ਸਰਸਾ (ਸੱਚ ਕਹੂੰ ਨਿਊਜ਼/ਰਾਜੇਸ਼ ਬੈਣੀਵਾਲ)। ਕੌਣ ਕਹਿੰਦਾ ਹੈ ਕਿ ਅਸਮਾਨ ’ਚ ਕੋਈ ਛੇਕ ਨਹੀਂ ਹੈ ਪੂਰੇ ਜੋਰ ਨਾਲ ਪੱਥਰ ਸੁੱਟੋ ਦੋਸਤੋ ਉੱਤਰਾਖੰਡ ਦਾ ਉੱਭਰਦਾ ਨੌਜਵਾਨ ਕ੍ਰਿਕੇਟਰ ਰਾਜਨ ਕੁਮਾਰ ਇਸ ਕਹਾਵਤ ਨੂੰ ਪੂਰਾ ਕਰ ਰਿਹਾ ਹੈ। ਜਿਸ ਨੇ ਰੁੜਕੀ ਜ਼ਿਲ੍ਹੇ ਦੇ ਇੱਕ ਛੋਟੇ ਜਿਹੇ ਪਿੰਡ ਤੋਂ ਉੱਠ ਕੇ ਆਪਣੀ ਮਿਹਨਤ ਦੇ ਬਲਬੂਤੇ ਆਈਪੀਐਲ ਟੀਮ ਰਾਇਲ ਚੈਲੰਜਰਜ ਬੈਂਗਲੁਰੂ (ਆਰਸੀਬੀ) ਦੇ 16ਵੇਂ (2023) ਤੇ 17ਵੇਂ (2024) ਸੀਜਨ ’ਚ ਹਿੱਸਾ ਲੈ ਕੇ ਆਪਣੀਆਂ ਪ੍ਰਾਪਤੀਆਂ ’ਚ ਵਾਧਾ ਕੀਤਾ। ਖੱਬੇ ਹੱਥ ਦੇ ਬੱਲੇਬਾਜ ਤੇ ਖੱਬੇ ਹੱਥ ਦੇ ਮੱਧਮ ਤੇਜ ਗੇਂਦਬਾਜ ਰਾਜਨ ਕੁਮਾਰ ਦਾ ਜਨਮ 8 ਜੁਲਾਈ 1996 ਨੂੰ ਹਰਿਦੁਆਰ ’ਚ ਹੋਇਆ ਸੀ। (IPL 2024)

ਉਹ ਉੱਤਰਾਖੰਡ ਤੇ ਰਾਇਲ ਚੈਲੇਂਜਰਜ ਬੈਂਗਲੁਰੂ ਲਈ ਖੇਡਦੇ ਹਨ। ਰਾਜਨ ਕੁਮਾਰ ਨੇ ਆਪਣੀਆਂ ਪ੍ਰਾਪਤੀਆਂ ਦਾ ਪੂਰਾ ਸਿਹਰਾ ਡੇਰਾ ਸੱਚਾ ਸੌਦਾ, ਸਰਸਾ ਦੇ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਨੂੰ ਦਿੱਤਾ। ਗ੍ਰੈਜੂਏਸ਼ਨ ਤੱਕ ਪੜ੍ਹੇ ਰਾਜਨ ਕੁਮਾਰ ਦੇ ਪਿਤਾ ਪ੍ਰਮੋਦ ਚੌਧਰੀ ਇੱਕ ਕਿਸਾਨ ਹਨ ਤੇ ਮਾਂ ਮੁਕੇਸ਼ ਦੇਵੀ ਇੱਕ ਘਰੇਲੂ ਔਰਤ ਹੈ। ਰਾਜਨ ਦਾ ਕਹਿਣਾ ਹੈ ਕਿ ਮੇਰੇ ਵੱਡੇ ਭਰਾ ਰੋਹਿਤ ਚੌਧਰੀ ਨੇ ਹਰ ਕੰਮ ’ਚ ਮੇਰਾ ਮਾਰਗਦਰਸ਼ਨ ਕੀਤਾ, ਚਾਹੇ ਉਹ ਛੋਟਾ ਹੋਵੇ ਜਾਂ ਵੱਡਾ। ਇੱਥੇ ਤੱਕ ਪਹੁੰਚਣ ’ਚ ਮੇਰੇ ਵੱਡੇ ਭਰਾ ਨੇ ਮੇਰੀ ਮਦਦ ਕੀਤੀ।

ਕੋਚ ਨੀਰੂ ਗੁਲੀਆ ਦੀ ਅਗਵਾਈ ਵਿੱਚ ਮੈਨੂੰ ਉੱਤਰਾਖੰਡ ਰਾਜ ਕ੍ਰਿਕੇਟ ਤੇ ਆਈਪੀਐਲ ’ਚ ਆਰਸੀਬੀ ਟੀਮ ’ਚ ਖੇਡਣ ਦਾ ਮੌਕਾ ਮਿਲਿਆ। ਪਹਿਲਾਂ ਮੈਂ ਸਿਰਫ ਮੌਜ-ਮਸਤੀ ਲਈ ਖੇਡਦਾ ਸੀ ਪਰ ਮੈਨੂੰ ਪਤਾ ਹੀ ਨਹੀਂ ਲੱਗਾ ਕਿ ਇਹ ਮਜਾ ਕਦੋਂ ਪੇਸੇ ’ਚ ਬਦਲ ਗਿਆ। ਰਾਜਨ ਨੇ ਦੱਸਿਆ ਕਿ ਉਹ ਬਚਪਨ ਤੋਂ ਹੀ ਡੇਰਾ ਸੱਚਾ ਸੌਦਾ ਨਾਲ ਜੁੜਿਆ ਹੋਇਆ ਹੈ। ਪੂਜਨੀਕ ਗੁਰੂ ਜੀ ਦੀਆਂ ਪਵਿੱਤਰ ਪ੍ਰੇਰਨਾਵਾਂ ਸਾਨੂੰ ਖੇਡਾਂ ’ਚ ਵਿਲੱਖਣ ਪ੍ਰਦਰਸ਼ਨ ਕਰਨ ਦਾ ਭਰੋਸਾ ਦਿੰਦੀਆਂ ਹਨ। ਪੂਜਨੀਕ ਗੁਰੂ ਜੀ ਨੇ ਮੈਨੂੰ ਫਿਟਨੈਸ, ਨਿਯਮਿਤਤਾ, ਆਤਮ-ਵਿਸ਼ਵਾਸ਼ ਤੇ ਖੁਰਾਕ ਸਮੇਤ ਕੁਝ ਮਹੱਤਵਪੂਰਨ ਕ੍ਰਿਕੇਟ ਟਿਪਸ ’ਤੇ ਧਿਆਨ ਦੇਣ ਲਈ ਪ੍ਰੇਰਿਤ ਕੀਤਾ। (IPL 2024)

ਰਾਜਨ ਦੀਆਂ ਪ੍ਰਾਪਤੀਆਂ : 27 ਸਾਲਾ ਰਾਜਨ ਦੀਆਂ ਪ੍ਰਾਪਤੀਆਂ ਉਦੋਂ ਨਵੀਆਂ ਉਚਾਈਆਂ ’ਤੇ ਪਹੁੰਚ ਗਈਆਂ ਜਦੋਂ ਰਾਇਲ ਚੈਲੰਜਰਜ ਬੈਂਗਲੁਰੂ (ਆਰਸੀਬੀ) ਨੇ ਉਸ ਨੂੰ 2023 ਦੀ ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐਲ) ਨਿਲਾਮੀ ’ਚ ਖਰੀਦਿਆ। ਆਪਣੇ ਉੱਪਰ ਵੱਲ ਰੁਝਾਨ ਨੂੰ ਜਾਰੀ ਰੱਖਦੇ ਹੋਏ, ਉਸ ਨੇ 2023-24 ਵਿਜੇ ਹਜਾਰੇ ਟਰਾਫੀ ਦੇ ਉੱਤਰਾਖੰਡ ਦੇ ਆਖਰੀ ਗੇਮ ’ਚ ਇੱਕ ਮਹੱਤਵਪੂਰਨ ਉਪਲਬਧੀ ਹਾਸਲ ਕੀਤੀ, 28 ਦੌੜਾਂ ਦੇ ਕੇ 5 ਵਿਕਟਾਂ ਲਈ। (IPL 2024)

ਉਸ ਦੀ ਪਹਿਲੀ ਪੰਜ ਵਿਕਟਾਂ ਦੀ ਝੜੀ ਸੀ। ਰਾਜਨ ਨੇ ਮੱਧ ਪ੍ਰਦੇਸ਼ ਦੇ ਖਿਲਾਫ ਰਣਜੀ ਟਰਾਫੀ 2023-24 ’ਚ ਆਪਣੀ ਪਹਿਲੀ ਸ਼੍ਰੇਣੀ ਕ੍ਰਿਕੇਟ ਦੀ ਸ਼ੁਰੂਆਤ ਕੀਤੀ, ਜਿੱਥੇ ਉਸਨੇ ਚਾਰ ਪਾਰੀਆਂ ’ਚ ਛੇ ਵਿਕਟਾਂ ਲੈ ਕੇ ਪ੍ਰਭਾਵਿਤ ਕੀਤਾ। ਹਾਲਾਂਕਿ ਰਾਜਨ 2023 ਤੇ 2024 ਦੌਰਾਨ ਇੰਡੀਅਨ ਪ੍ਰੀਮੀਅਰ ਲੀਗ ਟੀ-20 ਲੀਗ (ਮੌਜੂਦਾ ਲੀਗ ਸਮੇਤ) ਲਈ ਬੈਂਚ ’ਤੇ ਸੀ, ਘਰੇਲੂ ਸਰਕਟ ’ਚ ਉਸਦੇ ਕਾਰਨਾਮੇ ਦੱਸਦੇ ਹਨ ਕਿ ਖੱਬੇ ਹੱਥ ਦਾ ਇਹ ਤੇਜ ਗੇਂਦਬਾਜ ਆਉਣ ਵਾਲੇ ਸੀਜਨ ’ਚ ਆਪਣੀ ਸ਼ੁਰੂਆਤ ਕਰਨ ਲਈ ਤਿਆਰ ਹੈ। (IPL 2024)

ਜਦੋਂ ਨਰਵਸ ਹੋਇਆ ਤਾਂ ਸਿਮਰਨ ਨਾਲ ਮਿਲੀ ਊਰਜਾ : ਰਾਜਨ ਕੁਮਾਰ ਦਾ ਕਹਿਣਾ ਹੈ ਕਿ ਜਦੋਂ ਉਹ ਪਹਿਲੀ ਵਾਰ ਮੈਦਾਨ ’ਚ ਆਇਆ ਤਾਂ ਸਟੇਡੀਅਮ ’ਚ ਭਾਰੀ ਭੀੜ ਦੇਖ ਕੇ ਘਬਰਾ ਗਿਆ। ਸਮਝ ਨਹੀਂ ਆ ਰਹੀ ਸੀ ਕਿ ਕੀ ਕੀਤਾ ਜਾਵੇ। ਫਿਰ ਮੈਂ ਆਪਣੇ ਮਨ ’ਚ ਸਿਮਰਨ ਕੀਤਾ ਅਤੇ ‘ਧੰਨ-ਧੰਨ ਸਤਿਗੁਰੂ ਤੇਰਾ ਹੀ ਆਸਰਾ’ ਦਾ ਨਾਅਰਾ ਲਾਇਆ। ਇਸ ਤਰ੍ਹਾਂ ਕਰਨ ਨਾਲ ਮੈਨੂੰ ਨਵੀਂ ਊਰਜਾ ਮਿਲੀ ਤੇ ਮੈਂ ਉਸ ਖੇਡ ’ਚ ਚੰਗਾ ਪ੍ਰਦਰਸ਼ਨ ਕਰ ਸਕਿਆ। (IPL 2024)

ਇਹ ਵੀ ਪੜ੍ਹੋ : IPL 2024 Winner: IPL ਚੈਂਪੀਅਨ KKR ਨੂੰ ਮਿਲੇ 20 ਕਰੋੜ, ਵਿਰਾਟ ਨੂੰ ਆਰੇਂਜ ਕੈਪ, ਜਾਣੋ ਹੋਰ ਕਿਸ ਨੂੰ ਕੀ-ਕੀ ਮਿਲਿਆ

ਆਰਸੀਬੀ ’ਚ ਸ਼ਾਮਲ ਹੋਣ ਦਾ ਸੁਪਨਾ ਪੂਰਾ ਹੋਇਆ : ਆਈਪੀਐੱਲ ਸ਼ੁਰੂ ਹੋਣ ਤੋਂ ਬਾਅਦ ਤੋਂ ਹੀ ਮੈਂ ਵਿਰਾਟ ਕੋਹਲੀ ਨੂੰ ਫਾਲੋ ਕਰਦਾ ਸੀ। ਮੈਂ ਸੋਚਦਾ ਸੀ ਕਿ ਜਦੋਂ ਵੀ ਮੈਨੂੰ ਆਈਪੀਐਲ ’ਚ ਖੇਡਣ ਦਾ ਮੌਕਾ ਮਿਲਦਾ ਹੈ ਤਾਂ ਮੈਨੂੰ ਆਰਸੀਬੀ ਲਈ ਹੀ ਖੇਡਣਾ ਚਾਹੀਦਾ ਹੈ। ਮੈਂ ਸ਼ੁਕਰਗੁਜਾਰ ਹਾਂ ਕਿ ਰਾਇਲ ਚੈਲੰਜਰਜ ਬੰਗਲੌਰ (ਆਰਸੀਬੀ) ਨੇ ਮੈਨੂੰ ਸਾਈਨ ਕਰਕੇ ਮੇਰੀ ਇੱਛਾ ਪੂਰੀ ਕੀਤੀ। ਵਿਰਾਟ ਕੋਹਲੀ ਮੇਰੇ ਮਨਪਸੰਦ ਹਨ। ਮੈਂ ਵਿਰਾਟ ਸਰ ਦੇ ਮਾਰਗਦਰਸ਼ਨ ’ਚ ਖੇਡਣ ਲਈ ਉਤਸ਼ਾਹਿਤ ਹਾਂ। (IPL 2024)

