀ ਹੈ। ਲੇਕਸਿਟੀ ’ਚ ਅੱਜ ਵੀ ਰੂਕ-ਰੂਕ ਕੇ ਮੀਂਹ ਪੈ ਰਿਹਾ ਹੈ। ਟੋਂਕ ’ਚ ਵੀ ਭਾਰੀ ਮੀਂਹ ਕਾਰਨ ਚਾਫਲ ਨਦੀ ਉਫਾਨ ’ਤੇ ਹੈ।

ਮੰਗਲਵਾਰ ਨੂੰ ਨਦੀ ਕਿਨਾਰੇ ਇੱਕ ਨੌਜਵਾਨ ਮੋਟਰਸਾਈਕਲ ਸਮੇਤ ਫਸ ਗਿਆ। ਨੌਜਵਾਨ ਨੂੰ ਕਰੀਬ 11 ਘੰਟਿਆਂ ਬਾਅਦ ਬੁੱਧਵਾਰ ਨੂੰ ਕੱਢਿਆ ਗਿਆ। ਜੋਧਪੁਰ ’ਚ ਭਾਰੀ ਮੀਂਹ ਕਾਰਨ ਬੁੱਧਵਾਰ ਨੂੰ ਤਿੰਵਰੀ ’ਚ ਜੋਧਪੁਰ-ਜੈਸਲਮੇਰ ਟ੍ਰੈਕ ਰੁੜ੍ਹ ਗਿਆ। ਇਸ ਕਾਰਨ ਰਾਨੀਖੇਤ ਐਕਸਪ੍ਰੈੱਸ ਨੂੰ ਰੋਕਿਆ ਗਿਆ ਹੈ। ਅੱਜ ਵੀ ਸੂਬੇ ਦੇ 31 ਜ਼ਿਲ੍ਹਿਆਂ ’ਚ ਮੀਂਹ ਦਾ ਅਲਰਟ ਜਾਰੀ ਹੈ। ਮੌਸਮ ਵਿਗਿਆਨ ਕੇਂਦਰ ਜੈਪੁਰ ਨੇ 7 ਸਤੰਬਰ ਨੂੰ ਰਾਜਸਥਾਨ ’ਚ ਮਾਨਸੂਨ ਦੇ ਸਰਗਰਮ ਰਹਿਣ ਦੀ ਸੰਭਾਵਨਾ ਹੈ। Rajasthan Weather

ਡੈਮ ਓਵਰਫਲੋਅ, ਲਗਾਤਾਰ ਛੱਡਿਆ ਜਾ ਰਿਹੈ ਪਾਣੀ | Rajasthan Weather

ਮਾਨਸੂਨ ਦੇ ਮੁੜ ਸਰਗਰਮ ਹੋਣ ਕਾਰਨ ਉਦੈਪੁਰ ਦੇ ਸਵਰੂਪਸਾਗਰ ਤੇ ਉਦੈਸਾਗਰ ਡੈਮ ਦੇ ਗੇਟਾਂ ਤੋਂ ਪਾਣੀ ਛੱਡਿਆ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ ਬਾਂਸਵਾੜਾ ਦਾ ਮਾਹੀ ਬਜਾਜ ਡੈਮ ਵੀ ਭਰ ਗਿਆ ਹੈ। ਮੰਗਲਵਾਰ ਤੋਂ ਇੱਥੇ ਪਾਣੀ ਦੀ ਨਿਕਾਸੀ ਦਾ ਕੰਮ ਚੱਲ ਰਿਹਾ ਹੈ। ਧੌਲਪੁਰ ਦੇ ਪਰਵਤ ਡੈਮ ਦੇ 2 ਗੇਟ ਖੋਲ੍ਹਣ ਨਾਲ ਡੈਮ ’ਚ ਪਾਣੀ ਦਾ ਪੱਧਰ ਵੀ ਘੱਟ ਕੀਤਾ ਜਾ ਰਿਹਾ ਹੈ। ਇਸ ਤੋਂ ਇਲਾਵਾ ਟੋਂਕ ਤੇ ਬੂੰਦੀ ਸਮੇਤ ਕਈ ਜ਼ਿਲ੍ਹਿਆਂ ’ਚ ਨਦੀਆਂ ਦੇ ਪਾਣੀ ਦਾ ਪੱਧਰ ਵੀ ਲਗਾਤਾਰ ਵਧ ਰਿਹਾ ਹੈ।

ਰੇਲ ਗੱਡੀਆਂ ਪ੍ਰਭਾਵਿਤ, ਨੈਸ਼ਨਲ ਹਾਈਵੇਅ ਬੰਦ | Rajasthan Weather

ਜੋਧਪੁਰ ਡਿਵੀਜਨਲ ਰੇਲਵੇ ਮੈਨੇਜਰ ਪੰਕਜ ਕੁਮਾਰ ਸਿੰਘ ਨੇ ਦੱਸਿਆ ਕਿ ਓਸੀਅਨ ਤੇ ਤਿਨਵਾੜੀ ਰੇਲਵੇ ਸਟੇਸ਼ਨਾਂ ਵਿਚਕਾਰ ਬਹੁਤ ਜ਼ਿਆਦਾ ਪਾਣੀ ਭਰ ਗਿਆ ਹੈ। ਰਾਨੀਖੇਤ ਐਕਸਪ੍ਰੈਸ ਨੂੰ ਓਸੀਅਨ ਵਿਖੇ ਰੋਕ ਦਿੱਤਾ ਗਿਆ ਹੈ। ਜੈਸਲਮੇਰ-ਕਾਠਗੋਦਾਮ ਐਕਸਪ੍ਰੈਸ ਦਾ ਰੂਟ ਬਦਲ ਦਿੱਤਾ ਗਿਆ ਹੈ। ਹੁਣ ਇਹ ਟਰੇਨ ਬਦਲੇ ਹੋਏ ਰੂਟ ’ਤੇ ਫਲੋਦੀ, ਬੀਕਾਨੇਰ, ਰਤਨਗੜ੍ਹ ਤੇ ਚੁਰੂ ਤੋਂ ਹੁੰਦੀ ਹੋਈ ਅੱਜ ਕਾਠਗੋਦਾਮ ਜਾਵੇਗੀ। ਇਸ ਤੋਂ ਇਲਾਵਾ ਸਾਬਰਮਤੀ ਐਕਸਪ੍ਰੈਸ ਤੇ ਰੁਨੀਚਾ ਸਪੈਸਲ ਟਰੇਨਾਂ ਵੀ ਪ੍ਰਭਾਵਿਤ ਹੋਣਗੀਆਂ। ਇਸ ਦੇ ਨਾਲ ਹੀ ਉਦੈਪੁਰ ’ਚ ਭਾਰੀ ਮੀਂਹ ਕਾਰਨ ਸਵੇਰੇ 7 ਵਜੇ ਤੋਂ ਹੀ ਉਦੈਪੁਰ-ਅਹਿਮਦਾਬਾਦ ਰਾਸ਼ਟਰੀ ਰਾਜਮਾਰਗ ’ਤੇ ਕਈ ਕਿਲੋਮੀਟਰ ਲੰਬਾ ਜਾਮ ਲੱਗਾ ਹੋਇਆ ਹੈ। ਕਈ ਥਾਵਾਂ ’ਤੇ ਹਾਈਵੇ ’ਤੇ ਪਾਣੀ ਭਰ ਗਿਆ ਹੈ। Rajasthan Weather

