ਨਿਊਯਾਰਕ (ਸੱਚ ਕਹੂੰ ਨਿਊਜ਼/ਹਿੰ.ਸ.)। ਅਮਰੀਕਾ ਦੀਆਂ 2003 ਤੋਂ ਬਾਅਦ ਪਹਿਲੀ ਵਾਰ ਆਪਣੇ ਕਿਸੇ ਖਿਡਾਰੀ ਨੂੰ ਯੂਐਸ ਓਪਨ ਪੁਰਸ਼ ਸਿੰਗਲਜ਼ ਖਿਤਾਬ ਜਿੱਤਣ ਦੀਆਂ ਉਮੀਦਾਂ ਇੱਕ ਵਾਰ ਫਿਰ ਚਕਨਾਚੂਰ ਹੋ ਗਈਆਂ। ਜਰਮਨੀ ਦੇ ਅਲੈਗਜ਼ੈਂਡਰ ਜ਼ਵੇਰੇਵ ਨੇ ਸੋਮਵਾਰ ਸਵੇਰੇ ਭਾਰਤੀ ਸਮੇਂ ਅਨੁਸਾਰ ਫਾਈਨਲ ’ਚ ਅਮਰੀਕਾ ਦੇ ਬੇਨ ਸ਼ੈਲਟਨ ਨੂੰ 6-3, 7-6(2), 5-7, 6-2 ਨਾਲ ਹਰਾ ਕੇ ਪਹਿਲੀ ਵਾਰ ਯੂਐਸ ਓਪਨ ਖਿਤਾਬ ਜਿੱਤਿਆ। ਇਹ ਮੈਚ ਲਗਭਗ ਸਾਢੇ ਤਿੰਨ ਘੰਟੇ ਚੱਲਿਆ। ਇਹ 29 ਸਾਲਾ ਜ਼ਵੇਰੇਵ ਦੇ ਕਰੀਅਰ ਦਾ ਦੂਜਾ ਗ੍ਰੈਂਡ ਸਲੈਮ ਖਿਤਾਬ ਹੈ। ਉਨ੍ਹਾਂ ਨੇ ਇਸ ਸਾਲ ਫ੍ਰੈਂਚ ਓਪਨ ਵੀ ਜਿੱਤਿਆ ਹੈ। ਛੇ ਸਾਲ ਪਹਿਲਾਂ, ਫਲਸ਼ਿੰਗ ਮੀਡੋਜ਼ ਵਿਖੇ ਆਪਣੇ ਪਹਿਲੇ ਗ੍ਰੈਂਡ ਸਲੈਮ ਫਾਈਨਲ ’ਚ ਜ਼ਵੇਰੇਵ ਦੋ ਸੈੱਟਾਂ ਦੀ ਬੜ੍ਹਤ ਹੋਣ ਦੇ ਬਾਵਜੂਦ ਡੋਮਿਨਿਕ ਥੀਮ ਤੋਂ ਹਾਰ ਗਏ ਸੀ, ਪਰ ਇਸ ਵਾਰ ਉਸਨੇ ਅਜਿਹੀ ਕੋਈ ਗਲਤੀ ਨਹੀਂ ਕੀਤੀ।

ਆਪਣਾ ਪਹਿਲਾ ਗ੍ਰੈਂਡ ਸਲੈਮ ਫਾਈਨਲ ਖੇਡ ਰਹੇ ਸ਼ੈਲਟਨ ਨੇ ਘਰੇਲੂ ਦਰਸ਼ਕਾਂ ਦੇ ਸਾਹਮਣੇ ਤੀਜਾ ਸੈੱਟ 7-5 ਨਾਲ ਜਿੱਤ ਕੇ ਵਾਪਸੀ ਦੀਆਂ ਉਮੀਦਾਂ ਜਗਾਈਆਂ। ਉਨ੍ਹਾਂ ਨੇ 12ਵੀਂ ਗੇਮ ’ਚ ਜ਼ਵੇਰੇਵ ਦੀ ਸਰਵਿਸ ਤੋੜ ਕੇ ਸੈੱਟ ਆਪਣੇ ਨਾਂਅ ਕਰ ਲਿਆ, ਪਰ ਜਰਮਨ ਖਿਡਾਰੀ ਨੇ ਦਬਾਅ ਹੇਠ ਆਪਣਾ ਹੌਸਲਾ ਬਣਾਈ ਰੱਖਿਆ। ਜ਼ਵੇਰੇਵ ਨੇ ਚੌਥੇ ਸੈੱਟ ਦੇ ਪਹਿਲੇ ਹੀ ਗੇਮ ’ਚ ਸ਼ੈਲਟਨ ਦੀ ਸਰਵਿਸ ਤੋੜ ਦਿੱਤੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਸੱਤਵੇਂ ਗੇਮ ਵਿੱਚ ਇੱਕ ਹੋਰ ਬ੍ਰੇਕ ਪ੍ਰਾਪਤ ਕਰਕੇ ਆਪਣੀ ਸਥਿਤੀ ਮਜ਼ਬੂਤ ਕੀਤੀ। ਇਸ ਤੋਂ ਬਾਅਦ ਚੋਟੀ ਦਾ ਦਰਜਾ ਪ੍ਰਾਪਤ ਜ਼ਵੇਰੇਵ ਨੇ ਬਿਨਾਂ ਕਿਸੇ ਮੁਸ਼ਕਲ ਦੇ ਸਰਵਿਸ ਜਾਰੀ ਰੱਖਦੇ ਹੋਏ ਖਿਤਾਬ ਆਪਣੇ ਨਾਮ ਕਰ ਲਿਆ। ਅਮਰੀਕੀ ਖਿਡਾਰੀ ਦੀ ਸ਼ੁਰੂਆਤ ਬਹੁਤ ਖਰਾਬ ਰਹੀ। ਸ਼ੈਲਟਨ ਨੂੰ ਆਪਣੀ ਪਹਿਲੀ ਸਰਵਿਸ ਗੇਮ ਵਿੱਚ ਹੀ ਬ੍ਰੇਕ ਪੁਆਇੰਟ ਦਾ ਸਾਹਮਣਾ ਕਰਨਾ ਪਿਆ ਤੇ ਉਨ੍ਹਾਂ ਨੇ ਡਬਲ-ਫਾਲਟ ਕਰ ਦਿੱਤਾ। Tennis News