ਮੈਨੂੰ ਗੇਂਦਬਾਜੀ ਬਹੁਤ ਪਸੰਦ : ਰਾਜਨ ਕੁਮਾਰ ਨੇ ਕਿਹਾ ਕਿ ਮੈਂ ਸਟ੍ਰੀਟ ਮੈਚਾਂ ਨੂੰ ਵੀ ਗੰਭੀਰਤਾ ਨਾਲ ਲੈਂਦਾ ਹਾਂ। ਮੈਂ ਆਈਪੀਐਲ ਨੂੰ ਲੈ ਕੇ ਵੀ ਬਹੁਤ ਗੰਭੀਰ ਹਾਂ। ਮੇਰਾ ਟੀਚਾ ਹੈ ਕਿ ਜਦੋਂ ਵੀ ਮੈਨੂੰ ਮੌਕਾ ਮਿਲੇ ਮੈਂ ਹਰ ਸੰਭਵ ਤਰੀਕੇ ਨਾਲ ਟੀਮ ਦੀ ਜਿੱਤ ’ਚ ਯੋਗਦਾਨ ਪਾਵਾਂ। ਮੈਂ ਗੇਂਦਬਾਜੀ ਦੇ ਨਾਲ ਬੱਲੇਬਾਜੀ ਵੀ ਕਰਦਾ ਹਾਂ। ਮੈਂ ਆਪਣੀ ਸਮਰੱਥਾ ਅਨੁਸਾਰ 100 ਫੀਸਦੀ ਪ੍ਰਦਰਸ਼ਨ ਕਰਨ ਦੀ ਕੋਸ਼ਿਸ਼ ਕਰਦਾ ਹਾਂ। ਪੂਜਨੀਕ ਗੁਰੂ ਜੀ ਨੇ ਮੈਨੂੰ ਆਊਟਸਵਿੰਗ ਗੇਂਦਬਾਜੀ ਕਰਨ ਲਈ ਪ੍ਰੇਰਿਤ ਕੀਤਾ। ਮੈਂ ਇਸ ’ਤੇ ਕੰਮ ਵੀ ਕੀਤਾ ਜਿਸ ਦਾ ਮੈਨੂੰ ਕਾਫੀ ਫਾਇਦਾ ਹੋਇਆ। (IPL 2024)

ਪਰਿਵਾਰ ਦਾ ਮਿਲਿਆ ਸਹਿਯੋਗ : ਜਿਸ ਖੇਤਰ ’ਚ ਤੁਸੀਂ ਅੱਗੇ ਵਧਣਾ ਚਾਹੁੰਦੇ ਹੋ, ਜੇਕਰ ਤੁਹਾਨੂੰ ਆਪਣੇ ਪਰਿਵਾਰ ਤੋਂ ਸਹਿਯੋਗ ਮਿਲਦਾ ਹੈ, ਤਾਂ ਤੁਸੀਂ ਉਸ ’ਚ ਹੋਰ ਵੀ ਵਧੀਆ ਪ੍ਰਦਰਸ਼ਨ ਕਰ ਸਕਦੇ ਹੋ। ਰਾਜਨ ਕੁਮਾਰ ਦਾ ਕਹਿਣਾ ਹੈ ਕਿ ਕ੍ਰਿਕੇਟ ਖੇਡਣ ’ਚ ਉਨ੍ਹਾਂ ਨੂੰ ਆਪਣੇ ਪਿਤਾ ਤੇ ਵੱਡੇ ਭਰਾ ਦਾ ਬਹੁਤ ਸਹਿਯੋਗ ਮਿਲਿਆ। ਪਰਿਵਾਰ ’ਚ ਕੋਈ ਖਿਡਾਰੀ ਨਹੀਂ ਹੈ। ਪਰ ਮੇਰੇ ਵੱਡੇ ਭਰਾ ਦੀ ਖੇਡ ਕਾਰਨ ਮੈਂ ਹਮੇਸ਼ਾ ਕ੍ਰਿਕੇਟ ਦੀ ਦੁਨੀਆ ’ਚ ਬਿਹਤਰ ਪ੍ਰਦਰਸ਼ਨ ਕਰਨ ਦੀ ਕੋਸ਼ਿਸ਼ ਕਰਦਾ ਰਹਿੰਦਾ ਹਾਂ। (IPL 2024)

ਦੋਵੇਂ ਟੀਮਾਂ ਪਹਿਲੀ ਵਾਰ ਖਿਤਾਬੀ ਮੁਕਾਬਲੇ ’ਚ ਹੋਣਗੀਆਂ ਆਹਮੋ-ਸਾਹਮਣੇ | IPL Final 2024

• ਕੋਲਕਾਤਾ ਚੌਥੀ ਜਦਕਿ ਹੈਦਰਾਬਾਦ ਤੀਜੀ ਵਾਰ ਫਾਈਨਲ ’ਚ
• ਮੈਚ ਸ਼ਾਮ 7:30 ਵਜੇ ਤੋਂ ਹੋਵੇਗਾ ਸ਼ੁਰੂ

IPL final:  ਸਪੋਰਟਸ ਡੈਸਕ। ਇੰਡੀਅਨ ਪ੍ਰੀਮੀਅਰ ਲੀਗ (IPL) 2024 ਦਾ ਫਾਈਨਲ ਮੁਕਾਬਲਾ ਅੱਜ ਕੇਕੇਆਰ ਤੇ ਹੈਦਰਾਬਾਦ ਵਿਚਕਾਰ ਖੇਡਿਆ ਜਾਵੇਗਾ। ਅੱਜ ਵਾਲਾ ਫਾਈਨਲ ਮੁਕਾਬਲਾ ਚੇਨਈ ਦੇ ਚੇਪੌਕ ਸਟੇਡੀਅਮ ’ਚ ਸ਼ਾਮ 7:30 ਵਜੇ ਸ਼ੁਰੂ ਹੋਵੇਗਾ। ਟਾਸ ਅੱਧਾ ਘੰਟਾ ਪਹਿਲਾਂ ਭਾਵ 7 ਵਜੇ ਹੋਵੇਗਾ। ਇਸ ਸੀਜ਼ਨ ਦਾ ਕੁਆਲੀਫਾਇਰ-1 ਮੁਕਾਬਲਾ ਵੀ ਇਹ ਹੀ ਮੈਦਾਨ ’ਤੇ ਖੇਡਿਆ ਗਿਆ ਸੀ ਤੇ ਇਹ ਦੋਵਾਂ ਟੀਮਾਂ ’ਚ ਹੀ ਖੇਡਿਆ ਗਿਆ ਸੀ। ਜਿਸ ਵਿੱਚ ਕੇਕੇਆਰ ਨੇ ਹੈਦਰਾਬਾਦ ਨੂੰ 8 ਵਿਕਟਾਂ ਨਾਲ ਹਰਾਇਆ ਸੀ। ਕੋਲਕਾਤਾ ਤੇ ਹੈਦਰਾਬਾਦ ਪਹਿਲੀ ਵਾਰ ਆਈਪੀਐੱਲ ਦੇ ਫਾਈਨਲ ’ਚ ਆਹਮੋ-ਸਾਹਮਣੇ ਹੋਣਗੀਆਂ। ਕੋਲਕਾਤਾ ਚੌਥੀ ਵਾਰ ਜਦਕਿ ਹੈਦਰਾਬਾਦ ਤੀਜੀ ਵਾਰ ਆਈਪੀਐੱਲ ਦੇ ਫਾਈਨਲ ’ਚ ਪਹੁੰਚੀ ਹੈ। ਕੇਕੇਆਰ 2 ਸਾਲਾਂ ਬਾਅਦ ਜਦਕਿ ਹੈਦਰਾਬਾਦ 5 ਸਾਲਾਂ ਬਾਅਦ ਆਈਪੀਐੱਲ ਦਾ ਫਾਈਨਲ ਖੇਡੇਗੀ।

KKR 2 ਵਾਰ ਬਣਿਆ ਹੈ ਚੈਂਪੀਅਨ | IPL Final 2024

IPL ’ਚ ਕੇਕੇਆਰ ਚੌਥੀ ਵਾਰ ਫਾਈਨਲ ਖੇਡੇਗੀ। ਕੇਕਆਰ ਨੇ ਦੋ ਵਾਰ ਖਿਤਾਬ ਵੀ ਜਿੱਤਿਆ ਹੈ। ਲੀਗ ਸਟੇਜ ’ਚ ਕੇਕੇਆਰ ਨੇ 14 ’ਚੋਂ 9 ਮੈਚ ਜਿੱਤੇ ਹਨ ਸਿਰਫ ਉਸ ਨੂੰ 3 ਮੈਚਾਂ ’ਚ ਹੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਕੇਕੇਆਰ 20 ਅੰਕਾਂ ਨਾਲ ਅੰਕ ਸੂਚੀ ’ਚ ਪਹਿਲੇ ਸਥਾਨ ’ਤੇ ਹੈ। ਟੀਮ ਨੇ ਸਭ ਤੋਂ ਪਹਿਲਾਂ ਪਲੇਆਫ ਲਈ ਕੁਆਲੀਫਾਈ ਕੀਤਾ ਸੀ। ਜਦਕਿ ਪਹਿਲੇ ਕੁਆਲੀਫਾਇਰ ਮੁਕਾਬਲੇ ’ਚ ਹੈਦਰਾਬਾਦ ਨੂੰ ਹਰਾ ਕੇ ਕੇਕੇਆਰ ਫਾਈਨਲ ’ਚ ਪਹੁੰਚੀ ਸੀ। (IPL Final 2024)

SRH 2016 ਦੀ ਹੈ ਚੈਂਪੀਅਨ | IPL Final 2024

ਹੈਦਰਾਬਾਦ ਨੇ 2016 ’ਚ ਅਸਟਰੇਲੀਆ ਦੇ ਡੇਵਿਡ ਵਾਰਨਰ ਦੀ ਕਪਤਾਨੀ ’ਚ ਆਈਪੀਐੱਲ ਦਾ ਖਿਤਾਬ ਜਿੱਤਿਆ ਸੀ। ਪਿਛਲੇ ਸੀਜ਼ਨ ’ਚ ਹੈਦਰਾਬਾਦ ਦੀ ਟੀਮ 10ਵੇਂ ਨੰਬਰ ’ਤੇ ਰਹੀ ਸੀ। ਪਰ ਇਸ ਸੀਜ਼ਨ ’ਚ ਹੈਦਰਾਬਾਦ ਨੇ ਕਮਾਲ ਦਾ ਪ੍ਰਦਰਸ਼ਨ ਕੀਤਾ ਹੈ। ਇਸ ਸੀਜ਼ਨ ’ਚ ਹੈਦਰਾਬਾਦ ਨੇ 8 ਜਿੱਤ ਤੇ 5 ਮੈਚਾਂ ’ਚ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਉਸ ਦਾ ਇੱਕ ਮੈਚ ਮੀਂਹ ਕਾਰਨ ਰੱਦ ਵੀ ਹੋਇਆ ਸੀ। ਹੈਦਰਾਬਾਦ 17 ਅੰਕਾਂ ਨਾਲ ਅੰਕ ਸੂਚੀ ’ਚ ਦੂਜੇ ਨੰਬਰ ’ਤੇ ਰਹੀ ਸੀ। (IPL Final 2024)

ਰਿਕਾਰਡ ’ਚ KKR ਦਾ ਪੱਲਾ ਭਾਰੀ | IPL Final 2024

ਜੇਕਰ ਰਿਕਾਰਡ ਦੀ ਗੱਲ ਕੀਤੀ ਜਾਵੇ ਤਾਂ ਕੇਕੇਆਰ ਦਾ ਪੱਲਾ ਭਾਰੀ ਹੈ। ਹੁਣ ਤੱਕ ਦੋਵਾਂ ਟੀਮਾਂ ’ਚ 27 ਮੁਕਾਬਲੇ ਖੇਡੇ ਗਏ ਹਨ। ਜਿਸ ਵਿੱਚੋਂ 18 ਮੁਕਾਬਲੇ ਕੇਕੇਆਰ ਨੇ ਜਦਕਿ ਹੈਦਰਾਬਾਦ ਨੂੰ ਸਿਰਫ 9 ਮੁਕਾਬਲਿਆਂ ’ਚ ਹੀ ਜਿੱਤ ਮਿਲੀ ਹੈ। ਇਸ ਸੀਜ਼ਨ ’ਚ ਦੋਵਾਂ ਟੀਮਾਂ ਵਿਚਕਾਰ 2 ਮੁਕਾਬਲੇ ਖੇਡੇ ਗਏ ਹਨ, ਦੋਵੇਂ ਕੋਲਕਾਤਾ ਨੇ ਜਿੱਤੇ ਹਨ। ਲੀਗ ਸਟੇਜ ’ਚ ਦੋਵਾਂ ਟੀਮਾਂ ’ਚ ਮੁਕਾਬਲਾ ਈਡਨ ਗਾਰਡਨ ’ਚ ਖੇਡਿਆ ਗਿਆ ਸੀ ਜਿਸ ਵਿੱਚ ਕੇਕੇਆਰ ਨੂੰ 4 ਦੌੜਾਂ ਨਾਲ ਜਿੱਤ ਮਿਲੀ ਸੀ।

KKR ਵੱਲੋਂ ਨਰਾਇਣ ਦਾ ਦੋਹਰਾ ਪ੍ਰਦਰਸ਼ਨ, ਵਰੁਣ ਨੇ ਸਭ ਤੋਂ ਜ਼ਿਆਦਾ ਵਿਕਟਾਂ ਲਈਆਂ

ਕੇਕੇਆਰ ਲਈ ਓਪਨਿੰਗ ਕਰਦੇ ਹੋਏ ਸੁਨੀਲ ਨਰਾਇਣ ਤੇ ਫਿਲ ਸਾਲਟ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਦੋਵਾਂ ਨੇ ਪਾਵਰਪਲੇ ’ਚ ਟੀਮ ਨੂੰ ਮਜ਼ਬੂਤ ਸ਼ੁਰੂਆਤ ਦਿੱਤੀ ਹੈ। ਪਰ ਫਿਲ ਸਾਲਟ ਹੁਣ ਇਸ ਮੈਚਾਂ ’ਚ ਨਹੀਂ ਹੈ, ਉਹ ਵਿਸ਼ਵ ਕੱਪ ਦੀ ਤਿਆਰੀ ਲਈ ਆਪਣੇ ਦੇਸ਼ ਵਾਪਸ ਪਰਤ ਗਏ ਹਨ। ਉਨ੍ਹਾਂ ਦੀ ਜਗ੍ਹਾ ਅਫਗਾਨਿਸਤਾਨ ਦੇ ਰਹਿਮਨਉੱਲ੍ਹਾ ਗੁਰਬਾਜ਼ ਹਨ ਉਹ ਵੀ ਟੀਮ ਨੂੰ ਚੰਗੀ ਸ਼ੁਰੂਆਤ ਦਿੰਦੇ ਹਨ। ਮੱਧ-ਕ੍ਰਮ ’ਚ ਵੀ ਸ਼ੇ੍ਰਅਸ ਅਈਅਰ ਨੇ ਚਾਹੇ ਵੱਡੀ ਪਾਰੀ ਨਾ ਖੇਡੀ ਹੋਵੇ ਪਰ ਨਾਨ-ਸਟ੍ਰਾਈਕ ’ਤੇ ਚੰਗਾ ਸਪੋਰਟ ਕੀਤਾ ਹੈ। ਫਿਨਿਸ਼ਰਾਂ ’ਚ ਹਮਲਾਵਰ ਆਂਦਰੇ ਰਸਲ ਨੇ ਇਸ ਸੀਜ਼ਨ ’ਚ ਡੈਥ ਓਵਰਾਂ ’ਚ ਵੱਡੇ ਸ਼ਾਟ ਖੇਡਣ ਦੀ ਜਿੰਮੇਵਾਰੀ ਲਈ ਹੋਈ ਹੈ। ਗੇਂਦਬਾਜ਼ੀ ’ਚ ਵਰੁਣ ਚੱਕਰਵਰਤੀ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਸੁਨੀਨ ਨਰਾਇਣ ਨੇ 482 ਦੌੜਾਂ ਬਣਾਉਣ ਦੇ ਨਾਲ ਹੀ 16 ਵਿਕਟਾਂ ਵੀ ਲਈਆਂ ਹਨ।