ਭਾਰੀ ਮੀਂਹ ਨਾਲ ਉਦੈਪੁਰ-ਬਾਂਸਵਾੜਾ ਹਾਈਵੇਅ ਬੰਦ | Rajasthan News

ਜੈਪੁਰ (ਸੱਚ ਕਹੂੰ ਨਿਊਜ਼)। Rajasthan News: ਰਾਜਸਥਾਨ ’ਚ ਮੀਂਹ ਦਾ ਦੌਰ ਲਗਾਤਾਰ ਜਾਰੀ ਹੈ। ਬਾਂਸਵਾੜਾ ’ਚ ਤੇਜ਼ ਮੀਂਹ ਤੋਂ ਬਾਅਦ ਬਾਂਸਵਾੜਾ-ਉਦੈਪੁਰ ਸਟੇਟ ਹਾਈਵੇਅ ਬੰਦ ਹੋ ਗਿਆ ਹੈ। ਨਦੀ ’ਚ ਪਾਣੀ ਦਾ ਪੱਧਰ ਕਾਫੀ ਵਧ ਗਿਆ ਹੈ। ਪਾਣੀ ਪੁਲ ਦੇ ਉਪਰ ਦੀ ਚੱਲ ਰਿਹਾ ਹੈ। ਅੱਜ (26 ਅਗਸਤ) ਨੂੰ ਵੀ 5 ਜ਼ਿਲ੍ਹਿਆਂ ’ਚ ਬਹੁਤ ਭਾਰੀ ਮੀਂਹ ਦਾ ਅਲਰਟ ਤੇ 5 ਜ਼ਿਲ੍ਹਿਆਂ ’ਚ ਭਾਰੀ ਮੀਂਹ ਦਾ ਆਰੈਂਜ ਅਲਰਟ ਜਾਰੀ ਕੀਤਾ ਗਿਆ ਹੈ। 21 ਜ਼ਿਲ੍ਹਿਆਂ ’ਚ ਪੀਲਾ ਅਲਰਟ ਜਾਰੀ ਕੀਤਾ ਗਿਆ ਹੈ। ਨਾਲ ਹੀ ਅੱਜ ਤੇ ਭਲਕੇ (ਭਾਵ 26 ਤੇ 27 ਅਗਸਤ) ਨੂੰ 60 ਕਿਲੋਮੀਟਰ ਪ੍ਰਤੀਘੰਟਾ ਦੀ ਰਫਤਾਰ ਨਾਲ ਹਵਾ ਚੱਲ ਸਕਦੀ ਹੈ।

ਬਿਜ਼ਲੀ ਡਿੱਗਣ ਕਾਰਨ 9 ਸਾਲਾਂ ਦੇ ਬੱਚੇ ਦੀ ਮੌਤ | Rajasthan News

ਬਾਂਸਵਾੜਾ ’ਚ ਸੋਮਵਾਰ ਨੂੰ ਲੋਹਾਰਿਆ ਇਲਾਕੇ ’ਚ ਸਵੇਰੇ ਭਾਰੀ ਮੀਂਹ ਵਿਚਕਾਰ ਦਾਦੀ-ਪੋਤੇ ’ਤੇ ਕੰਧ ਡਿੱਗ ਗਈ। ਦੋਵੇਂ ਗੰਭੀਰ ਰੂਪ ਨਾਲ ਜ਼ਖਮੀ ਹੋ ਗਏ। ਉਨ੍ਹਾਂ ਦੋਵਾਂ ਨੂੰ ਹਸਪਤਾਲ ’ਚ ਦਾਖਲ ਕਰਵਾਇਆ ਗਿਆ। ਹਸਪਤਾਲ ’ਚ ਡਾਕਟਰਾਂ ਵੱਲੋਂ 4 ਸਾਲ ਦੇ ਪੋਤੇ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ। ਦਾਦੀ ਦਾ ਇਲਾਜ਼ ਚੱਲ ਰਿਹਾ ਹੈ। ਗੰਗਾਪੁਰ ਸਿਟੀ ਦੇ ਕੁਨਕਟਾ ਕਲਾਂ ਪਿੰਡ ’ਚ ਬਿਜ਼ਲੀ ਡਿੱਗਣ ਕਾਰਨ 9 ਸਾਲਾਂ ਦੇ ਬੱਚੇ ਦੀ ਮੌਤ ਹੋ ਗਈ ਹੈ। ਜੈਪੁਰ ਦੇ ਚਾਂਦਪੋਲ ਬਾਜ਼ਾਰ, ਤੋਪਖਾਨਾ ਰਸਤੇ ’ਚ ਐਤਵਾਰ ਰਾਤ ਕਰੀਬ ਢਾਈ ਵਜੇ ਜਰਜਰ ਮਕਾਨ ਡਿੱਗ ਗਿਆ। ਇਸ ਦੇ ਮਲਬੇ ਹੇਠ ਨੌਜਵਾਨ ਦੀ ਮੌਤ ਹੋ ਗਈ।

Read This : Rajasthan News: ਦਰਦਨਾਕ ਹਾਦਸਾ: ਘਰੋਂ ਖੇਡਣ ਨਿਕਲੇ 4 ਬੱਚਿਆਂ ਦੀ ਤਲਾਅ ’ਚ ਡੁੱਬਣ ਕਾਰਨ ਮੌਤ

ਅਜਮੇਰ ’ਚ ਅਨਾਸਾਗਰ ਝੀਲ ਓਵਰਫਲੋਅ, ਇੱਕ ਗੇਟ ਖੋਲ੍ਹਿਆ | Rajasthan News

• ਅਜਮੇਰ ’ਚ ਲਗਾਤਾਰ ਹੋ ਰਹੀ ਬਾਰਿਸ਼ ਕਾਰਨ ਅਨਾਸਾਗਰ ਝੀਲ ਓਵਰਫਲੋ ਹੋ ਗਈ ਹੈ। ਇਸ ਦੇ ਮੱਦੇਨਜਰ ਜ਼ਿਲ੍ਹਾ ਪ੍ਰਸ਼ਾਸਨ ਨੇ ਸੋਮਵਾਰ ਨੂੰ ਝੀਲ ਦਾ ਇੱਕ ਗੇਟ 10 ਇੰਚ ਖੋਲ੍ਹ ਦਿੱਤਾ ਹੈ। ਇਸ ਮਗਰੋਂ ਝੀਲ ਦਾ ਪਾਣੀ ਫੁਹਾਰਾ ਸਰਕਲ ਤੋਂ ਬਜਰੰਗਗੜ੍ਹ ਨੂੰ ਜਾਂਦੀ ਸੜਕ ’ਤੇ ਪੁੱਜ ਗਿਆ। ਪ੍ਰਸ਼ਾਸਨ ਨੇ ਆਵਾਜਾਈ ਨੂੰ ਡਾਇਵਰਟ ਕਰ ਦਿੱਤਾ ਹੈ। ਸੜਕ ’ਤੇ ਟੋਏ ਪਾ ਕੇ ਪਾਣੀ ਦੇ ਵਹਾਅ ਨੂੰ ਦੂਜੇ ਪਾਸੇ ਮੋੜਨ ਦੇ ਯਤਨ ਕੀਤੇ ਜਾ ਰਹੇ ਹਨ।
• ਕਲੈਕਟਰ ਭਾਰਤੀ ਦੀਕਸ਼ਿਤ ਨੇ ਕਿਹਾ- ਫੈਸਾਗਰ ਝੀਲ ਤੋਂ ਅਨਾਸਾਗਰ ’ਚ ਵੀ ਪਾਣੀ ਲਗਾਤਾਰ ਆ ਰਿਹਾ ਹੈ। ਫੈਸਾਗਰ ਝੀਲ ਵੀ 9 ਇੰਚ ਵਧ ਰਹੀ ਹੈ। ਇਸ ਦੇ ਮੱਦੇਨਜਰ ਇਹ ਸਾਰਾ ਪਾਣੀ ਅਨਾਸਾਗਰ ਝੀਲ ਤੋਂ ਖਾਨਪੁਰਾ ਤਲਾਅ ਵੱਲ ਮੋੜਿਆ ਜਾ ਰਿਹਾ ਹੈ।