ਇਹ ਵੀ ਪੜ੍ਹੋ : Hormuz Strait: ਹੋਰਮੁਜ਼ ਦੇ ਨਵੇਂ ਸਮੁੰਦਰੀ ਰਾਸਤੇ ’ਤੇ ਖੇਤਰੀ ਮੀਟਿੰਗ ਮੁਲਤਵੀ

ਜ਼ਵੇਰੇਵ ਨੇ ਆਪਣੇ ਤਜ਼ਰਬੇ ਦਾ ਸ਼ਾਨਦਾਰ ਇਸਤੇਮਾਲ ਕੀਤਾ। ਇਹ ਉਨ੍ਹਾਂ ਦਾ ਛੇਵਾਂ ਗ੍ਰੈਂਡ ਸਲੈਮ ਫਾਈਨਲ ਸੀ, ਤੇ ਉਨ੍ਹਾਂ ਨੇ ਆਪਣੀ ਸ਼ਕਤੀਸ਼ਾਲੀ ਸਰਵਿਸ ਨਾਲ ਸ਼ੈਲਟਨ ਨੂੰ ਕੋਈ ਮੌਕਾ ਨਹੀਂ ਦਿੱਤਾ। ਪੂਰੇ ਮੈਚ ਦੌਰਾਨ, ਜ਼ਵੇਰੇਵ ਨੇ ਆਪਣੀ ਪਹਿਲੀ ਸਰਵਿਸ ਤੋਂ ਬਾਅਦ 80 ਵਿੱਚੋਂ 68 ਅੰਕ ਜਾਂ 85 ਪ੍ਰਤੀਸ਼ਤ ਅੰਕ ਜਿੱਤੇ। ਪਹਿਲੇ ਸੈੱਟ ਦੇ ਨੌਵੇਂ ਗੇਮ ’ਚ, ਸ਼ੈਲਟਨ ਨੂੰ ਇੱਕ ਹੋਰ ਬ੍ਰੇਕ ਪੁਆਇੰਟ ਦਾ ਸਾਹਮਣਾ ਕਰਨਾ ਪਿਆ ਅਤੇ ਡਬਲ-ਫਾਲਟ ਹੋਇਆ, ਜਿਸ ਨਾਲ ਜ਼ਵੇਰੇਵ ਨੇ ਪਹਿਲਾ ਸੈੱਟ 6-3 ਨਾਲ ਆਪਣੇ ਨਾਂਅ ਕਰ ਲਿਆ। ਸ਼ੈਲਟਨ ਨੇ ਦੂਜੇ ਸੈੱਟ ’ਚ ਬਿਹਤਰ ਪ੍ਰਦਰਸ਼ਨ ਕੀਤਾ, ਜ਼ਵੇਰੇਵ ਦੀ ਸਰਵਿਸ ’ਤੇ ਕੋਈ ਵੀ ਬ੍ਰੇਕ ਪੁਆਇੰਟ ਬਦਲਣ ’ਚ ਅਸਫਲ ਰਹੇ। ਹਾਲਾਂਕਿ, ਟਾਈਬ੍ਰੇਕ ’ਚ, ਜ਼ਵੇਰੇਵ ਨੇ 5-0 ਦੀ ਲੀਡ ਨਾਲ ਸੈੱਟ ਆਪਣੇ ਨਾਂਅ ਕਰ ਲਿਆ। ਜ਼ਵੇਰੇਵ ਦੀ ਸ਼ਕਤੀਸ਼ਾਲੀ  ਸਰਵਿਸ ਦੇ ਜਵਾਬ ’ਚ, ਸ਼ੈਲਟਨ ਦਾ ਫੋਰਹੈਂਡ ਰਿਟਰਨ ਨੈੱਟ ’ਚ ਚਲਾ ਗਿਆ। ਸ਼ੈਲਟਨ ਨੇ ਤੀਜੇ ਸੈੱਟ ’ਚ ਜ਼ਵੇਰੇਵ ਦੇ ਖਿਲਾਫ ਆਪਣੀ 12 ਸੈੱਟਾਂ ਦੀ ਹਾਰ ਦੀ ਲੜੀ ਨੂੰ ਖਤਮ ਕਰ ਦਿੱਤਾ, ਪਰ ਉਹ ਇਸ ਦਾ ਫਾਇਦਾ ਨਹੀਂ ਉਠਾ ਸਕੇ।

ਜ਼ਵੇਰੇਵ ਨੇ ਚੌਥੇ ਸੈੱਟ ’ਚ ਜਲਦੀ ਹੀ ਕੰਟਰੋਲ ਸੰਭਾਲ ਲਿਆ ਤੇ  ਆਖਰ ’ਚ ਇੱਕ ਇਤਿਹਾਸਕ ਜਿੱਤ ਹਾਸਲ ਕੀਤੀ। ਜ਼ਵੇਰੇਵ ਦੇ ਖਿਲਾਫ ਮੈਚ ਤੋਂ ਪਹਿਲਾਂ ਸ਼ੈਲਟਨ ਦਾ 0-5 ਦਾ ਰਿਕਾਰਡ ਸੀ। ਦੋਵੇਂ ਕਦੇ ਵੀ ਕਿਸੇ ਗ੍ਰੈਂਡ ਸਲੈਮ ’ਚ ਨਹੀਂ ਮਿਲੇ ਸਨ, ਉਨ੍ਹਾਂ ਦੀ ਆਖਰੀ ਮੁਲਾਕਾਤ 2025 ਦੇ ਏਟੀਪੀ ਫਾਈਨਲਜ਼ ’ਚ ਹੋਈ ਸੀ। ਸ਼ੈਲਟਨ ਨੇ ਫਾਈਨਲ ’ਚ ਪਹੁੰਚਣ ਲਈ ਕੁਆਰਟਰ ਫਾਈਨਲ ਤੇ ਸੈਮੀਫਾਈਨਲ ’ਚ ਮੌਜ਼ੂਦਾ ਚੈਂਪੀਅਨ ਕਾਰਲੋਸ ਅਲਕਾਰਾਜ਼ ਤੇ ਹਮਵਤਨ ਫਰਾਂਸਿਸ ਟਿਆਫੋ ਨੂੰ ਹਰਾਇਆ ਸੀ। ਇਸ ਹਾਰ ਨਾਲ ਅਮਰੀਕੀ ਪੁਰਸ਼ਾਂ ਦਾ ਯੂਐਸ ਓਪਨ ਜਿੱਤਣ ਦਾ ਇੰਤਜ਼ਾਰ ਜਾਰੀ ਰਿਹਾ। 2003 ’ਚ ਐਂਡੀ ਰੌਡਿਕ ਦੁਆਰਾ ਨਿਊਯਾਰਕ ’ਚ ਖਿਤਾਬ ਜਿੱਤਣ ਤੋਂ ਬਾਅਦ ਕਿਸੇ ਵੀ ਅਮਰੀਕੀ ਪੁਰਸ਼ ਖਿਡਾਰੀ ਨੇ ਗ੍ਰੈਂਡ ਸਲੈਮ ਖਿਤਾਬ ਨਹੀਂ ਜਿੱਤਿਆ ਹੈ। ਜ਼ਵੇਰੇਵ ਓਪਨ ਯੁੱਗ ’ਚ ਬੋਰਿਸ ਬੇਕਰ ਤੋਂ ਬਾਅਦ ਯੂਐਸ ਓਪਨ ਪੁਰਸ਼ ਸਿੰਗਲਜ਼ ਖਿਤਾਬ ਜਿੱਤਣ ਵਾਲੇ ਦੂਜਾ ਜਰਮਨ ਪੁਰਸ਼ ਖਿਡਾਰੀ ਵੀ ਬਣ ਗਏ। Tennis News