ਇਹ ਵੀ ਪੜ੍ਹੋ : Lok Sabha Election 2024: ਛੇਵੇਂ ਗੇੜ ’ਚ ਹੋਈ ਸਭ ਤੋਂ ਘੱਟ ਵੋਟਿੰਗ, ਜਾਣੋ ਕਿਸ ਜਗ੍ਹਾ ਪਈਆਂ ਸਭ ਤੋਂ ਘੱਟ ਵੋਟਾਂ

SRH ਵੱਲੋਂ ਟ੍ਰੈਵਿਸ ਹੈੱਡ ਤੇ ਅਭਿਸ਼ੇਕ ਸ਼ਰਮਾ ਦਾ ਸ਼ਾਨਦਾਰ ਪ੍ਰਦਰਸ਼ਨ

ਹੈਦਰਾਬਾਦ ਵੱਲੋਂ ਟ੍ਰੈਵਿਸ ਹੈੱਡ ਤੇ ਅਭਿਸ਼ੇਕ ਸ਼ਰਮਾ ਦੀ ਓਪਨਿੰਗ ਜੋੜੀ ਨੇ 200 ਤੋਂ ਵੀ ਜ਼ਿਆਦਾ ਸਟ੍ਰਾਈਕ ਰੇਟ ਨਾਲ ਦੌੜਾਂ ਬਣਾਈਆਂ ਹਨ। ਦੋਵਾਂ ਨੇ ਹਮਲਾਵਰ ਪਾਰੀਆਂ ਖੇਡੀਆਂ ਹਨ। ਮੱਧ-ਕ੍ਰਮ ’ਚ ਹੈਨਰਿਕ ਕਲਾਸੇਨ ਨੇ ਵੀ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਗੇਂਦਬਾਜ਼ੀ ’ਚ ਟੀ ਨਟਰਾਜ਼ਨ ਨੇ 13 ਮੈਚਾਂ ’ਚ 19 ਵਿਕਟਾਂ ਲਈਆਂ ਹਨ। ਕਪਤਾਨ ਪੈਟ ਕਮਿੰਸ ਨੇ 17 ਵਿਕਟਾਂ ਅਤੇ ਭੁਵਨੇਸ਼ਵਰ ਕੁਮਾਰ ਨੇ 11 ਵਿਕਟਾਂ ਲਈਆਂ ਹਨ।

ਚੇਪੌਕ ਦੀ ਪਿੱਚ ਰਿਪੋਰਟ

ਐੱਮਏ ਚਿੰਦਬਰਮ ਸਟੇਡੀਅਮ ਦੀ ਪਿੱਚ ਜ਼ਿਆਦਾਤਰ ਸਪਿਨਰਾਂ ਲਈ ਮੱਦਦਗਾਰ ਸਾਬਤ ਹੁੰਦੀ ਹੈ। ਇੱਥੇ ਹੁਣ ਤੱਕ 89 ਆਈਪੀਐੱਲ ਮੈਚ ਖੇਡੇ ਗਏ ਹਨ। 49 ਮੈਚ ਪਹਿਲਾਂ ਬੱਲੇਬਾਜ਼ੀ ਕਰਨ ਵਾਲੀ ਟੀਮ ਨੇ ਜਿੱਤੇ ਹਨ ਜਦਕਿ ਬਾਅਦ ’ਚ ਬੱਲੇਬਾਜ਼ੀ ਕਰਨ ਵਾਲੀ ਟੀਮ ਨੇ 35 ਮੈਚ ਜਿੱਤੇ ਹਨ। ਇੱਥੋਂ ਦਾ ਜ਼ਿਆਦਾ ਤੋਂ ਜ਼ਿਆਦਾ ਦੌੜਾਂ ਦਾ ਸਕੋਰ 246/5 ਦੌੜਾਂ ਦਾ ਹੈ, ਜਿਹੜਾ ਘਰੇਲੂ ਟੀਮ ਚੇਨਈ ਸੁਪਰਕਿੰਗਜ ਨੇ 2010 ’ਚ ਰਾਜਸਥਾਨ ਰਾਇਲਜ਼ ਖਿਲਾਫ ਬਣਾਇਆ ਸੀ।

ਮੌਸਮ ਸਬੰਧੀ ਜਾਣਕਾਰੀ

26 ਮਈ ਨੂੰ ਚੇਨਈ ’ਚ ਕਾਫੀ ਤੇਜ਼ ਗਰਮੀ ਰਹੇਗੀ। ਇਸ ਦਿਨ ਇੱਥੇ ਬੱਦਲ ਵੀ ਛਾਏ ਰਹਿਣਗੇ ਤੇ ਧੁੱਪ ਵੀ ਹੋਵੇਗੀ। ਚੇਨਈ ’ਚ ਅੱਜ 4 ਫੀਸਦੀ ਮੀਂਹ ਦੀ ਸੰਭਾਵਨਾ ਹੈ। ਇੱਥੋਂ ਦਾ ਤਾਪਮਾਨ 38 ਡਿਗਰੀ ਤੋਂ 31 ਡਿਗਰੀ ਸੈਲਸੀਅਸ ਦੇ ਵਿਚਕਾਰ ਰਹਿਣ ਦੀ ਉਮੀਦ ਹੈ।

ਦੋਵਾਂ ਟੀਮਾਂ ਦੀ ਪਲੇਇੰਗ-11

ਕੋਲਕਾਤਾ ਨਾਈਟ ਰਾਈਡਰਜ਼ : ਸ਼੍ਰੇਅਸ ਅਈਅਰ (ਕਪਤਾਨ), ਰਹਿਮਾਨਉੱਲ੍ਹਾ ਗੁਰਬਾਜ਼ (ਵਿਕਟਕੀਪਰ), ਰਿੰਕੂ ਸਿੰਘ, ਰਮਨਦੀਪ ਸਿੰਘ, ਵੈਂਕਟੇਸ਼ ਅਈਅਰ, ਸੁਨੀਲ ਨਰਾਇਣ, ਆਂਦਰੇ ਰਸਲ, ਹਰਸ਼ਿਤ ਰਾਣਾ, ਵੈਭਵ ਅਰੋੜਾ, ਮਿਸ਼ੇਲ ਸਟਾਰਕ ਤੇ ਵਰੁਣ ਚੱਕਰਵਰਤੀ।

ਪ੍ਰਭਾਵੀ ਖਿਡਾਰੀ : ਅੰਗਕ੍ਰਿਸ਼ ਰਘੂਵੰਸ਼ੀ।

ਸਨਰਾਈਜ਼ਰਜ਼ ਹੈਦਰਾਬਾਦ : ਪੈਟ ਕਮਿੰਸ (ਕਪਤਾਨ), ਟ੍ਰੈਵਿਸ ਹੈੱਡ, ਰਾਹੁਲ ਤ੍ਰਿਪਾਠੀ, ਹੈਨਰਿਕ ਕਲਾਸੇਨ (ਵਿਕਟਕੀਪਰ), ਅਬਦੁਲ ਸਮਦ, ਏਡਨ ਮਾਰਕ੍ਰਮ, ਅਭਿਸ਼ੇਕ ਸ਼ਰਮਾ, ਨਿਤੀਸ਼ ਰੈੱਡੀ, ਭੁਵਨੇਸ਼ਵਰ ਕੁਮਾਰ, ਟੀ ਨਟਰਾਜ਼ਨ ਤੇ ਮਯੰਕ ਮਾਰਕੰਡੇ।

ਪ੍ਰਭਾਵੀ ਖਿਡਾਰੀ : ਸ਼ਾਹਬਾਜ਼ ਅਹਿਮਦ।

ਰਾਜਸਥਾਨ ਰਾਇਲਜ਼ ਨੂੰ 36 ਦੌੜਾਂ ਨਾਲ ਹਰਾਇਆ | SRH vs RR

• ਸਪਿਨਰਾਂ ਨੇ ਹਾਸਲ ਕੀਤੀਆਂ 5 ਵਿਕਟਾਂ
• ਰਾਜਸਥਾਨ ਵੱਲੋਂ ਸਭ ਤੋਂ ਜ਼ਿਆਦਾ ਧਰੁਵ ਜੁਰੇਲ ਨੇ (56) ਦੌੜਾਂ ਦੀ ਪਾਰੀ ਖੇਡੀ

ਸਪੋਰਟਸ ਡੈਸਕ। ਇੰਡੀਅਨ ਪ੍ਰੀਮੀਅਰ ਲੀਗ (IPL) 2024 ਦਾ ਕੁਆਲੀਫਾਇਰ-2 ਮੁਕਾਬਲਾ ਰਾਜਸਥਾਨ ਰਾਇਲਜ਼ ਤੇ ਹੈਦਰਾਬਾਦ ਵਿਚਕਾਰ ਖੇਡਿਆ ਗਿਆ। ਇਹ ਮੁਕਾਬਲਾ ਚੇਨਈ ਦੇ ਐੱਮ ਚਿੰਦਬਰਮ ਸਟੇਡੀਅਮ ’ਚ ਖੇਡਿਆ ਗਿਆ। ਜਿੱਥੇ ਰਾਜਸਥਾਨ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਸੀ। ਹੈਦਰਾਬਾਦ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਆਪਣੇ 20 ਓਵਰਾਂ ’ਚ 175 ਦੌੜਾਂ ਦਾ ਸਕੋਰ ਬਣਾਇਆ। ਜਵਾਬ ’ਚ ਰਾਜਸਥਾਨ ਦੀ ਟੀਮ ਆਪਣੇ 20 ਓਵਰਾਂ ’ਚ 139 ਦੌੜਾਂ ਹੀ ਬਣਾ ਸਕੀ ਤੇ 36 ਦੌੜਾਂ ਨਾਲ ਇਹ ਮੈਚ ਹਾਰ ਗਈ। ਟਾਸ ਹਾਰ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਆਈ ਹੈਦਰਾਬਾਦ ਦੀ ਟੀਮ ਦੀ ਸ਼ੁਰੂਆਤ ਚੰਗੀ ਨਹੀਂ ਰਹੀ ਸੀ। (SRH vs RR)

ਇਹ ਵੀ ਪੜ੍ਹੋ : ਬੀਐੱਸਐੱਫ਼ ਦਾ ਲੋੜਵੰਦ ਤੇ ਆਰਥਿਕ ਪੱਖੋਂ ਕਮਜ਼ੋਰ ਲੋਕਾਂ ਲਈ ਉਪਰਾਲਾ

ਕਿਉਂਕ ਪਹਿਲੇ ਹੀ ਓਵਰ ’ਚ ਸਟਾਰ ਬੱਲੇਬਾਜ਼ ਅਭਿਸ਼ੇਕ ਸ਼ਰਮਾ ਦੀ ਵਿਕਟ ਗੁਆ ਦਿੱਤੀ। ਅਭਿਸ਼ੇਕ ਸ਼ਰਮਾ ਨੇ (12) ਦੌੜਾਂ ਬਣਾਈਆਂ। ਉਸ ਤੋਂ ਬਾਅਦ ਪੰਜਵੇਂ ਓਵਰ ’ਚ ਬੋਲਟ ਨੇ ਰਾਹੁਲ ਤਿਰਪਾਠੀ ਨੂੰ ਆਊਟ ਕਰਕੇ ਹੈਦਰਾਬਾਦ ਨੂੰ ਦੂਜਾ ਝਟਕਾ ਦਿੱਤਾ। 10ਵੇਂ ਓਵਰ ’ਚ ਸੰਦੀਪ ਸ਼ਰਮਾ ਨੇ ਟੈ੍ਰਵਿਸ ਹੈੱਡ ਨੂੰ ਅਸ਼ਵਿਨ ਹੱਥੋਂ ਕੈਚ ਕਰਵਾਇਆ। ਹੈੱਡ ਨੇ 28 ਗੇਂਦਾਂ ’ਚ ਤਿੰਨ ਚੌਕੇ ਤੇ ਇੱਕ ਛੱਕਾ ਜੜਦੇ ਹੋਏ (34) ਦੌੜਾਂ ਬਣਾਇਆਂ। ਇਸ ਤੋਂ ਇਲਾਵਾ ਵਿਕਟਕੀਪਰ ਬੱਲੇਬਾਜ਼ ਹੈਨਰਿਕ ਕਲਾਸੇਨ ਨੇ ਸਭ ਤੋਂ ਜ਼ਿਆਦਾ (50) ਦੌੜਾਂ ਦਾ ਸਕੋਰ ਬਣਾਇਆ। ਰਾਜਸਥਾਨ ਵੱਲੋਂ ਟ੍ਰੇਂਟ ਬੋਲਟ ਤੇ ਆਵੇਸ਼ ਖਾਨ ਨੇ ਤਿੰਨ-ਤਿੰਨ ਵਿਕਟਾਂ ਲਈਆਂ। ਸੰਦੀਪ ਸ਼ਰਮਾ ਨੂੰ 2 ਵਿਕਟਾਂ ਮਿਲਿਆਂ। (SRH vs RR)

ਜਵਾਬ ’ਚ ਰਾਜਸਥਾਨ ਦੀ ਟੀਮ ਨੂੰ ਪੈਟ ਕਮਿੰਸ ਨੇ ਪਹਿਲਾ ਝਟਕਾ ਚੌਥੇ ਹੀ ਓਵਰ ’ਚ ਦੇ ਦਿੱਤਾ। ਬਾਅਦ ’ਚ ਯਸ਼ਸਵੀ ਜਾਇਸਵਾਲ ਤੇ ਕਪਤਾਨ ਸੰਜੂ ਸੈਮਸਨ ਨੇ ਪਾਰੀ ਨੂੰ ਸੰਭਾਲਣ ਦੀ ਕੋਸ਼ਿਸ਼ ਕੀਤੀ ਪਰ ਸ਼ਾਹਬਾਜ਼ ਅਹਿਮਦ ਨੇ ਯਸ਼ਸਵੀ ਨੂੰ ਆਊਟ ਕਰਕੇ ਇਹ ਸਾਂਝੇਦਾਰੀ ਤੋੜ ਦਿੱਤੀ। ਯਸ਼ਸਵੀ ਜਾਇਸਵਾਲ ਨੇ ਚਾਰ ਚੌਕੇ ਤੇ ਤਿੰਨ ਛੱਕੇ ਜੜਦੇ ਹੋਏ (42) ਦੌੜਾਂ ਬਣਾਇਆਂ। ਇਸ ਤੋਂ ਬਾਅਦ ਧਰੁਵ ਜੁਰੇਲ ਨੇ ਅਰਧਸੈਂਕੜੇ ਵਾਲੀ ਪਾਰੀ ਖੇਡੀ, ਬਾਅਦ ’ਚ ਰਾਜਸਥਾਨ ਦਾ ਕੋਈ ਵੀ ਬੱਲੇਬਾਜ਼ ਕੁਝ ਖਾਸ ਨਹੀਂ ਕਰ ਸਕਿਆ। (SRH vs RR)

