Shah Satnam Ji Girls School Sirsa: ਕੈਥਲ (ਸੱਚ ਕਹੂੰ ਨਿਊਜ਼)। ਆਰਕੇਐੱਸਡੀ ਪਬਲਿਕ ਸਕੂਲ ਕੈਥਲ ’ਚ ਹੋਈੇ ਸੀਬੀਐੱਸਈ ਕਲਸਟਰ-16 ਗਰਲਜ਼ ਐਥਲੈਟਿਕਸ ਮੀਟ ਦੀ ਸ਼ਾਨਦਾਰ ਸਮਾਪਤੀ ਹੋ ਗਈ। ਮੁਕਾਬਲੇ ’ਚ 85 ਸਕੂਲਾਂ ਤੋਂ ਕਰੀਬ 900 ਵਿਦਿਆਰਥਣਾਂ ਨੇ ਵੱਖ-ਵੱਖ ਐਥਲੈਟਿਕਸ ਮੁਕਾਬਲਿਆਂ ’ਚ ਹਿੱਸਾ ਲੈ ਕੇ ਆਪਣੀ ਖੇਡ ਪ੍ਰਤਿਭਾ ਦਾ ਪ੍ਰਦਰਸ਼ਨ ਕੀਤਾ।

ਸ਼ਾਹ ਸਤਿਨਾਮ ਜੀ ਗਰਲਜ਼ ਸਕੂਲ ਸਰਸਾ ਦੀ ਟੀਮ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਮੁਕਾਬਲੇ ਦੀ ਓਪਰ ਆਲ ਚੈਂਪੀਅਨ ਟਰਾਫੀ ਆਪਣੇ ਨਾਂਅ ਕੀਤੀ। ਖਿਡਾਰਨਾਂ ਨੇ ਆਪਣੀ ਜਿੱਤ ਦਾ ਸਿਹਰਾ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਨੂੰ ਦਿੱਤਾ। ਸਮਾਪਤੀ ਮੌਕੇ ਜੇਤੂ ਖਿਡਾਰਨਾਂ ਨੂੰ ਤਗਮੇ ਅਤੇ ਪ੍ਰਸ਼ੰਸ਼ਾ ਪੱਤਰ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਸਮਾਪਤੀ ਸਮਾਰੋਹ ’ਚ ਆਰਕੇਐੱਸਡੀ ਕਾਲੇਜ ਆਫ ਗਰੁੱਪ ਦੇ ਪ੍ਰਧਾਨ ਅਸ਼ਵਿਨੀ ਸ਼ੋਰੇਵਾਲਾ ਨੇ ਜੇਤੂ ਖਿਡਾਰਨਾਂ ਨੂੰ ਸਨਮਾਨਿਤ ਕੀਤਾ।

Read Also : ਸਲਾਬਤਪੁਰਾ ’ਚ ਪਵਿੱਤਰ ਭੰਡਾਰਾ ਸ਼ੁਰੂ, ਦੇਖੋ ਸਿੱਧਾ ਪ੍ਰਸਾਰਣ

ਉਨ੍ਹਾਂ ਕਿਹਾ ਕਿ ਸਿੱਖਿਆ ਦੇ ਨਾਲ ਖੇਡਾਂ ਵੀ ਵਿਦਿਆਰਥੀਆਂ ਦੇ ਸਰਵਪੱਖੀ ਵਿਕਾਸ ਲਈ ਬੇਹੱਦ ਜ਼ਰੂਰੀ ਹਨ। ਇਸ ਤਰ੍ਹਾਂ ਦੇ ਮੁਕਾਬਲੇ ਵਿਦਿਆਰਥੀਆਂ ਨੂੰ ਆਪਣੀ ਪ੍ਰਤਿਭਾ ਨਿਖਾਰਣ ਅਤੇ ਅੱਗੇ ਵਧਣ ਦੀ ਪ੍ਰੇਰਨਾ ਦਿੰਦੇ ਹਨ। ਖੇਡਾਂ ’ਚ ਵਧੀਆ ਪ੍ਰਦਰਸ਼ਨ ਕਰਨ ਵਾਲੀਆਂ ਖਿਡਾਰਨਾਂ ਲਈ ਰੁਜ਼ਗਾਰ ਅਤੇ ਆਰਥਿਕ ਤੌਰ ’ਤੇ ਆਤਮਨਿਰਭਰ ਬਣਨ ਦੇ ਮੌਕੇ ਵੀ ਮੁਹੱਈਆ ਹੁੰਦੇ ਹਨ। ਉਨ੍ਹਾਂ ਕਿਹਾ ਕਿ ਖੇਡਾਂ ਜ਼ਰੀਏ ਬੱਚਿਆ ਦਾ ਸਰੀਰਕ ਵਿਕਾਸ ਹੋਣ ਦੇ ਨਾਲ-ਨਾਲ ਉਨ੍ਹਾਂ ਨੂੰ ਅਲੱਗ-ਅਲੱਗ ਸਥਾਨਾਂ ’ਤੇ ਜਾ ਕੇ ਨਵੀਆਂ ਥਾਵਾਂ ਅਤੇ ਲੋਕਾਂ ਤੋਂ ਸਿੱਖਣ ਦਾ ਮੌਕਾ ਵੀ ਮਿਲਦਾ ਹੈ।