Climate

Climate: ਜਲਵਾਯੂ ਤਬਦੀਲੀ ਦਾ ਅਸਰ ਹਰ ਮੌਸਮ ’ਤੇ ਵੇਖਣ ਨੂੰ ਮਿਲ ਰਿਹਾ ਹੈ ਕਦੇ ਵੱਧ ਵਰਖਾ ਕਾਰਨ ਹੜ੍ਹਾਂ ਦੀ ਸਮੱਸਿਆ ਹੁੰਦੀ ਸੀ ਤੇ ਕਦੇ ਸੋਕ ਹੁੰਦਾ ਸੀ ਹੁਣ ਅਜੀਬੋ-ਗਰੀਬ ਤਬਦੀਲੀ ਇਹ ਹੈ ਕਿ ਔਸਤ ਤੋਂ ਵੱਧ ਵਰਖਾ ਦੇ ਨਾਲ ਹੀ ਕੁਝ ਖੇਤਰਾਂ ’ਚ ਸੋਕੇ ਜਿਹੀ ਸਥਿਤੀ ਬਣ ਰਹੀ ਹੈ ਇਸ ਵਾਰ ਰਾਜਸਥਾਨ ’ਚ ਵਰਖਾ 50 ਫੀਸਦੀ ਵੱਧ ਹੋਈ ਹੈ ਫਿਰ ਵੀ ਚਾਰ ਜਿਲ੍ਹੇ ਅਜਿਹੇ ਹਨ ਜਿੱਥੇ ਵਰਖਾ ਦੀ ਕਮੀ ਹੈ ਅਜਿਹੀਆਂ ਚੀਜ਼ਾਂ ਸਰਕਾਰਾਂ ਲਈ ਵੱਡੀ ਸਿਰਦਰਦੀ ਬਣਨਗੀਆਂ ਸਰਕਾਰਾਂ ਹੜ੍ਹਾਂ ਲਈ ਨੀਤੀ ਬਣਾਉਣ ਜਾਂ ਸੋਕੇ ਲਈ, ਇੱਕੋ ਸਮੇਂ ਵੱਖ-ਵੱਖ ਹਾਲਾਤ ਹੋਣ ਕਰਕੇ ਸਰਕਾਰਾਂ ਦੀ ਮੱਥਾਪੱਚੀ ਵਧੇਗੀ ਇਸ ਕੰਮ ਲਈ ਪ੍ਰਸ਼ਾਸਨਿਕ ਢਾਂਚੇ ਨੂੰ ਨਵੀਆਂ ਲੀਹਾਂ ’ਤੇ ਲਿਆਉਣਾ ਪਵੇਗਾ ਰਾਜਸਥਾਨ ਜਿੱਥੇ ਕਦੇ ਔਸਤ ਵਰਖਾ ਵੇਖਣ ਨੂੰ ਨਹੀਂ ਮਿਲਦੀ ਸੀ।

Read This : Climate Crisis : ਜਲਵਾਯੂ ਸੰਕਟ ਅਤੇ ‘ਲੱਕੜਾਂ ਦੇ ਸ਼ਹਿਰ’ ਦੀ ਕਲਪਨਾ

ਉੁਥੇ ਹੜ੍ਹਾਂ ਜਿਹੇ ਹਾਲਾਤ ਬਣ ਰਹੇ ਹਨ ਟਿੱਬਿਆਂ ’ਚ ਦਰਿਆ ਵਹਿਣ ਵਾਲੀ ਗੱਲ ਸੀ ਦੂਜੇ ਪਾਸੇ ਪੰਜਾਬ ’ਚ ਅਗਸਤ ਦੇ ਅਖੀਰ ਤੱਕ 35 ਫੀਸਦੀ ਵਰਖਾ ਘੱਟ ਹੋਈ ਹੈ ਬਠਿੰਡਾ ਜਿਲ੍ਹੇ ’ਚ ਸਭ ਤੋਂ ਘੱਟ ਵਰਖਾ ਦਰਜ ਕੀਤੀ ਗਈ ਹੈ ਅਸਲ ’ਚ ਸ਼ਹਿਰੀ ਖੇਤਰ ’ਚ ਪਾਣੀ ਦੀ ਨਿਕਾਸੀ ਨਾ ਹੋਣ ਕਰਕੇ ਵਰਖਾ ਵੀ ਚਰਚਾ ਦਾ ਵਿਸ਼ਾ ਬਣੀ ਰਹਿੰਦੀ ਹੈ ਪਰ ਖੇਤੀ ਖੇਤਰ ’ਚ ਵਰਖਾ ਦਾ ਵਿਸ਼ਲੇਸ਼ਣ ਗੰਭੀਰ ਸਥਿਤੀ ਨੂੰ ਸਾਹਮਣੇ ਲਿਆਉਂਦਾ ਹੈ ਨਵੇਂ ਹਾਲਾਤਾਂ ਦੇ ਮੱਦੇਨਜ਼ਰ ਖਾਸ ਕਰਕੇ ਖੇਤੀ ਵਿਭਾਗਾਂ ਨੂੰ ਨਵੀਂ ਰਣਨੀਤੀ ਬਣਾਉਣੀ ਪਵੇਗੀ ਘੱਟ ਵਰਖਾ ਦੇ ਹਾਲਾਤਾਂ ’ਚ ਘੱਟ ਪਾਣੀ ਦੀ ਖਪਤ ਵਾਲੀਆਂ ਫਸਲਾਂ ਤੇ ਤਕਨੀਕ ਵੱਲ ਧਿਆਨ ਦੇਣਾ ਪਵੇਗਾ ਕਿਸਾਨਾਂ ਨੂੰ ਨਵੀਆਂ ਫਸਲਾਂ ਤੇ ਤਕਨੀਕਾਂ ਬਾਰੇ ਵੱਧ ਤੋਂ ਵੱਧ ਜਾਣਕਾਰੀ ਮੁਹੱਈਆ ਕਰਵਾਉਣੀ ਪਵੇਗੀ। Climate