ਅਹਿਮਦਾਬਾਦ। ਆਈਪੀਐਲ-2024 ਦਾ ਐਲੀਮੀਨੇਟਰ ਮੈਚ ਰਾਜਸਥਾਨ ਰਾਇਲਜ਼ ਅਤੇ ਰਾਇਲਜ਼ ਚੈਲੇਂਜਰਜ਼ ਬੇਂਗਲੁਰੂ ਵਿਚਕਾਰ ਖੇਡਿਆ ਜਾ ਰਿਹਾ ਹੈ। ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ’ਚ ਰਾਜਸਥਾਨ ਨੇ ਟਾਸ ਜਿੱਤ ਕੇ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਰਾਇਲਜ਼ ਚੈਲੇਂਜਰਜ਼ ਬੇਂਗਲੁਰੂ ਪਹਿਲਾਂ ਬੱਲੇਬਾਜ਼ੀ ਕਰੇਗਾ। ਰਾਜਸਥਾਨ ਟੀਮ ਨੇ ਪਲੇਇੰਗ-11 ਵਿੱਚ ਸ਼ਿਮੋਰਨ ਹੇਟਮਾਇਰ ਨੂੰ ਮੌਕਾ ਦਿੱਤਾ ਹੈ। ਦੂਜੇ ਪਾਸੇ ਬੈਂਗਲੁਰੂ ਨੇ ਟੀਮ ’ਚ ਕੋਈ ਬਦਲਾਅ ਨਹੀਂ ਕੀਤਾ ਹੈ। ਇਹ ਮੈਚ ਦੋਵਾਂ ਟੀਮਾਂ ਲਈ ਜਿੱਤਣਾ ਜ਼ਰੂਰੀ ਹੈ। ਇਸ ਮੈਚ ਵਿੱਚ ਜੇਤੂ ਟੀਮ ਕੁਆਲੀਫਾਇਰ-2 ਲਈ ਕੁਆਲੀਫਾਈ ਕਰੇਗੀ। ਹਾਰਨ ਵਾਲੀ ਟੀਮ ਲੀਗ ਤੋਂ ਬਾਹਰ ਹੋ ਜਾਵੇਗੀ। RCB Vs RR

ਦੋਵਾਂ ਟੀਮਾਂ ਦੇ ਸੰਭਾਵਿਤ ਪਲੇਇੰਗ ਇਲੈਵਨ (RCB Vs RR)

ਰਾਜਸਥਾਨ ਰਾਇਲਜ਼: ਸੰਜੂ ਸੈਮਸਨ (ਕਪਤਾਨ), ਯਸ਼ਸਵੀ ਜਾਇਸਵਾਲ, ਰਿਆਗ ਪਰਾਗ, ਧਰੂਵ ਜੁਰੈਲ, ਸਿਮਰੋਨ ਹੇਟਮਾਇਰ, ਰੋਵਮਨ, ਪਾਵੇਲ, ਅਸ਼ਵਿਨ, ਆਵੇਸ਼ ਖਾਨ, ਟ੍ਰੇਂਟ ਬੋਲਡ, ਯੁਜੇਂਦਰ ਚਹਿਲ ਅਤੇ ਸੰਦੀਪ ਸ਼ਰਮਾ
ਇੰਪੈਕਟਰ ਪਲੇਅਰ : ਟਾਮ ਕੋਹਲਰ ਕੈਡਮੋਰ, ਨਾਂਦਰੇ ਬਰਗਰ।

ਰਾਇਲ ਚੈਲੰਜਰਜ਼ ਬੰਗਲੌਰ: ਫਾਫ ਡੂ ਪਲੇਸਿਸ (ਕਪਤਾਨ), ਵਿਰਾਟ ਕੋਹਲੀ, ਰਜਤ ਪਾਟੀਦਾਰ, ਕੈਮਰਨ ਗ੍ਰੀਨ, ਗਲੇਨ ਮੈਕਸਵੈੱਲ, ਦਿਨੇਸ਼ ਕਾਰਤਿਕ, ਮਹੀਪਾਲ ਲੋਮਰੋਰ, ਕਰਨ ਸ਼ਰਮਾ, ਯਸ਼ ਦਿਆਲ, ਲਾਕੀ ਫਰਗੂਸਨ, ਮੁਹੰਮਦ ਸਿਰਾਜ।

ਇੰਪੈਕਟਰ ਪਲੇਅਰ : ਸਵਪਨਿਲ ਸਿੰਘ

ਮੈਕਗਰਕ-ਸ਼ਾਰਟ ਰਿਜ਼ਰਵ ਖਿਡਾਰੀ ਵਜੋਂ ਟੀਮ ’ਚ ਸ਼ਾਮਲ

• 1 ਜੂਨ ਤੋਂ ਖੇਡਿਆ ਜਾਵੇਗਾ ਟੀ20 ਵਿਸ਼ਵ ਕੱਪ

ਸਪੋਰਟਸ ਡੈਸਕ। ਵੈਸਟਇੰਡੀਜ ਤੇ ਅਮਰੀਕਾ ’ਚ ਹੋਣ ਵਾਲੇ ਟੀ-20 ਵਿਸ਼ਵ ਕੱਪ 2024 ਲਈ ਅਸਟਰੇਲੀਆਈ ਕ੍ਰਿਕੇਟ ਟੀਮ ਦੀ ਅੰਤਿਮ ਟੀਮ ਦਾ ਐਲਾਨ ਕਰ ਦਿੱਤਾ ਹੈ। ਅਸਟਰੇਲੀਆਈ ਕ੍ਰਿਕੇਟ ਬੋਰਡ (ਸੀਏ) ਨੇ ਮੰਗਲਵਾਰ ਸਵੇਰੇ 15 ਮੈਂਬਰਾਂ ਤੋਂ ਇਲਾਵਾ ਯਾਤਰਾ ਕਰਨ ਵਾਲੇ ਰਿਜਰਵ ਖਿਡਾਰੀਆਂ ਦਾ ਵੀ ਐਲਾਨ ਕੀਤਾ। ਨੌਜਵਾਨ ਬੱਲੇਬਾਜ ਜੈਕ ਫਰੇਜਰ-ਮੈਕਗਰਕ ਤੇ ਮੈਥਿਊ ਸ਼ਾਰਟ ਨੂੰ ਰਿਜਰਵ ਖਿਡਾਰੀਆਂ ਵਜੋਂ ਟੀਮ ’ਚ ਸ਼ਾਮਲ ਕੀਤਾ ਗਿਆ ਹੈ। ਸੀਏ ਨੇ 4 ਮਈ ਨੂੰ ਹੀ 15 ਮੈਂਬਰੀ ਟੀਮ ਦਾ ਐਲਾਨ ਕੀਤਾ ਸੀ ਪਰ ਉਸ ਸਮੇਂ ਰਿਜਰਵ ਖਿਡਾਰੀਆਂ ਦੇ ਨਾਅਵਾਂ ਦਾ ਐਲਾਨ ਨਹੀਂ ਕੀਤਾ ਗਿਆ ਸੀ ਕਿ ਵਿਸ਼ਵ ਕੱਪ ਲਈ ਸਾਰੀਆਂ ਟੀਮਾਂ ਦੀ ਅੰਤਿਮ ਟੀਮ ਦਾ ਐਲਾਨ ਕਰਨ ਦੀ ਆਖਰੀ ਤਰੀਕ 25 ਮਈ ਹੈ। ਇਸ ਤੋਂ ਪਹਿਲਾਂ ਟੀਮਾਂ ਆਪਣੀ ਟੀਮ ’ਚ ਬਦਲਾਅ ਕਰ ਸਕਦੀਆਂ ਹਨ।

ਇਹ ਵੀ ਪੜ੍ਹੋ : ਗਰਮੀ ਦਾ ਕਹਿਰ, ਬਿਜਲੀ ਦੀ ਮੰਗ ਨੇ ਲਿਆਂਦੀ ਪਾਵਰਕੌਮ ਦੇ ਮੱਥੇ ’ਤੇ ਤਰੇਲੀ

ਮਿਸ਼ੇਲ ਮਾਰਸ਼ ਕਰਨਗੇ ਟੀਮ ਦੀ ਕਪਤਾਨੀ | T20 World Cup 2024

ਟੀਮ ਦੀ ਕਪਤਾਨੀ ਮਿਸ਼ੇਲ ਮਾਰਸ਼ ਕਰਨਗੇ। ਮਾਰਸ਼ ਨੇ ਪਿਛਲੇ 12 ਮਹੀਨਿਆਂ ’ਚ ਬਤੌਰ ਕਪਤਾਨ ਤਿੰਨ ਟੀ-20 ਅੰਤਰਰਾਸ਼ਟਰੀ ਸੀਰੀਜ ’ਚ ਅਸਟਰੇਲੀਆ ਦੀ ਅਗਵਾਈ ਕੀਤੀ ਹੈ। ਸਟਾਰ ਬੱਲੇਬਾਜ ਸਟੀਵ ਸਮਿਥ ਨੂੰ ਟੀਮ ’ਚ ਜਗ੍ਹਾ ਨਹੀਂ ਮਿਲੀ ਹੈ।

ਟੀ-20 ਵਿਸ਼ਵ ਕੱਪ 2024 ਲਈ ਅਸਟਰੇਲੀਆਈ ਕ੍ਰਿਕੇਟ ਟੀਮ | T20 World Cup 2024

ਮਿਸ਼ੇਲ ਮਾਰਸ਼ (ਕਪਤਾਨ), ਐਸ਼ਟਨ ਐਗਰ, ਪੈਟ ਕਮਿੰਸ, ਟਿਮ ਡੇਵਿਡ, ਨਾਥਨ ਐਲਿਸ, ਕੈਮਰਨ ਗ੍ਰੀਨ, ਜੋਸ਼ ਹੇਜਲਵੁੱਡ, ਟ੍ਰੈਵਿਸ ਹੈੱਡ, ਜੋਸ਼ ਇੰਗਲਿਸ (ਵਿਕਟਕੀਪਰ), ਗਲੇਨ ਮੈਕਸਵੈੱਲ, ਮਿਸ਼ੇਲ ਸਟਾਰਕ, ਮਾਰਕਸ ਸਟੋਇਨਿਸ, ਮੈਥਿਊ ਵੇਡ (ਵਿਕਟਕੀਪਰ), ਡੇਵਿਡ ਵਾਰਨਰ, ਐਡਮ ਜੈਂਪਾ। (T20 World Cup 2024)

ਟ੍ਰੈਵਲਿੰਗ ਰਿਜ਼ਰਵ : ਜੈਕ ਫਰੇਜਰ-ਮੈਕਗੁਰਕ, ਮੈਥਿਊ ਸ਼ਾਰਟ।

ਮੈਕਗਰਕ ਨੇ 9 ਆਈਪੀਐਲ ਦੇ ਮੈਚਾਂ ’ਚ 330 ਦੌੜਾਂ ਬਣਾਈਆਂ | T20 World Cup 2024

ਮੈਕਗਰਕ ਨੇ ਅਜੇ ਤੱਕ ਟੀ-20 ਕੌਮਾਂਤਰੀ ’ਚ ਅਸਟਰੇਲੀਆ ਲਈ ਡੈਬਿਊ ਨਹੀਂ ਕੀਤਾ ਹੈ। ਹਾਲਾਂਕਿ ਉਹ ਦੋ ਇੱਕਰੋਜ਼ਾ ਮੈਚ ਖੇਡ ਚੁੱਕੇ ਹਨ। ਇਸ ਸੀਜਨ ’ਚ ਆਈਪੀਐਲ ’ਚ ਆਪਣੀ ਸ਼ੁਰੂਆਤ ਕਰਦੇ ਹੋਏ, ਮੈਕਗਰਕ ਨੇ ਦਿੱਲੀ ਕੈਪੀਟਲਜ ਲਈ ਖੇਡਦੇ ਹੋਏ 9 ਮੈਚਾਂ ’ਚ 330 ਦੌੜਾਂ ਬਣਾਈਆਂ। (T20 World Cup 2024)

ਵੀਰਵਾਰ ਨੂੰ ਵੈਸਟਇੰਡੀਜ਼ ਰਵਾਨਾ ਹੋਵੇਗੀ ਅਸਟਰੇਲੀਆਈ ਟੀਮ | T20 World Cup 2024

ਅਸਟਰੇਲੀਆ ਦੀ ਟੀਮ ਵੀਰਵਾਰ ਨੂੰ ਵੈਸਟਇੰਡੀਜ ਲਈ ਰਵਾਨਾ ਹੋਵੇਗੀ। ਅਸਟਰੇਲੀਆ ਨੇ 28 ਤੇ 30 ਮਈ ਨੂੰ ਤ੍ਰਿਨੀਦਾਦ ’ਚ ਨਾਮੀਬੀਆ ਤੇ ਵੈਸਟਇੰਡੀਜ ਖਿਲਾਫ ਦੋ ਅਭਿਆਸ ਮੈਚ ਖੇਡਣੇ ਹਨ। ਟ੍ਰੈਵਿਸ ਹੈੱਡ, ਕੈਮਰਨ ਗ੍ਰੀਨ, ਪੈਟ ਕਮਿੰਸ, ਮਿਸ਼ੇਲ ਸਟਾਰਕ ਤੇ ਗਲੇਨ ਮੈਕਸਵੈੱਲ ਆਈਪੀਐਲ 2024 ਦੇ ਪਲੇਆਫ ਤੋਂ ਬਾਅਦ ਟੀਮ ’ਚ ਸ਼ਾਮਲ ਹੋਣਗੇ।