ਸ਼ਾਹ ਸਤਿਨਾਮ ਜੀ ਗਰਲਜ਼ ਸਕੂਲ ਦੀਆਂ ਖਿਡਾਰਨਾਂ ਦੀ ਤਿਆਰੀ ਬਹੁਤ ਉੱਚ ਪੱਧਰ ਦੀ: ਅਸ਼ਵਿਨੀ ਸ਼ੋਰੇਵਾਲਾ

ਅਸ਼ਵਿਨੀ ਸ਼ੋਰੇਵਾਲਾ ਨੇ ਕਿਹਾ ਕਿ ਮੁਕਾਬਲੇ ’ਚ ਸ਼ਾਹ ਸਤਿਨਾਮ ਜੀ ਗਰਲਜ਼ ਸਕੂਲ ਸਰਸਾ ਦੀ ਟੀਮ ਨੇ ਵੱਖ-ਵੱਖ ਮੁਕਾਬਲਿਆਂ ’ਚ ਬਿਹਤਰੀਨ ਪ੍ਰਦਰਸ਼ਨ ਕੀਤਾ ਅਤੇ ਖਿਡਾਰਨਾਂ ਦੀ ਤਿਆਰੀ ਵੀ ਉੱਚ ਪੱਧਰ ਦੀ ਨਜ਼ਰ ਆਈ। ਇਸ ਦੇ ਦਮ ’ਤੇ ਟੀਮ ਨੇ ਓਵਰਆਲ ਟਰਾਫੀ ਆਪਣੇ ਨਾਂਅ ਕੀਤੀ। ਵੱਖ-ਵੱਖ ਈਵੈਂਟਾਂ ’ਚ ਉਨ੍ਹਾਂ ਦੀ ਪ੍ਰਤਿਭਾ, ਮਿਹਨਤ ਅਤੇ ਖੇਡ ਹੁਨਰ ਸਾਫ਼ ਨਜ਼ਰ ਆਇਆ।

ਰਿਲੇਅ ਮੁਕਾਬਲਿਆਂ ’ਚ ਵੀ ਖਿਡਾਰਨਾਂ ਨੇ ਦਿਖਾਇਆ ਦਮ

4 ਗੁਣਾ 100 ਮੀਟਰ ਅੰਡਰ-17 ਰਿਲੇਅ ’ਚ ਆਇਸ਼ਰ ਸਕੂਲ ਪਰਵਾਣੂ ਨੇ ਪਹਿਲਾ, ਲਿਟਲ ਫਲਾਵਰ ਸਕੂਲ ਕੈਥਲ ਨੇ ਦੂਜਾ ਅਤੇ ਐੱਮਆਈਏਡੀਏਸੀ ਪਬਲਿਕ ਸਕੂਲ ਊਨਾ ਨੇ ਤੀਜਾ ਸਥਾਨ ਹਾਸਲ ਕੀਤਾ। 4 ਗੁਣਾ 400 ਮੀਟਰ ਅੰਡਰ-19 ਰਿਲੇਅ ’ਚ ਸ਼ਾਹ ਸਤਿਨਾਮ ਜੀ ਗਰਲਜ਼ ਸਕੂਲ ਸਰਸਾ ਪਹਿਲੇ, ਗੁਰੂ ਨਾਨਕ ਮਿਸ਼ਨ ਪਾਉਂਟਾ ਸਾਹਿਬ ਦੂਜੇ ਅਤੇ ਦੂਨ ਵੈਲੀ ਨਾਲਾਗੜ੍ਹ ਤੀਜੇ ਸਥਾਨ ’ਤੇ ਰਹੇ।