5 ਡਿਗਰੀ ਤੱਕ ਹੇਠਾਂ ਆਇਆ ਦਿਨ ਦਾ ਤਾਪਮਾਨ

• ਮਾਮਲਾ ਰਾਜਸਥਾਨ ਦੇ ਕੋਟਾ ਦਾ, ਮਾਂ-ਧੀ ਦੀ ਮੌਤ

ਜੈਪੁਰ (ਸੱਚ ਕਹੂੰ ਨਿਊਜ਼)। ਰਾਜਸਥਾਨ ਦੇ ਅੱਜ 7 ਜ਼ਿਲ੍ਹਿਆਂ ’ਚ ਭਾਰੀ ਮੀਂਹ ਦਾ ਅਲਰਟ ਜਾਰੀ ਕੀਤਾ ਗਿਆ ਹੈ। ਮੌਸਮ ਵਿਗਿਆਨ ਕੇਂਦਰ ਜੈਪੁਰ ਮੁਤਾਬਕ ਸੂਬੇ ਦੇ ਟੋਂਕ, ਸਵਾਈ ਮਾਧੋਪੁਰ, ਦੌਸਾ, ਅਲਵਰ, ਕਰੌਲੀ ਤੇ ਧੌਲਪੁਰ ’ਚ ਭਾਰੀ ਮੀਂਹ ਪੈ ਸਕਦਾ ਹੈ। ਜਦਕਿ ਚੂਰੂ, ਹਨੁਮਾਨਗੜ੍ਹ ਸਮੇਤ ਜੈਸਲਮੇਰ ਤੇ ਬਾੜਮੇਰ ਨੂੰ ਛੱਡਕੇ ਬਾਕੀ ਜ਼ਿਲ੍ਹਿਆਂ ’ਚ ਹਲਕਾ ਮੀਂਹ ਪਵੇਗਾ। ਸਵਾਈ ਮਾਧੋਪੁਰ ਦੇ ਕਈ ਖੇਤਰਾਂ ’ਚ ਅੱਜ ਸਵੇਰੇ ਤੋਂ ਹੀ ਮੀਂਹ ਦਾ ਦੌਰ ਜਾਰੀ ਹੈ। ਨਾਲ ਹੀ ਬੁੱਧਵਾਰ ਨੂੰ ਪਏ ਤੇਜ਼ ਮੀਂਹ ਕਾਰਨ ਕੋਟਾ ਦੇ ਰਾਮਗੰਜ ਮੰਡੀ ’ਚ ਇੱਕ ਮਕਾਨ ’ਚ ਬਿਜ਼ਲੀ ਦਾ ਤਾਰ ਟੁੱਟਕੇ ਡਿੱਗ ਗਿਆ। ਮਕਾਨ ’ਚ ਕਰੰਟ ਆਉਣ ਕਾਰਨ ਮਾਂ-ਧੀ ਦੀ ਮੌਤ ਹੋ ਗਈ। ਬੁੱਧਵਾਰ ਨੂੰ ਹੀ ਚੂਰੂ, ਅਲਵਰ, ਦੌਸਾ, ਕਰੌਲੀ, ਸਵਾਈ ਮਾਧੋਪੁਰ ਜ਼ਿਲ੍ਹਿਆਂ ’ਚ 2 ਤੋਂ ਲੈਕੇ 5 ਇੰਚ ਤੱਕ ਮੀਂਹ ਦਰਜ਼ ਕੀਤਾ ਗਿਆ ਹੈ। ਚੂਰੂ ’ਚ ਵੀ ਤੇਜ਼ ਮੀਂਹ ਨਾਲ ਤਾਪਮਾਨ 5 ਡਿਗਰੀ ਸੈਲਸੀਅਸ ਤੱਕ ਹੇਠਾਂ ਆਇਆ ਹੈ। Rajasthan Weather

Read This : Rajasthan Weather Update: ਭਾਰੀ ਮੀਂਹ ਬਣਿਆ ਕਾਲ, ਛੱਤ ਡਿੱਗਣ ਕਾਰਨ 2 ਭਰਾਵਾਂ ਦੀ ਮੌਤ

ਬਿਜ਼ਲੀ ਅਧਿਕਾਰੀਆਂ ’ਤੇ ਲਾਪਰਵਾਹੀ ਦਾ ਦੋਸ਼ | Rajasthan Weather

ਦੇਵਲੀ ਪਿੰਡ ਦੇ ਲੋਕਾਂ ਨੇ ਦੱਸਿਆ ਕਿ ਮਕਾਨ ’ਚ ਕਰੰਟ ਆਉਣ ਨਾਲ ਮਹਿਲਾ ਰਾਜੇਸ਼ ਸ਼ਰਮਾ (43) ਤੇ ਉਸ ਦੀ ਬੇਟੀ (21) ਦੀ ਮੌਤ ਹੋ ਗਈ ਹੈ। ਮਕਾਨ ’ਚ ਦੂਜੀ ਮੰਜ਼ਿਲ ਦਾ ਕੰਮ ਚੱਲ ਰਿਹਾ ਹੈ। ਮਕਾਨ ਕੋਲ ਹੀ ਬਿਜ਼ਲੀ ਦਾ ਖੰਭਾ ਲੱਗਿਆ ਹੋਇਆ ਹੈ। ਇਸ ਕਾਰਨ ਹੀ ਕਰੰਟ ਫੈਲਿਆ ਹੈ। ਪਰਿਵਾਰ ਦਾ ਦੋਸ਼ ਹੈ ਕਿ ਬਿਜ਼ਲੀ ਵਿਭਾਗ ਦੇ ਅਧਿਕਾਰੀਆਂ ਤੋਂ ਕਈ ਵਾਰ ਇਸ ਖੰਭੇ ਨੂੰ ਦੂਜੀ ਜਗ੍ਹਾ ਸ਼ਿਫਟ ਕਰਨ ਦੀ ਸ਼ਿਕਾਇਤ ਕੀਤੀ ਹੈ, ਪਰ ਕਿਸੇ ਨੇ ਵੀ ਧਿਆਨ ਨਹੀਂ ਦਿੱਤਾ। ਮਾਂ-ਬੇਟੀ ਦੀਆਂ ਲਾਸ਼ਾਂ ਵੀਰਵਾਰ ਸਵੇਰੇ ਮਕਾਨ ਦੀਆਂ ਪੌੜੀਆਂ ਤੋਂ ਮਿਲੀਆਂ। Rajasthan Weather

ਪਿੱਛਲੇ 24 ਘੰਟਿਆਂ ’ਚ ਸਭ ਤੋਂ ਜ਼ਿਆਦਾ ਕਰੌਲੀ ’ਚ ਪਿਆ ਮੀਂਹ | Rajasthan Weather

ਪਿੱਛਲੇ 24 ਘੰਟਿਆਂ ਦੀ ਰਿਪੋਰਟ ਵੇਖਿਏ ਤਾਂ ਸਭ ਤੋਂ ਜ਼ਿਆਦਾ ਮੀਂਹ ਕਰੌਲੀ ’ਚ 127 ਐੱਮਐੱਸ ਦਰਜ਼ ਕੀਤਾ ਗਿਆ ਹੈ। ਕਰੌਲੀ ’ਚ ਤੇਜ਼ ਮੀਂਹ ਤੋਂ ਬਾਅਦ ਸੜਕਾਂ ਤੇ ਬਾਜ਼ਾਰਾਂ ’ਚ ਪਾਣੀ ਭਰ ਗਿਆ ਹੈ। ਕਰੌਲੀ ਦੇ ਮਹਾਵੀਰਜ਼ੀ ’ਚ ਵੀ ਕੱਲ੍ਹ ਦੁਪਹਿਰ ਬਾਅਦ ਤੇਜ਼ ਮੀਂਹ ਪਿਆ ਤੇ ਇਸ ਜਗ੍ਹਾ ’ਤੇ 102 ਐੱਮਐੱਮ ਪਾਣੀ ਡਿੱਗਿਆ। ਸਵਾਈ ਮਾਧੋਪੁਰ ਦੇ ਵਾਜੀਪੁਰ ’ਚ 88, ਮਲਾਰਨਾ ਡੂੰਗਰ ’ਚ 42, ਜੈਪੁਰ ਦੇ ਬੱਸੀ ’ਚ 34, ਨਾਗੌਰ ਦੇ ਡੀਡਵਾਨਾ ’ਚ 44, ਭਰਤਪੁਰ ਦੇ ਨਗਰ ’ਚ 34, ਦੌਸਾ ਦੇ ਬਸਵਾ ’ਚ 115, ਦੌਸਾ ਸ਼ਹਿਰ ’ਚ 85, ਚੂਰੂ ਦੇ ਸਰਦਾਰਸ਼ਹਿਰ ’ਚ 71, ਅਲਵਰ ਦੇ ਲਕਸ਼ਮਣਗੜ੍ਹ ’ਚ 88, ਬਹਾਦੁਰਪੁਰ ’ਚ 46 ਤੇ ਬੀਕਾਨੇਰ ਦੇ ਛਤਰਗੜ੍ਹ ’ਚ 45 ਐੱਮਐੱਮ ਮੀਂਹ ਦਰਜ਼ ਕੀਤਾ ਗਿਆ ਹੈ। Rajasthan Weather