ਫਾਈਨਲ ’ਚ ਕਾਰਲੋਸ ਅਲਕਾਰਾਜ਼ ਨਾਲ ਹੋਵੇਗਾ ਸਾਹਮਣਾ

ਸਪੋਰਟਸ ਡੈਸਕ। Wimbledon 2025: ਯੈਨਿਕ ਸਿਨਰ ਨੇ ਸੈਮੀਫਾਈਨਲ ਮੈਚ ਵਿੱਚ ਨੋਵਾਕ ਜੋਕੋਵਿਚ ਨੂੰ ਹਰਾ ਕੇ ਫਾਈਨਲ ਵਿੱਚ ਪ੍ਰਵੇਸ਼ ਕੀਤਾ। ਸ਼ੁੱਕਰਵਾਰ ਨੂੰ ਖੇਡੇ ਗਏ ਮੈਚ ਵਿੱਚ, ਸਿਨਰ ਨੇ ਜੋਕੋਵਿਚ ਨੂੰ 6-3, 6-3, 6-4 ਨਾਲ ਹਰਾਇਆ। ਹੁਣ ਉਸਦਾ ਸਾਹਮਣਾ ਟਾਈਟਲ ਮੈਚ ’ਚ ਕਾਰਲੋਸ ਅਲਕਾਰਾਜ਼ ਨਾਲ ਹੋਵੇਗਾ। ਹੁਣ ਉਸਦਾ ਸਾਹਮਣਾ ਟਾਈਟਲ ਮੈਚ ਵਿੱਚ ਕਾਰਲੋਸ ਅਲਕਾਰਾਜ਼ ਨਾਲ ਹੋਵੇਗਾ। ਇਸ ਤੋਂ ਪਹਿਲਾਂ, ਮੌਜੂਦਾ ਚੈਂਪੀਅਨ ਅਲਕਾਰਾਜ਼ ਨੇ ਟੇਲਰ ਫ੍ਰਿਟਜ਼ ਨੂੰ 6-4, 5-7, 6-3, 7-6 (6) ਨਾਲ ਹਰਾ ਕੇ ਫਾਈਨਲ ਵਿੱਚ ਜਗ੍ਹਾ ਬਣਾਈ ਹੈ।

ਇਹ ਖਬਰ ਵੀ ਪੜ੍ਹੋ : Air India Plane Crash: AAIB ਦੀ ਜਾਂਚ ਰਿਪੋਰਟ ’ਚ ਹੈਰਾਨ ਕਰਨ ਵਾਲੇ ਖੁਲਾਸੇ, ਇਸ ਭਿਆਨਕ ਹਾਦਸੇ ’ਚ ਹੁਣ ਤੱਕ ਕੀ-ਕੀ…

ਪਹਿਲੀ ਵਾਰ ਵਿੰਬਲਡਨ ਫਾਈਨਲ ’ਚ ਸਿਨਰ | Wimbledon 2025

ਨੰਬਰ ਇੱਕ ਰੈਂਕਿੰਗ ਖਿਡਾਰੀ ਸਿਨਰ ਸੈਂਟਰ ਕੋਰਟ ’ਤੇ ਇਸ ਜਿੱਤ ਨਾਲ ਪਹਿਲੀ ਵਾਰ ਵਿੰਬਲਡਨ (Wimbledon 2025) ਫਾਈਨਲ ’ਚ ਪਹੁੰਚਿਆ ਹੈ। 22 ਸਾਲ ਦੀ ਉਮਰ ’ਚ ਅਲਕਾਰਾਜ਼ ਆਪਣਾ ਲਗਾਤਾਰ ਤੀਜਾ ਵਿੰਬਲਡਨ ਖਿਤਾਬ ਤੇ ਕੁੱਲ ਮਿਲਾ ਕੇ ਛੇਵਾਂ ਗ੍ਰੈਂਡ ਸਲੈਮ ਖਿਤਾਬ ਜਿੱਤਣ ਤੋਂ ਇੱਕ ਮੈਚ ਦੂਰ ਹੈ। ਹੁਣ ਉਸ ਦਾ ਸਾਹਮਣਾ ਫਾਈਨਲ ਵਿੱਚ 23 ਸਾਲਾ ਇਤਾਲਵੀ ਖਿਡਾਰੀ ਸਿਨਰ ਨਾਲ ਹੋਵੇਗਾ।