ਅਖੀਰਲੇ ਦਿਨ ਖਿਡਾਰਨਾਂ ਨੇ ਦਿਖਾਇਆ ਦਮ

ਮੁਕਾਬਲੇ ਦੇ ਅਖੀਰਲੇ ਦਿਨ ਵੱਖ-ਵੱਖ ਉਮਰ ਵਰਗ ਦੀਆਂ ਐਥਲੈਟਿਕਸ ਮੁਕਾਬਲੇ ’ਚ ਖਿਡਾਰਨਾਂ ਨੇ ਦਮ ਦਿਖਾਇਆ। ਟਰਿੱਪਲ ਜੰਪ ਅੰਡਰ-17 ’ਚ ਪਲਕ ਪਹਿਲੇ, ਕਮਲਦੀਪ ਦੂਜੇ ਅਤੇ ਪ੍ਰਭਨੂਰ ਤੀਜੇ ’ਤੇ ਰਹੀ। ਡਿਸਕਸ ਥ੍ਰੋਅ ਅੰਡਰ-17 ’ਚ ਅਰਾਧਿਆ ਪਹਿਲੇ, ਮਿਲਨਦੀਪ ਦੂਜੇ ਅਤੇ ਤਨਵੀ ਤੀਜੇ ’ਤੇ ਰਹੀ। ਦੌੜ ’ਚ 400 ਮੀਟਰ ਅੰਡਰ-17 ’ਚ ਪਾਇਲ ਨੇ ਪਹਿਲਾ, ਰੀਆ ਨੇ ਦੂਜਾ ਅਤੇ ਸਰਿਤਾ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਦੂਜੇ ਪਾਸੇ 3000 ਮੀਟਰ ਰੇਸ ’ਚ ਅੰਡਰ-19 ’ਚ ਮੇਘਾ ਪਹਿਲੇ, ਸਾਕਸ਼ੀ ਦੂਜੇ ਅਤੇ ਯਾਸ਼ੀ ਤੀਜੇ ’ਤੇ ਰਹੀ। 600 ਮੀਟਰ ਅੰਡਰ-14 ’ਚ ਦੀਪਤੀ ਸ਼ਰਮਾ, ਸਾਕਸ਼ੀ ਦੂਜੇ ਅਤੇ ਧਰਾ ਤੀਜੇ ਸਥਾਨ ’ਤੇ ਰਹੀ। 3000 ਮੀਟਰ ਅੰਡਰ-17 ’ਚ ਸਮਰਿੱਧੀ ਪਹਿਲੇ, ਗੁਰਨੂਰ ਦੂਜੇ ਅਤੇ ਚਾਹਤ ਤੀਜੇ ’ਤੇ ਰਹੀ।

ਦੌੜ ਮੁਕਾਬਲਿਆਂ ’ਚ 400 ਮੀਟਰ ਅੰਡਰ-14 ’ਚ ਰੀਤੂ ਪਹਿਲੇ, ਧਰਾ ਦੂਜੇ ਅਤੇ ਦੀਕਸ਼ਾ ਤੀਜੇ ਸਥਾਨ ’ਤੇ ਰਹੀ। 400 ਮੀਟਰ ਅੰਡਰ-19 ’ਚ ਨੈਨਸੀ ਪਹਿਲੇ, ਰੇਣੂ ਦੂਜੇ ਅਤੇ ਰਿੱਧੀ ਤੀਜੇ ’ਤੇ ਰਹੀ। 100 ਮੀਟਰ ਅੰਡਰ-19 ’ਚ ਗੁਰਨੂਰ ਪਹਿਲੇ, ਗੁਰਨੂਰ ਦੂਜੇ ਅਤੇ ਮੇਹਰ ਤੀਜੇ ਸਥਾਨ ’ਤੇ ਰਹੀ। ਜੈਵਲਿਨ ਥ੍ਰੋਅ ਅੰਡਰ-17 ’ਚ ਵਿਰਾਜਜੋਤ ਪਹਿਲੇ, ਕਮਲਦੀਪ ਦੂਜੇ ਅਤੇ ਸੁਖਮੀਤ ਕੌਰ ਤੀਜੇ ’ਤੇ ਰਹੀ। ਲੌਂਗ ਜੰਪ ਅੰਡਰ-14 ’ਚ ਮਾਨਵੀ ਪਹਿਲੇ, ਰਿਤੂ ਦੂਜੇ ਅਤੇ ਸਮਰਿੱਧ ਕੌਰ ਤੀਜੇ ਸਥਾਨ ’ਤੇ ਰਹੀ।