ਹੁਣ ਤੱਕ ਘੱਟ ਮੀਂਹ ਪੈਣ ਕਾਰਨ ਕਿਸਾਨਾਂ ਦੀਆਂ ਵਧੀਆਂ ਚਿੰਤਾਵਾਂ

ਨਵੀਂ ਦਿੱਲੀ/ਹਿਸਾਰ (ਸੱਚ ਕਹੂੰ ਨਿਊਜ਼/ਸੰਦੀਪ ਸਿੰਹਮਾਰ)। ਦੱਖਣ ਵੱਲ ਮੌਨਸੂਨ ਟ੍ਰਾਫ ਜਾਰੀ ਰਹਿਣ ਕਾਰਨ ਹਰਿਆਣਾ ਤੇ ਪੰਜਾਬ ’ਚ ਮਾਨਸੂਨ ਦੀ ਬਾਰਿਸ਼ ਦੀਆਂ ਗਤੀਵਿਧੀਆਂ ’ਚ ਕਮੀ ਆਈ ਹੈ, ਜੋ ਆਉਣ ਵਾਲੇ ਦਿਨਾਂ ’ਚ ਵੀ ਜਾਰੀ ਰਹਿ ਸਕਦੀ ਹੈ। ਉੱਧਰ ਅੱਜ ਪੰਜਾਬ ਦੇ ਚੰਡੀਗੜ੍ਹ ‘ਚ ਰੂਕ-ਰੂਕ ਕੇ ਮੀਂਹ ਪੈ ਰਿਹਾ ਹੈ, ਚੰਡੀਗੜ੍ਹ ‘ਚ ਪਿੱਛਲੇ 20 ਦਿਨਾਂ ਤੋਂ ਮੀਂਹ ਨਹੀਂ ਪਿਆ ਸੀ, ਹੁਣ ਚੰਡੀਗੜ੍ਹ ‘ਚ ਭਲਕੇ ਵੀ ਮੀਂਹ ਦਾ ਅਲਰਟ ਜਾਰੀ ਕੀਤਾ ਗਿਆ ਹੈ। IMD Alert

ਇਸ ਦੌਰਾਨ ਕੁਝ ਥਾਵਾਂ ’ਤੇ ਭਾਰੀ ਮੀਂਹ ਤੇ ਹੋਰ ਥਾਵਾਂ ’ਤੇ ਦਰਮਿਆਨੀ ਤੇ ਹਲਕੀ ਬਾਰਿਸ਼ ਹੋਵੇਗੀ। ਇਸ ਦੌਰਾਨ ਬੱਦਲ ਛਾਏ ਰਹਿਣ ਕਾਰਨ ਦਿਨ ਦੇ ਤਾਪਮਾਨ ’ਚ ਵੀ ਗਿਰਾਵਟ ਆਵੇਗੀ। ਇਸ ਦੇ ਨਾਲ ਹੀ ਹਵਾ ਵਿੱਚ ਨਮੀ ਦੀ ਮਾਤਰਾ ਜ਼ਿਆਦਾ ਹੋਣ ਕਾਰਨ ਹੁੰਮਸ ਭਰੀ ਗਰਮੀ ਲੋਕਾਂ ਨੂੰ ਪਰੇਸ਼ਾਨ ਕਰ ਰਹੀ ਹੈ। ਇਸ ਕਾਰਨ ਰਾਤ ਦਾ ਤਾਪਮਾਨ ਵੀ ਲਗਾਤਾਰ ਜ਼ਿਆਦਾ ਹੋ ਰਿਹਾ ਹੈ। ਹਰਿਆਣਾ ਤੇ ਪੰਜਾਬ ’ਚ ਰਾਤ ਦਾ ਤਾਪਮਾਨ 30 ਡਿਗਰੀ ਸੈਲਸੀਅਸ ਦੇ ਆਸ-ਪਾਸ ਰਹਿੰਦਾ ਹੈ, ਜੋ ਕਿ ਇਸ ਮੌਸਮ ’ਚ ਆਮ ਨਾਲੋਂ 5 ਡਿਗਰੀ ਸੈਲਸੀਅਸ ਜ਼ਿਆਦਾ ਹੈ। ਪਿਛਲੇ 24 ਘੰਟਿਆਂ ਦੌਰਾਨ। IMD Alert

Read This : ਹਰਿਆਣਾ ’ਚ ਰੂਹ ਕੰਬਾਊ ਵਾਰਦਾਤ, ਜਾਣੋ ਕੀ ਹੈ ਮਾਮਲਾ

ਰਾਜ ’ਚ ਵੱਖ-ਵੱਖ ਥਾਵਾਂ ’ਤੇ ਗਰਜ-ਤੂਫਾਨ ਨਾਲ ਹਲਕੀ ਤੋਂ ਦਰਮਿਆਨੀ ਬਾਰਿਸ਼ ਦਰਜ ਕੀਤੀ ਗਈ ਹੈ। ਪੂਰਬੀ ਰਾਜਸਥਾਨ ਦੇ ਸੁਨੇਲ, ਝਾਲਾਵਾੜ ’ਚ ਸਭ ਤੋਂ ਜ਼ਿਆਦਾ 60 ਮਿਲੀਮੀਟਰ ਤੇ ਪੱਛਮੀ ਰਾਜਸਥਾਨ ਦੇ ਜੋਧਪੁਰ ਦੇ ਬਾਪਿਨੀ ’ਚ 60 ਮਿਲੀਮੀਟਰ ਮੀਂਹ ਦਰਜ ਕੀਤਾ ਗਿਆ ਹੈ। ਪਿਛਲੇ 24 ਘੰਟਿਆਂ ਦੌਰਾਨ ਸੂਬੇ ਦਾ ਸਭ ਤੋਂ ਜ਼ਿਆਦਾ ਤਾਪਮਾਨ ਸ਼੍ਰੀਗੰਗਾਨਗਰ ’ਚ 42.3 ਡਿਗਰੀ ਤੇ ਸ਼੍ਰੀਗੰਗਾਨਗਰ ’ਚ ਸਭ ਤੋਂ ਜ਼ਿਆਦਾ ਘੱਟੋ-ਘੱਟ ਤਾਪਮਾਨ 32.0 ਡਿਗਰੀ ਦਰਜ ਕੀਤਾ ਗਿਆ। ਅਗਲੇ 3 ਦਿਨਾਂ ’ਚ ਵੀ ਰਾਜਸਥਾਨ ਦੇ ਵੱਖ-ਵੱਖ ਇਲਾਕਿਆਂ ’ਚ ਬਾਰਿਸ਼ ਹੋਣ ਦੀ ਸੰਭਾਵਨਾ ਹੈ। IMD Alert