ਆਰਸੀਬੀ ਤੇ ਚੇਨਈ ਵਿਚਕਾਰ ਵੱਡਾ ਮੁਕਾਬਲਾ ਅੱਜ

• ਜਿਹੜੀ ਟੀਮ ਜਿੱਤੀ ਉਹ ਹੀ ਜਾਵੇਗੀ ਪਲੇਆਫ ’ਚ

ਸਪੋਰਟਸ ਡੈਸਕ। ਇੰਡੀਅਨ ਪ੍ਰੀਮੀਅਰ ਲੀਗ (IPL) 2024 ਹੁਣ ਆਪਣੇ ਆਖਿਰੀ ਪੜਾਅ ’ਤੇ ਪਹੁੰਚ ਚੁੱਕਿਆ ਹੈ। ਅੱਜ ਲੀਗ ਸਟੇਜ ਦਾ ਆਖਿਰੀ ਮੁਕਾਬਲਾ ਹੈ ਫਿਰ ਪਲੇਆਫ ਦੀ ਸ਼ੁਰੂਆਤ ਹੋਵੇਗੀ, ਹੁਣ ਕੋਲਕਾਤਾ, ਰਾਜਸਥਾਨ ਤੇ ਹੈਦਰਾਬਾਦ ਨੇ ਪਲੇਆਫ ਲਈ ਕੁਆਲੀਫਾਈ ਕੀਤਾ ਹੈ ਤੇ ਅੱਜ ਭਾਵ 18 ਮਈ ਨੂੰ ਚੌਥੀ ਟੀਮ ਪਲੇਆਫ ਲਈ ਫੈਸਲਾ ਕਰੇਗੀ। ਸਾਰੇ ਕ੍ਰਿਕੇਟ ਪੇੇ੍ਰੇਮੀ 18 ਮਈ ਦਾ ਇੰਤਜ਼ਾਰ ਕਰ ਰਹੇ ਹਨ, ਦਰਅਸਲ ਅੱਜ 18 ਮਈ ਨੂੰ ਬੈਂਗਲੁਰੂ ਤੇ ਚੇਨਈ ਵਿਚਕਾਰ ਮਹਾਮੁਕਾਬਲਾ ਖੇਡਿਆ ਜਾਣਾ ਹੈ। (CSK vs RCB Match)

ਇਹ ਵੀ ਪੜ੍ਹੋ : Reduced Essential Medicine Prices: ਦਵਾਈ ਸਸਤੀ ਚੰਗੀ ਗੱਲ, ਪਰ ਸਿਹਤ ਸਹੂਲਤਾਂ ਮੁਫ਼ਤ ਹੋਣ

ਇਸ ਮੈਚ ਦੀ ਜੇਤੂ ਟੀਮ ਪਲੇਆਫ ’ਚ ਪਹੁੰਚੇਗੀ, ਹਾਲਾਂਕਿ ਆਰਸੀਬੀ ਨੂੰ ਪਲੇਆਫ ’ਚ ਪਹੁੰਚਣ ਲਈ ਸਿਰਫ ਜਿੱਤ ਹੀ ਨਹੀਂ। ਬਲਕਿ ਵੱਡੇ ਫਰਕ ਨਾਲ ਜਿੱਤ ਚਾਹੀਦੀ ਹੈ, ਬੈਂਗਲੁਰੂ ਨੂੰ ਜੇਕਰ ਪਲੇਆਫ ’ਚ ਪਹੁੰਚਣਾ ਹੈ ਤਾਂ ਉਸ ਨੂੰ ਚੇਨਈ ਨੂੰ ਘੱਟ ਤੋਂ ਘੱਟ 11 ਦੌੜਾਂ ਜਾਂ 18.1 ਓਵਰਾਂ ’ਚ ਹਰਾਉਣਾ ਹੋਵੇਗਾ। ਅੱਜ ਵਾਲਾ ਮੈਚ ਆਈਪੀਐੱਲ 2024 ਦਾ 68ਵਾਂ ਮੈਚ ਖੇਡਿਆ ਜਾਵੇਗਾ। ਇਹ ਮੈਚ ਬੈਂਗਲੁਰੂ ਦੇ ਐੱਮ ਚਿੰਨਾਸਵਾਮੀ ਸਟੇਡੀਅਮ ’ਚ ਖੇਡਿਆ ਜਾਣਾ ਹੈ। ਮੈਚ ਸ਼ਾਮ 7:30 ਵਜੇ ਤੋਂ ਸ਼ੁਰੂ ਹੋਵੇਗਾ। ਟਾਸ ਅੱਧਾ ਘੰਟਾ ਪਹਿਲਾਂ ਭਾਵ 7 ਵਜੇ ਹੋਵੇਗਾ। ਅੱਜ ਵਾਲੇ ਮੈਚ ’ਚ ਹੀ ਪਲੇਆਫ ਲਈ ਫੈਸਲਾ ਹੋਵੇਗਾ। (CSK vs RCB Match)

ਕਿਸ ਦਾ ਪੱਲਾ ਹੈ ਭਾਰੀ | CSK vs RCB match

ਚੇਨਈ ਤੇ ਬੈਂਗਲੁਰੂ ਵਿਚਕਾਰ ਹੁਣ ਤੱਕ 32 ਆਈਪੀਐੱਲ ਦੇ ਮੁਕਾਬਲੇ ਖੇਡੇ ਜਾ ਚੁੱਕੇ ਹਨ, ਜਿਸ ਵਿੱਚੋਂ 21 ਮੈਚ ਚੇਨਈ ਨੇ ਜਿੱਤੇ ਹਨ, ਜਦਕਿ 10 ਮੈਚਾਂ ’ਚ ਹੀ ਬੈਂਗਲੁਰੂ ਦੀ ਟੀਮ ਜੇਤੂ ਰਹੀ ਹੈ। ਇੱਕ ਮੈਚ ਬੇਨਤੀਜਾ ਵੀ ਰਿਹਾ ਹੈ। ਮੌਜ਼ੂਦਾ ਸਮੇਂ ਦੀ ਸ਼ੁਰੂਆਤ ਦੀ ਗੱਲ ਕਰੀਏ ਤਾਂ ਦੋਵਾਂ ਟੀਮਾਂ ’ਚ ਫਿਲਹਾਲ ਆਰਸੀਬੀ ਦਾ ਪੱਲਾ ਭਾਰੀ ਨਜ਼ਰ ਆ ਰਿਹਾ ਹੈ, ਕਿਊਂਕਿ ਉਨ੍ਹਾਂ ਦੇ ਕਈ ਖਿਡਾਰੀ ਆਪਣੀ ਪੂਰਾਣੀ ਲੈਅ ’ਚ ਵਾਪਸ ਆ ਚੁੱਕੇ ਹਨ ਤੇ ਉਹ ਲਗਾਤਾਰ 5 ਮੈਚ ਜਿੱਤਣ ਤੋਂ ਬਾਅਦ ਇਹ ਮੁਕਾਬਲਾ ਖੇਡਣ ਜਾ ਰਹੀ ਹੈ। ਜਦਕਿ ਚੇਨਈ ਸੁਪਰ ਕਿੰਗਜ ਦੇ ਕੁਝ ਅਹਿਮ ਖਿਡਾਰੀ ਆਈਪੀਐੱਲ ਛੱਡ ਕੇ ਜਾ ਚੁੱਕੇ ਹਨ, ਕੁਝ ਜ਼ਖਮੀ ਹਨ, ਜਿਸ ਕਰਕੇ ਉਨ੍ਹਾਂ ਦੀ ਕਮੀ ਚੇਨਈ ਨੂੰ ਜ਼ਰੂਰ ਮਹਿਸੂਸ ਹੋਵੇਗੀ। (CSK vs RCB match)

ਭਾਰਤੀ ਟੀਮ ਸਿਰਫ ਇੱਕ ਅਭਿਆਸ ਮੈਚ ਖੇਡੇਗੀ

• ਇੰਗਲੈਂਡ ਤੇ ਨਿਊਜੀਲੈਂਡ ਨਹੀਂ ਖੇਡਣਗੇ
• ਅਮਰੀਕਾ ’ਚ ਖੇਡਿਆ ਜਾਵੇਗਾ ਇਸ ਵਾਰ ਵਾਲਾ ਟੀ20 ਵਿਸ਼ਵ ਕੱਪ

ਸਪੋਰਟਸ ਡੈਸਕ। ਟੀ20 ਵਿਸ਼ਵ ਕੱਪ ਦੇ ਸ਼ੁਰੂ ਹੋਣ ’ਚ ਸਿਰਫ ਥੋੜਾ ਸਮਾਂ ਹੀ ਬਾਕੀ ਰਿਹਾ ਹੈ। ਟੀ20 ਵਿਸ਼ਵ ਕੱਪ 1 ਜੂਨ ਤੋਂ ਅਮਰੀਕਾ ਤੇ ਵੈਸਟਇੰਡੀਜ਼ ’ਚ ਖੇਡਿਆ ਜਾਵੇਗਾ। ਪਰ ਟੀ20 ਵਿਸ਼ਵ ਕੱਪ ਤੋਂ ਪਹਿਲਾਂ ਕੌਮਾਂਤਰੀ ਕ੍ਰਿਕੇਟ ਕਾਊਂਸਲ (ਆਈਸੀਸੀ) ਨੇ ਟੀ20 ਵਿਸ਼ਵ ਕੱਪ ਦੇ ਅਭਿਆਸ ਮੈਚਾਂ ਦਾ ਸ਼ਡਿਊਲ ਜਾਰੀ ਕਰ ਦਿੱਤਾ ਹੈ। ਭਾਰਤੀ ਟੀਮ ਅਮਰੀਕਾ ਤੇ ਵੈਸਟਇੰਡੀਜ਼ ’ਚ ਅਗਲੇ ਮਹੀਨੇ ਹੋਣ ਵਾਲੇ ਟੀ20 ਵਿਸ਼ਵ ਕੱਪ ਤੋਂ ਪਹਿਲਾਂ ਸਿਰਫ ਇੱਕ ਅਭਿਆਸ ਮੈਚ 1 ਜੂਨ ਨੂੰ ਖੇਡੇਗਾ। ਭਾਰਤੀ ਟੀਮ ਦਾ ਇਹ ਅਭਿਆਸ ਮੈਚ ਬੰਗਲਾਦੇਸ਼ ਨਾਲ ਹੋਵੇਗਾ ਤੇ ਇਹ ਮੈਚ ਅਮਰੀਕਾ ’ਚ ਖੇਡਿਆ ਜਾਵੇਗਾ। (T20 World Cup 2024)

ਅਭਿਆਸ ਮੈਚ ’ਚ ਪਾਕਿਸਤਾਨ, ਨਿਊਜੀਲੈਂਡ ਤੇ ਇੰਗਲੈਂਡ ਦੀਆਂ ਟੀਮਾਂ ਨਹੀਂ ਖੇਡਣਗੀਆਂ

ਇਸ ਵਾਰ ਟੀ20 ਵਿਸ਼ਵ ਕੱਪ 2024 ’ਚ ਕੁਲ 20 ਟੀਮਾਂ ਹਿੱਸਾ ਲੈ ਰਹੀਆਂ ਹਨ। ਜਿਸ ਵਿੱਚੋਂ 17 ਟੀਮਾਂ ਹੀ ਅਭਿਆਸ ਮੈਚਾਂ ’ਚ ਹਿੱਸਾ ਲੈਣਗੀਆਂ। ਕਿਉਂਕਿ 3 ਟੀਮਾਂ ਲੜੀਵਾਰ : ਪਾਕਿਸਤਾਨ, ਇੰਗਲੈਂਡ ਤੇ ਨਿਊਜੀਲੈਂਡ ਦੀਆਂ ਟੀਮਾਂ ਅਭਿਆਸ ਮੈਚ ’ਚ ਹਿੱਸਾ ਨਹੀਂ ਲੈਣਗੀਆਂ। (T20 World Cup 2024)

ਇਹ ਵੀ ਪੜ੍ਹੋ : SRH vs GT: ਮੀਂਹ ਕਾਰਨ ਪਲੇਆਫ ’ਚ ਪਹੁੰਚੀ SRH, ਦਿੱਲੀ ਬਾਹਰ, ਅੱਜ LSG ਨੂੰ ਬਾਹਰ ਕਰ ਸਕਦੀ ਹੈ MI

ਤਿੰਨ ਸ਼ਹਿਰਾਂ ’ਚ ਖੇਡੇ ਜਾਣਗੇ ਅਭਿਆਸ ਮੈਚ | T20 World Cup 2024

ਟੀ20 ਵਿਸ਼ਵ ਕੱਪ ਲਈ ਅਭਿਆਸ ਦੇ 16 ਮੈਚ ਖੇਡੇ ਜਾਣਗੇ। ਜਿਹੜੇ ਕਿ 27 ਮਈ ਤੋਂ ਲੈ ਕੇ 1 ਜੂਨ ਤੱਕ ਅਮਰੀਕਾ ਤੇ ਵੈਸਟਇੰਡੀਜ਼ ਦੇ ਤ੍ਰਿਨੀਦਾਦ ਤੇ ਟੋਬੈਗੋ ’ਚ ਖੇਡੇ ਜਾਣਗੇ। (T20 World Cup 2024)

ਟੀਮਾਂ ਟੀਮ ਦੇ ਸਾਰੇ ਖਿਡਾਰੀਆਂ ਨੂੰ ਮੈਦਾਨ ’ਤੇ ਉਤਾਰ ਸਕਦੀਆਂ  ਹਨ

ਅਭਿਆਸ ਮੈਚ 20 ਓਵਰਾਂ ਦੇ ਹੋਣਗੇ ਪਰ ਇਹ ਅਭਿਆਸ ਮੈਚਾਂ ’ਚ ਕੌਮਾਂਤਰੀ ਟੀ20 ਦਾ ਦਰਜ਼ਾ ਨਹੀਂ ਮਿਲੇਗਾ। ਜਿਸ ਨਾਲ ਟੀਮਾਂ ਅਭਿਆਸ ’ਚ ਸ਼ਾਮਲ ਸਾਰੇ 15 ਖਿਡਾਰੀਆਂ ਨੂੰ ਮੈਦਾਨ ’ਚ ਉਤਾਰ ਸਕਣਗੀਆਂ। (T20 World Cup 2024)

ਦੋ ਬੈਚਾਂ ’ਚ ਰਵਾਨਾ ਹੋਵੇਗੀ ਭਾਰਤੀ ਟੀਮ | T20 World Cup 2024

ਭਾਰਤੀ ਟੀਮ ਵਿਸ਼ਵ ਕੱਪ ਲਈ ਦੋ ਬੈਚਾਂ ’ਚ ਰਵਾਨਾ ਹੋਵੇਗੀ। ਟੀਮ ਦੀ ਰਵਾਨਗੀ ’ਚ ਵੀ ਬਦਲਾਅ ਹੋਇਆ ਹੈ। ਟੀਮ ਇੰਡੀਆ ਦਾ ਪਹਿਲਾ ਬੈਚ ਪਹਿਲੇ ਆਈਪੀਐੱਲ ਲੀਗ ਸਟੇਜ਼ ਦੇ ਖਤਮ ਹੋਣ ਤੋਂ ਤੁਰੰਤ ਬਾਅਦ 21 ਮਈ ਨੂੰ ਨਿਊਯਾਰਕ ਲਈ ਰਵਾਨਾ ਹੋਣਾ ਸੀ। ਪਰ ਹੁਣ ਪੱਤਾ ਲੱਗਿਆ ਹੈ ਕਿ ਟੀਮ 25 ਮਈ ਤੇ 26 ਮਈ ਨੂੰ ਦੋ ਬੈਚਾਂ ’ਚ ਰਵਾਨਾ ਹੋਵੇਗੀ। 26 ਮਈ ਨੂੰ ਆਈਪੀਐੱਲ ਫਾਈਨਲ ’ਚ ਹਿੱਸਾ ਲੈਣ ਵਾਲੇ ਖਿਡਾਰੀ ਬਾਅਦ ਦੀ ਤਰੀਕ ’ਚ ਅਮਰੀਕਾ ਰਵਾਨਾ ਹੋਣਗੇ। (T20 World Cup 2024)