ਅਲਕਾਰਾਜ਼ ਚੰਗੀ ਫਾਰਮ ’ਚ | Wimbledon 2025

ਦੂਜਾ ਦਰਜਾ ਹਾਸਲ ਅਲਕਾਰਾਜ਼ 24 ਮੈਚਾਂ ਦੀ ਜਿੱਤ ਦੀ ਲੜੀ ’ਤੇ ਐਤਵਾਰ ਦੇ ਫਾਈਨਲ ਵਿੱਚ ਪਹੁੰਚਿਆ। ਅਲਕਾਰਜ਼ ਨੇ 2023 ਅਤੇ 2024 ਦੇ ਆਲ ਇੰਗਲੈਂਡ ਕਲੱਬ ਵਿੱਚ ਖਿਤਾਬੀ ਮੈਚਾਂ ਵਿੱਚ ਜੋਕੋਵਿਚ ਨੂੰ ਹਰਾਇਆ ਤੇ ਹੁਣ ਤੱਕ ਵੱਡੇ ਫਾਈਨਲਾਂ ’ਚ ਉਸਦਾ 5-0 ਦਾ ਰਿਕਾਰਡ ਹੈ। ਇਸ ’ਚ ਇੱਕ ਮਹੀਨਾ ਪਹਿਲਾਂ ਫਰੈਂਚ ਓਪਨ ਵਿੱਚ ਸਿਨਰ ਉੱਤੇ ਪੰਜ ਸੈੱਟਾਂ ਦੀ ਵਾਪਸੀ ਜਿੱਤ ਸ਼ਾਮਲ ਹੈ।

ਕਿਹਾ, ਛੋਟੇ ਪਿੰਡ ਦੇ ਚੰਗੇ ਇਨਸਾਨ ਨੂੰ ਹਮੇਸ਼ਾ ਯਾਦ ਰੱਖਿਓ

ਸਪੋਰਟਸ ਡੈਸਕ। Rafael Nadal: 22 ਗ੍ਰੈਂਡ ਸਲੈਮ ਜਿੱਤਣ ਵਾਲੇ ਸਪੇਨ ਦੇ ਰਾਫੇਲ ਨਡਾਲ ਨੇ ਟੈਨਿਸ ਤੋਂ ਸੰਨਿਆਸ ਲੈ ਲਿਆ ਹੈ। 38 ਸਾਲਾ ਨਡਾਲ ਨੇ ਮੰਗਲਵਾਰ (19 ਨਵੰਬਰ) ਨੂੰ ਆਪਣੇ ਘਰੇਲੂ ਮੈਦਾਨ ਮਲਾਗਾ ’ਚ ਆਪਣੇ ਡੇਵਿਸ ਕੱਪ ਕਰੀਅਰ ਦਾ ਆਖਰੀ ਮੈਚ ਖੇਡਿਆ, ਹਾਲਾਂਕਿ ਉਹ ਹਾਰ ਗਏ। ਉਨ੍ਹਾਂ ਨੂੰ ਨੀਦਰਲੈਂਡ ਦੇ 80ਵੀਂ ਰੈਂਕਿੰਗ ਦੇ ਬੋਟਿਕ ਵਾਨ ਡੇ ਜ਼ੈਡਸਚੁਲਪ ਨੇ 6-4, 6-4 ਨਾਲ ਹਰਾਇਆ। ਨਡਾਲ ਡੇਵਿਸ ਕੱਪ ’ਚ ਲਗਾਤਾਰ 29 ਮੈਚ ਜਿੱਤਣ ਤੋਂ ਬਾਅਦ ਹਾਰ ਗਏ ਹਨ।

ਇਹ ਖਬਰ ਵੀ ਪੜ੍ਹੋ : Imd Alert: ਪ੍ਰਦੂਸ਼ਣ ਵਿਚਕਾਰ ਮੌਸਮ ਵਿਭਾਗ ਨੇ ਦਿੱਤੀ ਚੰਗੀ ਖਬਰ, ਇਸ ਤਰੀਕ ਤੋਂ ਪਵੇਗਾ ਭਾਰੀ ਮੀਂਹ, ਜਾਣੋ ਆਪਣੇ ਸੂਬੇ …

ਮਾਰਟਿਨ ਕਾਰਪੇਨਾ ਅਰੇਨਾ ਵਿਖੇ ਇੱਕ ਭਾਵੁਕ ਵੀਡੀਓ ਰਾਹੀਂ 38 ਸਾਲਾ ਦਿੱਗਜ ਨੂੰ ਵਿਦਾਈ ਦਿੱਤੀ ਗਈ। ਉਨ੍ਹਾਂ ਕਿਹਾ,

ਮੈਂ ਮਨ ਦੀ ਸ਼ਾਂਤੀ ਨਾਲ ਟੈਨਿਸ ਛੱਡ ਰਿਹਾ ਹਾਂ। ਮੈਨੂੰ ਖੁਸ਼ੀ ਹੈ ਕਿ ਮੈਂ ਇੱਕ ਵਿਰਾਸਤ ਛੱਡੀ ਹੈ, ਜੋ ਸਿਰਫ ਇੱਕ ਖੇਡ ਨਹੀਂ ਹੈ, ਸਗੋਂ ਇੱਕ ਨਿੱਜੀ ਵਿਰਾਸਤ ਹੈ। ਮੈਨੂੰ ਲੱਗਦਾ ਹੈ ਕਿ ਜੋ ਪਿਆਰ ਮੈਨੂੰ ਮਿਲਿਆ ਹੈ, ਉਹੋ ਜਿਹਾ ਨਾ ਹੁੰਦਾ ਜੇਕਰ ਇਹ ਸਿਰਫ ਕੋਰਟ ’ਤੇ ਹੀ ਹੋਇਆ ਹੁੰਦਾ।

ਚਾਚੇ ਨੂੰ ਦਿੱਤਾ ਆਪਣੀ ਸਫਲਤਾ ਦਾ ਸਿਹਰਾ | Rafael Nadal

ਨਡਾਲ ਨੇ ਆਪਣੀ ਰਿਟਾਇਰਮੈਂਟ ਦੇ ਸਨਮਾਨ ਲਈ ਆਯੋਜਿਤ ਸਮਾਰੋਹ ’ਚ ਬਹੁਤ ਸਾਰੇ ਲੋਕਾਂ ਨੂੰ ਸਿਹਰਾ ਦਿੱਤਾ। ਉਸਨੇ ਆਪਣੇ ਚਾਚੇ ਟੋਨੀ ਨਡਾਲ ਦਾ ਨਾਂਅ ਲਿਆ। ਟੋਨੀ ਨੇ ਨਡਾਲ ਨੂੰ ਟੈਨਿਸ ਖੇਡਣ ਲਈ ਪ੍ਰੇਰਿਤ ਕੀਤਾ। ਉਸ ਨੇ ਨਡਾਲ ਨੂੰ ਸਿਖਲਾਈ ਵੀ ਦਿੱਤੀ।