ਹਰਿਆਣਾ ’ਚ 36 ਫੀਸਦੀ ਘੱਟ ਪਿਆ ਹੈ ਮੀਂਹ | IMD Alert

ਭਾਰਤੀ ਮੌਸਮ ਵਿਭਾਗ ਵੱਲੋਂ ਦਰਜ ਕੀਤੇ ਗਏ ਅੰਕੜਿਆਂ ਅਨੁਸਾਰ 1 ਜੂਨ ਤੋਂ 20 ਜੁਲਾਈ ਤੱਕ ਹਰਿਆਣਾ ਰਾਜ ’ਚ 94.2 ਮਿਲੀਮੀਟਰ ਵਰਖਾ ਦਰਜ ਕੀਤੀ ਗਈ ਹੈ, ਜੋ ਕਿ 147.5 ਮਿਲੀਮੀਟਰ ਦੀ ਆਮ ਵਰਖਾ ਨਾਲੋਂ 36 ਫੀਸਦੀ ਘੱਟ ਹੈ। 1 ਜੁਲਾਈ ਨੂੰ ਮਾਨਸੂਨ ਦੀ ਸ਼ੁਰੂਆਤ ਤੋਂ ਬਾਅਦ ਸੂਬੇ ਦੇ ਜ਼ਿਆਦਾਤਰ ਜ਼ਿਲ੍ਹਿਆਂ ’ਚ ਆਮ ਨਾਲੋਂ ਘੱਟ ਬਾਰਿਸ਼ ਦਰਜ ਕੀਤੀ ਗਈ ਹੈ। ਚੌਧਰੀ ਚਰਨ ਸਿੰਘ ਹਰਿਆਣਾ ਐਗਰੀਕਲਚਰਲ ਯੂਨੀਵਰਸਿਟੀ ਦੇ ਮੌਸਮ ਵਿਭਾਗ ਦੇ ਮੁਖੀ ਡਾ. ਮਦਨ ਖਿਚੜ ਨੇ ਦੱਸਿਆ ਕਿ ਪੰਜਾਬ ਦੇ ਨਾਲ ਲੱਗਦੇ ਪਾਕਿਸਤਾਨ ’ਤੇ ਘੱਟ ਦਬਾਅ ਵਾਲਾ ਖੇਤਰ ਬਣਨ ਦੀ ਸੰਭਾਵਨਾ ਕਾਰਨ ਮਾਨਸੂਨ। IMD Alert

ਟਰਫ ਦੀ ਅਕਸੈ ਰੇਖਾ ਹੁਣ ਦੱਖਣ ਵੱਲ ਵਧੇਗੀ। ਉੱਤਰ ਵੱਲ ਆਮ ਸਥਿਤੀ ਦੀ ਸੰਭਾਵਨਾ ਹੈ। ਇਸ ਕਾਰਨ ਹਰਿਆਣਾ ਸੂਬੇ ’ਚ 21 ਜੁਲਾਈ ਦੀ ਦੇਰ ਰਾਤ ਤੋਂ ਬਾਅਦ ਮੀਂਹ ਦੀਆਂ ਗਤੀਵਿਧੀਆਂ ਵਧਣ ਦੀ ਸੰਭਾਵਨਾ ਹੈ। 22 ਜੁਲਾਈ ਤੋਂ 24 ਜੁਲਾਈ ਤੱਕ ਹਰਿਆਣਾ ਸੂਬੇ ਦੇ ਜ਼ਿਆਦਾਤਰ ਇਲਾਕਿਆਂ ’ਚ ਹਲਕੀ ਤੋਂ ਦਰਮਿਆਨੀ ਬਾਰਿਸ਼ ਹੋਣ ਦੀ ਸੰਭਾਵਨਾ ਹੈ। ਇਸ ਦੌਰਾਨ ਕੁਝ ਥਾਵਾਂ ’ਤੇ ਭਾਰੀ ਮੀਂਹ ਪੈਣ ਦੀ ਸੰਭਾਵਨਾ ਹੈ। ਇਸ ਸਮੇਂ ਦੌਰਾਨ, ਅਸਮਾਨ ’ਚ ਰੁਕ-ਰੁਕ ਕੇ ਬੱਦਲਵਾਈ ਰਹਿਣ ਤੇ ਤੇਜ ਹਵਾਵਾਂ ਚੱਲਣ ਕਾਰਨ ਦਿਨ ਦੇ ਤਾਪਮਾਨ ’ਚ ਗਿਰਾਵਟ ਆਉਣ ਦੀ ਸੰਭਾਵਨਾ ਹੈ। IMD Alert

ਰਾਜਸਥਾਨ ਦੇ 20 ਜ਼ਿਲ੍ਹਿਆਂ ’ਚ ਭਾਰੀ ਮੀਂਹ ਦਾ ਅਲਰਟ | Rajasthan Weather

• ਸ਼੍ਰੀਗੰਗਾਨਗਰ-ਹਨੂਮਾਨਗੜ੍ਹ ’ਚ ਤੂਫਾਨੀ ਮੀਂਹ | Rajasthan Weather
• ਪੂਰਬੀ ਰਾਜਸਥਾਨ ’ਚ ਹਲਕਾ ਪਿਆ ਮੀਂਹ ਦਾ ਦੌਰ

ਜੈਪੁਰ (ਸੱਚ ਕਹੂੰ ਨਿਊਜ਼)। ਰਾਜਸਥਾਨ ’ਚ ਭਾਰੀ ਮੀਂਹ ਦਾ ਦੌਰ ਲਗਾਤਾਰ ਜਾਰੀ ਹੈ। ਅੱਜ ਸੂਬੇ ਦੇ 20 ਜ਼ਿਲ੍ਹਿਆਂ ’ਚ ਭਾਰੀ ਮੀਂਹ ਪੈਣ ਦੀ ਸੰਭਾਵਨਾ ਦੱਸੀ ਜਾ ਰਹੀ ਹੈ। ਮੌਸਮ ਵਿਭਾਗ ਨੇ ਅੱਜ ਰਾਜਧਾਨੀ ਜੈਪੁਰ, ਅਲਵਰ, ਬਾਰਾਂ, ਭਰਤਪੁਰ, ਭੀਲਵਾੜਾ, ਬੂੰਦੀ, ਚਿਤੌੜਗੜ੍ਹ, ਦੌਸਾ, ਧੌਲਪੁਰ, ਝਾਲਾਵਾੜ, ਝੂੰਝਨੂੰ ਸਮੇਤ ਹੋਰ 20 ਜ਼ਿਲ੍ਹਿਆਂ ’ਚ ਭਾਰੀ ਮੀਂਹ ਦਾ ਯੈਲੋ ਅਲਰਟ ਜਾਰੀ ਕੀਤਾ ਹੈ। ਸੂਬੇ ’ਚ ਸ਼ੁੱਕਰਵਾਰ ਨੂੰ ਵੀ ਕੁੱਝ ਥਾਵਾਂ ’ਤੇ ਭਾਰੀ ਮੀਂਹ ਪਿਆ। ਹਾਲਾਂਕਿ ਹੋਰ ਥਾਵਾਂ ’ਤੇ ਲੋਕ ਹੁੰਮਸ ਭਾਰੀ ਗਰਮੀ ਨਾਲ ਪਰੇਸ਼ਾਨ ਨਜ਼ਰ ਆਏ। (Rajasthan Weather)

Read This : Rajasthan Weather Update: ਭਾਰੀ ਮੀਂਹ ਬਣਿਆ ਕਾਲ, ਛੱਤ ਡਿੱਗਣ ਕਾਰਨ 2 ਭਰਾਵਾਂ ਦੀ ਮੌਤ

ਪਿੱਛਲੇ 24 ਘੰਟਿਆਂ ’ਚ ਬੀਕਾਨੇਰ, ਚੂਰੂ, ਗੰਗਾਨਗਰ, ਹਨੂਮਾਨਗੜ੍ਹ, ਬੂੰਦੀ, ਜੈਪੁਰ ਤੇ ਝੂੰਝਨੂੰ ਜ਼ਿਲ੍ਹਿਆਂ ’ਚ ਕਈ ਥਾਵਾਂ ’ਤੇ ਭਾਰੀ ਮੀਂਹ ਦਰਜ਼ ਕੀਤਾ ਗਿਆ ਹੈ। ਪੂਰਬੀ ਰਾਜਸਥਾਨ ’ਚ ਸਭ ਤੋਂ ਜ਼ਿਆਦਾ ਮੀਂਹ ਪਿਆ, ਜਿੱਥੇ 86.0 ਮਿਲੀਮੀਟਰ ਤੇ ਪੱਛਮੀ ਰਾਜਸਥਾਨ ਦੇ ਮੁਕਲਾਵਾ, ਸ਼੍ਰੀਗੰਗਾਨਗਰ ’ਚ 97 ਮਿਲੀਮੀਟਰ ਮੀਂਹ ਦਰਜ਼ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ ਪਿੱਛਲੇ 24 ਘੰਟਿਆਂ ’ਚ ਬੀਕਾਨੇਰ ’ਚ 56.2, ਜੈਪੁਰ ’ਚ 43, ਮਾਊਂਟਆਬੂ ’ਚ 39.2, ਸੀਕਰ ’ਚ 20 ਮਿਲੀਮੀਟਰ ਮੀਂਹ ਦਰਜ਼ ਕੀਤਾ ਗਿਆ ਹੈ। ਉੱਧਰ ਜੈਪੁਰ ’ਚ ਰਾਤ ਨੂੰ ਵੀ ਤੇਜ਼ ਮੀਂਹ ਪਿਆ। (Rajasthan Weather)