ਇਨ੍ਹਾਂ ਖਿਡਾਰਨਾਂ ਨੂੰ ਮਿਲੀ ਸ਼ਾਨਦਾਰ ਟਰਾਫੀ

ਅੰਡਰ-14 ਵਰਗ ’ਚ ਅਨੰਨਿਆ ਅਤੇ ਮੁਸਕਾਨ, ਅੰਡਰ-17 ’ਚ ਅਮਨ ਅਤੇ ਅੰਡਰ-19 ’ਚ ਮੇਘਾ ਨੂੰ ਉੱਚ ਖਿਡਾਰੀ ਦੀ ਟਰਾਫੀ ਨਾਲ ਸਨਮਾਨਿਤ ਕੀਤਾ ਗਿਆ। ਦੂਜੇ ਪਾਸੇ ਸੀਬੀਐੱਸਈ ਕਲਸਟਰ-16 ਦੀ ਸ੍ਰੇਸ਼ਟ ਸਕੂਲ ਟਰਾਫੀ ਸ਼ਾਹ ਸਤਿਨਾਮ ਜੀ ਗਰਲਜ਼ ਸਕੂਲ ਸਰਸਾ ਨੇ ਆਪਣੇ ਨਾਂਅ ਕੀਤੀ।

ਅਬੋਹਰ (ਮੇਵਾ ਸਿੰਘ)। Abohar News : ਤਹਿਸੀਲ ਅਬੋਹਰ ਅਤੇ ਹਲਕਾ ਵਿਧਾਨ ਸਭਾ ਬੱਲੂਆਣਾ ਦੇ ਪਿੰਡ ਢਾਬਾਂ ਕੋਕਰੀਆਂ ਦੇ ਵਸਨੀਕ ਐਡਵੋਕੇਟ ਵਿਵੇਕ ਗੁੱਲਬਧਰ ਉਰਫ ਵਿੱਕੀ ਇੰਸਾਂ ਦੀ ਹੋਣਹਾਰ ਧੀ ਸਿਮਰਨ ਨੇ ਆਰਮੀ ਅਫਸਰ ਬਣਨ ਦੀ ਆਪਣੀ ਟ੍ਰੇਨਿੰਗ ਪੂਰੀ ਕਰ ਲਈ ਹੈ, ਜਿਸ ਕਰਕੇ ਉਨ੍ਹਾਂ ਦੇ ਪਿਤਾ ਐਡਵੋਕੇਟ ਵਿਵੇਕ ਇੰਸਾਂ ਨੂੰ ਵਧਾਈਆਂ ਦੇਣ ਵਾਲਿਆਂ ਦਾ ਤਾਂਤਾ ਲੱਗਿਆ ਹੋਇਆ ਤੇ ਸਾਰੇ ਪਿੰਡ ਢਾਬਾਂ ਕੋਕਰੀਆਂ ਅਤੇ ਇਲਾਕੇ ਵਿਚ ਖੁਸ਼ੀ ਦੀ ਲਹਿਰ ਹੈ।