‘ਜਦੋਂ ਕੰਮ ਪੂਰਾ ਹੋ ਗਿਆ ਤਾਂ ਚਲਾ ਜਾਵਾਂਗਾ’ : ਵਿਰਾਟ ਕੋਹਲੀ | Virat Kohli

• ਸਟਾਰ ਬੱਲੇਬਾਜ਼ੀ ਤੇ ਭਾਰਤ ਦੇ ਸਾਬਕਾ ਕਪਤਾਨ ਹਨ ਵਿਰਾਟ ਕੋਹਲੀ | Virat Kohli

ਸਪੋਰਟਸ ਡੈਸਕ। ਭਾਰਤੀ ਟੀਮ ਦੇ ਸਟਾਰ ਬੱਲੇਬਾਜ਼ ਤੇ ਸਾਬਕਾ ਕਪਤਾਨ ਵਿਰਾਟ ਕੋਹਲੀ ਨੇ ਪਹਿਲੀ ਵਾਰ ਅੰਤਰਰਾਸ਼ਟਰੀ ਕ੍ਰਿਕੇਟ ਤੋਂ ਸੰਨਿਆਸ ਸਬੰਧੀ ਚਰਚਾ ਕੀਤੀ ਹੈ। ਉਨ੍ਹਾਂ ਦੱਸਿਆ ਕਿ ਉਹ ਆਪਣੇ ਕਰੀਅਰ ਖਤਮ ਕਰਨ ਤੋਂ ਪਹਿਲਾਂ ਸਭ ਕੁਝ ਦੇਣਾ ਚਾਹੁੰਦੇ ਹਨ। ਉਹ ਚਾਹੁੰਦੇ ਹਨ ਕਿ ਸੰਨਿਆਸ ਤੋਂ ਬਾਅਦ ਉਨ੍ਹਾਂ ਨੂੰ ਕਿਸੇ ਗੱਲ ਦਾ ਮਲਾਲ ਨਾ ਹੋਵੇ। ਉਹ ਆਪਣੇ ਕ੍ਰਿਕੇਟ ਕਰੀਅਰ ਨੂੰ ਸਭ ਕੁਝ ਦੇਣਾ ਚਾਹੁੰਦੇ ਹਨ। ਵਿਰਾਟ ਕੋਹਲੀ ਇਨ੍ਹਾਂ ਦਿਨਾਂ ਆਈਪੀਐੱਲ ’ਚ ਖੇਡਦੇ ਹੋਏ ਨਜ਼ਰ ਆ ਰਹੇ ਹਨ। (Virat Kohli)

ਥੋੜਾਂ ਸਮਾਂ ਪਹਿਲਾਂ ਉਨ੍ਹਾਂ ਨੇ ਟੀ20 ਕ੍ਰਿਕੇਟ ’ਚ ਸੈਂਕੜਾ ਵੀ ਜੜਿਆ ਸੀ। ਵਿਰਾਟ ਕੋਹਲੀ ਨੇ ਇਸ ਸੀਜ਼ਨ ’ਚ ਆਰਸੀਬੀ ਲਈ 13 ਮੈਚ ਖੇਡੇ ਹਨ, ਜਿਸ ਵਿੱਚ ਉਨ੍ਹਾਂ ਨੇ ਪੰਜ ਅਰਧਸੈਂਕੜਿਆਂ ਤੇ ਇੱਕ ਸੈਂਕੜੇ ਦੀ ਮੱਦਦ ਨਾਲ 661 ਦੌੜਾਂ ਬਣਾਈਆਂ ਹਨ। ਆਰਸੀਬੀ ਹੁਣ ਆਪਣਾ ਆਖਿਰੀ ਮੁਕਾਬਲਾ ਚੇਨਈ ਸੁਪਰਕਿੰਗਜ ਖਿਲਾਫ ਖੇਡੇਗੀ। ਇਸ ਵਿੱਚ ਆਰਸੀਬੀ ਵੱਲੋਂ ਇੱਕ ਵੀਡੀਓ ਜਾਰੀ ਕੀਤਾ ਗਿਆ ਹੈ। ਜਿਸ ਵਿੱਚ 35 ਸਾਲਾਂ ਖਿਡਾਰੀ ਨੂੰ ਆਪਣੇ ਸੰਨਿਆਸ ’ਤੇ ਚਰਚਾ ਕਰਦੇ ਹੋਏ ਵੇਖਿਆ ਗਿਆ ਹੈ। (Virat Kohli)

ਇਹ ਵੀ ਪੜ੍ਹੋ : Solar Storm: 21 ਸਾਲਾਂ ਬਾਅਦ ਧਰਤੀ ਨਾਲ ਟਕਰਾਇਆ ਸਭ ਤੋਂ ਮਜ਼ਬੂਤ ਸੂਰਜੀ ਤੂਫਾਨ, ਸੰਚਾਰ ਤੇ GPS ਸਿਸਟਮ ’ਤੇ ਪਵੇਗੀ ਵੱ…

ਕੋਹਲੀ ਨੇ ਕਿਹਾ ‘ ਮੈਂ ਕੋਈ ਵੀ ਕੰਮ ਅਧੂਰਾ ਨਹੀਂ ਛੱਡਣਾ ਚਾਹੁੰਦਾ ਤਾਂਕਿ ਬਾਅਦ ’ਚ ਕੋਈ ਪਛਤਾਵਾ ਨਾ ਹੋਵੇ। ਇੱਕ ਵਾਰ ਕੰਮ ਪੂਰਾ ਹੋ ਜਾਵੇ ਤਾਂ ਮੈਂ ਚਲਾ ਜਾਵਾਂਗਾ ਤੇ ਫਿਰ ਕੁਝ ਸਮਾਂ ਨਜ਼ਰ ਨਹੀਂ ਆਵਾਂਗਾ। ਉਨ੍ਹਾਂ ਅੱਗੇ ਕਿਹਾ, ‘ਜਦੋਂ ਤੱਕ ਮੈਂ ਖੇਡ ਰਿਹਾ ਹਾਂ, ਆਪਣਾ ਸਾਰਾ ਕੁਝ ਖੇਡ ਨੂੰ ਦੇਣਾ ਚਾਹੁੰਦਾ ਹਾਂ। ਇਹ ਹੀ ਮੇਰੀ ਪ੍ਰੇਰਨਾ ਹੈ। ਹਰ ਖਿਡਾਰੀ ਦੇ ਕੈਰੀਅਰ ਦਾ ਆਖਿਰੀ ਸਮਾਂ ਆਉਂਦਾ ਹੈ। ਮੈਂ ਵੀ ਹਮੇਸ਼ਾ ਖੇਡਦਾ ਨਹੀਂ ਰਹਾਂਗਾ ਪਰ ਮੈਂ ਇਸ ਸੋਚ ਨਾਲ ਵਿਦਾ ਨਹੀਂ ਲੈਣਾ ਚਾਹੁੰਦਾ ਕਿ ਜੇਕਰ ਮੈਂ ਉਸ ਦਿਨ ਕੁਝ ਅਜਿਹਾ ਕੀਤਾ ਹੁੰਦਾ ਤਾਂ ਚੰਗਾ ਹੁੰਦਾ’।

ICC ਵਿਸ਼ਵ ਕੱਪ 2023 ’ਚ ਕੀਤਾ ਸੀ ਸ਼ਾਨਦਾਰ ਪ੍ਰਦਰਸ਼ਨ | Virat Kohli

ਭਾਰਤੀ ਟੀਮ ਦੇ ਸਟਾਰ ਬੱਲੇਬਾਜ਼ ਵਿਰਾਟ ਕੋਹਲੀ ਭਾਰਤੀ ਟੀਮ ਦੇ ਸਾਬਕਾ ਕਪਤਾਨ ਵੀ ਹਨ। ਵਿਰਾਟ ਕੋਹਲੀ ਨੇ ਆਈਸੀਸੀ ਵਿਸ਼ਵ ਕੱਪ 2023 ’ਚ ਬਹੁਤ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਸੀ। ਵਿਰਾਟ ਕੋਹਲੀ ਆਪਣੇ ਸ਼ਾਨਦਾਰ ਪ੍ਰਦਰਸ਼ਨ ਦੀ ਬਦੌਲਤ ‘ਪਲੇਅਰ ਆਫ ਦਾ ਟੂਰਨਾਮੈਂਟ’ ਵੀ ਰਹੇ ਹਨ। ਵਿਰਾਟ ਕੋਹਲੀ ਨੇ ਵਿਸ਼ਵ ਕੱਪ 2023 ’ਚ ਆਪਣੇ 11 ਮੈਚਾਂ ਦੀਆਂ 11 ਪਾਰੀਆਂ ’ਚ 95.65 ਦੇ ਸਟ੍ਰਾਈਕ ਰੇਟ ਨਾਲ 765 ਦੌੜਾਂ ਬਣਾਇਆਂ ਸਨ। ਜਿਸ ਵਿੱਚ 6 ਅਰਧਸੈਂਕੜੇ ਤੇ 3 ਸੈਂਕੜੇ ਸ਼ਾਮਲ ਰਹੇ ਸਨ। ਉਨ੍ਹਾਂ ਦਾ ਜ਼ਿਆਦਾ ਤੋਂ ਜ਼ਿਆਦਾ ਸਕੋਰ 117 ਦੌੜਾਂ ਦਾ ਹੈ। (Virat Kohli)

ਜਿਹੜਾ ਉਨ੍ਹਾਂ ਨੇ ਨਿਊਜੀਲੈਂਡ ਖਿਲਾਫ ਖੇਡੇ ਗਏ ਸੈਮੀਫਾਈਨਲ ’ਚ ਮੁੰਬਈ ਦੇ ਵਾਨਖੇੜੇ ਸਟੇਡੀਅਮ ’ਚ ਬਣਾਇਆ ਸੀ। ਇਸ ਤੋਂ ਇਲਾਵਾ ਹੁਣ ਵਿਰਾਟ ਕੋਹਲੀ ਦੇ ਬੱਲੇ ਤੋਂ ਟੀ20 ਵਿਸ਼ਵ ਕੱਪ 2024 ’ਚ ਦੌੜਾਂ ਦੀ ਉਮੀਦ ਹੋਵੇਗੀ। ਟੀ20 ਵਿਸ਼ਵ ਕੱਪ 1 ਜੂਨ ਤੋਂ ਅਮਰੀਕਾ ਤੇ ਵੈਸਟਇੰਡੀਜ਼ ’ਚ ਖੇਡਿਆ ਜਾਵੇਗਾ। ਇਸ ਸਮੇਂ ਭਾਰਤੀ ਟੀਮ ਦੇ ਖਿਡਾਰੀ ਆਈਪੀਐੱਲ ਖੇਡ ਰਹੇ ਹਨ, ਆਈਪੀਐੱਲ ਦੇ ਖਤਮ ਹੁੰਦੇ ਹੀ ਭਾਰਤੀ ਟੀਮ ਟੀ20 ਵਿਸ਼ਵ ਕੱਪ ਲਈ ਅਮਰੀਕਾ ਰਵਾਨਾ ਹੋਵੇਗੀ, ਭਾਰਤੀ ਟੀਮ ਦੋ ਗੇੜਾਂ ‘ਚ ਰਵਾਨਾ ਹੋਵੇਗੀ। ਪਹਿਲਾ ਜੱਥਾ 22 ਮਈ ਨੂੰ ਜਦਕਿ ਦੂਜਾ ਜੱਥਾ ਆਈਪੀਐੱਲ ਤੋਂ ਬਾਅਦ ਅਮਰੀਕਾ ਲਈ ਰਵਾਨਾ ਹੋਵੇਗਾ। (Virat Kohli)

ਟੀ20 ਵਿਸ਼ਵ ਕੱਪ ਤੋਂ ਪਹਿਲਾਂ ਅਭਿਆਸ ਮੈਚ ਖੇਡੇਗੀ ਭਾਰਤੀ ਟੀਮ

• ਪਹਿਲਾ ਜੱਥਾ 25 ਤੇ ਦੂਜਾ 26 ਮਈ ਨੂੰ ਅਮਰੀਕਾ ਜਾਵੇਗਾ

ਸਪੋਰਟਸ ਡੈਸਕ। ਟੀਮ ਇੰਡੀਆ ਅਗਲੇ ਮਹੀਨੇ ਅਮਰੀਕਾ ਤੇ ਵੈਸਟਇੰਡੀਜ ’ਚ ਹੋਣ ਵਾਲੇ ਟੀ-20 ਵਿਸ਼ਵ ਕੱਪ ਤੋਂ ਪਹਿਲਾਂ ਸਿਰਫ ਇੱਕ ਅਭਿਆਸ ਮੈਚ ਖੇਡੇਗੀ। ਮਿਲੀ ਜਾਣਕਾਰੀ ਦੀ ਰਿਪੋਰਟ ਦੇ ਮੁਤਾਬਕ, ਬੀਸੀਸੀਆਈ ਭਾਰਤ ਦਾ ਅਭਿਆਸ ਮੈਚ ਨਿਊਯਾਰਕ ’ਚ ਕਰਵਾਉਣਾ ਚਾਹੁੰਦਾ ਹੈ ਕਿਉਂਕਿ ਟੀਮ ਆਪਣੇ ਚਾਰ ਗਰੁੱਪ-ਪੜਾਅ ਦੇ ਤਿੰਨ ਮੈਚ ਨਿਊਯਾਰਕ ਦੇ ਸਟੇਡੀਅਮਾਂ ’ਚ ਖੇਡੇਗੀ। ਆਈਸੀਸੀ ਨੇ ਅਭਿਆਸ ਮੈਚਾਂ ਦਾ ਸ਼ਡਿਊਲ ਅਜੇ ਜਾਰੀ ਨਹੀਂ ਕੀਤਾ ਹੈ ਪਰ ਇੰਗਲੈਂਡ ਤੇ ਪਾਕਿਸਤਾਨ ਦੇ ਵੀ ਦੋ ਅਭਿਆਸ ਮੈਚ ਖੇਡਣ ਦੀ ਸੰਭਾਵਨਾ ਨਹੀਂ ਹੈ। ਬਾਕੀ ਟੀਮਾਂ ਦੋ-ਦੋ ਅਭਿਆਸ ਮੈਚ ਖੇਡਣ ਲਈ ਤਿਆਰ ਹਨ। (T20 World Cup 2024)