ਨਡਾਲ ਨੇ ਕਿਹਾ- | Rafael Nadal

ਮੇਰੇ ਲਈ ਸਿਰਲੇਖ ਨੰਬਰ ਹਨ। ਮੇਜਰਕਾ ਦੇ ਇੱਕ ਛੋਟੇ ਜਿਹੇ ਪਿੰਡ ਦਾ ਮੁੰਡਾ ਇੱਕ ਸ਼ਾਨਦਾਰ ਇਨਸਾਨ ਹੈ। ਮੈਂ ਖੁਸ਼ਕਿਸਮਤ ਸੀ ਕਿ ਜਦੋਂ ਮੈਂ ਛੋਟਾ ਬੱਚਾ ਸੀ, ਮੇਰੇ ਚਾਚਾ ਮੇਰੇ ਪਿੰਡ ’ਚ ਟੈਨਿਸ ਕੋਚ ਸਨ। ਮੇਰਾ ਬਹੁਤ ਵਧੀਆ ਪਰਿਵਾਰ ਸੀ, ਜਿਸ ਨੇ ਹਰ ਪਲ ਮੇਰਾ ਸਾਥ ਦਿੱਤਾ।

ਨਡਾਲ ਸਭ ਤੋਂ ਜ਼ਿਆਦਾ ਗ੍ਰੈਂਡ ਸਲੈਮ ਜਿੱਤਣ ਵਾਲੇ ਖਿਡਾਰੀ | Rafael Nadal

ਨਡਾਲ ਪੁਰਸ਼ ਸਿੰਗਲਜ਼ ’ਚ ਸਭ ਤੋਂ ਜ਼ਿਆਦਾ ਗਰੈਂਡ ਸਲੈਮ ਜਿੱਤਣ ਵਾਲੇ ਦੂਜੇ ਖਿਡਾਰੀ ਹਨ। ਨਡਾਲ ਨੇ 22 ਗ੍ਰੈਂਡ ਸਲੈਮ ਖਿਤਾਬ ਜਿੱਤੇ ਹਨ। ਸਭ ਤੋਂ ਜ਼ਿਆਦਾ ਗਰੈਂਡ ਸਲੈਮ ਜਿੱਤਣ ਦੀ ਗੱਲ ਕਰੀਏ ਤਾਂ ਸਰਬੀਆ ਦੇ ਨੋਵਾਕ ਜੋਕੋਵਿਚ ਨੇ ਹੁਣ ਤੱਕ 24 ਗਰੈਂਡ ਸਲੈਮ ਖਿਤਾਬ ਆਪਣੇ ਨਾਂਅ ਕੀਤੇ ਹਨ। ਠੀਕ 4 ਸਾਲ ਪਹਿਲਾਂ ਸਵਿਟਜ਼ਰਲੈਂਡ ਦੇ ਮਹਾਨ ਟੈਨਿਸ ਖਿਡਾਰੀ ਰੋਜਰ ਫੈਡਰਰ ਨੇ ਸੰਨਿਆਸ ਲੈ ਲਿਆ ਸੀ। ਹੁਣ ਨਡਾਲ ਨੇ ਵੀ ਖੇਡ ਨੂੰ ਅਲਵਿਦਾ ਕਹਿ ਦਿੱਤਾ ਹੈ। ਫੈਡਰਰ ਨੇ 20 ਗ੍ਰੈਂਡ ਸਲੈਮ ਖਿਤਾਬ ਜਿੱਤੇ ਹਨ।

ਦੂਜਾ ਗ੍ਰੈਂਡ ਸਲੈਮ ਖਿਤਾਬ ਜਿੱਤਿਆ | Us Open 2024

• ਅਮਰੀਕਾ ਦੇ ਟੇਲਰ ਫ੍ਰਿਟਜ਼ ਨੂੰ ਫਾਈਨਲ ’ਚ ਹਰਾਇਆ

ਸਪੋਰਟਸ ਡੈਸਕ। Us Open 2024: ਵਿਸ਼ਵ ਦੇ ਨੰਬਰ-1 ਟੈਨਿਸ ਖਿਡਾਰੀ ਜੈਨਿਕ ਸਿੰਨਰ ਨੇ ਯੂਐਸ ਓਪਨ ਪੁਰਸ਼ ਸਿੰਗਲ ਦਾ ਖਿਤਾਬ ਜਿੱਤ ਲਿਆ ਹੈ। ਇਤਾਲਵੀ ਸਟਾਰ ਨੇ ਅਮਰੀਕਾ ਦੇ ਟੇਲਰ ਫਰਿਟਜ ਨੂੰ 6-3, 6-4, 7-5 ਨਾਲ ਹਰਾਇਆ। ਉਹ ਸਾਲ ਦਾ ਆਖਰੀ ਗਰੈਂਡ ਸਲੈਮ ਜਿੱਤਣ ਵਾਲਾ ਪਹਿਲਾ ਇਤਾਲਵੀ ਪੁਰਸ਼ ਖਿਡਾਰੀ ਬਣ ਗਿਆ ਹੈ। ਉਹ ਕੁੱਲ ਮਿਲਾ ਕੇ ਦੂਜਾ ਖਿਡਾਰੀ ਬਣ ਗਿਆ ਹੈ। 2015 ’ਚ, ਫਲਾਵੀਆ ਪੈਨੇਟਾ ਨੇ ਮਹਿਲਾ ਸਿੰਗਲਜ ਦਾ ਖਿਤਾਬ ਜਿੱਤਿਆ।