ਇਸ ਦੇ ਨਾਲ ਹੀ ਐਡਵੋਕੇਟ ਵਿਵੇਕ ਇੰਸਾਂ ਦੇ ਪੁੱਤਰ ਦਾਨਵੀਰ ਵੀ ਦਿੱਲੀ ਕੋਰਟ ਵਿੱਚ ਜੱਜ ਦੇ ਤੌਰ ’ਤੇ ਸੇਵਾਵਾਂ ਨਿਭਾ ਰਹੇ ਹਨ। ਆਪਣੀ ਲਾਡਲੀ ਤੇ ਹੋਣਹਾਰ ਧੀ ਸਿਮਰਨ ਦੇ ਆਰਮੀ ਅਫਸਰ ਬਣਨ ’ਤੇ ਉਨ੍ਹਾਂ ਦੀ ਮਾਤਾ ਮੋਨਿਕਾ ਇੰਸਾਂ ਤੇ ਪਿਤਾ ਵਿਵੇਕ ਗੁੱਲਬਧਰ ਨੇ ਸਿਮਰਨ ਦੇ ਸਟਾਰ ਲਾਕੇ ਉਸ ਦੀ ਹੌਂਸਲਾ ਅਫਜਾਈ ਕੀਤੀ। ਇਲਾਕੇ ਲਈ ਮਿਸ਼ਾਲ ਬਣੀ ਇਸ ਸ਼ਾਨਦਾਰ ਉਪਲਬਧੀ ’ਤੇ ਬਾਰ ਐਸੋਸੀਏਸਨ ਦੇ ਪ੍ਰਧਾਨ ਲਖਵਿੰਦਰ ਸਿੰਘ ਸਿੱਧੂ, ਸਾਬਕਾ ਪ੍ਰਧਾਨ ਬਰਿੰਦਰ ਸਿੰਘ ਹੇਅਰ, ਸੈਕਟਰੀ ਗੌਰੀ ਸ਼ੰਕਰ ਮੱਕੜ, ਜੁਆਇੰਟ ਸਕੱਤਰ ਦਿਨੇਸ਼ ਰਜੌਰਾ, ਕੈਸ਼ੀਅਰ ਰਾਜਿੰਦਰ ਕਾਂਟੀਵਾਲ, ਐੱਸਪੀ ਸਿੰਘ ਬਰਾੜ, ਸੁਰੀਨ ਕੜਵਾਸਰਾ, ਰਵੀ ਕੜਵਾਸਰਾ, ਰਾਜ ਕਮੁਾਰ ਕੋਂਡਲ, ਸੰਦੀਪ ਬਜਾਜ, ਪ੍ਰਤਾਪ ਸਿੰਘ ਤਿੰਨਾਂ, ਹਰਪ੍ਰੀਤ ਸਿੰਘ, ਸੰਦੀਪ ਠਠਈ, ਗੋਗਲ ਮਿੱਡਾ, ਸਰਵਣ ਕੁਮਾਰ, ਦੇਸ ਰਾਜ ਕੰਬੋਜ, ਕੰਵਰ ਸੈਨ, ਮੁਕੇਸ਼ ਕੁਮਾਰ ਲੱਕੀ, ਗੁਰਜਿੰਦਰ ਸਿੰਘ ਕਾਲੜਾ, ਗੌਤਮ ਕਪੂਰ, ਪ੍ਰਭਜੋਤ ਸਿੰਘ ਕਾਲੜਾ, ਗੌਰਵ ਮੁਟਨੇਜਾ, ਧੀਰਜ ਛਾਬੜਾ, ਸ਼ਾਮ ਸੁੰਦਰ, ਕਪਿਲ ਦੇਵ ਆਦਿ ਵਕੀਲਾਂ ਨੇ ਐਡਵੋਕੇਟ ਵਿਵੇਕ ਇੰਸਾਂ ਨੂੰ ਵਧਾਈ ਦਿੱਤੀਆਂ। Abohar News

ਪੂਜਨੀਕ ਗੁਰੂ ਜੀ ਦੀ ਰਹਿਮਤ ਸਦਕਾ ਹੋਇਆ ਸੰਭਵ | Abohar News

ਜਾਣਕਾਰੀ ਦਿੰਦਿਆਂ ਐਡਵੋਕੇਟ ਵਿਵੇਕ ਇੰਸਾਂ ਨੇ ਦੱਸਿਆ ਕਿ ਆਰਮੀ ਅਫਸਰ ਬਣੀ ਬੇਟੀ ਸਿਮਰਨ ਵੱਲੋਂ ਆਪਣੀ ਸਕੂਲ ਅਤੇ ਕਾਲਜ ਦੀ ਪੜ੍ਹਾਈ ਸ਼ਾਹ ਸਤਿਨਾਮ ਜੀ ਸਿੱਖਿਆ ਸੰਸਥਾਵਾਂ ਵਿੱਚ ਪੂਰੀ ਕੀਤੀ ਹੈ। ਉਨ੍ਹਾਂ ਵਿਸ਼ੇਸ ਤੌਰ ’ਤੇ ਕਿਹਾ ਕਿ ਉਨ੍ਹਾਂ ਦੀ ਬੇਟੀ ਆਰਮੀ ਅਫਸਰ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਦੀ ਦਇਆ-ਮਿਹਰ ਸਦਕਾ ਹੀ ਬਣ ਸਕੀ ਹੈ, ਇਸ ਲਈ ਉਹ ਆਪਣੇ ਮੁਰਸ਼ਿਦੇ-ਕਾਮਲ ਦਾ ਦਿਲੋਂ ਲੱਖ-ਲੱਖ ਵਾਰ ਸ਼ੁਕਰਾਨਾ ਕਰਦੇ ਹਨ।

Read Also : ਪੰਜਾਬ ‘ਚ ਪੰਚਾਇਤ ਸੰਮਤੀਆਂ ਸਬੰਧੀ ਆਈ ਨਵੀਂ ਜਾਣਕਾਰੀ, ਹੁਣ ਇਸ ਤਰ੍ਹਾਂ ਹੋਵੇਗਾ ਕੰਮਕਾਜ