ਇਹ ਵੀ ਪੜ੍ਹੋ : ਪ੍ਰਭੂ-ਭਗਤੀ ਲਈ ਹੈ ਮਨੁੱਖੀ ਸਰੀਰ : Saint Dr MSG

ਦੋ ਬੈਚਾਂ ’ਚ ਰਵਾਨਾ ਹੋਵੇਗੀ ਭਾਰਤੀ ਟੀਮ | T20 World Cup 2024

ਟੀਮ ਇੰਡੀਆ ਟੀ20 ਵਿਸ਼ਵ ਕੱਪ ਲਈ ਦੋ ਬੈਚਾਂ ’ਚ ਰਵਾਨਾ ਹੋਵੇਗੀ। ਟੀਮ ਦੀ ਰਵਾਨਗੀ ’ਚ ਵੀ ਬਦਲਾਅ ਕੀਤਾ ਗਿਆ ਹੈ। ਟੀਮ ਇੰਡੀਆ ਦਾ ਪਹਿਲਾ ਜੱਥਾ 21 ਮਈ ਨੂੰ ਪਹਿਲੇ ਆਈਪੀਐਲ ਲੀਗ ਪੜਾਅ ਦੀ ਸਮਾਪਤੀ ਤੋਂ ਤੁਰੰਤ ਬਾਅਦ ਨਿਊਯਾਰਕ ਲਈ ਰਵਾਨਾ ਹੋਣਾ ਸੀ। ਪਰ, ਹੁਣ ਪਤਾ ਲੱਗਿਆ ਹੈ ਕਿ ਟੀਮ 25 ਤੇ 26 ਮਈ ਨੂੰ ਦੋ ਬੈਚਾਂ ’ਚ ਰਵਾਨਾ ਹੋਵੇਗੀ। 26 ਮਈ ਨੂੰ ਆਈਪੀਐਲ ਫਾਈਨਲ ’ਚ ਹਿੱਸਾ ਲੈਣ ਵਾਲੇ ਖਿਡਾਰੀ ਬਾਅਦ ’ਚ ਰਵਾਨਾ ਹੋਣਗੇ। (T20 World Cup 2024)

9 ਜੂਨ ਨੂੰ ਪਾਕਿਸਤਾਨ ਨਾਲ ਭਿੜੇਗੀ ਭਾਰਤੀ ਟੀਮ | T20 World Cup 2024

ਟੀਮ ਇੰਡੀਆ ਆਪਣਾ ਪਹਿਲਾ ਮੈਚ 5 ਜੂਨ ਨੂੰ ਆਇਰਲੈਂਡ ਖਿਲਾਫ ਖੇਡੇਗੀ। ਟੀਮ ਦਾ ਦੂਜਾ ਮੈਚ 9 ਜੂਨ ਨੂੰ ਪਾਕਿਸਤਾਨ ਨਾਲ, ਤੀਜਾ ਮੈਚ 12 ਜੂਨ ਨੂੰ ਅਮਰੀਕਾ ਨਾਲ ਤੇ ਚੌਥਾ ਮੈਚ 15 ਜੂਨ ਨੂੰ ਕੈਨੇਡਾ ਨਾਲ ਖੇਡਿਆ ਜਾਵੇਗਾ। (T20 World Cup 2024)

ਮੀਂਹ ਕਾਰਨ ਇੱਕ-ਇੱਕ ਅੰਕ ਹੀ ਮਿਲਿਆ ਦੋਵਾਂ ਟੀਮਾਂ ਨੂੰ | GT vs KKR

• ਕੇਕੇਆਰ ਪਹਿਲਾਂ ਹੀ ਕਰ ਚੁੱਕੀ ਹੈ ਪਲੇਆਫ ’ਚ ਦਾਖਲ | GT vs KKR
• ਜੇਕਰ ਦਿੱਲੀ ਅੱਜ ਹਾਰੀ ਤਾਂ ਉਹ ਵੀ ਪਲੇਆਫ ਤੋਂ ਹੋਵੇਗੀ ਬਾਹਰ

ਸਪੋਰਟਸ ਡੈਸਕ। ਇੰਡੀਅਨ ਪ੍ਰੀਮੀਅਰ ਲੀਗ (IPL) ’ਚ ਗਰੁੱਪ ਪੜਾਅ ਦੇ 63 ਮੈਚ ਖੇਡੇ ਜਾ ਚੁੱਕੇ ਹਨ। ਸੋਮਵਾਰ ਨੂੰ ਗੁਜਰਾਤ ਟਾਈਟਨਸ ਤੇ ਕੋਲਕਾਤਾ ਨਾਈਟ ਰਾਈਡਰਜ ਵਿਚਕਾਰ ਮੈਚ ਖੇਡਿਆ ਜਾਣਾ ਸੀ, ਪਰ ਮੈਚ ਮੀਂਹ ਜ਼ਿਆਦਾ ਹੋਣ ਕਾਰਨ ਰੱਦ ਕਰਨਾ ਪੈ ਗਿਆ। ਮੀਂਹ ਜ਼ਿਆਦਾ ਹੋਣ ਕਰਕੇ ਮੈਚ ’ਚ ਟਾਸ ਵੀ ਨਹੀਂ ਹੋ ਸਕਿਆ। ਮੈਚ ਦਾ ਇਹ ਨਤੀਜਾ ਹੋਣ ਕਰਕੇ ਗੁਜਰਾਤ ਟਾਈਟੰਸ ਪਲੇਆਫ ਤੋਂ ਬਾਹਰ ਹੋ ਗਿਆ। ਗੁਜਰਾਤ ਪਲੇਆਫ ’ਚੋਂ ਬਾਹਰ ਹੋਣ ਵਾਲੀ ਤੀਜੀ ਟੀਮ ਬਣ ਗਈ ਹੈ। ਕੇਕੇਆਰ ਦਾ ਕੁਆਲੀਫਾਇਰ-1 ਖੇਡਣ ਦੀ ਪੁਸ਼ਟੀ ਹੋ ਗਈ ਹੈ। (GT vs KKR)

ਇਹ ਵੀ ਪੜ੍ਹੋ : ‘ਮੇਰੀ ਵੋਟ ਮੇਰਾ ਅਧਿਕਾਰ’ ਦੇ ਨਾਅਰਿਆਂ ਨਾਲ ਗੂੰਜੀ ਮਹਿਲਾ ਪੰਚਾਇਤ

ਗੁਜਰਾਤ ਪਲੇਆਫ ਦੀ ਦੌੜ ’ਚੋਂ ਬਾਹਰ | GT vs KKR

ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ’ਚ ਸੋਮਵਾਰ ਨੂੰ ਭਾਰੀ ਮੀਂਹ ਕਾਰਨ ਮੈਚ ਦਾ ਟਾਸ ਵੀ ਨਹੀਂ ਹੋ ਸਕਿਆ। ਜਿਸ ਕਰਕੇ ਮੈਚ ਨੂੰ ਰੱਦ ਕਰਨਾ ਪਿਆ ਤੇ ਦੋਵਾਂ ਟੀਮਾਂ ਨੂੰ 1-1 ਅੰਕ ਮਿਲਿਆ, ਪਰ ਗੁਜਰਾਤ ਨੂੰ ਜ਼ਿਆਦਾ ਅੰਕਾਂ ਦੀ ਜ਼ਰੂਰਤ ਸੀ ਜਿਸ ਕਰਕੇ ਟੀਮ ਪਲੇਆਫ ਤੋਂ ਬਾਹਰ ਹੋ ਗਈ। (GT vs KKR)

• ਗੁਜਰਾਤ ਟਾਈਟਨਜ ਦੀਆਂ ਹੁਣ 13 ਮੈਚਾਂ ’ਚ 5 ਜਿੱਤਾਂ, 7 ਹਾਰਾਂ ਤੇ ਇੱਕ ਨਿਰਣਾਇਕ ਮੈਚ ’ਚ 11 ਅੰਕ ਹਨ। ਹੁਣ ਟੀਮ ਆਖਰੀ ਮੈਚ ਜਿੱਤ ਕੇ ਵੀ ਸਿਰਫ 13 ਅੰਕਾਂ ਤੱਕ ਹੀ ਪਹੁੰਚ ਸਕੇਗੀ, ਜੋ ਪਲੇਆਫ ’ਚ ਪਹੁੰਚਣ ਲਈ ਕਾਫੀ ਨਹੀਂ ਹੈ। (GT vs KKR)
• ਕੋਲਕਾਤਾ ਦੇ ਹੁਣ 13 ਮੈਚਾਂ ਵਿੱਚ 9 ਜਿੱਤਾਂ, 3 ਹਾਰਾਂ ਤੇ ਇੱਕ ਨਿਰਣਾਇਕ ਮੈਚ ਵਿੱਚ 19 ਅੰਕ ਹਨ। ਟੀਮ ਸਿਖਰ ’ਤੇ ਹੈ ਅਤੇ ਉਨ੍ਹਾਂ ਦਾ ਟਾਪ-2 ਵਿੱਚ ਰਹਿਣਾ ਪੱਕਾ ਹੈ। ਕਿਉਂਕਿ ਰਾਜਸਥਾਨ ਤੋਂ ਇਲਾਵਾ ਕੋਈ ਵੀ ਟੀਮ 18 ਤੋਂ ਜ਼ਿਆਦਾ ਅੰਕ ਹਾਸਲ ਕਰਕੇ ਪਲੇਆਫ ਵਿੱਚ ਥਾਂ ਨਹੀਂ ਬਣਾ ਸਕੇਗੀ। ਇਸ ਲਈ ਕੇਕੇਆਰ ਹੁਣ 21 ਮਈ ਨੂੰ ਅਹਿਮਦਾਬਾਦ ਵਿੱਚ ਕੁਆਲੀਫਾਇਰ-1 ਖੇਡੇਗੀ।

ਸਪੋਰਟਸ ਨਾਲ ਜੁੜੀਆਂ ਹੋਰ ਖਬਰਾਂ….. | GT vs KKR

ਜੇਕਰ ਅੱਜ ਦਿੱਲੀ ਹਾਰੀ ਤਾਂ ਪਲੇਆਫ ਤੋਂ ਹੋਵੇਗੀ ਬਾਹਰ | GT vs KKR

17ਵੇਂ ਸੀਜਨ ’ਚ ਦਿੱਲੀ ਕੈਪੀਟਲਸ ਤੇ ਲਖਨਊ ਸੁਪਰਜਾਇੰਟਸ ਵਿਚਕਾਰ ਮੈਚ ਸ਼ਾਮ 7:30 ਵਜੇ ਤੋਂ ਦਿੱਲੀ ’ਚ ਖੇਡਿਆ ਜਾਵੇਗਾ। ਦਿੱਲੀ ਦੇ 13 ਮੈਚਾਂ ’ਚ 6 ਜਿੱਤਾਂ ਅਤੇ 7 ਹਾਰਾਂ ਨਾਲ 12 ਅੰਕ ਹਨ। ਲਖਨਊ ਨੂੰ ਹਰਾ ਕੇ ਟੀਮ 14 ਅੰਕ ਹਾਸਲ ਕਰਕੇ ਪਲੇਆਫ ਲਈ ਕੁਆਲੀਫਾਈ ਕਰਨ ਦੀਆਂ ਆਪਣੀਆਂ ਉਮੀਦਾਂ ਨੂੰ ਬਰਕਰਾਰ ਰੱਖੇਗੀ। ਟੀਮ ਵੀ ਛੇਵੇਂ ਤੋਂ ਪੰਜਵੇਂ ਸਥਾਨ ’ਤੇ ਪਹੁੰਚ ਜਾਵੇਗੀ। ਜੇਕਰ ਦਿੱਲੀ ਹਾਰਦੀ ਹੈ ਤਾਂ ਉਹ ਪਲੇਆਫ ਦੀ ਦੌੜ ਤੋਂ ਬਾਹਰ ਹੋ ਜਾਵੇਗੀ। (GT vs KKR)

ਲਖਨਊ ਕੋਲ ਟਾਪ-4 ’ਚ ਆਉਣ ਦਾ ਮੌਕਾ | GT vs KKR

ਲਖਨਊ ਸੁਪਰਜਾਇੰਟਸ ਦੇ 12 ਮੈਚਾਂ ’ਚ 6 ਜਿੱਤਾਂ ਤੇ 6 ਹਾਰਾਂ ਨਾਲ 12 ਅੰਕ ਹਨ। ਦਿੱਲੀ ਨੂੰ ਹਰਾ ਕੇ ਟੀਮ 14 ਅੰਕਾਂ ਨਾਲ 7ਵੇਂ ਤੋਂ 5ਵੇਂ ਸਥਾਨ ’ਤੇ ਪਹੁੰਚ ਜਾਵੇਗੀ। ਟੀਮ ਨੂੰ ਚੌਥੇ ਸਥਾਨ ’ਤੇ ਪਹੁੰਚਣ ਲਈ 100 ਤੋਂ ਜ਼ਿਆਦਾ ਦੌੜਾਂ ਦੇ ਫਰਕ ਨਾਲ ਜਿੱਤਣਾ ਜ਼ਰੂਰੀ ਹੈ। ਜੇਕਰ ਟੀਮ ਹਾਰ ਜਾਂਦੀ ਹੈ ਤਾਂ ਉਸ ਦੇ ਪਲੇਆਫ ’ਚ ਪਹੁੰਚਣ ਦੀ ਸੰਭਾਵਨਾ ਘੱਟ ਜਾਵੇਗੀ। (GT vs KKR)

ਕੇਕੇਆਰ ਪਹਿਲਾਂ ਹੀ ਕਰ ਚੁੱਕਿਆ ਹੈ ਕੁਆਲੀਫਾਈ | GT vs KKR

• ਮੈਚ ਦਾ ਸਮਾਂ ਸ਼ਾਮ 7:30 ਵਜੇ ਤੋਂ
• ਸੀਜ਼ਨ ’ਚ ਪਹਿਲੀ ਵਾਰ ਆਹਮੋ-ਸਾਹਮਣੇ ਹੋਣਗੀਆਂ ਦੋਵੇਂ ਟੀਮਾਂ