23 ਸਾਲਾ ਸਿੰਨਰ ਨੇ ਆਪਣੇ ਕਰੀਅਰ ਦਾ ਦੂਜਾ ਗ੍ਰੈਂਡ ਸਲੈਮ ਖਿਤਾਬ ਜਿੱਤਿਆ ਹੈ। ਉਸ ਨੇ ਸਾਲ 2024 ਦੀ ਸ਼ੁਰੂਆਤ ’ਚ ਅਸਟਰੇਲੀਆ ਓਪਨ ਵੀ ਜਿੱਤਿਆ ਸੀ। ਸਿੰਨਰ ਲਈ ਇਹ ਸਾਲ ਬਹੁਤ ਸ਼ਾਨਦਾਰ ਰਿਹਾ ਹੈ। ਜਿੱਤ ਦੇ ਬਾਅਦ, ਸਿੰਨਰ ਨੇ ਟਵਿੱਟਰ ’ਤੇ ਲਿਖਿਆ ਤੁਹਾਡੇ ਸਹਿਯੋਗ ਲਈ ਤੁਹਾਡਾ ਸਾਰਿਆਂ ਦਾ ਧੰਨਵਾਦ। ਤੁਹਾਡੇ ਸਮਰਥਨ ਦਾ ਬਹੁਤ ਮਤਲਬ ਹੈ। ਮੈਨੂੰ ਇਹ ਖੇਡ ਬਹੁਤ ਪਸੰਦ ਹੈ। ਇਹ ਮੇਰੇ ਲਈ ਸਭ ਕੁਝ ਮਤਲਬ ਹੈ, ਸਾਲ ਦੇ ਅੰਤ ’ਚ ਕੰਮ ’ਤੇ ਵਾਪਸ ਜਾਣ ਤੋਂ ਪਹਿਲਾਂ ਆਪਣੀ ਟੀਮ ਤੇ ਆਪਣੇ ਪਰਿਵਾਰ ਨਾਲ ਇਸ ਪਲ ਦਾ ਆਨੰਦ ਲੈਣ ਦਾ ਸਮਾਂ ਹੈ। ਕੰਮ ਕਦੇ ਨਹੀਂ ਰੁਕਦਾ, ਅਸੀਂ ਸਾਰੇ ਅੱਗੇ ਵਧਦੇ ਰਹਿੰਦੇ ਹਾਂ। ,

2 ਘੰਟਿਆਂ ਤੋਂ ਜ਼ਿਆਦਾ ਚੱਲਿਆ ਮੁਕਾਬਲਾ

ਨਿਊਯਾਰਕ ’ਚ ਐਤਵਾਰ ਦੇਰ ਰਾਤ ਸ਼ੁਰੂ ਹੋਇਆ ਫਾਈਨਲ ਮੁਕਾਬਲਾ 2 ਘੰਟੇ 16 ਮਿੰਟ ਤੱਕ ਚੱਲਿਆ। ਇਸ ’ਚ ਚੋਟੀ ਦਾ ਦਰਜਾ ਪ੍ਰਾਪਤ ਸਿਨੇਰ ਦਾ ਦਬਦਬਾ ਦੇਖਣ ਨੂੰ ਮਿਲਿਆ। ਉਸ ਨੇ ਪਹਿਲਾ ਸੈੱਟ 6-3 ਨਾਲ ਜਿੱਤਿਆ। ਫਿਰ ਉਸ ਨੇ ਦੂਜਾ ਸੈੱਟ 6-4 ਨਾਲ ਜਿੱਤ ਕੇ ਬੜ੍ਹਤ ਬਣਾ ਲਈ ਤੇ ਆਖਰੀ ਸੈੱਟ 7-5 ਨਾਲ ਜਿੱਤ ਲਿਆ।

18 ਸਾਲਾਂ ਬਾਅਦ ਫਾਈਨਲ ’ਚ ਪਹੁੰਚਿਆ ਸੀ ਅਮਰੀਕਾ ਦਾ ਖਿਡਾਰੀ

ਦੂਜੇ ਪਾਸੇ ਅਮਰੀਕਾ ਦੇ ਟੇਲਰ ਫ੍ਰਿਟਜ਼ ਆਪਣਾ ਪਹਿਲਾ ਗਰੈਂਡ ਸਲੈਮ ਖਿਤਾਬ ਜਿੱਤਣ ਤੋਂ ਖੁੰਝ ਗਏੇ। 18 ਸਾਲਾਂ ਬਾਅਦ ਕੋਈ ਅਮਰੀਕੀ ਖਿਡਾਰੀ ਯੂਐਸ ਓਪਨ ਵਿੱਚ ਪੁਰਸ਼ ਸਿੰਗਲਜ ਦੇ ਫਾਈਨਲ ’ਚ ਪਹੁੰਚਿਆ ਸੀ। ਉਸ ਤੋਂ ਪਹਿਲਾਂ ਐਂਡੀ ਰੌਡਿਕ ਨੇ 2006 ’ਚ ਇਹ ਉਪਲਬਧੀ ਹਾਸਲ ਕੀਤੀ ਸੀ। ਫਰਿਟਜ ਕੋਲ ਆਪਣਾ ਪਹਿਲਾ ਗਰੈਂਡ ਸਲੈਮ ਜਿੱਤਣ ਦਾ ਮੌਕਾ ਸੀ, ਪਰ ਉਹ ਸਫਲ ਨਹੀਂ ਹੋ ਸਕਿਆ। 2003 ਤੋਂ ਬਾਅਦ, ਕੋਈ ਵੀ ਅਮਰੀਕੀ ਖਿਡਾਰੀ ਯੂਐਸ ਓਪਨ ਪੁਰਸ਼ ਸਿੰਗਲ ਖਿਤਾਬ ਜਿੱਤਣ ’ਚ ਕਾਮਯਾਬ ਨਹੀਂ ਹੋਇਆ ਹੈ।