ਮਾਨਸੂਨ ਦੀ ਬਾਰਿਸ਼ ਲਈ ਤਰਸਿਆ ਥਾਰ | Rajasthan Weather

ਉੱਧਰ, ਥਾਰ ਖੇਤਰ ਮਾਨਸੂਨ ਦੀ ਮੀਂਹ ਲਈ ਤਰਸ ਰਿਹਾ ਹੈ। ਬਿਨ੍ਹਾਂ ਮਾਨਸੂਨ ਜੂਨ ਮਹੀਨੇ ’ਚ ਹੋਈ ਦੋ-ਤਿੰਨ ਵਾਰ ਮੀਂਹ ਨਾਲ ਬਾੜਮੇਰ ਨੂੰ ਕਾਫੀ ਰਾਹਤ ਮਿਲੀ ਸੀ। ਪਰ, ਮਾਨਸੂਨੀ ਸੀਜ਼ਨ ’ਚ ਇੱਥੇ ਮੀਂਹ ਦੂਰ-ਦੂਰ ਤੱਕ ਨਜ਼ਰ ਨਹੀਂ ਆ ਰਿਹਾ ਹੈ। ਸਵੇਰੇ ਸੰਘਣੇ ਬੱਦਲ ਆਉਂਦੇ ਹਨ, ਪਰ 9 ਵਜੇ ਤੱਕ ਵੰਡੇ ਜਾਂਦੇ ਹਨ। ਇਸ ਤੋਂ ਬਾਅਦ ਦਿਨ ਸਮੇਂ ਤੇਜ਼ ਧੁੱਪ ਤੇ ਦੁਪਹਿਰ ਬਾਅਦ ਤਾਂ ਗਰਮ ਹਵਾ ਦੇ ਥਪੇੜਿਆਂ ਨਾਲ ਆਮਜਨ ਬੇਹਾਲ ਹੋ ਰਿਹਾ ਹੈ। ਇਸ ਸਿਲਸਿਲਾ ਪਿੱਛਲੇ ਕਾਫੀ ਦਿਨਾਂ ਤੋਂ ਚੱਲਿਆ ਆ ਰਿਹਾ ਹੈ। ਮੌਸਮ ਵਿਭਾਗ ਦੀ ਮੰਨੀਏ ਤਾਂ ਬਾੜਮੇਰ, ਜੈਸਲਮੇਰ ਤੇ ਜੋਧਪੁਰ ’ਚ ਤਿੰਨ ਦਿਨਾਂ ਤੱਕ ਮੀਂਹ ਦੀ ਕੋਈ ਸੰਭਾਵਨਾ ਨਹੀਂ ਹੈ। ਹਾਲਾਂਕਿ 16 ਜੁਲਾਈ ਤੋਂ ਮੌਸਮ ’ਚ ਕਾਫੀ ਬਦਲਾਅ ਤੇ ਹਲਕੀ ਬਾਰਿਸ਼ ਦੀ ਸੰਭਾਵਨਾ ਦੱਸੀ ਜਾ ਰਹੀ ਹੈ। (Rajasthan Weather)

ਅੱਜ ਇਹ ਜ਼ਿਲ੍ਹਿਆਂ ’ਚ ਮੀਂਹ ਦਾ ਅਲਰਟ | Rajasthan Weather

ਮੌਸਮ ਵਿਭਾਗ ਨੇ ਅੱਜ ਰਾਜਧਾਨੀ ਜੈਪੁਰ ਸਮੇਤ ਅਲਵਰ, ਬਾਰਾਂ, ਭਰਤਪੁਰ, ਭੀਲਵਾੜਾ, ਬੂੰਦੀ, ਚਿਤੌੜਗੜ੍ਹ, ਦੌਸਾ, ਧੌਲਪੁਰ, ਝਾਲਾਵਾੜ, ਝੂੰਝਨੂੰ, ਕਰੌਲੀ, ਕੋਟਾ, ਸਵਾਈਮਾਧੋਪੁਰ, ਸੀਕਰ, ਟੋਂਕ, ਬੀਕਾਨੇਰ, ਚੂਰੂ, ਹਨੂਮਾਨਗੜ੍ਹ ਤੇ ਸ਼੍ਰੀਗੰਗਾਨਗਰ ’ਚ ਅੱਜ ਭਾਰੀ ਮੀਂਹ ਦਾ ਯੈਲੋ ਅਲਰਟ ਜਾਰੀ ਕੀਤਾ ਗਿਆ ਹੈ। ਹਾਲਾਂਕਿ ਐਤਵਾਰ ਤੇ ਸੋਮਵਾਰ ਨੂੰ ਸੂਬੇਭਰ ’ਚ ਮੌਸਮ ਕਾਫੀ ਸਾਫ ਰਹੇਗਾ।

ਰਾਜਸਥਾਨ ’ਚ ਪਾਰਾ 4 ਡਿਗਰੀ ਤੱਕ ਹੇਠਾਂ ਡਿੱਗਿਆ | Rajasthan Weather

• ਤੇਜ਼ ਤੂਫਾਨ ਚੱਲਣ ਨਾਲ ਦਰੱਖਤ ਤੇ ਟਰਾਂਸਫਾਰਮਰ ਡਿੱਗੇ | Rajasthan Weather
• ਅੱਜ ਵੀ ਜੈਪੁਰ ਸਮੇਤ 13 ਜ਼ਿਲ੍ਹਿਆਂ ’ਚ ਮੀਂਹ ਦਾ ਅਲਰਟ ਜਾਰੀ

ਜੈਪੁਰ (ਸੱਚ ਕਹੂੰ ਨਿਊਜ਼)। ਪਿਛਲੇ 2 ਹਫਤਿਆਂ ਤੋਂ ਭਿਆਨਕ ਗਰਮੀ ਦੀ ਮਾਰ ਝੱਲ ਰਹੇ ਰਾਜਸਥਾਨ ਨੂੰ ਸ਼ਨਿੱਚਵਾਰ ਨੂੰ ਥੋੜੀ ਰਾਹਤ ਮਹਿਸੂਸ ਹੋਈ ਹੈ। ਜੈਪੁਰ, ਭਰਤਪੁਰ, ਬੀਕਾਨੇਰ ਦੇ ਜ਼ਿਲ੍ਹਿਆਂ ’ਚ ਕੱਲ੍ਹ ਦੇਰ ਸ਼ਾਮ ਤੋਂ ਮੌਸਮ ’ਚ ਹੋਏ ਬਦਲਾਅ ਤੋਂ ਬਾਅਦ ਤੂਫਾਨ ਤੇ ਮੀਂਹ ਦਾ ਦੌਰ ਸ਼ੁਰੂ ਹੋ ਗਿਆ ਹੈ। ਐਤਵਾਰ ਨੂੰ ਵੀ ਜੈਪੁਰ ਸਮੇਤ 13 ਜ਼ਿਲ੍ਹਿਆਂ ’ਚ ਹਨ੍ਹੇਰੀ ਮੀਂਹ ਦਾ ਅਲਰਟ ਜਾਰੀ ਕੀਤਾ ਗਿਆ ਹੈ। ਉੱਧਰ ਸ਼ਨਿੱਚਰਵਾਰ ਦੀ ਦੇਰ ਰਾਤ ਸ਼ਾਮ ਗੰਗਾਨਗਰ, ਹਨੁਮਾਨਗੜ੍ਹ, ਚੁਰੂ ਦੇ ਖੇਤਰ ’ਚ 50 ਕਿਲੋਮੀਟਰ ਤੋਂ ਜ਼ਿਆਦਾ ਦੀ ਰਫ਼ਤਾਰ ਨਾਲ ਧੂੜ ਭਰੀ ਹਨ੍ਹੇਰੀ ਚੱਲੀ। ਜੈਪੁਰ ’ਚ ਵੀ ਕੱਲ੍ਹ ਸ਼ਾਮ ਤੋਂ ਸ਼ੁਰੂ ਹੋਇਆ ਮੀਂਹ ਦਾ ਦੌਰ ਰੂਕ-ਰੂਕ ਕੇ ਐਤਵਾਰ ਸਵੇਰੇ ਤੱਕ ਜਾਰੀ ਰਿਹਾ। ਇਸ ਨਾਲ ਸੂਬੇ ਦੇ ਕਈ ਹਿੱਸਿਆਂ ’ਚ ਤਾਪਮਾਨ 3 ਤੋਂ 4 ਡਿਗਰੀ ਤੱਕ ਹੇਠਾਂ ਡਿੱਗਿਆ ਹੈ। (Rajasthan Weather)