ਸਪੋਰਟਸ ਡੈਸਕ। ਇੰਡੀਅਨ ਪ੍ਰੀਮੀਅਰ ਲੀਗ (IPL) ਦਾ 63ਵਾਂ ਮੈਚ ਅੱਜ ਗੁਜਰਾਤ ਟਾਈਂਟਸ ਤੇ ਕੇਕੇਆਰ ਵਿਚਕਾਰ ਖੇਡਿਆ ਜਾਵੇਗਾ। ਇਹ ਮੈਚ ਗੁਜਰਾਤ ਦੇ ਘਰੇਲੂ ਮੈਦਾਨ ਨਰਿੰਦਰ ਮੋਦੀ ਸਟੇਡੀਅਮ ’ਚ ਸ਼ਾਮ 7:30 ਵਜੇ ਤੋਂ ਸ਼ੁਰੂ ਹੋਵੇਗਾ। ਟਾਸ ਅੱਧਾ ਘੰਟਾ ਪਹਿਲਾਂ ਭਾਵ 7 ਵਜੇ ਹੋਵੇਗਾ। ਦੋਵੇਂ ਟੀਮਾਂ ਇਸ ਸੀਜ਼ਨ ’ਚ ਪਹਿਲੀ ਵਾਰ ਆਹਮੋ-ਸਾਹਮਣੇ ਹੋਣਗੀਆਂ। ਗੁਜਰਾਤ ਤੇ ਕੇਕੇਆਰ ਦਾ ਇਹ ਸੀਜ਼ਨ ਦਾ ਇਹ 13ਵਾਂ ਮੈਚ ਰਹੇਗਾ। ਕੇਕੇਆਰ ਨੇ ਆਪਣੇ 12 ਮੈਚਾਂ ’ਚੋਂ 9 ਮੈਚਾਂ ’ਚ ਜਿੱਤ ਤੇ 3 ’ਚ ਹਾਰ ਮਿਲੀ ਹੈ। ਜਿਸ ਕਰਕੇ ਟੀਮ ਅੰਕ ਸੂਚੀ ’ਚ ਸਿਖਰ ’ਤੇ ਹੈ। ਕੇਕੇਆਰ ਇਸ ਸੀਜ਼ਨ ’ਚ ਪਹਿਲੀ ਟੀਮ ਹੈ ਜਿਹੜੀ ਪਲੇਆਫ ਲਈ ਕੁਆਲੀਫਾਈ ਕਰ ਚੁੱਕੀ ਹੈ। ਉੱਧਰ ਜੇਕਰ ਗੁਜਰਾਤ ਦੀ ਗੱਲ ਕਰੀਏ ਤਾਂ ਟੀਮ ਨੇ ਇਸ ਸੀਜ਼ਨ ’ਚ 12 ’ਚੋਂ 5 ਮੈਚਾਂ ’ਚ ਜਿੱਤ ਤੇ 7 ’ਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਟੀਮ ਨੂੰ ਪਲੇਆਫ ’ਚ ਬਣੇ ਰਹਿਣ ਲਈ ਅੱਜ ਵਾਲੇ ਮੈਚ ’ਚ ਜਿੱਤ ਜ਼ਰੂਰੀ ਹੈ। (GT vs KKR)

ਇਹ ਵੀ ਪੜ੍ਹੋ : Walk and Exercise in Summer: ਗਰਮੀਆਂ ’ਚ ਸਵੇਰੇ ਕਿੰਨੀ ਦੇਰ ਤੱਕ ਕਰਨੀ ਚਾਹੀਦੀ ਹੈ ਸੈਰ? ਇੱਥੇ ਜਾਣੋ ਸਹੀ ਤਰੀਕਾ

ਚੌਥੀ ਵਾਰ ਆਹਮੋ-ਸਾਹਮਣੇ ਹੋਣਗੀਆਂ ਟੀਮਾਂ | GT vs KKR

ਦੋਵੇਂ ਟੀਮਾਂ ਆਈਪੀਐੱਲ ’ਚ ਚੌਥੀ ਵਾਰ ਆਹਮੋ-ਸਾਹਮਣੇ ਹੋਣਗੀਆਂ। ਇਸ ਤੋਂ ਪਹਿਲਾਂ ਦੋਵਾਂ ਟੀਮਾਂ ’ਚ 3 ਮੁਕਾਬਲੇ ਖੇਡੇ ਗਏ ਹਨ, ਜਿਸ ਵਿੱਚੋਂ 2 ਗੁਜਰਾਤ ਨੇ ਜਿੱਤੇ ਹਨ ਜਦਕਿ ਕੇਕੇਆਰ ਨੇ ਸਿਰਫ ਇੱਕ ਹੀ ਮੈਚ ’ਚ ਜਿੱਤ ਹਾਸਲ ਕੀਤੀ ਹੈ। ਅੱਜ ਵਾਲੇ ਮੈਦਾਨ ’ਤੇ ਟੀਮਾਂ ਇੱਕ ਵਾਰ ਆਹਮੋ-ਸਾਹਮਣੇ ਹੋਈਆਂ ਹਨ, ਜਿਸ ਵਿੱਚ ਕੇਕੇਆਰ ਨੇ ਗੁਜਰਾਤ ਨੂੰ 3 ਵਿਕਟਾਂ ਨਾਲ ਹਰਾਇਆ ਸੀ।

ਅਹਿਮਦਾਬਾਦ ਦੀ ਪਿੱਚ ਰਿਪੋਰਟ | GT vs KKR

ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ਦੀ ਪਿੱਚ ਬੱਲੇਬਾਜ਼ੀ ਲਈ ਵਧੀਆ ਮੰਨੀ ਜਾਂਦੀ ਹੈ। ਇੱਥੇ ਅੱਜ ਤੱਕ ਆਈਪੀਐੱਲ ਦੇ ਕੁੱਲ 33 ਮੈਚ ਖੇਡੇ ਗਏ ਹਨ। 15 ਮੈਚਾਂ ’ਚ ਪਹਿਲਾਂ ਬੱਲੇਬਾਜ਼ੀ ਕਰਨ ਵਾਲੀ ਟੀਮ ਜਿੱਤੀ ਹੈ, ਜਦਕਿ ਬਾਅਦ ’ਚ ਬੱਲੇਬਾਜ਼ੀ ਟੀਮ ਨੇ ਇਸ ਮੈਦਾਨ ’ਤੇ 18 ਮੈਚਾਂ ’ਚ ਜਿੱਤ ਹਾਸਲ ਕੀਤੀ ਹੈ। ਇੱਥੋਂ ਦਾ ਸਭ ਤੋਂ ਜ਼ਿਆਦਾ ਦੌੜਾਂ ਦਾ ਸਕੋਰ 233/3 ਦਾ ਹੈ, ਜਿਹੜਾ ਗੁਜਰਾਤ ਨੇ ਪਿਛਲੇ ਸੀਜ਼ਨ ’ਚ ਮੁੰਬਈ ਖਿਲਾਫ ਬਣਾਇਆ ਸੀ। (GT vs KKR)

ਮੌਸਮ ਸਬੰਧੀ ਜਾਣਕਾਰੀ | GT vs KKR

ਅਹਿਮਦਾਬਾਦ ’ਚ ਅੱਜ ਦਾ ਮੌਸਮ ਕਾਫੀ ਗਰਮ ਰਹੇਗਾ। ਇੱਥੇ ਧੁੱਪ ਵੀ ਕਾਫੀ ਤੇਜ ਰਹੇਗੀ। ਅਹਿਮਦਾਬਾਦ ’ਚ ਮੀਂਹ ਦੀ ਸੰਭਾਵਨਾ 25 ਫੀਸਦੀ ਦਾ ਹੈ। ਮੈਚ ਵਾਲੇ ਦਿਨ ਇੱਥੋਂ ਦਾ ਤਾਪਮਾਨ 29 ਡਿਗਰੀ ਤੋਂ ਲੈ ਕੇ 40 ਡਿਗਰੀ ਸੈਲਸੀਅਸ ਤੱਕ ਰਹਿ ਸਕਦਾ ਹੈ।

ਦੋਵਾਂ ਟੀਮਾਂ ਦੀ ਸੰਭਾਵਿਤ ਪਲੇਇੰਗ-11 | GT vs KKR

ਗੁਜਰਾਤ ਟਾਇਟਨਸ : ਸ਼ੁਭਮਨ ਗਿੱਲ (ਕਪਤਾਨ), ਸਾਈ ਸੁਦਰਸ਼ਨ, ਡੇਵਿਡ ਮਿਲਰ, ਸ਼ਾਹਰੁਖ ਖਾਨ, ਮੈਥਿਊ ਵੇਡ (ਵਿਕਟਕੀਪਰ), ਰਾਹੁਲ ਤਿਵਾਤੀਆ, ਰਾਸ਼ਿਦ ਖਾਨ, ਨੂਰ ਅਹਿਮਦ, ਉਮੇਸ਼ ਯਾਦਵ, ਮੋਹਿਤ ਸ਼ਰਮਾ ਤੇ ਕਾਰਤਿਕ ਤਿਆਗੀ।

ਇਮਪੈਕਟ ਪਲੇਅਰ : ਸੰਦੀਪ ਵਾਰੀਅਰ।

ਕੋਲਕਾਤਾ ਨਾਈਟ ਰਾਈਡਰਜ਼ : ਸ਼੍ਰੇਅਸ ਅਈਅਰ (ਕਪਤਾਨ), ਫਿਲ ਸਾਲਟ (ਵਿਕਟਕੀਪਰ), ਸੁਨੀਲ ਨਰਾਇਣ, ਵੈਂਕਟੇਸ਼ ਅਈਅਰ, ਨਿਤੀਸ਼ ਰਾਣਾ, ਰਿੰਕੂ ਸਿੰਘ, ਆਂਦਰੇ ਰਸਲ, ਰਮਨਦੀਪ ਸਿੰਘ, ਮਿਸ਼ੇਲ ਸਟਾਰਕ, ਵਰੁਣ ਚੱਕਰਵਰਤੀ ਤੇ ਹਰਸ਼ਿਤ ਰਾਣਾ।

ਇਮਪੈਕਟ ਪਲੇਅਰ : ਵੈਭਵ ਅਰੋੜਾ। (GT vs KKR)

ਰਾਜਸਥਾਨ ਨੇ ਚੇਨਈ ਨੂੰ ਦਿੱਤਾ 142 ਦੌੜਾਂ ਦਾ ਟੀਚਾ  |CSK vs RR

• ਚੇਨਈ ਦੇ ਗੇਂਦਬਾਜ਼ਾਂ ਨੇ ਕੀਤੀ ਕਸੀ ਹੋਈ ਗੇਂਦਬਾਜ਼ੀ

ਸਪੋਰਟਸ ਡੈਸਕ। ਇੰਡੀਅਨ ਪ੍ਰੀਮੀਅਰ ਲੀਗ (IPL) ’ਚ ਦੋ ਮੈਚ ਖੇਡੇ ਜਾ ਰਹੇ ਹਨ। ਪਹਿਲੇ ਮੈਚ ’ਚ ਚੇਨਈ ਦਾ ਸਾਹਮਣਾ ਰਾਜਸਥਾਨ ਨਾਲ ਹੈ। ਜਿੱਥੇ ਰਾਜਸਥਾਨ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਆਪਣੇ 20 ਓਵਰਾਂ ’ਚ 141 ਦੌੜਾਂ ਦਾ ਸਕੋਰ ਬਣਾਇਆ ਹੈ। ਹੁਣ ਚੇਨਈ ਨੂੰ ਇਹ ਮੈਚ ਜਿੱਤਣ ਲਈ 142 ਦੌੜਾਂ ਦੀ ਜ਼ਰੂਰਤ ਹੈ। ਰਾਜਸਥਾਨ ਨੂੰ ਪਲੇਆਫ ’ਚ ਪਹੁੰਚਣ ਲਈ ਇਹ ਮੈਚ ਜਿੱਤਣਾ ਜ਼ਰੂਰੀ ਹੈ, ਤੇ ਪਲੇਆਫ ’ਚ ਬਣੇ ਰਹਿਣ ਲਈ ਚੇਨਈ ਨੂੰ ਵੀ ਇਹ ਮੈਚ ਜਿੱਤਣਾ ਜ਼ਰੂਰੀ ਹੈ, ਕਿਉਂਕਿ ਚੇਨਈ ਨੂੰ ਪਿਛਲੇ ਮੈਚ ’ਚ ਗੁਜਰਾਤ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। (CSK vs RR)

ਇਹ ਵੀ ਪੜ੍ਹੋ : RCB vs DC: IPL ’ਚ ਅੱਜ ਬੈਂਗਲੁਰੂ ਬਨਾਮ ਦਿੱਲੀ, ਦੋਵਾਂ ਟੀਮਾਂ ਦੀਆਂ ਪਲੇਆਫ ਉਮੀਦਾਂ ਦਾਅ ’ਤੇ

ਰਾਜਸਥਾਨ ਵੱਲੋਂ ਰਿਆਨ ਪਰਾਗ ਨੇ ਸਭ ਤੋਂ ਜ਼ਿਆਦਾ 46 ਦੌੜਾਂ ਬਣਾਇਆਂ ਤੇ ਨਾਬਾਦ ਪਵੇਲੀਅਨ ਵਾਪਸ ਪਰਤੇ। ਇਸ ਤੋਂ ਇਲਾਵਾ ਰਾਜਸਥਨ ਦਾ ਹੋਰ ਕੋਈ ਵੀ ਬੱਲੇਬਾਜ਼ ਵੱਡੀ ਪਾਰੀ ਨਹੀਂ ਖੇਡ ਸਕਿਆ। ਚੇਨਈ ਵੱਲੋਂ ਸਿਮਰਜੀਤ ਸਿੰਘ ਨੇ 3 ਵਿਕਟਾਂ ਹਾਸਲ ਕੀਤੀਆਂ, ਜਦਕਿ ਆਖਿਰੀ ਓਵਰ ’ਚ ਦੇਸ਼ਪਾਂਡੇ ਨੇ 2 ਵਿਕਟਾਂ ਹਾਸਲ ਕੀਤੀਆਂ। ਇਸ ਮੈਚ ’ਚ ਚੇਨਈ ਦੇ ਗੇਂਦਬਾਜ਼ਾਂ ਨੇ ਬਹੁਤ ਕਸੀ ਹੋਈ ਗੇਂਦਬਾਜ਼ੀ ਕੀਤੀ ਹੈ ਤੇ ਰਾਜਸਥਾਨ ਦੇ ਬੱਲੇਬਾਜ਼ਾਂ ਨੂੰ ਖੁੱਲ੍ਹ ਕੇ ਖੇਡਣ ਦਾ ਮੌਕਾ ਹੀ ਨਹੀਂ ਦਿੱਤਾ। ਆਈਪੀਐੱਲ ’ਚ ਅੱਜ ਦੂਜਾ ਮੈਚ ਬੈਂਗਲੁਰੂ ਤੇ ਦਿੱਲੀ ਵਿਚਕਾਰ ਸ਼ਾਮ 7:30 ਵਜੇ ਤੋਂ ਸ਼ੁਰੂ ਹੋਵੇਗਾ। (CSK vs RR)