ਰਿਕਾਰਡ 369ਵਾਂ ਗਰੈਂਡ ਸਲੈਮ ਮੈਚ ਕੀਤਾ ਆਪਣੇ ਨਾਂਅ | Novak Djokovic

• ਦੋ ਸੈੱਟਾਂ ’ਚ ਪਿੱਛੇ ਰਹਿਣ ਤੋਂ ਬਾਅਦ ਮੁਸੇਟੀ ਨੂੰ ਹਰਾਇਆ | Novak Djokovic

ਸਪੋਰਟਸ ਡੈਸਕ। ਦੁਨੀਆ ਦੇ ਨੰਬਰ-1 ਟੈਨਿਸ ਖਿਡਾਰੀ ਨੋਵਾਕ ਜੋਕੋਵਿਚ ਫਰੈਂਚ ਓਪਨ 2024 ਦੇ ਚੌਥੇ ਦੌਰ ’ਚ ਪਹੁੰਚ ਗਏ ਹਨ। ਉਨ੍ਹਾਂ ਨੇ ਐਤਵਾਰ ਨੂੰ ਤੜਕੇ 3 ਵਜੇ ਤੱਕ ਚੱਲੇ ਮੈਚ ’ਚ ਇਟਲੀ ਦੇ ਲੋਰੇਂਜੋ ਮੁਸੇਟੀ ਵਿਰੁੱਧ ਸਖਤ ਸੰਘਰਸ਼ ਨਾਲ ਜਿੱਤ ਦਰਜ ਕੀਤੀ। ਕਿਸੇ ਗ੍ਰੈਂਡ ਸਲੈਮ ਟੂਰਨਾਮੈਂਟ ਵਿੱਚ ਜੋਕੋਵਿਚ ਦੀ ਇਹ 369ਵੀਂ ਜਿੱਤ ਹੈ ਅਤੇ ਇਸ ਦੇ ਨਾਲ ਉਸ ਨੇ ਰੋਜਰ ਫੈਡਰਰ ਦੇ ਰਿਕਾਰਡ ਦੀ ਬਰਾਬਰੀ ਕਰ ਲਈ ਹੈ। ਜੋਕੋਵਿਚ ਤੇ ਮੁਸੇਟੀ ਵਿਚਾਲੇ ਪੁਰਸ ਸਿੰਗਲਜ ਦੇ ਤੀਜੇ ਦੌਰ ਦਾ ਮੈਚ ਚਾਰ ਘੰਟੇ 29 ਮਿੰਟ ਤੱਕ ਚੱਲਿਆ। ਜੋਕੋਵਿਚ ਨੇ ਮੁਸੇਟੀ ਨੂੰ 7-5, 6-7(6), 2-6, 6-3, 6-0 ਨਾਲ ਹਰਾਇਆ। ਮੁਸੇਟੀ ਨੇ ਜਦੋਂ ਲਗਾਤਾਰ ਦੋ ਸੈੱਟ ਜਿੱਤੇ ਤਾਂ ਅਜਿਹਾ ਲੱਗ ਰਿਹਾ ਸੀ ਕਿ ਜੋਕੋਵਿਚ ਲਈ ਵਾਪਸੀ ਕਰਨਾ ਮੁਸ਼ਕਲ ਹੋਵੇਗਾ ਪਰ 24 ਗਰੈਂਡ ਸਲੈਮ ਜਿੱਤਣ ਵਾਲੇ ਖਿਡਾਰੀ ਨੇ ਵਾਪਸੀ ਕਰਕੇ ਮੈਚ ਜਿੱਤ ਲਿਆ। (Novak Djokovic)

ਇਹ ਵੀ ਪੜ੍ਹੋ : USA vs Canada: ਜੋਨਸ ਦੀ ਤੂਫਾਨੀ ਪਾਰੀ, ਅਮਰੀਕਾ ਨੇ ਕੈਨੇਡਾ ਨੂੰ 7 ਵਿਕਟਾਂ ਨਾਲ ਹਰਾਇਆ

ਓਪਨ ਯੁੱਗ ’ਚ 24 ਗ੍ਰੈਂਡ ਸਲੈਮ ਜਿੱਤਣ ਵਾਲੇ ਪਹਿਲੇ ਖਿਡਾਰੀ | Novak Djokovic

ਜੋਕੋਵਿਚ ਓਪਨ ਯੁੱਗ ’ਚ 24 ਗ੍ਰੈਂਡ ਸਲੈਮ ਜਿੱਤਣ ਵਾਲੇ ਪਹਿਲੇ ਖਿਡਾਰੀ ਹਨ। ਇਸ ਤੋਂ ਪਹਿਲਾਂ ਜੋਕੋਵਿਚ ਸਭ ਤੋਂ ਵੱਧ ਗ੍ਰੈਂਡ ਸਲੈਮ (ਪੁਰਸ਼ ਤੇ ਮਹਿਲਾ ਸਿੰਗਲਜ) ਜਿੱਤਣ ਦੇ ਮਾਮਲੇ ’ਚ ਸੇਰੇਨਾ ਵਿਲੀਅਮਜ (23 ਗ੍ਰੈਂਡ ਸਲੈਮ) ਦੇ ਬਰਾਬਰ ਸੀ। ਮਾਰਗਰੇਟ ਕੋਰਟ ਨੇ ਕੁੱਲ 24 ਗਰੈਂਡ ਸਲੈਮ ਵੀ ਜਿੱਤੇ ਹਨ, ਪਰ 1968 ’ਚ ਸ਼ੁਰੂ ਹੋਏ ਓਪਨ ਯੁੱਗ ਤੋਂ ਪਹਿਲਾਂ ਇਨ੍ਹਾਂ ’ਚੋਂ 13 ਖਿਤਾਬ ਉਸਦੇ ਨਾਮ ਸਨ ਜਦੋਂ ਸਾਰੇ ਚਾਰ ਗਰੈਂਡ ’ਚ ਹਿੱਸਾ ਲੈਣ ਦੀ ਇਜਾਜਤ ਦਿੱਤੀ ਗਈ ਸੀ। ਇਸ ਨੂੰ ਓਪਨ ਏਰਾ ਕਿਹਾ ਜਾਂਦਾ ਹੈ। (Novak Djokovic)

5ਵਾਂ ਦਰਜ਼ਾ ਪ੍ਰਾਪਤ ਪੇਗੁਲਾ ਨੂੰ ਵਿਸ਼ਵ ਦੀ 51 ਨੰਬਰ ਖਿਡਾਰਨ ਬੁਰੇਲ ਨੇ ਹਰਾਇਆ | Australian Open 2024