ਸ਼ਾਮ ਤੋਂ ਸ਼ੁਰੂ ਹੋਇਆ ਮੌਸਮ ’ਚ ਬਦਲਾਅ | Rajasthan Weather

ਰਾਜਸਧਾਨੀ ਜੈਪੁਰ ’ਚ ਕੱਲ੍ਹ ਸ਼ਾਮ ਕਰੀਬ 4 ਵਜੇ ਤੋਂ ਮੌਮਸ ’ਚ ਬਦਲਾਅ ਆਇਆ। ਅਸਮਾਨ ’ਚ ਬੱਦਲ ਛਾਉਣ ਤੋਂ ਬਾਅਦ ਧੂੜ ਭਰੀ ਹਨ੍ਹੇਰੀ ਚੱਲੀ। ਜੈਪੁਰ ਸ਼ਹਿਰ ਤੋਂ ਇਲਾਵਾ ਆਮੇਰ, ਕੂਕਸ, ਚੌਮੂ ਸਮੇਤ ਹੋਰ ਬਾਹਰੀ ਇਲਾਕਿਆਂ ’ਚ ਚੰਗਾ ਮੀਂਹ ਪਿਆ ਹੈ। ਦਿੱਲੀ ਰੋੜ ’ਤੇ ਕਈ ਪਿੰਡਾਂ ’ਚ ਤੇਜ਼ ਮੀਂਹ ਤੋਂ ਬਾਅਦ ਸੜਕਾਂ ’ਤੇ ਪਾਣੀ ਚੱਲਦਾ ਹੋਇਆ ਨਜ਼ਰ ਆਇਆ। ਜੈਪੁਰ ’ਚ ਅੱਜ ਤੜਕੇ ਵੀ ਸ਼ਹਿਰ ਦੇ ਕਈ ਇਲਾਕਿਆਂ ’ਚ ਹਲਕਾ ਮੀਂਹ ਪਿਆ। ਸਵੇਰੇ ਤੋਂ ਠੰਢੀ ਹਵਾ ਵੀ ਚੱਲਣੀ ਸ਼ੁਰੂ ਹੋ ਗਈ ਹੈ। (Rajasthan Weather)

ਅੱਜ ਵੀ 13 ਜ਼ਿਲ੍ਹਿਆਂ ’ਚ ਤੂਫਾਨ-ਮੀਂਹ ਦਾ ਅਲਰਟ ਜਾਰੀ | Rajasthan Weather

ਮੌਸਮ ਕੇਂਦਰ ਜੈਪੁਰ ਤੋਂ ਜਾਰੀ ਫੋਰਕਾਸ ਮੁਤਾਬਕ ਸੂਬੇ ਦੇ 13 ਜ਼ਿਲ੍ਹਿਆਂ ’ਚ ਐਤਵਾਰ ਨੂੰ ਵੀ ਦੁਪਹਿਰ ਤੋਂ ਬਾਅਦ ਤੂਫਾਨ ਚੱਲਣ ਨਾਲ ਮੀਂਹ ਦਾ ਅਲਰਟ ਜਾਰੀ ਕੀਤਾ ਹੈ। ਇਸ ਵਿੱਚ ਅਲਵਰ, ਭਰਤਪੁਰ, ਦੌਸਾ, ਧੌਲਪੁਰ, ਜੈਪੁਰ, ਝੂੰਝਨੂੰ, ਕਰੌਲੀ, ਸੀਕਰ, ਸਵਾਈ ਮਾਧੋਪੁਰ, ਟੋਂਕ, ਚੁਰੂ, ਹਨੁਮਾਨਗੜ੍ਹ ਤੇ ਗੰਗਾਨਗਰ ਸ਼ਾਮਲ ਹਨ। (Rajasthan Weather)

ਇਹ ਵੀ ਪੜ੍ਹੋ : ਅਰੁਣਾਚਲ ਵਿਧਾਨ ਸਭਾ ਚੋਣ ਨਤੀਜੇ, ਜਿੱਤ ਵੱਲ ਵਧ ਰਹੀ ਐ ਭਾਜਪਾ, ਸਿੱਕਮ ਦੇ ਵੀ ਦੇਖੋ ਰੁਝਾਨ

• 3 ਜੂਨ ਨੂੰ ਸਿਸਟਮ ਦਾ ਪ੍ਰਭਾਵ ਅਲਵਰ, ਭਰਤਪੁਰ, ਦੌਸਾ, ਧੌਲਪੁਰ, ਜੈਪੁਰ, ਝੂੰਝਨੂੰ, ਕਰੌਲੀ, ਸੀਕਰ, ਸਵਾਈ ਮਾਧੋਪੁਰ, ਟੋਂਕ ’ਚ ਵੇਖਣ ਨੂੰ ਮਿਲੇਗਾ, ਇੱਥੇ ਤੂਫਾਨ ਮੀਂਹ ਹੋਣ ਦੀ ਸੰਭਾਵਨਾ ਹੈ।
• 4 ਜੂਨ ਤੋਂ ਸੂਬੇ ’ਚ ਮੌਸਮ ਫਿਰ ਤੋਂ ਖੁਸ਼ਕ ਭਾਵ ਸਾਫ ਹੋਣ ਲੱਗੇਗਾ ਤੇ ਉੱਤਰੀ-ਪਛਮੀ ਰਾਜਸਥਾਨ ਦੇ ਕੁਝ ਜ਼ਿਲ੍ਹਿਆਂ ’ਚ ਤਾਪਮਾਨ ਫਿਰ ਤੋਂ ਵੱਧਣ ਲੱਗੇਗਾ ਤੇ ਗਰਮੀ ਵੀ ਤੇਜ਼ ਹੋਣ ਲੱਗੇਗੀ।
• 5 ਜੂਨ ਨੂੰ ਪੱਛਮੀ ਰਾਜਸਥਾਨ ਦੇ ਗੰਗਾਨਗਰ, ਚੂਰੂ, ਬੀਕਾਨੇਰ, ਬਾੜਮੇਰ ਦੇ ਖੇਤਰਾਂ ’ਚ ਹੀਟਵੇਵ ਚੱਲਣ ਦਾ ਯੈਲੋ ਅਲਰਟ ਜਾਰੀ ਕੀਤਾ ਗਿਆ ਹੈ।