• ਸੁਮਿਤ ਹਾਰ ਕੇ ਟੂਰਨਾਮੈਂਟ ਤੋਂ ਬਾਹਰ | AO2024

ਮੈਲਬੌਰਨ (ਏਜੰਸੀ)। ਸਾਲ ਦਾ ਪਹਿਲਾ ਗ੍ਰੈਂਡ ਸਲੈਮ ਅਸਟਰੇਲੀਆਨ ਓਪਨ ਮੈਲਬੌਰਨ ’ਚ ਖੇਡਿਆ ਜਾ ਰਿਹਾ ਹੈ। ਇਸ ਟੂਰਨਾਮੈਂਟ ਦੇ 5ਵੇਂ ਦਿਨ ਵੀ ਇੱਕ ਵੱਡਾ ਉਲਟਫੇਰ ਦੇਖਣ ਨੂੰ ਮਿਲਿਆ। 5ਵਾਂ ਦਰਜਾ ਪ੍ਰਾਪਤ ਜੈਸਿਕਾ ਪੇਗੁਲਾ ਨੂੰ ਦੂਜੇ ਦੌਰ ’ਚ ਹਾਰ ਦਾ ਸਾਹਮਣਾ ਕਰਨਾ Çਅਪਾ ਹੈ। ਜਿਸ ਕਰਕੇ ਉਹ ਟੂਰਨਾਮੈਂਟ ਤੋਂ ਬਾਹਰ ਹੋ ਗਈ ਹੈ। ਪੇਗੁਲਾ ਨੂੰ ਫਰਾਂਸ ਦੀ 22 ਸਾਲਾ ਕਲਾਰਾ ਬੁਰੇਲ ਨੇ ਹਰਾਇਆ ਹੈ। ਵਿਸ਼ਵ ਦੇ ਛੇਵੇਂ ਨੰਬਰ ਦੇ ਖਿਡਾਰੀ ਅਲੈਗਜੈਂਡਰ ਜਵੇਰੇਵ ਵੀਰਵਾਰ ਨੂੰ ਰੋਮਾਂਚਕ ਜਿੱਤ ਨਾਲ ਪੁਰਸ਼ ਸਿੰਗਲਜ ਦੇ ਤੀਜੇ ਦੌਰ ’ਚ ਪਹੁੰਚ ਗਏ ਹਨ।

ਜਲਵਾਯੂ ਦਾ ਡਰਾਉਣਾ ਰੂਪ, ਪੜ੍ਹ ਕੇ ਹੈਰਾਨ ਰਹਿ ਜਾਓਗੇ ਤੁਸੀਂ, ਜ਼ੀਰੋ ਡਿਗਰੀ ’ਤੇ ਪਹੁੰਚਿਆ ਪਾਰਾ

ਵਿਸ਼ਵ ਦੀ ਨੰਬਰ-1 ਮਹਿਲਾ ਟੈਨਿਸ ਖਿਡਾਰਨ ਇਗਾ ਸਵਾਤੇਕ ਵੀ ਜਿੱਤ ਦਰਜ ਕਰਕੇ ਤੀਜੇ ਦੌਰ ’ਚ ਪਹੁੰਚ ਗਈ ਹੈ। ਗ੍ਰੈਂਡ ਸਲੈਮ ਦੇ 5ਵੇਂ ਦਿਨ ਵੀਰਵਾਰ ਨੂੰ ਪੇਗੁਲਾ ਨੂੰ ਸਿੱਧੇ ਸੈੱਟਾਂ ’ਚ ਫਰਾਂਸ ਦੇ ਬੁਰੇਲ ਹੱਥੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਬੁਰੇਲ ਨੇ ਪੇਗੁਲਾ ਨੂੰ 6-4, 6-2 ਨਾਲ ਹਰਾਇਆ। ਵਿਸ਼ਵ ਰੈਂਕਿੰਗ ਦੀ 51ਵੀਂ ਖਿਡਾਰਨ ਬੁਰੇਲ ਨੇ ਆਪਣੇ ਕਰੀਅਰ ਦੀ ਸਭ ਤੋਂ ਵੱਡੀ ਜਿੱਤ ਹਾਸਲ ਕਰਦੇ ਹੋਏ ਪਹਿਲੀ ਵਾਰ ਅਸਟਰੇਲੀਅਨ ਓਪਨ ਦੇ ਤੀਜੇ ਦੌਰ ’ਚ ਦਾਖਲ ਕੀਤਾ ਹੈ। (Australian Open 2024)

ਕਲੇਨ ਖਿਲਾਫ ਜਵੇਰੇਵ ਦੀ ਰੋਮਾਂਚਕ ਜਿੱਤ | Australian Open 2024

ਜਰਮਨੀ ਦੇ ਸਟਾਰ ਟੈਨਿਸ ਖਿਡਾਰੀ ਜਵੇਰੇਵ ਨੇ ਦੂਜੇ ਦੌਰ ਦੇ ਮੈਚ ’ਚ ਸਲੋਵਾਕੀਆ ਦੇ ਕੁਆਲੀਫਾਇਰ ਲੁਕਾਸ਼ ਕਲੇਨ ਨੂੰ ਪੰਜ ਸੈੱਟਾਂ ’ਚ ਹਰਾਇਆ। ਮਾਰਗਰੇਟ ਕੋਰਟ ਏਰੀਨਾ ’ਚ ਸਾਢੇ ਚਾਰ ਘੰਟੇ ਤੱਕ ਚੱਲੇ ਮੈਚ ’ਚ ਛੇਵਾਂ ਦਰਜਾ ਪ੍ਰਾਪਤ ਜਵੇਰੇਵ ਨੇ 163ਵਾਂ ਦਰਜਾ ਪ੍ਰਾਪਤ ਖਿਡਾਰੀ ਲੁਕਾਸ ਨੂੰ 7-5, 3-6, 4-6, 7-6, 7-6 ਨਾਲ ਹਰਾਇਆ। ਲੁਕਾਸ ਦੇ ਕਰੀਅਰ ਦਾ ਇਹ ਦੂਜਾ ਗ੍ਰੈਂਡ ਸਲੈਮ ਸੀ, ਉਨ੍ਹਾਂ ਕੋਲ ਕੋਚ ਵੀ ਨਹੀਂ ਹੈ। ਇਸ ਤੋਂ ਪਹਿਲਾਂ ਜਵੇਰੇਵ ਨੇ ਹਮਵਤਨ ਡੋਮਿਨਿਕ ਕੋਏਫਰ ਨੂੰ ਹਰਾ ਕੇ ਆਪਣੀ 2024 ਅਸਟਰੇਲੀਅਨ ਓਪਨ ਮੁਹਿੰਮ ਦੀ ਸ਼ੁਰੂਆਤ ਕੀਤੀ ਸੀ। (Australian Open 2024)